اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام

عـودة للخلف   منتديات غرام > منتديات روائية > روايات كامله - يتم نقل الرواية هنا بعد اكتمالها
الإشعارات
 
أدوات الموضوع طريقة العرض
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 11
قديم(ـة) 17-08-2009, 11:35 PM
صورة يهزها الشوق الرمزية
يهزها الشوق يهزها الشوق غير متصل
©؛°¨غرامي فعال ¨°؛©
 
الافتراضي رد: رواية إذا أنتثر دمع عينك / بقلمي تفضلوا




~| البــآرت الثآني |~

عند رهف وملاك وروان وسارة بالممر ...

رهف : ملآك يلا نرجع المجلس تعبت شوي
ملاك تتكلم بطريقة بدوية: والله راين سديد
روان : ترا مايلييق عليج
ملاك ولا كأن روان تكلمها : يلا رهف مشينا
رهف : يلا .. دقيقة .. روان سارة بتجون ؟
روان توها بتقول إي بس سارة سحبتها : لا بتجلس معاي شوي .. صح روان ؟
روان وكأنها قرت أفكار سارة : إي بنجلس شوي بعدين بنجي
رهف : براحتكم .. ملاك يلا
ملاك : لا والله .. لي سنة وأنا أنبح كأني كلب أقول يلا .. توك تحسين
رهف : هههههههههه لا مكرمة امشي بس امشي ههههههه
راحوا رهف وملاك ..
سارة : يالذكية نسيتي خطتنا
روان : لالا مانسيت .. نسويها الحين ؟؟
سارة تتلفت يمين وشمال كأنها مجرمة : إمممم أي مدام الفرصة جات
روان : أوكي
سارة : إممم عطيني أول خيط الصنارة
روان : ماتحسين أن المقلب مثل توم وجيري هههههه
سارة : هههههه تخيلي اشكالهم
روان وسارة ناظروا بعض وضحكوا : ههههههههه
سارة : ههه خلاص بلا ضحك أنا بربط الخيط على هذا العامود الي باليسار وأنتي مسكي الطرف الثاني على الجهة الثانية من الممر الي هي اليمين
روان : ههههه أوكي أوكي
سارة راحت اربطت خيط الصنارة بالعامود الي باليسار : خلاص خلصت
روان : وبعدين ياقلبي شنو أسوي أربط الطرف الثاني في العامود الي باليمين
سارة : لاااااااااااااااا ياحظي أنتي الحين تحطين الخيط في جهة اليمين وترخينه وتخلينه على الأرض بس إذا مر ياسروه ولا تركيووه تروحين من ورا العامود وتشديته ويطيحون
روان : ههههه قلت لج حركات توم و جيري ماصدقتيني
سارة : سكتي يرحم والدينج
ضبطوا روان وسارة المقلب وخلوا الخيط مايبين لأنهم حطوا عليه رمل
بعد ماخلصوا بخمس دقايق رن جرس الباب ومر ياسر جنبهم عشان يوصل يفتح الباب
وكانت نظراتهم لبعض تحمل وعيد وأصلا اي أحد يكون جنبهم بيحس أن الجو متكهرب بينهم
روان تكلم سارة بعد مامر ياسر : تعالي متى نسوي المقلب .. ؟؟
سارة تناظر ياسر : إمم خلاص الحين بس خليه يرجع
روان تحمست : أخييييييييييييراً
سارة : خلاص الحين أحنا بنوقف هنا كأن أحنا نسولف وننتظره عشان يمر
روان : أي خلاص
************************
عند ياسر عند الباب

فتح ياسر الباب : هلااااااااااااااااااا وغلااااااا اقلطوا اقلطوا
فارس يدخل : ما أخبرك يا ياسروه تعرف ترحب
ياسر : خخخ اسكت فضحتنا انا أرحب بيوسف وتركي والأهم خالي ياحظي

****************************
أعرفكم على عايلة عبدالرحمن (بويوسف)

عبدالرحمن (بويوسف ) : اخو بوفارس و بومشاري وام فيصل وام أحمد يمتلك شركة توها في بدايتها وهي لحد الحين تدعمها شركة بوفارس لمن تصير قوية

