غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1
قديم(ـة) 14-11-2009, 04:12 AM
صورة غلطان يامعاندني الرمزية
غلطان يامعاندني غلطان يامعاندني غير متصل
©؛°¨غرامي مشارك¨°؛©
 
الافتراضي رواية غلطة و بندفع ثمنها السنين / كاملة


غلطه وبندفع ثمنها السنين





الكاتبـــــــــــــة غلطان يامعاندنـــــــي
اول مره اكتب روايه








الجـــــــــــــزء 1
يابنتي اذكري الله وسمي برحمن ادعيله برحمة والمغفره ويسكنه فسيح جناته..
ناديه . اه ه ه ه ه ه ه ه ه ه ه ه يارب ترحمه
ام سعود. ذلحين ماتعلمين متى انت على هذا الحـــــــال وصار شهر من مات وانت تبكين و جالسه في فله وش كبرها مافيه الا انتي. لي كان معك ابوك والله اخذ امانته الله يرحمه
اسمعي شوري ونصيحتي ..
انـا مراح ادوملك العمر كله وتعرفين انا مافيني شده على السكر والضغط يوم صحتي زينه ويو م الله يعلم باالحال
روحي بيت جدك في الكويت وعند جدتك وعمانك وهي بعد تبيك وكلمتني اليوم تقولي اقنعيها اربها توافق.
ناديه . اروح واترك ديرتي واهلي وناسي وبيت ابوي وامي ليه خبل اروح اتعزب الناس بعد ماكان لي بيت وش كبر ه امر وانهي فيه
ام سعود . هي بعد جدتك تبيك من زمان تجين عندها ويوم ماتت امك وهي تحاول تاخذك بس ابوك كان معيي يقول البنت معا ابوهاااا..وذلحين معاد لك عذر تجلسين اهنا بالسعوديه .. وتعرفين جدتك قويه وكلمتها مسموعه بس هي كانت تعز المرحووم واداري خاطره من الزعل
والله ماتلام يوم اسمعت في وفاته تنومت في المستشفى اسبوع
نـاديه . لعنبو من لا مها ولدها ويقول بها كذا دهينه لا تنكتين
ام سعود. ان اشهد انه واصل عند امه..
ناديه. والله جدتي قويه وعلى قوتها الا انها حبيبه وعندها حنان مو عند احد فديتها والله..
ام سعود اربس وافقتي تروحين عندها
ناديه. هههههههههههه
( اضحكت على طريقه جدتها يوم فزت من مكانها )
ليه تبين الفكه مني .. اممممممم اصلا ن جدتي معها حق اجلس عند منو اهني بعد العزا حسيت البيت خلا علي من الناس
( بعدين اسكتت وكملت والعبره خانقتها)
الوحده قاتله انتي عندي وحسك موجود الا اني احس بفرااغ البيت وش كبر ه مافيه صوت ونيس ؟
ام سعود. هاه متى تعزمين على الروحه والله ان قلبي ماكلني عليك ابي اتطمن عليك ...
ناديه .ليه تبيني اروح مستعجله على روحتي ليه ليه ابي افهم ((تقوله بطريقةمزح وتبتسم وهي تقولها))
ام سعود. ادري نوره ماهي مخليتك في عازت احد وبتدلعس وتبديس على الكل انتي بنت الغالي خالــــــــد؟؟
ناديه بنت حساسه وجميله
شعرها ناعم واسود ماطب فيه اصبغات
طولها زين فيه رزه وهيبه خاصه اذا البست الجلابيات يطلع طولها فله
وبيضه جسمها خيالي عليها خصر مفصل جسمها
عيونها اوساع ..وحبت عينها لونها بني يميل الي زيتي غامق تجذب وفيها لمعه مو طبيعيه
وعليها اسلوب في الكلام واقناع الشخص الي قدامها واحلى شي اذا تدلعت يزيد جمالها جمال
وفوق هذا كله الا ان ابوها مدلعها ومشيخها على كيفها
وكل سنه تسافر اوروبا
................
ايمــــــان يالله اطلعو من غرفةالبنيه انا كل ماارتب عفستوهااااا
ريم . عمتي ليه ناديه بتجي تسكن عدنا على طول
هيونه. ياحظي علشان اابوها مات وماعندها احد يجلس عندها وبعدين امي نوره تصير جدتها ام ابوها
ريم. لا مو جذي قصدي ليه ماتجلس عند خوالها
ايمان . امي نوره قالت البنت عند عمانها وهي تبي ناديه تعيش عندها تقول هي اولا من خوالها
ريم. متى راح تجي
هيونه. انا سمعت أمي نوره اليوم تكلمها وتقولها لا تبطين علينا خلصي شغلك والباقي بيسنعه فهد هو ادرى بهذي الامور لا تحاتين ...
ايمان. خلصتوا سوالفكم يالله انزلو تحت عند امي اشوي بجيكم ؟
(نوره ام ناصر
اعيالها ناصر العود الي هو ابو فهد وريم وهيونه و
بعدين طلق امهم وضحه هي بنت عم ناصر
خذاهند وحده من جماعتهم وعايش معاها في بيت بروحهم
طبعا نوره ام ناصر اخذت اعيال ناصر
فهد وريم وهيون ماتبيهم يعشون مع مر ت ابوهم
امهم وضحه بعد ماتطلقة اعرست خذت من جماعة امها في قطر وعندها اعيال اولدين وبنتين
حمد 14 و سعيد 12 فاطمه9 ومنيره4
...
خالد
الي هو ابو ناديه
ساكن في السعوديه
لان اكثر شغله بالسعوديه وكان متزوج بنت عمته امـــــــل
الي هي بنت ام سعود
ماعنده الا بنت وحده هي ناديه
ماتت امل كان عمر ناديه 13 سنه في المتوسط تدرس
.............
احمد
رجل افري متزوج وحده احضريه سفور ماتتغطى
عندها ابراهيم الكبير يحب شي اسمه افلوس
محمد . عمره 24 عايش حياته ماعليه من احد كل شي عنده عادي
منى بنت دلوعه ماتحب تروح عن جدته علشان ام ناصر كله تقول تغطي وتحب فهد ولد عمها ..
مي – بنت مصلحجيه هي وابراهيم نسخه من بعض
الفلوس هي اسعاده عندهم
(هم عايشين بنعمه ناس الله راهي عليهم بس الطمع شين))
.............
راشــــــــــد
هذا الولد المدلل عند ام نــــــــاصر
هويدرس بلندن صارله سنه ونصف
ورفيق فهد حييييييل على قولتهم كاتم اسرارهـ
.............
شيخه
متزوجه ماخذه ولد خالتها في الامارات
عندها ولد
حمدان عمره 5سنوات وحامــــــل في الشهر الاخير
وتبي تجي تنفس عند امهااااااا
............
ايمـــــــــــــان
زعلانه من زوجها مشعل واحد من جماعتهم
.هي موظفه..
...........
ساره . الو
ناديه. هلاااااااا ساعة تردين
ساره . هلا وغلا بقلبي
ناديه. هلابك زوووووووووووووووووووود
ساره وش في صوتك
ناديه. مافيه شي بس جالسه ارتب اغراضي وشفت صورة امي وابوي غصتني العبره
ساره .الا قولي بكيتي
طافت خمس ثواني صمت
ساره. اقول قلبي انا بروح الراشد تخاويني
ناديه وش وراي غير اقابل الطوف يلا بروح معك ابيلي كم شغله ناقصتني..

