منتديات غرام روايات غرام أرشيف الروايات المغلقة - لعدم إكتمالها لحظات حلوه جمعتنا / روايه بيتوتيه أكشن بقلمي
غموض أنثىآ ©؛°¨غرامي جديد¨°؛©

نعرفكم بالشخصيات:
الجد محمد (ابو فهد) والجده عايشه( أم فهد) وعندهم اربع اولاد وبنتين
نبداها (بفهد) الكبير يشتغل في شركه هو مع ابوه وزوجته روضه انسانه طيبه وعنده محمد عمره28 يشتغل مع ابوه وجده واروى 24 مخلصه داسه وجالسه بالبيت وهشام 23 انسان فاشل ساحب على الكليه وكل سنه يرسب وروان 19 بالجامعه قسم انجلش.
(هدى)عندها نواف 28 رزه وثقل وهو اللي قايم بأمه وأخته بعد ابوه الله يرحمه ومها 23 متزوجه وعندها بنت اسمها غصون سنه ونص . ونوره 16 باول ثانوي انسانه على نياتها و تحب المغامرات .
(عيسى)وزوجته منى متوفيه من ثلاث سنوات عنده فيصل 30 يشتغل مع ابوه بالمصنع وشايل من راسه فكره الزواج وفارس 27 يدرس في كندا محاسبه وعبد الله 25 كله بالاستاحه وماينشاف بالشهر والشهرين ومشعل 21كان اصيع واحد بالحاره بس لما سمع بوفاته امه صار ملتزم وجده فرحان فيه وملاك 20 بالجامعه قسم حاسب .

(سلمان)وزوجته موضي انسانه شايفه نفسها وعيالها طالعين عليها عنده مصعب 24 شايف نفسه وحقود ومايحب الخير لحد و نوف 22 تدرس تمريض حبوبة وقلبها طيب وشمايل 19 بثالث ثانوي راسبه سنه تحب الموضه والكشخه وكل شهر تصبغ شعرها لون وصالح 18اخر سنة ثانوي انسان حساس و دلخ.

(سالم ) مطلق زوجته وصار له خمس سنين بالسجن بقضيته قتل وعنده ريم 18بثالث ثانوي وسديم 16اولى ثانوي انسانه هذاره وتحب المشاكل وملقوفه .
(سهى)متزوجه من ولد خالتها احمد وهي بالرياض وعندها في 16 بنتها الوحيده والدلوعه ماالله رزقها غيرها وتعتبرعيال اخوانها مثل عيالها وتحبهم مره .

و كلهم ساكنين بنفس الفله الا سلمان ساكن بفله جمبهم يحيطهم نفس السور لانه زوجته موضي ماهي راضيه تسكن مع اهله وهدى وسهى كل وحده ببيتها مع عيالها



@@@@@@@@@@@@@1@@@@@@@@@@@@@



سديم باعلى صوتها : انت الزعيم ولا تبااااااااالي
نوره: وانت الكبير وفي العلاااااااالي
سديم ونوره: وانت الذي في القلب غاااااااااالي وانت الذي عالي وعاااااااالي
وصلها الازعاج وطلعت لهم:خير ان شاء الله وش عندكم
نوره:ويااااااااكلك حبه حبه ..
سديم:ياكلك اكل البرشمي
ريم:خخخخخخخخ الحمد لله والشكر صدق رايقين
سديم:يوووووووه انتو ماتحبون تشوفون الواحد رايق الا تنكدون عليه
ريم:حبيبتي غني على راحتك بس مو عندي كل صوتكم واصل لي روحو تحت انزرعو باي مكان بعيد عندي
سديم:غرفتي كيفي
ريم:انا اقول قوموغيرو مرايلكم .. مدري وش تحسون فيه
نوره:مانبي
ريم:كيفكم .. بس بلييييز بلا ازعاج الناس جايه من اشغالها وتعبانه
سديم :نوره قربي
نوره قربت:خير
سديم:قومي نروح نتريق على شمايل
نوره:قدام
نزلو من الدرج وهم عند الباب بيطلعون للحوش
ام فهد:وش فيكم لحد الحين بهدوم المدرسه
نوره:اممممممممممم كذا بس
سديم:مالنا خلق نبدل
ام فهد:طيب وين رايحين انتو الحين
سديم:بيت عمي سلمان
ام فهد:وش عندكم هناك..
نوره:بناخذ اشياء من شمايل وبنرجع
ام فهد:زين بس لا تبطون
سديم:من بعد البيت نطلع من هناا نمشي ثلاث خطوات نلف يمين الا هو قبالنا
ام فهد:زين روحو

