غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام

عـودة للخلف   منتديات غرام > منتديات روائية > روايات كامله - يتم نقل الرواية هنا بعد اكتمالها
 
أدوات الموضوع طريقة العرض
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1
قديم(ـة) 09-12-2009, 05:40 AM
صورة غزلان البدو الرمزية
غزلان البدو غزلان البدو غير متصل
الحمَدلله علىَ كَلْ حآلَ .. ♡
 
Post رواية شهد وسعود والامل الموعود / للكاتبة : غلا شرقاوي ، كاملة


بسم الله الرحمن الرحيم

السلام عليكم ورحمة الله وبركاته

اليوم جبت لكم روايه للكاتبه غلا شرقاوي اول روايه لها

وان شاء الله تحوز على رضاكم وتفاعلكم معي

،الراويه هي عبارة عن
عائله كبيره مكونه من أم وأب الأم اسمها حصة والأب اسمه راشد متزوجين صار لهم تقريبا 40سنه عندهم ثلاث بنات وخمس
أولاد نبدأ بالأكبر أسمه عبدا لرحمن متزوج وزوجته اسمها لولوه وعندهم ولدين وبنت الثاني اسمها الهنوف متزوجة وعندها
ولدين الثالث فهد متزوج وزوجته اسمها نوره وعنده ولدين، ،الرابع منال متزوجة وعندها ولد الخامس سعود متزوج
من بنت خاله يوسف شهد صار لهم 6سنوات متزوجين بس الله ما رزقهم بعيال رغم أنهم سووا الكشوفات وما طلع فيهم
شي بس إيمانهم بالله قوي وشهد كانت دايما تقول له انه يتزوج عليها بس سعود يزعل إذا تكلمت في الموضوع وأحيانا يستمر
الزعل أسابيع لدرجه إنهم ماينامون مع بعض بس بالأخير لازم واحد يتنازل ويراضي الثاني وترجع العلاقة سمن على عسل
ودايم سعود يقول لها انه مايبي عيال وان هم لسه صغار على العيال ،السادس ناصر متزوج وزوجته نهى وعندهم ولد السابع منيرة مش
متزوجة تدرس في الكلية تخصص جغرافيا سنه ثانيه الثامن نواف يدرس في ثاني ثانوي علمي
الحين عرفناكم بالعائلة طبعا هاذي العائلة من العوائل اللي لها اسمها في البلد الأب راشد يملك شركه خاصة فيه وفي
عياله تعمل هاذي الشركة في مجال استيراد الأجهزة الكهربائية والإلكترونية وتوزيعها على المحلات التجارية
ترقبوا الحلقات يا أعضائنا وعضواتنا الكرام



--------------------------------------------------------------------------------
***************الحلقة الأولى****************
الصباح الساعة 8شهد صار لها ساعة وهي تقعد في سعود علشان يروح الدوام بس الحبيب كل ماتجلسه يسوي عمره بيقوم قدام شهد وإذا راحت شهد تجهز الحمام علشان يتروش ويصحصح يرجع وينام شهد جهزت الحمام وراحت عند سعود وتشوفه الين الحين نايم شهد عصبت عليه آخر شي خذت المخدة وترميها عليه قعد سعود وهو فاتح عين وعين
سعود:شهد الله يهدا تش شفيتش ماتخلين الواحد ينام ويرجع ويحط راسه وينام .
شهد: سعود يالله حبيبي قوم الساعة ثمان بسك نوم،شوي إلا ويدق جوال سعود،سعود قام بسرعة ودخل الحمام (أكرمكم الله )تروش ولبس بسرعة بسرعة وطلع وراح الدوام لأن المتصل كان أبوه وسعود حاط نغمه خاصة لأبوه ،سعود وصل الدوام على 9 ألا ربع ويروح المكتب بسرعة إلا وتلفون المكتب حقه يدق وكان المتصل سكرتير أبوه ..
سعود وهو ينافخ : الو نعم
السكرتير :هلا أستاذ سعود الوالد معصب ويبيك بسرعة
سعود: خلاص أنا الحين جاي
طلع سعود وراح مكتب أبوه وقبل ما يدخل خذ نفس عميق بعدين دخل .
بوعبدالرحمن وهو معصب : أنت تدري شسويت اليوم ؟ ثانيا ليش ماداومت معانا ومع الموظفين ؟
سعود:يبه شفيك الله يهداك أنا كنت نايم قصدي السيارة متعطلة رحت وصلحتها وجيت .
بوعبدالرحمن:السيارة متعطلة ولا كنت نايم؟
سعود:.............؟
بوعبدالرحمن:ما ترد؟؟ تدري انك اليوم ضيعت علينا صفقة أجهزة تكييف بقيمة مليون ريال تدري ولالا؟
سعود:يبا شفيك الله يهداك المناقصات تروح وتجي ثانيا ما هي أول صفقة تروح علينا الله يهداك بس يا يبا وسع صدرك..
بوعبدالرحمن وهو معصب:لاوالله ..أنت تدري أن صار لنا أكثر من 6شهور مارست علينا ولا صفقة تدري ولالا؟
سعود: إلا ادري بس خلاص الله مش كاتبها لنا أف.
بوعبدالرحمن عصب زيادة:بعد تتأفف أطلع بره... أطلع .
سعود طلع وهو معصب وطلع من الشركة وركب سيارته وقعد يدور على الخبر إلين الساعة 11ونص ورجع البيت وحط راسه ونام .
على الساعة 1 الظهر رجع بوعبدالرحمن وناصر البيت وكل واحد رقى فوق يبدل وينزل علشان يتغدون طبعا عبد الرحمن وفهد مش ساكنين معاهم في نفس البيت كل واحد طالع في بيت بروحه .. نزلوا العيال وسلموا على أمهم وقعدوا الرجال يتغدون فالصالة والحريم في غرفة الطعام الداخلية سعود طبعا نايم وشهد ماتدري انه جاء البيت وهي طول ماهم يتغدون أهي ماكلت ماسكه الجوال تدق على سعود تبي تعرف وينه وسعود مايرد عليها لأنه حاطه على السايلنت.
أم عبد الرحمن :شهد يا يما يمكن حاطه على السايلنت أو نازل مكان وناسيه في السيارة0
شهد وهي حزينة :ماادري ياعمتي معقولة من نص ساعة وأنا أدق عليه وما يرد أكيد فيه شي .
أم عبدالرحمن :يا يما مافيه إلا كل خير أنتي لاتحاتين تغدي يابنيتي وانشالله بيكون بخير.
شهد : مش مشتهيه بروح فوق حاسة راسي يوجعني بروح أرتاح عن أذنكم .
أم عبد الرحمن :على راحتتش يما الله يحفظتش .
شهد وهي ترقى الدرج ناداها أبوها (بوعبدالرحمن)وسألها
بوعبدالرحمن:أقول يبا شهد وين سعود ماشوفه تغدى معانا عسى ماشر؟
شهد : والله ماادري يايبه أدق عليه جوال صار لي ساعة وما يرد علي ماادري وينه.
أبو عبد الرحمن:يمكن فوق نايم لأن سيارته برى شايفينها.
شهد :ماادري بروح أشوف فوق عن أذنك.
بوعبدالرحمن:الله يحفظتش.
شهد رقت فوق ودخلت الغرفة وشافت سعود نايم ومشغل المكيف راحت شهد وغطته بالحاف وسكرت النور وراحت غرفة الجلوس وجلست تقرى المجلة ودقت على عمتها وقالت لها عن سعود .
طبعا غرفة نوم سعود وشهد غرفه كلاسيكيه السرير عليه أربعة أعمده ولونها بني غامق وهي من الحديد المشغول مع الكومادينات اللي لونها بني غامق من الخشب وعليها مسكات الدروج من الحديد ولون ستارة الغرفة بيج فيها رسومات ورود صفرا وسماوي وبني وتحت الشباك كرسيين مفردين من الخشب لونهم بني وبين الكرسيين طاوله من الحديد المشغول وفي وسطها أبجوره وحوالين الأباجوره صدف منثور، بعد غرفة النوم في فتحه مربعة وداخل الفتحة ممر مستطيل مش طويل كثير يعني وسط و فيه الدواليب من جهة اليمين وفي الوجه دورة المياه أكرمكم الله وعلى اليسار فتحه كبيره مربعه هي غرفة الجلوس فيها كنب لونه عنابي معرق بورود ذهبيه وفي الوسط طاولة كبيرة مربعه عليها مفرش ذهبي وعليه ورود عنابي منتشرة على الطاولة ومنثورة وعلى كل زاوية من زوايا الغرفة لمبات لونها أصفر خافت وفيها مكتبه صغيرة فيها التلفزيون ولون الغرف بيج معرق بذهبي وبني والستارة لونها ذهبي وعليها ورود عنابي كبار مع بني وعليه كريستالات منثورة من نفس لون الستارة.
العصر سعود جلس من النوم وراسه يوجعه من كثر النوم اللي نامه وشهد كانت قاعدة ترتب غرفة الجلوس وتمسح الغبار عنها إلا وسعود يناديها بصوت تعبان :
سعود :شهد.. شهد..شهد.
شهد جات له وبأيدها الفوطة والشعر البني الناعم مرفوع كله لفوق وعليه خصل نازله من على الجوانب وعلى عيونها ولابسه قميص قصير تحت الركب لونه أصفر ناعم عليه دباديب لونها أحمر ووردي ..
شهد:صح النوم أخيرا جلست !!
سعود وهو مبتسم: إي جلست .. أقول شهد عطيني حبتين بندول وكاس ماي راسي بينفجر.
شهد : بسم الله عليك حبيبي بس وشلون أعطيك وأنت ما أكلت شي أخاف توجعك معدتك .
سعود: ماتهمني معدتي أهم شي راسي يوقف من الألم .
شهد :لاحبيبي خذلك على الأقل شوكلت بعدين كل البندول.
سعود: أنزين روحي وجيبيلي أي شي .
شهد وهي تأشر بأصبعها على عيونها :من عيوني الثنتين
سعود: مابي عيونتش خليهم لتش.
شهد تاخذ الفوطة وترميها في وجه سعود وتضحك
سعود قعد يضحك إلا ويدق تلفون الغرفة شاف سعود الرقم إلا رقم أهله تحت داقين .
سعود:ألو
منيرة: هلا سعود شخبارك شلونك وينك اليوم ماشفتك ولا حتى جبتني من الكلية خليت أمي المسكينة تجي مع السواق ورشود ولد دحوم ..ها..
سعود:...............
منيرة:شفيك مترد أصمخ متسمع.
سعود:منور خلصتي هذرتتش نعنبو بالعه مسجل قرقرقرقروجع انشالله ..
منيرة :توجع إبليسي انشالله شفيك معصب ؟؟
سعود: من هذرتتش الزايده يالله ذلفي ماني فاضي لتش راسي يعورني.
منيرة:فاضي بعبيك هههههههههههههههههه.
سعود:ذلفي زين ..
منيرة:أنزين لحظه أبوي يبيك ضروري ومعصب عليك من الظهر أنت مسوي شي ؟
سعود:........
منيرة: سعود سمعتني انزل بسرعة .
سعود:أوامر ثانيه عمتي ؟
منيرة: إذا فيه راح أقولك .
سعود: يالله ذلفي زين ويسكر السماعة في وجها إلا وشهد جايه ومعاها البندول والماي والشوكلت سعود أكل شوي من الشوكلت واكل البندول وشرب الماي وقام وخذ شاور سريع عشان يصحصح ولبس وطلع وهو خايف من أن أبوه يفتح معاه موضوع الصفقة سعود نزل وهو ينزل لاقاه أخوه نواف على الدرج وسلم عليه ونزل إلا ويشوف أمه وأبوه وإخوانه ناصر ومنيرة إلا وبدخلة الهنوف سلمت على أمها وأبوها وإخوانها وسلمت على سعود وجلسوا، العيال دخلوا وسلموا على الجالسين، الحريم راحوا غرفة الجلوس ماعدا منيرة، العيال سيدا راحوا عند خالهم سعود لأن أكثر واحد يحبونه خالهم سعود، لأن إذا هاوشتهم أمهم أو ضربتهم سعود هو الوحيد اللي يدافع عنهم سعود أخذ إبراهيم ولد الهنوف (سنتين ونص ) وجلسه في حضنه وقعد يلعبه ويضحكه ويضحك أخوه الثاني راشد بوعبدالرحمن يوم شاف سعود يلعبهم تمنى اليوم اللي يشوف سعود فيه شايل ولده أو بنته يلعبها بوعبدالرحمن خمد الغضب اللي حاطه في قلبه على سعود وابتسم بسمه حتى اللي جالسين عياله ناصر ومنيرة طالعوا بعضهم بعض وعليهم علامات التعجب وضحكوا بصوت عالي
بوعبدالرحمن :شتضحكون عليه يمال العافية.
منيرة: نضحك عليك يبى.
بوعبدالرحمن:وأنا شمسوي علشان تضحكون ليكون قايل نكته وانا ماادري؟
منيرة:بابي أنت كنت سرحان وتطالع فسعود بعدين ضحكت مدري متذكر جدي الله يرحمه يوم كان يلعبك
الجميع:هههههههههههههههههه ههههههههههههههههههههههههه هههه
الكل ضحك ماعدا سعود.
أذن المغرب والرجال راحوا يتوضون وسعود رقى فوق وبدل ملابسه وطلع وهو طالع لاقى أبوه على الدرج
سعود:يبه أنا آسف على اللي صار اليوم ماكان قصدي ارفع صوتي عليك أنا آسف.
بوعبدالرحمن وهو حاط ايده على كتف سعود :ماصار إلا كل خير وأنا كنت في لحظة غضب وزي ماقلت المكتوب مكتوب .
سعود:يعني مش زعلان مني يبا.
بوعبدالرحمن:لايابوك ماني زعلان منك.
سعود باس راس أبوه .
بوعبدالرحمن :يالله يابوك تأخرنا على الصلاة شوي وتقام
نزلوا وراحوا المسجد للصلاة .



