غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام

عـودة للخلف   منتديات غرام > منتديات روائية > أرشيف الروايات المغلقة - لعدم إكتمالها
الإشعارات
 
 
أدوات الموضوع طريقة العرض
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1
قديم(ـة) 14-11-2009, 10:57 AM
swait girl swait girl غير متصل
©؛°¨غرامي جديد¨°؛©
 
الافتراضي انت الحياة وباقي الناس لي موت


بسم الله الرحمن الرحيم



انتـ لحيــــــــــاة وبـــــــــــــــــــــاقي النــــــــــــــــــــــاس لــــــــــــــــــــــي مــــــــــــــــــــــــوتـ


اليوم جبت لكم قصه 70%حقيقيه
اتمنى من كل قلبي انها تعجبكم
هذي اول رواياتي



ام هادي:يمه نوف شفيك كذا شكلك سهرانه امس صح؟؟ كم الساعه نمتي؟
نوف:يمه مانمت الى الفجرطلبتش خلينـــــــــــي انام
ام هادي :مايسير هذا قانون البيت
نوف بترجي:يمـــــــــــه طلبتش تكفين
بشوفت هادي الغالي خليني انام
ام هادي :دام فيها شوفت ولدي الغالي خلاص روحي نامي
نوف:يافديتج يا اغلى ام بالدنيا باست راس امها وطلعت فوق لما وصلت الدرج شافت الباب ايتبطل ذبحها الفضول تبي اتشوف من الي ماسك الباب ولا يدش راحت عند الباب تبي اتشوف منو ولا ينـــــــــــــــــــط بوجها بــــــــــــــــــــــــــــــــووووووو
نوف بصرااااخ:هـــــــــــــــــــــــــــــادي
امها فزت من اسمعت اسم ولدها جاتهم ام هادي:ياهلا والله بولدي الغالي
هادي:هلا والله فيش يمه؛؛ شخباركم؟
شلونكم؟ بالصراحه اشتقت لكم
نوف:والله واحنااكثر يا عزوتي
حنا بخير انت الي شخبارك
اقولكم عايلة ام هادي::
هادي :يدرس هندسه ميكانيكيه في الخارج عمره 24
طويل اسمر عريض شوي بس عليه عضلات مشاء الله وعيونه اكبار وكلها رموش وسودا
ونوف:عمرها 22
طويله سمرا شعرها لي نص الظهرلونه اسود تدرس طب
بس نوف فيها فرق عن العايله كامله عيونها خظرا على صفرا
عندهم اخ اسمه راشد:عمره 21
يدرس في كلية الطيران وانسان ما يحب الى الدراسه
واختهم الجوري:بطلتنا عمرها 18
في آخر سنه ثانوي وتكره شي اسمه دراسه بس انها اتشد حيلهافي الدراسه عشان ادش طب امنية الوالد الله يرحمه
محمد:عمره 17
غرين الجوري ايموت اذا ما تهاوشو
ايدرس في مدرسه خاصه فاشل

واعطيكم فكره عن ابو هادي قبل ما يموت ب5 اشهر طلق ام هادي تزوج
بعد شهر من طلاقه تزوج وحده ثانيه اسمها نوره لما احملت في الشهر الثاني مات :الله يرحمه:
جابت ولد اسمه سعد
الجوري انزلت تركض من الدرج على صوت الضحك الي تحت وجات وتنقز على هادي مو هو الي مربيها وقعدت اتبوس فيه وامها اتهاوشها وهادي مغفوص تحت الجوري وقول:يمه خليها مشتاق لنقزتها
يوم خلصت تبوس في هادي اجلست في جنبه
هادي :ها شخبارش يا الغلا
الجوري متأثره في المسلسلات التركيه:منيحه بشكر الله
هادي: انا داري ماراح اخربش الا ذا المسلسلات
الجوري :هذي المسلسلات اجمل مافي التلفزيون
هادي : اوكي بس تكلمي معي بسلوبش الي انعرفه
الجوري :خلاص يا جعلني افديك بروحي
نوف منبطه جبدها من هادي و الجوري
وتصارخ:هـــــــــــــــــــــــــــــــــــي انتو شفيكم اتساسرون
هادي حب ايغيظها:وانت وش دخلك بتكلم انا وبنتي:.ما لحد خص فينا
نوف واهي تنقز في جنب هادي:حبيبي هداوي انا اختك
هادي:لا ليش عيونك خظرا واحنا لا
نوف: قول مشاء الله
هادي :مشاء الله,ببس مانبي انتكلم معش انت اجنبيه اعيونك خظرا
هادي يدري انها ماراح تزعل بس مايدري انها تنجرح من هالكلام
قامت نوف بعد ماصار وجهها احمر ما تبي احدد ينتبه وراحت ركض لدارها
شافها راشد وهي رايحه الغرفه درا انها تبكي لأنها ما انتبهت له
وراح لها الغرفه شافها نايمه على السرير وتبجي وعلى فكره نوف ما تطلع الي في قلبها الى الراشد وفاطمه
جلس في جنبها على السرير وقعد يمسح على راسها وهي لما درت انه راشد الي يكلمها قامت وحظنته
قالت :رشودي شفيهم علي كله بس اعايروني بعيوني
راشد:ما عليش منهم هم اصلا ايغارون من اعيونش لأنها حلوه وعيونهم اتجيب المرض
بعد محاولات ابتسمت نوف لراشد الي جلس يهديها ساعه وبعدين انتبهت لوجه راشد لونه متغير
نوف:رشودي اشفيك لون وجهك متغير
راشد :هههههههه اكيد من الدراسه
نوف:بس شوف يا رشود انا كاني ادرس طب أصعب من الطيران ليش
اتسوي في نفسك كذا
راشد بلاك والله ما دريت بالي فيني وانا اخوكي:خلاص ما عليه الطب هين بس عشان خاطرك بنام بكير واصحــــــأ بكـــــــــــــير وآكل واشرب زين كذا
نوف:ايه زين بس لا عاد اتعيدها تسهر ولا تاكل
راشد كان ايحب وحده كلمها في التليفون اسمها جواهر وتقابلو كذا مره في مطعم لكن هي زوجوها اهلها بالغصب من ولد عمها وراشد لما الحين ايقول ما اقدر احب غيرها
وهو ايموت في شي اسمه شعر اهو يكتب شعر بس هلأبيات دايم ايرددها