هيا (أم يوسف ) : زوجة عبدالرحمن مثلها مثل اي ام يعني حنونة وطيبة

يوسف : الولد الكبــير عمره 18 سنة بثالث ثنوي\علمي بنفس فصل فارس هالولد فيه حركات مغازلجية اسمر عيونه عسليات غامقة ناعسة خشمه صغير وحلو جميييل بالمرررة

تركي : عمره 15 سنة بثالث متوسط فيه شبه من أخوه يوسف بس يوسف احلى منه ، هالولد نفس ياسر مايشتهي الدراسة بالمرة وعليه حركات نذاااله تقهر على قولتهم احر ماعنك أبرد ماعنده

*******************************
تركي : هلا
ياسر : هلا وغلا أخيرا جيت
تركي : كان فارس جاي يمر على يوسف وبيتركوني بس انا حنيت على ابوي ولحقنا فارس بسيارة ابوي
ياسر : زين مازين
يوسف : شنو ناوين عليه هالمرة ها ؟
ياسر : يوسف لو سمحت خل عنك اللقافة أزين لك
بويوسف : خلاص لا حد يسوي مقلب او اي شي اعقلوا فاهمين
تركي : يبه يصير خير
ومشوا وهو يمشون قربوا من سارة وروان
ياسر : خير شنو موقفكم هنا
سارة عرفت صوته ولفت عليه : والله أعتقد يا اخ ياسر ..... هلاااا عمي أخبارك أحوالك إن شالله بخير
بويوسف : هلا وغلا سارة شجيبك هنا
سارة حبت تستهبل : حماري الأسود
روان انغزتها بظهرها : وجع وخري خلينا نسلم
سارة : ضفي وجهك لا بالنعال في فمك كأنها ساندويش
يوسف : أحم نحن هنـــا
روان و سارة لفوا على يوسف : نـــــــــعم
فارس :عن حركات المبزرة
يوسف : وين عماتي وعمامي
ياسر : هناك بالمبنى ماسكين أرضهم مو مثل ( وناظر روان وسارة )
طبعا عبدالرحمن (بويوسف) راح داخل
روان عرفت وش يقصد كانت جنبها كوره خذتها بيدها ورمتها على ياسر بس ياسر وخر بسرعة وللأسف ماجاته بس جات في بطن يوسف الي كان وراه
يوسف : أآآييييييييييييييييييييييي وجع
ياسر مسوي نفسه معصب : شفتي شنو سويتي بالولد
روان تفشلت بس تكابر : ماسويت شي أنت الي وخرت
فارس مل من الي يصير مسك يد سارة ويمشي : خلوني اقطع نزاع القوم قبل لاتصير حرب .. روان يلا قدامي
يوسف يمشي جنب فارس : خخخخ أهي الحرب قايمة من زمااان
ياسر : حمدوا ربكم فارس أخذكم
التفت سارة وناظرته نظرات استفزازية ومدت لسانها
ياسر رما عليها الكورة : وجع يوجعك احترميني على الأقل قدام الناس
سارة ماعطته وجه و روان لفت شافت تركي وياسر يتساسرون لفت على سارة وانتبهت لها سارة وعطتها الأشارة أنها تتخبى ورا العامود

سارة فلتت يدها من يد فارس بسرعة وقامت هي و روان يمشون على السريع أشبه بالركض : يلا باي
فارس ارتاع شوي: بسم الله الرحمن الرحيم
تقدم تركي وياسر صاروا قدام يوسف وفارس بالضبط

ياسر يكلم فارس : شفت أختك أكيد مسوية شي مع روانوه
يوسف : يعني شنو بيسون مثلا .. الحمدلله والشكر امش وانت ساكت

روان تخبت ورا العامود وسارة صارت بالممر ومشغلة الكاميرا فديو تصور ياسر وتركي ويوسف وفارس وهم يجون