سديم:تعالي يالغبيه وين رايحه
نوره:بيت خالي
سديم:ومن قالك ان بنروح هناك
نوره:اجل وين بنروح
سديم:الخيمه .. لحقيني
نوره:وش نسوي ..
سديم:الحقيني وانت ساكته
دخلو خيمه الرجال اللي بالحوش
نوره:سديموووه وش ناويه عليه
سديم:اسمعي خذي كل الاجهزه وقطيهم عند جهه المطبخ
نوره:وشوله؟
سديم:اسمعي الكلام بعدين تعرفين ..

/
.


غموض أنثىآ ©؛°¨غرامي جديد¨°؛©

بنات تهورت ونزلتها

عطوني رايكم

عشان انزلها كلها وانا مبسوطهـ


ترانيم ورديه ©؛°¨غرامي مشارك¨°؛©

وناااااااااااااااااااااااااااااااااسه انا اول وحده ترد لك كمليهابليز
ششكلها فله

غموض أنثىآ ©؛°¨غرامي جديد¨°؛©

ياهلا فيك أختي ..

منورهـ روايتي بطلتك الحلووهـ ..

وان شاء الله تتابعيها ليما النهايهـ ..

وكـــــــــــل عـــــــــــــام وانتـــــــــــــي بـــــــــــخير
/
.


مَِـٱلـﮱ ڜبيـﮧ ©؛°¨غرامي جديد¨°؛©

روووووووووووووووووووووووعه مره بليييييييييييييييييييييييييز كمليها ونزليها كامله

تكفين جد تحمست معها

اميرة بدنيا غدارة ©؛°¨غرامي جديد¨°؛©

كملي
رواية روعة
كل عام وانت بخير

غموض أنثىآ ©؛°¨غرامي جديد¨°؛©

روان كانت تناظر من الشباك : وش فيه الهبلات يراكضون
ملاك: اكيد عندهم شي
روان:كل شي بالخيمه طلعوه
اروى جات عند الشباك:اشوف.. خخخخخخخخخخخ اكيد خطط من خططهم الجديده روان:والله لو يدري جدي ماراح يخليهم بحالهم
ملاك:احسن يستاهلون لانهم ملاقيف.. ابي يوم بس يمر بدون مشاكل مافيه
اروى:الفضاوه وماتسوي ..


خشو الغرفة
سديم:اوف تعبت وانا افصل الاسلاك
نوره:التلفزيون الثاني ثقيييييييل يدي قامت تالمني
ريم سمعت صوتهم يناخفون وخشت عندهم:خير وش عندكم
سديم:ولا شي .. نوره انتي بتنامين عندنا صح
نوره:لا وين انام بعد شوي نواف بيجي ياخذني ولا تنسين عندنا امتحانات يعني لازم اروح اذاكر
سديم:يوووه ضيقتي خلقي توني مبسوطه
نوره:كذا ولا كذا انتي بتذاكرين
ريم تركتهم وطلعت لغرفتها تذاكر
نوره:تعالي انتي الحين وشوله خذنا الاجهزة عند المطبخ
سديم ببرود:هيك نضيع وقت
نوره عصبت:اااحلفي عاد
سديم:خخخخخخ الحين بتشوفين وش راح اسوي
نوره :وش بتسوين يعني
سديم:صوت سيارة ليكون نواف جاك؟
نوره:ايه شكله هو .. يلا ابطلع ودقي على الليل وقولي وش صار
سديم:طيب ..

