غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام

عـودة للخلف   منتديات غرام > منتديات روائية > روايات كامله - يتم نقل الرواية هنا بعد اكتمالها
الإشعارات
 
أدوات الموضوع طريقة العرض
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 21
قديم(ـة) 03-08-2010, 12:15 PM
صورة روح زايــــد الرمزية
روح زايــــد روح زايــــد غير متصل
مستشــ¸.·* غرام *·.¸ـــاري
 
الافتراضي رد: رواية جيتك أمانة أنقذيني / للكاتبة : شمعة الصداقة


،التفتت تطلع بقية الأغراض..كان في الكيس بنطلون ابيض قصته واسعة شوي لكنه بمقاسها وشوز رياضي لونه ابيض وفيه خطوط نحيفة بالأصفر والوردي والأخضر وعليه تمساح لاكوست،
حلو فجأة تحس بالعز والدلال..هدايا وماركات..يـلا يارزون اتهـنـي
،وطلعت آخر قطعة بالكيس كنزة مفتوحة بأزارير وخفيفة لونها وردي على فوشي عادية وعليها تمساح لاكوست،
ياهالتمساح خلاص انا كرهتك..قطيعة احد يختار شعار لماركته..تمسـاح!!..قلوا يعني!!
،لمت الأغراض ورتبتهم في شنطتها..واخذت الكنزة الوردية والبنطلون الأبيض..
ولبستهم مع قميص اصفر فاتح وشوز converse السبورتي اللي لونه قريب من لون الكنزة وطويل شوي من فوق ويغطي الكعب..
اما شعرها تركته مفتوح ولفت خصلتين من اليسار واليمين لورا..طالعها فـارس من تحت لفوق لما دخلت الغرفة..وابتسم..
الرزان..حطت عبايتها تضايقت من نظراته بس اجبرت نفسها تبتسم:شاللي عجبك بالضبط،اكيد الشوز صح!،لانه احلى شي في لبسي
فـارس..ابتسم:معـاج حق،بس بعد الكنزة الفوشية حلوة
الرزان..ابتسمت:اوه عجبتك!،ممكن نقول للي جابها شاكرين له،يجيب لك وحده زيها
جلست جنب جدتها..وقعدت تسولف معاها،
يمكن شخصيتج معقدة كثير فمحد فاهمها..اوانها بسيطة كثير فمن بساطتها محد قادر يستوعبها!!..والخيار الثاني على مااعتقد هو الصحيح برايي...
،انقطعت افكاره و امها تناديه..
فـارس..ابتسم ولف عليها:آسف،وش كنتي تقولين خالتي؟
نهلة..ابتسمت له:كنت اقول تبي شاي ولا قهوة
فـارس:قهوة الله يعافيج
الرزان..قامت:اجل اقوم اجيب لكم من الحلاوة اللي بالمجلس
راحت وخلال ثواني رجعت...
الرزان..وزعت الحلاوة عليهم:كان ودي اجيب لك الصينية تختار منها بس خلني اشيل عمري عشان اقدر اشيلها،بس اكيد راح يعجبك ذوقي
فـارس..ابتسم و ورا ابتسامته شي ثاني:اكيــد مايبيلها كلام
وبعد نص ساعة كانوا في سيارته الـ موستنج السودا...
الرزان:لاحظت انك تعشق السيارات!
فارس:?so is that a problem،بعدين كيف لاحظتي يانبيهة?
الرزان:عندك اكثر من سيارة،و تهتم بمظهر السيارة زيادة عاللزوم،و...مادري بس استنتجت
فـارس:نبيهة اسم الله،وانا فعلاً اعشق السيارات،وهاذي صفة معتادة على فكرة في الذكور
الرزان:مـو شـرط الذكـور بـس!،انـا احب السيارات،واكـره التسوق
لاحظت انجshoppingفـارس..ابتسم:حقيقةً انتي قاعدة شاذة،بس مو معقول تكرهين الـ
تحبينه
الرزان:اوكي يمكن ما اكرهه لكن اكيد ما احبه زي باقي البنات،يعني يعتبر متعة من وقت للثاني
فـارس:وبالنسبة للسيارات مااظنج تحبينها بالطريقة اللي الذكور يحبونها
الرزان:انت قاعد تعمم مرة ثانية،خالد مايحب السيارات يعتبرها ضروريات وبس مثل الجوالات، انت بأي طريقة تحب السيارات؟!any way يعني انت هنا تتكلم عن نفسك،
فـارس:اهتم بالمحركات بالسيارة ككل،انتي - وانا متأكد من هالشي- تحبين اشكالها والوانها وانواعها خصوصاً السريعة والغالية،انا اهتم بهالأشياء بس اهتمامي ماينحصر فيها زيج،صح ولا لا؟
الرزان:تقريباً صح
سكتوا..والتفتت تطالع بالشارع..هو طلع سيجارة وشغلها..شمت الريحة واختنقت...
الرزان..وهي تكح:انت اذا تبي تذبحني استمر بالتدخين،رجاءً ماتدخن وانا وياك مرة ثانية..رمى السيجارة من النافذة المفتوحة وشهقت..ياسلام بدال ماتطفيها ترميها بالشارع!!،اكيد انت مو صاحي!!..ابتسـم ببرود..بعدين من متى تدخن؟
فـارس:من يوم عرفتج
وابتسم..
الرزان..كشرت:هـا هـا هـا ماتضحك،انا ماشفتك ولا مرة تدخن!،متى بديت تدخن؟؟
فـارس:لانج ماتعرفيني اساساً،انا ادخن من..وفكر شوي..اربع سنوات او ثلاث سنوات ونص
الرزان..فكرت بنظريتها(اكيد كان في شي صاير وقتها..خلاه يبدا يدخن..كوسيلة غبية لتفريغ همومه وآلامه..عاشت المحللة النفسية رزون)ابتسمت لنفسها:كان في سبب خلاك تبدا تدخن صح!؟
فـارس..ركز عالطريق:مادري بديت تلقائياً ادخن
يصيـر خيـر..قـال تلقائياً قـال!!..مازال الغموض يكتنفه..تحسونه شوي كأنه من ابطال قصص عبير..غامض وجامد..
يظهر بشخصية مغايرة لشخصيته الحقيقية..طبعاً هذولك عكسه ظاهرهم الجمود والقسوة وداخلهم الطيبة والحب والحنان..
بس هو لا اكيـد..ظاهره الدفا وخفة الدم والحنان واحياناً تشوفونه سوبر مان..
بس داخله وهو الجزء الغامض حقيقةً واللي يظهر احياناً..برود زي الثلج وقسوة زي الصخر وعناد بلا حدود..
اي وايش بعد من صفات ابطال قصص عبير!!..اي النجاح المهني اكيد..واكثر مايعجبني فيه هو طموحه الدائم للأفضل..
واكيـد يشابههم في الثراء.. مادري وش بلاهم كاتبات العالم كلهم لازم يخلون الابطال اغنياء!!طيب لمرة خلوا البطل بسيط عادي طبيعي..
لاغني ولا فقير!!..بس يمكن ينظرون لمستقبل الأولاد اللي بيجون في الطريق!!..هههههههههه..
ماعلينا وفي ايش بعد يشابههم؟؟..اممممم يفترض الوسامة!!..حقيقةً توني انتبه اني مادققت في ملامحه..
يعني انتي تعرفين ان هالشخص اللي معاج وسيم ومزيون وحليو..بس مادققتي في خشمه..
عيونه..شعره..جسمه وطوله اللي اكتشفته مؤخراً..واللي يشابه فيه ابطال قصص عبير..لازم يجون طوال جداً!!
،التفتت تتأمل ملامحه..وتدقق فيها..من عيونه العادية لكن رمادية،
هذا شي اول مرة اكتشفه!!..متى صارت عيونه رمادية!!..بس من وين جاب العيون الرمادية؟!!..
اي صح امه وخواته عيونهم ملونة..وسعد الكتكوت ولد اخوه عيونه رمادية!..وهنادي عيونها عسلية!..
شي وراثي فهمت..احنا عندنا علياء ونوف عيونهم عسلية بس غامقة مو فاتحة..ماعلينا
،رجعت تطالع فيه..خشمه كان دقيق وطويل،
وكأن خشمه مرفوع خلقةً..ياسبحان الله..مايحتاج يرفع خشمه عالناس..هههههههه..
بس معطيه هيبة..توافق صفة اخرى مع ابطال قصص عبير..تلفهم هالة من الوقار والهيبة..
وعندهم كاريزما قوية..و الخ من الكلام الفاضي.. هههههههه
،عظام وجناته بارزة شوي.. وشفايفه مليانة شوي،
اوكي يفترض مافي رجال شفايفه مليانة!!..يمكن نافخهم..ههههههههه..بلا عبط رزون!!..
ماعلينا..خدوده شوي بارزين زي هنادي..و..وجهه طويل ونحيف..واهم شي السكسوكة الكلاسيكية الخطيرة..
امممممم..شاب وسيم بكلاسيكية سعودية..طيب يتشابه مع ابطال عبير بالوسامة
،وفجأة طلعت منها شهقة..
فـارس..التفت مستغرب:اشفيـج؟؟
الرزان..(اكتشتفت شي..خطير..و..غريب بنفس الوقت!):لا ولاشـي،كنت افكر بشـي
بالضبط..من جد!!..ما اكذب عليكم بس جد جد..يشبه حبيب ريمـا هريتك روشان!!..غير ان فـارس خشمه اطول شوي و على استقامة..وهريتك خشمه اقصر و نازل على تحت!!..وفـارس شفايفه مليانة واكبر من شفايف هريتك..والفرق الأكبر..فـارس شعره قصير وهريتك شعره دائماً طويل
،وطالعت بفـارس مرة رابعة،
مادري ليش مايغير هالقصة الغبية..شعره ناعم وشوي كثير.. ويمكن لو طول يغطي على روشان!..بس دائماً يحلقه على طول واحد ويمشطه بترتيب بزيادة!!.. بس مع هذا باين ان شعره كثير وناعم..طيب نشوف كجسم
،وطالعت من فوق لتحت..
فـارس:ترا مليت من نظراتج،بديت احس اني فأر مختبر
الرزان تفشلت والتفت تطالع برا على طول،
يعني لازم الأحراج!!..بس حصلت عالنتيجة..طويل وماشاء الله عريض..مو عرض متن يعني..
لا عرض بعضلات..بس بعد مو ذيك العضلات حقت كمال الاجسام..عادي..بس باين انه يتمرن كثير..
زي اخوي عادل قبل لايتزوج..كان يتمرن كثير ويروح الجيم كثير..كان طويل وعريض وجسمه عضلات..
اما الحين مازال طويل بس صار..وعشان مااظلمه ..شبه مكرش..
اما خالد المسكين هذا من يوم عرفته وهو طويل ونحيف مع انه بيكمل 34 الا انه مايبين عليه..لانه مازال زي ماكان قبل عشر سنوات..
