غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1
قديم(ـة) 05-11-2009, 03:00 PM
قاتلني ويموت فيني قاتلني ويموت فيني غير متصل
©؛°¨غرامي مشارك¨°؛©
 
الافتراضي روايتي الأولى : أربعة عشر اخوه يعيشون في صراع مع الزمن / كاملة


الســلام عليكم

اربعة عشر اخوه يعيشون في صراع مع الزمن

روايتي الأولى

وأتمنى إن تحــوز اعجابكم
طبعـاً من اسمها ان الشخصيات كثـيره بس
بس صدقوني ماراح تتلخبــطون وراح تعشقــون كل شخصيــه في الروايـــــــه اكثـر من الثـانيه



تعديل همسات وردة; بتاريخ 06-12-2012 الساعة 02:45 AM.
الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 2
قديم(ـة) 05-11-2009, 03:02 PM
قاتلني ويموت فيني قاتلني ويموت فيني غير متصل
©؛°¨غرامي مشارك¨°؛©
 
الافتراضي رد: اربعة عشر اخوه يعيشون في صراع مع الزمن



الجـزء الأول
الفصـل الأول

دخـل رجـال لــه هيــبه ومــعاه ثـلاث حريم واطفال
دخلــو للبــيت الكــبير أو مثــل مايسمونـــه قصـــر
عبــاره عن اربــع أدوار .. كــل دور أحلى من الثـــاني ومليــان بالأثــاث الفخــم
اللــي زاد من حـلاة البيت اكثـر و أكثــر ..
بـو بـدر بصـوت الخشن و الرجـولي : يلا كـل واحد يتفضل عـند جنـاحه ومابي اسمع أي صـوت اليــوم زوجتـي الرابعه راح تجـي
التفتو الحـريم علـــيه
بو بدر : ليه تناظروني كذا ..؟ ماظن إني قلت شـيء غلط والشرع حلل أربــع
أم بدر : حياها الله وإن شاء الله جناحها راح يكـون جاهز
أم مساعد بـغيره : طيب منو هـذي اللي راح تاخذها ان شاء الله
عقد حواجبه و تدخلت أم فراس : تقصد يعني من ويـــن اللي راح تاخذها
عقــد حواجبه أكثــر وقال : يهمكم تعرفون ..؟
الكـل : اكيد
بو بدر : أمريـــكيــه
سمــع شهقاتهم اللي تعــالت بســـرعه بـ مجرد ماعرفو إن هالمره راح يتزوج أمريكيــه
وهو فـــاهم غيرتهم .. أبتسم على جنـب وطلع من القصــر
أم مساعد : ياويلي راح ياخذ امريكيه علــي ..؟
ام فراس : عــاد أمريــكيه مره وحده
أم بدر : ماتوقع شيء غريب على بو بدر لا تنسون أني انا سعوديه وانتي يا أم مساعد أمارتيه وانتي يا أم فراس كويتيه
أم فراس : بـس عربيـــــات ...! هالمـــره وحــده غريبـــه
ام مساعد : اللـــه يعين
ام بدر : خلــونا نتــوكل على الله ونروح عند جناحنا و ادعو ان الله يثبتنا حـق هذا القصـر ومايغيره
ام فـراس : الله يسمع منج هذا أحلى قصـر دخلنـــاه


بـــعد مـــــــرور ستــه وعشــرون سنــّه ..

بـدر لابس ثــوبه وشمــاغه وكاشخ ودخلت عليه اخــته وجن برجتها
بدر : اووف كم مــره قايل لك طقي البــاب قبل لا تدخلين
وجــن : يـو صح نسيت ..... طلعت من الغرفه وسكرت الباب وطقت البـاب : ممكن ادخل
بدر : هههههه أدخلي
وجن : آممم بدور طلبتــك لا تردني
بدر : أطلبــي
وجن : أبي اسكريم بـاسكن بـ الشوكلاته
بدر : خـلاص بعد مارجع اجيب لك أنتي مع وسن
وجن : لا مابــي لا تجيب حـق وسن بس انـا


راح اعرفكم على الشخصيـات

أم بــدر (سعوديه) / هي الزوجــه الأولى أولادها ..{ بدر (28 ) ، وسن وجن توأم (22) ، بندر (20)...}
أم فراس( كويتيه ) / الزوجـــه الثانيه أولادها ..{ فراس (26 ) فـداء (24 ) فيصل (22) اسيل و بسيل توأم (20 ) ..}
أم مسـاعد ( امارتيه) / الزوجــه الثـالثه أولادها ..{ مساعد ( 26 ) تـركي (24 ) سـاره ( 18 ) ..}
أم اليـاس ( امريكيه ) /الزوجــه الرابعه توفت بعد ماجابت الريم اولادها..{ اليــاس ( 20 ) الريـــم ( 18)

فداء واهي تنادي : بــدر بــدر
بدر التفت عليها : هـلا
فداء : ممكن توصلني حق الجامعه وأنت بطريقك
بدر : أوكـي يـلا استعجلـي أنتظرك بـالسياره

