غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 31
قديم(ـة) 30-11-2009, 09:59 AM
صورة the preaty women الرمزية
the preaty women the preaty women غير متصل
©؛°¨غرامي متألق ¨°؛©
 
الافتراضي رد: رواية أحبك كثر ماتطري على بالي ولا ألقاك / بقلمي


يسلمووووووووو يالغلا على البارت
ايميل الواد اللى كان فى محل الحلويات وجاب الموبايل ليها
ريناد هتنسى فارس اة تنسى الحب الاول بحب جديد ينولد
بانتظاااااااااااااااار التكملة

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 32
قديم(ـة) 30-11-2009, 11:58 PM
الروح الراحله الروح الراحله غير متصل
©؛°¨غرامي مشارك¨°؛©
 
الافتراضي رد: رواية أحبك كثر ماتطري على بالي ولا ألقاك / بقلمي


الجزء السادس عشر ..
ريناد : ياربي من ايميله هذا مااذكر اني كتبت خلني اجرب وفتحت المسن وضافة الايميل وصاحب الايميل كان موجود ..
ريناد : هاي \ صاحب الايميل : هايات
ريناد : منو معاي
... : انتي او انت ضايفني
ريناد : بصراحه انا ماادري من صاحب الايميل لاني لقيته موجود في الجوال وابي اعرف مين صاحب\هـ الايميل
... : أنا جواد
ريناد : جواد ؟؟ مين جواد مااعرف واحد اسمه جواد
جواد : قولي لي من عاطيك الايميل
ريناد : وش فيك مو مصدق قلت لك موجود في جوالي مين اللي كاتبه ماادري
جواد : لحظه \ ريناد : اوك
اتصل صديق جواد ..
سعد: اقول جات لك اضافه
جواد : ليكون انت
سعد: ههههه لا مو انا بصراحه شفتك بالمحل تناظر البنت كأنها اعجبتك اخذت جوالها وكتبت ايميلك
جواد : ياسلام ومين قال اني ابغى اكلمها
سعد: عادي احذفها يلا انا مشغول نتفاهم بعدين باي
جواد : باي
رجع جواد للمسن ..
جواد : هلا \ ريناد : اهلين
جواد : بقولك \ ريناد : شنو
جواد : بصراحه هذا صديقي سعداللي جاب لك الجوال هو كتب الايميل
ريناد : وليه ؟؟ \ جواد : يقول شافني اطالع فيك وكتب الايميل وانا ماادري عنه
ريناد : لاوالله \ جواد : والله هذا اللي صار
ريناد : مو علي هالحركات
جواد : صدقيني انا مو من هالنوع اللي يكلم بنات ويكذب وهذا اول ايميل بنت موجود عندي
ريناد : ههههههههههه المشكله ان هالحركات معروفه عندكم يالاولاد انتي اول وحده اكلمها واذا تبي الايميل حقي دخلي شوفي بنفسك ومن هالكلام
جواد : وربي اني مااكذب عليك وانتي براحتك
ريناد : المطلوب الحين شنو ؟؟
جواد : ولاشي قلت لك ع السالفه انا مالي دخل واذا تبي تحذفي ايميلي حذفيه
ريناد : كسرت خاطري يلا باي
وبعد مرور 10 دقايق ..
جواد : ايش اسمك \ ريناد : اسمي ريناد
جواد : عاشت آلآسامي \ ريناد : عاشت ايامك
جواد : ممكن اسال \ ريناد : تفضل
جواد : انتي تكلمي اولااد \ ريناد : اذا قلت لك لا بتصدقني
جواد : بصراحه لا \ ريناد : ليه
جواد : من شوي قلتي تعرفي حركات لاولاد يعني متعرفه ع كذا واحد
ريناد : أنا مااكلم وماعندي بالمسن الا ايميل واحد وحذفته وبعدين حركات لاولاد معروفه يكذبوا ع البنات وبحكم اني ادخل احيانآ شات اعرف بعض الحركات
جواد : اهااا وممكن اعرف ليه حذفتي الايميل الولد اللي عندك
ريناد : اوك انا بتكلم معك بصراحه انا كنت احب هذا الشخص وهالشخص ولد عمتي بس الله كتب يكون من نصيب غيري والحمدلله ع كل حال
جواد : الحمدلله
ريناد : هذي صورتك
جواد : ايه حلو والا
ريناد روعه : ايه حلو
جواد : عيونك الحلوه
:::::::::::::::::::::::::::::::::::::::::::::::::: :::::::
مع مرور الوقت تطورت العلاقه بين ريناد و جواد ومستحيل يمر يوم وريناد ماتكلم جواد
ريناد : انا بسافر اليووم
جواد : كم الساعه \ ريناد : 4 انا طالعه من البيت
جواد : اوك بكون بالمطار
ريناد : من جدك \ جواد : ايه اشوفك ع لاقل من بعيد انا راضي
ريناد : اووك \ جواد : تدرين اني أحبــــــك
ريناد : لا ماادري \ جواد : هههههه هذا انتي دريتي
جواد : كيف راح اعرفك في المطار
ريناد : مدري
جواد : خلاص انتي عرفتيني شايفه صورتي اذا شفتيني تعالي
ريناد : لاوالله احلف
جواد : ريناد \ ريناد : جواد
جواد : هههه يؤيؤ طيب انا عندي حل
ريناد : شنو
جواد : انا بوقف عند المواقف ايش نوع السياره
ريناد : لكزس 2008 لونها ابيض
جواد : طيب خلاص
ريناد : باي قلبوو
........................................
ريناد .اول ماكلمتك كنت ابي انسى فارس بس الحين حبيتك وانا ماادري
:::::::::::::::::::::::::::::::::::::::::::::::::: ::::
ام عبدالله : يلا ياريناد
هيفاء : تجهز نفسها
ريناد : خلصت
نواف : يلا انا بوصلك \ ريناد : اووك يلا مع السلامه
ام عبدالله : ربي يسلمك انتبهي لنفسك وأكلي عدل
ريناد : يمه حفظتهم ان شاءلله سلمي ع ريماس وآمال وعبدالله والعنود
ام عبدالله : ان شاءلله \ ريناد : باي
:::::::::::::::::::::::::::::::::::::::::::::::::: :::::::

