غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام

عـودة للخلف   منتديات غرام > منتديات روائية > أرشيف الروايات المغلقة - لعدم إكتمالها
الإشعارات
 
 
أدوات الموضوع طريقة العرض
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1
قديم(ـة) 02-11-2009, 04:33 PM
خذلني النسيان خذلني النسيان غير متصل
©؛°¨غرامي مشارك¨°؛©
 
الافتراضي خذني جنبك ضمني حسسني بدفاك بحنانك بحبك / بقلم : خذلني النسيان ، زهور الريف


بسم الله الرحمن الرحيـمـ ..

خذني جنبك ضمني حسسني بدفاك بحنانك بحبك ..

روايتي الأولى كتبتها بمساعدهـ أختي { زهور الريف } ..

أتمنى تنآل إعجابكم وأتمنى من الجميع يعطينا انتقاداته وتعليقاته ..


أحداث قصتي تتحدث عن مراهقه عاشت حياتها بحلوها ومرها وتحملت وهي ماتزال صغيره السن ..
فقدت حنان الأم وهي صغيرهـ من بعد وفاة الغاليه لم يتبقى لها سوى أخوانها اللي تعتبرهم أمها وأبوها ودنيتها كلها ..

أروى : عمرها 15 سنه في الصف الثالث متوسط بنت في قمة الأخلاق ، في قمة الجمال جسمها حلو وشعرها ناعم مدرج ولونه أسود ، عيونها عسليه لدرجه محليتها كثير ، شخصيتها هاديه وحبوبه وطيبه ومن النوع الحساس اللي ينجرح بسرعه .. وطبعا تجيها حالات تنقلب عربجيه ^_^

أبو الوليد ( ماجد ) : اللي هو طبعا ابو أروى ، رجل أعمال كبير وتاجر معروف في السوق ، أغلب عمله يكون خارج المملكه ، ولا يفكر يسأل عن أحوال عياله الا اذا ناقصهم فلوس ولا شي ..

أم الوليد ( منى ) : مرت ابو الوليد الثانيه .. انسانه قاسيه ماتملك قلب ولا رحمه .. مغرورهـ جدا لأبعد الحدود .. ربي ماكتب لها انجاب اطفال لذا قامت تربي عيال زوجها اللي ماذاقوا طعم الراحه بعد وجودها في هالحياهـ .. (( تتعرفون ع شخصيتها في الروايـه ))

الوليد : انسان حكيم وهادي وحبوب وخفيف دم في نفس الوقت عمرهـ 25 سنه متخرج من الجامعه وابوه موكله ادارة الشركه .. بعد وفاة امه الغاليه قام بالواجب واعتني بأخوانه اللي تيتموا بدري .. وسيم بمعني الكلمة من ناحية حدة ملامحه وجذاااب بشكل مب طبيعي .. جسمه حلو وشعره الأسود الناعم طويل لحد الرقبه ..

فهد : انسان فكاهي وممتع خفيف دم حبووب يشبه اخوه الوليد بس الفرق في الاجسام وبعض الملامح اللي طالع الوليد أحلى من فهد ، لكن فهد أنحف ، عمرهـ 23 سنه سنه ثالثه بالجامعه تخصص قانون ..
أكرهـ صفه يكرهها الهدوء اللي هي متواجدهـ عند أروى والوليد والله شخصياتهم تتشابه كثير ..

سعود : شخصيته لا تختلف عن شخصية فهد .. عمرهـ 18 سنه اخر سنه بالثانوي .. هو الوحيد اللي اخذ لون الشعر من جدته السوريه من امه اللي توفت الله يرحمها .. شعرهـ الناعم بني فاتح وجسمه النحيف معطيه حلاوهـ وزيادهـ على هذا عيونه العسليه اللي تخقق ..