فــي الصـاله الكبـــيره اســيل تـركض وتوأمها بسيل يركـض وراها ..
بسيل : اسيلــوه لو الحين ماتجبين الجوال بجيبك بالنعلــه على راسك
اسيل : لا لا ماافي ماراح اعطيك الجوال الا لما امـي تشوف فضايحك يامراهق أجـل تكلم بنــات هــا
بسيل : يـالهبله أنتي ماتفهميـن الرساله جــايه لي بالغلط
وقفـــت اسيل يـوم شـافت بسيل أخوها وقــف من التعب ... ورفعت الجــوال واهي تحــوس فيه
بسيل أشـوي اشوي يمشي وراها لما مسكها من شعرها
اسيل واهي تصارخ : آآآآآي فكنـــي والله لأقول عليك أبــوي
بسيل : عطيني الجوال وأفكك
اسيل بعناد : ماراح اعطييييك الجوال وفكنـــــي آآآآي والله تعورني
بسيل : أنتي عنيده وأنـا اعنــد منــك
اسيل : لا أنــا اعند منك
بسيل وهو يسحب شعرها أكثـر : بتعطيني الجــوال ولا انتف شعرك هذا
اسيل : آآآآآآآهـ بسيـــل فــكني والله تووجع مرررره
دخــلت وســن الصاله من رجتهم : يـــــــــاهووه أزعجتو خلــق الله وانتو كل يوم على ذي الحـاله
اسيل : وســن تكفيين فكيــــه عنـــي شعــري رااح فيها
قـربت وسن بتفاككهم
بسيل : وسنـــوه رجعي مكانك ولا ترى بشــوف شغلي معاك انتي الثانيه
وسن واهي ترجع على وراء : لا خلاص والله بـرجع مو ناقصه أنـا
اسيل : بسيــل خلاص والله اعطيك الجوال بــس فك عنـــي
بسيل وهو يفكها : يـلا هــاتي الجــ..
ماكمـــل كــلامه الا أسيــل اختفت من مكانها
وسن : ههههههه بسـرعه بتروح عند امك الحق عليها قبـل لا تفضحك

فــي الصـاله الثانيـــه الدور الثــاني
بنــدر ماسك الجـوال ومنــزل راسه ويحــوس فيه سمع صراخ اسيل وبسيل اللي مرو من جنبــه رفع عيـونه عليهم
من غيـر مايرفع راسه ورجــع ينــاظر الجــوال ..
نــزل فيصـل من الدور الثـالث وهو يتحمد ويتشكر على اسيل وبسيل : والله حــاله هالبيت فـوق ساره وتركي وتحت اسيل وبسيل ...
شــاف بندر وجلــس جنبـــه : أخبــارك بندر
بندر من غير مايرفع راسه : بخير
فيصل : وش رايك اليوم تجي معاي الأستراحه تغير جو
بندر وهو يقوم : شكرا
فيصل : تعـــال
مارد عليه بنــدر وصعــد غرفـــته
فيصل يكلم حاله : اووف مافي احد صاحي بـ هذا البــيت معقــوله بــس أنـا
وجــن : وأنــا وين رحت
فيصل : أنتي أول المجـــانين
وجن : أفــا فصــول أنـا احبك
فيصل : حبتك القــراده قـولي آمين
أشــوي وجــاو اسيل وبسيل ..
فيصل : هـا خلصـــتو ياتوم وجيري
وسن : هههههاي جبتها
بسيل : هاهاها رجعيها
اسيل : تنكت مع وجهــك
بسيل : لا أخترع نكتــه
فيصل : أوووه بسيل سخــيف مره
أشـــوي وجــاو تـركي وســاره
فيصل : إيـــوه كملــو تويتي وسلفستر
بسيل واسيل وسن: هههههههه
تركـي : هاها بايخه
ساره : وعاد شـوف منو اللي يضحك توم وجيري
أشــوي وجات و جــن ومسـاعد
لمــا تجمعــو الأخوان كلهم
كــان الصــاله فــوضى والكــل يسـولف من جهه
فجـــــــــــــأه عم الهــدوء وهم ينـاظرون أبـوهم اللي نــزل بـ هيبته
بـو بدر : أنــــــا كم مره قلت لكم لا تتجمعــــــــون أنتو ماتفهمون بنيت لكم أربع أدوار وقلت كل واحد ولـــه دور خــاص وش اللي خلاكم تنزلون هنــا
نــزلو راسهم بـضيقـــه ودهم يعرفـــون سـر أبـوهم ليــه مايبيهم يتجمعــون مع بعض ..
بو بدر : اليـاس الريم يـلا أنزلو الدور الأرضي واقفلــو الباب وانتو يلا كل واحد ويروح الدور المخصص حـق أمه واذا تبــغون تطلعون عندكم بــاب يــوصل لـ شارع
راح الكــل عند جنــاحه بـ ضيقـــه
فـــي الدور الاول
اليــاس والريم
راح أوصف لكم الريـــم متــوسطه الطـول وجسمها يجنن وبيضـــه وشعرها طويل يوصل لأخر ظهرها أشقـر على خصـل ذهبيه وعيونها أخضـر فاتح وشفايفها كأنهـم تــوت عيـونها وسـاع بـ ختصـار بنت فـائقه بالجمـال وطبعاً جمالها ماخذته كلـه من أمها الامريكيه .. وأهي اجمـل وحده من خواتها ... هــادئــه تحـب تسولف وتضحك بس مو كثــير عيــونها فــيها نبــرة حــزن وهــي حزنها على وفــاة أمها قبــل لا تشوفها يعنــي يتيمـــة الأم
أما اليـاس أبيـض وشعره ناعم وطـويل يوصل لـ رقبتــه ودايم يحط جل علشان يرجع شعره على وراء ولون شعره زي أخته الريم على اغمق أما عيــونه عسليــه وجسمــه طــويل وأشــوي عريـض البنــــــات خــقق علـــيه بس هـو مو عاجبـــه شكلــه لان من وهو صغير أخوانه دايماً يقولون له انت بنـــت ويسمـونه ( اليــوس ) هــادئ زي الريـــم يحب يسولـف ويضحك بس مو كثــير يعني كله على بعضــه الريم

