غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1
قديم(ـة) 30-10-2009, 09:48 AM
~ dala3 girl ~ ~ dala3 girl ~ غير متصل
©؛°¨غرامي فعال ¨°؛©
 
رواية دموع الشموع / كاملة


بسم الله الرحمن الرحيم ..

السلام عليكم ورحمة الله وبركاته ..

اهليييييييييييين غرومااتي .. كيفكم .. اخباااركم ..

حيت انزلكم رواية قرأتها وعجبتني مرررة ... وقلت لازم يقرأوها غرومااتي الحلوين ..

واتمنى يعجبكم زي ماعجبني ...

وانا رح انزل اول بارات واذا شفت ردود حلوه رح اكملكم هياا ..





الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 2
قديم(ـة) 30-10-2009, 09:51 AM
~ dala3 girl ~ ~ dala3 girl ~ غير متصل
©؛°¨غرامي فعال ¨°؛©
 
الافتراضي رد: دموع الشموع ... رواية ولا اروع .. رومانسية بالحيل ..


بسمـ الله الرحمن الرحيمـ
الســلامـ عليكمـ ورحمة الله وبركاته
" دمـ الشموع ـوع "
رواية للكاتبة صمت الشروق
أتمنى أن تنال اعجابكم
واعتذر لكم لو وجدتم اثناء قرأتكم بعض الأخطاء فعذروني.


.. قصه سعوديه ..
الجـ الأول ـزء

* بيت أبو خالد *
ابوخالد.. عبد الله رجل اعمال .
أم خالد .. نوره ربة بيت ومريضه بالقلب.
خالد .. 30 سنه يشتغل مع أبوه متزوج من بنت خاله سارة وأبناءهم
عبد الله 8 سنوات وشوق 6 سنوات وعبد الرحمن 3 سنين .
خلود.. 27 سنه متزوجه وعندها بنت اسمها ريم.
راكان.. 24 سنه يدرس في أمريكا ادارة اعمال وعن قريب بيتخرج.
نواف ونوف.. تؤام 20 سنه يدرسون بالجامعه.
الهنوف.. اخر العنقود 16 سنه طالبه في أولى ثانوي .

* بيت ابو محمد *
ابو محمد ..ناصر شريك اخوه ابو خالد .
أم محمد.. منيره اخت ام خالد كانت مديرة مدرسه وتقاعدت وجلست بالبيت.
محمد .. 26 سنه يعمل مع والده وعمه .
بندر .. 24 سنه اخر سنه بالجامعه .
قيود.. 20 سنه طالبه في الجامعه .
بدر.. 17 سنه طالب في الثانويه .
جود..اخر العنقود طالبه في الابتدائي.

* بيت ابو محمد *

قيود بغرفتها تذاكر وبنت عمها نوف جالسه معها
قيود: نوف ما جعتي .
نوف: الا .
قيود: بروح اجيب شيء ناكله .
نوف : اوكى بس اقولك وين جود مالها صوت .
قيود: تلعب بغرفة بندر .
(كان بندر جالس يسوي بحث وجود تلعب بالعابها).
نوف لما سمعت اسم بندر بدأ قلبها يدق بسرعه لانها بالمختصر المفيد تحبه لكن محد يدري عنها حتى بنت عمها وصديقتها العزيزه قيود
كانت تخفي هذا الحب لانها خايفه خايفه من بندر نفسه انه مايبادلها نفس الشعور .

قيود راحت للمطبخ وجهزت سندويسات بشكل سريع وهي تصعد الدرج سمعت صوت نوف تناديها راحت لها بسرع)
قيود : نوف وش فيكِ .
نوف كانت جالسه على الارض ويدها ورى الطاوله : يدي يدي ماهي راضيه تطلع من ورى الطاوله .
قيود: وش دخل يدك ورى الطاولة.
نوف : بدل ما أنت تحققين معي تعالي ساعديني يدي تألمني .
(حاولت قيود انها تزيح الطاوله لكن مافيه فايده كانت ثقيله عليها.)
قيود: نوف مااقدر الطاوله ثقيله مره .
نوف: أنا ما اتحمل خلاص يدي تعورني بموت.
(حاولت نوف انها تحرك يدها لكن كل ماحركتها زاد الألم وصرخت)
قيود : انا بروح انادي بندر .
نوف . لااااااا
قيود: وش الي لا بتظلين كذا بغطيك وبناديه .
غطتها وراحت لخوها وقالت له السالفه وجاء مسرع معها .
بندر : احم احم .
قيود : أدخل .
بندر لما شاف شكل نوف بيضحك لكنه كتمها
لكن جود ماكتمتها كانت تضحك وقيود تسكتها ونوف كانت ودها تذبحها .
سحب بندر الطاوله وطلعت نوف يدهاوقربت قيود يمها
قيود : يدك حمراء. ولمستها
نوف : اه اه تعورني كثير لاتلمسينها .
بندر : خليني اخذك للمستشفى .
نوف : لا بروح مع ابوي .
بندر : عمي معزوم مع ابوي.
نوف : اجل بروح مع نواف اتصلي عليه قيود .
قيود : نواف طالع مع بدر .
بندر : لا تقولين بروح مع السواق مافيه يله بلا دلع لبسوا عبيكم انا انتظركم بسياره.

(نادى بندر جود وراحت معه لسياره لأن البيت مافيه احد شغاله ودتها أم محمد معها العزومه والثانيه مايعتمد عليها )
(نوف ارفضت تلبس عبايتها وتروح معه استغربت قيود لرفضها لكن خوفتها قالت لها لزم تروح بدري للمستشفى لأن يمكن تكون يدها مكسوره وإذا تأخرت راح تتفاقم المشكلة خافت نوف ورضت انها تروح.
في السياره بطريقهم للمستشفى قيود مع بنت عمها راكبين ورى
قيود: نوف وش دخل يدك وراى الطاوله.
نوف تتكلم وهي تتألم: طاح القلم حسبي الله عليه وراها ودخلت يدي بجيبه ماقدرت اطلعها .
قيود : ايه والله حسبي الله عليه وتضحك.
جود : خلاص انا اذاطاح قلمي ورئ الطاوله ماراح أخذه .
بندركان يسمع كلامهم : شاطره جود ويطالعها ويضحك ويكمل كلامه جود اذا طاح قلمك تحت كفر السيارة تاخذينه ولا لا.
جود: لا ما أخذه صح بندر .
بندر : صح يا عيون بندر انتِ شاطره احسن من غيرك .
نوف : قيود وش يقصد اخوكِ.
قيودوهي كاتمه الضحكه : مايقصد شئ .
نوف: أنا اعرف قصده سكتيه لنزل من السياره .
قيود: بندر خفف الكلام.
بندر : وش تقولين اخفف السرعه زين.
' هو سمع وش قالت اخته لكن حب يغيض نوف '
قيود: بندر أسكت.
بندر : جالس أعلم اختي الأماكن الخطره لسقوط الاقلام فيها شيئ.
جود: بندر لا تعلمني انا علم نوف هي ما تعرف .
قيود: نوف تعرف.
جود: أجل ليه يدها صار لها كذا .
قيود: بس خلاص جود وجهة كلامها لنوف غريبه وشفيك ساكته وين اللسانك.
نوف: معطيه أخوانك اقنور.
قيود: ههههههـ تأثيرات الشات.
جود:بندر وشهو اقنور.
بندر: يعني ورده.
جود تلتفت لنوف كانت جالسه وراها : نوف انتِ عطيتيني اقنوروانا اعطيك اقنور بعد.
بندر: وانا ما تعطيني.
جود: لا بس لنوف.
نوف: شكراً حبيبتي لكن القنور مش لك للي علمك معنى الاقنور .

(وصلوا للمستشفى وجلست قيود في غرفة الأنتظار مع جود وبندر مع نوف عند الدكتور كشف عليها وعمل أشعه ليدها.
بندر :كيفها دكتور .
الدكتور: الحمد لله كويسه.
بندر : مافيها كسر .
" نوف: فال الله ولا فالك في داخلها تقول ."
الدكتور : لا مفيش .
بندر : طيب دكتور والاحمرار والالم الي تحس فيه .
الدكتور : متخفش الألم والاحمرارنتيجت الضغط على الائيد ماتئلئش المدام مفيهاش حاجه.
( هو قال المدام اخجلت نوف وقالت في داخلها يسمع من بؤك ربنا وطلع الدكتورعنهم بعد ما كتب دوء ومراهم لنوف .)
بندر : يله نوف.
نوف : ماني رايحه معك ابي أمي .
بندر : يله قومي أمك تشوفينها بالبيت .
نوف : ما اقدر امشي نادلي قيود.
بندر : انتِ رجلك ولا يدك الي تألمك.
نوف : انت مالك دخل نادلي قيود.
( راح عنها بندر ورجع ومعه كرسي متحرك وقربه يمها .)
بندر : ركبي .
نوف : وشهو . واشرت على الكرسي وقالت تبيني اجلس على هذا .
بندر : مو انتِ تقولين ما تقدرين تمشين علشان كذا جبت لك هذا .
نوف :ما ابي اركب بروح امشي.
بندر : مو بكيفك انا جبته لزم تركبينه .
نوف : غصب .
بندر : ايه غصب .
نوف: ما ابي ما ابي روح عني ما ابي اشوف وجهك.
بندر : ولا انا ابي اشوف وجهك يله ركبي بسرعه تأخرنا على خواتي .
نوف خافت انه يعصب عليها لذا جلست على الكرسي المتحرك وراحوا لخواته وكانت بتنزل من الكرسي لكن بندر منعها وجود لما شافت نوف على الكرسي تبي كرسي زيه نادتها نوف وجلستها على رجولها وراحوا لسياره وبندر راح اشترىالدواء من الصيدليه التابعه للمستشفى .
في السيارة قيود: نوف انتِ يدك وسويتِ كذا اجل لو رجلك وش سويتي .
نوف : مدري شفيني انا اقدرامشي لكن مدري ليه اسوي كذا .
قيود : يمكن من الخوف .
نوف : يمكن . " لا والله مش من الخوف يا قيود من وجود بندر بقربي "
جود : بندر ابي البقاله .
بندر : وش تبين من البقاله.
جود: ابي كاكاو وحلاوه .
بندر : زين الحين اوقف عند بقاله .
قيود: بندر اتصل بيتنا ولا بيت عمي الحين يرجعون للبيت وما يلقونا ويحاتون.
بندر مسك التلفون واتصل :محد يرد الظاهر ماجو للحين.
( ماتصل بجوالاتهم وتصل بالبيت لان بيشوفهم موجودين ولا لا ليطمنهم ان البنات معه )
وقف عند بقاله: ها بنات وش تبون اجيب لكم.
قيود : انا ايس كريم .
بندر : وبنت عمك وش تبي .
نوف : ما ابي شيء .
قيود : ماعليك منها جب لها ميرندا وتوكس . ' تعرف بنت عمها وش تحب '
نزل بندر مع جود وشراء ولما رجع لسيارة رن تلفونه.
بندر : الو
الطرف الثاني : السلام عليكم.
بندر : وعليكم السلام هلا والله براكان كيف الحال .
راكان : بخير الحمد لله انت كيفك وكيف الأهل .
بندر : كلنا بخير .
راكان : بندر انا اتصل بيتنا محد يرد وبيتكم بعد وخواتي ما يردون على جوالتهم وينهم.
بندر : العائله الكريمه معزومين عند عمتي موضي .
جود: بندر ابي اكلم راكان .
( جود تحب راكان لانه يلعب معها وكل ماجاء في الاجازه يجيب لها هديه )
بندر : اقول يا ولد العم فيه عندي بنت قمر تبي تكلمك .
راكان : إذا قمر هاتها بكلمها أما غير كذا سمحلي .
بندر : قمر وبس الا تقول للقمر قم وأنا أجلس مكانك خذ كلمها .
جود : راكان.
راكان : هلا جود كيفك .
جود : بخير شريت لي اللعبه الي قلت لك عليها .
راكان : ايه شريتها عروسه حلوه زيك ، جود انتِ مع بندر .
جود : ايه و قيود ونوف بعد رحنا المستشفى نوف يدها تعورها من القلم .
قيود : نوف اختي فضحتك.
( خذ بندر التلفون من جود وكلم راكان )
راكان: بندر وش فيها نوف .
بندر : ما فيها شيء لا تخاف اصابت مذاكره .
قيود تكلم نوف : اصابت مذكره مادرى انك جالسه تلعبين .
نوف :خليت المذاكره لك اجل الدكتوره الزفت تجينا يوم الاربعاء وتقول عليكم اختبار يوم السبت المفروض تقول لنا بفتره .
قيود : احمدي ربك عندك الخميس والجمعه وانتِ والله لوبتقولك قبل الاختبارباسبوع منتى مذاكره وقطع سالفتهم بندرلأنه عطى نوف التلفون تكلم أخوها.
نوف : الو راكان .
راكان : هلا نوف وش فيكِ .
نوف : يدي شوي تألمني لكن الحين الحمد لله طابت لاتحاتي مافيني شيء وانت كيفك و متى راح تجي .
راكان :أنا بخيرو كلها اسبوع وأكون عندكم .
نوف : صحيح ماني مصدقه .
راكان : أن شاء الله يوم الأثنين بكون بالسعوديه .
نوف : أ ن شاء الله راكان لا تنسى الي وصيتك عليه .
راكان :لا ما نسيت شريت لك كل الي طلبتيه ويله بلاكثرة
كلام مع السلامه ولاتنسين ذكري أمي تاخذ دواها وعطيني بندر .
نوف : اوكي مع السلامه .
( وعطت بندر التلفون )
بندر : هلا راكان تطمنت خلاص .
راكان : ايه يله بندر اكلمك أن شاء الله بكره.
بندر : أن شاء الله.
راكان . مع السلامه .
بندر : مع السلامه .

