غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1
قديم(ـة) 16-08-2009, 04:16 AM
صورة احلاكم واتحداكم الرمزية
احلاكم واتحداكم احلاكم واتحداكم غير متصل
©؛°¨غرامي متألق ¨°؛©
 
الافتراضي ليه عمري ما لقى لبرده دفى إلا دفاكي / كاملة


بسم الله الرحمن الرحيم


حبيبي جبتلكم روايه جديده للكاتبه ذكرى نجديه جدا رائعه

نبدء بمقدمة الكاتبه


في البديه يسرني ان اضع أول تجربه لي في هذا الصرح

راجيه من الله تلقى النجاح الذي أمله

وأن تحوز على على استحسانكم

وان تحظى بامتاعكم

واتمنى منك التشجيع

يعني بيكون تنزيل البارت اسبوعي


إليكم البدايه

كانت تائهه في طريق غريب لا تعلم ماهي نهايته
لا تستطيع ان تحكم عليه لا تعلم هل تخاف ام تطمئن
وفي وسط افكارها امتدت الى يدها المرتجفه الصغيره يدا ضخمه لتسحبها الى المجهول احست للوهله الاولى بالخوف لكن سرعان بالامان لتجد نفسها في حديقه صغيره اخذت عيناها تدوران فيها وقدمها تتجولان في جنتها الصغيره
ولكن بغته وجدت نفسها في ارض جردا لا حياة فيها ولاامان اخذت خطوتها تسرع تبحث عن حديقتها ولكن بداء اليئس يتسلل الى حناياها والخوف يرمي شباكه عليها ...........................................


عندما تقف الايام ضدنا وتعاندنا الظروف

عندما نخدع انفسنا ونقنع اانفسنا بما لم نقتنع به

عندما نجد من يكرهنا بلا ذنب اقترفناه

عندما نضيع في دروب الايام

وتصبح ضحيه لا نعلم لمن

عندما تتوه خطواتها عن الطريق الصحيح

عندما نحتار من انفسنا

كيف؟ لماذا ؟ أين ؟ متى ؟

كيف نكون اقوى من الايام ؟

لماذ لا نرمي الاقنعه ونواجه انفسنا بصراحه ؟

أين سنجد ضلالنا ونجمع شتات ارواحنا ؟

متى سنتغلب على حيرتنا وضياعنا ؟

اليوم سأكشف لكم سطور تدور في خيالي

واجملهل لكم بزخارف من الواقع

ساروي لكم قسوة الايام

سنبحر معا في في المجهول

سنفرح ونحزن ونضحك ونبكي

سنحب ونكره

قصتي عن الحياة البسيطه والشخصيات المتعدده

عن الاخوه والابوه
عن الصداقه والأخلاص
وعن الحب الذي ليس في ذلك كله


.................................................. .................................................. ...........................................

الــــجــــزء الأولــــ

صحت من النوم مفزوعه و العرق يتصبب من جبينها

أنتبهت لها اختها الي كانت تذاكر في نفس الغرفه توجهت لها تركض

نوف :: ساره وش فيكي اسم الله عليكي

كانت تلتفت بارجاء الغرفه المتواضعه كأنها تدور على شي

نوف :: ساره حبيبتي ردي على لاتخوفيني عليكي ... وقعدت تقرا عليها

بدئت تحس بالامان وتستوعب الوضع وتيقن انها كانت تحلم

ماتدري ليش حست ان هالحلم شي مرعب وليه تحس انه وراه تاويل لايعلمه الاالله


ساره ...اعوذ بالله من الشيطان الرجيم الظاهر شفت كابوس الله يكفيني شره

نوف...خوفتيي على بالي بتموتين وتجهزت ابي اسمع الوصيه واخذ نصيبي من التركه

ساره .. ياشين خفت الدم لاصارت بغير وقتها

نوف..وش اسوي هالامتحا نات ماخلت فيني مخ

ساره ..لاماعليك هانت بكره تخلص الامتحاانات وتروحين للجامعه ويرجع مخك وتروقين وتفكينا

