غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 141
قديم(ـة) 19-03-2010, 01:04 PM
~ dala3 girl ~ ~ dala3 girl ~ غير متصل
©؛°¨غرامي فعال ¨°؛©
 
رد: رواية دموع الشموع


راكان كل يوم قبل ما ينام يرسل لقيود مسجات حب وفراق وشوق
ومن هذي المسجات
مسج " إشتري نار قربك لو فراقك سعادة.. ارهن العمر كله لجل اشوفك ثواني.. كا مازاد حبك زيادة.. ما نسيتك حبيبي لو زماني نساني "
ومسج " مشتاق
لهمسك
لصوتك
لضحكك
لزعلك
بس وينك تحس فيني "

ومسج " لا تعاند عنادك في عنادك عنادي.. عطني قلبك يا قلبي حط قلبي مكانه.. حس نبضه بداخلك وإسمعه بك ينادي..إحفظه يا حبيبي وسط صدرك أمانة "
ومسج " جفاني النوم بغيابك
متمرر على فراقك
نفسي أجي يمك
وحيد وغايتي ضمك "

ومسج " وش هالكون بعدك علمني وش يكون ؟؟
وش هالدنيا بدونك غير صمت وسكون
الصبح شاحب والليل تملاه الظنون
والزوايا مو حشه( فاقد قلب حنون )
عادي كل هالناس عندي يروحون ويجون
الا أنتِ غير الناس روحتك عني ماتهون "

مسج " يارفيق القلب ماصدق نسيت.
خابرك مهماتعذبني حنون.
لاذكرت أيامك الحلوه بكيت.
ماتهون أيام ودك ماتهون.
راحتي وياك لامنك صفيت.
في ثواني كلهابوح وشجون.
لاقريت أبيات الرسالة وأنتهيت.
ودي أعرف في حياتك من أكون؟ "

ومسج " وينك انجرح صوتي وأنا انادي عليك يعني ماهمك عذابي؟ والا مرتاح بغيابي !!!!

.. مسجات منقوله ..
.. .. .. ..

وفي يوم أبو خالد وابو محمد وزوجاتهم معزومين و نوف والهنوف راحوا عند قيود جلست معهم بالحديقه ولما قاموا يتمشون جانب المسبح الهنوف كانت تمشيء على ورى معطيه وجها قيود ونوف وتتكلم معهم وقفوا هم وهي كملت مشيء وتناديهم وماهي منتبه أن المسبح وراها قيود انتبهت لها وقالت وهي تركض لها بتمسكها : انتبهي المسبح وراك .مسكتها قيود وقفتها لكن هي زلقت رجلها وطاحت بالمسبح وقاموا نوف والهنوف يصرخون وقيود تغرق .( ما تعرف تسبح )
صراخ البنات وصل لمجلس بيت ابو خالد كان بندر وراكان جالسين يسولفون لماسمعوا صراخ راحوا يركضون لمصدره لما شافوهم البنات
نوف: تعالوا بسرعه قيود تغرق.
لما سمع راكان هذا الكلام ركض بسرعه لهم ومعه بندر لكن هو وصل قبله طب (نزل) بالمسبح ومسكها وطلعها كانت فاقده الوعي سدحها على الأرض.
راكان يهزها : قيود قيوود ردي علي.
بندر: سو لها تنفس صناعي فاقده وعيها اكيد شاربه ماء كثير.
عمل لها تفس صناعي وسدحها على جنبها وطلعت الماء عدلها صحت والكل يناديها بسمها.
راكان : قيود حبيبتي ردي علي.
فتحت عيونها شافته وبكت ضمها وصار يهديها .
ونوف ويا بندر كانوا جالسين جنبهم
بندر: خلني اخذها اوديها داخل .
راكان ما رد عليه شالها وقال لنوف تجي معه وهي ما كانت حاسه بنفسها وداها لغرفتها وتركها لتغيراخته ملابسها المبتله وهو راح غير ملابسه ورجع لبيت عمه شاف خالته وعمه وابوه وامه نازلين منها وابو خالد وزوجته راحوا بيتهم وظل راكان واقف مع عمه وخالته ( وأم محمد بالعزيمه انقبض قلبها اتصلت بيتها تطمن وقالت لها الشغاله الي صار لقيود جت على طول )
راكان: كيفها الحين فيها شيء اوديها المستشفى .
أم محمد: لا بخير مشكور يا ولدي لولا الله ثم أنت كان بنتي راحت .
راكان: خالتي لا تشكريني أنا انقذت روحي وحياتي .
ابو محمد: تعال اجلس ورتاح .
راكان: بعد اذنك عمي بروح اشوف قيود.
أم محمد: لكن.
ابو محمد رح يا ولدي هذي زوجتك ومن حقك تجلس معها وتطمن عليها حتى لو كنتم متزاعلين .
صعد راكان دخل عليها شافها نايمه راح وجلس على السرير بالجه الثانيه ويطالعها كان مشتاق لشوفتها وده يحط يده ويمسح شعرها لكن خاف يجلسها .
.. .. .. ..

