غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1
قديم(ـة) 04-01-2010, 07:19 PM
صورة مووون البشر الرمزية
مووون البشر مووون البشر غير متصل
©؛°¨غرامي مشارك¨°؛©
 
الافتراضي غرق الغرقان أكثر / روايتي الأولى


احب انزل اول روايه لي وان شاءالله تنال على اعجابكم ..

............
نزلت تشوووووووف امهاا فقدتها اليووم ماقعدتهاا مالقتهاا موجوده نادت الخدامه ..
:: تولا تولاا وين مدام
تولا :: يطلع مع مستر يقول اذا يقعد ساره خلي ياكل ريوق
ساره :: لا مابي بس سويلي كابتشينوو
تولا :: مافي زين جذي اول ياكل بعدين سوي كابتشينوو
ساره :: حلووه هذي مابقى الا انتي تعلميني روحي سوي كابتشينوو
تولا :: انتي مافي يسمع كلام انا والله يقوول حق مدام
ساره :: وانتي تعرفين الله لاصرتي مسلمه تعالي كلميني
راحت الخدامه وساره اخذت موبايلهاا ودقت على ابووهاا مارد عليها حنت لما رد
بوساره :: هلا ساره
ساره :: شنو ساره من متى تناديني ساره وين سارونتي
بوساره :: ابتسم على دلوعته :: هلا بسارونتي
ساره :: احلف بس
بوساره :: شنو بعد
ساره:: وين رايح انت ومنيروه
بوساره:: ترا منيروه امج وانا ابوج
ساره :: تضحك :: صج زين قتلي المهم لا تضيع الموضووع وين رايحين وليش ماخذتوني معاكم من كثر عيالكم ترا ماعندكم غيري
بوساره :: صج زين قلتيلي
ساره :: لا والله موجنك تتطنز علي
بوساره :: لاحشاج
ساره :: انزين وينكم هذا الدوامات توها بدت ماصارلك اسبووع من اولهاا جذي عيل لاداومووا الطلبه شلوون والله الله يعين المدرسه اللي انت ناظرهاا
بوساره :: يابنت انا ابووج
ساره :: اوف ذليتني على هالسالفه قوول انك ندمان انك يبتني بعد اووف
بوساره :: حبيبتي انا رايح مع امج نزور مرت صاحبي تعبانه واخذت امج تسوي الواجب وانا عشان اوقف يمه
ساره :: وصاحبك ماله اسم ترا اعرف كل ربعك
بوساره :: حبيبتي لارديت البيت اقوولج اووكي
ساره :: اووف اوووكي بس موتاخروون ترا ملييييييت
بوساره :: شرايج تروحين لبيت يدتج تراها تسالني عنج روحي واجنا نلحقج هناك اووكي
ساره :: اووك عااد مشتاقتلهاا اهيا وتركي موووووت
بوساره :: اووك تزهبي وانا بدق على الدريوول اشووفه وينه
ساره :: اووكي بابا بوسلي ماماتي ههههههههههه
بوساره :: يضحك :: يلا يالعووبه باااي
ساره ::تضحك :: بايوو
..... ساره وحيدة امها وابوهاا عمرها 15 سنه مدلعه حييييييييل وعنيييييييده واللي براسها تسوويه يعني تسوويه وماتخااف من احد ......
تولا :: ساره تعالي هذا كوفي
ساره :: وهي صاعده :: خلاص مابيه
تولا :: شنو مايبي منو يشرب هذا
ساره ::تضحك:: انتي اشربيه
راحت لبست قعدت تسووي شعرها دق موبايلهاا << توام روحي يتصل بك >>
ساره :: هالوو .. سكتت .. الوو الوووووووووو الوووووووووووووووووووو نوووووووووووووووووروووه ويعه زين << سكرت التلفوون << رفيجتي خبله تدق واهيا نايمه << تطالع نفسهاا << وااااااي فديتني اهببل الحلوو حلوو لو قعد من النووم ياحلاتي من غير مكيااج طبيعيه امووووواه << عادي مينوونه

ركبت مع السايق وراحت لبيت يدتهاا ونزلت ويايبه معاها من ستار بكس لها ولتركي ..
نزلت شافت عمهاا العود جدامهاا توه واصل يطالع فيهاا ..
ساره بقلبهاا :: اووف اللحين بيعلق علي:: عمي شلونك
عبدالرحمن .:: انتي يايه بروحج مع السايق
ساره :: يعني منو بيي معااي
عبدالرحمن :: وين امج ابووج الخدامه ليش تركبين مع السايق بروحج وبعدين شنو هاللبس لابسه هاللبس ومتعطره وراكبه مع الساايق انتي جم عمرج وللحين ماتفهمين
ساره :: والله ابووي راضي بلبسي واهواا اللي دق علي وقالي روحي مع السايق وانا بلحقج مع امج ومادام امي وابووي موجوودين محد له شغل فيني حتى لو كان عمي ياعمي << ودخلت داخل واهيا تقول بقلبهاا << موعم هذا هم اووف