في غرفة الجلوس أم عبد الرحمن ونهى والهنوف قاعدين يسولفون
الهنوف: أقول يما وين شهد أمس دقيت عليها وما ترفعه واليوم دقيت برضو ماردت فيها شي ؟
أم عبد الرحمن :لاما فيها شي بس يمكن شايله سلك التلفون ونست تشبكه
الهنوف : طيب يما دقي عليها خليها تنزل .
أم عبد الرحمن:أنزين يما برهومي عطني الجوال لتكسره .
أم عبد الرحمن دقت على شهد وقالت لها تنزل بس شهد قالت لما تخلص شغلها راح تنزل ..
نزلت شهد بعد ماخلصت شغلها وتكمل الجمعة والوناسه والضحك والهنوف تعشت بعدين مشت بيتها .

بوم الخميس وهذا اليوم يعتبر يوم تجمع العايله يجتمع فيها الأولاد والبنات وأم عبد الرحمن كل خميس تسوي بوفيه من كل ماتشتهيه النفس أول ماوصل عبدا لرحمن والعيال بعده فهد بعده البنات وقعدوا كلهم ماعدا شهد مانزلت ياترى شنهو السبب اللي خلا شهد ماتنزل ؟؟؟!!!!
شهد مانزلت يوم الخميس استغربت أم عبد الرحمن راحت ودقت على تلفون الغرفة حقتها بس شهد ماردت عليها أم عبدالرحمن طلعت من غرفة الجلوس ونادت سعود من بعيد و سعود جاها
أم عبدالرحمن: سعود يمه شفي شهد اليوم مانزلت أبد فيها شي ؟
سعود :لايمى بس تعبانه شوي والحين صارت أحسن وهي نايمه .
أم عبد الرحمن :خير شفيها عسى مش تعبانه كثير ؟
سعود: أبد يما بطنها يوجعها مع دوخه وراسها بس أحسن ألحين وهي نايمه .
أم عبد الرحمن وعليها علامات تباشير الفرح والضحكة :صج سعود وبعد شتحس فيه ؟
سعود:إي يمه بعد شتبين كل أمراض الدنيا فيها؟
أم عبد الرحمن :لايمه بسم الله عليها بس سعود حبيبي إذا صحت قولي علشان أخلي ميري (الخدامة) ترقي لها الغداء زين يابوعزوز.
سعود: ok mum good luck
خلصوا الغدا والرجال قعدوا يشربون شاي والعيال يلعبون بلاي ستيشن فوق في غرفة نواف والحريم سوالف وضحك وشرب شاي واكل مكسرات .
سعود بعد ماشرب الشاي استأذنهم ورقى فوق دخل غرفته وما شاف شهد نايمه على السرير سمعها قاعدة تكح في الحمام "كرمكم الله " سعود راح بسرعة للحمام وشافها قاعدة ترجع بشكل قوي "كرمكم الله"
سعود مسكها بعد ماخلصت ووداهاالسريرانبطحت شهد على السرير ووجها صاير لونه اصفر وتحت عيونها هالات سوداء سعود راح وصب لها كاس ماي وراح وجلس جنبها على السرير وعطاها الماي بس شهد مابغت تشرب الماي .
سعود:شهد حبيبتي لازم تشربين ماي علشان ترتاحين شوي .
شهد شربت شوي من الماي شوي ويزيد عليها الألم في بطنها
شهد وهي تون:آه..آه بطني..آه ..آه وتقوم بسرعة الحمام وترجع سعود لحقها بسرعة بعد ماخلصت وداها سعود السرير
سعود :تبين شي أخليهم يجيبون لتش شي تاكلينه ؟
شهد وصوتها التعبان :لاما أبي شي وتقعد تون بصوت عالي سعود ماقدر يستحمل قال لها
سعود : شهد قومي لبسي العباه خليني اوديش المستشفى يشوفون اللي فيتش.
شهد وهي تتألم وماسكته :مايحتاج ألحين أصير أحسن .
سعود:شهد وشلون تصيرين أحسن وأنتي كل دقيقه تتألمين أكثر يالله لبسي بسرعة خليني اوديتش يغزونتش ابره .
شهد:لاسعود خلاص أحس أني صرت الحين أحسن راح الألم خلاص مايحتاج .
سعود:أكيد ماتبين تروحين المستشفى ولا خايفه يغزونتش ابره ؟
شهد:سعود ماني فاضيه لك ولالغشمرتك أبي أنام سكرالأنوار.
سعود:اوكي إذا بغيتي شي أنا في غرفة الجلوس.
سعود قام و طفى الأنوار وراح غرفة الجلوس وقلبه عند شهد أذن العصر وراح سعود وصلى ورجع فوق وقعد على النت ينتظر عمته سارة تدخل الماسنجر عشان يتكلم معاها بس عمته مادخلت سكر النت ،سعود عنده عمتين كلهم ساكنين في ماليزيا وحده اسمها سارة والثانية اسمها بدرية سارة متزوجة صديق أخوها راشد واسمه زيد ويعيبون عليه وينادونه أبو زيد الهلالي.
وصار لهم متزوجين 8سنوات وباقي لهم سنة ويخلصون لأن زوجها يكمل دراسته وعندهم توأم ولدين وبدرية متزوجة من ولد عمها وساكنه في ماليزيا وزوجها يشتغل بروفيسور في الجامعة وصار لهم تقريبا 10سنوات وقريب يستقرون في السعودية وعندها ولد وبنت كبار يدرسون طبعا أبو عبد الرحمن هو مش اكبر إخوانه عنده اخو اكبر منه اسمه خالد بس توفى في حادث سيارة قبل 13سنه وعنده ثلاث أولاد وبنت الكبير الوليد متزوج وزوجته مريم وعندهم بنت وهي الحين حامل والثاني مروان خاطب بنت خاله ريم والثالث جمال يدرس في كلية المعلمين بالأحساء وآخر شي لمياء تدرس ثالث ثانوي وعلاقة بوعبدالرحمن بعيال أخوه خالد علاقة قوية وعيال أخوه عندهم شركة تعمل في مجال استيراد قطع الغيار للسيارات.نرجع لسالفة سعود سكر النت وحط راسه على الكنبة وخذاه النوم وما جلس إلا على صوت شهد تناديه وهي تتألم سعود نقز من على الكنبة وراح عند شهد وشافها طايحه من على السرير وتصيح من الألم سعود طلع بسرعة ونادى أمه اللي كانت في غرفتها تبخرها أم عبدالرحمن طلعت من الغرفة وراحت لغرفة سعود وشافت شهد راحت عندها وقومتها وقالت حق سعود يشغل السيارة عشان يودونها المستشفى أم عبدالرحمن نادت بنتها منال علشان تلبس شهد العباه وتنزلها على بال هي ماتلبس.. ألبست أم عبد الرحمن عباتها ونزلت وركبت السيارة وسيدا على مستشفى المواساة قسم الطوارئ ودخلوا شهد وكانت الساعة تقريبا 6ونص المغرب
وسعود وأمه قعدوا يستنظرون برى سعود خايف أن شهد يصير فيها شي قوي وأم عبد الرحمن تدعي أن اللي في بالها يصير صحيح بعد نص ساعة طلعت الدكتورة وأول من سألها أم عبدالرحمن
أم عبد الرحمن :ها دكتورة بشري ؟
الدكتورة :لازم نعمل لها تحاليل وأشعه لأن احتمال يكون عندها حمل!!!
سعود: ها..! دكتورة من صجتش أنتي شتقولين شهد حامل ؟؟
أم عبد الرحمن : انطب أنت هاذي سوالف حريم روحي دكتورة شوفي شغلتش .
سعود:يما شنهو يعني شهد حامل .. حامل ؟؟
أم عبدالرحمن:إيه يما يمكن حامل لأن اللي فيها يدل على كذا بس أنت ادع ربك .
سعود راح فكره لبعيد قعد يتخيل شهد وهي حامل وشلون شكلها وهي تمشي وقعد يضحك ويقطع حبل أفكاره صوت أمه تناديه
أم عبد الرحمن :سعود وين وصلت وشفيك قاعد تضحك ؟
سعود:أبد يما قاعد أفكر بشهد أهي للحين بالغرفة ماطلعت الدكتورة من عندها ؟
أم عبد الرحمن :لا للحين ماطلعت ثانيا التحاليل والأشعة يبيلها وقت على بال ماتطلع علشان يعرفون شنهو اللي فيها .
سعود: يما ما كأنهم تأخروا ؟
أم عبدالرحمن: وأنا شقاعده أقول من الصباح ..
بعد ساعتين طلعت الدكتورة من عند شهد
أم عبد الرحمن :ها دكتورة
الدكتورة : للأسف مفيش حمل كان عندها شوية برد ودلوئتي عليها المغزي وحتبئى عندنا ساعة كدى ولا اكتر وحتطلع عن ازنكوا
سعود تحسون أن الدنيا ضاقت فيه أحلامه كلها ضاعت نزلت دمعه كلها الم وحزن مسح دمعته وراح بعيد شوي عن أمه وخذ نفس عميق وشرب ماي بعدين راح عند أمه اللي كانت عند شهد تهدي فيها وتسكتها سعود دخل عندهم وجلس عند شهد يهديها
سعود: شهد خلاص مش زين لتش ولا لصحتتش ارتاحي الحين
شهد جلست تصيح الين ماهدت وارتاحت وخذها النوم من التعب سعود جلس يطالعها شلون ملامحها وهي نايمه كانت مثل الطفل كله براءة شوي ويدق جواله وكان المتصل صديقه بندر سعود طلع بره يكلمه.
سعود: هلا بندر
بندر: هلا بوعزيزوينك أحنا قاعدين نحتريك عند بيت طارق عشان نطلع مع بعض .
سعود:لا معليه مقدر أطلع معاكم هالمره.
بندر: ليه عسى المانع خير ؟
سعود:أبد زوجتي تعبانه وأنا الحين معاها بالمستشفى .
بندر:لالاماتشوف شر انشالله يالله أخليك مع السلامة .
سعود: حياك الله مع السلامة
سكر سعود وراح الغرفة وشاف الممرضة قاعدة تشيل المغذي من على شهد لأنها راح تطلع خلاص وصلوا تقريبا على 11وربع يعني صار لهم خمس ساعات وربع في المستشفى
دخلوا البيت وما شافوا أحد فالصالة شهد رقت فوق وسعود لحقها أم عبد الرحمن نادت الخدامة رسكالا .
أم عبد الرحمن: رسكالا وين بابا وين العيال ؟
رسكالا :مدام هريم في قرفة جلوس وعيال في يطلع مع بابا في يروح ارس صديق سير ابدرهمان .
أم عبد الرحمن : أنزين روحي سويلي كوفي وجيبيلي إياه فوق في الصالة لأني راح أخذ شاور.
ام عبدالرحمن:وسوي شوربة ووديها غرفة سعود لشهد.
رسكالا : انشالله مدام .
ام عبدالرحمن رقت فوق تاخذ شاور ورسكالا سوت شوربة وودتها فوق لشهد وسعود حاول في شهد انها تشرب بس هي مابغت تشرب راحت وحطت راسها ونامت وسعود خلاها ترتاح وراح غرفة الجلوس وقعد على النت.
في غرفة الجلوس البنات كلهم جالسين ومنال ماسكه الجوال تدق على جوال أمها بس كان مقفل وتدق في جوال سعودوبرضومقفل.
دخلت الخدامة ميري وشايله معاها صينية الفواكه منال سألت ميري عن أمها وسعود
منال: ميري جات ماما مع سعود ؟
ميري :إي في يجي وماما فوق ياخذ شاور.
منال:اوكي خلاص روحي.
بعد نص ساعة نزلت أم عبد الرحمن وراحت غرفة الجلوس والحريم سألوها عن شهد وأم عبد الرحمن طمنتهم عليها على الساعة 1في الليل مشوا البنات مع حريم عيالها .