وفي السيارة
نواف: كم مره قايل لك لا تطلعين من المدرسه وتجين بيت جدي
نوره:وش اسوي انت تتاخر علي وبعدين سوااق جدي من نطلع هو عند الباب
نواف:ماتقدرين تقولين له يوديك البيت
نوره: الا اقدر بس ..تطلع كذبه ..كتابي عند سديم ونست تجيبه المدرسه وقالت لي تعالي معي البيت خذيه وبس ^^
نواف: ماحد خربك غير هالسديم
نوره:يوه ليه تقول عنها كذا تراها صديقتي ومارضى عليها
نواف: اقول اسكتي بس مالي خلقك ترا
نوره كشرت: زين

دخلت الصاله بسرعه شافت جدها وصالح جالسين يتقهون :جدي جدي
ابو فهد:وش عندك جايه مسرعه
سديم: الخيمة انسرقت
ابو فهد فز: انسرقت شلون؟
سديم تبكي:مافيها شي فاضيه
صالح:انا بطلع اشوفها
ابو فهد:وانا قايم معك .. وينادي.. ياااااافصيل.. فييييييييييييصل
فيصل: سم جدي
ابو فهد: شكل الخيمة منسرقة دق على الشرطة.. انا طالع اشوفها
هشام كان نازل من الدرج:انسرقت؟ ..لاااااااا لابي فيها مستحييييييييل
فيصل:اتركنا من لابك الحين خلنا نشوف وش السالفة
وطلعو كلهم الا سديم جالسه تضحك :ههههههههههه خخخخخخخخ صدقو .. انا بطلع انام على مايجون الشرطة خيخ خيخ وصلت وسط الدرج :شرطة؟!
<توها تستوعب

جين:ايسدا .. نوره وسديم هذا الحمد لله والشكر فيه مجنون
ام محمد: وش تقولين انتي وش فيك تتحلطمين
جين:هذا سديم ونوره شيل هذا اغراض ويجيب هنا
ام محمد:وش اغراضه؟
جين:تعال شوف ماما
ام محمد راحت عند باب المطبخ اللي على الحوش:لا حول ولا قوه الا بالله ..انتي متاكده انهم نوره وسديم جايبينهم هنا مو حد ثاني
جين:ايه انا في شوف بعين انا
هشام خش المطبخ:تدرين يمه وش صار
ام محمد:وش صار وش فيه وجهك كذا
هشام:لاااابي انسرق ..
ام محمد:انا كم مره قايله لك لا تحطه بالسيارة ترا السرقات كثير
هشام:مو بس هو انسرق االخيمة كلها انسرقت وجدي بيجيب الشرطة الحين
ام محمد:يووه شلون انسرقت
هشام:كل شي فيها راح التلفزيون والاب تبعي والبلاستيشن والفديو
ام محمد:كيف كل شي فيهاا راح وهذا هم عند الباب .. وتاشر على باب المطبخ الخارجي
هشام طلع وشاف لابتوبه وقام يضمه:لاااااااابي ياحبيييييييييبي كم اشتقت اليك
ام محمد:قوم الحق جدك قوله الاغراض هنا ماله داعي يدق على الشرطة
هشام:ومن جابهم هنا .. ويخز في الشغاله.. ليكون انتي ياجين تبين تسررقينا
جين:ايسدا كلام .. استغفر الله انا فيه مسلم
.................................................. .................................................. .


وبالليل الساعه 9 كان الكل مجتمع بغرفة ريم
اروى:بعض الناس جدي متوعد لهم
سديم:اوووووووونو
شمايل:غشااااااااشه
سديم تمد لسانها:فزت عليك حره موتي قهر
اروى: ويسون نفسهم مايسمعون
شمايل:فزتي بالغش شايفه ام اربع وساحبتها
سديم:مااااااني غشاشه ..وفزت علييييك خييييييخ
اروى: وانا اللي علي سويته
شمايل:الا وين روان
سديم:تذاكر عندها امتحان بكرا
شمايل:كلنا بكرا عندنا امتحانات مو بس هي وهذا حنا جالسين ومجتمعين
ريم:ليه شايفتها مثلك كله بس عند التلفزيون ولا في المشاغل تصبغ شعرها
شمايل بدلع:وش اسوي ابي اصير حلوه بعدين انا لازم اشوف التي في عشان اتابع الموضه
سديم وهي تشرب الكبتشينو كله :بسم الله عليك لا يطق فيك عرق انا بقوم انام احسن لي من مقابل وجيهكم
ريم تمسك الكاس وتهزه : متى خلصتيه..
سديم تتهرب من اروى:قولي ماشاء الله لا يجيني شي منك بعدين هو مر بس لاني خايفه على شعورك قلت اشربه كله يالله سي يو بنات
ريم:مالت عليك المشكله انك اختي ومالي غيرك ماقدر اقول لك شي
سديم:احسن مشكله هاهاهاها
ريم:ملاك وش فيك ساكته
ملاك:مافيني شي بس ابقوم انام
ريم:وانا مع مين اجلس
ملاك:شمايل هنا يالله تصبحون على خير
ريم:وانتي من اهله
شمايل:وانا وين رحت ماني ماليه عينك يعني
ريم:لا مين يقول بس اعرفك ماتحبين تجلسين معي بعد شوي بتنزلين بيتكم
شمايل:ايه والله الحين ماما تهاوشني لازم اروح الحين باي
ريم :باي