يوم قربوا تركي و ياسر من الخيط شدته روان واصفعوا ذيك الصفعة : آآآآآآآآآآآآآآآآآآآآآخ
طلعت روان من ورا بصوت عالي : واحد صفر هوووو
سارة من شدة الضحك انحنت لقدام وعيونها دمعت : هههههههههههههههههههههه تحـــــــــــــــفة هههههههههههههههه
روان مبتسمة ابتسامة نصر: أهم شي صورتيهم
سارة ترفع يدها الي ماسكة فيها الكاميرا : أيه هههههههههههه
يوسف ابتسم : ههه فشلتونا يهزموكم بنات
فارس يحاول يمسك ضحكته: ننتظر المقلب الثاني .. سارة روان روحي لا تموتون الحين
ياسر عيونه شوي وتطلع منها الشرارات : ياحمارة صبر
تركي نفس الشي قام ويقوم ياسر : انت امسك سارووه وانا روانوه
سارة وروان من سمعوهم ماعاد ينشاف منهم شي إلا غبارهم راحوا دخلوا المجلس
يوسف : هــــــي أنتوا استحوا على وجيهكم اهم بنات شنو تمسكونهم
ياسر وهو لحد الحين وجهه أحمر من التعصب : أنت خل يصير لك الي صار لنا بعدين تكلم
تركي يفكر وهو معصب : لقيتها يسوور لقيتها
فارس مسكه من كتفه : شنو بتسون إياني وياك تلمس اختى فاهم
ياسر شال يد فارس عن تركي ومسك تركي ومشوا داخل الزرع
يوسف : امش ماعليك منهم خلنا بس نتفرج خخ
فارس : اقولك ماعقلت عن حركاتك المغازلجية
يوسف : يازينك وأنت ساكت
ومشوا على جهة مبنى الشباب

********************************
عند روان وسارة بالمجلس ..

اول مادخلوا اشكالهم كانت مثيرة للريـبة فقامت ملاك : شفيكم تكلموا
روان وسارة ماردوا يلهثون من الركض
ملاك شافت أثر دموع سارة : احد ضربك صار شي
قاموا البنات صاروا مثل الدائرة حولينهم
رهف : روان شنو صار تكلمي
دانيا : انتظروا يلهثون خلوهم يرتاحون بعدين نشوف شالسالفة
دانة : اي انا عرفت اكيد مسوين مقلب من مقالبهم ومنحاشين صح ؟
فجأة روان وسارة ناظروا بعض وضحكوا : ههههههههههههههههههههه
مسك : لا حوووول بتتكلمون ولا شلوون
سارة مدت الكاميرا لهم وهي تمسح دموعها من الضحك
خذت مسك الكاميرا وشغلتها : بنااااااااااااااااات لحقوووا لحقوا شوفوا شنو مسوين
البنات بأقل من غمضة عين التفوا حول مسك
مسك : بسم الله الرحمن الرحيم جن مو أنس
ملاك : سكتي وعيدي الفديو من جديد
مسك : طيب دقايق بس ( وتروح تشبك الكاميرا بالتلفزيون وتشغل الفديو )
البنات جلسوا يشوفون الفديو شافوا فارس ويوسف وقدامهم ياسر وتركي فانقزت عليهم سارة : مو فروس حلو يجنن خقاق
رهف : أي درينا بس شنو يضحك في هالفديو
روان : شوفوا وانتوا ساكتين
البنات شافوا ياسر وتركي يصفعون على وجيهم وهم معصبين ... إلخ
دانيا : عاد سارة روان ما كأنكم مضختوها
دانة : أي مساكين كسروا خاطري زين ماتكسروا
سارة : لاتخافين عليهم قطاوة بو سبع ارواح
مسك : أقول أنتبهوا على روحكم زين شكلهم بيردونها لكم بقوة
روان : نشوف
إلا تدخل أم فارس : مسك ولا سارة وحدة منكم تقوم تمسك أسول مو عارفة اشتغل
سارة رفعت يدها : ادري مافي مفر أنا بمسكها
خذت أسيل اختها وجلست تلعبها داخل المجلس
********************************************
عند الشباب ...

