غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام

عـودة للخلف   منتديات غرام > منتديات روائية > روايات كامله - يتم نقل الرواية هنا بعد اكتمالها
الإشعارات
 
أدوات الموضوع طريقة العرض
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1
قديم(ـة) 21-08-2009, 12:01 PM
صورة روح زايــــد الرمزية
روح زايــــد روح زايــــد غير متصل
مستشــ¸.·* غرام *·.¸ـــاري
 
بقايا أنثى مجروحة / الكاتبة : سحر الاحساس ، كاملة


بقـــايــــــا أنثــى مجــروحــة للكاتبه سحر الإحساس;







%%البارت الأول%%

-بالبداية راح أعطيكم نبذة عني أنا مشاعل..عمري١٩..أدرس في جامعة الملك سعود قسم علم نفس..الكل يقول أني حلوة خاصة"عيوني يقولون فيها جاذبية يمكن بسبب لونها..حبي فارس ولد عمي فواز..وهو عمره ٢٩دكتور في الجامعة.. وعماني دائما"يقولون أنتوا لبعض..بس أنا دائماً أقول أني أعتبره شخص عادي مو حبيب لأني استحي أصرح بحبي له لهم..بس اللي يعرف هالشيء عبير بنت خالي عبد الله ومرام صديقتي..
في قصر عمي فواز العصر..وبالتحديد في الصالة..
أم فارس:كيف حالكم يا أم خالد
أمي:والله الحمد لله بخير أنتم كيفكم
أم فارس:بخير الحمد لله بصراحة من زمان عنكم والله اشتقنا لكم
أمي:حتى أحنا..بس تعرفين مشاغل الدنيا كثيرة..الله لا يشغلنا ألا بطاعته..وعاد الواحد يا لله يلقى وقت عشان يرتاح
أم فارس:أيه والله صادقة
أم فارس لفت علي وقالت:أنتي كيفك يا بنيتي مشاعل وكيف أحولك مع الدراسة
:الحمد لله طيبة ودراستي كويسة
أم فارس:الحمد لله
رجعت أم فارس تكلم أمي:صحيح خالد ولدك ناوي يتزوج
أمي:أيه خالد ما عاد هو بصغير ألحين اللي بعمره عنده عيال
أم فارس:وأن شاء الله بيأخذ الهنوف بنت عمه منصور
أمي:أكيد..عيالي ما راح يأخذون غير بنات عمانهم أن شاء الله
أم فارس وهي تناظرني
مبتسمة:أيه يا أم خالد البنات أصلن مالهن ألا عيال عمانهم
استحيت من نظرات أم فارس ونزلت رأسي لاحظت هالشيء
نهاد وحاولت تنقذني من
هالاحراج قالت:تعالي يا مشاعل نطلع لغرفتي عشان تشوفين اللي اشتريته من السوق أمس
ما صدقت خبر وقمت على طول:يله
شفت الملابس اللي أشترتها نهاد لجهازها وجلسنا نتكلم شوي ألا وجات مشرفة البيت وقالت أن أمي تقول يله مشينا ولما جيت أطلع من الغرفة أنا ونهاد رن جوال نهاد رجعت هي لجوالها ونزلت أنا لحالي وكانت غرفة فارس أقرب غرفة للأصنصير وأنا متوجه له بعد ما غطيت وجهي سمعته يقول بصوت عالي:بس أنا أحبها يا سعود أحبها
ذبحني الفضول أني أسمع وكنت أقول بقلبي أكيد أنا مو أحنا لبعض..قربت شوي للباب وسمعته يقول:بس يا سعود أبوي ما هو راضي أخذ غادة بنت خالتي حبي الأول والأخير يبيني أخذ مشاعل وأنا أعتبرها مثل أختي لا أكثر ولا أقل..
كان قلبي بتوقف عند هالكلمة..عند كلمة أختي نزلت بسرعة ما كنت أبي أسمع أكثر من اللي سمعته..حاولت أحبس دموعي والحمد لله ما فضحت روحي عند أمي وخالتي أم فارس..رجعنا للبيت وحصلت أختي شجون في ثاني ثانوي علمي قدامي..وكانت جالسة في البيت لأن عندها اختبار أحياء..جلست معها أتكلم وأقولها أخبار نهاد عشان ما تحس فيني وأمي دخلت لغرفتها ترتاح
شجون:وش أخبار خالتي أم فارس ونهاد..
:كلهم بخير ونهاد تسلم عليك
شجون:الله يسلمها..ما جات خالتي أم سالم وبناتها..
:أم الحبيب نواف
شجون استحت وقالت:يوه يا مشاعل وش جاب طاري نواف..
ضحكت بس مو من قلب كانت محاولة عشان أنسى اللي
سمعته:لا ارتاحي ما جوا..أنا
أستأذن ألحين بروح أرتاح..
شجون:أذنك معاك

..================================================ =======

دخلت غرفتي وجلست أبكي حسيت أني أكره حبي لفارس..دفنت رأسي في المخدة..وجلست أبكي ألين ابتلت مخدتي بدموعي
...تدري وش العذاب على أصوله أنك تحب إنسان ما يعرف غلاتك...
قمت من سريري وطلعت دفتري اللي كنت أكتب فيه قصائد وخواطر من حبيت فارس..وأخذت أقلب فيه وقريت وحدة من الصفحات وكان مكتوب فيها
...العين عافت نظرة الغير لأرضاك
كله عشان أحتري نظرتي فيك
دامنك سكنت بداخل القلب يرعاك
هذا خفوقي وانشده كيف يغليك
قلبي واعرفه بالغلا كم تمناك
مدري على كثر الغلا وين أوديك...

..أنزلت دموعي أكثر وأخذت أقطع الدفتر بدون شعور
..قطعت الدفتر اللي دونت وكتبت أجمل القصائد والخواطر في فارس
..قطعت الدفتر اللي احتفظت فيه ست سنوات
..الدفتر اللي كنت أعبر عن اللي في قلبي فيه قطعته

===================================


سمعت ضرب باب غرفتي..ومسحت دموعي وخذيت الأوراق المتقطعة ورميتها في السلة وقلت:مين
أمي:أنا أمك يا مشاعل
:تفضلي ماماي
دخلت أمي وجلست على السرير..وانتبهت لعيوني الحمراء
أمي:وش فيك مشاعل ليه عيونك حمراء أنتي تبكين
:لا بس عيوني تعبانه...كنت متأكدة أنا أمي ما راح تقتنع بهالعذر بس شسوي ما لقيت ألا هو وعلى فكرة أنا ما أعرف أصرف في بعض الأحيان يعني أجيب العيد...
أمي قالت بشك:يمه مشاعل أنا أعرفك أذا تضايقتي وأنا لاحظت عليك من نزلتي من عند نهاد بنت عمك وأنتي متضايقة أنا قلت أتركك ترتاحين بس ما قدرت أرتاح وأنتي متضايقة والدليل عيونك
تغير لون وجهي وتلعثمت..وما كنت عارفة وش أقول بس ما في مجال أني أكذب وأقول أني مو متضايقة:لابس يا ماماي نهاد زواجها قريب ما باقي ألا شهرين وبتروح تسكن في جدة راح أفقدها يا ماماي مرة
أمي:هذا نصيبها وبعدين مو معنى أنها راحت بعيد عنا ما راح نشوفها والحين الجوال قرب البعيد ونهاد بين كل فترة وفترة بتشوفينها
:أن شاء الله ماماي
أمي:خلاص يا بعد قلبي لا تضيق عمرك
طلعت أمي من الغرفة..وكان ودي أفضفض لأحد..أقوله اللي في قلبي..رفعت جوالي عشان أتصل على عبير..بس تراجعت في الأخير..لأني أذا كلمتها وش أقولها..أقول الإنسان اللي أحبه والكل عارف أن لبعض طلع يحب غيري وأنه راح ينجبر من الزواج فيني..أنا اللي أعرفه أن البنت هي اللي تنجبر..آه جلست أبكي أكثر وأكثر..كنت محتاجة أحد يوقف جنبي يواااسيني..
وأنا جالسة أفكر ضربت مشرفة القصر روزي الباب
:مين
روزي:آنسة يله العشى كاهز تعي أنزلي
:مالي نفس أبي أنام
دخلت باللحاف..وتغطيت آه..كان ودي أصرخ أشكي..أقول بأعلى صوتي يا ناس أنا أعشق شخص غارق في هواء غيري..وش أسوي

