منتديات غرام روايات غرام أرشيف الروايات المغلقة - لعدم إكتمالها خلص حنانك ما بقى إلا قسوتك / رواية رومانسية سعودية
فرآشه فوشيه ََ ©؛°¨غرامي جديد¨°؛©

المشاركة الأساسية كتبها قــدر و مــلاسـ اقتباس :
البارت حلووووو
يعطيتس العافيه


الله يعافيك
نورتي

فرآشه فوشيه ََ ©؛°¨غرامي جديد¨°؛©






البارت الرآبع



ام ماجد راحت للجوهره في غرفتها
ام ماجد \\ الجوهره
الجوهره \\ هلا يمه منورهـ غرفتي بوجودك
ام ماجد \\ حبيت افاتحك في موضوع يخصك
الجوهره \\ خافت .. خير ان شاء الله
ام ماجد \\ ام نوآف كلمتني اليوم
الجوهره \\ طيب عادي مو أول مره تكلمك
ام ماجد \\ بالمختصر المفيد تبي تخطبك لولدها
الجوهرهـ \\ لمين يمه والدموع في عينها بس تحاول ماتخلي امها تنتبه
ام ماجد \\ تخطبك لنوآف وراح يجون لنا بعد عزيمة بندر
الجوهره \\ سكتت وتحاول تمسك نفسها عشان امها ماتشك في شيء

ام ماجد \\ فكري على راحتك ونسيت مااقولك ترى خطبنا البندري لأخوك
الجوهره \\ ايه قال لي ماجد
ام ماجد \\ الله يوفقه يارب ويوفقك بعد انتي
الجوهره ماردت على امها
طلعت ام ماجد وهي متسغربه من بنتها
الجوهره \\ دقت على البندري وقالت لها كل شيء

البندري هدي نفسك يالجوهره ترى مايسوى اللي تسوينه في نفسك نوآف ماعليه خلاف بالعكس انا من رائي انك توآفقين عليه حرام الولد يحبك ويبيك لو مايبك كان ماأختارك
الجوهره \\ يالبندري وربي ماأتخيل نفسي مع احد غيره احب عبدالعزيز
انتي ماتفهمين
البندري \\ افهمك يالجوهره بس انتي لازم تضحين بحبك هو مايدري عنك ولا هو معطيك وجه انسيه وشوفي حياتك
الجوهره \\ طيب سكري الموضوع لاني ماابي اتكلم فيه
البندري على راحتك انتي نامي الحين وفكري عدل بالكلام اللي قلته لك
الجوهره \\ طيب يالبندري تصبحين على خير
البندري \\ وانتي من أهل الخير ... باي


البندري هدت الجوهره وجلست طوول الليل سهرانه تفكر في ماجد "والله ماجد خلوق ومزيون وماعليه قاصر ابد ويكفي انه ولد عمي واخته الجوهره ليه ماأوآفق احسن لي ودام انه هو اللي مختارني اكيد يبيني " قامت وصلت صلاة الاستخاره وارتاح قلبها له وراحت تنام


جاء الصباح

البندري قامت ونزلت تحت عشان تفطر مع اهلها وفي الفطور ابوها فاتحها بالموضوع وقالت موآفقه وراحت فوق

ام خالد \\ياحليها والله الله يبلغني فيها يارب وفيك ياخالد
خالد \\ لااا يمه بدري توني نونو وراح ضم امه
ام خالد \\ ومين قال راح ازوجك الحين
ابو خالد \\ الولد مستعجل على الزواج يمكن في باله وحده
خالد \\ يقلد اخته البندري " مسوي نفسه مستحي " لا والله مافيه احد وضحك ضحكه ناعمه مثل اخته وراح فوق
ام خالد وابو خالد ماتو عليه من الضحك
ابو خالد \\ متى راح تكلمين ام ماجد وتخبرينها
ام خالد اليوم العصر ان شاء الله
ابو خالد \\ بطلع الحين تأمرني على شيء
ام خالد \\ سلامتك