مشاري : هلا والله
يوسف : هلا وغلا .. غريبة وين ريان عنك
مشاري : لا بس راح يجيب سبرايز وبيرجع
فارس : سبرايز !!! شنو هالسبرايز
مشاري : والله علمي علمك بس أهو قال شخص بيفاجأنا فيه
فارس : أهآآآ
مشاري : أييي صح نسيت مبرووووك مبرووك على السيارة الجديدة
فارس ابتسم : الله يبارك فيك ويهنيك ويبقيك ويعرسك مممم والله نسيت الباقي
مشاري : بس بس بس انا ما أصدق أن ابوي يسكر موضوع العرس وأنت تفتحه .. وأنت من متى تقول هالكلام
فارس : لا أبد تعلمت من سارة
مشاري : المهم .. ها يوسف لحد الحين على حركاتك ولا
يوسف : كح كـح ذبحتوني كل ساعة تسألوني
مشاري : لا بس منقهر أبوي خلاني أنقطع عن المغازل تخيل مايخليني أطلع بعد الساعة وحدة ينقالي بنت ولا يشيك على جوالي يخاف أني أرقم خخخ
يوسف يحك سكسوكته السودا : إممم والله أنا ما ارقم حدي بس اقز يعني ما أتوقع اني انقطع خخخ
فارس : أبغى أعرف شنو الشي الي يغليكم تنبسطوا وأنتوا تغازلوا ؟
مشاري : تسلية
يوسف : تقضية وقت
مشاري : وتحس مدى غباء هالبنات الي أهلهم مايدرون عن هوا دارهم
يوسف : صح وسذاجتهم مايصدقون على الله إلا وهم قاطين نفسهم على الولد
مشاري : إي ومن تقول لها احبك تسبك وتقول لها مرة ثانية احبك صدقتك خخخ
يوسف : أي والله والمشكلة فيه بنات فاصخين الحيا كله تخيل قبل كم يوم كنت بالمجمع تجي وحدة وترقمني تخيل
مشاري : هههه حلوة وعسا خذت رقمها
يوسف : لالالا أنا ما اشتهي البنات الي يقطون نفسهم علي
مشاري : اجل لو كان معاك فويرس كان ذابت
فارس : خلاص خلاص سكروا هالسالفة لوعتوا كبدي والله تضيعون وقتكم على الفاضي
يوسف : تعرف قلت لك كم مرة يازينك وأنت ساكت يانيوتن
مشاري : الحين أنت يالثاني مسوي فيها فاهم شنو دخل نيوتن بالسالفة
يوسف : لا أبد سلامتك أبين لكم أني فاهم الدنيا غلط
*********************************
عند البنات ...
روان مسيحة ( يعني شبه منسدحة ) نفسها على الجلسة العربية وتتكلم بصوت ماليه الملل : بناااااااااااااااااات ملل يرحكم أمكم وابوكم وجدكم خالكم والي خلفوكم سوو اي شي تراني مليت
ملاك : بس بس كسرتي خاطري إمم خليني افكر شوي
مسك : صحيح ترى الوضع صار ممل
رهف : بس لقيتها
انقزوا حولينها سارة وملاك ومسك ودانة ودانيا
رهف : بسم الله .. المهم فكرتي بس حق الي في الطعشات (تقصد بس الي عمرهم تحت العشرين )
دانيا : اقول تكلمي يلا
سارة وهي ماسكة أسيل : يلا ولعينا
ملاك : ياذكية الناس يقولون نورينا
روان : عاد الي أهو ولعينا نورينا كلهم بيشتغلون
رهف : اسمعوا نسوي سباق ركض من بداية الممر لمن الباب الرئيسي
روان : بس هذا هو ومسوية إزعاج ورجة على فكرة زي خشتك
سارة : انا عندي إضافة عشان يصير السباق أحسن ..الي تفوز تطلب من البنات اي شي تبيه
روان : وأنا عندي إضافة اكثر حماس إذا صار فيه تعادل مافيه جائزة
مسك : هذي الفكرة ولا بلاش تسلمين والله يا سوسو ويا روان
رهف : خير خير أنا صاحبة الفكرة
ملاك : ببس أهم عدلوها .. ويلا نقطينا بسكوتك وامشي نسوي السباق
طلعوا كل البنات برا جهة الممر
دانيا : أنا بكون الحكم
البنات : أوكي
رهف : بس دقيقة شلون الشباب يشوفونا
روان وهي ترسم خط على الأرض : لا عآدي مبتى الشباب ورى يعني مايشوفون شي
دانيا : أنا الحين بروح للباب الرئيسي الي بنهاية الممر والي توصل اهي الفايزة
سارة تنزل أسيل اختها : دانيا اخذي أسول معاك
دانيا : يلا اسول
وراحت دانيا عند الباب الرئيسي
صفوا البنات وكل وحدة رفعت عبايتها الكتف لخصرها وفصخت نعالها
