غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام

عـودة للخلف   منتديات غرام > منتديات روائية > أرشيف الروايات المغلقة - لعدم إكتمالها
 
 
أدوات الموضوع طريقة العرض
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 41
قديم(ـة) 27-10-2009, 07:24 AM
صورة شــوشــو..!! الرمزية
شــوشــو..!! شــوشــو..!! غير متصل
©؛°¨غرامي جديد¨°؛©
 
الافتراضي رد: حطي ذا الكلام حلقه في اذنك والله لو ان البقر يحجن علي قرونها... والله ما نيب !


ووويـــــن البــــارت خيتـــــووو...؟؟؟

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 42
قديم(ـة) 29-10-2009, 04:30 PM
وقفة عتاب وقفة عتاب غير متصل
©؛°¨غرامي مشارك¨°؛©
 
الافتراضي رد: حطي ذا الكلام حلقه في اذنك والله لو ان البقر يحجن علي قرونها... والله ما نيب !


اقتباس:
يسلمووو
على الباارت بس يليت تجبين عن خلود وراشد
انثى نجد....الله يسلمكــــ
انشااء الله يكوون البااارت فيه عن رااشد وخلوود
اقتباس:
يسلموو على هذا البارت الحلوو ..

ننتظــرالتكمله ياالغلا...

تقبلي مرووووووووووووري..


الله يسلمكــ شوشو

وانااا بانتظااارك

اقتباس:
يسلمووو
على الباارت
يعطيك العافيه
ننتظــرالتكمله
فجر الاماااسي
الله يسلمك والله يعاافيك
اقتباس:
وقفة عتآب ~

مآشآء الله عليك
روآيه روعه و بآين من بدآيتهآ إنهآ حمآآآآس ..
يآليت انك توصفين أشكآلهم و توضحين صلة القرآبه و كذآ ..
الشخصيآت كلهآ حلوهـ
ننتظر البآرت الجآي بشوووق
يعطيك العآفيه
لِ قلبكّ
خجل...انتي الارووع
واناا كمااان بانتظااارك
اقتباس:

يسلمو ياعسل .........بارت اكثر من رائع ...........الله يعطيك العافيه

الحمد الله اللي بدت تتضح الاحداث شوي شوي

يعني خالد اللي حصل معاه له دخل بالجوهره بنت عمه ............بس ايش الحكايه؟؟؟؟؟؟؟؟؟

ومساعد هذا كمان يعني ليش علاقته باهله منقطعه معقوله عشان زوجته .........ان شاء الله تقوم له بالسلامه

اوف ......ياني ماحب هالراشد ولا اطيقه ليش يسوي بخلود كذا ...............شعلاقتها بالي صار مع خالد والجوهره

محمد ..............يحليله ...ألف مبروك ع الوظيفه يالشرطي.........تصدقي وقفه احس انه بيكون له علاقه بعدين من ناحيه وظيفته بانه بيعرف شي عن تهمة وسجن خـــــــــــــالد

ام متعب ......صعبه إنك تشوفي اقرب الناس لك يجحدك وينكرك............لكن الله يعوض صبرها خير ......يمكن اللي يختاره ابو مـــــــــاهر لشركتها هو خالد ؟؟؟

ابو جابر ....شكله كبير بالسن كنت اتوقعه صغير ...........لكن ليش عياله مايبغو اخواتهم البنات ..معقوله بس عشان امهم غير عنهم ............يمكن احسن لهم انه عند اختهم جنان هي اكيد حتراعيهم...

وتسلمــــــــــي عزيزتي في انتظارك....لاتطولي علينا
الله يسلمك ويعااافيك
شذى الرووح
انا بانتظااركـــ

اقتباس:
مشكورة ياقلبي على البارت اممممممم يعني الجوهرة هذي هي سبب المصيبة الي تعرض لها خالد لاوعندها امل انو في يوم من الايام يخطبها بس ان شاء الله فضيحتها تكون على كل لسان وتتضح حقيقتها للناس كلها ورب العالمين يمهل ولا يهمل

اما خلود لسى ماعرفنا ايش دخلها في السالفة غير انها اخت خالد ومتشوقة لليوم الي بتظهر فيه الحقيقة وردة فعل راشد والكل على ظلمهم

شكل مساعد بعد مظلوم ومسكين كل ذنبه انو تزوج وحدة ابوه رافضها ....... انا مستغربة من هالابو الي مافي قلبه رحمة على اولاده بس ماحد بيندم في النهاية الا هو

جنان الله يحميها من شر ابو جابر وتفكيره الشيطاني يعني وحدة اصغر من عياله ومربيها في بيته يفكر فيها كذا ؟

في انتظارك على نار
وردة الزيزفون
الله يسلمكــــــ

وانااا كماان بانتظااارك

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 43
قديم(ـة) 29-10-2009, 04:32 PM
وقفة عتاب وقفة عتاب غير متصل
©؛°¨غرامي مشارك¨°؛©
 
الافتراضي رد: حطي ذا الكلام حلقه في اذنك والله لو ان البقر يحجن علي قرونها... والله ما نيب !