الريم : اليـاس ليش أبـوي مايبينا نجلــس مع بعض يعني أنـا اشوف الأبو يفرح في عياله اذا شافهم مع بعض
اليـاس : نــذاله فــيه
الريم : لاتقــول عن أبوي كذا يمكن هــو يشــوف شيء احنا مانشوفه
الياس : اجـل بـالله علـيك وش تسمينه هذا كل ماشافنا مع بعض قام يصارخ وكذا تركيــه عنــك وقومي سـوي لي شـيء أكله
الريم : اليــوس انت تدري اني ماعرف اطبخ والحين راح يستوي الغداء
الياس : عيدي وش قلتي ؟
الريم بـبراءه : ماعرف اطبخ
الياس : لا اول كلمه قلتيها
الريم : اليـوسـ يؤؤ والله نسيت
الياس وهو يضربها بـخفه : عيديها المــره الثانيه

فـي الدور الثـــاني ( أم مسـاعد )
: ماما لـيش ابـوي مايخلينا نجلس مع بعض
ام مساعد : أبـوج من تزوجــته وهو جذي
تركي : معقوله يمــه
ام مساعد : إيي معقـوله وبعدين احسن زين يسـوي فيكم أنا اصلا مابيكم تجلسـون مع اخوانكم
ساره : لــيش يمــه احنا ماشفنا منهم شـيء
ام مساعد : خلاص عاد سكــرو الســالفه
دخـل مساعد : السـلام عليكم
الكل : وعليكم السـلام
مساعد : ليش البـاب الأرضي مقفـول ؟
ساره : يعني مـاتعرف أبــوك
ام مساعد : ساره خلاص عاد
تركي : يـلا أنـا بنام سوير الســاعه خمس ونص صحيني
ساره : مابي مابي تقولي صحيني واذا صحيتك تضربني
مساعد : خلاص انا بصحيك
تركي : لا إلا انت مابيك تصحيني خلاص ماراح أنـــام

فـي الدور الثــالث ( أم فــراس )
فراس : وين فداء ...؟
اسيل : راحت الجامعه مع بــدر
أم فراس : راحت مع بدر ..؟
اسيل : يــس
ام فراس : فراس قوم رجعها قبـل لا يرجع أبــوك الحين ويســوي ســالفه لها
فراس : يووه يــمه مــالي خلـــق بترجــع الحين وإن شـاء الله ابوي ماراح يدري عن شيء
فيصل : أنـا الحين أقــوم اجيبها
بسيل : لا انا بقــوم
فيصل : أقـــول خلك مكـــانك احسن
اسيل : لا انت ولا هـو انا بــروح
فراس : المسكينه تحسب نفسها في الكويت تقدر تسوق
فيصل : هههههاي هذي سعـــوديه
اسيل : يمــه قولي حق ابوي نروح الكويت أبــي اسووق سياره
بسيل : يعني بتروحين علشــان سيــاره بس
دخلت فداء : السـلام عليكم
الكل : وعليكـــم الســلام

الدور الرابع وأخر دور ( أم بدر )
بعد مادخل بــدر
وجن : وين الأسكريم
بدر : يـــوه نسيت ماجبته
وجن : يــو بدروووووه تعبت وانا انتظر وبالأخير ماجبته
وسن : شنو شنو أي اسكريم واي باسكن وأي هرفـي واي كودو
بدر : هههههههه بس بس قلتي اسمــاء المطاعم كلهـــا ..