( وصلوا للبيت والبنات دخلوا داخل أما بندر راح للمجلس لأنه شاف سيارات العيال موجوده والمجلس نوره مفتوح )
بندر : السلام عليكم .
الكل : وعليكم السلام.
بندر : توكم جاين .
محمد : ايه بارك لخوك اخيراً فاز فريقه .
( بدر يلعب كرة قدم وفريقه دايم خسران )
بندر :فاز ما اصدق مبروك مبروك.
بدر : الله يبارك فيك قلت لك فايزين فايزين ولتفت على اخوه محمد يله يا بو جاسم نفذ كلامك وكون عند وعدك .
محمد : و أنا عند كلمتي أطلب .
نواف : بدر اطلب سياره .
بدر : وش دراك انت جالس تقراء افكاري .
نواف : أنا قريت ثلاث اشياء افكارك والكف والفنجان
وكلها تدل انك تبي سيارة ياشيخ خلصنا واطلبها من زين افكارك اقراها .
بدر : احسن من افكارك ولا تخليني افضح اسرارك وطالع محمد وقال ها محمد متى نروح نشتري السياره .
محمد : انت من صدق تتكلم سيارتك توها جديده.
بدر : قل انك تراجعت في كلامك وماتبي تشتري لي .
محمد:دام اني وعدتك بنفذ اطلبك لكن مش الحين .
بدر : متى .
محمد: بالأجازه أن شاء الله .
بدر : الله بالاجازه.
نواف: محمد وأنا اشترلي سيارتي خربانه .
بندر : وأنا اشترلي بعد سيارتي قديمه وانت كريم وحنا نستاهل .
محمد: وش قلولكم عندي معرض سيارات ولا ليكون انا خلفتكم ونسيتكم أروح انام احسن من مجابل وجيهكم وراح عنهم .
بندر ونواف : ههههههههههـ تعال نمزح معك.
نواف : يله شباب أنا بعد بمشي.
بندر : وين تو الناس .
نواف : بروح البيت اجلس على النت شوي وبعدين بنام تصبحون على خير .
بندر بدر : وانت من اهله.
طلع نواف من المجلس وشاف نوف وقيود واقفين بالحديقه راح لهم.
نواف يكلم اخته : وش فيها يدك تاركك العصر مافيكِ شيء اكيد قيود سوت فيك كذا .
نوف: لا ماهي قيود وقالت لخوها السالفه.
قيود:شفت يا نوافو انت دايم ظالمني .
نواف :نوافو بعينك انا اصغر اعيالك.
قيود: لانشاء الله انا لو عندي ولد مثلك كان اذبحه واخلص البشريه منه.
نواف : انتِ الله يعين الي بياخذك يم اللسان.
قيود: قل الا امه داعيتله
(إلا بطلعت بندر من المجلس وناداه نواف)
بندر : وش عندكم مجتمعين.
قيود: بنحل قضية فلسطين وش نسوي بعد نسولف.
نواف: مشكور بندر واسفين تعبتك توئمِ اليوم.
بندر :عفواً ومافيه تعب يعني انت اذا صار لقيود شيء منت موديها للمستشفى.
نواف:بصراحه انا لو اشوف قيود مسويه حادث اخليها تنزف لمين تموت ونفتك منها .
قيود: بسم الله لاتفولون علي وانت يانوافوه هين بكره تطلب مني مساعده وماتلقاني .
نواف : لا تساعديني عندي تؤامي .
قيود: تؤامك نائبتي لا تنسى اني الزعيمه وبالأول والاخير هي بنت عمي وماترفض لي طلب .
نواف : وانا اخوها.
نوف:نواف انا اسفه من الحين اقولك انا مع قيود لانها دايم تفزع معي وتساعدني تذكر يوم عطوني باند هي فكته لي تهاوشة علشاني وانت مع انك سوبر ما سويت شيء.
بندر :وش السالفتكم نواف انت تدخل معهم الشات.
نواف : ايه ادخل مع هذي العصابه ومع بدر من فتره بسيطه.
نوف : نواف يله نروح البيت تعبت ابي امشي.
نواف: ومن ماسكك روحي .
نوف: وانا اقدر امشي عنك وأخليك ياتؤام ِ العزيز.
نواف: الا على طاري التوئم تصدقون اليوم لما كنت مع بدر حسيت بألم وطالع اخته وقال شفتي محد يحس فيك إلا تؤامك الي هو أنا .
نوف: دامك تحس فيني حس بتعبي الحين ويله نمشي.
نواف : حاضر راح احس يله .
راحوا بيتهم وجاء ابو محمد وصعد غرفته ينام ام محمد مسكتها قيود تاخذ منها اخبار العزومه.
قيود : من جاء غيرك أنت وخالتي وبناتها .
أم محمد : جت زوجة خالك حصه وخواتها وخوات ابو سعود وبناتهم وجيران بيت عمتك ونسباء بيت عمتك والكل يسأل عنك ويسلم عليكِ .
قيود : الله يسلمك ويسلمهم قولي لي يمه وش سولفتوا وش قلتوا .
جلست قيود مع امها تسولف وبعدها راحوا ناموا .


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 3
قديم(ـة) 30-10-2009, 09:57 AM
~ dala3 girl ~ ~ dala3 girl ~ غير متصل
©؛°¨غرامي فعال ¨°؛©
 
الافتراضي رد: دموع الشموع ... رواية ولا اروع .. رومانسية بالحيل ..


..... يـــــــومـ الســـبــت بالجامعـــه .....

قيود : نوف هذي اخر مره أغششك ثاني مره ذاكري اليوم كان رحت أنا وانتِ بداهيه .
نوف :كيف تبيني أذاكر ويدي تعورني .
قيود : أنت من قبل يدك ما تذاكرين تذكرين يوم الخميس كنت أنا جالسه اذاكر وانتِ جالسه تحلين الكلمات المتقاطعه .
نوف : لا تذكريني بيوم الخميس وخلينا نغيرالموضوع وين عهود ومشاعل.
قيود : راحوا للمكتبه شوي ويجون.
نوف : تصدقين قيود اشتقت له ما بتعدت عنه الا يومين بس كأنهم سنتين .
قيود : نوف تحبين من وراى وهذا انا صديقتك وبنت خالتك وبنت عمك ومسكن اسرارك وتخبين علي من هذا وكيف ومتى حبيتيه وانا اعرفه ولا لا .
نوف : هدي اعصابك هديها أنتِ تفكيرك راح بعيد انا اقصد النت الشات والمنتدى .
قيود : اشو حسبت بعد ولا يهمك أنا اطفي لك شوقك اليوم داخلين الشات داخلين ذكريني اقول لمشاعل ولعهود علشان يدخلون معنا لكن سمعي محنا داخلين الا بعد صلاة العشاء .
نوف : ليه .
قيود : العصر بنام واذا صحيت بذاكر لجود .
( جت عهود ومشاعل وقالت لهم قيود اذا كان بيدخلون معهم الشات اليوم )
عهود : انا موافقه .
قيود : صحيح عهود بتتركين هذاك الشات وبتنضمين لنا .
عهود : ايه لانه بايخ وممل .
نوف : اكيد ممل لان حنا مش فيه.
قيود : انتِ مشاعل بتدخلين .
مشاعل: أنا انسوى امري اخوي رافض واذا دخلت من وراه ودرى بيذبحني .
عهود : ول ليه .
مشاعل : لان بنظره كل البنات الي يدخلون الشات قليلات ادب .
نوف : كلن يرى الناس بعين طبعه واسفه مشاعل اخوك يدخل الشات علشان يصتاد البنات ويتعرف على فلانه وعلانه ويحسب الناس كلها زيه .
قيود : أنا احمد ربي مئة مره لا وش مئة احمد ربي على عدد حبات الرمال ان ابوي واخواني عقليتهم متفتحه مش متحجره واهم من هذا وذاك انهم واثقين فيني وعارفين بنتهم زين و تطالع ساعتها وتقول ول تاخرنا اكيد السواق ينتظرنا .وتتصل تتأكد انه جاء وتروح له هي ونوف .
والعصر بعد ما ذاكرت جود راحت لبيت عمها تلعب مع عيال خالد جاين بيت جدهم وبعد صلاة العشاء أدخلت قيود الشات بنك
الزعيمه: السلامـ عليكمـ ورحمة الله وبركاته.
بعض الي بشات : وعليكمـ السلامـ (فيه اشخاص ترد لكونها بنت أما اذا كان ولد مايرد عليه الا واحد او ثنين ).
نوف بنك نائبة الزعيمه: نور الشات بحضورك يالزعيمه.
¨ ™ ¦ مختار الحاره ¦™ ¨: ولكمووووووووووووووووووو الزعيمه وصلت .
الكل ولكم .
الزعيمه: يسلموووووووووومن ذوقكم .
الزعيمه : كيف الحال للكل .
¨ ™ ¦ مختار الحاره ¦™ ¨: بخير أنتِ شلونك.
نواف بنك ¤ّ,¸¸,ّ¤؛°`°؛¤ فـــ المملـكـه ـــارس ¤؛°`°؛¤ّ,¸¸,ّ¤؛: تمام .
¤ّ,¸¸,ّ¤؛°`°؛¤ فـــ المملـكـه ـــارس ¤؛°`°؛¤ّ,¸¸,ّ¤؛: أنتِ كيفك .