شمايل وهي نازله بالدرج شافت جدتها جالسه بالصاله
ام فهد :شمايل
شمايل:هلا جدتي
ام فهد:انتي ماتستحين على وجهك تبين تصيرين مثل بنات عمك سالم
شمايل:ليه وانا وش سويت
ام فهد:وين شيلتك انتو متى راح تسمعون الكلام
شمايل:مافيه حد بالبيت
ام فهد:اسمعي ماتجين بيتي هنا الا وشيلتك على راسك فاهمه يالدلوعه
شمايل من دون نفس:طيب
ام فهد:بعدين وش ذا البنطلون اللي لابسته..
شمايل:عادي جدتي
ام فهد:مره ثانيه ماتجين هنا الا لابسه لبس عدل مثل بنات عمك ولا لا تجين بيتي يتعذرك
شمايل: اوف
ام فهد:وش قلتي ؟
شمايل: ماقلت شي
ام فهد:الله يهديكم ان شاء الله..تو شمايل بتطلع.. تعالي انتي
شمايل:نعم
ام فهد:اخوك مصيعب وينه ماصرت اشوفه
شمايل:مادري عنه ..طلعت وقفلت الباب بقوه..
ام فهد:وجع يوجعك من بنت الشرهه مو عليك على امك اللي تارك لها ابوك الخيط والمخيط فارقي

في غرفه روان وملاك الساعه1الفجر
روان كانت سهرانه تذاكر :ملوووووووك جوالك يرن قومي
ملاك: هممممم انا نايمه ردي انتي
روان:طيب ..الووووووووو
..:وش صار على المبلغ اشوف ثلاث ايام وقت كبير على خمس الاف صح ولا لا
روان:ها.. أي مبلغ
..:اظن كلامي واضح
روان:انت مين وش تبي شكلك غلطان باي
..:انتي ملاك؟
روان وهي خايفه:..ملاك قومي واحد يبيك
ملاك فزت من نومها:مين
روان:مادري
ملاك شافت الرقم قامت تصيح
روان فهمت انها ماتبي تكلم حد:اسمع مافيه وحده اسمها ملاك وانت غلطان
..:شايفتني دلخ عطيني ملاك ولا اوديك بستين داهيه انتي معها
ملاك:روان مابي اكلم الله يخليك
..:حلو حلو انتي روان اجل
روان خافت و قفلت الخط بوجه:ملاك ابيك تقولين لي كل شي من هذا وايش يبي
ملاك وهي بين دموعها:ماعرف كان دايم يدق علي ورديت وقام يهددني
روان:وهو وش ماسك عليك ..وهالكلام من متى
ملاك: توه من اسبوع.. طلب مني مبلغ خمس الاف ولحد الحين ماعطيته
روان:وراح تعطينه؟
ملاك:هذا الحل الوحيد ..
روان:انا اقول غيري رقمك وخليه يولي لانك اذا عطيته مره راح يجيك ويهددك مره ومرتين وثلاث.. ولا تخافين انا معك
ملاك تبكي : المشكله يدل البيت .. ويعرف رقم البيت بعد
روان بتوتر: يااااربي مو ناقصين مشاكل ..طيب الحين وش بنسوي معه
ملاك:مادري لا تساليني عن شي ..روان الله يخليك لا تقولين لحد
روان:تطمني وخلك طبيعه ولا تخافين ان شاء الله كل شي بينحل

