اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام

عـودة للخلف   منتديات غرام > منتديات روائية > روايات كامله - يتم نقل الرواية هنا بعد اكتمالها
الإشعارات
 
أدوات الموضوع طريقة العرض
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 11
قديم(ـة) 19-12-2009, 02:48 AM
صورة أقوى شي الرمزية
أقوى شي أقوى شي غير متصل
©؛°¨غرامي فعال ¨°؛©
 
الافتراضي رد: رواية سرق حياتي / للكاتبة : معاني


وييييييييييينك مجروووووح

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 12
قديم(ـة) 19-12-2009, 03:26 AM
صورة كـــايـــد الـــريـــم الرمزية
كـــايـــد الـــريـــم كـــايـــد الـــريـــم غير متصل
شـــلــة الــزعــيــم
 
الافتراضي رد: رواية سرق حياتي / للكاتبة : معاني


الجزء الخامس


وصلوا حمد و نورة أخيرا عند بيت (بوحمد) كانت نوره في داخلها مرتبكه شويه.. بس ما حبت اتقول (حمد) لان بطول الطريج و هم يايييين محد اتكلم كل واحد يفكر بشيء .. و هي كنت تتمنى اتعرف فـ شو كان (حمد) يفكر

دخل (حمد) البيت كان البيت من دور واحد بس وايد عود ..قالت نوره فـ خاطرها أكـــــيد هييل وايد راهيين وايد وايد بعد .. من حقه (حمد) يطمع بكل هالاملاك ..

سار (حمد) الصاله و كانت نوره معاه ..جافت (نوره) شخصين فـ الصاله و كانت شبه أكيـــد ان ان هيييل الشخصين(أم خالد) الي هي مرة ابو حمد و الشخص الثاني (بو حمد )
حمد :_ هلالا بالشيييييبه يا حيييك خشمك..

بو حمد : هلا و الله اخيرا جفناك ما بغيت تزورنا ..
حمد : و الله انتوا الي طولتوا اليلسه هني ..ترا الامارات مب شي من دونكم ..

بو حمد:يضحك) مدري طالع لمنو جذاب انت .منو هاي الغاويه الي عندي ..
اجدمت نوره لما سمعت اسمها
حمد:_ ها ها حدك عاد تراها زوجتي خلاص

ضحك بوحمد : تعالي يبه تعالي
مدت نوره ايدها اتسلم ع (بو حمد ) و تبوس راسه
و بنفس الوقت تحرك (حمد) يسلم ع (ام خالد)

حمد : تعالي سلمي ع الغاليه .
ام خالد : هلا بنتي مبروك
نوره (وهي اتسلم ) الله يبارك فيج عموه .

يلس حمد و يلست نوره حذاله مجابلين (بو حمد) و ام خالد كانت يالسه ع يمين (نوره)
بوحمد:_ زارتنا البركه يبه .
حمد:_ الله يخليك يبا .
ام خالد: اشحالج بنيتي عسى مب مأذنج حمد ؟

نوره مبتسمه : الحمدلله ربي يعافيج .
ام خالد : ما شا الله ع حرمتك يا حمد باين عليها بنت عرب و أياويد .
بوحمد : ان شا الله مرتاحه ..تراني اقول حمد تعال ايلس معانا كم يوم البيت متروس حجر فاضيه .. بس هو الله يهديه عنيد .

نوره :ان شاء الله حمد ما بيقصر كل يوم بييبنـي عندكم .
حمد : شو السالفه مسرع نسيتونـي يالسين ترمسون و مخليني ابروحي ..
*حست نوره بجو عائلي بعمرها ما حست فيه من قبل و قالت فـ خاطرها لو يشاركها عمووور جان بتكتمل فرحتها .

انتبهت لصوت (بوحمد) يوقف و معاه (حمد)
بوحمد: تعال معاي المكتبه انسولف شوي ..و انتي يا بنتي خذي راحتج ترا البيت بيتج و لا تستحين .
نوره :- تسلم عمي .

طالعت (نوره) حمد و هو رايح المكتبه و هم (حمد) بنفس الوقت يلس يطالع (نوره) بنظرات حست (نوره) يقصد ان يطمنها و انها تاخذ راحتها

أم خالد :_ تعالي يا بنتي يلسي حذالي
قامت نوره من مكانها و يلست حذال (أم خالد)

أم خالد : تصدقين عمرنا ما توقعنا ان حمد يمكن يعرس كان رافض فكرة الزواج مول و شايلنها من راسه .
نوره في خاطرها لازم بيزات ابوه بتخليه يغير رايه و يتزوج الف وحده .
نوره : كل شي نصيب مثلا انا ما توقعت اني اتزوج حمد مع اني جفته مره بس .

أم خالد: هيي قال لي انه جافج فـ بيت ربيعه و عيبتيييييه
*نوره فـ خاطرها عمي بعينه عيبته ها راعي القمار.
أم خالد: الا ما قلتيلي وين ابوج ؟

نوره: ابوي متزوج و عايش في (حتا)
أم خالد :_ بعيد عنكم هي .
نوره (و هي تجذب) لا بس يزورنا ابصراحه مب مقصر معانا
ام خالد: و امج الله يرحمها .

نوره: هي توفت يوم كان عمر أخوي عمور ست سنوات .
أم خالد : ان شا الله الله يعوضني فإمج اذا كان ما عندج مانع ..صح حمد مب ولدي بس انا مربتنه من كان عمره سنتين و احب له الخير شرات ولدي خالد .

نوره : الله يخليج لهم و لي و انا ها شرف لي اني اكون شرات بنتج .
*دق جرس الباب و جافت نوره الشغاله تفتح الباب دش ولد صغيييير يركض صوب أم خالد و لما انتبه لوجود نوره تم يطالعها مستغرب وجودها

أم خالد: روووح سلم ع حرمة خالك يلالا
الولد ما طاع يتحرك تم بحضن أم خالد توقعت نوره يكون ولد بدريه
أم خالد :- ها سلوووم ولد بنتي بدريه

نوره : تعال حبيبي سلم ..
اجدم الولد و مد ايده لنوره و رجع ابسرعه بحضن أم خالد
ضحكت نوره و ام خالد لموقف سلوووووم

بدرية : ها يمه ترانـــــي اغار وايد ..
وقفت نوره اتسلم ع بدريه و جافتها تشبه خالد وايد .
بدرية : شحالج حرمة اخوي

نوره : ابخير الله يسلمج .
بدريه مبروووووك ع الزواج المفاجأ .
ضحكت نوره : الله يبارك في حياتج .
تحركت بدريه ورا ها خليل ريلي
و كان خليل شال ياهل صغير تقريبا عمره تسع شهو ر
خليل : شحالج نوره .
نوره بخير الله يسلمك

.أم خالد: عيل وين خواتك ؟
خليل : علايه كانت بتيي بس عواشي مصدعه فتمت وياها
قالت نوره في خاطرها الا تخاف لا تموت قهر يوم بتجوفني مع (حمد)
حمد : هااااا شو سوييتووو بحبيب قلبي.

بدريه : يالله يالله ما انروم
و قامت تسلم ع حمد
طالع (حمد ) نوره كانت شبه متأكده انه كان يقصدها لكن بعد ما طالعها اتاكدت فاستحت و نزلت راسها ..
سلم خليل ع حمد و بو حمد و شويه قاموا يتغدووووون ..
و جريب وقت العصر قام حمد من مكانه
حمد : يلا نواري و الا بتمين يالسه .

بدريه : خلها شويه نسولف
بو حمد : ها الحريم ما يشبعون سوالف .
حمد: ما عليه مره ثانيه شويه الحينه بنطلع .
ام خالد : ابرايك يمه اتحمل فـ البنيه .

حمد ان شااالله امايه
*قام حمد و باس راس امه .. و بعد ما سلموا
طلعوا برع البيت .... وفـ السياره
حمد:- شو رايج بأهلي .
نوره : و الله طيبه حتى اندمجت معاهم ابسرعه .
حمد : و شو قالتلج امايه .
نوره : ماشي بس قالت اعتبريني شرات امج .
حمد : (باين عليه مستانس) الظاهر خذوا عليج ابسرعه .

