غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام

عـودة للخلف   منتديات غرام > منتديات روائية > أرشيف الروايات المغلقة - لعدم إكتمالها
الإشعارات
 
 
أدوات الموضوع طريقة العرض
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1
قديم(ـة) 24-11-2009, 10:48 PM
دموع الضحكات دموع الضحكات غير متصل
©؛°¨غرامي جديد¨°؛©
 
الافتراضي روايتي الأولى : نهاية الألآم


حابه بالاول عرفكن بحالي
اسمي غرام
فلسطينيه
وقررت اعرض روايتي علي هاد المنتدى وبتمنى لاقي منكم ردود وتشجيع


اما الرواية اسما (نهاية الالام )



الشخصيات الرئيسيه

غنوة
بطلة الرواية وعمرا 18 سنه
غنا
اخت غنوه الصغيره وعمرا 7 سنوات
سيف
بطل الرواية وبيكون ابن عم غنوة ,طبيب وعمرو 25
لؤي
عم غنوة مهندس وصاحب شركة انشاءات
حياة
مرت لؤي
مهند
الابن الاصغر مهندس وعمرو 24
كامل
الابن الكبير محامي وعمرو 27


غنوة
صحيت الصبح على صوت اختي بس ما كنت عم استوعب الكلام كنت نص نايمه وعم حاول افهم الكلام اللي عم تقولو غنا :غنوة اصحي بقى امي تعبانه كتير اصحي يا غنوة اصحي
اول ما استوعب الكلام قمت متل المجنونه على غرفة امي ورحت قعدت جمب راسا وقلتلا وانا عم ابكي : امي شيبيك شو صارلك يا امي ؟ ردت عليي بصوت مقطع ومخنوق تحت البكي :بن..تي اسمعيني وبلعقت ريقا وكملت انا تعبانه كتير وما عاد فيني حيل قاطعتا وانا عم ابكي : امي شو هالحكي قالتلي بترجاكي بنتي اسمعيني للاخر ما في وقت شهقت بصوت عالي وزدت بكي انا وغنا وقلتلا اوك قالتلي اول شي بدي وصيكي على اختك هيه مالا حدا غير ربنا ومن بعدو انتي لا تخلي الدنيا تشغلك عنا ديري بالك عليها وديري بالك على حالك قلتلا وانا عم ابكي بترجاكي يا امي لا تروحي وتتركينا لمين حتتركينا احنا مالنا غيرك ما فينا نعيش بدونك قالتلي وهي عم تبكي وتمسك ايدي وايد غنا غصب عني راح فارقكن على عيني فراقي عنكم ما راح اموت مرتاحه حتضل روحي متعزبه عليكم وطيت راسي على صدرا وقلتلا امي حبيبتي لا تقولي هالكلام انتي ما راح تموتي مسحت على شعري وقالتلي المرض يا بنتي نهش جسمي وما عاد فيني طاقه اتحمل اكتر وصارت تشهق بصوت عالي صرت صرخ وقمت مسكت التلفون ودقيت للدكتور ولما رجعت عالغرفه لقيت غنا عم تصرخ وتبكي وهي ضامه امي وعم تقول : لا تموووتي لا تموتي يا ماما انا بدي اياكي بدي اكبر ويكون عندي ام وقفت مصدومه عم المح قدامي امي وعيونا مفتوحه وما في ولا حركه جسم بدون روح قربت شوي شوي منا وانا مو مستوعبه صرخت بأعلى صوتي اميييييييي ورميت حالي بحضنا امي لا تروحي لا تتركينا انا مو حمل غيابك انا ما فيني بلاكي امي يا امي لا تروحي وتتركينا دخيلك يا امي ارجعي ارجعي يا امي وكان صريخ غنا وبكاها عم يحرقني اكتر وهي عم تقول بدي ماما بدي ماما اصحي يا ماما ومن بعدا ما صحيت على حالي الا بغرفتي فتحت عيوني اتهيألي للحظات اني كنت احلم وامي بعدا عايشه قمت اركض لغرفة امي لقيت جثه مغطيه بلفه بيضا وعمامي ونسوانن وخالتي قاعدين ولابسين الاسود واختي غنا قاعده بحض مرت عمي حياة وعم تبكي وقفت لثواني استرجع اللي صار وصرخت بصوت عالي : لاااااااااااا لااااااااااااااااااااااااااااااااااااااااااااااااا ااااااااااااااا لا يا امي لا ووقعت عالارض وصرت اضرب على وجهي واقول خلص ما عاد النا لا ام ولا اب التمو كلن حوليي وصارو يهدو فيي ما كنت عم اسمع شي ولا عم المح شي
ما كان عم يخطر ببالي غير شكل امي وهي عم تودعنا ...........


هاي بداية الروايه
مستنيه ردودكم الحلوة ما تحرموني منا


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 2
قديم(ـة) 24-11-2009, 11:38 PM
صورة جرح الكبرياء الرمزية
جرح الكبرياء جرح الكبرياء غير متصل
©؛°¨غرامي مشارك¨°؛©
 
الافتراضي رد: روايتي الاولى(نهاية الالام) باللهجه السورية


بدايه موفقه حبيبتي :)


والى الامام

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 3
قديم(ـة) 25-11-2009, 01:48 AM
سبيلة سبيلة غير متصل
©؛°¨غرامي جديد¨°؛©
 
الافتراضي رد: روايتي الاولى(نهاية الالام) باللهجه السورية


تحمست كتير لهي الرواية بليز كمليها

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 4
قديم(ـة) 25-11-2009, 03:10 AM
دموع الضحكات دموع الضحكات غير متصل
©؛°¨غرامي جديد¨°؛©
 