نروح للرياض تحديداُ بيت ابو نوآف


عبدالعزيز في غرفته عنده شغل على النت ومايبي احد يزعجه دخلت عليه العنود وفتحت الباب بقوه
العنود \\ انا جييييييييت بصوووت عالي
عبدالعزيز \\ بكل هدوء لف عليها لو سمحتي برا ورجع يكمل شغله
العنود \\ ليه عااد انا وش سويت
عبدالعزيز يكمل شغله ومو معطيها وجه ...قلت لك برا ماتفهمين
العنود \\ افا تطرد اختك حبيبتك مالك احد غيرها خلاص زعلت
عبدالعزيز \\ الجدرآن كثيره وفي سقف فوقك على ماأعتقد اختاري اللي تبين واضربي راسك فيك
العنود \\ طلعت منه وهي زعلاانه واخذت على خاطرها منه
عبدالعزيز \\ يضحك بسخريه مايجون الاا بالعين الحمراء بنات آخر زمن


العنود نزلت تحت ودمعتها على خدها شافها نوآف
نوآف \\ العنود وشفيك تصيحين
العنود \\ ولا شيء
نوآف \\ وشلون ولا شيء وانتي دموعك اربع اربع
العنود \\ضمت اخوها بقوه وقامت تصيح وتقول عبدالعزيز طردني من غرفته وانا ماسويت له شيء
نوآف\\ بس هذا اللي مزعلك .. انتي الله يهديك تعرفين ان عبدالعزيز مغرور الى ابعد الحدود ليه تروحين له
العنود \\ رحت اسولف معه من زمان عنه ابي احس بوجوده في البيت وانه اخونا مايصير كذا كله بالغرفه او طالع وقامت تصيح وتشاهق من كثرة الصياح
نوآف \\ اذا كان لي معزه في قلبك امسحي دموعك وانسي الموضوع
العنود \\ ان شاء الله ... ياليت كل الرجال مثلك
نوآف \\ يالبى روحي
العنود \\\ لاتصير مغرور تكفين يكفي عبدالعزيز
نوآف \\ ادري بس ابي اقهرك شوي وقام يضحك
العنود \\ يالبى روحي اجل هااا
نوآف \\ وهل في ذلك شك
العنود \\ لا والله ويابخت اللي راح تاخذك
نوآف \\ خليها توآفق
العنود \\ ليه خطبت انت ومطلعه عيونها
نوآف \\ تقريباً.. بس في الانتظار
العنود \\ ليه داخل بنك
نوآف \\ تنكتين انتي ووجهك
العنود \\ وشفيك انقلبت علي
نوآف \\ امزح عليك ... بس لازم رائي البنت
العنود \\ ومين هذي ؟؟
نوآف \\ مفاجئه .... وطلع
العنود \\ تعال قول لي .... وين بيروح مرده لي

نرجع للشرقيه

ام خالد دقت على ام ماجد وبشرتها
ام ماجد \\ والله فرحتي قلبي الله يوفقهم يارب
ام خالد \\ اجمعين
ام ماجد \\ متى تبون الملكه
ام خالد \\ ماادري خليها على الرجال هم ادرى بالشيء هذا
ام ماجد \\ صدقتي يلا انا بروح ابشر ماجد مانام من ذاك اليوم
ام خالد \\ الله يسعدهم يارب يلا مع السلامه

