منتديات غرام روايات غرام أرشيف الروايات المغلقة - لعدم إكتمالها ناوي ترجع حبيبي تعتذر عن كل شي ... بس انا خايف تجيني ماتلاقي فيني شي
دانة بعين بحاري ©؛°¨غرامي جديد¨°؛©

مساء الخير والورد
انا الحين بينكم عقب ماكنت ادخل متفرجه
منتدى اقل شي اقول عنه انه رائع
الله يتمم لكم على خير>>حسيت اني بزواج
المم

انا اليوم قررت>>اخس
اني اكتب روايه>>كذابه من اسبوع

وانا الحين احطها لكم وان شاء الله تعجبكم
اسمها
" ناوي ترجع حبيبي تعتذر عن كل شي ... بس أنا خايف تجيني ماتلاقي فيني شي "

ياليت تكرموني بآرائكم

احلى تحيه لكم

دانة بعين بحاري ©؛°¨غرامي جديد¨°؛©

محمد( ابو عبدالعزيز)
ام عبدالعزيز
عبدالعزيز (موظف في ارامكو), مها(زوجته موظفه في بنك الرياض), محمد15 سنه, الدانه 10سنوات
عبدالله (موظف), اروى(معيده بالجامعه), سديم17 سنوات, سلطان 15 سنه, اسيل 7 سنوات
نوره(مدرسه), سعد(شرطي), محمد11 سنه, الاء7 سنوات
غدير ( البطله): ثاني سنه بالجامعه تخصص ادارة اعمال
ابتهال : ثالث ثانوي
ريان: ثالث ثانوي>توأم ابتهال
-----------------------------------

فهد ( ابو مشاري)
أم مشاري
مشاري(دكتور بالجامعه),هبه( معيده مع اروى ), فهد22 سنه, اميره20 سنه,فواز16 سنه,فوز 10 سنوات
عبير(ربة منزل), ابو طلال(زوجها يوسف),طلال 20 سنه,عادل 14 سنه, رانيا 10 سنوات, ريناد5سنوات
نادر 28 سنه
بدر(بطل القصه): 26 نقيب
ليان:ثالث ثانوي

-----------------------------------

يوسف(ابو خالد) عنده زوجتين:
الاولى أم خالد (متوفيه)
خالد(يملك شركه), امل(ربة منزل), راما (ثاني ثانوي), لانا(اولى متوسط), يوسف(3 سنوات)
عبدالكريم(مع اخوه بالشركه), فتون (موظفه), ماجد 24 سنه, مشعل 22 سنه, مازن 22 سنه(توأم مشعل), ردينه 19 سنه, الماس 17 سنه , سندس 9 سنوات

هنوف( أم فراس ): دكتوره بالجامعه وعندها بنتين وولدين
<<ابو فراس: زوج الهنوف , اسيل: 21 ,وتين:18 ,فراس: 23,ياسر: 10 >>
الثانيه أم وائل
وائل: 27 سنه
روان: 22 سنه
-----------------------------------
راشد 35 سنه ناوي يعنس
بشار 28 سنه وشكله بيلحق اخوه
-----------------------------------


طبعا مو كل الشخصيات لازم يجي دورها
ممكن بعضها مايجي او يجي شي بسيط
المهم التركيز على اسمائهم وقرابتهم

وفي الاخير فيه ناس ماراح اقول عنهم الا اذا جاء وقتهم

اوكي
:)

دانة بعين بحاري ©؛°¨غرامي جديد¨°؛©

بسم الله الرحمن الرحيم

الفصل الأول




<<ناوي ترجع حبيبي تعتذر عن كل شي ,,, بس أنا خايف تجيني ماتلاقي فيني شي>>


بحبّك انا كتير يا حبيبي ضلك طل علي
وعّيني بكير، أغمرني ولمسلي إيديّ
نسيني بين إيديك انا شو مشتاق عليك
يا حبيبي خلّي قلبي خلّي يحملنا ونطير

وينك يا حبيبي إشتقتلك كتير
إرجع تشوفك حبيبي ما توقعت يصير
فكرتك نسيني وما بدك تحكيني
يا سارق حنيني

