غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام

عـودة للخلف   منتديات غرام > منتديات روائية > روايات كامله - يتم نقل الرواية هنا بعد اكتمالها
الإشعارات
 
أدوات الموضوع طريقة العرض
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 11
قديم(ـة) 23-11-2009, 07:37 AM
شموخ قطرية شموخ قطرية غير متصل
©؛°¨غرامي متألق ¨°؛©
 
الافتراضي رد: راحت روحي من محجر عيوني للكاتبة معاني \كاملة


اولا تسلم بابا مجروح عالنقل

فللللللللللله اللهجه اماراتية هع

ناصر اكييد بيطيح في شباك سعاد

عليا مسكييينه مالها ذنب كاسرة خاطري

عهود خبله كله تسمع كلام سعاد بس اتوقع سلطان راح حبها ويكم اهو اللي راح يشوفها

يسلموو بابا للمرة الثانية

بانتظار البارت الجاي

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 12
قديم(ـة) 23-11-2009, 02:18 PM
صورة moloak الرمزية
moloak moloak غير متصل
©؛°¨غرامي فعال ¨°؛©
 
الافتراضي رد: راحت روحي من محجر عيوني للكاتبة معاني \كاملة


يسلـــــــــــــــمو مجـــــروح
روايــه بـــاين انها روووعه
حبيت عهود بس مررره مغفله
سعـــاد اتــــوقع تقــــدر تسيـــطر على نــــاصر
وتقــــدر تخــــرج عليــــا من حيـــاتـــه
يعطــــيك العـــــافيه مجــــروح
ونتتظر بارتات روايتك على خير
دمت بحفظ الرحمان


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 13
قديم(ـة) 23-11-2009, 10:40 PM
صورة ؛؛همس الروح؛؛ الرمزية
؛؛همس الروح؛؛ ؛؛همس الروح؛؛ غير متصل
[®]همس الحروف[®]
✿ إدارة الإقسام ✿
 
الافتراضي رد: راحت روحي من محجر عيوني للكاتبة معاني \كاملة


جميله القصه


شكرا لكـ


فى انتظار جديدكـ


دمت بخير

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 14
قديم(ـة) 24-11-2009, 05:25 AM
صورة كـــايـــد الـــريـــم الرمزية
كـــايـــد الـــريـــم كـــايـــد الـــريـــم غير متصل
شـــلــة الــزعــيــم
 
الافتراضي رد: راحت روحي من محجر عيوني للكاتبة معاني \كاملة


الجزء الخامس

دشت عهود طايره منالوناسه..فتحت شنطتها و طلعت رقم مايد يلست اتبوس الورقه..اخيرا برمسه ..كانت تجلبع الشبريه يوم دشت عليهاا عليااا

عليا: شفيج بسم الله عليج..؟؟
عهود: ماشي ..اممممم "فكرت اتخبر عليا بس غيرت رايها" تدرين نجحت فيالامتحان..

علياا:- مبروك..الا بسالج..؟
عهود: امري..

عليا: ممكناتقولين لسعاد اذا ييت البيت اتخلي حد من اهلي يوصلنا ابصراحه مصختها كل مره ناصريوصلها شو عيبتها السالفه..

عهود"مرتبكه" ليش شو صار.
علياا:- ولا شي بسانا ما اباها يوصلها و ربيعتج ما ارتاح لها..

عهود: تطمني حتى ناصر ما يرتاحلهاا ع العموم معاج حق اتغار ع ريلج"وتغمز بعيونها"..

فرتها عليا بالمخده وطلعت من حجرتها..
عهود اترمس عمرها يا رب تحملين عشان تكتمل فرحتكم انتي و واخوي ناصر..
فكرت لو عبدالله بعده حي جان زوجته سعاد..دمعت عيونها يوم تذكرتعبدالله اخوها..

**

وقت المغرب كانت علياا و عهود في مركزاللولو..يشرون اغراض البيت..

بعد ما خلصوا فكروا يمشون جمعية راس الخيمةيكملون اغراض البيت.. و من هناك يمر عليهم ناصر....

عبروا الشارع...و قبل لايدشون الجمعيه اتفاجاو بسلطان خال علياا طالع من الجمعية بنفس الوقت..معرفيجه..

وقف ربيعه بعيد شويه..سلطان يدق قلبه يوم يجوف عهود..
سلطان:- انا مب قايلنج قولي اذا تبين تطلعين مكان و معاج احم احم..
استحت عهود وردتلورا..بس كانت تسمع سلطان شو يقول..

عليا:- ناصر يابني عيل انا ليشمتزوجتنه.
سلطان"يطالع عهود":- يلاا يلاا اركبوا السياره.

عليا:- اقولكناصر بيينا و بعدنا ما كملنا اغراض البيت..
انتبهت عهود ان رفيج سلطان يطالعهافصدت الصوب الثاني..بطلت عيونها يووم سمعت سلطان يقول علياا..

سلطان"يساسرعلياا" زوجينـــــي عهود داشه خاطري..
عليا:- انت بتكمل طريجك ولا الم عليك خلقالله..

سلطان: ول ما احيد امج مصريه..

كانت عهود مضايجه بس مب منكلام سلطان بالعكس كانت اجوف دمه خفيف الي كان يضايجها..نظرات رفيجسلطان..

انتبهت ان سلطان و عليا يالسين يرمسون فسوت مالـت ع رفيجه..اتفاجاتيوم يرد عليها و يسوي مالت..

عهود في خاطرها ها باين عليه قليل ادب..فاجدمتمن علياا
عهود: عليا يلااا بنتاخر..
سلطان: ليش مستعيله حبوبه..
عليا: اووه سلطان بسك..

سلطان :اوكى اذا ما ياكم ناصر دقي لي انزين..يلااااجماال.

عهود في خاطرها هااا يعني اسمه جمال مسود الويه سعاد بتعرفدواك..

عليا: ان شا الله يحفظك..
دشوا الجمعية..يشرون اغراضللبيت..

**
ناصر:- انزلي من السياره..
سعاد:- اخاف اكون جريبه منالبحر و الدنيا ليل..
ناصر: افا اتخافين و انا معاج..

سعاد"مسويه روحهامستحيه":- زين انا خوافه شسوي.
ناصر:- تعالي ما بتخافين..
نزلت سعاد منالسياره و يلست ع البحر جريب من ناصر..
سعاد: الجو رهيب..
ناصر: يمكن عشانانتي موجوده.