ليت العمر يفنى ما فارق خلان
ولا عرفت اشلون فرقا الحبايب
الله يعين الي على مر الأزمان
عايش العمر وحده بوسط اللهايب
..............................................

ونزلت نوف للجمعه الي تحت على العشا قال هادي للجوري:جوري روحي نادي راشد بسرعه ولا تعشيت
الجوري :اوكي ثواني
ولا تروح الجوري ركض وتبطل باب غرفة راشد وتمسكه من يده وتسحبه ليما الدرج وقف راشد وقال:هــــــــــــــــــــــــي انتي يا المصرقعه
الجوري :لو سمحـــــــــــــت لا تسب شفيك
راشد:شنو لا اسب انت دخلتي من دون غطا وفيصل ولد عمي داخل
الجوري اشهقت شهقه خلت راشد ينقز:شتقول انت
راشد: الي سمعتيه ثاني مره حاسبي
الجوري :اوكي بس شوف انا ما راح انزل قول لهم راحت اتجيب غطاها وانت نزل فيصل خله ايتعشا
دخل راشد على فيصل لقاه مبتسم فيصل كان اول مره يشوف الجوري من يوم ما تغطت منهم في ثالث متوسط
راشد: هيه يا الأخو شفيك مسبه
فيصل :هههههههه لا ما فيني شي ببس من الي دخلت قبل اشوي
راشد: وانا اقول اشفيه الأخو سرحان اثر السبب كله الجوري
فيصل :هذي لجوري لاما اعتقد فيه احد ايتغير كذا
راشد:يا اخي فيه احد ايضيع بين خواته هذي الجوري وبس يالله انزل انتعشا
فيصل:بس اخاف احرجها
راشد : لا ماعليك ماراح تنزل
فيصل: عجل ياله ننزل
بعد ما خلصو الشباب العشا رجعو ايكملون دراسه المساكين عندهم اختبار بكره
راشد كان طول الوق سرحان ايفكر في جواهر!!
فيصل ايعرف بسالفة جواهر بس ما علم احد لأن راشد محذرهـ
فيصل:رشود شفيك سرحان لا يكون في جواهر ترا بطيت جبدي كل يوم ماتكلم الا عنها صاجني فيها
راشد:هههههه والله اموت بترابها :أصلا انت شدخلك
فيصل:أقول انجعم يا روميو زمانه

.........................................
بعيد عن الشباب ؟؟؟؟؟
كانت الجوري اتشوف فلم في الصاله تحت الساعه الحين 1.30 بالليل
كان فيصل توه مخلص دراسه هو وراشد ما كان يدري ان فيه احد في الصاله جا يبي يطلع ولا يسمع صوت التلفزيون جا يبي يدش الصاله ولا يشوف الجوري اتابع فقام ايناظرها لما شافها قامت من مكانهابسرعه طلع كان ايقول ياكثر ما حبها هالبنت ليتها اتصير من نصيبي بس ادري انها ما راح اتوافق الا على واحد غريب ماهو من العايله وهي كانت اتقول لي ان هي ما راح اتزوج من عيال اعمامي
ركب السياره واول ما شغلها ولا يشوف الجهه الثانيه من البيت تحترق درا انه المطبخ ولا يروح ركض يبي يطلع الي في البيت ودق على الشرطه
اول ما دخل راح للجهه المحترقه يبي ايشوف فيها احد ولا يلقا الجوري مغمى عليها ويروح ويشيلها ويغطي وجها بالغتره ويحطها في السياره ويدخل البيت ويقيم راشد عشان ايساعده في تطليع الي في البيت ويروح غرفة نووف ويغطيها بالشال مالها الي على الطاوله ويوديها السياره
ويدخل مره ثانيه وشافهم كلهم برا معدا محمد راح بسرعه لغرفة محمد وقومه من النوم بس محمد ثقيل نوم
قاله وهو يصارخ :مــــــــــــــحــــــــمد بسرعه حـــــــــــــــــــريقه في البيت
محمد:يا أخي لا تكذب علي أي حريقه
فيصل : وقت الكذب الحين انا والله ما اكذب
محمد :لما شافه حلف درا انه ما يكذب وينقز بسرعه قال زين وين الأهل
فيصل:الأهل كلهم برا بس ياله خلنا نطلع قبل لا تزيد النار
وطلعو
الجوري لما الحين مغمى عليها لأن الانفجار كان في المطبخ وإهي كانت عند باب المطبخ وصابتها بعض الحروق الصغيره
ودوها المستشفى وام هادي راحت اهي وعيالها لبيت اختها وراشد وفيصل ودو الجوري للمستشفى وهادي راح وياهم
بعد ما طفوالبيت لقو انه انفجار في انابيب الغاز