بس انه تغير شوي لما صار يشيل حديد ويتمرن..خخخخخخخ..كسر خاطري خالو مهما يسوي بيظل عصقول..
ونفس الحالة طلول.. حقيقةً طلال نسخة كربون من خالد ونفس الحالة فيصل طـول ونحـافة..بس طلال تغير كثير مع الغربة..
صار عنده عضلات وأخيراً..واسمّر شوي بعد..الأخ فـارس هنا..ماهواسمر ولا ابيض..
بشرته مايلة للسمار اكثر من البياض..بس حلوة..احلى من البياض واحلى من السمار..
لايروح فكركم لبعيد..انا ما افكر ابداً باللي تفكرون فيه..مين اللي يفكر يارزون بأيش!!..ماعلينا،..
فـارس:ترا وصلنا اذا خلصت افكارج،اذا ماخلصت ممكن نستنى شوي بعد
التفتت حولها واستوعبت انهم وصلوا فنزلت..تلملم اطراف عبايتها الواسعة..لأول مرة عبايتها عادية جداً..موديل البشت وبأكمامها شريط كريستال وردي غامق وفيه فيونكة بشريط الساتان الأخضر..وشالت شنطتها الخضرا..
فـارس..ناداها:انتظـرج ولا اروح وارجع؟
الرزان..تنتظر المصعد:على كيفك
فـارس:طيب متى تخلصين؟
الرزان:6 ونص
فـارس..رجع يركب السيارة:بكون هنا 6 ونص بالضبط
6:30..طلعت من مكتب الدكتور سعد..ورن جوالها "فـارس بلا جواد يتصل بك"..
11:15..دخلت البيت..وصعدت لغرفتها..
:كيـف كـان اليـوم مع فـارس؟،باين انج استانستي؟
تخرعت وطاحت منها الأكياس اللي كانت بالعافية قادرة تمسكها كلها..
الرزان..التفتت و فيها غصة:خـالد!!،انتوا تبون تذبحوني بالغصب!!،قـاعدة على قلبكم انا ولا شالسالفة!!
خالد..ضحك:عسـل على قلبي لو قاعدة عليه،وبعدين واذا قاعدة عليه مايتأثر قلبي بالعصاقل ترا..لما شاف انها مابلعت المزح..ياقلبي والله مو قصدي اخرعج،ترا امزح بس..راح وشال الأكياس اللي تناثرت وسحبها للكنبة..استريحي وخذي نفس..وصب لها ماي..وخذي شربة مي
شربت الماي وابتسمت بعدين بدت تضحك..
خالد..ابتسم:هـلا هـلا جننج ولد الناس؟؟،لهالدرجة الطلعة معاه حلوة؟!،انا بديت اغـار..وجلس في كنبته وهو يسوي نفسه زعلان..ترا لو مانطقتي الحين وقلتي وش صار،انا بزعل فعلاً
الرزان..ضحكت اكثر:والله انك بزر!!،بالله انت خالي ولا انا خالتك؟ بديت اشك،عيب واحد بيطق الـ 34 يتصرف بهالطريقة!
خالد:وانتي مين عينج مسؤولة عن تصرفاتي وسلوكياتي!!،يـلا بلا تفلسف،وش صــار؟؟
الرزان..ضحكت(والله مو صاحي خالي ابد!!..عليه لقافة حريم بشكل!!):وشاللي بيصير يعني!! ،بعد ماطلعنا من العيادة رحنا اخذنا شي نشربه ولفينا كم لفة بكورنيش الخبر وبعدين مشينا شوي،بعد اذان العشا رحنا لفينا المحلات اللي في قرية القصيبي،والاخ استانس على لامور!! مادري وش فيه زود!!،وبعدين رحنا الراشد وكلما دخلنا محل قال والله ماتحطين بخاطرج شي وماتشترينه!!،انا اكيد قلت له انت مو مسؤول عني بس هو يصر ويقول انا حلفت!!
خالد..ابتسم بمصخرة:لا! عسى لقيتوا حل لهالمعضلة العظيمة!!
الرزان:تتطنز هـا!،انا اضطريت اخضع فما تركت شي بخاطري
خالد..ضحك:انتي ماتركتي شي بالمحلات مو بخاطرج بس!!
الرزان..ابتسمت:بصراحة نصهم اشياء عجبوه هو واخذهم بدون ما يخليني اناقش
خالد..ابتسم:وانا اضمن مليون بالمية انج ماكنتي تبين تناقشين اصلاً وتملؤك الغبطة والوناسة
الرزان..ضحكت وغمز:حلـو الدلال والعـز من وقت للثاني
خالد..ضحك:المهم يالمدللة قعدتوا تتسوقون الى هالساعة!!
الرزان:واذا!!،بس لا ماقعدنا نتسوق الساعة 10 طلعنا و لاقينا هنادي في مطعم ايطالي جهة السنبوك الجديد
خالد:اللي جنب المطعم البرازيلي!!
الرزان:اظـن
خالد:وتعشيتوا و وصلوج!!
الرزان:بالضبط،شفت ماصـار شي!
خالد..ابتسم:أيـه طيب
الرزان..التفتت حولها:البيت دايماً هادي!!وين الناس؟
خالد:الله يسلمج نوفي وعلياء مروا على خالتج وامج وجدتج و رواحو عند اخت زوجة سامي عشان بنتها الكبيرة ولدت و،الباقي مافهمت منه شي سوالف حريم
الرزان..ابتسمت:محد دق يسأل عني؟
خالد..رفع حاجب:احد دق يسأل عنج!!،بيدقون على جوالي لو يبونج يعني!!،وانا وش دراني؟ جوالج وين!؟
الرزان:معاي بس مقفل لان الشحن خلص بعد ماطلعت من العيادة،فقلت يمكن يكون احد دق على البيت يسأل عني!
خالد:لا تقولين انا توني من ربع ساعة راجع مادري عن شي!!
الرزان..ابتسمت:شلون دريت عن العالم اللي بالبيت
خالد..عدل نفسه:احم احم ياعزيزتي انا رب البيت وبالتالي لازم اذا بيطلعون يعطوني خبر وياخذون اذني،مو زيج يدورون على حل شعرهم
الرزان..ضحكت:انا ادور على حل شعري!!،وبعدين انا طالعة مع زوجي مايحتاج آخذ اذن
خالد..ابتسم:سبحان مغير الأحوال وش هالتطورات!!،لايكون!!
الرزان:يكون ولايكون،مافي شي،بطلات قصص عبير دائماً يتماشون مع الواقع ويتكيفون بسرعة
خالد..ضحك:بطـلات قـصـص عبـير!!،ههههههههههههه،متى صرتي بطلة في قصص عبير؟!!
الرزان..ضحكت وقامت:ترا عطلتني انا تعبانة ومتكسرة وابي اروح انام
شالت اكياسها وشنطتها وشيلتها ونقابها..وبدت ترقى الدرج..
خالد:ترا بطلات قصص عبير في النهاية يحبون اللي يتسلط عليهم
الرزان..ابتسمت بمعنى وبدون ماتلتفت عليه:لانـهم غبيـات،انا مااذوب بكلـمة ولا اخضـع بـأمر
وكملت طريقها وهي تبتسم...رمت الأغراض عالسرير ورمت نفسها جنبهم وهي تبتسم،
حلـو العز والدلال..و ان المجال يكون مفتوح قدامك عشان تشتري كل اللي بخاطرك..بدون ماتفكر اذا فلوسك بتكفي ولا لا
،قامت فجأة..وسحبت شنطتها سريع،
مو وقت التفكير والأحلام الحين..خل اشحن الجوال قبل لا اندفن وانا حية..بس مافي امل هي ذابحتني ذابحتني
،وفجأة سمعت صوت التليفون يرن،
جــاك المــوت ياتــارك الصــلاة
وطلعت ركض ترد..
:قولي الو عالأقل ياحمارة يانذلة ياسخيفة ياغبية ياكريهة يا...،مايوفيج الوصف اكثر صراحة، يالخايسة ياللي ماتستحين،لاتسوين فيها الحين انا طلال انتي مين!!،لا اجيج ركض ادوس ببطنج ،ادري طالعة مع المزيون بو عيون رمادية وطار عقلج مع ذيك العيون –مع اني ادري باستحالة ذلك بس يمكن ليش لا! تحصل في احسن العايلات-،انا اوريج يالزفتة حسابج معاي،ولا كلمة مابي اسمع صوتج اساساً،من اليوم لا انتي بنت عمتي ولا انا اعرفج
طـراخ..طوط..طوط..طوط..طوووووط...قعدت وهي تضحك..وما امداها تاخذ نفس الا والتليفون يرن مرة ثانية..
الرزان..تضحك:رجاءً سب من اول وجديد لا،وبعدين مو مانعرف بعض!!خلاص اتفقنا،يـلا انسي رقم بيتنا ولا عاد اسمع صوتج الحسن
:ارتاحي أصـلاً مو حافظ رقم بيتكم عشان انساه،مين الهبلة اللي ماعدتي تعرفينها!!
الرزان..استغربت:فـارس!!،سوري كنت افكرك بنت خالي ريما،بغيت شي؟
فـارس:أي انتي
الرزان..استغربت:نعـم؟..(خل استهبل عليك وش وراي!!)..ترا يبيعوني معلبة الحين تقدر تلاقيني بجميع السوبرماركتات
فـارس:السوبر ماركتات!!،ان شاء الله بنظر في الموضوع،ماعلينا من خفة الدم اللي نازلة عليج، دقيت عالبيت لان جوالج مازال مقفل،وقبل ماتسألين اخذت الرقم من سنترال البيت،المهم الحين بكرا انا وهنادي بنروح الرياض بالسيارة تروحين؟؟
الرزان:ماتلاحظ انكم لاصقين فيني هالأيام!!
فـارس:اذا ماتبين خلاص،بس هنادي عندها اشياء تبي تشتريها من هناك فقالت ممكن تروحين انتي بعد تتسوقين عشان السفرة
الرزان..(بدت الأمور تأخذ منحنى عجيب غريب!!):بس انت ماقلت لي وين بنروح؟!
فارس:هو كله أسبوع ويومين وين ماتبين نروح نروح والحجز سهل،so?
الرزان..(وين نروح يارزون!!):مـادري!!
فـارس:انتي وش تبين تسوين في هالأجازة؟!،على هالأساس قرري،تتسوقين هذا له اماكن معينة، تلعبين وتستانسين هذا له اماكن،تتمتعين بالطبيعة وتستانسين بعد هذا له اماكن،وش تبين؟؟
الرزان..(القرار اكثر من محير!!):مادري ماقدر ارد الحين
فـارس:قرري الليلة وعطيني خبر بكرا،على فكرة بنروح الفجر إذا تبين تروحين دقي عليّ او على هنادي بعد الصلاة،تصبحين على خير
الرزان..(ياساتر!!..وش فيه حامي بحامي!!..دائماً مستعجل!!):تصبح على خير
سكرت..ورجعت غرفتها..وشبكت جوالها..ومسكت التليفون..
وبعد محادثات ومناقشات مع ريما ..انتهت الساعة1:10..
حطت راسها عالمخدة وهي تبـتـسم..وبدون ماتحس نامت..

