منتديات غرام روايات غرام أرشيف الروايات المغلقة - لعدم إكتمالها ابشر زماني لك رفعت الايادي خلاص ما باقي من الحيل مهدود
انجال ©؛°¨غرامي مشارك¨°؛©

{ بيت ابو عبد الله : }
ام عبد الله: بنات يلا بنروح بيت عمكم بو فهد
نتحمد له بالسلامه ونبارك له الشهاده
بترحون معي؟؟؟
البنات :اكيد بنروح .. واجب علينا يمه نروح

الهنوف واااااااااااااااااااااي وربي بطير من الفرحه وناسه واخيرا رجع الغالي ,
نجلاء: اركدي يا بنت وش بلاك الولد ما يدري عن هواء دارك وانتي غايصه في عالمك
اسندت راسها على الكنبه اااااااااااااه يا نجلاء وربي ما عرفت الحب الا يوم عرفته مدري كيف اخليه يعرف اني احبه ..
نجلاء: اقولاسكتي والي يرحم اهلك تراكي وجعتي راسي
تحبين واحد هو مايدري عنك .. ومعيشه نفسك بوهم ماله اخر .. وبعدين وش فيه زود عن غيره يعني مافي بالدنيا رجا ل مزاين الا هو..
الهنوف: المهم انا ابيه واحبه


بيت ام نواف ::
خلود: جالسه بغرفتها رجعت راسها الى الوراء تذكر امها وابوها .
ااااااااااااه يا دنيا ليه تقسين علي كذا
ليه تقسين على من وفوا لك .؟
قلبه ينادي للفرح وانتي تصدين
تنهدت بالم..و سيل من الدموع اجتاح وجهها الملائكي
دق الباب مره ومرتين .
خلود: ادخل .
العنود: خوخه خالتي ام عبد العزيز تحت تعالي سلمي عليها .
خلود : طيب شوي وجايه .
انزلت خلود:وهي حامله بقلبها هموم ماتشيلها اجبااال
شافت الوجه الحنون و الحضن الدافي الي عوضها عن حنان امها
واللي ياما
احتواها واحتوا المها وحزانها مشت بهدوء لها قربت منها وضمتها بقوه وقامت تصيح .: خالتي انا تعباانه تعباانه
ام عبد العزيز: ضمتها وهي تمسح على راسها وتقراء عليها بسم الله عليك من التعب و شفيك يمه؟؟.
خلود:خالتي تعبت من كل شي القدر قااااسي علي
خالتي عمي يبي يذبحني
ام عبد العزيز: تهديها يمه خلود تعوذي من ابليس عمك خلاص ماراح يزوجك خولك اليوم راحو له وتكلمو معه وقتنع لا تسوي في نفسك كذا .
خلود: خالتي احلفي والله اقنع يعني ماراح اتزوج سعود ؟؟
ام عبد العزيز : لا مارح تتزوجين سعود انبسطي
ام نواف : والله يا خالتي كانت ذابحه نفسها لا اكل ولا شرب ربي يعطيكم العافيه .
ام عبد العزيز : هذا الغاليه بنت الغاليه .
خلود: قامت وضمت خالتها بقوه ربي ما يحرمني منكم .
ام عبد العزيز : ربي ما يحرمني ما اشوفك عروس ومتهنيه .
بعد ما راحت ام عبد العزيز :
خلود: ودي انام يوم كامل فيني فقر نوم
العنود: هههههههههههه بل بل يعني 12 ساعه والله كثير ههههههههههههههههههه
خلود : مو كثير تدرين لي ثلاث ايام ما نمت . العنود: الحين يعني خلاص ترجع خلود الاولى؟
خلود: هههههههههه على حسب الوضع .
راحت غرفتها وبدلت ملابسها وتمددت على السرير عسى يجيها النوم لها ثلاث ايام مضت ما شافت الراحه .تذكرت امها تجمعت الدموع في عيونها وغمضتهم لما نزلت دمعه حاره على خدها
تنهدت بحزن ليه الدنيا كذا
وظلت على هالحال لين غلبها النوم
{بيت ام عبد الله }
الهنوف: كانت جالسه على النت تفر في المنتديات
ما شافت شيئ كل المواضيع متكرره سكرت الجهاز وناظرت نجلا ء وشافتها غرقانه في النوم
تأ ففت من الملل
قررت انها تصحيها راحت لها نجلاء نجلا ءقومي
نجلاء: خير هنووويف خير وش بغتي ؟؟
الهنوف: جوجي قومي طفشت لوحدي
نجلاء: اقول وخري عني على بالي عندك شيئ
الهنوف : نجووول وربي ملل جلسي سولفي معي.
نجلاء: وربي انتي الطفش نفسه وخري عني بس
ام عبدالله: وش فيكم صراخكم واصل للجيران؟؟
نجلا ء : بنتك هذي مصحيتني من النوم تقول طفشانه.
ام عبد الله : يلا قومو اليوم بنروح بيت عمكم نتحمد السلامه لتركي .
الهنوف : وهي فرحانه والله يمه
ام عبد الله :اكيد اجل اكذب عليكم.
نجلاء: يمه في احد هناك او بس حنا ؟؟
ام عبد الله: مدري يمكن عيال عمانكم او عمتك هناك المهم تجهزو يلا وطلعت وسكرت الباب
بيت ابو خالد
نجلاء تصارخ على الهنووف يلا تاخرنا
الهنوف: يلا يلا جيت وش فيك مستعجله كذا؟
نجلاء: مرام تبي نمر عليها اليوم ماعندها احد يرجعها البيت
المهم ركبوا مع السواق وراحو عند مرام ياخذونها معهم
الهنوف: ساعه وحنا ننتظر حضرتك سواقين عندك حنا؟
مرام :ساكته كان نفسها تقووم وتعطي هالمغروره كف بس امسكت نفسها.
الهنوف: هي انتي انااكلمك,
مرام:اقول انطمي لا توطئ في بطنك الحين ترى ماني رايقه لك
تعباانه وواصله حدي
الهنوف: تتاخرين وبعد تطولين السانك
نجلاء: تضرب الهنوف على رجلها يعني اسكتي ذلتي البنت بها التوصيله
الهنوف: وجع في عينك لا تضربني نجلاء: خبله وش اقول بعد

