غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 31
قديم(ـة) 11-12-2009, 07:21 AM
~ dala3 girl ~ ~ dala3 girl ~ غير متصل
©؛°¨غرامي فعال ¨°؛©
 
الافتراضي رد: دموع الشموع / رواية ولا أروع رومانسية بالحيل


جلست حصه تتكلم عن الرجال وخيانتهم وعيونهم الزايقه وقيود ترد عليها واخرشيء قالت لها قيود :أم حمد حنا الحمد الله شباب عايلتنا متربين احسن تربيه ويعرفون ربهم والحمد الله ولا واحد فيهم سمعته مش زينه وبتتكلمين تكلمي بموضوع غير .
حصه : لا أنا بروح مع السلامه .
وراحت وسكرت قيود باب الشقه الا راكان طالع من الغرفه
سمع كل الكلام الي قالوه لان صوتهم كان طويل .
قيود : بسم الله ماطلعت .
راكان : لا ماعندي جزمه "" كرمكم الله "" جزمتي بالغرفه .
قيود : كان قلت لي اجيبها لك .
راكان : لا شفت الحوار ساخن سكت ياقيود بنت ناصر .
قيود استحت : وش اسوي لها ذبحتني الا بطلعك غلطان وراعي خرابيط مدري وش سالفتها .
راكان : خليها عنك ماعندها سالفه وش رايك نطلع .
قيود تطالع الساعه : بهذا الوقت ؟
راكان : ايه تو الناس خلينا نروح السينما يمكن فيها فلم حلو بصراحه انا طفشان .
قيود : وانا اكثر منك طفشتني بروح البس عباتي واجي .
نزلوا وكان بياخذ تاكسي لكن قيود قالت له نتمشى احسن مايحتاج تكسي المكان قريب وصلو لسينما وشافوا فلم لعادل امام تفرجوا عليه وطول الطريق يسولفون ويضحكون على المواقف الي بالفلم ولما رجعوا لشقه قال راكان لقيود : جهزي نفسك بكره بنروح اسكندريه .
قيود : متى نمشي من هنا .
راكان : الصباح لان مافيني صبر اتحمل ام حمد اكثر من كذا ولا تاخذين كل ثيابك يومين وراجعين وبعدين بنروح شرم الشيخ .
راكان لما شاف زوجة خاله كل شوي ناطه عليهم وكل مشوار بتروح معهم فكر احسن طريقه يبتعد عنهم .
في الصباح راحوا لسكندريه ونزلوا بجناح في فندق ورتاحوا وبعدين طلعوا يتمشون على البحر وهم يتمشون كان راكان لبس نظاره شمسيه شالها من عيونه وحطها فوق راسه وكان شكله روعه شافته قيود خذت الكاميره تصوره وهو يسوي حركات ويهرب عن الكاميره ومايخليها تصوره عدل .
قيود : ياأخي اثبت والا اقولك اضحك خل الصوره تطلع حلوه .
راكان : ضحت ولا ما ضحكت الصوره بتطلع حلوه أنا راكان ولد عبد الله هههههـ .
قيود وهي تضحك : يله عاد لا تسوي هذي الحركه ولا ماني مصورتك .
وهون راكان عن يسوي حركات وصورته قيود وهو يمشي وهو يجلس وكل حركه يسويها.
راكان خذ الكامره منها وقال : جاء دورك لصورك .
وصورها وعطى الكاميره لوحده جالسه وطلب منها تصوره هو وقيود .
راكان : تعالي قيود قربي علشان تطلعين بالكاميره .
قيود : لا ما ابي اصور معك كيفي .
راكان : حمدي ربك اني بصور معك انا لو تشوفين البنات بامريكا الكل يبي يصور معي ويكون قربي لكن انا ما اعطيهم وجه .
قيود : كان عطيتهم الشرف وصورت معهم ياتوم كروز .
الحرمه جت لركان وقالت : خلاص صورتكم .
راكان وقيود !! : صورتي.
خذ راكان الكميره واعاد ليشوف اللقطه الي صورتهم وقال للحرمه : مشكوره .
راكان لقيود : شفتي صورتي معي .
قيود : انت صورت معي أنت جيت يمي .
راكان : خلاص اثنينا صورنا مع بعض وش رايك باكلت سمك اسكندرانيه.
قيود: وش طراء على بالك .
راكان : شفت المطعم يله نروح له .وراحوا كلوا وبعدها تمشوا وراحوا للفندق وتصل راكان يتطمن على امه.
راكان : كيف صحتك يمه تاخذين الدواك .
أم خالد : ايه ياحبيبي اخذه وانا الحمد الله صحتي زينه انت كيفك وكيف بنتي الغاليه .
راكان : الحمد الله بخير .
ام خالد : كيف حال خالك .
راكان : بخير هو الحين بالقاهره وحنا بسكندريه .
ام خالد : انتبه لنفسك ولقيود .
راكان : أن شاء الله .
وكلمت قيود خالتها وسلمت عليها وجلسوا يومين وبعدين راحوا شرم الشيخ وظلوا كم يوم بعدها رجعوا لشقتهم بالقاهره وسافر الخال وزوجته وفي يوم اتصل عامر على راكان وبعد ماخلص مكالمته جلس قيودمن النوم وطلب منها تلبس عباتها بيروحون مشوار كانت الساعه خمس الصباح
قيود : خير وش صاير وين بنروح ؟!

* انتهاء الجزء ولكن ما زالت الشمعه تشتعل *

راكان وقيود وين بيروحون الساعه خمس الصباح؟

.. .. .. .. .. .. .. ..

ا
خ
ت
ك
م

صمــ الشروق ـت


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 32
قديم(ـة) 11-12-2009, 09:46 AM
صورة دلع بنات1 الرمزية
دلع بنات1 دلع بنات1 غير متصل
©؛°¨غرامي مشارك¨°؛©
 
الافتراضي رد: دموع الشموع / رواية ولا أروع رومانسية بالحيل


الروايه روووووووووووووووووووووووووووووووووووووووعهـ كثيررر

بليززز كمليها والله حمااااااااااس

تحيااااتي:

دلع بنات

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 33
قديم(ـة) 12-12-2009, 07:10 PM
سمرقد سمرقد غير متصل
©؛°¨غرامي مشارك¨°؛©
 
الافتراضي رد: دموع الشموع / رواية ولا أروع رومانسية بالحيل


رووووووووعه وبليز لاتطولي علينا

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 34
قديم(ـة) 13-12-2009, 03:32 AM
~ dala3 girl ~ ~ dala3 girl ~ غير متصل
©؛°¨غرامي فعال ¨°؛©
 
الافتراضي رد: دموع الشموع / رواية ولا أروع رومانسية بالحيل


اقتباس:
المشاركة الأساسية كتبها دلع بنات1 مشاهدة المشاركة
الروايه روووووووووووووووووووووووووووووووووووووووعهـ كثيررر

بليززز كمليها والله حمااااااااااس

تحيااااتي:

دلع بنات
ياهلااا وسهلااا دلووعة ..