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 22
قديم(ـة) 06-08-2010, 09:39 PM
صورة روح زايــــد الرمزية
روح زايــــد روح زايــــد غير متصل
مستشــ¸.·* غرام *·.¸ـــاري
 
الافتراضي رد: رواية جيتك أمانة أنقذيني / للكاتبة : شمعة الصداقة


[..الجـزء الثـامن عشـر..]


متحمسة وتركض وهي نازلة..
:ترا ترا تررررا،قلب اللي حبك بطل يحبك بطل يسلم بطل يتكلم بطل يقول بهواك،لما انت مش قد الغرام بتقول بحبك ليه لما نت مش قد الكلام عايز من قلبي أيـه، ترا ترا تررررررا
وصلت للدرجة الأخيرة وقفت تهز شوي وقفزت،
الحمدلله رجلي تشافت والا كانت انكسرت بعد هالقفزة..هههههههههههههههههههههه..ترا ترا تررررررا
،انتبهت بشي وهي ماشية.. التفتت مرة ثانية للصالة،
يامصيبتي السودة ماهذا ياهذا!!!
،باقة ورد..جنبها علبة هدية محطوطة على شي زي السلة ومزينة بنفس الورود اللي في الباقة وصايرة حول العلبة الورود والأوراق الخضرا،
بدون تخمين..هالهدية مين المجهول ذاته..بس اول مرة احد يجيب هدية قبل يوم العرس!! ..بس طبعاً هذا الشخص غير عن كل العالم..خـبـل استثنائي..بديت احس بالخوف بعد الفستان اللي عالسيارة!!
،طبعاً انتوا مو عارفين وش سالفة الفستان!!..بعد رجعتها من الرياض امس..الرزان رجعت طلعت مع ايمان وخالد للمشغل تفاجاوا بكيـس على سيارة خالد..من"Gucci"
فستان من شيفون حرير مطبع..
وهالمرة ماكان اصفر كان بنفسجي بس الطباعة عليه بالأصفر ومعاه "BVLGRI" صندل!! وشنطة سهرة صفرا انيقة!!..وداخله كيس ثاني صغير من
مافتحته..وكانت في ورقة مثبتة بدبوس في الفستان {ريـتو ملبـوس الهنـا}!!..طبعاً الكل استغرب..و الرزان قطته بزاوية بالغرفة..وهالمرة حست بخوف غريب،
كأنه قريب بزيادة!!.. بديت اشك انه مهووس..او خبل..ياويل قلبي..والله مو دارية شسوي..ياترا شيكون في هالعلبة!! ..شالهدية هالمرة!!
،قربت بشويش..كأنها خايفة ينط لها شي من داخل العلبة!!..فتحت الغطا بشويش..وشهقت>>وش تتوقعون داخل!!<< قطت الغطا من يدها وصرخت..رفعت تنورتها وركضت على فوق..سمعت صوت فالتفتت..شافتها قامت فحطت رجلها وكملت طريقها للغرفة.. سكرت الباب وقفلته..ونقزت عالسرير وضمت نيـمو..
الرزان:حسبي الله عليه،اشوف فيك يوم يالحقير يالزفت يالسخيف وين ماتكون،الله لا..( لاتنرد عليّ دعواتي بس..ماله داعي)..الله حسيبه هالحمار،يبي يجلطني،هذا آخر ماتوصله!!يبي يذبحني!!
>>ياترى عرفتوا وش هالهدية الحلوة..اللي بتسبب لها جلطة!!..اعطيكم تلميح!!..كائن صغير ويعلقون احياناً فيه جرس عشان لما يتحرك ينسمع صوته!!..عرفتوا!!..اسم الله عليكم..قــطــوة.. اظنه هالأنسان يكرهها من قلب عشان يجيب لها قطـوة!!<<..مسكت جوالها وبسرعة دقت..
الرزان:خـالد خـالد الحق عليّ هالخبل آخر ماتوصل له يجيب لي قطـوة،الله...،حسبي الله عليه
خالد..كان يضحك ويضحك ويضحك!!..
الرزان:انت ليش تضحك!!،انا وراي حفلة ومو قادرة اطلع من الغرفة،بلس بموت من الخوف والرعب!!
خالد..يضحك:هـذا طـلال والله طـلال،مو المعجب المجهول هـذا طلال مسوي فيج مقلب،بس القطوة نايمة،لايكون خرعتيها بصراخج وصحت!!
الرزان:يـاعله...،السخيف الدب الزفت اللي مايستحي قليل الأدب قليل الحيا،حسبي الله عليه كنت بموت من الخوف هذا مقلب هذا!!..اخذت نفس..آآآآآآآخ يايمـا آآآآآخ ياقلبي ياويلي،صج سخافة وثقالة دم وتفاهة وقلة عقل
خالد..يضحك:احنا برا بندخل الحين،وبعدين من صج في هدية بالحوش من المجهول
الرزان:كذاب بس تبيني اطلع عند هالمتوحشة
خالد..يضحك:ياقلبي صج مااكذب عليج،والدليل عليها شريطة صفرا
الرزان:الهدية كانت مربوطة بشريطة صفرا
خالد..ضحك:والله هذا مقلب من طلال،بس الهدية اللي برا تونا شفناها
الرزان:تروح في ستين داهية ماني طالعة الا لما تطلعون هالمتوحشة من البيت
وسكرت في وجهه من هنا..وانطق الباب من هنا..
الرزان:مو طالعة الين ماتطلعون هالمتوحشة من البيت،لاتحلمون تشوفون وجهي قبلها
:يـلا بـلا دلـع مابخلي المتوحشة تقرب منج،طـلال!بعد شوي،يـلا بتتأخرين عالحفلة
الرزان:فـارس والله تندم لو كنت مشترك معاهم بهالمقلب السخيف،والله بتندم
فـارس..غصب عنه ضحك:طلعـي بس،انا توني جاي ومادري عنهم شي،يـلا بتتأخرين على هنادي وبعدين بتسوي لي فضيحة
الرزان..(يالورطة!..حسبي الله عليك ياطلول حسبي الله عليك):عبايتي تحت
فـارس:واذا خذيها اذا نزلتي!!
الرزان..(على جثتي):ماقـدر اطلـع
فـارس:الرزان انا مو قاعد العب ترا بنتأخر،بعدين قولي هالكلام لهنادي لما تقطعنا وتأكلنا للكلاب على قولتها
الرزان..(ما انا بكون كأني ارمي نفسي للكلاب لو طلعت!..بس كاملة مو مقطعة):ماقـدر
فـارس:طـلال يالدب!!وخر لا اكفخك،قولها انك ماراح تقرب القطوة منها
طلال..يضحك:ترا كنت امزح بس رزون،صدقيني ماراح اقرب المتوحشة منج
فـارس:يـلا طلعي بسرعة مافي وقت..طالع ساعته..الساعة 7 ونص عيب تخلين الناس ينتظرونج كذا