اسيرة الشوق :الحمد لله بخير .
الزعيمه :دوووووووووم مو يوم وأنا بخير لكل من سأل عني .
النائبه والكل : دوم مو يوم.
اسيرة الشوق : الزعيمه لكِ كم يوم ما دخلتي الشات خير ان شاء الله .
الزعيمه : كنت مشغوله ها وش اخبار الشات بغيابي .
اسيرة الشوق : ابد الشات هذا هو بس والله فتقدتك خصوصاً لما صارت لي مشكله قلت وين الزعيمه راعية الفزعات هي الي بتحلها .
الزعيمه : امري اختي .
اسيرة الشوق :مايامر عليك عدو خلاص انتهت المشكله ساعدني فيها فارس .
الزعيمه : مايقصر فارس .
نائبة الزعيمه : الزعيمه خويتنا للحين ماجت اتصلي عليها. (تقصد عهود )
الزعيمه : اتصلت قبل ماتقولين لي بتدخل بعد شوي .
¤ّ,¸¸,ّ¤؛°`°؛¤ فـــ المملـكـه ـــارس ¤؛°`°؛¤ّ,¸¸,ّ¤؛:من هذي الي تتكلمون عنها .
نائبة الزعيمه : الزعيمه اقول .
الزعيمه : لا ممنوع .
الا بدخلت نك الناعمه .
الناعمه : السلام عليكم.
الكل : وعليكم السلام .
(دخلت الزعيمه عليها خاص )
الزعيمه : أنتِ بنت العمه .
الناعمه : ايه أنت أي وحده فيهم } ق {أو} ن{ .
الزعيمه : أنا} ق { ونوف نائبتي نور الشات بوجودك يا الناعمه .
الناعمه : منور بوجودك الزعيمه لحضه بروح اغير النك وبرجع .
الزعيمه : اوكي .
نائبة الزعيمه : الزعيمه هذي هي .
الزعيمه : ايه.
نائبة الزعيمه : وين راحت .
الزعيمه : بترجع .
ودخلت عهود الشات بنك سكرتيرة الزعيمه .
سكرتيرة الزعيمه : باااااك رجعت لكم مره ثانيه .
الزعيمه : ولكم سكرتيرتي احلى باااك.
سكرتيرةالزعيمه: يسلموو من ذوقك .
الزعيمه : نائبة الزعيمه شكلك ماعرفتي السكرتيره هذي خويتنا .
نائبة الزعيمه : صحيح لا والله ماعرفتها ولكم ولكم سكرتيرة .
سكرتيرة الزعيمه : يسلموووو من ذوقك .
¤ّ,¸¸,ّ¤؛°`°؛¤ فـــ المملـكـه ـــارس ¤؛°`°؛¤ّ,¸¸,ّ¤؛:أكملت الزعيمه ونائبتها والسكرتيرة تجمعوا العصابه.
سكرتيرة الزعيمه توجه كلامها لفارس وماتعرف انه نواف ولدخالها :انت وش دخلك صدق لقافه بنات ويا بعضهم وش دخلك بينهم .
نائبة الزعيمه : اللقط اللقط.
¤ّ,¸¸,ّ¤؛°`°؛¤ فـــ المملـكـه ـــارس ¤؛°`°؛¤ّ,¸¸,ّ¤؛:دخلني الباب .
سكرتيرة الزعيمه : بايخ .
¤ّ,¸¸,ّ¤؛°`°؛¤ فـــ المملـكـه ـــارس ¤؛°`°؛¤ّ,¸¸,ّ¤؛: وانتِ ابيخ .
( وصارت هوشه بين فارس وسكرتيرة والزعيمه ونائبتها يتفرجون عليهم وهم ساكتين ويضحكون عليهم لانهم مايعرفون انهم يقربون لبعض.
الزعيمه دخلت خاص على نائبة وقالت لها لا تكشف شخصية السكرتيره لنواف والعكس وتفقوا انهم يخفون الموضوع علشان يشوفون المسأله لوين بتوصل وخافت قيود من اذا درت عهود ان هذا نواف ماراح تدخل هذا الشات مره ثانيه .)
سكرتيرة الزعيمه : الزعيمه وش فيك ساكته أنتِ مناديتني هنا لتهزاء .
الزعيمه : ماعاش من يهزئك .
ملك الحب : الزعيمه ممكن نتعرف .
سكرتيرة الزعيمه : شوفوا هذا الي داخل عرض حنا وين وهو وين .
الزعيمه : ياأخ العرب يلي اسمك ملك الحب تبي تتعرف.
ملك الحب : ايه ممكن .
الزعيمه : ممكن تعال لنا السنه الجايه مثل هذا الوقت ونتعرف عليك .
ملك الحب : اخاف تكونون مشغولين .
الزعيمه : لا تحاتي ماراح نكون مشغولين تعال انت بس ولا تهتم لا تنسى .
ملك الحب : ماني جاي انا ابي اتعرف الحين بروح روم ثاني احسن لي .
الزعيمه : رح الله معك والباب مفتوح مع الف سلامه .
¨ ™ ¦ مختار الحاره ¦™ ¨ الزعيمه .
الزعيمه : نعم .
¨ ™ ¦ مختار الحاره ¦™ ¨ : ممكن اسألك سؤال .
الزعيمه : تفضل أخوي .
¨ ™ ¦ مختار الحاره ¦™ ¨ : انا اشوفك هنا في الشات من فتره وكل شخص يبي يتعرف عليك تصدينه وترفضين تتعرفين .
الزعيمه : لاني ضد التعارف بين الجنسين وانا عارفه راح تقول لي اجل ليه تدخلين الشات صح ولا لا .
¨ ™ ¦ مختار الحاره ¦™ ¨: صح وش عرفك .
الزعيمه : لأن كثير اسألوني هذا السؤال اذا ماتبين تتعرفين ليه تدخلين الشات وراح اجاوبك مثل ماجوابتهم وبختصار بقولك انا داخله الشات لوسع صدري ادردش وفرفش مو لأي غرض ثاني فهمت أخوي ولا لا .
¨ ™ ¦ مختار الحاره ¦™ ¨: فهمت لكن وش يمنع ولا وش بتخسرين اذا دردشتي وفرفشتي وتعرفتي .
الزعيمه : تقول وش بخسر بخسر نفسي مبادئي ثقة اهلي فيني .
واحد دخل على قيود خاص يقولي اذا تبين تتعرفين تعالي خاص محد يدري عنك لا تخافين محد راح يعرف . جاوبته بالعام وقالت
تحسبني اخاف انا ما اخاف الا من الي خالقني واذا ماكان احديشوفني فالله شايفني وبيحاسبني ويحاسبك على كل كلمه نكتبها ولي ماترضاه لخواتك لاترضاه على بنات الناس .
نائبة الزعيمه : فارس وينك .
(فارس نكه موجود لكن هو بالمنتدى )
الزعيمه : وش فيك.
نائبة الزعيمه : ابيه يتصرف مع هذولا .
الزعيمه : أنت وش عليك منهم هم حرين اسألوا سؤال وانا لي مطلق الحريه بالأجابه او لا حنا هنا عندنا ديمقراطيه .
سكرتيرة الزعيمه : حلوه ديمقراطيه ياديمقراطيه انتِ .
الزعيمه : تحلى ايامك ويبعد عنك الذئاب البشريه .
النائبه والسكرتيره : امين .
نائبة الزعيمه : فارس وينك مسطح .
سكرتيرة الزعيمه : وش عليكِ منه خليه يولي .
¤ّ,¸¸,ّ¤؛°`°؛¤ فـــ المملـكـه ـــارس ¤؛°`°؛¤ّ,¸¸,ّ¤؛: نعم نائبه .
نائبة الزعيمه : وين كنت .
¤ّ,¸¸,ّ¤؛°`°؛¤ فـــ المملـكـه ـــارس ¤؛°`°؛¤ّ,¸¸,ّ¤؛: كنت بالمنتدى .
الزعيمه : فارس منزل موضوع ؟؟
¤ّ,¸¸,ّ¤؛°`°؛¤ فـــ المملـكـه ـــارس ¤؛°`°؛¤ّ,¸¸,ّ¤؛: ايه .
الزعيمه : أجل بروح اشوفه عن اذنكم شوي وراجعه .
نائبة الزعيمه : وانا بعد .
(راحت نوف وقيود )
¤ّ,¸¸,ّ¤؛°`°؛¤ فـــ المملـكـه ـــارس ¤؛°`°؛¤ّ,¸¸,ّ¤؛: سكرتيرة الزعيمه .
سكرتيرة الزعيمه : نعم باقي كلام تبي تقوله بتكمل الهوشه .
¤ّ,¸¸,ّ¤؛°`°؛¤ فـــ المملـكـه ـــارس ¤؛°`°؛¤ّ,¸¸,ّ¤؛: يابنت الناس أنتِ الي عصبتيني أنا اول مره اتهاوش مع بنت وعلى العموم اذا بدر مني غلط أنا اسف .
سكرتيرة الزعيمه : حصل خير .
¤ّ,¸¸,ّ¤؛°`°؛¤ فـــ المملـكـه ـــارس ¤؛°`°؛¤ّ,¸¸,ّ¤؛: أنتِ تعرفين نائبه الزعيمه والزعيمه .
سكرتيرة الزعيمه : ايه ولو سمحت لا تسأل أي سؤال ثاني في أي شيء خاص .
¤ّ,¸¸,ّ¤؛°`°؛¤ فـــ المملـكـه ـــارس ¤؛°`°؛¤ّ,¸¸,ّ¤؛: أن شاء الله ماراح اسأل .
وسكت عنها وصار يتكلم مع الباقين وهي ظلت ساكته وتطالع كلامه وبعد فتره .
سكرتيرة الزعيمه : فارس المملكه لهذي الدرجه موضوعك طويل الزعيمه ونائبتها تأخرو .
¤ّ,¸¸,ّ¤؛°`°؛¤ فـــ المملـكـه ـــارس ¤؛°`°؛¤ّ,¸¸,ّ¤؛: لا مو طويل يمكن شافوا مواضيع جديده وجلسوا يقرونها أنتِ مشتركه بالمنتدى معنا .
سكرتيرة الزعيمه : لا .
¤ّ,¸¸,ّ¤؛°`°؛¤ فـــ المملـكـه ـــارس ¤؛°`°؛¤ّ,¸¸,ّ¤؛: أنتِ أول مره تدخلين هنا .
سكرتيرة الزعيمه : ماتشوف أن اسألتك كثيره .
¤ّ,¸¸,ّ¤؛°`°؛¤ فـــ المملـكـه ـــارس ¤؛°`°؛¤ّ,¸¸,ّ¤؛: لا عادي جالسين نتكلم لكن الظاهر اني ازعجتك أنا طالع مع السلامه .
سكرتيرة الزعيمه ماردت عليه .
( طلع نواف وهو يبي يعرف من هذي البنت الي تعرفها نوف وقيود وراح لنوف )
نواف : من هذي البنت الي معكم بالشات .
نوف : لا ممنوع قيود موصيتني اني مااقولك من هذي البنت .
نواف : وليه .
نوف : كذا .
نواف : أكيد معكم بالجامعه ولا بنت من بنات الجيران .
نوف : لا تحاول ماني قايله وبعدين تعال اشوفك مهتم تبي تعرف من هذي .
نواف لا مهتم ولا شيء بس مجرد فضول .
نوف : وفضولك هو الي خلك توهقني وتخليني على كرسي الاعتراف وتسألني اسأله محرجه .
نواف : نسيتي أنتِ وقيود وش سويتو فيني هذا الدور جالك وقيود حسابها بعدين دايم مفشليني بين الاعضاء .
نوف :أنا.
نواف : أنت امرك يهون بنت عمك عليها نقد.
نوف : قيود ماتعرف تجامل .
نواف : الله يعيني عليكم بروح اشوف وش ردت على موضوعي الجديد .
(تو نواف بيطلع الا يرن تلفون نوف ولماعرف انها نفس البنت الي معهم بشات جلس يبي يعرف من تكون )
عهود : تنادوني وطنشوني تتركوني بالشات مع
.. .. .. .. .. .. ..