الجزء الخااامس



صحى من النوم ..رفع يده لفوق يبي يحس بانتعاااش ..او يوهم نفسه بشوية انتعاااش..نزل من السرير وناظر في الكنبه ...الباارحه لما نااام..كاانت نايمه..والحين الكنبه مابها احد..سحب نفسه بثقل .... ووقف وباان طوله..ناظر في طرف السرير وشااف الملاابس الي مجهزتها له زوجته..دخل الحماام وأخذ له حماام(ونتوا بكراامه) وطلع....وقف جنب المرايه وصاار يمشط شعره ..لما خلص فتح الدرج وشااف التذااكر..صفق الدرج ونزل تحت في صاله مفتوحه شاااف امه كالعاده تطرز ..
راشد: السلااام عليكم
ام راشد: وعليكم السلااام .
راشد: انا حجزت ....آخر ذي الاسبوووع بيكوووون موعد الطياااره
ام راشد بفرحه: بشرك الله بالخير ياوليدي...خلاااص انا انكتمت من هالبلااد...والله لو علي ماجيت..لكن على حرمتك الي ماتطيع
راشد: الا وينها فيه
ام راشد: بعد وين... في المطبخ
راشد وقف..: اها
وقف ومشى الى المطبخ..هو يدري انها في المطبخ...بس بدووون سبب جاء في باله ذا السؤاال...مشى بهدوء وثقل..بس من دااخل عكس كل الي ظااهر على شكله..لما قرب يوصل لبااب المطبخ خفف من خطواته ومشى بدون مايطلع صووت لخطواته قرب من الباااب بشويش..وكانه خايف تكشف وجوده...وصاار يناظر فيها وهي تقطع في الطماط ...نظرة الحزن ماكانت صعب انه يلاحظها..لانه هو سبب حزنها..شيء غريب انك تحب انسااان بس ماتقدر تسعده..والاغرب انك تحب انسااان وبعده تنصدم فيه....جاء في باله يووم زواجهم...لما كانوا متوجهيين للمطااار....وكيف ان خاااالد كاان مصر انه يوصلهم بنفسه المطااار صااار المنظر يروووح ويجي في باااله...
(خالد: اقوول راااشد ..ماوصيك على خلووود ترااها غالييه ..حطها في عينيك
رااشد بفرحه: تراااها بالقلب قبل العين...ومسك يدين خلوود وقربها لفمه وباسها
خالد:هههه...اقووول يالله استح ...عيب اللحين انتوا بترووحون واخذ راحتك
راااشد : كيفي
كيفي
كيفي
صاارت الكلمه تروووح وتجي في بااااله .....مايدري ليه انمحت كل ذي الذكريااات من راسه ومرت صور غير
ظرف فتحه بعد ماوصلوا الى اوكرانيا ...وبعد ماتركها تبدل في الفندق...فتح بااب الغرفه ولقى قدامه موضف ..ويعطيه الظرف..كل الي يذكره انه قااال له ان ذا الظرف وصل له اللحين...في باله غريب ..من يدري انه راااح يسكن هينا وذا الظرف يمكن غلط يمكن لشخص ثاااني...فتح الظرف بهدوء وسحب الي فيه كاان ظرف على شكل البوووم...مثل الملف ...فتحه وانصدم....تمنى انه مااافتحه ولا وصله ذا الظرف...كانت مجموعه بسيطه من الصوور لكن..كبيرة بالي تحمله من معنى..اول صور كانوا لزوجته ومعااها واااحد ...اغلب الصور كان يمسكها فيها.....كل صورة يغيرها ..وبنصدم.....بس الي صدمه صووورة كانت تبووووسه في خده ......كل الصوور هاانت ..الا ذي
مايدري كم صااار له وهو يناااظر فيهم ..من هذا الي مع زوجته...هي ماكانت مخطوووبه حتى تصيير عندها مثل ذي الصووور ..ليش خانته ..واستغفلته...واوهمته بحبها له...كذبت عليه وخلته يصدق انها اشرف منها مافيه...كانت غييير بالنسبه له ...انقرف منها...ودخل الصووور محلها ...وقااام صااار يناظر في الظرف...وانتبه للكتااابه الي بالكمبيوووتر...حلوة صوور خويي مع خويته ...مابعد توصل صوري انا ..مبرووووك عليك الزواااج انشاااء الله حلو...مايدري كيف تجمعت هموم الدنيا على راسه ...لهدرجه هو غبي وعطاااها كل ذي الثقه...ماتحمل ..واول مادخل لقاااها بشكلها النااااعم وملامحهااا البريئه...كل ذي الاشيااء الي فيهااا خدعته...ناااظر فيهاااا بقرف....وصااار يصاااارخ بقوووة
رااشد: ليه ليه كيذا.,..انا ..انا استغفلتيني..وخدعتيني...
ماتحمل يشوووف كرااامته تنداااس لانها تحت اسمه ...وكل الي تسويه ينحسب عليه...مسكها من شعرها وصاااار يضربهاااا
كانت تصيح وتصرخ بالم...ماتدري شنو الغلط ولا الشي الي سوته ....لما حس انه تعب من الضرب...وقف وراااح لغرفته وصفق الباااب بقوة ....وتركهاااا بحيرتهاااا)
نفض كل ذي الاافكااار..وفكر يتركها تكمل شغلها وطلع احسن له من انه يطيح ضرب فيهااا




&&&&&&&&&&&&&&&&&&&&&



صحت من النووم على صووت الاذااان.....ابتسمت ذا اذااان الفجر...وبسررعه
فتحت عينيها...وهي كارهه تفتحهم..النوم بعده فيها ناظرت على يمينها ...ابتسمت امس نااامت وهي تبكي ...وناموا خواتها معها في نفس السرير..على انهم في نفس الغرفه تثاااوبت..ودها تنام مره ثانيه..لكن اهي فيها نذاله ولعانه..ماتقدر تشوف احد نايم جنبها واهي صاحيه..بسرعه قامت وصلت (في بالها الحمدلله انها مو بقضاء)
خلصت وبسرعه سحبت اللحاف من عندهم
وعد بصراخ: حنيــــــــــــــــــــــــــــــــــــــن ..نجووووووووووووووووله
يالله قوموا قوموا............
حنين: اوووف ...انا من الي حكم علي بالاعدام وتركني انام معك في نفس المكاان
نجلاء: وعد طفي النور..بعدها الشمس ماتشرق
وعد: هههههه ..لا والله لما تشرق راح نجيب لها مويه..(وبصراخ)..قومي لاتصلين قضاء
نجلاء: حبيبتي ...بس شويه..
وعد جلست جنبها..يالله حنفرفر في الحوش بروحنا
نجلاء: يارحمـــــــــــن ..انشاء الله ورفعت راسها..والله انك طيرتي نومتي
وعد: وهو المطلوب يالله قومي علشان يجي دور حنون
قامت نجلاء وراحت الحمام(وانتوا بكرامه)
وتوضت وطلعت ..وابتسمت على المنظر الي تشوفه
حنين مب راضيه تقوم ووعد منغصه عيشتها
وعد جالسه وتدخل الكلينكس ..في انفها واذنها وحنين تعاند وتنام