العم عصب وانقهر منها قعد يهاوش واهي جنها ماتسمع دخلت ولقت يدتها قاعده
الجده :: شفيه عمج
ساره :: مادري عنه مع احترامي لج يدتي ولدج هذا متخلف
الجده :: سويره عيب هذا عمج
ساره :: سووري سووري لاتزعلين اهم شي رضاااج.. وتبووس راسها .. والله اني مشتاقتلج
الجده ::اشووفج يتيني حتى ماعبرتيني بتلفوون تقوولين اسال عن جدتي
ساره :: يدووه واالله كله نايمه توني عدلت نومتي عشان المدارس وقلت ايي اشووووف احلى يده
الجده :: وامج وابووج وينهم ليش يايه برووحج
ساره :: ليش ماتبيني يعني عاادي عاادي ارد بيتناا قوولي قوولي
الجده :: اعووذ بالله من لساانج ياكلمه ردي مكانج
ساره :: تضحك :: اضحك معااج يدووه امي وابوي راحوا يزورون مرت رفيج ابووي مادري شفيهاا قالوا بيوون بعد مايطلعوون منهم ..
الجده :: اييه حياهم الله يعني نحسبكم على الغدا ..
ساره :: انا لاتحسبووني مسوويه دايت
الجده :: شنو الدايت هذا بعد
ساره :: رجيم يدووه
الجده :: ليش من شحومج الزايده والا شنوو انتي ضعفانه ..
ساره :: لا والله هالعطله بس زدت خمسه كيلوا بس قاعده واكل بهالمطاعم هالشهر بس اللي قعدته بالكوويت زدت ثلاثه كيلو على الاقل بالسفر امشي هني بس نووم واكل انتي من صووب تدزين وخالتو من صووب عز الله رحت فيهاا
الجده :: بالعكس حلو جسمج
ساره :: نونو لازم اضعف خمسه كيلوو المهم وين ولدج تركي
الجده :: عمج مثل حالتج سهر الليل ونووم النهاار الله يعيني عليه
ساره :: الله يعينج والله عسل على قلبج هذا اخر العنقوود انا بصعد له << صعدت سووت عرس وقمت الازعااج ليما قعد وفتح البااب ومسكهاا من شعرهاا
تركي :: انتي شتبين يايتنا من صباح الله خير
ساره:: اي صباح الساعه 11 وبعدين هد شعري هد شعري لانادي لك يدتي
تركي:: سارووووه ذلفي عند امي مابي اشوووووووف رقعت ويهج تسمعين
ساره :: ها شنو ماسمع
تركي نزلها تحت هي لما شافت يدتها سووت نفسها تبجي << دموع التمثيل زاهبه على طوول
الجده :: تركي ويهد خلك ساره عنك
تركي :: ليش تييني وتسووووويلي قمت الازعااج
الجده :: انا قتلهاا تقعدك لعنبووك خست من النووم
تركي يهد ساره:: متى نمت انا الساعه ثلاث
ساره :: تشهق :: احمد ربك يعني نمت ثمان ساعات بس يكفي
تركي :: سارووه فكيني من شرج
ساره:: ياحمار متى شفتك انا من زماان عنك وهذا انا مشتاقتلك ياخاااااايس ولا بعد مريت ستار بكس يبت لنا ريووووووق عارفه شنوو تحب
تركي قعد وسحب الكيس وماحس الا بالكوشيه على راسه من امه
الجده ايا الووسخ قووووووم غسل وصل صلاة ربك بعدين اكل
ساره:: عادي يدوه توج تدرين ولدج مشفوح
تركي :: انا كنت بقعد عشانج بس اللحين برد انااام وقعدي مع يدتج
سااره :: مالت علييك عاادي روح نام وانا بقعد مع يدووه ياحلووو قعدتها والله رووح نااام نووم العوافي عموو
راح تركي غسل وصل ونزل مايقدر هذي ساره الغاليه يحبهاا وصلوا اهل ساره وقعدوا معاهم وساره حست بامها وابوها فيهم شي بعد الغدا ردوا البيت امها على طول راحت غرفتها بتنام ونفس الشي ابوها اهي غيرت ملابسها وراحت لهم بالغرفه
ساره:: شنو بتناموون
بوساره :: خلي امج تعبانه بتنام
ساره قربت لامها شافتها مغمضه عيونها بس شافت دمعه نزلت منهاا حطت ايدها على ويه امها ومسحت دمعتها وقالت بصوت مخنووق :: ماما شفييج
منيره قامت وحضنت بنتها وقعدت تبجي ابوو ساره ماتحمل قعد على اول كرسي جباله ونزل راسه وحط ايده على راسه ساره موفاهمه امها تشاهق من البجي ماقدرت تتكلم قعدت تبجي حست بخووف موطبيعي حضنت امهاا تسمع امها تقوول منو بيبقى لج شلون اخليج
ساره بعدت عن امهاا :: يما شنو ليش تقولين جذي
::::::::::::::::::::::::::::::::::::::::
هذي ساره من سمعت بالخبر قاعده تبجي بغرفتها وامها وابوها بغرفتهم كانت قافله عليها البااب
مسحت دموعها وفتحت الباب وراحت لهم ونامت بحظن امهاا
مرت الايااام وساره مومصدقه اللي صاار بدت الدراسه وكانت قاعده بروحها يتهاا رفيجتها نوره
نوره :: ساررووه شفييج صارلج جم يوم مو على بعضج
ساره :: مافيني شي خليني بروحي
نوره :: اقوول موعلي انا نوروه تكلمي شفيج ليكوون عااشقه بس
ساره :: سخيفه بصراحه .. قامت عنها وراحت ونوره لحقتها ومسكتهاا
نوره :: ساروه ماراح اخليج لما تقولين شفيج
ساره :: حضنت نوره وبجت :: امي بتموووووووووت تمووووووووووت يانوره
نوره :: انتي مينوونه
ساره ::/ امي مريضه بالخبيث والمرض منتشر بكل جسمهاا يعني امي خلاص بتخليني وترووح
نوره :: حضنت رفيجتهاا :: ان شاءالله موصاير الا الخير واكيد بتعالج وبترد لكم
............. مرت الاياام ومنيره رفضت تعالج قالت نفس النتيجه بس لعيووووون ساره تعالجت
كانت تتعب وايد بس عشان ساره تحاول تصير اقووى الكل درا عن مرض منيره والجده سكنت عندهم هي وتركي الجده تحب منيره حييييييل مع ان اول ماكانت راضيه ان ولدها ياخذها بس اهيا كانت احسن حريم عيالهاا عمرها ماقصرت فيهاا ..
دق تلفوون ساره ردت كان مشعل ولد خالتهاا واخوها بالرضاعه بنفس الوقت
ساره :: هلا مشعل
مشعل:: مشعل غريبه ماقلتي مشييييييعل
ساره :: اوووووووووف مشيييييييعل مالي خلقك شتبي
مشعل :: افاا هذي يزاتي داق اشووفج قلت نروح نتغدا بررا
ساره :: لا ماقدر اخلي امي
مشعل :: من متى هالطاعه ماصدق اكلم سارووه اللي بس اقولها عزيمه اشوفها سابقتني
ساره :: ابي اقعد مع امي
مشعل :: انا تحت ببيتكم وامج موهني وانا دقيت عليها وقتلها اني بمر اخذج يلا نزلي لاتاخريني
سكر وساره دقت على ابوها وسالته وينه وقاله انه راح مراجعه لامها عصبت وقالت ليش ماخذها انغثت وسكرت التلفوون لبست وراحت مع مشعل وراحوا ماكدونالدز راح مشعل طلب ورد لهاا
مشعل :: خلاص سارووه ان شاءالله خالتي بتقووم بالسلامه انتي جذي تعذبينهاا ردي لطبيعتج
ساره:: مشعل امي بترووح مني انا حااسه ومتاكده اهيا تقاوم عشاني وعشان ابووي بس اهيا ماراح تعيش
مشعل:: بلا استهبال خالتي بتقووووووم وايد ناس امرضوا وماصار فيهم شي وتعافوا وهذا اهم عاشوا حياتهم :: ساره سفهته وقعدت تشرب الكولا :: اقوول سارووه شوفي هذي امبيه مووصج اتينن شرايج اضبطهاا
ساره :: استغفرالله حدك متفرغ .. قووم بروح البيت
مشعل سحب ايدها وقعدها :: بلا استهبال قعدي ماراح اردج لما تاكلين هالوجبه كلها خسرتيني وتبين ترجعين
ساره ::مالت عليك اعطيك دبلها بس قووم
مشعل:: وعليج قتلج قعدي لاقعدج بمعرفتي .. حاول مشعل يطلعها من حالتها وبعدها اخذها لبيت خالتهاا وقعدت معاهم شووي لما يييت امها وابوها وخذتهاا
مرشهر شهرين اخر يووم من الامتحانات نص السنه رجعت ساره البيت ماشافت امهاا راحت وصعدت لها ومالقتهاا وسالت الخدامه عنهاا قالت بالسرداب .. نزلت شافت امها طايحه على الارض ركضت لها تقعدهاا :: يما يما شفيج .. طلعت تلفونها ودقت علي ابووهاا وقالت له .. يما الله يخليج لاتخليني
امها طالعها بتعب وتبسم وتنزل دموعهاا وساره تمسح دموع امها وترجاها تقعد وماتخليهاا
ساره :: تبجي:: يما الله يخليج لا تخليني تكفين انا مالي غيرج لاتخليني ياحياتي لاتخليني
تنااادي احد يساعدها حاولت تشيل امها وماقدرت قعدت تصارخ الجده وتركي توهم داخلين البيت وسمعوا صرااخ ساره ونزلووا بسرعه تحت شافوا ساره تبجي وترجى امهاا ماتخليهاا ..
تركي حاول يشيل بس هني ساره تمسكت بامها خاقت ياخذونها وماتشوفهاا وعلى دخلة ابوهاا اللي شال منيره والجده وراه وتركي اللي مسك ساره وسحبهاا معاه والحقووهم بالمستشفى
الوقت ثقيل عليهم مرت ربع ساعه ومنيره داخل وساره تبجي بصدمه وهي تقول امي راحت امي راحت وبعدها تسكت تقول لا ماراحت ماراحت لما طلع الدكتوووووور وقال ...