====================

مر على اللي صار يومين..
المغرب في الصالة في بيتنا
طلعت من الأصنصير تحت عند أهلي وحصلت أبوي وأمي وخالد ٢٧وشجون وخلدون ١٢وأختي نورة٢٣ جالسين وأول ما شفت أختي نورة..
صرخت باسمها:نووووورة
ووقفت عشان تسلم علي..وأول ما وصلت لها ضميتها ودمعت عيوني:اشتقت لك يا نورة ليه ما قلتي أنك بتجينا
نورة:حبيت أخليها مفأجاة
:والله أنها أحلى مفأجاة
خالد:ألحين نفسي أعرف ليه حتى وقت الفرح تبكون
أمي:هذا دلع بنات
جلسنا نتكلم ونضحك..ولأول مرة أضحك وانبسط بالشكل هذا من سمعت اللي قاله فارس ..وأنا حتى البسمة ما عاد لها ملامح في وجهي بس الليلة بوصول نورة ذقت طعم الفرح اللي صار لي يومين فاقدتها..جلسنا إلى أن آذن العشاء وراح أبوي وخالد وخلدون للمسجد وامي طلعت لغرفتها تصلي
أنا ونورة طلعنا لفوق في غرفتي
نورة:مبروك على الخطبة مقدما"
استغربت:أي خطبة
نورة:خطبتك من فارس
:أنا خاطبني فارس وشلون ومتى
نورة:أمي ما قالت لك شيء
:لا
نورة:يمكن ما حصلت وقت تكلمك..المهم أقول لك أنا..اليوم العصر جاء عمي فواز وولده فارس عشان يخطبونك
نورة وهي تبتسم:والحين أفرحي من قدك خذيتي حبيب القلب
عصبت من أخر جملتها:بس أنا ما أفكر في الزواج ألحين أبي أكمل دراستي
نورة:طيب خلاص وش فيك عصبتي علي ما قلت شيء غلط
:آسفة نورة ما هو قصدي بس كلامك نرفزني
نورة:وليه وش فيه كلامي أنا متأكدة أنك تحبين فارس
ما قدرت أمسك دموعي..وأخذت أبكي
قربت مني نورة..وحطت رأسي على صدرها..وصارت تمسح على شعري
نورة:ليه تبكين يا مشاعل ليه يا عيوني
قلت بصوت متقطع:فا..ر..س ما يحبـ..ني
نورة:وش هالكلام اللي تقولينه مين اللي قال لك..الكل عارف أنك لفارس وفارس يحبك ولو ما يحبك كان ما حيرك
كان نفسي أقول لها اللي سمعته بس لساني خاني..
وقلت عشان أبرر كلامي:أحس أنه ما يحبني لو يبيني كان خطبني أول متخرج مثل ما خطبك أخوه سعود أول ما تخرج ما جلس ست سنين
نورة:طريقة تفكير فارس غير عن سعود فارس يبي يعتمد على نفسه ويبني مستقبله قبل ما يتزوج وهذا هو ما شاء الله عليه دكتور ومن أنجح رجال الأعمال من دون ما يعتمد على عمي..وبعدين لما تخرج كان عمرك١٤ يعني لسى صغيرة
هديت أشوي..
نورة:على فكرة الدراسة ما هو عذر.. شوفي أنا تزوجت وأنا كنت أدرس وشوفي نهاد في عمرك وتملكت وزواجها بعد شهرين أن شاء الله..صدقيني ما راح تلاقين أحسن من فارس
قلت بقلبي..بس أنتي عارفة ان سعود يحبك من لما كنتي صغيرة بس انا آآآآآآه..
ثم رفعت نورة رأسي عن صدرها وقالت:مشاعل فارس ألف بنت وبنت تتمناه لا تضعينه من أيدك
وإستاذنت عشان ترتاح لأنها تعبانه من السفر
نورة:مشاعل قبل ما أطلع أوعديني ما تفكرين بهالخرابيط فارس ما في مثله
:أن شاء الله
ثم طلعت من الغرفة وأنا مقهورة ليه ما قلت كل شيء
بس يمكن لأني خايفة على كرامتي....تخيلوا أنكم تحبون شخص وأنتم حاطين بالكم أنا هذا راح يكون شريك حياتكم وكل أهلكم عارفين بهالشيء وفجأة تكتشفون أنه ما يحبكم وأنه أنجبر....

================================================== ======

أندق الباب
:مين
روزي:آنسة يله أنزلي العشى كاهز
:طيب ألحين جاية
نزلت وجلست مع هلي على طاولة الأكل
كان أول من قام من الأكل أنا قمت وغسلت أيدي وطلعت للصالة وشغلت على التلفزيون وجلست أتنقل بين القنوات
جاء أبوي وقصرت في صوت التلفزيون
وقال أبوي:مشاعل ليه ما كلتي زين
قلت على دخلت أمي:لا يباه مسوية دايت
أمي:وليش الدايت هذا وأنتي نحيفة تبين تختفين
:لا ماماي أحس أني زايدة أشوي
قام أبوي وقال:مشاعل روحي جيب لي كأس شاي أنتظرك في مكتبي..هذي عادة في أبوي لازم يشرب شاي بعد الأكل..
:أن شاء الله
جبت كوب شاي وبعدها رحت للمكتب وعطيته أبوي يوم جيت أطلع
قال أبوي:مشاعل
التفت وقلت:لبيه
أبوي:تعالي أجلسي
جلست وجلس أبوي في الكرسي اللي قدامي
أبوي:جاك خبر أن عمك خطبك لفارس
نزلت رأسي وهزيته بالإيجاب وأنا مرررة مستحية من طاري الزواج....بس قلت
:يباه أنا ما أفكر في الزواج حاليا..أبي أكمل دراستي
أبوي:كمليها وأنتي متزوجة..فارس ما راح يمنعك..
يارب شاقول ألحين..تنهدت وقلت:بس يبه أنا ما أبي أتزوج
أبوي:كيف ما تبين..ألحين ولد عمك محيرك ست سنين ولما نوى يتزوجك أقول خلاص البنت ما تبيك..
سكت ولا تكلمت..ما عندي كلام أقوله..
أبوي:شوفي مالك ألا ولد عمك..رضيت وألا ما رضيت وأنا حبيت بس أبلغك ما بي رأيك
قلت من دون تفكير ودموعي متجمعة بعيوني:بس يبه فارس يبي بنت خالته وعمي جابره علي..
عقد أبوي حواجبه:وأنتي من وين جايبها هالكلام
تلعثمت وأنا أحاول ألقى جواب لأبوي صعب أقول أني سمعت فارس بأذني بيقول تتجسسين عالرجل:أي..نهاد زلة مرة وقالت أن أخوها يحب بنت خالتها قلت وأنا أحاول أقنع أبوي..ولو كان يبيني ما جلس ست سنين..أكيد يا يباه مجبور من عمي..
.. وقبل ما أكمل كلامي قاطعني أبوي وقال:وش حب وخرابيط..
فارس مو مراهق عشان يفكر بهالخرابيط..وإذا كان في حب الحب ما يجي ألا مع الزواج والعشرة..وولد عمك بتأخذين والحين يله طلعي لغرفتك..
:بس يا....
أبوي:لا تبسبسين ولا شيء يله طلعي لغرفتك..
طلعت لغرفتي ورميت نفسي عالسرير وأنا أبكي..يا يباه حرام عليك تجبرني على شيء ما أبيه..