اليـــوم الثـــاني الصبــاح الســاعه ست صبــاحـاً
الكــل يتجهز البــعض حق المدرسه والبعــض للجــامعه

فــي مدرسة الثــانويه للـ بنــات هنـاك يدرســون ..{ اسيل بالثـالث ثانوي ، و ساره والريم بـ ثاني ثانوي
خلــوني أوصــف لكم سـاره طولها وجسمها زي الريم أختها بشـرتها برونزيـــه عيــونها مو وسـاع لكــن مكحــله من الله شعرهـا ناعم وطــول شعر أختها الريم يـوصل لأخر الظهر وأســـود سواد الليل ... ورجـــه بـمعنى الكلمخ

ساره : الريــم تعالي لا تدخلين الفصـل
الريم بهدوئها المتعاد : لا بدخـل بتجي لنا الحين معلمة العربــي
ساره : كيفك بــروح أمر على اســيل الحين
ابتسمت حق ســاره ودخلت الفصــل : السلام عليكم
: وعليكم السـلام
تقدمــت بنت مسترجـله لـ الريم ومدت يدها : مرحبا
الريم مدت يدها لها : مرحبتين
دانه قـربت من الريم بتبـوسها بـخدها ... خافت الريم وتركت يد دانه ... اما دانه ماهتمت وقربت الريم منها وباستها بخفه ..
نزلت راسها وراحت تجلــس بـمكانها لكــن المصيبه يوم دانه جلست بالكرسي اللي جنبها
دانه : منو مكانه هذا ..؟
الريم واهي تحــاول تتهرب من نظرات دانه : مكـان ساره أختـي
دانه : ساره أخــتك ..؟
الريم : ايوا
دانه : آمم على فكره أنتي احلى منها
الريم بلعت ريقها اللي جف : شكرا’


فــي فصـل سـاره والريم بعد مابدت الحصه
الريم بصـوت خفيف حـق اختها : وع ماحب حصــة العربـي
ساره : وأنـا بعــد مـاحبها أكره حصـــه
المعلمــه : الريــم ساره وبعدين معاكم وحده منكم تجي قدام بسرعه
ساره واهي تشهق بهبال : شنو بتفرقينــا لا أستـاذه تكفين لا تسوينها كفــايه بالبيت محرومين من بعض حتى بالمدرسه
المعلمه مافهمت : سـاره عن القــرقره وبســرعه تعالي قدام
قامت ساره واهي ماده بوزها وجلست قدام وكملــت المعلــمه الدرس

فــي فصـل اسيـل ..
راح أوصف لكــم اسيــل .. طـويله مــره وجسمها منــاسب على طــولها شعرها قصــير يوصل لرقبتها و قاصته أنــاناس ومصبــغه شعرهـا باللون الأحمر الحلــو وخصلتين من تحت بـاللون البنفسجــي ومن فــوق خصلـه لونها اصفر
تحــب تشكــل شعرها وكل يوم لها قصــه جديده وأصبــاغ جديده بشرتها حنطيــه يمــيل للأبيض أكثـر وعيـونها وسـاع ومكحلــه .. رجــه زي اختها ســاره وحــركيه مرره يعني مستحيل تجلس عــدل لازم تمــايل نفسها و الكـل يقول عنها خبـله من حركاتها ..وراسبه سنــه يعني المفروض تكون بالجامعه ..
مــاسكه شنطتها الطــويله تــوصل لـركبتها وكلهـا شخــابيط من كتابتها وماسكه العبـايه طقت الباب طقتين ودخلت
المعلمه : خير ..!
اسيل ببتسامه : ســوري استاذه أنـا اليوم تأخرت حيل الصبـاح
المعلمه : طيب أدخلي
دخلـت اسيل واهي توزع ابتسامات على البنــات وجلسـت كالعاده أخر وحــده وطــول الوقت مبتســـمه

فــي الجــامعه هنــاك يدرســـون ...{ بنــدر ، بســيل ، اليــاس ، فيصــل

اليــاس يمشــي مع بسـيل
بسيل : اليـوس وراك محاظره ؟
الياس : ماراح أرد عليك الا لما تقولي اليــاس مو اليـوس
بسيل : هههههههه طيب أســف اليــاس
الياس : إيي عندي محاظره بعد نص ساعه
بسيل : حلــو قـوم نروح الكوفي
الياس : أوكـي يـلا بس مابي اتأخر لاني ابي أذاكر
بسيل : ماراح نتأخر بس جوعان
شافــو بطريقهم فيصــل
بسيل : فصــول
فيصل بروقان : هاا
بسيل : ها بعينك تجي معانا
فيصل : وين بتروحون ؟
بسيل : الكوفي نفطر
فيصل : لا روحو أنتــو وراي محاظره مانيب فاضي لكم
بسيل : أحســن
دخـل فيصل قـاعته من غير مايطق الباب كالعـاده
الدكتور : كم مره قلت لك ياستـاذ فيصل تطق الباب قبل لا تدخل
فيصل : لاحوول يعني الحين بتسوونها سالفه على بس باب ..!
الدكتور : فيصل تأدب معاي
فيصل : دكـتور والله مو فاضي على هالصباح اذا عندك شيء قـوله مالي خلق تهزيئ
الدكتور : اللي عندي إنك تتفضــل بـره وراح اسجلك غياب
فيصل بهبال يتكلم بالمصري: مابينفعيش هيــك يادكتور اللـــه أنـا اليوم قـاي وانت تسجلني غيــاب ليه
الدكتور بعصبيه : فـــــيصل
فيصل : طيب طيب خلاص بطـلع