الرزان..(الله ياخذني..والله ياخذج ياهنود الزفتة يوم ترسلين اخوج الدب شغلج بعدين..وحسبي الله عليك ياطلول ياولد امي وابوي..استغفــر الله استغفـر الله):طيب غمضوا عيونكم
فـارس:عفـواً!!
طلال قعد يضحك..
فـارس:خلصيني الرزان!!
الحمارة انـا..الغبية انـا اللي اسمع كلام ريمو وهنود..بس حسابهم عسير ان شاء الله
،التفتت تطالع عمرها بالمرايا..من شعرها المرفوع من فوق ومفتوح من تحت بتسريحة صينية..ووجهها اللي مكيجته بنفسها..
الى الفستان اللي تنازلت ولبسته>>الفستان الهدية<<..الفستان عاري من ورا..قماشه بنفسجي فاقع ومطبع عليه بجميع الألوان ورود وفراشات..اما موديله من فوق مزموم ومسكر الى الرقبة وله شريط ينربط من ورا والى وسطها تقريباً موديله واسع شوي وبعدين في شريط من نفس القماش بس لونه اسود تلتف حول وسطها كأنها حزام بشكل اكسات ومن تحت واسع وفضفاض الى اخمص قدميها "على قولتهم" ويغطي الصاندل الأسود اللي جاي معاه..الصاندل اسود وعالي يناسب الفستان نفس الصنادل الجديدة من قدام عريض وعالي وكعبته شوي عريضة..
نجي لمشكلة الفستان من ورا عاري وباين ظهرها كله واضطرت انها ماتلبس شي تحته لان لامجال!! ..وطالعت بالمجوهرات اللي جات بعد مع الفستان حلق كبير من الأحجار الكريمة والألماس الأصفر واسوارة الماس واحجار كريمة ملونة وخاتم كبير حجر كبير لونه بنفسجي..طالعت حولها تدور شي تغطي فيه،
أي طبعاً..شـال الفرو
،والتفتت تدوره..
فـارس:الرزان كأنج مصختيها!!
الرزان..بأزعاج اساورها صرخت:لحظة طيب!
سحبت شال من الفرو كبير شوي ولونه اسود..وحطته علي كتوفها وثبتته عدل..وفتحت الباب تطل براسها..شافت فـارس واقف قدام الباب وطلال جنبه ماسك القطوة..
فـارس:طـلال وخر!..لما الثاني ماسمع الكلام سحبه بعيد..وخر مناك،يـلا طلعي هالصغيرة ماراح تآكلج!!
انا خوفي مو من هالصغيرة..انا خوفي من اللي اكبر منها
،وطلعت بشويش وسكرت الباب وراها..ومشت ومشى فـارس وراها وابتسم فجأة،
يعني مو عشان القطوة "المتوحشة!" ماتبين تطلعين.. عشان اللي لابسته!!..الله يعينج على نفسج
،وفجأة في وسط افكاره..تمسكت فيه وهي تصارخ..
الرزان:ياحمار يازفت ياثور،الله ياخذك الله ياخذك،وخـر مـا مـاااااا
التفت على المنظر..طلال كان يقرب القطوة منها ..
والقطوة المسكينة تحرك ايدينها في الهوا تبي تقفز من ايدين هالخبل فعلقت اظافرها شال الرزان وسحبت وياها..
طلال كان يضحك والرزان متمسكة فيه وشوي بتصيح..لف يده حولها وضرب طلال على راسه باليد الثانية..
فـارس:طـلال بسك من ثقالة الدم!،تبي تجيها سكتة الحين عشان ترتاح!،حرام عليك
وفك الشال من القطوة وعطاه الرزان..وشال القطوة بيد وحدة>>صغيرة المسكينة<< ونزلها.. الرزان صرخت..والقطوة بس حطت رجولها عالأرض ماصدقت وركضت لتحت..وكان تحت عند الدرج خالد ومسكها..
خالد..رفع راسه:طـلال حرام عليك شوف وش سويت بالقطوة!!
الرزان تجمعت الدموع بعيونها ورفعت فستانهـا ونزلت الدرج ركض وشالها يمسح الدرج وراها وماعاد يهمها..مين يشوف ومين مايشوف،
لازم يحولون كل يوم حلو بحياتي الى كابوس.. مايرتاحون لو خلوني استانس بيوم حلو زي الناس..تكرهوني لهالدرجة!!..ارحموني زي ماترحمون أي مخلوق ضعيف..زي هالقطوة
،..خالد ماحاول يوقفها لان بيده القطوة...توجهت له نظرات لوم وعتب من الاثنين..
طلال:وشـو؟!
فـارس:انت دايماً حمار وماعندك احساس كذا!!
طلال:ياخي ماسويت شي هي اللي حساسة زيادة عن اللزوم!!
فـارس:اذا هي حساسة زيادة عن اللزوم،فأنت معدوم الأحساس زيادة عن اللزوم بكثير
خالد:يعني لازم هالحركات السخيفة!!،خلاص بلعنا المزحة والمقلب بعد تخرعها من قريب ليش!!،يـلا روح اعتذر ويا خشتك
بعد نـص ساعة..بالسيارة..هنادي طلبت من فـارس يستأجر الليموزين الطويلة..>>ناوين يستهبلون بقوة!!<<..هو اللي يسوقها ويوصل الرزان..عشان المدام مستحيل تركب مع سواق لحالها ولابعد لما تدخل استراحة اهل فـارس تفصخ العباية بالسيارة..عشان لما تنزل من السيارة بيكون في فرقة تستقبلها وبيصورونها بالفيديو وبالكاميرات وحركات "هوليودية"..تخطيط هنادي ومفاجأة للرزان...استرخت اكثر بسيارة المرسيدس الطويلة المظللة..فـارس شغل الراديو..كانت اغنية "مزعلني" لـ شذى حسون

{مزعلني ويتحرش بيا.. يتقرب ويغازل بيا
يضحك لي ويأشر بايده..مطمن انا روحي تريده
قربه يطفي النار اللي بيـا...}

هالأغنية كريهة..وفي غير وقتها!!
،وكأنها ماعجبته بعد غير المحطة..وكانت اغنيةانا طبعي كده" لـ نيكول سابا

{ انا طبعي كده..وبحب اعيش وماعنديش الا كده
دي حياتي انا..دي ملكي انا..وانا مهما يكون برضو حكون زي ماانا
عايشة سني..وبغني..وبحب الحياة..قلبي عايش سنينو وحياتو بهواه..
بعمل اللي بحبو وبحسو اكيد..ثانية ثانية يادنيا حعيشك انا
عايزة افرح وارقص واضحك ياناس..هي دنيا وبنعيشها مرة خـلاص
ياما قالوا وعادوا ولاموا كثير..بس بنسى وبكبر دماغي وخـلاص... }