**كانت نوره بتقول اهلك كلهم طيبين الا انت ما تدري طالع لمنو بس غيرت رايها لانها خافت يعصب عليها .
نوره: كان بخاطري اجوف عواشـي .
حمد (مستغرب) ليش ؟؟
نوره : بس جي ابا اتعرف عليها .اسمها داش بخاطري
حمد: لالالالا و الله عليـــــــنا .
*ووقف عند مبنى عود و قال
حمد : جوفي هناك هاي شركتنا .
نوره : ما شاء الله كل هااا
حمد : هيي اخيرا انا بدير الشركه من باجر .
نوره: يعني خلاص مالي حايه في حيـاتك .
حمد: ترا كنا متفجين ع خمس شهور ..شو تبين الفكه .
**ما تدري نوره اذا تبا الفكه اصلا ولا لا بس وايد ارتاحت لها العايله و اتحس انها اتسد النقص الي في حياتها .بس لو عمووووور موجود كان وايد أحسـن
نوره : حمد بطلب منك طلب .
حمد : آآآمري ؟!
نوره : خل عمور اييي هنـــــي .
حمد : ( رد من دون ما يفكر ) ..لا
نوره : ليش ؟! احس انك ما ادانيه !!
حمد: بس غيري السالفه ولا تطرين ليي ها الي اسمه عمور خير شر .
نوره : (بالحاح) انزين ليش .ليش كارهنه
طالعها حمد : انتي ما تفهمين الرمسه
وصلوا الشقه بعد نص ساعه من طلعتهم من بيت
(بو حمد)
**دشت نوره حجرتها اتغير ملابسها و حمد دخل حجرة المكتب ..بعد ما خلصت يلست فـ الصاله اطالع التلفزيون
و خطرت في بالها عواشي امنو احلى انا ولا هـي وليش حمد ما تزوجها .. هي باين عليها اتحبه بس حمد ما يحب الا نفسه ..طلع حمد من المكتب شايل معاه اوراق
حمد : انا طالع تبين شيء ؟!؟
نوره : سلامتك .
حمد: سوي لي عشاااااا و اكوي لي ملابس عشان الدوام باجر .
صدت نوره صوب التلفزيون
حمد : سمعتي.
نوره : ان شاء الله .
اجرب منها حمد خااااااافت نوره و كانت بتقوم من مكانها .بس حمد وقف مسافه منها
حمد : حظج جي اتحمليني ها الخمس شهور تراني احب اجوفج مستويه ربة بيييت ( و ابتسم ) ما عليه اتعلمي

نوره: زين في بيت عمي شي اكثر من خدامه
حمد : ع بالج ما اروم ايييب خدامه .. بس انا اباج انتي اتسوين لي كل شيء شرات ما كنتي تسوين لعمور كل شي انا مب اقل عنه.

نوره : ليش كل هاا انا شو سويت لك و بعدين عمور اخوي . .
حمد : و انا ريلج و بعدين انا مرتاح جي ابا وحده تطبخ لي و تنظف بيتي و تغسل ثيابــــي .
سكتت نوره مب عارفه شو اترد ..
حمد : امسكي ها .
كان شال موبايل بايده ..
حمد : اظن ما عندج موبايل خذي ها و بداخله بطاقه .و مخزن عليه رقمي .. ولا تردين لاي رقم غريب زين عمري ( يتمصخر )
كانت نوره بتفره بالموبايل الي خذته منه بس طلع برع فصرخت بصوت عالي ..
نوره : يا الميــــــــنون و الله انك معقـــــد .
انفتح الباب فجاه حطت نوره ايدها ع حلجها ..
حمد: بلاج تخبلتي اترمسين عمرج
نوره : هااااااصوت التلفزيون .
حمد: شو اتحسبينــــــي الهندي الي يبييع في دكانكم ..
انا معقد هااا .. ما عليه يوم بيي براويج ..
**يلست نوره تضحك ...وع الساعه 7 قامت اتسوي عشاااا و بعد ما خلصت يلست تكوي ثياب (حمد) دشت حجرة (حمد) كان فيها فضول اتفش الحجرة قطعه قطعه و اتعرف شو داخلها بس خافت لا ايي حمد باي وقت ..
طلعت من الحجرة و سارت غرفة المكتب و توقعت اجوف مكتب مرتب مثل الي كان في الفله بس كان العكس اوراق ملخبطه فوق و تحت استغربت كيف (حمد) اصلا يمشي و و يوصل للمكتب الارضيه

متروسه اوراق .. فكرت اتنظف الحجره و ترتبها بس قالت "خل يولي خل عواشي تنظف له "
و طلعت من الحجره سمعت موبايلها يرن و هي نست سالفه الموبايل و كانت النغمة "لا يزعلك يا نظر عيني غيابي " قالت فـ خاطرها جان ما يقصد عواشي ..

نوره : آآآآآآآلووووو
حمد: ها نوره شحالج ؟
نوره : الحمدلله بخير .متى بتيي ؟

حمد : ليش اشتقتي لي ؟!
استحت (نوره ) بس بعدين حست عمرها سخيفه هو مب موجود حذالها ليش تستحي .
حمد : آآآلوووو وين سرتي .
نوره : موجوده .
حمد :حبيت اطمن عليج ..ان شا الله بعد ساعه بكون موجود اوكى ..
نوره : اوكى خلاص..
حمد : يلا باي .
و صكر التلفون ...يلست نوره ع الكنبه اطالع التلفزيون و مره ساعه و نص و حمد ما شرف اتذكرت يوم كانت تتريا عمور اخوها ...اتمددت ع الكنبه و من غير ما تحس رقدت

قامت و هي اتحس بشيء يتحرك ع خدها ..صدت بسرعه و هي خايفه فجافت (حمد) يبتسم لها و كان يحرك صبعه ع خدها ..
يلست نوره .
حمد: اتاخرت وايــــــد صــــــح.
نوره ( اتفرك عيونها) هي ..رقدت من غير ما احس بعمري ..

جافت (حمد) يطالعها غير ما عرفت شو اتسوي او شو اتقول لانه كان وايد يربكها بنظراته
حمد: تدرين انتي وايد حلـــــــوه ..غير مره عن يوم جفتج اول مره (وابتسم)

و كمل كلامه ..
حمد: ليش كنتي مصبغه ويهج كل مكياج جنج ساحره.
نوره : حبيت اخرع عمور دووووم كنا انسوي لبعض مقالب .
وقف حمد : زين بسير اغير ملابسي لي ما تحطين لي العشاااا....... وسار حجرته.

• استغربت نوره ليش تغير يوم طريت له عمور شو السالفه يا ربي .
سارت المطبخ سخنت الاكل ..و يااه حمد
نوره : وين احط العشاا
حمد: هني فـ المطبخ خلينا نـاكل ع هاي الطاوله .
نوره: احسن بعد عشان ما تروح ريحه الاكل في الصاله و انا توني امدخنه البيت .

تعشى حمد و تم ساكت استغربت نوره من هدوءه ووقف يغسل ايده
نوره : حطيت لك ثيابك في الكبت
حمد: زين مشكوره و يعطيج العافيه ع الطبخه الحلوه ...
و طلع برع من غير ما يسمع حتى رد نوره .
*تمت نوره اطالع الباب و قالت في نفسها "انسان غريب"
قامت غسلت المواعين و سارت ترقد عشان اتنش من وقت اتزهب الريوق حق (حمد)



الجزء السادس




قامت نوره الساعه ست الصبح عشان تلحق اتسوي ريوووق حق (حمد) ..وبعد ما سمعت المنبه يرررررن و جنه (حمد) بعده ما وعى دقت الباب
نوره: حمد قووووم الساعه ست ونـص.. حمممممد
حمد: زيييييين حشرتينـا
نوره: ترا زهبت لك الفطور فـي المطبخ ..
ورجعت غرفتها اتكمل رقادها ..
و ع الساعه 11رن الموبايل
نوره: اوووف منو ها المتصل حشرني .
آآآآآآآلـــــــووو

خالد: هلا و غلا حرمة اخوي ..شو راقده ..السموحه..و الله ع بالي قاعده .
نوره: زيييين شفيك عطني فرصه ارد عليك بسم الله .

خالد(يضحك) :هههههههههاي انتي كل محرجه ..
شحالج

نوره: طيبه طااب حالك ..
خالد: هاا شو بيرووووت ازقرت ولا ..
نوره: مب احلى عن دار زايــد.الا انت وين ؟
خالد: هني تونــــي واصل قلت ادق اتطمن عليج .
نوره: ما جفت عموور .
خالـد : امبلالالا جفته هو ابخير و يسلم عليج و يقولج ان شا الله مستانسه .
نوره: انته رمسته.
خالد: عشان جـــــي متصل لج ...اتصدقين صوتج حلو و انتي ناشه من الرقاد(يضحك)هههههااي
نوره: تطنز ويا ويهك ..زين عطني رقم عمور ..ابا ارمسه خلاص بطرشه لج مسج اووكى ..
نوره : ما تقصر خلـووووود.
خالد:اصغر عيالج خلود
نوره:ههههههههااااااي خلاص ولا تزعل خالد
خالد: يوم بجوف بعطيج بكس ع خشمج .عشان اتحرمين اتقولين خلود
نوره: مب جنج اشتقت لفلعاتي
و تموووووا يضحكون .
خالد: زين اسمحلينا هااا بصكر عنج ..الوالدة اتسلم عليج .
نوره :- عطني ارمسها ..
خالد: اوووووه وهقتينـــــا
نوره : شو السالفه .
خالد: كنت اقص عليج اوني الوالده اتسلم عليج ابروحي ولا ادري وينها
نوره: هي تضحك ) انت دوم جي خبله هههههههه
خلاص عيل برايك ...
خالد: بنخطف عليكم انا و الوالدو الوالده.
نوره : حياكم .
خالد: مع السلامة.