================================================== =

الساعة ١ الظهر..
كنت جالسة أتكلم مع شجون
أمي:مشاعل أختك نورة وينها..
:نايمة..
أمي:غريبة للحين نايمة مو من عادتها ليكون تعبانه..
:لا ماماي بس عشانها أمس سهرانة..
أمي:طيب هي صلت الظهر في وقتها وألا للحين ما صلتها..
:لا صلتها في وقتها..
أمي:الحمد لله..روزي
جت روزي:نعم مدام
أمي:روحي صحي نورة..
روزي:حاضر مدام..
بعدها بدقايق جت روزي وقالت:مدام نورة ما عم بترد..
وقفت وأنا مستغربة نورة نومها خفيف:أنا بروح أصحيها..
طلعت أنا بنفسي لغرفة نورة وضربت الباب بس ما في أحد يرد علي وضربت ولا ردت
خفت على نورة ودخلت غرفتها وجلست بجنبها على السرير وهزيتها عشان تحس فيني وتصحى..
فتحت عيونها بصعوبة..
نورة:يوووه يا مشاعل أتركني أنام
حسيت أنها تعبانه:نوري أنتي تعبانه..
نورة:بس صداع خفيف عطيني أنتي حبة بناد ول وبخف أن شاء الله..
قربت من عندها وقلت
:لا أنتي شكلك مرة تعبانه قومي قومي خلينا نأخذك المستشفى..
قامت باستسلام لأنها مرة تعبانه ولما وقفت من السرير حست بدوخة ورجعت جلست على السرير
:وش فيك نورة بسم الله عليك
نورة:بأستفرغ يا مشاعل
جبت لها السلة الصغيرة والمنديل ورجعت في مكانها لأنها ما قدرت تقوم..
جات أمي لأني تأخرت عليهم وشكلها كانت مستغربة مثلي
ودخلت وشافت نورة وهي تستفرغ وجلست جنبها وهي خايفة..
أمي:وش فيك يا بنيتي بسم الله عليك..
نورة:ما أدري يمه بس دائما"أحس بدوخة واستفرغ كثير بس اليوم بزيادة..
مسحت أمي رأسها وقالت وهي تبتسم:يا رب يكون اللي في بالي صحيح..
:وش اللي بالك ماماي
ناظرت أمي نورة:شكلك يا يمه حامل..
:صحيح ماماي..
أمي:أن شاء الله..
نورة:لا ما أتوقع يمه أنا أخذ حبوب منع حمل..
أمي:طيب نروح نكشف عشان نتأكد..
طلعت أمي ونورة للمستشفى وفعلا"كانت حامل وكنت مرررة فرحانة خاصة"أني أحب الأطفال مرررررررررررة
في غرفة نورة
شجون:وااااو وأخيرا"بصير خالة
نورة: ألحين أنا وشلون أقول لسعود..
:عادية قولي له أنك حامل ما شوف فيها صعوبة..
نورة:بس سعود ما يبي عيال ألحين أخاف يزعل أذا عارف أني حامل..
:أستغفر الله في أحد ما يبي عيال بعدين هالشيء ما هو بيدك هذا بيد الله..
شجون:يله اتصلي علي سعود وحطي على السبيكر خلينا نشوف ردة فعله..
:أيه أرجوك بسرعة..
اتصلت نورة على سعود
سعود:هلا بالنوري..
نورة:هلا حبيبي كيفك..
سعود:الحمد لله بخير أنتي وش أخبارك وأخبار النونو
شهقت نورة وقالت له:وشلون عرفت
سعود قال بصوت كله زعل:أبدا" خالتي اتصلت تباركلي.. تظنك قلت لي ما درت أن بنتها نست أن من حقي أني أعرف هالخبر..
نورة:كنت خايفة تزعل لما تدري أني حامل..
سعود:وفي أحد يزعل من زوجته وحبيبته لما يعرف أنها حامل..
نورة:بس أنت مرة قلت لي أنك ما تبي العيال ألحين..
سعود:بس ما هو معناه أني ما أبي عيال أبدا"..
نورة:يعني أنت فرحان
سعود:وحاس أنا ما في أحد أسعد مني..
ارتاحت نورة لردة فعله وطلعت أنا وشجون عشان نتركها على راحتها..

================================================== ==

الساعة ثمان بالليل..
رن رن رن
:ألو
....:السلام عليكم
:وعليكم السلام نعم
....:عمي سلطان موجود
:أيه بس من أقوله
....:قولي له فارس
:لحظة أقوله
كان أبوي يتفرج على القناة الاقتصادية
:يباه واحد يبيك في التلفون
..استحيت أقول فارس وقلت واحد..
أبوي:مين
:ها..أيه..ما أدري
أبوي:عطيني السماعة
طلعت لغرفتي فوق جلست أفكر في فارس وفي المستقبل اللي ينتظرني معه
سمعت ضرب عالباب
:مين
أبوي:أنا يا مشاعل
فتحت الباب وقلت:تفضل يباه
دخل أبوي وجلس على الكرسي اللي جنب السرير
أبوي:تعالي أجلسي
جلست على طرف السرير
أبوي:أنا جاي أقولك أني بلغت فارس عن الموافقة والملكة راح تكون بعد أسبوع أن شاء الله..
رفعت رأسي وأنا مصدومة بهالسرعة تحددت الملكة ومن دون رأيي....
بعدها نزلت عيوني وأنا حاول أني ما أنزل دمعة مني.. أبوي وهو يبتسم:عالعموم الله يوفقكم..
وطلع أبوي من الغرفة ورميت نفسي عالسرير وجلست أبكي قهر..وشلون أفرح وأنا عارفة أن اللي بأخذه مجبور علي..

================================================== ====

الساعة عشر بالليل في بيتنا وبالتحديد في غرفتي كنت لابسة فستان الملكة..
:وش رأيكم يا بنات بهالفستان
عبير:بسم الله عليك تجننين بالفستان..
نورة:ما شاء الله مضبوط على جسمك
شجون:بصراحة ما عجبني لأنه ناعم مرة..
في وهي ترفع يده:وأنا كذلك أوافقها الرأي..
نورة:ما عليك يا مشاعل من هالبزارين والله يجنن الفستان..
شجون:أنا بزر ..
رن جوال نورة وكان المتصل سعود..
طلعت نورة عشان تكلمه
:بصراحة يا شجون أنا عاجبني لأنه ناعم..
شجون:المهم وين بتسوين مكياجك وتسريحتك فيه..
:أنا اللي بحط لنفسي
شهقنا البنات..
عبير:وش جالسة تقولين أنتي يا هو ترى هذي ملكتك مو حفلة عادية عشان أنتي اللي تحطين لعمرك
:بصراحة ما يعجبني شغل الكوافيرات مكياجهم صارخ
شجون:أقول بلا دلع بقول لروزي تتصل عالكوافيرة ليندا عشان تجي
:أنا قلت لا يعني لا
دخلت علينا نورة
نورة:وش اللي لا
في:الأخت مشاعل تقول ما راح أحط مكياج عند الكوافيرة هي اللي بتحط لنفسها
طالعتني نورة وقالت:صحيح
:أيه
نورة:يالحبيبة تراها ملكتك ما هي ملكة بنت الجيران
:بس أنا ما أبي كوافيرة
..ما كنت متحمسة للملكة ما حسيت بالفرح مثل خواتي وبنات خالي وأنا اللي المفروض أفرح..
حاولت نورة والبنات فيني.. ووافقت بس أسوي تسريحة بوف لشعري..أما المكياج أنا اللي أحطه


================================================== =

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 2
قديم(ـة) 21-08-2009, 12:27 PM
صورة كبراحساس ياء الرمزية
كبراحساس ياء كبراحساس ياء غير متصل
©؛°¨غرامي مشارك¨°؛©
 
الافتراضي رد: بقايا انثي مجروحة للكاتبه سحر الاحساس كامله


بداية مرررررررررررررررررررررررررررررة روعة


تسلمين غلاتي


انتظر البارت بشوق

دمت بحب

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 3
قديم(ـة) 21-08-2009, 07:10 PM
Nzof Nzof غير متصل
©؛°¨غرامي مشارك¨°؛©
 
الافتراضي رد: بقايا انثي مجروحة للكاتبه سحر الاحساس كامله


تسلمييين علىآآ الروآآية

مــرة تجنن

الله يخليكِ تكفيين نزلـي بآآرت بعده بـ أسرع وقت

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 4
قديم(ـة) 22-08-2009, 09:08 AM
صورة آلشقرآ .~ الرمزية
آلشقرآ .~ آلشقرآ .~ غير متصل
©؛°¨غرامي ذهبي¨°؛©
 
الافتراضي رد: بقايا انثي مجروحة للكاتبه سحر الاحساس كامله


.,

يعطيك العافيه
نورتي القسم من جديد


.,

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 5
قديم(ـة) 22-08-2009, 09:25 AM
صورة بنوته مهمومه الرمزية
بنوته مهمومه بنوته مهمومه غير متصل
©؛°¨غرامي مشارك¨°؛©
 
