منتديات غرام أعضاء غرام سكون الضجيج - مملكة العضو ما أبيع هيبة الصمت بررررخص الكلاااااام
أصــايل ©؛°¨غرامي ماسي ¨°؛©

امي ماحد قدها مستانسه ناكل خلااااااااااص الي بالمريخ يجااااب

دايم تقول امينيتي اشووف بناتي شحمه عشان يصير لهن محل بالمجالس

>> تسسنا عاد نبي نحقق حالمها .. الناس تطورت ودايت وسبور وامي بالمرقوق وسميرا


هذي من مملكة فلوه

صادقه لو وحده منا تقول بسوي رجيم تنهبل وتقول امحق مانتي سمينه عظم وجلد

لاتسوين رجيم بلاهبال بس يجي عرس فلان ولا فلانه وجهتس منشفط ونحيفه وأي وحده تشوفها ماتدخل مع الباب

هذي الزينه والرويانه الله يهديتس ياميمتي بس

أمس أقولها حطي حرتس بفصفص سويله مشروع تسمين عظم وجلد بتكسر والمشكله واللي فاقع مرارتي رياضي

وومجنون كوره وكل شوي منكسر ولا مصاب من اللعب

البارح الله يخليها لنا مسويه قدر وش كبره لأبوي وربعه مرقوق

ألحسوه كله مابقو شي عليها طبخ بسم الله عليهاوماشاء الله تبارك الله قاعده أشوفها وهي تلاعب عجينة المرقوق وتنسفها على يدينها

ميمي تدور شي لعيالها بتعشيهم مافيه شي وسوت همبرجرلها ولفلوه

وأنا تعشيت شاورما ياربي ديم النعمه

أصــايل ©؛°¨غرامي ماسي ¨°؛©

اكشششخ اكشششخ ولا تعلميني طيب .. خل تجينا عزيمه قولي مكيجيني ولا ماسوي لتس شي
فليوه توتس تلاحظين وش عقبه عقب ما غششتس وعلمتس

لاخلاص راح أعلمتس بكل شي المشكله كل تقييم وكل رساله لازم تمرين عليها

وبعدين تعالي متى مكياجتيني بسم الله على قلبي شاطره بالمكياج ورجعي أروجتي اللي انتي أخذتيها

قايله لكم بتطلع فضايحنا الله يستر بس

أصــايل ©؛°¨غرامي ماسي ¨°؛©

الله يحيكم على العشاء معليش تأخرت

وسامحونا على القصور واللي يقول طبخ مطعم ياااويله

أفك عليكم أمي ماتشوفون مواعينها صافتها لكم

بسم الله الرحمن الرحيم ماشاء الله تبارك الله أقلطو الله يحيكم




ياويلي لو أمي تشوف الصوره

أصــايل ©؛°¨غرامي ماسي ¨°؛©

على فكره يوم العشا هذا أمي كايشه علينا وتخل المطبخ وتهاوش وتطلع وحنا ساكتات ونشتغل

وأخر شي قلنا أنا وفلوه بصوت واحد والله نعرف نسوي شغلنا روووحي البسي

طلعت ودخلت علينا ميمي قالت ها كاشت عليتسن أنا نحشت أغير لعيالي وطاحت على راسي وراس فلوه

ومحد راح للمدرسه والدوام من بكره وهذ1ا العشاء بس اللي طلعنا فيه

وللأمانه أغلبه من طبخ ميمي وفلوه ساعدت فيه

أصــايل ©؛°¨غرامي ماسي ¨°؛©

قريت بمملكة فلوه عن أبوي

على فكره ماتكلمت عنه صح ولا وصفته صح

لو بتكلم عن أبوي فتحت دواوين وممالك

وكتبت معلقات فيه

يمكن لو تجي لمي وحد وتقول أنا أحب أبوي أكثر منتس أقول ما صدقتي

أحس مافيه أحد يحب أبوه ويعشقه ويعشق التراب اللي يمشي عليه كثري

أبوي له هيبه غريبه وفضيعه يفزون لهه الرجال بالمجالس وعند جماعتنا كلمته مسموعه

زوله وآآه من زوله لامشى وزوله لامنه ركب موتره وزوله لامنه جلس بينا

تصدقون لاشفته قلبي يفز بشوفته وقام يرقص فرح بقدومه

ومحد من أخواني يعرفله كثري لاعصب جمدو وسكتو وقام يقومون ويطحون وتنافضون حتى أخواني المتزوجين