(في المستشفى)
كان هادي وراشد وفيصل الي فيه حروق في يده بس صغيره
مو نفس الجوري الي بعض الحروق في وجها بس هادي قال والله لا اسوي المستحيل عشان بنتي اهي اهم شي في حياتي قال للدكتور اسوي عمليات تجميليه عشان ما يبان شي على وجها من حروق
(في بيت اخت ام هادي الي متزوجه اخ ابو هادي)
ام هادي كانت طول الوقت تبكي تبي اتروح لبنتها بس اهم قالو لا يبونها ترتاح وبعد عملية الجوري ايودونها
نوف:كانت الجوري اتكلمني تبيني اسهر وياها لا مايسير كذا قولي لها يا خلود قولي لها ابي اسهر وياها الجـــــــــــــــــــــــــــــوري
كانت نوف في حاله يرثا لها كانت في شبه هستيريا
خلود كانت تبكي بس ما تبي اتزيد على نوف :حبيبتي نوف اختش ما فيها شي بس الله اما انها حروق بصيطه ولا راح اتسوي بوجها شي
نوف:بس يا ليت الي جاها فيني ولا فيها
خلود:لا تدعين على نفسش انتي تدرين انش اغلا من روحي علي
نوف: ايه ادري وانت قطعه من كبدي بس بتظل هذي اختي
بعد ساعه من الكلام وقراية خلود عليها نامت نوف وطلعت منها خلود ونزلت عند امها
خلودوهي اتصارخ :يمــــــــــــــــــــــــــه وينش
ام جاسم:هلا يمه لا تصارخين ام هادي ما بغت اتنام جالسه وتبكي بنتي احترق وجها
خلود: حتى نوف ما بغت اتنام اتقول يا ليت الي فيها فيني
(في بيت العم راشد)
اول مره ندخل هالبيت سمو بسم الله
علي : يالله يا فاطمه بسرعه لا نتأخر على ام هادي ونوف
فاطمه :زين ياله طيرتني كل هذا عشان نوف
علي:فطــــــــــــــوم انطمي
فاطمه:زين خلاص انا خلصت
علي عمره 24ايحب نوف من يوم ما كانو اصغار
فاطمه عمرها22 صدية نوف وتدرس وياها في نفس الجامعه
وصلو بيت عمهم سعد بسرعه غير متوقعه
ونزلت فاطمه تركض بسرعه اول ما بطلت باب البيت الداخلي ولا تدعم جاسم وتوخر منه بسرعه وتدخل ما اهتمت اهو منو بس تبي تدخل على نوف واهو ايطالع مصدوم منو هالملقوفه الي دعمته ولا اهتمت ولا اعتذرت
اول ما شاف علي داش راحله بسرعه
وقاله:هي انت منو الي انت جايبها
علي:منو غيرها فطوم
جاسم:صج اختك هاذي يبيلها طق
علي: افا وانا اقول محد بفاكني منها ويتزوجها الا انت
جاسم: لا ما راح اتزوجها الا لما اتقولها تعقل
عند البنات نوف من يوم ما شافت فطوم واهي مشتغله بكي لان فاطمه تشبه الجوري حيل بس الجوري على اجمل وابيض وشعرها طويل
فاطمه:نوفه حياتي شفيك خلاص لا تبكين
نوف:شلون ما ابكي واغلى انسانه في المستشفى لاو تسوي عمليه وانا محرومه من شوفتها
فاطمه:لا انت محرومه ولا شي بس الله اما انها دخلت المستشفى تو فيصل مكلم علي وقايل له انهم بسون لها عمليه وبعد اسبوعين بفكون الشاش من وجها بس هذا هو موجز الاخبار تا بعونا غدا في نفس الوقت
نوف :يعني بكره نقدر انروح لها
فاطمه:ايه بكره تقدرين اذا صكتي
نوف بعد كلام فاطمه ارتاحت:يا ياعلني ما اذوق حزنش
فاطمه:ولا انا يا الغاليه
...........................................
(**في المستشفى**)
كان فيصل توه مضمد اجروحه الي في يده ويكلم هادي
هادي:والله ما ادري اشلون اشكرك ولا ارد الجميل لك
فيصل:والله وانا اخوك ما يحتاج انا ساعدت اهلي ما هوب ناس اجناب
هادي:بس الي انت سويته ماهوب هين
فيصل:وش الي انا سويته؟؟ غير اني طلعت اهلي من البيت الي يحترق
اسمعو اذان الفجر قاموا ايصلون بعد الصلاه رجع فيصل البيت وراح راشد ايطمن امه ان اخته بخير باقي ساعتين وتخلص عمليتها
وجلس هادي اتذكر يوم ان الجوري اصغيره يوم كانت اتغار عليه من محمد وكله اطقه وتهاوش وياه وتقوله انا ما احبك اذا انت تحب محمد
كان هادي اتذكر كل طفولة الجوري
كان حسبة الأبو لها كان ايموت على التراب الي اهي تمشي عليها بعد ساعه من الذكريات طلع الدكتور
فز هادي لما شاف الدكتور مقبل عليه
هادي: هاه يا دكتور شخبار الجوري تكفا يا دكتور شخبار بنتي
الدكتور وهو يبتسم:الحمد الله كل شي اوكي تغبلها للعمليه تم بنجاح
هادي من الفرحه باس راس الدكتور :مشكور يا دكتور بس قلي وين القبله اشره الدكتور على القبله وبسرعه سجد هادي شاكر لرب العالمين
هذا كله الساعه 7.30
دز لراشد مسج ايبشره بالي قاله الدكتور ركض راشد الي كان جالس في الدونيات دش البيت وهو يصارخ
