غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 11
قديم(ـة) 16-11-2009, 02:37 PM
صورة روح قلم الرمزية
روح قلم روح قلم غير متصل
©؛°¨غرامي مشارك¨°؛©
 
الافتراضي رد: دموع الشموع / رواية ولا أروع رومانسية بالحيل


ويـــــــــــــــــــــــــــــــــــــــنــــــــ ـــــــــــــــــــــــــــــج؟؟؟؟

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 12
قديم(ـة) 16-11-2009, 07:12 PM
~ dala3 girl ~ ~ dala3 girl ~ غير متصل
©؛°¨غرامي فعال ¨°؛©
 
الافتراضي رد: دموع الشموع / رواية ولا أروع رومانسية بالحيل







الجــــ الرابع ـــزء


قيود : لا شفيك الف مره تسألني هذا السؤال مافيها شيء تطمن وطمن قلبك يا مكابر ومكشوف .
وبتروح عنه ومسكها
بندر : وش تقصدين بكلامك انا ما احب الف ودوران تكلمي بصراحه .
قيود : هنا لا اذا رجعنا للبيت اقولك .وراحت عنه
ويرن تلفون بندر
بندر : الو .
الطرف الثاني أم محمد : بندر وينكم تأخرتوا .
بندر : زين يمه الحين بنجي .
أم محمد : انتبه وانت تسوق لا تسرع ونتبه على خواتك وبنات عمك .
بندر : ان شاء الله يمه لا توصيني هم بعيوني .
وهو يكلم امه يأشر لقيود علشان يمشون ولما رجعوا البيت
بندر : ها وصلنا للبيت قولي الي عندك .
قيود : وش الي عندي ماعندي شيء .
بندر : قيود أنتِ قلتيلي بتقولين بالبيت يله قولي ابي اعرف وش يدور في راسك .
قيود : اقولك وبصراحه .
بندر : ايه ما ابي غيرها .
قيود قامت وقربت عنده : أنت تحب نوف صح .
بندر :هههههههههههههههههههههههههـ .
قيود بستغراب : وش فيك تضحك !!
بندر : اضحك على كلامك احسب عندك سالفه أي حب واي بطيخ.
قيود : افهم من كلامك انك ما تحب نوف .
بندر : ولا فكرت فيها اصلاً بنت عمك هذي تنحب بالله عليك .
قيود : ليه وش فيها نوف حبوبه .
بندر : أنتِ شفتي شكلها وهي تمشي كأنها بطريق يمشي مو بنت أنا تجذبني البنت الرشيقه مو الدبه زي بنت عمك .
قيود : حرام عليك تقول عنها كذا .
بندر : لا حرام ولا شيء انا اقول الحقيقه وبعدين تعالي قوليلي ليه اعتقدتي اني احبها .
قيود : اشوفك مهتم فيها وديتها المستشفى ولما طاحت اليوم كلها تسأل عنها قلت الولد يحبها .
بندر : بنت عمي ومن واجبي اهتم فيها اذا كانوا اهلها مش موجودين تبيني اشوفها متعوره وخليها وامشي .
قيود : لا ( وقامت ) انا بروح غرفتي .
بندر : تعالي وش فيك من عرفتي اني ما احب بنت عمك كشرتي وزعلتي .
قيود : مافيني شيء وانا وش دخلني فيك حبيتها ولا ما حبيتها وراحت عنه لغرفتها.
( قيود كانت تحس ان نوف تحب بندر لان كل ما جابت طاريه لون وجها يتغير لكن كانت ساكته وما بينت لها ولا سألتها ولما شافت بندر مهتم بنوف اعتقدت انه يبادلها نفس الشعور وكانت تبي تتأكد لذا سألته لكن اطلعت غلطانه وهذا الي حزنها وتمنت أن يكون احساسه بحب نوف لخوها خطأ).

.... بيت اهل مشاعل ....

مشعل : مشاعل من هذي البنت الي طالعه من بيتنا .
مشاعل : هذي وحده معي بالجامعه جايه تاخذ اوراق مني .
مشعل : وش اسمها ؟
مشاعل :أنت وش عليك . وراحت عنها ولحقها ومسك يدها .
مشعل :ثاني مره لا تمشين عني وانا جالس اكلمك وسألتك سؤال جاوبي عليه وش اسمها ؟
مشاعل : ماني قايله لك وش اسمها .
مشعل : قولي لي ولا بتشوفين شيء ما عمرك شفتيه قولي .
مشاعل خافت من اخوها لانه سبق ان ضربها وكسر يدها : اسمها هياء ارتحت .
مشعل : كم رقمها ؟
مشاعل بعصبيه : أنت ما تستحي على وجهك أنت يامشعل ماكنت كذا وش الي صار لك وقلب حالك والبنت هذي مش زي البنات الي تعرفهم .
مشعل مسك يد اخته بقوه ولفها ورى ظهرها : اقولك كم الرقم .
مشاعل : ماهو عندي .
مشعل : وين جوالك هاتيه .
مشاعل تبكي : مشعل حرام عليك والي تسويه غلط بغلط كله من رفيق السوء يوسف هو الي مشاك في هذا الطريق .
{ مشعل كان شاب صالح لكنه تعرف على واحد يشتغل معه اسمه يوسف وسحبه لطريق الفساد }
مشعل : اص ولا كلمه وعطيني جوالك .
مشاعل عطته الجوال غصب عنها وطلع اسم هياء وخذ الرقم .
مشاعل : يكون بعلمك هذي البنت تحلم تعطيك وجه .
مشعل خذا الرقم ومشى عنها وساعه عشر بالليل اتصل عليها .
اتصل عدت مرات وهياء ماردت لانه رقم غريب عليها لكن لما شافته كل شوي يتصل ردت عليه تشوف وش يبي.
هياء : الو .
مشعل : السلام عليكم .
هياء : وعليكم السلام.
مشعل : سلطان موجود.
هياء : لا اخوي أنت غلطان مع السلامه .
مشعل : لحضه لحضه . هياء ما نتظرت سكرت عليه .
مشعل : اه يازين صوتها خلني اتصل مره ثانيه .
هياء ردت عليه وقالت : قلت لك غلطان هذا ماهو رقم سلطان لا تتصل مره ثانيه .
مشعل : كيف ماهو رقم سلطان انا متأكد انه رقمه .
هياء : انا اقولك ماهو رقمه يعني ماهو رقمه. وسكرت عليه
مشعل : كل شوي تسكر علي ما تعطيني فرصه اتكلم بكره بحاول معها ماعليه وين بتروح مني .

..... يـــوم الاربعاء .....

بيت ابو خالد مسوين عزومه بمناسبة رجوع راكان من السفر ولما خلصوا من العشاءعزم ابو محمدالجميع على العشاء ابيته يوم الخميس وبعد ما راحوا المعازيم فاتح راكان ابوه بموضوع شغله وانه قرر يدخل شريك مع صديقه وزميل الدراسه غازي وانهم بيبتدون بشركه صغيره على قدهم وافق ابوه خصوصاً انه يعرف غازي وأهله وصاه اذا حتاج أي مساعده او استشاره يلجئ له .

..... يوم السبت .....

نوف وعهود يتكلمون بتلفون

عهود : نوف تصدقين ان فارس المملكه راد على موضوعي بالمنتدى .
نوف : وش فيها هو يرد على الكل .
عهود : تقولين وش فيها أنتِ نسيتي اني متهاوشه معه في الشات .
نوف :الشات غير والمنتدى غير .
عهود : طيب نوف استأذن الحين عبير تناديني بنروح السوق .
نوف : وش عندك بالسوق .
عهود : عبير بتشتري هديه لجارتها الوالده وبروح معها وش رايك تروحين معنا .
نوف : لا مشكوره مالي مزاج اروح السوق يله ما اعطلك مع السلامه .
عهود : مع السلامه .
أم خالد كانت جالسه جنب نوف : الحين انتم ما تشبعون سوالف توك شايفتها با لجامعه من كم ساعه .
نوف : السوالف احد يشبع منها هذا أنتِ صبح وعصر مع خالتي تسوالفون ياهي عندك ولا أنتِ عندها ولا طالعين سوى ولا على التلفون ولا حلال عليكم وحرام علينا .
أم خالد : اشتغل المسجل الحين من يطفيه الله يعيني بس عليكِ .
نوف : أنا بطفيه وبروح اشغله عند قيود .
أم خالد : بتروحين بيت عمك؟
نوف : ايه بروح اشوف قيود وش بتلبس بملكة أخوها محمد يوم الخميس .
أم خالد : روحي ولا تتأخرين لاتدوخين العرب خففي من هرجك شوي .
نوف : طيب ماني متاخره لكن باقي كلامك ما كني سمعته .
أم خالد : وأنتِ من متى تسمعين الكلام روحي بس لا توجعين رأسي .
نوف : علشان ما تقولين ما اسمع الكلام هذا انا بسمع كلامك وروح باي .
راحت نوف بيت عمها شافت بندر وهو طالع من بيتهم
نوف في داخلها وهي تطالعه تقول : يئبرني أبن عمي على هالوسامه.
قيود جاتها من وراها : بوووووووووو .
نوف : يمه روعتيني يالخبله .
قيود : بسم الله عليك ِ أنتِ العاقله وش فيك تأخرتي علي.
نوف :كنت اكلم عهود بتلفون يله تعالي وريني بدلتك .
قيود : يعني جايه تشوفين البدله ما تشوفيني .
نوف : من حلات وجهك اشوفك كفايه شفتك الصبح .
قيود تمسكها وتلفها جهت بيتهم وتقول لها : روحي بيتكم ما عندنا بدل تنشاف يلاه .
نوف : تطرديني .
قيود : ايه .
نوف : وجعيه هذا اخر مره تشوفيني انسي ان عندك بنت عم خلاص .
قيود تغني : خلاص يعني كل شيء بيننا انتهاء وراح . ( اغنيه لاريام )
نوف : الاخت مبسوطه انها ما راح تشوفني جالسه تغني .
قيود : أكيد لاني راح افتك منك.
نوف : لهدرجه أنا كنت مضايقتك .
قيود : بصراحه كاتمه على انفاسي .
نوف : بختفي من حياتك علشان تتنفسين وتوها بتمشي الا قيود اوقفت بوجها .
قيود : هههههههههههههههههـ صحيح انك خبله وتصدقين بسرعه.
نوف تسوي نفسها زعلانه : وخري عن طريقي بروح بيتنا .
قيود : ماني موخره وش بتسوين .
نوف : وخرتي ولا ما وخرتي بجلس عندك لحد ما اخلص على اخر نفس فيك .
قيود: حياك الله البيت بيتك والمكان مكانك تو ما تبارك البيت اسفرت وانورت وبعد وش يقولون .
نوف : بسأل أمي واقولك .
قيود : اذا سألتيها قولي لي والحين تعالي نروح غرفتي .