الأرووع طلتك ياقمر ..

اوك قلبوو رح احط لكم البارت ..




الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 35
قديم(ـة) 13-12-2009, 03:34 AM
~ dala3 girl ~ ~ dala3 girl ~ غير متصل
©؛°¨غرامي فعال ¨°؛©
 
الافتراضي رد: دموع الشموع / رواية ولا أروع رومانسية بالحيل


اقتباس:
المشاركة الأساسية كتبها سمرقد مشاهدة المشاركة
رووووووووعه وبليز لاتطولي علينا
اهليييييييييين سمرقد ..

مشكوورة حيااتي ..

مارح اطول ان شاء الله ..

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 36
قديم(ـة) 13-12-2009, 03:40 AM
~ dala3 girl ~ ~ dala3 girl ~ غير متصل
©؛°¨غرامي فعال ¨°؛©
 
الافتراضي رد: دموع الشموع / رواية ولا أروع رومانسية بالحيل



الجــ الحادي عشر ــزء
.. .. .. .. .. .. .. .. .. .. ..

في يوم اتصل عامر على راكان وبعد ماخلص مكالمته جلس قيود من النوم وطلب منها تلبس عباتها بيروحون مشوار كانت الساعه خمس الصباح
قيود : خير وش صاير وين بنروح ؟!
راكان : واحد اعرفه ماسكينه الشرطه وطلب مني اروح اطمن زوجته وخته وولده بالفندق اكيد يحاتونه من طلع منهم امس مايدرون عنه شيء .
قيود : ليه ماتصل عليهم ؟
راكان : ماهو مسموح له الا بمكالمه وحده كلمني .
قيود : هو ليه ماسكينه الشرطه .
راكان : مدري بنروح نجيب اهله لشقتنا وخليهم معك وبروح له اشوف وش سالفته .( راكان بيجيبهم لشقه ليكون متطمن عليهم اكثر ويمكن سالفت خويه بتطول )
راحوا للفندق وتصلت قيود على زوجته لان عامر لما تصل على راكان عطاه رقم زوجته وطمنتها وطلبت منها تنزل لهم هي ولدها واخت عامر ونزلو وخذوهم ونزلهم راكان لشقه وراح يشوف عامر .
بعد اربع ساعات جوا وطلب راكان من عامر يجلس ويرتاح مع اهله بالشقه لكنه رفض وبعد ماشكر راكان راح للفندق.