الافتراضي رد: بقايا انثي مجروحة للكاتبه سحر الاحساس كامله


رررررررررررررررروعه
بليز نزلي البارت بسرعه

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 6
قديم(ـة) 22-08-2009, 02:53 PM
صورة روح زايــــد الرمزية
روح زايــــد روح زايــــد غير متصل
مستشــ¸.·* غرام *·.¸ـــاري
 
الافتراضي رد: بقايا انثي مجروحة للكاتبه سحر الاحساس كامله


منورين القصه حبااايبي

%%البارت الثاني%%


الساعة تسع بالليل
كنت أتقلب على السرير أبي أنام مو قادرة بكرة ملكتي وهذا الشيء موترني..
رن جوالي..
:هلا عبوري
عبير وبصوت باكي:مشاعل أنا تعبانة تعبانة
جلست بسرعة وبخوف:بسم الله عليك وشفيك
عبير وبكاها يزيد:سامي خطب وملكته بعد أسبوعين
قلت بصدمة:إيش
عبير بين كل كلمة وكلمة تشهق:والمشكلة بيأخذ هند أغلى وحدة عندي من بنات خالتي الجوهرة
حطيت إيدي من الصدمة على فمي:..........
عبير وصوتها منخفض من كثر ما تبكي:مشاعل أحس أني ضايعة وتايهة
تنهدت بتعب:عبير عمري الزواج قسمة ونصيب..وسامي مو نصيبك خلاص حاولي تنسيه..الله يرزقك باللي أحسن منه
عبير:بس أنا ما أبي ألا سامي..سامي يامشاعل مو حب سنة أو سنتين..سامي حب الطفولة والمراهقة وما زال
تنهدت بأسى:حاسة فيك يا عبير بس مع الأيام بتنسينه أذا حاولتي بأن شاء الله..
عبير:وتعتقدين بسهولة أقدر أنساه..صعب صعب يامشاعل
:عبير هدي وصدقيني مع الايام بتنسينه
وبعد ما هديت عبير أو بالأصح عزيتها بأحلامها الوردية اللي انهارت سكرت منها..غمضت عيوني عشان أمنع دموعي تنزل..
آآآآآآه ياعبير على حظنا..أنا صحيح أخذت اللي أحبه بس للأسف مجبور ويحب غيري..وأنتي ولد خالتك اللي حبيته من طفولتك أخذ غيرك..لكن الحمد الله على كل حال..

==============================


اليوم الثاني الساعة ثمان......
كنت لابسة فستان ذهبي حريرتصميمه ضيق من فوق ألين خصري ومن تحت مكسر ووسيع وماسك من عند الصدر.. وكنت مسوية بوف لشعري.. ومكياجي كان ناعم الوحيد الصارخ في مكياجي هو القلوس الأحمر الصارخ..واكسسوراتي ناعمة..
جابت نورة من عند خالد الكتاب عشان أوقع مسكت القلم بأيد
مرتجفة ووقعت..ومن هالتوقيع راح تبدأ معاناتي..باركت لي نورة ونزلت..
كنت محتاجة للبكى بس مسكت نفسي وباركولي شجون وعبير وفي..
رن جوالي..فرررحت لما شفت المتصل..
:هلا والله حبيبي بندر كيفك..
شجون:بندر عطيني الجوال بأكلمه..أشرت لها بأنها تنتظر..
بندر:هلا فيك أنا الحمد لله بخير..أنتي كيفك يا ميشو وكيف أهلي
:كلنا بخير الحمد لله ومو ناقصنا غير شوفتك..
بندر:أن شاء الله قريب تفرحون برجعتي..عالعموم أنا متصل.. أبركلك عالملكة مبروك ياحياتو..
:الله يبارك فيك..
بندر:تصدقين ما تخيلك متزوجة..أجل انتي يالبزر بتتزوجين
تنرفزت:لا أنت يالكبير..على فكرة ترى مابين ألا سنتين
ضحك بندر وبعدها قال:ترى سنتين فرق كبير..
:لا والله
شجون وبضيق وهي تهز أيدي:يووووه يا مشاعل عطيني بكلمه..
عصبت:أوف أقول بندر خذا المزعجة اللي جنبي..
بعد ما انتهت شجون من مكالمة بندر جت نورة عشان الزفة..
انزفيت..وفرحت لما شفت صديقاتي مرام وسجى حاضرات ما عدا صديقتي رغد اللي اعتذرت ولمى اللي ممنوع عندها تزور صحباتها لأن أبوها شديد وابتسمت لما رمت لي مرام بوسة..
انزفيت وبدأ سلام الحاضرات علي ومن بينهن غادة اللي كانت مررررة كشخة ولابسة تركواز وكانت جميلة بملامحها البريئة والناعمة..
مرام وبصوت منخفض بعد ما باركت لي:من قدك ألحين خذيتي حبيب القلب وبتنسينا
قلت بابتسامة:لا تخافين ما راح ينسيني فارس أغلى وأعز صديقة عندي..
مرام:ياقلبي أنتي والله..
جتني نهاد وقالت فارس يبي يشوفك..
..بدت نبضات قلبي تزيد..
وطلعت للمجلس..ودخل علي فارس وأبوي وعماني وخالد وخلدون
ومد فارس أيده يسلم سلمت عليه وانا منزلة رأسي وخجلانة
قال:هلا مشاعل كيفك
قلت وصوتي رايح من الحيا:الحمد لله بخير
ثم وقف جنبي..وكان يوصل رأسي لكتفه من طوله ما شاء الله..
سلموا أبوي وعماني وأخواني ثم طلعوا...
جت بعدها أمي وأم فارس وأمها وخواتها وعماتي ونهاد وباركوا لنا..وجاء وقت الشبكة وجابتها نهاد كانت شبكة ولا أروع.. لابسنيه فارس وأنا مارفعت عيوني ومتوترة بسبب قربه..
بعد دقايق الكل طلع..
واااااااااااااو ما بقى أحد عندنا..
أنا وفارس لوحدنا..
فارس بدون نفس:مبروك..
:الله يبارك فيك..وأنا بقلبي ..بدري..
فارس:مشاعل..
:هلا..
فارس:ممكن ترفعين رأسك عشان أعرف أتكلم معك..
..أوف وشهالأسلوب اللي عنده..رفعت رأسي بشويش..وطحت عيوني بعيونه..ماقدرت أنزل عيوني من وسامته..ونسيت نفسي..وجلست أطالع فيه..
..أخر مرة شفته قبل مايسافر عشان دراسته بصراحة أوسم من قبل..يجنن وهو قريب..
جلست أتأمل ملاحمه ....
..عيون وساع حرة..ورموش كحيلة..وحاجبه اليمين فيها شرخ..وحنك بارزوخشمه حاد..
فارس وبنبرة جدية:مشاعل ترى زواجنا راح يكون أن شاء الله بعد أسبوعين من بداية الإجازة الصيفية..
من نطق باسمي انتبهت لحالي كيف اطالعه استحيت ونزلت عيوني..
ولكن لما قال موعد الزواج رفعت رأسي مستغربة...يكفي الملكة تحددت من دن رأيي..بعد الزواج..
ابتسم فارس لكن برود:أنا بصراحة كنت ناوي اخذ رأيك في تحديد زواجنا بس االيوم تفأجات أن أبوي وأبوك حدووا وانتهوا ....
مرت لحظة صمت..وأنا أحاول أمسك دموعي..آآآآآآآآآه يايباه..جبرتني وحددت الملكة والزواج من دون رأيي..وأنت ما تدري أنك بكذا تستعجل على جروحي آآآآآآآآه..
قطع فارس هالصمت وهو يوقف:مشاعل ممكن تعطيني رقمك عشان أكلمك
:رقمي####
فارس:طيب أستأذن..وطلع بسرعة..وكأنه مو مصدق انه طلع..
وقفت وأنا أضم أيديني لصدري ودموعي متجمعة بعيوني واطالع الباب اللي طلع معه فارس..وكأني خايفة..وأنا فعلاً خايفة..خايفة من الحياة اللي راح أعيشها مع فارس..تنهدت بعمق..ومسحت بظهر كفي دموعي..وطلعت عند البنات

================================================== ====

الساعة ثنتين..بعد ما انتهنت الملكة..طلعت لغرفتي بسرعة..أبي أفرغ دموعي المحبوسة..
..رميت نفسي على السرير..وجلست أبكي على حبي وعلى حالي وعلى مستقبلي المجهول مع فارس..
لما نمت بعد صراع مع دموعي وأفكاري....


