اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام

عـودة للخلف   منتديات غرام > منتديات روائية > روايات كامله - يتم نقل الرواية هنا بعد اكتمالها
الإشعارات
 
أدوات الموضوع طريقة العرض
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 31
قديم(ـة) 22-08-2009, 04:14 AM
صورة عنودة غرام الرمزية
عنودة غرام عنودة غرام غير متصل
©؛°¨غرامي مشارك¨°؛©
 
الافتراضي رد: روبي امانه في رقبتك يانواف روايتي الثانية


اقتباس:
المشاركة الأساسية كتبها وَرْدَةْ آلحُبْ مشاهدة المشاركة
روووعة البااارت


لسه مابااانت القصة اكثررر




يسلموووو على البااارتـ
تسلمين لي حبيبتي

ان شاءالله تبان القصه في البارت الجاي...

عنوودة..

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 32
قديم(ـة) 24-08-2009, 05:56 AM
صورة عنودة غرام الرمزية
عنودة غرام عنودة غرام غير متصل
©؛°¨غرامي مشارك¨°؛©
 
الافتراضي رد: روبي امانه في رقبتك يانواف روايتي الثانية


مرحباا لكم ياحلوين...

سووري جد اني تأخرت في أني انزل البارت

بس اكييييييييد الكل عاذرني عشان رمضان وكذاا والكل عارف>>>ياواثق خخخ

اليوم ان شاءالله بنزل البارت3و4 على امل انه ينال رضاكم ويحمسكم ويدخلكم جوو مع الروايه ان شاءالله..

لا اأحب ان اطيل عليكم...

قراءة ممتعه..

لكم ودي.....

عنوودة...

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 33
قديم(ـة) 24-08-2009, 05:59 AM
صورة عنودة غرام الرمزية
عنودة غرام عنودة غرام غير متصل
©؛°¨غرامي مشارك¨°؛©
 
الافتراضي رد: روبي امانه في رقبتك يانواف روايتي الثانية


البارت الثالث
3


في الجامعه


فيصل: روبي اليوم ودي نطلع
روبي :وين؟؟؟
فيصل:الي تبين
روبي:بلحالناا طيب؟؟؟؟؟؟؟
فيصل: اكيييييد لا ،،يعني انا وانتي وزياد والعنود واذا احد بيجي من القروب الي معنا
روبي: اهاا كذااا ممكن،،بس ما اوعدك يعني انا ما احب اطلع كثير
فيصل: على راحتك بس ردي لي اوك
روبي : لا وش دعوااا ،، عن اذنك بروح ادور العنود
فيصل: اذنك معك





شقة روبي والعنود


العنود:ههههههههه صدق انك ما عندك سالفه
روبي": اجل انتي الي عندك؟؟
العنود: اكيييييييييييييييييييييد
روبي: وشوووو؟؟؟
العنود:نرووح معهم
روبي":والله؟؟؟
العنود: وليه لا والله عاادي
روبي: اوك
العنود: مررره حلووو اننا نروح ونغير جوو هذي الدراسه وخصوصاا اننا على وشك امتحانات
روبي: تهقين ؟؟؟
العنود: ايه ليه لا
روبي: صح
العنود: اجل توكلنا على الله،،بس كلميه وأسأليه وين؟؟
روبي: اوكك




في شقه فيصل وزياد


زياد: هوو حلوو انك عزمتهم
فيصل: ايه والله
زياد: عااد تتوقع يجون؟؟؟
فيصل : ليش لا
زياد : معك حق لك....................
فيصل بفرحه واندفاع يقاطعه: هذي روبي تدق
زياد بنفس الفرحه والاندفاع: طيب وش تستنا رد عليها بسرعه
فيصل: طيب،، الووووووووووووووو
روبي: هلا فيصل،، كيفك؟؟؟
فيصل: الحمدلله بخير،، كيفك انتي وكيف العنود؟؟؟
روبي: الحمدلله تمااام التماام
فيصل:الا بغيت اسالك وش صار على الطلعه بتجون؟؟؟
روبي:ان شاءالله ،، بس كنت بسألك وين بنطلع ؟؟؟
فيصل: البحر!!!
روبي: جد!!!البحر؟؟؟؟
فيصل: ايه ،،ليش ما تحبينه؟؟؟
روبي: الا بلعكس بس استغربت
فيصل: لاتستغربين ولا شي ،، بكره ،، ان شاءالله ننتظركم الساعه 1 الظهر نتغدااا هناك
روبي بعتراض:طيب فيصل ليه ما تخليها الصباااح احلى نفطر
فيصل: بسسس ،، من عيووني الصباح الصبااح
روبي: تسلم عيونك،،بغيت شي قبل اسكر؟؟؟؟
فيصل: غير سلامتك ما ابي
روبي: الله يسلمك ،،بااي
فيصل: باااي
زياد بطنازه: من عيوني الصبااح الصباااح،،غير سلامتك ماأبي،،ورجع للجد ككان عطيتها بوسه مو احسن
فيصل: خيييييييييير انت ترى هي مو اكثر من مجرد أختي،،وانت عارف وش اقصد؟؟
زياد: واضح وان تالي كنت من شوي بتتشقق من الوناسه
فيصل:والله عااد كيفي وطلع خلاه




اليوم الثاني الصباح عند البحر


فيصل: خالد بلله قم نسبح شوي احس اني حرااااااااان مووووت
زياد: يله وش ورانا ؟؟،،والتفت على البنات بمزاح تجون معنا
روبي والعنود: تخييييييييل
زيادوفيصل: هههههههههههههههههههههه،،، يله سلام
البنات: سلام
العنود: يختي ودي اسبح معهم؟؟؟
روبي: تخيلينا متحجبات ونسبح
العنود: عااادي وش فيها بلايز طويله وعلينا حجابنا كنه مطر نزل علينا
روبي: اقول بس يله قال ايش قال مطر
العنود بأستهبال: افففففففففففف انتي مره معقده مدري كيف انا متحملتك،،والمشكله امك بريطانيه مدري لو كانت سعوديه وش بتسوين؟؟
روبي: ههههههههههههههههههه امي بريطانيه بس ابوي سعووودي الله يخليه لي،،،الا ذكرتيني ماكلمت عزووزي اليوم وطلعت جوالها تكلمه
العنود: اجل كلمي عزوزك وانا بروح للنشبه لمار مع اني ما ارتحت لها بس بروح اجلس معها على ما تكلمين
روبي: اووك