..... يوم الخميس .....

ملكة محمد على مشاعل صديقة قيود عايشه بالبيت مع امها واخوها الكبير تركي وزوجته وعيالهم واخوها مشعل وعندها اخت متزوجه .
في غرفة العروس وهي جالسه على الكرسي وبكامل زينتها.
قيود : وش هزين وين مخبيه هذا الجمال عنا يا بختك يا محمد .
مشاعل خجلت ونزلت راسها
نوف : يله مشاعل ننزل تحت.
مشاعل : الحين .
نوف : لا بكره اجل الحين قومي بس قومي .
مشاعل : خايفه .
قيود: سمي بسم الله وقري قرآن ويروح عنك الخوف ان شاء الله .
نوف : يله حنا معك .
نزلت مشاعل وسلمت على الموجودين و دخل عليهم محمد مع اخوها تركي وسلم تركي وطلع و محمد ليلبس مشاعل الشبكه طقم من الالماس وساعة الماس و من الارتباك ما عرف يسكر العقد ساعدته قيود
وراح هو مع زوجته لغرفه ثانيه وجلس معها شوي ولما طلع دخلت على مشاعل قيود ونوف .
قيود : هاوش رايك بخوي عجبك .
نوف : كيف ما يعجبها هذا محمد مو أي واحد.
مشاعل تناظر نوف :اشوفك معجبه فيه .
قيود : بدت الغيره اهربي يانوف لا تنذبحين .
نوف تغيض مشاعل : محمد ولد عمي واكيد يعجبني لأن كل الصفات الزينه فيه وكل بنت تتمنى يكون من نصيبها واخذت تمدح بمحمد وانها معجبه فيه وياليته خاطبها وقاطعتها قيود لانها شافت مشاعل تغير وجها وشكلها مصدقه كلام نوف : اسكتي شكل البنت صدقت انك تبين محمد .
نوف تضرب مشاعل على كتفها : وأنتي صدقتي كلامي محمد مثل اخوي وفرحانه كثير انك من نصيبه .
دخلت عليهم جود تناديهم بيروحون سلموا على مشاعل وراحوا اركبت قيود مع محمد السياره تبي تعرف رايه في مشاعل.( لان هي الي مختارتها لتكون زوجة لخوها )
قيود : ها محمد وش رايك في ختياري عجبتك مشاعل .
محمد: امحق اختيار انا الغلطان الي خذت وحده على ذوقك ياليتني شايفها قبل لا املك عليها وتوهق .
قيود معصبه من كلامه : وش تقول انت وش تتوهق حرام عليك لاتحكم عليها من اول مره تشوفها مشاعل بنت حلوه ومؤدبه واخلاق وبنت عايله ومن قبيلتنا مو انت قلت تبي وحده من نفس القبيله .
محمد : ايه لكن بنات القبيله كثار وش معنى اخترتي مشاعل .
قيود : توك تسألني هذا السؤال المفروض قلته لي من اول ماقلت لك اخذ مشاعل مو الحين جاي تسألني ( وتمسك التلفون )
محمد : من تتصلين عليه .
قيود : بتصل بندر يوقف بركب معه أنت بصراحه تبط الكبد .
محمد سحب منها التلفون :خلاص لا تزعلين امري لله ابتليت وبصبر .
قيود : أنا ابي اعرف وش الي مو عاجبك فيها وشهو عيبها .
محمد : بصراحه هي لها عيب واحد .
قيود : وشهو .

انتهاء الجزء
.. .. .. ..
1- وشهو العيب الي شافه محمد بمشاعل ؟
2- مشعل راح يتصل بهياء مره ثانيه ولا لا؟
.. .. .. ..

اجابت هذي الأسأله بالأجزاء القادمه ان شاء الله


اختكم
صمــ الشروق ــت


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 13
قديم(ـة) 17-11-2009, 01:21 PM
صورة روح قلم الرمزية
روح قلم روح قلم غير متصل
©؛°¨غرامي مشارك¨°؛©
 
الافتراضي رد: دموع الشموع / رواية ولا أروع رومانسية بالحيل


روااااااااااااااااية رااااااااااائعه ومحمسة كملي ننتظرك على احر من الجمر

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 14
قديم(ـة) 17-11-2009, 01:53 PM
~ dala3 girl ~ ~ dala3 girl ~ غير متصل
©؛°¨غرامي فعال ¨°؛©
 
الافتراضي رد: دموع الشموع / رواية ولا أروع رومانسية بالحيل







الجـــ الخامس ـــزء

.. .. ..

محمد : بصراحه هي لها عيب واحد .
قيود : وشهو ؟
محمد : أنك أنتِ صديقتها .
قيود تطالعه بستغراب : الحين البنت مو عاجبتك ولا صداقتي لها هو الي موعاجبتك .
محمد : الاثنين .
قيود : طيب دامكم على البر طلقها ولا تظلمها معك اذا كنت ما تبيها .
محمد : ما اقدر .
قيود : ليه .
محمد :لأن القلب صارلها من اول ما شافتها .
قيود: ياكذاب جالس تكذب علي وانا مصدقتك رفعت ضغطي .
محمد :هههههههههههههههههههـ .
قيود : تضحك بعد وتضربه بشنطتها .
محمد : أي ول مو شنطه حديد .
قيود : صحيح مشاعل عجبتك .
محمد : اكيد تعجبني ونص دامنك أنتِ المختارتها .
قيود : اتطمن وارتاح دخلت قلبك البنت .
محمد : ايه تطمني وعرفي أن اخوك اسعد واحد اليوم .
قيود : أن شاء الله اليوم ودوم ربي يسعدك .
محمد : ويسعدك أنتِ بعد ببن الحلال .
قيود استحت وغيرة الموضوع بسؤالها لخوها عن رايه في مشاعل وجلس محمد يتكلم ويمدح فيها وكان شكله مبسوط مره وصار يسولفون ولما وصلوا البيت
اتصلت نوف بقيود .
نوف : ها وش قال محمد عن مشاعل .
قيود : بسم الله اول شيء سلمي وبعدين سألي .
نوف : زين السلام عليكم ها سلمت.
قيود: وعليكم السلام كيفك .
نوف : البنت مطوله توك شايفتني وسألتني عن احوالي دخلي بسالفه وش قال محمد .
قيود : وش يقول (قيود تبي نوف تعصب ) .
نوف : بتذبحني هالبنت قولي لي كل الي قاله عن مشاعل رايه فيها .
قيود :قالت لنوف كل الي صار بسياره وهي تتكلم معها دق الباب
قيود : نوف لحضه الباب يدق .
قيود : تفضل .
محمد فتح الباب .
قيود : هلا ومرحبا بمعرسنا .
محمد وهو يبتسم : هلا فيك عطيني رقم مشاعل نسيت اخذه منها .
قيود تغمز له : مو بس نسيت تأخذ منها الرقم أنت شكل شفتها ونسيت نفسك.
محمد : ياليت نسيت نفسي عندهم وما جيت معكم .
قيود : الله الله اخوي حب من اول جلسه اجل الحين لكلمتها وش بيصير فيك .
محمد : بنخبل .
قيود : اجل ماني معطتك الرقم اخاف من صدق تنخبل .
محمد قرب يمها : عطيني ولأ اخلي قلبي يقاطعك ولا يكلمك .
قيود : ما تقدر .
محمد : اقدر. سوى نفسه بيطلع من الغرفه نادته
قيود : محمد.
محمد ما رد عليها
قيود : هذا وأنت ما بعد تتزوجها بتقاطع اختك علشان ما رضت تعطيك رقمها أجل بعدين وش بتسوي .
محمد يلتفت عليها : بدينا من الحين .
قيود : لا بدينا ولا نتهينا تعال خذ رقم حبيبت القلب الظاهر كلكم صنف واحد يالشباب من ترتبطون بوحده تنسون اهلكم .
محمد راح جلس يمها ولف يده عليها وحطها على كتفها : اذا كانت هي حبيبت قلبي مره أنتِ حبيبتي الف مره وعرفي زين لا مشاعل ولا غيرها يقدر يغيرني عليك أو تنسيني أهلي .
قيود تحسف على الكلام الي قالته لخوها:والله ما كنت اقصد الكلام الي قلتها أنا قلته لأنك ما رديت على لما ناديتك.
محمد : ها وهذا انا جنبك وش تبين .
قيود : أبي اعطيك الرقم لأن الوقت تأخر ويمكن العروس بتنام .
محمد أبتسم لخته وحب راسها
قيود : ويه .
محمد : وش فيك .
قيود: نسيت نوف على التلفون وترفع التلفون : نوف ( ما ردت )
قيود : نوف وينك نمتي .
نوف : لا اسمعك أنتِ ومحمد سلمي عليه وباركِ له .
قيود لمحمد : تسلم عليك نوف وتقولك مبروك .
محمد : الله يسلمها ويبارك فيها .
قيود : نوف اقول لمحمد وش قلتي لمشاعل .
نوف : قولي عادي .
قيود قالت لمحمد الحوار الي دار بينهم وبين مشاعل .
محمد : هههههههههـ اجل قولي لنوف بكره بجي بخطبها .
نوف سمعته : بتصل بمشاعل وقول لها .
قيود : تقولك بتتصل بمشاعل وتقول لها والله تسويها نوف .
(خذت قيود ورقه وكتبت رقم مشاعل وهي تكلم نوف وعطته محمد .)
محمد : لالا امزح معك تبون اليوم ملكتي وبكره طلاقي بروح عنكم احسن لي .
قيود ومحمد بيطلع من غرفتها : سلم على مرة أخوي .
محمد بتسم لها وطلع.
قيود : نوف وينك .
نوف : معك بس لحظه شوي .
(نوف كانت تكلم راكان الي كان جالس معها في الصاله )
راكان : بسك هذره سكري التلفون .
نوف : تو الناس ما خلصت سوالفنا .
راكان : صار لك 3 ساعات تتكلمين وما خلصت سوالفك .
نوف : طيب خلاص بسكر .
نوف : الو قيود .
قيود : هلا وش فيك .
نوف : ما فيني شيء بكره اشوفك مع السلامه .
قيود : نوف نوف لا تسكرين انا سمعت اخوك وهو يقولك سكري ما عليكِ منه اذا خايف على الفاتوره أنا ادفعها لا تهتمين وهذا أخوك ثقيل دم مغرورمدري على ايش لو على دراسته بأمريكا بكره أنا وأنتِ نروح ندرس هناك ونصير زيه واحسن منه .
( راكان ماهو ثقيل دم ولا مغرور وقيود قالت كذا لأنه قال لنوف سكري التلفون )
نوف : ههههههههههههههههه .
راكان : وش عليه تضحكين . ( حس انهم يتكلمون عنه )
نوف : تقول قيود اذا خايف من الفاتوره هي تدفعها وبعدين وجهة كلامها لقيود أكمل .
قيود : وأنتِ كل شيء اقوله تروحين تقولينه لالا تكملين لجيك اذبحك .
نوف لراكان : قيود ماهي راضيه اقولك وش قالت .
راكان : قولي ولا عليكِ منها .
نوف : ماني قايله .
راكان بعصبيه يناظر نوف بمعنى قولي .
نوف : سامحيني قيود بقول .
قيود : لا تقولين .
( قيود ماتبي نوف تقول لراكان لانها تخجل منه ومن كلامها عنه)
نوف : قيود تقول عنك ثقيل دم .
راكان : وبعد .
نوف : ومغرور وأن انا وهي بنروح ندرس بأمريكا علشان نصير احسن منك.
راكان ما علق ومشى عنها وهو يقول في داخله بزر ( طفله )
قيود : نوف وش قال .
نوف :ما قال شيء .
قيود : يله نوف مع السلامه .
نوف : توك تقولين ما عليكِ منه ولا تخافين تدفعين الفاتوره هههههههههـ.
قيود : لا أنا بس عناد في أخوك قلت كذا ولا انا عارفه أن الفاتوره ما تهمكم .
نوف : طيب اجل يله اشوفك بكره مع السلامه .
قيود : ان شاء الله مع السلامه .