فيــــــــصل ..
جسمــه ريــاضي ويمــوت بشيء أسمه كورة قــدم شعـره طـويل بس مو ناعم ذاك الزود ودايم يرجع شعره على وراء بالجل وســيم وأسمــر بس مو ذاك الزود وشعــره أســود يعني سكـسوكتــه ســوده .... شخصيــه حبوبه عند الجميع وعند أخـوانه حنــون ومايحب يضــايق أحد ولا يحب يشـوف احد متضايق
مشــى بين الممرات وهو يــدور شلــته شافهم من بعــيد وراح لهم

فــي الكـــــوفي
بسيل : الياس شـوف بندر
لف اليــاس على بندر وشــافه يكلم جــوال ومتحمـــس مره : مـــاصدق.........!
بسيل : أحــس مو بندر يشبــه له
اليـاس : لا إلا هــو بندر
بسيــل : وش عنـــده متحمــس ويســولف أول مره اشوفه كـذا
اليـاس : ياخي بنــدر غــامض
بسيل : إيي والله من جد غــامض ساعات ودي أدخل عــــــالمه أشـوف شنو يفكر فيه وش يحــس بـه
الياس وهو يناظر الساعه : والله أنت اللي وش تحــس بــه أخرتني عن محاظرتي الله يهديك

راح اوصف لكم بنــدر ...
جسمه مثل حمد العماني وغـــــــامض مستحيل أحد يفهمه ودايم جالس بالبيت ولا يحــب يســولف مع أحد حتى مع اخوانه بس على كل هذا خقق والبنات مووووت فيه

راح بســيل عنــد أخوه بندر يبــي يعرف منو يكلم لانه بندر مو من عادته يكلم أحد .. جلــس جنبه بالكرسي
بــس بندر سكــر الخــط وقــام من على الكــرسي
بسيل يكلم حــاله : ول علــــــــيه مامداني اسمع شيء الا وسكــر وقام أروح عند محاظرتــي احســـن
بســــــيل...
حركــــاته وكــــــله يشبه اسيــل توأمتــــــــه عيونه مكحــله أطول وأعرض من اسيل حركـــي زي اســيل
وفــيه نــوع من الطفـــــــوله وهم زي اسيــل ودايم يبتســـم حتى مرات يبتسم حــق بنات واهم يروح بــالهم بعيد لووول

وهذا الفصــل الأول
طبعا فصل الأول هذا كله تعــريفات عن الأبطــال وهم فصــل الثاني راح يكون تعرف حق البقيه
آآرائكم انتقادكم تعليقــاتكم بــالتأكيد يهمنـــي...!


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 3
قديم(ـة) 05-11-2009, 03:10 PM
صورة غَدق ْ الرمزية
غَدق ْ غَدق ْ غير متصل
✽ | тнєzєєяу
 
الافتراضي رد: اربعة عشر اخوه يعيشون في صراع مع الزمن


ههههههههههههههههههههههه والله فله 14 مره وحده

توي ماقريت البارت بس ان شاء الله بقراه قريب وانا اضفتك ف المفضله ^_^


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 4
قديم(ـة) 05-11-2009, 03:17 PM
صورة copy twins الرمزية
copy twins copy twins غير متصل
©؛°¨غرامي مجتهد¨°؛©
 
الافتراضي رد: اربعة عشر اخوه يعيشون في صراع مع الزمن


غريب امره وانا عاوزة اعرف سبب رفض ابوهم انهم يجتمعوا مع بعض

حلو القصه كبدايه انتظر المزيد لفك الغموض

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 5
قديم(ـة) 05-11-2009, 03:34 PM
صورة براءة رجل الرمزية
براءة رجل براءة رجل غير متصل
©؛°¨غرامي متألق ¨°؛©
 
رد: اربعة عشر اخوه يعيشون في صراع مع الزمن


حلو القصة وياريت تكمليها







........................
سلامa.m


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 6
قديم(ـة) 05-11-2009, 03:34 PM
لمحة وفاء لمحة وفاء غير متصل
©؛°¨غرامي جديد¨°؛©
 
الافتراضي رد: اربعة عشر اخوه يعيشون في صراع مع الزمن


روايه جناااااااااااان

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 7
قديم(ـة) 05-11-2009, 05:01 PM
قاتلني ويموت فيني قاتلني ويموت فيني غير متصل
©؛°¨غرامي مشارك¨°؛©
 
الافتراضي رد: اربعة عشر اخوه يعيشون في صراع مع الزمن


يسلمـــــــــو ^_^

وأتمنى أرى المزيد


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 8
قديم(ـة) 05-11-2009, 06:15 PM
مفحطه بسيكل جدتها مفحطه بسيكل جدتها غير متصل
©؛°¨غرامي مشارك¨°؛©
 
الافتراضي رد: اربعة عشر اخوه يعيشون في صراع مع الزمن


وناااااااااااسه اربع تعش لووووووووووووول


فــي انتظاااااااااااااااارك

وبدايه موفقة

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 9
قديم(ـة) 05-11-2009, 11:07 PM
قاتلني ويموت فيني قاتلني ويموت فيني غير متصل
©؛°¨غرامي مشارك¨°؛©
 