نوف..الله يمضي هالسنه على خير وانجح واجيب نسبه

ساره ..بس لو تطيعين شوري وتتركين عنك هالعذاب

نوف... ايه تبيني زيك مريحه راسي وماخذه الدراسه لعب

ساره ... الدراسه ياحبي بالنسبه لي وناسه روحه ورده

نوف...انتي الكلام معك ضايع اقول قومي بس صلي ترى اذن الفجر

ساره انسانه مرحه صاحبة قلب ابيض وتمتلك لسان سليط بيضا وجسمها مليان قصيره نسبيا وشعرها اسود متوسط الطول ملامحها حلوه عيونها كبار وفمها صغير ورموشها ظليله
نوف.اختها الكبيره ونصفها الاخر عمرها19تشبه ملامحها بس نوف سمرا متوسطة الطول شعرها اشقر لتحت كتفها شخصيه هاديه بس المواقف الصعبه تبين قوتها

السبت 6\45صباحا

.....ساره ساره ساره سسسسسسسسساره


...عمى وش فيك فجرتي اذني

....احسن لي ساعه اقومك

.....خير وش تبين؟

....سلامتك مافيه شي مهم بس الساعه قربت على السبع وانتي نايمه قومي ياماما

....يوه متى تخلص هالامتحانات وتجي العطله وانام على كيفي

....هانت مابقى الاهالاسبوع وتفتكين وتنامين على كيفك الحين قومي سلمان وابوي يستنونك





في مكان ليس ببعيد

....اخيرا قمت ..انا ابي اعرف متى تصير رجال وتقوم لحالك

...نايف الله يرحم والديك اتركني بحالي

نايف ..طيب قم ترى راح عليك الوقت انا طالع خالد يستناني برى

نواف ...زين يالله قمت

نايف ..يالله سلام

نواف ..سلام


نايف ونواف شخصيات رئيسيه في قصتنا
نايف الاخ الكبير عمره 29انسان عصامي وجدي كون نفسه بنفسه وهبه الله الذكاء والجمال والشخصيه القويه والمركز المرموق يمتاز بطوله وجسمه الرياضي والشعر الكثيف والنظره الحاده

نواف الاخ الاصغر عمره 22سنه انسان يظهر على شخصيته الاستهتار لكن يضمر في داخله انسان قوي صاحب موقف معروف بمرحه جماله يتعدى الوصف متوسط الطول يمتلك عيونه كحيله دائما مبتسم وبشره سمراوانف كالسيف يمتاز بابتسامته الرائعه سريع الغضب لكن طيب القلب وبسرعه يتبخر غضبه......



نايف ونواف ساكنين بالرياض بحكم وظايفهم ومستاجرين شقه والدتهم متوفيه من سبع سنوات بسبب مرض

ووالدهم ساكن برى الرياض متزوج وحده غير امهم وله منها 3بنات وولدين

ولهم اخت من امهم وابوهم لطيفه عمرها 25سنه متزوجه وساكنه في الرياض

عندها ولد واحد عمره 5سنوات جابته بعد علاج 4سنوات واحتمال ماتنجب غيره
خوفها بس زوجها يتزوج عليها


.................................................. .................................................. ............

يوم الثلاثاء الساعه 11ونص الظهر في احد الشركات الكبيره

جالس على مكتبه الفخم ومقابله صديق عمره خالد

خالد...انت ماتقولي لمتى وانت كذا لازواج ولاشي

نايف ...لاحق على الهم اللحين خلني اكون نفسي واشوف وش يصير على نواف

خالد ...نواف؟؟؟ وش بيصير عليه ماشالله عليه موظف مو ناقصه شي

نايف... بس مادري يعني صعبه اتزوج واجيبه عندي وصعبه اخليه لحاله

خالد ...ليش صعبه تخليه لحاله انت قعدت 4سنوات ماعندك احد

نايف .... والله مادري انا للحين افكر كيف باتصرف معه


خالد ..توكل على الله يانايف انت مانت صغير ونواف سنه سنتين ويتزوج

نايف .. ...ان شالله بس مو نواف السبب الوحيد

خالد صديق نايف وزميله في العمل يعتبره اخو له كبر نايف متزوج وله ولد عمره سنتين


.................................................. .....................................