نواف : يلا \ ريناد :ان شاءلله
وصلت المطار ..
نواف : يلا انا بمشي ماباقي شي ع طيارتك مو تنسي نفسك
ريناد : ههه ان شاءلله
قرب جواد لعند ريناد ..
جواد : هلا \ ريناد بسعاده : اهلييين
جواد : هذا اخوك \ ريناد : ايه
جواد : اسمه نواف صح \ ريناد : وش عرفك فيه
جواد : يعني انتي ريناد سامي الـ.. \ ريناد : ايه
جواد : ابوي يتعامل مع شركة ابوك وفي يوم كنت رايح لشركة ابوك ولتقيت بنواف
ريناد : اهاا يلا لازم امشي الحين مع السلامه
جواد : تروحي وترجعي لي بسلامه وياليت تقبلي مني هذي (( دبدوب))
ريناد : شكرآ \ جواد : العفو
:::::::::::::::::::::::::::::::::::::::::::::::::: :::
عند فارس وأمل ..
فارس : انا لازم ارجع للعمل
أمل : متى بترجع \ فارس : بكره ان شاءلله انا ماشي
أمل : ومتى بترجع ابها
فارس : والله مدري ع حسب الظروف
أمل : يعني مو كل اسبوع
فارس : لا كل اسبوع يمكن كل اسبوعين او في شهر مره كذا
أمل : اهاااا
:::::::::::::::::::::::::::::::::::::::::::::::::: ::::
عند وليد ولمياء ..
وليد يكتب : ايش تسوي
لمياء : شريت لي صبغة شعر والحين بصبغ
وليد : انا بحط لك \ لمياء : ماتعرف
وليد يكتب : اعرف
وصبغ شعر لمياء وبعد ماخلصت جفف شعرها
لمياء : الله يخليك لي ولايحرمني منك
وليد : ويخليك لي يارب شفتي اعرف
لمياء : بصراحه ماتوقعت بس حلوو لانك انت مسويه لي
:::::::::::::::::::::::::::::::::::::::::::::::::: ::::::::
هاشم : قولي مبروك لسلمى
ريناد : ليه
هاشم : البنت مخطوبه
ريناد : صدق مبرووك ياقلبي
سلمى : يبارك فيك عقبالك
ريناد : تسلمين ومين
سلمى : محمد \ ريناد : اهااا محمد ماغيره
سلمى : ايه \ ريناد : الله يسعدك
سلمى : تسلمين
هاشم : يلا نبي نأكل بعدين رمسي انتي وياها
ريناد : ان شاءلله عمي
هاشم وسلمى : هههههه
:::::::::::::::::::::::::::::::::::::::::::::::::: :::::::::::
باليل عند ريناد ..
ريناد دخلت المسن ..
جواد : واخيرآ
ريناد : أشتقت لك موووووت
جواد : وانا مشتاااق لك صار لي ساعه انتظرك
ريناد : وانت وش عندك انتظر
جواد : هههههه ماعندي شي بس مشتاق لك
ريناد: ايش سويت اليوم
جواد : صحيت من النوم الساعه 5 صليت وبعدها فطرت وجهزت نفسي للعمل وبعدها رجعت البيت تغديت ونمت والعصر طلعت عند الشباب
ريناد : اهااا زين – صورت مين هذي الحلووه
جواد : هذي صورة بنت اختي ساره والحين بحط لك صورة ولد اخوي عبدالرحمن
ريناد : ياربي يجنن
جواد : والله عيونك اللي تجنن – اقول متى تخلصي دراسه
ريناد : والله هذي اخر سنه لي وماودي اكمل بصراحه الغربه مو شي أشتقت السعوديه
جواد : احتمال كبير اسافر مع الشباب
ريناد : وين \ جواد : مسقط
ريناد : ايش عندكم
جواد : بس كذا نتمشى وبجيب لك حلوى عمانيه
ريناد : مااحبها لاتعب نفسك كم يوم ان شاءلله
جواد : كلها 3 او4 ايام تدرين كل واحد عنده دوام
ريناد : اهاا تروح وترجع بسلامه
جواد : ربي يسلمك ماقلتي لي وش تبي اجيب لك
ريناد : اممممممم ما أبغى شي أبيك ترجع سالم
جواد : يابعد قلبي
:::::::::::::::::::::::::::::::::::::::::::::::::: ::::::::::::
منتهى : ياليت نطلع البحر
نايف : يوم الاربعاء ان شاءلله نروح
منتهى : صدق \ نايف : ايه صدق بشوف مؤيد اذا بروح معي
منتهى : وانا بشوف لمياء وميساء
نايف : حلات الطلعه جمعه
:::::::::::::::::::::::::::::::::::::::::::::::::
رغد : ناصر تكفى خلاص مازهقت وانت تلعب
ناصر : لا
رغد : بس انا زهقت جالسه لحالي
ناصر : تعالي جنبي
رغد : ماابي اجلس العب بلاي ستشن
ناصر : خلاص تعالي ولاتزعلين راح اطفيها كله ولاحبيبتي
رغد : حبيبتك ولاتدري عني طول الوقت اذا طفشت من اللعبه جيت قلت حبيبتي
ناصر : بل بل حرام عليك
رغد : ههههه مو حرام
ناصر : خلاص انزين ليه معصبه هدي
رغد : ان شاءلله
:::::::::::::::::::::::::::::::::::::::::::::::::
بالمسن ..
نغم : ياريناد ردي لاذبحك
ريناد : هلا هلا
نغم : بدري تردين علي
ريناد : معليش كنت شوي مشغوله
نغم : لسى مشغوله
ريناد : لا سولفي
نغم : انا بطلع- ساعه وانا اكلمك ولاتردي المهم بعطيك صور ابيك تصمميهم بترسلهم لك ايلاف يلا باي
ريناد : ههههه بايات
...............................
جواد : وينك \ ريناد : اكلم بنت عموو
جواد : مشغوله \ ريناد : لا اصلآ هي طلعت
جواد : وليه طلعت بسرعه
ريناد : وانت وش دخلك فيها
جواد : خلاص خلاص
ريناد : هههههه
جواد : ممكن اطلب طلب بس لاتفهميني غلط
ريناد : تفضل \ جواد : ممكن رقمك
ريناد : نعم
جواد : قلت لك لاتفهميني غلط بصراحه انا ماادخل النت كثييير بس من تعرفت عليك وتغيرت اشياء في حياتي وبعدين الجوال احسن في أي وقت ابيك بحصلك غير عن المسن ادخل واجلس انتظرك
ريناد : والله مدري وانا بعد تغيرت لدرجه اللي معي بالمسن مطنشتهم ولا ادري عنهم
جواد : اخذه اكلمك مره واذا ماعجبك الوضع خلاص نرجع للمسن
ريناد : اووك وهذا رقمي ...
جواد : اوك انا بطلع الوقت تأخر
ريناد : وانا بعد بطلع باي \ جواد : باي
...........................................
جواد ماقدر ينام وده يسمع صوتها وقام واتصل عليها
ريناد : الو \ جواد : هلا بهالصوت ممكن نتعرف
ريناد : لا مو ممكن وياليت تقلب وجهك مو فاضيه لسخافه
جواد : هههههههه انا جواد
ريناد : وجع وليه تسوي كذا تختبرني
جواد : ماعاش اللي يختبرك
ريناد : ليه مانمت
جواد : بصراحه ماقدرت انام قلبي يقولي قوم اتصل عليها
ريناد : فديت قلبك
جواد : اهم شي سمعت هالصوت الحين بنام وبكره اكلمك
ريناد : اووك تصبح ع خيير \ جواد : وانتي من اهله
ريناد احبه ياناس احبه
:::::::::::::::::::::::::::::::::::::::::::::::::: :::::::::::
في البحر ...
منتهى : البحر روووعه
منى : واخيرآ طلعنا البحر
جنان : ايه والله طفش كله محبوسين بالبيت
ميساء : اهم شي المشويات
لمياء : اهم شي بطنك
ميساء : ايه
منى : بدري ع الاكل
جنان : شكلها جووعانه
ميساء : لاوالله
::::::::::::::::::::::::::::::::::::::::::::
يوم جديد ..
ريناد وش فيه مايرد علي تعبت واتصل عليه .. خلني اجرب
سعد: الو
ريناد الصوت غير: مين معي
سعد: انتي اللي متصله
ريناد : وين صاحب الجوال
هشام : نايم \ ريناد : اوك باي
ووبعد ماصحى جواد ..
سعد : اتصلت عليك وحده