الــــــــــــــــــــــــبـــــــــــــــــــــــ قـــــــــــــــــى بــــــــــــــــــراااااااااااااســــــــــــــــ ــكــــــــــــــم ,,



هني ساره اطلقت صرخــــــــــه هزت المستشفى ابو ساره طاح من على طوله خسر حبيبته وزوجته اللي كانت معاه بكل وقت زوجته ورفيقة دربه راحت وخلته بروحه والجده بعد من الصدمه قعدت ريولها ماتشيلهاا تركي ماتحرك لما شاااف صوت ساره انقطع لف عليهاا شافها مغمى عليهاا




هني اختم الجزء الاول للقصة غرق الغرقان اكثر >>>


للكاتبه .. حـكايـة قـلـبـ ـ ـ ..

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 2
قديم(ـة) 04-01-2010, 07:31 PM
صورة جود الدنيا الرمزية
جود الدنيا جود الدنيا غير متصل
©؛°¨غرامي فضي¨°؛©
 
الافتراضي رد: غرق الغرقان اكثر .. روايتي الاولى


بداااية موفقة

بانتظار البارت القادم

تحياتى

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 3
قديم(ـة) 04-01-2010, 07:49 PM
!..تفاصيل الخجل..! !..تفاصيل الخجل..! غير متصل
عضو موقوف من الإداره
 
الافتراضي رد: غرق الغرقان اكثر .. روايتي الاولى


بدايه روعه
تسلمين

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 4
قديم(ـة) 04-01-2010, 11:20 PM
صورة الزعيـ A.8K ـمه الرمزية
الزعيـ A.8K ـمه الزعيـ A.8K ـمه غير متصل
δЯέαмş
مستشــ¸.·* غرام *·.¸ـــاري
 
الافتراضي رد: غرق الغرقان اكثر .. روايتي الاولى


,’



بسم الله



يعطيك العــآفية
موفقة إن شــآء الله


لـ الجميـــع ‘ لآ هنتــم
https://forums.graaam.com/238622.html


,’


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 5
قديم(ـة) 05-01-2010, 07:46 PM
صورة مووون البشر الرمزية
مووون البشر مووون البشر غير متصل
©؛°¨غرامي مشارك¨°؛©
 
الافتراضي رد: غرق الغرقان اكثر .. روايتي الاولى


يسلمووو واسعدتوني بتواجدكم ..

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 6
قديم(ـة) 05-01-2010, 07:48 PM
صورة مووون البشر الرمزية
مووون البشر مووون البشر غير متصل
©؛°¨غرامي مشارك¨°؛©
 
الافتراضي رد: غرق الغرقان اكثر .. روايتي الاولى


الـــــــــجـــــــــــزء الـــــثـــــــانــــــــــي ... غرق الغرقان اكثرر ..

مر اسبووع على وفاة منيره وساره حابسه نفسها بغرفتها ماتبي تشووفه احد دخل ابوها عليهاا بابتسامه ..