الافتراضي رد: روايتي الاولى(نهاية الالام) باللهجه السورية


حياة
قلبي اتقطع على هالبنتين ابوهن تركن من 4سنين وامن تركتن هلا وبعدن صغار
كنت قاعده وعم اشوف غنوة وهي ضامه اختا وعم تبكي وما فيها حيل توقف ولما شافتن بدن يطلعو
جثة اما من البيت ركضت وصارت تصرخ لا ما تاخدو امي منا بترجاكن خلولي امي حدي
ما تحرمونا من امنا رحت ومسكتا وانا عم ابكي حبيبتي الله يخليكي اهديومسكتا وضميتا وصارت تبكي بحضني
وهي عم تقول خلص راحت امي يارب يكون كابوس يارب ما يكون حقيقه يارب اصحى الاقي امي حدي
ياااااارب دخيلك ودخلتا على غرفتا هيه واختا وصرت اقرا على راسا قرآن لحتى تهدى ولما نامت طلعت لبره
وكان الكل طالع من البيت ما عدا سراب(خالة غنوة وغنا ) قلتلا وانا اقعد عالصوفا ياربي شو هالمصيبه اللي وقعت على راس هالبنتين قالتلي وهي عم تبكي شذى كانت كل شي الي بهالدنيا وهلا راحت
كنت حسا بنتي واختي وصديقتي بس الموت اخدا قلتلا وانا عم احاول اخفف عنا استهدي بالله
هادا قضاء ربنا وما فينا نردو بس الله يهونها على هالبنتين سألتني بحزن شو هيصير فيهن
قلتلا والله ما بعرف بس اكيد ما راح نتركن قالتلي بس انتي عارفه انو جدن
مو معترف فيهن ومتبري عنن وعن ابوهن هزيتلا براسي انو اي وقلتلا الله يهونا راح اشوف
شو راح يعمل لؤي قالتلي وهي تمسح دموعا والله لو ما كان جوزي حقير كنت اخدتن عندي
بس الكل بيعرف شو هوه جوز.. وقبل ما تكمل قاطعتا وقلتلا اي بنعرف وما حدا راح يعتب عليكي
قامت وقالتلي انا هلا صار لازم اروح ولا راح يعملي مشاكل قلتلا طيب حبيبتي انا راح ضلني عند البنات
قعدت شي ساعتين وبعدا رن الجرس فتحت الباب وكان لؤي قلتلو ادخل قالي وين البنات قلتلو وانا اقفل الباب
نايمات قالي منيح اقعدي بدي احكي معك شوي قلتلو بعرف شو بدك تقول هزلي براسو انو اي قلتلو
انا موافقه يعيشو البنات عنا بس هاد ما راح يعمل مشاكل بينك وبين ابوك ؟ وما راح يكون في اشكال
انو يعيشو البنتين بين 3 شباب ؟ قالي بحزن يمكن يصير شوية مشاكل بس غصب عني بدي اتحمل
لك هدول بنات اخي ولو على قطع راسي بدي خليهن بحضني وأحميهم من وحوش البشر قلتلو
طيب متل ما بدك انت بتعرف اني بحب البنات من كل قلبي وما عندي اي مشكلة انن يعيشو عنا
قالي وهو يمسح على شعري روحي الله يرضى عليكي
رحت صحي البنات لقيتن صاحيات وعم يبكو قعدت بجنبن وقلتلن دخيل قلبكن لا تبكو حاجه بقى
والله عيونكن ورمو من كتر البكي جاوبتني غنا يعني انتي لو امك ماتت وانتي لسه صغيره
ما راح تبكي قلتلا وانا اضما يا تقبري قلبي لا تحرقيلي قلبي عليكن واطلعت في غنوة
شكلا كان بيكسر القلب ودموعا عم تنزل وهي عم تحاول ما تبكي كرمال اختا
قلتلن يلا قومو ضبو غراضكن اجاني صوتا متل الرعد لا احنا ما حنطلع من بيتنا
قلتلا وانا اقرب منا حبيبتي الله يخليكي ما بصير تعيشو لوحدكن هون
قالتلي وهي عم تبكي وازا جينا لعندكن ما حدا بحبنا
قلتلا بعتب وانا يا غنوة ؟ قالتلي بس انتي وعمي
قلتلا وانا امسح على شعرا طب يلا تقبريني لا تزعلي عمك منك
وبعد طلعان الروح لوافقت تقوم معنا
وصلنا عالبيت وطلعتا لغرفة كبيرة وفاضيه وقلتلا هاي الغرفه حتصير الكن
قالتلي بس احنا ما حنضل هون قلتلا يا بنتي انتو مالكن حدا غير عمامكن
والله يخليكي لا تكوني عنيده انتي مو اد هالدنيا لحتى تصارعيها لوحدك
هزتلي براسا انو طيب قلتلا وانا امسح على شعرا حبيبتي الغرفه هلا مو معفشه
بس كم يوم وحتصير جاهزه فضلت ساكته كملت وقلتلا لهيك يا عمري راح
تنامو هالكام يوم على فرشات وراح جيبلكن اغطيه الك ولاختك
قالتلي بصوتا الباكي اوك وجبتلن الفرش وقلتلا تعالو كلولكن لقمه من الصبح ما كلتو شي
قالتلي اطعمي غنا ازا سمحتي انا مو جاي على بالي ما حبيت ادغط عليها قلتلا طيب
اخدت غنا وانزلنا قعدنا عالسفرة قلتلا شو بتحبي تاكلي صارت تبكي
وقالتلي بدي امي انا بدي امي وطلعت ركض لعد اختا
حطيت ايدي على خدي وصرت ابكي دخل لؤي عالمطبخ وشافني عم ابكي
قالي شيبيك حبيبتي قلتلو والله حالة هالبنات بتقطع القلب
من طول عمرن وهي الدنيا عم تقسى عليهن
استغفرك يارب بس والله حرام بنات بعمر الورد يدبلو قبل اوانن
والله اصعب شي بهالدني انو الانسان يفقد امو وابوه
قالي وهو عم يهديني ويخبي حزنو دخيلك يا حياة لاتزعلي
بكره بينسو قلتلو وانا ابكي شلون راح ينسو قلي شلون ؟
سكت شوي وقالي ليكي الولاد شكلن اجو ولازم نحكي معن بالموضوع
مسحت دموعي وقلتلو اوك اسبقني وهلا بلحقك
سبقني ولما رحت عالصاله لقيتن كلن قاعدين وساكتين
قلتلن شو فيه ليش ساكتين قالي لؤي بنستناكي قعدت جمب لؤي
وقلتلو مين راح يفتح الموضوع انت او انا قالي انا
وقال وهوه عم يطلع فيهم واحد واحد : اسمعو يا ولاد هلا انتو صرتو عارفين
انو بنات عمكن ما بقيلن لا اب ولا ام وقرايب من جهة امن ما الن غير خالتن سراب
وكلنا عارفين وضعا قال سيف وهوه بيقاطع ابوه : وشو مطلوب منا احنا ؟
قالو بعصبيه : ما حدا يقاطعني وكمل المطلوب انكم بدكم تحضرو حالكم لوجود نفرين جداد في بيتكم
كامل ما اعطى اي تعليق اما مهند ترك الصاله وطلع وقال انتو دايما بتاخدو قرارات غلط وسيف
قال بعصبيه : لو انن من قرايبنا التانيين كنا قبلنا بس هدول ؟ قلتلو بعتب : ومالن هدول ؟
قالي بتريقه : بنات بيئه ماسمعت غير صوت لؤي الحاد : اخرس يا كلب هدول بنات عمك ان قبلت ولا ما قبلت
وعلى فكره انا غلطان اني حكيت معكم على انكم رجال لانكم بعدكم ولاد ما بتفهمو ولعلمكم انا مش عم استشيركم
انا عم ابلغكم بقراري قال اخر كلمه وطلع من الغرفه .


