غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1
قديم(ـة) 23-11-2009, 11:45 AM
صورة talin الرمزية
talin talin غير متصل
©؛°¨غرامي مشارك¨°؛©
 
الافتراضي أخوه لكن بلا ألقاب


السلام عليكم
روايتي الاولى
أخـــــــــــــــــــوه لكن بلا ألقاب



في إحدى الملاجئ الفقيرة
رائد:قلت لك محاد رضي يعطيني"كذاب لكنه قسم الفلوس بين أخوانه بندر وسالم وزاهر ودنيا"
المديرة:ليش أنت تأكل بلاش كل شي بحقه وان ماجبت شي ما تأكل
رائد:خلاص خليني أروح للناس اللي يبوني أنا وأخواني واخلصي من أكلي وأكلهم وقال هالكلام عشان يغيضها
المديرة:تطول صوتك علي آنا اوريك جلست تضرب فيه وبندر وسالم وزاهر ودنيا جلسوا يبكون
بندر ماقدر يتحمل قام وراح يحمي رائد بجسمه ويتحمل الضرب بداله لكن رائد دفه وقاله خذ سالم ودنيا وزاهر واشردوا المديرة زادت الضرب فيه لما سمعته وقالت:وكمان تقنعهم يهربون إن ما ريحتك من نفسك ما أكون لمياه هانم أنت من يوم ما جيت وأنت معذبني
لفت على سالم وبندر ودنيا وزاهر وقالت بصرخة: وانتو يلا على الغرف نوم
في ذي الوقت قام رائد من ورآها ودفها وطاحت على الأرض وراح بندر وجلس يضرب فيها وشاركه سالم وزاهر ودنيا جلست تبكي ورائد راح ضمها وقال:يلا نشرد بسرعة
( رائد عمره 10 سنوات, بندر عمره 9سنوات, سالم وزاهر عمرهم7سنوات ودنيا عمرها 6سنوات
رائد بمثابة أب لهم هو وبندر دخلوا الملجاء سوا بندر كان عمره شهر وهو سنه كبر وصار عمره 4سنوات وبندر 3سنوات وجاتهم دنيا كانت رضيعه واعتنوا فيها هو وبندر وبعدها جاهم سالم عمرة سنتين وبرضو اعتنوا فيه وأخيرا قبل لا يهربون بسنتين جاهم زاهر كان عمره 4سنين "

وهذوله هم أبطالنا اللي راح
نعيش قصتهم من الحين حتى وهم كبار

أتمنى تعجبكم ..........



طلعوا يركضون لين بعدو من الملجاء وفجأة طاح رائد مغمى عليه كلهم التمو حوله وجلسوا يصيحون عليه عشان يقوم فتح عينه بعدين طلب من بندر يمسكه ويستند عليه قامه بندر وسنده وجلسوا يمشون لين وصلوا عند البحر وجلسوا تحت صخرة كبيرة عند الشاطي رائد كان تعبان ونام على طول وكلهم ناموا في الصباح في صعقت الشمس صحي بندر وما لقي رائد وقام بصحي أخوانه:قوموا قوموا رائد ماهو موجود كلهم صحو وشوي جاء رائد ومعه خبز ومؤويه وقام يقسم الخبز أرباع ووزعه بينهم وحط المويه وسطهم ورجع انسدح بندر طالع فيه وقال: وأنت ما تبي تأكل
رائد وهو مغمض عيونه: إذا شبعتم كأني شبعت يلا بسرعة كلوا عشان ورآنا شغل
سالم : وشو شغله
رائد ضحك وقاله: أنت وزاهر شغلكم تحرسون دنيا لأنكم رجا جيل
سالم وزاهر محد قدهم يوم قال رائد هالكلام وقالوا: طيب
بندر : طيب وانأ
قام جلس وفتح عيونه وكانت تصرفاته اكبر من عمره بكثير: أنت بتجي معي عشان نشحت وندور على شغل
بندر:طيب
أكلوا وبعدها قام بندر ورائد وجلسوا في الشارع القريب من البحر يشحتون عشان ما يضيعون
مر الوقت وصارت ظهريه والجو كان حامي مره والشارع صار شبه فاضي
التفت بندر للجهة الثانية من الشارع يلمح رائد لقيه طايح
قام يصيح في طلعت شخص من المطعم اللي كان واقف جمبه بندر