الافتراضي رد: اربعة عشر اخوه يعيشون في صراع مع الزمن


..
ا
الجــزء الأول
الفصــل الثــاني

الســاعه 1 ونــص الظهـر ..
بـعد مـالكل رجــع من دوامــــــه ..
الأخــــوان كلهم بالحديقـــه لانهم عارفين يوم الأربعــاء والخميس والجمعــه أبـوهم مايرجع الا المغـرب
سـاره : وأخيـــــرا صار يوم الأربعــاء تعبت دراسه
الياس : إييي وربــي فتكينـــــا
فيصـل :ماتبــون تطلعــون
البنات كلهم بصوت واحد :أكيييييد
تـركي : ههههههه مايصدقوون خبر
وجن : لا تلومنا يــاخوي كل يوم جالسين بالبيت
بدر : فيصل ابعد عن المشاكل ومافي داعي طلعات
وجن :لـــــيش بدر أنت دايم تخــرب
مساعد: شايف نفســه كبير البيت هع
فـراس : على باله الحين اهو مكان ابوي
بدر :لاحوول وانا وش قلت بس قلت ابعدو عن المشاكل
بسيل : ابـوي اليــوم مايجي الا المغرب
بدر : يمكن يصير شيء يخليـــه يجي بدري
فيصل :يـــمــــــــكـــــن
بدر :كيفكم بــس لاتنسون تاخذون بندر معاكم
فيصل : الا بندر وينه
سـاره : هاهاهاي كأنكم ماتعرفون بندر مستحيل يجـــي
بدر : انا بدخل أنـاديه ولا تتأخرووووون فاهمين
فيصل : افا عليك انـا اللي طلعـت هذا الأقتراح وانا اللي ارجعهم
مساعد : تكفـــــــــــى عاد ارحمنا ياللي بترجعنا
فراس : اي والله وش قال هو برجعنا قال
فيصل : بسم الله كلتوني
مساعد : إيي بنـاكلك لاني انا اللي بسوق السياره
فراس : لا عااد قــل قسم
مساعد : انا اكبر منك بشهرين
ساره : لاحوووووول بتدينا الحين انا اكبر منك وانا اكبر
فداء : وانتو حظرتكم كم سياره بتاخذون
مساعد : بــاص
البنات كلهم بصـوت واحد موعاجبهم: بـــــــاص
فراس : اجل وش تبــون سياره..؟
اسيل : يــــع شنو باص مسافرين أحنا كلها مطعم
فيصل : إييه هيـــــــن مطعم
تـركي : ودام أنـا موجود ابصم لكم بالعشر ان مو بــس مطعم بـنروح
وسن : وهـ بــس فدييييت أخواني أنــا
قـامو كلهــم بحمـــــاس وكل واحد راح غـرفتـــه يلبــس
فــي غرفــة تـركي ..
بعد مالبــس بنطلون طيــحني وبلـــوزه بيضـــه فيها نقشات بالأسـود ومليــانه بالكرستال
أخذ الجــل ونفــش شعــره ، واخذ الحلاقــه وصار يعدل في سكسـوكته
بــعد مـاخلــص نـاظر شكلــه بالمرايا وبتســم برضا على شكله و مسك جــواله ..
تـركي : مرحبا
جوري : اهلين ومرحبتــين
تركي :كيف الحـال
جوري : بخــير الحمـد الله
تركي : دوم يــارب ، حبيبتي اليوم بتطلعـين ..؟
جوري : إيـوا
تركي :وين..؟
جوري : مدري مابعد اقرر بس اليوم الاربعاء اكيد بطلع
تركي : طيب حيــاتي وش رايك تروحين مارينا واشوفك هناك
جوري : جـد والله بتروح ؟
تركي : إي بروح مع أهلي
جوري بدلع : اوكي بيبي بينا اتصال
تركي : يـابعد حياتي فديتـك انتظرك
تـــــــركي ..
مــراهق ومغازلجــي درجــــــه أولى و يتابع الموضــه ويهتم بشكله كثــير اللي يشوف غرفــته يقول غرفة بنت من هالكريمــات والعطورات اللي مليــانه غرفتــه وحتــى ملابســه ملابس بنات اللون الوردي والبنفسجــي والكرستــال بـس على هذا رجــال وسبع الرجــاجيل *_^
طلـع وقابل بندر أخــوه في الطريــق
نسيت أقـولكم شــيء بندر وتــركي ..فيهم تشـــابه كبــير بينهم على إن تركــي اكبر من بندر بـ أربع سنوات واخوان من أب بــس على كذا اللي يشــوفهم يقــول توأم نفـس الحـــلاة خقق بس تـركي يهتم بشكـله أما بندر غير فـ اللي يشوفهم يقـول تـركي احلى
أدري طولت عليكم بالهــذره ^_^ نرجع للبارت
تـركي حق بندر :بتروح معانا
بندر من غير مايلتفت : ايي
تركي يبي يسولف معاه : طيب بجلس جنبك بالباص عادي
مارد بندر عليه وركــب الباص وجلس جنب الشباك شافه تـركي ، فكر يجلـس جنبــه بس بالأخير غير رايه
يبــي يجلس جنب الدريشـــه ..
ساره بصـوت عالي علشان فيصل يسمع : فصــول شغل لنا اغنيـــه
والصــوت راح كلــه عند أذان تركي اللي جلس قدامها : يلعنــك على هذا الصــوت حشى مو صوت بنت بطيتي اذني جعل اذونك البـــط
ساره : وأنـا وش ذنبي إذا اذانك كبــيره وتسمـــع كل شــيء وبعدين غصـب عنك أنـا بنت
تـركي : إييي مره بنـــت من صـوتك ماشاء الله علــيك ..
وبــتدو على قولة فيصل تويتي وسلفســتر مضــاربهم بـالأصوات
عــند تــوم And جيــري ..
بسيل : أقـولك من الحــين اذا رجعنا انا بجلس جنـب الشبــاك ســامعه
اسيل : لا مااافي اللي يجــي قبــل أهو يجلــس جنب الشبــاك
بسيل : يلا عاد عطيتك وجه بجلس جنب الشباك غصب عنك ولا ترى هاا
اسيل : شنو هــا ...؟
بسيل : اذا ماخليتيني اجلس جنب الشباك ترى بروح اجلس جنب فداء واخليك الحالك
اسيل :لا خلاص والله اخليك جنب الشبــاك بس لا تروح
بسيل وهو رافع خشمه بغرور : بنات مايجون الا بالعين الحمراء
مدت اسيل بوزها ورجعت تطالع الشباك