صلت وبعدها حنين مب راضيه تقوم...كملت نجلاء عليها وتقربت منها تعرفها جبانه حيييل
نجلاء: اقول وعوده ..
وعد: عيون وعد ..آمري بس تراني حيييل معصبه يعني مو كل شي بيتنفذ
نجلاء: ترى عجزنا نصحي هالدووبه ...خلاص بننزل نفطر بروووحنا ورااانا دوااام
وعد : ايه يالله
حنيين: لالا انتضروني بس اصلي واروح معكم..وقامت بسرعه
نجلاء ووعد:هههههههههههه
صلت ..بسرعه..تعرفهم شينين ..ويعرفوها جبنة شيزدل...علشان كذا ..عادي يخلونها بروحها..هي وحده تخاف من ضلها..

خلصت وتوجهت جنب شنطتها..فتحتها واخذت لها بلوزة تدفيها ...لان الجو بارد ..وهم في مزرعه

وعد: اقول نجيله..يعني تقووولين بره اذاا فطرنا برره برد
نجلاء: ما دري......لبسي لك شي يدفيك وتعااالي
حنين: اووف يالله
لبست..وطلعت معاااهم ..ونزلوا من الدرج..كانوا يسولفون طول ما كانوا يمشون
حنين(بصراااخ): لالالا..اللحين انا نااايمه صحيتيني...,يوووم صحيت تبينا نغيب..لا والف لا
نجلاء: اسكتوا لايصحى تركي..وتصير قعدتكم عالفاضي
وعد: ايه صح..ذا الوحش يصير ولد اختي..بس مابه فايده...الله على ايام زمان..
حنين: وش ايام زمان..
وعد: تدرون كنت احلم اني انا..اتأمر على تريكان..ويصير عبد عند رجليني
...: تريكان طل في عينك
نجلا ..وحنين: يماااااااااااااااااااااااااااه
وعد: بسم الله الرحمن الرحيم..اعوذ بالله..انت بزر تخوف البزران
تركي: لا ياخاله انا تريكان العبد
وعد: تخلخلت ضلوعك..تروع البزران وتقولي تريكان العبد..
تركي بعناد: وينهم البزران..اووه اثاريها انتي
وعد: اقول ياعيال يالله ..نبي نكمل المسير
نجلاء: يالله
مشوا وكان تركي يمشي وراهم بدون مايدرون
وعد: ااووووف حشى ..ذا من وين يطلع من يسمع اسمه
حنين: يقولون ..اذكروا القطوة تجي تتنطط
وعد: لالا..تركي مب قطوة..دوروا له مثل ثاني
حنين: يوووووه ..بنقلب الفرة تركي
تركي: صدق بتقلبون الفره تركي
وعد: اعوذ بالله..ليه مارحت تنام..وراك اشغال..اتركنا وروح يالله
تركي: امرك ياخاله..بس والله لو ماوراي اشغال ماتركتكم..يالله سلام
وعد: وعليكم السلام ورحمة الله وبركاته
تركي:ههههههههاي..وكمل طريقه
وعد: اعوذ بالله منه...يالله صباااح خير...وش لي انزل واشوف تريكااان

نجلااء: اقووول قربت الدنيااا تنووور يالله نرووح نتجهز
حنين: يالله
وعد بملل: اوووف...ياشين الدراااسه والله
صعدوا لغرفتهم...وكل وحده تلبس لبس المدرسه(مريوول) ..
كانت تمشط شعرها الناااعم والي يوصل لاكتااافها...ابتسمت ودااارت
حنين: وعد حبيبتي...بتجلسين معاااي انااا ونجلاء اليوووم
وعد: اي...
نجلاء: انا راح اجي لك
وعد: بكيفك

كااانت تناظر في وعد...هي طبعها فضوليه...وفيها لقاافه على اصووول...بس ذي الجوهرة..فيهاااا وقاااحه وسخااافه موبطبيعيه...كانت تفكر لويصير في وعد شي وانا اوحنين مو بمعاااها...تخاااف على خواتهااا ...تربيتهم...والطريقة اىلي تربوا فيها خلت كل وحده تصير كانها الثااانيه...لماتفرح وحده منهم كان الكل صااار له ذا الشي...ولما تحزن يحزنووون مع بعض
تقربت من وعد وحطت يدها على كتفهااا
نجلااء: توعديني..انك مارااح ترووحين بعييد عني او عن حنين
وعد ناظرت فيها ونزلت راسها: خلاااص اوعدك (وابتسمت)
حنين ناظرت في الساااعه: يؤؤ...يالله خلصتوا..
وعد ونجلاااء: يالله