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 2
قديم(ـة) 14-11-2009, 04:14 AM
صورة غلطان يامعاندني الرمزية
غلطان يامعاندني غلطان يامعاندني غير متصل
©؛°¨غرامي مشارك¨°؛©
 
الافتراضي رد: غلطة وبندفع ثمنها السنين..روايه تخبل رومنسيه جريئه..لا تفوتكم


الجــــــــــــزء 2
فهد- هاه وش صار على شركة عمي خالد
عمر- والله ياطويل العمر الشركه ماشيه على احسن مايكون بس لو ابراهيم يطلع منها يكون احسن
فهد- ليه شنو دخل ابراهيم
عمر – هو الي مستلم الشركه يدش على الموظفين ويتأمر عليهم اذا اعترضوا قال انا ولد اخو المرحوم ابو ناديه
فهد- عصب تضايق لأنه يدري ان ابراهيــــــم مراح يطلع من الشركه بعد مايعفس الدنيـــــــا وراه..... قال فهد
انا لله وانا ليه راجعون
(فهد شخصيه قياديه الكل يحترمه ويعمله الف احساب
فهد وسيم فيه ملح الدنيا كلها فيه.. عليه طول اسم الله عليه
كشخه عنده ذوق في كل شي نظرته للناس ماتخيب
يحب الخير للكل يحب ابوه ويطيعه ويحب جدته وامه رغم انها ابعيده عنه الا انه يكلمها كل يوم
...............
فلة نـــــاديه
ناديه طالعه من غرفة جدتها ام سعود وتكلم سارهـ
ناديه ههههههههههههههههههههههه
ساره عساه دووم الضحكه موب يوم... ماقلتيلي خلصتي اغراضك
ناديه ايه خلصتها يقول عمي مايبي اروح بطياره يبي يروح بالسياره عاد قلتله اهم شي راحتك
ساره . من راح يوديك فواز ولا سعود
ناديه .حبيب قلبك فواز
ساره .لبى قلبه
ناديه. استحي على وجهك توك متملكته قبل شهر
ساره .و انت وش عليك مني كيفي اتغزل فيه واتفداه بعد لك عندي شي
وشوي تسمع ناديه تلفون البيت يدق
ناديه ساره حبيبتي مع السلامه بشوف من على تلفون
ساره. اوكي اذا عزمتي متى تروحين قولي لي علشان اسهر عندك سهرة الوداع
ناديه. هههههههههه ابشري بعزك
تسكر ناديه من ساره وراحت تشوف التلفون
ناديه الو
السلام عليكم
ناديه. وعليكم السلام
هذا بيت ابو ناديه المرحوم خالد
ناديه.ايوه من معي
انت ناديه
ناديه استغربت جرائة الرجال قالت
ايوه ناديه
مرحبا وشلونك يابنتي
ناديه. طيبه وبخير من معي
افا ماعرفتيني
السموحه منك ماعرفتك
انا عمك ابو عماد
ناديه هلا وغلا بعمي شلونك اخبارك بشرني عنك
والله بخير ويسرك الحال
ناديه. عساه دوم ياعمي
ابو عماد. جزاك الله خير.... ابوعماد تنهد تنهيده طوييييييييله
ناديه. عسى خير عمي
ابوعماد.يابنتي اليوم كلمتك علشان ا عرف ليه فصلتوا عماد من الشركه؟
ناديه. من اللي افصله ياعمي محد له سلطه على الشركه غيري انا..
ابو عماد.و لد عمك هو الي فصله تدرين ليه علشان يوم دش ولد عمك على مكتب عماد عماد ماوقف له قال ولد عمك انت واحد قليل ادب وانت مفصول من الشركه.. عاد تعرفين عماد عزيز نفس.. وقال له عماد قبل لا يطلع ابركها من ساعه الشركه بعد عم خالد تنعاف..
ناديه. مايصير خاطرك الا طيب يابو عماد