سعاد: تتطنز صح..
ناصر: و الله ارمسج جد..
سعاد: ناصر..
ناصر:- عيونه.
سعاد: ما اتفكر اتييب عيال..
ناصر: كل بامراللــــــــــه ..و بعدين ما احب انسولف بها الموضوع ممكن..

سعاد: من عيونيو الله..
ناصر: كلميني عنج..انا موليه ما كنت منتبه لوجودج خلال الفتره الي طافتموليه..

سعاد: شو تبا اتعرف..انا حاضره..؟؟

**

عليا واقفه عالشارع تتصل بموبايل ناصر بس محد ايرد..
عليا: اخوج ما يرد اكيد نزل مكان ولا حدعنده من الربع.

عهود: يلاا نركب تاكسي..
عليا: بتصللسلطـان...

عهود: اذا رفيجه معاه ما بنسير شكله ما يستحي..
عليا"تضحك" شوسواا
عهود:- ماشي سخافه..

شويه ووصل سلطان..بعد ما ركبواالسياره..
سلطان"محرج" كنت عارف ان ريلج ما بييج..
عليا: مدري ليش ما يردعلي..

سلطان: مدري كيف متحملتنه..
عهود في خاطرها ها ما يستحي حشم انزينانا اخته..

سلطان:- عهود
عهود: نعم.
سلطان: شحالج..الغاليـه..
عهود"شويه بتضحك" طيبه..

سلطان: ها ماشي عزيمهاليوم..
عليا: لا ماشي ..

سلطان: ما اتفكرون تعزموني عفانا الله اناخالج..
عهود:- حياك البيت بيتك ..

سلطان:- خلاص عيل نازل معاكمالحين.
عليا"تحاول تتصل بناصر" ويه انت ما صدقت..ويه ها ما يرد..

سلطان:- بلاج ويه ويه..

وصلوا البيت..نزلت علياا كان بالها منشغل بناصر,,و نزلتعهود..
سلطان:- صج ما تستحون قلتلكم بنزل سويتوا لي طاف..
نقعت عهود من الضحكما قدرت اتيود عمرها..
عليا:- اووه انا افكر بـ ناصر ليش ما يرد عليه..يلاااتعال دش..

سلطان: جمال يترياني مره ثانيه ابا عهود ادق وتعزمني..
عهود"متلومه" ان شا الله

و دشوا البيت..

بعد ساعتين دشناصر البيت محرج..علياا تترياه في الصاله..و عهود تكتب رساله لـ مايد الشحي..واتخبره عن سلطان..

وقفت عليا يوم جافت ناصر داش الصاله..
ناصر: انتيوينــــــج ..؟؟
عليا:- انا و الا انت اتصل بك ما اترد..

ناصر: زين يوماتصلتي عرفت انكم خلصتوا سرت عند اللولو ما جفتكم وين سرتوا..

عليا"محرجه": لا و الله و ليش ما اترد علي اتصلت بك اكثر عن مره ..

ناصر: كنت عندالشباب..
عليا"تصرخ علي" و الشباب كانوا معاك بعد يوم ييت تاخذني من عند مركزاللولو..

ناصر"مغير السالفه": منو يابج البيت..؟؟
عليا"منفعله":- مايخصـــــــــــــك..

سمعت عهود صوت عليا و ناصر واصل لي حجرتها..فتحت بابالحجره اتوايق..اول مره اجوف عليا جي محرجه ع اخوها..

ناصر: ارمسي معايبالزيـن ..
عليا: انت وايد تغيرت حركاتك..
ناصر:- شو اتشكين فينـي..منو يابجالبيت..

عليا"سايره حجرتها": لو هامنك كنت رديت ع اتصالي..
ناصر"يعترضطريجها" يوم ارمس معاج توقفين و تسمعين الكلام..

عليا: اوووووه خوز عني مبطايقتنك ولا طايقه حركاتك بعد تـرااا
ناصر"يدزها ع الكنبه..فطاحت عليا ع الكنبه ومن قوة الدزه طاحت ع الارض..

بطلت عليا عيونها اول مره ناصر يمد ايده عليها ..من تزوجت ما قد رفع ايده عليها..

ناصر"يصك ع اسنانه" و اللـــــــه و ثم واللـــــــه اذا ما عدلتي اسلوبج معاي بييب لج وحده فوق راسج..

وطلع برعالبيت....صكت عهود باب حجرتها و حطت ايدها ع حلجها مب مصدقه الي اجوفه ليش ناصريسوي جي مع انه هو الغلطان.. يلست اتصيح عهود فكرت تطلع لـ علياا اتواسيها بس كانتخايفه..

فتحت الكمبيوتر عشان تكتب لـ مايد اتخبره كيف اثر فيها الموقف..بسبعدين غيرت رايها فتحت شنطتهاا

وطلعت رقم مايد و اتصلت له..

فتحتعيونها يوم سمعت صوت مايد..تمت ساكته و مايد يقول.
_
الـووووو

عهود:- مايد...
مايد: كنت متوقع انج انتي...؟ترييتج من يومين ليش مادقيتي..
عهود"كانت اتحس بغصه":- انـــــــــاا
مايد: شو مستوي..

عهود: "تصيح" انا مضايجه.. و مب عارفه شو اسوي..
مايد: ارمسي..
تم مايد ساكت و عهوداتصيح..بعد ما حست شويه ابراحه..
عهود: "اترمسه" اول مره بحياتي اجوف اخوي يضربحرمته..
مايد: وبعد..
عهود:- انا اعترف انه غلطان بس مدري ليش تغيرعليهاا
تم مايد ساكت و عهود اتفضفض كل الي في خاطرها..

مايد"يهديها": مااباج تضايجين..انتي بعدج ما اتعرفين الحياة..و ترا ها شي طبيعي من بينالزوجين..

عهود: هددها بيزوج عليها ..مع انه يحبها..
مايد: انتي شدراجاول مره ..ما اتعرفين كل الي بينهم..و بعدين انتي اتقولين يحبها يعنيتطمني..

عهود:- بسالك سؤال..؟
مايد: امري يا الاسيره..
عهود: كلكمجي..
مايد: وضحي..؟
عهود: انتوا يا الرياييل كلكم جي نفسالطباع.
مايد"يضحك" لا مب كلنا..و مثل ما قلتج بعدج ما اتعرفينشي..

ويلست عهود اتسولف مع مايد و ناسيه الموضوع الي خلاها تتصلبه..

**
قامت علياا من مكانها..ماسكه اعصابها..الحين اتاكدت صج ان ناصرتغير عليها..فكرت اتروح بيت اهلهااا بس غيرت رايها مب من اول مشكله ادخلاهلها..
اتصلت بـ سلطان..