راح هالشخص ركض يشيل رائد دخله المطعم وطلب من راعي
المطعم يجيب مؤويه لان رائد كانت حرارته مرتفعه مرة
سال بندر: وش اسمك واسم أخوك
بندر وهو خايف:أنا بندر وهذا رائد
........:طيب وش تسوون بعز القايله هنا
نزل رأسه بندر وبصوت واطي جدا: نشحت
سمعه بس بغاه يعلي صوته وقاله : وشو؟؟
قال : نشتغل
قال:وش تشتغلون؟؟
رائد فتح عيونه ويقول بتصريفه:نمسح سيارات
وقام وقال:يلا بندر خلنا نروح من هنا
ضحك ضحكه وقفت رائد وقال:
تمسحون سيارات والشارع فاضي قولوا تشحتون وأقولكم ممكن ويطالع فيهم كأنه يقول فاهمكم
رائد: حتى لو!!
موه من شغلك وبعدين من تكون؟؟
..........: اسمي سامر
وقام سحب رائد وبندر وطلع وقال هذي سيارتي يلا معي باين ما عندكم مكان تروحوا له
بندر ناظر رائد كأنه يقوله وافق
رائد: وإحنا ايش درأنا وش تبي فينا أنا تعلمت مافي شي إلا بالمقابل
سامر وهومتنرفز:طيب واللي يعطونك فلوس وش يأخذون منك
رائد ببرود :دعوة من قلب طفل تصلح حالهم
تعجب سامر وابتسم لرشد رائد وقال: وأنا ما أبي إلا دعوة منك تكون صادقه
اقتنع رائد وقال:خلاص بس إحنا موه لحالنا
استغرب سامر وقال:طيب وينهم اهلك
رائد:هناك في البحر


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 2
قديم(ـة) 23-11-2009, 11:48 AM
صورة talin الرمزية
talin talin غير متصل
©؛°¨غرامي مشارك¨°؛©
 
الافتراضي رد: أخـــــــــــــــــــوه لكن بلا ألقاب


سامر!!:بعز القايله يلا امش قدامي وروني إياهم شكلهم استووا
مشى رائد وبندر وسامر ورآهم
وصلوه تحت الصخرة أنفجع سامر يوم لقي بس أطفال توقع يلقى أم أو شايب على الأقل
سأل: رائد وين اهلك
رائد: ماعندنا أهل
سامر: وكيف تجي انشاءالله
بندر:لأننا هربا نين
أنصدم سامر وفي نفسه: كيف أطفال يهربون من أهلهم جد دنيا عجيبة!
رائد: ها بتاخذنا ولا هونت
سامر :بوصلكم بيت أهلكم
رائد معصب: اجل ابعد عنا ومالك شغل فينا
سامر يهديه:ياولدي كلكم صغار ومحد يقدر فيكم يحمل مسئوليه لازم ترجعون لأهلكم
دنيا بكت: واللي ماعنده أهل
سامر :ليه انتم من وين شاردين
بندر: من الملجاء
في هذا الوقت رائد ماكان قادر يتحمل زيادة صعقت الشمس
حس بضغط شديد ومعد شاف شي وأغمي عليه
شاله سامر وطلب من البقية يجوون ورآه
ركبهم السيارة
في الطريق صحي رائد:أنت وين مودينا
سامر:بيتي أنت المفروض كان قلت لي من أول
رائد :ليه انشاءالله
سامر طالع فيه وقال:لأني كنت زيكم بملجاء بس ماكان عندي الشجاعة زيكم عشان اهرب
تكتف رائد:وكيف تبينا نصدق انشاءالله
سامر:كيفك صدق ولا لا تصدق أصلا إحنا شوي ونوصل
وصل سامر وركن السيارة ودخلوا كان البيت شعبي مكون من غرفتين "غرفه نوم سامر والثانية كانت مجلس" ومطبخ وحمام