وما انتبه بالي كانت في الصاله:يمــــــــــــــــــــــــــــــه
يمـــــــــــــــــــــــــــــه وينش بسرعه تعالي
ام هادي:خير الله ام اجعله خير شفيك مسبب صجه في البيت
راشد:خير يا يمه خير بس الجوري اقول الدكتور انها اطلعت من غرفة العمليات وان جسمها تغبل العمليه
كانت الي في الصاله ساره بنت عم الجوري وفي نفش السنه في المدرسه وهم دايم مع بعض بس الفرق بينهم ان الجوري فيها ربو وساره فيها حالة اغماء السبب غير معروف
سمع راشد الشهقه الي هزته بالكامل
كانت شهقة ساره لما لف لقاها مغمى عليها درا انها ساره لما الحين ما تغيرت بس انا شقاعد افكر فيه هذي بنت عمي بسرعه خلوني انادي احد من اخوانها اينادي بس ما فيه احد من الصبيان ولا ينادي نوف
لما جات نوف:لبيه يا راشد
راشد:بسرعه ساره مغمى عليها غطيها وطلعيها لي برا
نوف راحت لاكض اتجيب غطا لها ولساره
اول ما اطلعت نوف وهي تجر ساره جر نزل راشد وبدون أي مقدمات شال ساره وحطها في السياره وركبت نوف في جنبها ويمشي راشد بسرعه قاتله لما وصل المستشفى ولا يلقى جاسم اخو ساره ويناديه ويقوله ان اخته اهنا في المستشفى
جاسم: لا هنت يا ابو جابر جميلك انرده انشاء الله
راشد:ما يحتاج وانا اخوك اهلك هم اهلي ولا عشان الجميل والله ما تسوي شي وانا اخوك
جاسم:ليه وانا اخوك
راشد:هذاك قلتها وانا اخوك متى صار رد الجميل بين الإخوان
جاسم:والله انك نعم الأخ
راشد:لا يحتاج لا يحتاج ادري انك مفتخر فيني صح
جاسم: بدا الأستهبال
.......................................
(**عند البنات**)
كانت ساره ليما الحين مغمى عليها بس نوف راحت شافت اختها لما درت انها بخير ردت لساره الي بعد ساعه صحت كان الي عندها جاسم ونوف كانو الاثين طاقينها سوالف وكوفي جلست ساره :صبتكم ابطونكم انتو الثنين شفيكم انا تعبانه وانتو كوفي وسوالف
جاسم:اسف ماما انا فكر ما في شغل ما دام انت تعبان ما يسوي نظيف
نوف:آااا ماما هذا سايق ما في كويس هو ما يبي انا شغل مني هو قول خلينا انهرب ويا بعظ بس انا قول احنا مو في هند ابوك يا غبي احنا في الكويت
جاسم وهو يضحك:آآآآآ ماما هذا خدامه قول خلي سوي مريض بيبي ازا مريض احنا انروح كوفي بس فيه مشكله انتي ما يعطي انا معاس ولا انا يودي هي كوفي كويس سوي جباتي كويس ويا شاي وسمبوسه
نوف:بعد فيه مسكله كبير هزا بابا راشد يمسك انا سوي نظيف هذا وهذا بس انا قول معصي خدامة ابوك انا
انا خدامه مال ماما ساره بس
ساره:بس مالت عليكم عورتوني بالضحك
جاسم:آآآآآآآ ماما ساره ما في كويس كل سوي سوي جننجن عسان انا قول مايبي روح هزا مكان هزا مكان مافي كويس كلو سباب
نوف:آآآآآآ ماما ساره يبي كلو مكان في سباب يبي يحطي رقم
جاسم:انا قول من زمان هزا ماما مافي كويس بيبي هي يبكي هي ما يسيلي قول حق انا بابا ويقول حق خدامه ماما سلون كزا ما في كويس
نوف:آآآآآ بعد هي سوي قوم انا بليل قول تعالي سيلي بيبي انا قول معصي سوي قوم انا عسان بيبي لا والله انا ما يقوم
ساره:خلاص حرام عليكم ارحموني اشوي
جاسم حب ايخليها تضحك اكثر : انا قول هزا ماما مافي كويس سوفي هي يزهك واجد يمكن يسرب ويسكي
نوف:آآآآآآ هي يسرب سنبانيا(شنبانيا)
انا سوف داخل الغرفه لما انا يبي سوي سهر حق بابا
ساره:ههههههـــــــــهههههههههههه خلاص تكفون
الي قطع عليهم تليفون نوف كانت نغمتها ياخوي يا عزوتي مالت الجسمي
نوف:لبيه يا راشد
راشد:يالله انا برا مابي اتأخر اكثر على الدوام
نوف: انشاء الله الحين نازله
راشد: ياله مع السلامه
نوف:مع السلامه
جاسم: لا وين رايحه تو الناس
نوف:والله انا عندي دوام مو فاظيه
جاسم: لا والله وش هالدوام الي مو راضيه اتأجلينه ليوم ثاني
نوف:والله وانا اختك عندي اختبار اليوم
جاسم: عجل الله ايوفقش يا بنت العم المصونه
نوف وهي طالعه :مع السلامه
جاسم وساره :الله ايسلمش
اطلعت نوف لراشد الي جلس ينطرها ربع ساعه على قولته
راشد:خير يا الخانم متى كنتي ناويه تطلعين
نوف:يا الله بدى الاخ في التشخيط
راشد:شلون ماتبيني اشخط وانت مخيستني برا
نوف:خلاص آسفه ما اعيدها مره ثانيه
راشد:لا خلاص رضيت بس لاتعيدينها
