»حبـورَ آلــزمنَ ©؛°¨غرامي فعال ¨°؛©

very very naiys...
>{
thankyou ..
{>
donotlastt..
{>
حطموك ياقلبي

ج ـنونـ بنوته ©؛°¨غرامي فعال ¨°؛©

بآآآآآآآآآآآآآآآآآآآرت خقوق

متحمسة أبيأعررف ويش بيصير لمريم؟؟

Shadow Girl ©؛°¨غرامي فضي¨°؛©

<< البارت الرابع >>
وقف عزام وافتحوا له الباب ودخل أخته وحطها على السرير وقعد جنبها وبسرعة نقلوها للمستشفى ثمن دخلوها غرفة وبعد فترة طلع له دكتور وقاله : هي فقدت الكثير من الدم لازم نسويلها عملية نقل دم
عزام : أنا فصيلتي a+
الطبيب : شنو فصيلة أختك ؟؟
عزام : o-
الطبيب : أجل ما تقدر تنقلها هذي الفصيلة نادرة , لازم ننقل لها دم فصيلته o- راح ندور في المستشفى يمكن نلاقي هذي الفصيلة . وراح الدكتور
عزام قعد على الكرسي وقعد يبكي , شافه واحد وكان قد سمع كلامهم وحب أنه يساعده وقرب لعنده وحط ايده على كتف عزام .
عزام : هلا أخوي , بغيت شيء ؟؟
الشاب : أنا سمعتكم تتكلمون بالفصائل يمكن أقدر أساعدكم .
عزام : أختي حاولت تنتحر ويمكن قطعت شريان رئيسي وهي الحين محتاجة نقل دم .
الشاب : لا حول ولا قوة إلا بالله , طيب شنو فصيلة أختك ؟؟
عزام : o- ولازم نلاقيلها نفس الفصيلة وإلا راح تموت .
الشاب ( ابتسم ) : أنا فصيلتي o- راح أنقل لها الدم
عزام ما صدق الكلام ذا فقام وحضن الشاب وقاله : مشكور أخوي ما قصرت
ثمن جاهم الدكتور وقال : والله يا أخوي ما لقينا لها الفصيلة توها مخلصة من عندنا .
عزام : مو مشكلة هذا الشاب فصيلته o-
الدكتور : صدق أجل امش معاي لو سمحت .
راح الدكتور ومعاه الشاب وعزام وراهم ما قدر ينطر .
وبعد فحوصات وأسئلة جهزوا له سرير جنب السرير اللي كانت فيه مريم ثمن قرب منها ومسك ايدها لقاها باردة وقال : ما تشوفين شر !!!.
عزام جاب له كرسي وقعد بين السريرين وبدت عملية نقل الدم
عزام : إلا ما تعرفنا عليك ؟؟
الشاب : اسمي فراس .
عزام : والنعم وأنا عزام .
فراس : هلا فيك .
بعد لحظة صمت ضحك عزام وقال : تدري ليش أختي حاولت أنها تنتحر ؟؟؟
فراس : لا والله !!
عزام : المسكينة كانت تبي تشتغل بياعة ورد في الطيارة وأبوي رفض لأننا من عائلة محترمة , وأنا كنت موافق على الوظيفة لأنها تحتاج أنها تطلع من البيت .
فراس : أها , بس حركتها ما لها داعي كان حاولت تقنع أبوك .
عزام : أبوي لا قال شيء ما يرجع عن قراره , بس ما أكون عزام إذا ما خليتها تشتغل في المكان اللي تبيه , أنا أحب أختي وأسوي المستحيل عشان أخليها سعيدة .
فراس : يعني ناوي تشغلها في الوظيفة هذه ؟؟
عزام : أيه بس هي قالت أن الشغلة في جدة , ما أقدر أخليها لحالها هناك .
فراس ابتسم الين ما طلعت سنونه البيضاء !!!
فراس : والله شكلي أقدر أساعدك مرة ثانية .
عزام : وشلون ؟؟؟
فراس : أنا أشتغل مضيف طيران وأقدر أتوسط لأختك .
عزام : صدق !!!
فراس : أيه وهي ما شاء الله عليها مواصفاتها متطابقة للوظيفة .
وقعد فراس يطالعها !!
لقى أنها ممشوقة القوام بس اللي حزن في خاطره وجهها كان شاحب وشكلها كانت تبكي بشدة !!
عزام أها وشنهي هذي المواصفات ؟!!!
فراس : وزنها حلو وشكلها طويلة شوي
عزام : أها , أجل ممكن تعطيني رقمك
فراس : أكيد , اكتب عندك **********
عزام : سجلته.
فراس حس انه دايخ وانسدح وغمض عيونه .
عزام : سلامات , فيك شيء ؟؟
فراس : أيه , شكل أختك خذت كل دمي .
عزام : هههههه , أجل بخليك على راحتك , بروح اشرب لي شيء , بغيت شيء ؟؟
فراس : لا مشكور
&&&&
عزام راح للكافتيريا وشرى له كابتشينو وجلس يشربه برواق , فتح جواله لقى فيه 10 مكالمات من أمه وأبوه , عصب وقفل الجوال بالمرة .
&&&&
فراس كان مغمض عيونه ويوم فتحها ناد النيرس وسألها : متى تقوم ؟؟
الممرضة : والله يمكن بعدما ينتقل الدم باقي شوي , حاس بشيء ؟؟
فراس : حاس بدوخة .
الممرضة :هذا طبيعي لأنك قعد تنقل الدم , ارتاح لك شوي
فراس : طيب مشكورة .
الممرضة : العفو , أنا بروح الحين لا تتحرك خمس دقايق وأكون عندك .
فراس : طيب .
وطلعت النيرس وما بقى في الغرفة إلا هو ومريم , قعد ومد ايده الثانية لها ومسح على شعرها بحنان وقعد يتأملها وقال : ليش سويتي في نفسك شذي , الله يشفيك .
تحركت مريم وفراس وخر ايده وقعد يقول : أنت صاحية ؟؟!!
مريم فتحت عيونها وناظرت حولها وطالعت ايدها لقتها موصلة بأسلاك مليانة دم عصبت وقطعت الأسلاك وقامت من على السرير
