منتديات غرام روايات غرام أرشيف الروايات المغلقة - لعدم إكتمالها خذها عهد لو رحلت و أبطيت .. غلاك لا يمكن خفوقي يمله / للكاتبة أميرة الروح18
SWLAF ©؛°¨غرامي مشارك¨°؛©





((خذهـا عهد ..لو رحلت و أبطيت.. غلاكـ "لا يمكن" خفوقي يـمـلـه))




الشــخــصياااتــ:

عائــلــهـ بورائــد
فاطمه: اكبر الابناء عمرها 28 سنه ومتزوجـه من ابن عمها مشعل وعندها بنت اسمها جوري عمرها سنتين ونصف وحامل
رائــد: بطل القصـهـ .. وثاني الابناء عمره 22 سنه واخر سنه بجامعه البترول والمعادن
جاسم: ثالث واحد من الابناء عمره 21 سنهـ .. ويدرس ثالث سنه بجامعه البترول والمعادن
بشرى: اخر العنقود عمرها 20 سنه وتدرس بجامعه الفيصل محاسبه
ابو رائد : رجل اعمال مهم وله مكانته ووزنه بالسوق
ام رائد: امراءه اعمال كل اهتمامها بشغلها وبــس
عائلـهـ اريــج:
ام اريج: دكتوره مصريه وارمله لرجل سعودي وجاءت للسعوديه هي وبناائها قبل 3 سنوات عند ظهور عقد عمل لها بالسعوديه
اريج: من ام مصريه واب سعودي 18 سنه ثالث ثانوي علمي
محمد: عمره 15 سنه ويدرس بثالث متوسط
عائله بومشعل(اخو بورائد الاكبر)
بومشعل: رجل اعمال معروف وله شركته الخاصه والمستقله عن اخوه
ام مشعل: ست بيت ماعندها غير القيل والقال وشريه بمعنى الكلمـه
مشعل: اكبر الاولاد وعمره 32 سنه متزوج من فاطمه وساكن مع اهله ويشتغل بشركـهـ ابوهـ
التؤام(فرح وهيفا): عمرهـم 23سنه يدرسون بجامعه الفيصل تخصص تسويق سنه اولى
أبراهـيـم : المدلل اخر العنقود عمره 19 سنه يدرس بجامعه الاميرمحمد بن فهد اول سنه تخصص ادراه اعمال
(بنت عمهـم الميت اللي ماجاب غيرها)
نغـم: بنت مسكينه ومغلوب على امرها امها وابوها ماتوا يوم كان عمرها 14 سنـهـ .. كانت مدلله ببيت اهلها بحكم انو مافيه عندهم غيرها وفجـأه تحولت خادمـهـ ببيت عمها بس رغم كل هذا نغم مصره تثبت لهم انها غير كل الناس..وعمرها 18 سنه وثانويه عامه
.................................................. .........................................
حب .. حنين .. شوق.. حيره .. قلق ... تضحيـهـ .. نسيان.. وداع .. فراق.. الم .. احزان.. فـ لقاء .. افراح .. ذكـريات ..
كل هذه المشـاعر تزاحمت وضاعت في زحمـه الاشواق واختطلت مع تزاحم الاشواق .. من السهل للانسان ان يحب ومن السهل ان ينسى لان الله انعم علينا بنعمه النسيـان ولكن من الصعب علينا ان نخفي الحنين ونخفي الحنين ونخفي الم الذكريات ونخفي حرقه ومراره اللقاء بعد الفراق .. كل هذه المشاعر .. تزاحمت بذاكرتي فقررت اكتب قصـتي الثانيه بعد قصتي الاولى(حبك اللي من شتاتي لمني)فكتبت(خذهـا عهد .. لو رحلت و أبطيت .. " غلاكـ "لا يمكن خفوقي يـمـلـه
)
قـــصـــهـ سعـــوديـهـ رومنسيـهـ اجتمـاعيـهـ جريئـهـ

.................................................. .................................................. ...
( الجـــزء الأولـ ..)

دقت السـاعهـ ست بس كالعاده ماسمعتها .. بس الحمدلله قومتـهـا نغمه الجـوال (قررت اموت بحبك وامشي معاك بدربك)
اريج تقوم بتثاقل وترد عالجـوال : الو هلا قلبي أزايـك.. اه ياالبي فاكره النهارده اول يوم في الاختبارات
رائد: حياتي لاتنسين انك ثانويه عامـهـ ولازم تجبين النسبه اللي ترفع الراس
اريج وهي لسه عالسرير: البي نور عيني سبني نص ساعه كده اهوه وحقوم وبعدها كلمني وبعدين لساتنا بالفصل الاول ياحبيبي ماتعقدهاش بقى
رائد: شرايك تقومين وتخلينا نكمل سوالف بالسياره
اريج وتفز من مكانها : ليش انت تحت؟
رائد: انا لسى بالسياره ربع ساعه واكون تحت
اريج: وانا عشر دقايق واجـهـز
(وتطق ام اريج الباب)
ام اريج: اريج يابت اومي امال عندك اختبار يابت
اريج: ماانا صاحيه ياامه حلبس وانزل دي الوقتي ماتقلقيش
ام اريج: طب انا صحيت محمد وعملت الفطار ومحمد صحى مابقى الا انتي يااريج ..
اريج: حادر ياماما
(وبــالـصـالـهـ نزلت اريج وهي بكامل اناقتها)
ام اريج: ايه كل المكياج ده
اريج: ماما كلها بلاشور وروج وماسكارا
محمد: اصلا اختي حلوه بدون اي شي
ام اريج: طب يلا افطروا بسرعه عشان نروح للمدرسـهـ بدري
اريج: ماما انا حروح مع زينه النهارده(ويرن جوالها كان صامت بس حست بالهزاز) وقالت: ماما انا حمشي دي الوقتي زينه زمانها جت ادعولي بالتوفيق باي
ام اريج: ربنا يوفقك يابنتي يااريج
وببيت رائـد
كانت بشـرى ع الفطـور مع جاسم اللي توه قاعد
جاسم: صباح الخير
بشرى: صباح النور.. شلونك
جاسم: الحمدلله وين الاهل
بشرى: رائد طلع من بدري وبابا نايم مارح يصحى الا 8 وماما راحت للشغل ومابقى الا انا وانت
جاسم: ذاكرتي زين
بشرى : الحمدلله بس الله يستر
جاسم: انتي دافوره وماينخاف علي
بشرى: لاتعطيني عين.. جسوم توديني الجامعه امي راحت مع السواق ومالي خلق انتظره
جاسم: تروحين من الحين بدري توا الناس الساعه ست ونص
بشرى: عشان اذاكر شوي وبعدين السواق رح يتأخر ومارح يجي الا ثمان ونص
جاسم: ليش
بشرى: ماما عندها وفد اليوم والسواق بيستقبلهم بالمطار
جاسم: طيب يلا امشي عشان اروح بدري للجامعه عندي محاضره الساعه سبع وربع
بشرى: يلا (ويقومون)
ببيت بومشعل وتحديدا بغرفه فرح وهيفا
فرح: هيفا شرايك بهالخاتم حلو والا هذا احلا
فرح: كلهم حلوين المهم شرايك احط مكياج برونز اليوم
فرح: حلـو البروز يظهر ملامحك اكثر
(وتدخل امهم بشرها)
ام مشعل: لين الحين مارحتوا للجامعه
هيفا: توا الناس الاختبار يبدء ثمان
فرح: ماما الفطور جاهـز
ام مشعل: الحين بقول لميري تسويه
فرح: وع مو حلو اكل ميري .. خلي نغم تسوي لنا فطور
ام مشعل: نغم انقلعت مدرستها لان الباص بالاختبارات يجي بدري
هيفا: يا سلام يعني رح نقعد اسبوعين بدون فطور سنع .. خليها تسوي لنا فطور وتروح مع السواق
ام مشعل: تخسي هالمعفنه تركب سيارتنا والله لو علي ماخليتها تروح الاختبارات بس هالحنيه اللي نازله على ابوك ماادري من وين
فرح : تلاقينها قعدت تصيح وتتمسكن عنده
هيفا: تمسكنت لين ماتمكنت
ام مشعل : اقول خلو عنكم الكلام عن هالخايسه وشدوا حيلكم بالاختبارات هالمره ولازم تنجحون والا ترى ابوكم رح يقعدكم بالبيت
والله مايسوي عليه مابقى احد ماكلمه عشان يدخلكم الكليه وانتو مالت عليكم شكلكم رح ترسبون وتقعدون تقابلوني
هيفا/ لاوالله انا عن نفسي مارح اقابل الا زوجي اذا رسبت هالمره رح اتزوج بالصيفيه وافتك ماصارت سنه ونص ملكه وانا كل يوم اجل بسبب وبدون سبب هالمره اذا رسبت رح اتزوج على طول ومحد بيقعد عندك غير فروحـهـ
فرح بحقد: لا ان شاء الله رح انجح ومارح اقابل حد
/
/
/
/
وعند باب مدرسـه البنات الحكوميه وبالسياره
رائد: حبيبتي اقري الدعاء اللي قلت لك عليه وحاولي تركزين وخذي وقتك
أريج: طيب حبيبي انت بس ادعيلي احبك (وتنزل من السياره)
رائد: الله يوفقها يارب ويرن جواله: الو هلا جسوم
جاسم: وينك
رائد: قريب
جاسم: رحت للجامعه والا تو
رائد: لا الحين بروح
جاسم: اجل وينك من الصبح
رائد: قريب.. اسمعني وينك الحين
جاسم: توني نزلت بشوره لجامعتها وبروح جامعتي
رائد: اوكي نتقابل هناك يلا باي
وبمدرسه البنات دخلوا البنات قاعه الاختبارات واختبروا وطلعوا بعد ماانتهى وقت الاختبار وكانت اريج مع صديقتها
اريج: والله احس اني ماادري شلون حليت .. احس اول مره اشوف اختبار بهالصعوبه
زينه: اوووف الاختبار كان مره صعب ماادري انا شلون حليت جوجو كم تتوقعين تجبين
اريج: ماادري مافي رقم ببالي وانتي
زينه: ماادري بس المهم انجح
وبزاويه ثانيه من زوايا المدرسه كانت نغم مع صديقاتها
شريفه: شسويتي نغوم
نغم: الحمدلله زين بس كم مسأله خربطت فيها وانتي
شريفه: انا زين مني كتبت اسمي
نغم: انتي دايما تقولين كذا وتسوين زين
شريفه: انا اجيب جيدجدا وابي احافظ على هالمستوى وبس
نغم:احنا تونا اول يوم ماشفنا شي الله يستر بس من اختبار الكميا بكره
شريفه: ابله مها تقول الاختبار سهل
نغم: والله انا هالكلمه تخوفني الاختبار سهل الله يستر بس
شريفه: والله انا اول مره اشوف بنت تحب الصعب وتخاف من السهل
نغم: لابس لان الصعب اسئلته متوقعه والسهل اسئلته غير متوقعه
شريفه: طيب خلينا من هالكلام الحين وقومي تاخذ لنا شي ناكله
نغم: بتطلعين اليوم بدري
شريفه: ايه الساعه عشر وربع بيجي ابوي وانتي
نغم: مارح اطلع الا 12 مع بنات اول لاني اروح واجي بالباص اللي مايمشي الا 12 ونص واوصل البيت وحده وربع
شريفه: طيب تبين اخلي ابوي يوديك
نغم: لا ... الله يخليك اخر مره رحت مع نجود مرت عمي سوت لي سالفه لها اول مالها اخر وياليت جات عالسالفه وبس الا طقتني بعد وياليتي رايحه من نفسي المشكله انو الباص وقتها كان خربان الله يستر بس
شريفه: الله يعينك والله .. الا وين نجود
نغم: راحت عند كم بنت عشان تسألها عن اختبار بكره
شريفه: يووووه مع انها سألتني وسألتك لكن هالبنت دفره ماادري طالعه على مين؟
نغم: اي هذي هي جات
نجود: جبت لكم كم سؤال يقولون عنه البنات مهم
نغم: عطينا خلينا نشوف
وبدوره مياه الطالبات (الله يكرمكم) كانت اريج تكلم رائد بالتلفون وزينه تنتظرها وطلعت
اريج: فتحوا الباب والا لسى
زينه: الا فتحوه بتطلعين
اريج: على طول كلمت رائد وقال انه ينتظرني برى
وتمر شهد وشلتها وتطالع اريج بحقد وتقول: اوووووف يع .. اشم ريحه طعميه
نوف: ههههاااي شلون نسيتي ان ام الفراخ هناا هههههههه
اريج بكل ثقه وغرور: اللي مايطول العنب يقول عنه حامض
شهد وتقرب لاذن اريج وتقولها : حامض ومر بعد بس وحياتك مارح تسمرين معه
اريج وقربت لاذنها: لو تلفين الدنيا كلها وتدورين مارح يعطيك وجه تدرين ليه لانك معفنه وانتهت صلاحيتك بعد(وتروح)
زينه:شهد حاقده عليك من اول مادخلتي الثانوي عشان رائد
اريج:خليها تولي ورائد اصلا مافكر فيها ولاعطاها وجـه وموعاجبته اصلا والحين امشي قبل لايسكرون الباب
زينه : لايكون باب الحاره بس
اريج: يمكن ههههههههه
وببيت بومشعل كانت نغم توها جايه من المدرسه وكان ابراهيم قاعد بالصاله
ابراهيم: تأخرتي نغم
نغم:الباص يتأخـر لانه مايطلع الا لمى تطلع كل الفصول
ابراهيم: يعني الزبده متى بتخلصين الغدا
نغم:عطني ساعه الاربع على ماابدل ملابسي واسوي الغدا
ابراهيم: نغوووم اخلصي انا ميت من الجوع حدك نص ساعه ويخب عليك انا بروح اخذ لي غفوه وبعد نص ساعه صحيني
عالغدا ببيت بومشعل كانت فاطمه بجناحها تصحي زوجها
فاطمه: مشعل.. مشعل.. مشعل
مشعل وهويقوم بصعوبه: شفيك
فاطمه: حبيبي يلا قوم تغدى
مشعل: طيب
فاطمه: شنو طيب يلا قوم الكل قاعد ينتظرك على طاوله الطعام
مشعل: طيب حبيبتي قومي جوري وروحوا للغدا وانا بلحقكم