الاربعاء الساعه 10ونص الصباح

اخيرا خلصت

سلمان... الحمدلله ارتحنا من حالة الاضطراب الي مسببتها بالبيت

نوف ...انت ماتقول لي انت ليه حاقد علي

سلمان ...غيران منك يا فلتت زمانك

نوف ...اكيد غيران بكره بكمل دراستي بصير شي ثاني

هجوم كاسح على المكان وازعاج وصراخ

.....نويفه اخيرا خلصتي مابغيتي

نوف ....هههههههههه انت ماتعرفين تدخلين بركاده؟

ساره.... اسفه ماعرف ,,,,,الاماقلتي لي متى تطلع نتيجتك على الله بس ماتفشلينا وتجيبين نسبه تفشل مثل العاده

نوف ....لا ان شالله راح اجيب نسبه زينه وسواد الوجه مخليته لك الي كل سنه تنجحين بالدز

قبل لاتهجم ساره بالكلام

سلمان ... لاعاد كل اش ولا سارونه اختي حبيبتي لاحد يتكلم عليها هي حره تنجح ترسب ماحد يناقشها

ساره بعد مالانت ملامحها وابتسمت ابتسامة شكر لاخوها الكبير

ساره ..ياعمري ياخوي فديت عمرك ماحد عارف قيمتي غيرك ....التفت على نوف ..بعدين مخلين النحاح لك يالمصريه

نوف ...مصريه بعينك يالفاشله

وابتدت حرب الكلمات الى رح تتحول الى حرب المخدات بعدين الى شي اخر

نتركهم في حربهم الطاحنه ولكن مو قبل لانعرفكم على سلمان

سلمان الاخ الكبير لساره ونوف عمره 26سنه انسان هادي وجميل يشتغل برى الرياض ومملك على بنت عمه نوره



في نفس الوقت وفي مكان ثاني

...فهد الله يخليك ساعه ا ترجاك ماكأني اختك

فهد ...والله انا ماقلت لك ترجيني و للسوق ماوديك

بدت علامات الغيض تظهر على وجهها البرئ

...تدري الشرهه على الي معطيك وجه ويترجاك

كأنه اعجبه الوضع يحب قبل لاينفذ لها أي طلب يلعب باعصابها لكن ابدا ماتهون عليه

فهد ....طيب نواره وش رايك تدقين على سلمان تطلبين منه يوديك للسوق

اجتمعت على وجهها علامات الحياء والغضب

نوره ...فهيد انت هوايتك تنزفزني اقولك ودني السوق تقول دقي على مدري من يوديك للسوق

فهد .... ههههههههههههههههه مدري منه ؟ اول مره اعرف واحد بهالاسم

نوره .. خلاص ماعاد ابي منك شي كثر الله خيرك

توجهت لباب غرفته ناويه تجمع خجلها الي غطته بوشاح من الغضب وتطلع من الغرفه

لكن يد اخوها كانت اقرب ليدها ومسكها

فهد ... امزح معك يالخبله انتي تهونين علي تدقين على مدري من وانا موجود

حست ان كلمات اخوها بخرت كل الي فيها

نوره ...الله يخليك لي ياخوي

فهد .. اقول بسرعه لاتكثرين الهرج البسي وان تاخرتي باروح واخليك وانتي عاد كيفك تروحين بتكسي ولا تدقين على سل

ماكمل كلامه الانوره برى غرفته حتى لاتتعرض لكم تعليق من اخوها الكبير

فهد شاب خلوق مملوح مع ان ملامحه عاديه ولد عم سلمان وصديقه ونسيبه عمره 26

نوره بنت حبوبه بس اكثر صفه تمتاز فيها الحيا جميله بمعنى الكلمه عمرها 20وهي خطيبة سلمان