قيود : عامرليه ماسكينه الشرطه .
راكان : سكران ومتهاوش مع واحد .
قيود : سكران دامنه بيسكر وعنده خرابيط ليه جايب اهله معه هذا زوجته معه ويسوي كذا اجل لو ما كانت معه وش سوى المسكينه كانت خايفه عليه ماتعرف وش جرى له من امس مانامت ولا كلت شيء تحاتيه وأنت ليه طلعته من السجن كان خليته يخيس وخل الخمر ينفعه .
راكان : تبيني اشوف واحد اعرفه محتاج لي وما اساعده .
قيود : الي مثل هذي الاشكال ما يستاهل احد يساعده الله يعلم غير شربه للخمر وش كان يسوي انا كسروا خاطري الحريم كانوا خايفات ما يعرفون وش يسون وهم بديره غريبه .
راكان : انا قلت له يرجع لديره لا يسوي مشاكل ومعه اهله يله روحي نامي اسف ازعجتك معي .
قيود : ما فيها ازعاج ونصيحه لوجه الله مثل هذي الاشكال اقطع علاقتك فيهم لانهم شبهه واذا ماشيته يفكرونك الناس زيه وسمكه الخايسه تخيس باقي السمك والحمد الله زوجة خالي مشت كان سوتها سالفه.
راكان : مشكوره على النصيحه وعامر ماهو صديقي ولا لي علاقه معه زميل دراسه .
قيود : اجل كيف عرف رقمك ؟
راكان : لما سلم علي هذيك المره خذه مني ويله روحي نامي لنطلع اليوم وتشترين الي تبين علشان بكره خلاص ماشين .
قيود : كيف نمشي بكره أنت قايل بنجلس هنا اسبوع بعد .
راكان : لا أنا حجزت وبكره مسافرين وبنروح جده .
قيود : جده ليه محنا رايحين الشرقيه ؟
راكان : لا عندي شغل بجده بخلصه ونروح لشرقيه و انا طولت على غازي تاركه وعندنا شغل كثير.
قيود : اوكي .
راحوا ناموا وبالليل طلعوا وثاني يوم سافروا لجده نزل راكان قيود بالفندق وراح يقضي اشغاله ماجاء الا بالليل وهي كانت جالسه لحاله متضايقه وحاسه بملل دخل عليها راكان وهي كانت تطل من النافذه على مسبح الفندق .
راكان : مليتي اسف كنت مشغول .
قيود :لا عادي خلصت شغلك .
راكان : لا بكره بخلصه ونمشيء .
دخل راكان ونام وهي بعد نامت وفي اليوم الثاني خلص راكان شغله وراح
خذ قيود وراحوا للمطار بيرجعون للشرقيه.
.. .. .. ..
هم بالطريق جاين من المطار .
قيود : ليه ماخليتني اتصل على بندر يجي وياخذني من المطار .
راكان : وليه يجي ياخذك أنتِ بتروحين معي البيت .
قيود : لا نزلني بيت هلي .
راكان : تعالي معي البيت ورتاحي وبعدين اوديك لهلك لا تخربين المفاجأه محد يدري بموعد وصولنا وبعدين أنتِ لمتى بتظلين بيت هلك .
قيود سكتت ما قالت شيء شافت ان كلامه صحيح لمته هي بتضل بيت اهلها .
راحوا بيتهم ورتاحوا وقيود طلعت الهدايا من الشنطه وحطت هدية كل شخص بكيسه وكتبت عليها اسمه لتعرفها وكل بيت حطت هداياهم بكيس كبير وتجهزت وراحت مع راكان بيت ابو خالد فتحت لهم الشغاله الباب وسألوها عن ام خالد قالت لهم بغرفتها ترتاح دق راكان الباب عليها .
أم خالد : تفضلي ( كانت تعتقد احد بناتها )
راكان فتح الباب وهو يبتسم لمه وقيود كانت واقفه تسلم على الهنوف بالصاله.
ام خالد وهي جالسه على السرير : هلا والله الحمد الله على السلامه .
راكان وهو يحب راس امه : الله يسلمك كيفك .
ام خالد : بخير يومني شفتك وين قيود .
راكان : قيود عجبتها مصر وظلت هناك .
ام خالد خافت أن قيود فيها شيء : راكان وين بنتي .
راكان شاف قيود وهي داخله الغرفه اشرعليها وقال : هذي هي .
ام خالد تبتسم لها : هلا ومرحبا بالغاليه الحمد الله على سلامتكم .
قيود : الله يسلمك خالتي وحبت راسها ووقفت وراكان كان جالس جنب امه بعد ما سلموا عليها طلعوا راحوا الصاله و نوف وهي نازله من الدرج ماتدري انهم جوا شافتهم .
نوف : قيووود راكان متى جيتوا .
وراحت تركض لقيود وسلمت عليها .
نوف: اشتقت لك .
قيود: مش اكثر مني وضمتها .
راكان : وانا منتي مسلمه علي .
نوف :الا بس ضعت لما شفت قيود .سلمت على اخوها وجلسوا يسولفون وعطتهم قيود هداياهم وستأذنت منهم بتروح تسلم على اهلها وراحت وراح معها راكان يسلم على عمه وخالته .
دخلوا غرفة التلفزيون وكان موجود فيها ابومحمد وام محمد وبدر سلموا عليه وجود كانت منسدحه تطالع التلفزيون ومانتبهت لهم .
قيود : جود حبيبتي .
التفتت عليها وجتها تركض.
قيود وهي شايلتها وحضنتها: ياثقلك يالدبه وجلست فيها على الكنب .
جود : ليه رحتي وخليتيني بالحالي .
( صحيح أن قيود لها فتره من تزوجت لكنها ما غابت عن جود الا اكم يوم اول زواجها وبعد ماجت كانت تشوفها كل يوم ماكانت تغيب عنها كثير مثل سفرتها هذي المره لذا شتاقت لها خصوصاً لعدم وجود أخت ثالثه لهم ولتعلق جود بختها )
قيود : انا ماخليتك بالحالك أنتِ عندك أبوي وامي وبندر وبدر وانا رحت وشريت لك لعبه وجيت .
جود : ما ابي اللعاب ابيكِ أنتِ لا تروحين عني مره ثانيه .
قيود باستها وقالت : خلاص هذا انا عندك وماني رايحه أي مكان .
راكان : جود سلمتي على اختك وسولفتي معها وانا لا خلاص زعلت منك .
جود راحت له : هذا انا جيت اسلم.
مسكها راكان وباسها وجلسها على رجله وطلب من قيود تجيب هديتها قامت قيود ووطلعت الكيس مكتوب عليه اسم جود وكان فيه لعبه شاريها راكان ولعبه وملابس شاريتهم هي وعطته جود وبقية الهداياء عطتهم امها وجلسوا يسولفون وتصل ابو خالد يعزم بيت اخوه على العشاء علشان يتجمعون مع بعض راحوا الرجال وجلسوا بالمجلس والحريم بغرفة الجلوس وبعد العشاء اتصل محمد على قيود يطلب منها تروح له بالخيمه لان بالمجلس ارجال وراحت له .
قيود : محمد ادخل .
محمد : ايه دخلي مافيه احد .
دخلت وشافت محمد وبندر وراكان جالسين راحت لعند محمد سلم عليها وضمها ونزلت دمعه من عينها .
محمد : ليه لو داري ماضميتك .
قيود : اشتقت لكم .
بندر وهو يسحب اخته من احضان اخوه : هاتها هاتها اسلم عليها وضمها بقوه .
محمد : لا تذبحها .
بندر : اشتقت لها وقال لقيود البيت مظلم بدونك ياسراج البيت واكثر واحد افتقدك بعد أمي وجود انا افتقدت جلسه معك ولسوالفك ومزحك وضحكتك .
( بندر يحب خواته كثير ويدلعهم ودايم كان يجلس مع قيود )
قيود صارت تبكي .
بندر : خلاص خلاص ماشتقنا لك سكتي .
محمد : بكيتها كله منك .