وع طاوله الطعام كانت نغم تحط الغدا مع الخدم وجات بتروح ويناديها عمها
بومشعل: نغم قعدي تغدي وانا عمك
نغم: عمي مااقدر لاني بروح انام الحين واذا تغديت الحين مارح اقدر انام
بومشعل: طيب كلي لقمه عن خاطرك
نغم: معليش عمي مااقدر والله
فرح: يبه خلها تولي ماعليك منهاا
فاطمه: وشهالكلام يافرح ماله داعي هالكلام وبعدين الموضوع بين عمي ونغم انتي ماعليك منهم
هيفا: تحدث محامي الدفاع الرسمي
نغم: عن اذنكم(وتروح)
هيفا: روحه بلا رده
فاطمه: عمي انت شلون تسكت لهم شلون يتكلمون عن نغم كذا يكفي انهم مايعاملونها زين
ام مشعل وتسيطر ع الوضع: وانتي وش دخلك يافاطمه مالاحظتي انك صايره ملقوفه بزياده
مشعل: يمه فاطمه حقانيه وماتحب غير انها تقول الصدق
بومشعل: بس ياجماعه ماصارت هذي حاله كل يوم نجره ع الغدا ترى صدعتوا لي راسي واللي يبي يقعد يتغدا يقعد بهدوء وبدون ازعاج
ابراهيم: يبه ابي فلوس
بومشعل: سكت دهرا ونطق كفرا
ابراهيم: يبه شفيك علي ماتتحمل مني كلمه
مشعل: ابراهيم بس انت كل شوي تطلب من ابوي فلوس ترى فلستنا يكفي اقساط جامعتك اللي تكسر الظهر انا ماادري ليه ماشديت حيلك مثلي ودخلت جامعه حكوميه
ابراهيم بخاطره(تكلم البخيل)ويقول: مشعل انا موقاعد اطلب ابوي هو اللي واعدني ورح يعطيني الحمدلله شبعت من كلامك العسل(ويقوم)
مشعل: هذا اللي فالح فيه ياكل شوي ويتكلم عن الفلوس ويقوم .. مخاسير على الفاضي
فرح: ليش انت تدفع شي من جيبك كله من جيب ابوي
فاطمه: فرح هذا اخوك الكبير ولازم تحترمينه
ام مشعل: اعوذ بالله منك يافاطمه مايمدي احد يتكلم الا ونطيتي له كأنك (وتسكت شوي) خليني ساكته احسن
فاطمه: الحمدلله شبعت (وتقوم)
ويقول وراها مشعل كالعاده الامر اللي استفز امه
مشعل: فاااطمه
(ع فكره اعيال العم هنا مايتغطون عن بعض بس يتحجبون)
نبذه عن الشخصيات اللي ببيت بومشعل
بومشعل: مزاجي لابعد درجه وجدي واهتمامه بالشركه دايما على حساب بيته
فرح: انانيه ومغروره وتحب نفسها اكثر من الكل وكل الناس بعيونها مايسون شي
هيفا: مثل فرح الا ان هيفا اخف منها بشوي وهي خاتم بأصبع فرح رغم انها اكبر منها ب5 دقايق
ام مشعل: شريه ومافي اقوى منها و24 ساعه هواش مع فاطمه بسبب وبدون سبب
مشعل: يحب زوجته فاطمه ويموت فيها وزوج مثالي الاانه بخيل شوي واحيانا يوقف مع امه ضد زوجته
فاطمه: حبوبه وحقانيه وهي الوحيده اللي تحن على نغم ولهالسبب تكرهها ام مشعل
ابراهيم: الولد المدلل وشخصيته مثل خواته التؤام ونسخه مصغره عن امه الا ان قلبه فيه شويه طيبه وغير عنهم لكن امه مسيطره على افكاره بشكل كلي والكل يعتبره دلوع الماما"
/
/
/
/
/
/
" زوجتك مسختها هذي مواول مره ترد على بناتي" ... قالتها بكل قهر
مشعل: لا يمه بناتك هم اللي مسخوها
ام مشعل: بناتي ماقالوا شي بس مرتك تبي الشاره عليهم
مشعل: والمطلوب
ام مشعل: رد مرتك وخلها تقعد بأحترامها احسن لها ومالها شغل بنغم وع فكره تراها قاعده ببيتي واذا مسختها بزياده بيتي مايضم اشكالها
مشعل: بس هذا بيت ابوي اللي هو عمها يمه
ام مشعل: وترد جواب بوجهي بعد ياللي ماتستحي والا جاتك الحرمه ونستك امك
مشعل: يايمه .. انتي امي وعلى عيني وراسي من فوق وفاطمه زوجتي وام اعيالي
ام مشعل: اي اعيال مالت عليها وعلى خلفتها ماجابت لك الا بنت .. لكن ان شاء الله تجيب بنت عشان نظل نعايرها انا وبناتي طول عمرنا
مشعل: فاطمه عاجبتني سواء جابت لي بنت او ولد وانا ماابي العيال ابي زوجتي وبس وجوري بنتي وزينه حيااتي
ام مشعل: ليكون تحبها اكثر مني؟
مشعل: وشدخل الحب بموضوعنا يايمه
ام مشعل: الا الحب هو اساس كل شي.. قولها قول انك تحبها اكثر مني قولها وسمعني خلني اشوف ثمااار تربيتي لك ياولد بطني
مشعل: يمه انا مستحيل ابدي مره عليك بس اللي قاعد يصير موعاجبني
ام مشعل وتطمنت: عاجبك والا موعاجبك سد فمك ولاتتكلم ولاكلمه والحين اطلع وخلني اخذ غفوه بعد الغدا
/
/
/
/
/
" يعني كالعاده عطتك كلمتين وجيت تهاوشني"
مشعل: انا ماجيت اتهاوش معك بس خلاص يافطوم ترى راسي مصدع .. كل يوم هواش ونجره ونفس الموضوع كل نغم وهي موحاسه بهذا كله
فاطمه: نغم حاسه وانت عارفه انها حاسه بكل اللي يصير بس المسكينه موقادره تتكلم واذا تكلمت او قالت كلمه امك لها بالمرصااد
مشعل: حيااتي خلينا من نغم ومن موضوع نغم ومن امي وخواتي ترى والله مليت من كثر مااتكلم بهالسالفه ولا احد يسمع لاانتي ولا امي
فاطمه: طيب ليش ماتكلم امك كل مره تكلمني انا وتهاوشني انا
مشعل بيأس: تدرين انا بحط راسي وبنام لان انتي راسك يابس وامي راسها ايبس تمسين على خير(ويحط راسه عالمخده)
فاطمه وتقرب لعنده وتهمس له بأذنه وتقول بدلع: مشـعل .. حبيبي
مشعل ويفز: عيون حبيبي
فاطمه بدلعها اللي يموت عليه مشعل: لاتنام وانت زعلان
مشعل: ومين قالك اني زعلان منك؟
فاطمه: يعني مو زعلان؟
مشعل: لوزعلت من عيني بتحرمني نظرها وشلون لو ازعل من الدنيا كلها
(وتدخل جوري بنتهم)
جوري:ماما.. ماما .. تعاالي قولي لي حكايه عشان انام
فاطمه: طيب ماما الحين بجي (وتلتفت لمشعل): حبيبي بروح انوم جوري واجي اوكي
مشعل: طيب طفي النور معك عشان انام
فاطمه: اوكي (وتروح)
ببيت ام اريج كانت اريج تذاكر بغرفتها ويجي لعندها اخوها محمد
محمد: اريج خلصتي مذاكره
اريج: لا .. توني بديت باقي شوي واخلص الفصل الاول
محمد: شدعوه الساعه 8 وانتي توك تخلصين هالباب
اريج: عادي مارح انام الا الساعه 2او3 شتبي حموود
محمد: عندي بكره اختبار قواعد وابيك تشرحين لي كم قاعده
اريج: والمدرس اللي ماما حطت لك اياه ليش ماتروح له
محمد: كنت عنده الاسبوع اللي فات وقلت له ماودي اروح له قبل الاختبار بيوم
اريج: شدعوه توه مذاكر لك ونسيت كل شي
محمد: اريج لاتذلين كلها كم قاعده
اريج: طيب قول لماما تشرح لك
محمد: ماما بالمستشفى عندها حاله ولاده ومارح ترجع الا بالليل
اريج وتترك الكتاب اللي بيدها وتطالع بأخوها: اوووف .. الحين ماما حاطه لك مدرس لكل المواد مع ذلك مافي فايده دايما تجيب جيدجدا .. والحين جيب كتابك خلني اذاكر لك بسرعه واذاكر لنفسي
محمد ويغمز لاخته: طيب يالدفره يابتاعه الممتاز
اريج وتضحك له: بلاش فلسفه ياواد وجيب كتابك
/
/
/
/
/
" اي بس والله صعبه انا للحين ماخلصت الا نص الكتاب واخر فصل صعب حيييل ويبغالي اقل شي 3 ساعات عشان اذاكره" قالتها وهي تكلم بالتلفون الثابت والعيون كلها عليها
نغم: طيب نجود خلاص انتظرك يلا باي
فرح وهي تطالع بنغم: شسالفه .. شعندها نجود
نغم: مافيها شي بس هي تسألني كم سؤال وبتجيني البيت تذاكر وياي
ام مشعل: وتجيك البيت بصفتها شنو.. لاياعيوني بيتي انا محد يدخله الا اللي انا ابيهم
نغم: عمتي انا
ام مشعل: عمت عينك الا عمت عينك قلت لك مارح تجي يعني مارح تجي
نغم بترجي: عمتي الله يخليك البنت جايه وانا مااقدر اطردها من البيت
ام مشعل: خلاص انتي ماتقدرين انا اللي اقدر
هيفا بعفويه: يمه شفيها اذا جات صديقتها خل تصعد غرفتها ومالنا شغل فيها
فرح بحقدها المعتاد: وشلون مالنا شغل فيها الا لنا شغل ونص هذا بيتنا ومايصير ندخل كل من هب ودب فيه
نغم وهي ماسكه نفسها لاتصيح: طيب الحين شسوي؟
وتجي فاطمه: روحي لغرفتك وارتاحي اذا جات صديقتك انا رح اصعدها لغرفتك
(ويرن جرس الباب وتكون صديقه نغم نجود)
نجود وهي تفسخ نقابها: السلام عليكم
ام مشعل بصوت مسموع: يابخت من زار وخفف
فاطمه وهي ترحب بنجود هي ونغم
فاطمه: هلا والله تفضلي تفضلي
/
/
/
/
/
/
" وش هالحركات .. حركات اطفال .. الا حركات هبال.. زوجتك هذي ماتفهم ..) ماامداه يدخل البيت الا وامه مستلمته بالهواش
مشعل وهو تعبااان وهلكان من الشغل قاال: يمه حرام عليك اناتعبت وانتي مامليتي من كثر ماتعدين وتزيدين بالموضوع اووووف نغم وفاطمه انا مليت تدرين انا مالي شغل زين
ام مشعل بصراخ: ياسلام والله حلوه هذي مالك شعل .. وزوجتك هالدعله مين يردها
مشعل وهوطفشان من امه قال باعلاصوته: اووووووه تصبحين على خير
ام مشعل: والعشااا
مشعل: ماابي اتسمم(ويروح)
وتجي نغم: مرت عمي العشاا جاهر
ام مشعل: زين جايه وترى هذي اخر مره اسمع العشا بهالوقت الساعه 12 واحنا تونا نتعشى ماصارت صار غدانا فطور وعشانا سحور .. ماصارت اختبارات هذي اوووف عيشه تقصر العمر.. وهالعله صديقتك لاتطول ترى احنا فينا نووم وبنام مالت عليها وعليك
::
::
::
::
::
::
::
وببيت شعبي بأحد احياء الدمام الفقيره كانت قاعده تذاكر وفاتحه كتابها وتفكر اللي يشوفها يقول تذاكر تذاكر وهي بالواقع تفكر وتفكر شلون ترد اعتبارها وتدخل عليها اختها وتدخل عليها اختها اللي توها جايه من الدوام وتتحلطم
هبه: اوووف ذبحتني بكلامها كل شوي قاعده تدقق على شغلي .. الضبغه غلط .. المكياج مب حلو وشغلك تعباان اليوم بصراحه طفشتني وماني قادره اتحملها
شهد: وانتي وش اللي حادك على هذا كله طلعي من عندها واكتفي بشغل الروضـه
هبه: انتي تتطنزين لا الظاهر شكلك تتطنزين .. شغلي بالصالون عند ام اسامه يوفر لي اكثرمن شغلي بالروضه انا اللي كاسر ظهري انو ام اسامه تعطيني كل شهر 3 الااف رياال والروضه ماتعطيني غير 1700 ريال وانا عندي هالبزران اللي لازم ادرسهم والبسهم واكبرهم واكلهم صحيح توهم صغار واكبرهم توها بأول ابتدائي بس مردهم يكبرون وتكبر مسؤوليتهم وهالبيت اللي طلباته ماتخلص من فواتير الكهربا والماي والتلفون وانا وحده تعبت والله تعبت يانااس
شهد: مالاحظتي انك كل يوم تعيدين وتزيدين بهالموال مامليتي
هبه: واخوك اللي شاطر بالاوامر وينه
شهد: بسام طلع من المغرب ماادري وينه
هبه: وجدتي وينهاا
شهد: اعيالك رغد وريان وراكان عندها قاعده تحكي لهم حكايه عشان يناموون
هبه: عطيتها دواها
شهد: ايه عطيتها.. هبه تدرين افكر اخلص الثانويه واشتغل معك بالمشغل تتوقعين ام اسامه تعطيني كثر ماتعطيك
هبه: لاياشهد ياويلك اذا فكرتي تشتغلين بمشغل انتي لازم تحققين حلم الوالد الله يرحمه وتصيرين دكتوره موكفايه انا ماقدرت احقق هالحلم والمرحوم كان يتمنى حد منا يدرس طب ويرفع اسمه فوق وانتي اللي رح تحققين هالشي
شهد: ان شاء الله (وتقول بخاطرها) : مع انه ماظنتي
هبه: تتوقعين مين جانا اليوم بالمشغل
شهد: مين يعني؟ عوير وزوير
هبه: مارحتي بعيد .. ام سعود صديقه الوالده
شهد: وييييع قطيعه وش تبي مع وجهها
هبه: تبشرني وتقولي ان امي فتحت لها مشغل فـ تقول روحي اشتغلي عندها بدل ماتشتغلين عند الناس
شهد: خل تذلف مع وجهها .. لونطر بالشوارع مانرجع عند امي احنا مستحيل نرجع لها بعد ماطردتنا وتزوجت وفضلت زوجها علينا اصلا هي ماتبينا اجل اول ماطلعت من العده نزوجت كأنها ماصدقت
هبه: بس انا ماقصرت مع ام سعود ورحت قلت لام اسامه عليها عطتها كلمتين بالعظم لين ماطلعت من المشغل .. طيب شهوود انا اشغلتك اليوم بمافيه الكفايه بخليك تذاكرين الحين وبروح اقعد مع امي (تقصد جدتها) واعيالي
/
/
/
/
/
/
" اووووف فشلتني ماصارت هذي زياره" قالتها وهي معصبه
نغم: انا قلت لك بس انتي اللي ماسمعتي كلامي
نجود: هذي اول واخر زياره
نغم: اكيد مايبلها كلام اصلا الله يعيني من اللي بيجيني من هالزياره
نجود: لاتسكتين لها انتي وش اللي حادك على هذا كله.. الا اقول نغوم
نغم: هلا
نجود: انتي وين كنتي ساكنه قبل ماتجين هناا
نغم وخانقتها العبره:كنت عايشه اميره ومدلله ببيت ابوي وامي الله يرحمهم
نجود: سوري نغوم بس عشان اسألك كم سؤال
نغم وهي ماسكه نفسها: لاعادي اصلا انا تعودت على هالشي
نجود: بيتكم كان مثل بيت عمك
نغم وهي تمسح الدمعه قبل ماتنزل قالت بتعجب: وش تقصدين؟
نجود: يعني كنتوا عايشين بفيلا مثل عمك
نغم: ايه
نجود: والفيلا بأسم ابوك والا عمك
نغم: انتي شنو اللي تبين توصلين له بالضبط
نجود: ابي اعرف شلون قدرتي تتحملين تعشين بغرفه صغيره ومعفنه فوق السطح بعد ماكنتي عايشه بفيلا يطرد فيهاا الخيل .. وهذا كله مومهم المهم هو فيلاتكم وفلوس ابوك والشركه وكل حلال ابوك اكيد صارلك الحين ليش ساكته عن حقك لازم تطلبين فلوسك من عمك
نغم: عمي قال رح يعطيني فلوسي بعد مااتزوج
نجود: اجل دام كذا مارح تتزوجين (وبعد صمت) والا تدرين رح يزوجك واحد من اعياله
نغم بدون شعور: ابراهيم
نجود وهي مبتسمه: مين ابراهيم؟ مو عنده مشعل؟
نغم: مشعل متزوج بنت عمي فاطمه مابقى الا ابراهيم
نجود وهي تغمز لها: وشفيك تقولينها وانتي مبتسمه ليكون رفيجتي تفكر(وتقلدها) بـ أبراهيــم
نغم: لاوين انا وين وهو وين
نجود: اي والله انتي وين وابراهيم وين
نغم ومسويه زعلانه: نجوووود
نجود : انا قصدي انك عندك فلوس اكثر منه اما هو حصته مره صغيره من عند ابوه وخاصه ان عنده 3 غيره يشاركونه الفلوس

نغم: اقول نجود احنا خلصنا مذاكره من نص ساعه شرايك تتصلين بأبوك وتروحين للبيت لاني الحين رح اسويلي العشا وبعدين براجع لاخر مره وبناام
نجود: طرده محترمه ياعمري .. اصلا السواق تحت ماتحرك من يوم جيت والحين انا بروح بيتنا ومشكوره ع المذاكره ياحلوه(وتسلم عليهاا)
نغم: العفو ياقلبي انا ماسويت شي
/
/
/
/
/
/
/
" احـــــبـــكـ .. امــوتـ فيـــك،،، ماادري شلون اوصلك اياها احبـكـ مووتــ .."
رائد: وانا احبك واموت فيك ورح احبك اكثر اذا جبتي 30 باختبار بكره
اريج: رائد 30 موكأنها صعبـهـ شوي
رائد: اذا تحبيني رح تجيبنهاا
اريج: عشانك انت رح اسوي اللي مايتسوى بس المهم رضااك علي ياعمري
رائد: والله راضي عليك ياعمري ورضاي مارح يكمل الا لمى اشوف مستواك
اريج: حبيبي .. خلك مني الحين ولاتنسى انو بكره عندك اخر اختبار ورح تتخرج من الجامعه يعني انت اهم
رائد: انا ان شاء الله رح انجح واتخرج وبعدين انا كذا والا كذا رح اشتغل بشركه الوالد يعني ماعلي خوف المهم انتي ياقلبي
اريج: انا عاوزه ادرس اعلام والاعلام مش عاوز نسبه عاليه ياالبي
رائد: شيلي الاعلام من راسك وفكري بشي ثااني انا ماارضى انو حبيبتي وام اعيالي مستقبلا تشتغل مع الرجاجيل .. لااا والكل يشوفها بعد
اريج: ان شاء الله رح ترضى
رائد: لامارح ارضى وغيري الموضوع احسن مااترفز الحين
اريج ومسويه زعلانه: طيب
رائد: جوجو حبيبي انا موقصدي اهدم حلمك بس .. بس هذي وجــهـه نظري واذا حبيتي احترميهاا واذا ماحبيتي سوي اللي براسك بس تذكري اني موراضي عنك
اريج: ياقلبي انا اهم شي عندي رضااك واي شي ثااني مو مهم(وتسمع صوت امها) حبيبي امي جات من الشغل بروح عندها واذا خلصت رح اتصل فيك زين
رائد: لاياقلبي .. روحي عند امك وقعدي عندهاا واذا خلصتي منها تعشي وناامي وانا بكلمك بكره زين
اريج: ان شاء الله حبيبي وتسكر
/
/
/
/
/
كــانت قاعده لحالهاا وزهقاانه وتفكر واستغلت الفرصه وطلعت موبايل اختها من الشنطه واتصلت
شهد: الو .. هلا والله لحظه لاتسكر
.......: وش تبين ترى ازعجتيني
شهد: انا احبك
............: وانا مااحبك انتي ماتفهمين
شهد: والله انت اللي ماتفهم ان محد يصلح لك غيري رائد انت حب حيااتي
رائد: شهد رح اتكلم معك بعقل واقولك اني انا مرتبط وبعدين وبعدين انتي توك صغيره وفيه الف مين يتمناك .. خليني لحالي وانتي بحااالك
شهد بترجي: بس انا ماابي من هالالف الا انت .. وماابي غيرك وانت لازم تحبيني بالغصب والا بالطيب
رائد: اقول شهد سكري الحين قبل ماتجي اختك وتشوفك تكلمين
شهد وهي متوهقه قالت بخاطرها(وشدراه): هذا موبايلي موموبايل اختي و
رائد: وبعدين شهد انا اعرف عنك كل شي اعرف وين ساكنه ومع مين ومين اخوك والحين خليني انام ترى لوعتي كبدي(ويسكر بوجهها)
شهد وهي متفشله: طيب ياحيووانـهـ يااريج حسابك معي بكره بالمدرسـهـ (وتطق اختها الباب)
هبه من ورى الباب: شهد يلا عشا
شهد: يلا جااايه جاايه(وتمسح المكالمه وتحط الجوال بالشنطه وتطلع)
/
/
/
/
/
حطت راسها على المخده تبي تنام وتذكرت الحادث المأساوي اللي قبل 3 سنوات وقتها كانت اسعد زوجـهـ على وجه الارض بس بغمضـه عين راح منها زوجها وراح معه ابوها عشان تصير ارمله ويتيمه بنفس الوقت..حادث واحد اخذ منها اغلا شخصين بالنسبه لها على وجه الارض ابوها الغالي وولد عمها وحبيبها وزوجها وابوعيالها.. وصارت يتيمه وهي في بدايه العشرينات وعاشوا في بيت امهم بعد وفاه ابوهم وبعد فتره من عده الام طردتهم امهم من البيت هي واعيالها واخوانها وقتها لقت نفسها بنت عمرها 21 سنه مسؤوله عن طفلين تؤام ماكملوا السنه وبنت عمرها 4 سنوات واخ عمره 20 سنه مراهق وطايش وترك المدرسه من زمااان وقاعد بالبيت .. واخت عمرها 15 سنه وماكان عندهم ولامكان يروحون له لكن الله ماينسى عباده وسخر لهم جدتهم اللي اتصلت فيهم وجابتهم عندها للدمام فأظطروا يتركون جده عشان يروحون لمنطقه اول مره يروحون فيها عشان يبدؤن حياه جديده وتبدء امهم تتفرغ لشبابها اللي ضاع مع ابوهم مثل ماتقول .. وياليت الموضوع وصل لهنا يوم جات للدمام لقت نفسها مسؤوله عن جدتها مسؤوليه اكبر من مسؤوليتها عن اخوانها لان جدتها ارمله وعايشه لحالها وتعبااانه وماعندها غير بيت شعبي صغير فيه غرفتين يلمهم كلهم.. واضطرت تشتغل والحمدلله الله وفقها ولقت شغلتين وصارت تضغط على نفسها عشان تسعد غيرها .. فصارت مثل الشمعه اللي تحترق على شان تنور غيرها
هبه بخاطرها/يارب تقدرني واسعد كل هالعايله يارب
شهد وهي تفتح عينها بصعووبه: تبين شي؟
هبه: لاياعمري تصبحين على خير
شهد: اوكي (وتغطي راسها بالفراش وتنام)
اليوم التـــالي بمدرسه البنات الثانويه كانوا البنات توهم مخلصين الاختبار
اريج: الاختبار كان حده سهل اليوم
زينه: اي حلو بس لازم كم غلطه عاد بكره اجازه
اريج: بكره احلا ماده مارح اذاكر اليوم
زينه: ياليت كل المواد مثل الانجليزي
(ويجيهاا صوت من بعيد)
شهد: ماله داعي تضبطين مكياجك اليوم لانك شينه بمكياج والا بدون
اريج: انا ملكه جمال غصب عنك ولو تسوين ماتسوين مارح توصلين لجمالي يالشينه
شهد وهي معصبه: انا حلوه غصب عنك يالقرده
اريج تبستم وقالت: اقول انقلعي يالبزره
شهد بأعلا صوتها: تعااالي ياحيواانهـ ,, والله مااخلــيـــك ..