ياليتني كذا كنت ارتحت من زمان..اقول رزون هي دنيا وبنعيشها مرة خلاص!!..ليش مكبرتها لهالدرجة!!..ياشيخة بـلا هم بـلا نكـد
،وابتسمت..وتدريجياً..كبرت الابتسامة،
لنستعد لآخر يوم من الحرية المطلقة والعزوبية على قولتهم!..مع ان حياتي مابتتغير كثير بعد هالزواج!..رزون استعدي لمفآجأت هنادي اللي تعبت عليها
،..ودق فـارس النافذة اللي تفصل بينهم..طالعت حولها دخلوا المزرعة..فصخت عبايتها وشيلتها ونقابها..ورتبت عمرها ولفت شالها عن البرد..وفجأة انفتح الباب..وصوت موسيقى اغنية "الف ماشاء الله عليك" لـ رامي صبري..وتصفيق وفلاشات!!..شافت يد فـارس مسكتها وبهدوء طلعت من السيارة..زي النجمات..
:لوحي زي ماتشوفين في هوليود في حفل الأوسكار،و وقفي عشان تاخذين صور مع اخي العزيز
الرزان..كبرت ابتسامتها:هنادي!!شمسوية!!
هنادي..كانت وراها:طالعي سيدة وتبختري..طالعت في فـارس..يـلا وصلها للباب وشرفنا
فـارس ابتسـم،
مجنونة رسمي الأخت!!
،شبك يده بيد الرزان..وطالع يمين ويسار وابتسم.. وهي عملت بالمثل..غير انها لوحت للمصورات بيدها الكريمة ورسلت لهم بوسات >>وكأن في جمهور<<.. وكالمعتاد يفترقون الـcouple's ويصورون كل واحد لحاله..هي كانت تتألق كأنهافعلاً!!نجمة فعلاً تلف نفسها بالفرو وبيدها الشنطة الصفرا الانيقة وتلوح بيدها وتبتسم..
وهو نموذج وسيم للبطل الهوليودي >>ولا براد بيت ايام عزه..خخخخخ<< ببدلة رمادية فاتحة شوي مخططة بالأسود تصميم "ارماني"..الجاكيت ماسك على جسمه بإزرار واحد كبير اسود..والبنطلون قصته سيدة ويوصل للجزمة بالضبط.. وغامر لأول مرة ولبس تحتها قميص بنفسجي مع كرافت سودا تلمع >>مغامرة غير مسبوقة يافـارس!!<<..اجبرته هنادي على هاللبس ترا..وصلها للباب وراح..وتعالي للجنون اللي داخل...دخلت الدنيا ظلام!!..فجأة نور قوي مركز عليها!!..
:الـرزان محمـد الـ....
وتصفيق قـوي وتصفير غادة المتميز!!..
:تفضلي لساحة الرقص عشان تفتتحين آخر ليلة من العزوبية لج بالرقص
والتفتت ليد انمدت وسط الظلام بعد ماميزت صوت اماني!!..مسكت هاليد..اللي اتضح انها يد هنادي..
وجات وحدة من وراها شالت شالها واخذت شنطتها..ومع بعض مشوا الى مايسمى بساحة الرقص..
دائرة كبيرة وواسعة ترتفع عن الأرض بدرجتين..صاروا بوسطها..
واشتغلت اغنية "اللي لقى احبابه" جديد راشد..و اخلت الساحة هنادي وراحت بطرف الدائرة..
ولما بدت ترقص.. اكتشفت ان اللي هي واقفة عليه يدور بهدوء بينما حولها ثابت..واشتغلت الأنوار وكانوا حولها شلة يصفقون لها بس..وهي بالوسط تدور وترقص...،
وبعد هالدوران درا راسي!!..ههههههه ..الله يجازيج ياهنادي والله احلى سهرة بحياتي واحلى حفلة
،بعد نهاية الحفلة وبعد ماطلعوا المعازيم..من البنات تحت سن 25 سنة وفوق 15 سنة بس..
بقوا هم يستفردون ويستهبلون..بقت ريمـا،غـادة،امـاني،رغـد،وعـد،اصيـل،سديـم،هنـادي،بـ دور..
هنادي:اسمعوني الحين المغامرة الأخيرة،اللي مابتنسونها طول عمركم،كلكم مو بس الرزان،يـلا وراي ولا تناقشون ولا تجادلون اللي مايبي يروح بيتهم،وللمعلومية انا ضامنة كل شي ومرتبة كل شي ومافي شي ممكن يصير
الرزان عرفت من هالمحاضرة ان الآنسة محضرة بلوة..وكانت مفاجأة فعلاً..كانت الخطة ياخذون جولة..بليموزين "همـر" طويل..في كورنيش الخبر..
الرزان..شهقت:بدون عبايات يالهبلة!!
هنادي..ابتسمت:أي،ياحياتي لاتخافين انا مرتبة الموضوع،مافي جنس مخلوق بيقرب مننا في اربع سيارات بيحرسونا،بنقفل الأبواب ومافي جنس مخلوق يقدر يفتحها لانها تفتح برقم سري،وعلى العبايات السيارة مظللة تعتيم انتي تقدرين تشوفين كل شي وهم مايقدرون يشوفون ولاشي،انا متأكدة مليون بالمية من كلامي
الكل كان متحمس بتهور للتجربة..مغامرة بالأصح..ركبوا كلهم بس لبسوا عباياتهم وشيلاتهم بدون غطا..لان الرزان كان بخاطرها شي تبي تسويه.. وبينهم بين السواق حاجز ومايبين منه شي..ويكلمونه بجهاز..
هنادي:ابرهـيم شغل لي سي دي راشد وحط " مستريح البال" وشغل مكبرات الصوت
الرزان..ضحكت:خبلة من قلب
وارتفع الصوت عالي.. ومشوا بموكب حولهم اربع سيارات بي ام سودا ومظللة كل وحدة بجهة..
وطبعاً اول مادخلوا شارع الكورنيش من عند الجمعة سنتر الى نهايته لفتوا الأنتباه ومابقى احد ما اخذ صورة للهمر الأحمر..اللي كانت هنادي مخليتهم يكتبون عليه من الجنبين بخط كبير "Al-Razan" وبخط صغير جنبها "يلوموني حبيبي فيـك..صراحة قمة الروعة"..بالسترس..
وعلوا عالأغاني وقعدوا يرقصون ويستهبلون.. ولما رجعوا يلفون بالشارع تفاجأوا بـمجموعة دبابات حاوطتهم من كل الجهات وقعدوا يستعرضون..
هنادي..ضحكت:هذا هدية لج يالرزان،ادري انج تعشقين الدبابات
الرزان..ضحكت وهي تنقز من الوناسة:بس شالفايدة مدام ماراح اركب فيه
هنادي..ابتسمت وغمزت:امرج مجاب ماطلبتي شي
الرزان..استغرب:تمزحين!!
هنادي:ابداً تبين نزلي الحين بدلي وركبي،وصدقيني ولا احد يقدر يسوي شي،بعدين اذا على اللي يسوقون فكلهم مدفوع لهم وانا ضامنتهم
اماني:كأنج زودتيها هنادي!!،ترا تعديتوا الحدود!!
هنادي:ياشيخة انتي شوفي الساعة كم،مين درى عنج!!
الرزان..ابتسمت:انا مستعدة اغامر عشان اللي بخاطري
اماني:سويها برا بس لاتسوينها هنا
الرزان..ابتسمت:المتعة في المخاطرة
ونزلوا هنادي والرزان غيروا في الحمامات "الله يكرمكم" ولبسوا جينزات وجاكتات جلد طويلة للركبة ولفوا شيلاتهم ولبسوا خوذات وطلعوا..خلال ثواني لحقتهم ريما بنفس اللبس..
الرزان..ضحكت:شكلج كنتي عاملة حسابج يالدبة
هنادي..ضحكت:اكـيـد
الرزان..ضحكت:اكيـد بيذبحونا اللي عندنا لو دروا!!
هنادي..ضحكت وغمزت:اهم شي فـارس يدري و احنا ناجين لاتخافين..وضربوا كف بكف..
Have fun this is your life chance
الرزان..ضحكت وغمزت:Never mind baby
ركبت كل وحدة على واحد..وانطلق الموكب وهم الثلاث بالمقدمة..وانفتحت نوافذ الهمر واغنية "That's the way I like it" يرتفع صوتها من السيارة..
والانوار الامامية اشتغلت على اقوى شي وتوجهت على الثلاثي..وقفت الرزان وهي متمسكة بشويش ورفعت ايدينها بالهوا بعدين وصرخت بحماس..وسووها بعدها هنادي وريما..و كاميرات من سيارات البي ام الأربع تصورهم >>توثيق لأهم لحظات التهور..والحماس..والمغامرة..والطيش<<..
ومن حسن الحظ ماكان في ذاك العدد الكبير من الخلق في الشارع اللي كان كأنه فضى لهم!!..واللي كان مار من الذهول ماامداه يصور..وكملوا طريقهم الى الأستراحة..نزلوا وهم يصفقون ويصفرون وينططون..
هنادي..وهي تضحك وانفاسها متقطعة:باقي شي اخير بس بنبدل ونرجع
غـادة..ضحكت:كمـان!!،ماتعبتـي اسم الله عليكي!!
هنادي..غمزت:لسـه بدري!!
مازالت خططها تتابع..ورانا للظهر..اسوأ شي ان بكرا..اقصد اليوم الخميس..بيكون للنقاهة والدلع بالنسبة لي!!..بالله وش يبوني اسوي مصدقين اني عروس!!..طبعاً صح كان العرس الخميس..بس خطط هنادي وترتيباتها اجلته غصباً عن الكل للجمعة..الله يعين وش سوت للعرس!!
، بدلوا ورجعوا لبسوا فستانيهم وتعدلوا بطلب من هنادي >>وش النيـة يابنت الـ... ؟!!<<..
هنـادي..وقفت قدام بركة السباحة:اللي يبي انا ماراح اجبر احد ترا،بنط بكامل اناقتنا زي مادلين في اغنية "بحبك واداري"،زي ماذكرت انا مو مجبرة احد
الرزان..ضحكت وضحكت:انا بكون الافتتاحية بدون كلام..وراحت لحقت القفز.. بس على طول لحقيني ريمو،الا اذا تبون تفتكون مني مرة وحدة
وقفزت..ووراها ريما اللي مسكتها وساعدتها تطلع..لان الرزان ماتعرف تسبح..وماكان هذا آخر الجنون..طفوا الانوار وشغلوا شموع..وتمردوا الثلاث..الرزان..هنادي..ريما..شغلوا الميوزك وظلوا يرقصون عند المسبح..وانتهى الجنون بـ بوفيه فطور خمس نجوم..و بالبجامات..
والساعة 7:30 انتهت الطاقـة..الرزان وهنـادي على سرير واحد..والبقية تفرقوا في الغرف اللي تربت وكانهأ فندق خمس نجوم لاستقبالهم..
ضحكـوا ثنتينهم لما تعبـوا وناموا وهم..يبتسمـون لبعـض..




الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 23
قديم(ـة) 06-08-2010, 09:40 PM
صورة روح زايــــد الرمزية
روح زايــــد روح زايــــد غير متصل
مستشــ¸.·* غرام *·.¸ـــاري
 
الافتراضي رد: رواية جيتك أمانة أنقذيني / للكاتبة : شمعة الصداقة


[..الجـزء التـاسع عشـر..]

طالعت في المرايـا..
{هتعمـل ايه لو نمت يوم وصحيت بصيت..وشفت نفسك في المرايا بكيت
جواك سؤال تصرخ تقول انا مين..انا مين؟؟..انا زي ماانا ولا اتقسمت اثنين
وبعدين..قول ياللي في المرايا..فهمني اي الحكايا
فرحان..تعبان..مرتاح..ندمان..حاجات كثير في حياتنا..تسببت في حيرتنا
وادينا عايشين..راضيين..جايين..ورايحين...}

ارتاحي الحين وافصخي القناع..ماعاد له داعي التمثيل يارزون
،التفتت..فصخت فستانها بهدوء.. ولبست روب الحمام..قعدت قدام المرايا..
مسحت الميك اب..وكأنها تشيل فعلاً قناع عن وجهها..وبعد ماشالت القناع "مسحت الميك اب"..طالعت بنفسها،
الحين اقدر اشوفج على حقيقتج..بدون ابتسامة مزيفة..ولا كلمات مجملة
،نزلت راسها وحطته بين ايدينها،
تظنون بنعيش مع بعض للأبد!!..انا شخصياً ما اظن..يمكن بعد سنة يمل ونتطلق!!..انا طيب!!..بقدر اصبر سنة؟!بقدر اتحمل؟!
،و رفعت راسها وهزته..وكأنها تنفض عنه الأفكار..وبدت تفك شعرها...
طلعت وهي تجفف شعرها بالفوطة..رفعت راسها وشافته..شهقت..هو كان يدور على اغراضه في الشنطة..
ولما سمع صوت الباب ما التفت..ولما شهقت ما التفت..
الرزان:من الحين اقولك انا مو مستعدة اطلع من الحمام اشوفك بوجهي
مـارد وشال فوطة وملابس..وبدون مايطالع فيها مر جنبها ودخل الحمام "الله يكرمكم"،
اشفيه هذا ..عالأقل رد بكلمة!!..هز راسك!!..يـلا وانا مالي..البس احسن لي قبل لايطلع
،لبست ملابسها وعبايتها..ورجعت سكرت شنطتها..شغلت الآيبود وحطت رجل على رجل وهي تنتظره..

{مايخالف مايخالف..ادري وش قالوا وعارف
احنا لو بس نتنفس طلعوا عنا سوالف
جينا منا جونا منا..قصدهم نترك بعضنا
ماعلينا ماعلينا..لو عذول الحب غنا
مايخالف مايخالف..ادري وش قالوا وعارف
احنا لو بس نتنفس طلعوا عنا سوالف...}

هم اكيد طلعوا سوالف الدنيا الليلة من الحش..على قولة فـايز السعيـد..
نسمع ولكن نطنش وفي غلانا نزيد اكثر..انا اسمع واطنش وبجنوني ازيد اكثر..
ياخي مادري ليش الناس تهتم كثير باللي الناس الثانية تقوله عنهم!!..مين اللي بيحاسبنا بعدين ربي ولا الناس!!..
مشكلتنا نهتم بنظرة الناس لنا اكثر ممانهتم بنظرة انفسنا لنا..
شلون تنظر انت لنفسك اهم شي..وعلى قولة اللي قال.. كلام الناس لابيقدم ولابيأخر،..

{ودي اكون أي شخص ثاني..اي شخص عابر والتقاك
وابسألك وش منك جاني..وبالمقابل شاللي جاك
انت ماتذكر حناني..وكيف كنت اشري رضاك
كنت اشوف العمر فاني..واللي يبقى لي هواك...}

انا مادري اذا كان ودي اكون الرزان بهاليوم..او اكون أي شخص ثاني!..
بعد التفكير اشوف اني افضل اكون الرزان على ان اكون أي شخص ثاني..ومايهم وش موقع إعرابي في الحياة
،وابتسمت..وفرقعة الأصبع قدام عيونها صحتها من افكارها..شالت سماعة..وهو عطاها ظهره ومشى..
فـارس:يـلا مشينـا
يتكلم بالقطارة اليوم!!..وش مشكلته!!،..

{مـرتـاح ولا يتصنع قلبك الـراحة..شايل في خاطرك..ولا البـال متهني
مجروح ولا شفى قلبك من جراحـه..زعلان للحين..ولا راضي(ن) عني
شخبار قلبك عسى مافارق افراحـه..ادري جرحتك..وشلت بخاطرك مني
خسران بعدين وقلبي ضاعت ارباحه..غلطان ادري..وابي منك تسامحني...}

مرتـاح هـا!..طل بوجهي اذا كنت شفت الراحة..خخخخخخ..واذا كنت غلطانة بشي..
ضف وجهك ما ابيك تسامحني..ومـرتـاح ولا يتصنع قلبك الراحة..هـلا
،كانت تصفق بيدينها..وتهز خصرها..هو كان مار وهو شايل الشنط..رفع حاجب بتهكم وتجهم واضح..ومشى..،
افقع له عيونه ياناس!!..شمسوية له عشان يطالعني كأني حشرة..لاهنت انا طبعاً..ياعل مرارته البط زي مابط مرارتي
،ربطت نقابها وهي تبتسم..وسحبت شنطتها ولحقته..