ابو عماد. انا بصراحه يابنتي كنت راح اقول حق فهد ولد عمك يوقف في وجهه لا ن انا ادري فهد غالي على المرحوم دوم يمدحه لي ومعجب بخشصيته وقوته ورزانته وثقله..
نايه تحسبه فهد هو الي طرد عماد من الشركه
ناديه . لحظه عمي عيل منو الي طرد ولدك عماد
ابوعماد. ابراهيم ولد عمك ناصر
ناديه . ابراهيــــــــــــــــــــــــــــــم له عين يجي بعد الي سواه مع ابوي
ابوعماد . لا تنسين محد يدري شنو سوا ابراهيم مع ابوك استري عليه
ناديه يصير خير ياعمي جزاك الله خير اللي خبرتني
ابوعماد . يلايابنتي مراح اطول عليك ديري بالك على نفسك فمان الله
ناديه. الله وياك ياعمي
سكرت ناديه تلفون وتنهد ت
اه ه ه ه ه ه ه ه ه
وش السالفه
هذا كان صوت فواز خال ناديه واقف مع امه
ناديه ارتبكت لما شافتهم تحسبهم اسمعو كل شي
ناديه وقفت وهي مرتبكه وسلمت على خالها
هلا وغلا بخالي شلونك
فواز:هلا بك زوووووووووووووود
ناديه :من متى وانت اهنا؟؟
فواز :لما قلتي الله وياك...

ناديه :ارتاحت الحمد الله ماسمعوني

ناديه: اجلس ليه واقف ليكون مثل العاده دائما مستعجل
فواز:. ههههههههههههههه لا هل مره غير بجلس وبتعشا عندك.
جلس فواز وجلس امه جنبه وقال
من اللي كان يكلمك
ناديه .هذا عمي ابو عماد
(علمتهم بسالفه عماد)
فواز. بكره راح امر الشركه واشوف وش سالفته ذا العله
ام سعود. الله يهديه انا داريه ماوراه خير من يوم العزا حضر اول يوم وبعدين راح الشركه
فواز وناديه::
كيـــــــــــــــــف؟؟؟؟؟؟
فواز. اشلون دريتي
ام سعود. سعود قالي
يقول ان ولده عبدالله شافه وهو يدش الشركه وعبد الله علم ابوه وسعود بحث في الامر وطلع امنقع في الشركه
فواز . هذا شكله ماراح يجي من وراه خير..
شوي ويدق الباب
فواز.هذا سعودجاي ..........شاف النظرات تسائل انت وش دراك كمل قال
هو قال يبي يجي وعنده كلمة راس مع ناديه
ناديه. هههههههه فديته خالي ماوراه غير كل خير انا تحت امره
فواز. ياسلااااااااااااام بس سعود تفدينه وانا لاء
ناديه .ههههههههه انت عندك ساره ماخلت احد مجال يتفداك
فواز . ههههههههههه لبى قلبها
ام سعود. يادافع البلا معاد فيه حيا..
فواز. يقوم يحب راس امه ويقول وهو يبتسم
الدنيا تغيرت
السلاااااااااااااااام عليكم
(هذا صوت سعود مع بنته رنيم عمرها4سنوات)
كلهم ردو السلاااااااام
فواز. الله حيه ولد العجوز
ام سعود تضربه بالعصي وتقول عجز اركبك..
ناديه راحت تسلم على خالها سعود وضمها على صدره وقال
يالقاطعه
ماتعرفين ترفعين سماعة التلفون وتسئلين عن اخباري انا طيب ولا مو طيب .. هذي وانتي عندنا ونستينا اشلون بكره لارحتي الكويت
فواز . عز الله تمحيك من الذاكره
ناديه. لا انسى روحي ولا انساكم انتم الغالين من ريحت الغاليه .
رنيم. بابا ابي ما ما
الكل ضحكــ.. هههههههههههههههههههه
قال سعود توك داشه مسرع تبين امك
ام سعود. هي متعلقه في امها واجد جعل ربي مايحرمها من امهااااا
قالو اميـــــــــــــــن
ناديه .تعالي رنوم تبين حواوه
رنيم هزت راسها ايه
...............

