غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1
قديم(ـة) 15-10-2009, 10:19 PM
## عسل قلبي ## ## عسل قلبي ## غير متصل
©؛°¨غرامي جديد¨°؛©
 
روايتي الأولى : لا صرت دايم معي دنياي تعجبني


ببركة المولى عز وجل إليكم روايتي الأولى :


لا صـرت دآيـم معـي دنيـآي تعجبنـي ،،


بعد تشجيع حصدته من الكثير وتردد دام لفتره طويله قررت أن أبدء أولى خطواتي بين صفحات منتدى " غرام " لثقتي الكبيره به وبأعضاءه لتقييم بدايتي إن كانت تستحق أن تستمر أم لا فإليكم إبنتي الأولى

:
:
:
:


اللـــه يخليـــك سـآيـرنـي وطمنـــي ،، وآجـــه كلام العـوآذل كـذب ظنــونـي

خــذني عـلى قـد عقلـي بـس ريحنـي ،، قلـي احبـك وغيـض الـي يغيضـونـي

تبغـى الصرآحـه كلام النـآس خوفنـي ،، يـآليـت هالنـآس فـي حـآلـي يخلونــي

لـو تعـرف شكثـر احبـك كـآن تعـذرنـي ،، لـو خفت من نـآس فـي عيـونـك يشـوفونـي

ابـغـآك ملكـي ولا ابغـى احـد يشـآركنـي ،، ادري انـآنـي وبقهـر مـن يلومونـي

تبغـى الصرآحـه كلام النـآس خوفنـي ،، يـآليـت هالنـآس فـي حـآلـي يخلونــي

لا صـرت دآيـم معـي دنيـآي تعجبنـي ،، واحـلى ثـوآنـي العمـر جنبـك يمـرونـي
مـن ويـن مـآرحـت خـذنـي بسـألـك عنـي ،، لا صـرت انـآ فـي عيونـك نـآمـت عيونـي

تبغـى الصرآحـه كلام النـآس خوفنـي ،، يـآليـت هالنـآس فـي حـآلـي يخلونــي .



في وحده من أهم مدارس البحرين الثانويه للبنات .. وفي كفتيريا المدرسه بالتحديييد نلاقي أنواع الفوضى " صراخ , تصفير , ضحك , تصفيق , صياح , تكسير "
كل هذا بسبب هوشه كبيره بين طالبتيين
خل نوصف الوضع شوي
.
.
.
.

"بنت صغيره بحجمها و رافعه أكمام قميصها بحركه صبيانيه
شعرها القصير البوي الأسود المايل للرمادي منكوش رغم نعومته .. رجلينها وحده ورى والثانيه قدام .. ومريولها مرفوع .. عينها الواسعه الرماديه مفتوحه على وسعها وعلى طرف عينها بقايا كحل ودمعه مغروره ترفض الانكسار والنزول .. عقده حواجبها وحمّار ويها مبين عصبيتها .. وشده تنفسها وفمها المفتوح وهي تلهث
كل هذا يخلي الناظر لها يتأكد إنها في معركه
وطبعا شلة هالبنت واقفين حوالينها ومتكتفين يناظرووون بطلب منها بعدم تدخلهم "
&
"في الطرف الثاني من المعركه بنت ضخمه شعرها محلوق عالصفر والجل عامل عمايله فيه .. أكمام قميصها مرفوعه ومريولها مرفوع ورجلينها وحده يمين والثانيه يسار .. عينها الحاده ورفعة حواجبها وميلان شفتيها بسخريه يدل على خبثها ونيتها السوده للي واقفه قبالها .. وطبعا شله البنت حولها
ومثل الوضع يناظرون وممنوعين من التدخل "

قطع نظرات الثنتين لبعض إلي ما تحمل إلا الحقد والخبث
دخول المشرفه الاجتماعيه الكفتيريا بعد ما إستدعوها البنات
صرخت : غلا .. هدى قدامي عالمكتب
وكملت تناظر الطالبات بعصبيه : وأنتو أظن الفرصه أنتهت كل وحده على صفها ..
وبجذي أختلت الكفتيريا إلا من بعض البنات إلي يناظرون المشرفه بتردد
وأخيرا تقدمت وحده منهم وبخجل : أبله ممكن نروح معاج على الاقل نكون شهُود
ابتسمت المشرفه بحنان : أكيد بتدافعييين عن رفيجتج .. على العموم تعالي إنتي و ريم وعليا
والتفتت بحده على قدام : وانتو الثنتين جدامي