نوف بعد ما وصلها راشد للجامعه كلمت وحده من صديقاتها تبي تشوف وينهم متجمعين عشان تقعد وياهم ليما وقت الإمتحان كانت اتسولف مع وحده من ريفاقاتها اتذاكر للمتحان ولا تجيها وحده دايم اتسب نوف بس نوف صاكته عشان ماتبي اتلم الشباب الي في الجامعه
سلمى بصوت عالي:الا اقول نوف بيتكم مو كنه احترق
نوف:ايه بس حريقه اصغيره وما اثرت في البيت الا المطبخ
سلمى:بس سمعت ان اختش في المستشفى
نوف:ايه بس احروق بسيطه في يدها ماتبي اتعلمها ان اختها محترق وجها تنشر السالفه
سلمى:بس الي انا سمعته غير
نوف:شنو سمعتي
سلمى:الي سمعته طال عمرش ان اختش احترق وجها
نوف:الي قال لش الخبر كذاب
سلمى:بس الخبر مضمون
نوف:مو انا اختها اعرفها اكثر منش
سلمى:بس الي قالي الخبر هو الدكتور نفسه الي سوا لأختش العمليه التجميليه
نوف:الي كلمتيه رجال كذاب ماهو الطبيب الي مسوي لأختي العمليه ولا يمكنه ما هو طبيب في الأساس
سلمى بعد ما بان عليها التوتر:الا انا ضامنه الخبر ومتأكده ان الي اكلمه دكتور
نوف:لا والله يمكنه طبيب نفسي شوف حالتش النفسيه يا المريضه نفسياً
سلمى من اسمعت كلام نوف وهي اتحاول اتهجم على نوف تبي اتطقها بس نوف واقفه بكل برود ليما جا الأستاذ وكلم سلمى ليما هدت وقامت تبكي
نوف بصوت عالي:ما قلت لكم مريضه نفسياً ها البنت مو طبيعيه
سلمى: انا مريضه نفسيا يا بنت .......
انا ارويش يا ال......
نوف من اسمعتها اتسب ابوها وهي قايمه اتهاوش لا كن فاطمه امسكتها على آخر لحظه
..........................................
بعد الهوشه بثلاث ايام وفي المستشفى
الحين صار للجوري اربع ايام في المستشفى بس الا الان ما شالو الشاش من وجها
اليوم كلهم جو ايزورونها عشان المستشفى اتصلو على هادي قالو ان الجوري صحت من بعد الغيبوبه الي دشت فيها بعد العمليه
الدكتور:استاز هادي بنتك الجوري خلاص صحيت ازا فيه احد يبي ايزورها بهالوأت
هادي: ايه الحين انجيها كلنا
الدكتور: اوكي بس ترا اليوم نبي نشوف تأثيرات الحريق على الحواس عندهاونبي انفك الشاش من وجها
هادي:اوكي باي
الدكتور:باي
بعد 15 دقيقه كان هادي وامه واخوانه كلهم في المستشفى
هادي كانت الفرحه مو سايعته:ها يا دكتور وين الجوري
الدكتور:هون في الغرفه بس ترا ما فكينا الشاش من وجها
هادي:عادي بس اهم شي انشوفها
الدكتوردخل هادي واخوانه وامه على الجوري الي من اول ما دخلو وهي اتقول لأمها انا متأكده اني ماراح اشوفكم مره ثانيه وامها واخوانها الي ما بعد اطلعت دمعة الواحد منهم الى لما مات ابوهم الحين الكل يبكي على كلام الجوري الي من اول ما اسمعت ابكاهم قالت ليش تبكون ما ينفع البكي دام الوقت فات
هادي:الجوري بس خلاص ترا انا ما استحمل اكثر من كذا
الجوري وهي اتكح:وش ما تقدر تستحمل ان اختك صارت عميا خلاص ما عاد نقز عليك اذا جيت من السفر وانت يا راشد ما عاد ادخل عليك وانت عندك واحد من ايال عمي وانت يا محمد ما عاد اتهاوش وياك على الريموت خلاص بتابع المباريات بكل راحه
محمد:لا يا الجوري انت بتشوفين بإذن الله
الجوري:انت اكيد اك اتحلم
محمد:وين اتحلم وانا من يوم ما دخلتي المستشفى وانا افكر فيك ما اقدر انام
الجوري:محمد انت قاعد اتكلم من انا متأكده اني ما راح اشوفكم
جا الدكتور فك الشاش من وجه بس كانت العمليات كثيره وخيوط وش كثرها في وجها هادي ما استحمل وطلع وهو يبكي لأن الجوري اطلعت ما عاد اتشوف من اثر الحروق الي جاتها
الجوري : انا ما قلت لكم اني ماراح اشوفكم مره ثانيه
بعد هالكلام بربع تقايق بعد الصدمه الي حلت على الجوري دخلت في غيبوبه وامها الي ما وقفت بكي
الدكتور:هذا شي عادي يا استاذ هادي الي يصيب كل مريض لما يدري وش الي صابه واختك الي صابها ما هو هين الي صابها ما نقدر انسوي لها العمليه العمليه خطيره اوصيك بالخارج لأن العمليه ماراح اتفيد اهني راح ايصعبون عليها النجاح
هادي:الي الله كاتبه بيصير وانا ناوي اسفرها بإذن الله
الدكتور: انشاء الله ترجع الجوري بالسلامه
هادي: الله ام آمين
............................................
الجوري بعد ثلاث اشهر صحت من الغيبوبه وتسمع كلام مو مفهوم وهي تحاول تفهمه درت انها في مكان غريب وقامت اتصارخ وين انا؟ وين امي؟ وين هادي ليش مخليني هني؟