اكثر انسان تعشقه اخوها فهد وهو الي اقنعها بسلمان ابوهم متوفي وهم صغار

والي ربتهم امهم وطبعا عمهم ابو سلمان ماكان يقصر عنهم بشي



بعد عشر ايام

....الحمد لك يارب ماخيبت تعبي واستجبت دعاي

....الف مبروك يابنتي عقبال ان شالله الزوج الصالح يارب

..يارب يبه الله يسمع منك وتزوج واتوسع بالغرفه

احمر وجه نوف ليس من الحيا ولكن من الغيض

نوف ...سويره انتي ماتخلين اللقافه عنك وبعدين اشدراك يمكن تتزوجين قبلي وانا الي اتوسع بالغرفه

ساره وهي تأشر بيدها بمعنى النفي

ساره .. لا ياحبي انا بكمل دراستي واكون نفسي وبعدين افكر اتزوج

نوف ...هههههههههه والله ضحكتيني من الي بتكمل دراستها ,,,وهي تاشر بيدها عليها من فوق لتحت ,,,,لايكون انتي ؟

ساره اغتاضت منها نوف هاديه ولاتتقن فن الاستفزاز

ساره ...نويفه لاترفعين ظغطي ترى مانتي قدي

نوف رمقتها بنظرة عدم الاهتمام وجت بتطلع من المكان

........نوف ........

التفت لمصدر الصوت وهي تكتم ضحكتها ......نعم

ساره .... انا ماقلت لك مبروك؟

نوف اعلنت ابتسامتها وبدت خطوتها تجرها لاختها ببطئ

هزت راسها بالنفي

بينما ساره اسرعت اليها الخطوه

ساره .....مبروك يالمصريه

قربن لبعض تعانق بالايدي ثم الاجساد ثم الارواح

نوف ...الله يبارك فيك

ساره ..عقبال الرجال السنافي الي في بالي
كانت تقصد شي وصل نوف وكانت تقصد ترسم ابتسامه على شفاة تؤام روحها

لكن بدت الدموع تلمع في عيونهاالواسعه وتعاندها لتتدحرج على خدها الناعم

ساره ارتسمت على وجهها نظرة استفسار

نوف ..تدرين ياساره انتي قلتي هالكلام وابوي قاله قبلك ...

لحظة صمت اوبالاحرى مقاومه لدمعه تجاهد حتى تتبع اختها

كملت ...بس باقي انسان ادفع كل عمري واسمعها من فمه او على الاقل اشوفها بعيونه

صمت ساد المكان

ساره .....اااااااااامي ؟؟؟؟؟؟؟؟

نزلت نوف راسه للارض واعلنت دموعها الانتصار على هدبها

وبدت الدموع تغزو وجنتها البرونزيه

نتركهم يفرغون الحزن المكبوت داخلهم


.................................................. .................................................. ..........................

.....هاه وش قلتي يام فهد

ام فهد ...والله يابو سلمان الولد ولدك والبنت بنتك انت تفصل وحنا نلبس

ابوسلمان ....يام فهد اذا البنت جاهزه خلاص ليش التاجيل

ام فهد ..البنت جاهزه لكن بناديها لك تسئلها

ابو سلمان ..لايام فهد نوره لو باسئلها بتضيع علومها بنت اخوي واعرفها ماتنسئل

ام فهد.. خلاص يابو سلمان انا اشاور البنت والي نتفق عليه بقوله لفهد يوصله لسلمان

ابو سلمان ..اجل الله يكتب الي به الخير

ام فهد ...آمين

ابو سلمان ..يالله في امان الله

ام فهد ..مع السلامه

سكرت منه وكانت تناظر بنتها الي ملتهيه بجوالها وظلت تراقبها حتى انهت مكالمتها

ام فهد ..انتي ماتهدين الجوال ابدا؟

نوره ..يمه انتي تدرين جديد ومستانسه عليه

ام فهد...الله يهدي اخوك مدلعك مدري ليه هالجوال

نوره ..الله يخليه لي واشوفه عريس واشوف عياله وازوجهم واشوف عيالهم وافر.................