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 3
قديم(ـة) 14-11-2009, 04:29 AM
صورة البنت الذي كويسة الرمزية
البنت الذي كويسة البنت الذي كويسة غير متصل
©؛°¨غرامي نشيط¨°؛©
 
الافتراضي رد: غلطة وبندفع ثمنها السنين..روايه تخبل رومنسيه جريئه..لا تفوتكم


يسلمووو ع الرواية

وبداية موووووووووفقة




نحتري التكملة

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 4
قديم(ـة) 14-11-2009, 04:32 AM
صورة غلطان يامعاندني الرمزية
غلطان يامعاندني غلطان يامعاندني غير متصل
©؛°¨غرامي مشارك¨°؛©
 
الافتراضي رد: غلطة وبندفع ثمنها السنين..روايه تخبل رومنسيه جريئه..لا تفوتكم


الجــــــــــــــزء 3










فهد دش البيت وحصل ام ناصر والبنات حواليهاا



قال ماشاء الله مكوشين على القدوووع



البنات. هههههههههههههههههه



ام ناصر . يامرحبا بالغالي وسعوا خلوا الغالي يتقهوه



جاء فهد وجلس وحب راس جدته وجلسوا يسولفون



قال فهد انا بكره بروح السعوديه



ام ناصر. وش عند ك؟؟



فهد. شغل مراح اطووووول كلها يومين..



ايمان بمرح:: .قالت. عيل جيب ناديه معك كل يوم تقول بكره وماجات



ام ناصر. بتجي بعد ثلاثه ايام



ريم. وين ناديه نسمع بها ولا نشوفها



فهد. اشوفكم متحمسين تبونها تجيكم



هيونه. علشان يكثر العدد ههههههه



ايمان. لا يبون يشفون ناديه امي تمدحها قايمه وقاعده



ريم.يذبحها الفضول هيونه



هيونه.عدااااااال انتي مااذبحج الفضول كله تقولين متى بتجي والله شكلها تكذب على امي نوره



ام ناصر. من الي يكذب علي صير ي مثلها ولا عليس... هي بس عندها شغل بتخلصه




ام ناصر تكلم فهد . شغلك مع ناديه خلص



فهد. وين يخلص وهي ماعطتني وكالة



هيونه. هي غنيه



ايمان. تقول غنيه ههههههه لعنبو غيرج عندها افلوس تزرع اطعوس



فهد قال بنبره حاده.. ليه عليكم قصور يوم تحسدون البنيه



ايمان. لا والحمد لله بخير ونعمه



ريم. أي والله احمد ربي واشكره الف على هذي النعمه اللي حنا فيها



فهد يعطي نظره للهيونه يعني احمدي ربك



هيونه. الحمد لله على نعمه الامن والامان والا ستقرارو الخير الي نحن فيه



فهدتبسم على دعوة اخته بس ماضحك..



............




في فــلة ناديه



سعود :. يغسل يده بعد ماتعشا وقال :الحمد لله على النعمه دائما..



فواز. بالعافيه



سعود. الله يعافيـــــــك



اغسلتو يدهم وراحوا الصاله شافوا رنيم في حضن ناديه تبي تنام وامهم جالسه تكلم تلفون



قال سعود.ناديه بكره راح امرك واخذك المحكمه تسوين وكاله للـ فهد. علشان يشوف شغله بالشركه



تعرفين انا ما افهم في الشركات ولا شي وفواز راح يسافر بعد شهرين.. وفهد ماشاء الله عنده خبره في الشركا ت وهو كفو لها المرحوم دائم يثق فيه ثقه عميـــــــــــاء



ناديه. ان شاء الله ا للي تشوفه .



............



في بيت ام ناصر



بيتهم عباره عن ثلاث ادوار .. وقبو( سرداب)



فهد كان ساكن في الدور الثاني ولما جات ناديه عندهم نزل تحت في القبو يبيها تاخذ راحتها في البيت ..