وش تتوقعون لشهد بعد اللي صار لها بنتظار ردودكم

ترقبوا الحلقة الثانية


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 2
قديم(ـة) 09-12-2009, 01:37 PM
صورة التيآث المشآعر .. ()! ~ الرمزية
التيآث المشآعر .. ()! ~ التيآث المشآعر .. ()! ~ غير متصل
©؛°¨غرامي مشارك¨°؛©
 
الافتراضي رد: رواية شهد وسعود والامل الموعود للكاتبه غلا شرقاوي كامله


لييش [COLOR="Cyan"]ما فيه [/COLOR]تكمله

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 3
قديم(ـة) 09-12-2009, 01:59 PM
صورة غزلان البدو الرمزية
غزلان البدو غزلان البدو غير متصل
الحمَدلله علىَ كَلْ حآلَ .. ♡
 
الافتراضي رد: رواية شهد وسعود والامل الموعود للكاتبه غلا شرقاوي كامله


[COLOR="Black"]
اقتباس:
المشاركة الأساسية كتبها da3..top مشاهدة المشاركة
لييش ما فيه [/color]تكمله



فٍيًهُ تِگمٍَلهُ يًآلغٌَلآ بُسِ بُآلبُآرٍتِ آلثَآنٍيً نٍوٍرٍتِيً مٍَتِصَِفٍحِيً بُطَلتِگ }~


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 4
قديم(ـة) 09-12-2009, 02:05 PM
صورة غزلان البدو الرمزية
غزلان البدو غزلان البدو غير متصل
الحمَدلله علىَ كَلْ حآلَ .. ♡
 
الافتراضي رد: رواية شهد وسعود والامل الموعود للكاتبه غلا شرقاوي كامله


البارت الثاني ان شاء الله يحوز على اعجابكم وتفاعلكم

مرت الأيام وصار على حادثة شهد خمس شهور ورجعت نفس الأعراض اللي جاتها ذيك المرة وراحت مع عمتها المستشفى وكشفت عليها الدكتورة وطلبت منها أنها تسوي تحليل راحت شهد وسوت التحاليل وبعد ساعتين طلعت النتيجة بالأخير حامل بعد ست سنوات من الزواج والأمل في الإنجاب.
شهد ماصدقت الخبر ضمت عمتها وقامت تصيح من الفرح والوناسة وأخيرا الله استجاب لها الدعاء وحملت .
رجعوا البيت وبشروا نهى ومنيرة اللي حضرتها ماراحت الكلية بحجة أنها قلبها مشغول على شهد نهى ومنيرة ماصدقوا الخبر راحوا سلموا عليها وباركوا لها منيرة تستلم شهد تبوس فيها وتروح وتستلم أمها تبوس الين ام عبدالرحمن مارمتها على الكنبة
أم عبد الرحمن وهي تهاوشها:وجع أنتي ماتقولين لي اليوم شفيتش صايره مرجوجة ومهبوله ؟
منيرة وهي كلها براءة:يما شفيتش أنا اليوم مبسوطة عشان شهد وعلشان أنتي اليوم راضيه علي .
أم عبد الرحمن:وليه يعيوني أنا في يوم مارضيت عليتش ؟
منيرة:لايمى أنتي راضيه علي اليوم خصوصي لأنتش اليوم خليتيني أغيب ولأنتش ألحين راح تقطين على إيدي 700ريال سعودي لاغير..
شهد:ليه كاتبه شيك وأنا مدري ؟
منيرة :لايالدبه.
أم عبد الرحمن: وحق شنهو ال700ياحبيبتي.
منيرة: يما ياحياتي ياروحي ياقلبي أنتي أبي أشتري لي ملابس جديدة للكلية وجزمة وساعة وشنطة وأبي افصل لي عباه جديدة
أم عبدالرحمن:بس هذولا اللي تبينهم .
منيرة:إيه يما ويمكن أكثر بعد.. ها.. بتعطيني ولالا؟
أم عبد الرحمن:أنزين راح اعطيتش بس مين اللي راح يوديتش ؟
منيرة:أنا والسواق وبسسسس.
أم عبدالرحمن وهي معصبه :شنهو وتضربها على كتفها وتزفها زفه على مستوى وتقول لها وهي تصارخ :مابقى إلا هي تطلعين السوق مع السواق بروحتش ليه شايفة الدنيا فوضه ماعندتش إخوان ماعندتش أبو يالدلخه ..وتسكت شوي بعدين تقول أنا أبي اعرف شلون نجحتي أبي اعرف ؟
منيرة :...............
أم عبدالرحمن:قومي ذلفي عني لأرتكب فيتش اليوم عاهة مستديمة قومي.
منيرة : يما أنا امزح معاتش شنهو شايفتني خبله أروح مع السواق بروحي أنا الحين معاتش وميتة خوف تبيني بروحي يما قيسيها بالمنطق .
أم عبد الرحمن: على بالي بعد.
منيرة:طيب والفلوس بتعطيني ولا لا.
أم عبد الرحمن:أول شي فكري وشوفي مين اللي يوديتش بعدين تعالي واخذي الفلوس .
منيرة :يما أنتي ماشفتيني اليوم طايحه تبوس في شهد.
أم عبد الرحمن:وشدخل شهد في السالفة؟
منيرة وهي تطالع شهد وتضحك:علشان تتوسط لي عند سعود يوديني السوق .
شهد:وشمعنى سعود ياحلوة ؟؟
منيرة:لأن ذوقه حلو في اختيار العطورات والملابس وكل شي
شهد: أها.كذا يعني أجل حامض على بوزتش اليوم يوديتش ثانيا سعود مايعطي ذوقه وراية إلا لي أنا وبس فهمتي.
منيرة: لاشهودة تكفين خليه اليوم يوديني أبي بكره اكشخ أنا وربعي بكرة متواعدين نلبس بلوزة جيشي وتنوره سوداء تكفين
شهد:طيب راح أخليه يوديتش بس بشرط؟؟
منيرة :آمري تدللي شنهو أجيب لتش ماي ولا أدلك رجولتش .
شهد وهي تضحك:لا لاهذا ولا هذا أبيتش تقومين بنفستش وتروحين المطبخ وتاخذين بيدينتش فراولة مع مانجو وتقطعينهم وتخلطينهم بالخلاط الكاس وتصبينه في الكاسات وتحطين فوقه ايس كريم فانيلا وتاخذين لوز وتحمصينه وتحطينه فوقه وتجيبينه لنا وتوزعينه شرايتش مااعتقد طلبت طلب قوي صح.
منيرة وهي تطالع في شهد:شنهو الله.. الله كل هذا أسويه لتش ولهم وأجيبه وأوزعه بعد؟
شهد:أولا مو أنا اللي أبيه هذا اللي في بطني يبيه يالله قومي ولا.....؟
أم عبدالرحمن:منوريمى قومي والفلوس العصر عندتش سويه يالله قومي.
منيرة:أمري لله أقوم أسويه مايسوى علي هالغياب لو ادري ماغبت .
شهد :أقول سويه بطيبة نفس لبطني يعورني بعدين .
أم عبدالرحمن: منور حبيبتي غسلي ايدينتش .
منيرة وهي رايحه المطبخ : بديتول ولا صابون ؟
نهى :الاثنين وضحكوا كلهم
نهى استأذنتهم علشان تروح تلبس ولدها علشان تروح بيت أهلها
وأم عبد الرحمن راحت فوق تصلي صلاة الضحى وشهد رقت فوق تبشر أمها
في المطبخ منيرة صرفت الخدامات ميري ورسكالا وخلتهم يروحون يغسلون الحوش والمسبح ويعبونه ماي ويغسلون الطاولة والكراسي اللي برى وخلتهم يسقون الزرع على الرغم من أن هاذي الوظيفة وظيفة السواق راجو..
منيرة سوت المطبخ تحفه جهة فيها الكاسات وجهه فيها المانجو والفراولة وجهه الخلاط وكل ماتسوي شي أغسلت أيدها الين ماسوت المطبخ عفيسه محترمه سوت العصير وطلعت ونادت الخدامات يدخلون المطبخ وراحت وخذت العصير وطلعت وماشافت احد فالصالة رقت فوق وراحت جهة غرفة أمها وتلقاها مفتوحة وتشوف أمها تصلي وتحط العصير فوق الطاولة وتطلع وتروح غرفة نهى وتعطيها العصير وتروح غرفة شهد وتطق باب الغرفة وتدخل
منيرة :سمي يأم عزوز.
شهد:مشكورة ياعمة ولدي.
شهد شربت من العصير و منور على طول سألتها
منيرة:ها حلو
شهد:نعنبو صبري شوي خليه يطب في معدتي بعدين اعطيتش النتيجة سكتت شوي وقالت :الله منور طعمه يهبل تصدقين طعمه أحسن من السوق ؟
منيرة :بالعافية يالله تبين شي أنا بروح اكلم عمتي سارة بالماسنجر
شهد:سلامتتش بس سلمي عليها .
منيرة:يبلغ، سلام
طلعت منيرة وشهد راحت وكلمت أمها وبشرتها
على الساعة 1الظهر وصلوا العيال مع أبوهم وكل واحد رقى فوق يبدل ملابسة سعود راح الغرفة
سعود:مساء الخير والورد والعصافير.
شهد: هلا ياعمري مساء النور.
سعود وهو يشيل الغترة من راسه.
شهد:عندي لك بشارة تخليك تطير من الفرحة .
سعود وهو يطالع فيها ومبتسم:وشنهي البشارة ؟
شهد وهي تجلس على الكرسي وتحط رجل على رجل: حزر فزر؟
سعود:شهودة قلبي أنا ميت من الجوع وإذا ميت من الجوع عقلي يتوقف من التفكير والتخمين فقولي شنهي البشارة قبل لأنقض عليتش وآكلتش.
شهد وهي تضحك:أنا حاااااااامل ؟؟!!!
سعود وهو يطالع فيها: .............. وفاتح عيونه وفمه للآخر
شهد وهي مبتسمة:شفيك بسم الله عليك حبيبي.
سعود:شهوده حياتي أكيد تمزحين صح .
شهد :لا ياقلبي ماامزح أنا حااامل..
سعود وهو مش مصدق:قولي والله .
شهد وهي تقوم وتروح عنده:والله ..
سعود : يعني أنا راح أصير أبو وأنتي راح تصيرين ....
شهد: إي ياحياتي أنا بصير أم وأنت بتصير أبو..
سعود نقز على السرير وقعد يناقز من الفرحة وقعد يقول بالمصري: يامانت كريم يارب بعدين نزل وباس شهد على جبينها وقال لها :ألف مبروك ياام عبدالعزيز
شهد: ألف مبروك علينا أحنا الاثنين
سعود وهو ماسك ايدينها ويبتسم:طيب لو أنا الحين وافقت اني أتزوج عليتش راح توافقين؟
شهد وهي تضحك:No impossible consent
سعود:هههههههههههههههههههه طيب شبتسويين لو كنت متزوج عليتش وخالص ويمكن عندي عيال ؟
شهد:أول شي راح ارتكب فيك جريمة مستديمة بعدين أذبحك وأطعك حته حته وأرميك رمية الكلاب .
سعود:يمه بسم الله مجرمه خطيرة لاوياليت بس تذبحني اول شي جريمه مستديمه والله انتوا يالحريم ينخاف منكم احيانا تصيرون عسل على القلب واحيانا تصيرون مجرمات خطيرات تدورون أي شي على الرجال عشان تسوون مشكله آه منكم بس يالحريم.
شهد:ههههههههههههههههههههه ه بس انت راح ترضى انك تتزوج علي.
سعود:طبعا لاياعمري ولاافكر في يوم حرمه ثانيه تدخل حياتي ياعمري فهمتي.
شهد:على بالي بعد.
سعود:أحبتش.
شهد:وانا بعد.
سعود:شنهو بعد.
شهد:اللي قلته تو قبل شوي.
سعود:شنهي عاد قوليها.
شهد ابتسمت ونزلت راسها
سعود:شهد تكفين قوليها طلبتش قوليها.
شهد:I love you
سعود:لاابيها تقولينها مثل ماانا قلتها لتش قبل شوي.
شهد:هههههههههههههههههههه حبيبي مو كأنا تأخرنا عليهم تحت ينتظرونا.