&&&&&&&&&&&






كااان يناااظرفي اورااق الي انقبلوااا..بعد دورات التأهيل...بس ذي الورقة لفتت نظره ...لفت نظره اسمه ..الاسم قريب من ناحية الجد لخااالد..تنهد بقهر ...هو ماصدق ان خااالد طلع ..على انه ماكااان يبيه يطلع ...يحس انه بعده محتاااج يكمل تعذيب له..
حط الورقة على المكتب وهو يفكر...خااالد كااان في نظره مذنب وفي نظر العااالم متهم ...اما ذا الي اسمه محمد موضف ...للحظة مرت في باااله فكرة ينتقم من كل واااحد منهم...لكن تراااجع ...هم شنو ذنبهم...يكفي خااالد ...يذكر كيف كااان يصر انه هو الي يجي ويعذبه..خلااااص ..لازم ينسى ...والا يتناااسى...قطع عليه حبل افكاااره دق على الباااب
ناايف: تفضل
...: محمد بن سعدوصل
نااايف: اها ...قله يدخل
لماوصل ناظر فيه رئيس المركز ببروود..
نااايف: انت محمد
محمد:اي نعم انا محمد..
نااايف: تفضل لحظه
جلس محمد وافكااره تروح وتجي..كان يقوول لايكووون خلااص مايبوني...لا..اجل ليش قبلوني..رفع راسه وناظر في اسم رئيس مركز الشرطه ..نايف
نايف: اغلب الانظمة انت عارفهااا...طبعا لانك اخذتها في معظم الدورااات التأهيليه الي خذتها قبل .......راح تكوون اغلب شغلتك في ذي المنطقه ...وصااار يشرح له ....يالله تفضل على الشغل
محمد: انشااء الله
وقف محمد ومشى وهو فرحااان بالوظيفه...حلم حياته يكون يشتغل في مركز الشرطه...يحب الوطن...وفي نظره ذي اجمل طريقة ...يعبر فيها ان روووحه فداااء للوطن..وقف وطلع
ناااظر فيه وهو يطلع...صحيح يختلف شكله عن خااالد بس فيه شبه...يمكن الدم مثل مايقولون... اختااار له ذا القسم...لانه مو كثييير يروووح لهيناااك...يفضل انه مايحتك فيه...يخاااف مايمسك نفسه...نزل راااسه وسحب محفظته...وطلع منها صووورة..صاار يكلم نفسه..ليه سويتي كيذاا.. لو كنتي عااايشه بتجاااوبيني ...آآآه طلعت تنهيده قويه منه ودخل المحفظه في جيبه...





&&&&&&&&&&&&&



على الظهر العيله ...كانت تجهز حالها الى الحفله والكل مشغول باله......البنات مشغولين بالبس الزين والكشخه والحريم بالاكل والطباخ السنع
والشباب قالوا لا صااار قريب يوصل ...نجي نجلس معاكم......وعلى كل هذي الحوسه الحفله عائليه ...والرجال مع الطباااخين لان اغلبهم يبي الطباااخ قريب لايااام قبل ..
والاخ محمد .....طبعا حاط في باله ان الام لازم تسوي مثل هالاحتفالات ..لان عايلته تموووت لو ماتسوي حفله..لكن ايش يسوي لها ...يدري ان العيله كلها تبي تفرح...من زمان مافرحت


&&

ام فيصل: لا لا ...حطي الطاوله هنا ...
ام تركي: وليه يوخيتي...بنتظايق...خبرك البنات يبون يناقزون
ام فيصل: ايوه ..في هذي صدقتي...يا ميري خذي الطاوله هينااك
ام عبد الله: وانشاء الله الذبيحة خلصت
ام فيصل : ايه توي داقه على ابو فيصل يقووول مابقى شي..

&&



الهنوف: الـــــــــــــــــلـــــه ........... والله من زمان مافرحنا
الله يفرحك يامحمد مثل مافرحتني



عهود( وهي تمسك كتف اختها ): اقول يا اختي اخلصي يالله نبي نروووح

العنود: ايه يالله ابوي ينتظرناا

الهنوف: نعم ..نعم... انا ماخلصت...
عهود: اقووول...ترى مابقى لك شي غير تلبسين ساعتك يالله لايكثر ...
الهنوف:اوووف...والله انه بدري...وشوله نروووح اللحين
عهود : يقوولووون محمد مايدري ...ويبووون يسووونها مفاجئه...تخيلي نتأخر...وندخل مع محمد...وتخرب المفاجئه
الهنوف: اوووه ...اللحين انزل



&&&&&&&&&&&&&&&&&



كان تعبان حيييييل ....زوجته ماصحت...مسك يدها...يالله حياتي مايصير تطولين في النوم....مو انتي الي كنتي تصحيني من النوم علشان الصلاة...يالله ياحياتي...اذن اكثر من مره ..انتي ماتبين تسمعين...صوته..الله يخليك قومي...شد على يدها بحنان...يالله حياتي...ماعاد نجيب اولاد...ساره...(يطالع في النافذه ..وراسه لفوق)...انتي جبتي توأم...بنت ...وولد...قومي...ابيك انتي الي تسمينهم..ايه وبنطلع..بنروح...الى جدي..وجدتي...اكيد يبون يشوفون...عيالنا ...سالت دموعه...حياتي..انا ما اقدر اعيش بدونك...قالوا لي...اذا ما صحيتي..بعداربع وعشرين ساعه في...خطر كبيرعليك...اللحين...بقى نص ساعه...تكفين قومي..تكفين...الله يخليك...ناظر في الساعه...بقى عشر دقايق...الله يخليك..قومي....سالت دموعه..على خدينها..صاروا قريبين من عينها...بكى وبكى...يالله قومي كل شي بيد الله ..فقد الامل...حس بتعب...اشلون بيربي ...عيااله...لوحده..كيف بيعلمهم المباديء....اسودت الدنيا في عينه...حس انه بيموت...حس بيد ناعمه...تشد عليه..بضعف وقلت حيله..فتح عينه...لقى يدها تتحرك...مايقدر يوصف شعوره...بسرعه...ضغط على الزر الي تحت السرير...وجوا الممرضات والدكتور..وصاروا يفحصوها...طلعوه بره..وهو مهو بقادر...يبي يشوفها...خايف..خايف عليها...ساعه ...ساعتين..ساعتين ونص...طلع الدكتور..ومساعد..خايف..مايبي يسمع شي...خايف يقولون....راحت
الدكتور: الحمد لله على السلامه...
مساعد(بفرح): الله يسلمك.....اهي بخير...
الدكتور: ايه والحمد لله...بس لاتخليها تجهد نفسها هالفتره...لازم ترتاح...جسديا ونفسيا
مساعد: انشاء الله......متى بتطلع
الدكتور: انشاء الله اذا شفناها بخير قلنا لك