بحبّك انا كتير يا حبيبي ضلك طل علي
وعّيني بكير، أغمرني ولمسلي إيديّ
نسيني بين إيديك انا شو مشتاق عليك
يا حبيبي خلّي قلبي خلّي يحملنا ونطير


حبّك بعدو باقي ومش ممكن إنساك
وما بيقدر ع فراقي وانا إلي بهواك
إرجعلي وضلّك حدي انا غيرك ما بدّي,
لا غيرك ما بدييي أه

بحبّك انا كتير يا حبيبي ضلك طل علي
وعّيني بكير، أغمرني ولمسلي إيديّ،
نسيني بين إيديك انا شو مشتاق عليك
يا حبيبي خلّي قلبي خلّي يحملنا ونطير


بحبّك انا كتير اه
أغمرني ولمسلي إيديّ
نسيني بين إيديك انا شو مشتاق عليك
يا حبيبي خلي قلبي خلي يحملنا ونطير

ابتهال: غدير .... غدير .... غديييييييييييييييييييييير وصمخ
غدير تسمه ومو مهتمه ابد ولا داريه عن اللي حواليها
ابتهال ترفع عن راسها السماعات : غديرووووه يالخايسه امي تبيك تحت تقول اكشخي جايين حريم الظاهر بيخطبونك.. خخخخخخخخخ
غدير: ياربي انا وش قرد حظي غير امك ذي .. مليون مره قلت لها ماابي اتزوج لين اخلص الجامعه ياختي تزوجك انتي وتفكني انا توني صغيره.
ابتهال: الله يسمع منك .. وم انتي يالعانس واقفة بوجهي اعرسي وفكيني تراني مليت ابي اعرس
غدير: ابتهالوه ووجع توك بالثانوي استحي عاد والا انتي وجه ابن فهره
ابتهال : اقول لايكثر انزلي بس
طبعا قامت غدير غصب ولبست وكشخت ببنطلون جينز وتي شيرت احمر<<تبي تتكفخ من امها وحطت ميك اب قوي مره : هين يالعجيز انا اوريك تبين تخطبيني اجل
-------------
ليان : نادر لو ماتوديني للسوق بعلم ابوي
نادر: اقول لايكثر مواعد اخوياي انا هذا اللي ناقص اخليهم عشانك تقلعي
ليان: وش دعوه ابوي قال توديني غصب
نادر: لا ماقال غصب قالك انتي اذا ماوداك احد اخوانك والا مافيه روحه مير عناد ماراح اوديك لو ايش
ليان شوي وتصيح: حرام عليك ملكة ناور ( دلع روان) بكرا خلني اروح اخذ لي شي
نادر: خلاص خلاص رحمتك يالله البسي مو عشانك كوده (ليته) وحدتن باتسر تشوفتس وتخطبتس>>يااااااي عاللهجه وشيدزر ماننلام
للي مايعرف وشيتدزر هي أشيقر وهي من قرى نجد>>خارج النص
ليان بصوت واطي: ناس ماتمشي الا بالعين الحمرا
طبعا ليان هبلت بنادر بالسوق مافيه محل مامترته ونادر دينه ودين الاسواق يكرهها بس مبسوط ان البنات تطاله وتتغزل بجماله>>ووه بس يازين الطخوم
وبعد مدة يقولون انها 3 ساعات مدري اكثر طلعت بفستان راااايق