..... يوم الجمعه .....
بيت ابو خالد
خلود : السلام عليكم .
الكل : وعليكم السلام .
راحت ريم تركض لعند راكان
راكان : هلا هلا بالقمر وباسها وجلسها بحضنه .
الهنوف : راحت عليك يابو خالد غيرتك ريم كانت اول ما تجي تركض وتجلس بحضنك لكن من جاء راكان تركض له وتجلس عنده .
ابو خالد : وأنتِ تغيرتي مثلها .
الهنوف : أنا تغيرة كيف!
ابو خالد : كنتِ زمان تجلسين بحضني والحين لا .
نوف : يبه كبرك وتبيها تجلس بحضنك كبرت خلاص .
ابو خالد : لا هذي آخر العنقود مهما أكبرت بتضل صغيره بعيني.
الهنوف بدلع : الله يخليك لي يابابي وراحت وجلسة جنبه .
( أم خالد تسولف مع بنتها خلود )
أم خالد : مبروك .
خلود : الله يبارك فيك.
نوف : انتم وش عندكم ومبروك على ايش .
أم خالد : خلود حامل .
الكل : مبروك .
خلود : الله يبارك فيكم .
أبو خالد : راكان منت ناوي تعرس .
راكان : تو الناس و ماني فاضي الحين مشغول .
أم خالد : العمر ينتهي والشغل ما ينتهي .
راكان : يمه انا توني بادي شغلي والزواج راح يعيقني .
ابو خالد : هذا انا تزوجت وانا اصغر منك وكنت بداية شغلي والحمد الله مثل منت شايف بخير ونعمه .
راكان : زمان غير والحين غير وشال ريم وحطها بحضن جدتها : انا ماشي تأخرة على بندر .
أم خالد : تأخرة ولا تتهرب .
راكان يبوس راس امه : لا تأخرة وراح عنهم .
أم خالد : وين بيروح مصيره بيرجع .
نوف : أمي خلاص قررة انها تزوجه يعني تزوجه الله يعينك ياراكان .
ام خالد : وش قلتي .
نوف : ما قلت شيء بروح اكلم قيود ابشر بحمل خلود بتفرح كثير.
أم خالد : هاتي التلفون بكلم أختي وبشرها .
نوف :أن شاء الله واذا خلصتي عطيني قيود بكلمها .
الهنوف :وأنتِ ما تشبعين سوالف مع قيود لليل ونهار .
نوف وهي تعطي التلفون لمها تطالع الهنوف : وأنتِ وش عليك .
كلمت أم خالد اختها وبشرتها وكلموا خلود وباركة لها وبعد ما خلصت كلمت نوف قيود وهي تكلمها
الهنوف : نوف قولي لقيود ابيها ترسم لي .
نوف : استحي على وجهك كل اسبوع ترسم لك .
قيود : وش فيك نوف من تكلمين .
نوف : أكلم الهنوف ( وخذت الهنوف السماعه من اختها )
الهنوف : الو قيود .
قيود : هلا الهنوف .
الهنوف :ابي اطلب منك طلب بس مستحيه منك .
نوف: أنتِ تستحين .
قيود : أنتِ ما تطلبين أنتِ تامرين امر قولي الي عندك ولا تستحين .
الهنوف : أبيك ترسمين لي .
قيود : بس كذا حاضر ولا يهمك أنا كم الهنوف عندي .
الهنوف : وحده .
قيود : قولي لي وش تبين ارسم لك و ارسلي رسمك مع الشغاله.
الهنوف : ابيك ترسمين لي بيت تراثي عندي صوره لبيت تراثي راح ارسلها لك مع الرسم .
قيود : يكون احسن لكن متى تبينه بكره .
الهنوف : لا بعد بكره يوم الاحد .
قيود : خلاص ولا يهمك .
الهنوف : مشكوره يا احلى قيود .
قيود : العفوا .
نوف: خلاص قلتي الي تبينه عطيني السماعه .
الهنوف : قيود نوف تبيك مع السلامه .
قيود : مع السلامه .
نوف : قيود وأنتِ بتطيعينها كل اسبوع ترسمين لها .
قيود : أنا ما وراي شيء ورسمي للهنوف يسليني وأنتِ تعرفين ان الرسم هوايتي .
أم محمد : قيود قولي لنوف تقول لمها تجي عندي حريم .
قيود : نوف خلي خالتي تجي عندنا حريم .
نوف قالت لمها لكن امها اعتذرة ماهي رايحه لأنها تعبانه .
قيود : نوف خالتي وش فيها تعبانه كثير .
نوف : لا منسدحه تقول تعبانه شوي .
قيود : خذت دواها ؟
نوف : ايه.
قيود : متأكده .
نوف : ايه متأكده شفتها من شوي خذته وش فيك أنتِ تكذبيني .
قيود : لا حشا لكني حبيت اتطمن على خالتي خفت انها تتعب زي اخر مره .
نوف : لا أن شاء الله مافيها الا كل خير .
قيود : طيب تعالوا أنتِ وخلود والهنوف .
نوف : لا تعالي أنتِ أنتِ وحده وجيتك سهله .
قيود : لا ما اقدر أمي عندها حريم ويمكن تحتاجني في شيء .
نوف : كيفك .
قيود : طيب مانتم جاين ارسلو ا لي القمر يجي عندي .
نوف : أنتِ وراكان قمر وقمر مدري وش شايفين فيها مافيها من الحلى شيء .
خلود من بعيد : ادري فيك يانوف تحشين بنتِ حطيه على السبيكر .حطته نوف
خلود : قيود وش تقول عن بنتي .
قيود: لا تهتمين كل هذا من الغيره منها خلود طلبتك قولي تم .
خلود : تم وأنتِ تامرين ماتطلبين .
قيود :ياحبيبتي مشكوره مايامر عليك عدو ابي اشوف القمر .
خلود : وأم القمر ماتبين تشوفينها .
قيود : في احد يحصله يشوف قمرين ويقول لا .
خلود :والله أنتِ القمر وسكر والعسل برسلك ريم مع الشغاله .
قيود : وأنا راح استقبلها بالورد وفرش لها السجاده الحمراء .
نوف : يا حبيبتي السجاده الحمراء راح تمشي عليها الشغاله مو ريم .
قيود :والشغاله من شايله مو شايله القمر تستاهل انها تمشي عليها.
أم خالد كانت منسدحه وتسمعهم : وأنتِ تستاهلين كل خير يا بنتي.
قيود : تسلمين خالتي طمنيني خالتي على صحتك .
أم خالد : الحمد الله بخير كلت دواي وصرت احسن .
قيود : الحمد لله يله مع السلامه خالتي والبنات لا طول عليكم .
الكل : مع السلامه .
أم خالد تكلم بناتها : ياحبني لهذي البنت .( تقصد قيود )
نوف تكلم أمها : مدري وش مسويه لك قيود ساحرتك .
أم خالد : ايه ساحرتني بطيبتها وحنانها و أدبها واخلاقها.
أم خالد تكلم خلود : نادي الشغاله تودي ريم لقيود .
خلود : أن شاء الله .

..... بيت ابو محمد .....

لما شغاله جابت ريم لقيود جلست معها بصاله وكان جالس معهم بدر وطلبت منه قيود يضل مع ريم بتروح المطبخ شوي وترجع وراحت عنه ولما رجعت ما شافته ولا شافت ريم وعرفت انه خذها معه للمجلس وتصلت عليه .
قيود : اقولك اجلس عندها دقيقه تخطفها .
بدر : الله الله سويتيها اختطاف اجل اذا سالفه اختطاف ابي فديه .
قيود : اقولك جب ريم أنا قايله لمها تجيبها لي هذي امانه .
بدر : هذهِ جالسه معنا ومافيه احد غريب .
(كان موجود بالمجلس راكان ومحمد وبندر ونواف )
محمد يكلم بدر : أنت من تكلم .
بدر : هذي قيود تبي ريم .
محمد : ودها لها .
بدر : لا ماني موديها تقول ختطاف أنا ابي فديه .
نواف : حلوه اختطاف وينك يا خلود اختطفوا بنتك .
قيود تصرخ على بدر : جبهااااا لاسوي مداهمه على المجلس .
بدر :هههههههههههـ تقول بتسوي مداهمه .
نواف : مداهمه خشوا كل الممنوعات ههههههههههـ.
قيود : اوكي يا بدير راح تشوف .
(سكرة عليه التلفون وتصلت على بندر )
بندر : هلا .
قيود : بندر جب ريم .
بندر : أن شاء الله تعالي خذيها بطلعها لك من المجلس .
قيود : مشكور ياأطيب اخوا.