((انـــتـــهــى الجـــزء الاول))


SWLAF ©؛°¨غرامي مشارك¨°؛©

احمم الرواية عندي
كاملة اذا تبون أكملها
ابي تفاعل شجعوني
ششششششششششششوية

»حبـورَ آلــزمنَ ©؛°¨غرامي فعال ¨°؛©

المشاركة الأساسية كتبها swlaf اقتباس :
احمم الرواية عندي
كاملة اذا تبون أكملها
ابي تفاعل شجعوني
ششششششششششششوية
اهليييييييين
هلا حبي لاكملي الله لايهيييييينك


SWLAF ©؛°¨غرامي مشارك¨°؛©



((الجـــــــــــــــــــزء الثـــــــــــــــــــــاانــي ))
شهد بأعلا صوتها: تعااالي ياحيواانهـ ,, والله مااخلــيـــك ..
اريج تلفت عليها وهي معصبه: احترمي نفسك عاد ترى مسختيهاا
شهد: ليش معصبه اصلا انتي حيوانه وفيه احد يزعل من اصله
اريج: اصلي احسن من اصلك واصل اهلك
شهد: تخسين ياام الفول والطعميه
اريج وهي في قمه غضبها:انا سعوديه غصب عنك واصل امي وابوي احسن منك يابنت الـ .. مارح اقولها لان اهلك اكبر من اني اشتمهم عشان حقيره مثلك
شهد وهي معصبه: انتي الحقيره
اريج:مارح ارد عليك عشان مااكتب تعهد او مخالفه في حقيره مثلك (وتمشي)
شهد وهي تجر اريج من شعرها : انا ارويك ياتافهه
اريج وهي تضربها: حقيره(ويتضاربون ويتجمعون البناات)
/

" الناس اختبارات وانتو جالسين لي طق ومطاقق تصرفاات اطفال بالروضـه.. انتو ثالث ثانوي وعلمي بعد يابنات العلم .. لو المشكـلـه من بنات الادبي بنقول عادي متعودين عليهم بس بنات علمي .. ومتفوقات بعد الحمدلله والشكر.. ماادري شقول" قالتها الناظره وهي في قمـهـ غضبهــاا
شهد وشعرها منفوش ووجهها مجروح قالت:هي اللي بدت
الناظره: محد طلب منك تتكلمين
شهد: بس انا مقهوره وانتو لازم تاخذون لي حقي منهاا
اريج وشعرها منفوش بس باعصاب هاديه قالت: انا ماغلطت على حد وتقدرين تسألين البنات مين اللي بدى على مين
الناظره: ماابي اسأل احد والحين تكتبون لي تعهد وبكره يجون اولياء اموركم
شهد وهي ميته خوف: لا.. ليش ماله داعي اخر مره
اريج وهي تضحك عليها قالت بهمس تسمعه شهد بس: اجل ليه تتفرعنين وتمدين ايدك علي
شهد وهي تحاول تغير الموضوع: هههههه اصلا احنا كنا نمزح انا واريج صديقات ومستحيل نزعل على بعض صح اريج
اريج: سبحانه مغير الاحوال يغير ومايتغير توك قبل شوي من الد اعدائي .. عموما كنا نمزح مع بعض
الناظره: تستهبلين انتي وياها.. تدرون انا رح امشيهاا لكم هالمره عشان ظرف الاختبارات
اريج: طيب وين التعهد خلوني اكتبه وامشي
شهد وهي خايفه: ليش جوجو ماابي اكتب تعهد واوسخ ملفي خلوه نظيف احسن
اريج بخاطرها: والله انا اللي وسخت يدي لمى مديتها على هالوجـهـ
الناظره: انا هالمره رح امشيها لكم والمره الجايه مارح تمشي
اريج بأستـهتاار: انا طالعه تأخرت ع البيت(وتطلع .. وتطلع وراها شهد)
اريج: شـهـد
شهد: نعم
اريج: اللي صار اليوم انا رح اعديه ورح اعتبره ماصار وحتى رئود مارح يوصل له خبر .. بس والله ان تعرضتي لي مره ثانيه اوحتى طولتي لسانك علي اللي صار اليوم رح يصير ومارح اعديها لك ومارح اسكت لك ياقلبي.. واذا شفت لك اتصال على جوال حبيبي بالغلط مارح يصير خير .. وهالمره مومني من حبيبي والموضوع رح يوصل لاهـلكـ .. .. عن اذنك الحين خذتي من وقتي بما فيه الكفايه(وتروح عنهاا)
شهد: الحيوانه الحقيره اكيد اللي قالت لرائد كل شي عني بس والله مااخليها لاهي ولارائد حقها هالحقيره بس هاليومين رح اهدي اللعب بس انا لك يااريج طعميه
وبجهه ثــانيه من مدرســهـ البــنــاتـ
شريفه: بنات شفتوا الهوشه اللي صارت بين بناات علمي
نغم: بين مين ومين
شريفه: بنات من 3ع4 يقولون متهاوشين عشان ولد
نغم: استغفر الله العظيم ياشريفه مايصير تتكلمين بأعراض الناس لاتحطين بذمتك
شريفه: وانا وش دخلني هذا كلام البنات
نجود: نغوووم خلينا من مثاليتك الزايده والحين قولي لي بين مين ومين الهوشه
شريفه: بين شهد عبدالوهاب .. وهذيك المصريه البرصاء الزعيطه اللي ماادري شنو اسمهاا
نجود: اي وحده ذي
شريفه: ذيك اللي دايما بغرفه المعلمات وتسولف مع مدرسات الانجلش بالانجليزي
نجود وتذكرتهاا: اييييييييييه عرفتهاا هالبرصا اللي صابغه شعرها اشقر بس تعالي هذي مومصريه هذي سعوديه وكانت معانا بأول تذكرينها نغووم
نغم: مين هذي
نجود: ذيك البرصا اللي كانت ويانا باول وكانت حاطه غره وشعرها اسود ودايما تسوي كيرلي
نغم: اي عرفتها يسمونهاا جوجو .. بس موباين عليها حق هالسوالف
نجود: يعني شهد اللي باين عليها.. ياما تحت السواهي دواهي
نغم: اقول بنااات خلونا من هالكلام وخلونا من اعراض البناات وانا الحين بروح البيت مع السلامه
نجود: ليه جاء الباص
نغم وهي مستانسه: الحمدلله اليوم الباص يوصل بدري مع السلامه
/
تــوهاا نازله من الباص وشافت ولد عمها عند باب البيت كان يكلم بالجوال واول ماشافها سكر
نغم: السلام عليكم
ابراهيم: وعليكم السلام(ويدخلون البيت)
نغم وهي تكشف وتفسخ حجابها: البناات جاوا من الجامعه
ابراهيم: لاتوا الناس الساعه عشر .. الاشفيك طالعه بدري اليوم
نغم: الباص اليوم مشى بدري لانو الكل عنده فتره وحده اليوم
ابراهيم: وشسويتي بالاختبار
نغم: الحمدلله زين الاختبار اليوم كان حلو وسهل
ابراهيم: بالتوفيق ان شاء الله .. نغووم شنو غدانا اليوم
نغم وهي مومصدقه انه قال لها نغوم: هااه
ابراهيم: شنو الغدا اليوم
نغم وهي مبتسمه: ماادري.. شنو جاي على بالك تاكل
ابراهيم: اللي يجي من الله حياه الله .. تدرين ابي اكل شي على ذوقك ونشوف ذوقك بالطبخ
نغم: من عيوني الحين اغير ملابسي واروح للمطبخ(وتروح)
ويرن جوال ابراهيم: الو هلا قلبي (ويطلع من البيت) اكيد مستانس دامك راضيه علي اقدر اشوفك اليوم .. واخيراا
ببـــيت بورائد
قاعده بالصاله تدور كم شغله ومنهمكه باللاب توب ويدخل اخوهاا
جاسم: هلا بشوره
بشرى:اهلين جاسم شلونك
جاسم: الحمدلله .. الغدا جاهز
بشرى: ايه الغدا جاهز بالمطبخ قول لميري تحط لك اذا تبي
جاسم: مارح تتغدين معاي
بشرى: لا انا كلت بالجامعه
جاسم: مااحب اتغدى بروحي
بشرى: طيب انتظر رائد
جاسم: لايبه رائد راعي طويله وبعدين ابوي يبيه بالشركه.. يعني مارح يرجع الامتى .. اقول بشوره متى تجي ماما من الشغل
بشرى: مدري رح تطول اليوم.. جسوم اقعد بستشيرك بموضوع
جاسم وهو يجلس: أمــري
بشرى وهي تهد اللاب توب من يدهاا: مايامر عليك عدو .. بس ماما تبيني اشتغل معاها بالمؤسسه انت شرايك؟
جاسم: المؤسسه ازياء وانتي تخصصك محاسبه شدخل والا امي تبيك تمسكين قسم المحاسبه
بشرى: امي تبيني اشتغل معاها موذاك الشغل اللي اهوو بس يعني اذا رح يستوردون قماش من تركيا او المغرب او لندن او فرنسا ومصر تبيني انا اكلمهم
جاسم: يعني شنو بتشغلك سنترال
بشرى: لا انت اللي ماتعرفـه ان امي تبي توسع شغلها بالبدايه رح اشتغل بقسم الاستيراد وشوي شوي لين مااتعلم الشغل واتسلم اداره المؤسسه
جاسم: والجامعه
بشرى: والله انا رح اجرب شهر واذا ماعجبني الشغل مارح اكمل ورح اشتغل بالفتره المسـائيـه بعد
جاسم: والله ماادري يابشرى بس تدرين انتي اولا واخيرا رح تشتغلين بمؤسسه امي والا رح تفتحين لك مشروعك الخاص انتي جربي مثل ماتقولين وشوفي الوضع اذا يناسبك والا لا(ويرن جوال جاسم)
جاسم: الو هلا برهوم(ويقوم ويقول لاخته) عن اذنك بروح غرفتي
ابراهيم وهو بالسياره: هلا بولد العم بارك لي
جاسم : على شنو
ابراهيم: اللي بالي بالك.. وافقت تطلع معااي
جاسم: غريبه من وين طالعه الشمس
ابراهيم: من المشرق وحياه عيونك
جاسم: متى بتشوفها ووين؟
ابراهيم:اليوم الساعه عشر بس وين مدري
جاسم: يمكن عند بيتهم
ابراهيم: شدعوه هي بالموت رضت تطلع معااي هالمره تطلع من بيتهم مستحيييل
جاسم: اجل وين بتقابلها؟
ابراهيم: مومهم وين ان شاء الله بجهنم الحمرا المهم اقابلها
جاسم:نيـالك .. عاد تخيل تطلع شينه
ابراهيم: حرام عليك جويسم لي 6 شهور وانا احب ع العمياني .. اقول جسوم شوي واكلمك هذي هي عالخط الثاني(ويرد عليها)
هلا حياتي .. انا .. موجود .. شفيك حبيبتي قولي عادي شنو (ويوقف السياره بوسط الشارع وينزل ويقول بصراخ) عفاف شنو يعني مااقدر انا لعبه عندك
عفاف: اسفـه برهوم بس
ابراهيم: ترى مسختيهاا ماصارت هذي انا مارح اكلك بس بشوفك ولو من بعيد لبعيد
عفاف: بس
ابراهيم: لابس ولاشي ترى لوعتي كبدي وانا اترجا فيك .. اللي يشوفك يقول نانسي عجرم والا اليسا يلا بس لاعاد اشوفك داقه على هالرقم فاهمه.. يلا انقلعي (ويسكر الخط بوجـهـهـا ويركب سيارته) الله يلعن هالاشكال رفعت ضغطي

