uosofnoaman ©؛°¨غرامي مشارك¨°؛©

فايت ربيع العمر ومسافر
فايت غناوى الحب للعاشقين
فايت صحاب الدرب بتعافر
وتشد ف حبال الغرام
فايت حبيبتى والدموع ع الخد
زى المطر ع الساحل
لكن خلاص
شايل همومى وراحل
ما تسأليش على فين
وماتقوليش خاين
عمر اللى داق الحب ما بيخون
عمر اللى داس ع الصعب ما بيكون
إلا انتفاض الزمن وقت السكون
إلا أعتراض الحق ع الباطل
إلا الضيا فى العتمه لما تلف الكون
عدى الساعات ..... ماعدش فاضل كتير
ساعه الوداع هتحين ....ولا تدمعيش بالعين
الدمع أخرس م السكات
الدمع أفيون الحزانه
وأنتى صبيه ....بإختلاف كل البنات
أنتى صبيه .... مخلوقه من زهر النبات
علميهم يا حبيبتى ...يعنى أيه كلمه ثبات
فهمى الأطفال حبايبى ...هى أيه أصل الحكايه
كلميهم عن شقايا ف الطفوله
إسحبى الضى اللى باقى من عنيا
فرغيه فى الكبايات ...فرقيه ويا الفطار
يشربوا طيف الحقيقه
يتولد فيهم نهار
والبنات لو يسألوكى ...هو عنده كام سنه
قولى أكبر م السنين ....قولى أكتر م الحساب
عاش يومين ....... دهرين أمانى
بس قالى لما أموت .....كفنينى بالسحاب
وأزرعينى ف البيوت ....ضحكتين لاجل الولاد
مرغينى فى الحقيقه ....وزعينى ع الصحاب
يلمسونى ..... يعرفونى ... يحفظونى فى الكتاب
إياكى م البكا .... اياكى م السكات
إياكى النسحاب من جوا أرض المعركه
إياكى من ضعف البنات
إياكى من طول أنتظارى.....أنا خلاص راحل
ويا نسيم الصبح .....للمغربيه راحل
ويا إنكسار الشعاع ....جوا البحار راحل
زى إنسلاخ الجلد .....من فوق جسد ناحل
راحل ....أنا خلاص راحل
أنا ...خلاص
ر
ا
ح
ل

! لصمت000كلام ! عضو موقوف من الإداره

يوسف

مشاركه جميله منك
بانتظار جديدك اخي

nashwan/wish master ©؛°¨غرامي ماسي ¨°؛©

اخي الكريم يوسف نعمان

اهلا بك في غرام

وشكرا على المشاركة الجميلة

الرائعة المعان


اجمل الامنيات

من سيد الامنيات

تحياتي
نشوان/سيد الامنيات


أدوات الموضوع البحث بهذا الموضوع
البحث بهذا الموضوع:

بحث متقدم
طريقة العرض

موقع و منتديات غرام موقع سعودي خليجي عربي يحترم كافة الطوائف والأديان ومختلف الجنسيات
جميع الحقوق محفوظة منتديات غرام
iTraidnt by ROMYO
جميع الحقوق محفوظة منتديات غرام
iTraidnt by ROMYO

SEO by vBSEO 3.6.1