نادر: نعنبوا بليسك وش دعوه كل ذا عشان فستان
ليان: ووه بس ياشينكم يالرجال وش دعوه يعني شايفني لقيت شي ومااخذته
نادر: ابد بس كل مالقيتي واحد قلتي لا ذا رخيص اكيد باشوفه على الناس
ليان: اكيد اجل فستان ب 4 الاف وش تتوقع ياخذونه وهو مره سيمبل
نادر: ياكثر هرجكم يالبنات اقول لايكثر امشي نطلع
وهم طالعين شافت ليان سينابون(يم يم) وقعدت تصيح لين جاب لها نادر بعد معاناة
------------------
روان: يالله هنوف كل شي والم بلييييز مانبي نتأخر خلاص ودي اروح اسوي ماسك لبشرتي
هنوف: اوووه منك خلاص شوي بس مابقى الا هالمحلين
روان: الشرهه مو عليك على اللي طالع معك وبكرا ملكته كان اخذتي وحده من بناتك ماغير رازات الفيس عند ذا اياد هبلوا فيني
هنوف: ايه طيب نسينا ايام مهند الله يالدنيا
روان: لو سمحتي بليييييز مهند غير الكل , يكفي عيونه الزرقاااء آآآآه بس
هنوف: ناور اعقلي بس ترى بكرا بتتملكين وانتي مهند مدري اياد
روان بقرف: وعععععععععععع اياد يالله اخلصي بسرعه
-----------------
اسيل: ياااااااااااااي شوفي ذا القرويه وش لابسه, اه بس لو اصير مكانها واقعد جنبه ووه ياملحه بس
وتين: هيه احلفي انا ابيه
اسيل: اقول ماعلينا خليه يحصل بس بعدين نتفاهم
وتين: انا قررت باقول لبابا يودينا تركيا الصيف نبي نشوفه ونصور معه نكشخ على البنات
اسيل: اسكتي كان تنط معنا ناور خالتك ذي قاطه وجهها تقول بادور على مهند
وتين: اسكتي والله يارجلها يجنن ياحظها بس ليت يجيني واحد مثله
اسيل : وش دراك انتي؟؟ اكيييييييييد فراس
وتين : هو فيه غيره
اسيل: حبيبتي مافيه احلى من بابا خلينا بس>>كل فتاة بأبيها معجبه انا ماراح ارضى بواحد الا زي بابا حلو
ابو فراس: منهو الحلو
اسيل: بابا .. وقامت تحب راسه ... اكيد انت هو فيه غيرك
ابو فراس: وين امكم؟
وتين: راحت مع ناور للسوق
ابو فراس: من ناور
وتين: بابا كم مره اقول لك روان خاله روان ندلعها ناور
ابو فراس: الحين هي بتتزوج وانتم الى الحين تقولون لها ناور
اسيل : الى بكرا حلو التدليع صح عزوز(عبد العزيز = ابو فراس)
ابو فراس: احلفي بس انا ابوك وش عزوز يالله بس
شوي ويدق جوال ابو فراس وكانت الهنوف متصله تبيه يجي ياخذهم لان السواق راح يجيب ياسر من عند صديقه
في السياره ,
ابو فراس: والله وكبرتي ياروان واخيرا جاني عديل
روان صار وجهها طماطه طبعا لانها اصغر البنات وماتغطت عن ابو فراس الا من سنتين بس
هنوف: ناور قولي شي قولي الله يبارك فيك او الله يسلمك وش ذا الحيا اللي نزل عليك فجأه ماكأنك تصارخين علي من شوي
روان تتوعد هنوف في نفسها الله يقلع شكلك ناقصتك انا بعد
هنوف: الله يصبر بندر عليك بس
روان: خير يحصلني وش الله يصبره علي>>طلعت ام العبيد
ابو فراس: لا البنت خلاص من الحين الله يعنك يابندر
ابو فراس + هنوف : هههههههههههههههههههههههههههه
وروان ودها توصل بسرعه اول مره تحس الطريق طويل
----------
بندر قاعد بالاستراحه وكان هذا اخر شي يفكر فيه انو بكرا ملكته
سعود(صديق بندر): اقول بندر رح وارتاح ترى بكرا ملكتك