--------------------------------------------------------------------------------
سعود:اوكي انا راح امشيها بس مردتش راح تقولينها غصبن عليتش زين.
شهد وهي تعطيه ثوب النوم وتبتسم:انشوف .
سعود خذ الثوب ولبسه وباسها على خدها ونزلوا تحت وباركوا لهم وبعد الغداء سعود رقى فوق وقعد على التلفزيون الين ماخذاه النوم .
بعد صلاة العشاء الحريم في غرفة الجلوس اللي تحت شهد مع منيرة ونوره ولولوه قاعدين يسولفون عن العطورات الجديدة والمجمعات الجديدة اللي فتحت ومنيرة كلها آذان صاغية عشان إذا راحت السوق تعرف وين بتروح.
دخلوا العيال مع أبوهم بعد ماصلوا العشاء وقعدوا فالصالة سعود رقى فوق ونادى شهد وقعد معاها شوي بعدين قال لها انه راح يقعد على النت يكلم ربعه.
شهد راحت عند الحريم وتستلمها منور
منيرة: شهد متى راح تقولين لسعود يوديني السوق ؟
شهد:تصدقين نسيت قومي معاي نروح الغرفة وكلميه
منيرة:وإذا رفض
شهد:بشغل واسطتي.
قاموا وراحوا الغرفة شافوا سعود كان يطالع التلفزيون في غرفة الجلوس حاط على قناة ام بي سي مسلسل جادة 7 وكان مندمج حده شهد راحت انبطحت على السرير ومسكت المجلة وقعدت تقرى منيرة طقت باب الغرفة على سعود ونادته
منيرة :سعود أنت هنا.
سعود:حياتش دخلي.
منيرة دخلت وراحت غرفة الجلوس وهي في غاية الأدب والأخلاق العالية.
سعود وهو يطالع المسلسل وياكل آيس كريم باسكن روبنز بالفانيلا والتوفي والمكسرات قال لها:
سعود:جلسي
منيرة جلست وقالت في قلبها "الحمد لله رايق جعله دوم مب يوم "
شهد كانت تتسمع عليهم وهي ماسكه الضحكة
سعود مد الآيس كريم لمنور
منيرة:لا ماابغى بالعافية.
سعود وهو يطالع التلفزيون:ها منور بغيتي شي ؟
منيرة:إي بغيتك توديني اليوم السوق .
سعود وهو يطالع فيها:وحق شنهو روحة السوق .
منيرة:أبي اشتري لي ملابس حق الكلية وأبي افصل لي عباه .
سعود وهو يطالع التلفزيون:علشان كذا اليوم مارحتي الكلية؟
منيرة:إي سعود لأن عباتي فيها علك لاصق ومنتشر على العباية كلها ثانيا العباية منشقة من تحت من الركض عشان نلحق المحاضرات .
سعود وهو ياكل الآيس كريم :طيب وشلون تروحين السوق والعباه فيها كل هالبلاوي.
منيرة:عندي عبايتي الكتف ألبسها وأروح.
سعود:أنا ماعندي بنات يروحون السوق بعباية الكتف مافي روحة للسوق ارتحتي.
منيرة:لاسعود تكفى أخذ عباية وحده من حريم إخواني بس ودني السوق تكفى .
سعود:كلمتي وحده مافي روحه يعني مافي روحه ذلفي عني خليني أتابع المسلسل الحلقة الأخيرة .
منيرة: .....................
وتدخل عرض عليهم شهد وهي تضحك وجلست عند سعود وتاخذ الآيس كريم منه وتقعد تاكل:
شهد:شسالفه سعود؟
سعود:هالمهبوله تبي تروح السوق بعباية الكتف على بالها ناصر ولا واحد من إخوانها .
شهد:بعد مابقت إلا هاذي لا مافي روحة .
منيرة فتحت عيونها للآخر وتطالع في شهد..............!!! !
منيرة:شهد وين الاتفاق ؟
شهد:أي اتفاق ليش وأنامادري سويت معاتش اتفاق ؟
منيرة قامت من عندهم وراحت الغرفة وسكرت عليها
سعود:شفيها هالخبله وبعدين شنهو هالإتفاق اللي متفقته معاها ؟
شهد وهي تاخذ العصير:أنزين وشفيها إذا وديتها السوق ؟
سعود:ماني موديها السوق مالي خلق اطلع.
شهد:وإذا قلت لك انها اليوم سوت لي عصير لو ماسوته كان طلع في ولدك بلاوي !!
سعود وهو يطالع فيها:من صجتش منور تدخل المطبخ ياللهول..
شهد:إي من صجي دخلت المطبخ وسوته حفله.
سعود:أنزين شنهو الإتفاق اللي بينكم ؟
شهد:بعدين أقولك أنت الحين بتوديها السوق ولا لا؟
سعود:لاماني موديها .
شهد:أهي الحين مخليتني واسطة علشان توديها بليز لتفشلني حبيبي.
سعود ابتسم وطالعها وقال:قلت ماني موديها حساد لها.
شهد:أنا بروح لها شكلها زعلت مني ألحين!!
سعود:لحظة بروح وياتش.
شهد:لاسعود لاتروح أخاف ماتفتح الباب علشانك موجود.
سعود:مو بكيفها ماتفتح الباب يالله قومي.
طلعوا وراحو عند غرفة منيرة طق سعود الباب مافتحت طقوا الباب مرة ثانية ماردت عليهم فتح سعود الباب بس كان مقفول سعود عصب وطق الباب بقوة وهو يكلمها .
سعود:منور فتحي الباب لأكسره
منيرة وهي تصيح بقوة:ماني فاتحه الباب خلوني بروحي وتقعد تصيح بصوت عالي .
شهد:منور فتحي الباب الله يهداتش أنا كنت امزح وياتش منور فتحي .
منيرة: ماأبي افتح لتش الباب أنتي بالذات ياناكرة الإتفاق يابايخة ذلفي ماأبي اسمع صوتتش روحي ..روحي وتضم منيرة المخدة بقوة وتقعد تصيح بصوت قوي ومن قلب.
بو عبد الرحمن وأم عبدالرحمن بعد ماراحو العيال بيوتهم قعدوا فالصالة بس يوم سمعوا سعود يصارخ رقوا بسرعة
بو عبدالرحمن:خير شفيكم منور شفيها ؟
أم عبدالرحمن وهي تطق الباب:منور حبيبتي فتحي الباب أنا أمتش شفيتش؟
منور وهي تصارخ : ماأبي أفتح الباب ماأبي..
بوعبدالرحمن:منور باباتي فتحي الباب فتحي حبيبتي .
منيرة:ماأبي أفتح الباب و ماأبي أشوف احد أنتو لو تحبوني كان وديتوني السوق ؛ معقولة طلب صغير عاجزين تودوني له كل السبب من شهد البايخه أكرهتش ياشهد أكرهتش .
سعود عصبيته زادت عن حدها وقال لها:لاطالت وتشمخت قاعدة تهينين زوجتي قدامي ياللي ماتستحين ياقليلة الأدب .
بوعبدالرحمن:سعود شب ولا كلمة ويطالع شهد: شهد شسالفة ؟؟
شهد وهي ترتجف من الكلام اللي قالته منيرة لها:أبد يبا كانت تبي تروح السوق وكانت تبي سعود يوديها وتبيني أتوسط لها عشان سعود يرضى وحبيت امزح معاها ونكرت أني بتوسط لهابس هي زعلت..
بوعبدالرحمن:منور حبيبتي كانوا يمزحون وياتش الله يهداتش فكي الباب باباتي علشاني .
منور:بفتح الباب بس ماأبي أشوف شهد ماأبي أشوفها لاهي ولا سعود.
سعود:الله وكبر أنا اللي بموت عشان اشوفتش يالله شهد سعود راح غرفته مع شهد.
فتحت منور الباب ودخلت أمها بعدين دخل أبوها شافوا شكلها وشكل الغرفة، الغرفة كانت معفوسة العطورات كلها طايحين على الأرض واغلبهم مكسورين والمساكات طايحين مفرش السرير مع المخدات صغار طايحين صورها مع أخوها سعود مشققة وشكل منيرة كان يخوف الوجه صاير احمر ومليان دموع وشعرها الناعم الطويل صاير كشه أبوها مسكها وهداها وضمها وقعد يقرى عليها الين ماهدت وجلسها على الكرسي وابتسم لها وقال
بوعبدالرحمن :ها باباتي أحسن الحين ؟
منيرة هزت راسها بنعم
بوعبد الرحمن:قومي حبيبتي غسلي وجهتش واقري قرآن وبعدين نامي زين
منيرة:انشالله
قام بوعبدالرحمن وقال لها
بوعبدالرحمن:هالدموع هاذي ماأبغى أشوفها على هالوجة الصبوح وإذا على السوق أنا بكره انشالله إذا قدرت أسوي كل أشغالي ونروح أنا وأنتي وأمتش السوق واخذي اللي تبينه بس بشرط انتش تروحين وتعتذرين من شهد لأن شهد حبت تسوي معاتش مقلب وأنتي تعرفينها شهد تموت فيتش وتحب تسوي مقالب معاتش أنتي بالذات.
منيرة: بس أخاف ماتسامحني
بوعبدالرحمن:لا يامنور شهد قلبها ابيض وتسامح بسرعة زين باباتي
منيرة :انشالله يبه
بوعبدالرحمن:يالله عاد خليني أشوف الضحكة.
منيرة ابتسمت وقامت وباست راس أبوها بوعبدالرحمن قام وطلع أمها قامت وباستها وقالت لها
أم عبدالرحمن:منور حبيبتي لازم تعتذرين حق سعود وشهد على الكلام اللي قلتيه لهم هم كانوا يمزحون وياتش .
منيرة : يستاهلون واذاعلى الاعتذار ماراح اعتذر.
أم عبدالرحمن:أنا ادري انتش الحين في لحظة غضب بس الحين سوي اللي قالتش عليه ابوتش زين حبيبتي .
منيرة:انشالله
أم عبد الرحمن قامت وباست منور وطلعت .
منيرة قامت وغسلت وجها وقرت قرآن ونامت.
شهد طول الليل مانامت متحسفه أنها سوت لمنور كذا وقالت في قلبها: لهالدرجة أنا سخيفة ودمي ثقيل وقعدت طول الليل ودموعها على خدها .
في الصباح سعود قعد على الساعة 7وماشاف شهد نايمة قام وراح بيدخل الحمام إلا ويشوف شهد قاعدة في غرفة الجلوس وبالها بعيد
سعود:صباح الخير ياأحلى ويا أجمل زوجة فالعالم .
شهد:هلا حبيبي صباح الخير.
سعود:شهودة قلبي شكلتش مانمتي زين فيتش شي ؟
شهد:قول مانمت طول الليل !!
سعود:ليه ياحياتي ؟
شهد:سعود أنا السبب كسرت فرحتها كان ودها تروح معاك السوق وأنا حرمتها أنا صج دمي ثقيل وسخيفة بس تصدق أنا استاهل اللي جاني منها وقعدت تصيح وسعود يهديها وقال لها
سعود:شهد خلاص ياقلبي إذا على منور الدلخه أوديها اليوم السوق ارتحتي ؟
شهد:السالفة مش سالفة سوق السالفة أن منور فقدت الثقة فيني بس والله أنا قصدي أسوي فيها مقلب بس مادريت أن هالمقلب راح يصير فوق راسي .
سعود:خلاص ياقلبي ألحين قومي نامي وإذا جيت الظهر انشالله يحلها ألف حلال .
سعود قام بيدخل الحمام بس قبل ما يدخل قال حق شهد انه اليوم راح يتأخر بيروح يغسل السيارة ويغير الزيت.
شهد قامت وغسلت وجهى ورتبت السرير وبعد مالبس سعود طلعوا من الغرفة وأم عبدالرحمن طالعه من غرفتها سعود سلم على أمه وشهد بعيده عنهم ومنزلة راسها .
أم عبدالرحمن نادتها:
أم عبدالرحمن:شهد شفيتش حتى السلام ما سلمتي تعبانه من شي ؟
شهد: لاعمتي وتروح وتسلم عليها
أم عبدالرحمن:شفي وجهتش صايراصفر وشهالسواد اللي تحت عيونتش شفيتش يما ؟
شهد:لاعمتي مافيني شي عن إذنكم وراحت الغرفة .
أم عبد الرحمن:سعود شفيها شهد؟
سعود:ابد يما مانامت طول الليل وضايق صدرها على منور الدلخه وقاعدة تصيح.
أم عبدالرحمن:قاعدة تصيح خبله هاذي قاعدة تحط عقلها عقل منور الله يهديها بس .
سعود:يالله يما تامرين على شي أنا نازل .
أم عبدالرحمن:سلامتك الله وياك.
منيرة طلعت من الغرفه ووجها بوجه سعود ،سعود تذكر الكلام اللي قالته أمس وناظرها بنظره خلاها تنزل عيونها غصبن عليها اللي منور ماتنزل عيونها مهما احد طالعها وخزها الين متخلي اللي يطالعها ينزل عيونه بس سعود خلاها تنزل عيونها غصبن عليها منيرة نزلت تحت بسرعه.
منيرة نزلت وقعدت فالصاله تنتظر سعود يوديها الكليه سعود فطر وطلع ولاكلمها ولا كلمة وشغل سيارته ومشى .
منيرة عصبت من سعود وقعدت تصيح أبوها سكتها وقال لها:
بوعبدالرحمن:خلاص يبه سعود متضايق من سالفة امس ..
منيرة:المفروض أنا اللي اتضايق مو اهو واهي .
أم عبدالرحمن:بس يامنور الكلام اللي قلتيه امس يزعل كثير.
بوعبدالرحمن طلع وركب السيارة ومشى
ناصر طلع وراه يوصل منيرة الكليه.
سعود طول ماهو فالطريق يفكر في السالفة اللي صارت امس ويفكر في منوراخته الصغيره الدلوعه اللي ماعمره سمع منها كلام يجرح أويضيق الصدر وقعد يقول في قلبه(معقوله منيره اختي تقول هذا الكلام لالامااعتقد يمكن تقوله وهي في لحظة غضب ما تدري ولا تثمن الكلام اللي تقوله) ويقطع حبل أفكاره السياره اللي وراه تطق له بوري لأن الإشاره فتحت .
منيرة وصلت الكليه قابلوها ربعها باللبس الجيشي اللي كانت امس راح تشتريه ولا شرته ،سلمت عليهم وقاموا يمشون صديقاتها سألوها ليش مالبست جيشي مثلهم ومنيرة خرت لهم السالفه كلها
صديقتها فجر:الله كل هذا يصير عشان بلوزه ؟
منيرة:لاواليوم طالعني بنظرة خلاني انزل راسي وعيوني غصبن علي مع وجهه ولابعد مش أهو اللي جابني الكليه كل فطور وخذ مفتاحه وطلع وشخط ومشى ولاعبرفيني والله من القهر والحركة اللي سواها قمت أصيح .
صديقتها مرام:إي من حقه لو أنا منه عطيتتش طراق على فمتش خليت شفايفتش منتفخه طبيعي من غير ابر.
فجر:زي شفايف هيفاء وهبي .
الجميع:هههههههههههههههههه ههههههههههههههههههههههههه ههههههههه
صديقتها زينه:زين منور كان قلتي لي وشريتلتش معاي ؟
منيرة:والله ماتقصرين بس والله رحتي عن بالي .
تمت منيرة مده زعلانه ومنقهره قاموا صديقاتهاويغنون ويصفقون لها:
(هيللي يارمانه ..الحلوه زعلانه..مين يراضيها أنا أراضيها وبروحي أفديها ..) هلا..هلا..هلا..ورا..ورا.. ورا..كلللللووووششش.
منيرة قعدت تضحك وتغني معاهم ونست شوي اشوي السالفه وقعدوا يسولفون الين ماجاء وقت المحاضرة بعدها قاموا.
رجعت منيرة من الكليه على الساعه 1وربع ورقت فوق، وصلت فوق ووجها بوجه شهد منور ماعطتها أي اهتمام راحت وفتحت باب غرفتها إلا وشهد تناديها
شهد:منور ممكن دقيقه من وقتتش؟
منور ومالها نفس تكلمها وتطالع فيها:آسفة أنا تعبانه وراسي مصدع وأبي أنام وبلا إزعاج لو سمحتي ودخلت غرفتها وسكرت الباب.
شهد نزلت من عيونها دمعه كلها ندم أنها سوت لها كذا ورجعت شهد الغرفة وقعدت تصيح الين ماخذاها النوم مثل الطفل الصغير .
منيرة دخلت الغرفه وبدلت ملابسها وجاء في بالها شكل شهد استغربت من شكلها وقعدت تقول في قلبها(شفيها شهد شكلها تعبانه معقوله الحمل يسوي فيها كذا ولا هذا الشي أكون أنا السبب فيه؟
منيرة حطت راسها ونامت بعد ماصلت الظهر الين الساعة 6المغرب وماجلست إلا بطلعة الروح قامت وصلت العصر اللي فاتتها بعدين صلت المغرب وبدلت ملابسها ولبست تنوره جنزلونها اسود مع بلوزه بيج ساده وعليها في الوسط قمر أسود ومليان لمعه اسود وحوا لينه ورود صغار ورده لونها ورديه وعدلت شعرها وطلعت من غرفتها الاوشهد راقيه فوق ومعاها كاس شاي شهد يوم شافت منيره كلمتها.
شهد وصوتها التعبان:منور فاضيه ابي اجلس معاتش شوي
منيرة:خير شتبين؟
شهد:منيرة اناآه..آه.. شهد مسكت راسها وطاحت على الأرض مغمى عليها وطاح كاس الشاي على الأرض بس الحمد لله انه ماطاح وانكب عليها منيرة سرعت حق شهد..
منور وهي تصارخ: شهد..شهد..شفيتش ردي علي ..يما ..يما ..نهى......نهى..
نهى طلعت بسرعه لفوق ..
نهى:منور شفيها شهد..شهد
منيرة:ماادري ..ماادري
رقت أم عبد الرحمن وبو عبد الرحمن لأنهم كانوا بالحديقة قاعدين طلعت الخدامة وقالت لهم أن منيرة تصارخ فوق بسرعه شالوا شهد وودوها المستشفى قسم الطوارئ منيرة من الخوف دخلت غرفتها وقفلت عليها وقعدت تصيح ياترى شهد شفيها ؟؟