الساعه وحده بالليل دقت نوف الباب على غرفة قيود.( بندر ونوف ما راحوا بيتهم علشان يظلون مع قيود )
قيود: تفضلي.
دخلت وراحت جنبها
نوف: كيفك؟
قيود: بخير الحمد الله.
نوف: خوفتينا عليك.
قيود: اسفه زلقت رجلي ولا حسيت بنفسي الا وانا بالمسبح ليكون الهنوف طاحت معي.
نوف: لا وخرتيها وأنتِ الي كلتيها وطالعت الجهه الثانيه من السرير وقالت: راكان نام.( كان جالس جنبها ونام من تعب )
قيود: اخوك وش جيبه هنا مو أنتِ قايله لي انه بيسافر اليوم.( ما كانت تدري انه موجود ولما شافته تحسبه حلم )
نوف: لا ماسافر ألغى سفره بعد الي صار لك والحمد الله انه كان موجود لولا الله ثم هو كان أنتِ بخبر كان شوفيه نايم جنبك.
التفتت عليه شافته مغمض عيونه وكانت بتقوم الا يد امسكتها من تحت الغطاء.
نوف: قيود اجيب لك عشاء.
قيود: ما ابي.
راكان فتح عيونه وقعد: لكن انا ابي روحي جيبي عشاء لي ولها.
نوف: أن شاء الله لكن انتبه لقيود اذا اغمى عليها سو لها تنفس صناعي ههههههههههههههههـ.
قيود: أي تنفس صناعي ؟
نوف: بندر لما شافك فاقده الوعي قال لراكان يسويلك تنفس صناعي .
قيود خجلت وكل ما كانت بتقوم راكان ما يخليها ما سكها.
راحت عنهم نوف
راكان وهو ما زال ماسك يدها: كيفك الحين؟
قيود ماردت عليه سحبت يدها منه بقوه وقامت وطلعت من الغرفه
( هو ما حب يوقفها ولا يروح وراها مراعي الي صار لها ومايبي يذل نفسه اكثر من كذا )
نوف جت جايبه العشاء ما شافت احد بالغرفه جاها بندر
بندر: وين راكان؟
نوف: مدري رحت وجيت ما شفته لا هو ولا قيود!
راح بندر يشوف راكان ما شافه وسيارته ماهي موجوده وتصل عليه ما رد ورجع لبيتهم راح لنوف و قيود كانت جالس بغرفة محمد لما طلعت من غرفتها ما تبي تشوف راكان
نوف: ها بندر شفت راكان؟
بندر يطالع قيود: لا طلع بسيارته .
نوف : اتصلت عليه؟
بندر: ايه ما يرد .
نوف بعصبيه تكلم قيود: ليه تسوين باخوي كذا حرام عليك أنتِ لو شايفه كيف كانت حالته وأنتِ فاقده وعيك مثل المجنون يناديك لتردين عليه .
بندر: نوف بس خلاص.
وخذها وطلعها وداها غرفته عن قيود الي كانت تبكي ورجع لخته يشوفها.
.. .. .. ..

بعد اسبوع اتفقوا بيت ابو محمد مع بيت ابو خالد يروحون الشاليه وخالد ونجود معهم قيود ما تبي تروح لكن لما عرفت أن راكان ماهو رايح وافقت تروح معهم .
قسموا نفسهم خالد ونجود وعياله بشاليه والحريم بشاليه ورجال بشاليه لكن بندر ما عجبه الوضع وقال : أنا ما علي منكم أنا وحرمتي والي بطنها بغرفه .
خلوه يجلس مع زوجته بغرفه وغار منه محمد وطلب انه يكون مع زوجته وولده وتحقق له الي يبي وأم خالد وأم محمد جلسوا بغرفه وقيود والهنوف بغرفه.
كان الكل مستانس الا قيود لكن ما تبين لحد كعادتها وفي الليل شواء محمد وبندر وخالد وام محمد سوت لهم كم طبخه هي وام خالد ولما تعشوا وجلسوا سولفوا راح خالد ونجود لشاليهم ناموا العيال ونجود تعرف خالد يحب الاجواء الرومنسيه طفت اليتات وخلت الانوار خافته الموجوده بالصاله وشغلت التلفزيون وحطت على قناة اغناني وجلست عند خالد الي لف يده عليها دق الباب عليهم
خالد : من المزعج هذا ؟
نجود: بروح اشوف.
خالد: خليه يدق ويروح .
نجود: لا يمكن احد من الاهل .
راحت نجود تفتح
نوف وهي حامله صحن: الله الله وش هالزين يا نجود كل هالزينه لي هههههههههـ.
خالد: وش عندك أنتِ وش تبين جايه.
نوف: هذا جزاي جايبه لكم الحلى لانكم مشيتوا ما كلتوا منه .
خالد: خلاص جبتي الصحن روح الله معك.
نوف وهي تعطي الصحن لنجود: شكلي خربت عليكم ياله مع السلامه الله يخليكم لبعض.
نجود وخالد: امين.
.. .. .. ..