غلا ..نزلت راسها بخجل ومشت
أما هدى .. إبتسمت بوقاحه وهي تمشي وتضحك

## وقفة تعارف ## .
.
.
( " أم عيون رماديه " غلا عمرها 18 تخصصها علمي )
( " الضخمه " هدى عمرها 18 تخصصها أدبي)
( "الخجوله إلي كلمت المشرفه " دانه عمرها 18 تخصصها علمي)
(" البنتين إلي مع دانه " ريم عليا وعمرهم 17 تخصصهم أدبي )



# نرجع للأحداث #

في مكتب المشرفه
غلا واقفه قدام المشرفه ودموعها رافضه تنزل ..
هدى قاعده على الكرسي بوقاحه ريل على ريل والعلج ببوزها (فمها) .. ريم وعليا ودانه واقفين يم بعض ويناظرون بعض

وأخيرا تكلمت المشرفه بدريه بحده : ممكن أفهم شصاير ؟؟
سكوووووت ومحد عارف
شيقول
إلا بعد فتره تكلمت دانه بأدب : ممكن أتكلم
المشرفه بإبتسامه: تفضلي
دانه تحاول تجمع الاحداث وبثقه : أبله إحنا كنا داخلين الكفتيريــ..
قاطعتها المشرفه: ممكن تقولين من إنتو ؟؟
دانه بإحترام : آنه وعليا وريم وغلا
:أيوه وبعدين
: غلا راحت تشتري لنا .. وإحنا جلسنا على طاوله من طاولات الكفتيريا ننتظرها .. وبعدها دخلت هدى وشلتها وهدى يت لنا على طول تقول قومو من طاولتنا قلت لها إنها طاوله للي يبي يقعد عليها ومب لكم وقامت تهدد وتبينا نقوم وربعها معاها يسبون بألفاظ وســخــ..
قاطعتها المشرفه مره ثانيه : ممكن تقولين شنو قالو ؟؟
نزلت راسها بخجل : سوري أبله مقدر
تكلمت عليا برباشه كالعاده :أبله آنه أقولج
نغزتها ريم بخصرها لكنها طنشت ريم وهيا تقول : آنه ما أقول هالألفاظ بس مطّره قالو ### و###و###و###
تكلمت هدى بسخريه : أيوه يالمطّره
المشرفه بحده : هـــدى بس ..(وألتفتت على
عليا ): أيوه كملي
عليا بحماس : ولما كانو يسبون وصلت غلوي وإلتفتت لها هدى ومسكتها من قميصها وقالت لها قولي حق حبايبج يقومون بالطيب ولا وريتهم قدرهم يحلوه أما غلا نفضت يدها وعشان كرامتها قالت لها عناد محنا قايميين وأعلى ما بخيلج ركبيه وهدى عصبت وقامت تسب وطيحت غلا وكسرت الطاوله وتهاوشو الثنتين وما رضو أحد يتدخل وبس ييتي انتي ويبتينا هني
المشرفه كانت تحاول تكتم ضحكتها على شكل عليا الحماسي وهي تتكلم بس التفتت لهدى بحده : كلامهم صحييح ؟؟
هدى بقواة عين ووقاحه : صحييح ونص ونسيو يقولون إن غلا عطتني كف قبل لا أطيحها
التفتت المشرفه لغلا : غلا صحييح هالكلام ؟؟
غلا إنهارت وماقدرت تمسك روحها وهي تشاهق أما ريم تكلمت : سوري أبله شكلها تعبانه وأخاف تييها الحاله .. إذا تسمحيين لنا تكملين الإجرءات بكره
المشرفه بتفهم : بس دانه وهدى يبقون وانتو ودوهاعند الممرضه
طلعو البنات وبقى هدى ودانه
: دانه شفيها غلا انهارت جذي؟؟
دانه وفيها الصيحه على حال بنت عمها : غلا تغيرت هالفتره واايد وأظن الكل ملاحظ هالتغير السلبي ..بُعد حلا عنها مأثر فيها واايد (وناظرت هدى بحقد) : وهاذي كملتها اليوم لما سبت حلا قدامها وكأنها مسكتها من اليد إلي تعورها .. كان ممكن غلا تسكت لأي شي بعيد عن حلا من جذي عطتها كف
تنهدت المشرفه بألم على حال هالبنت إلي كانت من أفضل الطالبات وأنقلب حالها للنقيض : خلص دانه روحي على صفج وآنه بتصرف وطمنيني على غلا