فراس قالها : هي شنو قعد تسوين ما خلصتي من نقل الدم .
مريم طالعته بعيونها العسلية وقالت : أنت منو , أنا ما أبي دم منك , أبي أموت , وراحت للجدار وقامت تضرب راسها بالجدار بقوة .
خاف فراس ووخر الأسلاك منه وراح لها لها ومسكها وقال : حرام عليك لا تسوين في نفسك جذي.
مريم : وخر عني لا تلمسني خلني أموت وقامت تبكي وتشاهق .
فراس خاف عليها وقربها لصدره وحضنها وهي ما تبي وتحاول تبعد عنه , بس هو حاضنها بقوة الين ما استسلمت وقعدت تبكي في حضنه .
فراس قام يمسح على شعرها بحنية وقام يعطيها كل الحنان اللي عنده , حس أنها محتاجة هذا الشيء .
بعد فترة جاء عزام ولقى أخته في حضن فراس , عصب وبعّدها عنه وكانت مغمضة عينها .
عزام : هيييه أنت احترم نفسك .
فراس : لا تفهم السالفة غلط أنا كنت منسدح وبعدين قامت أختك وانزعت عنها الأسلاك وقامت من على السرير ثمن قعدت تتكلم وتقول أبي أموت فراحت للجدار وقعدت تضرب راسها فيه بقوة قمت أنا و وخرتها عنها بس ما كو فايدة فقعدت احضنها أول شيء كانت تبي توخرني بس أنا كنت ماسكها بقوة الين ما تعبت ثمن خلتني احضنها ثمن جيت أنت وشفت اللي صار .
عزام هدى شوي وطالع أخته وقالها : كلامه صحيح ؟؟
مريم هزت راسها بإيه ثمن قالت : هو لمن حضني حسيت براحة وحسيت بالحنان والأمان وخليته يحضنني لأني محتاجة الشيء هذا , أنا ما أبي فلوسكم أبي أعيش على راحتي ,خلوني لحالي وراحت تبكي وتضرب نفسها بالجدار بس هالمرة أقوى , خاف أخوها من أنه يقرب منها , وكانت ذي أول مرة يشوفها بهذه الحالة .
وقال لفراس : تكفى وقفها ولو أنك اضطريت أنك تحضنها أحضنها أنا ما استحمل أشوفها تذبح نفسها .
فراس هز راسه بأنه موافق وقرب منها ومسكها وجذبها له وقام يحضنها بقوة الين ما تعبت وطاحت على الأرض , قامت تبكي وتبكي وغطت عيونها بإيدها وقعدت تبكي بحرقة , نزل لها فراس ووخر ايدها ومسح دموعها وحضنها مرة ثانية بس هالمرة بكى هو من حالتها الين ما انغمى عليها من التعب , ظلت مريم في حضن فراس مدة طويلة الين ما حس أنها ما قامت تتنفس فبعد عنها وقام يصحيها بس ما في فايدة , خاف وقال لعزام : ناد الدكتور بسرعة أختك ما تقدر تتنفس .
عزام خاف وراح ناد الدكتور وتجمعوا الدكاترة والممرضات عليها وقاموا يفحصونها لقوا ما فيه نبض فيها جابوا آلة وصعقوها بالصدمة الكهربائية مرة مرتين , عزام وفراس كانوا يبكون من المنظر اللي قدامهم , كانوا مصدومين مررررة , ما أحد منهم تكلم ...
الشاشة كانت تؤشر بعدم وجود نبض ...
_ _ _ _ _ _ _ _ _ _ _ _ _ _ _ _ _ _ _ _ _ _ _ _ _
بعد محاولات كثيرة صار النبض ....
^^^^^^^^^^^^^^^^^^^^^^^^^^^^^^^^^^
يعني في نبض , مريم صارت فجأة حية , بقدرة الله سبحانه .....
كانت ردة فعل عزام أنه حضن فراس بقوة وفراس كان يبكي ..............................
ثمن استقرت حالتها وحطوا لها قناع أكسجين ثمن خلوها وطلعوا وحطوها في غرفة العناية المركزة , راح الدكتور لعزام وفراس وقالهم : أختك جتها صدمة عصبية ونفسية وبغت تموت بس الله أحياها لسبب , على العموم لازم ترتاح عندنا كم يوم احنا خلينا حالتها مستقرة .
عزام : طيب أقدر اشوفها ؟؟؟
الدكتور : بعد خمس دقائق بس لازم يكون واحد واحد , هي في العناية المركزة .
عزام : طيب مشكور يا دكتور تعبناك معانا .
الدكتور: ولو , هذا واجبي .
راح الدكتور , وقعدوا فراس وعزام في الكراسي .
فراس : أنا آسف يا عزام , بس والله ما كان قصدي شيء , حبيت أوقفها من اللي كانت تسويه .
عزام : خلاص سكر السالفة , أنا تعبان من اللي شفته .
فراس : طيب .
بعد خمس دقائق ....
راح عزام وشاف أخته اللي كان وجهها شاحب وكانت محاطة بالأسلاك الكثيرة , حبها على راسها , وقام يبكي جته الممرضة وقالت : لو سمحت يا أخوي بدون إزعاج ,
لازم ترتاح أختك .
عزام هز راسه وبكى بصمت ثمن طلع لفراس اللي كان ناطره , شافه وقام حضنه وقال: أختي يا فراس راح تروح مني شكلها شاحب وتعبانة مررررة .
فراس : لا تفاول عليها , ممكن أشوفها ؟؟
عزام : أيه عادي بس تكفى سو أي شيء عشان تقوم .... تكفى .
فراس : إن شاء الله , أنت الحين رح لبيتك وريح شكلك تعبان , وأنا راح أقعد عندها وبعد ما ترتاح تعال أوكي .
عزام : طيب , مشكور و ما قصرت , بس ها ترى أختي أمانة عندك .
فراس : أفا , توصيني على أختك , روح وتطمن , إن شاء الله تصير بخير .
عزام : إن شاء الله وراح لبيته .
&&&&

