غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1
قديم(ـة) 02-10-2009, 02:58 AM
صورة !حتي ظلى له مهابه! الرمزية
!حتي ظلى له مهابه! !حتي ظلى له مهابه! غير متصل
©؛°¨غرامي مبدع¨°؛©
 
B11 شاب فقير خطب بنت عمه المليونير


شاب فقير خطب بنت عمه المليونير





وزود عمه طلباته عليه فقال القصيده:







سبحان من يرزق بتوع الملاييـن & الرازق اللي ما يخيب الرجـا بـه




لي عم عنده معـرضٍ للصواليـن & أموت واعرف بس من وين جابـه




وإذا سألته قـال بعـت الدكاكيـن & ما يدري إني ما هضمت الإجابـه




الشاهد إني رحت له قبـل يوميـن & في قصره العامـر ودقيـت بابـه




قال ارحب ارحب عدّ ورد البساتين & يا مرحبا باللـي لفـا يـا هلابـه




قلت البقا عـدّ النفـل والرياحيـن & يا شيخ شمل اهل الكرم والذرابـه




قال اسلم الله يحفظك لي من العين & وآمر أوامر حضرتـك مستجابـه




قلت الصراحة طالبٍ قرب غاليـن & ودي تزوجنـي كريمتـك يـابـه




ثنّى وقال اهليـن والله وسهليـن & والكون ترخص لجل عينك رقابـه




لكن ترا عندي شـروط وقوانيـن & قلت اشرط اشرط يا حبيب الغلابـه




قال أولاً مهر العروسـة ثمانيـن & غير الرسوم وغير حق العصابـه




والثانية عمك يبي منـك سبعيـن & رسم الأبـوّة والنسـب والقرابـه




وام العروسة حقها منـك ستيـن & عشانها ست الحسـن والمهابـه




واخوانها كلن يبي منـك خمسيـن & عداً ونقـداً تنـدرج فـي حسابـه




وخواتها الخمس اعطهن من ثلاثين & عشان تتوثـق عـروق النسابـه




وتجيب طقم عيار واحد وعشريـن & وخاتم من الماس المصفى ترابـه




واكياس متروسة كعوب وفساتيـن & ألوانهـا واشكالهـا مـا تشابـه




وموتر بسواقـه وفيـلا بدوريـن & أثاثهـا مـن بطرتـه ينحكـابـه




واحجز لنا قاعة بقصر السلاطيـن & واحجز بهـا رقاصتيـن وربابـه




وامنع دخول اهل اللحى والبزارين & واعزم أميـر المنطقـة بالنيابـه




هذي الشروط اللي على بالي الحين & وذكرني اللي ما حسبنـا حسابـه




قلت اذكر الله يا عـدو المساكيـن & واستغفـره لا يبتلـيـك بعـذابـه




الظاهر إنك منت عارف أنا ميـن & أنا لو ارقا فـوق متـن السحابـه




ما جبت حتى نص درزن مواعيـن & واضحك بكيفك واعتبرهـا دعابـه




شروطكم هذي شـروط المجانيـن & شروطكم شغـل ابتـزاز ونهابـه




شروطكم تقصم ظهـور البعاريـن & شروطكـم همّـن وغـم وكآبـه




شروطكم والله سيوف وسكاكيـن & تذبح بنات المجتمع مـع شبابـه




وين الرضا والعطف واليسر واللين & اللي ذكرهـا الله بمحكـم كتابـه




وين الصفات اللي أمرنا بها الديـن & وين اختفى نهج النبي والصحابـه




يا عم جعل اللي خلقنا من الطيـن & يرد عقلك مـن خطـاه لصوابـه




ويجعل نصيبي عند غيرك قل آمين & ويحسن عزا الصابر ويجزل ثوابه




قال انت لو فكرت تفكير صاحيـن & ما شفت في مجمل شروطي غرابه




حنا بعصـر العولمـة والمزاييـن & ماهوب عصر الفلسفة والخطابـه




الناس تسعى للرتـب والنياشيـن & وانت اهتمامك بالشعـر والكتابـه




والشعر ما ينفعك لو هو دواويـن & ما دام جيبك مثـل بيـت الخرابـه




يا بوك لا تسمع كلام المصاخيـن & واسأل مجرب عاش في وسط غابه




قلت الله اكبر يا محـرر فلسطيـن & من يسمعك يحسبك ذيـب الذيابـه




تراك شايب راس مالـك رياليـن & والبنت ما تسوى جنـاح الذبابـه




قال انقلع مالت على وجهك الشين & لا عاد اشوفـك عندنـا يالزلابـه




قلت ابشر ابشر لكن الباب من وين & واقفيت من عنده على صوت بابـه

عسى ان تحوز علي رضاكم
منقول
لا تنسونا من التقييم

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 2
قديم(ـة) 02-10-2009, 03:17 AM
ske ske غير متصل
©؛°¨غرامي جديد¨°؛©
 
الافتراضي رد: شاب فقير خطب بنت عمه المليونير


شعرك هذه يذكرني بزواجي / راحت الوالده تخطب لي بنت اخوها من دبي وكان غني والبنت تريدني وهو رافض لانه مطالبه كثيره / المهم مع الايام خسر تجارته وديونه كثير / تركناه على جنب نحن وعائلته وتم الزواج والحمدلله عندي بنتين و ولدين منها وهي عايشه احسن من قبل ايام ابوها .