و في نفس اللحظه ..ناصر يرمس سعـاد..مضايج يشكيلههمه..
ناصر: اتصدقين يا سعاد لو انج اصغر عن علياا ..بس كلامج و اسلوبج ..معاملتج معاي جنج اكبر عنها بمليون سنه.

سعاد: يعني اناعيوز..
ناصر"يضحك" ههههههاااي لا اقصد تفكيرج يعيبني..
سعاد:- اخيرا ضحكتيلااا انسى و عيش حياتك..

ناصر:- عليا تغيرت..
سعاد:- جوف حبيبي ..انا مااحب انك تطري لي أي انسانه غيري ..بس سمحت لك الحين عشان انت مضايجمنهاا

ناصر:"يتنهد" صج انتي ملاك..شو رايج بطلعت اليوم..
سعاد:- اتجنن..
ناصر:- تبين طلعه غيرهاا

سعاد: معاك بتمنى كل شي..

ناصريطالع سياره سلطان يايه صوبه..
ناصر:- الغاليه بدقلج بعدين واحد من الربع يايصوبي..

صكر ناصر التلفون يوم جاف سلطان يعطيه ليت..
نزل سلطان منسيارته..وكان لابس نظاره شمسيه..يوم جاف ناصر ان سلطان ياي صوبه..نزل منالسياره..

ناصر"يسلم عليه" هلا بو مايد شمسيه بأخر الليـل..
سلطان:- ماتدري ليش..؟

ناصر: لا و الله ما ادري..
سلطان: عشان ما اجوفك زين يوماعطيك بكس اكسر فيه خشمك..

ناصر: افااااااااا

سلطان:- من غير لف ولادوران انت مديت يد وحده ع بنت اختي و انا بمد وحده بكسر ايدك و ريولك و خشمكمفهووووووم..

ناصر متلوم مب عارف شو يرد ع سلطان ..و منحرج في نفس الوقت ماتوقع ان علياا تشتكي عليه..ولا من سلطان الي ما ينبلع ..

سار عنه سلطان وركبسيارته و شغل وشفط حذاله..وراح عنه..

**
و في آخر الليل عهود اترمسسعاد..
عهود: ليش هالايام ما ادقين و كل ما اتصل بج تلفونج مشغول..

سعاد: المهم قدرت اخليج ترمسين مع مايد و خلاص..شو تبين فيني..

عهود: بعدج ربيعتيشو شو ابا فيج.
سعاد:- المهم ان شا الله جريب انخطب و الي ارمسه خطيبي بس بعدهمب رسمي..

عهود"مستانسه" و اللــــــــه مبروك..عقبالي ..تدرين ان باجربجابل مايد في المطار بتيين معاي صح..

سعاد: اوكى انا فاضيه بس انتي بترمسينمعاه و انا شو بسوي..؟

عهود: أمممم ما ادري..
سعاد: خلاص ما يهمج ..بييمعاج..
عهود:- مووووووووحه احبج سعاد..
سعاد"تضحك" يلااا برقد ..باجرجامعه..
عهود: اوكى تصبحين ع خير حبيبتي يلااا باي...

**
ناصر يدشحجرته يجوف علياا راقده..يجدم منها.. و ايير اللحاف من فوقها..علياا اتنش منرقاد..

عليا"زعلانه": نعم...؟ ما اجوفني راقده..
ناصر"بصوت هادي":- ماتوقعتج تشتكين مني..

عليا: عشان اتعرف مب من حقك اتمد ايدك علي..و عندي الييدافع عني..

ناصر: تغيرتي وايد..
علياا"مستغربه" انا ولا انـــــــت ..عمرك ما عاملتني جي..
ناصر:- كنت محرج..اوكى انا اسف..:يبوسها فوقراسها.."

عليا"بدلع":- بعد وحده..

ناصر:- طماعه...

**

و في اليوم الثاني راحت عهود المطار و يلست في نفسالمكان الي جابلت فيه مايد اول مره..و كانت اتحسب سعاد تترياها برع..بس سعاد طلعتاجابل ناصر..من غير ما تدري عهود..

عهود تبتسم لـ مايد من بعيد..مايد يشربايده.. و يجرب منها.. و ييلس حذالها..عهود متلومه..و بنفس الوقتمنحرجه..

مايد"يغير مكانه" خلاص عشان انعرف نرمس...؟
عهود في خاطرها لااباك جريب مني يا الاهبل..

عهود: ما اصدق اني في يوم بكون جريبه منكهلكثر..
مايد: ولا انا اتصدقيـــــــن..جفتج قبل مرتين..انصدمت يوم عرفت انتيالي لفتتني مرتين هي نفسها اسيرة الهم..

عهود"مبطله عيونها" اونك..معقوله مااصدق..
مايد: انا ابروحي مب مصدق و اللــــــه..حتى اسالي سندربيعي..

عهود: وينه عشان اساله..
مايد:- بقص لسانج..

عهود"تضحك" اتــــــــغار..ما اصدق..
اجمد الدم في عهود يوم سمعت حد يزقرها باسمهااا ..التفت للصوت متفاجئه بـ سلطان واقف جريب منهم..
سلطان"مستغرب":- عهـوود!!
عهود"واقفه من الربكه" هلا سلطان..
سلطان يطالع مايد و يطالع عهودمستغرب..

عهود: ها مايد..كنت اباه يساعدني في شي.
مايد:"يمد ايده " هلااخوي سلطان..

سلطان"محرج" ما عندنا بنات يجابلون شباب منو يايبنجهنـي..
عهود"منحرجه" و مايد مستغرب من تطفل سلطان عليهم..
مايد: اسمعنــــ..

سلطان"يقاطعه" انا ما عندي كلام لك ..الكلام للانسـهعهود..
حرجت عهود يوم جافت سلطان متحكم بالموقف كله..
عهود"منفعله" خير شوتبا فيني..
سلطان: منو يابج هني و شو تسوين مع ها "يتمصخر" الشاعر.

مايدوقف كان بيرد عليه بس عهود اشرت له يسكت..
عهود"ترمس سلطان" انت ما يخصك فينيعندي اهل و بعدين محد عطاك الحق ترمس معاي..خلاص..

سلطان"يطالع مايد" ماعليــــــــه انا اراويج..

وسار عنهم.يلست عهود ع الكرسي شويه و بتصيح
مايد: منو هاا..؟؟
عهود: خال عليا حرمة اخوي..

مايد: ليش محرججي..
عهود: ما ادري بس انا خايفه يخبر علي ناصر..
مايد"يحط ايده على ايدها" لا تخافيـــــــن اوعدج محد يروم يقولج شي..

