غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1
قديم(ـة) 23-12-2009, 04:07 PM
صورة »آٌخفيے בـنينيے●~ الرمزية
»آٌخفيے בـنينيے●~ »آٌخفيے בـنينيے●~ غير متصل
©؛°¨غرامي مشارك¨°؛©
 
رواية شغب في مدارس الرس / بقلمي , كاملة


خلف اسوار المدارس .......اشياء نجهلها .....
ونتمنى كشفها وتخيلها .....
تفتح بوابة المدرسه ......ونعيش خيالا خلفها
حروفي اسطرها لتنسج من الخيال والحقيقه ....
حروف تعايشت مع الفتيات ....وقد تكون مع الشبان
روايتي ستكون ....من واقع الخيال .....

بسم الله الرحمن الرحيم ..........

الكاتبه : H.m

البـــــدايـــــه...:)

اول يوم لها بالمدرسه
شيء يخوف ...بتصيرين وحيده ما تعرفين احد بتصير غربه ....
سحبت كرسي وطاوله وبنات الفصل كل عيونهن عليه ....
اكيد هذي جديده....واللي تحس به شيء مرعب
جلست وحطت الشنطه بحضنها ....
دخلن من جهة الباب بنات اصواتهن عاليه ...
-ايه مير انتي ماخذتن بنفسك مقلب
-يابنت اسفهيها
-وجع اصغر عيالها تسفهني
-بنات بنات ....بنت جديده......
اتجهن لها وهن يطالعنها
طالعت فيهن ....
وحده من البنات- انا سهام وانتي
ابتسمت وقالت- انا مها
الثانيه- وانا فاتن.....وهذي زهره
مها- عاشت الاسامي....
تركنها وراحن
مها بقلبها- يا اشرافه ..بس يبن يعرفن اسمي
التفتت عليها اللي قدامها وقالت- اهلين
طالعتها قالت- هلا....
ابتسمت وقالت- امممم تعالي جنبي ترى ماعندي احد.....
وقفت مها وقالت- عادي....
قالت- ايه اكيد....
سحبت الكرسي والطاوله وجلست جنبها
مها- انا مها
البنت- هلا بك مهاوي انا ندى .....مجربه من قبل .....تحسين بغربه
مها- أي والله مشتاقه للمدرسه القديمه
ندى- ايه......انتي من وين
مها- انا جيت من مدرسه ثانيه ....غيرنا بيتنا
ندى- اها....انا من كذا غيرت مدرستي
مر اليوم على خير ومها صارت مع ندى وصديقاتها صحيح ماتكلم كثير بس يعني احسن من انه تصير لحاله
................................................
دخلت ورمت الشنطه والعبايه
امها من بعيد- الغداء
مها بصوت عالي – جت مرام من الكليه
مرام دخلت وقالت- تراي ميته جوع تعالي ...
مها- كولوا لا تنتظروني ...بغير واغسل واجي......
مرام- اصلااذا انتظرتك
طلعت
مها-اوووف من هالمدرسه...وع ياحوبي لمدرستي القديمه...
.......................................
على الغداء
مها- السلام عليكم....
الجميع- وعليكم السلام
مها- يوه بيخلص عني امدا ...
جلست وبدت تاكل
اخوها حاتم – قولي ما شاء الله...
مها- بسم الله عليكم ...اقول حاتم ....اخبار الدراسه اليوم
حاتم- والله تهبل المدرسه هذي ....ايه كذا الدراسه ....
مها- ياحظك لقيت اصدقاء
حاتم- ايه عرفت الفصل كله....ليه انتي مالقيتي احد...
مها بضيق- لا ...انا نادتني وحده اسمها ندى ...ورحت مع شلتها بس يا اخي ما تأقلمت
حاتم وهو ياكل- امسكي أي بنت وسولفي عليها
مرام- عيشتنا حنا يالبنات ماعندنا تعالي سولفي....اذا تعرفت عليك وعرفت اسمها تجي تسولف معها ...
حاتم- الحمد لله والشكر
مها- اخبار الجامعه......
مرام- خقق ...تجنن....البنات هناك اجتماعيات
حاتم- ابوي وينه؟؟
امه- انا وياه متغدين ....نام...
حاتم- اها يعني غداء رومانسي....
امه عصبت – اعقل يا ولد
مها ومرام بقوة ضحكن ......
حاتم- وانا وش قلت .....وش معنى ما تنتظروننا
مها- اسكت والله ان يجيك الكاس اللي بيدها
امه- ما انتظرناكم رجع بدري ....ليش ننتظركم
حاتم- ايه صدقت صدقت
امه- حاتم...
حاتم –عنوني
امه- اسكت دام النفس عليك طيبه
مرام- بس حاتم احرجتها
امه- وانتي بعد.....
تركتهم وهي معصبه
مها- الله يهديكم زعلتوها...
مرام بصوت خفيف- الظاهر بيجينا اخو صغير ....
مها- ايه هالعشيات الرومانسيه وراها بلاوي
حاتم ضحك ولا تكلم ....
اعرفكم بشخصيات البيت

اول واحد
الاب ...وشخصيه قويه عصبيه بس انه طيب
الام ....حالها حال عيالها ...وعيالها مطلعين الشيب براسها
مرام......بالجامعه مرتبه مؤدبه من بينهم ...كلامها مو مثل كلام حاتم ومها
حاتم....بثالث ثانوي ...اوم الزحف ...لا اجتمع هو مها صارت كارثه ..يستحي من مرام ولا يستحي من مها
مها..........بثاني ثانوي ....ومثل ماقالوا عن حاتم ومها انهم تؤام مختلف .....تمووت بحاتم ...ومعه ميانه قويه ...يعني ما تستحي ابد ....تقول كل شيء على بلاطه وطبعا معلمها حاتم ....طيبه ونعومه ...
بعدهم فارس وهذا بسادس ابتدائي بس نايم قليل ما ينشاف ...دبيب يعني دوب ...من كثر ما ينام ما احد يسأل عنه ....

.....................................
كانت على الكمبيوتر .....
دخلت .....
ندى – سلام
فايزه- وعليكم السلام ....تعالي شوفي تصميمي الجديد......
ندى – وين......الصوره هذي...
فايزة- تعبت عليها
ندى تتأمل وقالت- حلوه ....حطيها بجوالي......
اتسطحت على السرير وقالت- اليوم جتنا بنت جديده....ياشينها اذا صار اول يوم ولا تدرين وش تسوين .....
فايزه- ياقلبي .....اخذتيها معك
ندى- اكيـــــد...اسأل مجرب ...كنت ابي احد يجي ياخذني ....
فايزه- هههههه تدرين اليوم عندنا بنات تهاوشن
ندى- ايه سمعت انا بمبنى المتوسط هوشه .....وش عليه
فايزة- لو تشوفين الضرب تقولين عيال مو بنات
ندى – اكيد شله ناصر
فايزه- ايه راعيت المشاكل......مسترجله ....الله يهديها
ندى- معقوله ما يدرن انه حرام...
فايزة- الا اكيد.....اقولك الهوشه فيه بنت سبت وحده من شلت ناصر ...وتقوم ناصر وتكافخ معها .....وتدخل كل الشلتين ....وجت المرشده والمديره يفرقنها
ندى- قهر راحت علي .....
فايزة-قويه قويه .....
ندى- اقول ماقالوا متى يجي فيصل ؟؟
فايزه- امي تقول يمكن بعد شهر ما كلمته....
ندى- يا انا مشتاقه له......

<<<<^_*
لا الــــــــــــــــــــه الا اللــــــــــــــــــــه
>>>>>^_*

................................
مها كان معها كتاب وتقراه بحماس ....
دخل حاتم غرفتها وقال- مهاوي .....
جلس قدامها وقال- اخبار المدرسه؟؟
مها- قلت لك على الغداء
حاتم- لا اقصد صديقاتك والبنات حلوات
مها ابتسمت ورمت الكتاب وعدلت الجلسه بتسولف – تبي زين تلقى زين تبي شين تلقى شين...
حاتم- من الزينات....
مها- وحده آآخ بس لو اقدر اصورها لك....بس المشكله حرام....
حاتم- يعني لهدرجه حلوه
مها- يااااا الله تجنن ....
حاتم- كم رقمها
مها رمت عليه المخده وقالت- ايه بدينا ...بتجمع ارقامهن اصلا ماتعرفت عليها ....انتم فيه عيال حلوين
حاتم- وش دخلك....اقول اعقلي
مها- عشنا وشفنا....حاتم....من وين نزل عليك العقل....اقول اخلص ابي بكره صور احلى واحد عندكم
حاتم – ابي افهم يالبنات انتن لازم يصير زوج المستقبل حلو
مها- انا عني ايه....يا سلام هو يدور البنت الحلوه وانا ما ادور الرجال الحلو...
حاتم- اصلا لا شافك بيهج...
مها- مخليه الحلا لاخوي...
حاتم- واثق اني حلو.....وري بكره البنات صورتي شوفي وش يقولن
مها- هيه ياقمر تراي اشبهك..
حاتم- حاس فيك انك تتمنين وتحلمين بس هذا ما يعطيك الثقه تقولينها
مها- اووه حركات....ما راح اعلمك بالبنت اللي يقلون لقبها حليمه بولند
حاتم طير عيونه- تشبها.....ياشيخه تبطي تصير تشبها
مها- سبحان الله فرق ذيك انها عمليات تجميل وهذي لا طبيعي ..
حاتم يفكر
مها- بس لو تموت ما اقولك وش اسمها