بندر: يرحم امك .. ويشفط .. ياخي ذا الحريم ابلشونا وقسم ماودي احضر بس وش اسوي امي غصبتني
سعود: طيب حرام تظلم بنت الناس معك
بندر: سعود مالي خلق لك ياخي خلني اوسع صدري واطيح اللي براسي بعدين اذبها ببيت اهلها
سعود: خاف ربك بعدين تشوفه في وحده من اخواتك
بندر: ياشيخ وخر بس ولاتنكد علي .. الا وين ناصر ماشفته
سعود: ناصر له يومين مايجي
بندر: اقول من وين اجيب انا البتاع حقي
سعود: ياخي تعالج منه
بندر: بدينا .. ياشيخ عبد العليم((بابا الحاره خخخ)) لايكثر خلني مرتاااااااااااااح
سعود: الله يهديك بس
------------
في الاستراحه (طبعا هي لأبوهم الكبير مع مزرعه بالخرج كثير مايجتمعون فيها)
راشد : اقول يابزر وزع ولا يكثر
ريان: وش دعوه عمي تراني كبير والا تخاف نكبرك زود يالشايب
راشد: احلف تكفى اقول وش شايبه توني بعز شبابي والف من تتمناني
نادر: اقول ريان هذي الاشكال المغروره ماعليك منها ذا الشياب ماينعطون وجه
راشد: اقول انت واياه احترموني انا عمكم
بدر: عمي مو كأنك صابغ شعرك اسود ,, تكفى هالمره من لعبت عليه نوره مدري اسيل مدري حصه مدري منيره
راشد يغمز له يعني اسكت: عسى ماشروش ذا الخرابيط ابي اعرس على وحده اسمها زين>>تصريف خطييير
نادر: احلف ياعمي العزيز تكفى تحسب اننا ماندري عن المسجات ذي اقول اذا اعرست والله لاذلك ياتعطيني اللي ابي يابعلم المدام
راشد: شفت ليه ماابي اعرس عشان كذا يالله لو تجي لميس اوافق عليها
>>مشكله ذا المسلسلات التركيه
وائل: لميس من زينها عاد تكفى قل هيفاء وهبي اما لو اقدر اخذها كان ياسلااااااااااام>>ماخذ مقلب
فراس: اقول خالي وائل انك كفوك وحده من ذا السعوديات الشينات
ريان: ياربيه ومن بتاخذ ياولد ابوك تكفى
فراس: انا ابي وحده ايطاليه سمراء وعيونها عسليه وجسم خطير مثل روا..>>سكت حس انه ماسك الخط
نادر هنا وقف لعب السوني وبدى يحرك اذانه يسمه>>دام الدعوه فيها بنات
ريان: ايطاليه مره وحده , نشوف شكلك الظاهر بتاخذ والله العالم وحده مصريه بيضاء وعيونها سود
فراس: فال الله ولا فالك, بتشوف من اللي بياخذ ايطاليه الوعد لابغيت اخطب
فهد: اقول انت واياه بس يالله ريان وزع الورق
وائل: يالله شباب استأذن انا باروح انام خبركم بكرا ملكة اختي
الشباب: مبرووووووووك>>توهم يدرون انها بكرا خخخخخخخخخخخخخخخ
بدر: من بتاخذ
وائل: بندر العيسى
بدر تنح شوي : تعال بندر عبدالعزيز العيسى
وائل: ايه وش دراك عنه لايكون مو كويس الولد
بدر: لا وش دعوه بس حبيت اتأكد من الاسم كني قد شفته
وائل: الله يستر لايكون من اللي..
بدر: لا وش دعوه يمكن قابلته باستراحه خبرك اخوياي كثار وكل يوم باستراحه
بشار: وائل ماسألتوا عنه
راشد: الا انا واخوي ووائل بعد بالعكس رجال والكل يمدحه
بشار : الله يوفقها تستاهل روان كل خير صديقتي عاد بتروح وتخليني
وائل: مااتوقع من الحين تقول كل يوم بأنشب لكم خخخخخخخخخخخخخخخخ
بدر مو معاهم ويقول في نفسه الله يستر لازم ماياخذها لانها بتعيش بجحيم معه