{سيـبـه..عيني سيبـه..عذب حبيبه
دوخ الناس بجماله..حير الدنيا بدلاله..هاذي حاله ماهي حالة
سيبه..عيني سيبه..عذب حبيبه
اللي ماعنده مشاعر واللي خلى القلب حايرلاهو حاط ولا هو طاير
سيبه..عيني سيبه..عذب حبيبه...}

كانت مستمرة في الرقص..بس على خفيف..وتهز كتوفها..وبطرف عينه خزها..
فـارس:ماتقولين لي ليش مستانسة لهالدرجة؟!
الرزان..انتبهت انه يكلمها:ابـداً،قولي انت ليش زعلان لهالدرجة؟!
فـارس:مافي سبب يخليني استانس وافرح
الرزان:ياحـرام!،كسرت خاطري الصراحة،الحمدلله والشكر
فـارس..وصلت عنده(صج مو صاحية!!..مرة شوي وبتصيح!..ومرة معصبة!..ومرة مستانسة وفالتها!!..مادري مين اللي مفروض يقول الحمدلله والشكر!):اسمعيني ترا...
الرزان..قاطعته:اسمعني انت،رجاءً انا مروقة فـلا تخرب مزاجي ب..وحركت اصابعه بأشارة " " ..عقـدك النفسية،وبعدين انا وحدة ماتحب الهواش والجو المتوتر،انت بتظل مقابلني على هالحالة!!،سوري انا ماقدر اتحمل،من الحين خلينا نتفق نكون اصدقاء و عادي جداً مع بعض زي ماكنا الأيام اللي فاتت وقبل كذا،لاننا بنقابل بعض كثير
هو انتي معاج حق..بس مين يقدر يتحمل تصرفاتج المنرفزة للأعصاب!!
،مـارد..طنشته واسترخت في كرسي الفـانتوم..وراحت بأفكارها للمعجب المجهول،
الهدية الأخيرة كانت روعة
،وابتسمت،
مادري وش سالفة هالشخص..لكن..بديت احبه..مو لله..لانه يجيب هدايا محترمة وعليها القيمة..
قيمة معنوية اكثر من قيمة حسية..يبدو انه يعرفني ويفهمني!!
،..طبعاً بعيد عن افكارها اقولكم وش كانت الهدية اللي جابها يوم حفلة "العزوبية"..
كانت الهدية سيكل "دراجـة"!!.. ومحطوط عليها شريط اصفر كبير عليها بطاقة صغيرة مكتوب فيها {هـذا لنـزهات لنـدن..بدل ماتدورين على رجولج الحلوة}!!..
شخص غريب حقيقةً..بس الرزان حبت الهدية بقوة..والهدية الأخيرة شافتها بغرفتها اليوم "يوم العرس" لما صحت من النوم..مجموعة شنط ماركة" L.V" كبيرة للسفر..
وبطاقة صفرا {تــروحـيـن وتــرجعـيـن بالسـلامة..استـانسـي قـد ماتقـدرين.. ولاتنسين انها اول سفـرة سياحية خارج المملكـة..يعني ماتتـعوض...تمنياتي بـسفـرة ممتعة وونـاسـة دائمة}..واكيد الرزان استانست اكثر على هالهدية..ورجعت رتبت كل اغراضها اللي بتاخذهم..
لـ وين؟..مو شغلكم!..للسفرة في هالشنط...خلونا من الأجواء الكئيبة هنا..ونروح لأجواء الحماس والنشاط..هذا الصبـاح..

الجـمـعـة..
19/1/1430..16/1/2009
السـاعة 10:35 صباحـاً..
كانت طالعة من البيت..هنادي تنتظرها مع السواق في السيارة..سكرت الباب وراها وهي نازلة من الدرج رفعت راسها..
التقت نظراتها بنظراته..
سهل عليها تفسر النظرة اللي كانت في عيونه..حـقـد..وبنفس الوقت..حـسـرة!!..حست بالذنب ..
انها ماحبته في يوم فعلاً..لانها ماتقدر تحب اساساً..بس هو كيف راح يفهم ان اللي بينهم..كان صـداقـة..وقرب لاغير!!،
انا ماانخلقت عشان احب..هذا هو قدري..وهذا اللي مكتوب لي..انا مو من النوعية اللي تحب وتنحب!..
انا من النوعية اللي همها الدراسة والطموح..ويكذب عليكم احد ويقول هالشي مستحيل..
لا مو مستحيل..في ناس ربي ماكتب لها تحب وتنحب وتتزوج وتجيب صبيان وبنات..كـذا هي الحيـاة
،..غيرت وجهة نظرها للسيارة..وركبت وراحت بعيـد...

نرجع بأحداثنا شوي ليوم الثلاثاء..في الرياض..الساعة 12 بالليل..دق جوالها لما كانوا يتفرجون عالتلفزيون..
برقم غريب كان يتكرر اتصاله بنفس التوقيت كل ليلة من اسبوع..او تقريباً من يوم ملكت..وطبعاً هي تطنش وماترد>>ممنوع الرد على الأرقام الغريبة<<..
:مـاراح تردين؟!
الرزان..التفتت على فـارس:لا
فـارس:ليش!،ترا اذونا!!
الرزان..مسكت الجوال:هالمزعجين صار لهم اسبوع على نفس الحالة،بحطه عالصامت
فـارس..اخذ الجوال:عطيني انا برد..رد..نعـم؟؟
:مو هـذا جوال الرزان
فـارس..استغرب:مين حضرتك؟
:لو سمحت ممكن اكلم الرزان
فـارس..مد لها الجوال:في واحد يبيج
هنـادي..استغربت وانفجعت:وشـو!!!
الرزان..طالعت فيه وهي مو مصدقة!(صاحي هذا!!..واحد يبيج!!..انت وشو من البشر بالضبط!! ..مو معقول!!)واللي قهرها انه رجع يسترخي في كنبته ولا كان شي صاير واضطرت ترد:نعـم؟؟
:الـرزان،شخبـارج؟
الرزان..(هـذا انت!!..وانا اقول مين اللي داق على جوالي ويعرف اسمي!!):عـزيز!!
عبدالعزيز:أي،ماقلتي لي شخبارج؟
الرزان..ارتفع ضغطها:انت مو صاحي اكيـد!،اعرفك انا تعرفني عشان داق عليّ وتسألني شخبارج! ،رجاءً احترم نفسك واعرف حدودك،ولا اشوف رقمك على جوالي..وسكرت بوجهه والتفتت على فـارس..وانت يااستاذ أي واحد بيدق يقول يبي الرزان بتقول تفضلي في واحد يبيج!!،انت الثاني بعد موصاحي
فـارس:وش كان مطلوب اسوي!!
هنادي..طلعت عيونها وهي تطالع فيه:فـارس انت من صجـك؟!!!
الرزان..(الله يرحمني..الله يرأف فيني..وش هالبرود..انبطت مرارتي وهو يتفرج!):ابداً ولا شي، انا زوجتك مفروض يكون عندك حمية الرجل الشرقي
فـارس..طالعها بنظرة:زوجتي!حمية الرجل الشرقي!،اولاً انتي زوجة بالاسم وبس،ثانياً حمية so! الرجل الشرقي اسمها غيرة والغيرة تكون على شخص تحبه،
الرزان:طيب خليني اقول حرص الرجل المسلم وخوفه وغيرته على عرضه واهل بيته..وقامت لغرفتها والتفتت قبل لاتدخل..ولا هاذي بعد ماهي من صفاتك!!
هنادي..كانت مصدومةو طالعته بعتب:حتى لو ماكنت تحبها حتى لو كنتوا متفقين عالزواج بشروط،ماكان مفروض تسوي كذا،كلامها صحيح مية بالمية،يعني لو في واحد دق وقال ابي هنادي بتخليني اكلمه!!،مستحيل صح ولا انا غلطانة!
الرزان انقهرت منه لأبعد درجة..وتصرفه كان صـدمة قـوية>> لو مكانها..عطيته كف..يمكن يحس بردة فعلي شوي!!<<..بالنهاية فـارس اعتذر عن تصرفه المسـيء..بعد استنكار الرزان.. وحل الموضوع بسـلام..واقفلت القضية..لكن ماذا عن عـزيـز؟!!...