**بعد ما خلصت من الغدا .."غريبه حمد ما دق يطمن علي شرات البارحه ليش ؟"قامت اتنظف البيت اتسلي عمرها و اشويه رن الموبايل ..سارت تركض "أكيـد حمد "
نوره :- آآآآآآآآلــو
حمد: شحالج ؟
نوره : الحمدلله شخبارك ؟
حمد: بخير .وينج سويت لج كم مره ما اتردين ..
نوره : ما سمعت الموبايل كنت في المطبخ اسوي الغدا .
حمد: امممم كنت ناوي اقولج لا اتسوين عشان بييب من برع.
نوره : خلاص ع العشا (وهي تضحك)
حمد:شو رايج اتسير تتعشين فـ بيت بدريه ..
نوره: و انت معاي .
حمد: ليش ما تبييين اييي .
نوره: لا ما ابا اسير ابروحي استحي .
حمد : تستحين !! من متى ؟
نوره: لا و اللـــــــه ..
ضحك حمد : خلاص ابرايج بصكر الحينه
نوره :مع السلامه
وصكر التلفون ..

*حست نوره بملل حتى التلفزيون ممل ..سارت حجرة المكتب و قالت في نفسها .."امممم خلني اجوف شو ها الاوراق " يلست تقرااا الاوراق وجافتها تتعلق بالشركه
..تحركت صوب المكتبه و شغلت جهاز الكمبيوتر "خلنـي العب شويه ليي ما ايي حمد ..اوف مت من اليوع .""
حمد:شو اتســــوين ؟؟
وقفت نوره من الربكه :يالسه العب
حمد(محرج) منو سمح لج تدخلين الحجرة .
نوره : انا كنت ملانه..
حمد مقاطعنها) دوري لج شي تسلين فيه غير ها المكان .
*ما عرفت نوره حمد ليش عصب و كانت تبا تتحرك من مكانها و تطلع برع الحجره بس حمد كان واقف عند باب المكتب
طلع حمد برع المكتب .. حمدة نوره ربها انه ما تمداا معاها لانها سكتت عنه سارت اتحط الغدااااا ..وفكرت في نفسها ان حمد عليه وايد حركات غامضه مب قادره نوره تفهمها ..او شيء سالفته وياا عمور و ثاني شي المكتبه ليش ما يباها تدخل هني ..
دش عليها المطبخ بعد ما غير ملابسـه
تغدااا استغربت نوره من سكوته ,,
نوره: انت فيك حالك .
طالعها حمد : شووو ؟
نوره: مره اتسولف و مره اتصخ ولا جنه حد حذالك .
حمد : اخر مره تدخلين المكتبه ..ما احب حد يتعبث باغراضي .
نوره : أأأأأســـــفه .. شو رايك بالغداا .
حمد: لج نفس وايد حلوو بالطبااخ ..تسلم ايدج
نوره (مستانسه) : و ايدك .
حمد : بسير ارقد اتبين شيء .
نوره : سلامتـك ..
بعد ما طلع حمد من المطبخ نست نوره اتقوله انها كلمت خالد من ساعات ..

*دق جرس الباب ع الساعه 7 المغرب قامت نوره تبطل الباب ..
نوره : هلا عموووووه حياج اتفضلي ..
أم خالد: هلا بنيتي ..
كان معاها خالد يلسوووا في الصاله .
نوره : بزقر حمد .
أم خالد : اذا في المكتب خليييه ..أكييد سمع دقة الباب
يلسووووووا يسلفوون و كانت (نوره) تضحك ع تعليقات خالد ..حست انه انسان دمه خفيف و ياحظ علايـه فيه ..

طلع (حمد) من المكتب بعد ربع ساعه سلم عليهم يسل يسولف .. كان هادي ..
خالد: اووووه اخيرا حد عبرني و طرش لي مسج .
اوووووه ها التقرير المسج الي طرشته لج .(كان يكلم نوره)

حمد: مسج شو ؟
خالد: كانت تبا رقم عمور و طرشته لها ..ليش ما وصلتج من الظهر .
تندمت نوره انها ما قالت لـ (حمد) عن سالفه التلفون و المسج ..لانه ياخذ أي حجه عشان يعصب عليها ..

أم خالد: ليش ما ايي يزورنـــــا هنـــي ع الاقل ييلس مع اخته .
كان حمد يطالع (نوره) حتى انه ما انتبه لكلام (أم خالد)
(نوره) كانت اتحس بخوف و ربكه من نظرات (حمد) بس حاولت اتبين الموضوع عادي جدام ( خالد) و (و ام خالد)

بعد شويه ارتاحت نوره لانها حست ان (حمد) نسى السالفه لانه قعد يسولف و يضحك ..
أم خالد (قبل لا تطلع من الشقه) : بتسيرون بيت بدريه .
خالد: لازم ابا نوره اتجوف علايه .
نوره : و لايهمك بس حمد يرضى .
حمد : ان شا الله اليوم بنسهر عندهم .

بعد ما طلعوا اجدم (حمد) من (نوره)
حمد: ليش ما قلتي ان خلووود متصل لج .
نوره : كنت بقولك بس نسيت .
حمد: جذااااابه لو كنتي تبين اتقولين ما تغيرت ملامح ويهج لما خالد طرا لي السالفه .

نوره :و ليش ما اقولك شو الي يمنعني .
حمد : اسالي عمرج تساليني انا هالسؤال .

نوره : انت شو يدور في بالك .
حمد: اخوج عمور ..بتوقع منج أي شيء .
نوره(محرجه) و الله ما تسوا ضفر عمور .

*صرخت لما (حمد) اجرب منها ومسك ذراعها .
حمد :الظاهر انتي شرات الحيوان ما ينفع فيج الا الضرب.و انا اكره الريال الي يمد ايده ع حرمه بس الظاهر بجرب ها الشيء فيج ..
(و تم يهززها ) و بعدين انا مب قايلج لا اتردين ع أي رقم .ليش ما تسمعين الكلام .. تتعمدين تعاندينــــي يعني .

نوره(تصيح) و الله ما جفت منو المتصل كنت راقده .
حمد: جذااااابه موول ما اصدقج .
نوره : و اللــــــه
حمد: جـب لا تحلفين جذب ..انا الغبي الي امنت عليج انتي الواحد ما يثق فيج .
نوره: زين انا رمسة مع اخوك مب غريب
حمد : ترا خلووووود حمــــار عمور ماخذ عنه الاخضر و اليابس و انتـــــي شراته ما اتروم علي سرتي صوب خلوووود.

*كانت نوره بتقوله انت مينون و فيك حاله نفسيه .. و حبك للبيزات اتخليك اتفكر باشياء خياليه .

دزها (حمد) فطاحت ع الارض و يلست اتصيح و تصارخ
نوره: انت حيوان و حقـــــــــير ..

اجرب منها (حمد) مره ثانيه عشان يضربها بس مسك اعصايه ..وسار المكتب .

يلست نوره اتصيح ..ها يضاربها ع اسباب تافه يوم مب عايبنه تصرفاتهااا ليش ما يطلقها عشان يرتاح و ترتاح من تجريحه له .

سارت (نوره) حجرتها اتغسلت و يلست اتفكر و تذكر الاشياء الي صارت لها مع (حمد) من يوم ما تزوجته ..

دش (حمد) عليها الحجره ..يلست (نوره) ع الشبريه ..
حمد:- الساعه تسع يلا تزهبني بنسير بيت بدريه .
نوره : ما ابا اسير .

دخل (حمد) الحجره و يلس ع الشبريه .. مجابل (نوره)
حمد: انتي ليش جي عنيده و ما تخافين بعد .
سكتت (نوره) و ما ردت عليه .

حمد: انتي الحينه مضايجه ع الموقف الي صار من ساعه .. بس أي موقف عصبت فيه عليج ..تذكري عدل و جوفي منو الغلطان ..
نوره يلست اتصيح) ابا ارد الامارات .. ما ابا اعيش هنــــي .
تم (حمد) يطالعها و هي اتصيح ..شويه و مسك ايدها
حمد: و الله كل الي يصير و بعد ما تهونين عليه ما اعرف ليش .

قام و طلع برع الحجرة ... قامت نوره و قفلت باب حجرتها .. ورقدت ..
انتبهت نوره و جافت الساعه 12 فليل .. و كانت اتحس بيووع ..طلعت برع و تفاجات (حمد) يالس في الصاله ..

طنشته و سارت المطبخ ادور شيء تاكله ..سوت لها عشاا خفيف و يلست تاكل .. بعد ما خلصت قامت تنظف الصحون ..

حمد: زين اعزمينــــي ..تراني قاعد اتريااج عشان نتعشى
زطيييييييه .كلت بروحها .

كانت نوره بتضحك ع اسلوبه في الكلامه بس يودت عمرها .. وسوت عمرها مب مهتمه في كلامه .ويلست اتكمل غسيل الصحون ..
يلس (حمد) ع الكرسي ..
حمد: اونج ما اترمسنــــي حرااااام بخبر عليج بابا ..
طلعت (نوره) من المطبخ و كانت بتسير حجرتها بس (حمد) يرها من ذراعها
حمد : تعالي يلسي معاي شويه ..

ما عطاها فرصه تعارضه .
نوره: ابا ارقـــــد تعبانه .

حمد: عنبوه ما تشبعين رقااااد بس تاكلين و ترقديـــن .
اتصدقين وايد حلو عليج يوم تكونين زعلانه ..اممممم بس جنـي صعب اراضيج ..احس عمري اهبل يالس ارمس عمريه ..