انتهاء الجـ الأول ـزء

1- بندر بيحس بحب نوف له وبيحبهااو بيحب وحده غيرها؟
2- من الشخص الداعيتله امه وبيتزوج قيود هو نواف نفسه أو شخص ثاني ؟
3- نواف بيكتشف من تكون السكرتيره ولا لا ؟

.. .. .. .. .. .. ..

اختكم ... الكاتبة ..

صمت الشروق ..



ابى ردود وتوقعااات حلوه ..

لنا لقااء في الجزء الثاني ...

اختكم الناقلة .. ههههه

~ dala3 girl ~







الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 4
قديم(ـة) 30-10-2009, 11:02 AM
صورة روح قلم الرمزية
روح قلم روح قلم غير متصل
©؛°¨غرامي مشارك¨°؛©
 
الافتراضي رد: دموع الشموع ... رواية ولا اروع .. رومانسية بالحيل ..


ننتظرررررررج على احر من الجمر بسرررعه تراني متحمسة

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 5
قديم(ـة) 30-10-2009, 05:34 PM
~ dala3 girl ~ ~ dala3 girl ~ غير متصل
©؛°¨غرامي فعال ¨°؛©
 
الافتراضي رد: دموع الشموع / رواية ولا أروع رومانسية بالحيل


منورة حبيبتي روح القلم ...

لكن بدي اشوف ردود اكثر ...

تستاهل ارواية الحلوه ..

ههههههههههههه

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 6
قديم(ـة) 31-10-2009, 03:45 PM
صورة روح قلم الرمزية
روح قلم روح قلم غير متصل
©؛°¨غرامي مشارك¨°؛©
 
الافتراضي رد: دموع الشموع / رواية ولا أروع رومانسية بالحيل


ننــــــــــــــــتظـــــــــــرج حبوبتي

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 7
قديم(ـة) 01-11-2009, 10:32 PM
~ dala3 girl ~ ~ dala3 girl ~ غير متصل
©؛°¨غرامي فعال ¨°؛©
 
الافتراضي رد: دموع الشموع / رواية ولا أروع رومانسية بالحيل


الجــ الثـاني ـــزء

(تو نواف بيطلع الا يرن تلفون اخته ولماعرف انها نفس البنت الي معهم بشات جلس يبي يعرف من تكون )
عهود : تنادوني وطنشوني تتركوني بالشات مع ثقيل الدم .
نوف : اسفه( توها بتقول عهود الا نتبهة أن اخوهاموجود ماراح )
اسفه يالسكرتيرة وين قيود مارجعت لشات وبعدين من ثقيل الدم هذا .
عهود : فيه غيره فارس المملكه تلقينه ماعمره ركب حمار مو فرس بس خساره عليه هذا النك مدري ليه مارتحت له .
نوف : تطول صوتها تسمع نواف أي قصدك فارس المملكه ثقيل الدم الحين عرفت بس اعجبتني ماعمره ركب حمار هـهههههههههههههههـ
( نواف سمع هذا الكلام عصب وأشر لنوف تسكر السماعه بوجه عهود لكن نوف تسوي اشارات لنواف تقوله لحظه اسمع وش بقول عنك .
سكت نواف وجلس يسمع اخته وش بتقول .)
نوف : اسمعي ياسكرتيرة وقاطعتها عهود وقالت لها نوف حنا مو بشات قولي لي عهود
نوف : لالا خلينا كذا احسن واسمعي كلامي بكل الكلام الي قلتيه مامعك حق الا بشئ واحد هو أن نك فارس المملكه حلو وبصراحه ماهو خساره فيه وأنتِ ماعرفتيه كفايه علشان تحكمين عليه حنا معه بشات فتره طويله ماشفنا منه الا كل خير وهو شاب مؤدب خلوق وذوق .
عهود : بس بس كل هذا في فارس ما باقي الاتكتبين فيه شعر .
نوف : يستاهل اني اكتب فيه شعرهذا فارس المملكه مو أي واحد.
( نواف يأشر لاخته أنتِ كذا وطلع عنها وبتسمت نوف)
عهود : نوف اقولك شيء وبصراحه .
نوف : قولي.
عهود :من خلال كلامك عن فارس احس انك معجبه فيه لا بمعنى اصح تحبينه .
نوف :هههههههههههههههههههههـ
عهود: وش فيك تضحكين اعتقد انا ماقلت شيء يضحك .
نوف : احساسك خطأ وشيلي الفكره هذي من بالك أنا خبله احب واحد بشات وفارس احبه محبة الاخت لخوها .
عهود : نوف قيود معي في الشات وتسأل عنك بتدخلين .
نوف : لا بجلس اقراء مواضيع بالمنتدى .
عهود : طيب اذا غيرتي رايك حنا بالشات مع السلامه .
نوف : مع السلامه .

.... في اليوم الثاني ....
أم محمد : قيود قومي .
قيود : يمه خليني انام .
أم محمد : قومي لاتتأخرين على الجامعه .
قيود : اليوم ماعندي الا محاضره والدكتوره معتذره ماهي جايه .
أم محمد : اجل قومي روحي معي بيت خالد .
قيود :في هذا الوقت ليه فيهم شيء .
أم محمد : لا ساره متصله مناديتني أنا وخالتك نتقهوه عندها وبنشوف اخوي .
قيود : من صباح الله خير قهوه بيصير لكم شيء منها لليل ونهار قهوه وانا ماني رايحه معك لاني مااحب القهوه .
أم محمد : ياكثر هذرتك يا هالبنت منتي رايحه كيفك أنا بمشي .
قيود : يمه سلمي عليهم وخليني أنا بنام بنام بنام ياحلو النوم .
( راحت أم محمد وختها لبيت خالد وبعد ماجلسوا شوي عند ساره راحو لبيت اخوهم المريض بسرطان ماعنده الا بنتين ساره زوجة خالد ونجود مدرسه مطلقه لانها ما تجيب عيال وساكنه معه وبيتهم جنب بيت خالد
وفي كل مره ابو ساره يشوف خواته يوصيهم على بناته بعد وفاته وهم يطمنونه أن مافيه الا كل خير وان شاء الله يتعاف وهم عارفين ان حالته متأخره مثل ما قالو الدكاتره وماله علاج وبعد ما تطمنوا عليه راحت كل وحده بيتها . )

.... بيت ابو خالـــــــــد ....