راحت عنهم لبندر وقيود كانوا جالسين على كراسي عند البحر .
وهم جالسين جاء راكان
بندر: تقول أنك مش جاي.
راكان يطالع قيود : قلبي هو الي جابني ما قدر يبتعد اكثر من كذا .
قيود فهمت قصده.
بندر حس ان اخته بتقوم همس لها اجلسي لا تقومين.( يبي الاوضاع تتصلح بينهم)
بهذي اللحظه مر عليهم خالد ماسك نجود من خصرها وهي ما سكته وكانوا منسجمين مع بعض يتكلمون (لما شافواالمكان مافيه ناس و الجوا حلوا والقمر بدر طلعوا يتمشون)
نوف : اشوف الرومانسيه زايده اليوم .
نجود ما كانت تدري عنهم ولما سمعت صوت نوف انتبهت وخرت عن خالد وغطت وجها مستحيه.
خالد وهويمسكها ويقربها منه قال: ما عليك منهم تعالي بس.
ولتفت عليهم : لزم تخربون على الواحد خلوني منسجم مع المدام.
بندر: اسفين ارجع لنسجامك يارومنسي عصرك.
خالد: وفيه احلى من الرومنسيه . ومشاء عنهم
بندر: الحمد الله ان خالد قدر ينسى ساره وحزنه ويحب نجود.
الكل: الحمد الله.
نوف : راكان تعشيت؟
راكان: لا.
نوف: سبحان الله أمي حسها قلبها انك بتجي لكذا خلت لك عشاء.
راكان: وناس ثانيه قلبها ماحس؟( يقصد قيود)
نوف: هذي هي عندك اسألها بروح احطلك عشاء.
راكان: لا جلسي اذا ما جابته لي قيود ما راح اكل خصوصاً ان لي كم يوم مالي نفس للاكل من بعض الناس.
بندر لقيود بصوت واطي: قومي قيود علشان خاطري.
قيود ماتبي تقوم لكن علشان خاطر اخوها ولان نوف حامل وتعبانه قامت وجابته ولما شافها بندر خذ نوف وراحوا خلوا راكان بالحاله
قيود جت وحطت الاكل فوق الطاولة وبتمشيء.
راكان: جلسي معي.
قيود: ماني جالسه بروح.
راكان :اذا ما جلستي بصرخ وجلس النايمين اسويها ترى.
قيود: أنا ماشيه وسو الي بتسويه ما علي منك.
راكان : طيب تشوفين (توه بيصرخ)
قيود: مجنون أنت الحين بيتروعون وبيقولون وش فيهم .
راكان: اجلسي اجل.
جلست قيود وماكانت تناظره تناظر البحر.
وهو ياكل ويناظرها وبعدين ترك الاكل وقال لها: لمتى بنظل على هذا الحال ؟
قيود ساكته
راكان قرب يمها : قيود لا تظلين ساكته كلميني قولي لي أنك بترجعين لي أنا ابيك زوجه لي وام عيالي أنا ما كنت رافضك أنتِ أنا رافض الزواج لاني كان تفكيري بشغلي وكيف انميه كنت خايف الزواج يشغلني عنه انا عارف ان تفكيري غلط لكن وش اسوي هذا كان تفكيري لكن لما عشت معك شفته ما اثر علي وحتى لو كان اثر يغور الشغل والشركه بكبرها وتبقين أنتِ لي أنا مقدر استغنا عنك ولو يوم واحد أنتِ ماتعرفين
كيف مرت علي هذيك الأيام الي ما شفتك فيها ولا سمعت صوتك ولا ذاك اليوم لما شفت تغرغين حسيت كأن روحي بتطلع وخفت أني افقدك .
قيود كانت ساكته وتسمعه ولما سكت قالت له: أنا كرامتي ماتسمحلي ارجع لك بعد الي صار وخصوصاً انك متزوج وعندك ولد .
راكان: أي زوجه واي ولد هذي مو اول مره تقولين لي عنه أنتِ من قالك أني انا متزوج ؟؟!!
قيود: بتنكر وأنت باللسانك قايلي أنك متزوج.
راكان: متى؟
قيود:لما بغيت بندر يتزوج اجنبيه.
راكان تذكروابتسم : ايه أنتي صدقتي أنا كنت امزح .
قيود:تمزح؟؟؟
راكان: تبيني احلف احلف والله العظيم أني ما تزوجت غيرك احد لا عربيه ولا اجنبيه ومافيه حرمه بحياتي الا أنتِ يانورحياتي .
قيود افرحت من الداخل وقالت: وانا الغبيه مصدقه .
راكان : تغارين.
قيود:انا اغار ومن عليه عليك أنت.
راكان قرب منها ولف وجها وقال: عيني بعينك.
هي وخرت وجها عنه لانها فعلاً تغار
راكان نزل عند ارجولها ومسك يدها وقال: قيود أنتِ تحبيني مثل ما انا احبك ولا لا.
قيود ساكته.
راكان: ماما تحبيني ولا لا .
قيود ابتسمت لما قال ماما.
راكان : ابتسامتك هذي تسوء عندي الدنيا كلها.
قيود قامت راحت عنه دخلت الشاليه خجلانه
هو دخل الشاليه ماجاه نوم اتصل على قيود عارف انها مو جايها نوم مثله .
قيود: الو.
راكان: احلى الو سمعتها بحياتي .
قيود: ......
راكان: لا تسكتين سمعيني صوتك .
قيود: مقدر اتكلم الهنوف نايمه.
راكان: تعالي عندي انا مامعي احد بالغرفه.
قيود: لا ماني جايه .
راكان: طيب انا اجيك.
قيود: عندي الهنوف.
راكان:ماعليه اجلسها وتروح تنام عند أمي.
قيود:لا انا ابيها تنام معي ومع السلامه لا ازعجها . سكرت
راكان ارسل مسج " طيب وكذا اذا تكلمنا راح تزعجينها"
قيود ضحكت وكانت مبسوطه لانها تتكلم مع راكان حبيب القلب
ردت عليه" لا مانزعجها"
راكان " وش يرضيك وانا اسويه لترجعين لي "
قيود " اخطبني من ابوي "
راكان " كيف اخطبك وأنتِ زوجتي !! "
قيود" اذا ما خطبتني ما فيه رجعه "
راكان " لالالا بخطبك بس ابي اعرف ليه اخطبك وانا سبق ان خطبتك وتزوجتك"
قيود: لما خطبتني ذيك المره ما كنت موافق الحين ابيك تجي تخطبني بإرادتك مو علشان خالتي ولاعمي "
راكان " طيب وش اقول لعمي انا جاي اخطب زوجتي بيقول عني مجنون "
قيود " لا قل ابي ارجع قيود وابوي بيجي بياخذ رأيي وانا بفكر وبرد عليك"
راكان " المسأله فيها تفكير بعد "
قيود " اكيد مو من حقي اوافق ولا لا "
راكان " الا من حقك لكن اذا جيت اخطبك اعرفي اني احبك واموت فيك"
قيود " وانا اذا رديت عليك راح تعرف اذا كنت احبك ولا لا "
راكان " قيود عن اذنك بروح اصلي اذن مع السلامه "
قيود " الله معك سيد راكان "
راكان " بتنامين انسه قيود "
قيود " لا بصلي وبروح لمكان "
راكان" وين بتروحين بهذا الوقت "
قيود " مالك حق تسألني سيد راكان لاني ما زلت بيت ابوي "
راكان" طيب انستي مع السلامه "
راح صلى وهي صلت وراحت مع الهنوف الي جلستها لتروح معها عند البحر لانها تحب تشوف شروق الشمس جلسوا ثنتينهم على البحر وهم جالسين سمعوا صوت وراهم : عرفت وين بتروحين.
قيود والهنوف التفتوا كان راكان جلس معهم والهنوف جلست شوي بعدين راحت تكمل نومتها وكانت مستغربه منهم ماتدري انهم تصالحوا لكن لما عرفت افرحت .
قيود لراكان الي قرب وجلس جنبها : ما يصير تجلس جنبي يا سيد راكان.
راكان بتعد شوي وقال: كذا يصير ؟
قيود : يصير.
راكان: وش مجلسكم هنا.
قيود: نراقب شروق الشمس .
راكان: تحبين لحظة الشروق عند البحر.
قيود وهي تلعب بالرمل : ايه.
راكان : علشان كذا مسميه نفسك صمت الشروق بالمنتدى .
قيود : وانت وش عرفك؟
راكان : شفته بالمنتدى مع نوف .