ام ماجد \\ تنادي ولدها
ماجد \\ هلا يمه فيك شيء
ام ماجد \\ مبروووك ياماجد
ماجد \\ على ايش ... لايكون وآفقت
ام ماجد \\ والدموع في عينها ايه وضمت ولدها وقامت تصيح
ماجد \\ آفا ليه الصياح
ام ماجد\\ دموع الفرح
ماجد \\ اجل دامها دموع الفرح صيحي الى ماتشبعين
ام ماجد \\ هههههههههههههههههه الله يقطع بليسك
ماجد \\ ايه اضحكي والله هذا احلى خبر سمعته بحياتي وراح يقول للجوهره
ماجد \\ دخل على الجوهره وهي كانت تفكر
ماجد \\ الجوهره الجوهره
الجوهره \\ هلا من متى وانت هنا
ماجد من زمان \\ بس انتي تفكرين ... يلا ماعلينا بس حبيت ابشرك
الجوهره \\ في شنو
ماجد \\ البندري وآفقت
الجوهره \\ صدق والله فرحت لك من كل قلبي تستاهل انت والبندري بنت عمي وماأوصيك عليها
ماجد \\ توصيني على قلبي
الجوهره \\ ايه اوصيك عليها لاني ماأرضى احد يزعلها بشيء هي مثل اختي واكثر
ماجد \\ الله يديم المحبه بينكم يارب
الجوهره \\ امين


راح الأسبوع وجاء يوم الخميس واللي بالشرقيه كلهم جو الرياض

في بيت ابو بندر

ريناد مع خواتها في غرفة الملابس

ريناد \\ وش البس لااازم اطلع احلى وحده اليوم
رند \\ لبسك كله حلو طبي واختاري وكل واحد فيهم يقول انا انا
ريناد \ \\ انا انا ليه مشاركه في المدرسه
رآما \\ الاخت متأثره الى الحين باالمدرسه
رند \\ ترآني الى الحين بالثانوي وهذا جزآي امدح ملابسك
ريناد \\ ياعمري عليك يارنوده يلا اليوم انتي تختارين لي اللبس
رند \\ مبوزهـ طيب .... راحت تدور لها لبس وجابت لها فستان لونه بنفسجي غامق ناعم مرهـ في حركات بسيطه ونعومه طوله الى الركبه وقالت البسي هذا
ريناد \\ من وين طلع الفستان هذا جناآن شكله
رآما \\ والله من كثر ماتشترين ولا تلبسين
ريناد \\ طيب بروح اجربه وأوريكم
رند \\ يلا بسرعه
رآحت ريناد ولبسته وجت عندهم رآما ورند بصووت وآحد البسيييييه وربي جناآن عليك
ريناد \\ صدق والله
رند \\ اي والله يهبل عليك ماخذ من جسمك حته
ريناد \\ خلاص راح البسه وانتوا وش راح تلبسون
رند \\ انا بلبس الفستان الفوشي
ورآما \\ راح البس الفستان الرمادي اللي شريته من فرنسا آخر مره مالبسته الاا مره وحده
ريناد \\ اييييه هذاك حلو حتى وحده من صديقاتي انهبلت عليه
رآما \\ اجل راح البسه
رند \\ فيك نحاسه شوي
رآما \\ مو شوي الاا كثير
ريناد \\ هههههههههههههه ياحليكم وربي ماأدري وشلون رآح اتزوج وافارقكم
رند \\ ماعليك بروح معك
ريناد \\ هههههههههه يلا تعالي
وشوي الاا ينتفح الباب بقوهـ
وش قاعدين تسووون اكيد عندكم مؤآمره اعترفي انتي وهي وش عندكم
رآما \\ يمه خرعتني اطلع كلها سوآليف بنات
بندر \\ يلا كملوا ابي اسمع
رآما \\ اطلع أحسسن لك وقامت تناظر عيونه وتغمز له " يعني ترى بفضحك "
بندر \\ اي صح انا ليه جاي هنا اطلع احسن لك
رند \\ توك تدري ان المكان خطاء
بندر \\ لا مو خطاء بس تذكرت صديقي يبني بشغله
رآما \\ ههههههههههههههههههههه روح لصديقتك الله يستر عليك
بندر \طيب الله ينتقم من اللي كان السبب
رآما \\ هاااا عيد وش قلت
بندر \\ سلامتك ياختي > بالمصري
ريناد\\ والله شكل رآما ماسكه عليك شيء بس ان شاء الله قريباُ راح اعرف
بندر \\ يلا بطلع > يغير السالفه