.... بيت اهل مشاعل ....

مشعل يتصل بهياء كل يوم وما ترد عليه وبعد عدت اتصالات ردت وحط لها اغنية كاظم الساهر الليله احساسي غريب عاشق وانا مالي حبيب
سكرت عليه التلفون وتصل عليها ولقاه مغلق .
في اليوم الثاني اتصل عليها ماترد وبعد عدت محاولات ردت عليه وقال بداخله الحمد الله بدت تلين .
مشعل : السلام عليكم.
هياء : وعليكم السلام بسألك سؤال وجاوبني بصراحه وابيك ما تقطع الاتصال وتسمع كلامي لنهايه .
{ هياء بنت واضحه وصريحه مع نفسها قبل الاخرين }
مشعل بداخله ول على طول هذي دخلت بلاسأله وانا مجنون اقطع الاتصال ما صدقت انك رديتي علي: اسألي وبسمعك لنهايه .
هياء : أنت ليه متصل ؟
مشعل : لتعرف على صاحبت هذا الصوت الجميل .
هياء : تتعرف ليه وين حنا عايشين لنتعرف على بعض .
مشعل : التعارف عادي اكلمك وتكلميني بحترام .
هياء : عادي !! أنت عندك خوات ؟
مشعل : ايه عندي .
هياء : عندهم اصحاب قصدي شباب ؟
مشعل عصب وقال : كان اذبحهم .
هياء : ليه تذبحهم توك تقول التعارف عادي يعني ترضى على نفسك وعلى بنات الناس وماترضى لخواتك يعني الامر ماهو عادي .
مشعل : انا رجال اسوي الي ابيه .
هياء : رجال والي بتكلمها وتتعرف عليه رجال زيك لا طبعاً انت بتتعرف على بنت اهلها واثقين فيهامعطينها التلفون لكن هي خانتهم مع واحد من امثالك ضحك عليها بكلمه وكلمتين من كلامه المعسول وهي بكل غباء صدقته .
مشعل : انا غير .
هياء : كل شخص يقول عن نفسه هو غير لكن بنهايه كلكم مثل بعض ولو سمحت لا تغاطعني انت وعدتني انك تسمع كلامي لنهايه .
مشعل : اوكي تكلمي .
هياء : اسمع اخوي الي ما ترضاه لخواتك لا ترضاه لبنات الناس والبنت الي بتضحك على عقلها اليوم وتسلب منها اعز ما تملك وتتركها باكر راح تكون في يوم من الايام زوجه لغيرك يمكن يكون اخوك او ولد عمك او خالك او احد اقاربكم والي اغراها وضحك عليها واحد غيرك يمكن تكون زوجتك انت ولا تضحك على نفسك وتقول كلام البنت لشاب غريب في التلفون امر عادي لا ماهو عادي وياخوي ابعد الشيطان عنك واذكر ربك وهذي اخر مره تتصل علي واذا تصلت مره ثانيه بيكون شغلك عند اخوي مع السلامه وسكرت التلفون .
كل هذا الكلام قالته هياء ومشعل ساكت يسمعها .

.... يوم الاحد ....
نوف وقيود جالسين في بيت اهل قيود يسولفون عن وش يلبسون في عرس هنادي بنت عمتهم اخت عهود .
نوف : كان نتضرو للعطله .
قيود:هو كان المفروض بالعطله لكن المعرس جاته بعثه للخارج لذا قررو يسون العرس الحين .
نوف : ياربي أنا وش اسوي كل ثيابي ضاقوا علي والجاهز ما يصلحلي اف منهم .
قيود : هي حفله بسيطه عائليه لبسي أي شيء أنا لو كانوا ملابسي قدك كان عطيتك عندي ملابس جديده مالبستهم .
نوف : مشكوره .
قيود : مو أنتِ قايله لي أن اخوك راكان جايب لك ملابس جديده ليه ماهم قدك ولا مش حلوين .
نوف : لا قدي و حلوين جايب لي بدله تصلح لهذي المناسبها .
قيود : خلاص اجل ليه هالحنه من الصبح لبسيها .
نوف : وأنتِ وش تلبسين .
قيود : عندي فستان حلو وناعم بالبسه لكن ما عندي جزمه تناسبه بكره جهزي نفسك بنروح السوق .
نوف : اذا تبين جاهزه من الحين .
قيود : لا بكره .
وسكتوا شوي بعدين قالت قيود : نوف ليه ما تسوين رجيم .
نوف : سويت كم مره لكن ماقدرت استمر مليت .
قيود : لزم تستمري وتتبعين نظام غذائي معين وتسوين رياضه علشان تضعفين اجل عاجبك الحاله الي أنتِ فيها كل ما عجبك شيء بسوق مالقيتي مقاسك ولو جات مناسبه بشكل مفاجئ ما يكون عندك لبس على الاقل لو كنتي ضعيفه راح تروحين السوق بسرعه وتشترين لكن أنتِ تضطرين تلبسين شيء قديم لان ما عندك وقت تفصلين والفساتين الي بسوق ماهي مقاسك وبعدين اهم من الملابس علشان صحتك السمنه ماهي زينه لك .
نوف : والله داريه لكن ما اقدر على الرجيم اتبعه يوم او يومين وبعدين اتركه .
قيود : طيب حطي بالك أنك تسوين هذا الشيء لشخص معين ماهو لك .
نوف بستغراب : لمين ؟
قيود تطالعها وتبتسم : لشخص أنتِ تحبينه .
نوف استحت وسكتت
قيود : وش فيكِ سكتي اجل احساسي صح .
نوف : أي احساس .
قيود : أنك تحبين اخوي بندر .
نوف تغير وجها ونزلت راسها
قيود : وش فيك قولي لي كلامي صحيح ولا أنا غلطانه .
نوف بخجل : صحيح .
قيود ضربتها على كتفها : مخبيه علي لوما أنا عرفت كان ظليتي ساكته .
نوف : استحي اقولك .
قيود : بسامحك هذي المره لكن ثاني مره لا تخبين عني شيء لكن قوليلي هو يحبك .
نوف : من .
قيود : بندر بعد من .
( قيود تعرف ان بندر ما يحب نوف لكن تبي تعرف نوف وش احساسها بندر يحبها ولا لا )
نوف : مدري ما عمري تكلمت معه هو قالك شيء .
قيود : " اه يا نوف مدري وش راح يصير فيك لو دريتي انه ما يحبك ولا يفكر فيك "
لا ما تكلمت معه بهذا الموضوع بس ليه ما تخلينه يحبك دامنك تحبينه .
نوف : كيف ؟
قيود : أنا راح اساعدك وكون صريحه معك اول شيء لزم وزنك يخف لان الشباب ما يحبون البنت السمينه .
نوف : بندر ما يحب البنت الدبه .
قيود : هو مو ما يحبها يحبها لكن تكون اخته خالته عمته لكن حبيبته ما اعتقد لان بندر يحب البنت الرشيقه وتلبس ملابس انيقه وتكون حركتها خفيفه .
نوف بحزن : افهم من كلامك أن بندر ما يحبني ولا راح يحبني .
قيود : ليه تقولين كذا حنا ما نعرف وش بقلب بندر لكن انا اقولك كذا علشان اذا ما كان يحبك نخليه يحبك واذا كان يحبك نخليه يحبك زود فهمتي .
نوف : ايه طيب قولي لي وش المواصفات الي يحبها بندر بالبنت أنتِ اخته وتعرفينه .
قيود : يحب البنت اخلاقها عاليه .
نوف : هذي موجوده .
قيود : يحب البنت خفيفة الدم .
نوف : هذي موجوده .
قيود : يحب البنت الانيقه .
نوف : صحيح اني دبه لكني انيقه يعني موجوده .
قيود : يحب البنت يكون عندها نسبه من الذكاء .
نوف : اقدر اقول انها عندي وبعد وش يحب .
قيود : يحبني ويحب أمي وابوي واخواني .
نوف : وعقبال ما يحبني .
قيود :هههههههههـ .
نوف : لا تضحكين كملي .
قيود : طبعاً يحب البنت الجميله .
نوف : الكل يقولي أنتِ دبه بس حلوه حلوه يعني جميله يعني عندي .
قيود : يحب البنت البشرتها بيضه .
نوف : أنا بيضه .
قيود : بيضه ولا دجاجه المهم وش بعد يحب يا قيود يا بنت ام قيود الحلوه المزيونه ايه تذكرة يحب يكون اسمها من اربع حروف .
نوف : وش معنى اربعة حروف .
قيود : مدري يمكن لان اسمه اربعة حروف .
نوف : احط في اخر اسمي حرف الهاء ويصير اسمي من اربع حروف نوفه .
قيود : ههههههههههههههـ وانتي صدقتي امزح معك .
نوف : بلا مزح تكلمي بجد احر ما عندي ابرد ما عندك .
قيود : نوف لهدرجه تحبين اخوي .
نوف : الا اموت فيه .
قيود : ما نبيكِ تموتين فيه نبيك تخففين من وزنك .
نوف : أن شاء الله بخففه لكن ابيك توقفين جنبي .
قامت قيود ووقفت جنبها : هذا انا وقفت جنبك وش تبين فيني .
ضربتها نوف وقالت : ابيك توقفين جنبي بالرجيم ورياضه .
قيود : ولا يهمك أنا معك ألا ما تصرين عارضة ازياء .
نوف : عارضة ازياء مره وحده .
قيود : أنتِ سمعي كلامي وراح تشوفين لكن عليكِ بصبر ولا تملين بسرعه ولا تضعفين قدام الاكل مهما كان شهي من الحين اقولك .
نوف : اوعدك .
قيود : خلاص بكره نروح لأخصائية التغذيه مع خلود ولا أمي .
نوف : ما يحتاج نروح انا رايحه قبل كذا وعندي نظام الغذائي الي لزم اتبعه .
قيود : خلاص اجل اتبعيه ولزم بكره تروحين تسجلين بنادي .
نوف : سجلي أنتِ معي بعد .
قيود : أنا ما احتاج وزني زين وبعدين انا امارس رياضه هنا بيتنا عندي اجهزه رياضيه.
نوف : خلاص اجل أمارس الرياضه معك .
قيود : لا والله علشان تمارسينها يوم وبعدين تهونين لا روحي نادي لتنجبرين وتلتزمين تسوين رياضه وفيه هناك ناس يتابعونك.
نوف : امري للله بروح .وقامت نوف تلبس عباتها .
قيود : وين بتروحين تو الناس .
نوف : تو الناس انا عندك من العصر والحين الساعه 9 بالليل .
قيود : عدا الوقت وحنا ما ندري .
نوف : قيودابي موضوع الرجيم يكون سر بيني وبينك.
قيود : ليه !؟
نوف : كذا ما ابي احد يعرف .
قيود : ايه فهمت لأنك تسوين الرجيم علشان خاطر بندر يحبك .
نوف : ايه .
قيود : أنتِ خبله اروح واقول نوف تسوي رجيم علشان بندر يحبها بذمتك هذا كلام ينقال أنتِ تسوين رجيم لنفسك قبل ما تسوينه علشان بندر فهمتي ولا لا .
نوف : فهمت .
قيود : طيب دام فهمتي ياله فارجي وذا رحتي البيت لا تاكلين خلاص أنتِ تعشيتي عندنا مو تروحين البيت وتتعشين مره ثانيه يا ويلك ولا تحسبين أني مش معك بالبيت ما راح اعرف وش كلتي لا أنا راح اراقبك ليل ونهار
نوف : حاضر يا استاذه قيود لكن كيف بترقبيني بتحطين كمرات.
قيود : كيف براقبك هذا سر .
نوف : طيب ممكن اعرف كيف بتراقبيني .
قيود : اقولك سر تقوليلي قولي سر هذا ما ينقال .
نوف : طيب مع السلامه .
قيود : مع السلامه وسلمي على الاهل والاقارب والاحباب .
نوف : يوصل باي.
قيود : خلاص باي روحي دخلي بيتكم ليه واقفه .
نوف : يمكن يمر احد . ( تقصد بندر )
قيود : بروح انادي عليكِ اخوانك واقول لهم شوفوا اختكم واقفه تغازل اخوي .
نوف : لالا بروح .
قيود : هههههههههـ يا خوافه .
راحت نوف ودخلت قيود بيتهم