جواد : اشوف الجوال – وتصل ع ريناد
ريناد : هلا
جواد : اهلين كيفك
ريناد : مو زينه
جواد : ليه \ ريناد : 3 ايام بمسقط ومقفل الجوال واليوم اتصل عليك ماترد واخر شي رد علي واحد
جواد : ههه جيت تعبان ونمت في الدوانيه عند سعد
ريناد : سلامتك من التعب وبعدين هذا ليه يرد
جواد : ربي يسلمك وكم مره اقولك لاتقولي هذا او هذي عندهم اسماء
ريناد : اسفه نسيت
جواد : سعد متعود يرد يتصلون اهلي ويرد عليهم عادي
ريناد : .... \ جواد : وش فيك
ريناد : مافيني شي سلامتك
جواد : ايه واضح
ريناد : كيفك لاتصدق
جواد : خلاص – اقول \ ريناد : ايش
جواد : لك وحشششه
:::::::::::::::::::::::::::::::::::::::::::::::::: :::::::
في بيت ابوابراهيم ..
ام عبدالله وآمال وهيفاء ريماس : السلام عليكم
ام ابراهيم : وعليكم السلام هلا
ام عبدالله : كيفك وكيف العيال
ام ابراهيم : بخير الحمدلله
هيفاء : وين لمياء
ام ابراهيم : في البحر
ريماس : ياحظها
ام عبدالله : كان رحتي غيرتي جو
ام ابراهيم : مره ثانيه ان شاءلله
هيفاء : امي ماتبي تروح بدون ابوي
ريماس : ههههه
ام ابراهيم : هذا محمد يقول لابوك امي ماتستغنى عنك يوم واحد
ام عبدالله : مافي حياء هالزمن وش قاله ابوه
ام ابراهيم : ماقاله شي
آمال : العنود ليه ماجات ولا بالبحر
هيفاء : لا طالعه مع عبدالله
ريماس : وش فيك أسيل
أسيل : مافيني شي
آمال : محد وياها تلعب معه
هيفاء : تعالي لعبي مع سامي
أسيل : طيب
:::::::::::::::::::::::::::::::::::::::::::::::::: :::::::::::
ريناد : تدري \ جواد : ايش
ريناد : أنت جننتني ودي ارجع السعوديه
جواد : ههههه وليه ترجعي
ريناد : عشان أكون قريبه منك
جواد : لا ابي تكملي دراسه وبعدين مين قال انك موقريبه أنتي عايشه فيني
ريناد : آآه منك
جواد : تبي تكلمي عبد الرحمن
ريناد : ايه \ جواد : اوك
عبدالرحمن : الو \ ريناد : هلا كيفك ياقلبي
عبدالرحمن : تمام \ ريناد : دووم في المدرسه انت
عبدالرحمن : لا مابعد اروح
ريناد : يضربك جواد \ عبدالرحمن : لا
ريناد : اذا اضربك قولي علشان اضربه اخذ حقك
عبدالرحمن : انزين \ ريناد : هههههه انت تحبني صح
عبدالرحمن : ايه \ ريناد : طيب عطني بوسه
عبدالرحمن : امووووواه
جواد اخذ الجوال من عند عبدالرحمن : ايش قايله له
ريناد : مابعلمك \ جواد : لاتقولي هو بقولي ولا بعطيك اياه
ريناد : ههههه ليه
جواد : هذي من اولها و تبوس
ريناد : ههههههههههههه
جواد : متى تنامين \ ريناد : ماودي انام ابي اكلمك
جواد : بكلمك لين تنامي وشرايك اقولك قصه
ريناد : ياليت \ جواد : ايش تبي
ريناد : قصة ليلى والذئب هههههه قديمه
جواد : ههههههههههه لا بقولك قصه جديده
ريناد : وش هي
جواد : قصة واحد يحب وحده بس بعيده عنه
ريناد جا في بالها هذي الجمله : أحبـــــــك كثر ماتطري ع بالي ولا ألقاك
جواد : وااااو حلوو وقوي
ريناد : أعجبك \ جواد : ايه
جواد : تكتبي اشعار صح
ريناد : ايه \ جواد : أبي اسمع اخر وحده كتبتيها
ريناد : ان شاءلله من عيوووني
جواد : تسلم عيوونك يلا أسمع
ريناد : اسمع
ودي أضمڪ من كل قلبي وتزيد تضمني حيل لقلبڪ~
ودي أنسى العآلم ومــاأحس إلآ (بقلبڪ)..~
تتكلم وتقووولي "وحشتيني يآبعد قلبي"..~
وأقولك أووووووووووص
تعبت أسمع لسآنڪ
بس فيه شي ودي أسمعه..؟
وأقرب وأحط رآسي قريب من "ضلوعڪ"
وأسمع دقآت قلبڪ..
وكل ماأقرب لأجل أسمع أوضح
ألقى ــآ قلبڪ "تزيد نبضآته"
أبتسم بلآ شعوووور~
وأضم صـــــــــدرڪ حـــيل~
تهزني وتقول قلبي يقولڪ إرحميه
أقولڪ إرحم قلبي الأول ..!!وقرب وزيد وضمــــني ..~
أوعــــــــــــدڪ~
عمري مابمل من دفــآ حضنڪ~
وعمري ماراح أحس بالضيق..~
وش أبي أكثر من
حبيب نسى العآلم كله وضمني "حيييييل لأحضآنه"!!
ودي أطلبڪ طلب ولآتردني..!
طلبتڪ لآتمل~
طلبتڪ لآتقووولي خلاص تعبت..!
طلبتڪ خلني أنام اليله /بحضن قلبڪ/
ودي أنام على صوت "نبضڪ"
ودي أصحى ــآ على صوتڪ..~
خلني ليله في أحضآنڪ..~
خلني أنسى الهم والضيقه..!ضمــــــــــــني حبيبي ضمني بأقوى ماعندڪ..~
ماأبي منڪ رحمه ولآخوف على ضلوعي..!
"أبي حضن يكسسسسسسسسسسر ضلوعي"ويخلي ..أجسادنا وحده~
أبي كل اللي يشوفنآ يقول..
ليتني ألحين في "أحضآن حبيبي"أبي كل الناس تتكلم وتقول..
أبي أسمع كلمة..~كــــــــنهم جسد وآحد..الله لآيفرق حبيب عن حبيبه..
عرفت ألحين وش هو حلمي..؟عرفت إنه بيدڪ تحققه..!
وبيدڪ تهدمه..!طلبتــــــڪ لآآآآآآآآآآآآخر مره..~
ضمــــــــــــــــــــــني حيل لأحضآنڪ
جواد : صح لسانك
ريناد : صح بدنك
جواد : كل هذا لي
ريناد : ايه
جواد : راح أضمك أن شاءلله قريب
ريناد تبتسم : ....
جواد : وش فيك \ ريناد : مافيني شي
جواد : خلاص روحي نامي
ريناد : ماأبي أبي قصه
جواد : ههههه ان شاءلله سمعي
::::::::::::::::::::::::::::::::::::::::::::::::
عند ريم وايلاف ونغم وليلى ..
ايلاف : ريمووه نامي عندنا اليوم
ريم : مااتوقع يرضى سعود
نغم : ياليت تنامي وليلى تنام ويانا بالغرفه علنه بنام ونسهر مع بعض
ليلى : انا عادي اقول لخالد وبيرضى
ايلاف : شوفي سعود يمكن يرضى
ريم : انا متأكده لا بس بجرب
اتصلت ع سعود ..
سعود : هلا \ ريم : اهلين
سعود : اجي اخذك
ريم : خلني انام الليله بيت اهلي وبكره اخذني
سعود : وليه ان شاءلله
ريم : متشاقه لهم وابي اسهر معهم الليله
سعود : مافي نوم واذا ع الاشتياق كل يوم اوصلك بيت اهلك
ريم : سعود حبيبي تكفى
سعود : ريم قلتلك خلاص
ريم : اووف خلاص تعال اخذني
سعود : ..... \ ريم : اسفه تعال اخذني
سعود : طيب بخليك تنامي بس هالليله واخر مره
رسم فرحانه : مشكووور ياقلبي انت
سعود : تأمرين بشي
ريم : سلامتك بس لاتنسى تغطى زين عشان ماتبرد والصباح قبل ماتطلع افطر وتصبح ع خير حبيبي
سعود : ان شاءلله يمه وانتي من اهله حبيبتي
ريم : ههههه باي \ سعود : بايات
...................................
نغم : بشري
ريم : الحمدلله رضى يقول اخر مره
ايلاف : اهم شي رضى
ليلى : بروح اقول لخالد ومسويه كيكه بخليكم تذوقها
نغم : اوك ننتظرك
:::::::::::::::::::::::::::::::::::::::::::::::::: ::::::
جواد : ريناد \ ريناد : ....
جواد : شكلها نامت وقفل الجوال ..
.....................................
ياترى في تطورات بين جواد وريناد ..!!