.................................................. .........................................
والساعه 7 بالليل ثاني يوم وفي غرفه اروى كان فيه هشام وران وريم وسديم يلعبون بلوت واروى تكلم جوال
روان:اول بس
سديم وريم:بس
هشام:ولا..
سديم:انا ماراح اصن..
هشام:ثلاث عشرات واكه..صني سديم
سديم:مااااااااراح اصن.. وقامت الهوشه
اروى:بسسسسسسسسسسسس سكتو خلوني اكلم وانا اقول قومي ذاكرو احسن لكم من اللعب
ريم:وش ذا الورق اللي عندي
روان:العبي وانتي ساكته
اروى:اف منكم يالمزعجين انا بطلع
هشام:احسن لك خخخ

طلعت اروى من الغرفه رايحه للصالة اللي بالدور الثاني وشافت في طريقها جدتها
ام فهد:وش فيهم العيال يصارخون
اروى:خخخخخ هذولا اخواني مع بنات عمي سالم يلعبون
ام فهد:وانا اقول وين منخشين فيه هاللي مايستحون اثرهم يلعبون مع اولاد
اروى:عادي هشوم مثل اخوهم
ام فهد وهي معصبه: لا ماهو مثل اخوهم انا بعلم عليهم جدهم بس يجي اخليه يهاوشهم .. وين المكنسه وينها
اروى:خخخخخخخخ اروح اجيب لك وحده
ام فهد:يالله طمري وش تنتظرين ..
اروى:ان شاء الله خخخخخخ بس لا تدخليني معك بالسالفه
خذت الجده المكنسه ودخلت الغرفه عليهم
روان وريم يصفقون ويصارخون انهم فازو على سديم وهشام :هيييييييييييييييييييه فزنا عليكم
ام فهد:ريموه انتي مع اختك وشوله تلعبون مع هشام ها انتي كبرتي يالله خذي اختك ورحو غرفكم ذاكرو لا علم جدكم عليكم
سديم وريم اطمرو على طول
هشام:خخخخخخخخخخخ احسن تستاهلوووووون وي وي خخخخخخخخخخخخ
سديم من عند الباب:اوكي ياهشام انا اوريك
ام فهد بالمكنسه :يالله روحي واحسابي معكم بعدين ..وانت وشوله جالس مع البنات ليه ماتجلس بالمجلس مع الرجاجيل
هشام:ان شاء الله يالغاليه كم ام فهد عندنا وياخذ مفتاح سيارته ويطلع طيران قبل مايجيه شي
اروى:خخخخخخخخ ماينفع معهم الا كذا
ام فهد:انتي بس علميني عليهم وانا اوريهم .. وين شمايل وملاك
اروى:شمايل ببيتهم وملاك شكلها طالعه
ام فهد: وين ر احت هذي بعد اذ1 مافي حد يحاسبها انا احسبها البيت مو فندق تروح وترجع ع كيفها
اروى بخاطرها: ههههههههه كل هالناس وتقول مو فندق هع


ملاك:اسمعني انا بحط المبلغ بظرف وبرميه هنا
..:انتي سيارتك vxr
ملاك:وش تبي بالسياره خذ المبلغ وانقلع
..:خخخ حلوه انقلع ..واذا كانت الفلوس ناقصة وش اسوي انا ..انزلك من سيارتك واخطفك وش رايك
ملاك جمدت مكانها تمنت لو ماجات لحالها وخلت روان تجي معها
..:الووووووو ياقمر بتعطيني المبلغ ولا كيف
ملاك قفلت الجوال:فكتور اسمع الحين ابيك تسررررررررع وترجعني البيت
وشفت السياره اللي ورانا ابيك تضيعها
فكتور:ايه انا في معلوم
ملاك:طيب افتح الشباك
فتح الشباك ورمت الظرف
ملاك:الحين فكتور اسررررررررع

................................