دقت روبي على ابوها بس مارد وبعدين مره ثانيه عطاها مشغول فقالت اكيد في اجتمااع او مشغووول عشان كذاا مارد وحطت جوالها في الشنطه ويوم رفعت راسها شافته بجسمه الرياضي وشعره المبلوول وطوله الي ماتقدر توصله حتى لو كانت واقفه وببتسامه عذبه قال:وش عندك جالسه لحالك؟؟؟
روبي: تو العنود قايمه من عندي راحت لمار عشان كنت بكلم بابا اتطمن عليه
فيصل جلس جنب روبي بس بينهم مسافه بسيطه:عساك تطمنتي؟؟
روبي: لا مارد شكله مشغول
فيصل: ايه اكيد مشغوول ولا كان رد عليك
روبي:صح
فيصل بتردد: ممكن اسال سؤال؟؟؟
روبي: تفضل
فيصل: انتي تثقين بلمار كثير ؟؟
روبي: عاادي يعني مافي بيني وبينها احتكاك كبير
فيصل: زين،،بس نصيحه لاتحتكين فيها كثير
روبي بأستغراب: ليش؟؟؟
فيصل:يعني ترى سمعتها مو لذيك الدرجه
روبي:مسويه معك شي؟؟
فيصل:لا ان شاءالله ،،اللله لايقوله بس الي اسمعه عنها
روبي:مو كل شي عن الناس يتصدق
فيصل:صح بس الاحتياط واجب وصرااحه هي باين عليها
روبي:انا والله ماشفت منها شي ،،بس عشانك بحاول انتبه منها
فيصل ابتسم ابتسامته العذبه وبادلته روبي نفس الابتسامه
بعد فتره :تدرين انك تعجبيني؟؟!!!
روبي:أنا!!!!
فيصل : ايه بأخلاقك بكل شي فيك ،، يعني غيرك امها بريطانيه كان عاادي عندها تسوي أي شي بس انتي احسك محترمه ومتربيه والي محليك حجابك
روبي ببتسامه حيااا حلوه :شكرااا ،، احرجتني
فيصل: لا ليه تنحرجين وهذاا الصدق ولا نسيتي حناا اخوان
روبي: ماعليك زود،، اكييييد ما نسيت وكيف بنسى؟؟ تبي حبايب القلب يذبحوني؟؟؟
فيصل ابتسم: الله يسلمك
زياد بدخله عرض:وش عندهم طيور الكناري
روبي ولع وجهها من الاحراج وفيصل يوم انتبه لها فما حب يحرجها فقال:اقول لا يكثر جلسه بين اخواان فيها شي
زياد: لا مافيها،، الله يهني سعيد بسعيده
العنود: هههههههههههههههههههههههههه الحمدلله والشكر عليك كلام احياناا يا زياد تححححححححفه سعيد وسعيده هههههههههههههههههههههه
الكل: هههههههههههههههههههههههههههههههههههههههههه




مرت الايام سريعه على الابطال


ماحصل شي يذكر غير ان الابطال قوت علاقتهم ببعض لكن بحدوود المعقول....

ايام الاختبارات

روبي: العنود تعالي اشرحي هذي لي جد ماعرفت لها
العنود: دقايق بس اخلص الي معي خلها تدخل مخي
روبي:العنود: انتي ما شاءالله مايحتااج بسم الله عليك شاطره
العنود: ايه داريه طالعه عليك يابعدي
روبي: يالبه قلبك بس
العنود: وقلبك
روبي: يله عن المجاملات والخرابيط خلينا نذاكر انا ما ارضى برسووب
العنود: اللله رسووب مره وحده بسم الله علينا فال الله ولا فالك
روبي: ههههههههههههههههههه يله اشرحي لي بس
العنود قامت لجنبها: اوك،، وريني؟؟




شقة فيصل وزياد


فيصل:الحين كم مره اشرح لك وانت ما تفهم،،وش ذنبي لو كنت بقرة؟؟
زياد: والله انت البقرة انت وشرحك البايخ ،، اصلاا انا الي غلطان انزل مستوااي لك
فيصل: مسكيييييييييييييييييييين ياعمري رحمتك
زياد:اقول اقلب وجهك بس
فيصل:من عيوني بس على أي صفحه؟؟
زياد: بايخه نفس صاحبها
فيصل يبي يقهر زياد: هههههههههههههههههههههههه
زياد بغيض مصطنع: مراح ارد عليك وراح لغرفته وتركه




اول يوم الاختبارات


روبي: فيصل درست زييييييييييييييييين؟؟؟
فيصل: تمااااااااااااااام التماام ،،وانتي؟؟؟
روبي: الحمدلله،،وين زياد؟؟؟
فيصل:توه دخل الكلاس مع العننود سبقونا بس انا وقفت انتظر
روبي: ياحياتي تسلم
فيصل: الله يسلمك،،مشينا عشان مانتأخر على الاختبار
روبي:يله


مررررررررررت الاختبارات سريعه على ابطالنا




يوم النتائج


العنود: واااااااااااااااااااااااااااااااو روووبي نجحنااااااااااا
روبي: اماااااااااااااااااااانه،، جد؟؟؟
العنود: واللللللللللللللللللللله ،،مبرووووووووووووووووووووك
روبي: الله يبارك فيك،،مبروووووووووووووك
العنود: الله يبارك فيك،، حتى زياد وفيصل نجحووو
روبي: صدق وش درااك؟؟؟
العنود: شووفي اساميهم
رووبي:الحمدلله زين والله،، بس غريبه وينهم ماجوو ياخذوون نتايجهم
العنود:مدري؟؟ـ،،،بس اتوقع يكونون نايمين




في شقه فيصل وزياد


زياد: اقولك ماني برايح مررررررررره خايف احمل ماده
فيصل: ليش تحمل مو انت ذاكرت؟؟
زياد: ايه بس ولو مرررررره ضايق خلقي
فيصل: زياد ترى تأخرنا ترى جد برووح واخليك
زياد: .............................
فيصل: مع السلامه وطلع
زياد :اففففف خل الحقه احسن لي يعني لو قعت بنجح مثلااا




في بيت جدة رووبي


طبعاا روبي سافرت لجدتها في ولاية مانشستر لتفرحها بنجاحها....