================================================== ======

الساعة ٤العصر....
امي :يمه نورة انتبهي على نفسك واهتمي بأكلك عشان صحتك وصحة اللي بطنك..
نورة:أن شاء الله يالغالية
أمي:واتصلي علي أذا وصلتوا الخبر..
نورة:ان شاء الله..
قلت وأنا اضمها:راح اشتاق لك لا تطول علينا..
نورة بعد ما بعدت عنها:أن شاء الله راح أجيكم قبل ملكة خالد بيومين..بس انتبهي مو تشغلك مكالمات فارس وتقطعين..
اغتصبت لي ابتسامة:أن شاء الله..
نورة:يله مع السلامة..
..مع السلامة..
بعد ما جلسنا..شجون:ميشو..وش رأيك تخلون زواجك أنتي وفارس وخالد والهنوف مع بعض..
:لا حبيبتي أنا ما تعجبني الزواجات اللي كذا..وكملت بحالمية..تصدقين أتمنى يطلع زواحي شيء والكل يمدح فيه ويأخذون سنين يمدحون فيه..
أمي:أكيد بيطلع شيء دام العروس أنتي..
ابتسمت لكن تلاشت هالابتسامة بسرعة لما تذكرت..
(((((أخذ مشاعل وأنا أعتبرها مثل أختي لا أكثر ولا أقل..)))))
وش الفايدة أذا كانت حفلة الزواج روعة والفرحة معدومة عند العروس والعريس..
شجون:ياحلو وين سرحت..
أمي وبابتسامة:ما يبيلها سؤال..
واااااااااااااااااو انحرجت..

======================================

الساعة٩مريت بنات خالي عشان نطلع يمكن أقدر أغير نفسية عبير اللي كان باين عليها بحفلة الملكة متضايقة وحزينة..
في مطعم الريف الإيطالي:
في واللي بعمر شجون:كل وحدة منا تقول وش تتمنى..وش طموحها بالمستقبل أنا عن
نفسي أتمنى أني أكون مديرة مدرسة
شجون:عز الله دجوا طالباتك
الكل ضحك..ماعاد عبير اللي اكتفت بابتسامة
في:لا عاد في ذاك الوقت قد كبرت وعقلت أن شاء الله..
شجون:طيب وأنتي يا حرم الدكتور فارس
:بصراحة أتمنى أني أذا خلصت البكالوريس أخذ الماجستير والدكتوارة والكل يقولي د/جواهر
في:ماشاءالله عليك ياجواهر طموحة مثل زوجك الله يحققلك اللي تبينه
شجون:وأنت عبوري
في وبضحكة:أكيد بتقول مثل العادة أني أتزوج بشخص يحبني ويموت فيني..البنت طايرة على رزقها
عبير وبصوت بلا مبالاة:لا ارتاحي ماراح أقول..
شجون وبضيق:عبير وش فيك..
من جلسنا وأنتي باين عليك أنك مو مرتاحة..في شيء مضايقك
عبير واللا مبالة لازال مغطي ملامحها وصوتها:مافيني شيء بس أحس بصداع..وقفت ومسكت شنطتها..يله خلينا نمشي..
ياعمري ياعبير مو أنا الوحيدة اللي أعاني..
وقفت:يله أجل مشينا

================================================== ===

اليوم الثاني الصباح الساعة سبع وثلث..
صحيت متأخرة خذيت شور ولبست تنورة سوداء وقميص رمادي وشعري الناعم اللي يوصل لتحت أكتافي تركته على طبيعته بعدما جففته بالمجفف..وحطيت ميك أب صباحي وناعم..وخذيت شنطتي وعبايتي..ونزلت..وحصلت أمي وخالد..
:السلام عليكم..
أمي وخالد:وعليكم السلام..
بستها أمي على خدها:كيف صباحك يالغالية..
أمي:زين الحمدلله..
خالد:أقول ميشو اليوم أبيك تروحين معاي للسوق عشان تختارين شبكة الهنوف لأني ما أعرف ذوقكم يالبنات..
:من عيوني أنت تأمر..
خالد:تسلم لي عيونك..وقف وكمل..يله أنا طالع للشركة..
أمي:درب السلامة يايمه
باس رأسي أمي وطلع..
لبست النقاب وأنا أقول:يله مامي مع السلامة
أمي:وين يمه ما أفطرتي..
:لا مامي متأخرة..بستها وطلعت

==============================

دخلت بوابة٢ونزلت عبايتي بسرعة لأني تأخرت عالمحاضرة وعطتيها الخدامة ستي عشان تطبقها وأخذت شنطتي منها..وطلعت للقاعة..
فتحت الباب..
:ممكن أدخل..
الدكتورة طالعت ساعتها:ادخلي بس ماراح احضرك..لأنك متأخرة ربع ساعة
أوف قهر يعني احضر ويتصلب ظهري من الجلسة ساعتين وفي الأخير..ماراح تحضريني..دخلت وأشرت لي لمى..جلست جنبها..
قلت بصوت واطي:صباح الخير..
لمى وبنفس درجة صوتي:صباح النور..وش فيك تأخرتي
:ماصحيت ألا متأخ..
الدكتورة:لو سمحتنا اللي جالسات ورى ممكن تسكتون..وطالعتني..أنتي مو كافي متأخرة وتتكلمي..
سكت وعلى شفاتي مرسومة شبه ابتسامة متفشلة..
الدكتورة:وين وصلنا بنات
البنات:أسباب الإعاقة العقلية
الدكتورة:أيوه..هناك ثلاث أسباب للأعاقة العقلية..أولها أسباب ماقبل الولادة وتنقسم........
بعدها بساعة ونص انتهت الدكتورة من المحاضرة خذت الحضور وطلعت وطبعا ماحضرتني..
لمى وهي توقف:أقول ياحلو أكيد أمس سهرانة على صوت الحبيب مادامك ماصحتي ألا متأخر..
تنهدت بداخلي ووقفت: لا مو عشان كذا بس لأني أمس طلعت مع بنات خالي نتعشا برى وماردينا ألا متأخر..
لمى:طيب كيف كانت الملكة يوم الخميس..
:حلوة ومرتبة..بس بغى يوقف قلبي لما دخل فارس..
لمى:يوووه ذكرتيني بحالي يوم دخل فيصل علي..كنت بموت..
:ألا صح كيفك معاه..
لمى وبابتسامة:مزعجني ليلة نهار..بس ياحلاته من إزعاج..
فهاللحظة رن جوالها..
لمى:الطيب عند ذكره هذا هو اتصل..استأذن منك بكلمه
قلت بابتسامة:أذنك معك حبيبتي
طلعت للكافتيريا اللي دايمن أجلس فيها مع صديقاتي وحصلت مرام وسجى..
:السلام عليكم
مرام وسجى:وعليكم السلام..
:كيفكم..
مرام وسجى:بخير الحمد لله
مرام:أنتي كيفك..وغمزت بعينها..وكيف حبيب القلب معك..
ابتسمت بألم:أنا بخير وحالي مع حبيب قلبي زينة..
مرام:الله يسعدكم يارب
:آمين
سجى:ألا وين لمى ..ما داومت
:ألا..بس تكلم خطيبها..
رغد:هااي صبايا..
الكل:هايات..
رغد:كيفكو ياحلوات..
سجى:كلنا بخير ولله الحمد..أنت اللي كيفك ماعاد صرنا نشوفك وحتى ملكة ميشو ماحضرتيها..
رغد:سوري حبيبتي بس كنا طالعة مع الماما لجدة عشان جدو
مسوي عملية..
سجى:لا..سلمته..
رغد:الله يسلمك..
جت لمى بعد ما انهت مكالمتها..وأكتملت الجلسة..وخذتنا السوالف والضحك متناسين همومنا اللي تهد الحيل..
بعطيكم نبذة عن صديقات:::::
مرام هي أقرب أنسانة لقلبي وأغلى صديقة..صداقتنا ابتدت من المرحلة المتوسطة كن على طول جنب بعض..وما افترقنا ألا لما دخلنا الجامعة..هي دخلت إدارة أعمال وأنا علم نفس..أنا وهي أسرارنا ومشاعرنا مانخبيها عن بعض..باستثناء اللي سمعته من فارس..مرام حبوبة كثير..وطيبة..حياتها مآسات.. انصدمت صدمت حياتها لما توفى أبوها اللي كانت متعلقة فيه كثير بحادث سيارة وهي عمرها١٧..وأمها معها مرض السكري وهي كبيرة السن..ولها أخ أكبر منها جاسم ومتزوج وعنده ولد..وزوجته دائما تسبب المشاكل بينها وبين جاسم ..وهي كل مرة تحاول تسكت عن أخوها عشان أمها المريضة..
لمى..هادية وناعمة..وكلها طيبة وحنية ..وهي من الطبقات المتوسطة..تعرفت عليها بالجامعة..توفت أمها وهي تولدها..وتعيش مع مرة أبوها وثلاث من أخوانها وأخت من أبوها..متملكة من فيصل ولد زوجة أبوها من زوجها الأولي..وبصراحة هالبنت أحس أحيانا فيها غموض..بس أن شاء الله مع الأيام بيوضح لي هالغموض..
سجى..ملامحها تركية لأن جدتها تركية عيونها رمادية وشعرها بني<ولا تقولون بعد أبالغ أنا ثنتين من صديقاتي فيهم عرق تركي وحدة أمها تركية والثانية جدة أمها..
متزوجة وعندها توأم يأخذون العقل أياد وريان وعمرهم سنتين وهي صديقتي من الصف ثاني ثانوي..وقسمها دراسات اجتماعية..
رغد..صحيح مغرورة كثير..بس في الحقيقة قلبها طيبة..عايشة حياتها بكل حرية..يعني فرري..
تزعل بسرعة بس ترضى على طول..تعرفت عليها عن طريق مرام بالجامعة..وهي من الطبقات المخملية..وله أخ زياد يدرس خارج الملكة يكمل الماجستير..ومن كلام رغد عنه أحس أنه هو بعد مغرور..
احنا يالخمسة تربطنا علاقة صداقة قووية..وصحيح رغد
ولمى ماتعرفت عليهم ألا من سنة بس مع ذلك كأن نعرف بعضنا من سنين..
وأن شاء الله من خلال سياق روايتي راح تتعرفرن على صديقاتي أكثر..

