غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام

عـودة للخلف   منتديات غرام > منتديات روائية > روايات كامله - يتم نقل الرواية هنا بعد اكتمالها
 
أدوات الموضوع طريقة العرض
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 21
قديم(ـة) 08-01-2010, 12:38 PM
صورة memerooz الرمزية
memerooz memerooz غير متصل
©؛°¨غرامي مجتهد¨°؛©
 
الافتراضي رد: قصة الألم والبكاء وبقاء الأحزان في قلوب عاشت أنواع الظلم فقط لأجل العيش في دنيا ظالمه / روايتي


الجزء الرابع

الساعه الثالثه عصراً
في موقف السيارات الخاصه بالمستشفى
سلطان يكلم صاحبه
سلمان\والله ما كان قصدي ما انتبهت
سلطان\خلاص يارجال انسى الموضوع واعتبره ما صار
سلمان\كيف والبنت يمكن ما ترجع مثل قبل وكل هذا بسببي
سلطان \خلاص يا سلمان هي مسامحتك تعال وفكنا
سلمان بتردد\بس يا سلطان ...انت متاكد انك مسامحني
سلطان\افا عليك اكيد مسامحك بدون ما تقول لأنك مثل أخوي وأكثر ....يلا عاد تعال وأقصر الهرج
سلمان\ ما أقدر ...سامحني والله مالي وجه أجيك عقب اللي سويته
سلطان تعب وهو يقنع فيه\شوف سلمان حنا مسامحينك ولازال أحترامنا لك موجود ماله داعي كل اللي انت جالس تسويه ....اللي انت تسويه غلط ...يلا عاد تعال صار لي أسبوع ما شفتك
سلمان يحس بكلمات سلطان مثل الخنجر بقلبه\أرجوك سلطان خلني براحتي شوي بس لحد ما احس نفسي اني اقدر أواجهك
سلطان\خلاص براحتك بس حط ببالك انك للحين عزيز وغالي
سلمان\تسلم ....يلا سلام
سلطان\سلام
***********************
نعود قبلها بيومين
يوم الثلاثاء
الثالثه فجراً في غرفة غزلان بالمستشفى
جالسه لحالها و دلال جنبها نايمه (((ليش انا اللي صار لي كذا كل من الغبي اللي يسوق آه يا ربي صبرني ....خلاص انسي انت الحين انسانه جديده ..اي جديده و انت وحده معاقه عاجزه .. لالا لاتقولين كذا للحين انا بخير و ما شاء الله علي ..من وين ليه ترفعين معنوياتك على لاشىء ..شوفي دلال مثل ما هي لا زالت حلوه و جميله و سليمه .. كل الناس يشفقون عليك وعلى حالك لا لا دلال غير اخواني غير ..هههه على مين تكذبين )))صرخت خلاص خلا ص ..دلال صحت مرعوبه عليها \وش فيك ..في شي يوجعك .. محتاجه شي ..انادي النيرس
غزلان تبكي\ لا لا ما احد يقدر يساعدني خلاص انا انتهيت ..و بــكــت
دلال بسرعه حضنتها \لا لاتقولين كذا انتي لسى موجوده مو غزلان اللي تكون ضعيفه وتنهدم قدام اول عقبه
غزلان \ بس يا دلال انا ما عدت امشي و لا اقدر اسوي شي صرت عاجزه عاجزه
بعدت عنها دلال و طالعتها بعيونها و هزتها \انتي مو عاجزه أصحي ...انتي لساتك قويه مو لازم تستسلمين كذا..خلك قويه مثل ما عرفتك
غزلان\ خليك جنبي و لا تتركيني اوعديني ما تروحين اوعديني وحضنتها و رجعت تبكي
دلال\أوعدك ما أخليك ابد حتى لو طردتيني (وكملت بمزح)وحتى لو ضربتيني بالجزمه على راسي
غزلان ضحكت\ما راح أسويها ابد
دلال \اكيد
غزلان\أكيدين هههههه
*******************
مازلنا بيوم الثلاثاء قبل الموقف السابق يساعات
بالتحديد العاشره مساءً
في مركز الشرطه
الضابط وقدامه سلمان أما عدنا ن تركوه من يوم الأثنين لأن ماله علاقه بالموضوع
الضابط\البنت متنازله واتمنى لو انك تنتيه مره ثانيه هالمره سلمت المره الجايه ما راح تسلم واضح
سلمان\واضح ...بس البنت كيفها اللحين
الضابط \حسب الدكتور حالتها مستقره بس يمكن ما راح تقدر تمشي مره ثانيه
سلمان بصدمه\كيف ؟؟؟؟....يعني انا حطمت مستقبلها بيدي
الضابط\هذا امر ربك ...البنت عندها طلب وتبيك تنفذه
سلمان\اي شي اللي تبيه بسويه
الضابط\تبيك ما تقطع سلطان اللي انا عرفته انكم ربع من زمان فهي ما تبيك تقطعه لأجل هالشي
سلمان\بس انا ما اقدر اواجهه
الضابط\ والله انت حر انا اللي علي اني ابلغك ...واحين تقدر تروح
سلمان\انشاالله...........وطلع من المركز وراح البيت بدل ونام لأ،ه هلكان 3 أ]ام بالمركز مو هينه
*********************************
عودة ليوم الجمعه
بيت جابر بن حمد الأميري
قبل صلاة الجمعه بقليل
سعود\خــــالد يا خــــــــالـــــــد
خالد\وش تبي
سعود\بسرعه ما بقى على الصلاه شي
خالد بملل\ومن اللي ماسكك رح
سعود \أخلص قبل ما يجي أ[وي ترى انا مال دخل فيك ولا تقول أنا حذرتك وانت كيفك
خالد بحقد\وابوك وش دخله بحياتي
صوت فجر هدوء الموقف\هذا كلامك لي يا كلب
ارتباك خوف \يبه
جابر\لاتقول يبه انا مو ابوك يا قليل الأدب
سعود\يبه هدي ما يقصد
جابر\سعود وخر عن وجهي احسن لك ...وانت قد كلمتك
شجاعه غير مسبوقه من خالد\اي قدها انت وش دخلك بحياتي بأي صفه تتحكم بأسلوب عيشي
جابر بغضب عارم تقدم من خالد وبأقوى ما يملك كـــــــــــــــــــــــــــــــــــــــف على وجهه\اطلع برى بيتي وأياك أشوف وجهك مره ثانيه فاهم
خالد\ طالع بس راح تندم وقول ما قلت لك
طلع بسرعه وسعود واقف ما يقدر يقول شي لأبوه كيف يعارضه وهو كذا ...حس بموقفه الغلط والسلبي راح لأبوه اللي ما زال معصب
سعود\يبه انا أخليه يجي ويعتذر صدقني ما تنام الليله الا وهو معتذر لك
جابر \ما ابيه يعتذر وانت ان عرفت انك رحت له يا ويلك ولا تفتح هالموضوع مر ه ثانيه
سعود\تامر يبه ............طلع ابوه ولحقه للمسجد((من وين جات هالمشكله اللحين انا ناقص يعني)
************************
السبت
بيت عبدالله بن حمد
بندر\شوفي ياسمين بزديكم بيت عمتي العنود لازم تظلون عند احد ما يصير تظلون بالبيت لحالكم