فراس دخل الغرفة ولقاها مظلمة قرب من عند مريم ومسك ايدها وحباها وقال :
تكفين قومي , أنت قطعت قلبي عليك , تكفين اصحي يلا ....
وقام يتكلم معاها ويمسك ايدها ثمن قعد فوق السرير وقام يحضنها ويبكي الين ما تعب ونام جنبها بدون ما يحس !!!!!!.........
جت الممرضة تكشف عليها ولقتها جنب واحد , حسبت أنه أخوها فخلتهم على راحتهم وطلعت وسكرت الباب وأوصت جميع الممرضات والدكاترة أنهم ما يجون الغرفة لأنها وأخوها نايمين .
&&&&
الساعة 12 منتصف الليل
فتحت مريم عيونها وطالعت حولها كانت تحس بتعب وإرهاق شديد , لقت جنبها واحد علبالها أنه أخوها عزام ما قدرت تحرك راسها وتشوف منهو , بس حركت ايدها وحطتها على راسه وغمضت عيونها وهي تحس بالدفء وحنان غير طبيعي , ذكرها هذا الإحساس بحضن فراس فابتسمت !!!!!!
فراس حس فيها وقام وطالع فيها بحنان لقاها تبتسم قال : شنو اللي خلاك تبتسمين ؟؟
مريم قالت بدون شعور : حضن هذاك الشاب ؟؟؟؟!!!!
ابتسم فراس لأنها تعنيه هو ونزل عيونه عنها وقال : أنت تبينه يحضنك مرة ثانية ؟؟؟؟
مريم ضحكت وقالت : ايه بس هو الحين راح ...
فراس ضحك وحضنها بقوة !!!!!!!!!!
مريم تفاجأت ثمن استوعبت أنها تكلم واحد ثاني غير أخوها عزام , فتحت عيونها وشافت وجه فراس واخترعت بس بكت وقالت : أنا ظنيت أنك رحت وتركتني , أنت شنو جابك هني ووين أخوي وأنا ويني فيه وليش نايم جنبي قول شيء؟؟؟؟؟؟؟؟؟؟؟؟؟؟؟؟
فراس : هدي شوي مو زين تعصبين , توك صاير لك صدمة نفسية , راح أشرحلك كل شيء .
مريم كتفت أيدينها وتنطره يتكلم ......
انتهى البارت
شنو توقعاتكم ؟؟؟؟
وهل عجبكم البارت وإلا لا ؟؟؟؟
يهمني رأي كل واحد منكم .....
مشكورين على الردود ....
يا حووووبي لكم ....
مع تحيات .....
ظل طفلة عاشت وحيدة .......