تتوقعون بتتزوج غدير والا بتضغط عليها امها خاصة وان المعرس ماينتفوت؟؟
بدر يقدر ينقذ الموقف بكرا او لا؟؟
بندر راح يتعرف على بدر بكرا؟؟ ووش بتكون ردة فعله؟؟

انتظر تعليقاتكم عشان اشوف اكمل او لأ...

.Ǎℓ-Ż3έε₥ẩ«~ ©؛°¨غرامي مجتهد¨°؛©

يعطيك العافيه غلاتي

ويشرفني اني اكون اول متابعينك


بالتوفيق يالغلا ..!!

رهوووفا ©؛°¨غرامي نشيط¨°؛©

بصراحه كلك ذوووووووق

الروايه مره حلووه

دانة بعين بحاري ©؛°¨غرامي جديد¨°؛©

ياحبيلك بس

وووه فديتك انا

لعيونك باكمل

دانة بعين بحاري ©؛°¨غرامي جديد¨°؛©

ووووه بس يارهووووفه
ياملحتس والله

دانة بعين بحاري ©؛°¨غرامي جديد¨°؛©

الفصل الثاني

ام عبدالعزيز ياخزيااااه ذا البنت وش لابسه , مير ذي مايمشيها الا اخوها قليلة الادب اجل المره جاية تشوفها ولابسة ذا اللبس ياسفاب التربيه بس عليها
ام خلف(اللي تبي تخطب): ماشاء الله ياغدير محلوه عن اول
غدير: تسلمين
ام عبدالعزيز: ياحليلك يابنيتي شفتي ياام خلف هذا الحيا اللي يقولون عنه حيا العذارى<<تصرف
غدير بينها وبين نفسها: ايه هين قال ايش قال حيا , ذي تشوف بناتها اللي يروعون بعيدن تجي تتكلم
أحلام (بنتها): الا غدير وين تدرسين انتي؟
غدير : بالجامعه ..... سكتت
والكل كان يطالعها يحتريها تكمل بس البنت معنده ساكته
أحلام: اي تخصص واي جامعه؟
غدير: جامعة الملك سعود تخصص ادارة أعمال... أي سؤال بعد؟
احلام متنحه من جرائتها: لا ولا شي سلامتك
غدير: انا باروح غرفتي اذاكر عندي بكرا اختبار .. وراحت
احلام: ياحليلها بنتك حتى يوم الجمعه تداوم
ام عبدالعزيز: هههههههه تدرين مع الضغط ماعاد تدري يمكن تحسب اليوم الجمعه
ام خلف: الله يعين ان شاء الله , خلينا عاد نشوفك الاسبوع الجاي في عزيمة ام احمد
ام عبد العزيز: حياكم الله , وان شاء الله باحضر باذن الله
----------------------
بعد ساعه
نوره: قوه يمه كيفك؟؟
الام: بخير بس لو ربي يهدي اختك وتفكني نم غثاها مافيه مافشلتني عنده
نوره: ليه يمه وش هي مسويه
الام: ابد جاية ام خلف تبي تشوفها والبنت نازله بذا اللبس الضيق الازرق
نوره تضحك: يمه جييييينز كم مره نعلمك
الام: عاد اللي هو هو مفروض ماتنزل به عند الناس وش دعوه ماعندهاابد ملابس
نوره: انا اتفاهم معها
غدير : يامرحبا يامرحبا نويييير في بيتنا وش الطاري؟؟
نوره: ابد بس خبرك اليوم الخميس وبكرا اجازه عندي مو مثلك عندي دوام واختبار
غدير: من قاله؟؟
نوره: ابد ام خلف داقة يعني مين برايك امي..
غدير: تكفين اقنعي امي اني ماابي اتزووووج
نوره: ليه ان شاء الله تبين تعنسين يعني
غدير: ووه فال الله ولافالك .. بس توني صغيره
نوره: الولد ماينتفوت ياغبيه اسمعي شوري انتي بس
غدير: تكفين شوفوا من تكلم عاد نوره اللي مايعجبها العجب
نوره: اكيد حبيبتي وش تتوقعين مني الا كل شي كشخه وزين
ابتهال: اقول انتي واياها خلاص بس مليناااااا منكنم
الام: ايه والله راسي مصدع باروح ازين لي قهوه تعدله بدك صراخكم
---------------------------------
بدر قاعد في الصاله ويفكر ببندر .. ياربي لايكون هو مااغيره بس وائل يقول انه سأل عنه والولد كويس.. الله يستر بس ان شاء الله انه تشابه اسماء وبس.. بس باعرفه بكرا اذا شفته اذا كان تشابه اسماء (وان شاء الله يكون) كويس بس المشكله اذا كان هو وش باسوي كيف اوقفه واقنع عمي .. الله يعيني بس