عبدالله :: سارونتي حبيتي قومي الغدا زاهب تحت :: ساره ماتكلم :: يلا بابا قومي امي تحت وتركي بعد
ساره قاطعته :: وامي معاهم تحت
عبدالله :: سارونه ادعي لها اهي محتاجه لدعائنا قومي معاي .. مسك ايدها بس بعدتها عنه ووخرته عنهاا ..
ساره :: مابي شي اطلع ابرا
عبدالله :: ساره مايصير اللي تسوينه
ساره ::اقولك اطلع برا مابي شي منكم خلني بروحي
عبدالله طلع وخلاهاا صعد لها تركي ويدتها نفس الشي والعصر يتهاا نوره رفيجتهاا وفتحت الباب
نوره :: احم احم نحن هناا
ساره:: رفعت حاجبها :: انتي شعندج يايتني كل يووم وين اخوانج مخلينج غريبه
نوره :: افا طرده عبالي بتقوولين افرش لج الارض ورد
ساره:: الله يرحم اخوانج واقفين لج على الحبه ومايخلوونج اتييني بكل وقت شللي تغير والا كسرت خاطرهم اللحين وخلووج اتييني
نوره :: محد قالج انتي مينوونه
ساره :: نورووه شتبين ترا مالي خلق لج
نوره :: ابي هوووت جوكلت الجوو صاير برد موطبيعي بس غرفتج صايره خنقه مووطبيعيه << تفتح دريشتهاا << خليها جذي تتهوى وقومي اخذيلج شاور حلوو يلا قومي
ساره ::سكرت الدريشه:: نوروه ردي بيتكم ومابي اشووفج
نوره :: تبطل كبت ساره :: اخاف بكيفج بس
ساره دخلت فراشها وقطت نفسها نوره طالعتها واخذت نفس وشووي تسمع صووت ساره تبجي قعدت يمهاا شالت البطانيه عنها واخذتها بحضنهاا وخلتهاا تطلع كل اللي بقلبهاا :: ابي امي تكفين نوره ردوها لي ليش انا اللي يصير فيني جذي ابي امي حرام عليهم
نوره :: ساروه حمدي ربج ابووج عندج غيرج فاقدين امهم وابووهم وشوفيهم والله عايشين حياتهم طبيعيه لان هذا طريج كلنا بنمشي عليه كلنا بنمووت
ساره :: عيل انا بمووت مابي اعيش مابي ابي امي
نوره :: ساره استغفري اذا ماتبين عمرج فكري بابووج منو عنده اهو ماعنده غيرج شلون بتتخلين عنه حرام اللي تسوينه بنفسج
ساره ردت لفراشها وبعدت عن نوره وغطت نفسها وهذي حالة نوره كل يوم تييها وماتخليها ليما تناام مر شهر على وفاة منيره وحالة ساره من اسوء لاسوء كانت تمووت قدامهم واهم يحاولون يطلعوونها من اللي فيه حتى المدرسه بدت ومارضت تروح واكثر من مره تطيح عليهم تتعب يودونها المستشفى تقعد يومين هنااك ويرخصونهاا
مافي احد مازارها خالاتها خوالها عمامها عماتها رفيجاتها بس ماكانت تشووف احد تحس نظرتهم لها شفقه وعطف ابووها ماقدر يتحمل وضعهاا دخل عليهاا وشافها منسدحه وكلمهاا
عبدالله:: انتي بتذبحيني انا خسرت امج مابي اخسرج فكري فيني منو يبقى لي انا مالي غيرج انتي قاعد تذبحين نفسج شووي شووي
ساره:: يمكن ترجع لو تشوفنا جذي
عبدالله :: تكفين ساره لا تستخفين انا ماعندي غيرج انا احاول اقووى عشانج بس انتي جذي تخليني اضعف مليوون مره انتي نقطة ضعفي ياساره امج صج راحت بس عطتني احلى هديه عطتني احلى بنت
ساره طاحت بحضن ابوهاا تبجي قعدها ابوها ومسح دموعهاا :: نوره رفيجتج تحت كانت بتصعد لج بس انا قلت بشووفج عشان اكلمج يلا قوومي عشان نتعشى براا اليووم انا عازمج انا قلت لنوره تقوول لاهلهاا عشان ناخذها معانا .. طلع ونادى نوره تصعد لها اللي ساعدتهاا واخذتها الحمام وخلتها تاخذ شاور وطلعت لها ملابس وساعدتها على اللبس وسووت لها شعرها ووطلعوا ابوها يسوولف عليهم ونوره تحاول تضحكها وتذكرها بمواقف المدرسه ..
نوره سارووه تذكرين لما نطينا من سوور الحديقه اللي ورا ههههههههههه وشفنا ابلة عطيات ههههههههه تصدقين شفتها امس بالجمعيه قلت شلونج ابله عطيات قالت عطيات مين شنو هذي عطيات والله نسيت اسمهاا اهي شنو كان اسمها كله منج من كثر ماتحطين لقب للمدرسات انسى اساميهم << ابتسمت ساره << عااد في مدرسه يديده يتناا تدرسنا عربي توها بقراطيسها لازم تشوفينهاا وتقوولين لهاا لقبهاا شرايج تداومين السبت
ساره طالعت ابوها اللي يتمنى يسمعها منها :: اووك
نوره نطت عليها :: قولي والله حلفي بس
ساره :: نوروه قومي عني تراج بطه موضيعفه
نوره :: حرام عليج نازله ثلاثه كيلوو امانه عمي انا بطه ان اثق برايك بنتك هذي ماعندها عند يدتي
عبدالله يضحك:: لا والله ساره معاها حق بتذبحين بنتي لا تكفين خليج بكرسيج <<يوصل العشى
نوره :: عيل ماراح اكل
عبدالله:: لاحرام عليج منو ياكل كل هالاكل واايد انا وساره مانقدر ناكل ربعه انا يبتج عشان تاكلين
سار ه ضحكت:: اي والله حرام ينقط بالزباله
نوره :: تقلد ضحكت ساره :: هاهاهاا اللحين ضحكتي يمال شقوول العافيه بس الشرهه علي
الكل استانس ان ساره طلعت ثاني يوم نزلت معاهم صح تضحك وتسولف بس بقلبها جرووح شافت الكل موجود هذي عمتهاا وبناتها عمرهم ماحبها ودايم ينغزونها بالحجي وهذي مرت عمهاا وعمها اللي دايم ماتعجبهم ساره وجرائتها كلهم اليوم يشوفونها ويضحكوون معاهاا الله يالدنيا
تقول لنفسها :: لاياساره لاتضعفين لا تسمحين لهم يعطفوون عليج لا تخلينهم يطالعوونج بنظرة الشفقه قامت وغيرت ملابسها وبتطلع راحت عند ابوهاا
ساره :: يبا انا بروح لنوره
عبدالله انحرج والكل يطالعهاا مستغرب :: اجليها بابا
ساره :: اوووووووووووف متى اجلهاا يعني انا ملييييييييت من هالجوو وبرروح بايوو
طلعت وقالت للسايق يشغل السياره وطلع تركي وراهاا
تركي :: وين بتروحين
ساره :: اووف تسمعني اقوول لاخووك بروح لنووره
تركي :: انزين نطري ليما يروحون وانا ادويج بنفسي
ساره :: والله شكلهم مطولين وانا مالي مزاج لهم وبعدين اهم مو يايين عشاني
تركي :: انزين تعالي انا بوديج
ساره :: مشكور السايق موجوود .. ركبت السياره وراحت
دقت على نوره وقالت انا براا دخلت وقعدت بغرفتهاا دخلت وبطلت لابو توبها وقعدت تلعب وتفتر بقوقل ومتجاهله وجود نوره ونوره مخليتها على راحتها وفجاة قالت ساره
ساره:: مسوين نفسهم يحبوني واهم اول ينتقدوني ينتقدون كل شي فيني من متى حبوني عشان يوقفوون يمي كلهم جذابين اصلا انا اشووف الشفقه بعيونهم والعطف كاسره خاطرهم الله ياالدنيا انا ساره انا اكسر خاطرهم صج دنيا
نوره:: انتي مو ناقصج شي عشان يعطفون عليج او يشفقون عليج
ساره قاطعتهاا :: لا ناقصني ام تعرفين شنو يعني ام عمرج ماراح تحسين
نووره ::استغفرالله انتي لو تخلين هالحساسيه عنج
ساره :: اقوول سكتي مالي خلق نصايحج.. وردت للاب توب
شافت قصيده عن الام نزلتها ..
يمه لالا تضعفين
انتي اقوى من كذا
انتي علمتي الحزين
يفرح ان صابه اذى
يمه لالاتتركين
قلبي مع هذا وذا
تايهن بين السنين
لااستراح ولاهدا

يمه قومي واحظنيني
قبل لا يصير الوداع
موكفايه بتتركيني
مركب وماله شراع
يمه ردي كلميني
حسسيني بالدفى
ادري انج تسمعيني
بس هدب عينج غفى
صوتج الطاهر صداه
شق صدري الف شق
اسمعه وامشي وراه
القى عنده الموت حق
وصورتك دايم في عيني
ما تفارق دمعتي
اذكرج بينج وبيني
وبين حزني وآآآهتي
كلمه وحده باقيه
جاوبوني ياهلي
امي راحت راضيه؟؟؟؟
ولا زعلانه علي ؟؟؟؟


ماقدرت بعد ماسمعت القصيده حتى نوره دمعت عينهاا شلوون عيل ساره اللي طالعت نوره وقالت بعيوون متغارقه وقالت بصوت مخنوق ::توقعين امي راحت راضيه علي والا زعلانه
نوره:: شهالكلام اكيد راضيه عليج
ساره:: ياما عاندتهاا ماسمع كلامها اسوي اللي براسي يننتهاا وايد وااايد انا ماستاهل طيبتها ماستاهل اكون بنتهاا انا وحده ماستاهل امي موراضيه علي
نوره يتهاا وحضنتهاا وتهديهاا...
داومت ساره المدرسه وايد بنات سلموا عليهاا حتى البنات اللي يوا متهاوشه معاهم يتهم كسرت خاطرهم كانت تشووف نظراتهم ليما يتها وحده ..
.....:: الحمدالله ع السلامه سارووه والله فقدتج ماعندي احد اتحرش فيه ويتحرش فيني ونتهاوش
ساره ابتسمت بالم حضرت االحصه الاولى ماصدقت خلصت الحصه بتطلع مسكتها نوره :: وين رايحه المدرسه اللحين بتيي
ساره :: بعصبيه :: ماراح انحااش بروح الحمام وارد والا ممنووع
راحت مشت بعيييييد راحت لاخر المدرسه شافت المسيد دخلته وقعدت فيه مرت ساعه ونوره فقدتها وقعدت تدورهاا لما وصلت المسيد شافت شوزها موجود دخلت شافتهاا لامه ريوولها وحاطه راسها على ركبهاا قربت منهاا نوره وحطت ايدها على راسهاا ساره رفعت راسهاا شافت ويهها تعبان
ساره :: ليش يعاملووني جذي ليش يحسسوني بالنقص خليهم يعاملووني مثل اوول الكل يداري خاطري ليش
نووره:: تبيني ادق على عمي يطلعج
ساره :: ياررريت مابي اقعد هني مابي
نوره:: خلاص خليج هني وانا بروح ادق وارد لج
طلعت ساره من المدرسه دخلت غرفتهاا شافت نفسها مسكت شعرهاا بقوه
تبي تطلع كل هذا من راسهاا مرت الاياااام وهذي حالتهاا بس صاارت تكاابرر يووم الخميس يتهاا خالتهاا وقالت بتاخذها خوالها كلهم يسالون عنها بس مارضت وخالتهاا اصرت وراحت وياليتها ماراحت اول مادخلت عليها يدتها ام امهاا اول ماشافتهاا بجت خالاتهاا بجوا نزلت راسها بالم وعظت شفايفها من الالم اللي قاعده تحس فيه رفعت راسها طالعتهم ابتسمت بالم وراحت الصاله الثانيه يوها بنات خالاتها قعدوا معاها يسولفوون ويضحكوون وينسوونها كانت تضحك وتسوولف عادي اللي يقوول جنه مو امها اللي ماتت ماراحت منهم الا المغرب بس اول مادخلت غرفتهاا سمحت لدموعها النزوول اكثر شي جرحها انهم كلهم موجودين الا امـــــــــــــــــــــــــــــهــــــــــــــــــ ـــــــــــــــــا ....