حاتم- بدينا ...
مها- مثلك
حاتم- لا تبين الجد فيه اربع خمس الحلوين طبعا انا اولهم
مها- ايه صدقت ....
حاتم- اللي مره ماشاء الله شكله اخو شبيهة حليمه ...يطيح الطير من السماء
مها- صوره لي....انت خلك صديقه ...
حاتم- هو معي بالفصل ...جلست اسولف معه ...ماشاء الله عليه اخلاق..
مها ابتسمت وقالت- المهم خلك معه
حاتم- هو يبيني ...بس انا ما اعطيه وجه
مها- اووخص ...تكفى خلك صديقه...
حاتم- وانتي تصيرين صديقه حليمه...
مها- اسمها مو حليمه
حاتم – ادري ...
مها – وع حليمه مغروره....هي واللي تشبها
...........................................
من بكره

الصبح....
حاتم- ابي حليب....
مها- هييييه ابي الجبن وين راح
مرام- السلام عليكم ........وين ابوي ؟؟
مها- ما ادري.......انا بروح للمدرسه بتأخر....ما اشوف فارس
مرام- امي عجزت عنه بتقومه مو راضي
حاتم- بروح مشي اليوم.....تعالي مهاوي يمكن اشوف حليمه....
مها- خخخخخ ما اعرفها .....وشلون بتشوفها

طلع من البيت هو ومها يمشون
حاتم – معقوله ولا بنت تروح مشي....
مها- الا امس انا مع بنتين جايات مشي....بس صراحه ماادري وين بيوتهن
حاتم- أيـــه......
اخذوا لفه
مها- لو تحبك وحده من بنات مدرستي بتصير كارثه
حاتم- اطب عندكم بالمدرسه من شان عيونها ......
-مها ....
التفتت ....وطالعت شنطتها وقالت- ندى ....انتي هنا.....
حاتم التفت بعدين صد وكمل....
ندى- صباح الخير......عرفتك من شنطتك.....
مها- اهلين....مشينا .....
ندى- هذا اخوك....
مها- يس ...حاتم.....
مشن وراه ....وحاتم يرز نفسه قدام البنت وهو يسمع سواليفهن
مها- يختي مدرستكم زفت ....
ندى- مالك بالقصر الا امس العصر ... وش دراك تحكمين عليها ....
مها- أيـــه ...ماشاء الله بقالتكم تفتح الحين
ندى- اكثر البنات يشترن فطورهن .....
مها بصوت قصير وش تبين ابي اورط حاتم...
ندى- لا لا وخزياه
مها- وش وخزياته خخخخ اقول قولي وش تبين....
ندى- سنكرس ....
مها- حاتم ...حتوووم....
حاتم- سمي
مها – سمي !!!اقول نبي من البقاله سنكرس وجالكسي وببسي ثنين....
حاتم بقلبه- الله ياخذ بليسك ما معي اليوم الا خمسه ....بتخلي لي ريال....
حاتم- طيب حاضر.....
دخل مها ضحكت وهي تقول- يستاهل .....
ندى- كم عمره ؟؟
مها- بثالث ثانوي ....عمره 19.....
ندى- بعمر فصول ..اخوي فيصل .....
مها- وينه ما يدرس.....
ندى بضيق- لا مسافر .....يسوي عمليه ...
مها-جد....الله يشفيه يارب ....بس وش فيه؟؟
ندى- ما يشوف .....
مها بحزن- الله يعينه.....
ندى- امين ....مع ان نسبة نجاح العمليه 30% بس حنا نتمنى يشوف.....
مها- الله يعينه....
-مها....
حاتم من عند باب البقاله يناديها .....
ندى ضحكت وقال- شكله معصب....
مها اتجهت له وقالت ثانكس ....
حاتم بهمس وعيونه حمر من القهر- ايه انا اوريك
رجعت مها لندى ....وحاتم غير طريقه وراح.....
ندى- وش قال؟؟
مها- يهدد.....
ندى- خخخخ....
مها- مشينا ....تبين ببسيك الحين
ندى- لا يالله صباح خير...
مها ابتسمت وقال- الله يالصحه...
دخلن للمدرسه .....نزلن عباياتهن ......ومشن للصف....
- تعااالي انتي وياااااه....
التفتن للمديره
ندى- اللهم طولك ياروح.....
المديره- ليش متأخرات
ندى بدون نفس- اسفيييين
المديره- كلمين باحترام
مها ببرائه- استاذه اخوي اخرنا .....
المديره- أيـــش....ندى هاذي تقرب لك
مها- اسمي مها .....ما امداني قبل امس جيتك.....
المديره- خير اصغر عيالك تكلمينن بهالطريقه
ندى ابتسمت على اسلوب مها
مها- لا بس ما احب احد يقول لي هاذي ....
المديره- عشنا وشفنا .....ايه تأخرتن ليش...
مها – اخوي كان معنا وشراء لنا اغراض وتأخرنا
المديره- تقربن لبعض؟؟
مها- لا لقيتها بالشارع .....قريبه من البيت
ندى- يعني باختصار ..جارتها...
مها التفتت لندى وقالت- أي والله انك جارتـــ.....
المديره بصوت عالي- متأخرت ويسولفن ....قدامي انتي وياه على مكتبي....
مها عصبت- خير ان شاء الله ....لا تصرخين....
ندى طقتها وقالت بصوت خفيف- اسكتي ....
مها- هاه وش اسكت عليه ....انا بزر تصارخين علي ....اقول لا يكثر....
تعدت المديره وكملت طريقها ....
المديره منصدمه من طريقة مها ...ندى فاتحه فمها ....
ندى طالعت بالمديره وابتسمت على ان الشخصيه القويه خرطي خوفتها مها ....
لحقت مها ......
ندى- ياخذ بليسك ما عمري شفت طالبه تكلم المديره هذي بطريقة مثل طريقتك....
مها- ليش......ايام كنت بمدرستي سابقا ما احد يقدر يتكلم على البنت لا معلمه ولا مديره ....انتم عادي ترفع صوتها عليكم.....
ندى- لا حنا نرد على المدرسات وعلى غيرهن والمديرات اللي راحن بس هذي من اول ما جت وهي تهاوش
مها- أيــــه اسمعي اللي اول ما تجي وهي تهاوش اعرفي انها خوافه .....هذا فصلنا صح؟؟
ندى- ايه الظاهر عندنا معلمه .....
مها طقت الباب ودخلت ....
مها- السلام........
معلمة الدين- وعليكم السلام ....ليش متأخرت
ندى- عند المديره
معلمة الدين- ليش؟؟؟
مها – تأخرنا ومسكتنا المديره وتأخرنا زياده
معلمة الدين ابتسمت وقالت- اتفضلن ....
دخلن ....جلست مها ....
ندى – كل يوم بتأخر عشان اجي معك ....
ابتسمت مها .....


<<<<<<*_^
لا الــــــــــــــــــه الا اللـــــــــــــــه
>>>>>>>^_*




..............................................
حاتم..............
كان ازعاااااااااااااااااااااااااااااج ......
حاتم يسولف مع مجموعه – لا ريال مدريد نزل مستواه
خالد- ايش ريال مدريد ينزل ....اقول لا يكثر اللي نزل مستواه برشلونه
حاتم- لا ....بالعكس بالمرتبه الثانيه .....وسبق الريال...
فهد- ومن قاله .....الدوري الاسباني السنه هذي كلهم بالارض ....انا ما اتابعه...شوفوا اليوم الدوري الايطالي يوفنتس والانتر ....
حاتم- اقول ضف وجهك....
فهد- الاسباني خايس ....
وحد من بعيد- اقول الايطالي ما مثله ......
خالد- انت من سمعت انك تتابع الدوري الفرنسي وانا غاسل يدي منك....اقول اكرمنا بس..
حاتم كان جالس على الطاوله ....نزل وقال – الظاهر الاستاذ غايب .....قوموا....
قام خالد وقال- يالله فهد....
وقف فهد وطالعوا من الفصل وقال- وش سالفه معلم الكيمياء ....ليش كل ما جاء وهو معصب.....والمشكله لاصرخ كلن يسكت ....شايفنا بزارين
فهد- قد تضارب هو واحد....يا اخي شوي والولد يموت ....
خالد- عاد عليه جسم ما بوه اكبر منه ...تقل فيل...
حاتم- مسوي فيها شخصيه......
طلع طلاب ثاني ثانوي ..كانوا اربعه....
كلهم عربااابجه...