وع الغدا ببيت بومشعل حطت نغم الغدا وتعمدت تجلس بالمكان اللي جنب ابراهيم اللي كان لسى ماوصل للبيت واول مابدوا يتغدون جاء ابراهيم وسلم وقعد يتغدى
فاطمه: مشعل اليوم بروح بيت امي وابيك توصلني زين
مشعل: من عيوني ياعيوني
ام مشعل بخاطرها(عسى عيونك البط يافطوم)
نغم وتهمس لابراهيم: ابراهيم شرايك بالغدا
ابراهيم بدون نفس: زين زين
نغم: يعني حلو
ابراهيم: كل يوم ناكل نفس هالاكل حلو زين مشكوره
نغم: العفو
فرح وتهمس لهيفا: لايفوتك هيوف شوفي نغم
هيفا: شفيها
نغم: شوفي شلون تكلم ابراهيم ودها تاكله بعيونها
هيفا: لاماودها تاكله ولاشي لاتلزقينه فيها
فرح: يعني هالنظرات عاديه
هيفا: ايه عاديه
فرح: اقص يدي اذا ماكانت حاطه العين عليه
هيفا: على ايش تحط العين عليه على فلوسه والا معاملته لها كل يوم يشعم فيهاا صاير اخس من امي يعني على شنو تحط عيونها عليه
فرح: طيب ياهيوف انا رح اثبت لك صدق كلامي
بومشعل بصوت عالي قال: اقول يبه نغوم
نغم: هلاعمي
بومشعل: نغم مالاحظتي انك كبرتي يبه ويعني مايصير الوضع
ابراهيم: اي وضع يبه
بومشعل: يعني قعدتك كذا قدام اعيال عمك بدل حجاب ولاغطا ولا شي صحيح لبسك محترم بس حتى لو هالكلام مايصير
ام مشعل: مافيها ولاشي بعدين حتى لو تحجبت اعيال عمها حفظوها وهي حفظتهم يعني مارح يتغير شي
ابراهيم: ماله داعي يبه
بومشعل: وليه ماله داعي ان شاء الله؟
ابراهيم: لان مشعل متزوج وماهمه الازوجتـه وانا مستحيل افكر فيها لانها مثل اختي الصغيره .. وغير كذا ماتجي ببالي يعني ماله داعي تتحجب واهي كذا والا كذا رح تغطي شعرها مايحتاج اصلا انا طول شعرها مااعرفه ومومهم دام انها بتتحجب مارح تتغطى خلها تاخذ راحتها احنا مثل اخوانها
نزل الكلام عليها مثل الصاعقه وماصدقت هي تفكر انه معجب فيها او يفكر فيها ع الاقل
بومشعل: والله عاد فكرت والا مافكرت تتحجب يعني تتحجب
نغم وهي منهاره بس متماسكه قالت: ان شاء الله عمي الحمدلله (وتقوم)
فرح تهمس لهيفا: ماقلت لك
هيفا: شنو
فرح: انتي غبيه متى رح تفهمين البنت تحبه والله تحبه وباين من عيونها وعيونها فاضحتها
هيفا: مااتوقع البنت شبعت وقامت
فرح: انتي خلك غبيه ونايمـه بالعسل الحمدلله والشـكر والله العظيم تحبه ابصم لك على العشره انها تحبه
/
" لاماتحبني ولاتفكر فيني .. وحتى لو حبتني انا مااحبها ولا افكر فيها ولاتحلين الفكره ببالها ترى انا ماابيها"
ام مشعل: ليش وش فيها عويا والا منكسره
ابراهيم: لا وانتي الصادقه مااعرف وجهها من كثر الضرب اللي تضربينها .. ولامره شفتها لابسه لبس حلو.. كلا تشتري جلابيات من المحلات الرخيصه وتاخذ من زايد الناس وان شرت لها فاطمه لبس جديد رميته بالزباله يعني زوجـه المستقبل اللي ببالي مختلفه تماما عن نغم .. حتى شعرها مااعرف لوين طوله كلا رافعته وبس
ام مشعل: بس نغم حلوه
ابراهيم: وانا مااشوف هالحلا مااشوف الا ضرب وكدمات وبس
ام مشعل: يعني شلون فلوسها تطير منا
ابراهيم: مع السلامه.. انا عندي فلوس بابا
ام مشعل: لاوالله يادلوع بابا نصيب نغم كثر فلوس ابوك واكثر بعد يعني لازم هالفلوس تطلع من جيب ابوك وتدخل لجيبك
ابراهيم: يمه انسي الموضوع بصراحـه انا ماادنيها وع
ام مشعل: والحين شلون يعني
ابراهيم: ماابيها غصب هو
ام مشعل: ايه غصب .. حبيتها والا ماحبيتها مارح تاخذ غيرها
ابراهيم ويتحايل على امـه: يمه شدعوه يرضيك ولدك يعيش مع وحده مكسره
ام مشعل: لا ياعمري مايرضيني انت خذها كذا بس قدام الناس وانا رح ازوجك بالسر وحده بالموصفات اللي تبيها
ابراهيم: اذا كذا موافق بس مب الحين يمـه توني صغير عمري 19 سنه خليها بعد كم سنه
ام مشعل: خذ راحتك يمه.. بس مالك الا هي
كانت تسترق السمع وبعدين طلعت بسرعه لغرفه نغم وقالت بخاطرها(يارب سامحني بس والله ماكنت قاصده .. معقوله نغم تحب ابراهيم)
/
" لامااحبه مين قالك اني احبه"
فاطمه: وشفيها عيونك حمرا
نغم وهي متوهقه: دخل وسخ بعيني و
فاطمه وهي تجلس جنب نغم بالسرير:انا ادري انك انتي كنتي تبكين .. نغم احنا بنات عم ومافيها شي لوفتحي قلبك لي انا مثل اختك الكبيره .. اعتبريني اخت او صديقه او اي صفه انتي تحبينها.. مافيها شي لو ان البنت تحب وتنحب عادي هذا انا حبيت مشعل وتزوجته ولله الحمد وهو بعد كان يحبني وبعدين خطبني والحمدلله تزوجنا وجبنا اعيال وهذا احنا مافي احسن منا
نغم قالت ببراءه: يعني فيه امل نتزوج
فاطمه: ماجاوبتني انتي تحبينه
نغم: من صغري ماكنت اعرف اعيال عمري وطفولتي كلها قضيتهاا بلندن وكل ذكرياتي الحلوه هـنااك .. وببدايه مراهقتي ماتوا اهلي واضطريت اترك المكان اللي حسيت فيه بالانتماء مع انه ماكان وطن لي وجيت لوطني ومكاني الاصلي بين اهلي واعمامي وكنت ببدايه مراهقتي والمشاعر دايما تتضارب وياي والكل هنا كان يعاملني بقسوه بس ابراهيم كان يحن علي صحيح هو مزاجي بس احبه .. احبه رغم معاملته القاسيه ببعض الاحيان
فاطمه: انتي مرتاحـه هنـا
نغم: وشدخل هالشي بموضوعنا
فاطمه: رح اشرح لك اياها بطريقه اسهل .. انتي مومرتاحـه هـنا بنات عمك معاملتهم قاسيه لك ومرت عمك تضربك على اتفهه الاسباب وتعامل الخدم احسن منك.. واكيد انتي تفكرين باليوم اللي تطلعين فيه من هالبيت .. وتتخلصين من هذا كله .. وزواجك من ابراهيم رح يخليك عايشه تحت هالذل طول عمرك ولارح تقولين لا .. عشان كذا انتي لازم تقولين لا من البدايه وتصيرين حره نفسك.. ابراهيم مايقدر يقول لامه لا روحـه متعلقه بأمـه يعني رح يخليك خدامه عند امه وخواته .. انا لوكان عندي شك 10% ان ابراهيم رح يسعدك كنت انا بنفسي كلمته عنك .. انا ابي لك واحد يستاهلك مومثل ابراهيم اللي رح يضل طول عمره مراهق وتحت امه
نغم وهي حزينه وحيرانه: ليش تقولين هالكلام
فاطمه: اعتبريه نصيحـه لك من اخت لاختها وانتي حره سوي اللي تشوفينه يصلح لك
نغم بحيره وحزن: رح احاول اركز بدراستي واشيل ابراهيم من بالي وافكر بشي ينفعني
فاطمه: والله يعوضك باحسن منه يانغم
::
وبمـؤسســه ام رائد للازياء جات بشرى ودخلت مكتب المديره العامه اللي هي امها
بشرى: اهلين يااحلا مديره
ام رائد وهي تسكر السماعه: جاكلين(تكلم السكرتيره اللي مع بشرى) روحي انتي وتفضلي يابشرى
بشرى: اوووف وشعندها الجديه
ام رائد : بشرى احنا بمكان عمل موبالبيت وكل شي هنا جد .. وكلمـه ماما ماابي اسمعها منك انا هنا مدام فوزيه وبس والحين قومي اوريك اقسام المؤسسه
بشرى: ماما شفيك.. اقصد مدام فوزيه انا اعرف المؤسسه عدل وماله داعي توريني الاقسام
فوزيه: صحيح تعرفين الاقسام لكن ماتعرفين مين مسؤوله كل قسم وكم موظفه عندنا .. المفروض اخلي سكرتيرتي توريك الاقسام لكن انا اللي رح اوريك بنفسي ومكتبك جاهز رح يكون جنب مكتبي وجاكلين سكرتيرتي رح تكون مديرتك بالبدايه وبعدها رح تتولين انتي الادراه قومي خليني اوريك الاقسام
(وقامت تتمشى مع امـها بالمؤسسه وتوريها الاقسام)
فوزيه: بشرى احنا لسى محتاجين عارضات ازياء وابيك انتي تتولين هالشي من حيث الاعلان والدعايه واختيار العارضات
بشرى: والعارضات اللي كانوا عندكم
فوزيه: كانوا عارضات اسيويات انتهي عقدهم معنا.. الحين ابي عارضات سعوديات رح اعطيك الشروط المطلوبه وانتي المطلوب منك تختارين منهم كم بنت تشتغل معنا وعندك مهله اسبوعين لانو العرض بعد شهر يعني اسبوعين رح نختار البنات وبعدها بأسبوعين رح ندربهم لان العرض الكبير بعد شهر وهذي اول مهمه لك واذا نجحتي فيها رح تستلمين مهمات ثانيه وان شاء الله بظرف 6شهور رح تتسلمين اداره المؤسسه
بشرى: طيب مدام ليش ماتقولين لفطوم تجي وتشتغل ويانا
فوزيه: قلت لها بس هي رفضت يمكن اذا شافتك اشتغلتي تتحمس
بشرى: طيب ماقلتي لي كم راتبي
فوزيه: بعد فتره التدريب رح نحدد لك راتبك
بشرى: شدعوه يعني اقعد شهر اشتغل بس كذا
فوزيه: بشوره .. غيري اسلوبك معي انا مسؤولتك بالعمل مورفيجتك وبعدين انا مومنقصه عليك شي واقدر اعطيك الراتب اللي تبينه ومن اليوم بعد انا كل همي تكسبين الخبره وتستلمين مكاني وبس فهمتي
بشرى: على امرك مدام فوزيه
ببيت ام اريج كانت اريج قاعده بالصـاله وماسكه كتابها وتذاكر وتدخل امـها
ام اريج: السلام عليكو
اريج: وعليكم السلام صح النوم
ام اريج: صح بدنك فين محمد يابت
اريج: راح يذاكر عند المدرس
ام اريج: ربنا يوفقكو واشوفكو احس الناس يارب
اريج: اميييين
ام اريج: مش عاوزه ازاكر لك حاجه
اريج: لاماله داعي سهل الانجليزي
ام اريج وتطالع خد بنتها: ايه يابت الهباب اللي بوشك ده
اريج وخافت: ايه ياماما
ام اريج وتأشر على خدها: الهباب اللي هنا ده
اريج وهي متوهقه بس تصرف الموضوع: اااه البتاع دوت ده .. ده
ام اريج: ايه تكلمي يابت
اريج: ايه مالك يمه ده انا انجرحت عادي يمه ماتعمليهااش قصه بقى ده جرح زغير وحيروح ان شاء الله
ام اريج: ومين اللي جرحك ياابت
اريج وهي قايمـه: خلاص يمه لاتسوينها سالفه انا جرحت نفسي بالغلط ع اذنك بروح اذاكر بغرفتي
اريج: ربنا يهديكي يابت
/
اريج وهي توها تدخل غرفتها وتسكر الجوال يرن جوالها
(قررت اموت بحبك وامشي معاك بدربك انت ياساكن قلبي)
اريج وترد: هلا
رائد: شفيك تقولينها بدون نفس
اريج: لا موالقصد بس امي نشفت ريقي سوت لي تحقيق عشان جرح صغير بوجهي
رائد: جرح صغير ليش مين جرحك
اريج وتوهقت قالت بخاطرها(ويييه فضحت روحي): هاااه لا ولاشي ولاشي
رائد: شنو ولاشي وانتي من متى تخبين علي
اريج وتتحايل عليه: رئودي لاتتحايل علي وتصير مثل امي جرح صغير وخلاص
رائد: اوكي يعني ماتبين تقولين لي
اريج: رائد الموضوع مايسوى لاتكبره المهم الحين قولي شنو سويت بالاختبار
رائد: طريقه حلوه لتصريف الموضوع عموما سويت زين لاتخاف علي
اريج: لاتخاف علي فيه حد عندك
رائد: لامافي حد عندي عن اذنك باي
اريج: رئوي حبيبي الله يخليك لاتزعل
رائد ببرود: اذا مازعلتني مارح ازعل
اريج(والحين شلون اراضيه): رائد انا اسـفـه
رائد: جوجو والله موزعلان مافيها شي لويكون عندك اسرار
اريج: حياااتوو والله مواسرار انا جرحت روحي بالغلط زين
رائد: اهاا
اريج: رائد شفيك
رائد: مالاحظتي انك صايره حناانه
اريج: انا حناانه اصلا الشرهه علي انا اكلمك باي
رائد: باي(ويسكر) شفيها اليوم موصاحيه
.... بعد 3 دقــايـق جاء مسج على جوال رائد ...

وكان المسج من SweeT HearT
(حبيبي انا اسفه ماكان قصدي ازعلك بس توترت شوي رئوي سامحني)
بعد دقيقه رد لها بمسج وقال
صندوق الوارد :: حبيب روحي::
(انا مارح اسامحك تدرين ليه؟ لاني بعمري مارح اقدر ولارح اعرف ازعل منك)
ابتسمت اريج ومسكت كتابها وكملت مذاكرتها
/
ببيت بومشعل كانت هيفا لابسه عبايتها وبتطلع ومرت على امها اللي كانت قاعده بالصاله
هيفا: ماما بروح المشغل زين
ام مشعل: واي مشغل هذا اللي بتروحينه الحين انتي شايفه الساعه كم؟
هيفا: ماما توا الناس الساعه تسع وبعدين ابي اروح اسوي شعري واظافري
ام مشعل:يعني انتي موجايه تستأذنين جايه تعطيني خبر وبس
هيفا بتذمر: يوووووه يمه لاتسوينها قصه ترى الموضوع مايسوى مارح اتأخر وبصراحـه انا ودي اروح كل البنات بالجامعه يمدحون هالمشعل
ام مشعل: وليه مايجونكم البيت اللي اعرفه ان المشاغل تجي للبيت
هيفا: المشغل هذا اول مره اول مره اروح له وبعدين مااقدر اجيب لي وحده ع العمياني بروح بنفسي واشوف واذا عجبني شغلهم اكييييد رح اتعامل معااهم والحين عن اذنك يمـه فرح تنتظرني بالسياره (وتطلع)
ام مشعل: اذنك معك اوووف زهق بناتي طلعوا وفطوم الدعله راحت لبيت اهلها مافي الا انا وهالمخديه نغووم خلني اروح واقوم وافش خلقي فيها بدل هالقعده الممله هذي
ببيت بورائد كانت فاطمه قاعده مع جاسم ورائد اللي توه جاي من غرفته ونزلهم بالصاله
فاطمه: اخيرا بينت مابغينا نشوفك وينك مختفي
جاسم: وين بعد بالغرفه هالرجال يقعد بغرفته بالساعات ومايطلع من غرفته الا عند غدا او عشا واغلب الوقت بالسياره يفتر او قاعد بغرفته
فاطمه: شدعوه يارائد انت شلون عايش على هالطبع الخايس
رائد وهو مبتسم يجلس عالصوفا اللي مقابلتهم: شسـوي احب
فاطمه وجاسم وهم فاتحين عيونـهم ومومصدقين : شــنو تحب؟
جاسم: والله اني كنت شاك بأمرك اي شاك الا كنت متأكد انك تحب
فاطمه: رائد انت من سجك تحب والا تمزح معانا
رائد: شدعوه امزح معااك هالموضوع مايتحمل مزح
جاسم: ومين سعيده الحظ؟
فاطمه وهي مومصدقه اذنها: رائد وشهالكلام انت ماتسحتي على وجـهـك
رائد: شدعوه فطوم لاتكبرين الموضوع ترى السالفه ماتسوى الحب موعيب ولاحرام
جاسم: رئود عرفني عليها
رائد: جسوم استح على وجهك هذي زوجـه المستقبل
فاطمه وتحط يدها على راسها : انا مومصدقه وناوي تتزوجـها بعد مين هذي ومين بنته؟ وش اصلها ومن وين عرفتها وعلى اي اساس تبي تتزوجـها؟
رائد: شدعوه تبيني اجاوب على كل هالاسئلـه
(وتدخل امهم وبشرى)
رائد ويتنحنح: احم احم غيروا الموضوع
ام رائد: السلام عليكم
الكل: وعليكم السلام
بشرى: اما اليوم يافاطمه فاتك فاتك فااتك(وتجلس جنب فاطمه)
فاطمه: هدي هدي شوي شوي وقولي لي شنو صار معااك
بشرى: بصراحـه انا حدي متحمسـه للشغل وودي لو انك تجين معاانا
ام رائد: حماسك هذا ذكرني فيني اول مافتحت المؤسسـه.. الافاطمه ليش ماتجين ويانا
فاطمه : ويييين يايمه انا عندي بنتي وزوجي وحامل بعد يعني مافيني حيل للشغل والتعب
بشرى: ياعمري انتي توك بالشهر الرابع وبعدين بنتك الصبح تكون بالروضـه استغلي الفتره الصباحيه
فاطمه: لاوالله مالي بال للشغل
بشرى: انتي بس خلك عن ام زوجك هالنسره وزوجك هالزطي
فاطمه : بشرى احترمي نفسك
بشرى واستحت من كلامـها: سوري فطوم والله ماكنت اقصد اسـفـهـ
رائد: بناات شرايكم نتعشى برى كلنا
جاسم: لاوالله وابوي
رائد: الحين ادق عليه والا امر عليه بالشركـه
فاطمه: لايارائد الوقت متأخر وانا ابي اتعشى مع زوجي
ام رائد: فطووم توا الناس الساعه 11 وبعدين خلينا نقعد هاليوم مع بعض مثل الاول
جاسم: فطووم عاد امي طلبتك ومايصير تردينها
بشرى: يلا فاطمه وافقي الله يخليك
فاطمه: طيب اوكي مثل ماتحبون بس بدق على بوجوري وبقوله اني بتأخر طيب
جاسم: عاد رائد دام انك انت اللي مقترع هالعشا العائلي انت اللي اختار المطعم طيب
رائد: رح اختار المطعم والحساب علي بعد
ام رائد: بس لازم يكون مطعم فايف ستار
رائد: من عيوني ياام رائد
/