عهود: انا احس بالامان معاكاكثر من اخوي و اللـــــــــه..
مايد: رمسيني اليوم ابا اقولج شي مهماوكى..عهود"خايفه": بتهدني..
مايد"يبتسم" مستحيل اهدج صدقيني بس القرارلج..

شو بيسوي سلطان ...؟؟ بعد ما جاف عهود معمايد..؟؟
و كيف بتكون نفسية عهود ..؟؟
و تتوقعون ناصر بحس بغلطه ناحيه زوجتهو بحاول يراضيها ولا ما بيهتم ..؟؟
ظنكم مايد شو بيطلب من عهود و القرار راجعلها ترفض او توافق ..؟؟


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 15
قديم(ـة) 24-11-2009, 05:52 AM
صورة كـــايـــد الـــريـــم الرمزية
كـــايـــد الـــريـــم كـــايـــد الـــريـــم غير متصل
شـــلــة الــزعــيــم
 
الافتراضي رد: راحت روحي من محجر عيوني للكاتبة معاني \كاملة


الجزء السادس


كانت عهود اتفكر شو قصده بالقرار لج..ما حبت اتقول سعاد شو الي صار ..و من صوب ثاني عرفت عهود ان سعاد راحت اجابل خطيبهااا


طول فتره العصر كانت عهود اتفكر كيف اتعرف اذا سلطان رمس ناصر او عليا بالسالفه..اتروعت عهود يوم سمعت صوت علياا..


عليا: شو بلاج اليوم غريبه مب يالسه فـ حجرتج..

عهود: اغيرجـو..


علياا: اتغيرين جو..في الحوي..


عهود: يلااا ما عندنا مكان غيرهنطلع فيه..عليا ممكن موبايلج ابا اتصل لربيعتي بس ما عندي رصيد..


عليا: اذاسعاد ما بعطيج..

عهود: لا مب سعاد و بعدين سعاد انخطبت..


عليا"تعطيهاالموبايل" اها عشان جي ما قامت اتيي البيت..


سارت عهود بعيد عن عليا..فتحت اللسته و يلست ادور ع رقم سلطان جافته بسهوله..حفظت الرقم..



عهود"اتردالموبايل" مشكوره..


عليا: وحى لج ترمسين..


عهود: غيرت راي..بسير حجرتي..وينا مايه..


عليا: امج طلعت و انا اتريا ناصر بنطلع بعد شويه..


عهود"مستانسه" الحمدلله الله يخليكم لبعض..



عليا :- آميــــــن..


سمعت الهرن و طلعت منالبيت.. وعهود سارت حجرتها..


احتارت تتصل بسلطان ..ولالالالا



اخرتها قررت انها ادق..اتصلت مرتين محد رد عليها..



**



و في السياره..


عليا "تمسك ايد ناصر" من زمان ما طلعنا...


ناصر: افتقدتج عشان جي ابا اطلع معاج..اليوم..



عليا: وين بنروح...؟


ناصر:دبـــــــي شو رايج..حلوهالمفاجاه..



عليا:- حبيبي و الله احلى مفاجاه..مشكـوور..


ناصر:- بنتمشى فيالستي و مركز حمر عين ..فكرت نرقد هناك بس الدواااام..



عليا: يوم ثاني شورايك..


ناصر"يطالعها غير" اكيد عمري..



**


سعاد طول الوقت ادق لـ ناصر ..بس ناصر ما ايرد عليهاا.


فكرت ادق لـ عهود ..عشان اتعرف وينه..



عهود: هلااا سعاد..


سعاد: شحالج انا وايد ملانه قلت اتصل و اسولف معاج..



عهود: تعالي بيتنا انزين محد هني انا ابروحي يالسه في البيت.



سعاد: ليش وين عليا واخوج..


عهود: توهم طلعوا مدري وين سارواا..



سعاد"مضايجه" عهود حبيبتي امايه تباني بدقلج عقب..


عهود:- ع راحتـج يلااا باي..



يلست سعاد اتصيح مضايجه من ناصر عشان جي ما يرد عليها طالع ويا المدام..



الظاهر يوم يطلع معها ينساها و ما يهتم فيها..الله ياخذها..


اتصلت به مره ثانيه..ما توقعت انه يرد عليها..


سعاد"منفعله" ليش ما اترد علي...؟؟


ناصر: هلا اخوي شحالك..


سعاد:- نـاصر انا ادري حرمتك عندك..


ناصر: هي طالع ويا الاهلشويه..


سعاد: وين...؟؟


ناصر: صوب دبي انغير جو يلاا عاد اخليك السموحه ..



صرخت سعاد من الغيظ يوم صكر التلفون ع ويهاا كتبت له مسج"هي حرمتك دبي ومدري وين و انا بس البحر ..خلاص لا ادق علي مرره ثانيه"..



**


عليا:شفيك ..


ناصر: شـوووو


عليا: شو مكتوب لك بالمسج..


ناصر: عادي مثل باجي المسجات..



عليا:- بس تغيرت ملامح ويهك..


ناصر"يعصب عليها" :- اوووووووهانتي ع كل شي بتعلقين..


عليا: انزين ها الي لاحظته


ناصر"يصرخ" بس انزين اسكتي خليني اعرف اسوق..


عليا:حبيبي شو انا ضايجتك..



ناصر: انتي ماتفهمييييييييييييين...


عليا:بتذلني ع الطلعه..


ناصر"يلف الشارع الثاني" خلاص بردج البيت جان يريحج ..


حست عليا بغيض في قلبها..ليش ناصر صاير ما يتحملشي..



عليا: انا اسفه خلاص عاد لا اتخرب طلعتنا..


ناصر: خلاص عاد انا رجعت انتي الي خربتي كل شي..



**



رن تلفون عهود..ركضت له ع بالها مايـد بس اتفاجات برقم سلطان..


سلطان"صوت واحد مصري"الـووووو مين حرءالتلفون..


عهود:-السموحه اخوي ها تلفون منو..



المتصل: انتي عاوزه مين ..


عهود"في خاطرها بسم الله ":- انا بغيت سلطان..منو انت ها مبرقمه..



المتصل: سلطاان مين و انتي مين..؟


عهود: الظاهر غلطت في الرقم يابايي..



و قبل لا اتصكر سمعت عهود صوت سلطان..


سلطان:- لحظه لحظه اناسلطان..


عهود: شو هالحركات..


سلطان"يضحك" هههههههههااي ترا الرقم غريب عليفرمست مصري عشان اعرف منو يباني..