قيود : لا انا ابكي من فرحتي بشوفتكم .
بعد ماسلمت عليهم قيود كانت بتمشي تخاف يجي رجال او احد لكن بندر جلسها وطمنها محد جاي جلست بين اخوانها تسولف وتضحك وتتكلم بسعاده صحيح انها كانت تضحك وتتكلم مع راكان لكن الحين غير معاملاتها وضحكها مع اخوانها غير من القلب .
وراكان في هذا الوقت كان يطالع علاقة قيود بخوانها علاقه قويه غير عن علاقته هو مع خواته هو صحيح يحبهم ويشتاق لهم لكن ماهو زي علاقة عيال عمه مع قيود يحس انهم غير تختلف قويه لحظ هذا من خلال اتصالهم بختهم وهي مسافره والحين.
جلس راكان معهم شوي بعدين راح للمجلس ولما جت الساعه 11ونص مشى مع قيود راحوا بيتهم راح كل واحد غرفته ونام وفي الصباح جلست قيود نظفت البيت وجهزت الفطور لراكان وطلعت الحديقه شافت الزرع بيموت من قلت الماء جلست تسقيه وجاها راكان .
راكان : صباح الخير وش تسوين .
قيود : صباح النور اسقي الزرع افطرت .
راكان : لا .
قيود : فطورك على الطاولة راح افطر .
راكان : وأنتِ .
قيود : أنا سبقتك .
راح راكان يفطر ولما خلصت قيود خذت دش وغيرة ملابسها وراحت عند راكان بصاله .
راكان : بجيب لك شغاله تساعدك .
قيود : ما يحتاج .
راكان : بتفتح الجامعه ولزم احد يساعدك في شغل البيت .
قيود : اذا احتجت مساعده اجيب وحده من شغالات اهلي عندنا ثنتين لكن شغاله تعيش معنا لا .
راكان : ليه !
قيود : مايصلح شغاله تعيش معنا وضعنا غيرالشغاله لها اذن تسمع وعين تشوف واللسان تتكلم فيه لباقي الشغالات والكلام يوصل لناس .
راكان سكت وماعلق وقام والعصر راح شغله وماجاء الا بالليل دخل غرفته ونام .
وفي اليوم الثاني جلست قيود وطبخت الغداء ولما جاء راكان شم ريحته وكان يعتقد ان هله اواهل قيود مرسلينه حطت غداء لراكان ودته له .
راكان : منتي متغديه معي .
قيود : لا ما ابي توني فاطره . وراحت عنه .
أكل راكان وشال صحنه وداه للمطبخ شاف جدر على النار .
راكان بداخله : معقوله قيود طابخه هذا الغداء الزين .
حط صحنه وغسل يدينه وراح لصاله يتفرج على التلفزيون شاف قيود ماره ناداها .
راكان : أنتِ طابخه الغداء .
قيود : ايه ليه .
راكان : كان قلتيلي قبل لكل علشان اتصل بالأسعاف احس بطني يعورني الحين عرفت ليه ماكلتي .
قيود : ايه ماكلت حاطه لك سم بالأكل خساره اكتشفت جريمتي قبل لتموت ارجوك لا تبلغ الشرطه ولا تكتب رساله قبل رحيلك عن الدنيا تخبرهم عن القاتل .
راكان : خلاص مسامحك ماني قايل لحد لأنك تعرفين تطبخين زين تصدقين كنت اعتقد انك ماتعرفين تطبخين .
قيود : شايفني طفله ما عرف اطبخ أنا احسن طباخه بسعوديه من بعد أمي وخالتي .
راكان : غداك فيه من نفس أمي وخالتي .
قيود : لان أمي معلمتني الطبخ .
راكان : اجل ليه نوف ماتعرف تطبخ .
قيود : نوف ما تحب شيء اسمه مطبخ .
راكان : بس تحب تدخله تاكل وتطلع الدبه .
قيود : لا تقول دبه هي الحين نحفت ومصيرها تتعلم الطبخ تبي شيء انا بروح لغرفتي .
راكان : لا مشكوره .
راحت عنه وهو راح لغرفة غير ملابسه وراح لشركه والساعه 9 ونص بالليل جاء شاف قيود جالسه بصاله تقراء مجله حط ملفات جايبهم معه وشماغه على الطاولة كانت قيود مجهزه له شاهي وقهوه جلس يتقهوه
شاف قيود ساكته .
راكان : قهوتك بارده وماهي زينه .
قيود ماناظرته وكانت عيونها على المجله : لا تشربها .
راكان : شربتها وخلصت .
طنشته و قامت راحت لغرفتها وهي تقول بداخلها احمد ربك أني سويتلك .
راكان : كنت ابيها تتكلم زعلتها والله قهوتها ما عليها كلام بس انا.
جلس تقهوه وخذ ملفاته وراح لغرفة المكتب وراجعهم ولما تعب راح ونام .
في اليوم الثاني كانت قيود بغرفتها تحط مناكير ورن تلفون البيت ورد عليه راكان كانت نوف تبي قيود ناداها لها وماقدرت تمسك السماعه خافت على منكيرها تخترب والسماعه تتملى حطته على السبيكر ( مكبرالصوت )
قيود : نوف شفي صوتك متغير فيكِ شيء .
نوف : لا مافيني شيء اقول قبل لا أنسى يسلمون عليك بنات الشات .
قيود : الله يسلمك ويسلمهم وش اخبار الشات.
نوف : مره تهاوشنا مع واحد انا وعهود .
قيود : ليه .
نوف : انا غلطت وقلت انك زوجة اخوي قال أكيد متعرفه عليه بالشات .
قيود قاطعتها : نوف غيري الموضوع .
نوف : لا تخافين خذنا حقك انا وعهود والي يعرفونك والكل يمدحك وقالوا الزعيمه محترمه وما تكلم الا بنات والله لك شعبيه ياقيود.
قيود حاسه أن نوف فيها شيء : نوف قوليلي بصراحه وش فيك صوتك ماهو طبيعي .
نوف : تصدقين قيود والله ماعرفت قيمتك الا لما سافرتي وبتعدتي عني احس اني صرت وحيده لما ادخل الشات كله يتهيئ لي انك بتدخلين والمنتدى كل مواضيعك كوم وموضوع رحيلك عن المنتدى كوم كلامك مؤثر وتخلين الواحد يبكي .
قيود : لاني كاتبته من القلب نوف وين الهنوف وخالتي ونواف عنك .
نوف : الهنوف تشوف التلفزيون ونواف طالع والباقي نايمين .
راكان يأشر لقيود انهم بيروحون لها .
قيود : نوف تبيني اجي يمك .
نوف فرحت : ياليت .
قيود : خلاص غمضي عيونك وفتحيهم تلقينا قدامك لكن مش تفتحينهم بسرعه لان ما يكفينا الوقت لنوصل ويلا مع السلامه .
نوف : مع السلامه .
وراحوا لها وجلسوا يسولفون وقترحت عليهم الهنوف يلعبون جماد حيوان نبات ولعبت نوف وقيود معها راكان رفض جلس يطالعهم ويغشش اخته الهنوف ولما ملوا لعبوا كيرم لعب معهم راكان هو وقيود فريق ونوف والهنوف فريق .
راكان : قيود لاتخلينهم يفوزون علينا خلينا نقلبهم .
قيود : اكيد نقلبهم أنت معك احسن لأعبت كيرم .
راكان : وأنتِ معك ملك الكيرم .
نوف : خلصتوا نبدأ .
قيود : ههههههـ ايه خلصنا اعلانات لفريقنا .
لعبوا وكانت قيود تشجع راكان اذا جاء دوره بالعب وهو يشجعها .
قيود : يله راكان ضربه خفيفه وتطيح .
لعبها وكسب قيود مدت كفها وضربها هو بكفه .
راكان : فزنااا .
نوف : انتم غشاشين ما حطيتوها على الخط .
الهنوف : صح نوف .
راكان : قولي انك تبين تتهربين خايفه من الخساره الثانيه.
قيود : نلعب مره ثانيه ونشوف من يكسب
.