سامر:انتم تناموا هنا لين أجيب لكم آسره بغرفتي طيب
هز رائد رأسه بالإيجاب:طيب
سامر:كمان انتم لازم تدرسون
بندر:إحنا ندرس في المدرسة حقت الملجاء
سامر: بس لازم ندور غيرها أكيد بيمسكونكم إذا داومتم
ضحك رائد وقال:أكيد مادام هانم لمياه بالكون
سامر:من لمياه مديرتكم صح
رائد: إيه امحق مديرة
سامر: اجل أنقلكم من بكرة
بندر: طيب وكتبنا
سامر: أنا بجيبها بس وش اسم الملجاء
رائد: اسمه دار.......الأطفال
سامر:تمام الحين وش تأكلون
ناظروا العيال بعضهم أول مرة يوجهه السؤال لهم
واللي قال بيض واللي قال بطاطس
واللي قال لحمه كل واحد صاح من جنب
ضحك سامر وقام وجاب ورقه وقال:يلا نبدأ فيك يا رائد
وش تبي
رائد:اللي يجي ببالك أنا مافي راسي شي غير إني أبي أكل
لف على بندر وقاله:وأنت
بندر: أنا أبي بطاطس
سامر:بس.....
بندر طالع فيه وقال:اقدر اطلب أكثر
سامر:اللي تبيه بجيبه بس قول
بندر:طيب بطاطس ولحمه وبس
طالع سامر في زاهر :وأنت وش تبي
زاهر : أبغى زى بندر
نقز سالم :حتى أنا ابغي زيهم
سامر: تأمرون أمر
وأنتي ياقمر وش تبين
دنيا: ابغي أكل وبس
هنا ابتسم رائد وقال :جيب لها أي شي
بس قلنا أنت وش بتآكل
ضحك سامر: بأكل ولا شي
بس إنشاء الله ألاقيه في السوق
استغرب رائد في نفسه: وش فيه ذا معقولة في شي اسمه ولا شي
سامر يوم شافه رائد مستغرب قال: أنا أكلت بس بجيب لكم أجيب لك أنت والحلوة دجاج ورز
قال رائد :عادي
سامر: الحين أنا معرف إلا اسمك أنت واسم بندر والباقي
رائد:هذا سالم وهذا زاهر والحلوة هذي دنيا وباسها على خدها
ابتسم سامر قام وقال: إذا دق الباب لأحد يفتح
رائد: طيب
ولحقه يوصله للباب
رائد لسامر:بسالك سؤال؟؟
سامر: آمر
رائد: وش تبي فينا
سامر: ولاشي وإذا منت متطمن مستعد اترك لك مبلغ تدبر روحك فيه
أنت وإخوانك وأروح أدبر أنا روحي واستأجر لي مكان اجلس فيه هااا وش رأيك
رائد: يعني بتترك البيت لنا
سامر :إذا بغيت اترك بتركه
رائد: وش تشتغل
ضحك سامر:وشلك شغل بشغلي
رائد :بس أبي اعرف
سامر تنهد وقال:وظيفة صغيرة على قدي وتسد رغباتي بس ادعي لي ربي يفرجها علي ويهديني
رائد مافهم شي بس قال: الله يوفقك
سامر: اللهم آآآآآآآآمين
يلا سلالالالام
رجع رائد لإخوانه اللي كانوا مو مصدقين
أنهم حصلوا واحد طيب بطريقهم وكانوا قاعدين
حول بندر وهو يحكي لهم كيف عرفوا سامر
بعد ربع ساعة جا سامر والأكل معه
شراء لبندر وسالم وزاهر من ماكدونالد
لكل واحد وجبه كأمله
أما رائد ودنيا جاب لهم دجاج ورز
وبطاطس وعصير
جلسوا العيال يأكلون شافههم سامر
ورجعت به ذاكرته أيام زمان يوم مرت أبوه كانت
تحرمه يأكل باليوم إلا وجبه وحده
تذكر الجوع اللي كان يحس به
تذكر التعب اللي كان يتعبه في تنظيف البيت والحوش
تذكر كل همه
ورجع طالع فيهم واحد واحد
وفي نفسه يأرب وش ذنبهم يتعذبون
وهم بقي ماعرفوا الحياة صح
طاحت دمعه من عينه
مسحها بسرعة قبل لأحد يشوفه
وقام قال: يلا اتركم بروح أريح شوي
وانتم كملوا أكل وبعد ما تخلصوا نظفوا مكانكم وناموا
اوكي
رائد: طيب ولا يهمك رح ارتاح وأنا بسوي اللي تبيه
ابتسم بحزن: يلا استأذن
وراح
بندر يكلم رائد بشويش: وشفيه
رائد: مدري أحسه متضايق شكله ابتلش فينا
وأنا أحس إني ثقيل لازم اعرف وش يشتغل وبشتغل معه
عشان اصرف عليكم وأحس انه أحسن حل
بندر: وأنا معك
رائد:لا يا بندر أنت خلك مع إخواني وبعدين ورآك مدرسه
بندر: وخير ياطير حتى أنت ورآك مدرسه
رائد يعتدل بجلسته: لا أنا بترك المدرسة
بندر: ليه يا رائد أنت مجنون ترى يخوي ما معنا إلا مستقبلنا
رائد: ماعليك مني أهم شي أنت وسالم وزاهر ودنيا لازم اطمن عليكم
أما أنا بدبر روحي بشغل عشان نصرف منه فهمت
الحين خلينا نأكل بعدين نتكلم