وطلع.....اما مساعد...راح لحياته وروحه...والحب الي ضحى بكل شي على شانه

فتح الباب...وشافها فاتحه عينيها...بس تعبانه ...يبين الارهاق عليها...
مساعدمسك يدها: كيف الحلو...سرحانه في مين
ساره بتعب: مسا..عد...حياتي...كيفك
مساعد: انا بخير اذا انتي بخير
ساره: مساعد...الولد زين
مساعد: ياحياتي...انتي ماجبتي ولد
ساره: اجل...اشلون...البنت
مساعد: هههه...انتي ماجبتي بنت
ساره(مافهمت): اجل ايش جبت..مافي غير هذول
مساعد..تقرب منها ومسح على راسها بحب وحنان: ياحياتي انتي جبتي الي الدنيا..انتي جبتي توأم...جبتي بنت وولد
ساره(بفرح وتعب): صدق..يعني ......انا...انا...عندي اولاد.....الحمد لله
مساعد..مسح على راسها..ياحياتي انتي...تعبانه ولازم ترتاحين..اذا طلعتي...انتي بتسمينهم..وانتي بتربينهم معي..كنتي تضني.انك مابتجيبي,,,غير واحد...لكن الله كريم....واكرم من كل احد...هذا ربنا ....والحمد لله...ان احنا مسلمين
سارة: الحمد لله

مساعد: يالله روحي...انا طالع..اجيب اغراض لك وللعياال..يالله فمان الله
ساره: فمان الكريم

طلع وطول ماهو يمشي يدعي الله يخليها له...ويخليه...الها..ويحفظ عياله



&&&&&&&&&&&&&&&&&&&



بعد ماطلع من الشغل
ركب سيارته...دخل محل الحلويات ...اشترى اكبرعلبه وافخمها...واجود انواعها.....اشترى معه كيك كمان ..واخذ شوية مشروبات غازيه...وعصيرات....

راح الى حي فخم...قصر كبير...وقف على باب القصر...ولما عرفوه الحرس دخلوه...دخل بسيارته ......ووقفها قريب من الباب الكبير

نزل ودخل الى القصر ... واتوجه على طول لباب القصر الخلفي...جده لازم يجلس مع جدته هناك...كل ليله..
دخل ولقاهم..ابتسم ..مستحيل يغيرون عاداتهم.....راح الهم
كانوا جالسين على كراسي ....اشكالها قديمه.....لكن في نفس الوقت جديده وفخمه ... كانوا يسولفون....تقرب منهم ...وقال بفرح...السلام عليكم...وراح حب كل..واحد على راسه
الجد(طلال): وعليكم السلام
الجده(امينه): وعليكم السلام...هلا حميدان...عسى ماشر
محمد: حميدان ...ماتنسين هالاسم
الجده: هههههههه ...احب اسميك حميدان لانك شيطان
محمد: هههههههههههه
الجد: محمد يبه....في شي ...امك وابوك...فيهم شي
ابتسم محمد: لالا لالا..ها.. لهدرجه ...اطع مااجيكم الا للضروره
الجد: لا ياابوك...بس خبرك من زمان ماتجوونا...خفت في شي
محمد اخذ الحلااوة والكيك: يمه يبه ...ذي بمناااسبة الوضيفه
الجده: مبروووك ياولدي...مبرووووووووك...والله الفرحه مب سايعتني
محمد: انشاااء الله تفرحييت دايما
الجده بحزن: انشاااء الله
الجد( بفرح ممزوج بحزن):انشااء الله فيها كل الخير
محمد: انشاااء الله
محمد( عطاهم الاكياس): يالله انا راايح....توصوني على شي.
الجد والجده: سلااامتك ياوليدي...
محمد:فمااان الله
الجد والجده:في امااان الكريم
الجده: لا...... الله يحفظك
الجد: لاتقطع ياوليدي
محمد: انشاء الله...
وطلع...كان فرحان.....كاان يفتح باااب سيااارته..بس انتبه لشي ثااني ...شخص صااار له فتره ماشااف حتى خيااله..عمره ماتخيل انه يشووفه مره ثاانيه...انتبه لفرحته...في باله شكله من فرحته ماانتبه لي
محمد بصووت عالي: مساااعد
مسااعد انتبه له: هلااامحمد ..(وسلم عليه بحرااره) اخبااارك
محمد: الحمدلله تمااام...شكلك مستعجل
مسااعد: هاا..لاخذ رااحتك
محمد: لا انا رااايح يالل سلاام
مساااعد الله يسلمك
ناااظر ي محمد وهو يروووح...اشقد فقدهم ..فقد عيلته ..مشى وهو يحمد ربه على كل حااال
...دخل وشافهم صاعدين الدرج...بسرعه..قال ..يمه يبه...السلام عليكم
ابوسعد(بفرح): عليكم السلام..هلا ..هلا بوليدي
ام سعد: وعليكم السلام..هلا عيوني
ابو سعد: اقول تتغزلين فيه وانا قاعد
ام سعد: يووووه...بعدك تغار
ابوسعد( يسوي نفسه زعلان): لا انشاء الله ماتبيني ازعل
مساعد:هههههههه اشلونكم
ام سعد: الحمد لله...وليدي..وين سويرتي...ما اشوفها...عسى مهيب تعبانه من الحمل
مساعد: يمه...انا .صرت ابو
ابو سعد..بفرحه: مبرروووك...ياولدي....مبروك ماجاك منها
ام سعد بلهفه: الحمد لله...سويرتي زينه
مساعد: ايه الحمد لله..
ابو سعد: ها عسى يابت الي تبيه..هي تبي ولد ..
مساعد: جابت الي تبيه ونص...
ابو سعد: ...ايه الحمدلله
مساعد:: انا صرت ابو لبنت وولد
ام سعد:الحمد لله...جعله خير لكم ...جعله..خير
ابو سعد..ومساعد: آميين
مساعد...يمد كيس: ها يمه...هذا هديه لسلامة زوجتي

ابو سعد: ها يا امينه...ماتبين نروح لبنتنا
ام سعد: اكيد...هذا انا بلبس عباتي
ابتسم مساعد بفرح..الحمد لله ان معه ناس..يحبونه..ويحبون زوجته..يالله يبه انت بعد قوم نروح
ابو سعد: بدون ماتعزمني انا رايح
ام سعد: هذا انا لبست