#####
في السعودية الشقيقه وفي أهم مدارس السعوديه بعد
طايحه والبنات ملتميين حولها ..
شكلها بجمالها الأخاذ إلي يطابق جمال أختها وتوأمتها إلي بعيده عنها بالجسد وقريبه منها بالروح
بنت خالتها كانت يمها تصييح وخايفه
والبنات وكأنهم يشوفون مسرحيه وواقفيين يناظرون
يااات بنت تركض صوبها .. رشت الماي إلي بيدها عليها وكانت معاها عامله في المدرسه ويايبه كرسي للمقعديين ..
عشان يشيلونها ويحطونها عليه لتعبها ..
بدت تصحى شوي شوي وعينها الرماديه الواسعه تبين بدت تشيل شعرها الطويل من على ويها وكأنه متضايقه من طوله ولأنه متلصق على ويها من العرق إلي مالي ويها رغم بروده الجو ..همست بألم وتعب ودموعها تطييح : غلا ييبولي غلا .. غلا فيها شي آنه طحت لما حسيت قلبي عورني .. آنه متأكده فيها شي
وقامت تصييح بشكل يقطع القلب وتشهق
أما بنات خالتها قامو يبجون لحالتها إلي تعور القلب



## وقفة تعارف ##
.
.
.
("البنت الطايحه " حلا عمرها 18 تخصصها علمي )
("بنت خالتها" هيا عمرها 18 تخصصها علمي )
("البنت إلي رشت الماي" مي 17 تخصصها أدبي )



أترك لكم مصير روايتي إن كانت ستحق أن تستمر أم لا

تحياتي ## عسل قلبي ##


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 2
قديم(ـة) 15-10-2009, 10:30 PM
صورة مـرررهـ كـيـوووت..!~ الرمزية
مـرررهـ كـيـوووت..!~ مـرررهـ كـيـوووت..!~ غير متصل
©؛°¨غرامي فعال ¨°؛©
 
الافتراضي رد: لا صـرت دآيـم معـي دنيـآي تعجبنـي ،،


~

هـآإي قـلبوو ..

بدآيه حـلووه ~

بـ إنتظـآإر آلبـآرت آلجـآإي ..


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 3
قديم(ـة) 16-10-2009, 12:04 AM
## عسل قلبي ## ## عسل قلبي ## غير متصل
©؛°¨غرامي جديد¨°؛©
 
الافتراضي رد: لا صـرت دآيـم معـي دنيـآي تعجبنـي ،،


اقتباس:
المشاركة الأساسية كتبها مـرررهـ كـيـوووت..!~ مشاهدة المشاركة
~

هـآإي قـلبوو ..

بدآيه حـلووه ~

بـ إنتظـآإر آلبـآرت آلجـآإي ..

يسلمو يالغلا

شجعني ردح

لو كنتي الوحيده

إلا إن الأمل موجود

أتمنى تواصلج غلااي

وإن شاء الله يعجبج الباقي


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 4
قديم(ـة) 16-10-2009, 12:25 AM
صورة هيبــة شمــوخ الرمزية
هيبــة شمــوخ هيبــة شمــوخ غير متصل
©؛°¨غرامي جديد¨°؛©
 
الافتراضي رد: لا صرت دايم معي دنياي تعجبني



صـراحهـ.. انا مو من عادتي اقرا الا الروايات السعوديه..

بسسس هاذي مره شدتني..بنتظآر ابدآعك غلاتي..

لاعدمنآك ولاابدآعك..

تــ ح ــيــآتــي

هيبــة شمــوخ..~


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 5
قديم(ـة) 16-10-2009, 12:41 AM
صورة بنوتة كيوت وشفايفها توت الرمزية
بنوتة كيوت وشفايفها توت بنوتة كيوت وشفايفها توت غير متصل
©؛°¨غرامي مشارك¨°؛©
 
الافتراضي رد: لا صرت دايم معي دنياي تعجبني


صراحه الروايه مره روعه...
وانتظر تكلمه الروايه ياعسل...
وانشاء الله باقي الاعضاء يتفاعلوا مع روايتك الحلوه...