كملوا أكل بعد ماخلصوا قام بندر ورائد ونظفوا المكان
وغسلوا الصحون ورجعوا نظفوا المجلس وشغلوا التلفزيون
لسالم وزاهر ودنيا عشان يشوفون توم وجيري
وجلس رائد يتكلم مع بندر وش بيسوي
إذا سامر ما رضي يخليه يترك المدرسة ويفهمه وش بيقول..
"""""""""""""""""""""
""""""""""""""""""""""
"""""""""""في العصر""""""""""""
صحي سامر كالمعتاد بالكابوس اللي يجيه وهو
إنـ.............
>>>>>>>>> بعدين تعرفون

قام واخذ له شاور
وطلع وراح المجلس وشاف الخماسي كلهم نايمين
ومتجمعين حول رائد كأنه أبوهم من جد

ابتسم ابتسامه لبسهم وطفئ النور وصك الباب
ورجع غرفته لبس وطلع
وراح لأصحابه وجلس عندهم
وبعدها مر على شقته يسير على البنات اللي فيها
"أظنكم فهمتم شغلته"
بعدها طلع ورح يشوف الملجاء اللي قالوله عنه
طالع بساعته كانت الساعة ثمان العشاء نزل
من سيارته ودخل وسأل عن المديرة
ودخلوه عندها وبعد صياح وتهديد من سامر قبلت تعطيه ملفاتهم وأغراضهم كلهم
بس رفضت تعطيه ملف رائد بحجه انه ماعندها ملفه لكن سامر ما عطاها وجه ابد وبدء يفتش بنفسه
بس مالقيه وبعد إصرار وتهزي منه للمياه هانم
قالت له إنها حرقت ملفه لأنه زاعجها من أول وكانت ناويه تبيعه
بس انه سبقها وهرب
بعد ما سمع كل هذا سامر حمد ربه انه هرب
وطلع جواله من جيبه وقال بتهديد:كل كلمه طلعت منك مسجله بالجوال وقسم ويمين
إن سمعت منك كلمه طلعت عن هروب هالعيال ما تلومين إلا نفسك
لمياه:هروبهم أصلا راحة لي بس اسمح لي هذا قانون وانأ بكتب تقرير انو ناس خذوهم
وإذا صار لهم شي انته اللي بتكون المسئول
عطاها سامر نظرة اشمئزاز واخذ الملفات والإغراض وراح وتركها
لمياه :إن ما وريتك ما أكون لمياه هانم محد قد جا وهددني بوسط مكتبي لكن اصبر وبتشوف
وطلعت ملف رائد من تحت بلوزتها
"تقولون متى دسته؟؟
بقولكم انه دايم تحت بلوزتها لأنه رائد
أكثر من مره حاول يسرقه واهي أخذته
وخافت تخليه بالبيت ويجي أي مسئول ويسال عن ملفات
وما لقيت مكان مناسب بالنسبة لها غير تحت بلوزتها-^"