المغرب اتصل راكان بأهله
الهنوف : راكان اشتقتلك كثير متى ترجع .
راكان : أنا بجلس هنا ماني راجع .
الهنوف : ليكون تزوجت .
راكان : ايه وجبت بنت وسميتها الهنوف.
الهنوف تنادي نوف : نوف نوف تعالي سمعي اخر خبر راكان تزوج وجاب بنت وسماها علي .
خذت نوف السماعه من اختها وراكان يسمع كلام اخته ويضحك .
نوف : راكان صدق تزوجت .
راكان : ايه .
نوف : ياويلك من ابوي .
راكان :ههههـ صدقتي امزح معكم .
نوف : تمزح ولا صدق ياخوفي منك أنت .
راكان : والله امزح تو الناس على الزواج اقول وين ابوي وأمي .
نوف : ابوي بشركه وأمي داخل بالغرفه عندها خالتي وخلود .
( ودت نوف التلفون عند امها )
أم خالد : هلا بولدي الغالي .
راكان : هلا يمه كيف حالك .
أم خالد : الحمد لله بخير وانت كيفك .
راكان : تمام وكلها كم يوم وتشوفيني خلاص هانت يا أم خالد .
أم خالد : صحيح بتجي متى.
راكان : ايه يمه أنا قايل لنوف اني بجي يوم الأثنين ماقالت لك .
أم خالد : لا ما قالت وطالعت نوف وقالت لها أنتِ داريه أن اخوك بيجي ولا تقولين لي تفرحيني .
نوف : نسيت .
أم خالد : هذا أمر ينسى وتكلم ولدها راكان كم الساعه بتجي علشان يجيك أحد اخوانك المطار .
راكان : بعدين بتصل فيهم وعلمهم متىاجي اقول يمه خالتي يمك.
أم خالد : ايه هي والمزيونه .
راكان : ابي اكلمها بسلم عليها .
( عطت أم خالد اختها التلفون )
نوف : يمه من تقصدين بالمزيونه أكيد أنا .
الهنوف : لا أنا .
أم خالد : لا أنتِ ولا هي .
خلود : أجل أنا .
أم خالد : المزيونه قيود .
( الجميع ناظر قيود وخجلت )
الهنوف وهي تأشر على قيود : هذي مزيونه وع أنا احلى منها .
قيود : أنا وع وخذت الخداديه ورمتها على الهنوف.
خلود: مع احترامي لكلام امي ولقيود طبعاً مافيه بالعايله الا مزيونتين .
نوف و قيود والهنوف : من .
خلود : ما يحتاج كلام معروفين طبعاً أنا الاولى وبنتي الثانيه .
قيود : أنا احتج على الاولى وئيد الثانيه .
نوف والهنوف : احتج على الثنتين .
الهنوف : لو اشارك في ملكة جمال الكون راح يختاروني الحكام .
قيود : أنا ما احتاج أحد يحكم على بعد كلام خالتي وتنزل راسه لريم بنت خلود الي كانت جالسه بحضنها صح ريم .
ريم : تح .
قيود : والله أنتِ المزيونه وأنتِ القمر و قمرهم كلهم.
أم محمد : خلود راكان بيكلمك .
خلود : الو
راكان : هلا وغلا بأم القمر .
خلود : أنت جالس تتكلم مع خالتي ولا تسمع سوالفنا .
راكان : اكلم خالتي ليه وش فيك.
خلود : تو قيود قايله لريم قمر وأنت بس كلمتك قلت لي أم القمر يعني كأنك سامع .
راكان : لا ما سمعت أحد كنت اكلم خالتي كيفك أنتِ وكيف بنتك وزوجك .
خلود : كلنا بخير وهذي ريم تبي تكلمك .
راكان : عطيني اياها .
ريم : الو .
راكان : هلا والله بريومه .
ريم : اندر اود حلاوه وماما حلاوه بح .
(خذت خلود السماعه منها )
راكان : وش فيها زعلانه وش تقول ما فهمت .
خلود : تحسبك بندر وتقولك أن قيود عطتها حلاوه وأنا اخذتها منها .
راكان : عطيها الحلاوه وبوسيها لي .
خلود : وأنا مالي بوسه .
راكان : تغارين من بنتك ولا يهمك لك بوسه على الراس ومع السلامه سلمي على الجميع .
خلود :أن شاء الله يوصل السلام مع السلامه .
( سكرت التلفون وباست بنتها زي ماقال لها راكان وجت يمها الهنوف وعطتها خدها )
خلود : وش تبين .
الهنوف : بوسه زي ريم .
خلود : لا راكان قال بوستين وحده لبنتِ والثانيه لي على الرأس ماقال لحد ثاني يله تعالي بوسيني أنتِ بدل راكان .
الهنوف : اذا جاء خليه ينفذ الي قال أنا ماقلت شيء قال بوسيني قال .
أم محمد : قيود يله نروح للبيت .
أم خالد : بدري تو الناس .
أم محمد : من عمرك بروح يمكن جود جت .
الهنوف : جود وين رايحه .
أم محمد : مع بندر بيطلع وتعلقت فيه .
قيود : وانا قلت له بروح طردني هئ هئ هئ .
نوف : احسن تبين تروحين بالحالك ولا توديني معك .
الهنوف : وأنا .
خلود : وأنا وبنتي .
الهنوف : أنتِ عندك زوجك يوديك بكل شيء ناطه معنا .
قيود : خلاص هونا محنا رايحين والله الي يسمعكم يقول الحين بيطلعون .
نوف : ياخوفي منك الحين تطلعين منا وتروحين مكان ثاني من غيري .
قيود : تطمني وحطي في بطنك بطيخه صيفي وشتوي بعد ما اركب السياره الا أنتِ معي حتى لو اروح المريخ باخذك معي .
الهنوف : وأنا منتي ماخذتني .
قيود : وأنتِ بعد.
نوف : بس بشرط الي يودينا السواق .
قيود : جالسه تتشرط ست الحسن والجمال انا اذا بطلع تمشيه مع اخواني وبس وأنتِ تبين تطلعين مع السواق كيفك أنا ماني رايحه معك .
نوف : ليه ؟
قيود : نسيتي اخر مره وش صار لنا لما شفونا الشباب مع السواق جلسوا يطاردونا وختك فزعت الدنيا من الصياح من ذاك اليوم تبت ما اركب مع السواق الا للجامعه او مع أمي .
خلود : حتى أمي وخالتي ماسلمو من الشباب .
نوف : مسكينه أمي جتنا تنفض ذاك اليوم.
الهنوف :وش السالفه .
قيود : شكل الاخت مادرت عن السالفه .
الهنوف تطالع نوف : صايره سالفه وماقلتيلي عنها .
نوف : كنتي نايمه ذاك اليوم ولما جلستي نسيت اقولك.
الهنوف : قولي لي الحين ابي اعرف .
نوف : كل الموضوع مجموعة شباب طايش ماصدقوا على الله شافوا سواده بسياره مع السواق لحقوها وهذي السواده كانت أمي وخالتي .
الهنوف : وش سوو .
نوف : ضيعهم سيف( السواق ).
( وبعد ماخلصوا البنات سوالفهم راحت قيود لبيتهم أما أم محمد سلمت على اختها ومشت قبل بنتها لما شافت سوالفهم مطوله )

.... يــــوم الخميـــس ....

قيود : محمد متى جيت .
محمد : من شوي .
قيود : وش سويتوا بالعزيمه .
محمد وهو يغيرالتلفزيون برموت كنترول : سولفنا وتعشينا وجينا.
قيود : كل شيء سويته قله لا تفوت ولا شيء ابي بالتفصيل.
محمد : بتفصيل زين شوفي ركبنا السياره ومشينا ومشينا ومشينا ومشينا ومشينا ومشينا ومشينا ومشينا وصادفتنا اشاره حمراء وقفنا ونتظرنا ونتظرنا ولما صارت الاشاره خضراء مشينا ومشينا ومشينا ومشينا ومشينا
قيود : محمد مو كذا تتريق على انت .
محمد : مو أنتِ بقيتي كل شيء بالتفصيل هذا أنا اقولك .
( دخل عليهم بندر وخذ مفاتيحه بيطلع )
محمد : وين بتروح .
بندر : واحد من الشباب يبيني بموضوع .
قيود : وش موضوعه .
بندر : ما ادري عنه قالي تعال ابيك بموضوع .
قيود : طيب اذا عرفت الموضوع قلي .
بندر : طيب عمتي قيود واذا كان الموضوع سر اقولك ولا لا .
قيود :اذا كان موضوع عادي قلي واذا كان سر قلي بعد وسرك وسره في بير .
محمد : هالبنت فضوليه كل شيء تبي تعرفه .
بندر : اذا قلتيلي اسرار صديقاتك اقولك انا اسرار ربعي يله مع السلامه لاتأخر وراح عنهم .
قيود : أنا بعد بروح .
محمد : وين بتروحين ليكون وحده من صديقاتك تبيك بموضوع .
قيود : لا بروح بيت عمي .
محمد : وش عندك .
قيود : نوف شاريه تحف لمجلسهم وتبني اساعدها في ترتبهم وترتيب المجلس يله بروح .
محمد : ماتبين اكملك سالفة العزومه ههههههههههـ .
قيود : لالا بروح بسرعه قبل لا تجي جود وتنشب بحلقي .
تو قيود بتطلع الا جود نزلت من فوق : قيود بجي معك .
قيود : وش هالنشبه يا الله وين بتروحين معي .
جود : بيت عمي .
قيود : وأنتِ وش دراك أني بروح بيت عمي .
جود : سمعتك أنتِ ونوف تتكلمون اليوم .
محمد : اخذيها معك .
قيود : لا الحين بيجيها النوم وتجلس تصيح تبي ترجع البيت .
جود : لا ما أنام شوفي عيوني مافيها نوم .
محمد : خلاص مافيها نوم اخذيها لا تصيح علينا .
( وافقت قيود انها تاخذها معها ودخلت قيود بيت عمها من الباب الي بين بيتهم وبيت عمهاوشافت نوف والهنوف واقفين بالحديقه .
الهنوف : هذي الي ماهي جايه .
( قيود قالت العصر لنوف انها ماراح تجي وتساعدها )
قيود : ارجع يعني .
نوف : لا تعالي .
قيود : ما هانت على نوف تجلس تعدل بالحالها ادري انك منتى مساعدتها .
نوف : حبيبتي والله انا عارفه انك راح تجين .
جود : وانا جيت بعد اساعدكم .
نوف وهي تبوس جود : مشكوره .
الهنوف : أجل انا اروح اشوف التلفزيون ما تحتاجوني .
نوف : روحي وبكره الوعد عند أمي .
الهنوف : لا لا بجلس معكم واسوي الي تبونه .
قيود : ايو كذا يا نوف ناس ماتجي الا بالعين الحمراء .
راحو للمجلس وشافوا فيه غبار نادو الشغاله تنظفه بعدين شالو بعض التحف القديمه وحطو مكانها الجديده .
قيود : وش في الخداديات كذا ماهي مرتبه .
نوف : ما ادري الشغاله معدلتهم .
قيود : نوف هاتي الخداديه الي جنبك .
نوف تاخذها وتحذفها بقوه على قيود وتصيب راسها .
قيود : كذا تحذفينها علي طيب وتاخذها وتحذفها على نوف وجلسوا يتضاربون بالخداديات الا الا ينفتح عليهم الباب

ــــــــــــــــــــــــــــــــ
انتهاء الجزء
1- من فتح الباب على قيود وبنات عمها ؟
2- هل راكان تزوج ولا يمزح مثل ما قال لنوف ؟


اختكم
صمــ الشروق ــت


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 8
قديم(ـة) 02-11-2009, 01:18 PM
صورة روح قلم الرمزية
روح قلم روح قلم غير متصل
©؛°¨غرامي مشارك¨°؛©
 
الافتراضي رد: دموع الشموع / رواية ولا أروع رومانسية بالحيل


اني مااحب اتوقع ننتظر البارت اللي بعده
بارت رائع تسلمي

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 9
قديم(ـة) 07-11-2009, 02:44 PM
~ dala3 girl ~ ~ dala3 girl ~ غير متصل
©؛°¨غرامي فعال ¨°؛©
 
الافتراضي رد: دموع الشموع / رواية ولا أروع رومانسية بالحيل






الجــــ الثالث ـــزء
.. .. .. ..