غنوة
طول اليل وانا ماسكه صورة امي وحاضنه غنا وعم ابكي اه يا امي وين رحتي وتركتينا
معقول ما عاد شوف ضحكة امي ولا عاد فيي ضما ما عاد فيي ابكي بحضنا
ولا عاد فيي لاقي حدا يسمع مشاكلي وينصحني وينك يا امي الحنونه
والله موتك هدني وكسرني كسر يا امي حاسه بروحي علقانه لا عم تطلع ولا عم تهمد
دخيلك يا امي ليش تركتيني اتعزب عفراقك ليش مكتوب علينا نفارق احبابنا
غمضت عيوني وشفتا قدامي لابسه ابيض وعم تقلي
بنتي لا تبكي على موتي دموعك عم تعزبني وما عم تريحني بقبري
عيشي حياتك يا بنتي وديري بالك على اختك وعلى حالك
وفضلت تعيد نفس الكلام وترجع لورا وصوتا يبعد
صرت ناديلا : امي امي امييييييييييي
وفتحت عيوني اختي عم تبكي وعمي ومرتو حدي وعم يقولولي : اسم الله عليكي
صرت ابكي بحرقه وقلتلن على الحلم
قالتلي مرت عمي وهي تضمني لصدرا : يا بنتي لا تبكي ريحي امك بقبرا
لا تخليها تتعزب عليكن قلتلا وانا عم ابكي : والله مو بإيدي ... والله مو بإيدي
قربت غنا مني وضمتني وصارت تبكي وقالتلي بحزن : لا تروحي وتتركيني
كلمتا زادتني بكي : وقلتلا وانا اضما حبيبة قلبي انتي ما حتركك انتي امانه برقبتي لحد ما اموت
قالتلي مرت عمي وهي تطلع من الغرفه دخيل قلبك اقرأي شوية قرآن وصليلك ركعتين لله بركي بترتاحي
قمت وتوضيت وصليت وقرأت بالقرآن ودموعي عم تنزل متل الشلال ما قدرت وقفا
وبس خلصت قراءه رفعت ايدي للسما وقلت وانا عم ابكي : ربي دخيلك داقت فيي الدنيا
وما بقيلي انا واختي غيرك ساعدنا يارب
ولا تحملنا فوق طاقتنا يارب ارحمنا يارب ارحمنا برحمتك يا رب العالمين
ربي ارحم امي بقبرا وصبرنا على بعدا
قمت غسلت وجهي وهديت شوي ونمت بجنب اختي .

...............


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 5
قديم(ـة) 25-11-2009, 02:21 PM
دموع الضحكات دموع الضحكات غير متصل
©؛°¨غرامي جديد¨°؛©
 