في القصر الكبير
عند أروى اللي كانت جالسه مع أخوانها وياكلون في الحلويات اللي قدامهم وهم يشوفون الفلم
مرت عليهم منى
منى بعصبيه : وش هالمزبله اللي اشوفها قدامي
أروى ساكته لأن ماعندها كلمه قدام مرت أبوها
سعود يحاول يستفزها : اذا هاذا اللي قدامنا مزبله وش تسمين الخرابيط اللي تحوسينها دايم في غرف الخدامات
منى بعصبيه وصراخ : ياقليل الأدب احترم نفسك أنا امك اللي مربيتك
سعود وقف : تخسين تصيرين امي .. أمي الله يرحمها محد يقدر يحل مكانها في هالكون
الوليد وفهد وأروى ساكتين ومتعودين ع هالوضع اللي دايما يصير إما بين سعود ومنى أو فهد ومنى
الوليد بصوته الجهوري : سعووود
سعود لف عليه بكل عصبيه : خير وش بغيت ..!
الوليد راح لعنده وسحبه للصاله الثانيه
فهد وأروى يلحقونهم
منى بوقاحه : عيال ما يستحون
فهد لف عليها وبكل عصبيه : اسمعي يامنى ان ما احترمتي نفسك راح تشوفين شي مايسرك فاهمه
منى باستهزاء : وش راح تسوي ورنا يالله
فهد بابتسامة خبث : عارف كل اللي قاعدهـ تسوينه بالجوال
منى باستغراب : ايش قصدك ..!
فهد : الترقيم والمغازل في الأسواق .. ان تركتينا على راحتنا ماراح اقول لأبوي شي
منى انسحبت لأول مره تحس انها تنهزم قدام هالعيال
أروى : شلون عرفت كل هذا عنها ..!
فهد : منى بنت راشد معروفه بين الشباب وسمعت واحد من العيال يتكلم عنها وانها اكبر مغزلجيه في الرياض .. خليها بس تلمس شعره منك لأوريها شغلها .. بس ترى هذا ماضيها شكلها تابت الحين
أروى بابتسامه : ما عليك منها ياخوي
رد لها فهد الابتسامه ومشى معها لين وصلوا عند سعود والوليد
الوليد : سعود اهدى هي تحاول تستفزنا بس طنشها
سعود ساكت
فهد : هههههههه ماعليك منها أخذت حقك منها
سعود : ايه هذا الرجال السنع ويغمز لـ الوليد
الوليد : هههههههه الله يقطع ابليسك خلوكم منها هالحرمه شايبه منتهيه
سعود مستغرب : أروى ليش ساكته ..!
أروى سرحانه : ها .. وش أقول ..!
فهد بخبث : اللي ماخذ عقلك يتهنا به
أروى بابتسامه : محد يقدر ياخذ هالعقل والقلب غيركم أنتم الغالين
الوليد في نفسه سبحان الله رغم الألم اللي تعيشه مازالت تبتسم
سعود : أقول ماودكم نطلع نتمشى بدال القعدهـ في هالمكان اللي يحوم الكبد
أروى بنشاط : الا والله ودي نغير جو
الوليد : أجل شرايكم نروح لـ ستيك هاوس
فهد : أقول المطعم علي والحساب عليكم
أروى وهي رافعه حاجب : وليه ان شاء الله عمي ..!
فهد : أنا انتقمت لسعودي من عجوز النار
سعود : هههههههههههه حلوهـ عجوز النار
الوليد : طيب يالله ياعمي اختار والحساب بيكون علي
فهد : اممممم
سعود : اخلص علينا ياعم بسرررعه
أروى اللي كانت ساكته تفكر بالموضوع اللي كلمها فيه أبوها
ضاق صدرها لذكر هالموضوع لكن ماحبت تبين
الوليد هو اللي كان حاس فيها وان فيها شي يضايقها
سعود وفهد اللي كانوا يتهاوشون ع المطعم
استغل الوليد هالفرصه وأخذ أروى معاه لغرفتها

أذا أعجبتكم البدايـه أكمـل ان شاء الله ..
بانتظاركمـ ..