تابعونا في الحلقة القادمة ؟؟::،،


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 5
قديم(ـة) 09-12-2009, 02:20 PM
صورة misS Rody الرمزية
misS Rody misS Rody غير متصل
©؛°¨غرامي جديد¨°؛©
 
الافتراضي رد: رواية شهد وسعود والامل الموعود للكاتبه غلا شرقاوي كامله


عوااااااافي على التكمله ياليت التكمله

موفقه

تحياتي
رودي

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 6
قديم(ـة) 09-12-2009, 03:45 PM
صورة غزلان البدو الرمزية
غزلان البدو غزلان البدو غير متصل
الحمَدلله علىَ كَلْ حآلَ .. ♡
 
رد: رواية شهد وسعود والامل الموعود للكاتبه غلا شرقاوي كامله


آلسِلآمٍَ عُليًگمٍَ وٍرٍحِمٍَة الله وٍبُرٍگآتِهُ

گيًَفٍ آلحِآل يًآبُنٍوٍتِآتِ؟؟

مٍَآشُوٍوٍَفٍ تَِفٍآآعُل مٍَعُ آلرٍوٍوٍآآيًهُ

ليًهُ مٍَآعُجَبُتِگمٍَ؟؟

مٍَنٍتِظِرٍهُ رٍدُوٍدُگمٍَ عُلىٍ آحِرٍ مٍَنٍ آلجَمٍَرٍ


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 7
قديم(ـة) 10-12-2009, 12:33 AM
صورة الزعيـ A.8K ـمه الرمزية
الزعيـ A.8K ـمه الزعيـ A.8K ـمه غير متصل
δЯέαмş
مستشــ¸.·* غرام *·.¸ـــاري
 
الافتراضي رد: رواية شهد وسعود والامل الموعود للكاتبه غلا شرقاوي كامله


,’


بسم الله


يعطيك العــآفية
موفقة إن شــآء الله


https://forums.graaam.com/238622.html




,’


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 8
قديم(ـة) 10-12-2009, 07:54 AM
صورة غزلان البدو الرمزية
غزلان البدو غزلان البدو غير متصل
الحمَدلله علىَ كَلْ حآلَ .. ♡
 