==============================================




%%البارت الثالث%%


العصر..صحيت من النوم..توضيت..وبدلت وصليت ولما انتهيت قريت قرآن..وبعد ما خلصت نزلت تحت وحصلت أمي وخالد وشجون
:السلام عليكم..
الكل:وعليكم السلام..
خالد:جاهزة يامشيو عشان نمشي للسوق..
:أيه جاهزة..
شجون:بتطلعون السوق بطلع معاكم..
خالد وهو يوقف:أوكي يله انتظركم..لا تتأخرون..

============================================


وصلنا السوق..واخترت شبكة الهنوف..وبدينا أنا وشجون نتسوق لأنفسن..
خالد:أقول أنتوا شكلكن بطولون بالسوق..أنا بروح للشباب معزوم عندهم..وارجعوا مع السواق..
:أوكي..
طلع خالد للشباب..وأنا وشجون أخذنا نتسوق لملكة خالد ولزواجي اللي بيكون بعد شهر ونص بالضبط ..
شجون:ميشو..هذي مو كأنها زينات<مربية جمانة‎ ‎بنت عمي سالم..
طالعت في الاتجاه اللي أشرت عليها شجون وشفتها:وأنتي وش عليك فيها..امشي ندخل هالمحل..
شجون:وش اللي ما علي منها..أكيد جمانة معاها..بتصل بشوف وينها..
:لا أرجوك لا تتصلي عليها..ما أطيقها هالبنت..
شجون:أنتي ليه ماتطقين هالبنت..نفسي أعرف..
:مغرورة ونفسها بخشمها..أمشي بس أمشي لاعت كبدي من طاريها..
..دخلنا المحل وكنت أتفرج في الملابس..
شجون:ميشو..وش رأيك بالتي شيرت الوردي..
:أممممم حلو..
جمانة:سلام ياحلوات..
التفتنا على جمانة..
شجون:هلا والله بالحلو..كيفك
جمانة وبمياعة:أنا الحمد لله بخير..أنتوا كيفكو..
شجون:بخير الحمد لله..
جمانة وبنفس المياعة:وأنتي ميشو
ابتسمت مجاملة وأنا أرفع جوالي:طيبة..أنا أستأذن باتصل بالسواق يجي..
شجون:لا ميشو لسى ما خلصت..
:بس أنا تعبانة رجولي..من العصر وأحنا بالسوق..
جمانة:طيب أنتي أرجعي مع السواق وشجون ترجع معاي..أبي حد يتسوق معاي مليت وأنا أتسوق لحالي
:كيفها..بس تتصل بمامي قبل..
اتصلت شجون بأمي ووافقت..وأما أنا رجعت..

=============================

دخلت البيت على الساعة تسع..والخادمة زوجة السواق وراي ومعها الأكياس..
:السلام عليكم..
أمي:وعليكم السلام..ما شاء الله وش هالأكياس..شكلك أشتريتي السوق كله
ابتسمت بحياء:بعضها لتجهيزاتي..
ردت لي أمي الابتسامة:أن شاء الله من بكرة أبدأ أجهز معك..عشان لاجاء وقت الاختبارات قد انتهيتي من تجهيزاتك..
:أن شاء الله..

===========================

مر الأسبوع بسرعة وكنت مشغولة فيها بالتجهيزات لملكة خالد ولزواجي مع أمي ونورة اللي جات..والليلة ملكة خالد والهنوف..
بهالليلة شفت السعادة بعيون خالد اللي ماشفته بعيون فارس بملكتنا..وشفت الابتسامة الجذابة بشفاة الهنوف عكس ابتسامتي المتصنعة الذابلة..
شفت كيف كانت نظرات خالد للهنوف وكأنه ما يبيها تغيب عن عيونه لحظة..وأنا فارس ماعبرني بنظرة..عيني عليهم باردة..
بعد ما لبس خالد الهنوف الشبكة طلعنا من عندهم..عشان نتركهم على راحتهم..
شفت عبير جالس تتكلم مع نهاد..وكان باين عليها كيف أنها ذبلانة..

ليت (نا) لم نعرف الحب وجنونه..
ولم نكتب ونخطي أجمل عباراته..
بأسباب(ه) سهرنا الليل بسكونه..
بأسباب(ه) تألمنا بجروحه..بأسباب(ه)
عانينا بعذابه..وكم وكم سنعانين فمازلنا في بداية متاهاته..


جلست معاهم أسولف..
نهاد وبابتسامة مكر:أقول ميشو..
:هلا
نهاد وبنفس الابتسامة:وش مسوية في أخوي..من بعد الملكة ما صار يجلسنا معانا كثير..شكله مطيح عالجوال يكلمك..لا وأذا جلس كله سرحان..
عبير وأخيرا انرسمت الابتسامة:ما ألومه شايف له قمر..
نهاد:كنت حاسة أنه لا شاف هالعيون بيضع..
ضحكت بداخلي..وكان ودي أضحك بصوت عالي على أفكارهم البريئة..باين أن نهاد مو عارفة أن أخوها مجبور علي..
نهاد:ميشو..ميشو..
انتبهت:هلا..
نهاد:لا أنتي وأخوي حالتكم صعبة لازم نزوجكم ألحين..
ابتسمت بحياء..
عبير:نهاد أحرجنا البنت شوفي خدودها كيف صارت وردية..
انحرجت أكثر:عبير..
ضحكن نهاد وعبير..
نهاد:ألا صح تعالي..ليه تحددون زواجكم بعد زواجي بأسبوع..وسوت نفسها معصبة..خربتوا علي أنا وسالم مخططاً لشهر العسل..
ضحكت على ملاحمها المتصنعة للعصبية:ياقمراي مو أنا وفارس اللي حددنا..أبوي وعمي هم اللي حدوده..
عقدت نهاد حواجبه وبوزت:والله أني مقهورة حتى سلومتي مقهور..
عبير ضربت بخفيف على كتف نهاد:أنا أعرف اللي توها متملكة تستحي تجيب سيرة زواجه وحتى اسم زوجها وأنتي تدلعينه..
نهاد:أقول بلا تعقيد..كافي علي أمي اللي أذا سمعتني أدلعه هاوشت..
:نهودي كيف بتقضون شهر عسلكم..
نهاد:بنسافر جدة ومكة أول أسبوع وبعدها بنرجع للرياض عشان زواجك أنتي وفارس..وبعدها بنطلع لباريس أن شاء الله..ألا أنتي وفارس كيف تخطيطكم..
ارتبكت..:أيه..لحد الآن ما أتفاقنا..