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 37
قديم(ـة) 13-12-2009, 03:46 AM
~ dala3 girl ~ ~ dala3 girl ~ غير متصل
©؛°¨غرامي فعال ¨°؛©
 
الافتراضي رد: دموع الشموع / رواية ولا أروع رومانسية بالحيل


( لعبوا)
قيود: الهنوف من الي يغش حنا ولا انتم حطيها على الخط .
الهنوف : هذي هي على الخط ها شوفي ولعبت لكنها ما طاحت.
وجاء دور قيود : نوف وخري يدك عن الفتحه .
راكان شال يدها ولعبت قيود وطيحتها وبكذا يفوز فريقهم .
راكان يطالع نوف والهنوف: هذي المره غش بعد ويلتفت على قيود يله نمشي تأخر الوقت .
نوف والهنوف : جلسوا ناموا عندنا بكره الخميس .
قيود : لا بنروح انا ما عندي ملابس ( تقول كذا حجه ما تبي تنام )
نوف : انا اعطيك جلابيه من عندي .
وجلست تترجاء فيهم لينامون .
راكان : خلاص بنام .
قيود بداخلها : خبل هذا بينام هنا كيف بينام .

جلسوا يسولفون بعدين راكان راح لغرفته ينام والهنوف بعد ونوف وقيود بعد ماخلصوا سوالف وجاهم النوم قيود بتنام مع نوف لكن نوف دخلتها غرفة راكان.
نوف : دخلي هنا .
قيود : بنام معك ما تبيني اونسك .
نوف : لا .
راكان كان منسدح على السرير ومتغطي : روحوا ناموا ازعجتوني .
نوف : راكان خذ قيود انا ما ابيها تنام عندي .
راكان : لا فكيني منها خذيها تنام معك وضحك .
قيود : شفتي خليني اروح انام معك .
نوف : منتي رايحه . ودزتها وسكرت الباب استحت قيود لما ظلت بالغرفه معه بالحالهم .
قام راكان وراح يمها وقفل الباب .
قيود خافت : ليه تغفله .
راكان يأشر لها يقول لها لا تتكلمين .
راح راكان وشال مخده من على السرير وفتح دولابه وطلع غطاء وقال: نامي على السرير وانا بنام على الارض .
قيود : لا انت نم على السرير وانا على الارض .
راكان : بتنامين على السرير واذا مانمتي بشيلك وبسدحك عليه غصب .
قيود : لالا بنسدح . وراحت نسدحت وتغطت.
راكان بتسم : وراح عند الليت بيطفيه .
قيود : لااا تطفيه .
راكان بصوت واطي : مو قلنا اخوان لا تستحين ولا تخافين نامي انا اخوك .وطفى الليت وراح نسدح على الارض قيود ما قدرت تنام لما اذن الفجر راح راكان يصلي بالمسجد وجاء شاف قيود تصلي دخل وقفل الباب وراح ونام ونامت هي بعد وفي الصباح لما عرفت ام خالد ان ولدها وزوجته نايمين عندهم جهزت الفطور وارسلت الشغاله تشوف اذا كانوا جالسين
قيود كانت جالسه نزلت لخالتها وفطرت معها ومع ابو خالد والباقين كانوا نايمين طلع ابو خالد وظلت قيود مع أم خالد تسولف معها وراحت المطبخ وساعدتها بالغداء وسوت السلطه ولما خلصوا وجت الساعه وحده ونص طلبت منها تروح تجلس راكان والشغاله تجلس البنات قيود راحت تجلسه وهي مستحيه .
قيود من بعيد : راكان قم . ما رد عليها .
قيود قربت يمه : راكان راكان قم.
راكان : نوف خليني بنام .
قيود : انا قيود قم راكان خالتي تنتظرك على الغداء .
راكان رفع راسه يطالعها : كم الساعه .
قيود وهي تناظر ساعتها : وحده ونص .
راكان : ما صليت الظهر ليه ما جلستيني .
قيود : انت مانمت الا متأخر لذا ماحبيت اجلسك يله صلى ونزل الجماعه ينتظرون تحت .
راحت عنه وهو صلى ونزل شاف الكل مجتمع الا نواف ماكان موجود نايم ما يبقى يقوم .
نوف : كل هذا نوم .
ابو خالد : الي يسمعك يقول جالسه من الصبح هذا أنتِ توك جالسه .
ام خالد : بعد عمري قيود جلست وفطرت معي ومع ابو خالد وساعدتني بالغداء .
الهنوف : ايه هذي المره السنعه .
أم خالد : علمي نفسك أنتِ وختك .
نوف : اذا تزوجنا نصير حريم سنعات .
أم خالد : ما اضن .
راحت وحطت الغداء .
الهنوف : راكان اجلس جنب قيود .
نوف : أنتِ وش عليك منه خلي الرجال يجلس براحته بالمكان الي يبيه لزم اربعه وعشرين ساعه يجلس جنبها .
راكان : احساد لك يانوف بجلس جنبها وأنتِ يالهنوف تعالي جلسي جنبي .
ضحكت قيود عليهم وما خلصوا غداء جلس راكان مع هله شوي وقام علشان ينام .
ابو خالد : توك جالس من النوم .
راكان : ما شبعت نوم مانمت الا متأخر .
نوف تغمز لقيود وبصوت واطي تقول : ليه ما خليتي اخوي ينام ؟
قيود فهمت وش تقصد صار وجها احمر : نووف .
الهنوف : نوف وش قلتي لها خليتي وجها يصير طماطه .
قيود مستحيه : تبيني اصعد معها فوق .
نوف : انا !!
قيود : ايه. وسحبت نوف وراحت .
ام خالد : هالبنتين دايم مع بعض من يوم كانوا صغار كأنهم تؤام مع نواف .

استأذن راكان من امه وابوه و صعد لطابق الثاني وشاف نوف وقيود جالسين بالصاله الفوقيه عند الكمبيوتر.
نوف : قيود رجعي لشات الشات من غيرك ماهو حلو واذا على راكان ماهو قايل شيء وطالع راكان كان واقف صح .
راكان : كيفها تبي تدخل تدخل .
نوف : شفتي اخوي عصري مخه ماهو متحجر من العصر الحجري .
قيود : نوف سبق تناقشنا بهذا الموضوع وانا شلت الشات من بالي والحين ماعندي وقت مثل قبل .
نوف : وش عليك ياراكان الاخت مفضيه نفسها لك .
راكان : ما ستاهل .
نوف : الا تستاهل ونص الله يهنيكم بعض قولو امين .
راكان وقيود ساكتين ما قالوا امين .
نوف : شفيكم .
راكان : مافينا شيء قيود انا بطلع وأنتِ اذا بقيتي تروحين البيت خلي السواق يوديك.
نوف : توك تقول بتنام والحين بتطلع .
راكان : راح النوم عني يله انا بروح .
نوف : وين بتروح ؟
راكان : أنتِ وش دخلك الحين بنت عمك ما سألتني أنتِ تتلقفين ليه .
نوف : سأليه قيود علشان يرد .
قيود : أنتِ وش عليك منه وين بيروح الرجال وراه شغل .
نوف : اسمع المحاميه .
قيود طالعت راكان وقالت : انا بعد شوي بروح بيت هلي .
نوف : ليه تقولين له من بعد بيت هلك متى ما بقيتي روحي .
راكان : أنتِ يالملقوفه وش دخلك بينا هي تعلمني انها بتروح ناس يحشرون نفسهم في كل شيء وقال لقيود : سلمي عليهم ولا تخربك نوف .
قيود : انا الحمد الله محد يخربني حتى لو كانت نوف .
راكان :كفوو.
نوف :اشوفكم قلبتوا علي مااقول الا طنجره ولقت غطاها سبحان من جمع .
راح عنهم وقيود جلست شوي وراحت بيت اهلها وبالليل وداها اخوها بندر لبيتها.