بالليل الكل تجهز وحضر للعزيمه في مزرعة العائله

البنات اكيد ماتحلى لهم العزايم الاا بالرقص جايبين دي جي وحاطين الطاولات برا وفي حاجز بين القسمين الرجال والحريم

ريناد ورند ورآما يستقبلون مع امهم المعزومات دخلت الجوهرهـ وكانت لابسه فستان طويل لونه نيلي لاصق على جسمها ومسويه بف وميك آب ثقيل شوي وعقد الماس ناعم وكل الحريم اللي بالعزيمه يناظرونها جت ام نوآف ماشاء الله والله وكبرتي وصرتي حلوه يالجوهرهـ

الجوهرهـ \\ هذا من ذوقك ياخالتي تسلمين
سلمت الجوهره على ام نوآف والباقين وراحت تجلس عند بنات خالتها ويلا سوالف وضحك ورقص الى اخر الليل جت البندري وقعدت معهم وكانت لابسه فستان الى تحت الركبه بشوي وحاطه ميك آب ناعم مره وفاتحه شعرها وحاطه ربطه ناعمه ولابسه عقد الماس ناعم

مسكت لينا يد الجوهره وقامت ترقص معها عاد الجوهره عليها رقص يهبل وقاموا باقي البنات يرقصون


من بعيد في وآحد يطل على البنات "والله انها تجنن يارب تصير من نصيبي والله مااتوقعت ان بالعائله في وحده بالشكل هذا وربي ملاااك "
شوي جاء بندر وش قاعد تسوي
ولاشيء بس علق ثوبي بالحاجز وأحاول اطلعه وطلعته
بندر \\ علينا اقول قول اني اناظر في البنات اللي قدآمي ولا تقول ثوبي
رد عليه بغرور اقول موأنا اللي اطالع بالبنات وترك بندر ورآح
بندر \\ علينا مو أنا اللي اطالع بالبنات وهو عيونه تتطاير عليهم
جاء زياد بندر وش قاعد تسوي ؟
بندر \\ هاا ولا شيء ياولد عمي ياحبيبي ماأسوي شيء بس علق ثوبي وأحاول اطلعه وطلعته " الحين اعيب على اللي قبلي واصير مثله "
زياد \\ ههههههههههههههههه اضحك على غيري ترك زياد بندر وراح

زياد وهو رايح للرجال يمشي ومنزل راسه بالأرض شوي صدم في وحده
***** ماتشوف انت
زياد رفع راسه ومنصدم ريناد
ريناد \\ يؤؤؤؤؤ هذا انت
زياد \\ أحلى صدمه بحياتي .. ومسك يدها وهمس في أّذنها أحبك
ريناد \\ زياد االله يخليك اتركني خلني اروح لو شافنا احد الحين بتصير مشكله كبير
زياد \\ تصير مشكله مشكلتين ثلاث ماهمني انتي مو خطيبتي وضمها بقوه وقال لها تعالي معي خليهم يستانسون بالعزيمه وانا وياك لحالنا عندي مكان خطير بس تعالي
ريناد \\ لا لا زياد تكفى اتركني خلني اروح انا خطيبتك بس مو زوجتك يعني حرام اللي تفكر فيه
زياد\\ عادي زوجتي مو زوجتي بس انا احبك وابيك
ريناد \\ خلني زياد اذا تحبني صدق خليني اروح للناس دآخل وربي الحين يشكون فيني انا قلت لهم بروح اجيب الكاميرا واجي
زياد \\ روحي خليهم ينفعونك اللي هناك
ريناد \\ لاتزعل حبيبي بس وش اسوي حرام اللي انت تفكر فيه انا الى الحين ماصرت زوجتك ياخي افهم عصبت ريناد وتركته ورآحت
زياد \\ طيب يصير خير .. راح عن الرجاجيل ويجي بندر
بندر \\ وينك يازياد تعبت وأنا ادور عليك
زياد \\ وشتبي انت ترى مو ناقصك انا
بندر \\ وشفيك تكلمني بالطريقه هذي
زياد \\ اووووف ماتسكت انت ... ترك المجلس ورآح
أستغربوا الرجال كلهم