قاطعتهم نوف تنادي قيود
راكان: وش جابها هذي.
قيود ابتسمت: هلا حبيبتي تعالي.
جت نوف وجلست يمهم وعرفت انهم تصالحوا وجلسوا يسولفون بعدين قاموا لان الجوا صار حار.
كانوا جالسين ام خالد وام محمد وبندرانضموا لهم و
قال راكان لما عرف ان محمد وبندر كل واحد مع زوجته
راكان: الحين محمد وبندر ينامون هنا وانا مخليني انام في شاليه العزوبيه انا تراضيت مع حرمتي وابي اجلس معها .
قيود استحت ودها تذبحه لانه يبي ينام معها بالغرفه
ام خالد: أي عزوبيه ابوك وعمك معكم.
راكان:انا ماعلي ابي اجلس مع قيودتي حبيبتي.
نوف: احلى يا الدلع قيودتي . هنا صار وجه قيود احمر.
ام خالد: خلاص نخلي الهنوف تجي معنا وانت اجلس مع زوجتك.
راكان قام وحب راس امه وقال:مشكوره يا احلى أم وقال لقيود: قيودتي تعالي معي نجيب ملابسي.
قيود قامت معه ولما طلعوا من الشاليه
قيود: حنا وش اتفقنا عليه.
راكان: اني اخطبك.
قيود:اجل وش الكلام الي كنت تقوله من شوي.
راكان: انتي زوجتي وبجلس معك عادي.
قيود: لا مو عادي انت ما بعد خطبتني لذا يبق الوضع على ماهو عليه حتى اشعار اخر.
راكان: حنا بمحكمه.
قيود: اذا ما نفذت الي قلت لك عليه وسويت الي بالك اقولك من الحين لا تروح تخطبني .
راكان: خلاص خلاص بظل بشاليه العزوبيه يا قيودتي.
قيود:لا تدلعني قلي قيود.
راكان: حاظر يا انسه قيود أي اوامر ثانيه.
قيود :لا . وبتمشيء عنه
راكان: وين بتروحين ؟
قيود: بروح انام مانمت من امس.
راكان:اوكي روحي يا ماما وتغطي زين.
قيود:حاضر بابا مع السلامه .
راكان:مع السلامه قيودتي.
قيود كانت تمشيء ولتفتت عليه لما قال قيودتي قال انسه قيود ضحكت ودخلت الشاليه.
راكان: احبها ياناس .
.. .. .. ..