مشعل:هشوم الصراحه لا تخليني اندم اني جيت معك بالغرفة
هشام:خ خ خ ليه انا وش فيني
مشعل:ابد مافيك شي نظيف ياخي
هشام ومصدق نفسه:تسلم على الاطراء
مشعل:الصراحه الحين عرفت ليه عبد الله تركك وصار ينام بالاستراحه
هشام:ايه وش اكتتشفت
مشعل:منك ياخي انت السبب اغراضك هنا وهناك وماتنام الا على الاغاني استغفر الله توب ياخي
هشام:خخخخخخخخخ والله انك فله كويس انك جيت عندي
مشعل:الله يهديك
هشام يبي يقهره:اقولك لعبت مع بنات عمك بلوت وكسرت راسهم <ينصب
مشعل:ليه هم يعرفون
هشام:افا عليك انا معلمهم ..
مشعل:يعني لو لعلبنا معهم نفوز عليهم..
هشام :ايه اطلع على حقيقتك هههههههههههههههه
مشعل:استغفر الله .. يالله انا بنزل عند الوالد شوي
هشام:ايه عفيه عليك ولد مطيع تسمع الكلام
مشعل:ترا عمي فهد يسال عنك يقول من زمان ماشافك ..هذا ابوك لازم تسال عنه وتشوفه ايش محتاج
هشام يقاطعه:عنده ولده حمود حبيب قلبه وش يبي فيني
مشعل:انا نازل وياليت تقص شعرك
هشام:خخخخخخخخخ وش عليك منه هذا انتو تطلعون اي سبب عشان تغثون الواحد يالله انزل ولا اشوف خشتك جاي هنا واذا تبي تنام روح نام مع اخوك فيصل
مشعل:الله يصلحك ان شاء الله بدعي لك يمكن تترك مهزلتك هذي استغفر الله بس الله يهديك
هشام:يلا فكنا

...............
..!
.............ويـــــــــــــــــــــلاه........... .....
ضاق الصدر ولا قدر يسأل علي ويلاه نساه طول الهجر ولا الصبر من قسوته قساه
ماصار مني خطا غير العطاوالتضحيه مــــــــــااااصاااااااااااااااااااااااااااااررر
جبار ياهاالزمن ماتنضمن فيك البشر جـــــــــاااابـااااااااااااااااااااااااااااااررر
يالله ياربهم اهديتهم فاهديني ياالله رباااااااه رب البشر رب القدر ان كان القدر
....فرقــــــــــااااااااااااااااه....
,,,,,,,,,,ويــــــــــــــلاه,,,,,,,,,,,,,,,,,
<<<هشام قاعد يسمع ميوزك
................................
ريم:احسن شي ان اليوم الربوع
سديم:ريم انا خايفة من جدي
ريم: ان ماقطع عنك المصروف ياسديم وجلستي بدون مصرف
سديم بحزن:لا لا تقولين الا المصروف
ريم: احسن تستاهلين وش الطاري عليك هالفكره الغبيه
سديم:يووووووه ريوم وش فيك انا حبيت اقهرهم بس
ريم:وش عليك منهم خلي الناس بحالها .. بعدين ياسديم بيكرهونك وش راح تستفيدين من الحركات اللي تسوينها
سديم:يكرهوني؟!
ريم:انتي ماتحسين ان كل اللي بالبيت متضايقين منك
سديم:وانا وش علي منهم اهم شي استانس
ريم:تستانسين على حساب غيرك؟
سديم:بس انا ماسوي شي يضرهم
ريم:المهم اسمعي كلامي لاني اكبر منك وابي مصلحتك