SWLAF ©؛°¨غرامي مشارك¨°؛©

تابع الجزء الثاني
ببيت بومشعل كانت نغم قاعده تذاكر بغرفتهاا وتدخل عليها ام مشعل
ام مشعل: نغم ووجـع
نغم: هلا عمتي
ام مشعل وهي معصبه: عمت عينك انتي ماتفهمين
نغم وهي خايفه: ليه عمتي انا شسويت
ام مشعل: والله ماسويتي شي بس انا اكرهك تعرفين شنو يعني اكرهك لمى اشوفك اشوف الموت لانك انتي الموت بعينه وعلمه
نغم: طيب انا شسويت
ام مشعل: اووووه انتي ماتفهمين (وتفسخ جزمتها وانتو بكرامـه وتنزل عليها ضرب ماخلت فيها شي ماضربته ولارحمت دموعها وترجيهاا ومااكتفت بهالشي الاخذت الاوراق اللي كانت تذاكر فيهاا ورومتهم بالزباله بعد مامزقتهم ولمى شفى غليلها من نغم تركتها وراحت)
نغم وهي تبكي وتسمك شعرها اللي تقطع من كثر الشد والضرب : اااااه ياربي متى تخلصني منهاا ومن هالبيت والضرب يارب
وتنزل ام مشعل الصاله بعد مافشت غلها بنغم وتشوف بناتها فرح وهيفا توهم يدخلون
هيفا: سلام
وتروح امهم وتقعد بالصاله ولاعبرتهم
هيفا: الحمدلله والشكر شفيها ذي؟
فرح: وشفيها يعني اكيد طقت نغم ومالها خلق احد كالعاده يعني موشي جديد عليها (ويجلسون بالصاله)
هيفا: بس تدرين ام راكان هذي رهيبه شكلي رح اخليها تسوي لي مكياج عرسي
ام مشعل وهي معصبه: وانتي متى عرسك ان شاء الله الناس كلهم عرسوا الاانتي
هيفا وهي حاقره امها ولاترد عليها: بس تدرين انا عطيتها رقمي وبالموت عطتني رقمها ورح اخليها تجي عندي البيت مالي خلق كل شوي ارز وجهي بالمشغل
فرح: احسن شي سويته بس شكلها كانت مرتعبه يوم تعطيك رقمها الظاهر صاحبه المشغل مسويه لهم رعب
هيفا: الظاهر والله عاد اهم شي خذت رقمها(وتدخل فاطمه)
فاطمه وهي ماشيه: السلام عليكم
ام مشعل وهي توقف وبصراخ: ياسلام الساعه كم بأيدك فيه وحده متزوجـه تدخل بيتها هالوقت هذا بيت محترم واللي فيه
تقاطعها فاطمه وتقول ببرود: انا مثل ماقلتي مره متزوجـه وزوجي يدري وين كنت ومتى رجعت تصبحون على خير
هيفا وتضحك: هههه اقول امشي نروح غرفتنا قبل لاتفتل علينا امك صايره شرار اللهم ياكافي
فرح وهيفا: تصبحين على خير(ويرحون)
ام مشعل: اووووف والله زهق ماعندي شي اسويه خلني اروح انام احسن
/
اليوم التــالــي بــ جامعه البناات كانت بشرى قاعده مع صديقاتها
بشرى: عاد تصدقون اني طول عمري اروح المؤسسه مع ماما واراقب كل شي من بعيد لبعيد بس ولاعمري عرفت شي ولاسر من اسرار المؤسسه
غدير: والله على كلامك حمستني للمؤسسه .. تشغليني معاكم
بشرى: وبشنو تبين تشتغلين
غدير: تصميم ازياء
بشرى: اوووف بتصرين مصممه مره وحده .. ليش انتي دارسه شي بالتصميم
غدير: ايه يوم كنت ببيروت خذت دوره بتصميم الازياء
بشرى: والله زين بس تدرين الوسطاات ممنوعه عندناا تعالي وقدمي ملفك ويمكن نقبلك ويمكن لا
غدير: ياعمري عالصراحـه
وبجـهـه ثانيه من الجامعه كانت فرح قاعده مع شلتها وتناديهاا هيفا
هيفا: فوفو تعاالي شوي
فرح وتقوم : عن اذنكم بنااات(وتروح لاختهاا) نعم خير شعندك
هيفا بدون نفس: اي خير عندي لك خبر سيئ
فرح: شنو بعد؟
هيفا: كومار مارح يجينا اليوم
فرح: ليش؟
هيفا: ابراهيم الدعله خرب سيارته وخذ سيااره كومار.. وعاد كومار اتصل فيني وقالي مارح يمرنا واتصلت بـأخوك الزطي وقالي موفاضي
فرح: والحين شلون
هيفا: والله لوادري شلون ماقلتلك
فرح: طيب بشرى دوامت اليوم
هيفا: اي بشرى؟
فرح: اي بشرى بعد .. بشرى بنت عمك
هيفا: ايييه .. والله ماادري عنهاا
فرح: طيب روحي شوفيها
هيفا: لاوالله خدامه ببيت ابوكك انا .. انا سويت اللي علي والدور الباقي عليك انتي
فرح: لاوالله وانتي شسويتي
هيفا: سج قليله خاتمه .. مين اللي اتصل بمشعل وبرهوم واكل تهزيئه موانا
فرح: طيب وينها الخايسه ذي
هيفا: قاعده مع قروبهاا english girls
groupمالت عليهم
فرح: طيب قعدي مع الشله وانا بروح اشوفهم
وتروح فرح لبشرى
فرح: بشرى تعاالي شوي
بشرى: اوكي
فرح بخاطرها(مالت عليها مسويه
english girl)
بشرى: هلا فرح شلونك.. غريبه طريت عليك
فرح: الحمدلله .. متى تخلص محاضراتك اليوم
2 clookبشرى:
فرح: اوووف
بشرى: ليه
فرح: لاني كنت ابي اروح معك للبيت مافي احد يرجعنا خلاص رح ننتظر لين الساعه2
بشرى: لاشدعوه .. الساعه الحين 12 تدرين رح اتصل بجسووم واقوله يجي ياخذكم
فرح(وييييع مالي خلقه هالمليغ): طيب سواقكم وينه
بشرى: السواق بمؤسسه مااما
فرح بخاطرها( قطييييعععه مشغل خياطه وقرنبع وخليتوه مؤسسه مالت عليكم)
بشرى: الحين بكلم جسوم(وتتصل)الو هلا جسوم
جاسم: هلابشوره
بشرى: جاسم وينك
جاسم: بالجامعه
بشرى: عندك كلاس
جاسم: لا انا الحين بالبريك تبيني امرك
بشرى: لا انا مارح اطلع الا بعد ساعتين ,, بس ابيك تمر بنات عمي
جاسم ويضحك: التؤام المختلف
بشرى وهي ماسكه الضحكه: ايه فرح وهيفا .. اوكي خلاص يلا باي(وتسكر)
فرح: هااه شصار؟
بشرى: الحين بيمركم جسوم تعرفين سيارته
فرح: ايه اعرفها شكرا(وتجي تروح وتناديها)
بشرى: فرح اذا جاء جاسم رح اتصل عليك واقولك انه برى
فرح وتلفت عليها: اوكي يسلموو
بشرى: اووف مصلحجيه بشكل موطبيعي
/
وبمدرسـه البنــاات كانت نغم تلبس عبايتها تبي تطلع وتجي شريفه مسرعه
شريفه: نغم
نغم وتلفت عليها : نعم
شريفه بخوف: شنو هذا
نغم وناسيه انها فسخت النظاره الشمسيه : شـنـو
شريفه: الضربات اللي بوجـهك والاحمرار اللي تحت عينك
نغم: كالعاده يعني شنو
شريفه وتلمس جروحـها: بــس
نغم وتصرخ: اه عورتيني
شريفه: شلون تسمحين لها تمد يدها عليك انتي موحيوانه عندها
نغم: معليه تضل بمقام امي
شريفه: تخسي تصير مقام امك يانغم هي موانسانه هذي شيطان انتي لازم تعلمين عمك بللي يصير
نغم بيأس: عمي يدري وساكت ويسوي روحـه كأنه مايدري وان قلت له يقولي زين ومايسوي شي واحيانا يقولي هذي مره كبيره وبمقاام امك .. واذا درت هي تطقني اكثر ومحد يقول شي انا خلاص تعودت
شريفه: وعمك بورائد وينه عن هذا كله
نغم: وش بيسوي يعني
شريفه: يعني هو يدري وساكت
نغم: لامايدري وعمي بومشعل قالي لاتقولين له عشان ماتصير مشاكل بين العايله
شريفه: وليش فاطمه ماتقوله
نغم: ماابي اسبب لها احراج وبعدين زوجـها مانعها من انها تتدخل بالموضوع
شريفه: بس انتي لازم تتغيرين
نغم: ان شاء الله خير .. اقوول عن اذنك لايمشي عني الباص .. بتوحشوني بااي
شريفه: بايااات
وعند باب بيت بومشعل كانت نغم توها نازله من الباص وشافها جاسم اللي توه واصل مع بنات عمه
جاسم: مين هذي اللي دخلت البيت
هيفا: هذي نغم
جاسم: وليش تجي بالباص؟
فرح بخاطرها(بدت اللقافه): هي تحب تروح وتجي بالباص عشان صديقاتها (وينزلون)
جاسم: الباص عاد .. مسكينه هالنغم..(ويتصل بأخوه) الو هلا رئود .. مارح تجي عالغدا .. موشي جديد باي
وعلى شط البحر كانوا اعظم حبيبين بهالدنيا ولو كانوا اعظم حبيبين بعيونهم
اريج: شايف البحر شوكبير
رائد: ايه
اريج: قد البحر بحــبك
رائد: وشايفه السماء شو بعيد
اريج: ايه
رائد: بعد السماء بحبـك
اريج: رئودي بتتمنى ايه اللحظـه دي
رائد: اتمنى اقضي طول عمري معااك .. وانتي شنو تتمنين
اريج: اتمنى نحب بعض طول عمرنا حتى لو ماكنا مع بعض
رائد: تف من بؤك
اريج: هههههههه .. تعلمت مصري
رائد: مصري وسعودي وكل اللي تبينه ...جوجو
اريج: عيون جوجو
رائد: تذكرين اول يوم جيتي للسعوديه
اريج: ايييه .. يومهاا كنت دايما اتكلم مصري واول يوم شفتك يوم كانت اختك فاطمه بالمستشفى تولد جوري .. وقتهاا بصراحـه حقدت عليك
رائد ويضحك: هههههههه .. انا كنت معصب وابي اختك بسرعه تولد وامك ماادري وين كانت وانتي قاعده تلعبين بمكتب امك
اريج: ماكنت العب .. كنت قاعده اقرى مجله
رائد: وكنتي قاعده تلعبين تسـالي
اريج: يعني لازم تطلعني غلطانه
رائد: وانتي لازم تكابرين.. احبـك يامجـنونـه
اريج: انا مجنونتك وبس .. وانت مجنوني احبك(وتصرخ) احبـــــــــــك
رائد: قصري صوتك احـنا بالشـارع .. قومي خلينا نروح نتغدى بأي مطعم تختارينـه
(ويركبون السيـاره)
اريج: رئود تروح معاانا هالسنـه مصر
رائد: انا كل سنه اروح معاكم يعني اكييييد هالسنـه رح اروح معااكم .. وين جاي على بالك تتغدين
اريج: امممم ماادري شرايك بفرايديز
رائد: اوكي وانا كم جوجو عندي
اريج بدلع: وحده ولاتفكر يكون عندك غيرها
رائد: مستـحيل افكر يكون عندي غيرهاا
/
وعالغدا ببيت شهد كانوا قاعدين يتغدون بالصـاله ودخل بسـام ومعااه فواكـه وشويه اغراض وتاخذهم شهد وتروح للمطبخ
بسام: السلام عليكم(ويقعد عالغدا)
الكل : وعليكم السلام
هبه: انت وين كنت امس
بسام: كنت نايم عند واحـد من الربع
هبه: ومن وين لك هالاغراض(وتجي شهد وتقعد)
بسام: من وين بعد شاريهم
هبه: اي ادري شاريهم يعني من وين لك فلوس
بسام: اووووه هبه خلني اتغدى
الجده : بس يااعيال خلونا نتغدى
هبه: طيب بسام انا لي تفاهم ثاني معك بعدين
بسام: ماابي اتسمم زين (ويقوم)
الجده: اقعد يمه بسام تغدى
بسام: ماابي يمه خلي بنتك البرنسيسه تتغدى انا بنام صحوني المغرب (ويرووح)
هبه: كل يوم على هالحال
شهد: هبه خليه على راحـته يمكن متسلف من احد ومايبي يقول
هبه: ليش هو يعرف احد عشان يتسلف منهم
شهد: اكيد يعرف اجل وين يروح كل يوم
هبه: اخوك هذا غريب مايشتغل وانا مااعطيه فلوس كثير وكل يوم يدخل وبيده اغراض شكل
شهد: يمكن يشتغل
هبه: اي شغل هذا اللي بعد صلاه المغرب وحتى الصبح واحيانا يبات انا بروح اشوف وشسالفته وشسالفه شغله
/
" لاسـالفه ولاشي ولاتكبرين الموضوع على شان شي ماله داعي"
هبه : بس انا لازم اعرف انت من وين لك هالفلوس
بسام: اشتغل
هبه وبأستغراب: تشتغل .. من متى.. ومن وين لك هالشغل.. وليش ماقلت لنا
بسام: اشتغل حاس امن بشركـه اخر الليل ومن الاسبوع اللي فات
هبه: طيب حارس امن ومن اسبوع .. ومن وين لك الفلوس اذا لك اسبوع تشتغل .. يعني لسى ماخذت الراتب
بسام: تسلفت من واحد من الربع 400 ريال زين ياكثر ماتحنين ياهبه
هبه: وهالسياره اللي عند باب بيتنا
بسام قال وبدون شعور: شريتها
هبه وهي مستغربه ومعصبه بنفس الوقت: شريتها .. ومن وين لك فلوسهاا .. هذي سياره غاليه
بسام وتوهق: اقصد رح اشتريهاا
هبه: شريتهاا والا رح تشتريهاا بكلا الحالتين من وين لك فلوسها
بسام وبصوت عالي: اووووه هبه ازعجتني لاحقتني لهنا يكفي ماتغديت بسببك والحين ماتبيني انام .. والسياره رح اشتريها من واحد من الربع لايغرك شكلها .. ترى فيها الف خراب وخراب .. والولد مسافر ومعطيني اياها اجربهاا طول فتره سفره والحين فيه اي سؤال ثاني ياحضره المحقق هبه
هبه بخاطرها(ولو اني احس انك تكذب علي بكل كلمه تقولها بس معليه رح الحق الكذاب لعند الباب) وقالت: تمسي على خير بس بقولك يااخوي ياولد امي وابوي قبل لاتسوي اي شي فكر فينا حنا بنات.. خواتك مالنا غيرك.. وسمعتنا من سمعتك .. عن اذنك .. (وتطلع)
ببيت بومشعل كان ابراهيم توه راجع من السوق وقاعد يطالع ملابسه وحاطهم عالسرير ويختار وينادي نغم اللي كانت ماره من عند باب غرفته
ابراهيم: نغم
نغم: هلا ابراهيم
ابراهيم: تعاالي (وتدخل الغرفه)
ابراهيم: ليش لابسه حجاب
نغم: من يوم ورايح رح البسه
ابراهيم: اوووه وجـهك مره تعباان الله يعينك على مابلاك
نغم: خلاص تعودنا 4 سنين خلاص صرت خبره
ابراهيم بلا مباله: مومهم .. شرايك بهالبدل ايش احلا هذي والا هذي
نغم(طول عمرك ماتهتم الالنفسك.. سبحان الله نسخـه مصغره عن امك)
ابراهيم: نغم .. نغم
نغم: هاااه
ابراهيم: مارديتي علي
نغم وتأشر على بدلتـه : هذي احلا بس لو تاخذ تشور(الله يكرمكم) نفس لون الحزام وايد احلا
ابراهيم: طيب والبدله الثانيه شلون
نغم: التشور الاول خليه للبدله الثانيه .. اصلا انت عندك تشور نفس اللون للبدله الاولى صح
ابراهيم: عندي بس مدري وين
نغم: دور عليه والا اشتري لك وحده مثلها احسن
ابراهيم: على قولتك مالي خلق ادور
... وتمر ام مشعل وتدخل عندهم..
ام مشعل: نغم وشتسوين بغرفه ابراهيم
نغم بخوف: كنا قاعدين نختاار
ابراهيم يقاطعها: ماما شتبين؟
ام مشعل: نغم يالدعله قومي وسوي لنا حلا ولاتقولين اختبارات وماادري ايش خلاص الاختبارات وخلصت وافتكينا منها يلا سوي لنا قهوه وشاي وحلا
نغم: ان شاء الله مرت عمي
ابراهيم: نغم سوي لنا حلا تشيز كيك اوكي
نغم: من عيوني عن اذنكم وتطلع
ام مشعل: وش عندك مع نغم
ابراهيم: يمه لاتكبرين الموضوع ماعندي ولاشي بس كنت شاري كم بدله ووريتها اياها
ام مشعل بخبث: شرايك فيها
ابراهيم ولاعت كبده: بصـراحـه تخرع والجرح اللي عند عيونها يخرع بزياده ماما بصراحـه شوهتي البنت
ام مشعل: هذي زوجـه المستقبل
ابراهيم: انتي ماشلتي هالفكره من بالك
ام مشعل: ولارح اشيلها فاهم
ابراهيم: ماما ممكن تطلعين بغير ملابسي
ام مشعل: غيرها بحمامك
ابراهيم: ماما شفيك ابي اخذ راحتي بغرفتي
ام مشعل: الله ياخذك انت وابوك واخوانك ويفكني منكم(وتطلع)
ببيت اهل شهد كانت شهد نايمه وتصحيها هبه
هبه: شهد .. شهد
شهدوهي نايمه: نعم
هبه: انا بروح الدوام زين
شهد: طيب مو مشكله روحي
هبه: طيب قومي
شهد: هبوووش حرام عليك توني اليوم مخلصه اختبارات خليني ارتاح
هبه: طب انا بروح الدوام قومي قعدي مع البزران
شهد وهي تقوم بالموت: يلا يلا بقوم الحين
هبه: طيب سياره العمل تنتظرني برى الحين بطلع تبين اجيب لك شي معي
شهد: لاسلامتك
هبه: اوكي يلا باي(وتبوسها وتطلع)
ببيت بورائد كان جاسم قاعد عاللاب توب ويرن جواله
جاسم: الو هلا بوريم شلونك الحمدلله تمااام
بوريم: وشعندك اليوم جسوم لاتقولي جامعه وماادري شنو
جاسم: لاعاد اليوم انا فاضي وماعندي شي من حظك
بوريم: اجل السهره عندي اليوم بالشقه
جاسم: لا مالي خلق بوريم
بوريم: شدعوه جسوم من دخلت هالجامعه تكبرت علينا وماصرت تمشي مع ربع الثانوي
جاسم: شدعوه بوريم موعن .. بس انا من زمان ماسهرت معاكم واكيد غيرتوا الشله
بوريم: اي والله غيرناهم وغيرنا اشياء كثيره بعد .. انت تعال اليوم ورح تشوف اللي يسرك
جاسم: متى تبدء سهرتك
بوريم: تقريبا الساعه 10 بالليل
جاسم: خلاص الساعه9ونص انا عندك اوكي
وببيت بومشعل تحــديدا بجـناااح مشـعل

دخل جنااحـه وكانت الصاله مضلمه ودخل الغرفه وشافها كلها شموع ومافيها حد وجلس عالسرير بأستغراب بعدها دخلت فاطمـه وفتحـت النور
فاطمه: مفااااجــأه
مشعل وهو خايف : خوفتيني
فاطمـه وتشغل المسجل: كل عام وانت الحب
مشعل: شالطاري
فاطمه : اليوم عيد ميلادك .. تعااال معي للصاله
مشعل : ليش كل هالشمع
فاطمه: لزوم المفاجأه
مشعل: ومين اللي دفع ثمنهم
فاطمه: انا ... ليش
مشعل: وكم سعرهم
فاطمه (بدينا): مشعل تعال معي للصاله وتسحبه من ايده وتطلع معاه وتفتح النور
مشعل وهو متفاجئ: وليش الكيك اربع ادور احنا بعرس
فاطمه: مشعل اليوم عيدميلادك لاتكدر اليوم
مشعل وهو معصب: مخاسير .. شوفي الكيكه بكم ماخذتها والشمووع اللي شكثرهم والله مخاسير
فاطمه وعصبت: مشعل انا اللي دفعت ثمنهم
مشعل:وانتي مين اللي يعطيك مصروفك مو انا والله مخاسير وتعالي لي نص الشهر وقولي لي مشعل .. عطني فلوس
فاطمه: مشعل مارح اطلب منك اي شي خلي الليله تعدي على خير
مشعل: اي خير وانتي صارفه كل هالمصاريف صايره مثل خواتي بس تصرفين وتعاال يامشعل ادفع
فاطمه بصوت عالي: الشرهه موعليك علي انا اللي اسوي لك مفاجأه طلعتها من عيــووني قلبت فرحتي لهم (وتجي تروح ويناديها)
مشعل: فاطمه والكيكه مين بياكلها
فاطمه: ارميها بالزباله انا اللي دافعه ثمنهاا
مشعل يتحلطم: هذا اللي فالحه فيه تخسرنا وبس