===============================


اليوم الثاني..نزلت تحت وحصلت أمي تبخر أبوي لصلاة الجمعة..صبحتهم وحبيت كل واحد على رأسه..وجلست وبعدها جلست أمي بعد ماطلع أبوي..
أمي:روزي..روزي..
جات روزي:نعم مدام وفاء..
أمي:أخذي المدخنة..
خذت روزي المدخنة..والتفت علي:يمه مشاعل اليوم أنتي عارفة أنا جمعت عمانك عندنا..فتجهزي يمكن يطلب يشوفك فارس..
:أن شاء الله يالغالية..
ياعمري يامامي ما اتصل..عشان يطلب يشوفني..بس أمي متعودة أول ما تملكت نورة كان يطلب سعود يشوفها كلما جت جمعة عماني عندنا طبعا هذا غير الأيام الباقية..
لبست بنطلون جينز كحلي وفستان فوشي لفوق الركبة ناعم..وعملت لي ميكآب ناعم جدا وهادي..وشعري رفعته بشباصة بحيث أني نزلت منه خصلات بطريقة حلوة..كنت أتجهز وأنا متأكدة أنو فارس ماراح يطلبني..
الساعة ثنتين كنت بغرفتي وأقرأ سورة الكهف وكنت في الآيات الأخيرة..انضرب الباب..سكرت القرآن بعد ماانتهيت من سورة الكهف..
:تفضل..
فتحت روزي الباب ودخلت:مشاعل..فارس عم بينتظرك بالصالة..بيريدك..
انصدمت ماتوقعت هالشيء وبنفس الوقت ارتكبت..ياربي أحس بموت من التوتر:أوكي ألحين نازلة..
وقفت قدام المراية..ورتبت نفسي وتعطرت وطلعت وأنا أسمي بالله بداخلي من الخوف..
انفتح الإصنصير..كنت مترددة أطلع وألا لا..ياربي شسوي..اعتذر وأقول أني مشغولة..لا لا صعبة عشان تذبحني أمي..في الأخير طلعت..شفت أمي وفارس بالصالة الرئيسية..
نزلت عيوني وأنا أخطي باتجاهم..
:السلام عليكم..
أمي وفارس:وعليكم السلام..
فارس وقف ومد أيده..مديت أيدي وسلمت..
فارس وبنفس النبرة اللي كانت بالملكة:كيفك مشاعل..
جلست جنب أمي بعد ما سحبت أيدي:بخير الحمد لله..
أمي وقفت:أتركم براحتك..
فارس:كيف الدراسة معاك مشاعل..
:الحمد لله كويسة..
فارس:متى أول أختبار لك أن شاء الله..
:بعد أسبوع..
فارس:بديتي بالمراجعة..وألا لسى..
:لا الحمد لله بديت من زمان..
فارس:مشاعل..أكيد أنتي مستغربة أني ما أتصلت عليك..بس اعذريني كنت مشغول بالشغل..
قلت بنبرة شبه استهزاء..ما أدري لاحظها أو لا:لا معذور من دون ماتقول..دوام بالجامعة وبالشركة أكيد ماراح تكون فاضي..
وقف وقال:أوكي أنا طالع..ما أبي أتأخر عالرجال..
أول ماطلع صعدت لغرفتي..ولما دخلتها أطلقت العنان لدموعي..ياربي وأنا كلما شفته ببكي..طيب أذا تزوجنا وش أسوي..

====================================

مرت الأيام ودخلنا الاختبارات..وفارس ما اتصل ألا مرتين وكان كلامنا رسمي عن دراستي وشغله..واتفقنا يكون شهر العسل بماليزيا وأذا رجعنا طلعنا لمكة..واعتذر كالعادة عن قلة اتصالاته وعدم زيارته غير الزيارة الأولى..بانشغاله بالعمل..وأنو ما يبي يشغلني عن اختباراتي
..طلعت من سرحاني لما سمعت صوت جوالي..رفعت الكتاب من على حضني وأخذت الجوال..وفتحت الرسالة واستغربت أنو فارس راسل لي..

<لا تسأل المشتاق ليه أرسل اليوم
ولا تعذل القلب لو باح بأسراره
يالله عسى الخير يدوم ويدوم
والغالي لازم نتطمن على أخباره
وجعل السعادة تضمك في كل يوم
ودوم قلبك بالفرح مشتعل أنواره>


ترددت أرسل بالبداية..لكن بالأخير حبيت أجاريه بهالتمثيل اللي يسويه

<أفرح أذا شفت الفرح في محياك
وتضيق بي الدنيا إذا شان بالك
أعطيك عمري ياعسى من فداياك
وش هي حياتي ماتساوي رضالك
جعل الولي ياصاحبي دوم يرعاك
وجعل الفرح في كل الأيام فالك>

بعده رن جوالي..وكانت نورة..
:هلا والله بالنوري..
نورة:هلا فيك..
:وش أخبارك..
نورة:الحمدلله بخير..أنتي وش أخبارك وأخبار استعدادات الزواج
: أنا الحمدلله والاستعدادت ماباقي ألا أشياء بسيطة والفستان وصل أمس بصراحة روعة..
نورة:الحمد لله..وألحين شوفي أنا راح أجي عندكم هالأسبوع عشان زواج نهاد وأن شاء الله أجهزلك الباقي وأنتي أرتاحي وريح نفسك وجسمك قبل الزواج..
:ما تقصرين ياعمري الله لا يحرمني منك يا أغلى أخت..
نورة:ولا منك

==========================================

نهاد وبصوت متوتر:بنات أنا خايفة كثير..
نورة:عادي شعور طبيعي لكل عروس..
:وين اللي تقول سلومتي وسلومتي وبلا تعقيد أشوفها خايفة اليوم..
ن
هاد وهي تفرك أيديها بقوة:الله يهديك يا مشاعل هذا بدل ماتهديني..
جلست أنا ونورة والهنوف والمها<صديقة نهاد..نحاول نخفف من توترها..وخالتي أم فارس بين كل فترة وفترة تطل علينا..وبعدها نزلت عند مرام اللي حضرت..وشفت غادة..واعتصر قلبي قهر وألم وجرح..
الساعة وحدة..بدأت الزفة..
وطلعت نهاد وكانت تمشي بنعومة ورقة كان كل شيء فيها متناسق الفستان والطرحة والتسريحة..
جلست أتأمل فيها كانت مأخذة من ملامح فارس كثير....
وصلت للكوشة وجلست..
والكل سلم عليها..بعدها دخل سالم ومعه عماني وأبوي وفارس وسعود..
في بصوت واطي:ميشو زوجك يأخذ العقل وطالع أحلى من قبل..
ضربت أيديها بكوعي:حبيبتي ترى أغار عليه
مرام:مشاعل أذا كان نوى يأخذ الثانية ترى أنا مستعدة
بمزح:ترى بقوم ألحين وارتكب فيك جريمة
مرام:لا لا خلاص..مادام فيها قتل مانبيه..
نورة:بنات شوفوا شوفوا وشلون المعاريس يتكلمون
مرام:عيني عليهم باردة..بصراحة يجنون
طلعوا الرجال ومابقى ألا المعاريس بعدها بنص ساعة طلعوا لجناحهم....