حاتم- الحين اكيد هذا بثاني ....غريب عمره بالعشرينات
فهد- ايه هذا دايم راسب....قد درس مع اخوي الكبير....تبي الفزعه ....اتجه له...
حاتم ابتسم وقال- سلااام...
ابتسم العربجي وقال- وعليكم السلام والرحمه ...انت الجديد...
حاتم- وصلت...
قربوا منه وقال- حياك الله.....
خالد- اقول منصور......اخبار الوكيل معك؟؟
منصور- الخايس ....جاي يقول بكلم ابوك..يا اخي شايفني بعمره ....
فهد- ما حصل كم ضربه؟؟
خالد- ابد....صفقتين....
ضحكوا ومنصور يقول- اجل بعمره انا عشان يتصل على ابوي.....شكلي بلحقه بأبوي .....بحط قبره جنب قبر ابوي ....
حاتم ابتسم وقال- الله يرحمه ...
معلم الانجليزي من وراهم- انتم وش مجتمعين عليه قدامي على فصولكم....
حاتم- اقووول .....تراك ما تدرسنا
معلم الانجليزي – اذا محترم بتروح وتدخل فصلك احتراما لي بس لاني اكبر منك
منصور- يا استاذ ....عشاني بس ...هالمره...
معلم الانجليزي- طيب اصواتكم قصروها .......الطلاب يختبرون.....
منصور- من عيوني يا استاذ

دخل الاستاذ
حاتم- شكلك محبوب عند المدرسين....
خالد- أيـــه واضح....شف اللي ما يسوي له شي هو حبيب .....لكن اللي رافع خشمه هذا دايم هوشات
حاتم- ما عندكم استاذ ...صفكم مسكر بابه وهادي...
منصور- لا بس طردنا الاستاذ.....
حاتم وخالد وفهد-هههههههههههه
حاتم- احسن ...وش تبون بالحصص...
..............................
بالحصه الثالثه كانت حاطه راسها على الطاوله ونايمه ......
مها التفتت على ندى وابتسمت ...... .....
معلمة العربي- ياللي ورا .....اوقفي...
مها طالعتها وقالت- انا؟؟
المعلمه- ايه...
وقفت ....
كانت ماتشوف ندى
المعلمه- توزيع ابتسامات ما ابيها..... هذي حصه علم لازم تنتبهين....
مها ابتسمت ...
المعلمه كانت بتشوف اللي بجنب مها ....وقالت- انتي ياللي بجنبه.....
مها- ندى؟
المعلمه- ما ادري صحيها
مها- ندووو ندوو...
ندى صحت مفزوعه- هااه..
مها-اوقفي
وقفت ندى وهي تطالع
المعلمه- المفروض تحترمين حصه العلم ....
مها بصوت خفيف- غثتنا بحصة العلم.....
المعلمه – وتتخالون .....انقلعن برا
مها طيرت عيونها وقالت- هيه انتي .....خير....انا انقلع.....وش انتي ...
المعلمه ارتبكت
ندى- نطلع...
مها- لا تقول تفضلن مو انقلعن.....
جلست وقالت- ما راح اطلع
المعلمه بربكه- وش اسمك انتي ...ما ينفع الا تنقيص الدرجات ....
مها- ندى انثبري
ندى جلست وقالت- بس ليش ما نطلع نستانس...
المعلمه- أيـــش تكلمن بصوت عالي....
مها- ترانا مو بزراين ......لازم تحترميننا عشان نحترمك ....
سهام- أي والله صداقه .....كل وحده تحترم الثانيه
زهره- يوه يوه ....يا استاذه ....شوي شوي علينا ما نتحمل
الاستاذه- بس خلاص بنات لو سمحتن.....
مها ابتسمت وهي تقول بقلبها- ما يمشن الا بالعين الحمرا .....هه...
رجعت المعلمه تشرح ......
.............................................
بالفسحه........

كانت فايزه مع صديقاتها ......
فايزه- بنات هذا المويا .....أوووف ...ترا اخر مره بجيب لكن .....
عبير- انثبري يابنت .....ترى كله مويا .....
فايزه- بس المقصف يطووول ...
عبير- اقول بنات ...شفتن استاذه فاطمه ....الدب القطبي....
نوره- ايه الله يقررفها هي وذوقها .....وووع شكلها نصراويه لابسه تنوره زرقاء وبلوزه صفرا ....
مريم- انا الظاهر شايفه البلوزه عند ابو عشره ....يا اختي هالمعلمه....الذوق عندها عدم
فايزه- القهر انها نصراويه ....مو لااايق ....آآآخ ياللوان
مريم- أيـــش اقول ...انتي ما ادري وشلون عايشه .....اللي ما يشجع الزعيم المفروض ما يشجع
فايزه- جتني ندى الثانيه ...بالعكس النصر وووه ياقلبي عليه
عبير- اسكتي انتي وياه ...اذا بتشجعن شجعن الاهلي.....
خلود- بناااات بس عن الرياضه .....شوفن شله ناصر...
التفتن....
عبير- يوومه ....ذا البنات لا شفتهن كل شعر جسمي ياقف....
فايزه كانت تطالع بناصر طبعا اسمها غيداء ....لكن اسمها المستعار ناصر....
ناصر طالعت بفايزه وهي رافعه حاجبها وابتسمت ....وكلمت صديقتها
فايزه بعدت عيونها وقالت- صبايا ...وشلون يدخلن مبنى المتوسط وهن ثانوي .....
خلود – قومي ....انا اوريك من وين يدخلن....اصلا ما يدخلن الا عشان حبيباتهن....
فايزه وقفت وقالت- يالله...
عبير ومريم- وين؟؟؟
خلود- مالكن دخل....
راحن يركضن ....للورا المدرسه .....وطبعا بين مبنى المتوسط والثانوي سور حديد فيه فتحات صغيره طويـــــــل وفيه بوابه .....
خلود وقفت وبعدت اغراض وقالت- هذا ما احد يدري عنه
فايزه- يومه .....من فاتحه....
خلود- انا اذكر سمعت اصواتهن وهن يكسرنه ...
من وراهن صوت فيه رجوله- عاد هذا بينا وبين الحلوين ....
انهبلن وهن يبلعن ريقهن ........
التفتن ....
خلود ابتسمت وقالت- اهلين نويصر.....
غيداء- من القمر هذا....
خلود- هذي فايزه ....
وحده جنبها اسمها حمودي ابتسمت وقالت- اوووه عليه عيون.....
ضربتها ناصر وقالت- انت لا تطالعها.....
طالعت فايزه وقالت- وش جايبكم هنا ؟؟
فايزه- اسفين ...
قالت وهي مبتسمه وكانها ذايبه- والله؟؟روح انت وياه....واذا دايم بتجون....حياكم....الله لا يحرمني من هالطله
فايزه بخوف- مشينا خلود......
تركنها وراحن ...
غيدا- اويلااااه
...............................
ندى- بنات بنات.....اختبار النحو اليوم
فيروز- ايه.... ذاكري....تراه الحصه الخامسه
مها- روحي ذاكري....
ندى- امممممم يا اختي سهل....
رغد كانت دلوعه- تراها بتجيب النص الثالث....
البنات-ههههههههههه علمتك حبيبة القلب....
رغد ضحكة بخفه- ايه ...اكيد....
ايمان- المعلمه ذي ما تستحي على وجهها
رغد- مو انتن مستفيدات.....
مها بتعجب – وش السالفه؟؟؟
ندى- ما تدرين؟؟؟
ايمان- بلاااااوي بمعلمة النحو
مها- شو!!!
فيروز- البنت معجبه برغد...اقصد تحب رغد....لو رغد تطلب اسئله الجغرافيا تجيب لها اسئلة الجغرافيا ...وكل البنات يدرن ...
مها- اووف .....لهدرجه ؟؟؟
ندى- واكثر......تدرين ايام الاختبارات ما ذاكرنا ابد
ايمان- انا ما اخذت اسئلتها الخايسه.....والله ما ابي اغش...
مها- صح.....حرام عليها ....يعني نغش وزياده على ذلك هي خاينه
رغد – يوووووه خلونا نستانس لانجيب سيره الخبله
مها – ما شفتها ...وش اسمها ؟؟
رغد- نهوووله ....
مها- نهله؟؟؟ يعني توقعون كم عمرها ؟؟
رغد- عمرها 24 توها متوظفه ولا تزوجت ....
مها- البطاقه الشخصيه عندك 
رغد- من زمااان ...