(( انتــــــــــــــــــــــــــهى الجـــــــــــــــــزء الثـــــــانــــــي


SWLAF ©؛°¨غرامي مشارك¨°؛©

راح انزل الرواية يوم ورا يوم
واتمنى تعجبكم

SWLAF ©؛°¨غرامي مشارك¨°؛©

الجــــــــــــــــزء الثــــــــــــــــــالـــث
مشعل يتحلطم : هذا اللي فالحـه فيه تخسرنا وبس (ويروح يراضيها ويلاقيها حاطه راسها عالمخجه وتتصنع النوم)
مشعل: فطووم .. فطووم
فاطمه وهي مغمضه عيونها قالت من بين اسنانها: مشعل الله يخليك لاتقول شي مويكفي خربت سهرتنا خليني انام بسلام
مشعل: والله ماكان قصدي ..أنــاا
فاطمه: مشعل والله ان ماسكتت الحين بروح انام عند جوري
مشعل: خلاص .. خلاص.. انا بروح بالصاله عن اذنك(ويطلع)
فاطمه: اوووووف .. صدق من قال الزين مايكمل كل شي فيك حلو يامشعل الا بخلك
وبشـــقـــه بــوريـــم كان جاسم يدخل وصوت الاغاني واصل لاخـر الشــارع...
جاسم: السلام
بوريم: هلا والله جسـوم
جاسم: اوووه شكل الحفـله ابتدت
بوريم: لاوانت الصادق هذا مجرد تحميس للحفلـه (ويقعدون عالصوفا)
جاسم: والله من زماان عنك وعن حفلاتك ليكون تغير نوع الحفلات
بوريم: ماتغيرت الاطرى عليها تعديل صغير
جاسم: والله اللي انا شايفه تعديلات موتعديل صغير
بوريم: ههههههه بخاطره(توك ماشفت شي) ويقول قوم خلني اعرفك عالشباب
وببيت بومشعل كانت نغم قاعده بغرفتهاا وتطالع المرايـاا
نغم وهي تملس جروحهاا : ياترى متى رح تروح هالضرباات اللي بوجـهي .. بعد يوم والا اسبوع والا شـهر .. وانا وش حادني اتحمل .. بس اخـاف اذا عاندتهاا تعادني وتعاملني بقسوه اشد من الحين .. والله موعارفـه شسوي .. بس ماني قادره اصبر لين الاسبوع الجاي الود ودي اعرف نتيجتي الحين .. اوووف اناطفشانه حتى جوال ماعندي والله الخدم بهالبيت مدللين وانا لا .. (وتسمع صوت يناديهاا ) اوووف هذي فرح بروح اشوف شتبي قبل ماتسوي لنا سالفه(وتروح لها غرفتهاا)
نغم: هلا فرح
فرح بغرور: وسمخ ماتسمعين؟
نغم: اسـفـهـ .. ماسمعتك زين
فرح: زين ركبي سماعه مره ثانيه .. الله ياخذ هالوجـه المعفن
نغم: امـري فــرح
فرح: روحي حطي لي حلا وبيبسي
هيفا: بس الببسي يخرب الرجيم
فرح: اي صح .. جيبي دايت
نغم: من عيوني .. هيفا تبين شي
هيفا: لا ماابي شي (وتروح نغم ويرن جوال هيفا)
هيفا بفرح: اوووه سعودي .. (وترد) هلا سعد
سعد: هلا بزوجـه المستـقبل
هيفا: اشتقت لك
سعد: وانا اشتقت لك اكثر ياهيوفتي بس والله انشغلت بهالسفره وتصدقين عاد الحين اكلمك بالمطار
هيفا: فديت روحك... طيب روح البيت ناام وارتاح وبعدين كلمني
سعد: مااقدر اصبر عنك دقيقه وحده.. هيوفتي اسف لاني ماكلمت بباريس كثير بس كنت مشغول
هيفا: عاذرتك ياسعد المهم اننا نكلم بعض الحين
سعد : طيب هيوفتي انا شوي واكلمك معي خط ثااني
هيفا: طيب موتطول علي .. باي
سعد: باي (ويرد عالخط الثاني) الو هلا
ويرد عليه صوت ناعم.......: الحمدلله عالسلامـه
سعد: الله يسلمك .. مين معاي
.......: موانت سعد عبدالرحيم
سعد: ايه نعم
............: يعني انا موغلطانـه
سعد: اختي وشبغتي
.............: بغيتـك
سعد: وش هالوقـاحـه
..........: عادي خلك فري والا دراستك بباريس ماعلمتك شلون تكون فري
سعد بـأستخفاف: اوووه الاخت تعرف كل شي عني
..........: اكيييد مااتصلت الا وانا عارفه مين ابي وشنو ابي
سعد: وشنو تبين مني
..........: ابي اشغل قلبك واقلب حياتك فوق تحت
سعد: الحمدلله والشكر .. شكلك مراهقه واتصلي بالشخص الخطا
المتصله: ليش تقول كذا تبي تسكر
سعد: انا متزوج
المتصله: وكتب الكتاب يسمونه زواج
سعد: اوووه الظاهر ماخذه برنت كامل عني
المتصله: قلت لك مااتصـلت الا وانا متأكده شنو ابي
سعد: والظاهر انتي انسـانـه فاضيه وودك حد يكون فاضي مثلك ويسولف معك وانا ماعندي وقت لسخافتك باي(ويسكر)
/
/
/
/
/
/
" يــاسلام شنــو باي .. ماكملت كلامي" قالتها وهي تكلم ولدهاا الصغير
ابراهيم: يمه كل يوم نفس الموال وانا اعطيك نفس الاجـابه
ام مشعل: كل يوم وكل ساعه وكل وقت رح احن عليك بهالموضوع لين تقتنع فيــهاا
ابراهيم: يعني انتي على بالك اذا حنيتي علي رح اقتنع فيهاا.. او اغير رايي
ام مشعل: كثر الدق يفك اللحام
ابراهيم: بصراحـه ماماي انا ماابيها تخرع اخاف منهاا الواحد يتزوج وحده حلوه وجه الواحد يتصبح فيه .. مووحده وجهها مايبان من كثر الضرب بصراحه نغم تخوفني
ام مشعل: والله عاد موبكيفك رح تاخذها غصب عنك واول ماتخلص ثانويه بتاخذها عشان محد يتمتع بفلوسها غيري انا وانت
....... انصدمت من الكلام اللي سمعته معقوله ابراهيم يقول كذا عنهاا .. تمالكت اعصابها ودخلت المطبخ..
ام مشعل: وش تبين ياوجـه النحس
نغم: بحط حلا حق فرح وبطلع
ابراهيم: نغم اذا خلصتي تعالي بوريك ساعات توني شاريهم
نغم: مااقدر راسي يعورني بروح انام (وتحط الحلا وتطلع)
ام مشعل: الحين دامك ماتحبها ليش كل شوي تناديها
ابراهيم: فيه فرق بين الحب والاستشاره.. واانا استشيرها بالملابس اللي اشتريهاا لان محد منكم يعطيني وجـه وبس يعني نغم مثل مرافقتي الشخصيه
/
/
/
/
/
/
حــطت الحلا حق فرح وراحت لغرفتها بسرعه ماهي مصدقه الكلام اللي سمعته ودموعهاا على خدها مثل النــهر
نغم: معقوله ياابراهيم ماتحبني وكل تعاملك معاي طلع وهم بوهم وهم انا اللي سويته وعشت معااه معقوله انا مثل مرافقتك انا صرت لك بودي غارد ليش ياابراهيم ليش.. ليش تعيشني بحلم جميل وبعدين تاخذه مني ليش ياابراهيم ليش .. الظاهر اني كنت اضحك على نفسي او انت بتصرفاتك تضحك علي
/
/
/
/
/
" لااضحك عليك ولا شي انا اتكلم من جد"
جاسم: من جدك بوريم شنو يعني جنس ثالث
بوريم: يعني معقوله ماسمعت بشي اسمـه جنس ثالث من قبل
جاسم: ايه سمعت .. بس موعارف شنو يعني وماشفت هالجنس الثالث اللي يقولون عليه
بوريم: بس كذا الحين اوريك .. (وبأعلا صوته)شباب وين الدلوعه
واحد من الشباب: الدلوعه داخل تبي اناديها
بوريم: اي وقولها تتكشخ لان جاسم الراسي هنيه
الولد: من عيوني بوريم
جاسم وهو موفاهم شي: ومين هذي دلوعه بعد
بوريم: هذي .. اوهذا رح تستانس عليها جنس ثالث
جاسم: يااخي دوختني شنو يعني جنس ثالث
بوريم: الحين بتعرف شنو يعني.. (ويلفت) هلا والله بالدلوعه
(وتجي او يجي الدلوعه ولد عشريني حلو بمعني الكلمه حاف حواجبه وحاط ميك اب ناعم بس حلو عليهـ/ـا ولابس بنطلون ضيق وبلوزه طويله فوق الركب بشوي تقريبا وشعرهـ/ـا لحد الكتف وعلى فوق وتمشي بدلع كأنـه بنت ويوم شافه جاسم ماشك ولاواحد بالميه انه يكون ولد
الدلوعه بدلع: هلا والله ... هذا جاسم الراسي
جاسم: بوريم مين هذي ..(وبعد صمت) وصلت معاك تجيب بنات بالشقه
بوريم وهو ميت ضحك: هههههههههه .. هذي الدلوعه
الدلوعه: جاسم تعال معاي الغرفه ابيك بموضوع
بوريم: يلا عاد جاسم لاتتغلى روح معاها .. مواانت تبي تعرف شنو يعني جنس ثالث
الدلوعه بدلع : انا رح اعلمك شلون نظري وعملي
بوريم: هههه واهم شي العملي
الدلوعه: لاتوصي حريص(هنا كل الشباب بالشقه قاموا يطالونهم)
الدلوعه: يلا جسومي
جاسم: تخسين ماني رايح معك لاي مكاان
الدلوعه بدلع ومياعه متصنعه: لالالا .. انت لازم تجي معي انا رح اقولك المقدمه هناا وبالغرفه الملخص
جاسم وهو موفاهم شي: ايه اخلصي
الدلوعه: جنس ثالث يعني لاذكر ولا انثى بالنص
جاسم قام وهو معصب وقال: تف عليك وعلى شكلك يللي تبيع رجولتك بثمن رخيص .. الشرهه موعليك الشرهه على بوريم اللي مخلي شقته ملفى لهالاشكال (ويطلع)
الدلوعه: جاسم جاسم
بوريم: الدلوعه لحقيه بسرعه وخذي بخاطره ترى وراه ملايين
الدلوعه: افاا عليك والله مااخليه
ولحقت الدلوعه جاسم لين السياره
الدلوعه وهو يطق شباك سياره جاسم: جاسم جاسم
جاسم وهو يفتح شباك سيارته قال بقرف: وانت شسمك؟
الدلوعه بمياعه: انا الدلوعه
جاسم: انت ماتستحي يكون عندك شوراب والا من وين لك شوراب وانت حالقهم .. وبعدين مااتستحي على رجولتك شلون رح تقدر تتزوج ويصير عندك اعيال .. وانت.. دلوعه الرجاجيل اخس على الرجال اللي كذا .. (ويروح)
الدلوعه: والله مااخليك والله لارويك ان ماجبت راسك مااكون انا الدلوعه
/
/
/
/
/
/
ببيت بومشعل كانت ام مشعل توها جايه من غرفتها وتشوف حرمـه بالصاله قاعده مع بناتها ونغم توها جايه من بعد ماقدمت لهم العصير
ام مشعل: هااايي انتي يالشينه
نغم: سمي عمتي
ام مشعل: عمت عينك مين هالحرمـه اللي بالصـاله
نغم: هذي الكوافيره ام راكان
ام مشعل: طيب يلا انقلعي الحين ولاتجين بعدين عشان ماتفشلينا
نغم: ان شاء الله (وتروح)
وتدخل ام مشعل: السلام عليكم
الكل: وعليكم السلام
فرح: طيب ياام راكان ماقلتي لنا وش اسمك
ام راكان: اسمي هبه
فرح: عاشت الاسامي عاد تصدقين اسم ام راكان مكبرك انا رح اناديك هبه
هبه وهي تبرد اظافر هيفا: اللي يريحك
هبه: اوكي خلصت الحين فيه شي ثاني
هيفا: لاخلاص مشكوره
هبه: طيب ولاعليك امر وين الحمام
هيفا: تعالي انا بوديك(وتوديها)
ام مشعل: الحين هذي شغلها عدل
فرح: ايه ماشاء الله عليها شغلها مافي احسن منه
ام مشعل: وشسوت لكم
فرح: انا استشوار وبدكير وهيوف بدكير ومنكير وميك اب
ام مشعل: وكم عطيتوها على هذا كله
فرح: ماله داعي اقولك عشان ماتفتحين لنا محاضره عالسعر
ام مشعل: اقول قولي قبل ماتطلع اخلاقي
فرح: 800 ريال بس
ام مشعل وعصبت: بس وتقولينها ببرود اعصاب بعد ايه مودافعه من كيسك عشان تحسين بالمبلغ
فرح: ولامن كيسك يمـه خلاص سكتي الحرمـه جات
وتجي هبه مع هيفا
هبه: اجل انا استأذن الحين
هيفا: اوكي عاد خلينا نشوفك .. وترى كلمت السواق وهو ينظرك برى
هبه: طيب اوكي (وتطلع)
ام مشعل: مالكم حق تعطونها هذا كله .. ولا سواقنا يوديها ويجيبها بعد
هبه: اوووه بدينا
فرح وهي تطالع اختها وتقولها بهمس: الحين وشيسكتها (وتقول بصوت عالي) يمه شوفي شنو اخذت منها (وتوريها مجموعه المناكير اللي خذتها)
هيفا: بكم خذتيها
فرح: سرقتها مواخذتها
ام مشعل: ايه كفوا والله بنتي ولو انك عطيتها اكبر من اللي خذتيه بس يلا اوكي ع الاقل بردتي قلبي
هيفا: ماتخافين
فرح: لا سهله جدا .. تبين اعلمك
هيفا: لا شكرا ماابي
ام مشعل: مالت عليك طول عمرك خيبه تعلمي من اختك شوي
هيفا بخاطرها(احنا عندنا كل شي ليش نسرق)
( على فكره ام مشعل طول عمرها تعلم بناتها وتحثهم عالسرقه .. فرح حبت الفكره وصارت متمرسـه اما هيفا خوووافه وماتسويها من الخوف وتحس انها موبحاجـه للسرقه)
اليوم التـــــــــــــــــــالي
ببيت ام اريج كانت ام اريج بالمستشفى مع محمد اللي عنده موعنده موعد وكانت اريج صاحيه من بدري وكلمت اللي ببالها على طول
اريج: الو
رائد وهو توه صاحي من النوم يتكلم بصعوبـه وقال: الو .. هلا حياتي
اريج: اهلين .. صباح الخيـر
رائد: صباح النور
اريج: حبيبي انا جوعانه
رائد وهو يفز من مكانه: ماعاش من يجوعك .. مستحيل تجوعين وانا عايش اذا مت هذاك الوقت جوعي ... الحين بقوم واجيب لك فطور
اريج: طيب حبيبي لاتـتأخر
رائد: ثواني وانا عندك(ويسكر)
انتظرت اريج ربع سـاعه وبعدها جاها اتصال من رائد
اريج: الو هلا رائد
رائد: حبيبتي انا عند باب شقتكم الحين
اريج: اوكي ادخل الباب مفتوح
رائد: امك ومحمد للحين بالمستشفى
اريج: ايه للحين ومطولين بعد .. يلا حبيبي ادخل
ويدخل رائد وكانت الانوار طافيه ويسكر الباب وتدخل اريج مع كيكـه عيد الميلاد وفيها شمع بـ 23 وتشغل الشريط
اريج: سبرايز
رائد وهو يضحك: هههه .. سويتها فيني مره ثانيه
اريج وهي تفتح النور وتجلس على طاوله الطعام هي ورائد: كل عام وانت بخير ياحب حياتي
رائد: وانتي بألف خير يارووحي
اريج: عجبتك مفاجأتي
رائد وهو يتأمل وجـهها البرئ بحب: كل شي من الحلو حلو
اريج وتبسم: شفيك تطالعني كذا
رائد وهو بنفس نظراته: احبـــك
اريج وانحرجت وحمرت خدودها قالت: يسـلمووو .. يلا نحتفل(وتشغل المسجل وتحط اغنيه اجنبيه كلاسيك)
اريج: تسمح لي بهالرقصه
رائد: مااعرف ارقص .. تبين تحرجيني؟
اريج: اعلمك .. مافي حد يطلع من بطن امه عالم .. ممكن
رائد ويبتسم باعجاب: اكييييد ممكن
(وقاموا يرقصون طبعا رائد مايعرف بالبدايليومه بس اريج مشتهاا له وعلمته الخطوات)
اريج: رائد شنو امنيتك لهالسنـه
رائد: اكون معك السنـه الجـايه واحتفل وياك بعيد ميلادي
اريج: نفس الامنيه وتتكرر كل سنه بعيد ميلادي وميلادي اوعيد تعارفنا
رائد: هههه .. هذي احسن واحلا امنيه والحمدلله انها تتحقق والحين ممكن تخليني اطفي الشمع ..
اريج: تتهرب من الرقصه بطريقه دبلوماسيـه .. طيب بس عقابا لك الصيف هذا رح تشترك بنادي الرقص بمصر وممنوع تقول لا
رائد: وانا اقدر اقول لا
اريج: طيب ياحياتو يلا نطفي الشمع وعقبال الميه سنـه
رائد بعد ماطفى الشمع: لاحرام عليك ميه سنـه ماابي اصير شايب يكفي الحين اني كبرت سنه(ويجلسون)
اريج وهي تقطع الكيك: ههههه .. توك ياقلبي عمرك 23 سنه عز الشباب يااحلا واول شاب عرفته وحبيته بحياتي كلها
رائد وهو يطالعها باعجاب قال بهمس: احبك
اريج وهي موسامعته: ايه
رائد باعلا صوته: بحــــــــــــبك
اريج وهي تضحك: فضحتنا يامجنون .. طيب لحظه يامجنون جوجو
(وتروح وتجي ومعاها هديه) اريج: افتحهاا
رائد: ليش كلفتي على نفسك ياحبيبتي
اريج: لاكلافه ولاشي ياروح روحي افتحـها
رائد: من عنوني(ويفتحها)
اريج: ان شاء الله عجبتك
رائد وهو مستانس: يسلموو حبيتي بس موكأنـها غاليه
اريج وتغمز له : الغالي يرخص لك .. المهم تعجبك
رائد: ساعه من غوتشي والموديل اللي احبـه وشلون ماتعجبني .. عشان كذا كنتي مصره اني مااشتريهاا
اريج: لانوو احترت مافي شي ماجبته لك وكل شي عندك ويوم شفت اصرارك على هالساعه .. قلت لازم انها تكون مني عشان تحبهاا اكثر
رائد : الله لايغير علينا ياجوجو
اريج: طيب ياالبي مش ناوي ناوي تاكل التورته اللي اطعتها لك .. ماتعمليش فيها غريب ياواد ده البيت بيتك
/
/
/
/
/
ببيت اهل شهد كانت شهد تطالع التلفزيون بالمجلس مع اعيال اختها ويدق الباب وتروح شهد
شهد: ميــــن؟
.............: انا مندوب البلديه
شهد بخاطرها: مندوب البلديه شسالفه.. وتقوله: اخوي وشبغيت
المندوب: اختي مين صاحب هذا البيت
شهد: جدتي صاحبه هالبيت .. ليش
المندوب: اختي هالبيت هذا قديم حييل وله اكثر من 50 سنه ورح نهدمـه وعندكم مهله شهر ورح ننفذ القرار واختي استلمي هالقرار ووقعي عاالاستلام
شهد: ايه بس يااخوي وين نروح .. احنا ماعندنا غير هالبيت
المندوب: والله اختي انا بس مرسول ممكن توقعين عالقرار
شهد وتوقع عالاستلام قالت وهي تصيح: ياربي وين بنروح احنا ماعندنا غير هالبيت .. الله يستر
ببيت بورائد كان جاسم قاعد عالنت بغرفته ويرن جواله
جاسم: اوووف .. الظاهر بوريم مارح يجيبهاا لبر بس ماله الا اني احقره .. والله تغير بوريم بس مستحيل انا اتغير مثله الله يهديه ويفكني منه ومن اشكـاله (ويسكر جواله ويكمل شغله)
اليــــــــــــوم التـــــــــــالي
كانت توها صاحيه من النوم وتقوم بتثاقل وتشوف السـاعه جنبها 8 وتشوف بوكيه ورد وفيه بطاقه مكتوب فيها (سامحيني يااغلا من عيوني .. احبـــك)
ابتسمت وقالت: فديت عيونك حبيبي
وفجأة يدخل مشعل: يعني رضيتي علي
فاطمه واخترعت من طريقه دخوله: بسم الله الرحمن الرحيم .. انت من وين طلعت
مشعل: طلعت من عقلك ودخلت قلبك
فاطمه: اصلا انت بعقلي وقلبي بوقت واحـد
مشعل: يعني سامحتيني
فاطمه: رغم اني كنت مره معصبه وزعلانـه منك بس مااقدر اطول بزعلي عليك
مشعل: طيب ياعمري .. دامك رضيتي علي قومي وخلينا نفطر برى
فاطمه وهي مومصدقه: شنو .. شتــقوول؟
مشعل: اللي سمعتيه
فاطمه: طيب وجوري
مشعل: جوري وديتهاا للروضـه يلا حبيبتي قومي انا بالموت خذت من ابوي اوف قومي الحين نطلع ونرجع بوقت طلعه جوري من الروضـه عشان ارجعكم للبيت واروح للدوام
فاطمه: طيب حبيبي عطني نص ساعه اخذ شور والبس واجيك
مشعل: اوكي حبيبتي رح انتظرك بالصاله لاتتاخرين علي
فاطمه: مارح اتاخر عليك حبيبي
/
/
/
" من سجـك انتي لا تمزحين .. حرام عليك هذا مووقت مزح.. كلامك هذا معنااه اننا بعد شهر بنكون بالشارع .. انا موقادره اصدق .. شهد ليش ماقلتي لي هالكلام من امس"
شهد: امس رجعتي متأخره وكنتي تعبانه وماحبيت ازيد همك هم وبعدين امس والا اليوم نفس الخبر البايخ ونفس الشي مومهم (وهي فيها الصيحـه) الا مهم بس وين بنروح
هبه: طيب وين بنروح وشبنسوي .. ياالله اقل شقه لازم لها مقدم مو اقل من عشر الاف وانا راتبي مايجي لاخر الشـهر الا وهو منتهي ياربي شسوي .. والله محتاره احنا 7 اشخاص موعارفه شسوي؟
شهد بتردد: طيب ماتقدرين تسوين شي
هبه وعيونها تدمع: طول عمري وانا اسوي كل شي .. كل شي .. بس الحين الله يعيني الظاهر اني مارح اقدر اسوي شي بس لازم اسوي شي .. شهد احنا جاتنا فتره كنا بالشارع تذكرين والحمدلله الله سخر لنا جدتي يعني الحين الحمدلله احسن انا رح اسوي اي شي عشان مانرجع للشارع اللي جينا منه ان شاء الله لواحط على ظهري سلفيات الدنيا بس المهم اننا مانطلع من هالبيت الا لبيت ثاني
شهد وهي تصيح: عساك عالقوه ياهبه بس لاتضغطين على نفسك واللي خلقنا مارح ينسـانا
هبه وهي تقوم من سريرها: عادي طول عمري اضغط على نفسي مومشكـله المهم راحتكم .. احس اني تشـائمت من هاليوم بسبب اسوء خبر صبحت فيه .. يالله صباح خير(وتقوم)
شهد وتتحلطم: والله انا غبيه توها صاحيه من النوم واصبح عليها بهالخبر بس اليوم والا بكره كله نفس الشي اووووف خلني اكلم رئود وتتصل ويرد عليها
صباح: صباح الخير رئودي
...........: صباح النور انا مورئودك انا جسوم اخوه الصغير
شهد وخافت: اوكي اسفه يلا باي(وتسكر) وييييه مين هذا جاسم خلني امسح الرقم (تمسح الرقم ويتصل)
شهد ترد بخوف: نعم
جاسم: شدعوه جوجو ليش سكرتي
شهد: ويييييع قطيعه انا اصير هالمصريه المعفنه لاعاد تدق فاهم انا اتصلت غلطانه باي(وتسكر)
جاسم: يه شفيها ذي نفسيه (ويجي رائد)
رائد: مين كنت تكلم
جاسم: وحده داقه عليك وفكرتها جوجو وقلت بسلم
رائد : جوجو (ويسحب منه الجوال بعصبيه ويفتش بسجل المكالمات ويقول: هذي موحبيبتي هذي وحده مزعجـه
جاسم: مزعجـه وتعرف اسمك
رائد: وخير ياطير يعني كله الا اسم بس اذا رن جوالي مره ثانيه لاترد الا اذا كان من الاهل وهالمزعجـه ذي شكلي رح اشكتي عليها بالاتصالات
جاسم: شدعوه احقرها حرام تجرحها وتجيب ولي امرها وتصير مشاكل
رائد: تستاهل والله ازعجتني سنه ونص وهي تلاحقني مازهقت
جاسم: عشان كذا غيرت رقمك 3 مرات بس هالرقم بأسمي شلون جابته
رائد: شفت شلون قلت لك غثه
جاسم: طيب واللي يخلصك منها
رائد: شلون .. لاتقولي تتعرف على هالاشكال
جاسم: لا واللي يعافيك ,, انا موحق هالسوالف ,, احولها على ولد العم
رائد: برهوم ,, للحين مع هالسوالف
جاسم: لين بكرا
رائد: طيب اوكي بس اسبوع واحد فرصه لك والا رح اشتكي عليها .. ايه صح ترى هذا جوال اختها موجوالها يعني خله ينتبه واسمها شهد وتدرس اخر سنه بالثانوي .. والحين يلا خلنا نروح للجامعه اخذ نتيجتي واخيرا تخرجت
جاسم: مبروك التخرج وعقبالي
رائد: اميييين بس توك ياحلو بالبدايه
))