مسك : الحين بنشوف من راح تفوز وتطلب الي تبي
ملاك تناظر قدام : اسكتي
دانيا من بعيد : ون تو ثري Goooo
وبدا الركض بقوة
طبعا كانت ملاك بالمقدمة وبعدها تجي روان والثالثة سارة والرابعة مسك وتجي بعد مسك رهف وأخر وحدة دانة
ومع الركض نزلت عباية رهف فوقفت عن الركض تعدلها ومسك تعبت فوقفت تاخذ نفس
مسك وهي تلهث : وقفي وقفي لاتقطعين عمرك بتخسرين
دانة : أوووووه والله مو سهلين
رهف تصارخ : روااااااااااان رواااااااااااان هوووو هووو
مسك : عشانها أختك تشجعينها ها .. ساااارة ساااااااارة هووو هووووو
دانة : هههههه الحمدلله والشكر بس .. ملاااااااااااااااااااااااااااااك ملااااااااااك هووو هووو
رهف ومسك لفوا عليها : اي توك تقولين الحمدلله والشكر ها
أما عند ملاك و روان وسارة .. روان تعثرت بحصى في الممر لكنها ماطاحت
حسوا فيها ملاك و سارة : هههههههههههه
وصار السباق حامي و وصلوا ملاك وسارة بنفس الوقت وضربوا بكتفهم بقوة بالباب الرئيسي
روان : لا مايصير غش أنا كانت قدامي حصى
ملاك : دانيا من الي فازت ها ؟
دانيا : إممم أنتي وسارة متعادلتين لأنكم وصلتوا بنفس الوقت
روان : يعني مافي جائزة
ملاك تلهث : انطمي
إلا جرس الباب يدق
سارة : أكيييد هذا أبوي لانه راح يشتري ثلج من البقالة
ملاك وسارة بسرعة يروحون عند الباب ويفتحونه وهم شاقين الحلج : ياهلا بهالطول ويامية هلا يا ... ( إلا ملاك وسارة يسكرون الباب بأقوى ماعندهم ويتسندون عليه )
رهف : وجع وجع ليه سكرتوه
ملاك : مو خالي بو فارس
سارة : واحد غريب
طبعا بنفس اللحظة الي فتحوا فيها ملاك وسارة الباب الي كان برا المزرعة كان ماسك جواله وحاط السماعات يسمع ويناظر جواله رفع عيونه عن الجوال يوم حس أن الباب اتسكر بقوة : بسم الله الرحمن الرحيم ليكون شايفين جني
ريان طلع من سيارته : بسم الله وش ذا من سكر الباب بهالقوة زين ماانكسر ( ويضغط الجرس )
الشخص الي مع ريان : بكسر لي اليوم طبق بيض كامل خخخ
ريان : ههههه
طبعا ماحد فتح الباب البنات من دروا أنه واحد غريب من كلام ملاك وسارة ارجعوا المجلس
جا ياسر يفتح الباب : زين زين دقيقة
ريان : وأخيرا أحد فتح سنة
ياسر يطالع بالشخص الي جاي مع ريان : ما عرفتنا عليه
ريان : بعدين .. الحين من الغبي الي صفع بالباب بهالقوة ليكون أنت مسوي فيها مقلب ؟
ياسر : لالالا من أنا ياشييييخ يمكن واحد من البزران
ريان مسك يد الشخص الي معاه ويمشي : تعال تعال
الشخص : طيب شنو فيك تجرني كأني بزر هههه
ريان : أيه بزر وأمش يلا ( ويطلع جواله من جيبه ويتصل على مشاري )
مشاري : هلا وغلا بالحبيب
ريان : هلا بك .. اقول قل لأبوي وأبوك وخالي بوفارس والي معك يجون عند مبنى الحريم
مشاري : لييه
ريان : مشاري يله قلهم وتعال
مشاري : طيب طيب
وصل ريان لمبنى الحريم وقام يصرخ : يمـــــــــه خالة هناادي
طلعوا أم فيصل وهنادي(أم أحمد) ومعاهم أم مشاري وأم فارس
اول ماشافت هنادي (أم احمد ) الشخص شهقت : سااااامي
وأم ريان لاتقل صدمتها عن أم أحمد راحت واحضته : هلا والله بولد الغالي هلا بك ياسامي الحمدلله على السلامة متى رجعتوا
ام أحمد شوي تبكي : ليه ما اتصلتوا وخليتونا نستقبلكم
سامي ارتبك بس ابتسم : والله يا عمة ريان قالي أخليها مفاجأة
جاو بوفارس وبومشاري وبوفيصل وبو أحمد وبو يوسف ومشاري وفارس ويوسف
بوفارس وبومشاري وبوفيصل وبو أحمد وبويوسف سلموا على سامي سلام حار
أما مشاري وفارس ويوسف وياسر وتركي على روسهم علامة استفهام يحسون أنهم شايفينه بس مايذكرون