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 33
قديم(ـة) 01-12-2009, 11:58 AM
صورة the preaty women الرمزية
the preaty women the preaty women غير متصل
©؛°¨غرامي متألق ¨°؛©
 
الافتراضي رد: رواية أحبك كثر ماتطري على بالي ولا ألقاك / بقلمي


يسلمووووووو يالغلا على البارت
ايوة هيبقى فى تطورات بينهم
بانتظااااااااااااااااار التكملة بفارغ الصبر

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 34
قديم(ـة) 01-12-2009, 05:01 PM
الروح الراحله الروح الراحله غير متصل
©؛°¨غرامي مشارك¨°؛©
 
الافتراضي رد: رواية أحبك كثر ماتطري على بالي ولا ألقاك / بقلمي


ربي يسلمك
ومشكوووره ع المتابعه

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 35
قديم(ـة) 03-12-2009, 06:56 PM
الروح الراحله الروح الراحله غير متصل
©؛°¨غرامي مشارك¨°؛©
 
الافتراضي رد: رواية أحبك كثر ماتطري على بالي ولا ألقاك / بقلمي


الجــــــــــزء السابع عشر ..
ووووووبعد مرور 3 اشهر .. ريناد بالسعوديه ..
آمال : حمدلله ع السلامه
ريناد : ربي يسلمك يالغلا
العنود : كيف قضتي رمضان
ريناد : والله مو شي هناك بس الحمدلله
ياسر : عيدك مبارك
ريناد : يبارك فيك والله مشتاقه لك كبرت
ريماس : ليه تبيه يصغر
ريناد : وووين رهف الحلووه
رهف : كاني كاني
ريناد : اللي يبي عيوده يرفع يده
ياسر : أنا \ رهف : انا انا \ أسيل وانا
هيفاء : وانا بعد هههههه
ريناد : مابعطيك هيووف عندك نواف
هيفاء : نواف غير وانتي غير يلا خلصي
ريناد : تبي ريال هههه
هيفاء : هههههه بخيله يلا راضيه فيه اهم شي عيووده منك
ريناد اتصل عليها جواد : بكلم وبرجع لاحد يسرق شي
ريماس : ان شاءلله رووحي بس
...............................................
ريناد : هلا والله
جواد : اهلييين هلا فيك منوره السعوديه اليوم
ريناد : منوره لانك انت موجود
جواد : كل عام وانتي بخير
ريناد : وانت بخير وبصحه وسلامه وين العيوده
جواد : هههههههههه عيوني لك
ريناد : ماابي عيونك
جواد : ههههه كم تبي
ريناد : أبيك انت
جواد : أنا عندك وكلها يوم اويومين وبكلم اهلي – قولي لي
ريناد : ايش اقولك
جواد : انتي موافقه
ريناد : اممممممممممممممم لا
جواد : بجي بعضك
ريناد : ههههههههه اكلمك بعدين لاني مشغوله
جواد : وانا مشغول في البيت رجال بس شسوي مشتاق لك
ريناد : يلا باااااااي \ جواد : باااي
.................................................. .......
رجعت ريناد وشافت المحفظه مافيها ولا ريال
ريناد : وين الفلوس
هيفاء : ماندري \ ريناد : لاوالله رهف مين اللي اخذ الفلوس
رهف : ههههههه ريماس
أسيل : وهيفاء
ريناد : طلعي انتي وياها وبعطيكم لاتخافون
ريماس : سلمي عليهم قلنا الكومار يجيب فيهم اكل
هيفاء : مالذا وطاب
ريناد : وجع - يلا حلال عليكم بس باكل من الاكل
هيفاء : نفكر نعطيك
ريناد : بعد
ريماس : ههههههه
:::::::::::::::::::::::::::::::::::::::::::::::::: :::::::::::::::
في بيت ام صالح جدت ريناد ..
ام عبدالله والعنود وآمال وهيفاء وريناد وريماس : السلام عليكم
الكل : وعليكم السلام
ريناد : هاي جنانووه عيدك مبارك
جنان : هايات ريندوه ربي يبارك فيك
وصايف : كيف الدراسه معاك
ريناد : تمام بس شكلي مابرجع
وصايف : ليه \ ريناد : مااقدر استغنى عن السعوديه فديتها انا
رغد : هذا انتي تنزلي السعوديه بين فتره وفتره
ريناد تقصد جواد : انا مااقدر افارقها دقيقه
جنان : هالبنت فيها شي \ ريناد : ههههه لا
جنان : رنود عيني بعينك
ريناد : ههههههههههههه شوفي . وش طلع لك
جنان : بلاوي \ ريناد : بلاوي بعينك
لمياء : ههههههه ولاتغيرتي
ريناد : وليه اتغير ياحلاتي وانا كذا
منتهى : الثقه اوقات مو حلوه
ريماس : وش فيكم ع اختي \ ريناد : شوفي شغلك وياهم
رسل جواد رساله لريناد وفتحتها وكان مكتوب فيها ( أحبك يا أغلى بشر ) ورسلت له ريناد ..
ليتني العيد وتفرح بي يوم أجيك ..
وليتني أكون أهم أنسان يهنيك
وأكثر واحد من هالناس يعنيكـ ,
وليتكـ تعرف أني أكثر من في الكون أغليك ,,
يسعدك ربي ويخليك ويعود عليكـ العيد وتشوف اللي يرضيك ,,
كـــــــــل عام وانت بخير .. (( أحبك ))
...............
جنان : مين اللي راسل لك رساله اعترفي
ريناد : هههههه مابقول
جنان : قولي لا اخذ الجوال
ريناد : يعني من ووين اكيد من عند وحده
جنان : طيب اشوف الرساله صديقتي رسلت لي وانا مارسلت لها شي
ريناد كانت تحط رسائل جواد لحالهم : تفضلي
جنان شافت لها رساله واخذتها وجلست تفتش في جوال ريناد
ريناد : أكره شي عندي اللي يفتش
جنان : وانا احلى شي عندي وخاصة اغراضك
ريناد: اشوف جوالي ولابعطيك اياه اخر مره يلا
جنان : مين اللي كاتبه اسمه نصفي الثاني
ريناد : هههه لاتخليني اعصب
رغد : اتصلي ع الرقم واللي يرد عليك قولي لها وش اسمك
جنان : صدق \ ميساء : يلا نبي نسمع ياليت تحطيه اسبيكر
ريناد : وجع ان شاءلله اشوف جوالي
وصايف : لاتردين عليها بطلع حرة ماجد لليله \ رغد : وانا ناصر ههههه
ريماس : هههههههه حرام عليكم
ريناد : ببكي
وعد : كأنه احد قايل لها لاتبكي
ميساء : ليه ماتبي نكلم صاحبه الرقم ؟؟
ريناد مو عارفه ايش تقول : براحتكم
منتهى : ازعلت البنت \ وعد : تزعل وبعدين ترضى عادي
ريناد : مازعلت واذا ع صاحبه الرقم عادي كلميها انتي وياها
ريناد قامت من عندهم وقالت لهم اخذوا راحتكم ورحت عند الحريم اللي جالسين لحالهم واخذت جوال امها وارسلت لجواد اذا شفت رقمي لاترد عليه وبعدين راح اقولك ليه وهذا جوال لماما ورجعت عند البنات ..
جنان : محد يرد
رغد : جربي مره ثانيه \ جنان : اووك
ريناد ميته ضحك عليهم : ههههههه
وصايف : تضحك اكيد في شي \ جنان : ريندووه
ريناد : جنانووه بذبحك
جنان : اخذي جوالك من حلاته
.................................................. ..........