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 142
قديم(ـة) 19-03-2010, 01:05 PM
~ dala3 girl ~ ~ dala3 girl ~ غير متصل
©؛°¨غرامي فعال ¨°؛©
 
رد: رواية دموع الشموع


العصر طلعوا الحريم وجلسوا على البحر
الهنوف وهم جالسين قالت: شوفوا نواف وراكان وعيال عمي بالبحر.
كانوا راكبين جتي سكي وكل واحد منهم يسوي حركات ويطشر ماء على خويه وسوو سباق من بينهم ولما خلصوا قرب محمد وركب زوجته مشاعل معه وخلت ولدها عند ام محمد وبندر لما شاف اخوه قرب من الحريم وقال لزوجته : ودي اركبك لكن خايف علىالي بطنك.
نوف:يعني مو خايف علي ؟
بندر:كيف ماخاف عليكي وأنتِ حياتي .
صفقوا له الحريم وقالت امه :الله يخليكم لبعض.
الكل:امين.
بندر نادى جود وركبها معه لانها تبكي تبي تركب.
الهنوف:بندر قل لنواف يجي ابي اركب معه .
بندر:زين .راح وقال لنواف وجاء خذ اخته كان رافض لكن بندر اغصبه يجيها.لما شاف بدر كل واحد مركب وحده جاء عند الحريم
بدر:يمه تعالي ركبي معي افحط فيك بالبحر.
اضحكوا عليه
أم محمد: لا مشكور ما ركبت معك بالسياره اركب معك على هذا بالبحر لا ابوك يبيني.
بدر: اجل خالتي تعالي أنتِ .
ام خالد: وانا ابو خالد يبيني.
بدر:خلاص مافيه الا نوف او قيود.
نوف:ما اقدر اخاف على الي بطني.

راكان جاء يمهم اعتقد ان بدر فيه شيء
بدر:لا مافيني شيء ابي وحده منهم تركب معي لكن مش راضين.
راكان: قيودتي مالك شغل فيها بتركب معي صح قيودتي.
قيود: لا مو صح ماني راكبه لا معك ولا معه.
راكان:افا ترديني و تفشليني.
قيود ماتبي تفشله قدامهم قالت: راكان ما اقدر اخاف وما اعرف اسبح.
نوف:تعقدتي من الماء.
قيود: شكلي كذا.
راكان راح يمها وقال:افا تخافين وأنتِ معي بحطك بعيوني ماني مخليك تطيحين بالبحر.
ام محمد: خلاص قيود قومي ركبي معه.
مد راكان يده وما بغت تفشله عطته يدها وقامت راحت معه لبسها راكان سترة الانقاذ وركب وركبت وراه وقال لها : تمسكي فيني عدل .
قيود:اوكي. مشىء ودخل بالبحر.
قيود: لا تبتعد عن الشاطئ كثير.
راكان: لا تخافين حبيبتي ما بعدنا كثير .
حس انها خايفه كثير من قوة مسكتها له رجعها لشاطئ وقبل لاتنزل قالت له : أنا ما ابي اركب معك لكن ركبت علشان ما فشلك قدامهم.
راكان:قيود أنتِ مش مصدقه اني احبك ؟!!
قيود ماردت عليه
نزلت وراحت عنه هو رجع للبحر وبتعد عنهم وهي كانت تراقبه .
.. .. .. ..

جلسوا العايله كم يوم بالشاليه وقضوا وقت حلوا .
ولما كانوا بيمشون قال راكان لقيود : تعالي ركبي معي .
قيود: بس كذا ولا يهمك رح اركب السياره وانا بجيك.
راكان: اه ياحبيبتي أنا عارف انك ما تقدرين تستقنين عني زي ما انا
مقدر استقنى عنك.
قيود: وانا اقدر رح وبجيك.
راح راكان وجلس بسيارته ينتظرها لكن تفاجاء لما جت الهنوف وركبت معه وقالت له: ياله امش وش تنتظر؟
راكان: انتظر قيود وينها ؟؟؟
الهنوف :ماهي جايه اركبت مع اهلها وقالت لي اجي اركب معك.
راكان عصب منها: هين يا قيود تضحكين علي وتسوين فيني كذا .
الهنوف: وش سوت؟
راكان: ما سوت شيء . شغل سيارته ومشئ .
اتصل عليها ما ردت قيود كانت تضحك على الحركه الي سوتها فيه وعارفه انه معصب لكذا ما ردت .
.. .. .. ..

راكان في اليوم الثاني من رجوعهم من الشاليه راح لبيت عمه ليرجع قيود حسب الاتفاق بينهم يخطبها لما كلم عمه بالموضوع راح ابو محمد لقيود ولا كان عنده علم بلي يصير بين راكان وقيود كان كل فكره ان راكان جاي ياخذها لتروح بيتها بعد ما تصالحوا هي قالت لبوها انها بتظل عندهم كم يوم .
ابو محمد: ليه انتم ما تصالحتوا ؟!!!
قيود: الا لكن انا بجلس كم يوم بعد عندكم ولا خلاص يبه ماليت مني وما تبيني.
ابو محمد: افا هذا بيتك والود ودي ما تطلعين منه .

راح ابو محمد لراكان وقاله ان بنته بتجلس عندهم كم يوم.
راكان: على راحتها انا بجي بعدين با خذها .
( يعني بيجي بياخذ يا رفض يالموافقه ان قيود ترجع معه لكن هو مطمن قلبه لان عارف انها تحبه ومستحيل ترفض )
استأذن راكان من عمه وراح اتصل على قيود لكن ما ردت وظل يتصل عليها لليل ونهار لكنها ما ترد عليه ارسل لها مسجات كلها حب وغزل لكن لا حياة لمن تنادي ما ترد ولو بمسج بعد ثلاثة ايام ردت ارسلت له مسج " عيب عليك تتغزل بنات الناس "
راكان رد عليها " ما اتغزل با حد غريب اتغزل بخطيبتي "
قيود " ما بعد اصير خطيبتك "
راكان " متى بتصيرين طالت المده "
قيود " لسه جالسه افكر "
راكان " وأنتِ تفكرين ابيك تعرفين شيء واحد "
قيود " وشهو "
راكان " اني احـــــــبك "
قيود قالت وانا احبك لكن ما رسلتها
قيود" طيب مع السلامه "
ر اكان" لحظه قيود بتصل وردي على اشتقت لك ولصوتك "
قيود ما ردت عليه وهو اتصل لكنها طنشته
ظل يرسل ويتصل وهي ما ترد (لانها تبي تعذبه مثل ما عذبها وانها ما ترجعله بهذي السهوله )
ارسل لها مسج "
.