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 3
قديم(ـة) 02-10-2009, 03:19 AM
روحـي غريبة روحـي غريبة غير متصل
©؛°¨غرامي نشيط¨°؛©
 
الافتراضي رد: شاب فقير خطب بنت عمه المليونير


صح لسانك

واعتلا شانك

جميل ما قرأته هنا

ولو أنا بمكانه بزهد بالبنت ماتسوى المذلة والبنات كثار

كل الشكر على روعة الأختيار

ريم قوم

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 4
قديم(ـة) 02-10-2009, 03:29 AM
صورة !حتي ظلى له مهابه! الرمزية
!حتي ظلى له مهابه! !حتي ظلى له مهابه! غير متصل
©؛°¨غرامي مبدع¨°؛©
 
الافتراضي رد: شاب فقير خطب بنت عمه المليونير


ske

اهلا وسهلا
وانا لي الفخر انك اول مشارك لك في هذا المنتدي وهي ردك لموضوعي
والله يوفقك

ريم قوم
شكرا علي مرورك لموضوعي

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 5
قديم(ـة) 02-10-2009, 03:33 AM
أســــ الغنج ــــير أســــ الغنج ــــير غير متصل
عضو موقوف من الإداره
 
الافتراضي رد: شاب فقير خطب بنت عمه المليونير


اخوي الغالي
حتى ظلي له مهابه
هلابك وبمشاركتك يالغالي
بس انت شخص قديم في المنتدى غريبه انك ماتدري ان للمنقولات قسم؟؟
<<ايه بلاك يومك تفكر في العرس الله يهديك وحاط عينك على بنت تاجر وخايف انه يسوي بك كذا هههههههه
عمومآ يالغالي اسمح لي بنقل المشاركه للقسم المناسب لها وهو قسم المنقولات الادبيه
والقصيده هذي تم طرحها من قبل لكن من فتره طويله
عمومآ يعطيك العافيه
وتقبل تحيات وتقدير
اخووووووووووك
أســــ الغنج ــــير

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 6
قديم(ـة) 02-10-2009, 03:03 PM
صورة !حتي ظلى له مهابه! الرمزية
!حتي ظلى له مهابه! !حتي ظلى له مهابه! غير متصل
©؛°¨غرامي مبدع¨°؛©
 
الافتراضي رد: شاب فقير خطب بنت عمه المليونير


هلا فيك اسير الغنج

يمكن اني اهوجس ونزلتها خطأ

شكرا لمرورك العطر

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 7
قديم(ـة) 02-10-2009, 04:49 PM
صورة موادع الاشواق الرمزية
موادع الاشواق موادع الاشواق غير متصل
©؛°¨غرامي مجتهد¨°؛©
 
الافتراضي رد: شاب فقير خطب بنت عمه المليونير


والله عشنا وشفنا حتى العادي مايقدر يلبي هالطلبات لو انا من الولد كان اقوله انقلع انت وطلباتك البنت ماتستاهل كل هالطلبات وفيه بنات كثار احسن منها<<<<عصب الاخ خخخخخخخخخخخخ
ودي......

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 8
قديم(ـة) 02-10-2009, 05:04 PM
صورة ●~» رسـآمة المشـآعـر● الرمزية
●~» رسـآمة المشـآعـر● ●~» رسـآمة المشـآعـر● غير متصل
©؛°¨غرامي فعال ¨°؛©
 
الافتراضي رد: شاب فقير خطب بنت عمه المليونير


تسلمين يالغلا
وننتظر جديدك

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 9
قديم(ـة) 02-10-2009, 05:06 PM
صورة غلا نفسي مكفيني الرمزية
غلا نفسي مكفيني غلا نفسي مكفيني غير متصل
©؛°¨غرامي مجتهد¨°؛©
 
الافتراضي رد: شاب فقير خطب بنت عمه المليونير


رووووووووووووووووووووعه جونان
يعطيك الف عافيه
تحياتتي
دن دن,,

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 10
قديم(ـة) 02-10-2009, 06:05 PM
صورة ملاك بصورة بشر الرمزية
ملاك بصورة بشر ملاك بصورة بشر غير متصل
©؛°¨غرامي متألق ¨°؛©
 
الافتراضي رد: شاب فقير خطب بنت عمه المليونير


الصراحه كلام رائع

أشكرك اخووي

ربي يعطيك العافيه

موضوع مغلق

شاب فقير خطب بنت عمه المليونير

الوسوم
شاب فقي،ر خطب بنت عمه، المليونير
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
قصيدة لشاب فقير خطب بنت عمه المليونير سمو الأمير حمودي منقولات أدبية 21 10-07-2009 10:39 PM
الرجل المليونير فنوووون قصص - قصيرة 5 21-10-2008 11:42 AM
قصه المليونير الذي أصبح يكنس الحرم sh229 ارشيف غرام 1 17-10-2008 04:47 PM
شاب فقير خطب بنت عمه المليونير أحـــــ الذكريات ــــلام منقولات أدبية 5 23-04-2008 10:40 PM
قصة المليونير الذي اصبح يكنس الحرم؟؟ اميرة الغروب قصص - قصيرة 8 29-05-2006 01:06 PM

الساعة الآن +3: 04:25 PM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


youtube

SEO by vBSEO 3.6.1