ابو بندر \\ وشفيه زياد
بندر \\ ماأدري والله توه من شوي مكلمني عادي وقال بروح للرجال وجيت انا وهو ماوصل ويوم جاء عصب علي
ابو زياد يدق على زياد ومايرد عليه وشوي قفل الجهاز حقه

بعد ماأنتهت العزيمه الكل راح لبيته واللي بالشرقيه راحو للفندق مع ان ام نوآف اصرت عليهم يسكنون عندها بس رفضوا

بعد العزيمه بيومين

زياد \\ يمه ابي املك على ريناد بسرعه
ام زياد \\ ليه شنو اللي معجلك
زياد \\ بس كذا ابيها اخاف تروح مني
ام زياد \\ وشلون تروح منك وانت عارف انها خطيبتك وتحبك
زياد \\ ماتدرين عن الظروف انتي
ام زياد \\ بكلم ابوك واشوف رائيه وارد لك خبر
زياد \\ لاتتأخرين
جت لينا \\ صباح الخير
زياد وام زياد \\ صباح النور
ام زياد \\ افطري زين مو مثل كل مره يغمى عليك
لينا \\ يمه انا مااحب اكل كثير الصبح بس راح اشرب عصير برتقال وبروح بسرعه للبنك في اجتماع
ام زياد \\ اوف من الشغل اللي مايخلص
لينا \\ يمه وش اسوي مااحب اقعد بالبيت .... يلا اشوفكم على خير
ام زياد \\ بحفظ الرحمن



في الجامعه ...
لما تسولف مع صديقتها أريج
لما \\ اريج يلا خلينا نروح ناكل شيء قبل المحاضره احس اني تعبانه
اريج \\ وشفيك عسى ماشر
لما \\ لا بس احس بصدآع يمكن عشاني مانمت زين
اريج \\ مو من عادتك السهر
لما \\ آآآهـ بس
اريج \\سلامتك من الآهـ وشفيك مو على بعضك
لما \\ بندر ذابحني غلاه
أريج \\ كل هذا عشان بندر
لما \\ خليني ساكته احسن وربي أني امووووت فيه بس اخاف هو يحب وحده ثانيه
أريج \\ طيب انتي حاولتي تفاتحينه بالموضوع
لما \\\ لااااا مستحيل افاتحه اخاف انصدم
أريج \\ بكيفك بس من رائي تفاتحينه
لما \\\ خلاص سكري الموضوع انا لو اموت ماافاتحه
فطروا وراحوا للمحاضره وطوول المحاضره لما تفكر حتى صارت ماتهتم بالدراسه مثل قبل



دقت لينا على ريناد

لينا \\ هلا وغلا ببنت عمي
ريناد \\ هلا فيك شخبارك
لينا \\ بخير اخبارك انتي
ريناد \\ زينه الحمدلله
لينا \\ ريناد فيك شيء
ريناد \\ لا ليه
لينا \\ مدري صوتك متغير واحس انك كنتي تصيحين
ريناد \\ لا انتي تتخيلين
لينا \\ تخبين علي يابنت عمي وربي اعرفك زين لا تنسين احنا متربين مع بعض
ريناد \\ اي والله فيني شيء بس ماأٌقدر اقولك بالتلفون
لينا \\ خلاص انا راح أستاذن واجي امرك نروح نتغدى مع بعض
ريناد \\ خلاص على الساعه 1 تعالي
لينا \\ من عيوني