كانوو كلهم مجتمعين :روووبي مبروووك
روبي: الله يبارك فيك ياجده
كرستيان:مبرووك روووبي
روبي: الله يبارك فيك
بعد مباركااات الجميع لها وللعنود:كلمتي ابووك تعلمينه؟؟؟
روبي:كلمت بس مارد علي اصلااا مستغربه من امس وهوو جواله مغلق
الجده: وااااااي؟؟؟؟
روبي: مدري
العنود:الا صدق احسسسسسسه مرررررررررررررررره بيستانس على انك خلصتي سنه من الجامعه
روبي: ايييييه مرررررررررره عاد عزووزي الله يخليه لي دايم يقول خلصي الجامعه عشان تشتغلين وانا اتقاعد ،، ياحبي له وابتسمت وهي تتذكر شكل ابوها
العنود: عااد متى ناويه ترجعين الرياض عشان الصيف جااا انبسطي بتروحين لعزووزك
روبي: ايه والله مررررررررررره مشتاقه له ،،، خل ارووح اجرب يمكن يكون فتح الجوال بس غريبه مو من عوايد ابوي يسكر جوااله
الجده: جربي الحين
روبي:اوك
جربت روووبي ليييييييييييييييييين داخت ولا رد حتى جوال طلال سكرتير ابوها مغلق مررررررررررره غريبه




في اليل مرره في بيت الجده


كرستيان خال روبي ينادي بصوت عاالي:رووووووووووبي روووبي
روبي:وت؟؟؟
كرستيان: البسي بسرعه وانزلي فيه ضيوف تحت ينتضرونك
روبي: ضيوووف مين؟؟؟
كرستيان : البسي وبتعرفين،،ونزلي حجابك معك لانه رجال
روبي مالها خلق تلبس وكان قلبها مرره قابضها وخايفه ما تدري ليه ونزلت وتفاجئت
:طلاااااااااااااااال
طلال:يله ياروبي،،جيبي شنطتك ومشينا على المطار الطيارة بعد ساعتين
روبي: بسسسسسسسسسس ،،،ابوووي فيه شي
طلاال:امشي معي لو سمحتي هذي اوامر الوالد
روبي: يعني هووو بخير؟؟
طلال:انا انتظرك برااا ياليت تجهزين بسرعه>>>طلع
روبي بصدمه : يارب بابا مايكون فيه شي



طلعت فووق بسرعه وتجهزت وطلعت وراحت للمطار هي وطلال وطيرااان عشان الطيارة ما تفووتهم وحاولت طووول طريقهم في الطيارة مع طلال انها توصل معه لحق او باطل بس للأسف ماكان فيه ابرد من طلال الي كان كلامه يطلع من فمه بندره





انتهى البارت الثالث

توقعاتكم...


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 34
قديم(ـة) 24-08-2009, 06:09 AM
صورة عنودة غرام الرمزية
عنودة غرام عنودة غرام غير متصل
©؛°¨غرامي مشارك¨°؛©
 
الافتراضي رد: روبي امانه في رقبتك يانواف روايتي الثانية


البارت الرابع
4



وصلووو للرياض وروبي من ركبت الطيارة ودمووعها ما وقفت ما تدري ليه هي خايفه والي خوفها اكثر هدووء طلال طول الطريق الي حتى الهمس ما تسمعه منه...


نزلت من الطيارة وكان بستقبالهم سليمان صديق ابوها الي روبي من شافته وشافت وجهه خافت اكثر كان شكله يخوف مررررررره حزين كأن عمرررررره كبييير ،،روبي من شافته ارتمت في حضنه لانها تعتبره مثل ابوها وهو مربيها بعد مع بنته رهف لأن عبدالعزيز احيانااا ينشغل فيحطها عند زوجت سليمان ترعاها و طلال الي هوو سكرتير عبدالعزيز في الشغل يصير ولد سليمان الكبير....


سليمان بصوت محزن ومبحووح:بس بس يابنتي الحين وش فيك؟؟؟،،اهدي
روبي: يبه ابوووي فيه شي ؟؟؟،، الله يخليك جاوبني؟؟
سليمان بحزن :تعالي معي للسيارة نروح للبيت
روبي: ابوي والله لو ما تقولي وين ابوووي والله ما اتحرك من هنا
سليمان الي كان مهزووز وضعيف ماحب يكسر بنت اعز اصدقاه الي يعتبره اخوه:ابووك يا روبي عطاك عمره
روبي بعدم استيعااب بصرااخ: اييييييييييش مااات ابوووي ماااات ،،، لااااااااااااااااا انت تكذب علي صح تمزح انا ادري وتلتفت على طلال صدق ياطلال الي يقوله ابووك لالالا اكيد يمزح مستحيل كيف يموووت قبل امس مكلمني رد علي يا طلاال وتضرب على صدره رد رد قول لأبووك ابووي ماما الله يخليك ما مات يبببببببببببببببببببببببه آآآآآآآآآآآآآآآآآآآآآآآآه وطاحت وصارخلت لدرجت كل الي بلمطار صار يطالعوون فيهم يبه الله يخليك قوول الحقيقه مامات صح؟؟
سليمان نزل راسه بأسى على حالت روبي:.................
روبي:آآآآآآآآآآآآآآآآآآآآآآآآآآآآآآآه يبببببببببببببببببببببببببببببببببببببببببببه >>>كانت هذي آخر كلمه قالتها رووبي وبعدها ماحست على نفسها اببببببببببببد




