.


.

.
شاطره تدورين بس ماتعرفين ترسلين .....
ومسج "







لا تدور على الراسلة دور على المرسل اللي نسيته.

ومسج " تصور كذا وحنا بعاد يصير شيء ماتتوقعه
ياخذ امانتي رب العباد ويختفي صوتي وماتسمعه .
تصور لو يجي هاليوم وتندم على ما فات وتتحسر
على حبيب وتزيد في صدرك هموم وتبكي فراقي بس بوقت متأخر قلي وقتها بتكون مرتاح ؟؟؟؟؟؟؟
ومسج " ما راح تحسين فيني الا لوقفتي عند قبري
وتقولين هذا اللي بلأمس كان يموت فيني "

قيود لما قرت المسجين الاخرين ارسلت له
" بسم الله عليك من الموت يا بعد روحي أن شاء الله يومي قبل يومك "
راكان " اخيراً رديتي على العاشق الولهان الي جالس ينتظرك من زمان "
قيود" ما رديت لك بس مسج رديتلك انا كلي و ما احمله لك من حب وعشق وغلا " لكن استحت ومسحته وارسلت
" ما رديت لك بس مسج رديتلك انا كلي "
راكان ما صدق الي يقراه اتصل عليها
راكان: خلاص يا حبيبتي بترجعين لي وبتنتهي معاناتي .
قيود: ايه برجعلك .
راكان: جهزي نفسك دقيقه وانا عندك .
قيود توها بتتكلم الا راكان سكر التلفون وراح لها
هي عرفت انه جاء لها غيرت ملابسها بسرعه وحطت مكياج خفيف وتعطرت وجتها شغاله تقول لها ان راكان تحت ينتظرها .
نزلت له كان جالس مع امها واختها جود هو بس شافها قام
ومدت يدها تسلم عليه هو مد يده لها وسحبه وضمها وهي خجلت وتغير وجها .
راكان: لو تعرفين وش كثر انا مشتاق لك .
امها خذت جود وطلعت
هي بتعدت عنه وكانت منزله راسها مستحيه
راكان : يا حلو الي يستحون.
جلست قيود كانت مرتبكه كانها اول مره تشوفه او تجلس معه.
راكان : ليه جلستي قومي نروح بيتنا .
قيود مع انها خجلانه لكنها تكلمت: ماني راجعه معك اليوم .
راكان: جلس يمها : ليه ؟!!
قيود : مو انت خطبتني وانا اليوم وافقت بعد كم يوم يكون زواجنا يعني رجعتي للبيت .
راكان:الله انتظر بعد .
قيود: احمد ربك قلت ايام ما قلت اشهور انا عروس ولزم اتجهز الناس مو على طول يتزوجون .
راكان خاف يتكلم تزيد المده قال لها : بوافق بس على شرط.
قيود: وشهو؟
راكان: ازورك كل يوم واذا تصلت عليك تردين مو تطنشيني.
قيود: موافقه .
راكان قرب يمها وقال :اجل أنتِ الحين خطيبتي .
قيود ابتعدت عنه : ايه .
راكان: تدرين ان اليوم رحت لدكتور وكشفت على قلبي.
قيود خافت : ليه قلبك وش فيه ؟
راكان: يألمني .
قيود قربت منه وحطت يدها على صدره جهت القلب وقالت: وش قالك الدكتور.
راكان حط يده على يدها وقال : سوء تخطيط لقلبي وبعد ما شافه قالي انت حالتك خطيره مالها علاج لاعندي ولا عند أي دكتور علاجك عند الي اسمها محفور بقلبك علاجك عند قيود هي سبب ألم قلبك.
قيود ضربته: يا كذاب خوفتني.
راكان: صحيح خفتي علي؟
قيود: اجل ما اخاف عليك انت ولد عمي.
راكان: بس ولد عمك .
قيود: وخطيبي .
راكان: بس خطيبك؟
قيود: بعدين اقولك وش تكون بعد .

جلسوا يسولفون وفي اليوم الثاني جاء راكان وجاب الفلوس( مهرها ) والشبكه والهدايه الي تركتهم وجاب ورد احمر لها معهم .
.. .. .. ..
راكان كل يوم يزور قيود ويتصل عليها ويطلب منها ان يتزوجون ( ترجع معه البيت ) هي ترفض .