SWLAF ©؛°¨غرامي مشارك¨°؛©

قاعده بالمكتب ومنهمكه بالعمل وتراجع طلبات الالتحاق اللي عندها وتشيك ع الكمبيوتر وتكلم السكرتيره
بشرى: نجوى لاتحولين لي اي اتصال وخلي العارضات يدخلون وحده وحده عشان اختار منهم اوكي (وتدخل اول عارضه: مرحبا
بشرى: اهلين انتي ايمان ماجد
ايمان: ايه نعم
بشرى: اشتغلتي قبل كذا بعرض الازياء
ايمان: لا هذي اول مره
بشرى: طيب كلميني عن نفسك
/
/
/
/
/
/
/
"عمرها 18 سنه اخر سنه علمي .. حالتهم مره على قدها .. الكل يعرفها بالمدرسه ومحبوبه والبنت حلوه وهذا كل اللي اعرفه عنها " قالها وهو قاعد يسوق السياره ومعاه اخوه
جاسم: طيب اذا حلوه ليش ماتعطيها وجه
رائد: عندي اللي احلا منها وتسوها وتسوى اهلها
جاسم: تصدق توني ادري ان اخوي ولهان ومغروم
رائد وقالها من قلب: اوووه .. من زماان وانا مغرم وانتوا توكم تدرون
جاسم: والله انت اللي توك تعترف .. طيب يااخوي الكبير ياقدوتي انت
رائد: مع اني ادري انك الحين تقول بخاطرك امحق قدوه بس الحب موعيب ولاحرام
جاسم: لاوالله موهذا اللي ببالي .. الحين صحيح علاقتك فيها موعاجبتني بس انت اخوي الكبير انا نصحتك مره وانت حر اذا ودك تسمعني والا لا
رائد:موبيدي مااقدر اتركها احبها والله احبـهاا
جاسم وهو يضحك: ههههه .. شدعوه شسوت فيك هالجوجو .. عموما وبعدين
رائد: شنو وبعدين
جاسم: يعني تحبها وتحبك لين متى؟
رائد: الى مالا نهايه
جاسم: يعني مافكرت
رائد: جاسم شفيك الله يهديك تقول الغاز افكر بشنو؟
جاسم: انت شنو تفكيرك بأريج.. يعني شرايك فيها
رائد: خوش بنت وهي كل حياتي
جاسم: لا .. انت الظاهر مافهمتني والا قاعد تستغبي شوي يعني مافكرت تتزوجـها
رائد وتغيرت ملامح وجـهه قال بأستغراب: اتزوجـها؟
جاسم: ايه تتزوجـها.. اجل ليش تكلمها وتحبها وتحبك كل هالسنين
رائد: زواج .. والله ولامره فكرت بالزواج ولاجاء على بالي اصلا
جاسم: طيب انا اسألك الحين بتتزوجها والا لا
رائد: انت تفكر كلمه الزواج كلمه سهله الزواج مسؤوليه وانا توني متخرج من الجامعه ورح اعاون ابوي بالشركـه انا وين والزواج وين؟
جاسم: طيب لو سألتك هالسؤال شنو رح تقول لها وشنو رح يكون ردك عليها
رائد: ماادري .. بس جوجو ولامره سألتني او فكرت تسألني وهالموضوع سابق لاوانه
يعني حتى لو سألتني ماعندي لها اي رد
::
::
::
::
بعد اســبوع انتـــهت اجازه الترم الاول لطلاب المدراس ورجعوا للمدرسـه وبمدرسـه البنات الثانويه وتحديدا بفصل شهد واريج كان عندهم حصه فراغ
نوره: شهود البنات يقولون ان المدرسات رح يعطوننا مستوياتنا بعد الفسحـه
شهد بلا مباله: طيب
نوره: شنو طيب موكـأنك متحمسه
شهد: وش تبيني اسوي يعني اقوم ارقص
نوره: زين زين هدي اعصابك لاتاكليني
شهد: سوري نوره بس والله متضايقه
نوره: عسى ماشر شفيك
شهد: ماشر بس مالي خلق شي
نوره: اكيد تحتاتين النتيجه يالدفره
شهد بخاطرها(ياليت هالدنيا مثل النتيجـه نسايرها بشويه جهد وتعب .. هالدنيا كل مانسايرها تعاندنا)
نوره: شهد وينك .. قاعده اتكلم لحالي
شهد: نوره خليني بروحي مالي خلق
(وتدخل طالبه من طالبات الفصل معاها ملف فيه مستويات البنات)
الطالبه: بنات اللي تسمع اسمها تجي توقع وتاخذ شهادتها
البناات بزحمه: انا انا انا
الطالبه: اوووه بالاسماء وبالدور (وتنادي الطالبات) اريج عبدالرزاق
اريج: ايوه يااسماء بشريني
اسماء: مبروك ممتاز طبعا .. (وتروح اريج وتوقع وتاخذ مستواها)
زينه: هااه بشري يالدفره
اريج بدون اهتمام: 97,10
زينه: حلو ليش كم تبين ليكون حاطه ببالك طب
اريج: لاطب ولاشي بس امي بتسوي لي مناحـه تبيني اجيب عالاقل 99%
زينه: قولي الحمدلله على كل حال
اريج: والله انا مستانسه نسبتي عاجبتني بس الله يعنيني على امي وعلى رائد
زينه: رائد بكلمتين حلوين ينسى الموضوع ونفس الشي امك
اريج: امي ورائد اقدر اكسبهم بـأي موضوع الا الدراسه .. بس والله انا سويت اللي علي وهذا مقدر ومكتوب وبشد حيلي هالترم
زينه: لاتضغطين على نفسك ولاشي ع الاقل نسبتك تدخلك طب اسنان
اريج: والله مصدقه انتي .. تخيلي طول عمري اقعد واطالع بحلوج الناس ويييع ههههه
زينه: هههههه ياخفه دمك ياختي
وبزوايه ثانيه من الفصل كانت شهد تتحلطم
شهد: اوووف ليش هالنسبه بس انا ذاكرت زين والله ذاكرت زين
نوره: شهود شفيك نسبتك زينه وانتي الاولى ع الفصل
شهد: بس الثالثه ع ثوالث علمي
نوره: بدينا بشغل الدفره
شهد: مابدينا ولا انتهينا بس انا وعدت هبه اجيب 100%
نوره: شهد شفيك انتي سويتي اللي عليك ولاتضغطين على نفسك اكثر نسبتك حلوه99,97 وحاولي تستمرين على هالنشاط واهم شي نسبتك تدخلك طب
شهد: كان ودي افرح اختي
نوره: صدقيني رح تفرح ياعمري وبعدين شوفيني انا جايه 92% وفرحاانه .. تتوقعين نسبتي تدخلني علوم طبيه
شهد وتبتسم: مدري
نوره: ايه خلينا نشوف ابتسامك اللي ماشفناها من الصبح
شهد: انتي تبين تدرسين علوم طبيه
نوره: انا وجهي وجـه علوم طبيه انا ابي حاسب ويخب علي بعد .. اقول شهود طلبتك وقولي تم
شهد: امري
نوره: تعالي عندنا البيت اليوم
شهد: اوكي ماطلبتي شي من عيوني .. تتوقعين مين الاولى
نوره: ماادري يقولون وحده بـ 3 ع 1 ماخذه النسبه كامله 100%
/
/
/
/
/
/
" الف الف الف مبروك .. ماشاء الله عليك انتي رفعتي روسنا كلنا كل الراسي رح يرفعون راسهم فيك .. انتي موبس الاولى ع المدرسـه انتي الاولى عالمملكـه كلها يالغاليه" قالتها وهي ميتـه فرح ..
نغم وهي توها تفسخ عبايتها: عاد تصدقين اول ماقالت لي المدرسـه ماصدقت حسيت اني بحلم
فاطمه: الله مايضيع تعب احد وانتي تعبتي لين وصلتي لهنا بس تذكري الوصول للقمه سهل والمحافظه عليه هو الصعب
نغم: الحمدلله على كل حال انا قطعت نص المشوار والنص الثاني من بكرا رح امشي فيه
ام مشعل جات بشرها: خير ان شاء الله وشهالازعاج
فاطمه وتتعمد تقهرها: تعالي باركي لنغم ماخذه الاولى عالمدرسـه والله رفعت راس الراسي فوق ملينا من الفشل اللي بالفتره الاخيره وهالعايله مافيها الابشرى اختي وبنت عمي نغم
ام مشعل: مليتي من الفشل ليش تتكلمين عن نفسك
فاطمه: الحمدلله انا موفاشله ولاشي انا درست الثانويه وتخرجت بمجموع عالي ودخلت الجامعه وتخرجت مع مرتبه الشرف بس ماحبيت اشتغل وتزوجـت الدور الباقي عاللي يدخلون اعيالهم بالواسطات لهالجامعات والكليات الحكوميه والاهليه وياليت ينفع بعد كله رسوب برسوب
ام مشعل بغضب: نغم ووجع روحي سوي الغدا يالخايسه
نغم : ان شاء الله عمتي
ام مشعل: عمت عينك ان شاء الله يلا انقلعي بسرعه
..... ماامداها تروح لغرفتها وتغير ملابسها حتى جاتها ام مشعل بكل شر...
ام مشعل والشر يتطاير من عيونها: وين الغدا
نغم: الحين ربع ساعه ويكون جاهز
ام مشعل: وتقعدينا ربع سـاعه عالجوع
نغم: خلاص الحين استعجل فيه
ام مشعل وبغضب: وتصارخين علي بعد
نغم بكل خووف: والله ماصارخت
ام مشعل: وتكذبيني ياللي ماتستحين (وتنهال عليها بالضرب بدون رحمه ولا شفقه وبعد ماخلصت من ضربها امرتها انها تسوي الغدا وراحت نغم مع كل هالجروح والكدمات اللي بوجهها والدم للمطبخ تطبخ الغدا ويدخل ابراهيم المطبخ ويتفاجـأ من شكلها
ابراهيم وهو متفاجئ: نغم شفيك
نغم بكل تعب: ولاشي كالعاده
ابراهيم وهو مصدوم: وتبين تسوين الغدا بعد والخدامـه وينها يلا بس قومي وارتاحي بغرفتك وانا رح اجيب غدا من برى
نغم: لا لا لا عمتي رح تسوي لي سالفه
ابراهيم: ماعليك منها انا بتفاهم معاها يلا قومي
(نغم كانت موقادره تمشي ومسك ابراهيم بيدها يساعدها عالمشي ووداها لغرفتها وخلاها ترتاح وتنام وشافتهم فرح وعلى طول راحت لامـها )
/
/
/
/
/
ام مشعل: انتي متـأكده من الكلام اللي تقولينه
فرح: والله العظيم متأكده وشايفتهم بعيوني اللي تاكلها الدود اخاف ولدك يتعلق فيها ويصف معاها ضدك
ام مشعل: مستحيل ابراهيم يسويها ولدي وانا اعرفه
فرح: ايه ولدك بس ماتدرين يمكن يتعلق فيها ولاتنسين انك انتي اللي تحلينها بعيونه .. لحقي على ولدك لايطير من يدك مثل ماطار مشعل ويصيرون اعيالك خواتم باصابع حريمهم لو تشوفينـه شلون كان ماسك يدها ويمشيها كأنـها اميرته بصراحـه كأنهم روميو وجوليت
/
/
/
/
/
" اي روميو يمه .. انتي ماشفتي شلون حالتها .. تكسر الخاطر حرام عليك يايمه من اول يوم دخلت فيه البيت وانتي تعاملينها اسوء معامله ومعامله الخدم احسن منها حرام عليك يمـه .. اتقي الله الله رح يسألك عنها يوم القيامـه شنو رح يكون ردك على ربك يمـه
انصدمت ام مشعل من كلام ولدها المدلل وخافت يكون كلام فرح صدق وقالت: أنت تحبها؟
ابراهيم وهو مندهش من صغر عقل امـه: يمه معقول يكون عقلك صغير لهدرجـه ... البنت كانت رح تروح فيها وكسرت خاطري رغم كل هالكدمات والدم اللي بوجـهها مصره انها تطبخ خوفا منك يمـه .. يمه ترى البنت ضعيفه ومهما تماسكت رح يجيها يوم ويصير فيها شي يمـه وان صار فيها شي ترى ذنب نغم برقبتك ليوم الدين لاتنسين ان في كتفك ملكين يسجلون كل اللي تسوينه وظلمك لها رح تشوفينه فيك او في واحد منا ولو صار بنغم شي وراحت للمستشفى رح يحققون معهاا ولو اعترفت بكل شي مارح يتركونك بحالك وقبل كل هذا وهذا تذكري فيه فوقك رب اكبر من كل كبير وترى الله يمهل ولا يهمل
ام مشعل وكلام ولدها ماهز فيها شعره ولااهتمت لكل اللي قاله ومصره تلاقي جواب لسؤالها قالت بكل غضب: اقول ياروميو بن باز تحبها والا لا
ابراهيم وهو معصب لان امه مااهتمت لكلامه قال بكل عصبيه: لا مااحبها ماما مااحبها مااحبها ارتحتي الحين انا رايح اجيب غدا من برى لان نغم تعبانـه(ويطلع)
ام مشعل: جعلها ان شاء الله تموت ويتكسر جسمها من التعب بس اهم شي مايحبها ولدي موناقصه احد ياخذ مني برهوم مثل مالهالخايسه نغم خذت مني مشعل وخلته خاتم بصبعها
/
/
/
/
/
ماامداها ترتاح الا وبنات عمها جايين بشرهم
فرح: انتي يالخايسه وش عندك مع برهوم
هيفا: اذا حاطه ببالك ابراهيم يعطيك وجـه يالمعفنه لاتحلمين بهالشي اصلا اخوي ابراهيم تلوع كبده منك
فرح: ودايما يقول لامي انه يخاف منك ومايعرف ملامح وجـهك من كثر الضرب
هيفا: احلمي على قدك يالشينه
نغم: الله يسامحكم مارح ارد عليكم
هيفا: لا والله .. الله يخليك ردي تكفين ردي عشان اعرف شلون ارد عليك بطريقتي الخاصه
نغم: استغفر الله العظيم
فرح: الحمدلله والشكر من شنو تستغفرين شايفتنا مجانين
نغم: ممكن تخلوني انام انا تعبانه وابي انام
هيفا: مصدقه عمرك انتي البيت بيت ابونا والقوم طردونا حمدي ربك لميناك من الشارع اللي جيتي منه
نغم: انا ماجيت من الشارع انا كنت عايشه بقصر احسن من بيتكم ولو ماصار بأهلي اللي صار ماجيت هنا
هيفا: وتعايرينا بعد.. الحين بنوريك شغلك
نغم: متوقعه كل شي منكم
فرح: وانتي ساكته لها وتاخذين وتعطين وياها يلا خلينا نكفخها ونشوف شغلنا (وينهالون عليها بالضرب ويكملون اللي بدت فيه امهم وبعد ماانتهوا من ضربها طلعوا)
فرح: اوووف احس هم وانزاح
هيفا: حرام كسرت خاطري
فرح: والله انك على نياتك هذي سوسه لايغرك شكلها تراها كلبه
هيفا: بس خفت يصير فيها شي ونتوهق
فرح: مارح يصير لها شي من عمر امي تطقها وماصار لها شي هذي مثل القطو اللي بسبع ارواح اللهم ياكافي
وببيت نوره صديقه شهد كانت شهد توها جايه وزايرتهم
نوره: ماقالت شي اختك على نتيجتك
شهد: الا استانست كثير والحمدلله خفف عنها الحزن شوي
نوره: شهود انتي صديقتي من اول متوسط قولي لي شفيك صاير معك شي
شهد: والله موعارفه وش اقولك يانوره.. انا مومتعوده اخبي عليك شي بس هالشي فوق طاقتنا كلنا.. البلديه عطتنا انذار وكلها كم اسبوع ونكون بالشارع
نوره: ليش
شهد: البيت اللي احنا ساكنين فيه قديم كثير والبلديه رح تهدمـه
نوره بأستغراب: وين بتروحون؟
شهد: ماادري والله هبه محتاره وموعارفه شتسوي راتبها كله يروح ومايبقى منه شي وحتى لووفرت اقل شقه مقدمها بالشي الفلاني واختي ماعندها شي