قيود : نوف هاتي الخداديه الي جنبك .
نوف تاخذها وتحذفها بقوه على قيود وتصيب راسها .
قيود : كذا تحذفينها علي طيب وتاخذها وتحذفها على نوف وجلسوا يتضاربون بالخداديات إلا ينفتح عليهم الباب وتصرخ الهنوف :راكان وتركض له هي ونوف .
نوف وهي تسلم على اخوها : انت ما قلت انك بتجي يوم الأثنين.
راكان : لقيت حجز اليوم وجيت .
نوف :ليه ما تصلت .
راكان : مخليها لكم مفاجأه .
نوف والهنوف : أحلى مفاجأه .
جود تسحب تي شرت راكان ويشيلها راكان ويبوسها : هلا جود كيفك حبيبتي .
نوف : أي صح قيود وتلتفت لكن ما تشوفها لانها كانت متخبيه
ورى ستاره وماهي باينه قيود لما شافت راكان تخبت ورى ستاره ولما سمعت نوف تدورها حركتها علشان تعرف مكانهاوطلع راكان من المجلس ومعه خواته والهنوف وهي داخله البيت : يمه يمه يبه نواف .
راكان وهو شايل جود : شوي شوي لا تروعينهم .
نوف : الا تعال من جابك من المطار .
راكان : بندر اتصلت عليه وجاني .
نوف : اجل قيود تدري ولا علمتني .
راكان : محد يدري لاني قلت لبندر لا تقول لحد أني وصلت .
جت ام خالد وابو خالد ونواف بعد مانادتهم الهنوف وسلموا على
راكان وطبعاً أم خالد الفرحه مش سايعتها بوصول حبيب القلب راكان وجلسوا يسولفون ويرن تلفون البيت وترد عليه الهنوف:الو
قيود : الهنوف .
الهنوف : اووو قيود نسيناك في المجلس .
وجت نوف وخذت التلفون من اختها لما عرفت انها قيود
نوف : سوري قيود تركناك بالحالك .
قيود : لا عادي أنا خلصت من ترتيب المجلس وبمشي خلي جود تجي .
نوف : مشكوره تعبناك لكن ليه تمشين الحين انا بجيك .
قيود : لا خليك جالسه مع اخوك اكيد مشتاقه له و خلي جود تجي .
نوف : خليها جالسه معنا .
قيود : لا الوقت متأخر .
نوف : طيب بتجيك .
قيود : مع السلامه .
نوف : مع السلامه .
نوف تكلم جود الي كانت جالسه عند راكان : جود روحي قيود تنتظرك برى .
أم خالد : وليه خليها تجلس وروحي نادي قيود تجي تسلم على ولد عمها .
نوف : مابقيتي الا قيود تجي تسلم مادخلت غرفته تجي تسلم عليه.

000000
( في يوم كانت نوف وقيود جالسين يتكلمون عن ديكور غرفه شايفينها بمجله ونوف قالت لقيود أن ديكور هذي الغرفه مشابه لغرفة راكان .
نوف : والله العظيم نفس غرفة راكان .
قيود : معقوله نفسه .
نوف : منتى مصدقتني قومي اوريك الغرفه .
قيود : مصدقتك خلاص .
نوف : طيب قومي شوفيها .
قيود : لا ماني قايمه خلاص شفتها بالمجله ما يحتاج اشوفها .
نوف : وش فيك ماتبين تقومين مافي احد بالغرفه راعيها مسافر .
قيود : بصراحه استحي .
نوف : وش تستحين منه .
قيود : من اخوك .
نوف : انا بوريك اخوي ولا الغرفه اقولك مسافر منتي شايفته .
قيود : ولو ما ابي واذا اصريتي بروح بيتنا . )
000000
أم خالد : وليه .
نوف : تستحي يله جود تعالي اوديك لختك .
ودتها ولما رجعت قالت : مسكينه قيود عدلت كل الي خربناه بالمجلس .
أم خالد : وأنتم ما تستحون مخلين بنت عمكم تعدل بروحها .
نوف : والله كنا نعدل معها لكن جلسنا نلعب وخربنا كل الي عدلناه ودخل علينا راكان .
أم خالد وهي مبسوطه : يعني راكان شاف قيود .
راكان : لا يمه ماشفتها تخبت ورى ستاره .
أم خالد : الله يخليها لهلها هالبنت وياسعد من بياخذها .
نوف : احس أمي تلف وتدور على شيء .
أم خالد : اسكتي أنتِ راكان يمه انت تعبان قم ورتح بغرفتك .
راكان .راحتي بوجودي معكم يمه .
الهنوف : ها راكان سولف لنا وش سويت بأمريكا وش اخبار الشقر والحمر .
أبو خالد : وش هالكلام يابنت .
راكان ضحك على اخته الي شكلها تغير : احسن من قالك تتكلمين بهذي السوالف .
نوف : الحمد لله مافتحت فمي بكلمه .
( دخل عليهم نواف وهو شايل شناط اخوه :راكان انت وش حاط بشناطك حجرثقال وبنيدر مادخلهم حاطهم عند الباب .
ابو خالد:هو اصغر عيال ولا شغال عندك الرجال متعب عمره وجايب اخوك من المطار تقوله بنيدر .
راكان : أي والله تعبته معي ماقصر ولد العم .
نواف : خلاص غلطنا ومنكم السموحه وانت ياراكان من اقرب لك انا ولا بندر متصل عليه ومعلمه بموعد وصولك ومستقبلك بالمطار .
راكان : اثنينكم عينين في راس هو ولد عمي وخالتي وانت اخوي وانا ماقلت لك علشان ادري فيك بتخبرهم وتخرب المفاجأه .
نواف : اذا كان كذا سماح هذي المره .
أبو خالد : ليه هو فيها مره ثانيه خلاص الرجال انتها من دراسته وان شاء الله بيستلم وظيفته بشركه مع اخوه ولد عمه .
نوف : توه جاي مابعد يرتاح وانتم على طول بتسلمونه الوظيفه .
ابو خالد : نتكلم في هذا الموضوع بعدين انا رايح انام ( وقام وطالع بناته وقال ) وانتم خلو اخوكم يرتاح ( وراح عنهم).
ام خالد : أي والله ياولدي قم نم شكلك تعبان من السفر ولا تطيع خواتك ماهم مخلصات من السوالف .( وراحت تنام )
راكان : وش اخباركم وش مسوين بدراسه .
نواف : انا مشي نفسي .
الهنوف : انا الحمد للله متفوقه .
راكان يوجه كلامه لنوف : وأنتِ اشوفك ساكته .
الهنوف : لا هذي تطمن عليها دام قيود معها ضامنه النجاح .
نوف : الله عليك اكبر وبعدين من قال ان اذا كانت قيود معي ضمنت النجاح انا ضامنته لاني اذاكر .
الهنوف : أنتِ تذاكرين ههههههه.
راكان : وش سالفتكم .
الهنوف : اختك ايام الاختبارات ماتذاكر وماكأن عندها اختبارات لانهامعتمده على قيود تعلمها .
نواف : شكل الكل بيدري انك ماتذاكرين وتغشين .
نوف : كله من عيونكم الاختبارات الجايه لزم اذاكر لان قيود ماهي جالسه جنبي بتجطلني ماهي معطتني وجه بالاختبار علشان ما تعلمني .
نواف : احسن زين ما تسوي فيك .
نوف : لا تفرح ماهون عليها بس اضمن لي اذاكر يمكن تتمسك بموقفها .
نوف تبي تغير الموضوع : راكان منت جيعان .
راكان : لا كلت بطياره .
جلس راكان يسولف مع اخوانه وبعدين راحوا ناموا .

....... يوم الجمعه ......

المغرب جاء ابو خالد وزوجته وعياله يسلمون على راكان وخوه خالد وخته خلود وعمته موضي ( ام سعود ) وخاله عبد المحسن وزوجته وزع راكان عليهم الهداياهم وبعد ماتعشاء الجميع كلن راح لبيته ماعد الشباب جلسوا يسولفون مع راكان في المجلس
بعد مامشوا راح راكان وجلس مع خواته بالصاله .
نوف : راكان اشوفك نسيت الي وصيتك عليه .
راكان : وش الي موصيتني عليه .
نوف : من صدق نسيت وهذا انا دايم اذكرك كل ماتصلت .
راكان : ايه تقصدين ملابسك .
نوف : ايه اشوا متذكر مانسيت ان شاء الله شريتهم .
راكان : ايه فوق بغرفتي روحي اخذيهم بشنطه السوداء .
الهنوف : يالدبه خفي وتلقين مقاسات قدك مو تنتظرين لما تسافرين تشترين لك ملابس ولا توصين راكان يشتري لك .
نوف : ماني مسويه رجيم والمشكله ماهو فيني المشكله بصحاب المحلات الي هنا عندنا ما يجبون مقاسات كبيره يجبولي ملابس لعارضات ازياء ما يشوفون ان اغلبيت الناس سمان } متان {واذا جابوا يجيبون قطعتين ولا ثلاث وتخلص بسرعه ( وقامت وقالت ) بروح اشوف ملابسي واقيسهم ان شاء الله يطلعون قدي قولو امين .
( محد رد عليها )
نوف وهي معصبه : ليه ماقلتو امين .
راكان : امين بس لا تعصبين علينا وتنفجرين .
الهنوف : امين بس لا تعصبين علينا وتنفجرين .
نوف توجه كلامه لختها : بغبغاء .
الهنوف : اذا انا بغبغاء أنتِ الدب القطبي يا دبه .
نوف : أنا صحيح دبه بس حلوه .
الهنوف : ما فيكِ من الحلى ذره .
راكان : بس خلاص أنتِ وهي بلا كلام فاضي روحوا نامو بكره وراكم دوام .
نوف : انا بروح اشوف ملابسي وبنام .
الهنوف : وأنا بجي معك اشوفهم .
نوف : تحلمين تشوفينهم الا وانا لبستهم .
الهنوف : ماني حلمانه ولا شيء الحين بروح اشوفه . وراحت تركض ولحقتها اختها وراكان راح ينام .

....... يوم السبت ......

العصر راح راكان بيت عمه وقال لبندر ينادي جود .
جت جود وهي شكلها زعلانه منه .
راكان : اشوف الحلو زعلان وش فيه .
جود : ..........
مسكها راكان وحطها بحظنه ونزل راسه لها : ليش زعلانه لاني ما جبت لك اللعبه الي قلتي عليها .
جود تهز راسها بمعنى ايه .
راكان : معقوله ما اجيب لجود حبيبتي اللعبه الي تبيها ويطلع كيسه من ورى ظهره ويعطيها اياه .
جود لما شافت العبه ضحكت .
راكان : هذي الي كنتي تبينها .
جود : ايه شكراً .
راكان : عفواً .
بندر : خلاص رضيتي .
جود وهي تفك لعبتها ايه .
بندر : خلاص يا راكان نم الحين وانت مرتاح جود رضت عليك .
راكان : اقول انا البارح وش فيني ما جاني نوم اثاري الحلو زعلان مني .
بندر : لا تغازل اختي .
راكان : طيب خلاص لا تعصب علينا .
جلسوا يسولفون وبعدين طلعون يتمشون .
ولما رجعوا بالليل راكان : يله تصبح على خير .
بندر : وين تو الناس اسهر معنا .
راكان : لا بكره وراك دوام ولا ناوي تطنش .
بندر : علشانك نطنش .
راكان :لا انت تبيها من الله اجلس معك وتسهر وماتروح الجامعه.
بندر : انا سهران سهران تعال اجلس ولا انت فيك النوم .
راكان : لا والله مافيني خلاص دامنك سهران بجلس معك خلنا نروح للمجلس وشافوا بدرهناك وجلسوا سولفوا مع بعض وبعدين كل واحد فيهم راح ونام .