<<<<<<<<*_*
سبحــــــــــــــــــــــان اللــــــــــــه
>>>>>>>>>>*_*

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 2
قديم(ـة) 23-12-2009, 09:34 PM
صورة Lipton تلقيمه الرمزية
Lipton تلقيمه Lipton تلقيمه غير متصل
©؛°¨غرامي متألق ¨°؛©
 
الافتراضي رد: رواية شغب في مدارس الرس


شكلها حلوة الروايه مرة

كمليها بسرعه


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 3
قديم(ـة) 23-12-2009, 10:09 PM
صورة ملامح هدوء الرمزية
ملامح هدوء ملامح هدوء غير متصل
•.♥.•° ღ♥ღ انثــــى ღ♥ღ لــن يكــررهـا ღ♥ღ الزمــان •.♥.•°
 
الافتراضي رد: رواية شغب في مدارس الرس


اي والله كملي

شكلها حلوه

لاوبعد من القصيم

اكيد بتكون حلوه

الله يوفقك

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 4
قديم(ـة) 24-12-2009, 04:03 AM
صورة »آٌخفيے בـنينيے●~ الرمزية
»آٌخفيے בـنينيے●~ »آٌخفيے בـنينيے●~ غير متصل
©؛°¨غرامي مشارك¨°؛©
 
الافتراضي رد: رواية شغب في مدارس الرس


يثلمووو يثلمووو احرجتون بمروركم
ان شاء الله اكمله

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 5
قديم(ـة) 24-12-2009, 04:07 AM
صورة »آٌخفيے בـنينيے●~ الرمزية
»آٌخفيے בـنينيے●~ »آٌخفيے בـنينيے●~ غير متصل
©؛°¨غرامي مشارك¨°؛©
 
الافتراضي رد: رواية شغب في مدارس الرس


.....................................
ندى ومها وفايزه راجعت مشي....
مها- فوفو ليش الصبح ما تجين معنا
فايزه- يوووه وش صبحه اتعيجز
ندى- هذي على جنب ....عجوووز لا والله جدتي انشط منها ....شغلها الكمبيوتر .....
مها- دارسه حاسب؟؟؟
فايزه- نو....بس لاني عليه 24 ساعه عرفت اصمم وعرفت اسوي كل شيء
مها – تصممين ...حلو وبدون دراسه .....اقول ندى ....البنت اللي اليوم مجعده شعرها ومسكتها المديره ....ليش تمسكها
ندى- لانها مجعده
مها- التجعيد ممنوع!!....ايه هين ...بكره بجعد...
ندى- جد ترى مخالفه
مها- ايه انا بخالف
ندى- تراك نسبه
مها – كيفي....هذا مو حاتم....اي والله حاتم......يالله اشوفكم على خير.....
استعجلت وقربت منه ....وقالت- حاتم....
التفت وقال- خيييير
مها- يووومه منك....
حاتم- هذي اللي اليوم تبي ببسي؟؟؟
مها- ايه...انت زعلان علي؟؟
حاتم صد وقال- لا تكلميني
مها – خسااااره كنت بقول لك وش قالت عنك....
حاتم- لا لا....جد...
مها- ايوالله....بس دامك زعلان مو لازم ...
حاتم مسك يدها- وقال يابعد قلبي يا اختي....بكره وبعده وكل يوم بروح معك عشان اشتري لك
مها- وعد...
حاتم – لا مو كل يوم لكن اذا طلبتيني...
مها- وعد؟؟
حاتم- وعد ....
مها- قالت انه عصبي.......
رفع حاجبه وقال- بس....
مها – انت واعدتني...
التفت يمين ويسار يشوف فيه احد او لا ......
وضربها بكتابه مع راسها وقال- تعرفين تستهبلين....
دخلوا البيت ومها تقول- هيه يا دوب .....المتني
حاتم- لا تخلينا ...المتني ...
دخلوا .....
حاتم- سلااااام....
مها- سلااااااام ......هل من احد هون؟؟
فارس- انا هنا....
مها- المنعون....الحين امي عادي عندها يغب وحنا ....محال ان نغيب...
حاتم- انتي وش فيك ماسكه على الفصحى ......اخر حصه اخذتوه عربي؟؟
مها- والله يا عندنا معلمه ما تحتسي الا عربي .....تخيل تقول ...انهضي وقفي امام السبوره لحل الواجب....
حاتم- خخخخخخخخخخ.....وش ذا المعلمه.......بروح اغير ملابسي...معي ريحة عرق
مها بقرف- وووووووووع تروش ياوسخ
حاتم- ايه اجل وش بسوي...
دخلت غرفتها ورمت الشنطه على السرير وهي تنشد- نور في الاجواء تألق هب نسيم يحمل طيبا .......
طرررررررررخ .......دخلت مرام وقالت- مها مها مها ....
طالعتها وقال-هاه ....
مراام- فيه عرفت بنت ...ويم سألتها وين بيتكم قالت انه بنفس حينا ...وصفته وصار اللي قدامنا ....
مها ابتسمت وقال- وش ذا الصدفه !!!! غريبه ......قلتي لها ....
مرام- لا بفاجئها
مها- طيب ممكن تعطيني مقفاك ببدل
مرام- اخلصي انتي واخوك ابي الغداء
...................
ندى تاكل سلطه .....
ندى- مامي ...متى يجي فيصل...
امه- ياقلبي عليه ....العمليه وما نجحت .....
ندى بضيق- الله يعين...طيب متى بيجون ؟؟
امها- على كلام اخوك بعد اسبوع ...
ندى انا مشتاقه لفيصل ماآآآآآآره ....
امها- الله يرجعهم بالسلامه ....
ندى نزلت الصحن وراحت لغرفتها هي وفايزه واتسطحت كانت فايزه ما تحس بالناس ناااايمه
وندى .....تذكرت ايام فيصل وهو صغير....كانت مثل ظله .....لكن كان يشوف ....وعيونه عيون غزال ...كان جميــــــــل وعيونه احلا ما فيه
كانوا بالاستراحه .......وكل البزارين مجتمعين حول المسبح......والرجال عيونهم على فيصل .....
ابو فيصل كان يقول- فيصل ندى لا تقربون .....
مسكت يده ....وهي تقول –لا تقرب.....
كان عمره 12 ..... قال – لا تخافين انتي روحي بعيد عشان ما تطيحين ...
قرب شوي وكان فيه على حافة المسبح سراميك عليه مويا ....رجله مالت وطاح على راسه ضرب حافة المسبح وطاح ...وكان ثلاث امتار ......المسبح امتلأ دم منه ....وصرخوا البزارين ......