الافتراضي رد: روايتي الاولى(نهاية الالام) باللهجه السورية


لؤي
صحيت الصبح واول ما فتحت عيوني طلعت لغرفة بنات اخي
دقيت الباب ولما ما اجاني رد فتحت الباب بهدوء
لقيتن نايمات وحاضنات بعضن وكل واحده عيونا منفخه
نزلت لغرفتي واول ما دخلتا سألتني حياة وهي عم تفتح عيونا : صحيو البنات
قلتلا وانا عم اطلع تيابي من الخزانه : نايمات
قالتلي وهي تقوم : طيب حبيبي انا قايمه حضرلك الفطور لحد ما تغير تيابك
قلتلا : لا لا تحضريلي فطور مو جاي على بالي
قالتلي وهي تحط ايدا على كتفي : يا حبيبي والله مو منيح تطلع بلا فطور
قلتلا بملل : يا حياة مين الو نفس ياكل
غيرت تيابي بعد ما اخدتلي دش عالسريع وطلعت عالشركه
اول ما وصلت المكتب رميت حالي على الكرسي
وقعدت شوف المخططات الهندسيه بس ما كنت فايق لشي بعدين
رميتن على المكتب وقعدت افكر كيف بدي افهم ابي اني راح اخلي
بنت ماجد عندي والله ما بعرف شو بدو قلو وخايف ينزل غضبو عليي
متل ما نزلو على ماجد بالزمانات
بس هالبنات صارو يتيمات الام والاب وبضلو من دمنا ولحمنا
والضفر ما بطلع من اللحم , تركت كل شي بإيدي وقررت اروح عاللادقيه
وافتح الموضوع مع ابي واشوف ردة فعلو
وفعلا طلعت عاللادقيه ورحت لبيت ابي
دخلت وبست ايد امي وابي وقعدت شوي اجاني صوت ابي : شو ؟ ليش جاي ؟ اكيد في سبب
قلتلو بعتب : ليش انا ما بجي غير بأسباب
قالي وهوه يحرك بحجار المسبحه : لا بس لما بتجي فجأه بكون في سبب
قلتلو بتوتر : اي يابي مزبوط هالمره في سبب
قالتلي امي بقلق : شو في يا ابني لا توغوش قلبي
قلتلن : شكلكن لسه ما دريتو
قالي ابي : بشو بدنا ندرا ها ؟
قلتلن وانا متردد : شذى مرت ماجد اعطتكن عمرا
سمعت شهقة امي ودموعا على خدا وفاجأتني ردة فعل ابي اللي قال بصوت عالي
لا حول ولا قوة الا بالله انا لله وانا اليه راجعون
ايمتى صار هالحكي وليش ما خبرتوني
قلتلو : لسه امبارح قالي بصوت عالي : وليش ما خبرتوني من امبارح
قلتلو وانا متوتر : يابي ما فكرت انو الموضوع راح يهمك
سكت شوي وقالي : وين البنات ؟
قلتلو : يابي البنات عندي
اطلع فيي وهو عم يوقف وقالي : يوم الجمعه بتجو كلكن لعندي وبتجيب البنات معك
قلتلو وانا اوقف : يابي على شو ناوي
قالي بصوت حاد : ما دخلك وطلع لغرفتو
اما امي قالتلي وهي عم تبكي : كيفن البنات ؟ ريتني ابلا بعيوني على حظن
قلتلا بعتب : امي لا تقولي هالكلام .


سيف
دخلت عالصاله ولقيت بنات عمي قاعدات عالصوفا ولسه دموعن على خدن
قلت مسا الخير وقعدت اجاني صوتا الخافت : مسا النور
وما في خمس دقايق وقالت لاختا : تعالي نطلع نقعد بره حبيبتي
جاوبتا غنا بحزن : طيب متل ما بدك
وطلعو لبره , عرفت انن طلعو لاني جيت لانا غنوه لا بتطيقني وبتعرف اني ما بطيقا
بعد شوي اجت امي وقعدت بجنبي وقالت : سيف حبيبي شلونك ؟
قلتلا بملل : الحمد لله
قالتلي بدي احكي معك شوي
قلتلا وانا عم اقلب بالقنوات : شو ؟
قالتلي : اسمعني يا ابني بنات عمكن مالن غير الله ومن بعدو احنا
طول عمركن بتعاملوهن على انن بنات مو من مستواكن
بس لولا انو جدكن حرم عمكن من كل شي كان هلا هما متلكن متلن
قلتلا بملل : امي ما حدا قال لعمي يتزوج واحده مو معروف اصلا من فصلا
وما الا غير اخت والتنتين ربيانات في دور الايتام
عصبت عليي وقالتلي : سيف هادا مو كلام واحد دكتور هادا كلام واحد متخلف
مو زنب الانسان ازا ربنا اختارلو يكون يتيم وعيب كتير هالحكي يطلع من دكتور
حرام عليكن والله حرام حطو نفسكن ماكنن وانتو شباب
اتخيلو تفقدو ابوكن وامكن قلتلا بعتب : امي لا تقولي هيك الله يطول بعمركن
ردت عليي وهي عم تبكي : هدول بنات صغار وما فيهن على الدنيا لوحدم
قالت اخر كلمه وقامت ,قعدت افكر في كلاما بس عنجد احنا ما فينا نعيش مع بنات
ما بفهمو بالاتكيت ويادوب يعرفو يحكو كم كلمه متل العالم والناس فضلت اقلب بالقنوات
وانا مالل عيشتي وبعد شوي اجا كامل وقال وهوه يقعد : شو يا دكتور ليش معصب ؟
قلتلو بتريقه : عشان المصيبتين اللي عنا
قالي بعدوء : سيف حرام عليكم والله البنات ظريفات صح انا بالاول ما عجبتني الفكره
بس بعدين فكرت شوي لقيت انو اللي عملو ابي كان عين العقل
قدام ربنا وقدام الخلق والعالم لك قلي شو بدن يقولو عنا العالم
بتحب يحكو عن ابوك ترك بنات اخوه في الشوارع
قلتلو : بس وقبل ما اكمل قاطعني وقالي بدون بسبسه حاجه تخلي افكار ميار وسجود تأثرعليك
برأيك ليش ميار وسجود بيكرهو غنوة ؟ لانا بنت مؤدبه انت بعمرك شفت منا شي غلط
قلتلو : لا قالي ولا اي حد شاف منا او من اما الا كل خير
ولا نسيت لما امي تعبت مين اول واحده راحتلا عالمشفى ؟ مو كانت شذى ؟
سكتت وما عرفت اجاوب.