روبي:اللللللللللللللللله مرررررررررررره حلوة هذي الورووود يابابا،،وش اسم هذي الحديقه؟؟
عبدالعزيز: اسمها روووبي
روبي: بابا مو عشانك تحبني تسمي كل شي بأسمي
عبدالعزيز: لأنك ياروبي دنيتي عشان كذاا سميت كل شي بأسمك
روبي شافت الورده الي بيد عبدالعزيز : بابا طيب هذي الوردة حلوة لميييييييييييييين؟؟؟
عبدالعزيز:لروووبي
روبي: اناااا!!!!
عبدالعزيز: لا
روبي :طيب انا روبي يابابا ؟؟؟
عبدالعزيز :لا انا اقصد روبي امك عشان انا رايح لها
روبي: طيب وانا ؟؟؟
عبدالعزيز: لا انتي خلييييييييييييييك
روبي: لييييييييش بابا خذني معك
عبدالعزيز وهو يبتسم لبنته:لا حبيبتي انتي خلك هنااا مع هذاا الورد انا رايح لأمك
روبي: لا بابا لاتروووح الله يخليك لاتروووح طيب خذني معك بااااااااااااااااباااااااااااااااااااا لالااااااااااااااااااااااااا خدني معك لااااااااااااااااااااااااااااااااااااااااااا بابا خديني معك لااااااااااااااااااااااااااااااااااااا



فتحت روبي عيونها بكسل وضعف شديد ما تدري ليه هي كذااا مررره كسلانه كأنها نامت كثير ولقت الكل فوق راسها سليمان وزوجته ورهف والعنود وام العنود وطلال والكل طالعت فيهم بأستغراب:وش فيكم؟؟؟
سليمان: روووبي بسم الله عليك قولي بسم الله
روبي: بسم الله ،،انا وين؟؟؟
سليمان:في المستشفى
روبي تذكرت يعني هذااك حلم ابوووي يعني وينه لالا ماات مستحيل:يبه وين ابوووي،، وانا ليه هنا؟؟
سليمان: يا روبي يابنتي انتي لازم تصيرين قويه عشان تقدرين تكملين حياتك وابوك ياحبيبتي عطاك عمره،، وانتي هنااا عشان يوم كنا في المطار قبل5 شهوور جاك انهيار عصبي شديد وادى بغيبوبه نمتي فيها 5شهووور
روبي:5شهوور؟؟؟؟ وانااا نايمه
سليمان: ايه ،،الحمدلله على سلامتك يابنتي
روبي: الله يسلمك،،يعني ابووي مات من 5 شهور وسويتوو عزاه وانا ما حضرته ما حضرت عزاا ابووي،،آآآآآآآآآآآآآآآآه يا يبه ليتك ماخذني معك
ام طلال: بسم الله عليك يمه ،،هذاا امر الله قولي الهم لا اعتراض
روبي: الهم لا اعتراض
ام طلال :انتي حبيبتي مؤمنه ولازم ترضين بقضاء الله وقدره ،،ويله حبيبتي قومي اوصلك للحمام عشان تغسلين
وتصلين لك ركعتين تشكرين ربك انه نجاك وقمتي من هلغيبوبه وتدعين فيها لبووك وامك بارحمه الواسعه
روبي هزت راسها بلايجاب وقامت مع أم طلال للحمام تصلي لها ركعتين تنفعها



بعد كم يوم كتب الدكتور لروبي خرووج وطلعت من المستشفى لانها تحسنت نسبياا وصار وجودها في المستشفى غير مهم..





في سيارة أبو طلال((سليمان))


روبي: يبه ابي اروح بيتنا
سليمان:خليها مره ثانيه يا حبيبتي،،الحين بوديك بيتي وأخليك ترتاحين
روبي: يبه طلبتك لاتردني
سليمان ماحب يزعلها: جاك
روبي:يعني بتوديني
سليمان : ايه ،، بس مراح اخليك لحالك بخلي رهف وطلال يجون معك
روبي:خلاص موافقه بس اروح







بيت عبدالعزيز


دخلت روبي والظلام مخيم على البيت والغبار في كل مكان كأن البيت مهجور له سنين مو 5شهوور من توفى ابوها<<اكيييد الرياض وغبارها اليومي لازم >>الدخله بايخه لعد تعيدينها هع

روبي:رهف
رهف:سمي حبيبتي
روبي بأنكسار والدموع في عيونها:بروح غرفة ابوووي لحالي ما ابي احد معي
رهف: بس لووووو..............
روبي تقاطعها:لاتخافين مراااح انهار ان شاءالله
رهف ماحبت تجادلها:طيب على رراحتك


رهف راحت عند اخوها طلال بلحديقه برااا ،،اما روبي فطلعت الدرج تجر نفسها جر ،،كل مكان في هذاا البيت مثل ما هووو بس الغبار منتشر في كل مكان ياترى بتصير غرفة ابووي نفس الشي ما تغيرت ولا عمي سليمان تبرع بأغراض ابووي للمبره؟؟؟
وقفت عند الباب بضعف شديد تذكرت صوته لين طقت على باب غرفته :دلووووعتي تفضلي يابعد كل عزووز
روبي نزلت منها دمعه حارة وبعدها حاولت تستجمع قواها وفتحت الباب بهدووووووء كان كل شي مثل ما هووو ما تغير شي ابد السرير في مكانه بس محيووس شوي الا قلام منتشره في كل مكان في الارض اوراق بعضاها خواطر لأبوها والبعض الاخر فاضي الدولاب مفتوووح والملابس منتشرة فيه حتى ثوبه وشماغه لقتهم على السرير وراحت ركض لهم شمت ثوبه بكل قواها تبي تشم ريحة ابوها: آآآآآآآآآآآآآه يابوووي ليه رحت وتركتني ليه رحت وخليت روبي بنتك حبيبتك
غمضت عيونها وضمت الثوب وهي تتذكر في المستشفى يوم تسأل سليمان عن سبب موت ابوها نزل راسه بحزن وقالها انه توفى بسبب حادث كان طالع من الشركه فطلعت في وجهه تريله مسرعه وتصادمت السيارتين وشبت فيهم النار
فتحت عيونها بحزن وكانت الدموع تملى عينها رمت بنفسها على السرير بقوه وحست بصوت تحت ظهرها قامت بسرع تشوف وش فيه ولقت ظرف وقرت الي مكتوب عليه بصوتها:تسلم لأبنتي رووبي

فتحتها روبي بسرعه وكان مكتووب على الورقه وصيتي لك يا بنتي


بسم الله الرحمن الرحيم

لين فتحتي هذي الورقه بأكوون تحت التراب أكييييييييييييد....