ياسمين \بس حنا نقدر نحمي انفسنا ونظل لحالنا بالبيت
بندر\انا متاكد من هالشي بس ما يصير واذا تحبيني روحي تجهزي وخليني اوصلكم لأجل يطمن بالي بس
ياسمين با ستسلام\طيب وراحت تجهز اغراضها وطلبت من وريف وبسمه اللي انصدمو ...أساساً هو ما قال مو من عادته ما مره سواها نزلو له
بسمه والدمعه بعيونها\ليه تبي تروح
بندر\شغل ضروري وما اقدر اجله
وريف\حرام عليك وربي بنفقدك لاوبتخلينا مع حمد الكلب
بندر بغضب خفيف يكره ان خواته يغلطون على احد او يقللون من قيمته او حتى يكرهونه\عيب عليك يا وريف خليني امشي وانا متاكد من وضعكم واذا ماتبون بيت عمتي وديتكم لبيت عمي جابر
بسمه بخرعه\لالالا عند عمتي احسن
وريف \وليه ما نروح بيت عمي محمد
بندر\لان غزلان حالتها حاله وهم مو فاضيين وذا تبون حطيت كل وحده منكم ببيت من بيوت عمامي
كلهم\لا
ياسمين وهي توها نازله \خلاص بيت عمتي على الأقل هناك ديما وسمر
بندر\أجل مشينا
البنات لبسو وطلعو معاه
******************
السبت بيت العنود بنت حمد
العنود\يلا يا بنات اخلصو
ندى\ثواني ماما
ديما\اصلا ما بعد يوصولون
سمر\وحتى لو جاو وحنا ما خلثنا غرفنا موجوده
حمد كان جالس ويراقبهم ويضحك بسخريه \والله وبنات الخال عاد كل وحده مثل ما لدري ايش لا واخوهم مغرور ومو شايف خير
العنود\اسكت يا حمد ترالك تعديت حدودك عيال خالك عبدالله تحطهم تلج على راسك وربي لو اشوفك مسوي لهم شي لا تلوم إلانفسك فاهم .....وراحت لغرفتها
اللكل منصدم من عصبيتها المفاجئه لأول مره ترد على حمد لو وش ما قال ما ترد عليه
حمد ما يحب احد يراددهحتى لو امه قام وطلع ...البنات كملو شغلهم بدون تعليق على اللي صار
*************************8
السبت
عند الكورنيش
شلة ميثم يستهبلون وهم يتمشون
نايف\احين انت مو مأثر فيك اللي صار باختك
ميثم\لا وما تهمني وش علي منها
راشد\شلون ماعليك منها مو هي اختك
غيث بهبال\أخاف اخت الجيران وانا ما ادري
ميثم يصرف\اسكتو بس وشفو البنات اللي هناك
نايف\انت تدري انا حنا مو راعيين هالسوالف
راشد\ولا تبي تضيع السالفه
ميثم \شفيكم انتم عــــــــــــــــــــــــادي احس ان الموضوع خاص فيها هي مو انا وانا مالي دخل فيه
غيث \قسم انك عجيب
ميثم\عجيب والا غريب
راشد \الأثنين
ميثم\هههههه امشو بس
**********************
من ذكريات الماضي ((من صفحات الذاكرة
قبل وفاة عبدالله في بيت العنود
العنود\خلاص عبدالله هدي نفسك
عبدالله بأنفعال\شلون اهدي نفسي واخواني كل واحد منهم ظالم اكثر من الثاني
العنود\اخوانك وتعرفهم وش نسوي يعني
عبدالله\نقدر نسوي كثير بس هم محتاجين من يوقف بوجههم ويعلمهم ان الله حق والظلم لازم بيوم يرتد لصاحبه
العنود\عبدالله هدي نفسك ولاتنسى مبادئك لأجلهم
عبدالل\ معك حق ....سكت شوي وهي بعد كل واحد يفكر باللي شاغله
عبدالله\ وين زوجك؟؟؟؟
العنود ارتبكت\هاا ما ادري ما بعد رجع
عبدالله وقف\طيب انا ماشي سلمي لي عليه ....مع السلامه
العنود وقفت\الله يسلمك ..دير بالك على نفسك
طلع وهو متضايق كان في واحد يلاحقه من كم يوم وهو مايدري عنه
********************
الأحد
العاشره مساءً
بعد ليله عصيبه قضتها بنات عبدالله بن حمد في بيت عمتهم
بسبب حمد الذي يخافونه و يكرهونه
اول ليله خارج بيتهم بعيداً عن بندر ..(الأخ..الأب ..الأم..العزوه.. السند..)
البنات با الغرفه اللتي افرغتها لهم عمتهم الحنون الطيبه
ياسمين بضيق \ بنات وحده تروح تجيب لي مويه
بسمه \ انا ماني رايحه تبين حمد ياكلني
وريف وهي تتذكر ليله امس قبل النوم حين ذهبت لتشرب الماء ايقضت بسمه و ذهبت معها لتصادف حمد با المطبخ انصدموا هم يحاولون تجاهله او تفاديه لكنه امامهم و يبدو غاضباً لرؤيتهم
حمد بغضب \ وش عندكم هنا
بسمه و وريف \ ...............
حمد قرب و بغضب اكبر \ وش عندكم جايين هنا
بسمه بخوف \ نبي نشرب مويه
حمد \ صدق
بسمه \ أي عندك مانع
حمد بسخريه \ لا تفضلوا
هم استغربوا ..مروا بيشربون وقفهم \ ويــــــــــــــــــــن؟؟؟؟
وريف ببرائه \ بنشرب مويه
حمد \ اسمعي انتي وياها ما ابي اشوف اوجيهكم طول ما انتوا عندنا فاهمين و احسن لكم انقلعوا غرفتكم و يا ليت تنقلعون من عندنا ........البنات انقهروا وراحوا لأختهم .........قطع تفكيرها صوت اختها ياسمين \ و انتي ؟؟؟
وريف \ انا بروح عناد في الكلب حمد
ياسمين \ عيب عليك
وريف \ يستاهل
وراحت وريف وهي تمشي بهدوء الى غرفة آمال ..دخلت كانت آمال تقرى مجله \نعم حبيبتي وش تبين
وريف\ احم ..ابي مويه ممكن تجين معاي
آمال فهمتها \ روحي حمد مو هنا
وريف \ متأكده
آمال \ أي
راحت وريف وهي مرتاحه انه مو هنا ..اخذت كاس الماي معاها لأختها و هي تدندن لقت عمتها بالصاله \خير عمه وش فيك
العنود\انتظر حمد تأخر
هي ما اهتمت بس مبين ان عمتها قلقانه \هو متعود يتاخر
عمتها تصرف\لالالالالا بس اليوم ما ادري ليه تاخر
هي في خاطرها الله ياخذه ولايجي بس عمتها شكلها يكسر الخاطر\الله يجيبه بالسلامه .....وراحت هي ما اهتمت اساسا عطت اختها الكاس وانسدحت تنام هي وبسمه
اما ياسمين ظلت الى الساعه 12 تفكر وش تسوي بحياتها أرسلت لبندر رساله من ساعتين ولا رد ودها تنتظره بس النوم غلبها نامت ونست كل شي
*********************
المجروحه بنت ابوها
اشكر جميع اللي ردو على تفاعلهم
اشوفكم الأربعاء
بااااااااااااااااااااااي