نزلت دموعها وهي تتذكر .....
رجعت تتذكر لما كان بغيبوبه شهر ....فتح ولا شاف النور بعدها .....
شهقت وتغطت بالبطانيه وهي تصيح.........كان اعز اخوانها .....ما فيه احد مثله ........ومن صغرهم مع بعض......
ندى – الله يشفيه .......
................................
على الغداء
حاتم- يمه ابوي وينه ......
امه- ما جاء بيتأخر اليوم ....
فارس- من اخذ منه الوجبات ؟؟
امه- ما ادري عنك....مير انت لا نمت من يصحيك...الماء وهو الماء ما تصحى به
فارس- وش اسوي ...من الله
مها- انا لو اتفضى لك كان اعلمك وش تسوي
مرام- بس انتم لا كلام على طعام
حاتم- من متى وانتي الثرثاره دايم ....
مرام- اوووص
مها تطير حاوجبها فوق وهي مبتسمه وتقول- حتومي ....تدري من شفت اليوم؟؟
حاتم يطالعها وهو يفكر .......
مها- اللي بالي بالك....
حاتم ابتسم وقال- اسكتي....لا تفضحينا
مرام- وش بينكم؟؟؟
امهم- مها وحاتم ما ينعرف لهم مره مع بعض ومره يتضاربون
فارس- حنا خوان ....قولوا لي وش بينكم
حاتم- اسكتي ماهوي هذا سر ...وشدخلك انت واختك؟؟؟
مرام- الحينانتم اعوذ بالله ...مها انا اختك ...مو هو اختك المفروض تعلميني بكل شيء....مو تعليمن الولد...
مها- ياحبيبي يا اخوي....
حاتم- شيء خاص....
..................................
بالليل كانت متسطحه وتفكر.....
وتقول بقلبها- ليش غيدا كذا .....البنت حلوه بس لو تطول شعرها وتحط كحل كان طلعت احلا المدرسه.....لو اقدر اقولها ....بس اخاف منها نظراتها تخوفين وشلون لو اكلمها
ندى- فيافي .....نمتي؟؟
فايزه التفتت لها- لا....
ندى- ما اشتقتي لفيصل؟؟
فايزه- الا حتى احمد اشتقت له .....مشتاقه حتى لساره ....
ندى – آآه بس .....أنا مآآره مشتاقه لفيصل ....والله ابي اكلمه....
فايزه- كلميه....
ندى- ما معي رصيد....
فايزه- جوال امي....
ندى- بس يمكن نايمين...
فايزه- مثلك هم....الحين هم الصبح ...قومي.....
ندى- طيب....
طلعت وهي تركض ....دخلت غرفة امها واخذت الجوال وطلعت بهدوء ...
جلست بالصاله وهي متردده ......
ندى- بتصل....
اتصلت على احمد.......
كان يرن ...يرن ....
رد احمد......- هلا يمه....
ندى- الو....
احمد- هلا....ندى.....
ندى- اخبارك احمد....وشلونك...واخبار ابوي
احمد – الحمد لله.....اخبارك واخبار فايزه ؟؟؟
ندى – بخير....
احمد- تبين فيصل....
ندى- ياليت...
احمد – طيب بس لا تطولين ممنوع عنه الجوال ...بس لانك متصله بهالحزه .....الساعه كم عندكم....
ندى- الساعه 12 ونص...
احمد- طيب......فيصل ...فيصل.....
فيصل- هلا...
احمد- فيه وحده تبيك...
فيصل ضحك وقال- وحده ....
اخذ الجوال وقال- هلا ندى ....
ندى امتلت عيونها دموع وقالت- اخبارك فيصل......
فيصل- بخير...ندو مو مثل دايم تقلبينها نكد.....خلاص قريب بنجي....بس لا تبكين ...
ندى- اشتقت لك ....والله اني مشتاااقه لك...
فيصل- وانا مشتاق لكم....ليش صوتك كذا ...اقولك حتى عيونك لا تمتلي دموع
ندى- تحس فيني بعد......
ضحكت ضحكه خفيفه وقالت- ابيك ترجع سالم.....والله اشتقت لكم....
فيصل- خلاص قريب كلها اسبوع ....
ندى – ارجعوا بسرعه بقولك اشياء مآآآره رهيبه صارت لي...
فيصل- تحملتي شهري مو قادره تتحملين اسبوع....
ندى- بتحمل ...
فيصل- يالله لا اطول عليك......
ندى- سلم لي على ابوي ....واحمد....
فيصل- من عيوني ....سلمي لي على امي وفايزه وسامي...
ندى- ان شاء الله....مع السلامه ....
سكرت وهي تمسح دموعها ابتسمت وهي تاخذ نفس.....
نزلت الجوال وارجعت لغرفتهن ...
دخلت ....
فايزه- هاه كلمتيه؟؟
ندى- يس....
فايزة- كنت انتظرك تجين عشان اكلمه
ندى- ياعجووز ....
اتسطحت وقالت- يسلم عليكم .....
فايزه- الله يسلمه من كل شر ....
............................................
الصبح .....
كان حاتم ماسك الكتاب ويقرا ....ومها تمشي جنبه ......
مها- حتوووم...من متى انت تذاكر
حاتم- انا مو مثلك ادبي ....ضفي وجهك.....
مها- اوف ...وين ندى ......هذه ...ندو....
تقدمت بسرعه لها وقالت- اخيرا بلقى احد اسولف معه طول الطريق....
ندى – ماشاء الله اخوك يذاكر.....هو علمي؟؟
مها- يس.....
تقدم حاتم عليهن ومشن وراه ....
مها- وين فايزه؟؟
ندى- ما تجي الصبح قليل تجي مشي....تتعيجز ....يجيبها سامي اذا راح لدوامه....
مها- لك اخو اسمه سامي؟؟كم عمره؟؟
ندى- كبير عندنا بالبيت فوق ....متزوج...
مها- الله يوفقه....عنده عيال؟؟
ندى- ايه عنده بنت اسمها اسرار ...
مها- الله يخليها له....
ندى- تعالي لنا اليوم العصر ....
مها- لا صعبه
ندى- وش صعبته.....عاتي عاتي .....تقهوي وروحي ....
مها- لا يمكن بابي ما يرضى .....
ندى- طيب حاولي....
مها- اوك احاول.....
سكتت ندى .....وهي تتذكرفيصل
مها- شو بنا ؟؟ليش سكتي ....احكي؟؟
ندى- تدرين الفرق بيني وبين فيصل مثلك ومثل حاتم....
مها- يعني انتم قريبين من بعض؟؟
ندى- ايه قرابه قويه......
مها- الله يشفيه.....
ندى- فشلت العمليه.....
مها بضيق- الله يعينه...يعني هو تحسينه مكتئب.؟؟
ندى ابتسمت بضيق وقالت- لا والله.....لو تشوفينه تنهبلين تقولين هذا مو اعمى حنا العميان....اخذ الدنيا بوناسه مو طبيعيه ....دايه يقول وش لي اذا تكدرت وضيقت بخاطري...أستانس وارتاح بالدنيا ....وان شاء الله ارتاح بالاخره ....يعني ما تتصورين ان اللي تكلم قدامك واحد الله اخذ منه نعمة البصر.....حتى اذا بتسولفين معه ....يطالع فيك...بس ما يشوفك....
مها غرقت عيونها دموع وقالت- الله يشفيه ....من جد ضايق خاطري عليه....ناقف معه ان شاء الله بالدعاء ..
ندى تطالع بمها مع ان مها متغطيه وقالت- بتصيحين؟؟
مها- لا لا ...
ندى- الا اكيد عيونك مليانه دموع...
مها مسحت دموعها وقالت بتعجب – وشلون تدرين.....
ندى- افا عليك تربية فيصل....يحس فيك والصيحه واصله بحلقك....يحس فيك اذا مرتبكه ...او ضايق خلقك كله من صوتك....ولو ضايق خلقك وانتي تضحكين يدري....
مها- سبحان الله......
دخلن المدرسه .....
ندى- ان مسكتنا المديره اليوم.....مها ...ليش التجعيد انا قلت لك لا تخالفين.....
مها- احسن....ابي اخالف .....
اخر شي دخلن ولا طلعت لهن المديره ولا شيء.......
............................................
كان عندهم معلم .....حاتم التفت على خالد وقال- والله ملل ...هالاستاذ حصته دايم كذا؟؟
خالد- ما شفت شيء.....
الاستاذ- بس......
حاتم- استاذ طفشنا.....
الاستاذ ببتسامه- اللي طفشان يطلع لساحه يلعب كوره ....
يحسبهم بيستحون منه....
حاتم – يالله يالله ...خالد ....بسرعه قبل يغير راييه
قاموا الفصل كله .....
الاستاذ بصدمه – لحظه انتم.....
فهد- الكلمه كلمه ......
طلعوا والاستاذ متوهق ......
حاتم- ههههههههههههههه يستاهل ....يعرف وشلون يتكلم وهو مو قدها....
فهد- شفتوا وجهه .......متوهق ...شكله بيجيب لنا المدير.....
خالد- شفتوا مباراة اليوفي والانتر.....
وقف واحد من العيال اللي يمشون وقال- انا عارف ان اليوفي بيكسر روسهم....
حاتم- تبونا نلعب.....
فهد- الكوره فوق السطح عقب ما رماها منصور امس.....
حاتم- ولا احد جاب غيرها ......
.....................................
فايزه طالعه هي ونوره من الفصل.....
نوره- وش فيها .....يعني ما تفرق .....
فايزه – انتي وش تقولين اللي يكلم عادي.....لا جد انهبلتي .....اول شيء علاقتك حراام...بعدين ماتخذينك لعبه...
نوره- لا ...ماعاش من اتخذني لعبه ....انا نوووووني
فايزه- وان حبيتي احد وتورطتي معه....
نوره- لا لا انا قلبي مو بيدي ...قلبي هو عقلي
فايزه باستحقار- بس للاسف عقلك اصغر من النمله.....انتي صغيره لا تدمرين حياتك....