وطلعوا ركبوا...سيارة مساعد...وفي الطريق قال لهم مساعد الي صار لزوجته..
امينه بصيااح: واعليه..هاليتيمه...الله ارحم بحالها
ابو سعد..ومساعد: والنعم بالله




&&&&&&&&&&&&



راح البيت .. ...مهوب بقادره الدنيا..توسعه ..من الفرحه

وكانت الاضواء مطفيه

محمد( خدعه بسيطه ...وقديمه..تنتظروني اولع الاضواء علشان تفاجئوني.......لكن يالله علشانكم ماني مولع شي)
ترك اغراضه والكل ينتظره..يولع الانوار..وصوت همسااتهم ...راح الى الطاوله ...وصرخ باقوى ماعنده...
يــــــــــــــــــــــــــــمــــــــــــــــــــ ـــــــــــــــــــــــــــــــــــه يبـــــــــــــــــــــــــــــــــــــــه آآآآآآآآآآآآآآآه باموت

الكل ولع الاضواء...وراح اله بسرعه
ام عبدالله: يمه وليدي..ايش فيك
ابو عبد الله : بعدو عن وليدي...
كان محمد...منزل راسه على الارض .,,................فجأه رفع راسه وقال ....خوفتكم........ههههههههههه

ام عبد الله: حسبي الله على بليسك ....طيحت قلبي
ابو فيصل: هذي جزاتنا ما ننام نجيب هالخرابيط...على قولة الجنيات(يقصد البنات )..ان الحفله ماتطلع حفله..بدونهم
ابو تركي: ايه والله ..انت صدق ماتقدر جهود الشياب...مره ثانيه لاعاد انسوي لك ولالغيرك حفله
تركي: افا يبه...لهدرجه حنا ماننفع في شي
عبدالله: لا ... خلاص قلبوا علينا...يامحمد...اطلع بره وسوي نفسك مادريت
محمد:ههههه....والله عاد..انا جيت...وشفت الانوار مطفيه...وقلت اقدم حركه عرفتها


ابو عبدالله( يغير الموضوع): يالله ناكل العشاء ...وتالي نسولف
ابوفيصل: يالله

وراحوا حطون العشاء




&&&


تعب وهو يدوور ...صعب يلقى وظيفه...في باااله المتخرج من احسن الجامعااات مالقى له وظيفه...أنا بلقى لي وظيفه
دخل يده في جيبه ماعنده اي مبلغ...كل الي عنده راااح امس ...تمنى انه ماااراااح يحلق...حلق على امل ان شكله راااح يصير شوي مقبووول بس مابه فاااايده...تعب وهو يعطي نفسه امل...خلاااص فكر يرووووح لجده...بس ايش راااح يسوي لو صااارت مشاااكل اكبر..لو ابوووه طلب منه يروح عن جده والا جده طلب منه انه مايروووح عنه...واثنينهم حطوووه تحت شي اسمه ...لا انت ولدي ولا انا اعرفك...هو سمع ذي الكلمه من ابوووه...بس يدري لو انه راااح لجده ...ماراااح يترددد ابوووه في سحبه واهااانته من بيت جده...تعب من الاهاانااات...تعب كثييير...حس ان حلقه جف...يبي مويه...يبي يشرب شي....مو مهم اذا بااارد اوحااار...اهم شي...انه يشرب شي...ويروووح ذا الجفااف...حط يده على جبينه...يحس بحراااره...من اول ماطلع من السجن وذي الحراااره كل مالها تزيد...بس اليوووم يحس بزياااده.......حتى رااسه بدى يدوووور ...مشى وصااار يسند نفسه على الجدااار يبي يعطي نفسه قوة...او يبي يوصل نفسه لمكااان يستريح فيه...حس انه دخل مكااان غييير...حي ثاااني..استغرب المكاااان ...اول مرة يشوووفه....حس باحسااااس غريب...البيوووت..مو كبيييرة..بعضهااا قديم ..ومتصدع...وبعضها مو بحديث....اوجديد...لكن بالنسبه للقديمه هي...احدث منها...يحسهااا بيوووت غيير...متماااسكه...مافيه فاااصل بين كل بيت وبيت بحديقه ...لا كانت متلاصقه..الجدااار بالجدااار حط يده على الطوووف وتسند...صااار يجمع انفاااسه ...مو بمتحمل خلااااص ..جلس...وهو تعباااان ...يحس الدنيااا صااارت ضلام...وفي وقت الصباااح اللحين ...تو الشمس طالعه...يحس انه ماراااح يفتح عينه مرة ثانييه...او لمرة يستسلم ولا يقاااوم انسدح على جنب وحط يده على جبينه ...واستسلم للتعب...,الهم...وفقد الامل

&


خلصت صلااااه ...ومشت للمطبخ...تجهز الغداااء لها ..جهزته وخلصته بس كااانت مجهزة غدااء على جنب..ذي عااادتها...خلصت وتركت الغداء على جنب...لبست عبااايتها ..وطلعت مشت له...كااانت عندهااا امااال انها تلقاااه نااايم...مثل عاااداااته ...مشت بس مو بكثيير لانه كااان ينااام وراء البيت...وبيتهم في الزاااويه...يظن انها مارااح تلقاااه هيناااك..ذي افكااارها ...كاانت تمشي...وهي تدري انها مارااح تلقااه ..من يوم يقولون لهاا مااات...وهي ماتقبلت الفكرة...كاانت تمشي مثل كل يووم بعاادتها بلهفة وكل يووم ترجع خااايب املها..بس هالمرة وقفت بصدمه..شااافته نااايم...نفس الشكل...نفس الوضعيه الي ينااام فيها ..تحس انه انفاااسها وقفت..اقتربت..وهي يالله تجمع انفاااسها...اقتربت منه وهزته على خفيف وبحناان..متعب..متعب حبيبي.. متعب وش له نااايم هيناا والبيت موجود...قوم حبيبي ...انااا امك....انا قلت لهم انت مامت..عندي احساااس انك عااايش..
كاانت دموعها تسييل..في بالهااا ليش ماتكلم..ماتبي احد يقووول لها انه مااات...بس انتبهت انه يأن..كاانت تفكر تحمله...او تسحبه لدااخل...بس اهي ماتبي تالمه...بسرعه لفت ..لكن لفت مره ثاانيه جهته..خاايفه يرووح يختفي..بيقولوون عنها مجنونه...لكن قررت تروووح تقوول لابو ماااهر بسرعه