وبعد مارجعت من بيت جدتها ريناد جالسه تكلم جواد
جواد : ايش سالفة الرساله
ريناد : بنت خالتي شافت مكتوب نصفي الثاني تبي تعرف مين صاحب الرقم وانا شوي عصبت والبنات قالوا نبي نعرف يلا اتصلي وماعليك منها
جواد : هههههههههههه كان قلتي لها هذا حبيبي
ريناد : علشان مااخلص من أسئلتهم
جواد : ههه اها \ ريناد : في احد جنبك
جواد : ايش عرفك \ ريناد : فيه صوت
جواد : يمكن التلفزيون
ريناد : يمكن
جواد : ههههه امزح جنبي سعد
ريناد : 24 ساعه مع سعد
جواد : هذا اخو واكثر من اخو من يوم ماكنت في متوسط ليومك كله مع بعض
ريناد : وان شاءلله بعدين كذا \ جواد فهم ع ريناد : كيف بعدين مافهمت
ريناد انحرجت : ...... ولاشي
جواد : هههههههههههه \ ريناد : ليه تضحك
جواد : ولاشي \ ريناد : يلا باي
جواد : وين باي تعالي بكلمك \ ريناد : ....
جواد : ريناد ماتبي تكلميني
ريناد : آآآآآآآآه المشكله مااقدر ازعل
جواد : هذا احسن شي كل يوم اجل بشتري لك هديه
ريناد : جواد بنام يلا
جواد : ههههههه وش فيك حياتي معصبه
ريناد : انا ايش فيني ولا انت وبعدين انا بنام بكره بروح المزرعه
جواد : خلاص بعقل شوي بكلمك وبعدين نامي
ريناد : طيب \ جواد وصل عند الباب : ريناد تقدرين تنزلي جنب الباب
ريناد : ليه \ جواد : انا تحت
ريناد راحت جنب النافذه وشافته : ايش عندك
جواد : جاي اشوف حبيبتي
ريناد : لاوالله اقول توكل
جواد : ريناد بعطيك شغله وبمشي والله
ريناد : ايش هي
جواد : ماراح اسوي شي وربي بعطيك وبمشي وبعدين انا اخاف عليك
ريناد : طيب نزلت وفتحت الباب
جواد : هلا \ ريناد راسها للارض : اهلين وين الشي
جواد : تفضلي ( عطاها ورد )
دخلت ريناد وجواد مشى بس يكلمون بعض بالجوال
جواد : ايش رايك \ ريناد : جنان الورد
جواد : عيونك الجنان
ريناد : تصبح على خير ياقلبي
جواد : وانتي من اهله حياتي
:::::::::::::::::::::::::::::::::::::::::::::::::: ::::::::
يوم ثاني .. بالمزرعه ..
ام سعود : ندى يلا ماجهزتي
ندى : جهزت خلاص
بنين : وين ريم
ام سعود : راحت مع سعود
بنين : بابا قبل مانروح المزرعه ابي نروح سوبر ماركت
ندى : ايه ياليت
ابو سعود : ان شاءلله
:::::::::::::::::::::::::::::::::::::::::::::
في بيت ابو جواد وبعد الغدى ..
جواد : يمه ابيك تخطبي لي
ام جواد مستانسه : نخطب لك حاط وحده في بالك ولا انا ادورلك
ام ساره اخت جواد : تقرب لنا
جواد : لا ماتقرب ولا ابي احد يدور لي انا حاط وحده في بالي
ام جواد : ومين \ جواد : ابوي يعرفهم
ابو جواد : مين
جواد : بنت ابو عبدالله – سامي الـ ... عرفته نتعامل مع بشركه
ابو جواد : والله ونعم فيهم \ جواد : يعني راضي
ابو جواد : ايه بس ايش عرفك فيهم
جواد : اعرف نواف ولد سامي
ابو جواد : خلاص امك تروح تخطبها لك
جواد فرحان مو مصدق : متى اوصلك وش رايك اليوم
ام ساره : هههههههه استخف الولد
ام جواد : اصبر خالتك بالمستشفى كلها يومين وبتطلع واروح معها لاني مااعرفهم انا
جواد : يمه اخذي ام ساره معاك
ابو جواد : ايه اصبر كم من يوم ماراح يصير شي
جواد : ان شاءلله
...................................
وطلع من عندهم واتصل ع ريناد .. في السياره ..
ريناد : والله واحشني موووت أخاف من بعدك اموووت
جواد : سلامتك من الموت ان شاءلله يومي قبل يومك
ريناد : لا ان شاءلله انا كيفك حبي
جواد : انا بخير والحمدلله \ ريناد : كأنك مبسوط
جواد : كلمت اهلي عنك وان شاءلله قريب امي تكون في بيتكم
ريناد : جد \ جواد : لاعم ههههه
جواد : بالمزرعه صح \ ريناد : ايه
جواد : اكلمك بعدين \ ريناد : لا ابي اكلمك مشتاقه لك مااقدر افارقك دقيقه
جواد : وانا بعد بس يلا كلها كم يوم تدرين اقول لامي روحي اخطبيها اليوم
ريناد : هههههههههههه ومتى راح تجي
جواد : خالتي بالمستشفى يمكن هالاسبوع راح تطلع وامي تبغى خالتي معها
ريناد : اهاا
جواد : أحبك \ ريناد : وبعد
جواد : امووت فيك أعشقك انتي حياتي وانتي فرحي وانتي عمري اللي جاي وانتي السعاده
ريناد : لا مااقدر
جواد : أحبك يعني مااقدر استغنى عنك مهم صار
ريناد : ولا بنت جاي تناديني
جواد : ههههههههههههههههه مو عاجبك كلامي
ريناد : عاجبني الكلام واللي يقول الكلام
جواد : البنات مو جنبك \ ريناد : لا لو جنبي كان سمعت الازعاج وشكلهم بالمسبح
جواد : طيب انا وصلت عند الشباب اكلمك بعدين
ريناد : لالالا \ جواد : ليه لا اقولك عند الشباب
ريناد : وانا اقولك مابقفل السماعه كيفي
جواد : مو وقت اعناد يلا \ ريناد : ......
جواد : ريناد سمعي الكلام حياتي لاتزعلين بكلمك بعدين
ريناد : طيب باي \ جواد : ليه الزعل الحين
ريناد : مازعلت خلاص
جواد : طيب علشانك بجلس اكلمك شوي
ريناد : لا ماابي بجلس مع البنات
جواد : والله احترت معاك \ ريناد : ههههههه
جواد : تضحك الدبا يلا مع السلامه
ريناد : يسلمك ربي
:::::::::::::::::::::::::::::::::::::::::::::::::: :::::::::::::::::::::::
سعود : وينك مختفي
خالد : موجود من الدوام للبيت ومن البيت لدوام واحيآن اطلع
مؤيد : احمد اخذ فراس وده جنب الخيل
أحمد : ان شاءلله
نواف : المتصل ابو فارس
ابو عبدالله : ايه
ابو سعود : وش فيه
ابو عبدالله : يقول بعد اسبوعين زواج فارس
سعود : وين راح يكون زواجه هنا ولا ابها
ابو عبدالله : في ابها
مؤيد : هو وينه ماجا
ابو عبدالله : نواف ماقلت له
نواف : قلتله بس ماادري عنه
عبدالله : خلاص انا اتصل عليه
ابو خالد : وينه
عبدالله : يقول هو في الطريق بروح ابها
ابراهيم : مو فاضي بجهز نفسه
:::::::::::::::::::::::::::::::::::::::::::::::::: ::::
ولكـــــــــــــــــل رجع البيت ...
ليلى : ابي اروح ابها
خالد : تو بدري
ليلى : لا ابي اروح يمكن في شي ناقص
خالد : يعني انتي اللي راح تكملي بعد اسبوع اوصلك
ليلى : طيب
:::::::::::::::::::::::::::::::::::::::::::::::::: :::