.... بعد اسبوعين .....
بعد ما حضرت قيود واهلها عرس هنادي بنت عمتها شافوها ناس وجوا وخطبوها ولما عرفت أم خالد اتصلت على راكان بالشغل ونادته خافت أن قيود تروح لشخص ثاني غيره .
راكان : يمه وش فيك وش الموضوع الي ما يتأجل ومناديتني على شانه .
أم خالد : ابيك بكره تروح مع ابوك وتخطب قيود بنت عمك .
راكان : يمه أنتِ وش تقولين أنا كم مره قايل لك ما ابي اتزوج ما افكر بالزواج .
أم خالد : وبتضل طول عمرك بدون زواج .
راكان : لا يمه أن شاء الله بتزوج لكن مش الحين .
أم خالد : متى ؟


انتهاء الجزء
.. .. .. ..

1- راكان بيوافق انه يتقدم لخطبة بنت عمه ولا بيضل متمسك برأيه بعدم الزواج؟
2- مشعل بعد الكلام الي سمعه من هياء بيتصل فيها مره ثانيه ولا لا ؟


ا
خ
ت
ك
م

صمــ الشروق ــت




الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 15
قديم(ـة) 17-11-2009, 01:55 PM
~ dala3 girl ~ ~ dala3 girl ~ غير متصل
©؛°¨غرامي فعال ¨°؛©
 
الافتراضي رد: دموع الشموع / رواية ولا أروع رومانسية بالحيل


مشكووورة ياقلبي روح قلم ...


يسعدك ربي ويفرحك ويحلي ايامك ويحقق امانيكي ...

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 16
قديم(ـة) 18-11-2009, 03:26 PM
صورة روح قلم الرمزية
روح قلم روح قلم غير متصل
©؛°¨غرامي مشارك¨°؛©
 
الافتراضي رد: دموع الشموع / رواية ولا أروع رومانسية بالحيل


معفوفة <<<<يعني عفوا ههههههههههههه
كمليييييي استناج خيتوووو
يسلمووووووو

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 17
قديم(ـة) 18-11-2009, 06:19 PM
~ dala3 girl ~ ~ dala3 girl ~ غير متصل
©؛°¨غرامي فعال ¨°؛©
 
الافتراضي رد: دموع الشموع / رواية ولا أروع رومانسية بالحيل








الجــــ السـادس ــزء

.. .. .. ..

راكان : لا يمه ان شاء الله بتزوج لكن مش الحين .
أم خالد : متى ؟؟
راكان : بعدين أنا الحين توني بادي الشغل ويحتاج منى تركيز وتفرق والزواج مسؤوليه و راح يعطلني اوعدك اذا اثبت نفسي بشغلي وحققت طموحي راح اتزوج .
أم خالد : إلا البنت طايره منك اسمع كلامي عدل أنا من زمان انتظر هذي اللحظه الي تاخذ فيها بنت عمك وأنا ياولدي اذا عشت اليوم ما اضمن اعيش بكره لو لا الله ثم الادويه الي اخذها كان أنا الحين بقبري .
راكان : يمه لا تقولين هذا الكلام الله يطول بعمرك أن شاء الله وتشوفين عيالي وعيال عيالي .
أم خالد : ما ضنتي الحق على عيالك دام هذا حالك .
راكان : وش فيه حالي يمه فهميني أنا الحين مش مستعد لزواج .
أم خالد : أنا ماعلي منك بكره لزم تروح وتخطب قيود ولا راح تضيع منك .
راكان : ما خترتي الاهذي الطفله .
أم خالد : البنت عمرها 20 سنه و بالجامعه تقول عنها طفله !
راكان : طفله ولا حرمه أنا ما راح اتزوجها لا هي ولا غيرها ما راح اتزوج في الوقت الحاضر وهذا اخر كلام عندي .
أم خالد : يعني بتفشلني مع أختي وتكسر كلمتي أنا قلتلها بأنك أنت وابوك بترحون لهم وتخطبون بنتها .
راكان بعصبيه : يمه ليه تقولين لها بدون ما تشوريني انا مالي رأي .
أم خالد : اسمع لو تلف الكون كله ما راح تلاقى وحده احسن من بنت عمك ادب واخلاق وماشاء الله جمال واليوم جو ناس يخطبونها لولدهم واذا قيود تزوجت واحد غيرك لانت ولدي ولا أنا اعرفك .
راكان بعصبيه : تتبرين مني علشان بنت أختك !!
أم خالد وباين التعب على وجها : والله ياراكان أنت غالي عندي لذا اخترت لك قيود لانها أكثر وحده تناسبك وما راح تندم اذا تزوجتها ( وتسكت شوي وبعدين تكمل كلامها )
وهذي البنت داخله قلبي وعارفتها زين ومتربيه مع نوف ونواف .
راكان حس ان امه تعبانه : يمه روحي غرفتك ورتاحي أنتِ الحين وبكره أن شاء الله يصير خير .
أم خالد تتكلم بتعب : ما راح ارتاح الا لما توافق .
راكان : يعني موافقتي هي الي بتريحك .
أم خالد : ايه .
راكان : خلاص يمه موافق .
أم خالد ابتسمت وحضنت ولدها وهي تبكي من الفرح .
راكان باس راسها و مسك يدها وداها لغرفتها ترتاح و طلع من البيت متضايق ركب سيارته يلف بشوارع ولما تعب جلس على البحر يكلم نفسه أنا ليه وافقت أنا ما ابي اتزوج شغلي شاغل فكرى وقتي لكن اذا ما وافقت أمي مريضه بالقلب اخاف يصير لها شيء وأكون انا السبب ليه يايمه حطيتيني في هذا الموقف وافقت غصب عني وش هالورطه الي تورطتها ياراكان وبعدين قال اهم شيء عندي أن تكون أمي فرحانه وراضيه علي وهذا يكفيني وقال يمكن قيود ما توافق علي وترفضني لكن اذا وافقت كيف راح تكون حياتي مع الطفله الدلع وقال بداخله اكيد هي حركاتها مثل نوف مو متربيه معها اكيد مثلها وطالع الساعه شاف الوقت متأخر ركب سيارته وراح للبيت.
أمـــــي
إلى كل المنى والحب
اليكِ يا أمـي كل الهنا كل السعادة
اليكِ يــا أمـي أجمــل ورود ألعـالـم
اليك حبا بكل قطرة دم بجسدي
اليك ياأجمل نسيم يعطر أيامي
اليكِ ياأمي بكل معاناة وقطرة دمع
بذلتها من أجلي…
عمري هدية تعطر دنياك
يامن أعطيتي ولم تبخلي…
أمي مفتاح الجنة أمنحيني سعادة الدنيا
والاخره برضاكِ عني…

.. منقول ..

..... في اليوم الثاني .....

راح ابو خالد مع راكان يخطبون قال لهم ابو محمد انه موافق ماراح يلاقي احسن من راكان لبنته وانه بيشاور البنت وبيرد عليهم
" راكان بداخله قال البنت بيشاورونها وانا الرجال مالي شور يارب ما توافق ."
وستأذن ابو خالد وولده وراحوا بيتهم وابو محمد كلم زوجته وقال لها تكلم قيود بموضوع الخطبه.
.. .. .. ..