طلعت لينا من الشغل وراحت لريناد واخذتها وراحوا للمطعم

لينا \\ وش تبين تاكلين
ريناد \\ ماابي شيء الحين جيبي لي قهوه راسي مصدع بعدين اذا روقت اكلت
لينا \\ طيب طلبت قهوه لها ولريناد وقامت تسولف معها ... يلا قولي وشو اللي مضايقك
ريناد \\ بتردد شفتي يوم العزيمه
لينا\\ ايه
ريناد \\ رحت اجيب الكاميرا شوي الاا صدمت في
لينا \\ في مين
زياد \\ اخوك
لينا \\\ طيب خايفه ليه انتي الحين .. هو خطيبك
ريناد \\ وبدت تنزل دمعتها ادري انه خطيبي بس ذاك اليوم
لينا \\ كملي وش صار
ريناد \\ مسكني وبغى يعتدي علي وقامت تصيح
لينا \\ لاااا موومعقوله اخوي يسوي كذا
ريناد \\ وربي يالينا ماأكذب هذا اللي صار قلت له انا خطيبتك بس يعني حرام اللي تسويه فيني
قال عادي انا احبك وابيك واسوي فيك اللي ابي
لينا \\ منصدمه من الكلام اللي قالته ريناد
واللي صدمها اكثر انها تعرف مستحيل يسوي زياد كذا لا وفي مين في بنت عمه وخطيبته
ريناد \\ مثل ماتعرفين الملكه والعرس في نفس اليوم وانا قلت لأبوي بروح اجهز من روما ماقال شيء بس وسكتت ريناد
لينا \\ بس ايش
ريناد \\ لا ولا شيء اطلبي لي شيء اكله
لينا حست بشيء بس مابينت لريناد وطلبت الغداء وتغدوا ورجعوا للبيت



وش راح يكون موقف ريناد من قرار زياد ؟؟
ومين الشخص المجهول اللي شافه بندر وهو يناظر البنات ؟؟



تحياتي لكم

فرآشه فوشيه ََ ©؛°¨غرامي جديد¨°؛©

اذا شفت حماس راح انزل البارت الخامس
بس بلييييز بدووون مجاملات

بيبي الشقية ©؛°¨غرامي مجتهد¨°؛©

[COLOR="Red"]وااااااااااااااااو روعة البارت

وبانتظار البارت القادم على احر من الجمر

فرآشه فوشيه ََ ©؛°¨غرامي جديد¨°؛©

المشاركة الأساسية كتبها بيبي الشقية اقتباس :
[COLOR="Red"]وااااااااااااااااو روعة البارت

وبانتظار البارت القادم على احر من الجمر

الأروع مرورك
ان شاء الله اذا خلتصه راح انزله

شوق وحنين طول السنين ©؛°¨غرامي فعال ¨°؛©

حلوووووووه الروايه ..

ننتظر ..

وش راح يكون موقف ريناد من قرار زياد ؟؟بتستغرب بس يمكن توافق بعدين
ومين الشخص المجهول اللي شافه بندر وهو يناظر البنات ؟؟لمـا..

فرآشه فوشيه ََ ©؛°¨غرامي جديد¨°؛©

المشاركة الأساسية كتبها شوق وحنين طول السنين اقتباس :
حلوووووووه الروايه ..

ننتظر ..

وش راح يكون موقف ريناد من قرار زياد ؟؟بتستغرب بس يمكن توافق بعدين
ومين الشخص المجهول اللي شافه بندر وهو يناظر البنات ؟؟لمـا..

تسلمين يالغلا
منورهـ

$جنان المسك$ ©؛°¨غرامي متألق ¨°؛©

روايه جنااااان
والشخص المجهول عبد العزيز
كملي الروايه وبالتوفيق
ولاتتاخري بالبارتات
ودي

فرآشه فوشيه ََ ©؛°¨غرامي جديد¨°؛©

البارت الخامس



البارت الخامس



في الشركه
ابو زياد وابو بندر يتكلمون في موضوع زياد ورينا
ابو زياد \\ اليوم كلمتني ام زياد تقول ان زياد يبي يستعجل على الملكه والزواج
ابو بندر \\ وشفيه مستعجل انا البنت تقول لي بروح روما بجهز من هناك وولدك يبي العرس بسرعه
ابو زياد \\ ماأدري وشفيه من يوم العزيمه وهو متغير
ابو بندر \\ بشوف البنت قبل ان وآفقت يصير خير وان ماوآفقت ينتظر
ابو زياد \\ اكيد شوف ريناد وعطني خبر