الشخصيات الثانويه

سليم
الاخ الاصغر والوحيد للؤي

نجلاء
مرت سليم

ميار

بنت سليم الصغيره وعمرا 18سنه

سجود

بنت سليم الكبيره وعمرا 20 سنه وبتدرس حقوق

نادية

اخت لؤي الكبيرة

منى

بنت ناديه وعمرا 21سنه وبتدرس آداب

امجد

ابن ناديه 24سنه مهندس

جمال

جوز نادية

سلمى

اخت لؤي اللي قبل الاخيره

مها

بنت سلمى وعمرا 19سنه بتدرس ادارة اعمال

هند

بنت سلمى الصغيره 9 سنوات


غزل

اصغر اخت للؤي

ملاك
بنت غزل وعمرا 5 سنوات

مايا
بنت غزل الصغيره وعمرا سنتين

احمد
جوز غزل



يوم الجمعه في بيت العيلة

الكل كان جاي وقاعد بالصاله الكبيره ما عدا لؤي وحياة وغنا وغنوة كانو لسه ما وصلو
وكانت الاحاديث الجانبيه شغاله والتحليلات متنوعه
رن جرس الباب وراحت الشغاله تفتح دخل لؤي وحياة ووراهم غنا وغنوة اللي كانو خايفات

غنوة
اول ما دخلت الصاله حسيت قلبي صار في بطني من كتر الخوف
كلن عم يطلعو فيي كأني غريبه لا بعرفوني ولا بعرفن
حقن يحسو هالاحساس انا اخر مره شفت فيها عماتي كانت قبل 6سنوات
دخل عمي ومرت عمي وقعدو وقالولي تعالي اقعدي فضلت واقفه وماسكه ايد اختي
وموطيه راسي لحد ما اتفاجأت بوحده عم تحضني كانت ستي كانت عم تبكي
وتحضن فيي بقوه ما صدقت ولقيت حد بيحبني بهالعيله رميت حالي بحضنا وصرت ابكي
قلتلا وانا عم ابكي : انتي ستي مو هيك ؟ قالتلي والدموع في عيونا : اي ستك يا نور
عيون ستك تقبري قلبي ما احلاكي واطلعت في اختي غنا وقالتلي : هاي غنا ؟
قلتلا وانا عم ابكي اي غنا ضمتا وباستا وقالتلا : يا حبيبة ستك انتي وقعدتا بحضنا
وقالتلي تعي جنبي يا عمري رحت وقعدت حدا
بعد شوي دخل رجال كبير حامل المسبحه بإيدو والكشره على وجهو وقعد بنص القعده
وقالي بصوت حاد : انتي يا بنت تعالي لهون
قمت ورحت وقفت قدامو وكانت غنوه ماسكه فيني قلتلو وانا عم ارجف : نعم
قالي : انتي غنوه ؟
قلتلو : اي وانا عم اشد على اديي
قالي : واختك الصغيره شو اسما
قلتلو :غنا
قال : مممممم وليش واقفه وخايفه كأنك قدام قاضي ؟
قلتلو بصوت مجروح : لاني واقفه قدام انسان اقسى من القاضي بحكمو
سمعت صوت الشهقات والتمتمات : قليلة ادب ....شو هاد .... بنت مو مربايه
اما جدي ما جاني رد منو كملت وقلت : حرمتنا من كل شي احنا وبابا
اتبريت عن ابنك اللي من دمك ولحمك ولما مات ما كلفت خاطرك تعزينا
عرفت انو امنا مريضه بالسرطان وما همك عرفت انو بنت ابنك عم تشتغل في بوتيك
وما اهتميت وكل هادا ليش ؟ بس لانو ابي اتجوز بنت يتيمه
مو بنت من طبقتكن مفكر انو الانسان بيختار يكون غني او فقير
يتيم او عندو عيله وهلا هالبنت اللي اتزوجا ابنك خلص راحت
اخدا الموت دبحا المرض والقهر وحفيداتك صارو ايتام متل امن
بس احنا عنا عيلة وعيلة كبيره كمان بس هالعيله عم ترفضنا لانو احنا ما عنا فلل
وسيارات وشركات ومدري شو وازا بدك ترمينا في الشارع ارمينا يمكن الشارع يطلع احن علينا منك
لانك قاسي قاسي كتير .............


بليز فيدوني بآراءكم وتعليقاتكم


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 6
قديم(ـة) 25-11-2009, 02:46 PM
صورة مجروح احساسة الرمزية
مجروح احساسة مجروح احساسة غير متصل
©؛°¨غرامي مشارك¨°؛©
 
الافتراضي رد : روايتي الاولى(نهاية الالام) باللهجه السورية


روووعه يااقلبي
يسلموووووووووووووووووووووووووووووووووووووووووووووو وووووووووووووووووووووووووووووووووووووووووووووووووو وووووووووووو ننتظر البارت

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 7
قديم(ـة) 25-11-2009, 10:18 PM
دموع الضحكات دموع الضحكات غير متصل
©؛°¨غرامي جديد¨°؛©
 