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 38
قديم(ـة) 13-12-2009, 03:48 AM
~ dala3 girl ~ ~ dala3 girl ~ غير متصل
©؛°¨غرامي فعال ¨°؛©
 
الافتراضي رد: دموع الشموع / رواية ولا أروع رومانسية بالحيل


في اليوم الثاني كانت قيود مخلصه تنظيف غرفتها وجالسه تعدل اكتسوارتها وترتب االاغراض الي على التسريحه دق راكان عليها الباب
قيود : تفضل .
فتح راكان الباب .
قيود : تعال راكان تبي شيء .
راكان راح لعندها : وش تسوين .
قيود : جالسه اعدل اغراضي .
راكان يطالع غرفتها كانت نظيفه ومرتبه وريحتها عطر قال لها : ليه ما تنظفين غرفتي زي غرفتك غرفتي مو من باقي البيت .
قيود استحت لان غرفة راكان هي الغرفه الوحيده الي ما تدخلها وتنظفها : ان شاء الله انظفها .
راكان : انا جاي اسألك عن شيء ونسيت ايه وين الملف المحطوط على الطاولة بصاله .
قيود : الاسود .
راكان : ايه .
قيود : كنت انظف وخفت يطيح عليه شيء وديته وحطتيته على مكتبك .
راكان : زين وطلع عنها لكن قبل لا يطلع قال لها : لا تنسين رتبي غرفتي .
راحت قيود لغرفته شافتها وسخه وفوضى نصدمت وقالت : كيف ينام فيها .
شالت الاغراض المرميه على الارض وشافت اوراق جمعتهم يمكن راكان يبيهم تتأكد منه قبل لا ترميهم ونظفت الغرفه وعدلتها وجابت لوحه مرسوم فيها منظر طبيعي علقتها على الجدار يسوي جو بالغرفه ولما تأكدت ان كل شيء تمام شبت بخور وبخرت غرفته وغرفتها والبيت كله ما عدا غرفة المكتب الموجود فيها راكان ولما خلصت راحت سوت شاهي وقهوه وحطت صحن مكسرات وجلست بصاله تطالع التلفزيون ولما جاها راكان .
جابت له الاوراق الموجودين بغرفته .
قيود : هذولا الاوراق تبيهم ولا لا ؟
راكان : لا ما ابيهم .
قيود : فيه شيء اسمه زباله يحطون فيها الاشياء الي ما يبونها شكلك ما تعرفها .
راكان : الا اعرفها واشر على زباله ماهي هذي .
قيود : شاطر طلعت تعرفها لكن ما تتعامل معها وقامت وحطت الاوراق بزباله وهي راجعه بتجلس قالت له : أنت عايش بمريكا لوحدك ما تعلمت الترتيب ونظافة المكان الي تجلس وتنام فيه .
راكان : كانت تجي وحده تنظف البيت .
قيود ساكته .
راكان : وحده مع ولدها عمره تسع سنين .
قيود : أنت ما كنت عايش مع عايله .
راكان : الا لكن ما عجبني الوضع وسكنت مع ربعي .
جلسوا مع بعض شوي بعدين كل واحد منهم راح ينام بغرفته .
يوم السبت راحت قيود لجامعه مع نوف والعصر راحت قيود بيت اهلها تاخذ اغراض لها تتعلق بالجامعه ولما تصلت عليها نوف وعرفت انها بيت اهلها وجالسه بغرفتها راحت لها وهم جالسين بالغرفه فتح بندرالباب عليهم وهو يقول : يقولون الحلو موجود عندنا ومنور بي ما كمل كلمته لما شاف نوف قدامه طلع وسكر الباب .
نوف كانت بدون عباه جالسه وهي لما شافت بندر زادت دقات قلبها .
قيود : نوف لحضه بشوف بندر وبجي . راحت عنها .
بندر لما شاف قيود : ثاني مره قفلي الباب اذا كان معك احد تفشلت بصديقتك .( ما كان يعرف انها نوف لانها ما شافها ولا مره والبنت هذي رشيقه ونوف سمينه ومن انحفت نوف ما شافها )
قيود : لا تفشل ولا شيء ما فيه احد غريب هذي نوف.
بندر بستغراب : نوف ؟!
قيود : ايه نوف بنت عمي وش فيك مستغرب .
بندر : كيف نوف!! نوف بنت عمي غير ؟!!!
قيود : قصدك أن هذي نحيفه ونوف سمينه .
بندر : ايه .
قيود : هذي نوف بنت عمي بشحمها ولحمها سوت رجيم وصارت كذا وش رايك بشكلها بعد مانحفت حلوه صح .
بندر ماقال شيء ومشئ عنها وهو متعجب كيف نوف صار شكلها كذا ماهو مصدق .
قيود : يالاخوا انا اكلمك وين رايح وش فيه هذا .
راحت لنوف .


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 39
قديم(ـة) 13-12-2009, 03:53 AM
~ dala3 girl ~ ~ dala3 girl ~ غير متصل
©؛°¨غرامي فعال ¨°؛©
 
الافتراضي رد: دموع الشموع / رواية ولا أروع رومانسية بالحيل



.... يوم الاربعاء ....

