منتديات غرام روايات غرام روايات كامله - يتم نقل الرواية هنا بعد اكتمالها رواية هلي الله يسامحكم .. إذا ما كان عاجبكم / بقلمي ، كاملة
Banootah cool ©؛°¨غرامي جديد¨°؛©

السلام عليكم ورحمة الله


( هلي الله يسامحكم .. إذا ما كان عاجبكم )
هذي اول روايه لي واتمنى انها تعجبكم وان شاء الله أشوف الردود والتشجيع اللي إن شاء الله راح يخليني استمر فيها



بعد ما قابلتني عاتبوها .. على شوف الحبايب حاسبوها


خذوها و ابعدوها غصب عني .. وعن وجهة طريقي جنبوها


و شالوها من عيوني غصيبة .. عواذل و أغصبوني و أغصبوها


خذوها من ايديني شوف عيني .. وعن عيني تعدوا و احجبوها


كلام وصدقوا بالبنت كذبة ... وهم اللي من أول كذبوها


و هم وش دخلهم في مال بين .. لبوها و المخاليق طالبوها


وفية ما تخون ولا تعاند .. جسوره و المواعيد ارعبوها


ملاكٍ كاملة والكامل الله .. ولكن العواذل عذربوها


و هي كل ما دعتني تشتكي لي .. عن اللي سالفتنا سربوها


تخاف وتلتفت مع كل كلمة .. تظن ان العواذل راقبوها


تلفت من عقب ما هي جريئة .. شجاعة ما تهاب و هيبوها



Banootah cool ©؛°¨غرامي جديد¨°؛©

" البارت الأول "


يوم الأربعاء في مدرسة ثانوية الـ...... وبالذات في فصل 3/4 أدبي وفي الحصة الأخيرة :


سارة : أففف وش ذا الطفش ! شوق من علينا الحين ؟


شوق : ابله أميرة


سارة : ويييييع غثيتيني الله ياخذك


شوق : وجع سألتيني وجاوبتك , تدعي عليي ليش ؟


سارة: اسكتي بس اسكتي


سارة بنت حبوبة و مفرفشة , جسمها حلو بيضاء وعيونها سود وحلوين وشفايفها وردية


شوق بنت حبوبة ومفرفشة بعد , جسمها كمان حلو وبيضاء .


منى كانت طالعة تحووس بما ان المعلمة ماجت لسه ولا شافوها البنات إلا داخلة الفصل و تصارخ : البشارة يابنااات


البنات وبصوت احد : شنوو ؟


منى :ابله أميرة غاااايبه .


البنات قاموا يصارخوا من الوناسة و مسكوها طبل ورقص و أغاني و هبال موب صاحي .


دخلت عليهم ابله معصومة وشافت البنات والهبال اللي فيهم وعصبت : بناات , وين قاعدين انتو ؟ لا يكون تحسبون نفسكم في مرقص ؟


البنات سكتوا بس كانوا ماسكين نفسهم عشان ما يضحكوا


ابله معصومة : هذا وانتوا كبار المدرسة , أجل شنقول لأوائل والباقي ؟


منى : ابله احنا مستانسين انو ابله أميرة غايبة و نبي نحتفل حرام ؟


ابله معصومة : وش قلة الأدب هذي ؟ احترمي اللي واقفه قدامك على الأقل .


منى وهي ماسكة نفسها من الضحك : والله ابله الكذب حرام و أنا ما تعودت على الكذب عشان أكذب وأجاملش .


ابله معصومة : أقول اجلسي مكانك وبلا فلسفة زايده


منى : طيب طيب أكلتيني


وجلست منى مكانها وعدت الحصة على خير مع أنو البنات طلعوا قرون ابله معصومة .


البنات اليوم الأرض مو سايعتهم من الفرحة اليوم الأربعاء و راح يعطلون اسبوعين للعيد , فقرروا سارة وشوق مع لُجين وجوري أنهم في الليل يجتمعون عند سارة , عشان كذا كلهم راحوا لبيوتهم و خذوا شور وناموا .


لجين بنت حلوة مرة البنات ينعجبون بها بيضة وشعرها قصير


جوري مليانة اشوي و جسمها مطلع جمالها وشعرها قصير اقصر من لجين .