أم محمد مع قيود بغرفتها : قيود تعالي جلسي جنبي .
قيود راحت وجلست عند امها : خير يمه وش فيه ؟
أم محمد تطالع بنتها : امس جو ناس وخطبوك لولدهم و أخوك محمد يعرف الولد ويقول عنه دين واخلاق وظيفته زينه واليوم سأل ناس عنه والكل يمدحه .
قيود منزله راسه من الحياء : ادري يمه قلتي لي .
أم محمد : لكن الي ما تدرين عنه اليوم جاء عمك يخطبك لولده راكان وما يحتاج اكلمك عنه ولد عمك تعرفينه زين وأناشهادتي فيه مجروحه ابيك تفكرين وتختارين الي يناسبك وأنا وابوك ماراح نضغط عليك ولا نغصبك على شيء ماتبينه لك مطلق الحريه وقامت وهي بتطلع من الغرفه التفتت على بنتها وقالت وانتي تفكرين عرفي زين أن خالتك مكلمتني من زمان تبغيك لولدها وأجلنا الموضوع لحد ما يتخرج راكان من الجامعه وطلعت أم محمد وخلت قيود تفكر هي في قرارة نفسها موافقه على واحد منهم لكن عطت نفسها مجال لتفكير اكثر لتتخذ القرار الصح .
وكانت قيود محتاجه تتكلم مع احد في هذا الموضوع ما تصلت بنوف لأنها ما تقدر تتكلم معها بحريه لانها اخت راكان اتصلت على مشاعل لأن هي الوحيده الي تقدر تتكلم معها بدون خجل وبحريه .
قيود : لي ساعه اتصل فيك كله مشغول من تكلمين كل هذا الوقت.
مشاعل : أكلم محمد .
قيود : ايه قلتيلي محمد اقول مشاعل ماهي متعوده تتكلم كل هذا الوقت اثاريك تكلمين حبيب الئلب يله بسرعه قوليلي وش كنتم تقولون.
مشاعل : إذا كبرتي اعلمك .
قيود : بعديها لك هذي المره .
مشاعل : الا ما قلتي لي وش فيك متصله توني اليوم مكلمتك .
قيود : مشاعل ابي افكر لكن بصوت مسموع وبغيك تقولين رايك او بمعنا اصح تشاركيني .
مشاعل : قولي الي عندك وكل ما يدور بفكرك أنا مستعده اسمعك .
قيود : أنا أمس جو ناس وخطبوني واليوم جاء عمي وخطبني لراكان .
مشاعل : أخو نوف .
قيود : ايه ( وقالت لها الكلام الي قالته لها امها عن الي خاطبها مشاري )
مشاعل : وراكان وش رايك فيه ؟
قيود : راكان ولد عمي مني وفيني وأنا بصراحه فكري يقولي وافقي عليه الي تعرفينه احسن من الي ماتعرفينه .
مشاعل : وأنا من رايك وراح اقولك رأيي وأنتِ لك الحريه شوفي قيود انا اشوف ان ولد عمك انسب لك من الشخص الغريب والي اعرفه أن الكل في بيت عمك يحبونك وماجاء عمك في اليوم الثاني بعد ما خطبك مشاري الا انهم يبونك لولدهم وأنتِ لا تعطين رايك الا بعد ما تصلين صلاة الاستخاره .
قيود : أن شاء الله واسفه أني طولت عليك .
مشاعل : ما طولتي أنا جالسه ماعندي شيء .
قيود : مع السلامه .
مشاعل : مع السلامه .
بعد كمن يوم من خطبة راكان لقيود اعطى ابو محمد الموافقه لخوه وحددو يوم الملكه ( عقد القران ) بعد اسبوعين وأخذ الكل يستعد خصوصاً قيود لكن راكان ماهو مهتم طول وقت بشغله والشبكه راحت نوف وخلود شروها مع نواف لأن راكان رفض يروح بحجة انه مشغول وكانت عباره عن طقم وساعه ودبله كلهم الماس.

..... يـــــــوم الملكـــــــه ......

تجمعت العايله في بيت ابو محمد و الكل فرحان الا راكان غصب يبتسم علشان ما يبين انه ماهو راضي على هذا العرس وتصلت عليه خلود ليدخل ويلبس قيود الشبكه لكنه رفض وقال لخته انه ما يقدر يدخل مريض ومصدع وعنده الم في بطنه ما خل شيء في جسمه الا وقال انه يعوره
وعذرته اخته لعتقادها بانه ما يبي قيود تشوفه اول مره وهو مريض وراحت خلود وعتذرت لقيود الي نزلت وجلست مع الحريم وقالت لها بأن راكان يعتذر ماهو داخل لانه مريض و ما يبي اول مره تشوفه وهو بهذي الحاله مرهق وتعبان وأن الايام الجايه بيجتمع معها ويشوفون بعض أن شاء الله .
قيود كانت منزله راسها وخجلانه ولا تدري أن الكلام الي تقوله خلود ماهوبصدق راكان ما درى عنها ولا هتم منها.
خلود : قيود ما ابيك تزعلين .
قيود : ماني غريبه علشان ازعل وعذره معه ما يشوف شر .
اول ما قالت خلود لها ان راكان ماهو داخل حست انه هم ونزاح كانت تحاتي هذي اللحظه ماتبيه يدخل ولا تجلس معه كانت مستحيه .
خلود باستها : يا سعدك يا راكان بهالقيود المتفهمه صاحبة العقل الكبير .
جت نوف وسحبت خلود لترقص معها
خلود : يا الخبله شوي شوي علي لا اطيح أنا والي بطني .
نوف : اووو نسيت بس ما عليه خليه يرقص معنا خلود انا ماني مصدقه قيود صارت زوجة راكان يعني مرة اخوي .
خلود : اشوفك فرحانه مافرحتي بملكتي كذا .
نوف : الله تذكرين .
خلود : قولي ماشاء الله انا بروح خذي ريم وخليها ترقص معك .
نوف : زين .
نوف كانت من فرحتها ترقص على كل اغنيه وترقص معهاعهود ومشاعل وباقي البنات ولما تخلص الاغنيه تروح وتجلس عند قيود وبعد ما نتهت الحفله راح الكل بيته .

..... بيت ابو خالد .....

ابو خالد : مبروك يأم خالد .
أم خالد : الله يبارك فيك عقبال ما نفرح بنواف والبنات .
نواف : انا تو الناس علي .
نوف : نواف عروسته عندي .
نواف قرب لعندها : من هي .
خلود : توك تقول تو الناس .
نواف : لا ابي اعرف من مختاره لي نوف .
نوف : أنت ما عليك العروس بتعجبك .
ابو خالد : راكان وينه ؟
الهنوف كانت نازله من غرفتها : راكان بغرفته .
ابو خالد : وش فيه اليوم ماهو على بعضه .
نواف : كيف تبونه يكون على بعضه واليوم ملكته .
أم خالد : بروح اشوفه خلود قالت لي انه مريض علشان كذا ما دخل ولبس عروسته الشبكه .
خلود : يمه خليك مرتاحه انا بروح اشوفه واجي اطمنك .
راحت خلود لغرفة راكان ودقت الباب
راكان كان منسدح على السرير : تفضل .
فتحت خلود الباب وسبقتها بنتها ريم وراحت عند خالها .
راكان : هلا هلا بالقمر مانمتي .
ريم تهز راسها بمعنى لا
خلود : اشوفك مافيك الا العافيه .
راكان يكذب على اخته : الحمد لله صرت احسن الحين لما كلت بنادول .
خلود : راكان وش فيك أنت ماتبي قيود .
راكان .. ايه ما ابيها ولا ابي اتزوج اصلاً ....


انتهاء الجزء

.. .. .. ..

ا
خ
ت
ك
م

صمــ الشروق ـت


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 18
قديم(ـة) 18-11-2009, 08:50 PM
صورة روح قلم الرمزية
روح قلم روح قلم غير متصل
©؛°¨غرامي مشارك¨°؛©
 
الافتراضي رد: دموع الشموع / رواية ولا أروع رومانسية بالحيل


باااااااااااااارت راااااااااااااائع شكرااااا حبوبتي

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 19
قديم(ـة) 18-11-2009, 09:17 PM
~ dala3 girl ~ ~ dala3 girl ~ غير متصل
©؛°¨غرامي فعال ¨°؛©
 
الافتراضي رد: دموع الشموع / رواية ولا أروع رومانسية بالحيل






الجـــــ السابع ـــزء

.. .. .. ..

خلود : راكان وش فيك أنت ماتبي قيود .
راكان .. ايه ما ابيها ولا ابي اتزوج اصلاً .. كان في داخله يقول كذا .
راكان : لو ما ابيها كان ما خطبتها.
خلود : راكان حط قيود بعيونك واعرف انك حظك من السماء ان صارت قيود من نصيبك ما راحت لغيرك لانها بنت ولا كل البنات مافيه زيها .
راكان : حاضر خلصتي كلامك .
خلود : ايه .
راكان : خذي بنتك وبدون مطرود اطلعي أبي انام تعبان .
خلود : تعالي ريم خالك طردنا ومسكت يدها وقالت لراكان تصبح على خير.
راكان : وأنتِ من اهله .
راحت عنه و ضل جالس مانام لانه يحس انه مخنوق شيء كاتم على انفاسه .
في اليوم الثاني كان من المفروض يروح غازي شريك راكان لرياض يقضي شغل لهم هناك لكن راكان طلب منه انه هو يروح
بداله كان يبي يهرب من جو البيت من السوالف عن زواجه

أما قيود من دخلت غرفتهابالليلة الملكه ما طلعت منها خلت الشغاله تجيب لها الغداء لغرفتها كانت مستحيه من اخوانها لكن بندر وبدر ما خلوها راحوا لها
بدر: وين زوجة راكان وينها وين العروس ما بانت اليوم .
بندر : وش فيك حابسه نفسك بالغرفه وماتغديتي معنا .
قيود مستحيه وساكته
بدر : كيف تبيها تتغداء ولا يجيها نفس للأكل وراكان مسافر .
( يدرون انها متغديه بغرفتها لكن حبوا يخجلونها وقيود كانت على علم بسفر راكان لان نوف ما قصرت بس عرفت بسفر اخوها اتصلت على قيود وخبرتها )
بندر : ماهو صاده نفسها عن الأكل وبس حتى الكلام شفها من دخلنا ما قالت كلمه .
بندر راح وجلس عند اخته : تصدقين قيود على كثر فرحتي انك تزوجتي لا وبعد ما تزوجتي أي واحد خذتي راكان ولد عمي وصديقي الا أني حزين .
قيود طالعته : حزين !؟
بدر : تكلمت العروس .
بندر يطالع اخوه بنظره وهو متأثر لحسا سه ان اخته راح تبعد عنه ولتفت على قيود : ايه حزين حزين لأن بعد كم شهرماراح تكونين معنا بتكونين مع راكان حزين لانك ماراح تعيشين بهذا البيت وخصوصاً بهذي الغرفه حزين لأن ماراح اشوفك طول اليوم او اسمع صوتك حزين لان ماراح نذوق طبخاتك واشياء كثيره ماني حاس فيها الحين راح احس فيها بعدين.
قيود نزلت دموعها من كلام اخوها .
بندر : قيود أنا ما اقول هذا الكلام لتبكين لا تخليني اتحسف أني تكلمت وقلت كل الي بقلبي .
بدر حب يطري الجو : أنا عن نفسي مبسوط لأني بفتك منها ومن هذرتها .
قيود خذت علبت المناديل ورمتها عليه : تبي تفتك مني .
دخلت عليهم جود : وش تسون .
بدر يكلم قيود : اذا فتكينا منك ماراح نفتك من هذي .
وبدر يأشر علي جود قربت منه وعضت اصبعه وهربت .
بدر : أي يافاره اوريك ويركض وراها ويضحك عليه بندر وقيود.

