الفجــ البعيد ــر ©؛°¨غرامي مشارك¨°؛©

السلام عليكم ورحمة الله وبركاته

بعد غياب طويل وشوق اكبر ارجع لكم من بعد عدة ضروف مريت فيها

بس اللي اقدر اقوله اني حييييييل اشتقت للي فالمنتدى باعضاءه واقسااامه

بس مدري نسيتوني والا بعد تذكروووني :graaam- (271):

















[FONT="Arial"]في جميع المجتمعات سواء العربيه او الغربيه يوجد عادات وتقاليد او مسلمات من الحياة الى الممات يمشون عليها


ومن ضمن مايوجد عندنا كدوله سعوديه في مجتمعنا هو
[/FONT](((( ولد العم لبنت العم )))


ماقول ان كل الشعب السعودي ولكن نسبه كبيرة منه يؤمن بهذه القاعده وتعتبر الزاميه للطرفين بمعنى )))(( مالكم شور بعد شور الكبار

مثلا نلقى وحده يجونها الخطاب من كل صوب ورد الاهل يكون وااااحد دائما ونفس الاجابه ((( البنت لولد عمها ))

وفي النهايه البنت مو مثل الولد يعني البنت تنغصب وتسكت بس في حالة ان الولد ينغصب صعبه شوي
عشان كذا البنت تجلس على اعصابها لو مصار كلام اهلها للخطاب صحيح وفي حال الولدخطب غيرها تبدا الاشاعات والاقاويل تدور حولها مثلا (( والله ماتركها ولد عمها الا فيها البلا ))

حادثة صارت من ضمن الحوادث اليوميه وهي قصة شخص اعرفه سطحيا تقول صاحبه القصه ...


انا بنت حلووه وماعليه شكلي بس في ناس كثير من الجماعه وبعد من اجواء الكليه والدوامات عرضت علي ان اهلها يجون لابوي ويبون موعد ومن هالشكل انا اخذ وقتي وافكر وبعدين اعطي رايي بس اتفاجأ لما امي تقول والله البنت لولد عمها وانا عمري ماشفت ولد العم هذا لمح حتى ولكنها تسميه من وانا صغيره مابي اكذب عليكم واقول اني كنت مرتاحه بهالوضع لابد اخاف كل ماكبرت وامي تطير علي الخطاب الى ان جاء ذاك اليوم وسمعنا عن خطبة ولد عمي حسيت بنوع من الراحه على الاقل يعرفون الناس اني مو لولد عمي عشان يمشي نصيبي خصوصا ان فيه ناس صار يدووور كثير بينها هالكلام ان فلانه لفلان ومن بعد مانشرت خطبة ولد عمي ورررربي عقبها جاني النصيب وامي مضطرة توافق بعد خطبة ولد عمي رغم ان طلع حكي كثييير يخليك تتألم من كثر ماينقال بس الحمدلله الحين عايشه حياتي سعيده



طبعا هاذي مجرد صورة وتوفقت بحايتها بس فيه للاسف صور غيرها عايشه حياة تعيسه مع ولد عمها اللي اخذها مجبور وهي مجبوره وبالنهايه تبدأ المشاكل فالعايلة فالطرفين متى ماهتزت علاقة البنت وولد عمها وتوترت



الحين السؤال المهم هل انت/ي ضد ام مع تسميه بنت العم لولد العم منذ الصغر ..؟؟ وايش اسبابك للرفض والقبول ؟؟

قبل مااختم بس فيه مقوله لجدة وحدة من البنات مقولة اصدقها بكل حواسي وهي (( ابعد اللحم عن اللحم لايخيس ))


انتظر ردودكم وتفاعلكم مع موضوع مثل هذا مؤلم جدا للولد ولكن الالم يتضاعف عند البنت




الفــ البعيد ــر .....


~ { طيبـ ي خ طـآإي ..! ©؛°¨غرامي ماسي ¨°؛©

اتوقع الكلام في هذا الموضوع عقيم ..

ان الله لايغير بقوماً حتى يغيرو ماابي انفسهم !

مدام يوجد بعض العقليات المتحجره لا حل ولا فل !

انا لا اعارض زواج ابنا العمومه ممكن ابن عمها
اولى من الغريب ويحافظ عليها بعكس الرجل الاخر !
"

وليس من الضروري ان كل تسميه او تحديد انهم اتمو الخطبه
قد يكون مجرد كلام عابر لا واقع له !

وعموما هذه الظاهر تلشت بعض الشي ولا اقول انتهت
ولكنها لم تعد كما قبل .!


تحيتي ..