عهود"تضحك" هههههاي عليك سوالف..


سلطان"يرمس جد": جب انتي لا تضحكين..شو اتسوين في المطارهاااااااا



عهود: اذا بتم ترمس جي بصكر..


سلطان: ابرايج صكري انتي الي متصله ..



عهود"بصوت واطي" سلطان ما اريد حد يعرف انك جفتني فيالمطار..



سلطان: لا و الله انتي حمدي ربج ما مطيتج من شعرج ووديتجالبيت..



عهود: لو سمحت سلطان ما يخصك فيني..


سلطان:- هذي سوالفج عهود ماتوقعتج من هالنوع..



عهود"اتصك ع اسنانها" احترم نفسك و فكر الي بتفكر فيه..واذا انت صج ريال لا اتخبر عليا ولا ناصر ..يلا باي



وصكرت التلفون بويه سلطان..شويه وصلها مسج"ما عليه بس خليني اجوفج..باجر انا عندكم ع الغدا اصبري بس"



عهود"متغصصه" اووووف ها من وين طلع لي..



شويه ورن موبايلها..



عهود:يا مرحبا يا ناعم العود الصوت..


مايد"يضحك" مرحبابج ياالغلا..مب جنه التلفون كان مشغول من شويه..



عهود: هي كنت اكلــــــم "انتبهت لرمستها فسكتت.."


مايد: ترمسين منوو...؟؟ اعترفي..



عهود: بقولك فيالايميل..


مايد: لا الحيـن ..



عهود"بدلع" لا اتعاند انا ما صدقت اسمع صوتك ..


مايد: و اللــــــــه..



عهود: صدقنـي ..


مايد:- مصدقنج..



عهود"مستانسه" للحين ما اصدق اني ارمس معااك و اسولف و نتجاوف بعد..



مايد: ع سالفة التجاوف شو سوا بج سلطان..


عهود: ولا شي لانه يعرفانه ما يخصه فيني..



مايد: عيل خليني اجوفج..


عهود: انت قلت بتقول لي شي والقرار لي انا خايفه من ها الشي.. اجوفك فـ المطار..



مايد: لا اتخافين..بسيوم بجوفج بقولج احسن..لا طبعــااا شو رايج بالمنار..


عهود: يمكن حد يجوفنا ..



مايد: امممممم



**


و عند باب بيت ام ناصر..عليا قبل لا تنزل منالسياره..


:- شو ما بتنزل..



ناصر: لاااااا بغير جو


عليا"تهمس" ناصـــــــــر..


ناصر: الله يخليج علياا خليني ابروحي احين انامضايج..



عليا"اتصكر باب السياره" ابرايك..



بعد ما تطمن ان عليا صارتداخل البيت..اتصل لسعـاد رن موبايلها..



سعاد"اتجوف الرقم" هـاا اتفيجت ليالحين..ماعليه..


اتصكر التلفون و تغلقه..



ناصر"يطالع التلفون" اوووف هاي متفيجه..تزعل الحين ..شهالحاله..



حاول يتصل مره ثانيه بس ماشي فايده..بعده مغلق..قام و كتب مسج" ابا ارمسج ضروري..ووو عن الدلـع.."



يلس يحاوط ع كرنيشراس الخيمه يتريا سعاد ادق له..اخرتها فكر ينزل القهوه الشعبيه.. يسولف وياالربـع..



اتفاجا يوم جاف سند "ربيع مايد"


ناصر:- انت سنــــــــــد..



سند: لا يكون ناصر..



و بالخشوم ..والاحضان..


ناصر:- وينك صار لك زمااااااااااااان


سند:- زمان ها يا القاطع شويا يبنك هني...



ناصر: و الله كنت ملان فقلت انسلم ع الربع..



سند:- يلااا تعال انشيش ترا اليوم الـربع كلهم موجودين..



ناصر: شو هالصدفـه الحـلوه..



**


عهود: ما يخصنـي ما ابا ما ابا..



مايد: يا عمريافهمي هاي شغلتي..


عهود: انت رايح اطالع معجباتك..


مايد: لحوول بعد رديتي على نفس السالفه..قلتلج تعالي هناك و جوفي اذا قردنت وحده منهن



عهود"نبره حزينه" تدري ما بيي عشان جي اتقول تعالي..


مايد: ليش ما اتيين افا حبي انا اباج تحضرين كل امسياتي..و بعدين قدرتي توصلني المطار ما اترومين توصلني التقنيه..



عهود: اممممم بفـكر..


مايد: وينها ربيعتج..



عهود:- مب فاضيه لي الحين خلاص انخطبت..



مايد: عقبالج..


عهود: لا و اللـــــــــه شو تباني افهم من كلامك..


مايد"يضحك" شو فيج يا بنت الحلال..انتي ع أي شي اتسوين سالفه..



دشت علياا حجرة عهود..


عهود:- اوكى ارمسج بعدين ..مشغوله اناالحين..



مايد: باي الغاليه..



يلست عليا ع الشبريه..


عهود: شكلج مضايج..


عليا: اخوج ذبحنـي وايد تغير..ابصراحه صرت اشك فيه يعرف غيري..



عهود: لالااااااا اتقولين ها آخر شي اتوقعه من نصور اخوي مستحيل



عليا: انتي ما ااجوفين حركاته..


عهود"تذكر موقف البارحه" الله يعينج بسلا تنسين تراا يحبج وايد..


يلست عليا و عهود يسولفون لين الساعه 11..سمعت عليا صوت باب الصاله ينفتح..


عليا: اخوج يااه بسير اجوفه..ع فكره باجر سلطان بيييتغدى عناا خبرت امج انا..



عهود:يـا شينه من خبر.



طلعت عليا..وسارت حجرتها..دشت الحجره جافت ناصر يتصل لـحد و بعدين يفر التلفون محرج فوق الشبريه..



التفت لـ علياا يوم سمع صوت..باب حجرته يتصكر..اجربت منه عليا..كانت بتحط ايدها ع جتفه ..بس سار بعيد عنهاا..



ناصر: انا تعبان اباارقـــــد باجر دوام..


عليا"بصوت هادي" على راحتك حبيبي..



يطالعها ناصربنظرات عصبيه..حست علياا شويه و بجتلهاا..