..... بيت أبو خالد ......

نواف كان داخل المنتدى شاف موضوع لسكرتيرة الزعيمه
( عهود ) وقراه نواف يكلم نفسه : أم اللسان موضوعها زين ومفيد بثبته ليستفيد الجميع .
بعد ماخلص من المنتدى دخل الشات وسلم والكل رد ماعدى كم شخص ومن ضمنهم السكرتيره لانها ما نتبهت له كانت تكلم نوف بالتلفون وبعد ماخلصت من المكالمه شافت فارس المملكه مسلم ردت عليه ونادته لكن هو كان مع واحد بالخاص وماشافها وهي تناديه وبعد ما رجع للعام وتكلم قالت له السكرتيره : أنت يا فارس المملكه شايف نفسك علي لأنك سوبر يا مغرور.
¤ّ,¸¸,ّ¤؛°`°؛¤ فـــ المملـكـه ـــارس ¤؛°`°؛¤ّ,¸¸,ّ¤؛: اولاً الناس يردون السلام وبعدين يتهجمون وأنا ما اخطيت في حقك ومااعتقد بدر مني أي شيء أنتِ الي ما رديتي السلام علي .
سكرتيرة الزعيمه : مارديت السلام من اول ما دخلت لأني ما شفتك وأنت تدخل وتسلم ولما شفت سلامك رديت واعتذرة لك عن التأخير وناديتك لكن أنت تجاهلتني.
¤ّ,¸¸,ّ¤؛°`°؛¤ فـــ المملـكـه ـــارس ¤؛°`°؛¤ّ,¸¸,ّ¤؛: ما تجاهلتك كنت مشغول بالخاص .
تدخل العاشق الي كان مع فارس بالخاص : سكرتيرة فارس كان معي بالخاص واكيد ما نتبه لكلامك .
سكرتيرة :اذا كان الامر كذا اسفه فارس المملكه .
¤ّ,¸¸,ّ¤؛°`°؛¤ فـــ المملـكـه ـــارس ¤؛°`°؛¤ّ,¸¸,ّ¤؛: لاحصل خير .
¤ّ,¸¸,ّ¤؛°`°؛¤ فـــ المملـكـه ـــارس ¤؛°`°؛¤ّ,¸¸,ّ¤؛: سكرتيرة .
سكرتيرة : هلا .
¤ّ,¸¸,ّ¤؛°`°؛¤ فـــ المملـكـه ـــارس ¤؛°`°؛¤ّ,¸¸,ّ¤؛: تقولين انك تناديني خير .
سكرتيرة : ناديتك لاني حبيت اشكرك لتثبيت موضوعي بالمنتدى .
¤ّ,¸¸,ّ¤؛°`°؛¤ فـــ المملـكـه ـــارس ¤؛°`°؛¤ّ,¸¸,ّ¤؛: عفوا ومافيه داعي لشكر موضوعك مفيد ويستحق التثبيت وانا ما سويت الا واجبي كمشرف .
* دمعة غلا *: سكرتيرة ما شفتي الزعيمه ونائبتها .
سكرتيرة : الزعيمه ما اعتقد تدخل اليوم أما النائبه توها من شوي مكلمتني وتقول بتدخل وانا ما دخلت الا علشانها .
* دمعة غلا * : شكلك تعرفينها زين والدليل بينكم اتصالات .
سكرتيرة : ايه اعارفها .
(دخلت نائبة الزعيمه وسلمت وكانت معصبه من نواف لانها كانت تكلمه بالتلفون وتهاوشه ليه يثبت موضوع السكرتيره وهي ولا مره ثبت لها موضوع ولا مدحها
نوف : اوكي يا نواف راح تشوف وانسى اني ازوجك البنت الي اخترتها لك .
نواف : احسن ما ابيك تختارين لي وسكر بوجها التلفون .)
ومن حرتها من نواف ليه يسكر بوجها التلفون دخلت على سكرتيره خاص وطلبت منها انهم يتهاوشون مع فارس ( نواف ) لكن عهود رفضت وقالت لها انها توها صاير سوء تفاهم بينها وبينه.
نائبة الزعيمه : الا قولي ما تبيت تتهاوشين معه لانه مثبت موضوعك ولانه سوبر .
سكرتيرة : لا والله توني متهاوشه معه وما ابي اتهاوش معه كل شوي بسبب ولا بدون سبب وخلاص تركيه عنك وتعالي ننزل على العام .
نائبة الزعيمه : اوكي ننزل .
نائبة الزعيمه : فارس المملكه .
¤ّ,¸¸,ّ¤؛°`°؛¤ فـــ المملـكـه ـــارس ¤؛°`°؛¤ّ,¸¸,ّ¤؛: هلا نائبه .
نائبهة الزعيمه : لا كنت اجرب الكيبورد يكتب ولا لا .
¤ّ,¸¸,ّ¤؛°`°؛¤ فـــ المملـكـه ـــارس ¤؛°`°؛¤ّ,¸¸,ّ¤؛: تطمني يكتب والخط واضح والحبر ما كمل .
نائبة الزعيمه : بايخ وينك يالزعيمه هذا وقتك كان ساعدتيني مو بعض الناس .
سكرتيرة : اساعدك ضد شخص غلط عليك لكن الي انا اشوفه الاخ فارس ما غلط .
نائبة الزعيمه : ايه انا الغلطانه الي دخلت الشات مع السلامه .
سكرتيرة : نائبه تعالي لا تزعلين مني .
نائبة الزعيمه اطلعت من الشات .
سكرتيرة : نائبه نائبه .
¤ّ,¸¸,ّ¤؛°`°؛¤ فـــ المملـكـه ـــارس ¤؛°`°؛¤ّ,¸¸,ّ¤؛: خلاص راحت .
سكرتيرة : ياالله زعلت مني .
¤ّ,¸¸,ّ¤؛°`°؛¤ فـــ المملـكـه ـــارس ¤؛°`°؛¤ّ,¸¸,ّ¤؛: أنتِ ماغلطتي هي الغلطانه .
سكرتيرة : لو سمحت لا تتكلم عن صديقتي في غيابه .
¤ّ,¸¸,ّ¤؛°`°؛¤ فـــ المملـكـه ـــارس ¤؛°`°؛¤ّ,¸¸,ّ¤؛: ما تكلمت انا قلت الحقيقه .
دخلت نائبة الزعيمه مره ثانيه الشات .
سكرتيرة : الحمد لله انك رجعتي ليه ما رديتي على التلفون .
نائبة الزعيمه : بس زعلانه منك .
وجلسو يدردشون وبعدين قالت النائبه لفارس : فارس غيرة رأي بختار لك أنا العروسه .
سكرتيرة : نائبه بتشتغلين خطابه ياويلك من الخطابه بتذبحك اذا درت خذتي شغلتها ( كانت معهم بالشات وحده تدخل بنك خطابه )
نائبة : انا ما اخطب لاي احد الا لناس معينين .
سكرتيره : اها قلتي لي معينين ها .
نائبة الزعيمه : لايروح فكرك بعيد فارس مثل أخوي .
¤ّ,¸¸,ّ¤؛°`°؛¤ فـــ المملـكـه ـــارس ¤؛°`°؛¤ّ,¸¸,ّ¤؛: يشرفني أني اكون اخوك لكن ما قلتي لي من بتخطبين لي .
نائبة الزعيمه : أنت حاط عينك على وحده .
¤ّ,¸¸,ّ¤؛°`°؛¤ فـــ المملـكـه ـــارس ¤؛°`°؛¤ّ,¸¸,ّ¤؛: لا .
نائبة الزعيمه : أنا حاطه عيني على وحده لكن ماني قايله لك الحين .
سكرتيرة : حنا نعرفها .
نائبة الزعيمه : ايه وما ابي اسأله خلاص .
¤ّ,¸¸,ّ¤؛°`°؛¤ فـــ المملـكـه ـــارس ¤؛°`°؛¤ّ,¸¸,ّ¤؛: ما يحق لي اسأل عن عروسي ومن هي .
نائبه : كل شيء بوقته حلو .
نائبة : السكرتيره نزلي من الخاص ماني قايله لك من هي .
سكرتيره : كان جاوبتي على الخاص لزم تقولين للكل اني سألتك .
نائبه : ايه علشان تتوبين وما تسأليني .
¤ّ,¸¸,ّ¤؛°`°؛¤ فـــ المملـكـه ـــارس ¤؛°`°؛¤ّ,¸¸,ّ¤؛:
<<< الحمد الله مادخل خاص كان فضحته .
سكرتيرة : نائبه انا بطلع تامرين على شيء .
نائبه : ايه سكري الباب وراك ِ .
سكرتيره : ولا يهمك ماراح اسكره وبس بقفله وأخذ المفتاح .
¤ّ,¸¸,ّ¤؛°`°؛¤ فـــ المملـكـه ـــارس ¤؛°`°؛¤ّ,¸¸,ّ¤؛: بنكسر الباب ونطلع .
نائبه : صح فارس بس اخاف تتعور وأنت وراك عرس .
¤ّ,¸¸,ّ¤؛°`°؛¤ فـــ المملـكـه ـــارس ¤؛°`°؛¤ّ,¸¸,ّ¤؛: ولا يهمك انا قدها وقدود .
سكرتيرة : مغرور مع السلامه نائبه وطلعت .
¤ّ,¸¸,ّ¤؛°`°؛¤ فـــ المملـكـه ـــارس ¤؛°`°؛¤ّ,¸¸,ّ¤؛: << تقصد هذا مغرور .
نائبه : وش عرفك ؟
¤ّ,¸¸,ّ¤؛°`°؛¤ فـــ المملـكـه ـــارس ¤؛°`°؛¤ّ,¸¸,ّ¤؛: لانها سبق وقالت لي أنت مغرور .
نائبه : معاها حق .
نائبه : <<< تبي تقهر فارس .
وجلست نوف تدردش وكانت بتطلع لكن جت وحده تعرفها بالشات وجلست تسوالف معها .