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 36
قديم(ـة) 03-12-2009, 07:29 PM
صورة the preaty women الرمزية
the preaty women the preaty women غير متصل
©؛°¨غرامي متألق ¨°؛©
 
الافتراضي رد: رواية أحبك كثر ماتطري على بالي ولا ألقاك / بقلمي


يسلموووووووو يالغلا على البارت
بانتظاااااااااار التكملة

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 37
قديم(ـة) 04-12-2009, 06:57 PM
الروح الراحله الروح الراحله غير متصل
©؛°¨غرامي مشارك¨°؛©
 
الافتراضي رد: رواية أحبك كثر ماتطري على بالي ولا ألقاك / بقلمي


الجزء الثامن عشر ..
هل للوداع مكان
ام انه سفينه بلا شراع
يا ليت الزمان يعود
واللقاء يبقى للأبد
ولكن مهما مضينا من سنين
سيبقى الموت هو الانين
وستبقى الذكريات قاموس
تتردد عليه لمسات الوداع
والفراق والوداع .....
والموت هو البقاء ....
وووووبعد اسبوع ...
....................................
جواد : وش فيك ماتردين
ريناد: اسفه كنت مشغوله
جواد : مشغوله في شنو
ريناد : مشغوله وبس مانمت
جواد : لا المغرب نمت شوي والحين مافيني النوم وبروح عند الشباب وقلت بكلمك
ريناد : كل يوم عند الشباب ولا العصر وباليل
جواد : هههههه وش فيك عليهم
ريناد : مافيني شي \ جواد : اكييد
ريناد : اكييد
جواد : يلا تامريني بشي حياتي
ريناد : سلامتك ياقلبي أنتبه لنفسك اووك
جواد : ان شاءلله وانتي انتبهي لنفسك ولاتزعلي مني يمكن اكون مقصر معاك وانا أسف ع كل شي
ريناد : جواد ايش فيك \ جواد : مافيني شي هههه وش فيك خفتي
ريناد : طريقتك تخرع
جواد : لا تخافي \ ريناد : خلك معي شوي
جواد : ان شاءلله بكلمك الحين وبتصل عليك اجلسك لصلاة الصباح
ريناد : طيب \ جواد : ايش تبي اقولك
ريناد : أي شي
جواد : امممممم تخيلي اليوم المغرب وانا نايم – كنت نايم بصاله
ريناد : طيب
جواد : اختي كانت موجوده ومعها ساره انا قبل ماانام قلت قبل مايأذن بـ5 دقايق ابي احد يجلسني من النوم المهم صحتني اختي وماصحيت
ريناد : ايه
جواد : طلعت اختي من الصاله وقالت لساره روحي صحي جواد واذا ماجلس قولي له بجيب لك ماي
جات قالت جواد اصحى قالتها بس مره شوي وتجيب كاس ماي وع وجهي سبحتني
ريناد : ههههههههههههههه
جواد : اقول لها ليه كذا قالت علشان تصحى بسرعه
ريناد : والله شاطره ماتعب نفسها
جواد : عاجبتك طريقتها لو صاير لي شي
ريناد : ماعجبتني بس شكله نومك ثقيل
جواد : امممم يعني موكثيييير
ريناد : يعني ثقيل \ جواد : لا أحيانآ اذا كنت تعبان مره مالك أمل
ريناد : ههههه عارف نفسك زين
جواد : ايه \ ريناد : تعشيت
جواد : ايه أكلت \ ريناد : أكلت عدل ولا بس كذا
جواد : لا أكلت مااقدر ع زعلك انا
ريناد : ايه لازم تأكل عدل لصحتك
جواد : استانستي مع بنات عمك
ريناد : ايه الحمدلله \ جواد : والبنات كيفهم معاك
ريناد : سولفت معهم بس استهبال مافي
جواد : شاطره من اليوم ورايح مافي استهبال
ريناد : ان شاءلله عمي
جواد : ريناد لاتقولي عمي
ريناد : ان شاءلله ياعمري
جواد : عمرك بس
ريناد : لا بس ماابي اقول \ جواد : وليه
ريناد : لان مافي كلمه تعبر عن اللي في داخلي كل الكلمات احسها قليله في حقك
جواد : احم احم من قدي
ريناد : ههههههههههه تراني ماقلت شي
جواد : اللي قلتي يكفيني – يلا روحي نامي وبصحيك لصلاة الفجر
جواد : ماقلت لك خالتي واخيرآ بتطلع بكره من المستشفى اقول لامي قلتي لي يوم او يومين وجلست اسبوع قالت خلاص بنخطبها لك
ريناد : ههههههههه \ جواد : يلا نامي
ريناد : ان شاءلله تصبح ع خير حبيبي
جواد : وانتي من اهله ياقلبي أحبك أحبك أحبك
ريناد : وانا بعد باااي \ جواد : باي
:::::::::::::::::::::::::::::::::::::::::::::::::: ::::::::::::::::
اتصل هاشم ع جواد ..
سعد : وينك ماجيت
جواد : كاني بطريق شوي وبوصل
سعد : قبل ماتجي روح سوبر ماركت اشترى لنا شي نأكله ونشربه
جواد : ان شاءلله تامر أمر كم سعد عندي واحد
سعد: مأثره عليك \ جواد : مين
سعد : ياحلاتك اذا سويت نفسك غبي يعني مين ريناد
جواد : فديت هالاسم
سعد : ماراح نخلص يلا يلا باي
جواد : هههههههه بايات
.................................................. .................
عند ندى وبنين ..
بنين : بكره عيد ميلادي ابي هديه
ندى : ان شاءلله من عيوني
بنين : بابا تسوي لي حفله
ابو سعود : ايه خلاص من العصر وانتي تقولي
ندى : هههه طفشتك شكلها
ابو سعود : بعد هذي الاطفال مايسكتون الا لين تسوي لهم شي اللي يبون
ام سعود : يلا روحي نامي
سعود : يلا وبكره بس تصحي تشوفي الهديه
بنين فرحانه : صحيح
سعود: ايه صحيح
بنين : طيب تصبحون ع خير
الكل : وانتي من اهله
...............................................
وقت الصلاه ..
عمار : وين جواد
جواد : بروح اغير ملابسي لصلاه
سعد : وش فيهم ملابسك
جواد : مااحب اروح المسجد الا بثوب بروح اغير وبرجع
سعد : اوك ننتظرك
::::::::::::::::::::::::::::::::::::::::::::::::
ام ابراهيم : ابو ابراهيم يلا قوم أذن
ابو ابراهيم : ان شاءلله
.................................................
عبدالله : صباح الخير
العنود : صباح النور
عبدالله : شكلك مو نايمه
العنود : ايه مانمت
عبدالله : وش فيك
العنود : عيالك ماناموا الا متأخر وبس ماجا لي نوم
عبدالله : اهااا كم الساعه ناموا
العنود : يمكن 2 او 2 ونصف
.................................................. ............
عمار : تعال نروح المسجد يمكن جواد راح المسجد اللي جنبهم
سعد : كان اتصل
عمار : انت تعال نصلي وبعدين نشوف اشفيه
سعد : اووك
................................................
ندى : تقبل الله
ابو سعود : منا ومنك صالح الاعمال
ندى : ان شاءلله
.................................................
ام عبدالله : ريناد يلا قومي صلي
ريناد فتحت الجوال وماشفت مكالمه غريبه : ان شاءلله ماما
.................................................. ...............
عمار : هاه رد عليك
سعد : لا بديت احاتي
.............................................
بعد ماخلصت صلاه ريناد اتصلت ع جواد ومحد يرد ..
.......................................
سعد اتصل : ووينك انت
... : السلام عليكم
سعد هذا مو جواد : وعليكم السلام
... : بصراحه صاحب الجوال صار له حادث وانا شفت اخر مكالمه انت وتصلت عليك
سعد : حادث !! الحين هو وين
.. : جات الاسعافه واخذته للمستشفى وانا الحين معاه
سعد : مشكور وماقصرت دقايق واكون عندك
..................................................
سعد : هاه دكتور طمني عليه
الدكتور : انت اخوه
سعد : لا هو صديقي مثل اخوه
الدكتور : مدري ايش اقولك بس لازم تخبر اهله هو مات
سعد منصدم : ايش
الدكتور : أسف
سعد مو قارد يوقف جلس ع الارض ويبكي وعمار يهدئ فيه
... : عظم الله أجرك والله يكون في عون اهله
عمار : اجرنا وأجرك ماقصرت
سعد يبكي : كيف مات وكيف بقول لاهله مااقدر ماتطلع الكلمه
عمار ماسك نفسه لايبكي : أذكر الله
شوي واتصلت ريناد ع جوال جواد والجوال عند سعد
سعد ايش اقول لها : هلا
ريناد ابي جواد : اهلين وين جواد
سعد يبكي : ..... \ ريناد : سعد ايش فيك اكلمك جواد وينه فيه شي
سعد : جو ااااد صار له حادث
ريناد : حادث وش صار له
سعد مو قادر الكلمه ماتطلع : جواد مات ياريناد مات
ريناد مصدومه : وش جالس تخربط
سعد : ريناد انا ماني قادر اكلمك قلت لك جواد مات هو الحين بالمستشفى
ريناد : انت كذاب أي مستشفى \ سعد : مستشفى الـ ...
طلعت ريناد من البيت الساعه 6 بدوون مايحس عليها احد .. وووصلت المستشفى وشافت سعدمنزل راسه وجالس يبكي و واحد جنبه جالس يهدئ فيه
ريناد : وينه
سعد : ريناد رجعي البيت
ريناد وهي تبكي : ماابي ابي اشوفه تكفى واللي يخليك
سعد مو قادر يتكلم أشر بصبعه ع الغرفه
ودخلت ريناد وشافت مغطى وفتحت الغطى عن وجهه وجلست تتأمل فيه
ريناد : جواد جواد جواد رد علي تكفى – جواد واللي يخليك قوم انت نايم صح
حطت يدها ع وجهه وتسمح ع راسه جواد تسمعني صح يكذب علي سعد جواد جواد
جلست تبكي حطت راسها ع صدره وتبكي بحراره جواد وغلاتي عندك قووم جواد ليه ماترد علي
رفعت راسها وجلست تصارخ وتبكي من قلب اخذني معاك ليه تخليني لحالي انت وعدتي ليه اخلفت في وعدك – سعد سمع صارخ ريناد ودخل الغرفه
سعد : ريناد رجعي البيت
ريناد : كيف ارجع خل جواد يصحى وانا برجع
سعد ودموع تنزل : واللي يخليك رجعي اهله في الطريق
ريناد : سعد يعني خلاص ماراح اشوفه مابسمع صوته تدري اليوم امه بتخطبني
عمار مااقدر يمسك نفسه وجلس يبكي
سعد : اوصلك
ريناد : ماابيك توصلني انا بجلس هنا يمكن بعد شوي يصحى
عمار : هو مات خلاص
ريناد وهي تبكي رحت لعند عمار وأمسكت بيدها ثوبه لاتقول مات هو الحين بيصحى صدقني بيصحى
سعد : عشان خاطري رجعي البيت واذا صحى اقولك
ريناد اهئئئئئ اهئئئ انا برجع بس بدخل اشوفه وبمشي ع طول – ودخلت لعنده وكل ماقربت منه جلست تبكي اكثر نزلت راسها وبأسته جواد انا احبك وماراح انساك طول عمري هذا وعد مع اهئئئ سلامه وطلعت من عنده وقال لها سعد بوصلك بس رفضت وهي طالعه شافت اهل جواد
ريناد : كومار رجعني البيت
كومار : ماما في شي
ريناد وهي تبكي : لا وياليت تسكت