الافتراضي رد: رواية شهد وسعود والامل الموعود للكاتبه غلا شرقاوي كامله


**البارت الثالث**


في المستشفى كان موجود بوعبدالرحمن وأم عبدالرحمن ونهى شوي إلاويجيهم سعود مسرع..
سعود وهوينافخ:شصاير شفيها شهد؟
أم عبد الرحمن:ومن قالك ان شهد فالمستشفى؟
سعود:رجعت البيت بعد ماجيت من عند عبدالرحمن وما شفت احد ولا شفت شهد وسألت ميري وقالت لي المهم يما شهد شفيها؟
أم عبد الرحمن:أهدى ياسعود شهد مافيها إلا كل خير.
سعود:نهى أنتي اللي بتريحيني قوليلي شهد شفيها؟
نهى:شهد أغمى عليها في البيت وإلين الحين ماندري شنهو فيها لأن الدكتورة لسه داخل.
سعود:طيب من متى وهي عندهم؟
أم عبدالرحمن: ماادري يمه تقريبا ساعه .
نهى راحت وجابت لسعود ماي عشان يشرب ويهدي من الروعه. شوي وتطلع الدكتوره وتطمنهم.
ٍٍٍٍٍٍٍٍٍٍسعود :ها دكتورة طمنيني شهد شفيها وياخذ الماي من نهى ويشكرها .
الدكتوره: لاابدا كان مجرد ضعف عندها الظاهرانها ماكلت شي ابدا وهذا مش زين لالها ولا للجنين.
سعود:أي صح هي من امس ماكلت شي .
أم عبدالرحمن:طيب دكتورة ممكن ندخل نشوفها؟
الدكتوره:أي ممكن تدخلون بعد متطلع الممرضة من عندها بس الله الله بالتغذيه العدله والالتزام بالمواعيد اللي راح أنا اشرف عليهاانشالله الين متولد بالسلامة،عن إذنكم بروح اكتب لها العلاج اللي راح تاكله انشالله
طلعت الممرضة ودخلوا كلهم ، شهد كانت تتألم من راسها ومن بطنها .
سعود:الحمدلله على السلامه.
شهد ابتسمت له ابتسامه خفيفه ورجع الألم لها مره ثانيه.
رجعوا البيت كلهم ماعدا سعود راح الصيدلية يشتري العلاج اللي كتبته الدكتوره .
نهى دخلت وماسكه شهد ،شهد ماقدرت ترقى الدرج لأن ظهرها يوجعها من الطيحه اللي طاحتها وطلبت من نهى انها تجلسها فالصاله.
دخل ناصر ومعاه ولده جايين من محل بلاي ستيشن.
ناصر:السلام عليكم دار قوم مؤمنين.
الجميع:وعليكم السلام .
ناصر:ألا انتوا طالعين ولا داخلين؟
نهى :لاداخلين .
تركي ولدهم(3سنوات):ماما وين يحتوا؟
(تركي ولدهم التق في حرف الراء)
نهى:حبيبي رحنا المستشفى وجينا.
ناصر:ليه سلامات ؟
نهى:شهد تعبت شوي عليناووديناها نتطمن عليها
ناصر:لالاماتشوفين شرالحمدلله على السلامة.
شهد:الله يسلمك.
بعد ربع ساعه نزلت أم عبد الرحمن من فوق ويستلمها ناصر
ناصر:يامرحبا بمن حضر يامرحبا يامرحبا.
أم عبدالرحمن:هلا يما وينك اليوم ماتغديت معانا؟
ناصر: آماه ألا تعرفين اني لااحب السمك؟
أم عبد الرحمن:واضح ماتحبه ذاك اليوم يوم نهى اللي طبخته كلت.
ناصر:كنت مشتهي اكله فقط لاغير.
أم عبدالرحمن:روح زين هذا مش عذر.
ناصر:أماه هل زعلتِِِ ؟
أم عبدالرحمن:أي زعلت.
ناصر:هلا أعطيتني يداك الكريمتان لأقبلهما لعلكِ أن تقبلي اعتذاري خذ أيدينها وباسهم بعدين قال
ناصر وهو يعيب على كلام ولده :يالله تيوكي نيوح فوق نلعب بلاي ستيشن.
تركي:يالله.
رقوا فوق وشوي وتلحقهم نهى ويدخل سعود ويسلم عليهم ويقعد قريب عند شهد.
سعود:ها شهد شلونتش الحين أحسن .
شهد:الحمدلله أحسن بس ظهري الين الحين يألمني.
سعود:طيب ليتش مارقيتي فوق ترتاحين.
شهد:اقولك ظهري يوجعني من الطيحة.
سعود:انزين لاتعصبين ماأبي ولدي ولا بنتي يصير عصبي وصياح .
شهد ابتسمت وقالت له يوديها فوق .
سعود وشهد رقوا فوق لما وصلوا سمعوا أم عبدالرحمن تطق الباب على غرفة منيرة عشان تفتح .
سعود وصل الغرفه ومنيرة فتحت الباب وتشوفهم داخلين بس ماشافوها
ام عبدالرحمن: أنتي ماتقولين لي الى متى راح تجلسين في هالغرفه قافله على عمرتش الباب ؟
منور وهي منزلة راسها:.................؟؟ !!!
ام عبد الرحمن:روحي الحين ابوتش يبيتش تحت في الحديقة.
منور:انشالله.
أم عبد الرحمن نزلت تحت ومنور تسكر أنوار الغرفه وتسكر الباب الا وتشوف سعود طالع من الغرفه ومعاه 5اكياس من محل بدون اسم ومن
Eccessories ومنfacec ومن zara ومن viss ومنchristal Dior منور يوم شافته نزلت راسها بعدين أرفعته ونادته
منور:سعود
سعود وهو منزل راسه وواصل عند الدرج بينزل:نعم
منيرة:سعود أناآسفه على اللي صار أمس
سعود التفت عليها وقال لها:اللي المفروض تعتذرين له هناك في ذيك الغرفه .
منيرة ودموعها على خدها :سعود والله موقصدي اني أقول هذا الكلام والله كنت معصبه وأنت تعرفني اذاعصبت أقط كلام وامشي .
سعود ابتسم وقال لها :على العموم أنا سامحتتش لأني عارفش تصيرين منور ثانيه تطلع لتش قرون وشياطين .
منيرة ضحكت وقالت:سعود أكيد سامحتني ؟
سعود وهو يضمها:إي يالدبه أكيد تبيني أنا ماأسامح منوري أختي الصغيرة آخر العنقود سكر معقود يالله عاد مسحي هالدموع يالنونو .
منيرة مسحت دموعها وضحكت .
سعود ضحك وقال لها:
سعود وهو يشيل الأكياس من الأرض: تفضلي هاذي الأغراض اللي طلبتيها أمس واليوم جبتها لتش اليوم.
منيرة وهي تاخذ الأكياس :وأنت شدراك أني أبي الأغراض هاذي؟
سعود: شهد دقت علي فالعمل وقالت لي اللي تبينه من السوق وانا رحت بعد ماغسلت السيارة السوق وشريتهم ورجعت من بيت عبدالرحمن بعد ماصليت المغرب وسمعت اللي صار لشهد وانا لو ماشفتش الحين كنت راح أعطي الأكياس أمي تعطيتش إياهم.
منيرة:إي أنا السبب في اللي صار لشهد.
سعود:إي هي المسكينة كانت تبي تسويها لتش مفاجأة اذا صحيتي من النوم واعتذرت لتش راح تعطيتش إياهم وتقول لتش أن أنا ياسعود اللي رحت وشريتهم فهمتي ؟
منيرة:أنا ماهمني الأغراض أهم شي أبي شهد ترضى علي!!
سعود:لاشهد راح ترضى عليتش شهد قلبها طيب وكبير وترضى بسرعه صدقيني.
منيرة:سعود شهد الحين فالغرفه ؟
سعود:أي بالغرفه بس الحين بتتروش وتصلي.
منيرة:طيب إذا خلصت كلمني على الجوال علشان اروح لها .
سعود:أوكي بس أتمنى أن الأغراض تعجبتش.
منيرة: اذا منك أكيد راح تعجبني ..مشكور ياسعود.
سعود:العفو.
منور راحت الغرفه وقعدت فوق السرير وفتحت أول كيس وكان من
Christal Dior وكانت عبارة عن علبه فخمه فتحتها وكانت عبارة عن ساعة فضيه حديد كلها كريستال من داخل صغار ومن برى كبار منيرة انهبلت عليها،وراحت وفتحت الكيس الثاني وكان من viss وكانت عبارة عن علبتين الأولى جزمه صندل كعب عالي لونه اسود وعلى السير اللي فوق الأصبع الصغيربروش ورده كبيره لونها وردي وعليها كريستال وردي والعلبة الثانية جزمه كعب واطي لونه ابيض وعليه بروش فراشة حجمها وسط فوق الأصبع الكبير ولونها تركواز وعليها فصوص تركوازيه .
منيرة فتحت الكيس الثالث وكان من عندfacec وكانت علبه فخمه داخلها عطر جنان برائحة الفواكه (الفراولة على خوخ) وفتحت الكيس الرابع وكان منzara وكان فيها بلوزتين جيشي وحده بكم قصير وفتحة الرقبه سبعه ووحده كم طويل وكلها أزرار من قدام وكان فيه تايور كامل عبارة عن تنوره قصيرة لونها تفاحي وعلى جوانبها فيها ورود بارزه على شكل طولي لونها فوشي وداخل كل ورده في الوسط كريستاله لونها تفاحي والبلوزة لونها فوشي وعليها في الوسط ورده كبيره بارزه لونها تفاحي وفي الوسط كريستاله لونها فوشي والكيس فيه بلوزتين كم طويل كلها سبورتيه وحده عليها حرفM ولون البلوزة ابيض والحرف لونه احمر والثانية لونها سماوي وفي الوسط رسمةورده ورديه مع بنطلون جينز من الجوانب من تحت الى فوق ورود أصفر مطرزه وعليه فصوص وكريستالات منثورة على البنطلون كله ولون البنطلون أخضر عشبي والبلوزة لونها اخضر عشبي وعليها كريستالات من تحت لونها أصفر ومعاه بنطلون برمودا مزموم من تحت ولونه اصفر ومعاه بلوزه لونها وردي وعليه رسمه أرنب وبنطلون جنز لونه وردي غامق وعليه لمعه من تحت الى فوق على شكل خطوط لونها برتقالي فاتح منيرة انجنت على الملابس وقعدت تناقز على السرير بعدين فتحت الكيس الخامس وهي من بدون اسم وداخلها عباية راس مع الشيله طقم منيرة قامت وقاستها طلعت طويلة يبي لها تقصير شوي وفتحت الكيس الأخير وكان منeccessories وكانت شنطتين الأولى صغيره لونها ابيض جلد ناعمه والسير سلسال حديد ناعم ومرصع كريستالات لونها تركوازي وعليها بروش فراشه تركوازيه على الجنب وعليها لمعه والثانية وسط لونها اسود وناعمة وعليها بروش ورود صغار لونها وردي على جنب وفيها لمعه والسير سلسال حديد ناعم، طبعا الملابس اللي من zara منقسمة لكيستين منيرة تذكرت أن أمها تبيهاقامت وطلعت الا تشوف سعود راقي فوق وشايل معاه صينيه وفيها شوربة خضار وعصير برتقال فريش وصحن معكرونه لازانيا ولابس بجامه لونها سماوي.
منيرة:مشكور ياأحلى وأجمل أخو في الدنيا.
سعود وهو يضحك: عجبوتش؟
منيرة:أي أعجبوني الا دخت وأنا أطالع فيهم لدرجه قمت اناقز على السرير .
سعود:طيب أي واحد عجبتش أكثر ؟
منيرة:بصراحة كلهم يجننون ويهبلون ولابعد ياخذون العقل.
سعود: شنهو ياخذون العقل ماشفتش جنيتي وصرتي خبله .
منور وسعود:هههههههههههههه هه
منيرة:سعود بتودي هذا لشهد ؟
سعود:إي ليش عينش فيه ترى اذا عينش فيه أخذيه هاتش مابي ولدي ولا بنتي يصير فيه شي ترى أحنا ماصدقنا يجي .
منيرة: ههههههههههههههههههههههههه ههه لاتخاف ماني حاطه عيني عليه إلا كم ملعقه حاط أنت؟
سعود:ملعقتين ليه ودش تاكلين معانا ؟
منيرة:أي ودي بس أنت حاط ملعقتين.
سعود:نزلي تحت وجيبيلتش وتعالي .
منيرة: لاسعود امزح معاك تسلم عليكم بالعافية ومطرح ما يسري يمري أنا بروح أتعشى معاهم تحت بس لاتنسى دق لي جوال اذا شهد مانامت اوكي.
سعود:اوكي.
منيرة:سلملم
منيرة نزلت تحت وشافتهم يتعشون سلمت عليهم وقعدت معاهم وحطت نهى لها وسألتها:
نهى:منور تبين بيبسي ولا عصير.
منيرة:طبعا حبيبي وحياتي وعمري بيبسي.
بوعبدالرحمن:منور باباتي وينتش اليوم ماتغديتي معانا تعبانه من شي.
نهى:وين تعبانه يبه هذا التعب اذا شافها يتعب !!
منيرة:ول عليتش قولي ماشالله الله واكبر عليتش.
نهى:هاتش مسكي ماشالله تبارك الرحمن.
أم عبد الرحمن:نهى وين ناصرمانزل يتعشى .
نهى: عمتي ناصر طلع مع نواف وفهد.
بوعبد الرحمن:منور رحتي حق شهد اليوم وسويتي اللي قلت لتش عليه ؟
منيرة:No dad
أم عبد الرحمن: ومتى راح تروحين ؟
منيرة وهي تاخذ البيبسي من على الطاولة: سعود بيعطيني مس كول.
وهم يتعشون دخلوا الشباب ناصر وفهد ونواف وسلموا على أمهم وأبوهم طبعا وراحوا عند التلفزيون ينتظرون مباراة الهلال والنصر أم عبدالرحمن سألتهم اذا يبون يتعشون وهم مابغوا قالوا متعشيين برى ، طبعا نهى تغطت يوم شافتهم داخلين.
منيرة تكلمهم:بل عليكم واصلين فالوقت المحدد نعنبوا توقيت غرينتش
نواف:حبيبتي أحنا موقتينا بالجوال قبل ماتبتدي المباراة بساعة الا ربع عشان نلحق نوصل ونتابعها .
منيرة وهي تاكل شرقت فالأكل تلاحقتها نهى بكاس ماي
فهد وهو جاي يصب له عصير:نعنبو شوي يشوي وأنتي تاكلين شفيتش مشحوفه ماعمرتش شفتي أكل ؟
منيرة بعد ماشربت ماي:ابي أتابع معاكم المباراة ولا ممنوع ؟
ناصر:وأنتي شنهو تشجعين انشالله؟
منيرة بدلع:الهلااااااااال طبعا..!!
فهد:أخس يالرياضيه ولا بعد الهلال !!
نواف:حبيبتي البنات مالهم الا البيت والمطبخ والتنظيف والدراسة بلا تشجيع مباريات بلا بطيخ.
منيرة:ليه ياعمري أنا اكبر مشجعه لفريق الهلال وأنت تدري أن البنات اكبر المشجعين لفريق الهلال وان فريق الهلال يسمونه الزعيم وفريق البنات !!!!!
فهد: قديمه انه مسمينه الزعيم وقعد يكحح ويقول :نعنبو طلعت غبره وأنتي تتكلمين ثانيا والله لو يدري الهلال أن أكثر المشجعين بنات وانه مسمينه فريق البنات كان ينتحرون ولا يعتزلون اللعب ولا يغيرون فريقهم..
ناصر:منور تركيهم تعالي تابعي معانا المباراة ماعليتش منهم .
فهد وهو يغمز لنواف:منور أن طلعتي أي صوت أو تصفير وصراخ راح يجيتش مني إطراق على خدودتش عشان تصير مثل خدود مريم نور مافيتش خدود.
الجميع:هههههههههههههههههه ههههههههههههههههههههههههه ههههههههه
منيرة:يبه شوفهم كل واحد قاعد ويتطنز علي .
فهد:منور امزح وياتش ماشفتيني اغمز حق نواف .
منيرة:لاماشفتك.
فهد:لأنتش عمياء يالدلخه.
بوعبدالرحمن: أقول كل واحد يقوم يرقى فوق ويتابع المباراة فالصالة أنا بقعد هنا أتابع الأخبار مع أمكم.
ناصر:يبه حق شنهو تتابع الأخبار كلها نكد وغم هذاك قتل وهذاك عنده أسلحة دمار شامل وهذاك وقع اتفاقية يبه شلك بالهم والغم اقعد معانا تابع المباراة اقعد ورجع أيام الشباب .
بوعبدالرحمن:ههههههههههههه هههههههههههههههههههه هههه
منيرة:أصلا أبوي مايطالع الأخبار علشان كذا يطالعها علشان الحريم اللي فيها .
بوعبدالرحمن:إي يابنيتي شحلاتهم كل وحده أحلى من الثانية .
ام عبد الرحمن:أفا يعني أنا مو عاجبتك تدري أن هذولا كلهم مسويين عمليات التجميل غير كريمات إخفاء العيوب والشفط والنفخ.
بوعبدالرحمن وهو يطالع فيها ويضحك:ادري أنتي الخير والبركة ياحصيصة ولا هذولا مايغنوني عنتش الله يخليتش لي .
ام عبدالرحمن هنا صار وجهى طماطه هههههههه (هذا الغزل ولابلاش)
العيال كلهم:اوووووووووووووه وقاموا يصفرون ياعيني على الغزل.
ناصر وهو يكلم أخوانه:أقول يبه أحنا مالنا مكان مادام عنتر وعبلة يتغزلون.
قاموا كلهم ورقوا فوق يتابعون المباراة ونهى راحت غرفتها تنوم تركي ولدها وترتب ألعابه.
(طبعا تصميم غرف الأولاد ناصر وسعود نفس الشي بس الأثاث غير )