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 22
قديم(ـة) 12-01-2010, 03:06 PM
صورة * أح ــآسيس طفله * الرمزية
* أح ــآسيس طفله * * أح ــآسيس طفله * غير متصل
©؛°¨غرامي فعال ¨°؛©
 
الافتراضي رد: قصة الألم والبكاء وبقاء الأحزان في قلوب عاشت أنواع الظلم فقط لأجل العيش في دنيا ظالمه / روايتي


اعذريني تأخرت بالرد
البارت حلو مره عوافي يالغلا
انشاالله غزلان ترجع تمشي
وليش ميثم مو مهتم لأخته
وهالخالد فرحت انه انطرد من البيت<<شماته
انتظرك بكره
بس نبي بارت اطول بليييييز
تقبلي مروري


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 23
قديم(ـة) 16-01-2010, 12:17 PM
صورة memerooz الرمزية
memerooz memerooz غير متصل
©؛°¨غرامي مجتهد¨°؛©
 
الافتراضي رد: قصة الألم والبكاء وبقاء الأحزان في قلوب عاشت أنواع الظلم فقط لأجل العيش في دنيا ظالمه / روايتي


بنات اسفه على التأخير بس ما كان عندي نت لعتذر وربي ما كان بقصد
استلمو البارت الخامس
الجزء الخامس
قبلها بساعات
بيت جابر بن حمد الأميري
سعود\تعال واعتذر له يعني انت عاجبك هالوضع
خالد\هذي مشكلته هو ...هو اللي اجبرني على كذا
سعود\كيف أجبرك ......لسانك هو اللي اجبرك تعال واعتذر وفكنا ...يعني عاجبك الوضع هذا
خالد وهو يطالع الجو اللي هو فيه ويبتسم\اي عاجبني ولا ودي اغيره
سعود بعصبيه\أنت صاحي
خالد بقوة عين \واكثر منك ....يلا بس انا بروح ...باي
سكر منه سعود كيف أخوه هالصايع عايش كذا راح لرنيم بغرفتها لقاها نايمه
راح لغزل وبنين هم اللي يتاخرون بالنوم
سعود\كيف الحلوين
غزل\هلا سعود حياك تعال
بنين \مرااااااااااااااااحب بأخي العزيز
سعود جلس\بلا فصحى يرحم أمك
غزل تستهبل\كل هالفصحى لعيونك وما تبيها
بنين\المفروض تشكرني على الفصحى اللي تكرمت وعطيتك اياها
سعود يموت بأستهبالهم\ههههههههه انت تامرين يا أختي العزيزه سأمشي تحت أمرك
غزل وبنين \هههههههههه
بنين \مو لايق عليك الفصحى يا اخوي
سعود\ادري ما يحتاج تقولين
غزل بجديه\اقول سعودي
سعود\سعود لو سمحتي .....وش تبين
غزل بتوتر وهي تطالع بنين \خلود وينه صار له يومين ما جى البيت
سعود جاي ينسى فتحو له السالفه \مشغول
بنين بتوتر وخوف\حنا ندري انه متخانق مع ابوي
غزل تكمل \وابوي طرده من البيت مالي داعي تكذب يا اخوي وتكسب ذنب
سعود \ودامكم تعرفون ليه تسألون
غزل تكذب \بس كذا
سعود ابتسم\يا شينكم اذا حاولتو تكذبون ......قولو لي ليه
بنين \بصراحه نبي الفكه من خلود
سعود\ عيب عليكم هذا اخوكم
غزل\ ندري بس وش نسوي مسود عيشتنا
سعود\ تستاهلون
غزل وبنين يا زعم زعلو \نهون عليك
سعود ضحك على أشكالهم \لا
كملو السهره سوالف وضحك
******************
الأثنين
منزل محمد بن حمد الأميري
عصراً غرفة التوأم
غزلان ساكته من لما طلعت من المستشفى وما تكلم احد عدى دلال لأنها تفهمها بدون كلام
كانت تقرا بكتاب عن أمراض العمود الفقري.........دلال حاسه فيها بس خايفه تكلمها وتفهمها غلط ...قربت منها \أقول غزاله
غزلان بدون ما تطالعها \نعم دلول وش تبين قولي بسرعه ولا تطولين
دلال جلست عندها واخذت الكتاب من يدها ومسكتها \ابيك تسمعيني شوي
غزلان\قولي
دلال وهي تطالعها بتامل\ما ودك تطلعين من اللي انتي فيه ؟؟
غزلان وهي تطالع بعيد ما أقدر ..أحس اني عاجزه ...عن كل شي ...أحس اني ,,ما أقدر أ,اجه الناس ونظراتهم ...أحس أ،ي ضعيفه قدامهم
دلال\لاتقولين كذا حالتك مو صعبه بالحيل في أمل
غزلان \أدري بس دايم أحس اني راح أضل كذا طول عمري ..عاجزه
دلال \لاتيأسين من رحمة ربك
غزلان\ما يأست ...بس ...ما ادري ...ما ادري
دلال\أستسلمتي مو كذا ؟؟؟؟؟
غزلان وهي تترك يدها \يمكن.........يمكن
*********************
عند الريم
جالسه على النت تكمل مشروعها
دخل سلطان عندها \ريما يا قلبي عادي ادخل
ريم ابتسمت\مو انت داخل وخالص بس ولايهمك تفضل
سلطان دخل وجلس\زاد فضلك ..وش تسوين
ريم وعيونها عالشاشه\أصمم مشروع للجامعه
سلطان\طيب ممكن اكلمك
تركت الجهاز وجات عنده\اكيد تفضل
سلطان \غزلان
ريم\وش فيها
سلطان\وش حالها من اسبوع ما سمعت صوتها
ريم \يعني انا اللي سمعته أصلاً ما تكلم ألا دلال
سلطان\ولمتى بتظل كذا
ريم \ما ادري ......لازم هي من نفسها تقرر تطلع من هاالحاله ...حنا ما نقدر نسوي شي اذا هي ما اقتنعت من نفسها
سلطان\حاولي معها
ريم \حاولت وربي حاولت كل ما اشوفها يتقطع قلبي عليها
سلطان\والحل يعني ؟؟؟؟
ريم \ما ادري .............صمتت ثواني ................ططططيب ما وصلت نتايج التقارير اللي ارسلتوها
سلطان\لا وخايف من نتيجتها
ريم \وانا بعد ......ربي يقدم اللي فيه الخير
سلطان\امين....قام ...يلا انا بروح اخليك تكملين شغلك ..........طلع وهو يفكر بحال صاحبه اللي ما شافه من أسبوعين ما يدري ليه صار كذا هذا قضاء وقدر ابتلاء ليه كل واحد منهم حابس عمره يعني اذا عاقبوا أنفسهم راح يرتاحون ما درى كيف يتصرف حس انه داخ من كثر التفكير حط راسه ونام
****************************
الجمعه
الثانيه صباحاً
منزل العنود بنت حمد الأميري