وصلت البيت وابوها ماكان موجود راح للعمل وامها كانت بالمطبخ وماشافتها وهي تدخل .. دخلت غرفتها واحضنت دبدوب كان جايبه لها وهي بتسافر تبكي ومع الدموع آهات وآلم آآآه ياجواد رحت وخلتني لحالي ليتني انا ولا أنت آآه اهئئئ
.................................................. .
في المستشفى ..
ابو جواد : سعد وينه جواد
سعد : مات يايبه
ام جواد : لا اولدي مامات – واغمى عليها
اخو جواد وهو يسمح دموعه : دكتوره ساعديني امي اغمى عليها
الدكتوره : ان شاءلله
ابو جواد مصدوم شاف جواد وهذي اخر مره راح يشوف وبعدها خلص مع المستشفى عشان يكون دفنه بعد صلاة الظهر
.................................................. ....
ريناد تروشت وتصلي صلاة الظهر وبعد ماخلصت جلست تدعي لجواد وهي تبكي يارب تغفرله واللمؤمنين والمؤمنات يارب توسع عليه قبره وتجعله روضه من رياض الجنه ولاتجعله حفره من حفر النار يارب سهل عليه منكر ونكير يارب يارب يا أرحم الراحمين
.................................................. ...........................................
ام عبدالله : ريناد قومي أكلي غدى
ريناد وصوتها مبحوح : ماابغى
ام عبدالله : ايش فيك \ ريناد : ماما مافيني شي أبي ارتاح
ام عبدالله مو مطمنئ : براحتك
ريناد ( ارتاح بعدك ياجواد مافي راحه ارتاح وحبيبي مو معاي احس قلبي مو قادر ياليت احد يقولي هذا حلم ياليت اهئئئئئئ آآآآه يايمه ليتك تدري وش فيني ليتك تدرين ان بنتك ماتت ))
.................................................. .................................................. ......
بعد الصلاه وعند قبر جواد ..
نزله القبر اخوه وسعد وبعدهـــــــــــا الكل مشى ..
..................................................
دخل ابوعبدالله عند ريناد
ابو عبدالله : ايش فيك \ ريناد : مافيني شي
ابو عبدالله : صوتك وعيونك حمرا
ريناد : صحيت من النوم وصوتي كذا وعيوني امس كنت حاطه عدسات ومنتهي صلاحيتها هي لمدة سنه بس
ابو عبدالله حاس فيه شي : ان شاءلله يكون كذا يلا انا طالع نزلي جنب امك وهيفاء
ريناد : ان شاءلله
اتصلت ريناد ع جوال جواد وكان عند سعد ..
سعد : هلا \ ريناد : اهلين
سعد : كيفك الحين
ريناد : كيف بكون آآه
هاشم : أدعي له برحمه \ ريناد : الله يرحمه ويرحم الجميع يارب
سعد : ان شاءلله \ ريناد : خلاص دفنتوا
سعد ماسك نفسه لايبكي: ايه من ساعتين
ريناد : ان شاءلله روحي تروح بعده
سعد : تعوذي من الشيطان الله كاتب يموت
ريناد : ونعم بالله \ سعد : انا لازم اقفل السماعه فيه رجال
ريناد : اوك بيتهم وين بتحديد
سعد : اذا ناويه تجي ماأنصحك خلك بالبيت أحسن
ريناد : تكفى خلني احضر عزاه اذا كنت تغلي جواد قولي \ سعد : اووك بقولك ..
.................................................. .............................
ريناد : ماما بطلع \ ام عبدالله : وين
ريناد : بروح عند وحده ومابتأخر
ام عبدالله : طيب روحي
هيفاء : فيك شي ريناد \ ريناد : لا يلا مع السلامه
.................................................. ......
دخلت ريناد بيت اهل جواد وكان فيه حريم كثيرررر وام جواد كانت تبكي بحراره ع ولدها تو شاب وراح مابعد تفرح فيه واخت جواد تهدئ فيها وهي تبي مين يهدئها راحت ريناد لعند امه
ريناد : عظم الله اجرك
ام جواد : اجرنا وأجرك \ ريناد تقول لاخت جواد : عظم الله اجرك
اخت جواد مستغربه اول مره اشوفها : أجرنا واجرك
وبعدها طلعت من المكان اللي جالسين فيه ودخلت داخل اللي كان فاضي وشافت عبدالرحمن وقالت له وين غرفة جواد و وصلها لعند الغرفه ورجع فتحت الغرفه واول مادخلت شافت صورته وحضنتها شوي وشافت ساعته شافت كل شي يخص جواد كان ودها تأخذهم بس اخذت دفتر كان يكتب فيه مذكراته وطلعت من الغرفه لانها مو قادره تتحمل
.................................................. .......
وصلت البيت وبعد صلاة المغرب جلست تقراء مذكرات جواد وتبكي وكانت طول الليل تبكي ومانمت ولا أكلت شي اخذت تقراء قرآن لين ماأذن لصلاة الفجر
ريناد هذا حالها تبكي وتصلي وتدعي وتقراء قرآن ..
.................................................. ...........................
يوم ثاني ..
العنود وآمال كانوا في بيت ابو عبدالله عازمينهم ع الغدى وبعد الغدى وفي الصاله بالتحديد ..
العنود : وين ريناد ماشفتها ليكون سافرت
ام عبدالله : ماسافرت يوم الجمعه تسافر بس حابسه نفسها بالغرفه
آمال : ليكون فيها شي \ هيفاء : انا سألتها وعمي وعمتي بس تقول مافيها شي
العنود : أسيل روح لريناد قولي لها تنزل ابيها
أسيل : ان شاءلله
......
ريناد وهي تمسح دموعها : اشفيك اسيل
أسيل : ماما تبغاك
ريناد : قولي لها بعد شوي بنزل \ أسيل : ان شاءلله
.......
نواف : وينها \ أسيل : تقول بعد شوي بتنزل
ريناد وهي تبكي وبدون صووت بعدها قررت تروح عند قبر جواد ولبست واخذت معها قرآن وطلعت من الغرفه وجسمها ميت مافي طاقه ..
ريناد وصلت الصاله : السلام
الكل : وعليكم السلام
عبدالله : اخبارك \ ريناد آآه : الحمدلله
نواف : وش فيك \ ريناد : مافيني شي
ام عبدالله : وين اشوفك لابسه
ريناد وراسها يدور : ماما بطلع شوي وبرجع تكفين خليني اطلع
ام عبدالله مو عاجبها وضع بنتها : طيب لاتتأخرين
نواف : ريناد فيها شي مليون بـ %
ام عبدالله : انا حاسه بس هي ماتتكلم
::::::::::::::::::::::::::::::::::::::
وصلت عند قبره
ريناد ليتني وياك بالقبر ليته ضمني ولا ضمك جواد أشتقت لك أشتقت لصوتك جواد قوووم وجلست تبكي (انا لله وانا اليه راجعون ) وفتحت القرآن
.................................................. .......
وصلت البيت ..
ابو عبدالله : جهزتي نفسك بكره الاربعاء بنمشي أبها
ريناد ماحست بنفسها وطاحت ع الارض نواف هيفاء جيبي ماي بسرعه وبعدها صحت وقرر ابوها يأخذها المستشفى يطمنى عليها وقال الدكتور لازم تأكل عدل وشكل نفسيتها تعبانه لازم ترتاح
اليوم بتنام هنا وبكره اشوف حالتها وان شاءلله خير
.................................................. ........
يوم الاربعاء .. في بيت ابوعبدلله ...
آمال : وين ريناد
ام عبدالله : ابوك راح يطلعها من المستشفى يمكن الحين يوصل
دخلت ريناد : السلام \ ام عبدالله وآمال : وعليكم السلام
آمال : حمدلله ع السلامه \ ريناد : ربي يسلمك
آمال : متى بتمشون أبها \ ام عبدالله : والله مدري عن ابوك
ريناد : انا مابروح \ ام عبدالله : ليه
دخل ابو عبدالله وسمع : مو كيفك
ريناد : بسافر انا \ ابو عبدالله : سافري يوم الجمعه
ريناد : بابا مابي اروح مو غصب الشي
ابو عبدالله عصب : ريناد سمعي الكلام انا قلت بتحضرين زواج فارس يعني بتحضرين
ريناد تبكي : خلاص حياتي ع كيفكم انا مالي راي – وطلعت من عندهم وراحت غرفتها
آمال : يبه وشفيك عليها توها طالعه من المستشفى
ابو عبدالله : هي خلتني اعصب اجل بتجلس بالبيت لحالها
آمال : انا مابروح هادي عنده شغل وانا بجلس معه خلها تجلس معي
ابو عبدالله : مو ع كيفها بتحضر زواج فارس
.....................................
ريناد اتصلت ع نواف ..
نواف : هلا رنود
ريناد : هلا فيك ابيك تحجز لي تذكره الحين
نواف : متى ناويه تسافري
ريناد : اليوم اذا فيه تكفى
نواف : وزواج \ ريناد : انا مابحضرالزواج لاتضيع الوقت شوف اذا في حجز
نواف : ان شاءلله
وبعد 5 دقايق حجز نواف و اتصل وقال لريناد في الساعه 12 جهزي نفسك
ريناد رتبت اغراضها ونزلت وقالت لامها وعصبت عليها امها ليه تسوي كذا
دخل نواف البيت وعنده التذكره : تفضلي وجهزي نفسك انا بوصلك
ابوعبدالله : تعصي أمري ياريناد
ريناد : بابا قلت لك ماابي اروح مو غصب الشي
ابوعبدالله : هاليومين متغيره مو ريناد اللي اعرفها بس براحتك سافري
ريناد : بسافر بس اهم شي ماتزعل \ ابوعبدالله : ماني زعلان
:::::::::::::::::::::::::::::::::::::::::::::::::: ::::::::::::::::::::::::::::
بعد زواج فارس ..
فارس : مبرووك
أمل : يبارك فيك
فارس : اعجبتك الحفله
أمل : اكييد ايه
فارس : الحمدلله اخبار القمر
أمل : بخير يالغلا
فارس : ان شاءلله والله لك وحشه
أمل : وانت بعد
فارس : خلاص الحين ماراح نفترق
أمل تبتسم : ايه
.............................................
ليلى : ريماس اخبار رنود
ريماس : الحمدلله
حصه : وليه ماحضرت الزواج
ريماس : والله مدري هي ع أساس تسافر يوم الجمعه او السبت بعدين غيرت
حصه : تصبر علي
ايلاف : ايه عندك اياها متغيره هالبنت
.................................................. .....
ريناد كانت تكتب ..
الموت حق وكلنا ذايقينه
البلا من .. ذاق طعمه ولا مات
الله يرحمك ياجواد ويرحم الجميع يارب
وفتحت دفتر جواد اللي اخذته من غرفته ..وشافت المكتوب واخر شي كاتب ريناد أشتقت لك
عوٍدتًنيٍ عًلى حًسكً وٍضًحكًتك وٍتًدليًلكً
وًخذًيتً دٍنيًتيٍ بًحبٍكً وٍلهًفتكً وًشوٍقًكً
يًعٍجبنًي فًيكً
وًضوٍحًكٍ وٍطًبعًكً وٍاسًلوٍبكً وٍيغلًبنيٍ فًيكً رٍدًكً
وًطيبًك وًشوٍرٍكً .يًسعًدنيٍ قًوٍلكً :
وٍيًنكً ؟ وٍكًيفكً ؟ وٍشلوٍنًكً ؟
يًحرٍجُنيٍ حًرٍصًكً
وًعًطفكً وًجٍودكً تًوٍحًشنيٍ كًلكً
بًشكًلكً وٍصوتًكً !!انًت وٍينكً ؟ وًكيفكً ؟ وٍشلوًنكً ؟