ليان من وراه: بوووووووووووووووووه
بدر: وجع ياحمااااره خير ان شاء الله
ليان: يااااي بليييييييييز لاتصرخ انا مااتحمل
بدر: احلفي بس وجع قسم بالله مايردني الا كف على وجهك
ليان: بدوووري وش دعوه انا ليونه الدلوعه>>تتميلح
بدر: خير وش عندك
ليان: ابد بس باسولف معك مشتاقه لك من زمااااان
بدر: اختي خبز ايديني وش تبين اخلصي بسرعه ماعندي وقت
ليان: ابي اروح بيت عمي عند ابتهال ادرس معها تعرف يعني احنا ثالث ثانوي ولازم ...
فيصل يقاطعها: بدون ذا الموااالات لأ..
ليان: هيييه ترى باعلم ابوي واقول انك طقيتني احسن لك ودني دام نفسي عليك طيبه
فيصل: ماخربك الا ابوي ودلعه لك, بس تدرينمانيب موديك واشوف وش اخرتها معاك
ليان: باعلم ابوي وتشوف وبدت تدق على ابوها ... يبهههههههههههه شف بدر طقني وعيا يوديني بيت عمي وانا ابي ادرس عشان اجيب مجموه وارفع راسك شف يبه كلمه
الاب: بدر يابوي رح ودها لاتضيق خاطرها لازم تراعيها شوي تبي تدرس
بدر: يبه بتدرس ومامعها ولا كتاب وش دعوه
ليان بصوت عالي: ادرس من كتب ابتهال مو مشكله
الاب: يالله وانا ابوك الله يرضى عليك ودها ذي بنيتي
بدر: بس يبه انا عندي قضيه باروح اشفوفها الحين ومايمديني بعد ساعتين"يقولها وهو يناظر اخته ويضحك"
الاب: خير ان شاء الله
ليان: حراااااام عليك وش ساعتين بتخرب السه..سكتت
بدر: والله كملي اكيد قصدك سهرة المذاكره صح؟
ليان: هو الاستاذه ماراح تجي الا بعد ساعه عشان كذا راح تكون سهره
بدر : لا والله بس تدرين وشلون لاني مروق باوديك .. اوكي
ليان: ايه اخيرا اقتنعت وبتوديني
بدر: احلفي اجل انسي الروحه
ليان: خلااااص وربي توبه ياله بالبس عبايتي
-------------------------------
توهم بيطلعون الا وعبير تدخل
عبير: على وين ان شاء الله؟
ليان: ياربييييه بدت النشبه
عبير : ليانوه ووجع خير انا اكبر منك احترميني
ليان: بروح بيت عمي
عبير: مع السلامه بس ماتقولين باشوف اختي ولهت عليها
ليان: اختي عبير ولهت عليك واموت فيك .. ممكن اروح الحين
بدر يضحك: والله دلوعة ابوي ذي مررررررره اخبارك عبير وكيف يوسف؟
عبير: بخير الله يسلمك .. الا اقول خلك مستعد ترا الدور عليك
بدر: اي دور ووش دور
عبير تغمز: لاتصرف انا لقيت لنادر وبازوجك عقبه على طول
بدر: يرحم امك انا ابي استمتع بشبابي وشوله اعور راسي بمره وغثاء .. ودني بيت اهلي ودني للسوق ودني لبنت جدة امي ماله داعي
عبير: انا وراك يابدير والزمن طويل
بدر: دام السالفه فيها بدير اجل بااااااااااااااااي
الام: خير وش فيكم
بدر: اقول باي قبل لاتكبر السالفه
الام: بدر بدر وش فيك؟
عبير: خليه يمه الا تعالي نقعد ابيك بموضوع؟
الام: خير يايمه
عبير : ابد لقيت وحده وش زينها لنادر اخوي
الام: منهي بنته تكفين كودني ازوجه واتفرغ لبدر..
عبير : ههههههههههه بدر توه منحاش عشان كذا .. المهم يمه خلاص نتوكل على الله
الام: شورك وهداية الله بس شوفي اخوك وش رايه
عبير: ماعليك البنت كويسسسسه مره
الام: الله يكتب اللي فيه الخير
--------------------------------