جلست سارة من النوم الساعة ( 7 ) عشان تجهز للجمعة اللي راح تكون الساعة (9)


نزلت لأمها : يمه اليوم شوق وجوري ولجين بيجون عندي على الساعة ( 9)


أم مساعد : ماعليه يمه بس مو ناقصش شي ؟ ماتبي شي أخلي مساعد أخوك يجيب لك ؟


سارة: أنا بروح اشوف الخدامة وبشوف الأغراض إذا في ولا لا أقولك .


أم مساعد: طيب


راحت سارة المطبخ وشافت الأغراض الناقصة وقالت لأمها عنها وراحت تجهز



عند شوق : يلا خالد بلييز .


خالد : اففف أزعجتيني خلاص روحي البسي عبايتك و أنا طالع إن تأخرتي دقيقة بمشي .


شوق : طيب طيب أووف يذل الواحد ذل .


خالد : ترى أهون .!


شوق : خلاص خلاص بروح ألبس عباتي


راحت شوق تلبس عبايتها كانت لابسة بنطلون جنز وبلوزة حلوة و حاطه لها كحل و قلوس



عند لجين : ماما أنا رايحه الحين تآمري على شي ؟


أم وليد : سلامتك بس انتبهي لنفسك .


لجين : يسلمك ماما بااي


لجين كانت لابسة تنورة قصيرة لحد الركبة حمرة مع بلوزة بيضاء كانت حلوة مع القلوس و الكحل و وطلعت مشي رايحه لبيت سارة وأثناء ماهي تمشي جاها ولد يتميلح عندها : عطنا وجه ياحلو


لجين عجبها شكل الولد كان حلو بس هي دائما تكابر: خير بغيت شي ؟ , يليت حلو عاد عشان تتميلح


جاسم وهو يقرب منها : أفاا ما عجبتك ؟


لجين مو مشكلة عندها : لا والله انت الجمال كله


جاسم خق : وهـ فديتش أنا ( وكل ماجاله ويقرب )



عند جوري : يمه يلا باي تأخرت على البنات


وطلعت مستعجلة من البيت




----------------------------------
نهاية البارت الأول
أتمنى التفاعل


دلوعه ومزيونه ©؛°¨غرامي مجتهد¨°؛©

بالتوفيق خيتووووو ننتظرررررج

Banootah cool ©؛°¨غرامي جديد¨°؛©

يسلموو حبيبتي دلوعة ..
نورتي يالغلا

انتراويه ©؛°¨غرامي فعال ¨°؛©

روووووووووووووووووووووووووعه
اتمنى انكِ تكمليها بسرررررررعه هع هع
اعجبتني
يالله موفقه حوبي
صلامو