خذلني النسيآن + { زهور الريف }


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 2
قديم(ـة) 02-11-2009, 04:53 PM
MarOoOmy MarOoOmy غير متصل
©؛°¨غرامي مشارك¨°؛©
 
الافتراضي رد: روايتي الأولى / خذني جنبك ضمني حسسني بدفاك بحنانك بحبك .. بـ قلمـ ( خذلني النسيآن & { زهور الريف } )


وااااااااااااو
شكلها خياااااااااااااااال كمليها يالغلا جنااااااااااااااااان

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 3
قديم(ـة) 02-11-2009, 05:09 PM
خذلني النسيان خذلني النسيان غير متصل
©؛°¨غرامي مشارك¨°؛©
 
الافتراضي رد: روايتي الأولى / خذني جنبك ضمني حسسني بدفاك بحنانك بحبك .. بـ قلمـ ( خذلني النسيآن & { زهور الريف } )


MarOoOmy

يشرفني أن تكوني أول من يرد على روايتي المتواضعه ..
أسعدني مرورك وأسعدني تعلقيك ع الروايه ..
بإذن الله اذا شفت تفاعل من الأعضاء حطيت البآرت ..
احتمال البارت يكون بكرهـ ..

أختك / خذلني النسيآن


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 4
قديم(ـة) 02-11-2009, 05:22 PM
صورة B!g_Boy_77 الرمزية
B!g_Boy_77 B!g_Boy_77 غير متصل
©؛°¨غرامي مشارك¨°؛©
 
الافتراضي رد: روايتي الأولى / خذني جنبك ضمني حسسني بدفاك بحنانك بحبك .. بـ قلمـ ( خذلني النسيآن & { زهور الريف } )


الرواية خطيييرة وتحمس

وان شاء الله نلقا تفاعل عشان تكملينها

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 5
قديم(ـة) 02-11-2009, 05:25 PM
خذلني النسيان خذلني النسيان غير متصل
©؛°¨غرامي مشارك¨°؛©
 
الافتراضي رد: روايتي الأولى / خذني جنبك ضمني حسسني بدفاك بحنانك بحبك .. بـ قلمـ ( خذلني النسيآن & { زهور الريف } )


B!g_Boy_77

أسعدني مروركـ وتعليقك الذي رفع من معنوياآآتي ..
أتمنى أشوفك متواجد دائماً في هذه الصفحه ..
دمت في حفظ الرحمن ..

أختك / خذلني النسيآن


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 6
قديم(ـة) 02-11-2009, 05:25 PM
صورة صَمتْ اُنْثَىآ }~ الرمزية
صَمتْ اُنْثَىآ }~ صَمتْ اُنْثَىآ }~ غير متصل
©؛°¨غرامي جديد¨°؛©
 
الافتراضي رد: روايتي الأولى / خذني جنبك ضمني حسسني بدفاك بحنانك بحبك .. بـ قلمـ ( خذلني النسيآن & { زهور الريف } )


كمليها والله شكلهااااا رووووووووووووعه !!
انا بنتظاااااااااااارك

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 7
قديم(ـة) 02-11-2009, 05:28 PM
خذلني النسيان خذلني النسيان غير متصل
©؛°¨غرامي مشارك¨°؛©
 
الافتراضي رد: روايتي الأولى / خذني جنبك ضمني حسسني بدفاك بحنانك بحبك .. بـ قلمـ ( خذلني النسيآن & { زهور الريف } )


صَمتْ اُنْثَىآ }~

الأروع مرورك حبيبتي ..
اذا شفت تفآآعل أكثر حطيته اليوم ان شاء الله .. <<< طرارهـ وتتشرط هع
أسعدني مرورك جدا ..

أختك / خذلني النسيآآن


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 8
قديم(ـة) 02-11-2009, 07:13 PM
خذلني النسيان خذلني النسيان غير متصل
©؛°¨غرامي مشارك¨°؛©
 
الافتراضي رد: روايتي الأولى / خذني جنبك ضمني حسسني بدفاك بحنانك بحبك .. بـ قلمـ ( خذلني النسيآن & { زهور الريف } )


أنتظر ردودكمـ وتفاعلـكمـ ..

أختكم / خذلني النسيآآن


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 9
قديم(ـة) 03-11-2009, 04:26 PM
خذلني النسيان خذلني النسيان غير متصل
©؛°¨غرامي مشارك¨°؛©
 
الافتراضي رد: روايتي الأولى / خذني جنبك ضمني حسسني بدفاك بحنانك بحبك .. بـ قلمـ ( خذلني النسيآن & { زهور الريف } )


وينكمـ ما أشوف تفآآعل أبد ..