اتفقوا العايله انهم يروحون لمزرعتهم جهزوا اغراضهم وتوجهوا لها فيها بيت مكون من طابقين وجنبه مجلس كبير وغرف نوم لرجال
علشان الحريم ياخذون راحتهم بالبيت وصلوا دخلوا الحريم للبيت ونظفوه الشغالات والرجال راحوا المجلس.
أم محمد : قيود وين شنطت اختك ؟
قيود : مدري يمكن ما نزلوها من السياره بتصل بندر .
ام محمد : روحي له احسن لو اتصلتي بيقول انزين ولا هو جايبها .
قيود : خلي وحده من الشغالات تروح .
أم محمد : الشغالات مشغولات وبعدين كيف تروح الشغاله عند الرجال روحي أنتِ يله ابي اغير لختك .
قيود : اوكي .
وراحت للمجلس شافت ابوها وعمها وبندر .
قيود : سلام على احلى رجال .
الكل : وعليكم السلام .
ابو خالد : هلا بنتي تعالي جلسي عند عمك .
قيود :لي الشرف ياعمي لكن ابي بندر يجيب شنطه من السياره .
بندر : مفاتحي بالغرفه روحي جيبيها .
قيود : قم جبها انت .
بندر : انا اخوك الكبير سمعي كلامي وروحي جيبيها .
قيود : اوكي خيو الكبير بأي غرفه حاطه .
بندر : ثاني وحده على اليمين .
راحت قيود للغرفه ودخلت تفكر ما فيها احد الا شافت راكان منسدح على السرير وطلعت.
راكان : قيود تعالي . رجعت .
راكان : تبين شيء .
قيود : ابي مفتاح سيارة بندر .
راكان قام بيعطيها المفتاح لكن ما شافه .
راكان : ماهو موجود .
قيود :هو قال انهم هنا يمكن يكون بدرج .
راكان : تعالي دوريهم .
دخلت تدورهم ماشافتهم وقالت لراكان : تعال دور معي .
راكان : خلي راعيهم يجي يدور معك .وطلع عنها .
قيود اقتاضت منه وراحت لبندر وقالت له ما لقيتهم .
بندر : يمكن بسياره نسيتهم روحي شوفيهم .
قيود : ياربي انت تلعب معي ساعه هنا وساعه هناك والله لوما امي كان مادورتهم ولا بروح اشوفهم .
ابو محمد : رح دور مفاتيحك وعط اختك الشنطه .
قيود : خلاص ما ابي منه شيء بروح اشوفهم اذا كانوا بسياره .
بندر : واذا لقيتيهم وخذتي الشنطه جيبيهم لي .
ما ردت عليه راحت عند سيارة اخوها وفتحت الباب وشافت المفتاح داخل خذته وفتحت شنطة السياره وحاولت تشيل شنطة لكنها كانت ثقيله عودت للمجلس ونظم للموجودين راكان وبدر ونواف دخلت وكانت متلثمه عن نواف .
بندر لما شافها قال : لقيتي المفتاح ؟
قيود : ايه لكن ماني معطيتك اياه الا لما تقوم معي وتشيل الشنطه .
بندر : ما بيه ماني رايح مكان انا تعبان ماني شايل شنطتك .
قيود بدلع : ماهي شنطتي شنطة جود وأمي .
ابو محمد : قم شل الشنطه عن اختك ولا تبيني انا اقوم .
نواف : اجلس ياعمي انا بقوم .
قيود : أنت احسن واحد فيهم يا نواف طبعاً بعد عمي وابوي ولا الباقي مافيه خير واحد اقوله دور المفتاح معي ما يدوره والثاني اقوله قم شل الشنطه يطنشني .
ويرن تلفونها : هلا يمه .
ام محمد : وش فيك تأخرتي .
قيود : مو مني من بندر هو الي اخرني خلاص الحين اكون عندك .
ام محمد : لا تتأخرين اختك بتنام .
قيود : اوكي . وسكرت التلفون .
قيود : خيو نواف قوم تأخرت على أمي.
نواف : تحت امرك خيتو هيا بنا .وطلعوا مع بعض شال الشنطه لها ورجع .
راكان ما عجبه تصرف قيود ودلعها لكنه سكت لوجود ابوه وعمه وبعد ما تعشاء الجميع ناموا الكبار والبنات طلعوا خارج البيت وجلسوا على الكراسي برى كان الجو حلوا .
نوف : يهبل الجو .
قيود والهنوف : ايه .
الهنوف : تخيلوا هذي المزرعه مظلمه مافيها ولا ليت وتسمعون اصوات من جميع الجهات .
نوف : لا تخوفينا عندك كلام عدل قوليه ماعندك ظلي ساكته .
الهنوف : ياخوافه .
قيود : يعني أنتِ ما تخافين .
الهنوف : لا ماا خاف .
قيود تناظر ورى الهنوف وتسوي نفسها خايفه وتأشر لنوف وتسوي مثلها
نوف : الهنوف .
قيود : الهنوف شوفي الي وراك .
الهنوف قامت وصرخت بخوف وقالت : وشهووووووو ؟
قيود ونوف ضحكوا عليها وقالوا :هذي الي ما تخاف .
الهنوف : تخوفوني يالكذاباااااات .
على صرخت الهنوف وصوتها العالي جاء بندر وراكان يركضون .
بندر وراكان : وش فيكم ؟
نوف تغطت من بندر وقيود ردة عليهم : مافينا شيء .
بندر : اجل من الي يصرخ ؟
قيود : هذي الهنوف كنا نضحك معها .
الهنوف : راكان شوف هذولا ثنتين يخوفوني .
نوف : أنتِ قلتي انك ما تخافين .
راكان بعصبيه : ثاني مره ان سمعت صرخه منكم ياويلكم تخوفونا وبالاخير تقولون كنا نضحك وطالع نوف وقيود وقال : لا تخوفونهابلا دلع وحركات اطفال .
الهنوف : ايه راكان قل لهم لا يخوفوني كل مره هم كذا معي .
نوف : دام حنا نخوفك ليه جالسه معنا قومي دخلي داخل .
الهنوف : لو عندي احد ثاني ما جلست معكم .
قيود ظلت ساكته عارفه ان راكان كان يقصدها بكلامه عن الدلع وحركات الاطفال وبندر لما عرف ان ما فيهم شيء مشئ عنهم .
راكان : الهنوف أمي خذت ادواها ؟
الهنوف : مدري اسأل نوف .
نوف : انا وش دراني .
راكان : خوش بنات ما تدرون عن امكم وطالع قيود وقال وأنتِ تدرين ولا بعد زيهم .
قيود : ايه خذته .وقامت ودخلت البيت .
راكان: وش فيها هذي !
نوف والهنوف : مدري .
وقاموا راحوا وراها وراكان شاف بندر واقف بعيد عنهم راح له .