نوره- عاد انا فضفضت لك عشان استانس مو اتنكد
فايزه- بس هذا شيء ما يونسني.....
نوره- اجل اسفه كأنك ماسمعتي شيء
تركتها وراحت ....فايزة واقفه على الدرج مصدومه وتقول بنفسها- انتي يا نوره معقوله ...
من وراها – فيافي ....شفتي استاذه فاتن؟؟
فايزه بضيق- لا .....الظاهر غايبه ...
صعدت الدرج ودخلت الفصل ....
جلست وهي تفكر ....خلود- فوفي ...شو بنا ؟؟
فايزة ابتسمت وقالت- سلامتك.....
دررررررررررررررررن الفسحه...
.....................................
كانت جالسه تاكل جالكسي ومعها ندى يسولفن ....
مها – يوم شاف ان مافيه امل .....وهو يصيح .....
ندى- خخخخخخخخخ اووما هاللي مسوي فيها ثقل وشخصيه كان يصيح.....
مها- ايه حاتم مهايطي ....
ندى- اذكار ايام فيصل كان يدافع عني ....
مها- وشلون؟؟؟؟!!!!
ندى ابتسمت وقالت- قبل كان عمره 12 ...و11 ....كانوا اذا شاف ان العيال يخطون علي كان يتضارب معهم....
مها- الله يشفيه ......
-هااااااي
ندى ومها- وعليكم السلام
رغد- يوه منك انتي وياه ...ماعندكن لباقه بالكلام
ندى- لا لا ياحبيبتي انا مسلمه
مها- ههههههه وانا بعد مسلمه ...
رغد- يوووه وين الصبايا .....
جلست عندهن
مها- ما ادري قالن انهن بيشترن ....ولا شفناهن ...
رغد- اووف اليوم حر...
ندى- الشتاء دخل وانتي تقولين حر
رغد بحماس- بنوتات تدرن وش جبت...
ندى – قولي اسئلة االتاريخ
رغد- صح .
مها ابتسمت وهي تراقب ....
ندى- قومي قومي ابيهن ....
رغد- الاختبار بكرا ....مو لازم الحين...مهاوي تبينهن ؟؟؟
مها تفكر- اممممم
رغد- عادي عادي .....ما يعتبر غش.....
مها- لا لا ...اذاكر وش بيضرني.....
ندى تطالع بمها بتعجب ....
مها قامت وقالت- بروح اذاكر الحديث .....
رغد- تعبين نفسك ...انا اقولك الاسئله معي .....
مها- بس ابي انجح وانا مرتاحه ....... سي يو
تركتهن وراحت .....ندى ابتسمت وهي تراقب ندى
رغد- هاااه انتي وش فيك ؟؟؟
ندى- تعجبني ....
رغد- اووه بالعكس معقده ...
ندى – سكتت ولا تكلمت اكثر بموضوع الغش ...
.......................................
قام وقال بروح للحمام ...
فهد وخالد – ننتظرك
كان يمشيء ....وهو يطالع الطلاب ....دخل دورات المياه
رفع حاجبه ...يوه ريحه دخان ......
اتجه للمغاسل وغسل يديه واخذ منديل ......انفتح باب الحمام وطلع منها ولد كان بثالث ثانوي ماسك بيده دخان قال- هيه انت ....ثاني مره تكلم عشان ما ندخل ......
طلع ولد واضح انه بالمتوسط رمى الدخان ودعس عليه وقال – ابو سالم ...مشكوور ....
غمز له وقال- بنكررها ...
حاتم يطالع وعلى وجهه علامة تعجب ....
طلع الولد
الولد اللي هو ابو سالم- عاد بيننا هذا هاااه
حاتم طير حواجبه بتعجب وطلع وهو ساكت .....اوف وش هالدمار ....لاعب براس البزر
دخل الفصل
حاتم- سلام ....
الجميع- وعليكم السلام
حاتم- اقول من اللي بثالث ثنوي يسمونه ابو سالم
فهد- ايه هذا داشر ....لاعب على عيال المتوسط .....لو يعزلون المتوسط عنا اتوقع ينجلط
حاتم- ابن الذين قبل شوي معه ولد من المتوسط الظاهر انه هو معطيه الدخان
خالد- الله لا يبلانا بما ابتلاهم به .........اقول حاتم نشوفك اليوم بالمزروع ...
حاتم- بالليل؟؟
خالد- ايه بعد العشاء .....
حاتم- اجل نصلي بالمزروع
..........................
فايزة جالسه مع البنات وتضحك عادي .....
نوره ساكته ولا تكلمت ....
خلود – نوني ...وشفيك اليوم مو على بعضك
نوره تطالع فايزه باستحقار وتقول- ابد سلامة قلبك
خلود- وقلبك ياقلبي
نوني طالعت بخلود ابتسمت وقالت- بديناا خلود......
خلود- قومي نتمشى ....
مريم- كل يوم انتن كذا ....
عبير- اتركيهن هن وبلاويهن ....
فايزة تطالع فيهن عرفت ان خلود مثل الخبله نوره ......
نوره- وش دخلك ......
راحن وهن يسولفن ...
فايزة- مريم .....اخبار العلوم معك
مريم- اوووف صعب مو قادره اركز
عبير- اصلا كله من المعلمه الخبله هذي ......مسويه فيها انها احسن معلمه
مريم- ايوالله اني ما افهم معها ...
فايزة- صممت اللي تبينه عبوره.....
عبير –جد؟؟
فايزة- يس ..اليوم ابي اشوفك بالايميل عشان ارسله لك
عبير- ما اضمن ادخل ايميلي .....ارسليه برساله ....
مريم- ليش ما تدخلين؟؟؟
عبير- النت مقطوع وفواز مسافر ....متى بيرجع عشان يشترك
فايزة- خلاص .....برسلها لك ......خلصت الفرصه مشينا لا توقفنا المديره
..................................................
وبالطلعه ...
طلعن راجعات للبيت .......
مها- غريبه ما طلعوا العيال .....التفتت ورى لو حاتم ومعه واحد على قولتها خقق ......
مها- ايي المنعون حويتم
ندى وفايزه من الشرافه التفتن...
ندى- يوه من المزيون هذا !!
صدت ندى لانه عيب تطول وهي تطالع
اما فايزه رقبتها بتنكسر وهي تطالع .....
ندى- وجع
فايزه- يا ويلي كلهم يهبلون
ندى- غضي البصر
مها- وع حاتم مو حلو
فايزه صدت وقالت- ايهم اخوك مهاوي
مها – اللي شعره مو طويل .......مو اللي شعره ناعم لا شعر حاتم عادي .....
فايزة ترجع وتلتفت وتقول- يهبل يهبل
حاتم رفع عيونه يطالع يشوف الملقوفه تطالع ...يدري انها مو اخته ولا ندى ...حفظ شناطهن دايم معه كل صبح
ابعد عيونه على انه ماشاف فايزة
ندى- عيب لا يشوفك ....
مها- لو يدري انك تطالعين بيرفع خشمه
ندى قرصتها وقالت- اآآآآآي
ندى- لا تجين معنا دامك كذا
فايزه- عز الله جيت معكم كل صبح
ضحكت مها وقالت- انتي تعاجزين......
ندى- ياللا باي مهاوي ...وحاولي تجين لنا العصر.....
مها- اوك اوك
دخلن بيتهن ......وكملت طريقها مها ......
دخلت البيت ونزلت عبايتها بالصاله ......ورمت شنطتها على الكنب ........
دخل حاتم وقال- مهاااااوي ...
مهاوي وهي تفك ربطات جزماتها – هاه ....
حاتم- من الثالثه اللي اليوم معكن
مهاوي ابتسمت وقالت- وش ثالثته انا وندى بس
حاتم- ايه هين بالله مين ...
مهاوي- علمني ليش وانا اقولك......
حاتم- ابد سلامتك بس ابي اعرف من ......
مها قامت وقالت- لا ......
دخلت غرفتها وسكرت الباب ......
حاتم- يانذله...
طلعت وقالت- من اللي معك اليوم؟؟
حاتم ابتسم وقال- قولي لي من اللي معكن انتي وندى
مها- طيب بس وعد تعلمني من....
حاتم- وعد.
مها- هذي فيافي ...اخت ندى
حاتم- وش اسمها مو دلعها
مها- فيافي ما احد يناديها الا فيافي ....
حاتم- لا يشيخه ....اسمفها فاتن؟؟
مها- لا .....
حاتم – اجل ....اشوفها تقزني
مها- اجل شفتها ....اسمها فايزة تقول انك تهبل ......
حاتم- أيــــــــه ادري هذي قديمه
مها- وانت؟؟
حاتم- وش دخلك .....
مها- ايه هين ...بس قل لي مين ....
حاتم- واحد بأول ثانوي ......
مها طيرت عيونها وقالت- وراه اطول منك
حاتم- ما ادري ......
مها- ياعومري عليك ما دريت انك قزوم
حاتم- هو اطول واحد بالمدرسه ....اطول من المدرسين ...
تركها وراح ......
.............................
قامت العصر ....مدت يدها للجوال شافت رساله من مها انها بتجي ....
ندى نطت وقالت- اكيد الحين على الابواب .......
دخلت الحمام غسلت وتوضت وصلت والبست ....حطت كحل ومرطب وطلعت تعلم فايزه ..
دخلت المطبخ وهي تقول- فايزة فايزه ....سمعت صوت مكيف المجلس ....قالت- يافشله جت ولا استقبلتها .......
دخلت وهي مبتسمه .....اختفت ابتسامتها .........تطالع مو مصدقه ...ماقدرت ترمش بعيونها ..امتلت عيونها دموع
اخوها سامي- تعالي وش فيك واقفه ...
قالت بهمس والصيحه واصله – فــ... فيصل ....
فيصل- اهلين ندو ....وقف وهو يشوف اللي حوله ظلام بس انه يطالع لجهه صوت ندى
وكانه يطالع فيها
قربت منه وهي تقول – الحمد لله على السلامه ......
ضمته وهي تصيح ......