عيووووني روووبي....

اذا جاء اليوم الي بتشوفيني فيه مو موجود،،اتمنى انك تصبرين وتحاولين تفهمين

لاتحزنين لان الحزن يزيد همك هم وانا احس بحزنك في قبري لا تستغربين لان الميت يحس بلي يحب اذا حزن
تذكري الايام والساعات التي قيضيناها مع بعض وسوا تذكري ضحكنا مزاحنا لعبنا كل شي سويناه،،لا تخلين شي يروح من ذاكرتك....

لين رحت يابنتي صدقيني بأني رحت لأني مشتااق للقاء الله،،لا تحزنين حبيبتي فبيجي اليوم الي تحسين فيه بلي احسه بعد عمر طويييييييييييييييل ان شاءالله لان كلنا رايحين لوجهه ولكن تختلف الايام والازمان ...

روبي حاولي تفهمين أن عمري قرب ينتهي اقصد انتهى وانتي تقرين هذي الورقه....

روبي عيووني...

لاتحزنين لما رفضت طلباتك وخصوصاا يوم طلبتي شوفت اهلي ((جدك وجدتك)) فصدقيني في يوم من الايام راح تكتشيفين بأن بلرغم من اخطائي الا اني كنت دايماا ابغى لك الاحسن والافضل في كل الاشياء...

اتمنى انك ما تحسين بلحزن ولا بلعجز لين جات ساعتي ،،لان لازم تكونين جنبي ووقريبه مني وتحاولين ان تحتويني بالدعااء لأني احس فيك...

عيووني روووبي،،انا بعت املاكي كلها لك بيع وشرااا وخليتها بأسمك روووووووبي آآآآآآآه ما تدرين وش كثر كنت احب هلأسم اول عشان امك والحين انتي بنتي الوحيدة حبيبتي...

اما عن الشركه فمثل ما انتي عارفه انها مناصفه بيني وبين سليمان صديق عمري النص الاول يخصه اما الثاني فهوو لك ويخصك ،،ابيك توثقين فيه لانه صدق محل ثقه هوو وولده طلاال الي هوو سكرتيري ومن اليوم وطالع بيكون السكرتير الخاص لك يعلمك كل صغيرة وكبيرة بلشركه مايحتاج اوصيه هوو اخوك وبيخاف عليك ...

وبعد ابغى منك ما توقفين دراستك لأنها حياتك كمليها مثل ما وعدتيني عشان ترجعين تمسكين الشركه بنفسك....

آخر شي ما اوصيك بسليمان الي انا موصيه عليك قبل ما اوصيك ابيك تعتبرينه اب لك من بعدي واهتمي بنفسك ولا ابي الدمعه في عيونك ابد ولا تضعفين قدام احد ،،والله الله بالصلاة...

احبك يا عيوني

ابووووووووووك عبدالعزيز


سكرت روبي الورقه وضمتها لصدرها وصارت تبكي بحرقه وانا احبك يا ابوووي والله احبك وبكت وبكت وبكت لين غلبها النعاس ونامت بين اغراض ابوها وفي غرفته.......




اليوم الثاني


صحت روبي اليوم الثاني على صوت الباب الي كان سليمان يدقه>>>طق طق طق
روبي:تفضل
سليمان: هااه حبيبتي كيفك اليوم
روبي: بخير
سليمان : الحمدلله ،، يله حبيبتي عشان بنادي المبره تجي تشيل اغراض ابوك
روبي: لا يا ابوي اللله يخليك
سليمان: روبي حبيبتي ،،انتي وش مستفيده من وجودها غير الغبار والذكريات كل ما دخلتي الغرفه بتبكين وبعدين خليها له صدقه جاريه تنفعه يوم القيامه
روبي بحزن: بس....
سليمان يقاطعها:لا بس ولا شي واذا مررره تبغين شي له يذكرك فيه مع اني عارف انك مراح تنسينه خذي له أي شي خاص يحبه
روبي فرحت رغم حزنها:يعني عاادي
سليمان : ايه اكيييييييييد عاادي >>قام بيطلع وكنه تذكر شي:ترى انت من اليوم وطالع بتسكنين عندنا
روبي: وبيتنا؟؟؟
سليمان: موجود مرااح المسه ،،بس مرااح اخليك هنا لحالك لازم تسكنين عندي انتي بنت الغالي الله يرحمه والغالي موصيني عليك
روبي: الله يرحمه
طلع سليمان وترك روبي في الغرفه تاخذ لها شي لأبوها قبل يتصدقون بلي فلغرفه