تابـع البـاآآرت الأول

في قصر لايقل فخامة عن قصر أبو الوليد

كانت جالسه تناظر التلفزيون وماسكه الريموت معها
جاء من وراها وحط يده على عيونها
: هييييييه نووااافوووه اتركني
نواف وعارف ان هالحركه ترفع ضغط اخته : أقول رزونه مستعدهـ للمدرسه
رزان وضغطها مرتفع ع الأخر : اتركني أصلا أنا مستعدهـ من زمان الاجازهـ اسبوع بس
نواف تركها وقال : ع العموم هالترم مشعل بيوديكم المدرسه مع السواق
رزان : وليه ماتودينا أنت ..؟
نواف : وراي دوام يالدلخه وجبنا سواق جديد عشان كذا ما يحتاج أوديكم
رزان : بكيفك

أعرفكم على عائله أبو نواف

أبو نواف ( نايف ) : رجل أعمال تاجر معروف شديد في شغله .. انسان حبيب جدا وحكيم هادي .. مدلع عياله من كبيرهم لصغيرهم .. شديد الاهتمام بهم .. يخاف عليهم كثير ..

أم نواف ( هيفاء ) : مديرة مدرسه متقاعدهـ .. انساانه قلبها أبيض خال من الحسد والحقد .. حبووبه وطيووبه وتتمنى الخير لعيالها ولجميع المسلمين .. تخاف على عيالها كثير ..

نواف : أكبر العنقود عمرهـ 23 سنه صديق فهد بالجامعه الروح بالروح .. انسان مملوح وجذااب بشكل مب طبيعي .. جسمه الرياضي محليه وعيونه العسليه .. وشعرهـ الأسود الناعم يوصل لحد الرقبه ..
شخصيته حلوهـ مرره تتسم بالاخلاق والهدوء وخفة الدم .. عشقه الكورهـ وخصوصا نادي الهلال ..

رزان : عمرهـا 15 سنه صديقة أروى الروح بالروح .. علاقتهم من أجمل العلاقات الحب في الله ..
صديقات بمعنى الكلمه .. أسرارهم عند بعض وما تطلع منهم .. شخصيتها حلوهـ جدا قريبه من شخصيه أروى ما عدا الهدوء .. جسمها جسم أنثى ناعمه خطير .. ملامحها قريبه من نواف .. شفايفها الورديه الصغيرهـ .. شعرها البني قاصته لحد رقبتها ..

مشعل ومشاعل : آخر العنقود .. توأم عمرهم 12 سنه الصف اولى متوسط
شخصياتهم متشابهه فيهم من طبع نواف ورزان .. مماليح وجذابين