دانة بعين بحاري ©؛°¨غرامي جديد¨°؛©

يوم الملكه
كان اليوم مرررررره طويل على روان مانامت ولا شي بس شايله هم .. ياربيه وشلون باقعد معه انا حتى شوفه ماشفته امه جت وبس .. يارب انك تثبتني وتعينني .. اكيد هو الحين مثلي .. لا لا بس هو رجال والرجال هذا اخر اهتمامهم قال ايش قال اشيل هم
جاء وقت المغرب وكانت روان تحط اخر اللمسات على المكياج وباقي الشعر
شوي وتدخل عليها مرة اخوها
أمل: مساء الخير
روان: هلا والله مساء الورد
أمل: ماخلصتي
روان: لا والله شوفة عينك بقى شعري
امل: وش ذا المكياج مرهثقيل خففيه يانور(نور الكوافيره)
روان: لاتقولينه تكفينن
نور: بالعكس دا يبيلبئ له
أمل: لا ياحبيبتي ياناور خليك نعومه مو كذا
روان: بليييز نور خففيه شوي
راما: يااااي بالعكس ياعمه والله رااايق وخري بس بيخق عليك اليوم بندوري
أمل: راما ووجع عيب هالكلام .. بنات مايستحن
روان: رامووووه لاتدلعين خطيبي لو سمحتي
راما: لنا الله اجل انواع الجحدات خلاص كل يوم ماسكه الجوال تكلم حبيب القلب واحنا ننطق نحتريها
روان: حراااام عليك .. ماعليك بس باسفهك سفهه مو طبيعيه
راما: افاااااااااااااااااا ياناور بس تدرين انا اوريك انتي وروميو حقك والله لاهبل فيكم اليوم .. خليني اروح البس وعلى فكره بادخل عليكم اليوم كود يحبني ويخليك
روان: ايه هين حبيبتي
راما: اولا انا اصغر منك .. وثانيا احلى منك .. وثالثا انعم واكشخ .. ورابعا ..
روان: اطلعي برا بسرررعه مالي خلق لك
-----------------------------------
بدر تولم ووتكشخ للمكله
ياربي مايكون هو وش باسوي اوقف كل شي بس وش عذري بتخرب سمعة بنت عمي
ياشيني وانا بهالموقف الله يعين بس
ونزل لامه تحت
الام: ووه بس ياجعلي اشوفك متكشخ لملكتك ان شاء الله
بدر: ان شاء الله يمه بس توني بدري ابي اعيش حياتي
ليان: تكفى ياخوي اعرس عشان اكشخ والبس شي فخم وانبسط والناس يأشرون لي شوفوا هذي اخت المعرس
بدر: بس ذا اللي يهمك
لينا: اجل وشو انا في عين الزبون ياخي
الام: وجع بنات اخر زمن مهنا حيا عيب
ليان: يمممه تكفين خليني اسولف حتى السواليف حرااام
بدر: هذا نادر بيعرس انبسطي بعرسه
ليان: مافيه عرس بنروح لهم في بيتهم قسم بالله ناس معقده وغبيه قال ايش ماله داعي خساير
بدر: المهم تبوني اوديكم
الام: لاياوليدي الله يحفظك بنروح مع السايق بس نحتري عبير تجي
ليان: انا باروح معك
بدر: يالله والمه
ليان: بس بالبس عبايتي
بدر: انا بالسياره بسرعه والا باروح واخليك
وبعد ماركبت ولطعته ربع ساعه
بدر: وجع كل ذا لبس عبايه
ليان: ايه >>خخخخخخخخخخخخخخ
بدر: احلفي بس تدرين الشرهه علي اللي معطيك وجه
ليان: اخووووي حبيبي بعد قلبي انت >>تبي شي
بدر: نعم وش تبين
ليان: احنا مره مبكرين مو ملاحظ
بدر: المطلوب لاتقولين نتمشى مالي خلق
ليان: لا وش دعوه بس اطلب لنا كوفي على مانروح لبيتهم نشربه
بدر: فاضي انا
ليان: بدوووري بلييييز تراني اختك الصغنونه الدلوعه
بدر: ماذبحنى احنا الا ابوي ودلعه لك
ليان: يحق لي اتدلع لانه لايق علي
بدر: اقول الدلع عند بابا(يقلد صوتها وهو يقول بابا) مو عندي
ليان: لو سمحت بابي
بدر: مدري وشلون بتتزوجين انتي
ليان: عادي وش زود الناس عني
بدر: انتي لو تشوفين اللحم تصيحين وماتعرفين تسوين حتى الشاهي