طبعـاً اسيل وبسيل مثل مانتو عارفين توأم و متعلقــين فـي بعــض مره
على كثــر هوشتهم ومضاربهم يمتــون على بعض ومستحيل بسيل يســوي شيء الا واسيل سـوت وراه ..

في أول البــاص فيصل ماسك المــايك ومصـدق نفســه إن مذيع ..
فيصل : اليــوم الأربعاء ولان أنا واخوتي واخواني سوف نذهب الى المـول وسوف اعرفكم عليهم
بـدر أكبــر اخواني ولــكن لم يأتي معنا بسبب كبــر سنــــه وغروره وأما اخوي الثــاني هو مساعد ..
راح عند مساعد وقــرب المايك من فمــه
مساعد : خير وش تبي
فيصل بصوت صغير : لاتفشلنا عند الجمهـور
مساعد : اي جمهور تراك مصدق نفســك
فيصل : اخلــص علي
مساعد : وش تبــي
فيصل : عرف نفسك ع الجمهور
مساعد :ههههههههه
فيصل : يــلا عاد سعــود
مساعد وهو ياخذ المـايك : أنـا مساعد عمري 26 و أنـ ...
فيصل وهو يسحب المايك منه ويقلد صوته : انا مساعد عمري 26 .. يعني وش تبيهم يسوون لك
مساعد : أقــول اذلف عن خشتي مانيب فاضي لك
فيصل : عذراً ياجمهوري العزيز على ماقاله مساعد فـ انـا سوف اعرفكم عليه إن مساعد إبن أبي علــيه خفة دم رهــيبه بس مايعطي احد وجه ودايم يعلــق ومايشوف نفســـه وفــيه غرور وثقــل مدري من وين جايبهم المهم مثل مانتو شايفينه اسمر بس سمورته رهيـبه يعني ماشاء الله عليه خلــوكم منــه ونروح عند حبيب قلبــي فراس ولد ماما وبابا
فراس : هههاااي يالخكري ماما وبابا اجل
فيصل : ههههه خلني اتدلع اشــوي
فراس :طيب تدلع خذ راحتك
فيصل وهو يرجع المايك : سوف اترك فــراس يعرف نفســه عليكم
فراس وهو ياخذ المايك : أحم احم انا فراس مساعد اكبر مني بشهرين وهذي الشهرين طلعت من عيـــوني ووو وشسمــه مدري والله وش اقــول
فيصل بصوت صغير : قولهم انك تحب تتهاوش
فراس :هههههه طـيب انـا واحد عصــبي وبســرعه أطــق وفيني غــيره على خواتي علشان كذا ماحب سوالف وخرابيط البنات
فيصل بصوت صغير : قولهم وش صار لك وانت صغير
فراس : ايي عاد انت انتظر اشوي اقولهم المهم خلوكم منــه انا ماحب المستشفيات ولا احب اروح لها بس حضي كريــه لاني مريــض فيني تكسر دم حـــاد علشان كذا تشوفوني نحيف واربع وعشرين ساعه بالمستشفى ومو بــس كذا وانا صغير احتــرقت يعني لو تشوفون رجلــي فيها تشوهات ومو بــس كذا مره طحت من فوق لـتحت بس الحمد الله ماصار لي شــيء
فيصل ياخذ المايك : وهــذا هـي معاناة اخــوي فــراس المسكين و دعــواتكم بأن الله يشفـــيه ، ولان نذهب الى اختـي فداء اختي من ماما وبــابا
راح عند فداء وشافها نــايمه
فيصل وهو يحك راسه : عذراً ياجمهوري العزيز فـأن اختـي فداء نـايمه فـ أنا سوف اعرفكم عليها بنفســي فداء عمرها 24 تدرس في جامعه بس مدري والله وين المهم فداء مثــل حالة فراس فيها تكسر دم حاد ودايم نــايمه حياتها كلها نــوم تحب تضحك وتسـولف لكن المسكينه ماتقدر لانه راسها دايم يصــدع ودعواتكم بـأن الله يشفيهم ومثل مانتو شايفينها تهبــل وخقق والله واحلى شــيء فيها براءتها الله لا يحرمني منها وتمووت فيني فديتها ...
ولان نذهــب إلى تــركي اتوقع تعرفـــتو عليه من قبـــ...
تــوه بكمل إلى وصـــلو مارينا مــول
فيصل : إلى اللقاء في الحلقــــــــة القادمه
بس أنـا ماراح اقول الى اللقاء في البارت القــادم
إلا اني باخذ مهمـــة فيصل وبعرفكم عليهــم الأخوه الأربع عشـــر من الكبير الى الصغير
1_بــــــــدر : تم التعرف عليه من قبــل فيصل
2_مســــاعد : تم التعرف عليه من قبــل فيصل
3_فــراس : تم التعرف عليه من قبــل فيصل
4_فـــداء : تم التعرف عليه من قبــل فيصل
5_تــركي : تم التعرف عليه من قبـلـي
6_فــيصل : تم التعرف عليه من قبلي
7_ و 8_ وســن + وجــن : وســن اللي اقدر اقــوله إنها رجـــه أمـا وجن هــادئــه فرق كبير بينهم وعلى قـولة تركي التوأم المختلف
9_بــندر :تــم التعرف عليـــه من قبــلي
10_اليــاس : تم التعرف عليه من قبلـــــي
11_ و 12_ اسيل + بسيل :تم التعــرف عليهم من قبلــي
13_ ســاره :تم التعــرف عليه من قبلــي
14 _الريــم :تم التعــرف عليه من قبلــي