**


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 16
قديم(ـة) 24-11-2009, 05:54 AM
صورة التيآث المشآعر .. ()! ~ الرمزية
التيآث المشآعر .. ()! ~ التيآث المشآعر .. ()! ~ غير متصل
©؛°¨غرامي مشارك¨°؛©
 
الافتراضي رد: راحت روحي من محجر عيوني للكاتبة معاني \كاملة


جنااان الرواييه كملي بليييييييييييييز

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 17
قديم(ـة) 24-11-2009, 05:54 AM
صورة كـــايـــد الـــريـــم الرمزية
كـــايـــد الـــريـــم كـــايـــد الـــريـــم غير متصل
شـــلــة الــزعــيــم
 
الافتراضي رد: راحت روحي من محجر عيوني للكاتبة معاني \كاملة


اليوم الثاني في جـامعة الاتحاد نهاية الدوام.. عهود وسعاد واقفين برع يتريون السياره..
سعاد: انزين متى الامسيه ..
عهود: ورا باجر.ابا اجوفه اليووم ما اصبر..

سعاد: خلاص روحي ..و جوفيه..
عهود: اتقولين يعني..

سعاد: جان تبين انا بوصلج عاديي شو قلتي..
عهود"مستانسه" اوكىىىىى عيل..

التفت عهود و معاها سعاد يوم سمعت صوت واحد يصفر من بعيد..
عهود"شهقت" ها السبــــــال شو يسوي هني..
ضحكت سعاد يوم جافته يسوي مالت لـ عهود..

عهود"تتحرطم" على ويهك يا السبال..

سعاد: منو هـاا
عهود: مدري شقولج ها خبله..اسمه جمال ربيع سلطان خال عليااا

سعاد"تضحك" جوفي شو يسوي..
عهود" تصد الصوب الثاني" خليه يولي بلبسه..

سعاد"ميته ضحك" دخيلج جوفيه..

طالعته عهود..بطلت عيونها يوم جافته..فاتح حلجه بصبوعه و مطلع لسانه..

عهود" شو هالحركات الماصخه..
طالعته يوم ركبت معاه وحده..فشغل السياره.. وسوا لها باي بايده..

عهود: الحمدلله و شكــــــر..
سعاد"تضحك" خبـــــــــــــله و الله انه خبله..

شويه و ركبوا السياره..اتوصلهم البيت..

و قبل لا تنزل سعاد
سعاد: عهود امر لج اليوم انروح مكتبة دبي عشان اندور كتب للبحث..

عهود:- بخلي ناصر ياخذنا..
سعاد:لا لا لا خلينا نمشي ابروحنا ..عشان بعدين انروح المنار..باكلج كيكة كوفي ..

عهود: خلاص ولا يهمج دام ببلاش..

**
علياا ادخل سلطان الصاله..ام ناصر طالعه من المطبخ..
سلطان: هلا والله هلا بالشيووخ

ام ناصر:تعدل شيلتها" هلا ولدي شحالك يمه و شحالها اختك..

سلطان: ابخير ربي يعافيج..اكيـد اكيـد مستغربه من الزياره..
ام ناصر: تفضل يمه لا حشى البيت بيتك..

يلسوا يسولفون و عليا معاهم و طبعا سلطان مخلي الجو كله ضحك و سوالف..

دش ناصر متفاجأ من وجود سلطان..
سلطان: هـلا النسيـــــــب"و في خاطره..خسك الله"
ناصر"يطالع علياا مستغرب" هلا و الله ..وبالخشوووووووم

ناصر: اسمحلي ها ببدل ملابسي و ياينك..
سلطان:خذ راحتك بو الشبــــــاااب.

لحقته علياا و دشت وراه الحجره..
ناصر"محرج" ليش ما قلتي انه بيي يتغدى هني..
عليا: انت ما عطيتني فرصه..البارحه كنت مضايج مني..

ناصر"مضايج" اوووووف شهالحاله..لو دريت انه موجود ما كنت ييت البيت و الله..

عليا"تضحك" حبيبي ها خالي ما يصير تغـار منه..
ناصر: اووه أي غيره انتي بعد مصدقه عمرج..

ودش الحمااااااااااام
حست عليا بالدموع تتيمع بعيونها..ما توقعت ناصر جي يعاملها و يضايج فيها..احتارت تترياه لي ما يطلع من الحمام ..ولا اتروح تيلس مع سلطان اتغير جو و تنسى..

اخرتها قررت تطلع و تقعد مع عمتها ام ناصر و سلطان..
سمعت ام ناصر تضحك ابصوت عالي..

عليا"تيلس ع الكنبه" و اللــــــه اول مره اجوف عموه جي تضحك من توفى عبدالله..

ام ناصر:- عبدالله فديته الله يرحمه..

سلطان: انتي هبله لازم اتذكرينهاا
ام ناصر"تضحك" هههههاااي يحليلها عليا ماشي اطيب منهاا..بسير اجوف العيش عن يحترق..

اتريا سلطان لي ما ام ناصر طلعت من الصاله..
سلطان"ييلس حذال عليا" اكيد ويه العنز مضايج..

عليا"تعاتبه": بس سلطان حرام عليك ريلي يحبك وايد طيب..

سلطان: ع بالي بعد قالج شي كنت مسحت ملامح ويهه
عليا: عن المشاكـل انزين...

شويه وياه ناصر الصاله..ويلسوا يسولفون..كانت اتحس عليا لو ان ناصر و سلطان يسولفون و مره يضحكون بس كانت اتشك اذا كل واحد يحب الثاني..

**
عهود"اتكلم مايد" خلاص عمري ان شا الله بحضر الامسيه بس عشان اراقبك..

مايد:"يضحك" كنت عارف انج بتيين ..
عهود: انزين انا وصلت البيت بنزل برمسك بعدين..اويه سيارة سلطان موجوده..

مايد: منو سلطاااااااااان...؟
عهود: خال علياا ..لا اتحرج جي..من بدش بلبسه وبدخل حجرتي عشان عندي شي مهم..

مايد: شو عندج قولي ابسرعه..

عهود"تضحك" انت نسيت ابا اكتب ايميل لانسان عزيز ع قلبي..احلف انك ما مليت من ايميلات..

مايد"مستانس" و الله العظيم اني دوم اترياا ايميلات منج..

عهود: انزين حبي انا بنزل خلاص ..
مايد:- مثل ما قلتي لا تعطينه فيس..

عهود: من عيوني يلا باي..

دشت عهود البيت خذت نفس طويــــــل قبل لا ادش الصاله..

فتحت باب الصاله ..طاحت عيونها ع سلطان الي مجابل الباب..دعت عليه يوم جافته يبتسم..حست انه يستفزها بابتسامته

عهود: السلام عليكم..

_عليكم السلام..
ناصر: تاخرتـي..