هادي: يا الجوري اهدي انا هادي الحين احنا بلندن ابي اعالج اعيونش
الجوري:تكفا هادي ابي امي !!امي وينها ليش ما جات؟
هادي: امي ما جات عشانها ما تقدر اتخلي البيت ولا تقدر اتخلي اخوانش
الجوري: طيب انت قولها الجوري تبيش واهي بتجي الله ايخليك هادي ما اقدر اعيش بدونها
هادي: ولا هي تقدر بس القدر قدر ايفرق بينكم عشان انتي يبيلش اعلاج ويمكن ايطول
الجوري:طيب ابي نوف ولا ساره ولا جود بنت عمي راشد
هادي: ساره هنا بس في الفندق من اليوم كانت في جنبش وجود بعد هنا بس جود ما اقدرت تدخل مع جيتها ادخلو الدكاتره اينادوني ايعلموني انش صحيتي
الجوري:صدق آمانه نادها
هادي:هذا اذا رضو الدكاتره
الجوري :رضو ولا انرضو ابيها ادش علي بسرعه يا هادي بس والله اني مشتاقه الشوفتها بس انا ما اشوف
هادي:بس عن هالسيره بتشوفين عن قريب بإذن الله
الجوري:انشاء الله بس بسرعه ابي جود
ادخلت جود على الجوري بعدين تغطت الجوري عشان عبدالله اخو جود صديق الجوري من الطفوله بيدخل
عبدالله:ها يا الجوري وش الأخبار
أي ونسيت اقول لكم الجوري فكت الشاش الي على وجها ولا بقى أي اثر في وجها
الجوري: والله شوفت عينك يا عبدالله انا لاني اشوف عشان اعطيت اخبار وجهي
عبدالله: لا تقولين كذا يا الجوري والله العظيم انش كنش اختي هالهبله الي جايبتني للندن عشان بس اتشوف وجهش
جود:اقول يا ابو تنبا ليش ما تنطم لا ادوس ابطنك اهم ايتهاوشون والجوري ميته ضحك عليهم من زمان عن هاللهواش
عبدالله:وانتي يا الجيكره شفيش تضحكين علينا لا يكون استغنيتي عن الهواش ترا انا لما الحين فيني حرت الطق الي خذيته من ابوي الله يرحمه
عشاني طقيتش بس والله ما اخليش الحين جا يبي ايتهاوش وياها ولا تسمع صوت واحد !!اعرف صوت منو وتصكت الجوري من الضحك انصدمت ما كانت متوقعه انه بيجيها ليما لندن كان ولد خالت امها اسمه فهد
الجوري:انت شتبي وش اتسوي هنا انا مابيك عندي في الغرفه وقامت اتصارخ اطلع برا طلعوه طلعوه ما ابيه اكرهك اكرهك ولا اتقومها ساره من النوم ما احد يدري بسالفة فهد من اعيال عم الجوري بس ساره
الجوري بعد ما صحت قالت:ساره فهد مومجود عندي بالغرفه صح ؟ انا ما ابيه عندي في الغرفه اذا اهو موجود طلعيه برا قولي له الجوري ما تبيك
سبب خوف الجوري من فهد ان الجوري مره لما كان عمرها 10 سنوات شافت فهد جاي بيتهم وهو سكران وكانت خايفه من صراخه لما جات الدونيه لقت فهد ايطيق هادي كان عمره تقريبا 20سنه بس كان خربان بشكل يصدم الكل !!&&هو خرب بعد ما ماتت امه كان لطيف عندها كان غير عن اخوانه كلهم كان اطيبهم عند امه بس بعد موتها تغير بشكل ايخوف
جود:انتي اشفيش مره تصحين ومره لا كذا فجأه طحتي علينا حتى عبود قام ايصارخ وانتي اتصارخين طلعوه وهو يسأل من الي انطلعه وانتي اتقولين طلعو فهد من الغرفه الي انا فيها!!!الا من هو فهد الي انتي اتكلمين عنه؟؟؟
الجوري:وانتي وش الفضول الي عندش
جود:بس قاعد اسأل والله العظيم مو آخذ شي بالغصب
الجوري:لا بس ما احب احد ايتدخل في اشياء امي مادتري عنها بس هادي اهو الي يدري
جود:يبه كليتيني بقشوري بس عشاني سألت
الجوري:خلاص يبه سكري هالسيره تكفين
جود:خلاص اعتبريني ما تكلمت في السالفه
الجوري:اوكي بنات خلونا انخلي الشباب يدخلون لا يدوسون ببطونا الحين ترا هادي ميت جوع والاكل هنا في الغرفه
البنات:انشاءالله وقامو البنات كل وحده اتنادي اخوها عشان الاكل
هادي:يرحم ايام الجوري اهي الي تناديني
عبدالله:لاتسوي لنا فلم هندي لك ولختك ترا والله مليت
الجوري:يابوتنبا والله اذا ماصكت لا انادي الدكتور عشان ايطلعك
عبدالله:لا خلاص خليني آكل بعدين اطرديني<<<ايقولها بطنازه عشان ايضحك الجوري
الجوري:يا مال البط بس عشان الأكل وانا اقول ليش جاي للندن
جاسم:وش تبين منه غير انه ياكل دراسته ومخليها على صوب آخر اهتماماته
الجوري:وانت من متى هنا
جاسم:من يوم ما نادتني ساره
الجوري:ومن متى نادتك ساره
ساره:مو انتي قلتي نادو اخوانكم ونادو اخوي وياكم
الجوري:بلا بس انا قلت نادو اخوانكم مو بقركم
جاسم:افا والله ما هقيتها منش يا بنت عمي