==================================

بعد مامرت الأيام وما باقي ألا يومين على زواجي..
العصر بغرفتي..
عبير:ميشو وشلون النفسية ألحين مستعدة للدخول في القفص الذهبي
:حبيبتي أكيد النفسية تمام مو اللي بنزف له حبيب القلب
عبير:الله يوفقكم..بس ماأتفاقتوا أنت وفارس وين تقضون شهر العسل
:ألا أتفقنا نسافر لماليزيا شهر وبعدها نطلع لمكة يومين ثم نرجع للرياض خلينا من فارس وسفرنا..وقول لي ليه الحزن اللي مرسوم بوجهك..وين عبير المرحة..عبير اللي دايما مبتسمة وينها..
عبير وبحزن:تسألين يامشاعل وكأنك مو عارفة وش فيني
:عبير خلاص الرجل قريب بيتزوج أنسيه..صدقيني ماراح يفيدك الحزن ألا التعب والهم..ولمست طرف خدها..عبير تري والله اشتقت لابتسامتك وغميزاتك الحلوة اللي ماتبان ألا أذا ابتسمتي أو ضحكتي
ابتسمت عبير ابتسامة خفيفة..
كشرت وبوزت:لا ابتسمي أكثر أبي أشوفها
بعدها ابتسمت عبير ابتسامة ولا أروع..لكن عيونها بدت تتجمع فيها الدموع..
:عبير حبيبتي ليه هالدموع
عبير وهي تضمني:مشاعل تصدقين ماأدري شلون بستغنى عنك شهر أنتي الوحيدة اللي من البشر يقدر يطلعني من هالحزن
:ياعمري ياعبير
نزلت دمعة مني وعلى طولت مسحتها
وقلت بمزح:عبوري خلاص بختنق
ابتسمت عبير وبعدت عني..انفتح الباب بقوة..
.... وبصوته العالي:السلام عليكم..انتبه لعبير اللي صرخت وغطت وجهها بأيديها..وسكر الباب..
نقزت من السرير..وطلعت بسرعة متناسية عبير..:بندر
بندر التفت علي وابتسم وفتح أيديه..ضميته:اشتقت لك يابندر والله اشتقت لك..
بندر:وأنا أكثر..
بعدت عنه:ليه ما قلت أنك جاي للسعودية..
بندر وبفرحة:حبيت تكون مفآجاة..ألا أهلي يقولون الخدامات أنهم طالعين وما فيه ألا أنتي..وين راحوا..
:أمي وشجون طلعوا لسوق مع نورة..وخلدون بالتحفيظ وأبوي وخالد ما أدري عنهم..
بندر:نورة هنا بالرياض..
:أيه من زواج نهاد وهي عندنا..
بندر:كيفها مع الحمل..
:ماعليها بخير..أنت قولي كيفك..
بندر:الحمد لله أنا بخير لما افتكيت من الدراسة والغربة بلندن وتخرجت..
:الحمد لله..تذكرت عبير..وااااو نسيت عبير ياعمري تلقاها ميتة من الخرعة..
بندر:اللي قبل شوي عبير بنت خالي عبد الله..
غمزت بعيني وبابتسامة:عجبتك..
بندر وبتصريفة:أقول روحي لها أحسن لك..
ضحكت ودخلت لغرفتي..
عبير:هذا بندر صح..
:
أيه هو..
عبير وهي تحط أيديها على قلبها:خرعني الله يهديه..
:وأنتي بعد ما قصرتي بصراخك..
وقفت عبير:لا تلوميني خفت..المهم قولي لروزي تجيب عباتي..بطلع للبيت..
:لا أجلسي لسى جاية..
عبير:لا حبيبتي أتركك براحتك مع أخوك..
طلعت عبير..وجلست مع بندر اللي سهرت معاه أنا وأهلي أحلى سهرة..

================================================== ===

الساعة١2في فندق فورسيزونز....
نورة:مشاعل يله قومي ألحين زفتك..
مرام:بس قبل ماتطلعين قلتي أذكارك الناس ما تعطي خير وأنتي بسم الله عليك قمر
عبير:أيه والله يا مرام
:لا تخافن أنا الحمدلله محافظة على أذكاري
طلعت والأنظار والانوار متجهها لي..ومشيت على كلمات القصيدة..وصلت لكوشتي..
..وجتني أمي وخواتي وكل قريباتي وصديقاتي وسلمن علي..بعدهادخل فارس مع أبوي وأخواني وعماني فواز ومنصور وسالم وخوالي عبد الله وحمد..
باس فارس رأسي ثم جلس جنبي..واااااااو حسيت أن الخجل بيقتلني..
وقفت لأبوي وسلمت عليه وعلى الباقيين ثم طلعوا بعد ماصوروا..
وجت أمي وخالتي أم فارس وجدة فارس ونهاد وعماتي سهام وسمر وخالات فارس وسلموا على فارس..
وبعدها أخذنا أنا وفارس السيف وقصينا كيكة الزواج..وبعدها أخذ قطعة وذوقنيها وأنا نفس الشي..وبعدها خذت نهاد العصير وقدمته لفارس لف فارس علي وعطاني العصير وأخذ عصيره وكل واحد شرب الثاني..
ثم طلعنا لحالنا بعد ماصورونا مع أهلنا..وجت المصورة وطلبت أننا نقرب من بعض..
..حاولت أني أحفظ على توازني..قربت المصورة مني ورفعت راسي
وقالت:لك ممكن تناظري في زوكك يامشاعل
طاحت عيني فعينه..نزلت نظري وشفت ابتسامة جامدة مالها معنى..
..آآآه ياليتني ماعرفت عن حبك وعن شعورك أتجاهي آآآه..
انتهت المصورة بعد ماخذت كم صورة ثم طلعنا..



=================================

من هنا تبدأ مآساتي
من هنا تبدأ أحزاني
من هنا تبدأ نزف كرامتي
من هنا تبدأ جروحي
من هنا تبدأ معاناتي..
والبقية..قادمة بأذن الله بالبارت الرابع..


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 7
قديم(ـة) 22-08-2009, 04:52 PM
صورة ~~همس الحزن~~ الرمزية
~~همس الحزن~~ ~~همس الحزن~~ غير متصل
©؛°¨غرامي مشارك¨°؛©
 
الافتراضي رد: بقايا انثي مجروحة للكاتبه سحر الاحساس كامله


روووعهـ,,,,

أتوقع فارس رح يحبها,,,

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 8
قديم(ـة) 22-08-2009, 09:50 PM
صورة ~~همس الحزن~~ الرمزية
~~همس الحزن~~ ~~همس الحزن~~ غير متصل
©؛°¨غرامي مشارك¨°؛©
 
الافتراضي رد: بقايا انثي مجروحة للكاتبه سحر الاحساس كامله


وينك حبي أنريد بارت,,,

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 9
قديم(ـة) 23-08-2009, 06:45 AM
صورة ~~همس الحزن~~ الرمزية
~~همس الحزن~~ ~~همس الحزن~~ غير متصل
©؛°¨غرامي مشارك¨°؛©
 
الافتراضي رد: بقايا انثي مجروحة للكاتبه سحر الاحساس كامله


بليييييز أريد بارت,,

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 10
قديم(ـة) 23-08-2009, 07:59 AM
صورة " キャプティブ " الرمزية
" キャプティブ " " キャプティブ " غير متصل
©؛°¨غرامي نشيط¨°؛©
 
رد: بقايا انثي مجروحة للكاتبه سحر الاحساس كامله


أأأأأأأأأأأأأأأهـ ياعذاب الليل
عليك ذووق رااائع في اختيار الراويات المميزهـ والفريدهـ
بليييز لاتطولي في تنزيل البارت الجديد بانتظارك على نااااار
محبتك/asierah


الرد باقتباس
إضافة رد

بقايا أنثى مجروحة / الكاتبة : سحر الاحساس ، كاملة

الوسوم
للكاتبه , مجروحة , الاحساس , انتي , بقايا , كامله
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
روايتي الأولى : أبي أنام بحضنك و أصحيك بنص الليل و أقول ما كفاني حضنك ضمني لك حيل / كاملة ازهار الليل روايات كامله - يتم نقل الرواية هنا بعد اكتمالها 6846 09-02-2020 10:31 PM
خذني بقايا جروح في هيكل إنسان / الكاتبة : مبتسمه ، كاملة !! تنآهيد الصمت !! روايات كامله - يتم نقل الرواية هنا بعد اكتمالها 81 17-07-2016 01:26 PM
قلوب تجرح و هي نفسها مجروحة / الكاتبة : أروع القلوب ، كاملة عندما تبكي الدمعه روايات كامله - يتم نقل الرواية هنا بعد اكتمالها 72 02-02-2013 12:45 PM
رغــم الــعــنـا ابــقــى أنــا **عـالـمـي الـخـاصـ** حلم دنياي سكون الضجيج - مملكة العضو 430 12-10-2010 08:45 PM

الساعة الآن +3: 06:19 PM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


youtube

SEO by vBSEO 3.6.1