ياسمين بالمطبخ حست بالجوع وراحت المطبخ النوم مجافيها فغداً سيأتي اخوها وحبيبها بندر ........بعد اسبوع من الغياب ......والضغط النفسي .......والخوف من حمد كل ما سمعو صوته هربو لغرفهم ,,,حتى اخواته الأمر الذي لاحظته عليهم ........يخافونه والكل يختفي عند الساعه 11 مساءً ولا احد يطلع لصاله ....ما تدري ليه .........أكلت السندوتش وطلعت ذكرت جوالها ورجعت تاخذه .......لما جات بتطلع لقت .......حمد .....قدامها ...........خافت ..........ووقفت مصدومه من منظره .........كان مخيف ومع الأضاءه الخافته مخيف اكثر
قرب منها ......لدرجة انه ما بقى بينهم الا مسافه قصيره مره
هي خافت ...ارتعبت .......وصارت ترتجف بقوه لدرجة ان الجوال طاح وانكسر ......مبين انه مو بوعيه .........عقلها انشل من الخوف تبي تصرخ مو قادره ...........مسكها من يدها ......... جات بتصرخ حط يده على فمها وقال بكل حقاره ودنائه \انا اليوم مروق وابي استانس
هي تصيح وتحاول تفك نفسها منه لكن بدون فائده
حمد شالها وهي تحاول بصعوبه تفك يدينه منها تضربه لكن ما ينفع هو اقوى منها وعادي عنده
رفعها وراح لوحده من غرف البيت الفاضيه وقفل الباب وهو لازال ماسكها رماها بقوه وهجم عليها بلا رحمه .......بلا شفقه ............دون مراعاة لأي شرف او قانون او عرف و احد من حدود الله ...ليتركها محطمه ...بقايا أنثى .......بقايا فتاة ..تملؤها الأحزان والقهر والحقد على هذا المخلوق الحقير .....فهل كتب على البنت مصير أمها ؟؟؟؟؟؟؟؟؟
*******************
الجمعه
قبل المأساه بساعات
بيت محمد بن حمد الأميري
تركي من أسبوعين ما تكلم مع احد ولا احد شافه ...يرجع متأخر لأجل ما يقابل ويصدم بالواقع
المر اللي هو السبب فيه لكنه ما يحتمل.............. احساسه بالذنب ذابحه لأجل كذا رجع من وقت و يحاول يروح لأخته يكلمها يعتذر ...لأكن هيهات نفسه وكبرياءه يمنعه
راح لها وهو يحس بخوف ليه ما يدري ..دخل عندها وهي مو منتبهه له أشر لدلال انها تطلع هي فهمت وطلعت
غزلان سمعت صوت حركه لفت لها\دلال وين ال......ماتت الكلمه لما شافته تركي الدموع ملت عيونها وقلبها صار يدق بقوه ويدها ترتجف ,,,نفسها انقطع مو قادره تتنفس كل الكبت اللي داخلها من اسبوعين منعها
تركي جلس قبالها وهو يتجنب يطالعها \غزلان
هي لما سمعت اسمها منه وهو كذا قامت تصيح
تركي \أنا أنا أسف أرجوك سامحيني
هي ما كانت قادره تتكلم
تركي يكمل\ما كنت أدري وربي ماكنت أدري ما كان قصدي
غزلان بشجاعه غير الخوف اللي بداخلها \أسكت ..ولو سمحت اطلع برا ما ابي اشوفك
هنا عصب تركي \وش قلتي ...عيدي
عصبت هي بعد تحسه المسؤول عن اللي صار \قلت لك اطلع برا ما ابيك اطلع اطلع وقامت تصرخ من غير شعور أطلع يالنذل اطلع برا
تركي عصب تطرده وتقوله نذل رفع يده بيضربها بس قطع عليه دخلة دلال
دلال صرخت \لا ؟\.........قربت منه ....جاي تكمل عليها ما كفاك اللي سويته فيها شهقت و قامت تصيح أنهيت حياتها وحطمتها وجاي تكمل عليها
تركي طالع حال خواته أنقهر وسكت ...طالعهم بنظرات ما فهموها وطلع
دلال راحت عند غزلان وحضنتها تصيح معاها نفس الألم ....نفس الدموع ...نفس القلوب .........روح بجسدين ....... الشعور بالقهر من هذا الشخص هو نفسه
*************************
عوده لبيت العنود
حيث فتاة حزينه عاشت اقسى لحظات حياتها
سحبت نفسها بألأم ناحية الباب وراحت لغرفتهم وهي مستنزفه تماماً بكت بحرقه ...بألم ......دخلت الحمام ((وانتم بكرامه ))ثواني .......صرخت بقوه سمعها من كان قريب منها
خلتهم يفزون مرعوبين أما ذلك الحيوا ن الوضيع ذهب لينام و كأنه لم يفعل شيء..... اما عند الورده المجروحه........ ياسمين ..وريف تدق الباب عليها \ياسمين .ياسمين
ياسمين تبكي تحت الماي و ما ترد عليهم و لا كأنها تسمعهم
بسمه \ تكفين ياسمين وش فيك ..ياسمين ردي
وريف تكلم بسمه\اخاف صار لها شي ...دقي لبندر
بسمه\يمكن نايم ....رجعت تدق الباب \ياسمين
ياسمين سمعتهم ردت بصوت شبه ميت\نعم
هم ارتاحو انها ردت
وريف\انتي بخير
بسمه \وش فيك ...تبين انادي عمتي ....او ادق لبندر
ياسمين برعب \لالالا شوي واطلع
سكتو وراحو عنها وكل وحده تفكر وش ممكن يكون فيها
***************
تركي منسدح بغرفته
وش اللي سويته يا تركي
كل هذا من تهورك خواتك عايشين برعب وانت السبب
متى تعقل متى
***********
عوده للأحداث المتأزمه
بيت العنود
الثالثه فجراً
لازالت بالحمام (((وانتم بكرامه )))من نص ساعه
وريف \مو كأنها تأخرت
بسمه بقلق\ألا ....ياربي وش هالحاله
ثواني طلعت وكأنها طالعه من قبر وجها وعيونها أحمر وترتجف بقوه
بسرعه راحت لها بسمه و وريف
وريف والدموع بعينها \وش فيك ...وش يوجعك
بسمه بنفس الخوف\كلميني وش فيك ...انادي عمتي
هي ماهمها كلام خواتها نهمها احد .....ضاعت ........ضاعت ........انسدحت على السريروجهها قدام خواتها المستغربين منها ومن حالتها
جلست بسمه عندها وحطت يدها عليها وهي تطالع وريف ترددت\ياسمين وش فيك
ياسمين والدموع سيل على وجهها كلمتها من تحت الغطا \بنام روحي نامي
وريف \ماب تصلين
ياسمين وهي تهتز تحت الغطا\لا ...روحو صلو وتركوني
هم افهمو شي وهي تقصد شي ....راحو وتركوها وكل وحده تطالعها تبي تعرف وش فيها
اما هي ....بكت بكا يقطع القلب .........محتاجه الأب ...الصديق .....الأخ ....العزوه والسند ...في وقت مذلتها تحتاجه تبي ترتمي بحضنه وتشتكي له
*******************