الافتراضي رد: روايتي الاولى(نهاية الالام) باللهجه السورية


غنوة

انت قاسي قاسي كتير حرمتنا من كل شي حتى من الحنان
كتير من الاوقات كنت اتمنى يكون عندي جد وست
ادلل عليهن وستي تحكيلي حكايات متل باقي البنات اللي بعرفن
تمنيت شي مره قول يا جدي واقعد بحضن جدي واسمع كلمه حلوه منو
طول عمري الصورة اللي بخيالي عنك هي صورة الانسان القاسي
فاجأني صوتو الباكي وهوه يقول : اسكتي كرمال الله اسكتي وصار يبكي متل الطفل الصغير
ركضت لعندو وقعدت على ركبي وبست ايدو وقلتلو :جدي الله يخليك لا تبكي
مسح على شعري وايدو عم ترجف وقالي : بعد كل شي عملتو فيكم كمان عم تبوسي ايدي
قلتلو وانا عم اطلع فيه بعيوني اللي ساكنتا الدموع : انت بضلك جدي واحترامك واجب عليي
بس انا عتبانه عليك لانك كنت ناسينا طول هالسنين باسني من جبيني وطلع على غرفتو والدموع بعيونو
فضلت قاعده مكاني وانا عم ابكي واختي غنا حدي عم تبكي
مع انا مو عارفه ليش انا عم ابكي اجت مرت عمي حياة وقومتني عن الارض وقالتلي :
حاجه بكي يا بنتي بكفي البكي اللي بكيتيه امبارح والله قطعتيلي قلبي على اد ما بكيتي
قمت ورحت غسلت وجهي ودخلت المطبخ لاساعدن اجاني صوت ميار بتريقه :
شو حبيبتي شو مدخلك عالمطبخ قلتلا بهدوء : جايي شوف ازا بدكن مساعده
قالتلي وهي تضحك : لا والله ؟ مو شايفه الخدم والحشم اللي هون ؟
طلعت من المطبخ وانا بقلا : اوك اسفه لو ازعجتكن .


رؤوف (ابو لؤي)

لما قعدت بغرفتي فكرت بكل الظلم اللي ظلمتو لابني ومرتو وبناتو
وصرت افكر كيف بدي اصلح غلطي مع هالبنات
دق الباب وكانت بنتي ناديه : يابي انزل اتغدى جهز الاكل
قلتلا انزلي انا لاحقك
وانزلت وراها على طول قعدت عالسفره وما كان جاييلي نفس اكل
وغنوة وغنا كمان ما كانو عم ياكلو قلتلن بحزن : كلو يا بنات
ردت عليي غنوة بصوتا المجروح : جدي احنا مو جاي على بالنا ناكل
قالتلي حياة : شايف يا عمي من شي اربع ايام ما حطو ولا لقمه ببطنن
قلت لغنوة : يا بنتي خطية اختك برقبتك كلي خليها تاكل
اطلعت فيي ودمعتا نزلت ومن بعدا اطلعت في اختا وحطتا بحضنا
وصارت تعمل حالا عم تاكل لحتى تطعم اختا
خلصنا اكل وقعدنا بالصالة وقلتلن : اسمو يا ولاد انا جمعتكم اليوم
وفي موضوع بدي احكي معكم
الكل صار يتمتم قلتلن بصوت حاد : اسمعوني وبكفي تحليلات
وما حدا يقاطعني لانو اللي بقاطعني ما راح يشوف خير
وقلت : انتو كل واحد فيكم اعطيتو فيلا وسيارة وفتحتلو مشروع من زمان
يعني امنتلكم مستقبلكم شباب وبنات وابني الوحيد اللي ما اعطيتو شي غير الحزن
هوه ابني ماجد وصار وربنا اخد امانتو قبل ما اعطيه حقو
بس ضل هالبنتين وبما انو ابوهن مو موجود فحق ابوهن راح يكون الن
راح اكتبلن فيلا بإسمن وحطلن بدل السيارة مبلغ بالبنك وغنوة بس تخلص دراسه راح
افتحلا مشروع اما مصروفن فأكيد راح يكون عليي لانو هاد واجبي اتجاهن بعد ما فقدو ابوهن وامهن
صار الكل يتمتم عليت نبرة صوتي وكملت : اكيد ما راح يعيشو بالفيلا هلا بس حتضللهن للزمن
وهما هلا بيختارو ازا بدن يعيشو عندي باللادقيه او عند دار عمن بالشام
قاطعتني حياة بحزن : عمي الله يخليك خليهن عندي والله انا راح دير بالي عليهن
اطلعت في غنوة وسألتي : بنتي اختاري وين بدك تعيشي ؟
قالتلي بصوت خفيف : جدي انا بحب الشام وازا طلعت منا ما فيي عيش لهيك راح ضلني عند بيت عمي
بس اكيد راح ضلني زورك واجي لعندك وعند ستي بين كل فترة وفتره
رحت وقعدت بجنبا وقلتلا : بنتي بترجاكي سامحيني
قالتلي وهي تمسح دمعتا اللي نزلت : مسامحتك من دون ما تقول شي
انت جدي وبابا كان يحبك كتير وانا بحب بابا وبحب الناس اللي بحبن بابا
وماما كانت دايما تقلي انو اكيد انت اللي عملتو من ورا قلبك
اديه حسيت حالي صغير من بعد كلاما هاد اما وابوها ما كانو يحرضوها عليي
بالعكس كانو يخلقولا اعزار .


ناديه

دخلت البيت وانا مو شايفه الفضا وقلت لمنى بعصبيه : لك شفتي اللي عملو جدك شفتي
قالتلي بتريقه : وعي ضميرو ابوكي هلا ؟
امجد قال ببرود : يا جماعه شو بكن اعطاها متل ما اعطا كل واحد فيكم
قلتلو بعصبيه : انقلع من خلقتي وما تسمعني صوتك
رحت دقيت لسلمى وقلتلا : الو
سلمى : اي ناديه
ناديه بعصبيه : شفتي شو عمل ابونا
سلمى: شكلو خرف
ناديه : معك حق والله آخرتا يشتري لبنت شذى فيلا
سلمى : ياريت وقفت على هيك
ناديه : لك العما بقلبا بعد كل الجوابات اللي جاوبتو اياهن كمان عمل معا معروف
سلمى : هاي البنت شكلا مو قليله بنوب متل اما الله لا يوفقن
ناديه : اي وشو راح نعمل بهالمصيبه لك المشكله اخوانك الاتنين فرحو
سلمى : اي لؤي طبيعي بدو يفرح لانو هيك ما عاد مصروف البنت عليه
وسليم دايما مع رأي لؤي
سلمى : دخيلك احنا هلا لازم نلاقي طريقه نطلع هالبنت من هالعيله
ناديه بضحكة مكر : لك ما تخافي ازا احنا ما عملنا الصبايا بقومو بالواجب
وخصوصا ميار
سلمى : والله معك حق طيب حبيبتي انا لازم اقفل هلا بدي قوم شوف الولاد
ناديه : اوك وانا راح اقوم اعمل شوار يلا تصبحي على خير
سلمى : تلاقي الخير سلام
سيف