ركب سامر سيارته
وكان يفكر كيف راح يسجل رائد بالمدرسة من دون ملفه
سامر: لقيتها أروح المدرسة اللي كان يدرس فيها واطلب نقله بس بيقولون من تكون
يأرب يحلها
راح عند البحر وجلس يفكر وش راح يسوي مع
الأطفال وهو عمره مافكر يربي احد ..
بعد كم ساعة قام وركب سيارته
وقف عند المطعم اشترى عشاء وتوجه للبيت

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 3
قديم(ـة) 23-11-2009, 11:50 AM
صورة talin الرمزية
talin talin غير متصل
©؛°¨غرامي مشارك¨°؛©
 
الافتراضي رد: أخـــــــــــــــــــوه لكن بلا ألقاب


"من جهة ثانيه في الملجاء"

لمياه هانم تتحطم
وتسب وتلعن رائد والرجال اللي جاها
كانت قاعدة تكتب تقرير عن رائد وبندر وسالم وزاهر ودنيا
أنهم نقلوا عند عائله فقيرة جدا
هل تعلمون لماذا كتبت فقيرة جدا ؟؟
لكي تكسب من ورآهم حتى وهم غير موجودين
وبذلك تكون كسبت ولم تخسر بتبليغ بفقدانهم
لأنه إذا بلغت يا يلقوهم وترجع لرجتهم وإذا ما لقوهم ما تستفيد شي فهمتم
قالت اضرب عصفورين بحجر
يتشردون أو يموتون وهذا اللي تبيه واكسب من ورآهم
وابد ابد ماهز تسجيل سامر لها شي



"نرجع للخماسي ــ^"
صحي رائد على أذان المغرب
وقام أخوانه عشان يصلوا المغرب

وبعدها قام وراح عند غرفه سامر وقعد يدق الباب س محد فتح وفكره انه نايم
ورجع عند أخوانه وهم يقلبون بــ تي في
ويتصايحون بين سبيستون وmbc3
اخذ رائد منهم الريموت وقال:من يبي سبيستون يرفع يده
رفعت يدها دنيا
قال رائد: شوفي دنوي محد يبي سبيستون غيرك وكلهم هنا يبون mbc3
وحتى لو وقفت معك مارح نكسب وابتسم لها
قامت تبكي وتقول:بس أنا ما أحب هذا
رائد طالع في أخوانه كأنه يقولهم خلوها تتفرج
وخلاه على سبيستون وكان فيه ستروبري
عشان كذا شد دنيا

وقام سالم وزاهر يتضاربون
وبندر يشجع بينهم
ورائد جالس يطالع فيهم ويفكر وش بيقول لما يصحي سامر

بعد كم ساعة مرت على الأطفال
رجعوا على صياحهم ورائد يحاول يفك بينهم
وبندر يضحك ويشجع
رائد:بندر ووجع تعال
بندر :تبيني أفكهم من مكاني اقدر
رائد راح له وقاله يلا ورني شطارتك
بندر: على كم؟؟
رائد: جد ما عندك سالفة
رجع يفكهم عن بعض
بندر صرخ: ماما لمياه