في غرفة سعود، سعود صار له ساعة يقنع شهد انها تاكل بس شهد ماتبي لأنها كانت تتألم من ظهرها لأن يوم تروشت جات تنبطح على السريرماقدرت وقعدت تصيح من الآلام سعود قال لها تنام على جنب شهد جربت تنام على جنب وارتاحت وخذها النوم سعود دق على المطبخ وقال حق ميري تجي تاخذ صينية الأكل لأن مايشتهي ياكل وضايق صدره على شهد سعود طلع الصينية برى وسكر أنوار الغرفه الاويشوف الجمهور الكريم منيرة وناصر وفهد ونواف يطالعون المباراة وكانت الساعة تقريبا 9وربع وكان اليوم يوم الأربعاء ويوم الأربعاء هو اليوم اللي حريم عيال ام عبد الرحمن يروحون زيارتهم بيت أهاليهم بس اللي صار لشهد اليوم منع نهى من الروحة ، نرجع لسالفتنا سعود طلع وشافهم مندمجين في المباراة اندماج غير طبيعي رقت الخدامة ميري وشالت الصينية ونزلت سعود راح عندهم وسألهم:
سعود:مباراة مين مع مين ؟
الجمهور:................. ..(اندماج غير طبيعي)
سعود: ياناس ياعالم ياهو أنا قاعد أكلمكم مباراة مين مع مين؟؟
ناصر وهو يطالع التلفزيون: مباراة الهلال مع النصر .
سعود:في أهداف؟
نواف وهو يطالع التلفزيون:لا لسه توهم باديين صار لهم تقريبا نص ساعة .
منيرة مندمجة حدها دق تلفون البيت وكان المتصل ام شهد
منيرة:الو
أم شهد:الو السلام عليكم.
منيرة:هلا خالتي وفاء شلونتش شخبارتش ؟
أم شهد:بخير يما أنتي شخبارتش ؟
منيرة:بخير الله يعافيتش.
أم شهد: دوم يربي الا أقول مناير وين الوالدة جالسه ولا نايمه؟
منيرة :لاخالتي جالسه تبينها؟
أم شهد:اي بسلم عليها عطيني إياها.
منيرة: لحظه خالتي .
منور تنادي أمها بصوت عالي:يماااااااااااااااااا ااااااااااااااااا شيلي التلفون خالتي وفاء .
كل اللي جنبها خذوا المخدات وقطوها على وجهه وقالوا لها:وجع.
أم عبدالرحمن شالت التلفون.
أم عبدالرحمن:السلام عليكم.
أم شهد: وعليكم السلام هلا والله شلونتش
أم عبد الرحمن:الحمدلله بخير انتوا شلونكم وشلون يوسف اخوي ؟
أم شهد:الحمدلله بخير وأخوتش بخير ويسلم عليتش .
أم عبدالرحمن:الحمدلله الا وينكم ماتنشافون آخر مره قبل ماتفتح المدارس شدعوه أن كان على الكلب اللي عضكم ترانا ذبحناه.
أم شهد:هههههههههههههه شنسوي بعد فتحت المدارس ولهينا معاها وأخوتش مشغول مع شحنة السيارات اللي جايه بالطريق وقاعد
يخلص الجمرك ومايجي الا 10او11فالليل.
أم عبدالرحمن:ماشالله عليه اخوي صاير شباب مايجي الا11فالليل الله يقويه.
ويدخل عليهم عرض ابواحمد وياخذ السماعة من زوجته ويكلم أخته
(ابوشهد ينادونه أبو احمد لأن ولده الكبير اسمه احمد)
بواحمد:مساتش الله بالخير ياوجه الخير.
ام عبدالرحمن:هلا والله بهالصوت اللي من زمان ماسمعته شلونك شخبارك؟
بواحمد: أنا لوني نفسه ماتغير وأخباري الحمدلله بخير انتوا شخباركم وشعلومكم وعلوم عسوله.. اليوم زيارتها بس ماجات ودقيناعليها بس ماترد عسى المانع خير؟
ام عبدالرحمن:ههههه الحمدلله بخير يحليلك ياخوي ماتجوز عن سوالفك سكتت شوي بعدين قالت
وشهد تعبت اليوم علينا ووديناها المستشفى .
بواحمد:ليه خير شفيها ؟
ام عبدالرحمن:أبد ياخوي عندها ضعف ماتاكل .
بواحمد:وهي عندتش الحين؟
ام عبدالرحمن:لاوالله فوق يمكن نايمه عشان كذا ماردت.
بواحمد:إي يالله اجل ياوخيتي اسلم عليتش.
أم عبد الرحمن:وين تسلم علي خلنا نشوفك بكره مع العيال
بواحمد:بكره لاما اعتقد بكره جمعة أهل وفاء نوديها لهم.
ام عبدالرحمن:طيب تغدوا عندي بعدين ودها وارجع تعشى
بواحمد:الله غدا وعشا بقى الفطور والنوم!!!
ام عبدالرحمن:ويه حياك الله تعال وجيب من يعز عليك .
بواحمد:ماتقصرين والله خلاص بكره انشالله الغدا عندكم.
أم عبدالرحمن:حياك الله .
بواحمد:الله يحييتش مع السلامه .
ام عبدالرحمن:الله يسلمك
فوق الجمهور مندمج منور دقت على المطبخ وقالت لهم يجيبون عصير ويسوون فشار وسعود قال لمنور تقول لهم يسخنون لازانيا لسعود ويجيبونها فوق.

نرجع لأهل شهد أبوها يوسف عنده معرض سيارات في الخبر وهو مشغول الحين في تخليص شحنة سيارات جايه من برى من الميناء أم شهد اسمها وفاء كانت أهي مع أم عبدالرحمن مدرسات يدرسون في مدرسه ثانوية بس تقاعدوا في نفس السنة عند بو احمد أربع أولاد وأربع بنات العيال حسب الترتيب:
احمد متزوج وزوجته اسمها ندى وعندهم يوسف وضوى ويشتغل في الخطوط الجوية السعودية ،شيخه متزوجة وعندها بنتين وولد رؤى وجود وسعد، الثالث شهد ،الرابع سليمان مش متزوج صارله ثلاث سنوات يشتغل في ارامكو السعودية ،الرابع زياد يدرس في جامعة الأمير محمد بن فهد تخصص هندسه معماريه (اعمار خارجي) سنة ثانية ،السادس فارس يدرس في نفس الجامعة اللي يدرس فيها زياد بس فارس تخصص هندسه داخليه،السابع مشاعل تدرس في الكلية تخصص تاريخ سنه أولى ،الثامن مروه تدرس ثاني ثانوي أدبي.


في بيت بواحمد العيال كلهم موجودين يتابعون المباراة وفي نهاية المباراة فاز فريق الهلال على النصر2-1فارس كان مسوي رهان إن إذا فاز الهلال راح يعشيهم في أحسن مطعم صيني في الخبر الربع تجهزوا وقبل مايطلعون قال لهم أبوهم إن بكره راح يتغدون في بيت عمتهم،الربع طلعوا وراحوا المطعم وتعشوا استاكوزا وشوربة الذرة الصينية ومكرونه صينيه حارة بالخضار
رجعوا البيت وراح سليمان وكوى له غتره وكوى له ثوب وطاقية وهو قاعد يكوي دخل عليه أخوه فارس
فارس:شفيك قاعد تكوي الشماغ ماتدري انه مكوي؟
سليمان:أدري انه مكوي بس علشان الرزة ياثور.
فارس :ماالثور إلا وجهك يالخبل.
سليمان:أقول فارس البس هذا الثوب ولا هذا؟
فارس:الاثنين.
سليمان:لا الثلاثاء وقعدوا يضحكون وضربوا الإيد بالأيد وطلع فارس ونزل تحت يشرب ماي ويشوف زياد يتابع علىDVD فلم عوكل جلس فارس معاه وكان زياد لسه توه مشغله ،نزل سليمان وطوالي على المطبخ يسوي له نسكافيه كبتشينو وجلسوا يتابعون الفلم.
في غرفة البنات مروه ومشاعل عافسين الدواليب حقينهم قاعدين يدورون لبس يلبسونه بكره .
مشاعل: مارو وين البلوزة البرتقالية اللي شريتها من البحرين ذاك اليوم؟
(مارو هذا اسم الدلع لها)
مروه:ماادري يمكن مع الغسيل.
مشاعل: خلاص لقيتها طيب وين التنوره الفوشيه حقتها ؟
مروه:وأنا شدراني يمكن كلتها.
مشاعل : ههههههههههههههه خلاص بلبس التنوره السوداء القصيرة شرايتش حلو؟
مروه:أي حلو أقول بتحطين مكياج؟
مشاعل:أكيد راح أحط خفيف بنوتي وأنتي بتحطين ؟
مروه:of course
مشاعل:طيب شنهو راح تلبسين؟
مروه:بلبس التنوره القصيرة الوردية مع بلوزتها الصفراء اللي فيها ورده في الوسط صفراء بس مدري وينها وقعدت تدور فيها الين حصلتها وراحت كتبت ورقه على باب الغرفة تقول فيها
(يما خلي سونيا(الخدامة) تكوي ملابسي أنا وميمي قبل مانروح بيت عمتي)
البنات صلوا الفجر وناموا بعد مارتبوا ملابسهم .

أنتظروني في البارت القادم بانتظار ارئكم وتفاعلكم .,


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 9
قديم(ـة) 11-12-2009, 03:12 PM
صورة غزلان البدو الرمزية
غزلان البدو غزلان البدو غير متصل
الحمَدلله علىَ كَلْ حآلَ .. ♡
 