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 6
قديم(ـة) 16-10-2009, 12:50 AM
صورة آلـدوقه | غـرور الرمزية
آلـدوقه | غـرور آلـدوقه | غـرور غير متصل
©؛°¨غرامي مجتهد¨°؛©
 
الافتراضي رد: لا صرت دايم معي دنياي تعجبني


شكلها حلوة الروايه

كمليها و اعتبريني من متابعينك

^^


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 7
قديم(ـة) 16-10-2009, 03:40 AM
## عسل قلبي ## ## عسل قلبي ## غير متصل
©؛°¨غرامي جديد¨°؛©
 
الافتراضي رد: لا صرت دايم معي دنياي تعجبني


اقتباس:
المشاركة الأساسية كتبها هيبــة شمــوخ مشاهدة المشاركة

صـراحهـ.. انا مو من عادتي اقرا الا الروايات السعوديه..

بسسس هاذي مره شدتني..بنتظآر ابدآعك غلاتي..

لاعدمنآك ولاابدآعك..

تــ ح ــيــآتــي

هيبــة شمــوخ..~


فديتج يالغلا

كلامج خلاني أكتب البارت

والاحداث تتهافت علي بسرعه <<< ما شالله عليي ^_*

إن شاء الله تكون مو بس بدايتي إلي تشدج

حياج يقلبي

أتمنى متابعتج


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 8
قديم(ـة) 16-10-2009, 03:43 AM
## عسل قلبي ## ## عسل قلبي ## غير متصل
©؛°¨غرامي جديد¨°؛©
 
الافتراضي رد: لا صرت دايم معي دنياي تعجبني


اقتباس:
المشاركة الأساسية كتبها بنوتة كيوت وشفايفها توت مشاهدة المشاركة
صراحه الروايه مره روعه...
وانتظر تكلمه الروايه ياعسل...
وانشاء الله باقي الاعضاء يتفاعلوا مع روايتك الحلوه...


يسلمووو الغلا

وأنتظريني حبووو

وكثري من دعواتج يا عسل إنتي *_^

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 9
قديم(ـة) 16-10-2009, 03:47 AM
## عسل قلبي ## ## عسل قلبي ## غير متصل
©؛°¨غرامي جديد¨°؛©
 
الافتراضي رد: لا صرت دايم معي دنياي تعجبني


اقتباس:
المشاركة الأساسية كتبها ريسـو مشاهدة المشاركة
شكلها حلوة الروايه

كمليها و اعتبريني من متابعينك

^^

أحم أحم


من زمان أعتبرتج يالغلا ^_______________^


أنتظري التكمله

وإن شالله تعجبج


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 10
قديم(ـة) 16-10-2009, 03:49 AM
## عسل قلبي ## ## عسل قلبي ## غير متصل
©؛°¨غرامي جديد¨°؛©
 
الافتراضي رد: لا صرت دايم معي دنياي تعجبني


أحم أحم

هذاني أكتب البارت وبكره أو ألحين إذا قدرت

أنزله

أنتظروووني يالغوالي

روايتي الأولى : لا صرت دايم معي دنياي تعجبني

الوسوم
معـي , تعجبنـي , دآيـم , دنيـآي , شفرة
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
روايتي الأولى : أبي أنام بحضنك و أصحيك بنص الليل و أقول ما كفاني حضنك ضمني لك حيل / كاملة ازهار الليل روايات كامله - يتم نقل الرواية هنا بعد اكتمالها 6839 23-11-2019 10:02 PM
روايتي الأولى : أخذتني أمل و رديتني ألم / كاملة "~ع ـطر البنفس ـج روايات كامله - يتم نقل الرواية هنا بعد اكتمالها 235 30-10-2016 01:05 AM
روايتي الأولى : وأثاري بقلبي الساهي حنين لك بعد باقي ! ● بَحة حزنْ « أرشيف الروايات المغلقة - لعدم إكتمالها 14 01-12-2012 11:36 PM
نهاية وعد / روايتي الأولى بقلمي ترنجهـ هآنم ترنجهـ هانم أرشيف الروايات المغلقة - لعدم إكتمالها 8 02-05-2010 01:27 AM
تحليل دقيق عن روايتي الأولى على غرام بلا حدود مواضيع عامة - غرام 2 18-08-2007 07:19 AM

الساعة الآن +3: 10:38 PM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


youtube

SEO by vBSEO 3.6.1