نوره :جـي احسن لا اعاندك ولا تضارب معاي .. و بعدين هاتلفونك خذه ما اريده ..

حمد :- ما احب حد يرمس معاي بهالاسلوب زيييين .
و بعدين اذا ابرايج ها حــــل خلاص الي يريحج .

قامت نوره من مكانها وراحت غرفتها ترقد .

مرت 3 اسابيع ..و (حمد) و (نورة) ع هاا الحال ..كل واحد يعامل الثاني فـ برود و(حمد) كل وقته في المكتبه او الدوام .. و كان يصادف مع نوره وقت الاكل او يوم ياخذها بيت اهله ..
زادت علاقتها باهله وايــــــــد .. حتى كانت احياننا اتسير السوق مع (0بدريه ) و (حمد) ما كان يمانع ...بالعكس مخلنها ع راحتها ... من بعد الموقف الي صار لهم ...

كذا مره جافت عـــــواشــي و علاية ..

علايه وايد طيوبه و حليوه ..بس كانت علاقتها معها سطحية و هم عواشـي حلوه .. بس لاحظت (نوره) انها كانت تجنبها ..

**قرروا يوم الجمعه يرحوووون البحر الميت ..قسمواا كل شخص شو اييب معاه .. قامت نوره اتحط الصحون و المفارش و البهارات و شويه من الخضره و الفاكهه ..

حمد : يلا اتاخرنــــــــا ع الجماعه .
نوره : مب رايمه اشيل السله ..شي وايد اغراض ..
شل (حمد) عنها السله و طلعوا ... و في السياره .
نوره: بنات عموتك بعد بيييون .
حمد: هيه .
و علق :حتى خالد ..و طالعها ..
كانت (نوره) تكره نبرات صوته يوم يرمس بهاي الطريقه ..
كان (حمد) يرد ع الموبايلات عشان يحددون المكان الي بتيمعون فيه ..


...



قرروا يوم الجمعه يرحوووون البحر المتوسط ..قسمواا كل شخص شو اييب معاه .. قامت نوره اتحط الصحون و المفارش و البهارات و شويه من الخضره و الفاكهه ..

حمد : يلا اتاخرنــــــــا ع الجماعه .
نوره : مب رايمه اشيل السله ..شي وايد اغراض ..
شل (حمد) عنها السله و طلعوا ... و في السياره .
نوره: بنات عموتك بعد بيييون .
حمد: هيه .
و علق :حتى خالد ..و طالعها ..
كانت (نوره) تكره نبرات صوته يوم يرمس بهاي الطريقه ..
كان (حمد) يرد ع الموبايلات عشان يحددون المكان الي بتيمعون فيه ..

وصلوا عند البحر و قالت فـ خاطرها .. الحين هااا البحر المتوسط .. توقعت شكله غير و ضحكت كيف غير تراه بحر شرات كل البحار

نزل (حمد) من السياره و فتح الدبه عشان يطلع السله الي فيها الاغراض .. و نزلت (نوره) و الظاهر كانوا ..اخر من وصلوا
جافت الكل يالس ع الحصير و (خالد) و (علايه) كانوا شويه بعيد و معاهم (سلوم) يالسيين يلاعبونه..

سلموا عليهم و يلسوووا ..
أم خالد: ما احيدك تتاخر ...دوم اول واحد توصل .
عواشي : خربته الحرمه .
ضحكوا طالع (حمد) (نوره) يوم قالت عواشي ها العباره .. صدت نوره الصوب الثاني اجوف البحر ..

أم خليل : يلالالالا نطبخ ..
أم خالد: يلا يا بنات .. و انتوا يا الرياايييل بعيد .
خليل: راغووووووووووونااا..


(حمد) و (خليل) راحوا يتمشون صوب سياييرهم ..
و نوره و بدريه قاموا يساعدون (ام خليل) و (ام خالد)
كان الكـــل مستانــس..

وبعد الغــــدااا يلست نوره تشرب (شاي ) و قامت تتمشى عند البحر .. كان الجو رهيييييب و حست بشعور غريب .. يمكن لانها بدت تتعود ع هالمكان ..سمعت (سلوم) يصارخ بصوت عالي .. صدت له جافت (حمد) يالس يلاعبه و معاه عواشي و (خالد) و (علايه)

كانت بتسير معاهم بسير شي بداخلها خلاها اتغير رايها ..
وجافت الصوب الثاني (خليل) و (بدريه) يتمشون ومعاهم عمور الصغير .

تنهدت و قالت في خاطرها "عمور وينك الحينه .. و شو مسوي .. خليتك لوحدك .."

سمعت عواشي يالسه تضحك بصوت عالي ..و جنه (حمد) يذكرها بشيء "صج ما تستحي انا حرمتك و يالس اتسولف وتضحك مع هاي "

حظهم (علايه و خالد) ما شا الله عليهم متفاهمين و شكلهم وايد يحبون بعض ..
ردت نوره صوب الحصير و يلست مع (ام خالد و ام خليل)
يلست اتسولف معاهم ..
عواشي تصارخ :يمه تعالي هني .
أم خليل : انزين شبلاج جي اتصارخين .يلا ام خالد تعالي انجوفهم .
أم خالد: نوره تعالي . شو اتسوين يالسه ابروحج .
نوره : لا بيلس اشرب جاهي .
فكرت في خاطرها "حمد يتعمد يجاهلها او متعمد يسوي هالحركات ."
خليل و خالد و حمد يلعبون لعبه غريبه هي ما اتعرفها .. و البنات يشجعون .. و ام خالد و ام خليل ..يضحكون و يعلقون ..
اول مره اتحس بعمرها غريبه وسط هاي العايله ..دمعت عينها ..كانت تبا اتشارك معاهم بس نظرات (حمد) لها اتخليها بعيده عنهم .. حتى حركات (عواشي ) اضايجها واااااااايد .."يا ليتني ما يييييييييت"
راحت صوب سياره (حمد)و فتحت الباب و يلست داخل السياره تسمع اغاني ..كانت متكيه راسها ع السيت السياره ومحطيه اف ام ..
تروعت لما جافت (حمد) يفتح باب السياره و ييلس حذالها .
حمد: شو هالحركات .
ما ردت عليه (نوره) مستغربه من سؤاله .
حمد: حق شو يالسه ابروحج .
نوره: ماشي يالسه اسمع اغاني .
حمد: تعالي ايلسيي معانا ..
نوره: ما اداني عواشي .
حمد: شو سوت فيج البنيه حبوبه و طيوبه و ما اظن غلطت عليج بشيء ...
نوره: حركاتها ما اتعيبنــــــــي .
حمد: تقصدين يوم اتسولف معاي .
نورهLردت ع طول) ما يهمني .
حمدمبتسم) واضح ..لو ما يهمج ..كنتي شاركتينا ..

نوره: انت من ثلاث اسابيع ما اترمسني و الحينه ليش يايي اتسولف معاي ..اصلا انا ادري انك تتعمد تغايضنــي بـ(عواشي) ..بس خلي في بالك ما تهمنـــــي ..

حمد: مب انتي الي طلبتي مني اني ما ارمسج !!و اانا ادري قلبج منشغل فـي منو ..يلا انزلي من السياره و تعالي يلسي معنا .

نوره: (كانت شويه بتصيح) احس بعمري غريبه عنكم.

حمد: ليش اتقولين جي ..انتي ابروحج عازله عمرج ...
نوره: انزين ابا ارجع الشقه .

نزل (حمد) من السياره وفتح الباب لـ(نوره)
حمد : يلا انزلي ..
نزلت (نوره) من السياره ..

مسك (حمد) ايدها و ساروا صوبهم و لما وصلواا صوبهم ..ساسر (حمد) (نوره) : خلج طبيعيه يا ويلج اذا بينتي لهم شيء ..بعض اذونج ..

طالعت (نوره) (حمد) و ابتسمت ...
خليل : يلا حمد ليش شردت كمل اللعبه ..

حمد: لا بوووي بسنــي خلني شويه اجابل المداااااااام ..
اتلومت (نوره) من طريقه كلام (حمد) و حست الكل يطالعها ..

عواشي : علشااااااااان جــــي كانت زعلانه .
نوره : فديتنــــــي الغاليه ما اعرف الزعل ...بس يوم عرفت( حمد ) صرت ادلع له ..

خالد : اوووووب اوووووب علايه اتعلمي الرمسه .من عرفتج ما قد قلتي لي كلمه حلوه ..

علايه : طاع طااااااااع الجذاب ..
ضحكوا كلهم ...