اول ما دخلت غرفتي رن الموبايل مسكت الموبايل"ميار يتصل بك"
رديت : الو
ميار : الو شو عم تعمل ؟
سيف: لسه داخل على غرفتي هلا
ميار : اي يعني هلا وصلتو البيت
سيف : اي هلا وصلنا البيت شو كان بدك ؟
ميار: بدي اعرف ليش امك اصرت انو الزفته تعيش عندكن
سيف : انتي بتعرفي انو امي طول عمرا نفسا يكون عندا بنات
ميار بعصبيه : يا سلام وما لقت غير هالشرشوحتين
سيف : ميار حاجه بقى حرام عليكي
ميارب بتريقه : ايش يا بعد عمري شو اتفضلت حضرتك ؟ لك انت اكتر واحد بتكره غنوة
سيف : اي مزبوط بس بصراحه انا شفقان عليها
ميار : يا قلبك الطيب يا سيف بيك شو من ايمتى هالحنيه
سيف بعصبيه : ميار عنجد بكفي البنات صارو يتامى وبعدين هن بشو مدايقينك ؟
ميار : شو بشو مدايقيني وجود هاي البنت بالعيله بنرفزني
سيف : هيه مو عايشه عندكن هيه عايشه عنا وازا بدك المكان اللي بتكون فيه لا تكوني انتي فيه
ما اجاني منها رد لانها قفلت الخط بوجهي
دخلت عملت شوار ومن بعدا رميت حالي عالسرير بتعب


ميار

ماشي يا سيف الزفت قلت هالكلام بصوت عالي واجاني صوت سجود بتريقه : شبو حبيب القلب
قلتلا بعصبيه : بتعرفي تسكتي
قالتلي ببرود اوك سكتت وما بدي اعرف شو قلك
اطلعت فيها وانا ارمي الموبايل على سريري وقلتلا : شفقان عالشرشوحه بنت الشراشيح
قالتلي باهتمام : ليش شو قالك ؟
قلتلا الكلام اللي قالي اياه
قالتلي وهي ترتب الاكسسوارات بعلبتن : ليكي هالبنت شو قويه
ما شفتيها شلون بكام كلمه خلت جدي يحن عليها اكيد عم تستخدم نفس الاسلوب مع عيلة عمي
قلتلا بغيظ: نفسي اقتلا هالبنت البيئه هاي
قالتلي بمسخره : اي يا ستي اقتليها وادخلي السجن وانحكمي اعدام
قلتلا : خلص اسكتي وبكفي لعي فاضي وانزلت عالصالة لقيت امي قاعده بتحكي عالتفون مع عمتي ناديه
عن اللي صار اليوم وبس قفلت الخط قلتلا بعصبيه : شفتي هالكلبه
قالتلي: اي شفت يخرب بيتا من حالا العما بقلبا كيف لينت قلب جدا عليها
قلتلا بغصه : امي هاي البنت ما لازم اضلها بالعيله
قالتلي بتريقه : اي وكيف بدنا نطلعا من العيله وهي كسبت الراس الكبيره
قلتلا : والله ما راح هنيها بحياتا وبكره بتشوفي
قالتلي وهي تطلع لغرفتا : اي ورينا شطارتك يا شاطره



حياة


طلعت لغرفة البنات وقربت من غنوة لقيتا حاضنه صورة اما مسحت على شعرا وقلتلا : غنوتي قومي يا تقبريني
الدنيا صارت العصر وانتي بعدك نايمه
فتحت عيونا وقالتلي وهي متفاجأه : بالله ؟ اديه الساعه ؟
قلتلا وانا ابتسم : الساعه تلاته ونص
وطت راسا وقالتلي بحزن : يا الله نمت كتير وما حسيت على حالي
قلتلا وانا ارفع راسا لعندي : قومي حبيبتي خديلك دش وانزلي كلي
قالتلي بحزن : مرت عمو والله مو جاي عبالي اكل
قلتلا بعتب : بنتي شوفي كم يوم صارلك بلا اكل وجهك صاير اصفر وعيونك دبلانين
الله يخليكي ما بدنا يصيرلك شي
قالتلي وهي تحضر تيابا : مالي نفس حط ولا لقمه بتمي
ما حبيت ادغط عليها ونزلت عالمطبخ وقلت للؤي : مو راضيه تاكل
قالي بحزن : يا الله شو بدنا نعمل معا خايف بكره يصيرلا شي
اطلعت في سيف وقلتلو: صارلا اسبوع ما حطت الاكل ببطنا ووجها صاير اصفر متل الليمون
ما في شي يفتح شهيتا
قالي وهوه عم ياكل : امي هاي نفسيتا تعبانه مو جسما وانا مو طبيب نفسي
قلتلو بملل : لك روح ما ابرد قلبك
اطلع فيي باستغراب وقالي اي طيب
مسكت غنا وقعدتا جنبي وحطيتلا اكلا بصحنا وقلتلا : كلي حبيبتي
قالتلي وهي زعلانه : ليش غنوة ما بتاكل
قلتلا وانا امسح على شعرا : غنوة بدا تاكل بس بعد شوي
قالتلي ببراءه : عنجد ؟
قلتلا وانا ابتسم : اي حبيبتي عنجد
سألني لؤي : شو وين مهند وكامل ؟
قلتلو وانا اطلع في غنا وهي عم تاكل : مهند ماكل بره وكامل لسه ما اجى
هزلي براسو انو اي