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 24
قديم(ـة) 16-01-2010, 12:19 PM
صورة memerooz الرمزية
memerooz memerooz غير متصل
©؛°¨غرامي مجتهد¨°؛©
 
الافتراضي رد: قصة الألم والبكاء وبقاء الأحزان في قلوب عاشت أنواع الظلم فقط لأجل العيش في دنيا ظالمه / روايتي


اتمنى اشوف ردودكم وبكره البارت السادس
اشكر اللي تفاعلو معي
باااااااااااااااااااااي

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 25
قديم(ـة) 16-01-2010, 02:33 PM
صورة * أح ــآسيس طفله * الرمزية
* أح ــآسيس طفله * * أح ــآسيس طفله * غير متصل
©؛°¨غرامي فعال ¨°؛©
 
الافتراضي رد: قصة الألم والبكاء وبقاء الأحزان في قلوب عاشت أنواع الظلم فقط لأجل العيش في دنيا ظالمه / روايتي


وانا اقول وش فيها الأخت ما نزلت اثرك ما عندك نت
قلتلك بالمدرسه يوم الأربعاء خليها حماس بس البارت روووعه أتمنى ياسمين ما يصير لها شي وحمد هذا جعله السكته يجيب المرض وع منه وتركي شي يعرف يعتذر المهم ما طول ننتظرك


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 26
قديم(ـة) 17-01-2010, 10:17 AM
صورة memerooz الرمزية
memerooz memerooz غير متصل
©؛°¨غرامي مجتهد¨°؛©
 
الافتراضي رد: قصة الألم والبكاء وبقاء الأحزان في قلوب عاشت أنواع الظلم فقط لأجل العيش في دنيا ظالمه / روايتي