بهاللحظه الكل وقف وقال رائد: وينهها
قام بندر يضحك :ما قلت لك بوقفهم
رائد: أنت اللي يبي لك ضرب الحين
وراح له يبي يضربه لكنه شرد للمطبخ
في دخلت سامر للبيت
جمد بندر مكانه
قرب سامر منه سلم عليه وعطاه العشى وقاله وده المجلس الحين جاي
دخل بندر المجلس يقول رتبوا المجلس بسرعة جا سامر
رائد: ليش وين كان
بندر :مدري
رائد:وأنا أقول ليش ما فتح الباب
دخل سامر المجلس :السلام عليكم
رائد:وين كنت
سامر:ليش ولي أمري
رائد محرج:لا بس كنت أحسبك
نايم حتى مستغرب هذا كله نوم
بندر: نحضر العشى
سامر: ايوه طلعوه من الأكياس وأنا بروح أجيب كاسات
جاب سامر الكاسات وبدا يصب لهم العصير
وبندر ورائد يوزعون السندوتشات لهم
بعد ما خلصوا العشاء كان سامر جالس يلعب مع دنيا وسالم وزاهر
وبندر ورائد كانوا بالمطبخ يغسلوا الكاسات
بندر:الحين بتقوله لأني شفته يوم دخل بيده ملفات وشكلها ملفاتنا
رائد:طيب ما شفته وين حط الملفات
بندر:أعطاني العشى ودخل غرفته
رائد: خلاص راقب لي وأنا بروح غرفته اخذ ملفي
وطلع من المطبخ وما سمع بندر وهو يقول
لا تروح
فتح رائد باب الغرفة وتفاجئ لما فتحه .....


طلع له سامر في وجهه تكتف وهو معقد حواجبه وقاله : بغيت شي

رائد حاول يصرف نفسه: ها آآآآآآآ.... ايوه بغيتك بموضوع

وخر سامر عن الباب وقاله: طيب ادخل

"دخل رائد وأول مره يدخل غرفه سامر
كان نورها خافت والسرير دائري وعليه ديكور
والجدران فيها ديكور على شكل إطار نفس الديكور اللي
على السرير
وعند النافذة كنبتين وطاوله صغيره تطل على الشارع"

مسك سامر كتوف رائد وجره على الكنبة وجلسه وجلس وقاله:
يلا قول وش عندك وش الموضوع
رائد:أنا مآبي ادرس وآبي ملفي
سامر:ملفك ماهو معي بعدين من ناحية الدراسة راح تدرس
رائد: بس بندر قالي انك جبت ملفاتنا
سامر:ايوه جبت ملفاتهم بس ملفك مو معي
رائد: أنت تلعب معي كيف يعني خليت ملفي هناك
سامر: لا .. لان ملفـــ.... !! ألا تعال أنت وش مسوي
مع مديرتك حتى تكرهك لهدرجه

رائد: ولاشي هي كانت تجبر أخواني إنهم يشتغلون وأنا كنت أساعدهم
بس هذي كل السالفة

سامر:طيب ملفك هي تقول إنها حرقته و......

قاطعه ضحك رائد وهو يقول: مستحيل تسوي كذا.

سامر وعلامات الاستفهام تدور حوله :ليش؟؟!
رائد: لأني عمله نادرة بالنسبة لها
سامر: كيف .. كيف يعني؟
رائد :بالمختصر قبل لا يجوون إخواني الملجاء كنت الورقة الرابحة لها في الشحاته ويوم
جوا صرت أشحت أنا وبندر واخذ اللي جمعناه وأوزعه عليهم وما يصير عندي شي فانضرب
منها وأنام من غير أكل
سامر بحزن:طيب ليش ما كنت تقسمه عليكم كله بالتساوي
رائد:لأنه المبلغ في اغلب الأوقات ما كان يكفي يتقسم لخمس أشخاص
أما إذا كان اللي نجمعه كثير احمد ربي ذاك اليوم إني سلمت من الضرب

جلس سامر قدام رائد على ركبه وضمه وقاله: تعبت كثير بحياتك
لكن من الحين أنسى التعب

رائد تجمد أول مره شخص كبير يضمه ويحسسه بالحنان
دمع بس حاول يستجمع قواه ولا ينهار قدام سامر
حاول يبعده ..

حس عليه سامر وبعد عنه ورجع يجلس على الكنبة وقاله : طيب ليش من بين كل أولاد
الملجاء اخترت هذولي

رائد يستجمع نفسه : لأنهم كانوا بحاجتي وهم الوحيدين اللي حسيتهم قريبين مني
بس بندر من يوم ماكبرت وهو معي

سامر:طيب قولي إذا ما حرقته وين حطته
أنا قلبت المكتب كله

رائد بابتسامه مكر:لا مو كل مكان
سامر يحاول يفهمه:يعني وين في بيتها
أنت تعرف مكانه قول وينه
رائد:إيه اعرف تحت بلوزتها

سامر بضحكه يحاول يستوعب كلامه: كيف .. كيف يعني وليش؟؟!