سيف


كنت قاعد بالصاله وما في حدا غير غنا قاعده عالصوفا متل اللي قاعده بالفصل
سألتا باستغراب : شيبيك خايفه؟
قالتلي وهي تهز براسا : لا مو خايفه بس زعلانه
قلتلا : ليش ؟
قالتلي وهي تبكي : اشتقت لإمي واختي
قلتلا باستغراب : اختك ؟ ليكا فوق
قالتلي بحزن وهي عم تطلع فيني : هيه كمان راح تموت
سألتا بصدمه : شلون ؟ ومين قالك هيك ؟
قالتلي ودموعا عم تنزل : هيه ما بتاكل وباليل بضل تحكي مع امي
قلتلا باستغراب : شلون بتحكي مع امك ؟
قالتلي : ما بعرف وبتقول امي خديني لعندك انا ما بدي عيش بدي ضل معك حتى بالقبر
رحت حطيتا بحضني وقلتلا : لا تقلقي هيه بس لانو لسه زعلانه وبكره بترجع متل الاول واحسن
قالتلي : مو انت دكتور
هزيتلا براسي انو اي قالتلي بحزن : طيب ليش ما عالجت ماما
ما عرفت شو بدي جاوبا وكيف بدي فهما قلتلا : حبيبتي ماما كانت مريضه بمرض ما حدا بقدر يعالجو
قالتلي : طيب وفضلت قاعده بحضني لحد ما غفيت
حملتا واخدتا للغرفه دقيت الباب اجاني صوتا المبحوح : ادخل
فتحت الباب وظهر على وجها علامات استفهام وكأنها مستغربه قلتلا:
غنا نامت بالصاله وقلت لجيبا
قامت واخدت اختا مني وحطتا بفراشا وقالتلي وهي منزله راسا : شكرا
قلتلا : لا العفو على شو
وفضلت واقف اتأمل بشكلا اللي كان فعلا بيدل على اديه هيه تعبانه
كان وجها اصفر كتير قلتلا بتردد : تسمحيلي اقلك شي ؟
قالتلي وهي تغطي اختا : شو ؟
قلتلا : غنوه ما بصير اضلك بدون اكل بعدين بتمرضي
اجاني ردا قبل اكمل كلامي : انا بدي موت
قلتلا بعصبيه : غنوه بكفي بقى اختك محتاجيتك حرام عليكي
صارت تبكي وقالتلي : حاجه بقى اتركوني بحالي بقى
اطلعت من الغرفه وشكلا الحزين ما فارق خيالي ودموعا اللي كانت غامره خدودا
.................................................. ........................

مستنيه ردودكم الحلوة
وبشكر اللي ردو كتير


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 8
قديم(ـة) 25-11-2009, 10:34 PM
صورة نسـْْْيـت..آنسـْْْآآك..} الرمزية
نسـْْْيـت..آنسـْْْآآك..} نسـْْْيـت..آنسـْْْآآك..} غير متصل
©؛°¨غرامي مشارك¨°؛©
 
الافتراضي رد: روايتي الاولى(نهاية الالام) باللهجه السورية


..
..
يـآآآآآآآآآآآآآآآآآآآآآآآآآآآآآآآآآآآآآي .. >~ حـــدكـ لآ تنشقين ..~!!

رووووووعه يــآقلبي ..

وجنـآآآآآن بعد !!

بليــــــــــــــــــــز لا تتآخرين علينــآ بالــبآرت الجـآي يـآدلبوووو ..َ~

وعوآآآآآآآآآآآآآآآآآآآآآآآفي ع البك .. خخخخ

ودي يــآقلبي ..


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 9
قديم(ـة) 26-11-2009, 04:16 AM
صورة مجروح احساسة الرمزية
مجروح احساسة مجروح احساسة غير متصل
©؛°¨غرامي مشارك¨°؛©
 
الافتراضي رد : روايتي الاولى(نهاية الالام) باللهجه السورية


روووعه يااقلبي

تسلمي ع الباارت الحلوو

يا حرام الي صار في غنوه وغنا شي بيحزن والله

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 10
قديم(ـة) 26-11-2009, 05:19 AM
мяǾǿǾмê ~ мяǾǿǾмê ~ غير متصل
عضو موقوف من الإداره
 
الافتراضي رد: روايتي الاولى(نهاية الالام) باللهجه السورية


مـووفقة ح ـبيبتي

والى الاماإأم ..

روايتي الأولى : نهاية الألآم

الوسوم
رومانسيه حزينة
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
روايتي الأولى : أخذتني أمل و رديتني ألم / كاملة "~ع ـطر البنفس ـج روايات كامله - يتم نقل الرواية هنا بعد اكتمالها 235 30-10-2016 01:05 AM
روايتي الأولى / ببقى معك رغم الظروف لمحته أرشيف الروايات المغلقة - لعدم إكتمالها 17 27-04-2013 12:17 AM
روايتي الأولى : لن أضحي بكبريائي من أجلك ! ضجيج السكون أرشيف الروايات المغلقة - لعدم إكتمالها 177 14-05-2010 05:09 AM
روايتي الأولى : أمانة لا تجاملني إذا نفسك تبي فرقاي غنج السعودية أرشيف الروايات المغلقة - لعدم إكتمالها 24 02-05-2010 01:25 AM
تحليل دقيق عن روايتي الأولى على غرام بلا حدود مواضيع عامة - غرام 2 18-08-2007 07:19 AM

الساعة الآن +3: 07:08 AM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


youtube

SEO by vBSEO 3.6.1