* * *

جاء راكان من السفر وكان على قد ما يقدر يبي يبعد يوم زواجه
لكن حددوالموعد بعد ما يحضر محمد ولد عمه من شهر العسل امه اقترحت عليه يتزوج بنفس اليوم مع ولد عمه لكنه رفض لان زواج محمد بعد شهر وسبوعين وهو يبيله وقت لتأثيث بيته وقالت له امه يسكن معهم وكان رده عليها انه اذا سكن معهم نواف ماهو ماخذ راحته بالبيت لذا يفضل انه يسكن بيت بروحه وصار يبحث عن بيت له يكون قريب من أهله ولقاء بيت لكن يبعد عنهم بشارعين شراه ونشغل في تأثيثه وكان الكل
اذا شافوه مشغول بيته يعتقدون انه فرحان بزواجه او راضي عنه لكن راكان في داخله نار وتشتعل اكثر كل ما قرب يوم الزواج لكنه يظهر عكس ذلك مايبي احد يحس انه رافض هذا الزواج وكانت خلود ونوف يقولون له يروح يشوف قيود او يكلمها بتلفون وكان جوابه لهم ان شاء الله بتصل عليها بكره ولا يتصل طبعاً.
أما محمد خلص تأثيث بيته وهو جنب بيت اهله كان ابوه بانيه له وكان يتصل على مشاعل و يستشيرها في كل شيء بيشتريه للبيت في كل كبيره وصغيره وقيود كانت مشغوله تجهيز لعرسها وعرس اخوها وجاء وقت الاختبارات والكل انشغل بالمذاكره ما عدا نوف كان لعبها اكثر من مذاكرتها لكنها كانت متبعه الرجيم وتروح النادي تسوي رياضه وفي بعض الاوقات تمل وتفكر انها تبطل لكن قيود تذكرها أن بندر يحب البنت الرشيقه وتهددها أن اذا ما خفت ماراح تساعدها في الوصول لقلب بندرلذا كانت تتبع الرجيم .

..... يوم زواج محمـ ومشاعل ـد .....

:29ar: :29ar:

ابو محمد يكلم محمد وأمه تبخره : والله يامحمد ذكرتني بيوم عرسي .
بدر : يمه انتبهي ابوي شكله ناوي على الثانيه .
بندر نازل من الدرج : من هذي المزيونه .
(أم محمد جميله وقيود ما خذه منها هذا الجمال وكانت تهتم بنفسها واي شخص غريب ما يعرفها يشوفها مع بنتها يعتقد انهم خوات ماهم أم وبنتها)
بدر : هذي الغاليه ست الحبايب .
بندر : معقوله هذي أمي ما اصدق الي يشوفها ما يقول انها ام المعرس يفكرها اخته .
أم محمد : بلا كلام فاضي تعال ابخرك .
بندر : لا يمه تبخري أنتِ واقري على نفسك ولتفت على ابوه وقال له يبه قل لزوجتك تقراء على نفسها لا يعطونها عين .
ابو محمد : منيره الولد معه حق اقري على نفسك .
بدر يغمز لبوه : خايف عليها .
ابو محمد : اذا ما خفت عليها اجل من عليه اخاف .
أم محمد : الله يخليك لي ولعيالك .
العيال : امين .
في هذا الوقت كانت قيود مع نوف عند مشاعل في احد غرف بالفندق الي بيكون فيه العرس ومعاهم المزينه .
نوف : قيود شوفي شكلي حلو .
قيود : ايه حلوه لكن شيلي السواره مالها داعي خاتمك كبير وماهو بحلو معاها .
نوف شالت السوار : وكذا .
قيود : ايه كذا احلى, وانا وش رايك فيني .
نوف : ناعمه مره شكلك روعه روعه .
قيود: شكراً أنتِ بتجلسين هنا مع مشاعل ولا بتروحي معي للستقبال .
نوف : لابروح معك مشاعل معاها اختها .

........ في قاعة الفندق ........

كان اهل محمد واهل مشاعل واقفين بالستقبال ونظمت لهم نوف
وقيود وحضرت جميع المدعوات وطقوا الطقاقات ورقصوا البنات .
رن تلفون قيود وبتعدت عنهم كانت اخت مشاعل تقول لها أن العروس جاهزه وبتنزل .
وخبرت قيود الكل ان العروس بتدخل طفوا الانوار واشعلوا الشموع وتوجهة الانظار الا المدخل ودخلت العروس وكانت تمشي خطوه خطوه للكوشه وكانت انظار الحظور موجهه عليها ووصلت للكوشه ووقفت لحظه
وجتها قيود تعدل فستانها وجتها ام محمد تسلم عليها وبعدها جت ام خالد وام مشاعل وباقي البنات وسلموا عليها وجلست تطالع قيود ونوف وعهود واختها وهم يرقصون ويضحكون لها وتصل بندر وخبرهم أن محمد بيدخل تغطوا الحريم وأم محمد وأم مشاعل وقفوا جنب العروس.
دخل محمد وكان معه ابوه واخوان العروس وسلموا عليها وطلعوا
ومحمد رفع الطرحه من عليها وباسها على جبينها وسلمت عليه امه وام العروس وقيود وخالته ام خالد وعمته موضي وغنوا الطقاقات على محمد ومشاعل ورقصت قيود وجود وامهم وبعدها مشى محمد مع عروسه ليقطعون الكيكه وكانت المصوره طول الوقت تصورهم وتصورت معهم قيود وجود وبعدين تصورو بالحالهم وبعد ما خلصوا وداهم مشعل اخومشاعل لبيتهم وفي الصباح وصلهم بندر للمطار لانهم بيقضون شهر العسل في ايطاليا.
بعد سفر محمد نادت أم محمد ولدها بدر وعطته شيك وقالت له انه من اخوه محمد الي كان واعده يشتري له سياره بالاجازه وطلبت منه امه اذا بيشتري سياره ياخذ معه اخوه او واحد من عيال عمه راح اتصل بنواف ما رد عليه كان جواله مغلق قال اكيد بلقاه بالشات هذا وقته راح ودخل الشات وجد فارس المملكه.
ولد الجزيره : ( بدر ) فارس اتصلت عليك جوالك مغلق .
¤ّ,¸¸,ّ¤؛°`°؛¤ فـــ المملـكـه ـــارس ¤؛°`°؛¤ّ,¸¸,ّ¤؛: دور جواله ما شافه : ولد الجزيره الظاهر ناسي جوالي بالسياره امر وش بقيت .
ولد الجزيره : ابي اشوفك بكره مشغول ولا لا .
¤ّ,¸¸,ّ¤؛°`°؛¤ فـــ المملـكـه ـــارس ¤؛°`°؛¤ّ,¸¸,ّ¤؛: لا فاضي ليه ؟
ولد الجزيره : ابيك تخاويني بشتري سياره .
تدخلت الزعيمه الي كانت موجوده : ولد صحيح بتشتري سياره .
ولد الجزيره : ياشين اللقافه ايه بشتري اجل انا اكذب .
سكرتيرة : الزعيمه ماهي ملقوفه يحق لها طرح أي سؤال وتدخل في أي حوار .
الزعيمه والنائبه : صح اللسانك .
ولد الجزيره : تكلموا العصابه .
¤ّ,¸¸,ّ¤؛°`°؛¤ فـــ المملـكـه ـــارس ¤؛°`°؛¤ّ,¸¸,ّ¤؛: لا ماهي عصابه هذولا الثلاثي المرح .
نائبة الزعيمه : اسكت انت وياه لنجيب صديقاتنا وربعنا بالجامعه كلهم هنا .
¤ّ,¸¸,ّ¤؛°`°؛¤ فـــ المملـكـه ـــارس ¤؛°`°؛¤ّ,¸¸,ّ¤؛: لا انتم ثلاث وما نفتك من اللسانكم ولقافتكم لو جبتوا ربعكم وش بيصير بالشات .
الزعيمه :اقول يا جماعه دامكم مجتمعين بقول لكم اخر قراراتي .
الكل : تفضلي .

انتهاء الجزء

.. .. .. ..

ا
خ
ت
ك
م

صمــ الشروق ـت


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 20
قديم(ـة) 21-11-2009, 09:01 AM
صورة روح قلم الرمزية
روح قلم روح قلم غير متصل
©؛°¨غرامي مشارك¨°؛©
 
الافتراضي رد: دموع الشموع / رواية ولا أروع رومانسية بالحيل


باااااااااااااارت رااااااااااائع نستنى اللي بعدوو

الرد باقتباس
إضافة رد

رواية دموع الشموع / كاملة

الوسوم
الشموع , اروع , بالحيل , دموع , رومانسية , رواية
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
رواية مخ عربجي / الكاتبة : غرامها ساحر ، كاملة غرآمهآ سآحر روايات كامله - يتم نقل الرواية هنا بعد اكتمالها 786 09-11-2018 12:15 AM
رواية ضحية زمن / بقلمي ، كاملة شاربه فليت و مضيعه البيت روايات كامله - يتم نقل الرواية هنا بعد اكتمالها 101 19-01-2016 09:37 AM
رواية صعب المنال / كاملة برائـــة طفلـــهـ ارشيف غرام 3 10-12-2010 02:29 PM
مجلس الروايات للإستفسارات و الطلبات ؛ !! أنـثـى الـ خ ـيـآلـ !! روايات - طويلة 3973 07-10-2010 01:10 PM

الساعة الآن +3: 06:40 AM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


youtube

SEO by vBSEO 3.6.1