* اليوم الثاني في الصباح *

..... بيت خالـــــــد .....
خالد : حبيبتي روحي شوفي خالي كان جهز نروح للمستشفى .
ساره : تو الناس موعده الساعه 10 شيوديكم من الحين .
خالد : تصدقين كله بالي ان موعده الساعه 8 اجل خلاص بروح الشركه والساعه 9 بجي اخذه اوكي حبيبتي .
ساره بصوت واطي : اوكي حبيبي .
خالد : شفيك تقصرين صوتك قوليها بصوت عالي اوكي حبيبي .
ساره : اسكت لا تسمعك الشغاله .
خالد : وتسمع كيفنا زوج وزوجته .
ساره : خلاص درينا اني زوجتك رح لا تتاخر .
خالد: زين ولا تنسين الليله عازمك على العشاء خلي عيالك عند اختك .
ساره : ماني ناسيه انت رح الحين وبالليل يصير خير .
خالد : افا تبين تفتكين مني .
ساره : لا حبيبي الود ودي تجلس معي طول النهار لكن اخاف عمي يزعل منك .
خالد يطالع بساعته : تأخرت مع السلامه .
ساره : مع السلامه ونتبه وانت تسوق .

..... في الشركه .....
خالد : السلامـ عليكمـ
محمد : وعليكم السلام هلا خالد عليك تأخير .
خالد : وبطلع بعد شوي .
محمد : كيف بتطلع عندنا اجتماع بعد ساعه .
خالد : اجتمعوا بدوني فيكم الخير والبركه .
محمد : ما يمشي علي هذا الكلام بتحضر الاجتماع .
خالد : انا بودي خالي المستشفى عنده موعد .
محمد : اذا كذا مرخوص بس خذ هذي الاوراق وقعها قبل لا تروح وشف الورقه الاولى مهمه اذا عندك أي ملاحظه سجلها .
خالد : ان شاء الله ( وياشر على خشمه )على هذا الخشم .
( خذ خالد الاوراق وراح لمكتبه وبعد مانتها منها رجعها لمحمد وراح لمكتب ابوه وسلم عليه وستأذن منه ورح يودى خاله المستشفى.
وبعد الغداء في بيت ابوخالد جلس الجميع بالصاله
ابو خالد :راكان متى تبي تجي تداوم بالشركه .
راكان : يبه انا ماني مشتغل معك بشركه انا ابي اعتمد على نفسي.
ابو خالد : انا ما اعارض انك تعتمد على نفسك لكنك توك متخرج تعال وشتغل معنا بالشركه وحط يدك بيدنا وساعدنا وبعدين اذا صار عندك خبره ابتدي رحلتك بروحك وانا ما اجبرك انك تشتغل معنا انت حر لك منتهى الحريه وانا راح امدك براس المال أنت فكر زين وتخذ قرارك وانا بنتظارك اياً كان جوابك .
راكان : ان شاء الله يبه .
نواف : وانا يبه ما تبيني اشتغل معك بشركه .
ابو خالد : انت خلص دراستك وبعدين تعال كلمني .
نوف : اللقط وجهك يالملقوف .
نواف : اقنور لك .
ام خالد : انتم وش تقولون .
الهنوف : هذا كلام الشات ومن يدخله .
نوف : ويه ويه الشات بتذبحني الزعيمه تأخرت عليها .
نواف : بتدخلون الحين .
نوف : ايه .
راكان : نوف تدخل الشات !؟
نوف : ايه مو بس انا العايله كلها بالشات معي .
نواف : يا كذبك العايله كلها مافيه الا انا وأنتِ وقيود وبدر .
نوف توها بتقول عهود الا تذكرت كلام قيود وسكتت .
نوف : يله انا رايحه نواف منت داخل .
نواف : الا بجي بس بعد شوي .
( راحت نوف عنهم )
راكان : نواف انت كيف ترضى لختك تدخل الشات .
نواف : مو بس انا راضي الكل راضي و عارف واختي واثق فيها وفي تربية ابوي لها ومعظم الوقت تدخل معي و مع قيود وصديقتهم بالجامعه .
ابو خالد : ياركان ياولدي البنت الي تبي الخراب بتلقاه في كل مكان في الشارع والاسواق وغيرها من الاماكن والثقه موجوده بينا وبين نوف .
راكان : الكمبيوتر وين موجود بغرفتها .
الهنوف : لا بصاله الي فوق .
نواف : لا تصير شكاك .
راكان : لا والله ماني شكاك لكن خايف على اختي والمفروض انك تمنعها يا نواف .
نواف :اذا منعت نوف عن الشات يعني الشات شيء غلط ما ادخله انا بعد ياراكان الشات مافيه شيء بعض الي فيه من شباب وبنات هم الي خلو الناس تاخذ فكره سيئه عن الشات بكلامهم وقلت ادبهم ولا وش فيها اذا دخلنا وسولفنا سوالف عاديه ومحترمه بدون ما نغلط على الثانين .
راكان : مافيها شيء لكن الله يهداهم بعض الشباب .
بعد ما خلص نواف من السوالف مع راكان وامه وبوه راح يدخل الشات

¤ّ,¸¸,ّ¤؛°`°؛¤ فـــ المملـكـه ـــارس ¤؛°`°؛¤ّ,¸¸,ّ¤؛: السلامـ عليكم .
الكل : وعليكم السلام .
الزعيمه ونائبه : ولكم نورت الشات فارس .
¤ّ,¸¸,ّ¤؛°`°؛¤ فـــ المملـكـه ـــارس ¤؛°`°؛¤ّ,¸¸,ّ¤؛: يسلمو النور نوركم ونور الموجودين .
¤ّ,¸¸,ّ¤؛°`°؛¤ فـــ المملـكـه ـــارس ¤؛°`°؛¤ّ,¸¸,ّ¤؛: ما دخل ولد الجزيره اليوم الشات .
الزعيمه : لا ما دخل ولا راح يدخل اليوم عنده مباره وان شاء الله يفوز.
¤ّ,¸¸,ّ¤؛°`°؛¤ فـــ المملـكـه ـــارس ¤؛°`°؛¤ّ,¸¸,ّ¤؛: لا تحلمين انه يفوز هو فاز مره وبلغلط فريقه ما يعتمد عليه .
نائبة الزعيمه :ليه انت حاضر مباره له .
¤ّ,¸¸,ّ¤؛°`°؛¤ فـــ المملـكـه ـــارس ¤؛°`°؛¤ّ,¸¸,ّ¤؛: ايه وفاز فيها فريقه لاول مره شفتوا وجهي خير عليه .
سكرتيرة الزعيمه : الزعيمه من هذا الي تتكلمون عنه تعرفينه .
الزعيمه : هذا واحد معنا في الشات الله يوفقه وين ما راح .
¤ّ,¸¸,ّ¤؛°`°؛¤ فـــ المملـكـه ـــارس ¤؛°`°؛¤ّ,¸¸,ّ¤؛ ونائبة الزعيمه : امين .
نائبة الزعيمه : سكرتيره غريبه تكلمتي اشوفك من دخل فارس وأنتِ ساكته .
( نوف قالت كذا علشان تحرج عهود وتشوفها وش تقول )
سكرتيره : سكت لان مافيه داعي اتكلم في شيء ما اعرفه .
الزعيمه : اقول وين الي بروم كلهم مسطحين الله يهديهم .
¤ّ,¸¸,ّ¤؛°`°؛¤ فـــ المملـكـه ـــارس ¤؛°`°؛¤ّ,¸¸,ّ¤؛: تلقينهم مسطحين كل شخص يكذب على الثاني .
الزعيمه : لحضه بصعد لهم بعصا ونزلهم .
نائبة الزعيمه . لا تروحين الحين خليني اول اشيل السلالم علشان يطيحون ويتكسرون .
سكرتيرة الزعيمه . وانا بتصل على الاسعاف .
( وسكتو البنات ومحد تكلم )
¤ّ,¸¸,ّ¤؛°`°؛¤ فـــ المملـكـه ـــارس ¤؛°`°؛¤ّ,¸¸,ّ¤؛: بنات وينكم .
الزعيمه ونائبه : هنا معك .
¤ّ,¸¸,ّ¤؛°`°؛¤ فـــ المملـكـه ـــارس ¤؛°`°؛¤ّ,¸¸,ّ¤؛: وسكرتيره سطحتي .
سكرتيره : ايه سطحت مع نفسي عندك مانع .
¤ّ,¸¸,ّ¤؛°`°؛¤ فـــ المملـكـه ـــارس ¤؛°`°؛¤ّ,¸¸,ّ¤؛: لا ابد خذي رحتك مع نفسك بس شوفي وش اقول خلي عينك على كلامي .
سكرتيرة الزعيمه : انت ما تامرني انا بكيفي اخلي عيني او ما خليها .
¤ّ,¸¸,ّ¤؛°`°؛¤ فـــ المملـكـه ـــارس ¤؛°`°؛¤ّ,¸¸,ّ¤؛: كيفك كيفك روقي اعصابك روحي شربي عصير ليمون ماله داعي هذا التعصيب .
¤ّ,¸¸,ّ¤؛°`°؛¤ فـــ المملـكـه ـــارس ¤؛°`°؛¤ّ,¸¸,ّ¤؛: طيب بنات عن اذنكم معي واحد بالخاص .
نائبة الزعيمه : واحد ولا وحده .
¤ّ,¸¸,ّ¤؛°`°؛¤ فـــ المملـكـه ـــارس ¤؛°`°؛¤ّ,¸¸,ّ¤؛: حط صورة معصب وقال واحد .
سكرتيرة الزعيمه : الدرب الي يودي وما يرد.
¤ّ,¸¸,ّ¤؛°`°؛¤ فـــ المملـكـه ـــارس ¤؛°`°؛¤ّ,¸¸,ّ¤؛: تسلمين من ذوقك .
سكرتيره الزعيمه : الزعيمه واحد جاني خاص يقول لي تعالي لموقع ثاني واعطيك سوبر .
الزعيمه : طنشيه هذا اسلوب من اساليب الشباب الملتويه .
سكرتيره : يا عيني عليك وتعرفين الاساليب .
الزعيمه : انا كاتبه في المنتدى موضوع عن اساليب بعض الشباب لجذب البنات وتكلمت عن الشات والمنتدى ونصائح للبنات الي يدخلون الشات اقريه .
سكرتيرة الزعيمه : ان شاء الله راح اسجل بالمنتدى واقراه .
الزعيمه : اوكي اذا قريتيه قوليلي رايك .
سكرتيره : طيب .
¤ّ,¸¸,ّ¤؛°`°؛¤ فـــ المملـكـه ـــارس ¤؛°`°؛¤ّ,¸¸,ّ¤؛: بااااااااك رجعت لعيونكم .
الزعيمه ونائبة الزعيمه : احلى باك .
الزعيمه : مسطح مع من اعترف .
¤ّ,¸¸,ّ¤؛°`°؛¤ فـــ المملـكـه ـــارس ¤؛°`°؛¤ّ,¸¸,ّ¤؛: هذا واحد من الشباب يقول فيه هوشه في الروم الثاني .
الزعيمه : أي روم خلنا نروح ونحلها لهم .
¤ّ,¸¸,ّ¤؛°`°؛¤ فـــ المملـكـه ـــارس ¤؛°`°؛¤ّ,¸¸,ّ¤؛: الا بتزيدين تعقيدها خلك هنا احسن الهوشه انتهت .
نائبة الزعيمه : يا خساره الهوشه فاتتنا .
سكرتيره : الزعيمه ليه ما طلبو فزعتك أنتِ ليه يطلبونها من الي ما يتسمى ( تقصد فارس )
الزعيمه : انا زعيمة هذا الروم فقط شريته وكتبت اسمي عليه .
سكرتيره : ليه مسويتلك روم .
الزعيمه : علشان نجتمع فيه انا والنائبه وبعض البنات .
سكرتيرة الزعيمه : اجل ليه فارس جالس معنا ليه ما يروح روم ثاني .
¤ّ,¸¸,ّ¤؛°`°؛¤ فـــ المملـكـه ـــارس ¤؛°`°؛¤ّ,¸¸,ّ¤؛: الزعيمه كأن احد يطردني .
الزعيمه : لا انت صاحب المكان كيف تنطرد منه هذا مكانك وحنا ضيوفك .
¤ّ,¸¸,ّ¤؛°`°؛¤ فـــ المملـكـه ـــارس ¤؛°`°؛¤ّ,¸¸,ّ¤؛: تسلمين اذا بقيتوني نادوني انا بروم الثاني ونك هذا بيكون هنا اوكي.
الزعيمه : اوكي .
سكرتيره الزعيمه : كيف تنادينه .
الزعيمه :هو له نكين نك معنا ونك بروم الثاني واذا بغيناه ندق له خاص بنكه الثاني .
سكرتيره : وأنتِ تعرفين نكه الثاني .
الزعيمه : ايه .
¤ّ,¸¸,ّ¤؛°`°؛¤ فـــ المملـكـه ـــارس ¤؛°`°؛¤ّ,¸¸,ّ¤؛: الزعيمه هنا وبس مو كل شيء تقولينه .
الزعيمه : هذي ماهي وحده غريبه هذي صديقه .
سكرتيره : ماعليك منه قولي كل الي بخاطرك .
الزعيمه : كيف ماعلي منه اخاف يزعل .
سكرتيره : وأنتِ يهمك ازعله خليه يزعل بطقاق .
الزعيمه : اكيد يهمني مع أني اعرف انه قلبه كبير وما يزعل .
نائبه الزعيمه : وانا بعد اهتم لزعله .
¤ّ,¸¸,ّ¤؛°`°؛¤ فـــ المملـكـه ـــارس ¤؛°`°؛¤ّ,¸¸,ّ¤؛: <=== قلبه طيب تسلمون يا الزعيمه ونائبتها .
سكرتيرة الزعيمه : اشوفكم صفيتو معه .
¤ّ,¸¸,ّ¤؛°`°؛¤ فـــ المملـكـه ـــارس ¤؛°`°؛¤ّ,¸¸,ّ¤؛: صفوا معي علشان بنرقص عرضه وين سيوفكم يا بنات .
سكرتيرة الزعيمه : تنكت لا تخفف دمك يا ...........
¤ّ,¸¸,ّ¤؛°`°؛¤ فـــ المملـكـه ـــارس ¤؛°`°؛¤ّ,¸¸,ّ¤؛: يا ايش كمليها .
سكرتيره . يا المغرور يا ثقيل الدم يا الشين .
¤ّ,¸¸,ّ¤؛°`°؛¤ فـــ المملـكـه ـــارس ¤؛°`°؛¤ّ,¸¸,ّ¤؛: المغرور وثقيل الدم عديناها لكن شين وش دراك أني شين شايفتني .
سكرتيره : بسم الله على اشوف هالشكال لا شفتك ولا ابي اشوفك ومن انت لشوفك .
¤ّ,¸¸,ّ¤؛°`°؛¤ فـــ المملـكـه ـــارس ¤؛°`°؛¤ّ,¸¸,ّ¤؛: ما راح اقلك من هو فارس المملكه خل الايام تعرفك من اكون .
سكرتيره : ماابي تقولي ولا ابي الايام تعرفني فيك ومن اليوم ورايح لا تكلمني ولا اكلمك.
¤ّ,¸¸,ّ¤؛°`°؛¤ فـــ المملـكـه ـــارس ¤؛°`°؛¤ّ,¸¸,ّ¤؛: نائبة الزعيمه والزعيمه تامرون شيء انا ماشيء غيرت رايي ماني داخل بنك الثاني بطلع من الشات كله.