قاطعتها امها ..بس بس خلينا من اخوك الحين بتفرغ له بعدين اللحين بكلمك بموضوع ثاني

نوره ...خير يمه

ام فهد وهي تشرب القهوه

ام فهد ....نوره انتي تدرين من الي كلمني قبل شوي

نوره ..لا من يمه ؟

ام فهد ببتسامه ..عمك ابو سلمان

نوره حست باظطراب بجسمها ورعشه تحولت الى مغص كأنها فهمت وش السالفه

نوره ...خييييير وش عنده عمي ؟

ام فهد ..نوره انتي عارفه عمك وش يبي وماله داعي اقولك

نوره... يمه الله يخليك اجلوها لبعد العيد

ام فهد ...ليش يابنتي ؟ الرجال اجل بما فيه الكفايه واظن خلاص مابقى لنا عذر

نوره ..بس يمه

ام فهد ...لابس ولاغيره الناس كثر الله خيرهم اصبرو علينا ومانبي نزودها معاهم ولهم حق يحددون العرس باي وقت

نوره ....خلاص يمه الي تشوفونه

ام فهد ...الله يوفقك والخوف الي داخلك شيليه سلمان رجال وماعليه


تركت نوره امها وتوجهت لغرفتها حتى تنفرد بنفسها



بنفس اليوم الساعه 8مساء

جالس بشقته ينتظر اخوه على العشا

دقايق دخل عليه وهو يشمر عن ذراعه

..شوي شوي الاكل ماهو طاير

عارف ماهو طاير بس بتعشى بسرعه وراي صياعه مع الشباب

يقلده... وراي صياعه مع الشباب ماتستحي انت ؟

بكل برود ,,,,,لا.........

نواف ترى السهر وملاحق بنات الناس بيضيعك ولاتنسى انت عندك خوات

نواف ...نايف ياخوي لاتخاف على اخوك ماعشت الي تضيعه انا صحيح اسهر بس مالي بملاحق البنات ماهي هوايتي

نايف ...اتمنى... الله يهديك

في هاللحظه يدق الجرس

نواف وهو مندمج بالاكل من هذا الي حماته بتحبه

نايف ..قم وشف من الي حماته بتحبه عل قولتك

قام نواف وهو رافع يدينه المليانه بالدسم فتح الباب

كان وراه مره ومعاها طفل عمره 5سنوات على طول انحنى عليه وشاله

هلا والله بريان والتفت للمره.. وام ريان

......هيه انت... وسخت ملابس ولدي

نزل الولد

نواف ....آسف آسف مانتبهت

والتفت لاخته ...وهو يضمها هلاهلا باختي حبيبتي

لطيفه ....نواف ابعد عني وسختني الله يقطع ابليسك

نايف ...اتركها يانواف ,,,حيالله ام ريان تفضلي

لطيفه ....هلابك ياخوي وشلونك
نايف وهو يقوم لها

نايف ... الحمدلله تمام ...حيالله خالي

ركض ريان لخاله الي كان فاتح يدينه له وضمه بقوه

لطيفه ...ذبحت ولدي وبعدين يوم انك تحب الاطفال ليه ماتتزوج اتضم عيالك بدال مانت ذابح ولدي

نايف ....عن قريب ان شالله

نواف ...لاوالله وانا وين رحت ماتزوجونه الاانا معه

لطيفه...وانت على طول قاط وجهك انت صغير على الهم

نواف ..انتم بس زوجوني وانا راضي بالهم

نايف ....اقول نواف وش رايك تروح لشغلك الي وراك

نواف...اي والله انك صادق وراي هياته

لطيفه ...اي والله رح لربعك ترى الصياعه ماتحلى بدونك

نواف ....تسلم لي اختي الي عارفه قيمتي,,,, وقام يضمها من جديد

نايف ....هههههههههههههههه حسبي الله على ابليس بتحرم تجينا والسبه انت

لطيفه ...نواف اتركني ولا مازوجك

نواف ....لا لا الا العرس تكفين يالله انا رايح لخوياي.