&&&&&&&&&&&&&&&&&&&&&&&&&&



خلص الشغل ...وطلع ....يدري اهله الليله مسوين حفله...بس ما اله خلق...يتذكر الحفلات قبل ..هو وخالد..خالد...تنهد..بالم..جت في باله فكره..يروح السجن زياره..لكن اللحين ليل خلص وقت الزياااارة..

راح الى مطعم..كانوا دايم يروحوه؟..اكل وطلع
صااار يمشى بدوون هدف ...جلس على الكراسي...سمع اثنين,,...يتكلمون...كان بيسرح بس شده حديثهم

.....: عاد اللحين مسكين مازن والله ...كيف بيشوف اله شغل
.....: ايه والله..انا لما قالوا ان الملك ..الله يحفظه..اصدر عفوا....الى بعض المساجين..فرحت له
هو والله ظالمينه..ماعنده حتى خبزه ياكل بناته.
.....: الله يعينه.....يالله قوم ...زوجتي حرقت الجوال
.......: هههههههه خبرك اغراض البيت ...لازم الحريم يبون البيت كامل

وقاموا ...يمشون


اما فيصل ضل يفكر في الكلام الي سمعه...هل صحيح ...يمكن خالد جا اله عفو عام..وليش لا...
مايدري ليه حس الدنيا تدور...كيف لو طلع خالد...كيف بتقابله...وايش بتقول اله ..آآآآآآآآه ياربي راح البيت على طول
وركب جناحه ....باسرع ماعنده...رمى غترته وعقاله..وبسرعه فتح الابتوب حقه...وصار يشبك يدور في الجوجل...ويدخل مواقع الجرايد...
مايدري ليه جا في باااله انه ماطلع...اغلب عيلته ماسمعهم يقولون..هو صاار له فترة مايجلس معاااهم...صااارت الافكااار ترووح وتجي..لكن بسرعه تذكر ان خاالد مسجوون لحقوق شرعيه...شلون بيكوون العفو يشمله....مالقى اي اسم..بس الي لقااه انه في بعض السجناااء صاار لهم عفو بعد اعادة النظر في قضاااياااهم...غمض عيوونه بتعب..وقرر يرووح المركز يوم ثااني يتأكد....طلع من القوقل وطفى الابتوب ودخل الحمااام( وانتوا بكراامه )



&&&&&&&&&&&


دخل الشقة وهو مكيف على الآخر...ذي حالته من بنت لبنت..عااجبه وضعه كيذا...كاااان فرحااان حييل...اول مادخل كااانت ريحة الشقة مقرفه...بس هو تعود على ذي الروااايح..دخل وهو يغني ..ومو بمنتبه للي قدااامه صحيح كااان في وعيه...بس هو كااان فرحااان لانه صاااد له صيده..وحده تعب كثيييير وهو يحاااول يقنعها ...بس الي يبيه راااح يصير وشوي شوي...يقول step by step ...يعني خطوة بخطوة...وصل ورمى بنفسه على الكنبه وهو يضحك بقوة...ماحس الا بيد تنحط على كتفه والتفت لصاحب اليد
نواااف: هههههه هشااام والله مانتبهت لك...
ناااظر في الي قدااامه وانتبه لاشكااالهم الغبيه...وتفكيرهم..الي ينقااال عنه لاتفكيير..كانو متجمعين بشكل حلقة والنااافذة مفتووحة..والي باااين منها ضوء القمر والسماااء الصافيه ...بس هم الي يشرب زقاااير( حشيش)..وهو يغني .والي سكرااان..والي يقوول انه يشوي...كانوا حاااطين الهم عدة شووي..بس مابها اي شي للشوي...فيها اقلااام بدل الاسياااخ اغلبها طااايحة على الرمل والاحجااار الي بداااخلها...
نواااف تقرب منهم..وشاااف الرمل والاحجااار: ههههههه ...وين الفحم
رائد: هاا..الشحم..الشحم اكلناااه...واللحم بعد اكلناااه
نواااف: الفحم..ياابقرة
عمر : البقرة..راااحت...اكلها هشووومه...لاعاااد ناكل الحليب...ههه..ولا عاااد ناكل الجبن....هههه...حتى الرووب يعني الزبااااادي..هههههههه امي مارااااااح تاكله في القبر...هههههههههه
نواااف: والفحم وينه فيه
راائد: الفحم...يافحم..الا نوف شنو الفحم
نوااف بقهر: الفحم قداامك..يعني انا فحم
راائد: حبي...تشووف اللبحر
نواااف: اي بحر
هشااام: هههه..اقول يالفحم ...ترى الربع يبووون يروحوون البحر..وانا جبتهم هيناا
نوااف: واناا اقوول..هم بقر شلووون جاابو عدة الشوي...وبعدين انت تسويهم اغبياااء كيذاا ليه
هشااام: اسباااب امنيه....ماقلت لي ليه فرحااان
نواااف: بس وحده اخيراا اقتنعت تشوفني
هشااام: وبتلحق الركب الي راااح
نواااف: طبعااا
هشاام: هههه رااشد حجز التذكرة
نواااف: يعني خلاااص مصر انك تنفذ افكاارك..
هشاام: ولا راح اتراجع
نواااف: ماعليناا..اناا فرحااان حيييل..ماودك تجلس وي الربع على البحر
هشاام:هههه انا اصير مثلهم..لا
نوااف يحط له كاسة خمر: مو مهم انااا ابي...وصاار يشرب كاس ورى كااس لحتى صاار بدووون تفكيير وعقل
كاان هشاام ينااظر فيه..وده يسكر وينسى مثلهم..بس ياما سمع اغلب امورهم الشخصية ..صحيح هم اصدقااء السوء..بس ماعمره بين لهم انه سمعهم..او سمع سوالفهم..واسرارهم....صحيح مستحييل يفكر يفضح احد منهم...بس الحيطه واجبه..وده ينسى همومه..لكن يخاااف يسولف عن اغلب حياااته ...وعن الناااس الي فضحهم..وقف ورااح غرفه ثاانيه مايقدر يتركهم بحاالتهم ذي..اكثر من ست اشخاااص وكل وااحد حالته اعظم من الثااني
&&&&&&&&
واعذرووني على التأخيير ..وانشاااء الله مااتأخر مرة ثانيه