ثاني يووم قامت جنها البخت قامت طلعت ملابس ابوهاا وبخرته .. تحاول تعوض ابوهاا عشان مايحس فرااق امها ماتبي يحس باللي تحس فيه كل شي امها كانت تسويه له سوته
واهو بعد ماقصر عليها يبي يعوضها ومايبيها تحس بالنقص مشت الاياام صحيح كانت شرسه كانت قاسيه كانت منعزله عن كل اللي يذكرونها بنفسها وينزلون دموعهاا ابتعدت عن خوالها عن عمامهاا كانت حياتها كلهاا ابوها ويدتها وتركي ونوره ... هم الوحيدين اللي كانت تبقى معاهم على طبيعتهاا وماتخاف منهم اما البااقي كانت حذره منهم كانت تضحك تكابر كان الكل يقوول مغروره بس ماتهتم لهم كانت تمشي بثقه كانت كل ماتكبر تزيد ثقتهاا بنفسهاا مرت سنه سنتين ثلاث وابوووها مدلعهاا للدرجه محد يتخيلهاا بس ماوصلت للضيااع كانت تسمع انتقادات عمامها على لبسهاا وعن عاداتهم وتقاليدهم كانت تكره هالعادات اللي تحط البنت بموقع الهدف والكل يدور الزله عليها كانت تسمع كلام يجرحها تسمعهم يكلموون ابوها عن لبسها بس مارد عليهم يقووول بنتي وكيفي وانا اعرف اربيهاا ماغصبها عن شي ومعطيها حرية اللبس كانت تسمعهم لما ترووح بالطلعات العائليه شوفوا مادري على شنو رافعه خشمها والله انه قاصه على اخووي وعلى امي حتى تركي مايرضى عليها كلهم مايشوفون عيوبهاا << تتكلم الثانيه اي والله مقووين شوكتهاا بتخرب بناتنا يارب استر على بناتنا << حرام عليكم ترا ساره مافي منها واخووووي ماقصر عليها واهي عمرها ماخانت ثقته فيهاا ... اما عند البنات << عشتوا شفيهاا هذي رافعه خشمها سمعهم واحد من العيال لف عليهم << يحق لها حلوووووه ودلوعه يحق لها الغرور فدييييت الغرور
>> صج اخوووج ماعنده ذوووووق .. لو والله صااج اصلا اهو متحطم فيها بس ماتعطي ويه اصلا ودهم لو تقعد معاهم مو معطتهم ويه << وييه مسويه نفسها شريفه روما اقووووول خلوني ساكته من ستر على عبد بالدنيا ستر الله عليه يوم القيامه ...:: كل هالكلاام كانت تسمعه منهم وين ماتروح..

بعد ماتخرجت من الثانوويه لبست الحجاااب وراحت لابووها عمرها ماتصوورت شلوووون فرحت ابوووووووها لدرجة عيونه تغارقت استانس انها لبست من كيفهاا ساره استانست لفرحة ابووها ..


وصلت ساره العشرين ..

ساره :: اوووووووف تررررريك حرام عليك والله مايصير روح قووم ييبها ابي اشبك
تركي :: لازم اللحين مو لازم
ساره :: ترييييييك ايووي بيررد اليووم والله لويدري اني خربت لابت تووبه بيذبحني كافي يووم خربت لاب تووبي وقال ماراح يشتريلي عقاااااب واللحين لوو يدري انه خربته حقه ماراح يعطيني للاب تووبه
تركي :: محد قالج استقبلي من احد روابط
ساره :: شدراني كله من مشييييييعل مادري شدز لي الحماار
تركي :: انزين خلاص لاتحنين طلعي وقعديني المغرب اييبه لج
سااره :: لا تكفى ابووووي بيرد المغرب طيارته تووصل الساعه ست
تركي :: اوووووووووف يبا قبل لا يووصل ابووج رااح اييبه لج يرحم ابوووج لاتحنين
ساره :: ترووووكي يلا قوووم قوووم ادري مافيك نووم بس بتكلم فوووز صح ادري ادري
تركي :: اييه بكلمها عندج مااانع
ساره :: اوووك زين قتلي عشان ادق على عاليه اقوووووول شوفي حبيبج يخونج وادق على ندووي اقول شووفي حبيبج يخونج
تركي :: صج انج
ساره قاطعته :: شسوووووي فيك ييتك بالطيب مانفع روح اللحين ييبلي اللاب تووب عشان نلحق نيييييب ابووي من المطار.. وراحت وخلته

راحت ساره لغرفتهاا لقت يدتهاا معاها الخدامه ترتب ويدتها معصب
الجده :: حسبي الله على عدوج هذي غرفة بنت حشى والله غرفة تركي ماصارت جذي
ساره :: شنو يدووه
الجده :: شنو اللي شنوو هذي غرفه
ساره تسووي نفسها تعبانه :: شسووي يدووه تعبانه :: وتقعد على السرير
الجده :: اخترعت :: شفيج يما شنو حاسه فيه
ساره :: دايخه يماا
الجده :: اسم الله عليج نامي نامي روزي روح سووي عصير حق ساره
ساره :: لايدووه ابي اناام شووي
الجده :: العصير زين اشربيه ونامي
ساره :: اقوول يدووه تدري ابووي بيي المغرب
الجده :: ان شاءالله
ساره :: يدوه انا مخربه لاب توبه وموديته للمحل بس خايفه يرد ابووووي ومايلقااه والله يسويلي سالفه وانا مافيني اناقش وانا قلت لتركي بس مارضى
الجده :: تركي مارضى الحمار انا اوريه يبي ابووج يعصب انا اللحين اروح له
ساره يوم شافت يدتها طلعت ضحكت وقعدت تناقز على السرير والخدامه دخلت شافتها وضحكت على عيارة ساره ..
المغرب رد عبدالله قبل موعده وتووه بيصعد الا شااف ساره صرخت :: بااااااااااااباا توني اقووووول لترييييك بروح :: تركض وتحضن ابووووها :: اشتقتلك
عبدالله :: عييل انا شقوووووولج .. تقعد مع ابووها وتسووولف معاها وهوو يضحك على سوالف بنته

<< نهاية الجــــــزء الثاااااااااااني لغرق الغرقان اكثرر


للكاتبه .. حـكـايـة قـلـبـ ـ ـ

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 7
قديم(ـة) 05-01-2010, 09:27 PM
صورة مووون البشر الرمزية
مووون البشر مووون البشر غير متصل
©؛°¨غرامي مشارك¨°؛©
 
الافتراضي رد: غرق الغرقان اكثر .. روايتي الاولى


الجزء الثالث .. غرق الغرقان اكثرر ..