رائد: كيف لأني يوم هربنا كانت تضربني بعدها لفت على أخواني تهزئهم
قمت ومسكتها من خصرها وطيحتها حسيت أنها مخبيه أوراق
ببطنها بس مالحقت أشوفها لأنها كانت تصيح على المربيات يساعدوها
عشان كذا هربت أنا وأخواني بسرعة أما سالفة ليش
لأني كنت دايم ادخل غرفتها أحاول اخذ ملفي

سامر:خلاص أنا بجيب ملفك ولا تشيل هم
بس قلي مافي من بين المربيات احد كان طيب معكم

رائد: يوم كنت صغير كان في وحده طيبه معي أنا وبندر بس يوم كبرنا معد شفناها
أما الباقين عادي معنا لا يحبونا ولا يكرهونا

سامر: اوكي رائد في عندك شي ثاني

رائد:أبي اعرف وش اوكي هذي
ضحك سامر:هذي كلمه انجليزية تعنى طيب

رائد: طيب بالنسبة لدراستي
سامر: راح تكمل دراستك وتحقق أحلامك
رائد: بس انــ........
قاطعه سامر بحده:انتهى النقاش بتدرس يعني بتدرس
إذا عندك غير هالموضوع قول وإذا ما عندك اطلع خليني أنام

طلع رائد من الغرفة وهو زعلان بفشله في إقناعه
بندر كان يستنا رائد عند الباب أول ما طلع رائد
قام وسأله: هاا بشر رضي
رائد: ما رضي اسمع أول مايودينا المدرسة راح نبدأ بالخطة الثانية
تنهد بندر وقال: خلاص صار
مسك بندر رائد من كتفه وضمه ومشوا لين المجلس لقيوا
سالم وزاهر ودنيا نايمين عدلوهم ولبسوهم وناموا

رائد وهو منسدح يفكر: الحين لو ما طلع الملف اللي كان ببطنها ملفي
راح يكون ملف مين؟؟
بعدين من جد حرقت ملفي طيب ليه
أنا لازم اسأل سامر يمكن قالت له الجواب
بعدها غمض عيونه ونام....

""""""في الصباح""""""

فتح رائد عيونه على صوت الباب
قام وراح للحمام وهو خارج من الحمام شاف سامر
في المطبخ قاله:من طلع قبل شوي

أنصدم سامر انو رائد صاحي وقاله:أنت من متى صاحي

رائد:تؤوي صحيت يعني أنت توك جيت
ارتاح سامر وقال :لا بس نسيت سيارتي مفتوحة أمس
وصكيتا ورجعت
رائد:طيب فطرت
سامر ارتبك يوم شاف رائد يطالع في صحن الفطور وكان به كوبين
وقال:هااا...ايوه سبقتكم
حس رائد فيه وابتسم وقاله: بالعافية
سامر : الله يعافيك
الحين بسوي لكم فطور بس روح قيم إخوانك
رائد :طيب وراح
تنهد سامر:أشوى ما شاف شي
ثاني مره معد بجيب احد هنا

وراح يسوي لهم فطور


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 4
قديم(ـة) 23-11-2009, 11:53 AM
صورة talin الرمزية
talin talin غير متصل
©؛°¨غرامي مشارك¨°؛©
 
الافتراضي رد: أخـــــــــــــــــــوه لكن بلا ألقاب


اتمنى تعجبكم .......
واذا شفت اكثر من رد راح انزل الباقي

وللمعلوميه قصتي
مافيها اجزاء ولا فصول


قراءه ممتعه..