ولايقدرون يواجهون يخافون يزعل زياده ألا أنا أواجه بس بطريقتي وأسحب منه الزعل

وإذا عصب وزعل كلهم جو لمي روحي كلميه مايسمع لحد الا انتي


علاقتي بأبوي قووويه مره لدرجه انه قال لي وأخواني كلهم جالسين ليت ربي خلقك ولد

أخواني قالو أفا ليش ماملينا عينك قالهم محد يعرف لي كثرها صكوك أوراقه الشخصيه شيكاته

فلوسه كلها عندي وأعرف وش طلع ودخل درجه الخاص


قبل شوي أسولف أنا وفلوه عن أبوي وش يبي بفلوه قلت لها تصدقين
أني جالسه أشوف صوره بجهازي وأبكي تضحك على وتقولي منتلا صاحيه ابد

بكل بساطه وبكل صراحه نقطة ضعفي أبوي

معليش ما أقدر أكمل الكلام خاني التعبير عن أبوي

أصــايل ©؛°¨غرامي ماسي ¨°؛©

قصيده في قويه مره


يالله ياربي عليك التساميح
لولاك عرجات السنين اعرجتبي
منك استمد العون رهبه وتسبيح
والعفو كان جروح قلبي سطتبي
الحظ كوره والنوادي ضحاضيح
سددتها بالعارضه وحدرتبي
شوطين اضافيه وركلات ترجيح
واخر نهايه مابعد ماسجلتبي
اقول لحظه للجماهير وتصيح
خسرتها كأس الفرح وخسرتبي
لو طاحت نفوس الرياجيل ماطيح
عليت نفسي للعلا واعتلت بي
صم الجبال اللي حجرها صلافيح
لو جيت اهز حيودها مادرت بي
لكن لي مبدا معزه وتصفيح
أبوي سماني بها وأستمتبي
أقدر ظروف الوجيه المفاليح
وابقى على هقواتها اللي هقتبي
واذخر فواعيس الرجال الطحاطيح
اللي ليا من جيتها رحبتبي
قولت هلا واقلط على هبت الريح
ثروه غنى فيه اغتني وأغتنتبي
ماهو كلام ملاعبين المسابيح
اللي نموذج كتبهم غير كتبي
ملقحين منمق الهرج تلقيح
ياما حكت عندي وياما حكتبي
تصوم وتصلي قيام وتراويح
لكنها بالشذب ماقصرتبي
لولا العصا كان الكلاب النوابيح
عن مشرب العد العذي صدرتبي
والصبر زين وللغنايم مفاتيح
واكحل عيونن بالحسد تلتفتبي