*************************
عند البنات بالمجلس ..
مسك تطل من النافذة الي في المجلس : بناااات بنااات لحقوا في واحد يسلمون عليه
انقزوا كل البنات على جهة النافذة قالت ملاك : سارة مو هذا الي كان على الباب
سارة : إي هذا هو
دانة : احس شايفته من قبل بس ما أذكر
رهف : أي والله حتى أنا
دانيا ضربت جبهتها : أييييييي عرفته عرفته
روان : من هو ؟
دانيا : هذا ولد خالي خااالد وأعتقد أن اسمه سامي
مسك : إي تقصدين عمي خالد الي توفى في بريطانيا
البنات : الله يرحمه
سارة : بصراحة ولد عمي خقاق
( ملاحظة سامي كان لابس تي شيرت أسود وفيه كتابات بالفضي و جينز أسود ولا بس كاب نفس الشي لونه أسود )
دانيا : استحي على وجهك أحنا جنبك
روان : يوووه شفيكم الأعتراف بالحق فضيلة
سارة : فضيلة ولا منى هههههه
ملاك : حلووووة كفج
سارة : بنات انا بطلع اشوف أحسن
روان : أنا معاك
رهف وملاك بنفس الوقت: حتى انا
دانيا : دقوا الخشب عن الحسد
رهف وملاك طقوا الخشب
دانة : هههه وأنتوا تصدقونها
روان تفتح الباب : أنا طالعة
سارة : ولا أنا هونت بنتظر لانهم شكلهم بيدخلون هنا
********************************
طبعا كلكم يبغى يعرف من هذا سامي .. سامي يصير ولد أخو بوفارس وبومشاري وبويوسف وأم احمد وأم فيصل .. كانوا في بريطانيا من سبع سنوات بس الحين رجعوا لان ابوهم توفى بحادث .. نرجع لصفاته ..
سامي : عمره 18 سنة بثالث ثنوي\علمي عيونه وساع وناعسة لونهم عسلي غامق ملامحه خووقااااق له سكسوكه تطيح الطير من السما يتميز بالثقل والرزانة طيوب وحبوب يعني هالولد يسدح يجنن
*********************************
ريان : خلااااص ذبحتوا الولد خلوه يتنفس شوي
سامي بمزح رفع حاجبه : اي ندري غرت لأنهم لفوا علي وتركوك
ياسر دخل عرض : أي صح أهو يغار اقول يا .. إلا شنو اسمك ؟
ريان ضربه على راسه بالخفيف : ياذكي يعني ماتذكره هذا سامي ولد خالك خالد
مشاري وفارس ويوسف وتركي وياسر بنفس الوقت : أيييييييييييي
سامي : بسم الله لهالدرجة ناسيني
بو فارس : يلا أدخلوا كلكم المجلس
ادخلوا كلهم الشباب والحريم داخل المجلس إلا ياسر تم برا
تنحنح سامي لمن شاف البنات ولاحظه بوفارس
بوفارس : أدخل يا سامي هذيلا بنات عماتك وعمامك لاتستحي
دخل والكل جلس طبعا اجلسوا الحريم بجهة والرجاجيل بجهة
طبعا البنات جلسوا جنب بعض وأخر وحدة سارة بعدين جنبها فارس وجنبه سامي وبقية الشباب
ياسر يطل من النافذة الي فوق راس فارس وسارة ( طبعا هالنافذة كبيييييييييرة ماخذة نص الجدار ) : أجل هذا سامي بصراحة والله أنك مزيون
مشاري بمزح: بس بس لاتمدحون فيه كثير بعدين يغتر بنفسه
هنادي (أم أحمد ) : سامي وين أمك ؟؟
سامي وهو يقلب بيده جواله : والله ياعمه نايمه أهي وسمر ورامي من بعد التعب أما مشعل طلع يجيب شركة تنظيف للبيت بعد ماتركناه
بوفارس : المرة الجاي العزيمة راح تكون في بيتنا الجديد على شرف رجعتك
سامي استانس : طيب .. من هاذي المزيونة ( كان يطالع أسيل )
ياسر برا وهو متكي على النافذة : أي هاذي المفعوصة اسيل عمرها ثلاث سنوات بنت عمك بوفارس مالحقت عليها انت
سارة : عن الغلط عن أختي
ياسر : ماقلت شي
هنادي ( أم أحمد ) : بس وأنتوا دايم تتخانقوا .. بما أن كلكم متجمعين حبيت أنا وأم فارس نقولكم شي ماحد يدري عنه إلا أنا وهي
الكل سكت
أم احمد قالت الخبر وساد الصمت على الكل والصدمة تعتليهم وسارة وياسر صرخوا بنفس الوقت :لاااااااااااااااااااااااااااااااااااااااا