الجوري:عشان تلزم احدودك مع عبودي
عبدالله وفي ثمه اكل:يا فديتش والله خلاص الحين انتي رفيقتي من الأول كنتي منتي رفيقتي عشانش اتخلين ابوي ايطقني لا كن الحين لا جيت ابي اطقش قامو علي الي في المستشفى كلهم لأن كلهم ايعرفونش ما في احد في الكويت ايعرفش الا جا اترسو المستشفى الحين المستشفى مشتكين للشرطه اطردو كل الي جايين عشانش
الجوري:اثرني مشهوره الى ذا الدرجه
ساره:لا والله انه من الطيبه الي في قلبش وروحش الرياضيه والوناسه الي اتسببينها اذا جيتي لأي بيت وجمالش الي الكل يبي مثله
جود:اول مره اتكلمين صح ياساره
ساره:أي والله اول مره اتكلم كلام حلو مثل كذا وقامو الشباب يضحكون على البنات الي كل وحده اطلع فضايح الثانيه
الجوري:اهم شي لا احد يطلع بلاويي
ساره:لا والله يا ام جاسم
الجوري:لا والله يا ام عبود
الكل استغرب من الكلام الي يقولونه الا جود الي كانتمتناع ميته ضحك لأنها عارفه معنى كلامهم
هادي:شتقولون انتي وياها وش ذا الكلام لايكون عندكم اعيال صدق
الي كانو ايقولونه البنات نغزات عشان الشباب ما يفهمون كان يا ام جاسم يعني يا الي تحبين جاسم ويا ام عبود يعني يالي تحبين عبود
الجوري:حرام والله ما اقدر اضحك اكثر والله لا اتعب
هادي:يبه فهموني شالي اتقولونه
جود:لا مالكم ياالشباب دخل في سوالف النسوان
ساره:ياويل الي بتعلم على الي نقوله
الجوري:لا اتحديني والله لا اعلم وافضحش
ساره:عشان افضحش انتي بعد عاد كلهم اهني يعني الفضيحه بتسير جماعيه
جود:اشرايكم اعلم عليكم ترا والله لا اسويها
الجوري:لا والله لا تعلمين لا اعلم عليش الي انتي مسويته
ساره:لا والله لا تعلمين لا اتكلم في ام خالد
خالد هذا ولد اخت ام جود مشاء الله مزيون شوي عليه
جود:لا حرام عليش لا تسوين كذا والله لا ازعل عليش عاد مو واحد الموجود اثنين لو واحد كان اهون كانت تقصد اخوانها كان علي وفيصل
فيصل:ياويلش لا ما اتكلمين يا الجوري ولا انتي يا ساره والله لا أسوي شي ما احد قد سواه
هادي:وش بتسوي يعني في أختي
جاسم:والله لا تسوي شي في أختي لا أسوي فيك شي ما احد قد سواه في ولد عمه
عبدالله يستهبل عليهم:لا والله لا تسوي في اختي شي لا اسويك دجاجه
فيصل:يعني وش بتسوي يا بو تنبا
عبدالله:لا يا الجموسه بسوي شي ما عمرك شفته <<<<قالها وهو ايقلد طريقة فيصل في الكلام ويتطنز عليه والبنات ميتين ضحك
الجوري:شرايكم تطلعون ياشباب ادوجون في لندن مع بردها الي ايجيب العافيه
عبدالله:أي والله شباب اشرايكم
هادي:أي والله ضقت وانا في المستشفى ابي ايطلع ارفه عن نفسي
............................................
(**في الكويت في بيت ام هادي**)
نوف:والله اني مشتاقه للجوري
ام هادي:والله وانا اكثر شكلي بكلم راشد ايوديني لها !!نوف يله فديتش دقي على راشد خليه يحجز لنا طياره للندن ابي اشوف بنتي
نوف:انشاء الله فديتش يا الغاليه ودقت نوف على راشد الي كان قاعد على البحر ايفكر وين بينتهي مع ذكرى جواهر قطع عليه سرحانه تليفونه الي كان مكتوب على الشاشه ملاكي كانت نوف ايسميها ملاكي والجوري ملاكي الصغير
راشد:لبيه يا ملاكي
نوف:لبيت وانت حاج يا الغالي امي تبيك تحجز لنا على اقرب طياره للندن تبي تشوف الجوري
راشد:لحظه اتقولين امي تبي تركب طياره وبعد الوين للندن لا انتي تكذبين
نوف:متى عمري كذبت عليك يا راشد
راشد:لو الجوري اتوقع منها تكذب لأكن المشكلة انه أنتي الي قايلتلي
نوف:المهم بسرعة احجز لنا كلنا حتى محمد
راشد:محمد أيخاف من الطيارة
نوف:لا الاخو تغير ساير معد أيخاف
راشد:والله وتطورت منفوحه
نوف:اقول لا طول ما عندي رصيد
راشد:افا وانا اقول اختي بتعطيني افلوس الرصيد
نوف:يبه طير ما عندي الا الي ايكفيني لغراضي في لندن ما ودي اطلب امي
راشد:طيب كم معش
نوف: تخيل رايحه للندن وما معي الا الف دينار
راشد: العن خيرش الف وانا رجال ما في جيبي الا دينارين عشان البانزين والفلوس الي في البنك ابيها للسفره وكلها ثمن مية دينار
نوف:اعيونك بطيرهم
راشد:مشاءالله ما عليش في جيبي الي يكفيني في الدنيا
نوف:عجل ياالله بــــــــــــــــاي ابي اجهز نفسي حق السفره
راشد:بـــــــــــــــــــــايو