أصــايل ©؛°¨غرامي ماسي ¨°؛©

انتظرتك واحتريتك ثم صبرت وزاد شوقي
والعتيبي لا من اقفي كب هالدنيا خـلافه


افهم المعنى حبـيبي رافعن راسـي وروقـي
ما تبعت احدن مقفي لا ولا اعرف الحسافه


الليالي كان شانت شفتني العـب طـروقي
ابتسم واضحك واغني وانطرب مامن كلافه


اسمع العلم الصحيح وشوف كفك والفروقي
والاصابع ما تساوت فكر وتلـقي الطـرافه


مثلها هالناس صدق هي بضاعه وسط سوقي
تختلف بالسعر والاشـكال كم فيها قـرافه


حاول تفكر حبيبي شوف محدن لك صدوقي
كلها دنيا مصالح جامل وعيـش الـظرافه


كان هالدنيا تسرك روح ولحالك شفوقي
(عزتي لك عزتي لك ) يوم خمتك اللقافه

أصــايل ©؛°¨غرامي ماسي ¨°؛©

ياليت ان الزمن يرجع ورى ولا الليالي تـدور
ويرجع وقتنا الأول وننعم فـي بساطتنـا


زمان اول احس انه زمانًًًًٍٍ فيه صـدق شعـور
نحب ونخلـص النيـه وتجمعنـا محبتنـا


زمن ما فيه لا غيبـه ولا حتـى نفـاق وزور
ياليته بس لو يرجع ونسترجـع طفولتنـا


صغار قلوبنا بيضا نعيـش بعالـمٍ محصـور
ولا نعرف ابد اغراب ما غير عيال حارتنا


صحيح صغار فالتفكير لكن ماعلينـا قصـور
نخطط نكسر اللعبـه وتسعدنـا شقاوتنـا


نروح المدرسه بدري ونضحك داخل الطابـور
نحاول نزعج العالم في روحتنـا وجيتنـا


وعشان نأخر الحصه نخبـي علبـة الطبشـور
نشاغب بـس فالآخـر تميزنـا برائتنـا


نحب الضحك والهيصه نحب انط فوق السـور
نفرفش ليه مانفرفش مدام الضحك عادتنـا


ولكن دارت الأيـام وبـان الخافـي المستـور
وصار الهم متعلي علـى قمـة سعادتنـا


كبرنا وصارت الدنيا تصف أحزاننـا بالـدور
وتهدينا الألم والهم غصب عن عين رغبتنا


تعبنا من بلاوينا أحـد ضايـق وأحـد مقهـور
وكـلٍ غـارق بهمـه وفالآخـر تشتتنـا


وانا ما أقول غير الا حـلالاه الزمـان يـدور
ويرجع للورى فتره نعّدل وضع عيشتنـا

أصــايل ©؛°¨غرامي ماسي ¨°؛©

لبوح ما ينفع ولا ينفع الصمت
بس الرحيل اقرب لروح يا ليل


اللي فــقـدنـي في غـيـابــي فـديتـــه
...... واللي نساني جعل دربه، مسـاهيــل

واللــي تجاهلـنــي وانــا ماجـفــيـتــه
...... ماعاد له في وسط قلبـي مقـــابيــل



ياليـــت للصمــت صوت وسوالـــف ..

ويخبركـ صمتي عن اللي { بجوفي ...

المشكلهـ اني على الصمت حالف ..

ماتكلمـ حتى لو اجبرتني ظروفي ..




لاصار بعض الصمت حكمه حتى بالسلام..
بيضيق صدر الصمت ويقول ياروح بوحي..
ماكل صمت يشافي صدر(ن)اشقاه الغرام..
وماكل دمعه تشافي مابقى من جروحي..

أصــايل ©؛°¨غرامي ماسي ¨°؛©

لي فتره طويله ماحطيت على قناتي المفضله الصحراء وفواصل

قليل مل أتابع التلفزيون بس الصحراء وفواصل لازم أتابعهن

وبرضو لي فتره ما سمعت شيلات وخاصه مهنا جعله يتهنا

الأيام اللي راحت بين القارئ أدريس أبكر وسلمان العتيبي

أرتاح نفسياً لسماع صوتهم وتلاوتهم لي أبيات الله تهدي النفس

وتشرح الصدر وتروق الخاطر


وقبل شوي حنيت لشيلات سمعت شيلة شباك ريم بصوت محمد السليس

وهالحين جالسه أسمع ياملوحه بصوت سعود الدلبحي

أدوات الموضوع
طريقة العرض

موقع غرام موقع سعودي خليجي عربي يحترم كافة الطوائف والأديان ومختلف الجنسيات
جميع الحقوق محفوظة منتديات غرام
iTraidnt by ROMYO
جميع الحقوق محفوظة منتديات غرام
iTraidnt by ROMYO

SEO by vBSEO 3.6.1