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 13
قديم(ـة) 19-12-2009, 06:21 AM
شموخ قطرية شموخ قطرية غير متصل
©؛°¨غرامي متألق ¨°؛©
 
الافتراضي رد: رواية سرق حياتي / للكاتبة : معاني


مشكووووووووووووور بابا عالنقل

والرواايه عجيييييبه

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 14
قديم(ـة) 19-12-2009, 10:50 AM
سهم الغرآم سهم الغرآم غير متصل
©؛°¨غرامي فعال ¨°؛©
 
الافتراضي رد: رواية سرق حياتي / للكاتبة : معاني


بآآآرت مآرآآ روووعهـ

بس أحس الأحدآآآآث تجي بسوووورعة

ننتظركـ

لآ تطوووول



الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 15
قديم(ـة) 19-12-2009, 01:20 PM
صورة حياتي حلم الرمزية
حياتي حلم حياتي حلم غير متصل
©؛°¨غرامي فعال ¨°؛©
 
الافتراضي رد: رواية سرق حياتي / للكاتبة : معاني


روعه الرواييه

متى البارت الجاي؟؟؟

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 16
قديم(ـة) 19-12-2009, 06:01 PM
بًـوٍفـيْـ 911ـصـِلُ بًـوٍفـيْـ 911ـصـِلُ غير متصل
©؛°¨غرامي مشارك¨°؛©
 
الافتراضي رد: رواية سرق حياتي / للكاتبة : معاني


يسلموووو على البارت الرووعة


ونتتظر البارت القادم

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 17
قديم(ـة) 19-12-2009, 08:50 PM
صورة زهور السوسن الرمزية
زهور السوسن زهور السوسن غير متصل
©؛°¨غرامي مجتهد¨°؛©
 
الافتراضي رد: رواية سرق حياتي / للكاتبة : معاني


/


الأحدآآث في تطور ~


حمد آخذ فكرهـ غلط عن نورهـ ~



/



مجروح يعطيكـ العآآفيهـ ~


ننتظر البارت الجديد ~




/

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 18
قديم(ـة) 20-12-2009, 02:24 AM
صورة كـــايـــد الـــريـــم الرمزية
كـــايـــد الـــريـــم كـــايـــد الـــريـــم غير متصل
شـــلــة الــزعــيــم
 
الافتراضي رد: رواية سرق حياتي / للكاتبة : معاني


الجزء السابع


كانت نوره مستانسه بالرحله ..مب عشان انها قدرت تقهر (عواشي) ..استانست لانها حست (حمد) كان يعاملها غير غير ..تمنت انه دوم يعاملها جـي .. مب بس بوجود اهله ..
**فكرت (نوره) مر تقريبا شهر و نـص ع زواجها من (حمد) بس للاسف ما كانت هناك أي تحسن بعلاقتهم ..
كانت تتمنى انها ترتبط به طول عمرها مب بس خمس شهور ..

هاي الفتره الي عاشتها مع (حمد) صادف معاها شخصيه (حمد) صح انه يعصب عليها و مرات يمد ايده ومرات نظراته الي ما تفهم شو يقصد فيها و احيانا نبرات صوته الي يغيرها يوم يرمسها مع كل هاا كانت تشتاق لليلسه معاه

ظنت في البدايه .. شغل البيت و طباخها و اهتمامها في بيته و اكله يمكن يغير (حمد) بس الحينه كانت اتحس كل ما ايي يوم يبتعد عنها اكثر و اكثر .. و كانه ما صدق يوم طلبت منه ان ما يرمسها ...

من هذاك اليوم اتغير عليها تسعين بالميه ..بس عند اهله يرجع (حمد) الي عرفته في بداية حياتها معاه ..

كانت هاي الافكار ادور في راسها ..لي ما سمعت صوت المفتاح بالباب ..ركضت (نوره) حجرتها ..اتعدل شعرها و اتمكيج ويهها ..ويوم طلعت من الحجرة ..جافت الصاله فاضيه ...توقعت ايكون فـي حجرته ولا المكتب ..

سارت صوب المكتب ادق الباب ..
حمد: تعالي .
نوره(تعدل شعرها) دخلت المكتب: تاخرت وايـد.
حمد: شو تحاسبينــــي .
نوره : لا ما اقصد ..بس كنت اترياك ع الغدااا و الحينه الساعه 4العصر .
حمد: انا تغديت برع ...
ما توقعت نوره ان (حمد) يمكن يكون يتغدا برع البيت .. لانه ولا مره سواها من عاشت معاه ..
حمد: ما تغديتــــي .
نوره: لا كنت اترياااك.
حمد: سوري انشغلت و نسيت اخبرج اني بتغدى برع .. خلاص روحـي تغدي .

طلعت نوره من المكتبه و كانت تقول في خاطرها ..
"مالت عليك و على حظي صج ما تستحي ع ويهك "

كانت معصبه من داخلها ها "هالانسان ما يستاهل حد يعبره انا الحماره الي معطتنك ويه " و يلست اتخرب شعرها و تصفع ويهها بقوه عشان تمسح المكياج "
طلع (حمد) من المكتبة..

حمد: (مستغرب) توج صاحيــــه شو يااج .

قفطت (نوره) و ما عرفت شو اترد فركضت حجرتها و تخيلت الموقف ويلست تضحك بصووووت عالي ..

شويه و طلعت من الحجرة ..جافت الصاله فاضيه عرفت ان (حمد) طلع ..
سارت المطبخ ..تاكل أي شيء خفيف ..لان (حمد) سد شهيتها ..و كل شويه يمر عليها الموقف الي صار قبل شويه فكانت تضحك ..هههااااااههههههههههاي

تفاجات بصوت (حمد) من عند باب المطبخ .
حمد:- الغاليه انتي صاحيه اليوم!!!
و اجرب منها و حط ايده على يبهتها ..
حمد :_ ما فيج حراره ... عيل من شو ها الخبــال .

نوره:مبتسمه)شو حـرام اضحك .؟؟

حمد: لا مب حرام بس جنج تخبلتـي و شو هالحركات الي يالسه تسوينها من ساعه ..

نوره: ما سويت شيء يتهيأ لك .
حمد : لالالا يكـوون يوم اتيوووووعين تتخبليـن !!
نوره : حــــمد عن المصـــــاخه .

ابتسم (حمد) عيدي الجمله .
نوره (مستغربه )!! أي جمله ..
حمد : مقلد صوت نوره :__ حمد عن المصــــــاخه ..

ضحكت (نوره) : و الله انا صوتـــــي جـي ؟

حمد : ليش مب حلـــــووو ..

نوره : لا وايـــــد حلـــــو يعيبنــــي .
حمد : قولي و الله ..

**كانت (نوره) بداخلها مستانسه لان (حمد) يرمسها مب شرات الايام الي طافت ..و استانست اكثر يوم قال
حمد :- وايـد يعيبنـي شعرج ..لا تيلسييين اتيرينه شرات قبل عن تتقرعين ..

نوره : بسم الله عليك عمرك ما يريييييته لي ..

حمد : انا غيــر ها ملكـي و انا حر فيه لكن انتي لا .
هالمره ما عرفت نوره شو اترد .. كانت اتحسب انها تتخيل كل ها ..خرب عليهم صوت الموبايل ..


حمد: آآآآلــــــوو ...هاا خلصت الاوراق ... خلاص عيل بمر عليك الحين ..يلالا باي ..

نوره : بتظهـر ..

حمد: لازم اطلع ..يلا الحينه راضيتج وسولفت معااج عشان سالفه الغداا يوم خليتج تتريينـي

نوره :: اممممم .. ما يكــفينــــي بعد لازم اتراضينــــي ..

حمد: يلالالا عاد لا تستوين طماعه ..
نوره :_ ما يخصـــــني ..
طالعهااا (حمد) بالنظرات الغريبه الي تعودت (نوره) اجوفها لما يكون انسان غامض ..

حمد : زين خلاص بعزمج اليوم ع العشااا برع ..هاا شو قلتـــــي ..

نوره :: اممممم افـكر ..
حمد يضحك) فكري لي ما ارجع .. يلالا باي ..

بعد ما طلع (حمد) يلست (نوره) اتغني و ترقص في الصاله من الوناســــه ..

**سالت نفسها "ياربـي ليش انا مستانـسه هالكثـر)
جنه أول مره (حمد) يرمس معااي ..

باجي ثلاث ساعات لي ما ايي (حمد) خلينـي اكشخ .. عشان اعيبــه ..و يسمعني كلام حلو شرات قبل ..

يلست ساعه اتعدل شعرهااا و تتمكيـــــج ..
رن تلفون البيت .. ركضت (نوره) اترد ع التلفون يمكن يكون (حمد)
بدرية : هلا نوره شحالج .
نوره: (محبطه) بخير شحالج انتي ..و العيااال
بدريه : الحمدلله ..شو ما بتيينا اليوم ..
ننوره : ما اظـن و الله يمكن نظهر انا و حمد ..

بدريه : خلاص عيل مره ثانيه ..
نوره : اسمحيلي ..
بدريه : مسموحه ..

شغلت (نوره ) التلفزيون ادور قنوات اتسلى عمرهااا ..
وهي يالسه اتجوف التلفزيون ...خطر فـي بالها تدخل حجرة (حمد) شويه ..

فقامت و دشت الحجرة .. فتحت ادراج التسريحه و ما جافت شيء ..مهم ..

ففكرت اتسير المكتبه .. ولما دخلتها جافت كل شيء مثل قبل اوراق و ملفات فـ كل مكان ..
اجدمت صوب المكتب ..وفتحت الادراج .. وبعد ما جافت شيء مهم ..قالت في خاطرها " عيل ليش حمد يمنعها من ان تدخل المكتبه "

شغلت جهاز الكمبيوتر ..و فتحت المستندات ...جافت مجلدات و اااااايد كلها تتعلق بالشغل ...بس لفتها اسم مجلد (مذكراتي الى من أحب)
فتحت المجلد و يلست تقرا كلام خاااااص بوحده يعني هاي المذكره ..اتخص انسانه ..بس امنووو هاي .. يلست تقرا ...تحكي مواقف عن شخص اتحبه .. و كانت تكتب كل مشاعرها بهاي المذكره ..