لطيفه ...نواف انا مالحق اشوفك من اجي تروح انت

نواف ...وش اسوي اشغالي لفوق راسي

نايف ...الله والاشغال الله يسمعك يقول وزير

نواف ...يعني ماينشغل الاالوزير ؟..اروح لشغلي احسن لي

نايف ...تسوي خير

نواف ...مع السلامه

الطيفه ...في حفظ الرحمن

طلع نواف وترك نايف ولطيفه ليبدو حوارهم المعتاد


.................................................. .................................................. ....................

ثاني يوم في احد المقاهي

...انت تتكلم من جد يافهد

فهد ...وليش اكذب عليك

سلمان.... محشوم بس ماني مصدق اخيرا وافقت على تحديد يوم الزواج

فهد ...هل المره الوالده تدخلت

سكت سلمان ونزل راسه مده وبعدين رفع راسه

....فهد

فهد ...سم

سلمان ....نوره مغصوبه علي؟؟

استغرب فهد من كلام سلمان

فهد ...ليش تقول هالكلام ؟؟

سلمان ...فهد لما كانت نوره تاجل الزواج كنت احيانا افكر انها ماتبي الزواج يتم

فهد ....مافي شي يخلينا نجبرها عليك اوعلى غيرك

سلمان ...احيانا اخاف يكون موافقتكم علي نوع من رد الجميل لابوي

فهد بدون تردد ...لا لا ياسلمان مواحنا الي نجبر بنتنا على رجال ماتبيه ولاهو انت الي الرجال الي ينرفض

سلمان ...طيب ليش سنتين وهي تاجل الزواج وماخلت بينا أي اتصال وترفض تكلمني او تقابلني

فهد ...سلمان نوره من النوع المتردد الخواف واكثر من كذا نوره خجوله لابعد حد يعني التاجيل بس عشان كذا

سلمان..متاكد يا فهد ؟؟

فهد ..افا ياولد عمي يعتي ماتثق فيني بعدين انت غلاتك مثل غلاة نوره ولايمكن ارضى عليك تتزوج وحده رافضتك علشان عيب تشوفه فيك

سلمان ...طمنتني الله يطمنك ويرزقك ببنت الحلال الي تسعدك

فهد...آمين ..واللحين يالله انا بروح بكره وراي دوام وانت روح بلغ الاهل وسو تجهيزات العرس

سلمان ...يالله في امان الله

فهد ..في امان الله

وتفرق الاثنين وهم يحملون فرحه لاتوصف فهد لانه قدر يبدد الحيره الي كانت ساكنه ولد عمه وصديقه وفرحه لاخته الي رزقهاالله برجال يستحقها
وسلمان فرحته لاتوصف ان الله اراد يقرب اجتماعه بالانسانه الي تستحوذ مكان كبير داخله
ولان همه الي كان يثقله انزاح مع كلام فهد



الف الصلاة والسلام عليك ياحبيب الله محمد ككككككككلللللللللووووووووشششششش

ههههههههههه لا لالا مانتي صاحيه

ليش ان شالله ماني صاحيه؟ فرحانه بعرس اخوي بعدين مخليه العقل لك

.... بدري على العرس بعد شهر و بدال هالهبال خلينا نشوف وش نسوي

ساره ....اي والله صادقه ماعاد يمدينا لازام من اليوم نبدا الدواره بالاسواق

نوف ...انا قلت لسلمان يودينا بعد العشا

ساره ...وامي ؟؟؟؟؟

نوف ....تطمني بتجي خالتي وتجلس عندها لحد مانجي

ساره ...نوف لمتى بنسكت على حالة امي لها اكثر من اربع سنين على هالحال

نوف ...الله يشفيها الصدمه هزتها الى جاها ماهو قليل

ساره ...امين يارب تتخيلين يجي يوم تفتح لي امي يديها وتضمني؟

نوف ....الله كريم ادعي لها ياساره

.................................................. ....................................