عهود"اضايجت من اسلوب ناصر":- وصلت سعاد قبل

سلطان: اشحالج عهود..
عهود:"من غير ما اطالعه" ابخير ربي يعافيك..

وسارت حجرتها..حطت كتبها ع الطاوله بقوه..محرجه..اترمس عمرها انا ادري ليش ياي عشان يفضحني جدام ناصر و عليـــــاا ..خس الله ابليسك يا سلطووون

تمت يالسه في حجرتها..تكتب ايميل لـ مايد..دشت عليها عليااا..
عليا: ما تبين غداا..
عهود"بعصبيه" لا ما ابـا..

عليا: الحين نترياج من ساعه عشان اتقولين ما اباا
عهود: خلاص ما ابا ..

عليا: شفيج معصبه..
عهود: ولا شي..خلاص بيي اتغدى امري لله..

يلسوا يتغدون ..استغربت عهود ان سلطان للحين ما قال شي..وبعد مطنش عهود يمكن عشان ناصر موجود..بس بعد الغـداا يالسين يشربون الشاي

اتفاجات عهود يوم سلطان سالها..

سلطان: عهود قد مره دشيتي مطار راس الخيمه..؟؟

عهود"من الربكه مب عارفه شو اترد" لا ...اممم يمكن مره ما ادري..

عليا"اطالع ناصر": انا و ناصر ملينا من كثر ما انروح له قبل.

سلطان"يكلم ناصر" ليش ما اتروح الحين ترا وايد تغير..
عهود اطالعه بنظرات تباه يسكت..بس سلطان شكله مصخهاا يوم سالها..

سلطان"يبتسم" عهود الا ما قلتي متى بتخلصين جامعتج..

ام ناصر: بعد سنتين و بتفتك..
عليا: انا مخلصه جامعه ولا اشتغلت للحين..

ناصر: انا ما اباج تشتغلين.

حست عهود ابراحه يوم تغير الموضوع بس شكله سلطان ما نسى السالفه..

سلطان: احلى شي في الجامعه البريك.اكيد عهود يوم الاربعا كل اتكون فاضيه..

عهود اترص ع اسنانها السبال يتعمد يعق نغزات الله يسامحك ..

رن موبايل ناصر ..فطلع برع يرمس..و بنفس الوقت وصل عهود مسج من سعاد"لا تنسين اليوم العصر"...

عليا:- منوووووو...؟
عهود": سعاد تباني اسير معاها نطلع..

سلطان: اوصلج...؟؟
عهود"تبتسم" مشكور عندهم دريول..
سلطان :وين بتروحون عيـل...؟؟
ام ناصر "تضحك" يخاف عليج يعتبرج شرات علياا

عهود"ماسكه اعصابهاا": ما يحتاي عندي ناصر كافي..

عليا"تضحك" ههههههاااااي الله يعينج و الله
عهود"امطنشه" امايه بسير المكتبه مع سعاد انزين...؟
ام ناصر: ع راحتج يمه ..

سلطان: يطالع تلفونها" ها الموبايل ما يناسبج..انتي بنيه..
عهود خلالاص مب رايمه تتحمله اكثر..وقفت عشان ادش حجرتها..

سلطان:"يطالع موبايله" هـــــــــاا عندج بلوتوث كشفتج.

عهود: شو كشفتني مسويه جريمه انا..

دش ناصر بها الوقت و يلس..
سلطان:- هــــــا مسميه روحج اسيرة الهم..حليلج مهمومه...منو منكد عليج عيشتج..

طنشته عهود ودشت حجرتها..غلقت موبايلهاا..لانها كرهت فضول سلطان..

بعد شويه عرفت ان سلطان طلع من البيت..بعد ساعه اتصلت بها سعاد عشان اتمر عليها..

لبست عبايتها و شيلتها..و مجرد ما سمعت هرن السياره طلعت..يلسوا يتحوطون في المكتبه..وساروا اكثر من مكتبه لي وقت المغرب..

عهود: اخاف اتاخر ناصر بياكلني..مب لازم انروح المنار..خليها وقت ثاني..

سعاد: افا تبين ارد بكلمتي ما بقولج شي صدقيني.. و بعد ما بنتاخر..

عهود: اوكى ع ضمانتج..
يلسوا في المطاعم في المنار..ياكلون و يسولفون..
سعاد:- شخبارها علياا ..؟؟
عهود: الحمدلله الله يعينها بس..

سعاد"تبا اتعرف الاخبار" ليش شو بلاهااا

عهود: ناصر متغير عليهـا مدري شو بلاه كل يحرج عليهاا..
سعاد" مستانسه" و اللــــــــه..

رن موبايل سعاد و كان المتصل ناصـر..طنشته اونها زعلانه..
عهود: ردي علي الموبايل..
سعاد: لا ما ابا ارمس الحينه.

و رن ثاني مره..
سعاد"واقفه" شويه عهود بجوفه و برد عليج..
عهود: اوكى..
يلست عهود تلعب فـي موبايلها فتحت لستت البلوتوث و جافت اسامي اشكثر..

يلست تضحك ع السخافات..اتخيل لو مايد موجود و قرا اسيرة الهم اكيد بعرف انها هي..

رن موبايلها استغربت يوم جافت المتصل سلطان..
عهود: نعــــــــــم..؟؟

سلطان: الناس اتسلم بالاول..السلام عليكم..
عهود"من غير نفس": عليـكم..

سلطان: جايفتني يهودي اتقولين عليكم..
يودت عهود عمرها كانت بتضحك عليه بس ردت عليه..
عهود: شو بغيت انا مب فاضيه..
سلطان"يعاتبها" شو اتسوين في المنار انتي بس قلتي بتروحين المكتبه ع بالج ما بكشفج..

عهود"اتعصب عليه" انت اشعلــــــــيك ما يخصك فيني مليون مره قلت ما يخصك..

وصكرت الخط..

سعاد واقفه عند باب محل جوفيال للساعات..
ناصر:- اخيرا رديتي...؟؟
سعاد: مشغوله شو بغيت..

ناصر: ليش زعلانه مني..
سعاد: انت اتعرف ليش..
ناصر: اوكى انا اســـــــف شو تبين بعد..؟

سعاد: ليش تظهر مع حرمتك من غير ما اتقول لي..؟
ناصر:- قلتلج اسف..و عشان اثبت لج اني غلطان خليني اجوفج ..

سعاد"بدلع" ما ابا..
ناصر: يلااا عـاد..
سعاد: اوكى حبي انا الحينه مع اختك عهود في المنار.
ناصر: شووووو عهود عندج وليش ما قالت انها بتظهر..