وفي يوم جاء بندر لقيود وقال لها: روحي لبسي عباتك وتعالي معي ابي اكلمك بموضوع مهم .
قيود: تعال اجلس وتكلم مافيه احد يمنا .
بندر: لا تعالي اخاف احد يجي ولا يسمعنا .
قيود: طيب لكن وين بتروح ؟
بندر: تعالي بعدين بتعرفين.
راحت معه وقف عند بيتها
قيود: ليه جايبني هنا رجعني البيت.
بندر: لا تخافين راكان مش هنا مسافر.
قيود: متى سافر امس كان عندي ماقالي.
بندر: اليوم الصبح والحين خلينا من راكان نزلي ابي اكلمك.
قيود: ودني أي مكان وش معنى جايبني هنا؟
بندر: وين اوديك بيتي فيه نوف وبيتنا فيه هلي احسن مكان هنا.
قيود: عندك مفتاح البيت؟
بندر: ايه راكان معطيني اياه لسقي الحديقه .
نزل بندر ونزلت معه دخلوا الصاله
بندر ساكت بعدين قال:قيود انا ما اعرف وش اقولك ما اقول الا الله يصبرك.
قيود: يصبرني على ايش؟
بندر: راكان ماسافر راكان .وسكت
قيود بخوف مسكت اخوها : بندر قلي راكان صار له شيء لا تخبي علي . وبكت
الا صوت من خلفها يقول :انا بخير .
التفتت قيود لعند مصدر الصوت شافت راكان واقف ويبتسم عرفت انها خطها مسويها راكان وبندر ليجيبونها قالت لخوها بعصبيه: تكذب علي كذا تسوي بختك.
بندر: لانك اختي ويهمني مصلحتك جبتك لبيتك انا اعرف انكم تحبون بعض ولكذا انا جبتك وانتهاء دوري مع السلامه ولا تحاتين بقول لمي انك رجعتي لزوجك.
راح عنهم قيود بتلحقه وقف راكان عند الباب وقال لها:اذا قلتي لي انك ماتحبيني ولا تبيني راح اتركك تروحين معه.
قيود سكتت.
راكان: تحبيني قيود ابي اسمعها منك ريحيني .
هي ساكته
راكان: يعني ما تحبيني مثل ما انا احبك.
قيود منزله راسها وبصوت واطي: احبك.
راكان يرفع راسها ويقول: ما سمعت وش قلتي.
قيود : الا.
راكان : الا وش.
قيود:احبك.
ضمها راكان وقال : وانا اموت فيك وابيك تنسين كل الي مضى وتعتبرين ان هذا اليوم هو اول يوم من زواجنا.
قيود ابتعدت عنه وقالت: اذا هذا اول يوم زواجنا خلك هنا واذا تصلت عليك تعال.
راكان: ليه خلني معك.
قيود:بخليك معي بس موالحين .
راحت لغرفتها شافتها معدله ومزينه وكلها ورد وشموع ابتسمت وراحت خذت دش وغيرت ملابسها وتمكيجت وتعطرت وتصلت على راكان وجاء فتح الباب سمع صوت موسيقى هاديه و شاف عروس واقفه مقطاه بطرحه ومن حولها الشموع ابتسم وراح يمها شال طرحتها وانكشف وجها الملائكي وقال لها : اجمل عروس بهذي الدنيا .
هي ستحت ونزلت راسها .
راكان بيشيلها
قيود: وش تسوي؟
راكان: موأنتِ عروس وانا المعرس لزم اشيلك.
قيود: لا مولزم.
راكان اصر انها يشيلها هي حاولت تهرب منه لكن مسكها وقال لها :هذي المره منتي هاربه مني يا قيودي .
شالها وهي تضحك حطها على السريروقالت له: يا مجنون.
راكان:أنتِ الي جننتيني.
واطفئ الشموع الموجوده بالغرفه لتنتهي بذلك دموع الشموع وليبدأ ُحياةًً جديده كلها حب في حب.

ঔღঔ

انتهت الدموع ونطفت الشموع انتهت الروايه وأتمنى انها نالت اعجابكم ولو بنسبه بسيط واعتذر لكم لو شاهدتم اثناء قرأتكم بعض الاخطاء فعذروني فهذهِ قصتي الأولى .

ঔღঔ
والأن بقول لكم وش صار لهم بعد انتهاء القصه .
* راكــ وقيود ــان *

عاشوا في سعاده لا تخلوا طبعاً من بعض المشاكل البسيطه ملح الحياة التي لا يخلوا بيت منها وبعد كم شهر من زواجهم كانت قيود جالسه وجاء راكان من شغله ونسدح على رجلها.
قيود: حبيبي أنا اليوم رحت وجبت لك هديه وابيك تعرف وين مخبيتها.
راكان: بدرج.
قيود:لا.
راكان: ورى الكنب .
قيود: لا.
راكان قال لها عن كل الاماكن الي يمكن مخبيتها فيها لما تعب
قيود مسكت يده وحطتها على بطنها وقالت مخبيتها هنا.
راكان استعدل وقال:قيود أنتِ.
قيود:ايه اليوم رحت مع امي وشفت نتائج فحوصات وقالت لي الدكتوره اني حامل ماتصدق ياراكان وش كثر فرحت لني بجيب ولد او بنت منك.
راكان: مو كثري انا حبيبتي.

وشالها وصار يدور فيها بالغرفه وقيود تقوله: راكان نزلني لا يتعور البيبي.
راكان نزلتها: اووو اسف حبيبتي لكن اعذريني من فرحتي .