الافتراضي رد: رواية شهد وسعود والامل الموعود للكاتبه غلا شرقاوي كامله


**الحلقة الرابعة**

في بيت بوعبدالرحمن الساعة تشير إلى العاشرة صباحا منيرة قعدت من النوم وتروشت ولبست التايور التفاحي اللي شراه سعود لها من zara وجعدت شعرها ،منيرة شعرها لونه اسود ليل ناعم وطايح الين نص ظهرها وقاصته طبقات كثيرة وعلى طول شعرها كله،منيرة قعدت تحط مناكير في ايدينها ولبست جزمه كعب واطي عندها من قبل لونها فوشي ولبست إكسسوارات لونها فوشيه ولبست الساعة اللي شراها سعود لها، وطلعت من الغرفة على الساعة 11 نزلت تحت وشافت أمها قاعده تبخر البيت وراحت وسلمت عليها .
منيرة:ها يما شرايتش فيني حلوه صح.
أم عبدالرحمن وهي تطالع فيها:ومن وين لتش اللبس الجديد؟
منيرة :ليه يما سعود ماقال لتش أن شهد دقت عليه وقالت له الأغراض اللي أبيها أمس وراح السوق وشراهم ؟
أم عبدالرحمن: إلا قال لي بس أنتي رحتي لشهد أمس وتحمدتي لها السلامة؟
منيرة:لايمى يوم جيت بروح لها قال سعود أنها نايمه،المهم يما شرايتش فيني؟
أم عبدالرحمن:تهبلين تقطعينهم بالعافية .
منور:thanks
في بيت بو احمد صحى سليمان و تروش ولبس وراح وصلى الظهر مع أبوه وإخوانه بعد الصلاة ركبوا السيارة ومشوا وهم فالسيارة زياد تكلم
زياد:يبه خلصت جمرك السيارات حقينك؟
بواحمد:أي يابوك اليوم دقوا علي وقالوا خلصت بس بقى نشحنها للمستودعات.
سليمان:مبروك يبه الله يعطيك خيرهم ويكفيك شرهم وشر عيال الحرام.
بواحمد:آمين يارب العالمين تسلم ياولدي.
فارس:أقول يبه شرايك كل يوم تعطيني وحده اكشخ فيها قدام ربعي؟!!
بواحمد:ليه أنا شاريهم لك ولربعك ولا شاريهم نترزق الله .
زياد:فهمت يالدلخ نترزق الله.
بواحمد:لاتقول عن أخوك دلخ ياثور؟؟!!!
سليمان:يعني تبي تكحلها عميتها الحمد لله والشكر.
ضحكوا كلهم على أبوهم.
في بيت بوعبدالرحمن سعود صحى من النوم الساعه12ونص وشاف شهد قاعده تطلع لها لبس عشان تلبسه .
سعود:صباح الخير.
شهد:قول مساء الخير مش صباح الخير.
سعود ضحك وقام ورتب السرير
شهد:غريبه ترتب السرير..
سعود:مراعي الظروف المهم شخبارتش الحين أحسن؟
شهد:الحمدلله أحسن.
شهد ضحكت وسعود دخل الحمام وقال لشهد تجهز له ملابس بيتروش.
شهد جهزت لسعود ملابس وعطرتهم وراحت ورتبت غرفة الجلوس
سعود بعد ماتروش طلع ولبس ملابسه وصلى وهو يلبس الشماغ
سعود:مشكورة ياحياتي عطرتي الملابس.
شهد وهي تجلس شوي شوي على الكرسي:هاذي مو أول مره أعطر فيها الملابس شمعنى هالمره شكرتني؟
سعود:ماادري يمكن لأنتش من زمان مارشيتي لي من هذا العطر على ملابسي.
شهد:سعود تتذكر هذا العطر؟
سعود:ههههههههههههههه ههه وهل ينسى يوم تعطيني إياه في أول لقاء بعد الملكه عطيتيني إياه جيت بآخذه طاح مني وانكسر من الخوف ويوم جاء اللقاء الثاني جبتي لي واحد مثله!!؟؟
سعود: لا وما تتذكرين يوم تأكليني الحمص بالشوكة من الخجل والربكة حطيتيه بخشمي.
شهد:ههههههههههههههههههههه ههههههههههههههههههههههههه هههههههه
شهد:الله ياسعود أيام تهبل ياليت ترجع لو يوم علشان نضحك على عمرنا
ضحكوا وقبل مايطلع سعود قال لها أن أهلها بيجون اليوم على الغدى وقبل مايطلع باسها على جبينها بعدها طلع.
شهد قامت وبدلت ملابسها ولبست جلابية موديل صيني لونها عنابي وعليها تطريز ورود ذهبي فاتح ناعمه كم طويل وحطت ميك آب بس بدون بودرة لأن شهد بشرتها بيضاء وعيونها وسيعه بس مو كثير ولونها عسلي غامق وشفايفها صغار ورديه وشعرها لونه بني غامق طبيعي ناعم وطايح الين نص ظهرها وشهد ضعيفة وطولها وسط المهم حطت شدو لونه عنابي وفوقه أدمجته بشدو لونه ذهبي فاتح وحطت كحله قلم وبلاشرلونه وردي فاتح وروج وردي وفوقه لمعه خفيفة ومسكت شعرها بمساكه لونها ذهبي ومليانه ريش وكريستالات وهي تتعطر منور طقت الباب عليها
شهد:مين؟
منيرة: أنا منيره ممكن ادخل؟
شهد:حياتش.
دخلت منور وشافت شهد قاعده تدخل علب الميك آب
منيرة:شهد ممكن أتكلم معاتش ؟
شهد وهي مبتسمة:تفضلي.
منيرة:شهد أنا آسفة على اللي صار قبل أمس كنت معصبه ومنقهره من سعود سامحيني.
شهد:منور أنا المفروض اللي اعتذر لأن مزحي كان ثقيل ولو ادري أن هالمزحه راح تسوي هالبلاوي كان أقنعته يوديتش من زمان وان كان علي أنا فأنا مسامحتش من كل قلبي .
منيرة:أكيد؟
شهد:أكيد ها ارتحتي ؟.
منيرة: أي ،طيب شهد مشكورة على الأغراض اللي خليتي سعود يشتريهم.
شهد:أولا كل هذا عشان ترضين علينا ياأم زعل قوي و ثانيا لاشكر على واجب.
منيرة: هههههههههههههههههههه أنزين شرايتش في لبسي ؟
شهد:متى شريتيه ليكون من اللي الأغراض اللي ....................؟!!!
منيرة:إي هذا هو شرايتش فيه؟
شهد:واااو جنان والساعة بعد جنان مشالله ،عليتش بالعافية بس أقول ماتلاحظين سعود يعرف يختار اللبس اللي يناسبتش؟
منيرة: إي صح
شهد:ترى بديت أغار؟؟!!!!
ضحكوا بعدين منيرة ساعدت شهد أنها تقوم و طلعوا مع بعض من الغرفة إلا وأم عبدالرحمن راقيه فوق جايه من تحت شهد سلمت عليها
أم عبدالرحمن:هاشهد شلونتش الحين انشالله أحسن؟
شهد:الحمد لله أحسن.
أم عبدالرحمن:شهد تقدرين تنزلين تحت ولالا؟
منيرة تدخل عرض عليهم:لايمى شهد ماتقدر ألحين يوم أقومها باليالله قامت اجل تبينها تنزل وترقى درج أنا أقول نخلي الحريم يقعدون هنا فوق في غرفة الجلوس ونتغدى في غرفة الطعام اللي فوق شرايتش يمى.
أم عبدالرحمن:ها شهد شرايتش؟
شهد:اللي تشوفينه عمتي.
على الساعة 1وصلوا العيال وبيت بواحمد الرجال في مجلس الرجال والحريم فوق في غرفة الجلوس مروه ومشاعل ومنور قاعدين في غرفة منيرة ، ومنور قاعده تكلم عمتها سارة على الماسنجر:
منيرة:عميمه مادريتي انخطبت لولد خالي سليمان الكمخه.
سارة:من صجتش يالدوده؟
منيرة:إي أمس ملكوا علي.
سارة:أقول قصي على هندي حبيبتي موانا اللي ينقص علي يالدلخه.
مروه ومشاعل قعدوا يضحكون ويعيبون عليها يالدودة.
منيرة:زين عمتي يرضيتش مارو وميمي يضحكون علي؟
سارة:مين مارو وميمي خداماتكم؟
مروه ومشاعل وقفوا الضحك وقعدت منور هي اللي تضحك عليهم وتمسك مشاعل اللاب توب وكتبت:
مشاعل:مساء الخيرسارونه أنا مشاعل وأختي مروه خوات شهد.
سارة:من شهد؟
مشاعل:زوجة سعود.
سارة:هلا وغلاشخباركم وشخبار الوالدة؟
مشاعل :تمام الحمد لله أنتي شخبارتش وشخبار توم أند جيري
سارة:أنا زينه الحمد لله وتوم وجيري طيبين واحد يجلس وواحد ينام.
مشاعل:زينه ولا نحول هههههههههه.
سارة:ههههههههههه ياحليلكم والله خفيفين دم أحسن من الدودة المهم سولفولي تدرسون ولا متزوجين ولامخطوبين؟
مشاعل:ليه يتخطبينا لزوجتش؟؟!!!
سارة:شنهو مابقى إلا هي أقول عطيني منور أستحملها ولا أسمع هالكلام اللي يغث ويخلي المزاج مو جين.
مشاعل:امزح معاتش أنا أولى كلية تاريخ ومارو ثاني ثانوي أدبي ارتحتي يعني مانصلح لزوجتش لسه صغار.
سارة:شنهو حبيبتي يعني زوجي شايب تراه لسه شباب عمره 33.
مشاعل:واااااو سن النضج والركاده والرزانة الله يهنيكم ويخليكم لبعض.
سارة: تسلمين ياقلبي أقول مين اللي جاي للثاني انتو ولا منور.؟
مشاعل:لا أحنا اللي جايين.
سارة:وين الدودة؟
مشاعل:طلعت تشرب ماي عطشت.
سارة:كم الساعة عندكم؟
مشاعل:الساعة 2إلاربع ظهرا بتوقيت الدمام.
سارة:آه يالدمام اشتقت لها ولهواها ولبحرها يابختكم.
مشاعل:ليه أنتي من متى ماجيتي السعودية؟
سارة:من تزوجت يعني من ثمان سنوات.
مشاعل:الله الله الله وحطت وجه مندهش.
سارة:إلا الدمام تغيرت؟
مشاعل:إلا خبرتش قديم تغيرت فتحوا مجمعات جديدة فتحوا الشاطئ مول والمارينا مول وغير الواجهات البحرية والمجمعات النسائية.
سارة:بس خلاص شوقتوني وحرقتوا قلبي وين منور؟
مشاعل:لقد أتت سلملم.
دخلت منور وقالت لهم أن الغداء جاهز وقعدت تكلم عمتها
منيرة:عمتي تعالي أنا اليوم عازمتش على الغداء.
سارة:وش الغداء؟
منيرة:رز ولحم وفوق الرز حشو وغير السلطة ومين اللي طابخه مرت أخوتش حصوص .
سارة:منور ووجع خلاص زغازيغ بطني طلعت عاد أنا حدي جوعانة.
منيرة:وشنهو اللي مانعتش أنا قلت لتش تعالي أنا عازمتش.
سارة:سيارتي أم الريش خربانه يالدلخه.
منيرة:هههههههههههههه ه عميمه مادريتي شهد حامل.
سارة:حلفي من متى ؟
منيرة:توها راحت كشفت وقالت لها الدكتورة أنها فالشهر الثاني.
سارة:وسعود فديته شمسوي؟
منيرة:طاير من الفرحة.
سارة:يستاهل والله.
منيرة:يالله عمتي ينادوني اتغدى ولا تطولين ترى مصختيها دخلي النت ومتى راح تجين من تزوجتي مازرتونالهالدرجه ماليزيا خذتكم عنا .
سارة:شغلي الكاميرا وشوفيني.
منيرة:مش عندي عند نواف،المهم متى راح تجين؟ولهت على توم وجيري والله اشتقنا مانشوفهم الا بالكاميرا وأشرطة الفيديو.
سارة:ماادري احتمال بعد أربع شهور اواكثر ماأدري واحتمال أجي إذا خلص زوجي.
منيرة:وليه كم بقى لأبو زيد الهلالي ويخلص(زوجها اسمه زيد)؟
سارة:1 years
منيرة:صحيح، راح الكثير و مابقى الا القليل
سارة: أي والله يامنور زهقت شكلي راح أجي لكم وما أتكلم معاكم إلا مثلهم ههههه.
منيرة:هههههه يالله عمتي بايات.
سارة:باي بروح أدق على سعود وأبارك له في عز أكله تشاو.
منيرة: هههههههههه أحسن توقيت سلملم.
سكرت منور اللاب توب وراحت تتغدى .
سعود وهو يغسل إيده دق تلفونه الجوال بعد مانشف ايده شاف الجوال وكان المتصل عمه سوسو سعود ضحك يوم شاف الجوال ورد عليها
سعود:هلا والله بهالصوت اللي من زمان ماسمعناه شلونتش و شخبارتش
سارة:هلا والله فيك أنا الحمدلله بخيرانت شلونك شخبارك يالقاطع .
سعود:الحمد لله بخير أنا القاطع ولا أنتي تدخلين بس متخفية..!!!!
سارة:ههههههههههههههه ه فديتك والله إلا سعود أشم ريحة رز ولحم وسلطه؟؟..!!
سعود:هههههههههه أي والله لهالدرجه ريحة طباخ أمي واصل ماليزيا ثانيا شدراتش؟؟
سارة:الدودة قصدي العصفورة قالت لي.
سعود:للحين ياعمتي تسمينها الدودة صار عمرها 20وللحين تسمينها؟؟
سارة:والين ماتعجز أنت ماشفتها وهي صغيرة شلون تزحف، تزحف على شكل منحنيات مثل الدودة كأنها مشاركه في مسابقة الزحف لطريق الكنز بس بطريقة الدودة.
سعود:هههههههههههههههههههه ههههههه آه ياليتني شايفها.
سارة:وين تشوفها وأنت فلعب الكره .
سعود:إي ياعمتي ياني مشتاق للعب الكره تصدقين مالعبت كره من تزوجت صرت كسول!!؟
سارة:يعني صرت بوتمبه؟؟
سعود:لا للحين بكامل رشاقتي .
سارة:سعود أنا زعلانه عليك.
سعود: أفا ..ليه الحين بعد هالسوالف والضحك تزعلين ليه؟
سارة:الحين كل هالعالم يدري أن شهد حامل إلا أنا ؟؟؟!!!
سعود:والله ياعمتي كنتي على بالي اليوم قلت لما أفضى راح ادخل واكلمتش واقولتش.
سارة:خلاص راح الزعل وعلى العموم ألف مبروك
سعود:الله يبارك فيتش.
سارة:يالله اسلم عليك ولاتنسى تسلم عليهم مع السلامة.
سعود:يبلغ انشالله مع السلامة.
في مجلس الرجال بواحمد وبوعبدالرحمن قاعدين يسولفون عن السيارات وسليمان وفارس وزياد ونواف قاعدين يسولفون عن مباراة أمس
سليمان:أقول نواف شفت المباراة أمس؟
نواف:أي شفتها بس ماتلاحظ في الأخير كلها ضربات جزاء ؟
سليمان:أي بس كلها حماس في الأخير.
زياد:لو انك متابع المباراة في بيتنا كان كسبت معانا الرهان وطلعت وتعشيت في أحسن مطعم صيني .
نواف:لو ادري كان تابعتها بس انتوا فيكم نذالة غير طبيعيه تسري مثل الدم على الأقل طلعت معاكم خصوصا في نهاية المباراة حسيت بجوع غير طبيعي ومنورالدلخه عازمتنا على فشار وعصير.
فارس: ابشر بسعدك اليوم أعشيك سندوتش فلافل وكبده شرايك؟
نواف:أقول خلها فطور أحسن.
زياد:لايبشر ولد عمتي أنا اليوم عازمكم على العشاء وانتو اللي تختارون المطعم شرايكم؟
نواف:موافقين .
أذن العصر وقاموا العيال والرجال يصلون وبعد الصلاة طلعوا العيال بسيارة سليمان وراحوا يتمشون في الخبر.

أنتظروني

:::


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 10
قديم(ـة) 11-12-2009, 03:13 PM
صورة غزلان البدو الرمزية
غزلان البدو غزلان البدو غير متصل
الحمَدلله علىَ كَلْ حآلَ .. ♡
 
الافتراضي رد: رواية شهد وسعود والامل الموعود للكاتبه غلا شرقاوي كامله


بآنتِظآرردودكَم وتِفآعَلكِمْ


.


.’


الرد باقتباس
إضافة رد

رواية شهد وسعود والامل الموعود / للكاتبة : غلا شرقاوي ، كاملة

الوسوم
رواية شهد وسعود والامل الموعود للكاتبه غلا شرقاوي كامله
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
رواية سرق حياتي / الكاتبة : معاني ، كاملة كـــايـــد الـــريـــم روايات كامله - يتم نقل الرواية هنا بعد اكتمالها 43 06-07-2017 07:00 AM
رواية شكيت من حظي وخيبتني ظنوني / للكاتبة : بحر الغلا ، كاملة خايف ياقلبي روايات كامله - يتم نقل الرواية هنا بعد اكتمالها 99 17-10-2016 01:49 AM
إفهم إنك تموت و ما تثير إهتمامي / الكاتبة : إنسكاب الجاذبية ، كاملة آحسآس صآمت روايات كامله - يتم نقل الرواية هنا بعد اكتمالها 718 04-05-2016 08:52 PM
رواية وينك ياراحة / للكاتبة اقوى من الزمان كاملة ~ آًمْنِيَــــآتْ ارشيف غرام 2 11-07-2009 01:48 AM

الساعة الآن +3: 02:10 PM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


youtube

SEO by vBSEO 3.6.1