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 40
قديم(ـة) 13-12-2009, 04:02 AM
~ dala3 girl ~ ~ dala3 girl ~ غير متصل
©؛°¨غرامي فعال ¨°؛©
 
الافتراضي رد: دموع الشموع / رواية ولا أروع رومانسية بالحيل


حاولت نوف تعرف وش فيها قيود لكنها ما قالت لها شيءكل الي قالته أن الجو ما عجبها برى ودخلت .
في الصباح بعد ما فطروا البنات طلعوا يتمشون في المزرعه ووصلوا عند الحيوانات ( طيور مختلفه ودجاج و ارانب وخرفان وخيول ونعامتين واشياء ثانيه )
جود : قيود أبي ادخل عند الارنب .
قيود : لا .
جود :ابي ادخل ابي ادخل .
قيود : لا منتي داخله .
بكت جود
نوف : خليها تدخل .
قيود : لاا تذكرين اخرمره جينا لما دخلت هي وريم على الدجاج وش سوت.
نوف :هههههههههـ أي اعفستهم مراكض وراهم .
قيود : ايه ضحكي محد هاوشك اما أنا كل الهواش علي ليه تخلين اختك وليه وليه .
نوف : خالتي الله يهداها وش عليه اذا لعبت مع دجاج شوي .
قيود : هي العبت وبس الا ذبحتهم . وطالعت جود كانت ماسكه يدها وتسحبها لمكان الارانب : جود مافيه دخله يعني مافيه دخله .
جود زاد ت في البكي ولما شافت بندر من بعيد هو راكان يتمشون نادته .
جود وهي تبكي : بندر تعال .
جاء بندر مع ولد عمه
بندر : وش فيك حبيبتي ليه تبكين ؟
جود : أبي ادخل عند الارنب .
بندر : أدخلي .
جود والدموع بعيونها : قيود ما ترضى .
قيود : بندر اذا دخلت عند الارانب أنت المسؤول انا ماعلي .
راكان عناد لقيود قال : تعالي جود دخلي وانا المسؤول .
جود راحت عند راكان ومسكت يده : تعال ادخل معي .
راكان : أن شاء الله . وراح معها .
بندر : ها قيود ماتبي تدخلين عند الطيور ولا الدجاج أنتِ وبنت عمك ادخل معكم اذا كنتم تخافون .
قيود تناظر اخوها وكانت بتقوله رح ادخل مع اختك ولد عمك لكنها شافتها فرصه لبندر ونوف يتقربون من بعض قالت له : ايه بندر انا ونوف نبي ندخل عند الطيور تعال معنا .
نوف : انا ما ابي ادخل .
قيود تمسك يدها : الا بتدخلين .
راحت لقفص كبير لطيور ونادت بندر يدخل معهم .
نوف بصوت واطي : قيود ليه مدخلتني هنا انا اخاف .
قيود : وش تخافين منه ما يسون شيء وتمسك طير وتخوفها فيه
قيود شافت بندر مهتم في نوف ويطالعها : راحت ورمت الطير عليها وسوت صوت وطارو بقيت الطيور نوف ركضت وتخبت ورى بندر وقالت : بندر طلعني من هنا انا خايفه .
بندر مسك طير وقال لنوف :مسكيه ويروح عنك الخوف .
نوف : لا ما ابي امسكه اخاف .
بندر يبتسم لها : بس لمسيه .
نوف مدت يدها وبعدين قالت : لا اخاف ابي اطلع من هنا طلعني .
ومن خوفها لما جاء طير يمها مسكت يد بندر وقالت بخوف طلعني .
بندر : طيب تعالي . طلعها من القفص .
نوف : شكراً .شافت نفسها ما سكه يده ستحت وخرتها بسرعه وراحت عنه وقلبها يدق بسرعه وتقول بداخله بندر كان واقف يمي ومسكت يده بعد مااصدق.
قيود كانت تراقبهم وتبتسم وطلعت من قفص الطيور وقالت لبندر الي كان يطالع نوف وهي تبتعد عنهم : تغيرت صح ولي ماتعرفه بعد انها صارت حلوه .
التفت عليها بندر : ثاني مره لا تخوفينها .
قيود : صرنا نخاف عليها من متى هذا الخوف اه يا قلبي بدت دقاته تزيد كل ما شفت الحبيب وبتصير تشتاق ومتنام الليل .
بندر : سبق أن قلت لك أني ما احبها ولا افكر فيها .
قيود بخيبت امل : حتى بعد ما ضعفت وخففت من وزنها .
بندر:انا بروح اشوف اختك تلقينها الحين طفشت الرجال . وراح عنها .
قيود : يتهرب طيب مصير الايام تكشفك وراحت لنوف كانت جالسه مع نواف وبدر و لهنوف
نوف شافت حبل وقالت لهم : وش رايكم نلعب شد الحبل .
قيود : يله حنا البنات فريق والشباب فريق .
الهنوف : انا مش لاعبه انا الحكم .
نواف وبدر : موافقين بنهزمكم .
بدر : وبدون تعب .
قيود : نشوف من بيهزم الثاني .
واستعدوا للعبه .
الهنوف : استنوا لا تلعبون الا لما يجون ابوي وعمي هم الجمهور ونادتهم : يبه عمي تعالوا هنا عندنا . وجوا عندهم .
قيود : يبه عمي شجعونا .
نواف : لا يشجعوني انا وبدر .
ابوا محمد : حنا ثنين كل واحد يشجع فريق .
ابوخالد : انا بشجع بناتي .
ابو محمد : خلاص وانا بشجع العيال .
وجاهم راكان وبندر نظموا لهم وشجعوا فريق الشباب .
الهنوف : استعدوا نبدأاللعبه جاهزين .
الكل : ماعدا نوف : جاهزين .
نوف : لا ستنوا اعدل الثامي .
نواف : عدلي عدلي هالثام بعد شوي بيتبلل دموع من الهزيمه .
قيود : هذا الميدان ياحميدان ونشوف من بيفوز .
ابو خالد : ماعليكم منه انتم فايزين فايزين واخذ يهتف بناتي بناتي بناتي .
قيود ونوف : يعيش ابو خالد يعيش .


الرد باقتباس
إضافة رد

رواية دموع الشموع / كاملة

الوسوم
الشموع , اروع , بالحيل , دموع , رومانسية , رواية
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
رواية مخ عربجي / الكاتبة : غرامها ساحر ، كاملة غرآمهآ سآحر روايات كامله - يتم نقل الرواية هنا بعد اكتمالها 786 09-11-2018 12:15 AM
رواية ضحية زمن / بقلمي ، كاملة شاربه فليت و مضيعه البيت روايات كامله - يتم نقل الرواية هنا بعد اكتمالها 101 19-01-2016 09:37 AM
رواية صعب المنال / كاملة برائـــة طفلـــهـ ارشيف غرام 3 10-12-2010 02:29 PM
مجلس الروايات للإستفسارات و الطلبات ؛ !! أنـثـى الـ خ ـيـآلـ !! روايات - طويلة 3973 07-10-2010 01:10 PM

الساعة الآن +3: 09:48 PM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


youtube

SEO by vBSEO 3.6.1