يلست نوره اتطوف اورااااق عشان اتعرف منو صاحبة هاي المذكرة ..

آآآخر ورقه جافت كلام املون باللووووون الاحمر ...
""الى بنت عمتي الغاليه..
جميل ما قراته و شعرته باحاسيسك التي خط هنا ..ما بين الاسطر .. و كأن ترسلين دعوة الى قلبي .. ليأخذ سكن في وسط قلبك ..
اعتذر عن تلبيه هذه الدعوة ..فقلبي ليس ملكي اعتذر مرة اخرى
ابن خالك
حمد""

بطلت (نوره) عيونها مب مصدقه شو يالسه تقرا قرأت رساله (حمد) اكثر عن مره ..بهاي الرسالة اتأكدت ان (حمد) ما ايحب (عواشي) علشان جي ما بغىىى يرتبط فيها ..

بس قلبه ملك منو .....؟؟ بغت اتعرف و تتاكد متى كتب ها الرساله ..سوت كلك اليمين و ظهر عندهاا تاريخ الانشاااءء ..حوالي من سنة ..

طاااااارت (نوره) من الوناسه ... انتبهت للوقت فخافت يطب عليها (حمد) باي وقت ..

طلعت برع حجرة المكتب .. وسارت حجرتها ..اترتب نفسها ..و هي اتفكر .. (حمد) زوجها مب من حق أي وحده ..تاخذه منها ..

قالت (نوره) في خاطرها .."ابيـــــه شو هالافكـار الي ادوور فـي بالي ... لا لا لا لا..ما اعتقد انييي احب حمد بس يمكن ابا احافظ عليه لانه موفر لي كل شيء ..و يمكن لانه ريلي ..و أي انسانه في الدنيااا ..ما ترضى حد يشاركها زوجها ..بس لو اعرف قلبـه عند منووووو""

اتروعت (نوره) لما سمعت دق ع باب حجرتها ..
حمد: نوره ..
طلعت (نوره) مستانسه .. و كان فـ خاطرها تمسك ايد (حمد) و تبوسها و اتقوله مشكور ع التغيير الي صار فـ حياتي .. بس ما يتها الجرأة ..
حمد (يطالعها مستغرب) : لا لا لا انتي اليوم فيج شيء ..
نوره: شو ما تباني استانس,,
حمد : ليش اول مره في حياتج تتعشين برع البيت ..
نوره .. هي معااك أول مره ..
حمد (مغير نبره صوته) مستانسه معاي ..

استحت (نوره) نبرة صوت (حمد) خلتها تسكت و ما اتعرف شو اترد ..

و في السياره (حمد) محطي اغنية ..نبيل شعيل "للحين احبها ولا ني قادر انساها"

نوره: ليش محطي هاي الاغنيييه..
حمد: بس مجرد اغنيه !! سؤالج غريب..

نوره: يعني مب فـ بالك حد معيـن .
حمد: لالالالالا

**(نوره) فـ خاطرها "عمى بعينك جذااب هاي الي سرقة قلبك مدري منو ..بس ما بخليها تاخذك مني ..اااخ لو اعرفها "

شويه و دشوا المطعم .. اختار حمد الطابق الثاني ..ويلسوا بطاوله جريبه من الدريشه ..

حمد: بجربين الاكل اللبناني ..
نوره: ابا ع ذوقك ..
حمد: يمكن ما يعيبج ..
نوره: (مستحيه) كل شيء منك حـلو ..

حمد:ضحك :- موول ما يناسبج نسيت انج ام الدويس ..

**(نوره) في خاطرهااا "هاا صج قليل أدب ولا يعرف شيء اسمه رومانسييه"

نوره: ممكن اقولك شيء ..بس لا اتعصب .
حمد: قولـــــي و انا اليوم رايق ما بعصب عليج ..

نوره : انت قليل أدب..و دفش و ما اتعرف ترمس .
طالعها (حمد) مستغرب ..بعدين يلس يضحك
حمد: هههههااااااايييييي خبله انتي ..

طلب (حمد) العشااا و يلسوااا يتعشواا ..
حمد: اليوم انتي متغيره عن الاياام الي فاتت ..
نوره : كيف يعـني ..

حمد: وايد مختلفه اكيد بروحج ملاحظه هاي الشيء ..ممكن اعرف السبب ..

نوره: ماشي ..بس انت اتعرف مر ع زواجنا تقريبا شهريين و باجي ثلاث شهور ..فقلت اونس نفسي ..بدل كل ها الضرابه و الزعل .

حمد: تبين الفكـه منـــــي ..
سكتت (نوره) و ما ردت عليه ..

حمد: سكوتج معناه ان كلامي (صحيح)
نوره: ما انكر ان زواجي فيك غير كل شيء فـ حياتي للاحسـن ..بس ما ادري شو بيصير في المستقبل ..

بعد ما خلصووووا العشااااااا .. يلسواا يسولفون و يذكروا ..كيف كان زواجهم .و يوم صبت عيونه بالرمـل ..و كيف اتروع يوم جاافها اول مره ... و يلسوا يضحكون ...

*قالت (نوره) فـ خاطرها مستحييل انسى هاليووووم

..احلى يووم في حياتها ...




الجزء الثامـن
وصلـوا الشقه ع الساعه 11 و نصـ دخلت نوره حجرتها اتغير ملابسها ....ويوم طلعت جافت (حمد) يالس يجوف مباراه كرة قدم ...
نوره: اسوي لك شي تشربه .
حمد: لا مشكوره ..

حمد: زهبي لي شنطه و حطي فيهـاا ملابسـي اتكفي لاسبوع ..

نوره: بتســــافر ..!؟!؟
حمد : عندي شغـــل في البحرين .
نوره: (مضايجه) و انا وين اروووح.
حمد: طبعا مستحيل تيلسييييين هني بروحج ..يلسي بيت ابوي .لي ما ارجع ..
نوره: انت دوم جـي اتسافر من مكان لمكان ..
حمد: مب دوم ..
نوره: خذنـــــي معااك ..
حمد : ما ارووووم اقولج ساير لشغل انتي شو بتسوين هنااك ..

**و في حجرتها تضايجت نوره ..لما عرفت ان (حمد) بيسافر .و قالت فـ خاطرها " اول مره بتفارق بعد ما عرسناا ..اسبوووع عااد وايييييد ..""

**و في اليوم الثانـــــي الصبح و في السياره عند بيت (بوحمد)
حمد: اتحملي فـ عمرج ولا تستوين شقيه وضايجييين في اهل البيت ..

نوره:انت دوم ماخذ عني فكره مب سيئه ..
حمد : يضحك (اسولف) ..
نوره .. شو اسوي هني ملل ..
حمد :: شو ملل عندج الوالـد و امايه ..و خـــــالد
نوره: و ليش ركزت ع خالد يعني ..
حمد : تراج اتحبين اتسولفين معاه .
نوره (حبت اتغايض بحمد) هي خالد يدش القلب .. و يا حظها علايه ..

حمد: و شوووو بععععد ..
نوره : تضحك ) انت اتعرف خالــــد شرات اخوي ..

حمد : و انا شووووو؟؟
صدت (نوره) الصوب الثاني مب عارفه شو اترد
حمد : و انا شــوو نوره .
نوره ..(مستحيه ) مااااااااا ادري

حمد : زين يوم برد بتخبرينـــــي ..
نوره : هيييي ..

حمد: وعد
نوره : وعـــــــــــد ..

يلا انزين ننزل عشان انسلم ع الوالد و الوالده ..

بعد ما سلم (حمد) ع والديه ..
حمد: ترا نوره امانه عندكم ..
و تم يطالع (نوره) نزلت (نوره) عينها في الارض ..
أم خالد: الله يهدااااك اتوصيناا ع بنتننناااا ..
بو حمد : المهم ترجع بالسلامه ..
حمد : يلا مع السلامه ..

**طالعت (نوره) (حمد) لي ما طلع من البيت .. يلست اتسولف مع (بو حمد ) و (ام خالد) و كانووا يخبرونها سوالف (حمد) عرفت طريج حجرتها اليديده الي بتعيش فيها لي ما يرجع زوجها ..

كانت (نوره) اتحس بغربه حتى و انها يالسه مع اهل ريلهاااااا ..
اتعودت ع وجود (حمد) في حياتها ..

الحين بس عرفت و تأكدت من الشكوك الي كانت دوم في بالهاااانها ما اتروم تستغنـى عنه ..حتى لو طلب منها بترفض بس عشان اتكون جريــــــبه منه ..حبت هالانساان .. و حبت كل شيء في اطباعه ..

كان يتصل لنا يوميـاا يطمن عليهاا و يصكر ... كانتت تتمنى انه يبادلها نفس الشعور ..

كانت (نوره) كل اتسير الشقه اتنظفهااا ... و احيانا كانت اتسير معاهااا (بدريه ) ..