في قصر أبو الوليد

في غرفتها اللي كانت من أفخم الغرف الموجودهـ في هالقصر
جالسه على إحدى الكراسي وجنبها أخوها الوليد اللي يحاول يستجوبها لكنها رفضت
أروى بضيق : صدقني يالوليد مافيني شي بس متضايقه من منى
الوليد بشك : متأكدهـ
أروى : ايه
الوليد : حطي عينك بعيني
حطت عينها بعينه ولكن خانتها الدموع في هاللحظه وكرهت نفسها
الوليد بطبعه الحنون : أروى حبيبتي اهدي وفهميني وش اللي صار ..!
أروى وهي تمسح دموعها : أبوي يالوليد أبوي
الوليد بخوف : وش فيه ..!
أروى تبتسم بألم : بيزوجني واحد عمره 50 سنه والملكه الأسبوع الجاي
الوليد وكأن أحد كب مويه حاره عليه
الوليد بعصبيه وصراخه موصل للصاله الثانيه : مب على كيفه وبعدين متى رجع من سفره ..!
أروى : جاء بطيارته الخاصه أمس وقالي
بهاللحظه دخلوا فهد وسعود خايفين من الصراخ اللي سمعوه تو
فهد بخوف : خير وش صار ..!
سعود : صراخك موصل لأخر الحاره
الوليد وعيونه حمر : أبوكم المحترم بيزوج أروى من واحد عمرهـ 50 سنه كبر أبوكم والملكه راح تكون الأسبوع الجاي
صدمه ما توقعوها من أبوهم ..
يزوج أختهم اللي ماكملت 16 سنه من واحد كبر أبوهم
طبعا العيال ما سكتوا وردة فعلهم كانت مثل ردة فعل الوليد
أروى ساكته وصارت تتحسب على نفسها ياليتها ماقالت لكن الوليد كشفها
وفي لحظة صمت
سعود بخبث : جتني فكرهـ خطيرهـ
فهد والوليد : وشو ..!
سعود : الملكه الخميس الجاي صح .!
أروى : ايه
سعود : شرايكم ننحاش من البيت
الوليد صدمه وفجأة : هههههههههههههههههههههههههههههههههههههههه أه يابطني
فهد : ههههههههههههههه والله فكرهـ خطيرهـ لكن ياعمنا المحترم دبر لنا مكان نسكن فيه
سعود : انا فكرت نخلي أروى تنحاش لحالها واحنا نقعد على أساس مايشك فينا أبوي
الوليد بعد ماهدى : المشكله وين نحطها ..!
فهد وهو يفكر : لقيتها
الوليد : وشو .!
فهد : بحطها في بيت خويي نواف بن نايف الـ ........
أروى بعد ما استوعبت : نعم ..!
فهد : ليه وش فيك ..!
أروى : هذا بيت صديقتي رزان
سعود : حلوووو لقينا لك الحمدلله
الوليد : أجل اسمعوا بعد نهايه الدوام يوم الاربعا ترجع أروى مع رزان لبيتهم وتنام عندهم لين يوم الجمعه ، بعدين اذا رجعت للبيت ان شاء الله نقول لأبوي انها كانت نايمه عند خالتي
الجميع : ان شاء الله


في أول أيام الدراسه
الفصل الدراسي الثاني

أروى من بعد غياب راحت لرزان وضمتها : اشتقت لك يالدووبه
رزان بحب : وأنا أكثر والله
تركتها اروى
وشافت رزان وجه اروى متغير
رزان : اروى وش فيك وش صاير ..؟
أروى ببرود : اذا دخلنا الفصل قلت لك
رزان : اوكي على راحتك .

في المرحله الثانويه للشباب
داخل فصل مليء بالازعاج

سعود : أقول ياخي فكنا من شرك منب ناقصك من اول يوم
محمد : ههههههههههههه خلاص اهدى ياسعود
سعود بمزح : شلون أهدى وأنت معي
محمد بعصبيه مصطنعه : وأنا وش يقعدني مع واحد مثلك أروح لـ مصطفى أهون
(( قصدهـ بمصطفى حارس بوابة المدرسه ))
سعود : ههههههههههههههههه ياحليله هالمصري تووحفه
محمد : شخبار الإجازهـ معك ..!
سعود : أي إجازهـ الله يهديك كلها أسبوع وتسميها إجازهـ ما منها فايدهـ
ودخل عليهم أستاذهم المصري يحيى مدرس الرياضيات
وكملو حشهم بخلق الله

في الجامعه

فهد : اعذرنا على الإزعاج لولا الظروف كان ما ازعجناكم
نواف بابتسامه : أي إزعاج الله يهديك احنا قبل مانكون أصدقاء احنا أهل بعدين تعال أنت ما ينفع لك تتكلم بلباقه
فهد : ههههههههههههههههههههه الله يخس ابليسك .. عاد لا أوصيك في أختي
نواف : لا توصي حريص يالغالي

عدنا مرهـ ثانيه .. لبطلتنا

أروى : هذي كل السالفه الله يسلمك
رزان : وااااااااو وناسه راح تنامين عندنا ..
أروى بحزن : ياليت الموضوع يمر على خير
رزان : الله يكتب اللي فيه الخير
أستاذة العربي : وش عندكم أروى ورزان تسولفون ..!
رزان : أبد كنت أسألها عن منهج هالترم صعب ولا لا
أستاذة العربي : المره الجايه تسأليني أنا مو هي
رزان بابتسامة مجامله : ان شاء الله

مرت الأيام سريع ..

وفي نهاية دوام يوم الاربعاء ..