...انا اليوم كلمته بالموضوع وقال دوري لي

...توكلي على الله و دوري له قبل لايغير رايه

...الله يهداه بس كن الدنيا وقفت على هالبنت

....قولي ان شالله ان الله يرزقه ببنت الحلال الي تنسيه اياها

...آمين

...السلام عليكم

...عليكم السلام ياهلاوالله بوليدي

...هلابك يمه

...وشلونك ياناصر ؟

.ناصر ...بخير يبه

ابو ناصر ...انت معزم ياولدي

فهم قصد ابوه لان هو الحديث المتداول بينهم

ناصر ...ان شالله يبه

ابو ناصر ...اسمع ياولدي ترى بنات الناس ماهي لعبه لاتظلمهم بشي مالهم ذنب فيه والي ماترضاه لاهلك لاترضاه لناس

ام ناصر ...ناصر ياولدي لاتحرق قلبي عليك وخلني افرح وانا رايحه اخطب لك

ناصر ...افرحي يام ناصر ماهو ناصر الي يحرمك الفرحه وهو يقدر عليها

ام ناصر ...انت تدري ان فرحتي يوم اشوفك مبسوط واشوف عيالك حولك

حب راسها ,,,,ناصر ....بتشوفينهم ان شالله

ابو ناصر ...اجل نتوكل على الله وندور

ناصر ....توكل على الله

ناصر ...شخصيه جديد في قصتنا .شاب وسيم من عائله ميسورة الحال وحيد امه وابوه عمره 29سنه كان ميال لبنت خالته لما خطبها رفضوه اهلها لانها محيره لولد عمها وقعد فتره رافض فكرة الزواج انسان غامض


بعد صلاة العشاء

...يالله ياساره سلمان ينتظرنا بالسياره

ساره ...يالله يالله نزلت

طلعو وهم قدام الباب مدت نوف يدها لباب تفتحه كانت ساره موطيه تزين ربط الصندل

نوف ...يالله خلصينا بيروح سلمان ويخلينا

ساره وهي ترفع جسمها وتنزل البرقع على وجههها ....ترى ازعجتيني سلمان سلمان يالله امشي قدامي ودفعتها بقوه حتى تطلع مع الباب الي كان مفتوح وبحكم نحفها ماتملكت نفسها وضربت بباب السياره الي كانت مقابله الباب مباشره
نوف ...حسبي الله على ابليسك يالدبه

ساره ...هههههههههههههههه اقول بس قدامي يالعصلا

نوف كانت بترد لكن انتبهت للرجال الي كان واقف مع سلمان ويخفي ابتسامته

هالنظره ماهي غريبه عليها تعرفها عز المعرفه وجه من زمان ماشافته كانت تحس بشعور ماتعرفه غض النظر عنها

...يالله انا استئذن ياسلمان

.سلمان ...اذنك معك وخلنا نشوفك

.....ان شالله... يالله سلام

سلمان ..مع السلامه

توجه سلمان لسيارة وهو الثاني توجه لسيارة وركبها وحركها وعيون نوف تتبعها
ركب سلمان السياره وانطلق الى مشواره


.................................................. .............

نهاية البارت

انتظر تفاعلاتكم

وان شالله اذا لقيت ردود ماراح اطول وانزل جزء جديد

ورمضان كريم على الكل


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 2
قديم(ـة) 16-08-2009, 05:15 AM
صورة VEN!CE الرمزية
VEN!CE VEN!CE غير متصل
يـآرب مآلـي ســـوآكـﮯ
 
الافتراضي رد: ليه عمري مالقى لبرده دفى الا دفاكي


~



هلآ وغلآ نورتي
الله يعطيك العآفيه
بتمنى تكون كآمله


بالتوفيق



~

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 3
قديم(ـة) 16-08-2009, 05:46 AM
صورة احلاكم واتحداكم الرمزية
احلاكم واتحداكم احلاكم واتحداكم غير متصل
©؛°¨غرامي متألق ¨°؛©
 
الافتراضي رد: ليه عمري مالقى لبرده دفى الا دفاكي


هلا فيكي اكثر

منوره بوجودك حبيبتي

القصه كامله وانا ما نزلتها الي لما كملتها وبموافقة الكاتبه نفسها

تسلمي ياعسل ^ _ ^


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 4
قديم(ـة) 16-08-2009, 06:47 AM
نهر جاري نهر جاري غير متصل
©؛°¨غرامي مشارك¨°؛©
 