ليان: ليه اسويه وميري موجوده .. فديها انا شغاله ببلاش
بدر: طيب خلاص فهمنا يالله نزوجك انتي خالد الوليد
ليان: ووووع
طبعا لانها الدلوعه لازم يسوى لها اللي تبي فراح بدر عند د.كيف
بدر: وش تبين
ليان: فرابتشينو
بدر: هذا اللي فلحتي به
ليان: ياااي اعشقه انا وخر بس وجبه بليييييز
نزل بدر ونسى يقفل الباب وراح يطلب وقالوا ان طلبه يبيله 10 دقايق
وهو طالع من المحل الا ويشوف سيارته تمشي بسرررررعه ,, طبعا عرف ان احد سارقها راح وبلغ بسرررعه ولقى واحد انتبه له وخذه بسيارته وحلول يلحقه
في سيارة بدر//
ليان تصيح: يمممممممممممه مين انت؟؟
الطرف الاخر: اسكتي بس بصرااااخ
ليان تصيح وتشاهق>>دلوعه: ابي امي ابي بدر انت مين؟؟
الطرف الاخر يصارخ: لا ياحليمه اقول اسكتي لاعطيك كف الحين
ليان تصيح وتشاهق >>رحمتها
------------------------------------
الساعه 9
طلعت ناور للناس وكان شكلها مررره نعوم كانت لابسه فستان فيروزي ومخففه الميك اب مررره خفيف مع القلوس الوردي
بس غدير كانت ملكتهم كلهم بلبسها الاسود والل يمثلها او احلى ردينه كانت لابسه فستان ابيض هااااادي مرررررره
بعد ساعه من الجلسه والوناسه والرقص دق جوال روان>>بيدها عشان لو تبي تصوره وا تاخذ رقمه وكان المتصل رقم غريب وكانت محتاره ترد او لا شافتها ردينه
ردينه : وش فيك عمه ناور؟؟
روان: فيه رقم غريب يدق علي وماادري ارد او لأ
الماس: احقريه ياعمه انتي لحين رايقه
ردينه: يمكن روميو يدق
روان: تخيلي عاد لا لا لا مستحيل ,, كان يقول لاخواني او ابوي مو يدق هذي ثالث مره
ردينه: خلاص وقف ماعليك
شوي الا ونغمة مسج تجي على جوال ناور
ردينه: افتحي مسج روميو نشوف بس اثقلي ولا تردين
" روان ردي علي احسن لك باقول لك شي مررره مهم"
حاله تتنيح
الماس: من مين؟
روان: ماادري نفس الرقم , هذا هو يدق
ردينه: شوفي ياناور الناس يشوفونك ومنتبهين هاتي الجوال انا اروح اكلم
وبعدت عن الناس والصجه شوي
ردينه ردت وساااااكته
الطرف الاخر: الووووووو>>صوت بنت
ردينه: نعم مين معاي
الطرف الاخر: اهلين انتي روان
ردينه: ايه مين؟؟
الطرف الاخر: ابد انا فاعله خير وحبيت ابلغك ان .. طوط طوط طووط
ردينه: الحمد لله والشكر وش فيها ذي يالله بس اروح هناك ابرك
قفلت الجوال وراحت
عبير: يمه شوفي روان ماشاء الله وش ملحها الله يهدي نادر يوم اقول له خذها ويقول ماابي اقارب
الام: الحمد لله هذا المكتوب وانا امتس , والا وين ليان ماكأنهم تأخروا..؟؟
عبير: الا والله يالله بادق الحين
طوووط ... طوووط .. طوووط
بدر يشوف اخته تتصل
بدر: ياربييييه ارد وش اقول لها


وش بيصير لليان؟؟ ومين اللي سرق السياره؟؟
بدر وش بيقول لأخته بيعلمهم او بيخفي الموضوع؟؟
روان راح تتم ملكتها على خير او لأ؟؟


رهوووفا ©؛°¨غرامي نشيط¨°؛©

رووووووووووووووووعة البارت ياااالغلااااا
يعطيك العااااااااااااااااااااااااااااافية
ننتظررررررررررك ع احر من الجمر
يسلمووووووووووووووو

أدوات الموضوع البحث بهذا الموضوع
البحث بهذا الموضوع:

بحث متقدم
طريقة العرض

موقع غرام موقع سعودي خليجي عربي يحترم كافة الطوائف والأديان ومختلف الجنسيات
جميع الحقوق محفوظة منتديات غرام
iTraidnt by ROMYO
جميع الحقوق محفوظة منتديات غرام
iTraidnt by ROMYO

SEO by vBSEO 3.6.1