وبالتحديد عند أروى ورزان

كانوا في الساحه وسمعت صوت أخوها يناديها
رزان : غريبه نواف جاي بكبرهـ !
أروى : تستهبلين انتي قايله السواق
رزان : ايه ما توقعت انه يجي يمكن فهد موصيه ولا شي
أروى : فشيله خلاص رزونه روحي وانا بكلم منى ترسل السواق
رزان : تستهبلين تجين غصبن عنك رضيتي ولا لا ويالله بسرعه البسي عباتك
أروى : أمري لله

طلعوا برا المدرسه
وشافت رزان نواف وقعدت تناديه
رزان بهمس : نوااف نواااف
نواف بابتسامه : يالله تعالوا
نواف كان لابس ثوب وشماغ ونظارهـ شمسيه ومبينه سكسوكته اللي محليته عن أول بكثير
ركبوا السيارهـ ..
نواف : أهلين أروى كيف الحال ..!
أروى بحيا وبصوت خفيف : الحمدلله بخير
نواف : تفضلي هذي أغراض جابها لك فهد
أروى وهي تاخذ الكيس منه : مشكور وما قصرت
نواف بابتسامه : حق وواجب

وصلو القصر اللي عبارهـ عن فله كبيرهـ مقسمه دورين
الدور الأول للمجالس والمطابخ
الدور الثاني الصاله وغرف النوم

نزل نواف ونزلوا البنات وراهـ
رزان سبقت أروى عشان غرفتها اللي كانت حايستها هالصباح ومقفلتها
أما أروى اللي نشبت عبايتها بطرف السيارهـ ما عرفت وش تسوي
حاولت تشيله ما قدرت ، بعدها حست بشخص من وراها قريب من انفاسها
حمر وجهها من الحيا ولا صارت تعرف وش تسوي
أما نواف اللي كان يشد على العبايه حاول وقدر بفضل الله
وكانت بتنحاش لكن ناداها نواف : أروى
أروى وقفت : سم
نواف : سم الله عدوك لا تروحين لحالك انتي ماتدلين البيت خليني أدلك
أروى بحيا : لا شكراً تعبتك معاي
نواف بابتسامه : العفو ما سوينا شي خلاص انا بسبقك وانتي الحقيني اوكي
أروى : اوكي


أتمنى أشوف تفآآعلكم جميعاً ..
وهذا البآآرت الأول ..
وان شاء الله التكمله اذا شفت تفآآعل أكثر ..

أختكم / خذلني النسيآن


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 10
قديم(ـة) 03-11-2009, 04:39 PM
صورة رِمْشْ الْغَ‘ـلآ الرمزية
رِمْشْ الْغَ‘ـلآ رِمْشْ الْغَ‘ـلآ غير متصل
©؛°¨غرامي مجتهد¨°؛©
 
الافتراضي رد: روايتي الأولى / خذني جنبك ضمني حسسني بدفاك بحنانك بحبك .. بـ قلمـ ( خذلني النسيآن & { زهور الريف } )


..


الصص‘ـرآحه بدآيه مره حلوه
تحمسست أعرف ردت فعل أبوهم
و منىآ هذي أحسسهـآ حبيبه <~ تحب التنآقضض‘
و بانتظآركم لآ تتأخرون ~


..

خذني جنبك ضمني حسسني بدفاك بحنانك بحبك / بقلم : خذلني النسيان ، زهور الريف

الوسوم
محتآآجه لك ، حسسني ، جنبك , رزان ونوووف , هنـآدي وخآلد ، فهـد والوليد ، سعود وشلـته , نـوآف وأروى , ضمني ، حبك ، حنانك
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
تنشيط الذاكرة وعلاج النسيان ..بسمة براءه.. صحة - طب بديل - تغذية - أعشاب - ريجيم 20 13-05-2010 11:07 PM
خذها جنبك ضمها حسسها بدفاك بحنانك بحبك حبيبت sa‘ad الحياة الزوجية - الحمل - مشاكل الزواج - خاص بالمتزوجين 14 16-10-2009 05:30 AM
خذها جنبك ،،، ضمها ،،، حسسها بدفاك حسسها بحنانك .. بحبك النعومــة الحياة الزوجية - الحمل - مشاكل الزواج - خاص بالمتزوجين 19 29-04-2009 12:07 PM

الساعة الآن +3: 03:28 PM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


youtube

SEO by vBSEO 3.6.1