وفـي رابـــــع يوم من سفر (حمد) كانت ..(نوره) في الشقه ..اتنظفهااا ..و (بدريه) يالسه معهااا ..

بدريه: تدرين ان اليوم عيد ميلاد حمد .
تفاجات (نوره) : و الله ما ادري كنت باركت له .. حراام جي ما قلتـي البارحه ..
بدريه .. ما ادري ما خطر ع بالي .. بس الحين يوم جفت التاريخ في الجريده تذكرت ..

نوره : خســـــــااره .. كان بتفاجا هو ما يدري اني اعرف يوم ميلاده اكيد الحين بشل بخاطره ..محد قاله كل عام و انت بخير ..

بدريه : زين شو رايج ..تشترين له هديه ..
نوره : هيييي و الله فكره ..
بدريه ( و هي تضحك ) و سوي له مفااجاة فليل قبل لا يوصل ..الا هو متى بيي؟؟
نوره : ورا باجـر .... يا حظه خليل اكيد اتسوين له افكـار و افكـار ..
بها الوقت رن تلفون البيت ..
نوره : اللللوووووو ..
و كان ع الخط صوت رجولي ..
- مدام نوره .
- نوره ( مستغربه) خير ..
- انا عادل اشتغل عند حمد .. و طلب مني اتصل فيج عشان تعطينـــــي ملف موجود فـ المكتبـه اسمه
- ""تصدير القطع الحديديه ""
نوره : متى بتـيي تاخذه ..انا الحينه موجوده في الشقه ..
- خلالالالاص بعد ربع ساعه بكون عندج ..

بدريه : شفييييج منوه متصل فيييج
نوره: حمد مطرش ريال ياخذ ملف خاص بالدوام ..
الا ما قلتي شو اشتري هديه لـ (حمد)

بدريه : باجر ولا اقولج خليهاا وراا باجـر الصبح نشتري كل شيء ..

بعد ما ياااااااه الريال المتصل ..و عطته الملف ..سارووا بيت (بو حمد)

**و في نفس اليوم الي كان فيه (حمد) بيرجع من السفر ..سارت (نوره ) و بدريه السوق و اشترووا هديه لـ (حمد) و شرووا كيك ..و شموع ..
ووقت العصر...
**نوره : يلالالا خالد وصلنــــي الشقه قبل لا ايي حمد .
خالد: زين صبري خليه اييي هنـي و ياخذج معاه ..
نوره : لا اباااا استقبله هناك ..

خالد .. طاااااع مدري منو (حمد) هااا

قامت نوره و فرته بالوساده الجريبه منهاااااا
خالد ( يضحك) زييييين شفيج عصبتـــــــيي ..

وصلهاا (خالد) قامت (نوره) اترتب كل شيء و فكرت اتحط الكيك و الشموع في المطبخ علشان ما ينتبه ..
دشت حجرتها و كشخة و لبست العقد الي يااابه لهاا قبل لا اتسير بيت أهله اول مره ..قالت في خاطرها "غريبه ما دق حمد اليوم ولا البارحه أكيــــــد مشتاق لي كثر ما انا مشتاقه له .. فديته و الله .. توني عرفت قدرك .."

اتروعت (نوره ) يوم اتبطل باب حجرتهااا
نوره : (مستانسه ) ..حمــــــد ..J
خافت (نوره) من نظرات (حمد) ضمت ايدها ع صدرها ورددت ورا ..
نوره( تهمس) : شو فيــــــك ..
حمد : من وين اتعرف عااااادل..
نوره : منوه عادل ..
حمد (يصرخ) لا تستهبلييييييييييييين ..من متى اتعرفين عادل اقولج ..

نوره : (و كانت بتصيح من الخوف) و الله ما اعرفه ..

اجدم منها ومن غيضه ير العقد من رقبتها و فره بالارض ..

خااااااافت (نوره) وااااايــــــد و ردت لورااا
نوره :Lتهمس) ما اعرف عن شو ترمس ..
مسكها من ذراعها .. و يلس يصارخ عليهااا
حمد: جذاااااااب .. كنتي تدخلين المكتبه عشان تفتشين اوراق شغلي ... صج انج حقيـــــــــره ..و كان يهززها ..
حاولت (نوره) اتفهمه السالفه .. بس ما قدرت ترمس ..

لان (حمد) مب معطنها فرصه ...
حمد : عشااان جي مسويه عمرج طيوبه بهاي الفتره ..طلعتي العن عمور اخوج ..

نوره : (تصارخ وهي اتصيح) هدنـــــي انت مينون يالس اتخربط رمسه ع كيفك ...
دزها (حمد) صوب الباب ..
حمد :: انا ما اعيش مع وحده منحطه ..اطلعي بـرع ..
نوره :: وين اروووووح .
حمد :: التعنـــــــي باي جهنــــــم ..
كان (حمد) يدز (نوره) و (نوره) اتحاااااول تمنعه كانت تبا اتقوله انه غلطاااااااان و ان بدريه اخته كانت موجموده وقتها بس ما قدرت ..
فتح باب الشقه .. و فرها بعيدددددد ..وصكر لباب يلست (نوره اتصييح) حمد افتح الباب وين اروووح ... حمـــــــد .. الله يخليييييييك نا احبــــــك افتـح لي الباب ..
تمت حوالي عشر دقايق ادق الباب .. بس الظاهر (حمد) مب راضي يفتح لها الباب ..
تمت واقفه عند الباب اتصيييح ما اتعرف وين اتروووح نزلت ع الشارع .. و تمت تمشى اتفكر .. كيف صار كل هااا ..

تمت تمشششششىىى و اتفكر كيف كل شيء فجأه اتغير ..في حياتها حمد وايد ظلمهااااا .. كانت تظن.. اليوم بيكون غير كل الايام ..صج كان غيرر بس مب مثل ما توقعت ...
**و في نفس الوقت يلس (حمد) يسوي اتصلالاته عشان يغير كل المعلومات الي كانت بالملف الي عطته (نوره) لـ (عادل) ..
شغل جهاز الكمبيوتر ..عشان يظهر نسخه ثانيه من الاوراق الملف الي صارت عند (عااادل) بعد ما عدل فيه .. طبع الاوراق . ... و منها طرشها عن طريق الايميـــــل للشركات الثانيه .. و بهاي الحاله .. انقذ هالمشروع من الخساره ..
اتنفـس مرتاح يوم خلص شغله ..فتح المحفوظات عشان يتأكـد بأييي يوم كان كاتب الاوراق الي اتخص ها المشروع ..
اتفاجـا ان مجلد مذكرات عواشي الموجوده في المستندات كان مفتوح و موجود بالمحفوظات ..قال فخاطره ""اكيد هاي نوره"" اتعبثت و قرات ها المجلد ... الحييييين فهمت ليش قامــــــت تتغير تصرفاتهااااا معاااي بعد ما تأكدت ان ما بيني و بين (عواشي) شيءء ..

رجع و قال في خاطره ..""لا لا مستحيل نوره عمرها ما اهتمت فينـي ..لو كانت اتحبنـي ما حاولت اتخسرنـي ويااا عااادل .."

طلع من المكتب وراح المطبخ عشان يشرب شيء لانه حس انه تعبااااان فتح الثلاجه و شرب مااااي و يوم كان بيظهر عند باب المطبخ .. انتبه كيكة موجوده ع الطاوله و حذالها شموووووع !!!
فتح علبه الكيك ... و جاف مكتوب عليها .." كل عام و انت بخير و كل عام يزيد حـبي لك ""و تحت اسم "نوره" مكتوب بالانجليزيي..و يوم ميلاده

دمعت عيووون (حمد) "كل هاا سويته عشااني ..و الله اني ما استاهل L
وطلع ابسرعه صوب حجرته يغير ملابسه ...عشااان يرووح (نوره)
اكييد بتكون فـ بيت اهله ..

و فوق الشبريه .. جاااااف علب هداااايا ...
و فوقها بطاقه ..مكتوب عليها نفس العباره الموجوده ع الكيكه ..
""وووفديت نواررري و الله اني حيوان و ما استاهلج ... وبدقايق .. وصل بيت اهله ..

حمد: نوره .... نوره ..امايه وين نوره ..
ام خالد : نوره !!(مستغربه) ما يتتتنننننااا
هي العصر مروحه الشقه كانت تتريااك ..

حمد :: دخليج اماايه ارمسي جد وين نوره ..؟
بو حمد : شفيك (حمد) انت صاحي الساعه الحينه 11 و يالس ادور ع حرمتك ..شو السالفه ؟؟
حمد : وين خلوووود .؟؟ابسرعه وين ..
أم خالد: بسم الله عليك يمه شفيك ..
حمد : اووووووووه

و طلع معصب يدور (نووووره) ..

** انتبهت (نوره) انها كانت تمشى من غير هدف و افكاارها اتروح و اتييي .. و رااح عن بالهاا هي وين اصلالا ..و التفت اجوف المكاان قالت اول مره اجوف هالمكان .. ياربي وين انااا L لو عندي تلفون كنت اتصلت بيت عمي..
خطر ع بالها ادور محلات جريبه منها عشان تتصل لعمهاا...وصل محل جريب ..
نوره : السلام عليكم ..
راعي المحل : هلا و سهلا ..بدك شييي
ارتاحـي شكلك تعباااااان !!
كانت (نوره) خايفه و اتحس انها ما اتروم توقف ع ريولهااا لانها بصراحه ما تذكر اذا يلست من الصبح ولالا لانها كانتادور في المحلالالات عشان هديه (حمد) .