نوره: والله ماني عارفه شقولك ياشهد بس الله ماينسى خلقه واللي خلقكم مارح ينساكم
وجات افراح اخت نوره تقدم لهم العصير وجلست
افراح: معليه اعذروني قاطعتكم وبتدخل شوي .. بس فيه شقق يااخت شهد تقدرون تعطونهم مقدم 3 شهور بس يعني 6 او 5 الاف
شهد: المشكله ان اختي تشتغل شغلتين وراتبها مايوصل 5 الاف وحتى لو تسلفت ودبرت الفلوس من وين لها هالمبلغ كل 3 شهور او كل 6 شهور احنا وبهالبيت اللي ساكنين فيه وهو ملك ماتقدر توفر شي مايجي 20 الشهر والا والراتب مخلص اجل شلون والشقه ايجار والنقل والموصلات والفواتير
افراح: الله يعينها والله .. طيب انتي ليش ماتساعدينها؟
شهد: انا لو علي اترك المدرسـه واشتغل بس اختي رافضه هالشي مصره اني اكمل دراستي
افراح: طيب ادرسي واشتغلي
شهد: الكلام سهل بس التنفيذ صعب
افراح:لا صعب ولاشي انتي بس عزمـي واذا صممتي عندي لك شغله ويومين من الاسبوع وتطلعين منها الاف بس انتي وافقي وخلي الباقي على اختك افراح
/
/
/
/
/
/
نوره: تجاوزتي حدودك ياافراح .. روجاء ابتعدي عن شهد مالك دخل فيها
افراح: الحين هذي جزاتي يوم ابي لها الخير
نوره: الخير اللي يجي من وراك مانبيه .. شهد غير كل البنات اللي عرفتيهم واللي رح تعرفينهم عشان كذا خليها لحالها ومالك دخل فيها
افراح: انا ابي اعرف انتي على شنو شاطه عمرك وبعدين البنت حلوه وصغيره واهم شي محتاجـه
نوره: شنو يعني؟
افراح: يعني تنفع معانا بالقروب
نوره: شهود مو بحاجـه لكم ولا بحاجه لفلوس الحرام اللي تجي بسرعه وتروح بسرعه
افراح: اوووه الظاهر نسيتي نفسك ونسيتي ان فلوس الحرام اللي موعاجبتك هذي هي اللي خلتك تكملين دراستك وتحط لك احسن المدرسين وهي اللي قاعده تعالج امك المريضه اللي قاعده داخل وتوفر لها الدواء وفلوس الحرام هي اللي معيشتنا الظاهر نسيتي واذا ناسيه اذكرك
نوره: ماله داعي تذكريني ان فلوس الحرام هي اللي معيشتنا وانا بس ادخل الكليه واتخرج واشتغل رح ارد لك كل فلس
تقاطعها افراح: انطر ياحمااار .. وبعدين سمعي خلاصه الكلام شهد اذا جات عندي وطلبت مساعده مارح اردها فاهمه عن اذنك بروح اشوف امي
وبمـــجــمــع الظـــهـــران مول كانت اريج قاعده تتغدى مع زينـه ويرن جوالها
اريج: الو هلا رئود .. بالظهران مول ليه؟ اوكي انتظرك باي
زينـه : لاتقولين لي رائد بيجي
اريج: الا ليــه؟
زينـه: من جدك ناويه تفضحيننا
اريج: وليه افضحك؟
زينـه: اريج انتي تعرفين رائد وحركاته بيقعد يراقبنا
اريج: وليه يراقبك اصلا هو مارح يراقب حد غيري
زينه بغضب: تستهبلين مع وجـهك .. وانا معك يعني بيراقبنا وكأننا بزران
اريج: اووه زينـه خلينا نتغدى وبعدين ترى فضحتينا
زينه: لاني كم مره اقولك مااحب هالحركات وانتي دايما تطنشيني ولاعليك مني
اريج وزهقت منها: اوووه تدرين الحين بتصل بالسواق ونمشي
زينه وهي معصبه من حركات اريج: يكون احسن بعد وع فكره اريج اذا كل مره رح نطلع تنادين رائد اعذريني ماعاد رح اطلع معاك مره ثانيه
اريج: خلاص زينه فضحتينا خلاص(وتتصل بالسواق)
بنفس هالاثــــنــــــــــــــاء كان رائد توه يدخل المول وكان لحاله ويتصل باريج وتكون انتظار
رائد: ماشاء الله عليها انتظار(وتناديه بنت ويسكر ويروح لها)
البنت: لو سمحت
رائد: هلا
البنت: وووواووو ستايلك مره نايس
رائد: ثانكس
البنت: العفو.. بس ممكن تقولي من وين خذت ساعتك ونظارتك
رائد يطالع الساعه ويضحك ويتذكر اريج: ساعتي هديه .. بس نظارتي من فندي تامرين ع النظاره
البنت: لا شدعوه ههه بس امر على شي ثاني
(ومرت اريج مع زينـه اللي كانوا طالعين وشافت رائد يسولف مع البنت ويضحك)
زينه: اوووف شرف
اريج: موكأنه رائد اللي يتكلم مع ذيك البنت
زينه: ايه
اريج: مين هذي؟
زينـه: وانا شدراني؟
اريج: تدرين سبقيني للسياره وانا بلحقك
زينه: زين بس لاتتأخرين
اريج: طيب (وتروح لهم اريج)
البنت: يعني اسرار
اريج: هاي
البنت بأستنكار: انا اعرفك؟
اريج: وانتي مين كلمك
البنت: هدي اعصابك ماصار شي لهذا كله .. المهم رئود ماقلت لي يعني اسرار
رائد: لا مواسرار بس موضوع يخصني ومااحب اتكلم فيه لاي حد
اريج وعصبت لانهم حاطينها صفر عالشمال:............
رائد: فيه اي استفسارات ثانيه
البنت: نوو .. ثانكس فور يور تايم باي (وتروح)
رائد ويلفت لاريج: هاي سويت هارت
اريج : لاتصرف الموضوع مين هذي
رائد: ماادري وحده ملقوفه وتبي تتعرف وماعطيتها وجـه
اريج: ماشاء الله تعرف اسمك وكل هالضحك والسوالف وماعطيتها وجـه اجل شلون لو تعطيها وجـه
رائد: يوووه جوجو وش فيك تشكين فيني
اريج وهي منفعله: لا مو عن بس صراحـه شكلك يشكك
رائد: قصري صوتك احنا بمحل عام سويتي
اريج : لاتقولي سويتي ولاتحاول تمتص غضبي
رائد وبدء يطفش: اريج وبعدين
اريج: ايه اقلب السالفه علي هذي حركاتك تقتل القتيل وتمشي بجنازته
رائد: شكلك مره منفعله واي كلمـه بقولها مارح تتحملها عن اذنك ماني منتظر اسمع تهزيئ منك انا الغلطان اني جيت(ويروح)
/
/
/
/
/
/
بعد مازهق من اتصالاته ومكالمتـه ورسايله وتوسلاتـه رد عليه بدون نفس وقال
جاسم: نعم
بوريم: هلا والله
جاسم: خير بوريم
بوريم: شدعوه جسوم مايسوى علينا هذا كلـه
جاسم: انت ماتستحي على وجـهك .. ماتحس ماعندك دم
بوريم: معاك حق بكل اللي قلته واللي رح تقوله
جاسم : الحين اخلص علي وشتبي
بوريم: ابيك تسامحني.. ونرجع ربع مثل الاول جسوم
جاسم: مستـحيــــــل
بوريم: شدعوه جسوم انا رفيجك اخو دنيا
جاسم:للأســف كنت اخو دنيا بس الحين خلاص
بوريم: خلاص يعني شنو؟
جاسم: يعني صداقتك ماعادت تهمني ولا تلزمني
بوريم: طيب ياجاسم الله يخليك سامحني انا تغيرت
جاسم: جعله ينفعك تغيرك انا مالي دخل .. بوريم ياليت ماعاد تتصل
بوريم: طيب جسوم اسمعني بقولك كلمتين واذا ماعجبك كلامي اوعدك ماتشوف رقمي بجوالك واذا عجبك كلامي انا عازمك عالعشا عندي بالشقه
/
/
/
/
/
دخل البيت بعد ماكان شوي زعلان ومنرفز من حركـه حبيبته بس جاه مسج عالموبايل
(أســـفـــه حبيبي ماكان قصدي ... أحبــك)
رائد باس الجوال وابتسم على جيـه اختــه بشرى
بشرى: الحمدلله والشـكـر شفيك تبوس الجوال استخفيت
رائد: اقول بشوره استحي على وجـهك انا اخوك الكبير مع وجـهـك
بشرى: طيب تعال نجلس بالصاله بدل مااحنا وافقين عند الباب
ويروحون الصاله وينزل جاسم من غرفته ويجلس معاهم
جاسم: السلام عليكم
الكل: وعليكم السلام
رائد: واخيرا شفناك يابشـرى
بشرى: والله المؤسسـه شغلها كثير واضطريت اني اجلس لاخر الليل اليومين اللي فاتوا .. لانو بكره رح تنزل المجموعه الجديده
جاسم: خلونا من كلام الشغل الحين انا الحين جد صرت اقول ان بيتنا صار فندق الكل يدخل وينام وانا الوحيد اللي اقعد بالبيت
رائد: حرام عليك يعني انا مااقعد بالبيت
جاسم: لا والله ماتقعد بالبيت .. بس تدري معذور ومن الحب ماقتل
رائد ويقولها من قلب : ااااااه ... والله معك حق
بشرى: وش فيك تقولها من قلب الا اخبارها
رائد: زينـه
بشرى: عاد خاطري اشوفها
رائد: ان شاء الله تشوفينها عما قريب
بشرى: ان شاء الله بس متى
جاسم ويبي يقهرها: لازم موعد محدد .. لان اختك الحين صارت بزنس ومن يعني لازم موعد مسبق(ويضحكووون)
بشرى ومسويه معصبه: حرام عليكم عاد مولهدرجـه كل وقتي بالمؤسسـه
جاسم: تذكرين يوم كانت الوالده بالمؤسسه وتاخذ دوام اضافي هي ماكانت تتأخر كثير بس احنا كنا صغار وقتها ونعصب لو تأخرت وكنا نشوف هالكم ساعه اللي تتأخرها حييييل متأخره
بشرى: بس تدري بالشغل الوقت يمر بسرعه ومانحس فيه
جاسم: الله يوفقك ان شاء الله
بشرى: امييين
رائد: طيب وشصار معك عالجامعه لك كم يوم تغبين وبدون عذر
بشرى: انا فكرت بهالموضوع كثير واستخرت والحمدلله توصلت لقرار ارتحت فيه
جاسم: الموسسه والا الجامعه
بشرى: الجامعه مصدر للعلم وزياده الخبرات وتخصصي حلو ومطلوب بس الشهاده رح اخذها بس كذا لاني حبيت التخصص وحتى لو تخرجت مارح اشتغل بتخصصي او رح اشتغل مع ماما بالمؤسسه او افتح لي مشروعي الخاص يعني اختصرها واخذها من اخرها واشتغل مع ماما من الحين وبعدين الشغل مره عجبني
جاسم: يعني الف مبروك لمديره المؤسسـه الجديده
رائد: طيب المديره الجديده موناويه تعشينا يعني
بشرى: الا شدعوه الحين اقول للخدمات يسون العشا
جاسم: انا لاتحسبون حسـابي طالع بروح اتعشى عند بوريم
رائد: مين بوريم
جاسم: بوريم راعي الموسنج ايام الثانويه
رائد وتذكره : ييييييييييييه ... قديم انت .. اخباره بوريم
جاسم: ماعاد على خبرك تغير .. عموما انا تأخرت ارد واسولف لك باي
بـــــــشــــــــقه بوريم دخل جاسم المجلس وماكان فيه احد غير جاسم وبوريم
بوريم: واخيرا جيت ياجاسم والله اشتقنالك
جاسم بدون نفس: تشتاق لك العافيه بوريم
بوريم: انا فعلا تغيرت وابي اثبت لك الشي هذا
جاسم: ياليت تكون فعلا تغيرت
بوريم ويقوم: شنو تحب تشرب
جاسم: اي شي مومشـكلـه
بوريم: عن اذنك (ويطلع ويروح للصاله ويقابل الدلوعه)
بوريم: اسمعني انا بحط لجاسم شراب مع العصير وانتي ادخلي وشوفي شغلك زين
الدلوعه بدلع: اوكي تامرني على شي ثاني
بوريم: لا بس لاتنسين تشغلين الكميرا
الدلوعه: بس الكاميرا بغرفه النوم
بوريم: خلاص انا بخليه يشرب وبعدين بجيبه غرفه النوم زين
الدلوعه: وانا شسوي الحين؟
بوريم: خلك مستعده بغرفه النوم زين
الدلوعه: من عيوني ياعيوني
بوريم: وين الشباب
الدلوعه: الحين على وصول
بوريم: اجل خلاص بجهز الشراب وبروح له
(وبـــالمــجلــــــس )
بوريم ومعاه العصير يرحب بجاسم: حيالله من جانا
جاسم: الله يحيك .. اوووه نسيت موبايلي بالسياره بروح اجيبه
بوريم ومايبيه يطلع: لالا .. لاتجيبه خلك مرتاح هنا وكلم من جوالي
جاسم: دقايق مارح اتـأخر
بوريم: طيب استعجل
جاسم: اجل عن اذنك
بوريم ويروح للدلوعه: كل شي اوكي
الدلوعه: الشباب على وصول الحين .. بس اسمعني الفليم اللي عندي قصير ماينفع الحين
بوريم: كم مدتـه
الدلوعه: نص ساعه بس
بوريم: هههههه اه يالملعون تبي تستفرد .. طيب من وين لنا فليم الحين
الدلوعه: افاا عليك هذا جاسم الراسي واذا عالغلم لاتحاتي عندي فليم بالسياره بروح اجيبه
بوريم: بتنزل كذا
الدلوعه: عادي موحاط ميك اب عن اذنك بحاول اجي قبل جسوم
بوريم: اوكي (ويرن الجرس)
الدلوعه: ليكون جسوم؟
بوريم: لا هذولي الشله جسوم بيدخل من باب المجلس لانه مفتوح يلا امش عشان ادخل الشباب
/
/
/
/
/
وبســـيـــاره جاسم
جاسم: يحليلك يابوريم ... اجل تبي تسكرني وتصورني مع الدلوعه تخسي الا انت.. مابقى الا واحد مثلك يعبث مع اعيال الراسي
ووبــالباركنج كان الدلوعه بسيارته يدور الفلم (وهو متفاجئ قال): الهيئه من جابهم هنا .. خلني احط رجلي ,, اوووه وين المفاتيح يوووه نسيت مفاتيحي بالشقه خلني اغير ملابسي وانزل
(ويروح لسياره جاسم )
الدلوعه وهو يدق شباك سياره جاسم: جاسم جاسم
جاسم: مين انت
الدلوعه: انا بسام
جاسم وماعرفه: مين بسام؟
بسام: بسام عبدالوهاب
جاسم: مااعرف احد بهالاسم... ويتأمله انت الدلوعه
بسام بخجل: ايه
جاسم: اسف سيارتي مايركبونها اشكالك
بسام بتوسل: الله يخليك الهيئه قبضوا على شقه بوريم .. الله يخليك جسوم انا ضحيه من ضحايا بوريم
جاسم: انت اللي اخترت هالطريق بنفسك انت ضحيه نفسك قبل ماتكون ضحيه بوريم (ويروح عنه)
بسام: ياربي شلون اروح البيت الحين

((انتهـــى الجــــزء الثــــــــــالــــــــــــــث ))


SWLAF ©؛°¨غرامي مشارك¨°؛©

مافية ردود يعني ماتبون بارت اليوم
ok على راحتكم


ҳ̸Ҳ̸ҳms.claѕѕicҳ̸Ҳ̸ҳ ©؛°¨غرامي مشارك¨°؛©

واووو الراوية حيل تجنن ابدعتي واااصلي :)

أدوات الموضوع البحث بهذا الموضوع
البحث بهذا الموضوع:

بحث متقدم
طريقة العرض

موقع و منتديات غرام موقع سعودي خليجي عربي يحترم كافة الطوائف والأديان ومختلف الجنسيات
جميع الحقوق محفوظة منتديات غرام
iTraidnt by ROMYO
جميع الحقوق محفوظة منتديات غرام
iTraidnt by ROMYO

SEO by vBSEO 3.6.1