ام خالد: هامرام حبيبتي من جتي معه اليوم ؟؟
مرام: مع بنات عمي ابو عبد الله بس هذي اخر مره ارجع معهم,
ام خالد:ليه يمه وش فيك معهم؟؟
مرام: ذلتني هالزفته بها التوصيله
ام خالد: مين؟؟
مرام : من غيرها الهنوف
ام خالد: وين اخوك ايهاب ما اشوفه ماراح المدرسه اليوم؟؟
مرام:ماراح اليوم يمه ولدك يبي تكسير راس دووم يتأخر وياخرني معه خلاص خلو ابوي او خالد يوصله و السواق يوصلني انا
ام خالد: وترجعين مع السواق لحالك؟
لا ابوك ولا اخوك ما يرضون
مرام: وهو حارس الي من يركب السياره وهو نايم ما يدري وين الله حاطه

ام خالد: يقال انه محرم معك
طيب هو وينه الحين
مرام: والله مدري بس ابوي برجعه معه
ام خالد: الله يحفظه ولدي الحين في هالحر متى ابو يخلص اجتماعه ويروح يرجعه.بينهلك
مرام:يمه ترى حتى انا بنتك ترى انا اغااار
ام خالد: هههههههههههه الله يقطع ابليسك والله كلكم غالين عندي
يلا خلني اقوم اجهز الغداءالحين يجي ابوك واخوانك.......
مرام:طيب وانا باخذ لي شور وانزل
خالد: السلام عليكم ورحمة الله
ابو خالد: ياهلا والله وعليكم السلام هلا بولد ي الغالي هلا شخبارك
خالد:وهو يحب رأس ابوه
المهلي ما يولي يالغالي انا بشوفتك تمام كيفك انت..
ابو خالد:بخير بشوفتك خالد:: دووم ياارب
ابو خالد: اقول بروح اريح واذا جهز الغداء نادني
خالد:خلاص اخذ راحتك يالغالي
خالد: يا اهل البيــت مافي احدهنا
نادى على امه على مرام ايهاب مافي فايده البيت هادئ...
قرر يروح غرفته ياخذ له شاور وينزل للغداء
ام خالد: دخلت على ابو خالد الغرفه
وين ايهاب ما رجع معك؟
ابو خالد: لا محد رجعه؟
ام خالد: ومن يرجعه انت وخالد ما اتهميتو فيه والسواق انت ماخذه من الصبح من يرجعه؟؟
ابو خالد: لا حول ولا قوة الا بالله
شووفي خالد يروح يجيب اخوه

ام خالد: خالد
خالد:ياهلاوالله بالغاليه توه مانورة الغرفه
ام خالد::هلا فيك حبيبي منوره بو جودك
خالد:وحشتني يالغاليه
ام خالد: الحين انت وابوك محد منكم مر اخذ ايهاب من المدرسه
خالد:اوووه نسيت والله الحين اروح اجيبه
ام خالد: لا والله بدري
طلع خالد من الباب الا وصل ايهاب مع واحد من اخويه
خالد:توني بجيك بس الحمد لله وصلت سالم.

اتمنى اشووف ردوكم


انجال ©؛°¨غرامي مشارك¨°؛©

السلام عليكم

تصدقون انتم حطمتوني بدل ما تشجعوني حررررررام وش كثر الحضوروالردود ما فيه


غلاالشرقية ©؛°¨غرامي جديد¨°؛©

بدية رائعه ونبي باقي الروايه

همسات وردة ©؛°¨غرامي فضي¨°؛©

3 / إغلاق المواضيع :
تُغلق الرواية في حال طلب صاحبـ / ـة الموضوع الأصلي ‘ تأخره ‘ توقفه ‘ تجاوزات في الردود
تُغلق الروايات حين تأخر الكاتبة لـ أكثر من 10 أيام و تُفتح في حال جاهزية الأجزاء و يتم مراسلة المُشرفة أو مراقبة القسم لـ ذلك
تغلق الروايه


أدوات الموضوع البحث بهذا الموضوع
البحث بهذا الموضوع:

بحث متقدم
طريقة العرض

موقع و منتديات غرام موقع سعودي خليجي عربي يحترم كافة الطوائف والأديان ومختلف الجنسيات
جميع الحقوق محفوظة منتديات غرام
iTraidnt by ROMYO
جميع الحقوق محفوظة منتديات غرام
iTraidnt by ROMYO

SEO by vBSEO 3.6.1