جود الدنيا ©؛°¨غرامي فضي¨°؛©

حلو البارت

يسلمووو

no time 4 love ©؛°¨غرامي فعال ¨°؛©

ماشاء الله مرررررررررررررررر ه يججججننن البارت روعه



ياحظك ماشاء الله عليك اسلوووووووووووووووب يههههههبل



لحظه انا اتوقع الحين فارس يحبها وفيصل يحبها واحسهم بيتهاوشون



عليها وهي بتشتغل زي ماوعدها اخوها بس فيصل هو بالاصل بنت فا

مدري كيف احس بصسر حماس بالبارت الجاي coooooooooool





انتظرك حبيبتي في البارت الجاي على احر من الجر مررره يسلمووووو



على الباااااااااااااااااااااااااارت معك للأخير

صمت الكلام !~ ©؛°¨غرامي جديد¨°؛©


كالعــآدهـ اسسسلوب ولا اروع .. ~

في انتظـآر البـآرت الجاي ..

قلوب خضـــــراء ©؛°¨غرامي جديد¨°؛©

يسلموو بارت ولى اروع اسلوبش بصراحة ابدااااعوننتظر البارت الجاي ع احر من الجمر
قلوب خضـــــراء

هدوء الحب عضو موقوف من الإداره

انا قارئه من خلف الكواليس وحبيت اهنيك على الروايه الروعه
يسلمووووووووووو يا عسل على البارت الرووووعه
وان شاء الله في انتظار القادم والمميز من ابداعك

mini strawberry ©؛°¨غرامي جديد¨°؛©

بصراحه تجنن احسها مره اكشششششششششششششششششن

دلوعة فواز ©؛°¨غرامي مشارك¨°؛©

حيآآآآتي رواآآيتك مره جنآآآآآن

من متآآبعينك

ننطرك

مرت من هنآآآ دلوعه فواز<~فديتووو ^_*"

أدوات الموضوع
طريقة العرض

موقع غرام موقع سعودي خليجي عربي يحترم كافة الطوائف والأديان ومختلف الجنسيات
جميع الحقوق محفوظة منتديات غرام
iTraidnt by ROMYO
جميع الحقوق محفوظة منتديات غرام
iTraidnt by ROMYO

SEO by vBSEO 3.6.1