الجزء السادس
صباح السبت
التاسعه صباحاً
خالد دق على سعود من ساعه لكنه ما رد دق كثير بدون نتيجه انقهر منه شوي ويروح يذبحه دق على زياد
زياد\هلا خالد
خالد\هلا كيفك
زياد\تمام وانت وبعدين وينك فيه يارجال اسبوع ما ندري عنك
خالد\انا موجود وبخير المهم روح شوف لي سعود وينه ادق عليه ما يرد
زياد \سعود نايم
خالد\ طيب صحه لي ابيه ضروري
زياد\انت تدري ان سعود ما يحب احد يصحيه
خالد عصب\قلت لك روح ....يعني روح وانت ساكت فاهم
زياد انقهر بس رد بأدب \حاضر راح اصحيه ..سكر منه وراح صحاه واخذ تهزيئه محترمه من سعود اللي موصله معاه ما نام الا بعد صلاة الفجر دق على خالد بعد ما صحصح \نعم وش عندك
خالد \ابي اعتذر لأبوي وابيك تجي معاي
سعود بدون ما يعرف وش سبب تغيير رايه \اكيد ربع ساعه وانا عندك
خالد بخبث\أنتظرك ...وسكر منه وهو يضحك
*****************
السبت الواحده ظهراً
موعد ذهاب بنات عبدالله بن حمد
ياسمين لم تخرج منذ الأمس رفضت انها تكلم احد رفضت تجلس معهم
واذا جلست فهي جسد مسلوب الروح ...عيونها وروحها مستنزفين تماماً ألم وتعب وذل
وصل بندر سلم على عمته واخذ اخواته أستغرب من أخته طول الطريق ساكته
اول ما وصلت البيت راحت ركض لغرفتها وقفلت على نفسها وبدت سمفونية البكاء اللتي حاولت كتمانها طول الساعات الماضيه
دخل بندر بعدها \وش فيها ياسمين ؟؟أ حد مزعلها
بسمه بخوف\والله ما ادري من امس بالليل وهي كذا وكل شوي تصيح
بندر نغزه قلبه كيف أختي تصيح بغيابي \وليه ما سألتوها
وريف\سألناها لكن هي ما تجاوب ألا بصياح ورفضت ندق عليك لأجل ما نخوفك
هنا قلب بندر وصل الأرض راح بسرعه لغرفتها
وسمع بكاء وحرقه }دموع اختي تطيح وانا ما ادري {دق الباب لكنها ماردت دق وددق بدون ما ترد \ياسمين انا بندر افتحي
ياسمين ببكى\ما ابي اشوف احد
بندر بقلق\انا مو أي احدافتحي وفهميني وش صار
ياسمين\ما صار شي روح الله يخليك روح
بندر\ما اقدر اروح وانتي كذا وش صار لك
هنا ياسمين ما قدرت تتحمل الحنان بصوته وفتحت الباب وارتكت بأحضانه وهي تبكي من قلب وتشاهق عيونها أنتفخت من البكى
بندر ارتعب\وش فيك كلميني ياسمين ...ياسمين كلميني
ياسمين وهي تبكي\حمد ...حمد النذل ضيعني ...ضيعني يا اخوي
هو انتفض وبعدها عنه بسرعه وطالعها بقهر\وش سوى هالنذل علميني ؟؟؟
هزت راسها بلا وهي تبكي ورجعت ضمته
هو مسح على راسهل \تكفين ياسمين قولي لي وش سوى لك ..ضايقك ...زعلك ..تردد شوي واستبعد الأحتمال ...ضربك
بعدت عنه\لالالا حمد ...حمد النذل الحقير الخايس سوى اكثر من كذا اكثر
سحبها داخل وقفل الباب وجلسها وعطاها تشرب ماي وتهدي \واللحين فهميني وش سوى
ياسمين بتردد\ح حمد ..ححممددأنننهى حححياتتتي ووووضييييعنييي
بندر وفي راسه الف شكل وشكل من الأفكار\كيف يغني
ياسمين لمت روحها ونزلت راسها\حممد اعتدى علي وأغتت.....
انتفض بقوه وبغضب وكره وحقد وقف \لاتقولينها ...لاتقولين انه ضيع شرفك وطهرك وعفافك....لاتقولينها
هي زاد بكاها
بندر ما تحمل وراح ركض لحمد وهو يتوعده<انا اوريك يالنذل وربي ما يفكك من يدي احد >ساق سيارته بسرعه جنونيه لحد ما وصل بيت عمته ودخل يصلرخ<<حمد ..حمد ياكلب ...أطلع ..أطلع بسرعه ....حمد >
العنود جات بسرعه خوف من هالصراخ \وش فيك وش صاير
بندر يظبط اعصابه \عمه ولدك وينه
العنود\نايم
بندر\صحيه يجي اللحين ترى والله ما يسلم من يدي اللحين تصحينه
العنود\ طيب وش صاير علمني
بندر بغضب مشابه لوالده\صحيه اللحين
خافت منه مثل ابوه ما يفرق عنه بشي راحت بسرعه لعند حمد صحته نزل وهو ما يدري وش ينتظره
**********************
نفس اليوم
شركة جابر بن حمد
بمكتبه دخل عليه السكرتير
فهد\طال عمرك في واحد برى مصر انه يقابيك
جابر \من هو
فهد\يقول اسمه سالم ويبيك ضروري
جابر\عنده موعد
فهد\لا
جابر رجع يطالع بالأوراق \أجل قله اني مشغول
صوت من عند الباب\متأكد انك مشغول يا جابر ؟؟؟
وقف جابر الصدمه ألجمته خوف كاسح كيف ومتى سالم هنا ؟؟
سالم وصل لعند المكتب وكلم السكرتير\انت اطلع انا وعمك جابر عندنا شغل وحساب نصفيه مو كذا يا جابر
جابر بكلمات متقطعه\انت رح وسكر الباب ولا احد يدخل علي
طلع السكرتير وجلس سالم \اجلس جابر وش فيك
جلس \هااا ولا شي
سالم بنبره\انت عارف انا هنا ليه صح ...
**************
من صفحات الذاكره (((من ذكريات الماضي
جابر\خلاص انا قلت تطلقها يعني تطلقها
عبدالله \وعيالي وين اوديهم
جابر \عيالك انت تاخذهم ما يشرفنا يكون لنا عيال من وحده مثلها
عبدالله بغضب \بنت عمك واشرف منك ياكلب
جابر بغضب مشابه \عبدالله الزم حدك وثمن كلامك تبي حقك تطلقها فاهم
عبدالل\ طلاق ما ني مطلق واللي تبيه سوه وطلع معصب لبيته
جابر اتصل برقم معين\نفذ اللي قلت لك عليه..........بكره تخلص الموضوع وحقك محفوط ...مثل ما اتفقنا ...اي نص قبل ونص عقب ....يلا ...سكر منه وشبح ابتسامه على وجهه
****************
من صفحات الذاكره (((من ذكريات الماضي
قبل وفاة عبدالله
كان في شغله وبندر وياسمين بالمدرسه وبسمه في بيت عمتها
دق الباب وراحت تفتح معتقده انها ربى صاحبتها
حصه\ مين بالباب
صوت غريب\عبدالله موجود
فتحت الباب شوي لأجل ترد عليه \لا اخوي من اقوله
..........\قولي له واحد عنده امانه لك تاخذينها
حصه بأستغراب\وش امانته؟؟؟
..........\هذي ...ودخل بقوه وسكر الباب اما هي صدمه خوف رعب ..بعدها...
****************
السبت الخامسه عصراً
اليوم حيث المأساه تتمرر
بغرفتها لازالت تبكي (يمه وينك ..ليه تتركيني لحالي ..زيمه محتاجتك ...وينك حرام تتركيني لحمد الخايس يمه ..يارب خذ روحي ما ابي حمد ما ابيه ..آآآآآآآآآآآآه يبه وينك تحميني وينك وينك يا امي ليه تتركوني ليه