نهــــــآآية البارت الـثآني ... ^^
توقعاتكم
شنو هالخبر الي صدم الكل ؟؟
وليه سارة وياسر صرخوا ..؟

*******************************

سوري صار البارت قصير ومافيه أحداث كثيرة بس أوعدكم البارت الثالث راح يكون أطول وفيه احداث اكثر

وبلييييييييييييييز الي يدخل يرد عشان احس ان فيه ناس تقرا بليييز عشان أتحمس


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 12
قديم(ـة) 18-08-2009, 02:20 AM
صورة يهزها الشوق الرمزية
يهزها الشوق يهزها الشوق غير متصل
©؛°¨غرامي فعال ¨°؛©
 
الافتراضي رد: رواية إذا أنتثر دمع عينك / بقلمي تفضلوا


يوووووه تحطيييم بلييز الي يدخل يرد عشان أتشجع بليييزعشان أكمل

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 13
قديم(ـة) 18-08-2009, 02:56 AM
صورة جود الدنيا الرمزية
جود الدنيا جود الدنيا غير متصل
©؛°¨غرامي فضي¨°؛©
 
الافتراضي رد: رواية إذا أنتثر دمع عينك / بقلمي تفضلوا


بارررت حــــــمااااس وجنان

بانتظار البارت القادم عشان اعرف الخبر اللى صدم سارة وياسر

تحياتى

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 14
قديم(ـة) 18-08-2009, 05:12 AM
Q8_BoBo Q8_BoBo غير متصل
©؛°¨غرامي مشارك¨°؛©
 
الافتراضي رد: رواية إذا أنتثر دمع عينك / بقلمي تفضلوا


بلييييييييز كمليهاا
اندمجت وربي والباارت عجيييييييب
ننطرج خيتوو


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 15
قديم(ـة) 18-08-2009, 05:57 AM
نقاء القلب نقاء القلب غير متصل
©؛°¨غرامي جديد¨°؛©
 
الافتراضي رد : رواية إذا أنتثر دمع عينك / بقلمي تفضلوا


البارت حده حمااااس
انتظرك على احر من الجمر

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 16
قديم(ـة) 18-08-2009, 06:29 AM
صورة يهزها الشوق الرمزية
يهزها الشوق يهزها الشوق غير متصل
©؛°¨غرامي فعال ¨°؛©
 
الافتراضي رد: رواية إذا أنتثر دمع عينك / بقلمي تفضلوا


اقتباس:
المشاركة الأساسية كتبها وَرْدَةْ آلحُبْ مشاهدة المشاركة
بارررت حــــــمااااس وجنان

بانتظار البارت القادم عشان اعرف الخبر اللى صدم سارة وياسر

تحياتى
هلا بك خيتوو والله ماتدرين ردك وش كثر فرحني
وإنشاالله راح انزل البارث الثالث قريب تسلمين والله <<< مو مصدقة أن أحد رد على الرواية