ريناد وأنا بعد أشتقت لك مووووت ( كانت تبكي ))
.................................................. ...........................

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 38
قديم(ـة) 04-12-2009, 07:06 PM
صورة the preaty women الرمزية
the preaty women the preaty women غير متصل
©؛°¨غرامي متألق ¨°؛©
 
الافتراضي رد: رواية أحبك كثر ماتطري على بالي ولا ألقاك / بقلمي


يسلمووووووووووو يالغلا على البارت
جواد اهىء اهىء لية موتية حرام حبيتة
بانتظاااااااااار التكملة

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 39
قديم(ـة) 05-12-2009, 03:28 AM
الروح الراحله الروح الراحله غير متصل
©؛°¨غرامي مشارك¨°؛©
 
الافتراضي رد: رواية أحبك كثر ماتطري على بالي ولا ألقاك / بقلمي


ربي يسلمك ولايحرمني هالطله

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 40
قديم(ـة) 05-12-2009, 05:19 PM
صورة the preaty women الرمزية
the preaty women the preaty women غير متصل
©؛°¨غرامي متألق ¨°؛©
 
الافتراضي رد: رواية أحبك كثر ماتطري على بالي ولا ألقاك / بقلمي


بانتظاااااااااار التكملة على احر من الجمر

الرد باقتباس
إضافة رد

رواية أحبك كثر ماتطري على بالي ولا ألقاك / بقلمي,كامله

الوسوم
ألقاك , ماتطري , أحبك , تالي , بقلمي , رواية
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
رواية من تحت سقف الشقى أخذتني / الكاتبة : نرجسيه؛كاملة فتون الوررد روايات كامله - يتم نقل الرواية هنا بعد اكتمالها 2350 29-05-2019 09:51 AM
مجلس الروايات للإستفسارات و الطلبات فقط [ الإقتراحات ممنوعة ] ؛ روح زايــــد روايات - طويلة 2006 23-11-2011 08:16 AM
مجلس الروايات للإستفسارات و الطلبات فقط [ الإقتراحات ممنوعة ] ؛ على شاطئ النسيان روايات - طويلة 2004 09-10-2011 04:55 AM
مجلس الروايات للإستفسارات و الطلبات فقط [ الإقتراحات ممنوعة ] ؛ روح زايــــد روايات - طويلة 1999 25-08-2011 01:29 AM
مجلس الروايات للإستفسارات و الطلبات ؛ !! أنـثـى الـ خ ـيـآلـ !! روايات - طويلة 3973 07-10-2010 01:10 PM

الساعة الآن +3: 03:15 AM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


youtube

SEO by vBSEO 3.6.1