  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 2
قديم(ـة) 30-11-2009, 07:42 AM
صورة الزعيـ A.8K ـمه الرمزية
الزعيـ A.8K ـمه الزعيـ A.8K ـمه غير متصل
δЯέαмş
مستشــ¸.·* غرام *·.¸ـــاري
 
الافتراضي رد: انت الحياة وباقي الناس لي موت


,’



بسم الله
أهلين فيك


يعطيك العــآفية
موفقة إن شــآء الله


https://forums.graaam.com/238622.html



,’


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 3
قديم(ـة) 30-11-2009, 08:00 AM
صورة الملك السابع الرمزية
الملك السابع الملك السابع غير متصل
©؛°¨غرامي مشارك¨°؛©
 
الافتراضي رد: انت الحياة وباقي الناس لي موت


swait girl

رواية جميلة يعني قمة المتعه
والصراحة انا معجب بالرواية

وارجو تقبل مروري

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 4
قديم(ـة) 04-02-2010, 09:17 PM
جــ لياااالي ــرح جــ لياااالي ــرح غير متصل
©؛°¨غرامي مشارك¨°؛©
 
الافتراضي رد: انت الحياة وباقي الناس لي موت


‏ ‏

ووووووينك ليش وقفتي الرواية وربي روعه تكفين كمليها بليزززز؟؟؟؟؟؟؟؟؟؟؟؟؟؟؟؟؟؟؟؟؟؟؟


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 5
قديم(ـة) 14-12-2010, 08:34 AM
صورة روح زايــــد الرمزية
روح زايــــد روح زايــــد غير متصل
مستشــ¸.·* غرام *·.¸ـــاري
 
الافتراضي رد: انت الحياة وباقي الناس لي موت


اقتباس:
3 / إغلآق الموآضيع :
تُغلق الروآية في حآل طلب صآحبـ / ـة الموضوع الأصلي ‘ تأخره ‘ توقفه ‘ تجآوزآت في االردود

يُــــــغـــــلــــق

انت الحياة وباقي الناس لي موت

الوسوم
الحيـــــــــاة , النــــــــاس , انــــــــ , وباقــــــــــــــــي
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
اختبار رائع لمعرفه شخصيتك قناصة الشرقية ديوانية الاعضاء - متنفس للجميع 11 03-12-2008 02:31 AM
رحله بين ثنايا كتاب بسمة سحاب مواضيع عامة - غرام 83 26-05-2008 07:41 PM
من انجازات التغيير في تونس Naceur56 ارشيف غرام 1 25-09-2007 02:47 PM
من انجازات التغيير في تونس Naceur56 ارشيف غرام 1 24-09-2007 05:43 PM
من روائع الحكمة nancy0000 مواضيع عامة - غرام 13 08-05-2006 09:44 PM

الساعة الآن +3: 11:14 AM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


youtube

SEO by vBSEO 3.6.1