ويوم الخميس على الساعه 9 ونص صحى كل اللي بالبيت ونزلو تحت للفطور
هشام:اروى جيبي عسل معك
سديم:وجع ماتشوف قدامك ..وتاخذ صحن العسل وتحطه قدامه..
ملاك:خالتي روضه استريحي انا بجيب الباقي عنك
ام محمد:تسلمين والله..هشام كل بسرعه وقم روح المجلس لا يشوفك جدك ويهاوشك
هشام:مابي ابجلس هنا ابي افطر مع احلى ام بالدنيا.. ريم صبي لي حليب
ريم.. وهي منقهره ..على اخر عمري اجلس اخدمه: ان شاء الله
ام محمد:يالله قوم استح على وجهك جالس مع البنات
هشام:يمه وش فيك علي انتي من جهه وجدتي من جهه خلوني افطر على رواق
سديم:هشام ترا لك ساعه ونص وانت جالس هنا وتفطرحشى وش ذا البطن ماشبع ماقال تكفي خلني
هشام:انتي تلايطي لاصكك كف
نوره:سديمووووووه تعالي ساعديني جالسه بس تاكلين شوفي البيض استوا ولا لا
هشام:الله الله بيض ومن يد بنت عمتي ياسلام..تلقون الحين نص البيض ملح والنص الثاني فلفل خ خ خ
نوره:كل وانت ساكت ..يالي تقط مع البنات
هشام:وش عليك انتي بعدين تعالي بسالك وشوله ماتفطرين ببيتكم جايه من صباح الله خير حتى ماكلفتي نفسك تمشطين هالكشه اللي فوق راسك
نوره وتحط يدها على خصرها:جايه بيت جدي مو بيتك عشان تتحكم ..رفعت خشتها وجلست على طاوله الطعام
اروى:خلونا نذوق البيض ريحته شهيه ..تسلم يدك يانوره
نوره وهي متشققه
اروى: كح كح.. وعلى طول شربت مويه..
نوره:ها كيف شفتيه ..
هشام:هههههههههههههههههههههااي انا اقول قومي كبيه بالزباله قبل ماتجي ام فهد وتشوفه وتسوي لك سالفه خخخخخخخخخخ
نوره:انت مالك شغل ..حتى لو كان مو حلو انا وسديم وريم وران وملاك بناكله صح
سديم وتعرف نوره ماتدخل المطبخ الا اذا جات بيت جدها وكل مره تبدع بالطبخ هع هع انسحبت شوي شوي:انا بروح اذاكر
نوره:تعالي ذوقي اللي سويته
سديم:ببيت زوجك اذوقه ان شاء الله.. وطارت فوق قبل لا يجي جدها
ريم جالسه تحاول تمسك الزيتونة بالشوكة عشان تتهرب من نوره وكل شوي طايره عليها هع هع
هشام:هههههههههههههههههههههههههه شو في شلون تاكلين الزيتونة كذا ..وياخذ زيتونه بيده وياكلها..
ام محمد:وكيف استعدادك للامتحانات
روان: طفش
ملاك:عاد انتي اسكتي ماباقي لك الا 3 ايام وتخلصين
نوره:انا خايفه .. بس يالله الفصل الاول لعب والثاني نشد
ام محمد:وليه مو من البدايه تذاكرين .. شوفي ريم مشاء الله عليها لها اسبوعين وهي تذاكر والحين ماعندها شي يعني يوم الامتحان بس تتصفح الكتاب
نوره:ايه وانا من امس بديت اذاكر وخلصت مادة وباقي لي مادة^^
هشام:وفرحانه مع وجعك ولا جايه هنا تسوين بيض بعد
ابو فهد:السلام عليكم
الكل:وعليكم السلام
روان تهمس لملاك: الحين هشام وينه؟
ملاك:مادري كان هنا
ريم:انا اعرف وينه ..وتاشر تحت الطاولة..
نوره:جدي ترا في واحد تحت الطاولة
ابو فهد:واحد تحت الطاوله؟
نوره: آآآآآآآآآآآي وجع ..جدي شوف هشام
ابو فهد:وينه هشام وش سوا لك
نوره:ضربني برجلي آآآآآي
ابوفهد رفع المفرش اللي على الطاولة وقام يطل وفي هاذي اللحظةاختفى هشام :وينه ماشوف حد
/
.


غموض أنثىآ ©؛°¨غرامي جديد¨°؛©

المشاركة الأساسية كتبها مَِـٱلـﮱ ڜبيـﮧ اقتباس :
روووووووووووووووووووووووعه مره بليييييييييييييييييييييييييز كمليها ونزليها كامله

تكفين جد تحمست معها
ياهلا فيك منوورهـ ..

ان شاء الله من عنوني راح انزلها ..

/
.


الزعيـ A.8K ـمه ©؛°¨غرامي ماسي ¨°؛©

,’



بسم الله



حيآك معنـــآ
يعطيك العـــآفية
موفقة إن شـــآء الله



https://forums.graaam.com/238622.html
و كل عآم وإنت بخير



,’


ترانيم ورديه ©؛°¨غرامي مشارك¨°؛©

رووووووووووووووووووووووعه

أدوات الموضوع البحث بهذا الموضوع
البحث بهذا الموضوع:

بحث متقدم
طريقة العرض

موقع و منتديات غرام موقع سعودي خليجي عربي يحترم كافة الطوائف والأديان ومختلف الجنسيات
جميع الحقوق محفوظة منتديات غرام
iTraidnt by ROMYO
جميع الحقوق محفوظة منتديات غرام
iTraidnt by ROMYO

SEO by vBSEO 3.6.1