رواحت روبي للدولاب ولقت تي شرت اصفر هي جابته لأبوها هديه كان مره يحبه وكثير يلبسه،،ابتسمت وهي تتذكر
روبي بتصفير: ياهووووووووووووو يا اصفر
عبدالعزيز:كيف شكلي؟؟؟
روبي: شكلك شييييييييييييييييييي ،،مرررررررره خطير
عبدالعزيز:لاتمدحين واجد يكبر راسي
روبي: ههههههههههههه ،، يحقله يكبر شف من يمدحك
عبدالعزيز وهو يضربها على خفيف: فيك ثقه مدري من وين؟؟
روبي وهي تاشر على نفسها ثم عبدالعزيز:هذاا الشبل من هذا الاسد
عبدالعزيز: اسمحيلي اقولك ان ذوقك خطير وعجبني التي شرت
روبي: اللله يسلمك ماقلت لك هذاا الشبل من هذاا الاسد حتى الفستان الي جبته لي قبل فتره ختير وعاجبني
عبدالعزيز بمزاح: ياملعوونه الوالدين يعني ماجبتي لي التي شرت الا لأني جايب لك الفستان ولا كان ما جبتي لي شي
روبي وهي ميته ضحك: هههههههههههههههههههههههههههههه ،، اجل على بالك لله جايبته
عبدالعزيز: والله انك داهيه منتيب هينه،، ان كيدهن عظيم
روبي: هههههههههههههههههههههههههههههههههههههههههههه



رجعت للواقع على دخلت رهف عليها الي كانت تستعجلها بلطلعه من الغرفه عشان طلال برااا ينتظرهم بلسياره
رهف: يله روبي طلوول براااا
روبي: يله بس باخذ الغترة والشماغ الي على السرير وهذاا التي شرت والوصيه
رهف: يله انا بسبقت بلغتره والشماغ عشان احطهم بلكيس وانتي جيبي التي شرت والوصيه
روبي: اوك


خذت روبي الي شرت والوصيه وخذ ت جوله بنظرها على الغرفة لاخر مره ومسحت دمعه نزلت من عينها وطلعت وسكرت الباب وابتسمت وهي تتذكر ابوها لين سكرت باب غرفته وش كان يقول: بسسسس يابنت بشويش سكريه،، كسرتي باب غرفتي


ومر في خاطرها الابيات الي تقووووووووول

هنا كم سنه من عمري اعيش وداخلي جروح
...............هنا قلبي رحل عني وكثر الحزن قاسيته

هنا جرحي ترك دفتر مسجل به الم مفتوح
..............هنا قلبي رفض بعدك وغصب البعد خاويته

دخيلك ليه يايبه خنقت صوتي المبحوح
.............دخيلك كيف هالدنيا تذل الشخص في بيته

كبيره صدمه الدنيا تجازيني بكثير النوح
...........يكون آخرها حرماني من اغلى حب حسيته

فمان الله يايبه فمان اللي عطى هالروح
.................. وداعك يصرخ بروحي وانا بالقلب خبيته

ياقبر ابوي اذا تسمح بجيلك لابغيت ابوح
................. بجيلك لانفذ صبري واحس العمر مليته

بجيلك واجلس اقبالك واحط ايدي على هاللوح
.......... واحس ايدي بيدين ابوي ياليته صدق ياليته




تنهدت تنهيدة قويييييه:آآآآآآآآآآآآآآآآآآآآآآآآآآآآآآآآآآآآآآآآآ آآآآآآآآآآآآآآآآآآآآآآآآآآآآآآآآآآآآآآآآآآآآآآآآآآ آآآآآآآآآآآآآآآآآه ونزلت لرهف وطلال الي كان ينتضرها برا السيارة بطووله الحلوو وملامحه الجداااابه الحلوة انسان جدي مايحب الف ولا الدوران عمره 25 سنه يساعد ابوه في الشركة


روبي: السلام عليكم
طلال: وعليكم السلام: كيفك الحين؟؟
روبي هزت راسها بلايجاب ودخلت السياره،،التفت لأخته بحزن على حالها على روبي المرحه الحبووبه الي ما تخلي احد من استهبالها وتعليقاتها وضحكها معه بادلته رهف نفس نظرات الحزن الي حست فيها روبي وحست انها مضيقه خلق الي حولها بحزنها الي لازم تطلع منه او تعزل نفسها عنهم >>>وغالبا هذاا الي بيصير





بعــــــــــــــــــد شهـــــــــــــــــــــــــر

روبي كانت على حالها وكانت حالتها من اسواء لأسوء كانت ما تقدر تنام وكانت دايم تفكر بأبوها وتتخيله في كل مكان وتتذكر كل كلمه يقولها وصارت تحبس نفسها في الغرفه الي خصصها لها سليمان في بيته لدرجه ان سليمان خاف عليها انها تجيها حاله نفسيه ولا تنجن من كثر ماهي مسويه بنفسها حتى الاكل ماتاكله الا نادرااا نحفت كثييييييير وجهها بهت لونه والمويه بس تشربها عشان ما تموت برغم انها تقول انها ماتت من زمان مع ابوها بس جسدها الي موجود...