وراشد في الدور الثاني مقابل جناح البنات وام ناصر غرفتها تحت ..الدور الاول




الساعه خمس الفجر



قام فهد بكسل من سريره وراح الحمام وتسبح و طلع وراح المسجد بعد الصلاه رد البيت ودش غرفة جدته حصلها تصلي



راح على طول فوق عند جناح البنات دخل عليهم حصل ايمان تصلي وهيونه على الكمبيوتر وريم في الحماااااام



قال فهد . صباح الخيــــــــر ياحلوين



هيونه ابتسمت ..هلاا صباح النور



فهد . جيت اقومكم الصلاه حصلتكم واعين



هيونه. يزاك الله خيــــــــــر



ايمان. هلا فهد مارحت السعوديه



فهد. الحين ماشي يلاتبون شي



البنات :سلااااااااااااامتك



ريم. انا ودي اسافر معك



فهد. ان شاء الله راح نسافر عن قريب في الصيف



ريم وهيونه. صج يا فهد ؟؟



فهد. انا من متى اتغشمر معاكم



يقولها وهو يضحك



البنات هههههههههههههههههههههههههه



ايمان. فهد وش تحس فيه و رقيه وسبيكه خواتك



(وهي تاشر عليهم )



فهد. احلى خوااااااااااااااااااااااات



قاموا خواته نطوا عليه اللي تعلقت في رقبته والثانية توزع قبلات على وجهه



نزل فهد بعد ماودع خواته وعمته



حصل أم ناصر تستناه



يلا يمه تبين شي بمشي؟؟




أم ناصر . الله ويااااك استودعتك الله وشوي اشوي عن السرعة




............



في بيت ناديه



الساعة 10 صباحا



ناديه نامت بعد صلاة الفجر كانت سهرانه على النت



قامت على تلفون خالها يقول لها الساعة 11 بمر عليكــ.. اجهزي



ناديه:



ياربي الواحد مايمديه يشبع نووووووووم لا زم يزعجونه الله يهديك يا خالي



اه ه ه ه ه ه ه ه ه ه ه مدري شنو الدنيا مخبية لي



يالله يافهد عساك تكون أحسن من ابراهيـــــــــم الواطي



قامت وتسبحت والبست بنطلون جينز وبلوزه بيضه طويله نص الفخد واكمامها جبنيز وفيه قصه تحت الصدر



وخذت عبايتها وشنطتها وانزلت تحت تفطر مع جدتها ام سعود



صباح الخير يمه



ام سعود. بدري كان نمتي بعد



ناديه ودي بس خالي صحاني ههههههههههه



ام سعود. عاد ما اوصيك عند العرب لا حد يرقد ويفشلنااااا



ناديه ليه ا فشلك علشان رقدت ههههههههههههههههههه



اكيدبناتهم بعد يسهرون مو انا وبس الناس في عطله ..



افطرت وخلصت وهي تسولف مع جدتها اشوي ويدق الجوال



شافت رقم خالها




الو



صباح الخير جاهزه



ناديه صباح النور ايه من زمااااااااان احتريك



سعود يلا بنزل اسلم على امي



ناديه :اوكي



وتسكر التلفون يمه خالي سعود بينزل يسلم عليك خليني البس عباتي



ام سعود. وينه فديته الله لا يحرمني منهم




ناديه البست عبايتها الكتف والشيله نقاب السعودي لفت الشيله عدل والبست النقاب خذت الشنطه حجمها كبير من ماركة لويس لونها بني والنعال لونها بني صندل كعب وسط؟



صباح الخير يا ام سعوووووود



هذا صوت سعود



................



في السياره



سعود. هلا فهد انت وين؟؟



في الشركه مع اخوي فواز



لالالا تجي انا بمر عليك بعد مااطلع من المحمكه



خلااااااا ص اهداء شورتك وهدايت الله



ياهلا ومرحبا مع السلامه



سكرالتلفون والتفت حق ناديه ماشاء الله عليه رجال وتكانه الله يخليه لااهله



ناديه ماقالت شي اسكتت



اه يافهد الكل يمدحك يترا انت عند حسن ضنهم ولا مثل ولد عمك ابراهيم...



............



فواز. شفت ولدعمك ابرهيم وش سوا



فهد. ايه الشكوى لله الواحد يتجنب الفضايح انا بكلمه وبشوف وش عنده.



فواز. الاخ يحسب انه بيورث مادرا كل شي باسم ناديه..



فهد. حتى لو مو باسم ناديه مايخذ شي منها حلاااال ابوها ويخاشرها فيهااا..



فواز . انت تعرف الي عنده بنت وماعندها اخوان شباب اعيال عمها وعمانها يورثون معاها.



فهد. بس عمي عرف يحمي بنته ويحفظ حلااله كتب كل شي باسم ناديه بيع وشراء والعماره اللي جنب الراشد باسم امه ام ناصر



فواز. لا تلومه بنته الوحيده حب يتطمن على مستقبلها



فهد. الله يلوم الي يلومه... شوفت عينك ابراهيــــم اول من يطالب بالميراث.