أنتهى الـــــــــجزء الأول جــزء التعريفــات
وإن شاء الله الجزء الثاني الجـزء الثـــاني .. راح ابتدي بالأحداث

مع تحياتي

قاتلني ويموت فيني ^_^


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 10
قديم(ـة) 07-11-2009, 03:57 PM
مفحطه بسيكل جدتها مفحطه بسيكل جدتها غير متصل
©؛°¨غرامي مشارك¨°؛©
 
الافتراضي رد: اربعة عشر اخوه يعيشون في صراع مع الزمن


فــــــــــــي انتظاااااااااااااااااركـ

الرد باقتباس
إضافة رد

روايتي الأولى : أربعة عشر اخوه يعيشون في صراع مع الزمن / كاملة

الوسوم
البارت صـ 80 , الحمااااااااااااااااس مره حلو , الجزء الأول حق تعارف , الجزء التاسع الفصل الاول صـ 159 , الجزء الخامس الفصل الأول صـ73+74 , الروااااااااااااااااااايه خققققققققه , الروايه مررة ناااايس , الزمن , احلى روايه وربي , اخر بارت تم التعديل صـ 47 , اجنه , اربعة , يسلموووو , يعيشون , يعطيييج العافيه فديتج روووعه البارت بـدر مشتاقه اعرف قصـته , جـ 10 فـ 2 صـ 185 , رواية , روايه , صراع , صفحة 13 , ولعلمها انا بنوتة كول تاكل بسكوت واهددها بالقتل اندل بيتها هالقدرة , وععععععععع الرواية معفنة كتير مثل صاحبتها , وناااااااااسه اربع تعش مررره وحده , ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛حركتات::::::::::::: ::: , قراء
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
روايتي الأولى : و إنت يا الفجر البعيد نامت عيونك / كاملة الووو__بتول__وورد روايات كامله - يتم نقل الرواية هنا بعد اكتمالها 111 28-05-2015 10:28 PM
روايتي الأولى : معاناة الشباب / كاملة حمودالشمري روايات كامله - يتم نقل الرواية هنا بعد اكتمالها 942 11-02-2015 05:02 PM
روايتي الأولى : على حافة الهاوية / كاملة **غدو** روايات كامله - يتم نقل الرواية هنا بعد اكتمالها 1975 15-05-2011 05:58 AM
مجلس الروايات للإستفسارات و الطلبات ؛ !! أنـثـى الـ خ ـيـآلـ !! روايات - طويلة 3973 07-10-2010 01:10 PM
روايتي الأولى : لو الزمن مره يجينى على الكيف سحقأ لـ الرجال أرشيف الروايات المغلقة - لعدم إكتمالها 15 07-10-2010 10:11 AM

الساعة الآن +3: 05:22 AM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


تصميم دريم تيم

SEO by vBSEO 3.6.1