الافتراضي رد: ليه عمري مالقى لبرده دفى الا دفاكي


مرحبا أحلى جوري

وكل عام وانت بخير


الرواية رااااااااااااائعة قليلة بحقها

اختيار موفق

يعطيك العافيه على النقل

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 5
قديم(ـة) 16-08-2009, 07:09 AM
صورة احلاكم واتحداكم الرمزية
احلاكم واتحداكم احلاكم واتحداكم غير متصل
©؛°¨غرامي متألق ¨°؛©
 
الافتراضي رد: ليه عمري مالقى لبرده دفى الا دفاكي


اقتباس:
المشاركة الأساسية كتبها نهر جاري مشاهدة المشاركة
مرحبا أحلى جوري

وكل عام وانت بخير


الرواية رااااااااااااائعة قليلة بحقها

اختيار موفق

يعطيك العافيه على النقل
مرحبا فيكي زود

وانتي بصحه وسلامه

تسلمي على رائيك فيها

اسعدني تواجدك في صفحتي المتواضعه

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 6
قديم(ـة) 16-08-2009, 06:30 PM
صورة احلاكم واتحداكم الرمزية
احلاكم واتحداكم احلاكم واتحداكم غير متصل
©؛°¨غرامي متألق ¨°؛©
 
الافتراضي رد: ليه عمري مالقى لبرده دفى الا دفاكي


فين الردود الي تبرد الخاطر

يعني كيف ما عجبتكم ولا كيف ؟؟؟

<<< بس الي مراح يقراها هو الخصران لانه مره مشوقه

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 7
قديم(ـة) 16-08-2009, 06:56 PM
» ڠـڔپـﭓ آمــڔگ « » ڠـڔپـﭓ آمــڔگ « غير متصل
©؛°¨غرامي مشارك¨°؛©
 
الافتراضي رد: ليه عمري مالقى لبرده دفى الا دفاكي


هلآآ يآحلووه

آلرووآيه روووعه

10×10

وننتظر آلبآرت آلجآي

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 8
قديم(ـة) 17-08-2009, 01:31 PM
صورة احلاكم واتحداكم الرمزية
احلاكم واتحداكم احلاكم واتحداكم غير متصل
©؛°¨غرامي متألق ¨°؛©
 
الافتراضي رد: ليه عمري مالقى لبرده دفى الا دفاكي


اقتباس:
المشاركة الأساسية كتبها ŌиĹч.Ḿё مشاهدة المشاركة
هلآآ يآحلووه

آلرووآيه روووعه

10×10

وننتظر آلبآرت آلجآي


هلا فيكي زود

تسلمي ياعسل على ردك

اذا شفت ردور رح انزل البات في اقرب وقت


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 9
قديم(ـة) 17-08-2009, 01:39 PM
رقي رقي غير متصل
©؛°¨غرامي مشارك¨°؛©
 
الافتراضي رد: ليه عمري مالقى لبرده دفى الا دفاكي


مافي تكمله
انا اتابعها في منتدا ثاني
والمنتدا هناك معلق
شنو الحل

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 10
قديم(ـة) 17-08-2009, 10:32 PM
صورة احلاكم واتحداكم الرمزية
احلاكم واتحداكم احلاكم واتحداكم غير متصل
©؛°¨غرامي متألق ¨°؛©
 
الافتراضي رد: ليه عمري مالقى لبرده دفى الا دفاكي


اقتباس:
المشاركة الأساسية كتبها رقي مشاهدة المشاركة
مافي تكمله
انا اتابعها في منتدا ثاني
والمنتدا هناك معلق
شنو الحل
حبيبتي القصه عندي كامله من المنتدى الي منزله فيه صحبتها

وانا راح اكملها كلها بس اذا شفت تفاعل معايا

تسلمي على مرورك العسل يا عسل


موقع غرام موقع سعودي خليجي عربي يحترم كافة الطوائف والأديان ومختلف الجنسيات


youtube

SEO by vBSEO 3.6.1