انقطع حديثهم على دشت سعود



...............




وبعد يومين



في بيـــــــت نـــــــاديه



ساعة 11مساء




ساره عند ناديه



ساره لابسه بنطلون جنز غامق والبلوزه وردي حرير لين نص الفخد وشعرها لين كتفهاااااااا بني ناعم بس فيه لفه زي الكيرلي طبيعي بس حلو عليها



ساره. موالمفرض تروحين اليوم الكويت



ناديه. بلا بس خالي عنده شغله وبيخلصهـــــا



ساره. الله يوفقه



ناديه. ههههههههههههه والله ولعبتي دور المتزوجه تراعي زوجها



ساره. هههههههه على بالك العب انا ..



امممممممممممممممم انا متحمسه اعيش حياه الزوجيه .. متعرفين وش كثر احب فواز ..



ناديه تطالع ساره نظره حنونه وتبتسم . حتي هو يحبك



سارهـ . وش دراك انه يحبني هوقالك



ناديه .لا ماقالي بس عيونه تقول



ساره. المشكله حب من طرف واحد مايدري ان له مكان في القلب اذا ماكان القلب كله.




من اللي قال من طرف واحد انتي روح قلبي



هذا صوت فواز



مبسوط مره على شعور متبادل بينه وبين ساره




ساره. مرتبكه تدور على عبايتها



وناديه تدف فواز يطلع من الصاله وهي تضحك على ساره وفواز



فواز يطالع ساره بشوق و حنين




ناديه. الله يهديك ياخالي احرجت البنيه



فواز. انا اول مره ادري اني غبي ليه استعجلة ودشيت كان جالس اسمع سوالفكم



ناديه. هههههههههه ليه من متى وانت تسمع سوالفنا



فواز يرفع صوت علشان ساره تسمعه .. من الله يوفقه اللي حب من طرف واحد ..



ناديه. ههههههههههههههههههههههههههه ماشاء الله عليك كنك جالس ويانا



...




ناديه ردت للساره و هي تضحك وقالت سبحان الله سئلتيني هو يحبك هذا ك سمعتي الجواب بنفسك يعني مو حب من طرف واحد



ساره. اه ياقلبي اسكتي قلبي يدق بسرعة خالك ماعنده ذوق كيف يدش مدرعم مايدري عندك ضيوف ؟؟؟



ناديه. الحب ومايسوي .. سمع صوتك اقتحم الصاله ههههههههههه



ساره. حتى لو يمكن فيه احد ثاني غيري مايصير



ناديه. ههههههههههه من ذلحين اتغارين الله يعينك ياخالي



ساره. مالت عليك وعلى خالك.




ناديه دقت التلفون على خالها وقالت تعال حنا بنطلع بغرفتي دش وروح سيده عند امك واخمد عندها هههههههه



فواز . هههههههههههه من الي بيجيه نوم اليوم .. يالله تصبحين على خير




ناديه تقول حق سارهـ .. يالله قومي ساعديني اجهز اشناطي ..



..........








اتريا ردودكم

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 5
قديم(ـة) 14-11-2009, 04:35 AM
صورة غلطان يامعاندني الرمزية
غلطان يامعاندني غلطان يامعاندني غير متصل
©؛°¨غرامي مشارك¨°؛©
 
الافتراضي رد: غلطة وبندفع ثمنها السنين..روايه تخبل رومنسيه جريئه..لا تفوتكم


اهليــــــــــــــــــن

منور يابنت الذي كويسه

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 6
قديم(ـة) 14-11-2009, 05:03 AM
صورة ضي الدار الرمزية
ضي الدار ضي الدار غير متصل
©؛°¨غرامي مشارك¨°؛©
 
الافتراضي رد: غلطة وبندفع ثمنها السنين..روايه تخبل رومنسيه جريئه..لا تفوتكم


يالبى قلبك تسلمين على الرواية الخطيره ولله يوفقك في أبداعك يالغلاوجااااري الأنتظاربس بليزلاطولين علينا...

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 7
قديم(ـة) 14-11-2009, 07:33 AM
صورة الملك السابع الرمزية
الملك السابع الملك السابع غير متصل
©؛°¨غرامي مشارك¨°؛©
 
الافتراضي رد: غلطة وبندفع ثمنها السنين..روايه تخبل رومنسيه جريئه..لا تفوتكم


غلطان يامعاندني
اسم على مسمى

رواية في قمــــ(المتعة)ــــــة

وانا معجب في الرواية

وارجو تقبل مروري

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 8
قديم(ـة) 14-11-2009, 11:41 AM
صورة the preaty women الرمزية
the preaty women the preaty women غير متصل
©؛°¨غرامي متألق ¨°؛©
 
الافتراضي رد: غلطة وبندفع ثمنها السنين..روايه تخبل رومنسيه جريئه..لا تفوتكم


يسلموووووووووو يالغلا على الرواية وباين انها رووووووووووعة من بدايتها
بانتظااااااااارك يالغلا