Banootah cool ©؛°¨غرامي جديد¨°؛©

الأروع عيوونك حبيبتي
يسلموو ع المرور الطيب

Banootah cool ©؛°¨غرامي جديد¨°؛©

أبي تشجييع :(

Banootah cool ©؛°¨غرامي جديد¨°؛©

أنا رآح أحط البارت الثاني بس بلييز أبغى تفاعل وتشجيع أكثر من كذا :
أوك :)
" البارت الثاني "
شوق هي أول وحدة وصلت : هاي سوسو
سارة : أهلين نوورتي كيفك ؟
شوق : بلا هبال توك اليوم شايفتني
سارة : مالت , على الأقل جاملي
شوق : ما علينا , طالعه تهبلين يالدووبة .
سارة كانت لابسة فستان قصير لحد الركية لونه أحمر ولف على الرقبة و حاطة قلوس أحمر مع كحل أسود غاامق طالعة نعومة وحلوة مرة , دّخلت سارة شوق للغرفة , شوق : وهـ فديتش حاسة فيني جاية ونفسي أرقص و ما شاء الله عليش مجهزة الأستريو .
سارة : هههه القلوب عند بعضها حتى أنا فيني رقص الليلة .
قاطعهم صوت جوري داخله : هااي صبايا , أكيد تحشون فيني ها ؟
شوق : اهلين ., أنتي وش هالذوق اللي عندك الناس تدخل و تسأل شخباركم مو تدخل بهواش ؟
سارة : عدال عليش سألتش شخبارش وطبيتي فيني .
شوق فشلت وسكتت .
عند لجين : جاسم
جاسم : عيووونه
لجين : أنا لازم امشي الحين تأخرت على البنات .
جاسم : والبنات أهم مني ؟
لجين ( مسكين صدق نفسه ) : لا طبعا بس ما أبيهم يشكون .
جاسم : أوكي حياتي بس بطلبك طلب , لا ترديني .
لجين ( اففف وش ذا الوهقة ) : آمر عيوني لك .
جاسم : وهـ فديت العيون وصاحبتهم أنا , أبيك ....
لجين حست انها توترت هذا أول واحد من اللي تعرفت عليهم أو بمعنى أصح لعبت عليهم يطلب منها طلب غير رقمها , وطبعا هي عطته رقمها من كذا توترت .
لجين بدلع : ما قلت شنو تبي ؟
جاسم : أبي بوسة هون ( ويأشر على خده )
عند شوق وسارة وجوري , شوق : لجين غريبة تأخرت مو من عوايدها . لا يكون ناوية تنكب فينا ؟
سارة : والله ما ادري عنها وش قصتها , بقوم أدق عليها .
جوري : لا تروحي دقي عليها من الجوال يمكن تصير طلعت
سارة : طيب ,
ودقت على لجين .
لجين مرتبكة من جرأة جاسم ولا بالشارع يبيها تبوسه , وما عرفت شنو تسوي ولا بشنو ترد , سمعت صوت جوالها يدق وحمدت ربها انها بتقدر تصرف الموضوع : حبيبي هذي أكيد وحده من البنات أنا برد عليها اشوف .
جاسم : طيب قلبي .
لجين : هلا
سارة : وجع تو الناس لا كان رديتي .!
لجين : سوري سارونه ماكنت منتبهة
سارة : ومن اللي ماخذ عقلك؟
لجين : سويره بلا ملاقة هذا انا في الطريق
سارة : طيب ننتظرك
وسكرت
لجين : يلا قلبو انا بمشي لا يأكلوني البنات
جاسم : أوك بس ما بستيني ؟
لجين حست انها متهوقة جد : مرة ثانية عمري
جايم مسك يدها : على وين يا قمر وش شايفتني مجنون أخليك تضيعي مني ؟
لجين خافت منه ومن جرأته على كثر اللي لعبت عليهم ما واجهت موقف مثل كذا حاولت تخفي ارتباكها : عمري مو قدام الناس أنت عندك رقمي يعني ما راح أضيع منك خلاص عمري ؟
جاسم : توعديني ؟
لجين : أوعدك
جاسم : أوك حياتي باي
لجين وهي ماهي عارفة شلون تحمد وتشكر ربها لأنه أنقذها منه : باي , و كملت طريقها لبيت سارة , دقت الباب وكالعادة طلعت لها الخدامة
لجين : هلا وين سارة ؟
الخدامة : في الغرفة تفضلي .
لجين وهي داخله عليهم وتشوفهم يرقصوا : أيا النذالة , شلون تقدرون تتونسون وترقصون بدوني ؟
البنات شافوها وشافوا شفايفها تتحرك بس لأن صوت الأستوديو عالي ما سمعوها
طفت سارة الاستوديو : تو الناس كان ظيتي بعد .
لجين : سكتي بس لو تدرين وش صار لي و أنا جاية .
شوق وسارة ولجين مع بعض : شنوو ؟
لجين : بسم الله اشوي اشوي عليي خرعتوني .
جوري : اخلصي وش صار ؟ عطيناك وجه .
وقالت لهم لجين عن اللي صار لها .

نهاية البارت الثاني ..


fatoOo ©؛°¨غرامي جديد¨°؛©

...الصراحه الصراحه الصراحه الروايه...
...........تجنننننننننننننن روعه وابداع...................
...ياليت تستمري فيها وتكمليها لانها بجد روعه...


Banootah cool ©؛°¨غرامي جديد¨°؛©

عيونك الروعة يعيوني

إن شاء الله استمر بفضل الله ثم تشجيعكم .. :)

أدوات الموضوع البحث بهذا الموضوع
البحث بهذا الموضوع:

بحث متقدم
طريقة العرض

موقع غرام موقع سعودي خليجي عربي يحترم كافة الطوائف والأديان ومختلف الجنسيات
جميع الحقوق محفوظة منتديات غرام
iTraidnt by ROMYO
جميع الحقوق محفوظة منتديات غرام
iTraidnt by ROMYO

SEO by vBSEO 3.6.1