سعاد: حبي هي كانت خايفه منك انا اقنعتها.طبعا ما بتكسر كلمتي صح..

ناصر: خلاص عيل ..المهم متى بجوفج..
سعاد"اطالع الساعه" خلاص انا و عهود بنروح الحين..بوصلها البيت..وبعدين...

ناصر: انزلي عند بيتكم و انا بيي آخذج خلاص.
سعاد: اوكى اتفقنا..باي.

ناصر:- يلااا بـاي....

بعد ما اتصكر سعاد من عن ناصر يرن موبايل ناصر..
ناصر:- الـوو
عليا: حبيبي اتصل بك مشغول
ناصر: ارمس واحد من الربع شو تبغين..؟؟
عليا"مضايجه من اسلوب ناصر" حبيت اتطمن عليك..

ناصر: اوكى تطمنتي الحين..

عليا: هي مع السلامه..
ناصر"يصكر الموبايل" و اللــــــــه حاله..

**

قامت عهود من مكانها يوم جافت سعاد متاخره عليها..راحت تشتري لها بيبسي..اتفاجات بـ سلطان ..مجابلنها.
سلطان:- ليش اتصكرين التلفون بويهي مافيج ادب..
عهود"اطالع يمين و يسار" انت من وين طلعت لي و بعدين شو تبا فيني..

سلطان:- عيل الشاعر ما تتلفتين جي يوم قاعد معاج..

عهود:- اووووووه لا اتخليني اصفعك جدام خلق اللـــــه..

سلطان:: و الله امطج من شعرج يلااا جربي..

رن موبايل عهود..جافت المتصله سعاد..
عهود:- سعاد!!..؟؟
سعاد: وينج انتي..؟
عهود:- انتي الي وينج..
سلطان:- طاع يالس ارمسها و مطنشتني..
عهود" اتروح بعيد عنه" تعالي نفس الطاوله بكون هناك..يلااا باي..

سلطان: انا ما ابا اترابعين هاي البنيه ما تعيبني..
عهود: لا و الله ليش من وين تعرفهاا
سلطان:- بس كيفي من اسمهااا

فكرت عهود اتروح و اتخليه ابروحه واقف..بس جافت جمال ربيعه وقف حذاله..
عهود: عفان الله صج من قال الطيور لاشكالها تقع..

وراحت..ادور ع سعاد..

سلطان"يسال جمال" شو قصدهـا..
جمال: شدراني اتحيدها هاي خبله..

سلطان: حو لا اتغلط ع الاهـل..
جمال: زييييييين ما قلنا شي..

سلطان"شاك" لا يكون اترمسها ولا اتعرفهاا..
جمال: الله يهداك..من وين اعرفهاا...

**

ناصر بكتشف شي ..يخليه يحرج من عهود .. بس هل بيكون لـ سلطان دور ...؟؟

عليا بتحاول تكسب ريلها ناصر ..بس تتوقعون لي وين يوصل تأثير سعااد ع ناصر ..؟؟؟

مايد بتنازل لـ رفيجه سند عن شي غالي ع قلبه ..تتوقعون شو هو هالشيء ..؟؟

و دا انه غالي ليش يتنازل بها البساطه ..؟؟؟


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 18
قديم(ـة) 24-11-2009, 07:12 AM
صورة نسـْْْيـت..آنسـْْْآآك..} الرمزية
نسـْْْيـت..آنسـْْْآآك..} نسـْْْيـت..آنسـْْْآآك..} غير متصل
©؛°¨غرامي مشارك¨°؛©
 
الافتراضي رد: راحت روحي من محجر عيوني للكاتبة معاني \كاملة


..
..
بــآآرت روووعــه ..
بـآــنتظــآآآـر الـتكمـــله ..
يعطيـكـ العــآــفيـه ..
ودي ..
..
..


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 19
قديم(ـة) 24-11-2009, 08:21 AM
صورة بنوته حدي محد قدي الرمزية
بنوته حدي محد قدي بنوته حدي محد قدي غير متصل
©؛°¨غرامي فعال ¨°؛©
 
الافتراضي رد: راحت روحي من محجر عيوني للكاتبة معاني \كاملة


آلروآآيهـ خيآآل ..وروعهـ ..

مع آنو بعض آلكلمآآت مآفهمهآآ خخخخـ ..

بس جنآآن ..~

يسلموؤوؤو

وننتظر آلتكملهـ ..

تحيآآتي ..~


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 20
قديم(ـة) 24-11-2009, 11:40 AM
شموخ قطرية شموخ قطرية غير متصل
©؛°¨غرامي متألق ¨°؛©
 
الافتراضي رد: راحت روحي من محجر عيوني للكاتبة معاني \كاملة


روووووووووووووووووووووووووعه هالبارتيين

احس انه راح يفوز بلقب شاعر او شي من هالطينه وراح يتنازل لسند ارفيجه عشان عهود<<< نعنبو التوقع روحي الفي الرواية احسن

وناصر راح يعرف من هالخبل جمال او من سعاد

علياا مسكينه عورت قلبي ومادري ليش احسها بتحمل او انها اوردي حامل

امممممم

من نسيت امممم

اي صح اتوقع سلطان راح يتقدم لـ عهود<<< حرقت الروااية

بانتظار البارت الجاي

الرد باقتباس
إضافة رد

راحت روحي من محجر عيوني / للكاتبة : معاني ، كاملة

الوسوم
للكاتبة , محير , معاني , راحت , روحي , عيونى , وكاملة
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
ماضي أحزاني / كاملة روح زايــــد روايات كامله - يتم نقل الرواية هنا بعد اكتمالها 161 27-05-2019 12:35 PM
بقايا أنثى مجروحة / الكاتبة : سحر الاحساس ، كاملة روح زايــــد روايات كامله - يتم نقل الرواية هنا بعد اكتمالها 113 23-02-2018 07:08 AM
يفهم نظرة عيوني ويقول : انتي تبين احضان وياخذني ع حضنه واصير أقرب من هدومه / للكاتبة ليال جروح غامضه أرشيف الروايات المغلقة - لعدم إكتمالها 86 19-11-2010 07:38 PM
قصة رومنسية ولا أروع / كاملة رمشة العين ارشيف غرام 47 01-06-2008 06:21 PM
موسوعة اشعار اغاني راشد الماجد ..,,!! (TXT) عزت ابو عوف ارشيف غرام 1 26-08-2007 06:44 PM

الساعة الآن +3: 07:43 AM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


youtube

SEO by vBSEO 3.6.1