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 9
قديم(ـة) 15-11-2009, 02:02 AM
صورة غلطان يامعاندني الرمزية
غلطان يامعاندني غلطان يامعاندني غير متصل
©؛°¨غرامي مشارك¨°؛©
 
الافتراضي رد: غلطة وبندفع ثمنها السنين..روايه تخبل رومنسيه جريئه..لا تفوتكم


منوريـــــــــــــــن فديتكم

ابشروا اليكم الجزء 4 و5

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 10
قديم(ـة) 15-11-2009, 02:08 AM
صورة غلطان يامعاندني الرمزية
غلطان يامعاندني غلطان يامعاندني غير متصل
©؛°¨غرامي مشارك¨°؛©
 
الافتراضي رد: غلطة وبندفع ثمنها السنين..روايه تخبل رومنسيه جريئه..لا تفوتكم


الجـــــــــــــــــــــــزء4
بيت احمد
ابراهيم جالس بدوانيه
( هين يافهد انا تطردني من الشركه وتعمم علي عند الموظفين
هيــــــــــــن والله مااخليك تتهنا في الشركه ... والي يقهر هذا الي اسمه عماد شايف نفسه علشانه مهندس خير ياطير ولا بعد يخزني من فوق الي تحت كنه يتحداني شوفني رجعت غصب عنك )
دش محمد وقطع افكار ابراهيم
محمد . الله بالخير اخوي
ابراهيم. اعوذ بالله متى راح تعقل وتغير حياتك وتترك عنك الدشاره شوف شكلك اشلون صاير من الجل اللي في شعر ك
محمد. اففففففففف انت كل ماشفتني سمعتني هذي الاسطوانه
...............
في بيت ام ناصر
ايمان صحت الصبح ومزاجها متعكر ولا داومت اعتذرت منهم
ام ناصر. خير ايمان وشفيك ماداومتي
ايمان. الخير بويهج يمه مافيني شي
ام ناصر . مشعل ماكلمك؟؟
ايمان. لا
ام ناصر . معه حق مايكلمك طالعه من البيت الرجال وماقلتيله وقاشه اغراضك بدون سبب
ايمان. يمه الله يخليج تكفين سكري السالفه
ام ناصر. لا ماني مسكرتها الي متى وانتي حمسانه تبين الطلااق..
ايمان طلاق ياويلي لا انا احب مشعل مستحيل يطلقني وهو بعد يحبني ... قالت .لا مابي اتطلق.. ابي اطلع
بيت ابروحي مستحيل اعيش مع امه
ام ناصر . حرام عليك ايمان تفرقين الولد عن امه هي تحبه ومستحيل تعيش من دونه
ايمان. لو امه تحبه كان مانكدت عيشتي معه هي ماتبيني يايمه تبي فرقاي تبي تزوج مشعل من بنت اختهاااا
ام ناصر . انت عطتيها الفرصه ... جلستك عندي ماهو الحل
ايمان. تطرديني يمه
ام ناصر. ليه اطرد روحي انتي بنتي يهمني مصلحتك مو علشان ساكته عليك كل هاي الفتره تحسبين مبسوطه وانا اشوفك في بيتي زعلانه على رجلك..
ايمان . طيب هو ماكلمني علشان نتفاهم .. كانه ماصدق على الله اني اطلع من بيته..
ام ناصر . تحصلينه مشغول
ايمان. مشغووووووووووول علي يمه
ام ناصر. الله يهديك ... خليني اشوف ناديه مشت ولا مابعد.
راحت ام ناصر تلكم تلفون
اشوي يوصل مسج على جوال ايمان
ايمان شافت المرسل ( لبى قلبك) طاح قلبها ماتدري من شوق ولا من الوله
افتح المسج
(حبنا يا نور عيني لا يضيع
احفظه حتى يلم بنا اجتماع
اشتري حبك ولكن ماتبيع
كيف تنهى عشرة العمر بضياع)
ايمان هي تبكي ولا تفرح صارت اعيونها تدمع ومشتاقه حق مشعل حييييييييييل
دزت له مسج
(ان كنت ما ادري بغلاتي وانا حي شنوو مكسبي كانكــ..حزنت بوفاتي..؟)
....................
في بيت ناديه
في غرفة ناديه ..
مومصدقه ياساره راح اترك البيت ا للي تربية فيه وعشت احلى ايام عمري فيه مع امي وابي اه ه ه ه ه ه ه وتبكي بصوت مسموع
احس اني ضايعه من غير امي وابوي معاد ابي اعيش العيشه من دونهم ماتسوا
ساره. وش هذا الكلام اذكري الله ا خلي ايمانك بالله قوي
ناديه: صوتها مخنوق . موبس بترك البيت الديره ابكبرها راح اتركها تعرفين اشلون اسكن ديره مو ديرتي ياساره..
ساره. وش غريبه وش خرابيط انتي عند جدتك وعمانك . هم اهلك ريحت ابوك .لا تصعبين الاموووووووور....... وبعدين جدتك قالت اذا معجبك الوضع ردي السعوديه..
شوي دق تلفون ناديه اخذت ساره
هذي جدتك ام ناصر
ناديه .هاتيهــآآ
الو
ام ناصر :هلا ناديه هاه مشيتي ولا عادك
ناديه :لا يمه بعدساعه راح امشي تبين شي توصين على شي..
ام ناصر :.. وش فيه صوتك تعبانه و انا امك
ناديه تشاهق .. لا يمه مافيني شي
ام ناصر درت انها تبكي.. يابنتي انتي بنتنا مايصير تعيشين عند خوالك وانا راسي يشم الهواء انتي بنت الغالي والله مااتركك تعيشن عند احد وانا حيه الااذا كان بيت رجلك وغصتها العبره ام ناصر تذكرت ولدها خالد.
ناديه. لا يمه لا تفهميني غلط بس انا........... ماقدرت اتكمل وبكت
ام ناصر والعبره غصتها.بنتي استريحي لا تجين اليوم لاحسيتي انك تبين امك ام ناصر تعالي . البيت مفتوح لك أي وقت وتاكدي كل اللي في البيت ينطرونك مع السلامه
ناديه حست ام ناصر ازعلت عليها. قالت
ناديه . يمه ولي يسلمك لا تزعلين مني انا ان شاء الله اليوم عندكم ( وكملت بمزح)
ومااوصيكم على العشاء ابي عشاء راهي
ام ناصر . ابشري باللي تبينه كم ناديه عندي.. الله يستر عليكم توصلون بسلامه
..............
مشعل في الدوام
كان في مكتبه عنده احد المراجعين وصله مسج
اشاف اسم (نور عيني) الي داز المسج ابتسم
فتح المسج
(أتعبت قلبي من جفاك وتغليــــــــــك
وتاهت بي الشرهه ولا أحد ذكــــــــرها
المشكله قلبي حلف مايخليـــــــــــــــك
ومدري متى ظروفك توقف ضـــــررها
قلبي وعقلي والمشاعر تباريــــــــــــك
روحي هوت روحك وحبك سحـــــــرها
الذنب ذنب الحب ماهو بخافيـــــــك
هذا خطاء نفسي وهذا قـــــــــــــــدرها)
مشعل على طول دق عليها تلفون