فيصل- الله يسلمك ...اخبارك...
بعدت عنه وقالت- بخير من الله ..
سلمت على ابوها واخوها احمد وقال- المفروض على ابوي اول
ندى ابتسمت وقالت- والله مو مصدقه ان فيصل قدامي......
جلست جنبه وقالت- والله اني مشتاقه لك مآآره...
فيصل يطالع الارض ويقول- وانا مشتاق لك مره.....للحين تصيحين ؟؟
ندى- والله فرحانه بشوفتك...
ابوها- وحنا .....مو فارحانه فينا
ندى- الله يخليكم لي .....اخبارك احمد واخبارك يبه
ابوها واحمد- بخير
فيصل- ابلوشني كل شوي يقولون لي انت وش تبي بالسعوديه
ابوه- انت اللي ابلشتنا تقول ابي ارجع ....
فيصل- آآه تو ما عرفت اتنفس زين .....هو ندى بالسعوديه بتصير السعوديه جنه
ندى- ياقلبي.....
دخلت فايزة وقالت- ندو ....وش رايك بالمفاجئه ؟؟
ندى- تجنن ....
فايزه- من عازمه؟؟
ندى نطت وقالت- جت؟؟
فايزة- تدرين .....ليش ماقلتي لي البس ...
ندى- ما دريت
ضحكوا
سامي- انتي عازمه احد؟؟
فيصل- ونسيتي
ندى- فشله والله فشله
طلعت تركض ......
......................................
ندى- يوووه اسفه ......مهاوي اخوي فيصل جاي اليوم
مها- الحمد لله على سلامته ...
ندى- تعالي لغرفتنا ......وبلا هالرسميات .........ارمي عبايتك.....
مها- يوه بس مو كذا اصبري لازم ثقل ....
ندى- اخواني كلهم بالمجلس ما نقدر نروح للمجلس ..تعالي لصاله الداخليه ....اقلطي حياك الله
مها ابتسمت ودخلت لصاله وجلست على الكنب ........
فايزه – هلا والله ....
كانت ببجامتها .....
مها- اهلين فيافي ...
فايزة- علومك ؟
مها – بخير...
فايزه- والله ما علمتني ندى الا يوم قالت لي ناني ان فيه بنت يبغى ندى ....ولا يمدين اغير..
مها- عادي حنا اهل......
فايزه- اخبار اخوك
ضحكت مها وقالت- الله يهديك عرف انك كنتي تطالعينه
فايزة وجهها حمر وقالت- لا تكفين ....يافشله ؟.....
ندى دخلت ومعها القهوة وقالت- نزلي عبااايتك
مها- طيب طيب ......
وقفت ونزلت عبايتها وقالت- اخبار اهلك بعد السفر ....
ندى- تمام.....
مها – متى وصلوا؟؟
ندى- قبل ما تجين لقيتهم جالسين بالمجلس ....والله انصدمت
مها- اجل انا وش جايبني ...روحي استانسي مع اهلك جايه بوقت غلط
فايزه- لا لا وين...لاحقين على اخواني
ندى- أي والله انثبري لا تروحين
مها- صعبه صعبه ....
ندى- لا صعبه ولا هم يحزنون كلها العصر ولو تكملينها عشاء وسهره بعد احسن
مها- لا تكفين العصر وبس ...بحرمكن من اخوانكن ....
فايزة- لا ماعليك
.....................................
فيصل- ابو اسرار
سامي- سم ...
فيصل- وين اسرار
سامي- يوم انزل نايمه
فيصل- مشتاق لها .....
سامي- اروح اجيبها
قام وراح يجيبها من فوق
احمد- من صديقه ندى اللي جايه هذي
امه- هذي بنت جيراننا مالهم سبوعين
احمد- اجل في بيت ابو عبد الله ؟؟
امه- ايه...
فيصل- اخبار البنات ....
امه- بخير ....
ابوهم- اخبار امتس؟؟
امهم- امي ...اليوم بروح ازورها
فيصل- بروح معك.....
كان اخوه احمد يطالع فيصل ....يالله عليه عيون مو على احد......عيونه وساع مكحله رموشه كثيره عدسته مثل لون شعره الاسود......ومع ذلك فاقد نعمتهن....فيصل مو بس عيونه حلوه الا هو كله وسيم ....احسن من خواته ...
..........................
على اذان المغرب ....رجعت مها لبيتهم ......
ندى دخلت غرفة فيصل وقالت- سلاااااام.........
جلست على السرير وهو كان متسطح ويسوي لنفسه مساج براسه ....
ندى- تعبان خيو
فيصل- لا........بس تعودت على ان الممرضين يسون لي مساج.......
ندى- انا اسوي لك.....بعد يديك.......
فيصل- تسلمين ....
حطت يدينها على جبينها وهي تضغط بخفيف على جبينه ...
فيصل- استانستن مع صديقتكن
ندى- ايه البنت ونيسه .....
فيصل- هاه وشهي السوالف اللي بتقولينها لي.....
ندى- كثيييير....
فيصل- اسمعك......
كان يطالعها ....لكن ما يشوف ....عيونه تتبع الصوت وبس ......
ندى امتلت عيونها دموع وهي تطالع فيه كان مبتسم وتقول بقلبها- مين اللي عطاك عين ياعسى عيونه تختفي .......ياليته يموت عشان ترتاح .....
فيصل- وشفيك سكتي....وشهي السوالف...
ندى اخذت نفس وقالت بصوت مبحوح- لا حقين .......
فيصل بعجب- وشفيك؟؟
ندى- مافيني شيء...