لجيين~ ©؛°¨غرامي نشيط¨°؛©

انا ضد انو اهلك هم الي حددو نصيبك
والمقوووله صحيحه
ممكن تصير مشاكل بين الاهل
والامراض وغيرها

وممكن يكون ولد العم مغصوب على بنت عتمه
ويتزوجها عشان خاطر امه وابوه وعمه وعائلتها

بس بيصير الولد يكرهها
ومصيرهم يطلقون


متى زواج الاقارب على العموم مش كويس
بسبب المشاكل
عاد مشاء الله الحريم
كل واحده مع ولدها
البنت فيها وفيها
الين مايصير بلبنت شي

فا الله يستر قسم
ان زواج الاقارب مو كويس

تصير بسبب مشاكل الزوجين
تبعد العائلتين عن بعض

حراام يحددو نيبها
لو يتزوج غيرها يمكن يصير بلبنت شي
تنتظر وأخر شي
يروح لغيرها
حاجه تقهر وماحد يقووله شي

اما البنت لو ترفضه وتتزوج غيره او تقول مابي اتزوج


يقوولن هي عاشه احد تحب احد
وتكبر السالفه
أكيد فيها بلا

بس مافيها شي اذا تزوجتي ولد عمك
اذا صدق كان هو يبيك وانتي تبينه


والله يستر علينا
ويوفق الجميع


ويسلموووو
ومرحبااا بعودتك
نورتينا
وعوووافي على الطرح

غموض ابتسامة ©؛°¨غرامي فعال ¨°؛©

السلام عليكم

اختي الفجر البعيد
اشكرك جزيل الشكر على مثل هذا الطرح الرائع
وربما بالنسبة لي وقفتي على الجرح!!!!

بالنسبة لي اعارض وبشدة هذه التسمية لتي يكون فيها ظلم للبنت بالدرجة الاولى
ولي اسبابي:
اولا" : ربما تكون البنت غير موافقة على هذا الولد وغير مقتنعة به
فعند اجبارها عليه توافق مرغمة وتعيش حياة مشاكل تنتهي بطلاق
ويطلق عليها مطلقة وكثيرا مايظلمها المجتمع.

ثانيا" : اذا نشأت مشاكل بين هذه البنت والولد تسبب زعل وفرقة بين الاهل
سببها؟
اجبار الطرفين على الزواج من بعضهما
.

ثالثا": يجب ان يكون اهلها على قدر كافي من الوعي بان البنت لها رايها لأن هذه حياتها
ومستقبلها لها رايها فيها.

نسال الله العلي القدير التوفيق والستر للجميع يارب العالمين..


{ .. أحلام مبعثرهـ ©؛°¨غرامي جديد¨°؛©

أنا ضد هالشي ..
مافي شي إسمهـ غصب بالزواج يمكن الولد يكون أصلا مايبي بنت عمهـ يمكن يبي وحدهـ ثانيهـ ..
ويمكن البنت ماتبيهـ أصلا ..

R!mOo ©؛°¨غرامي مشارك¨°؛©

هل انت/ي ضد ام مع تسميه بنت العم لولد العم منذ الصغر ..؟؟ وايش اسبابك للرفض والقبول ؟؟

ضد اكيد
النصيب مقدر ومو على كيف الاهل
وبعدين زواجات الاقارب فيها كثير من الامراض والاوبئه
الله يبعدنا عنها فالافضل اننا نبتعد
وأنهي قول بـ (( الاقارب عقارب ))
دمت بود

✿゚゚✎ســنـدريـلآ♬❀ ©؛°¨غرامي مشارك¨°؛©

الحين السؤال المهم هل انت/ي ضد ام مع تسميه بنت العم لولد العم منذ الصغر ..؟؟

وايش اسبابك للرفض والقبول ؟؟

انا مااقول ضد ولكن الزواج مو غصب

ولا يحددو الاهل شئ للبنت او للولد ومثل ماقلتي(( ابعد اللحم عن اللحم لايخيس ))

وش هذي العقليات ¤][ما ينجبر قلب على قلب][¤ مافي شئ غصب ابدا وخاصه بالزواج

تحياتي لك




فجر الرحيـل ~ ©؛°¨غرامي متألق ¨°؛©

الحين السؤال المهم هل انت/ي ضد ام مع تسميه بنت العم لولد العم منذ الصغر ..؟؟

طبعا انا ضد هالشي
والحمد لله اهلي او بالاصح ابوي هو اللي ضد هالشي

يسلمو عل الموضوع


المــزيونه ©؛°¨غرامي مشارك¨°؛©

انا لا مع ولا ضد خلاص البنت جاها نصيبها زوجوها سواء ولد عمه ولا غيرهـ
يسلمووووو على الطرح


ابو عمر 280 ©؛°¨غرامي مشارك¨°؛©

والله يااختى انا من فلسطين وفى عنا بعض من هذا الشى
وانا ردى على سؤالك انا ضد هذ الشى الا اذا كان هناك جب من الطرفين يعنى اتنيناتهم
راضين بعض مو تحت ضغط الاهل


أدوات الموضوع البحث بهذا الموضوع
البحث بهذا الموضوع:

بحث متقدم
طريقة العرض

موقع و منتديات غرام موقع سعودي خليجي عربي يحترم كافة الطوائف والأديان ومختلف الجنسيات
جميع الحقوق محفوظة منتديات غرام
iTraidnt by ROMYO
جميع الحقوق محفوظة منتديات غرام
iTraidnt by ROMYO

SEO by vBSEO 3.6.1