كانت نايمه وحست بازعاااااج قعدت شافت تركي فوقهاا
تركي:: سارووووووه ويعه قومي بسرعه
ساره قامت وتشووف الساعه :: انت مينووون شتبي مقعدني اللحين اليوووم سبت ماكوو دوااام
تركي :: قومي سمعيني ابيج
ساره :: تبيني الساعه سبع انت مينووون اطلع برا وخلني انااااااااااام
تركي :: ساروه صحصحي معاااااي ماكوو وقت تكفين :: يبووووس راسهاا
ساره :: اووووووووف شتبي بس بعد عني
تركي :: ابيج تعزمين فووز على يووم ميلادج
ساره :: طالعته :: شنوو بس انا ماعرفهاا وماكلمتها الا مره واكييد اهيا مارح تدخل بيت ماتعرفه وين قاعدين انت انهبلت
تركي :: اوووف سارووه لا مو انتي راح تسووينه بمطعم
ساره :: بكيفك انت مابي باخذ راحتي مع رفيجاتي والبنات
تركي :: ساروه طلبتج والله والله سويها والحساااااب كله علي
ساره :: قصدك على حسااب ابووي
تركي :: شكوو والله انا ادفع كل شي
ساره :: افكرر
تركي :: لا شنو تفكرين ابيج اللحين عشان تروحين معااي
ساره :: وين ارووح
تركي :: مواعدها اببيج تعزمينها بنفسج وتعرفين
ساره :: خاف ربك ببنات الناس انت ماتخااف علي احد يلعب علي مثل ماتلعب بمشاعرهم
تركي :: بهذي واثق لانج عدوت الشباب ومتعقده منهم
ساره :: بكيفك انت انا لا تدخلني بسوالفك والله انا اخاف على نفسي واخاف الله يبليني قووم اطلع خلني اكمل نومتي
تركي :: افاا ساروه ترديني انا ترروك ترديني
ساره :: ماتقدر ترفض له :: ززززززززين برووووح بس اطلع عني
تركي يبوسها :: فديت بنت اخووي والله الساعه عشر انتي خالصه :: وطلع ::
سارع :: بقلبهاا :: الله يهداك ياترييك ماحب اتدخل بس انا شعلي اهيا الهبله ليش تصدق والله هذا ويه حب هذا بصووب والحب بصووب بس انا مفروض ماساعده كل مره والبنات مهبل بس بكلمه احبج ذابوو والله ماتسووى علي الله يبليني لاني ساعدته اووووووووف :: قامت تاخذ لها شاور ::
بعدها راحت لابوهاا وقعدته :: يلا يباا قوووم السااعه ثمااااااان قوووووووووم يلاااا
عبدالله :: قعد :: خليني انام يايبا
ساره :: ابي اقعد معاااااااك امس ماشبعت منك يلاا قووم بسووولف معاااك يلااا
عبدالله :: يلا قعدت قعدت
ساره :: بروح اقوول لرووز تسووي الريووق على ماتنزل وبشووف يدتي
نزلت وقالت للخدامه شافت تركي يسوولف بالتلفوون وبعالم ثاني راحت شافت يدتها على سيادتهاا
يدووه تووج تصلين الفيرر وين اللي تنصحني دايم قومي وقومي
الجده :: انا اصلي الضحى مو الفجر قعدت وصليته بوقته
ساره :: اييييييييييه تقبل الله
الجده :: منا ومنج تعالي قعدي بكلمج
ساره :: امشي نتريق نسوولف عشان ابووي بينزل اللحين
الجده :: لا ابيج بروحج
ساره :: عيل السالفه خطيره ام عبدالرحمن شعندهاا
الجده:: خلي الضحك عنج وسمعي من يومين في ناس مكلميني عنج ويبوونج
ساره تنهدت :: يدووه مابي
الجده :: خلي الدلع سمعيني
ساره :: يدوه توني صغيره مابي متى ماتخرجت يصير خير اللحين لا تكلميني
الجده :: الللي يبيج يقوول مستعد ينطرج متى ماخلصتي بس يبيج توافقين
ساره :: وانا مابيه
الجده :: انتي اعرفي منوو
ساره :: تجاريها :: منوو
الجده :: نواف ولدعمج عبدالرحمن
ساره :: وييييييييييييييييع والله لو انه اخر واحد بالعالم ما اخذه
الجده :: ليش شفيه ماشاءالله عليه كامل والكامل الله هذا نوواف كل بنات عمج يتمنوونه
ساره :: على نفسه وانا شفيني اذا هوو نوااف انا سااره حده جريئ شلون يفكر يخطبني
الجده :: يايما الغروور مو زين
ساره :: يدووه شكوو انت قلتيلي عن نواف وانا قلت لا طلبه مو عندي :: قامت متنرفزه من يدتها وراحت قعدت بالصاله نزل ابووها ويسولف معاها وهي مو يمه وقعدت الجده معاهم وتركي وهي متنرفزه وهي تقوول بقلبهاا :: حدك جريئ يانوواف فوق شينك قوات عينك عبالك ساره مثل ماهي ام قلب طيب حيييييل واثق بنفسك
عبدالله :: يمسكها :: سارونتي فيج شي
ساره :: لا .. قامت ..
عبدالله :: وين رايحه
ساره :: بروح البس عشان بطلع مع تركي
عبدالله :: الحين تقعديني وتطلعين
ساره :: ابتسمت :: ماراح نطوول .. وصعدت غرفتها وسكرت الباب بقهر ويدتها درت انها عصبت
لا تقهرين نفسج ياساره خلاص انتي رفضتي وابووي مستحيل يغصبني على شي
لبست ونزلت لقت عمهاا عبدالرحمن موجوود :: بقلبها :: حدك مووقته
ساره :: شلونك عمي
عبدالرحمن :: يطالع لبسهاا ويطالع باخووه "" هلا
ساره :: يلا تركي
تركي :: يلا مشيناا
عبدالرحمن : انت شلون تخلي بنتك تطلع جذي
عبدالله :: قلتها بنتي
ساره كانت عند البااب طالعت تركي وهزت راسها بسخريه وطلعت ركبووا السياره
تركي :: ماعليها سارروه تعرفين عبدالرحمن وتعرفين تفكيره
ساره :: عشتوا ماهز من راسي شعره امش امش خلنا نشغل المسجل وتغير بالسديات لما حطت اغنيه راشد << بلا حب وتقعد تستهبل على تركي وتركي اول شي يطالعها هبله توها معصبه مسرع قلبت بس كمل معاها وقلب هوو وياهاا
تركي :: لا في اغنيه موووصج بطلي الدرج تلقين شريط منوعات
ساره :: اي واحد فيهم كلهم منوعات
تركي :: هذا << شغله وقعد يستهبل عليهاا
بالليل دخلت غرفتهاا انسدحت بفراشهاا تذكرت مواقفق مع امهاا :: سارونه حبيبتي يلا قوومي نامي عشان باجر مدرسه
ساره :: وااااااااااااي ماما حدددددددده مو وقته بشووووووووووف فيلم بعده اناام
........... سارووه عيييييب ليمتى وانتي جذي انا ماعلمتج على قلة الادب
ساره شسوووووووووي يمااا اهيا اللي بدت ليش تدوس لي على طرف وانتي تعرفيني ماغلط بروحي اهيا اللي بدات
........سارروووووه مايصير كل ماروح المدرسه يشتكوووووون منج احرجتيني
ساره .. تشهق .. شسوووويت
...... شمسووويه بمدرسة العربي
ساره تنهد .. ماسويت شي بس سالتها قلت مره عن بدلتها من وين ماخذتهاا قالت من برا ووحده من البنات تقول موجوده بسوق السالميه رحت شريتها ويبتها قلت ابله يبت لج نفس بدلتج بس لوون احلى واهي حاطه علي مو كفوو احد يبلها هديه خسرتني تسع دنانير
......... انا محد يموتني ناقص عمر غيرج