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 5
قديم(ـة) 23-11-2009, 11:54 AM
صورة شرِيفه * الرمزية
شرِيفه * شرِيفه * غير متصل
©؛°¨غرامي مشارك¨°؛©
 
الافتراضي رد: أخـــــــــــــــــــوه لكن بلا ألقاب


حلــــووه روآيتك
وألحين بقرأ البآقي


بالتوفيق إنشاءالله

وإنشاءالله أكوون من المتآبعين لها

تحيآتي

بلاني زمآني

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 6
قديم(ـة) 23-11-2009, 12:00 PM
اسيرة قلمي اسيرة قلمي غير متصل
©؛°¨غرامي جديد¨°؛©
 
الافتراضي رد: أخـــــــــــــــــــوه لكن بلا ألقاب


تم تحميل روايتك

وانشاء الله اكون من متابعينك

اختك ((اسيرة قلمي))

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 7
قديم(ـة) 24-11-2009, 12:19 PM
صورة شرِيفه * الرمزية
شرِيفه * شرِيفه * غير متصل
©؛°¨غرامي مشارك¨°؛©
 
الافتراضي رد: أخوه لكن بلا ألقاب


مرآآآآحب

خيتــــوو متى بتنزلي البآقي


ترآني تحمست حيــــل

تقبلي مروري

بلآني زمآني

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 8
قديم(ـة) 24-11-2009, 02:21 PM
صورة براءة رجل الرمزية
براءة رجل براءة رجل غير متصل
©؛°¨غرامي متألق ¨°؛©
 
الافتراضي رد: أخوه لكن بلا ألقاب


ربي يعطيك العافية واتمنى تقبليني من متابعينك
موفقهــــ

.................
سلامــ a.m

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 9
قديم(ـة) 25-11-2009, 06:58 AM
صورة talin الرمزية
talin talin غير متصل
©؛°¨غرامي مشارك¨°؛©
 
الافتراضي رد: أخوه لكن بلا ألقاب


بلاني زماني
اسيرة قلمي
الم يتيم
هلا فيكم نورتوا الحته
ويشرفني تكونوا من متابعين الرواية
انا الحين اكمل كتابت الرواية
وانشاء الله قريب انزل

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 10
قديم(ـة) 25-11-2009, 08:08 AM
صورة سود الأيام الرمزية
سود الأيام سود الأيام غير متصل
©؛°¨غرامي مشارك¨°؛©
 
الافتراضي رد: أخوه لكن بلا ألقاب


وـآآآآآآآآآآآآآآآآآآآآآآآآآآآآآآآآآآآآآآآآآآآآآآآآ آآآآآآآآآآآآآآآآآآآآآآآآآآآآآآآآآآآآآآآآآآآآآآآآآآ آآآآآآآآآآآآآآآآآآآآآآآآآآآآآآآآآآآي ..

وقصصصصصصصصصم رووووووووووووووووووع ـــه مرررررررررررررره جنـآآآن

يع ــطيكـ الع ـآفيه حبيبتي تـآلين .. (L)..

وأتمنى ـآ تنزليــن البـآرت بسسرررررررررعه ..

وووهي كم بـآرت..؟؟

ودي وح ـبي وتقديري وإح ـترـآمي وإخ ـلـآصي لكـ ..:

أخ ــتكـ ..: سسووود الــأيـآم ..


أخوه لكن بلا ألقاب

الوسوم
ألقاب , أخـــــــــــــــــــوه
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
ألقاب الصحابه رضوان الله عليهم الورده الجوريه حياة - صفات - أخلاق - أقوال - رسول الأمة 12 22-07-2007 03:16 AM
ألقاب الانبياء عليهم السلام غيرالناس مواضيع إسلامية - فقه - عقيدة 9 04-10-2006 04:41 AM
ألقاب رحل أصحابها وبقي بريقها دكتور عجمي مواضيع إسلامية - فقه - عقيدة 5 14-04-2005 04:00 PM
ألقاب رجال ونساء لم يعد يذكرها إلا بيت الشعر .... عــذوب شعر - قصائد - قصايد - همس القوافي 16 23-02-2005 11:48 AM
ألقاب الصحابة رضوان الله عليهم أجمعين حايزالمجد حياة - صفات - أخلاق - أقوال - رسول الأمة 9 15-12-2004 08:14 PM

الساعة الآن +3: 08:09 AM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


youtube

SEO by vBSEO 3.6.1