الزعيمه والنائبه : لا مشكور وبدري وتو الناس يا شمعة الجلاس .
سكرتيره : ما يبون منك شيء رح بس رح .
¤ّ,¸¸,ّ¤؛°`°؛¤ فـــ المملـكـه ـــارس ¤؛°`°؛¤ّ,¸¸,ّ¤؛: أنتِ بسرعه تتراجعين عن كلامك توك قايله لا تكلمني ولا اكلمك على العموم بدري من اعماركم يا الزعيمه والنائبه بدخل المنتدى .
الزعيمه : الله معك بس الله الله بردود السنعه على مواضيعي ( ودخلت عليه خاص وقالت لا تهتم من سكرتيره هي تحسبك تتميلح وتبي تشبك ).
¤ّ,¸¸,ّ¤؛°`°؛¤ فـــ المملـكـه ـــارس ¤؛°`°؛¤ّ,¸¸,ّ¤؛: انا رديت على كل مواضيعك تبيني ارد مره ثانيه ارد ولا يهمك كم زعيمه عندنا ( ويدخل عليها خاص ماني مهتم بس بصراحه اللسان صديقتك يبيله قص ومن زين كلامها علشان اشبك معها ههههههههههـ)
الزعيمه : اذا رديت على مواضيعي خلاص مشكور ما ابي رد ثاني ماني طماعه أما بخصوص القص معاك حق .
نائبه : أي قص ؟؟؟
الزعيمه : أي قص فيه انواع للقص قص كل شخص منا للورق قص الاشعار والصور من المجلات والجرايد قص الكوافير للشعر قص اللسان الطويل وغيرها كثير .
سكرتيره : قص اللسان الطويل هذا النوع الي تتكلمون عنه صح .
الزعيمه : فارس الي يرد عليك ماهو انا اذا بقىيجاوب.
¤ّ,¸¸,ّ¤؛°`°؛¤ فـــ المملـكـه ـــارس ¤؛°`°؛¤ّ,¸¸,ّ¤؛: بجاوب ايه صح ولا تكثري كلام انا ماشي مع السلامه وطلع.
نائبة الزعيمه : وانا بطلع أمي تناديني مع السلامه .
الزعيمه : الله معكم .
الزعيمه وسكرتيره يدردشون مع بعض و بعدين دخلو عليهم بنات تعرفهم قيود سولفو معها بعدين ظهرو راحو للمنتدى .

..... يوم الأحــد .....

في بيت ابو محمد كانت جود تبكي تبي تروح الملاهي ومافيه احد موجود بالبيت الا بدر ورافض يوديها وتصلت أم محمد بندر وقالت له وافق ولما درت قيود قررت تروح معهم و اتصلت على بنات عمها ليروحون معها ولما جاء بندر وعرف ان قيود وبنات عمه بيروحون رفض بالبدايه لانه مش ماخذ شلة بنات معه كفايه جود لكن ام محمد اقنعته بأن يوديهم وان فشيله تجهزو وبينكسر خاطرهم اذا ماراحو وهم من زمان ما طلعو ومن هذا الكلام وافق وراحو للملاهي والعبت جود ونبسطت حتى البنات لكن نوف تعكر مزاجها لانها طاحت و الكل ضحك عليها .
قيود وهي تضحك : وش فيك ما تشوفين الحديده قدامك .
نوف وهي تقوم من الارض : انا وش دراني عن الحديده .
الهنوف : نفضي عباتك كلها تراب .
نوف وهي تطالع بندر وهو يضحك : قيود روحي قولي لخوك لا يضحك وصارت تبكي .
قيود : خلاص لا تبكين بروح اقوله .
وراحت لخوها الي كان واقف بعيد عنهم شوي يلعب جود وقالت له .
بندر : بضحك كيفي وبعدين مش انا الي بس يضحك اغلب الموجودين ضحكوا على شكل بنت عمك.
قيود : بندر اسكت حرام البنت تبكي من الفشيله .
بندر وهو يناظر نوف : تبكي ليكون تعورت ؟
قيود : لا جت سليمه .
بندر : روحي ناديهم خلينا نمشي .
قيود : تو الناس .
بندر : مو انتم تبون تغيرون جو خلينا نغير المكان علشان بنت عمك ترتاح وتنسى الطيحه .
راحت قيود ونادتهم وطلعوا من الملاهي وسألهم بندر وين يبون يرحون قالوا الكورنيش وداهم وشراء لهم شراب وجلسوا البنات يسولفون وجلس بندر بعيد عنهم علشان ياخذون راحتهم وبعد فتره نادى بندر قيود وسألها عن نوف اذا كان شيء يعورها من الطيحه يوديها المستشفى .
قيود : لا شفيك الف مره تسألني هذا السؤال مافيها شيء تطمن وطمن قلبك يا مكابر ومكشوف .
وبتروح عنه ومسكها

انتهاء الجزء

.. .. .. ..
1- هل احساس نوف بمكانه أن امها تفكر بشيء واذا كانت تفكر وش تفكر فيه ؟
2- خالد وزوجته ساره وش مخبيه لهم الايام ؟
3- عهود هل بتضل تتهاوش مع نواف كل ماشافته ولا بتتغير؟
4- بندر ليه مسك يد قيود وش بيقول لها ؟
.. .. .. ..

اختكم
صمــ الشروق ــت







الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 10
قديم(ـة) 08-11-2009, 01:27 PM
صورة روح قلم الرمزية
روح قلم روح قلم غير متصل
©؛°¨غرامي مشارك¨°؛©
 
الافتراضي رد: دموع الشموع / رواية ولا أروع رومانسية بالحيل


ننتــــــــــــــــــظـــــــــــــــرج حبوبتي بارت رائع مشكووووورة يسلموووووو

الرد باقتباس
إضافة رد

رواية دموع الشموع / كاملة

الوسوم
الشموع , اروع , بالحيل , دموع , رومانسية , رواية
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
رواية مخ عربجي / الكاتبة : غرامها ساحر ، كاملة غرآمهآ سآحر روايات كامله - يتم نقل الرواية هنا بعد اكتمالها 786 09-11-2018 12:15 AM
رواية ضحية زمن / بقلمي ، كاملة شاربه فليت و مضيعه البيت روايات كامله - يتم نقل الرواية هنا بعد اكتمالها 101 19-01-2016 09:37 AM
رواية صعب المنال / كاملة برائـــة طفلـــهـ ارشيف غرام 3 10-12-2010 02:29 PM
مجلس الروايات للإستفسارات و الطلبات ؛ !! أنـثـى الـ خ ـيـآلـ !! روايات - طويلة 3973 07-10-2010 01:10 PM

الساعة الآن +3: 04:56 PM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


youtube

SEO by vBSEO 3.6.1