***************
لازلنا بالسبت المشؤوم قبلها بساعه بيت العنود حيث المواجهه
حمد نزل وهو ما يدري وش ينتظره..لقاه بندر كشر \خير وش عندك جاي ؟؟كان الرد هجوم قوي من بندر ضربه بأقوى قوته وعمته تحاول تهديه وتبعده لكن بندر بغضبه وعصبيته يذكرها بموقف وابوه نفس الحال الان
بعد ما ضربه وسيل دمه ...رغم حجم حمد الكبير الأأنه قدر يهزمه
بندر والشرر يتطاير من عيونه\اسمع يا كلب ياسمين تجي اليوم وتخطبها وربي اللي خلقني لو اشوفك مأذيها بكلمه او مضايقها لا تلوم الا نفسك فـــــــــــــاهــــــــــم
حمد\وش اللي يحدني أخطب وحده مثل أختك
بندر \اللي سويته فيها ما يسويه العدوان تسويه انت ...انت ما تشرفني لكن أختي حرام تضيع والسبب واحد مثلك فاهم
حمد وكأنه يتذكر اللي صار لكنه مصر ويعاند\قلت لك اختك ما تشرفني مو هي تسوي بلاويها وبعدين
ترميها علي
كان الرد ضربه قويه من بندر\اسمع يا كلب تزوجها غصب عنك والا ما يردك الا الموت
العنود كـنها بدت تستوعب اللي صار والصدمه ألجمتها التفت ببطء على حمد\اننت وش مهبب
حمد\ولاشي لاتصدقينه
بندر\لا ياعمه مو ولاشي ولدك ضيع اختي وبيتك أستغلها وهي بأمانتك وما حافضتي عليها ولدك هذا مايشرفني انه يكون نسيبي لكن اختي اهم منه يتزوجها ويطلقها لأجل كلام الناس ما ابي احد من ماكان يكون يجيب بسيرتها .....
بعدها طلع وسكر الباب بقوه البنات كانو يسمعوناصوات خناق وما يفهمون وش صاير وكل وحده صدمتها ما تقل عن الثانيه ممن متى تصير هالخناقات
العنود قربت من حمد وعطته كف بأقوى ماعندها ..هو ما تحمل يكفي اللي جاه من بندر قام ودفها بقوه لدرجة انها طاحت \اسمعي انتي وعيال اخوك ان ما وخرتو عني لاتلومون الا انفسكم
هي قامت بسرعه\وانت اسمع ..صدقني يا حمد لو ما تزوجتها ان نهايتك بتكون بيدي فاهم ...وراحت عند الدرج ولفت عليه \اليوم بعد الصلاه نروح لهم دق على خوالك ...وراحت بمنظر القوي وفي داخلها أعاصير من ولدها اللي وصل فيه الأنحطاط انه يعتدي على بنت خاله
اما هو خوفه من بندر ومن امه خلاه يسوي اللي قالوه واخر همه اللي سواه بتلك الورده
**************************
بعدها بنصف ساعه
بيت عبدالله بن حمد
بندر \فاهمه
ياسمين \ما ابي حمد ..ما ابيه أكرهه ليه انا ليه
بندر بحنان غامر وهو ماسك بيدها \افهميني تزوجيه لأجل الناس ما تتكلم عنك بعدها وعد مني أخليه يطلقك غصب عنه
ياسمين\بس انا اكرهه ليه يا بندر ليه حرام عليك سحبت يدها منه وغطت وجهها ما ابيه ما احبه افهمني الله يخليك
بندر بقلة حيله \فاهمك وربي فاهمك بس كم يوم وانا اخليه يطلقك
رفعت راسها بقهر\يعني اصير مطلقه اهون عليك
بندر بحميه\لا والله وانتي اكثر وحده عارفه بهالشي ...الله يخليك وافقي
هي بتفكير في راسها وبدموع لم تتوقف\موافقه ...وانت و عدتني
بندر\وانا عند وعدي واللحين امسحي دموعك ما ابي اشوفها
ياسمين\طيب
**************
الأثنين لقاء العائله لكل اسبوعين
في بيت العنود <اللي هو البيت الكبير أخوانها تركوه لها بعد ماتوفى زوجها >
طبعاً لم يحضر اياًمن ابناء عبدالله ولااحد يعلم السبب سوى العمه وحمد البغيض
في احدى زوايا الصاله
ندى\مو مصدقه ان ياسمين بتاخذ اخوي
غزلان \اسمحي لي اخوك معقد وحرام ياخذها
دلال \هي ليه وافقت ليه تخرب حياتها وتاخذه
ندى\انا معاكم فبي ان حمد شخص لايطاق واموت واعرف ليه توافق
في الجانب الأخر نفس الموضوع
ريم طيب ليه ما جاو
سمر يمكن مستحيه
ديما \او ما تبي تجي
رنيم \او يمكن ان بندر غصبها تتزوجه ومنعها من الطلعه
ريم بعتب\رنيم حرام عليك انت تعرفين بندر اكثر واحد طيب وحبوب ومستحيل يغصبها
سمر بدفاع \بعدين حمد مو لذي الدرجه سيئ
ديما \اختي لاتظلمين بختك اخوك وتعرفينه
ريم\هههههههه اذا انتم خواته وتقولون كذا اجل ياسمين كيف
رنيم \صراحه ودي اعرف ليه وافقت يعني هي حلوه وجميله وأخلاقها عاليه ومو ناقصها شي كيف ترضى بواحد مثل حمد واسمحو لي يا بنات
ديما عادي
سمر\خذي راحتك اخر همنا حمد
البنات\هههههههههههه
****************
شلة الشر بالحديقه يلعبون كوره مع رهف وامجد يازعم محترفين وكل وحده حوليه وما تعرف تلعب
غزل تسدد على المرمى لكنها جات هدف بوجه آمال غزل وبنين تسدحو من الضحك على شكل آمال وجهها اللي قلب احمر من الضربه آمال بحقد قامت بتضرب غزل وصارت تركض وراها وغزل تضحك بنين والتوأم مايتين من الضحك عليهم
سكتهم صوت \اسكتو وبعدين معاكم <كان خالد توه جاي بيعتذر من ابوه قدام عمامه واولادهم لأجل يسامحه وما يرده قدام الناس وكان ينتظر سعود لأجل يدخل معاه وسمع اصواتهم وجا >>
غزل وبنين اسكتو لكن آمال انسدحت منالضحك على أشكالهم الخايفه
أنزعج منها خالد وجا لعندها\وبعدين يعني
آمال سكتت رهبه من شكله المعصب اما التوأم رهف وأمجد دخلو البيت بسرعه
خالد يكمل\ انتم ما تستحون أصواتكم واصله عند الرجال وانتم ولا على بالكم لمتى يتظلون كذا ما كبرتو على تصرفات البزران وألا انتم ما برحتو بزران اصلاً
آمال \والله ما البزر الا انت ضف وجهك عنا ولاعاد تجينا يلا انقلع ؟؟؟ولفت بتدخل وقفها خالد وهو ماسك شعرها بعصبيه \قد كلامك يا غبيه
آمال \آآآآآآآآآآي هد شعري يا متوحش وبعدين ماالغبي الا انت ...هد شعري يا كلب
خالد عصب\مو قبل ما تعتذرين ياللي ما تستحين
آمال لفت عليه وهو لازال ماسك بشعرها وهي شوي وتصيح بس تعاند\مستحيل اعتذر لك ياغبي واللي تبي تسويه سوه
خالد بعصبيه رفع يده و..................
*********************