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 17
قديم(ـة) 18-08-2009, 06:31 AM
صورة يهزها الشوق الرمزية
يهزها الشوق يهزها الشوق غير متصل
©؛°¨غرامي فعال ¨°؛©
 
الافتراضي رد: رواية إذا أنتثر دمع عينك / بقلمي تفضلوا


اقتباس:
المشاركة الأساسية كتبها Q8_BoBo مشاهدة المشاركة
بلييييييييز كمليهاا
اندمجت وربي والباارت عجيييييييب
ننطرج خيتوو
هلا هلا بك خيتو
ربي يعافيك على متابعتك للرواية
وإنشالله ماراح اتأخر بالبارت الجاي

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 18
قديم(ـة) 18-08-2009, 06:32 AM
صورة يهزها الشوق الرمزية
يهزها الشوق يهزها الشوق غير متصل
©؛°¨غرامي فعال ¨°؛©
 
الافتراضي رد: رد : رواية إذا أنتثر دمع عينك / بقلمي تفضلوا


اقتباس:
المشاركة الأساسية كتبها نقاء القلب مشاهدة المشاركة
البارت حده حمااااس
انتظرك على احر من الجمر
تسلمين قلبي على الرد الي شجعني
وانتظري البارت الجاي

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 19
قديم(ـة) 18-08-2009, 07:42 AM
صورة ۝√امل الحياه√۝ الرمزية
۝√امل الحياه√۝ ۝√امل الحياه√۝ غير متصل
©؛°¨غرامي ذهبي¨°؛©
 
الافتراضي رد: رواية إذا أنتثر دمع عينك / بقلمي تفضلوا


يسلمووووووووووو على الباااارتات الحلوه
اتوقع انها قالت ساره محيره لياسر عاد نشوف بالبارت الجاي
ننتظرك على احر من الجمممممممر


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 20
قديم(ـة) 18-08-2009, 03:47 PM
صورة يهزها الشوق الرمزية
يهزها الشوق يهزها الشوق غير متصل
©؛°¨غرامي فعال ¨°؛©
 
الافتراضي رد: رواية إذا أنتثر دمع عينك / بقلمي تفضلوا


اقتباس:
المشاركة الأساسية كتبها $.. الأميره الصغيره..$ مشاهدة المشاركة
يسلمووووووووووو على الباااارتات الحلوه
اتوقع انها قالت ساره محيره لياسر عاد نشوف بالبارت الجاي
ننتظرك على احر من الجمممممممر
الله يسلمك حبيبتي والله يحلي أيامك
إممممممم انتظري البارت الجاي وراح تعرفي
ومشكورة قلبي على المتابعة وإنشالله راح أنزل البارت قريب

الرد باقتباس
إضافة رد
الإشارات المرجعية

رواية إذا أنتثر دمع عينك / بقلمي , كاملة

الوسوم
أنتـثر , بقلمي , خلي البارت طوييييييل تكفين , حب وخيال , يهزها الشوق , رومانسية , رواية , عينك , هبال , واااو روايه جنااان تسلمين يالقمر ع الروااايه الحلوووووه
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
رواية الحب المتأخر / بقلمي ، كاملة الشموخـ..~ روايات كامله - يتم نقل الرواية هنا بعد اكتمالها 66 28-07-2013 11:25 PM
رواية إخوة و أخوات / بقلمي ، كاملة My_novels04 روايات كامله - يتم نقل الرواية هنا بعد اكتمالها 194 06-04-2013 02:40 PM
مجلس الروايات للإستفسارات و الطلبات فقط [ الإقتراحات ممنوعة ] ؛ روح زايــــد روايات - طويلة 2018 20-07-2011 03:02 PM
مجلس الروايات للإستفسارات و الطلبات ؛ على شاطئ النسيان روايات - طويلة 2025 07-12-2010 05:39 PM
مجلس الروايات للإستفسارات و الطلبات ؛ !! أنـثـى الـ خ ـيـآلـ !! روايات - طويلة 3973 07-10-2010 01:10 PM

الساعة الآن +3: 07:03 AM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


تصميم دريم تيم

SEO by vBSEO 3.6.1