راعي المحل يطالعها مستغرب : أي خدمه ؟
نوره: ممكن تلفون ؟؟

راعي المحل : ايه تكرمـي .
مسكت نوره التلفون و تذكرت انهاا ما اتعرف رقم قوووم بيت عمهااا ..هييي خلوووود ..و دقت ع الرقم .. لقته مشغول ..
راعي المحل .. ابسرعه تؤبرينـي راح نقفل ..
دقت (نوره) مره ثانيه ..
و كانت ترمس بالغصب ...الوووووو
خالد :: نوووووووره انتي ويييييييين ؟؟

نوره : خالد انا .. و يلست اتصيح ..
خالد: نووره قولي وين انتي ..جلبنااا الدنياا عليج .

شويه ورمس معاها (خليل)
نوره ..ردي وين انتي .؟؟
نوره : ما ادري ,L
خليل : تلفون منو ها ..
عطت السماعه لراعي المحل .. و يلس يوصف المكان الي فيه دكانـــه ,,




الجزء التاسع

و

الاخيــــــــــــر



**حست (نوره) بثجل فـ عيونهاا مب رايمه تفتحهااا ..حاولت مره ثانيه و جافت ممرضه اتعدل ابرة المغدي ع ايدهااا ..
نوره: ما اروم اتحرك .
الممرضه :: ما علييه انتي تعبانه كتيييير بس ترتاحي و بكره بتروحي ع البيت .
(نوره ) في خاطرهاا ..ما عندي مكان اروح له ودمعت عيونهاا ...L

نوره .. نوره ..
فتحت (نوره) عيونهااا ..
نوره : عموووه J
ام خالد : ما تجوفين شر .شو تحسين الحين ..
نوره: اممم الحمدلله ما فينـي شيء .. اصلا ليش انا موجوده هني ما فينـي شيء و الله ..

ام خالد : ما تذكرين شو صار لج البارحه .
نوره : ما ابا اتذكر شيء ..عمووه بطلب منج طلب ..

ام خالد: امري يمه ..
نوره: احجزي لي تذكره ابا ارد الامارات ..

أم خالد: افااا اتبين اتزعلينا منج .. لو كنتي زعلانه مع (حمد) بس نحن نبقىىى اهلج ..

نوره : و (كانت بتصيح ) مالي مكان هني ..حمد ما يباني .أم خالد :حمد وايد يحاتيييج
طالعت (نوره) (ام خالد) و هي مب مصدقه ..
ام خالد: (تضحك) انا طرشته الحينه البيت عشان يرتاح مب راقد من البارحه وااعليييييه كان يالس معااج ..

نوره كانت بتقول "انتي ليش جذابه" بس يودت عمرهااا ..

يلست معاهاا ام خالد شويه و طلعت عنهااا زارتهااا بدريه و بوحمد ..ويوم انتهى وقت الزياره .. غمضت (نوره) عيونها ما اتعرف شو بيكون مصيرهااا

فتحت (نوره) عيونها و ارتبكت يوم جافت (حمد) يالس جريب منها ...و ماسك ايدهاا ..
نزلت راسهااا ..وسحبت ايدهاا من حضن ايد (حمد)
حمد: تبيين تطلعين .
نوره (نزلت دمعه من عيونها ) ما عندي فلوس حق التذكره .
حمد: و منو قال انج بتسافريـن ..
طالعت (نوره) (حمد) و قالت ..انا مب لعبه بايدينك ..و ما يهمني المده الباجيه من زواجناااا ..

حمد: ما تبيــــــــني ..
نوره : انت الي ما تبـاني ورغتني من البيت .

حمد : تراج دوم اتقولينـي حيوان ..
نوره : مب حيوان بس بعد راعي قمااااااار ..

ابتسم (حمد) : اتبين اعصب عليييج غصب .
نوره : ما تهمنـي ..

حمد: انا ظلمتج وايد بس بعد انتي ظالمتنــــي ..
نوره : انا حاولت اكسبك بس انت رفضت هالشيء .. و بعدين زواجنا مستحيل يستمر دام ان بدايه غلط ..

حمد(و كان يرمس بهدووء ) ..نوره انا احبــــــج و الله اموووت بشيء اسمه نوره ..
طالعته (نوره) فـ البدايه مستغربه .. و بعدين لما جافت نظرات (حمد) لها استحت و نزلت راسهااا ..

مسك (حمد) ايدهاا ..انا ادري وايد عذبتج معااي .. بس صدقينـي انا ما يخصني بسالفه القمااار ..

تمت (نوره) اطالع ..(حمد) و هي مب مصدقه ..
حمد : اسالي عمور اخوج .. المفروض الي كان بتزوجينه (خالد) مب انا ..

نوره : يعني انت ضحيت مثل ما عمور ضحى فينـي ..

حمد : احلف لج و الله ..عشاان جي كنت اكره عمور و ما ادانــــي اجوفج اتسولفين مع (خلوود)

نوره : حتى انت بغيتني عشان ادير شركة ابوك .
حمد : في البدايه هي .. لكن الحييييين و الله لو تخيريـني ما بين الشركه و انتي .. كنت اخترتج من غير تفكييير ..

*(نوره )مب مصدقه عمرهااا...
نوره : ليش ترمس كانك واثق من اني اتقبلك بعد كل الي سوته فيني ..

حمد ( يبتسم ) ادري انج بتتقبلينـي و بتسامحينــــي لان الي يحب يسامح و انتي تحبينـي ..صح ؟Jترا تغير تصرفاتج معاي بعد ما قراتي مذكرات عواشي .. و الحركات الحلوه عشان يوم ميلادي ..

نوره : خربت كل شيء ..

حمد : سامحينـي .
نوره : و عموور اخوي ؟؟
حمد : لو تبين الحينه اطرش له تذكره ... و الله اسويهااا ..

نوره ( تضحك ) وايد تحبنـــــي
حمد : و الله اكثر من ما تصورييييييين .. من يوم ركبنا الطياره و انا بديت اميييييييل لج .

نوره ..حتى انا وايـــــد احبك ..اممممم بس ما اذكر من متى ..

و يلسووووووا يضحكون ..

نوره :اباا اطلع من هني ..
حمد :: الحين بنطلع .. وبندش حيااه يديده و وحلووووه اوعدج

ابتسمت (نوره) وطالعت برع من الدريشه .. تتريااا العالم اليديد الي بتعييشه مع اغلى من سكـــــن قلبهااااا


تمت


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 19
قديم(ـة) 20-12-2009, 02:31 AM
صورة كـــايـــد الـــريـــم الرمزية
كـــايـــد الـــريـــم كـــايـــد الـــريـــم غير متصل
شـــلــة الــزعــيــم
 
الافتراضي رد: رواية سرق حياتي / للكاتبة : معاني


منورين حباحبي


كل الشكر والتقدير والاحترام


لكل شخص تبابعني في هالرواية


شموخ قطرية

زهور السوسن

سهم الغرام

البنت الذي الكويسة

ارجون الالماس

♫ معزوفة حنين ♫

?نووووني?

بًـوٍفـيْـ 911ـصـِلُ


حياتي حلم


مشكورين ع المتابعة والتاشجع

وكل الشكر لزوار


الي القاء قريب باذان الله


الا اله الا الله محمد رسول الله


سبحانك وبحمدك


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 20
قديم(ـة) 20-12-2009, 02:59 AM
صورة أقوى شي الرمزية
أقوى شي أقوى شي غير متصل
©؛°¨غرامي فعال ¨°؛©
 
الافتراضي رد: رواية سرق حياتي / للكاتبة : معاني


الروايه روعه بس صغييييييره

يسلمو مجروح عالنقل
لاعدمنااا جديدك
ودي

الرد باقتباس
إضافة رد
الإشارات المرجعية

رواية سرق حياتي / الكاتبة : معاني ، كاملة

الوسوم
للكاتبه , معاني , حــياتي , رواية , سرقــ , كامله
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
مجلس الروايات للإستفسارات و الطلبات فقط [ الإقتراحات ممنوعة ] ؛ وردة الزيزفون روايات - طويلة 18339 04-08-2013 11:40 AM
مجلس الروايات للإستفسارات و الطلبات فقط [ الإقتراحات ممنوعة ] ؛ روح زايــــد روايات - طويلة 2018 20-05-2011 10:18 PM
مجلس الروايات للإستفسارات و الطلبات فقط [ الإقتراحات ممنوعة ] ؛ روح زايــــد روايات - طويلة 2001 06-01-2011 10:35 PM
مجلس الروايات للإستفسارات و الطلبات ؛ !! أنـثـى الـ خ ـيـآلـ !! روايات - طويلة 3973 07-10-2010 01:10 PM
مجلس الروايات للإستفسارات و الطلبات ؛ الزعيـ A.8K ـمه روايات - طويلة 2042 24-02-2010 04:37 AM

الساعة الآن +3: 11:47 AM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


تصميم دريم تيم

SEO by vBSEO 3.6.1