طق طق طق<<<الباب>>>خخخ
روبي: مييييييييييييييييييييييييييييين؟؟؟؟؟؟
: انا العنووووووووووووووود
روبي وكنها مو مصدقه: تفضلي
العنود: روبيييييييييي
روبي الا من شافت العنود ارتمت في حضنها وبدت تبكي:اششششششش بس بس عشاني اهدي
روبي:وكيف اهداا يا العنود وابوي عزوتي سندي بهدنيا اهلي كلهم مات،، وش اسوي من بعده علميني؟؟،، انا احس اني بلحقه قريب ان شاءالله
العنود بسرعة: بعد عمر طويل ان شاءالله ،،بسم الله عليك،، روبي خير والله لو عمي عبدالعزيز موجود كان مارضى بلي تقولينه،، هذاا جزع من رحمة الله ومفروض انك ماتجزعين حرااام الي تسوينه اجل وش خليتي للكفار اذا المسلين يسوون الي انتي تسوينه؟؟
روبي: بس هذاا ابوووي؟؟
العنود:ابووك ما اختلفنا ،،تبكين عليه يوم يومين عشرة طول العمر لو بغيتي بس تذبحين نفسك هذاا يسمى انتحار لا اكل مثل الناس تاكلين ولا شرب وحتى الطلعاات حارمه نفسك منها هذاا مووت بطيئ لك انتي ومستقبلاا انتحاار انتي ترضين يقولون روبي بنت عبدالعزيز ال.............. انتحرت؟؟؟
روبي ساكته:..................
العنود تكمل : اكييييد لا ،،روبي كلنا بنمووت بس كل له يومه وابوك هذاك كان يومه ومحد يقدر يرد الي الله كاتبه،،روبي التفتي حولك قولي الحمدلله على كل حاال غيرك يتمنى الي انتي فيه ابوك يوم مات كان مأمن مستقبلك مو مخليك محتاجه شي حتى بعد عينه الله يرحمه
روبي الي كانت تبكي بصمت: الله يرحمه
العنود تكمل:وبعدين حطك عند ناس طيبين يحبونك ويدورون رضاك والاهم من هذاا انك انتي بكبرك تحبينهم،، وغير كذااا انتي مفروض تحمدين ربك صحيح يتيمه بس تيتمتي وانتي كبيرة تقدرين تشيلين نفسك وتكونينها وممكن تتزوجين وتبدين حياة جديده وحلوة مع زوجك من جديد,, صدقيني ياروبي غيرك يموتون اهلهم وعيالهم صغار الي عمره سنتين والي 6 وتلاقين اكبرهم 10 سنين قولي هذوولي وش يسون بعد عين ابوهم وامهم؟؟ قولي لي؟؟وحتى لو لهم اهل يمكن يصيرون مو حنونين معهم البعض طبعاا مو الكل بس هذي حقيقه خليني اعطيك مثل اقرب روبي العراق وفلسطين يموت فيهم يوميا الاف ومع هذاا تلاقين فيهم العزيمه والاصراار انهم يكملون وحاربون عدوهم،،فأنتي اعتبري نفسك احد العراقيين او الفلسطينين وان الدنيا عدوك بتستسلمين لها وتضعفين؟؟؟
روبي:لا
العنود: اجل هذاا الي انا ابيه من اول ابي عزيمتك اصرارك على الحياه ابي روبي الاوليه ترجع لنا ضحكتها استهبالها قوتها عزيمتها اصرارها كل شي فييها حتى اشراقت وجههاا الي الاحظ انها اختفت،، اتفقنا
روبي: اتفقناا
العنود: لا ما ابي كلام بس ابي عزيمه واصراا ووعد بعد
روبي وهي تاخذ نفس :وعد اني اتغير للأفضل
العنود ابتسمت بأرتياح وضمت روبي:ياحيياتي




تحت في الصاله


ابو طلال:على الله روبي هلمره تسمع من العنود وتتغير لأني جد خايف عليها
ام طلال:ان شاءالله
رهف:لا ان شاءالله بتسمع من العنود لانها مره تحبها وتثق فيها وانا ملاحظه في فترت الشهر الي فات انها كانت فاقدتها بشكل كبير
ام طلال: الله لايحرمهم من بعض
الكل: آآآآآآآآميييييييييييين




غرفة روبي


روبي: الا صدق كيف جيتي من بريطانيا؟؟
العنود بستهبال: بلطياره،، كيف جيت يعني؟؟
روبي: ياسخفي،ن انا اقصد مو قلتي انك كملتي هذي السنه؟؟
العنود: ايه كملتها
روبي: اجل كيف جيتي وانتي عندك اختبارات ؟؟
العنود: بسم الله عليك ياروبي ،، انا باديه من الفترة الي دخلتي فيها غيبووبه 5 شهوور والحين شهر بعد ماصحيتي صارت 6 شهوور يعني خلص الترم الاول والحين عندنا اجازه
روبي: اهااا،، صدق اني تنحه
العنود: عاادي مو شي جديد
روبي: يا دبااااا
العنود: ههههههههههه ،، الا على فكره
روبي: وشووو
العنود: فيصل وزياد يسلمون عليك مرررررره
روبي بعدم اهتمام: الله يسلمك ويسلمهم،، كلمني قبل فتره\ وزياد وعزاني اماا فيصل يوم رجع امس من بريطانيا مرنا وعزانا كلنا
العنود: ياحليلهم والله فيهم الخير،، قسم بالله لو ماهم معي هذي السنه كان علوووم من الزهق جتني حاله بغيت ارووح فيها من الزهق والمشكل هالي مقابل وجهي لمارووه الشيفه وسالم الله ياخذه كرررييييييييه وكل يوم يسأل عنك ويحاول فيني اعطيه رقمك بس اناا اقول مغلق جهازها واننمتهاوشين عشان يفك عني
روبي:وييييييه الحمدلله انك ماعطيتيه كان علوووم
العنود:هههههههه ايه والله،،ايه صح,, روبي متى تكملين والله مشتاقه لك ولحركاتنا في بريطانيا وكل شي فيها؟؟؟
روبي بتفكير:بكمل بس فيه شي براسي لازم اسويه قبل
العنود: وشوووو؟؟؟؟
روبي: كل شي في وقته حلوووووو ياحلووو



كملووو سوالف بعد ما نادت العنود رهف عشان تجلس معهم وحاولو يطلعون روبي من الحزن الي هي فيه وفعلااا نجحوو ولله الحمد وكانت الجلسه حلوه نست فيها روبي حزنها على ابوها او تناسته خلنا نقول




بعد اسبوعين


من زيارة العنود تغيرة روبي 180 درجه ولاحظ الكل هذاا الشي صارت تاكل وتشرب مع الكل في وقت الوجبات تحسنت صحتها كثير وبداا وزنها يرجع للطبيعي وعادت الاشراقه على وجهاا من جديد