.................................................. .......................................
::: وهذا انا موتج ناقصه عمر .. تذكرت الشعر امي راحت راضيه والا زعلانه علي .........
قامت بسرعه وطلعت من غرفتها ودخلت عند ابووهاا ونامت بحضنه تدور حنااااااااان امها اللي فقدته وابوها استجااب لهاا...
مرت الاياام واحتفلت بيووم ميلادهاا وسوته بمطعم عشان تركي ..
ومرت الايام وساره قاعده وشووي تدخل خالتهاا
مريم .. السلام
ساره :: اهلين خالتوو
مريم :: انتي وينج
ساره :: كاني :: وتبتسم ..
مريم:: يلا قومي بدلي وامشي معااي
ساره:: وين ..
مريم:: مسوين غدا بيت امي يلا قومي الكل يسال عنج
ساره :: حست بخووف وبتتهرب مثل العاده :: وين ارووح لا لا ماقدر
مريم :: شنو ماتقدرين بلا دلع يلا
ساره :: خالتوو انتي تدرين احنا اللحين امتحانات فاينل وانا عندي امتحان باجر وكميه الامتحاااااااان واااااااايد
مريم :: ماراح نتاخر كاج انتي قاعده ماشووف بيدج كتاب ولا شي
ساره :: اييه كنت قاعده ادرس فووق بس نزلت اشووف شي اكله
مريم :: ماراح نتاخر كلها ساعه وانا اردج بنفسي امي مشتاقتلج تقوول سارووه من زماان عنهاا وانتي خوو ماتمرين جنه ماعندج اهل
ساره:: لا والله خالتوو مو قصدي بس مافضى
مريم :: ماتفضين شعندج عيالج والا ريلج
سااره :: وااي والبنت ماتنشغل الا اذا كان عندها ريل شهالتفكير
مريم : ماظن في شي يشغل المراه غيرهم
ساره :: امبلى حياتي دراستي نفسي مالي حق انشغل فيهم لازم تدخلون الريال بينهم
مريم :: اعصابج اعصابج شفيج يماا انفعلتي مصيرج ببتزوجين واشووف كلامج
ساره :: منوو قال بتزووج
مريم :: ليش ان شاءالله
ساره :: اخلي دلاااال ابوووووي وارووح لواحد ماعرفه نو نو
مريم :: والله عليج تفكيرر اقوول لاتضيعين السالفه يلا قوومي معاي
ساره : : وعد باجر انا امر يدتي وانا راده من الجامعه
مريم :: وخوالج وخالاتج ياحبيبتي لازم تاصلين اهلج اللي مافيه خير لاهله مافي خير للناس
ساره :: خالتوو مو جذي قصدي بس عن جد ماكوو وقت وابوووووي متحلف فيني يقوول ان يبتي
(d) باي ماده انسي طلعااااااات في العطله بيحبسني بالبيت شهر كامل
مريم :: ابوج قال خلاص انا بدق على ابووج بقووله باخذج معاي وان يبتي دي بهالماده انا اتحمل يلا قوومي لبسي
ساره :: خالتوو مابي
مريم :: بتيننيني انتي
ساره :: خالتوو ماحب اروح كلهم متجمعين هنااك وانا ماحب
مريم :: لو انهم رفيجاتج قلتي عادي بس اهلج لا
ساره :: اييه ماحب لانكم كلهم موجودين ماعدا امي الوحيد اللي بينهم مو موجوده :::: صعدت وخلت خالتها مصدومه من حساسية بنت اختهاا للحين مو راضيه تنسى صعدت وراهاا
مريم :: دخلت عليها :: ساره شهالكلام انتي مو ياهل تفكرين بهالطريقه اذا امج راحت لازم انتي تاصلين اهلها عشان يعرفون منيره ماماتت منيره للحين موجوده ببنتها
ساره :: خالتو بليزز لاتجبريني انا دايم اروح عشان خاطرج بس انا مابي خلاص انا كل ماروح اتضايق اكثر تكفين خليني على راحتي لو صج تحبيني خليني على راحتي
........