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 44
قديم(ـة) 29-10-2009, 06:31 PM
صورة مرمر916 الرمزية
مرمر916 مرمر916 غير متصل
©؛°¨غرامي مشارك¨°؛©
 
الافتراضي رد: حطي ذا الكلام حلقه في اذنك والله لو ان البقر يحجن علي قرونها... والله ما نيب !


مشكووووره على البارت

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 45
قديم(ـة) 30-10-2009, 02:31 AM
خ‘ـجل ~ خ‘ـجل ~ غير متصل
©؛°¨غرامي جديد¨°؛©
 
الافتراضي رد: حطي ذا الكلام حلقه في اذنك والله لو ان البقر يحجن علي قرونها... والله ما نيب !


بآإرت خطيير حلو بدت توضح الأحدآإث
بس ياليت تكتبي لنآ الشخصيآت و توضحي صلة القرآبه أحس اني ضيعت بينهم
أتوقع اللي لقته أم متعب هو خآلد ..
أكيد هشآم هو ورآ اللي صآر لخلود ..
مبدعه كّ عآدتكّ يالغآليه ..
يعطيكّ العآفيه
ننتظركّ بالبآرت الجآي
ودي .,


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 46
قديم(ـة) 30-10-2009, 06:00 AM
صورة عزايف غربتي الرمزية
عزايف غربتي عزايف غربتي غير متصل
©؛°¨غرامي مجتهد¨°؛©
 
الافتراضي رد: حطي ذا الكلام حلقه في اذنك والله لو ان البقر يحجن علي قرونها... والله ما نيب !


روااايه روووعه بس احس مررررره غاااااااااامضه وهذا احلى شي فيها

اتمنى ماتطولين في تنزيل البارت الجاي

والغموض ينفك وينحل

بس بجد يعطيج ربي الف عافيه روايتج مررررره نااااااايس

تقبلي مروري اختج عزوووفه .....


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 47
قديم(ـة) 30-10-2009, 10:58 AM
صورة شــوشــو..!! الرمزية
شــوشــو..!! شــوشــو..!! غير متصل
©؛°¨غرامي جديد¨°؛©
 
الافتراضي رد: حطي ذا الكلام حلقه في اذنك والله لو ان البقر يحجن علي قرونها... والله ما نيب !


روااااااااااااايه من جـــــــد قمممممممة الروووووووووووعه ..

أحداث حلووه وغريبه...ننتظر البارت القادم ....

((شــوشــو..!!))

..

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 48
قديم(ـة) 30-10-2009, 05:49 PM
صورة yA30mRy الرمزية
yA30mRy yA30mRy غير متصل
©؛°¨غرامي مجتهد¨°؛©
 
الافتراضي رد: حطي ذا الكلام حلقه في اذنك والله لو ان البقر يحجن علي قرونها... والله ما نيب !


أنا بدأت أمس و وصلت الحين معاكم الرواية مره رووووووووووعه و يلفها الغموض بس ياليت تعطينا نبذه عن الشخصيات وصلة القرابه مره تلخبطت
بانتظااااااااااااارك

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 49
قديم(ـة) 30-10-2009, 07:53 PM
غزل الفهد غزل الفهد غير متصل
©؛°¨غرامي مشارك¨°؛©
 
الافتراضي رد: حطي ذا الكلام حلقه في اذنك والله لو ان البقر يحجن علي قرونها... والله ما نيب !


وااااااااااااو00000

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 50
قديم(ـة) 30-10-2009, 09:51 PM
صورة copy twins الرمزية
copy twins copy twins غير متصل
©؛°¨غرامي مجتهد¨°؛©
 
الافتراضي رد: حطي ذا الكلام حلقه في اذنك والله لو ان البقر يحجن علي قرونها... والله ما نيب !


الله جميله
بس مو عارفه سبب دخول خالد السجن
عرفت خلود العذاب بسبب الصور مين اللي بعتها معقوله يكون اللي اتصل بيه
انتظر لفك الغموض

حطي ذا الكلام حلقه في اذنك والله لو ان البقر يحجن على قرونها... والله ما نيب !

الوسوم
ماختك؟؟؟ــــ , لوان , البقره , الكلام , اذنك.... , تدين , خلقه , والله , قرونها...
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
قمر خالد / الكاتبة : حمران النواظر ، كاملة غرام زوجها روايات كامله - يتم نقل الرواية هنا بعد اكتمالها 90 29-05-2019 01:13 PM
دمعة امل مايكبرني لقب!! قصص - قصيرة 10 07-05-2011 03:03 AM
صفحة ألم شيقه وممتعه و مبكيه ومفرحه في الأخير تجنن fofo's smiles أرشيف الروايات المغلقة - لعدم إكتمالها 147 25-12-2009 06:15 PM
تيسير الكريم الرحمن في تفسير كلام المنان سورة الفاتحة والبقرة حلومي5555 ارشيف غرام 3 08-05-2009 10:26 AM
قمر خالد / كاملة samt_alskooon روايات كامله - يتم نقل الرواية هنا بعد اكتمالها 149 04-11-2006 08:46 PM

الساعة الآن +3: 02:34 AM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


youtube

SEO by vBSEO 3.6.1