طلعت من غرفتها لابسه سكني جنز ازرق ووتووب ابيض رفعت شعرها ذيل حصااان ونزلت للدور الي تحت وضربت باب مكتب ابوها سليمان :ممكن ادخل؟؟
سليمان: تفضل
روبي: السلام عليكم
سليمان: وعليكم السلام،، هلا ببنتي حبيبتي هلا وغلا
روبي: وش أخبارك يبه؟؟
سليمان: بخير ،،اجلسي حبيبتي ليه واقفه؟؟؟؟
روبي ابتسمت وجلست وقالت بجديه:يبه بكلمك بموضوع،، فاضي؟؟؟
سليمان بنفس الجديه:ايه فاضي تفضلي
روبي بسرعه: ابي اشوف اهلي؟؟
سليمان:بس تبين تروحين بريطانيا خلاص ولا يهمك اقول لطلال يدبر لك حجز في اقرب وقت
روبي:بيه انت عارف من اقصد انت تدري اني اقصد اهل ابووي مو اهل امي
سليمان:بس ياروبي هذوولي لازم تنسينهم
روبي: يبه انسى اهلي انسى عزوتي انسى انا مين ووش اصلي؟؟ كيف انسى هذاا كله؟؟؟
سليمان: انا ما ابي الا مصلحتك
روبي: ومصلحتي بشوفتهم،،يبه انت نسيت انهم مايدرون ابووي مات مايدروون ان ولدهم مات وخلى لهم بنت بن بعد عينه مفروض يرعونها ويسألون عنها
سليمان: وانا مقصر معك بشي؟؟
روبي:وش هذاا الكلام يا يبه؟؟؟ بس هم لازم يتحملون المسؤوليه،،لأن غلط الي جالس يصير من 20 سنه ،،ليه القطاعه؟؟،،وين وصاة الرسول بصلت الرحم؟؟؟ونسوو ان مايدخل الجنه قاطع رحم!! ،،فكيف لو كانوو اهلك،، امك ابوووك
سليمان: معك حق بس ابوك ماقصر
روبي: انا عارفه انه ماقصر ،،وانا لازم اصير مثل ابووي وما اقصر بعد
سليمان:بس والله ما انصحك تقابلينهم
روبي:انا قدها ان شاءالله
سليمان:متى تبين تروحين؟؟
روبي بفرحه: يعني معك العنوان؟؟
سليمان: ايه ،،متى تبين تروحين؟؟
روبي: بكره
سليمان: بكره؟؟؟؟؟
روبي: ايه
سليمان: بس ترى مو بلحالك برسل معك طلال
روبي: خلاص موافقه بس المهم اروح
سليمان ابتسم ابتسامه صفراا تخفي الخوف الي خايفه على روبي
طلعت روبي مييييييييييييييييته ونااااااااااااااسه وفرحححححححححححححححه على انها بتروح تشوف اهلها اخيرااا



انتهى البارت الرابع

توقعاتكم...


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 35
قديم(ـة) 24-08-2009, 06:55 AM
صورة بصله خنينه الرمزية
بصله خنينه بصله خنينه غير متصل
©؛°¨غرامي فعال ¨°؛©
 
الافتراضي رد: روبي امانه في رقبتك يانواف روايتي الثانية


يسلمووووووووووووووو البااااااارت خياااال

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 36
قديم(ـة) 24-08-2009, 08:19 AM
صورة همسة كبرياء الرمزية
همسة كبرياء همسة كبرياء غير متصل
©؛°¨غرامي مشارك¨°؛©
 
رد: روبي امانه في رقبتك يانواف روايتي الثانية


يسلمو عنودة البارتي روعه
وربي حمستيني كثييييييييييييييييييييييييييييييييير
وعجبتني زياد وفيصل وشخصيتهم اكثر مررررررررررررره
وكره سالم ولمار اكرهم كره العمى
وش الي يصير لما تقابل روبي جده محمد
واي ودي اعرف
واتمنى مطولي علينا
ولكم خالص ودي
اختكم همسة كبرياء





الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 37
قديم(ـة) 24-08-2009, 08:50 AM
صورة سكــــــرهـ في زمن مــــــر الرمزية
سكــــــرهـ في زمن مــــــر سكــــــرهـ في زمن مــــــر غير متصل
©؛°¨غرامي مجتهد¨°؛©
 
الافتراضي رد: روبي امانه في رقبتك يانواف روايتي الثانية


يصلموووووووووووو ...

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 38
قديم(ـة) 24-08-2009, 12:46 PM
صورة اميرة لحالي الرمزية
اميرة لحالي اميرة لحالي غير متصل
©؛°¨غرامي متألق ¨°؛©
 
الافتراضي رد: روبي امانه في رقبتك يانواف روايتي الثانية


يسلمووووووووووووووو البااااااارت خياااال

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 39
قديم(ـة) 24-08-2009, 03:15 PM
صورة آلشقرآ .~ الرمزية
آلشقرآ .~ آلشقرآ .~ غير متصل
©؛°¨غرامي ذهبي¨°؛©
 
الافتراضي رد: روبي امانه في رقبتك يانواف روايتي الثانية


..

هلا والله
يعطيك العافيه
نورتي القسم

..

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 40
قديم(ـة) 24-08-2009, 05:53 PM
صورة ღ Zain ღ الرمزية
ღ Zain ღ ღ Zain ღ غير متصل
©؛°¨غرامي نشيط¨°؛©
 
الافتراضي رد: روبي امانه في رقبتك يانواف روايتي الثانية


آلروآيه روع ـه ..
تسسسلم يمنـآكِ ..

الرد باقتباس
إضافة رد
الإشارات المرجعية

روايتي الثانية : روبي أمانة في رقبتك يا نواف / كاملة

الوسوم
((روبي , امانه , الثانية , بنشتااااااق لروبي ونواف , يانواف))>>>روايتي , رقبتك
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
روايتي الثانية : الفئة المجنونة / كاملة immo0ortal روايات كامله - يتم نقل الرواية هنا بعد اكتمالها 933 26-04-2016 02:50 PM
روايتي الثانية : من صدتك للهم أنا أدفع ضرايب / كاملة نور الدنيـــا روايات كامله - يتم نقل الرواية هنا بعد اكتمالها 479 25-04-2011 01:21 AM
رابطة أولمبياد بكين 2008 , أخبار , نتائج ... إلخ سفير السعادة رياضة متنوعة - سباحة - كرة تنس - كرة سله - مصارعة 67 16-12-2008 12:49 AM
هلال تحول الى فانووووس! U Think U Know Me كووره عربية 45 13-09-2006 04:05 PM

الساعة الآن +3: 04:24 AM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


تصميم دريم تيم

SEO by vBSEO 3.6.1