انتهت امتحانات الفاينل وساره ضايق خلقها منغثه وقاعده تكلم نوره رفيجتهاا
ساره :: نوروه مابي ارووح كيفه خله يروح برووحه
نوره : : بلا استهبال انتي ليمتى بتقعدين جذي بتكرهين العالم على اتفه الاسباب
ساره :: اروح لناس مايحبوني
نوره:: روحي عشان ابوج وبعدين لاتقعدين معاهم روحي استانسي بهالعطله الجوو موطبيعي والمزرعه بهالوقت ماتطووف لاتصيرين خبله تقعدين وتخربين وناسة ابوج ويدتج وعمج عشانج ابوج اذا مارحتي ماراح يروح ونفس الشي يدتج اذا لا انتي ولا ابوج بيروح ماراح تروح ونفس الشي تركي نوره انتي تحبين الوناسه والفرفشه روحي هناك واستانسي ولا تقعدين معاهم قعدي مع تركي مع ابوج مع يدتج او عمتج
ساره :: مالي خلق اسمع كلام لاني اذا سمعت ماراح اسكت وتعرفيني انا ارد مايهمني احد وراح اسبب مشاكل
نوره :: لا ماراح يصير شي واذا قالوا شي لاتسكتين لاني اعرف ساره ماتخلي حقهاا ونفس الشي ابوج ويدتج وتركي يعرفونج ماتغلطين الا على حق
ساره :: اووك يلا عيل قلبي ويهج بروح اقوول لابوي
نوره :: والله انج مو كفوو هذي يزاتي
ساره :: تضحك :: شويه عليج بعد
نوره :: مالت عليج :: لو امي مو موصيتني اقولج جان ماقلت
ساره :: شتقولين
نوره :: امي تسال عنج وقالت اقولج اتييين تتعشين عندنا
ساره :: حياتوو خالتوو والله فديتهاا امج هذي احبهاا
نوره :: حتى اهيا تحبج مادري على شنو منخدعه فيج مادري شفيها تمدحج اكثر مني كله تقولي سيري مثل ساره ياحلوها ماشاءالله عليها قومي نظفي غرفتج ماتصيرين مثل ساره مادري من ضاحك عليها اهيا لوتشوف غرفتج جان تحمد ربها اني انا بنتها بس لازم اطلع حقيقتج عندها
ساره :: مهما تسووين ماراح تفرقين بينا احنا مانسمع كلام العذال ادري انتي محتره من الغير ه موووتي حره
نوره :: جبح هالويه مالت اغار من شنوو
ساره :: افكوورس مني اقوول قولي لخالتي بمرها اليوم بس بلييز انتي مابي اشوفج
نوره :: مالت عليج اصلا انا ماراح اقعد بطلع وانتي قعدي مع امي انتي لو مرافجه امي ابرك شتبين فيني
ساره :: وانا ليش رافجتج عشان اتعرف على امج هههههههههه
نوره :: فكيني بشوووف عليووي يناديني مادري شيبي
..............
راحت ساره وكلمت ابوها وقالت له وقالوا بعد باجر بيروحون المزرعه قعدت معاهم وتسولف على ابوهاا
ساره :: لا يبا شرايك لوو نحط الغرفه اللي بالسرداب الاجهزه منها ناخذ راحتناا
عبدالله ::صلا بيتنا فاضي يعني منو عندنا انا اقول نحطها الغرفه اللي فووق
ساره :: لالا منوو قال فاضي عمتي اذا ريلها سافر او ولدت تيي تناام عندنا وماشاءالله عيالها ينانووه والله مايخلوون شي عدل بالبيت انا اييون زواره ويننوني حتى غرفتي شلون يدخلونها مادري هذيج المره داخلين مكتبك زين لحقت عليهم شوف مكتبك اللي حاطه برووح عشان محد يدخله اهم راحوا له خلنا نحطه بالسرداب حتى عن الازعاااج وانت تدري السرداب مو وايد نقعد فيه بس بالمناسبات يعني الاعياد وقليل نقعد فيه خلنا نحط الاجهزه فيه صوب حووض السباحه اريح لناا
عبدالله :: خلاص اللي تشوفينه
ساره :: انزين ابي فلووووس بروح السووق
عبدالله :: توني محولج على حسابج
ساره :: شفت بدله عرس موو صج
عبدالله :: جم اخذتيهاا
ساره :: 490 بس
عبدالله:: شدعووه بابا ليش جذي انتي وياليت شاريتهاا لعرس احد من اهلنا بس جذي ماخذتهاا
مريم :: منوو قال عرس اخوو نوره بعد شهر خل اروح البسها تشوفها علي والله حلووه والغالي لساره يرخص لهاا
عبدالله :: يرخص ويفداج روحي لبسيه خنشووفه
ساره :: دقايق
::::::::::::

دخلت بيت نوره شافت ام نوره قاعده ::
ساره :: السلاااااااااااااااااااااااااام عليكم
ام نوره :: اهلين وعليكم السلام حيا الله من يانا حيالله القاطعه
ساره :: تضحك :: شسوووووووي مانقعد بالبيت
ام نوره :: اييه ماتشبعون دوجه انت ونوره وطلعتكم تطيح فووق راسي انا
ساره :: فديتج خالتي الا على طاري هبلووووووووه وينهاا
ام انوره :: تنهد :: شوفيها فووووق وربي تعبت من هالبنت مادري على منوو طالعه
ساره :: شفيهاا
ام نوره :: كل ماقتلهاا شي زعلت والا احد من اخوانها قالها شي زعلت روحي كلميهاا
ساره :: تعلميني فيها خبله مادري ليش تزعل فيها حساسيه بروح اشووفهاا
صعدت لها بطلت الباب كان مقفوول طقت الباب حيل وفتحت نوره معصبه يوم شافتها سكتت..
ساره :: ليش مسكره جهازج
نوره :: مافيه جااااااارج
ساره :: انتي ليش حاطه موبايل كل مابغيتج مالقيتج
نوره :: مالي خلق
ساره :: شفيه النفسيه زفت اليوم مكلمتج مافيج شي
نوره :: تخانقت مع امي
ساره :: ليش
نوره :: نرفزتني
ساره :: انتي مينوووونه حمدي ربج عندج ام لو جربتي معنى فقدان الام ماتووقع بتصغرين عقلج
نوره :: موقصدي اضايقها بس هي ماتوقف اخواني عند حدهم كل مالهم يتمادون حتى الصغار يتمادوون ويانووره تحملي اووف شنوو هذا الواحد عنده طاقه
ساره :: لانج معروفه بالعقل وانتي دايم اللي تعرفين لامج وتفهمينها واقرب لها حتى من اختج العوده
قعدت ساره تكلمهاا لما هدتها ونزلوا قعدوا مع ام نوره وخواتهاا ..
......
نهايه الجزء الثالث .. غرق الغرقان اكثرر ..

للكاتبه .. حكايه قـلـبـ ـ ـ ..

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 8
قديم(ـة) 05-01-2010, 09:41 PM
صورة اثير بنت ناصر الرمزية
اثير بنت ناصر اثير بنت ناصر غير متصل
©؛°¨غرامي متألق ¨°؛©
 
الافتراضي رد: غرق الغرقان اكثر .. روايتي الاولى


يسلموو خيتوو على الرواية الروعة

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 9
قديم(ـة) 05-01-2010, 10:08 PM
صورة جود الدنيا الرمزية
جود الدنيا جود الدنيا غير متصل
©؛°¨غرامي فضي¨°؛©
 
الافتراضي رد: غرق الغرقان اكثر .. روايتي الاولى


البارت روووعــــــه

يعطيك العافية

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 10
قديم(ـة) 05-01-2010, 10:17 PM
صورة مووون البشر الرمزية
مووون البشر مووون البشر غير متصل
©؛°¨غرامي مشارك¨°؛©
 
الافتراضي رد: غرق الغرقان اكثر .. روايتي الاولى


يسلموو حباايب قلبي وانتظروا البارتات الياايه ان شاءالله تنال على اعجابكم ..

غرق الغرقان أكثر / روايتي الأولى

الوسوم
غرق الغرقان اكثر
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
روايتي الأولى : عشقي لك بجنون أحبك يا القلب الحنون / كاملة أنا أنثى روايات كامله - يتم نقل الرواية هنا بعد اكتمالها 560 24-03-2015 04:20 AM
روايتي الأولى : لا صرت دايم معي دنياي تعجبني ## عسل قلبي ## أرشيف الروايات المغلقة - لعدم إكتمالها 78 17-06-2011 03:55 PM
روايتي الأولى : أمانة لا تجاملني إذا نفسك تبي فرقاي غنج السعودية أرشيف الروايات المغلقة - لعدم إكتمالها 24 02-05-2010 01:25 AM
روايتي الأولى / بحر الهوى يا سامعين ماله دوى..مايروي قلب العاشقين مهما روى # الجوري # أرشيف الروايات المغلقة - لعدم إكتمالها 21 18-09-2009 01:33 AM
تحليل دقيق عن روايتي الأولى على غرام بلا حدود مواضيع عامة - غرام 2 18-08-2007 07:19 AM

الساعة الآن +3: 02:04 AM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


youtube

SEO by vBSEO 3.6.1