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 27
قديم(ـة) 17-01-2010, 10:24 AM
صورة memerooz الرمزية
memerooz memerooz غير متصل
©؛°¨غرامي مجتهد¨°؛©
 
الافتراضي رد: قصة الألم والبكاء وبقاء الأحزان في قلوب عاشت أنواع الظلم فقط لأجل العيش في دنيا ظالمه / روايتي


هلا بمرايم ومراحب بالجميع اعتقد كذا سويت اللي علي
اشوفكم الأربعاء
بااااااااااااااااااي

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 28
قديم(ـة) 17-01-2010, 11:27 AM
صورة رمل الشواطي الرمزية
رمل الشواطي رمل الشواطي غير متصل
©؛°¨غرامي مشارك¨°؛©
 
الافتراضي رد: قصة الألم والبكاء وبقاء الأحزان في قلوب عاشت أنواع الظلم فقط لأجل العيش في دنيا ظالمه / روايتي


برااااااااااااافو سستر احسنتي وزين نزلتي وما زعلتي القراء منك
فديت الناس الحلوين انا


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 29
قديم(ـة) 17-01-2010, 11:31 AM
صورة * أح ــآسيس طفله * الرمزية
* أح ــآسيس طفله * * أح ــآسيس طفله * غير متصل
©؛°¨غرامي فعال ¨°؛©
 
الافتراضي رد: قصة الألم والبكاء وبقاء الأحزان في قلوب عاشت أنواع الظلم فقط لأجل العيش في دنيا ظالمه / روايتي


احلى شي صراحه روعه
هالمره اختك سبقتني
رووووووووووووووووووعه
كملي مو تنامين
اشوفك الأربعاء لا تنسين>>براااااا
بااااااااااااي

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 30
قديم(ـة) 17-01-2010, 12:14 PM
صورة copy twins الرمزية
copy twins copy twins متصل الآن
©؛°¨غرامي مجتهد¨°؛©
 
الافتراضي رد: قصة الألم والبكاء وبقاء الأحزان في قلوب عاشت أنواع الظلم فقط لأجل العيش في دنيا ظالمه / روايتي


روعه البارت حمد انسان قذر بجد
بندر ربي يعينك
سالم وجبر
في ان في الموضوع
انتظر المزيد

الرد باقتباس
إضافة رد

قصة الألم و البكاء و بقاء الأحزان في قلوب عاشت أنواع الظلم فقط لأجل العيش في دنيا ظالمة / بقلمي ، كاملة

الوسوم
الأمل , الميزان , البكاء , العمل , القلوب المحطمه , قصتي
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
من انجازات التغيير في تونس Naceur56 ارشيف غرام 1 25-09-2007 02:47 PM
من انجازات التغيير في تونس Naceur56 ارشيف غرام 1 24-09-2007 05:43 PM
الاسلام والجنس مضيع الغرام الحياة الزوجية - الحمل - مشاكل الزواج - خاص بالمتزوجين 4 03-07-2006 02:58 PM
الحياة أمل فـ الخفـاء ـارس مواضيع إسلامية - فقه - عقيدة 16 12-05-2006 01:44 AM
البكاء يغسل أدران القلوب بحر الغضب مواضيع إسلامية - فقه - عقيدة 15 21-04-2006 06:27 PM

الساعة الآن +3: 09:03 PM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


youtube

SEO by vBSEO 3.6.1