رجع ابو بندر البيت وسأل رند وين ريناد
رند \\ فوق في غرفتها تبيني اناديها
ابو بندر \\ لا بروح لها انا
رند أستغربت من كلام ابوها وراحت تشوف التلفزيون
ابو بندر \\ طق الباب ودخل على بنته ولقاها منسدحه على السرير... ريناد نايمه انتي
ريناد مسحت دموعها ولفت على أبوها لا مو نايمه حياك
ابو بندر \\ وشفيك ليه الدموع هذي
ريناد \\ لا ولاشيء بس كنت اناظر فلم وصحت معهم
ابو بندر \\\ طيب ماعلينا من الفلم الحين ... عمك كلمني اليوم يقول ان زياد يبي يستعجل على الملكه والزوآج
ريناد سكتت وماقالت شيء
ابو بندر \\ يعني موآفقه
ريناد لاا مو موآفقه وأصلا
ابو بندر \\ اصلا ايش ؟
ريناد \\نزلت دموعها ولاشيء ابي انام
ابو بندر \\ ريناد انتي بنتي اذا ماقلتي لي لمين تقولين
ريناد \\ مااقدر اقول شيء الحين بعدين اقولك
ابو بندر \\ على راحتك وطلع من الغرفه وراح لام بندر وقال لها
ام بندر استغربت وسألت رند ورآما عن ريناد
رآما \\ يمه من بعد العزيمه وريناد متغيره مدري وشفيها
ام بندر \\ بسم الله عليها لايكون تعبانه فيها شيء
رند \\ ماعليك انا بروح اشوفها بس مو الحين
ام بندر \\ شوفي وشفيها وطمنيني عليها
رند \\ من عيوني


في بيت ابو نوآف
كلهم قاعدين بالصاله يشوفون التلفزيون
نوآف \\ متى راح نروح للشرقيه
العنود \\ الله وناااسه ابي اروح البحر
ابو نوآف \\ بعد يومين ان شاء الله
عبدالعزيز \\ وش عندكم بالشرقيه
ام نوآف \\ رايحين نخطب لأخوك
عبدالعزيز \\ مين اللي راح يخطبها
العنود \\\ كأني عرفت
عبدالعزيز \\ انتي اسكتي مالك كلام هنا
العنود\\ ليه عاد وش قلت انا الحين وزعلت وراحت فوق
نوآف وشفيك على البنت حرام عليك اللي تسويه فيها
ابو نوآف \\ عبدالعزيز اذا تكلمت مع اختك بالطريقه هذي ماتلوم الاا نفسك
عبدالعزيز عصب وطلع
ام نوآف \\ تهدي الوضع اذكروا الله
ابو نوآف \\ لا إله إلاأ الله

نوآف راح للعنود عشان يهديها
العنود وهي تشاهق اللي راح تخطبها الجوهره صح
نوآف اي صح
العنود في قلبها "ماتستاهل يانوآف اللي راح يصير لك " "
نوآف اخليك الحين بروح عندي شغل
العنود \\ الله يوفقك يارب
نوآف \\ اجمعين



معليش البارت قصير بس مشغوووله ماادري متى اقدر انزل البارت السادس
ادعوو لي بالتوفيق ...

بيبي الشقية ©؛°¨غرامي مجتهد¨°؛©

مشكوووووووووووورة على البارت الروعة

وبانتظارك

أدوات الموضوع
طريقة العرض

موقع غرام موقع سعودي خليجي عربي يحترم كافة الطوائف والأديان ومختلف الجنسيات
جميع الحقوق محفوظة منتديات غرام
iTraidnt by ROMYO
جميع الحقوق محفوظة منتديات غرام
iTraidnt by ROMYO

SEO by vBSEO 3.6.1