وبعد عدت شهور رزقوا بطفلتين توأم اطلق على واحده اسم والدة راكان ( نوره ) والثانيه اسم والدة قيود ( منيره )
وكان هذا الحوار بينهم لحظة احتضانهم الطفلتين.
راكان: حبيبتي لما يكبرون البنات ويتزوجون نوره بتجيب ولد وتسميه راكان ومنيره بتجيب بنت وتسميها قيود ويتزوجون بعض مثلنا.
قيود: انا ماني مخليه حفيدتي قيود تتزوج راكان.
راكان: وليه؟
قيود: علشان ما يعذبها مثل منت عذبتني بحبك.
ضحك راكان وهي ضحكت.
.. .. .. ..
أما بالنسبه لعمل راكان فكان ممتاز وقد اخبر قيود عن قرأته لدفترها الكحلي .
وقيود تخرجت من الجامعه وبتدت في تنفيذ فكرتها المؤجله لعمل معرض للوحاتها ووقف راكان معها وساعدها.

* بندر ونوف *
بندر طلق نوف طلقه واحد نتيجة شجارحدث بينهم بسبب غيرتها عليه لكن ارجعها لعصمته لانه يُحبها وهي لم تكمل الجامعه بعد انجابه ابنها الأولى وفضلت البقاء بالبيت عن الدراسه وما زالت تغار على بندر واصبح لديهم من الابناء ولدين وبنت .

* نواف وعهود *
نواف بعد تخرجه من الجامعه طلب منه اخيه راكان ان يعمل معه لانه بحاجه لشخص يثق به وتزوج عهود وهي حامل في شهرها الثامن وتخرجت من الجامعه وهي مدرسه الان.

* خالد ونجود *
خالد طلب من نجود ان يذهبُ للخارج للعلاج حتى تتمكن من الانجاب لكنها رفضت وقالت له :من قال لك بأني لا انجب فانا لدي اربعة ابناء وهذا يكفيني.

* بدراصيب بشلل رباعي نتيجت حادث اثناء التفحيط ولكنه لم يتحمل الصدمه بانه سيجلس طريح الفراش لا يقدر على الحركه ولا بعمل ابسط الاشياء وتدهورت حالته الصحيه ومات .

* الهنوف تدرس بالجامعه ومخطوبه لأبن احد الجيران .
* الخال عبد المحسن تزوج على زوجته حصه وهي بعد ان علمت بزواجه تغيرت واصبحت لا تتكلم باحد .

*أم ندى تعيش الان مع بناتها براحه بعد ان سجن زوجها نتيجة ضربه لها مما كان سيؤدي الى وفاتها فقد ضربها وفقدت الوعي فخافت احد بناتها وتصلت بشرطه وحضروا والغوا القبض عليه ووجدوه في حاله غير طبيعيه وعنده زجاجة خمر .


انتهت الدموع ونطفت الشموع

وشكراً لكم
ا
خ
ت
ك
م
صمــ الشروق ـــت


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 143
قديم(ـة) 19-03-2010, 01:08 PM
~ dala3 girl ~ ~ dala3 girl ~ غير متصل
©؛°¨غرامي فعال ¨°؛©
 
الافتراضي رد: رواية دموع الشموع


انتهت الرواية ...

وأشكر كل الي ردوو علياا وخلوني اكمل نقل الرواية ..

لأني خلااص كنت ابى اوقف ..

بس عشان عيونهم الحلوهـ كملت نقلها ..

وانا آسفة على كل شيء ..

بحفظ الله ياحلويين ..

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 144
قديم(ـة) 19-03-2010, 07:47 PM
نبض المملكه نبض المملكه غير متصل
©؛°¨غرامي جديد¨°؛©
 
الافتراضي رد: رواية دموع الشموع


السلام عليكم ................
الروايه مرررررره جنااااااااااااان
وسلمت يداك
والله يعطيك العافيه
وماقصرتي
عجزت يداي عن وصف ماقرأت
تقبلي مروري المتواضع
اختك
نبض المملكه

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 145
قديم(ـة) 27-08-2010, 01:02 PM
ملاآكـ وعيونيـ هلاآكـ ملاآكـ وعيونيـ هلاآكـ غير متصل
©؛°¨غرامي مشارك¨°؛©
 
الافتراضي رد: رواية دموع الشموع


يسلمو الموضوع مره حلو

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 146
قديم(ـة) 09-07-2013, 08:05 AM
صورة اأصصغر خقققققققققة الرمزية
اأصصغر خقققققققققة اأصصغر خقققققققققة غير متصل
©؛°¨غرامي مشارك¨°؛©
 
الافتراضي رد: رواية دموع الشموع / كاملة


روووعه تسلم يدك يالغلا

الرد باقتباس
إضافة رد

رواية دموع الشموع / كاملة

الوسوم
الشموع , اروع , بالحيل , دموع , رومانسية , رواية
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
رواية مخ عربجي / الكاتبة : غرامها ساحر ، كاملة غرآمهآ سآحر روايات كامله - يتم نقل الرواية هنا بعد اكتمالها 786 09-11-2018 12:15 AM
رواية ضحية زمن / بقلمي ، كاملة شاربه فليت و مضيعه البيت روايات كامله - يتم نقل الرواية هنا بعد اكتمالها 101 19-01-2016 09:37 AM
رواية صعب المنال / كاملة برائـــة طفلـــهـ ارشيف غرام 3 10-12-2010 02:29 PM
مجلس الروايات للإستفسارات و الطلبات ؛ !! أنـثـى الـ خ ـيـآلـ !! روايات - طويلة 3973 07-10-2010 01:10 PM

الساعة الآن +3: 11:42 AM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


youtube

SEO by vBSEO 3.6.1