ايمــــــان كانت في المطبخ تقول حق الطباخ شنو يطبخ اليوم على العشــــــــاء
ودق تلفونه
لبى قلبك يتصل بك
ردت ابدلع
ايمان . الو
مشعل . احلى الو اسمعه اشلونك ياقلبي
ايمان . مو بخير من بعدك
مشعل يضحك . ماتلامين اكيد بعد مافارقتيني
ايمان. اه ه ه ه صعب اللي يعرفك يقدر ينساك احبك مشعل
مشعل. وانا امووووووووووت عليج.... متى راح تردين للبيتج
ايمان. انت تعرف متى راح ارد
مشعل. اعتقد انا قلت لك اللي عندي مراح يتغير رايي
ايمــــــــان . عيل لا تسئليني متى راح ارد
مشعل ابضيق .. اقول انا اليوم بمركم العصر وراح انهي الموضوع معاك موب حاله أللي نحنا فيها ..مع السلاااامه
ايمان. سكر ابوجهي .. ليه يعصب انا شنو قلت اففففففف

الرد باقتباس
إضافة رد

رواية غلطة و بندفع ثمنها السنين / كاملة

الوسوم
السنين..روايه , ثمنها , بختم , تفوتكم , جريئه..لا , رومنسيه , غلطة , وبندفع
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
رواية حب في المستشفى الجامعي / كاملة angel jolly روايات كامله - يتم نقل الرواية هنا بعد اكتمالها 98 07-01-2020 01:48 PM
رواية مذاكرت بنت العليا / للكاتبة : جين إير ، كاملة كـــايـــد الـــريـــم روايات كامله - يتم نقل الرواية هنا بعد اكتمالها 72 13-02-2017 06:25 AM
رواية الملعونة / للكاتبة : أميرة المضحي ، كاملة Huda 2009 روايات كامله - يتم نقل الرواية هنا بعد اكتمالها 79 14-02-2011 12:18 AM
رواية مرتاح و إلا يتصنع قلبك الراحة » ڠـڔپـﭓ آمــڔگ « أرشيف الروايات المغلقة - لعدم إكتمالها 777 27-10-2010 10:03 AM
مجلس الروايات للإستفسارات و الطلبات ؛ الزعيـ A.8K ـمه روايات - طويلة 2042 24-02-2010 04:37 AM

الساعة الآن +3: 02:58 PM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


youtube

SEO by vBSEO 3.6.1