فيصل سكت وهي كملت له المساج ........
.................................................. ............
مها دخلت ورمت عبايتها ......
امها- عبايتك وديها لغرفتك...
مها- يومآآآآآآآآه ......
امها- بلا دلع ...
مها- نبي خدامه نبي خدامه ........
امها- لو بنطلب توها .....اخلصي علي ودي عبايتك للغرفه لا تحوسين
مها اخذت عبايتها وراحت لغرفتها ...ورمتها على السرير وطلعت لغرفة حاتم ....
دخلت وقالت- حاتم.....
مو موجود....
مها- يوماآآآآآه ....وين حاتم؟؟؟
امها- طالـــع ....
اتجهت لصاله وجلست تتابع التلفزيون.....
فارس دخل ومعه كورته ويقول- ابي مويا
مها-وين كنت؟؟
فارس- العب مع العيال ....
مها- اها....
................
اليوم الاربعاء .......
مها- ما ابي اروووووووح
امها- بتروحين قومي البسي
مها- يمه شوفي شعري ...ما تروشت
امها- غسليه وجعدي....تروحين يعني تروحين ......
مها رمت البطانيه وقامت وقالت- لا اله الا الله للحين بزر ......

حاتم كان بالمطبخ ياكل من هذا وهذا ..........
مها- سلاااااام
رمت شنطتها وجلست تفطر
حاتم- وش فيك؟؟
مها- ما ابي اروح.....
حاتم- ايه ....احسن روحي
مها – ليش ما تجهزت وين ثوبك ...وكتبك
حاتم- ماراح اروح.....
مها- يوماآآآآآآآآآآآه.......ما ابئ اروح ليش حاتم ليش......وين مرام
حاتم- تقول عندها اوف
ماه وقفت معصبه وقالت- كل شيء على مها ...مها فيها بلاوي الدنيا ......
اخذت شنطتها وطلعت .....
كانت تمشي وهي تكلم نفسها ومعصبه ....
مها- وانا اللي انغصب وانا اللي اسمع لكلام واخواني ماعمرهم سمعوه وانا اللي مستقوين عليها .....الله يستر بعد ندى لا تغيب....اخذت الفه وقربت من بيت ندى وقفت تنتظر انها تطلع .....انفتح الباب وطلعت فايزه ....اتجهت لها وقالت- صباح الخير
فايزه- هلا .....صباح النور.....
مها- وين ندى ....
فايزه- وراي ....اخر شيء شفتها فيه وهي تسولف مع فيصل.....
سمعن صوتها بتطلع- يابعد قلبي يا اخوي مو مثلك يا احمد....
وصوت ولد من وراها – بوصلكن .....
ندى طلعت وقالت- اهنين مهاوي ....
ندى- هلا ......
طلع فيصل وقال- ندى
ندى- عيونها
فيصل يطالع مكان ندى ويقول-....جيبي لي معك من مدرستك هديه ....
مها تطالع بفيصل يطالع ندى ماتوقعت انه فيصل
ندى- وش تبي الهديه ..طالع الارض وقال- اللي تبين ...هديه يعني ذوقك...
فايزة- فيصل....
فيصل-هااااه....
فايزة- ترى معنا بنت
مها انصدمت ؟((فيصل))
فيصل رجع على ورى ودخل بهدوء ...انحرج
ندى- يادبه ....ليش تقولين له احرجتيه لو مشتيها
فايزة- عادي...
مها تطالع مكان الباب وقالت- جدكن هذا فيصل.....
ندى- يس...
فايزه- كل من شافه قال هذا مو اعمى ...
ندى تنرفزت من كلام فايزة وقالت- لا تقولين اعمى .....ياللا مشينا....
مها بتغير الموضوع- وش مغير الاحوال يافايزة ...ليش الصبح تجين معنا...
فايزة- ايه تعالي ...وين اخوك؟؟
مها- ههههههههههههههههه يادبه اليوم غايب....
فايزة- قهر قهر قهر
ندى ساكته وتمشي ....
مها- لايكون حبيته من اول نظره
فايزه- لا بس كنت ابي افتح نفسيتي على هالصبح ...
مها- وانتي الحين منسده نفسك
فايزة- يص ...
مها- اجل عمرها مانفتحت دام اخوي اللي يفتحها ....الولد اللي معه امس احلى ...تراه يصلح لك بأول ثانوي...
فايزة- يووه اجل اخوك قزوم ....الولد اللي امس اطول من اخوك....
مها- ايه قزوم....ندى .....ندى
ندى- خير..
مها- شوي شوي والله ما قلت شيء.....استاذه نهله اليوم علينا؟؟
ندى- ايه ما تشوفين رغد امس مستانسه ....
مها- ايه زين بحضر لها حصه ...
ندى- ما انصحك ...كله عيونها على رغد...استغفر الله جد انها مو بصاحيه...
فايزه- اصلا رغد تحبها بعد....اذا تكلمت عنها كلامها يصير غريب....
مها- انتي وش عرفك ...ماعمرك جلستي مع رغد...
فايزة- الا دايم تجينا ونجيها .....او نجتمه بقريه المراجيح
مها- ما ادري..
.......................
كان جالس وهو يفكر
احمد – بروح اليوم لدوام....تبي شيء فيصل ؟؟
فيصل- سلامتك...
احمد- يالله....اذا بغيت شيء اطلب ....
فيصل- ما ابي الا سلامتك..
كان للحين منحرج من انه طلع قدام البنت ...يعني اعمى وش بتقول عنه........
.............................
كانت مها حطاه يدها على خدها وتفكر.....ماسكه خط....
تقول بقلبها((فيصل....سبحان الله كأنه يشوف.....يعني لهدرجه العين اللي صابته قويه ...الله لا يوفق من كان السبب مسكين ....))
زهره- بنااااااااااات ابشركم اختبار الادب تأجل ....
ندى- الله يبشرك بالخير.....لولوووووووليش
زهره- بس تراه يوم السبت ....وتقول اديبه انوه اذا ماجبتن العشرات فتوبه ااجل لكن...
سهام- ياشيخه عاد انا اللي بذاكر ....مناها...
زهره- اللهم اني بلغت الله فشهد
دخلت نهله
البنات- يوووووووه .....
رغد حطت يدهاعلى خدها بدلع ..
ندى- مها مها....شوفي نهله...
التفتت وهي تطالع .....كانت المعلمه مرتبكه ...ورغد تطالع فيها بابتسامه ...وتلعب بشعرها...
فيه بنت اسمها ابتهال ....كانت تطالع المعلمه بحقد ...تطالع رغد وهي معصبه.....
ابتهال- ما نبي درس...نبي فرقاك...
نهله بربكه- اجل وشوله اخذ راتب واجي من بيتي...
رغد- الله يخليك لنا يا استاذه ....
ابتهال- ووع ....
رغد افتحت ازره صدرها وطلعت عقد حرف نهله
مها مصدومه وهي تشوف هالمنظر.....قالت لندى-ابتهال تحب رغد؟؟
ندى- ايه تغار من نهله لان رغد ماتعطيها وجه
مها- الله لايبلانا
ندى- عادي.....
مها- لا مو عادي ....حرام
ندى سكتت ما تقدر ترد بالدين ...
مها- بالله عندك عادي
ندى- صراحه منظر تعودت اشوفه
مها- الله يهديهن
ندى كانت تطالع بمها باعجاب.....البنت عاقله دينه مع انها لاعابه ....يعني دين وعقل مع فرفشه وضحك ...
ندى بصوت خفيف- بسألك ..
مها- هلا....
ندى- وش رايك فينا ....ونهله تعطينا الاسئله
مها ابتسمت وقالت- لو تبين الصح ...بتعرفين انه حرام ودرجاتك كلها بالحرام
ندى- بس...
مها- بكره اذا تبين تكفرينها .....لازم تصدقين او ان المعلمه تسامحك ...كم بالله اختبار كان غش
ندى طالعت الارض وهي منحرجه وقالت- كثير...
مها ابتسمت وقالت – توبي .....واعترفي للمعلمه انك غشيتي .....كل المعلمات .....راح يسامحنك....
ندى- بس انا ما احفظ بسرعه
مها- بس اذا نجحتي تحسين بلذة نجاحك.....غريبه هالمعلمه البنات يسولفن ولا كأنها موجوده
ندى- ايه شوفي من تطالع ....ذايبه عند رغد...
مها رفعت عيونها وقالت- الله يهديهن ....
................................................

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 6
قديم(ـة) 24-12-2009, 09:12 AM
صورة الزعيـ A.8K ـمه الرمزية
الزعيـ A.8K ـمه الزعيـ A.8K ـمه غير متصل
δЯέαмş
مستشــ¸.·* غرام *·.¸ـــاري
 
الافتراضي رد: رواية شغب في مدارس الرس


,’



بسم الله



يعطيك العــآفية
موفقة إن شــآء الله بنقلك



https://forums.graaam.com/238622.html


,’


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 7
قديم(ـة) 24-12-2009, 10:25 AM
صورة تشفيرة عشق الرمزية
تشفيرة عشق تشفيرة عشق غير متصل
©؛°¨غرامي مشارك¨°؛©
 
الافتراضي رد: رواية شغب في مدارس الرس


إبــدآعُ قليلة بِ حقُ الروآيــةُ ,

خطيييرةُ !! . . متآبعَـهُ لكِ بِ قوهُ

وأتمنىآ مآ تتأخرينُ بِ تنزيلُ البآرتآتُ ^^

تسسّلم يدينك علىآ النقل حبوبهُ

بِ الأنتظـآر ,

شفشف

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 8
قديم(ـة) 24-12-2009, 01:23 PM
صورة كـــايـــد الـــريـــم الرمزية
كـــايـــد الـــريـــم كـــايـــد الـــريـــم غير متصل
شـــلــة الــزعــيــم
 
الافتراضي رد: رواية شغب في مدارس الرس


روعة من قلب ابداعتي


نبي بارت


ياليت كل ماتنزلين بارت تعطينا خبر ع المجلس


https://forums.graaam.com/260826.html



في ايام معينها تنزلين فيها البارتات


الرواية كاملة ؟


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 9
قديم(ـة) 24-12-2009, 02:54 PM
صورة Lipton تلقيمه الرمزية
Lipton تلقيمه Lipton تلقيمه غير متصل
©؛°¨غرامي متألق ¨°؛©
 
الافتراضي رد: رواية شغب في مدارس الرس


حلوين

كملى ترانى متحمس مرة


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 10
قديم(ـة) 24-12-2009, 11:52 PM
صورة ملامح هدوء الرمزية
ملامح هدوء ملامح هدوء غير متصل
•.♥.•° ღ♥ღ انثــــى ღ♥ღ لــن يكــررهـا ღ♥ღ الزمــان •.♥.•°
 
الافتراضي رد: رواية شغب في مدارس الرس


ابداااااااااااااع

كملي متحمسسسسسسسه حيييييييييييل

الرد باقتباس
إضافة رد

رواية شغب في مدارس الرس / بقلمي , كاملة

الوسوم
مدارس , الرز , رواية
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
رواية ما دريت إن الليالي غيرت قلبك علينا ما خطر لحظة ببالي تنسى كل اللي عطينا / بقلمي ، كاملة •}.جُـgد الـζـزِنْ •° روايات كامله - يتم نقل الرواية هنا بعد اكتمالها 471 10-02-2018 09:14 AM
رواية فهد و نوره / بقلمي ، كاملة ذيب اتحادي روايات كامله - يتم نقل الرواية هنا بعد اكتمالها 67 28-12-2013 11:32 AM
رواية أكرهك بتخوني بذبحك / بقلمي ، كاملة cuota روايات كامله - يتم نقل الرواية هنا بعد اكتمالها 110 03-03-2012 05:28 PM
مجلس الروايات للإستفسارات و الطلبات ؛ !! أنـثـى الـ خ ـيـآلـ !! روايات - طويلة 3973 07-10-2010 01:10 PM
مجلس الروايات للإستفسارات و الطلبات ؛ الزعيـ A.8K ـمه روايات - طويلة 2042 24-02-2010 04:37 AM

الساعة الآن +3: 08:07 AM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


youtube

SEO by vBSEO 3.6.1