نعود بأحداثنا..لـ مسـاء هذا اليوم..
ألقت نظرة اخيرة على نفسها قبل لاتطلع..فستانها الأخضر الغامق بقصة الكوكتيل من فوق ماسك على جسمها الى وسطها اللي يلفه حزام كريستالي من "شوارفسكي" وبعدها يوسع الفستان ويصير منفوش ويوصل الى الركبة..
وصندلها العالي الكريستالي من "جيمي شو"..ورجعت لشعرها اللي غيرت ستايله هالمرة مفروق من النص ومسوى ويفي ومنفوخ شوي عشان يعطيه طابع الكثرة زي حركة الممثلة"سارة جيسيكا باركر"..
ومكياجها اللي كان بسيط بس لماع عشان يناسب بريق الحزام والشوز..حطت ايدنها في جيوب الفستان >>احب هالحركة في الفساتين الجديدة<< وانطلقت عشان تكمل تحضيرات الحفلة..
طلعت للقاعة كانت امها وام الرزان واقفين كل وحدة على جهة وجنبها خواتها وبناتها لأستقبال الضيوف..
طالعت ساعتها الماسية،
الساعة 9:30!!..وهالناس لسه ماوصلوا
،تلفتت حولها الجو لسه هادي..اللي موجودين هم الأقارب القريبين مرة..
القت نظرة عالقاعة عشان تتأكد ان كل شي بمكانه..تعبت هي وريما على ديكورات القاعة..
واللي ساعدهم ان القاعة مو في فندق او صالة افراح..كانت القاعة في استراحة كبيرة لعايلتهم دائماً يسوون فيها احتفالاتهم..
فيها ثلاث قاعات وحدة صغيرة وبسيطة الثانية وسط وتستحمل عدد لابأس فيه..اما القاعة اللي اخذوها وهي الثالثة كبيرة..
الفكرة اللي ببالهم كانت "العصور القديمة" ايام شكسبير والفساتين المنفوشة والضخمة بالأحرى "العصر الفكتوري"..الجدران مغطية بورق معتق..وبجنب الجدران أعمدة تمتد للسقف "مسوية بالفلين" ملفوف حولها ورد طبيعي اصفر وابيض..وبين كل عامودين ستارة من قماش فخم بيج يبان من وراها ابواب بعضها مفتوح ويطل على حديقة الاستراحة..الطاولات مستطيلة ومرتبة بشكل نصف دائرة الى المسرح اللي يكمل الدائرة اما الكراسي كلها مصفوفة بحيث تواجه المسرح..الكراسي اربع من ورا الطاولات وجنبها اثنين اما قدامها ولا كرسي عشان الكل يصير مقابل المسرح..اما بالجهة المقابلة للمسرح في درج يتفرع الى اثنين كل واحد يؤدي الى باب من جهة االيسار واليمين بس الجهة كلها مغطية بستارة من السقف الى الأرض ومسكرة..وجنب الدرج من تحت في الغرفة اللي طلعت منها هنادي..اللي راح نظرها بعد تقييم القاعة الى المسرح..المفروش بسجاد احمر و تتوسطه الكوشة البسيطة..كرسي انتيكه ذهبي كبير شوي وقماشه احمر ومطبوع على ظهره شعاربالخط الانكليزي القديم {F.A}بالذهبي وورا هالكرسي اطار صورة كبير كبير ذهبي وبالوسط بدل الصورة في شاشة تعرض كل صور فـارس والرزان سواءً مع بعض او لحالهم في لندن وفي كل مكان..
الكرسي مرتفع عن المسرح نفسه بكثير وصاير بالوسط اما حوله على المسرح نفسه في الفرقة..مجموعة بنات كلهم لابسين بدلات الرجال في ذاك العصر"اللي لها ذيل" الجاكيت لونه بيج والبنطلونات والقمصان ابيض..الفرقة منتشرة بترتيب حول الكرسي كل وحدة من البنات تعزف على آلة و قدامهم وحدة على انها "المايسترو" واقفة بالوسط قدامهم وقدامها نوتة العزف..واللي تغني لسه ماجا دورها والحين بس قاعدين يعزفون على المسرح اللي يرتفع عن الأرض بثلاث درجات...تحولت نظرتها عن المسرح ومشت لواحد من الابواب الجانبية..فتحت وطلت على الرزان اللي كانت تتصور..
:انتي هنا وانا ادورج!!
هنادي..التفتت على ريما:هـلا،ليش تدوريني؟؟
ريما:عشان اتغزل بسواد عيونج!!،تعالي شوفي المصيبة اللي داخل القاعة!!
وسحبتها لباب ثاني يفترض انه يؤدي الى صالة الأكـل..لكنهم حولوها الى قـاعة للرقص..للبنات فقط..
كانت القاعة كل جدرانها من فوق لتحت مرايا وسقفها تغير وصار مغطى بطبقة برونزية وبين السقف والجدران في فواصل بالحديد المشغول..
كانت قاعة"فكتورية" للرقص بجدارة..القاعة خلوها تصير دائرية وبوسطها في دائرة صغيرة مرتفعة شوي عن الأرض وتتحرك بهدوء عليها الدي جي اللي لابسة نفس لبس الفرقة ومعداتها..
هنادي..طالعت حولها:شالمصيبة؟!!
ريما:الأنوار المخفية ماتشتغل!!
هنادي..شهقت:وشـو؟؟،تمزحين!!
ريما:في وقت للمزح انت الثانية،مايشتغلون
هنادي:ليش؟؟
ريما:مادري هالكهربائي الحمار ماانتظر حتى يشرح زي الناس قال مايشتغلون وولى!!
هنادي:الزفت!!،طيب انا بروح اشوف احد ثاني يشغلهم
وركضت تباشر عملها..القاعة فيها انوار الدسكو الملونة مخفية بحيث لما يبدون يخففون الأنوار ويشغلون هالأنوار..
لكن ياللمصيبة..ونخلي هنادي لمصيبتها..ونروح لريما..بفستانها اللي يشبه فستان هنادي..
الا ان فستانها صاير طبقتين..قماش شيفون اصفر ليموني وشفاف مرة من قدام كت ومن ورا مسوي اكس..وتحته قماش بلون وردي مايل للتوت موديله نفس موديل فستان هنادي الا انه مافيه جيوب..
وحزامها كريستالي وردي ومن تحت الحزام الشيفون عليه خطوط بالكريستال الصغير من الجنبين...
انطلقت هاذي الثانية للقاعة..طلعت جوالها من شنطتها الكريستالية الصغيرة،
الساعة 10 وامتلت القاعة!!..تو كانوا قليل!!..تف تف لا احسدكم..هههههههههه
،والتفتت تباشر اعمالها...
الساعة 11 ليلاً..تسكرت كل الستاير اللي فالقاعة وطفت الأنوار..واشتغلت انوار قوية توجهت الى جهة الستارة الكبيرة..
اللي انفتحت بهدوء وتوجهت الانوار على تحت جهة اليمين واليسار طلعوا اطفال صغار
..بنت و ولد..بنت و ولد..يرقصون على انغام الأغنية اللي تعزفها الفرقة وتغنيها المغنية اللي تتوسطهم "سـرحت فـيك"لـ عمرو مصطفى..
كانو ستة كل ثلاثة على جهة..وظلوا يرقصون وهم يتوجهون للمساحة الفاضية بين المسرح والطاولات..
وظلت النوار موجهة عليهم وم يرقصون بالوسط..واشتغلت انوار ثانية موجهة عالدرج اللي كان كل مايبان من ذيك الجهة..
اشتغلت انوار حمرا هادية في الدرج نفسه ونورت شوي..وتغيرت الأغنية..وعزفوا اغنية ماجدة الرومي "نشيـد الزفـاف"..

{طلـي بالأبيض طلي يازهرة نيسان..طلي ياحلوة وهلي بهالوجه الريان
طلـي بالأبيض طلي يازهرة نيسان..طلي ياحلوة وهلي بهالوجه الريان
وأميرك ماسك ايديكي..وقلوب الكل حواليكي..والحب يشتي عليكي ورد وبيلسان...}
على جنبين الدرج كان في راقصات لابسين بدلات "موديل بدلة اوسكار" حمرا وازراها ذهبية وبنطلوناتهم زي حقت ركوب الخيل ولابسين ابوات طويلة بدون كعب..
و يرقصون باليه..وتوجهت كل الأنوار فجأة الى اعلى الدرج في النص كانت واقفة..
الـرزان..بفستان افوايت روعة..موديله يشابه موديل فستان ريما تقريباً..الشيفون لونه كريمي والقماش اللي تحت افوايت "ابيض شاحب"..
بس مافيه حزام..فيه مشد مشكوك على خفيف والشك داخل فيه لولو صغير..
وتحت المشد الفستان تنورته كبيرة "نفس تنورات العصر الفكتوري الكبيرة المنفوشة"..
ومن ورا المشد يربطه شريطة من فوق تبدا صغيرة شوي شوي تصير عريضة الى نهاية المشد تسوي فيونكة كبيرة تمتد اطرافها الى الذيل القصير..
التنورة كبيرة ماله داعي ذيل طويل..وكانت لابسة سلاسل لولو ومعاها الماس وحلقها لولو كبير شوي..
اما شعرها كانت تسريحته حلوة "تعرفون كيف في ذيك الأيام يرفعون شعرهم ويلفلفونه بالفير" مرفوع كله لفوق وملفلف كله بالفير ونازل منه بعض الخصل الملفوفة بالفير..
وكانت لابسة تاج صغير مثبت ببداية رفعة الشعر ناعم وفيه لولو صغير والماس صغير..
وفيه مثبتة طرحة قصيرة الى نص ظهرها من ثلاث طبقات من نفس الشيفون الكريمي...
نزلت الدرج بكل هيبة..وكل ماتنزل درجة الراقصتين عاليمين واليسار يفصخون قبعاتهم لها "القبعات الطويلة اللي كانوا ذاك العصر يلبسونها"..
كان بيدها ورد اصفر وابيض صاير على شكل الشنطة المكورة ومسكة الشنطة كريستالية فهي ماسكتها بايدينها الثنتين كأنها شنطة >>مروكو ورايحة المدرسة!!<<..
وصلت للوسط مكان الأطفال اللي وقفوا قدامها والراقصات على يمينها ويسارها اربع اربع..
تغيرت الأغنية للـ "عيـد وحـب" لـ كاظم الساهر..
صفوا الراقصات بترتيب جنبها وصاروا يرقصون دبكة..والأطفال قدامهم رقصوا دبكة وهم طالعين من الجهتين..
الراقصات شوي يرقصون معاها وشوي يرقصون حولها..وتغيرت الأغنية "اول ما اقول" لـ عمرو مصطفى..
وتابعوا الراقصات حولها وهي واقفة وسطهم وتصفق وشوي ترقص مع وحدة منهم..
وبعد انتهاء الأغنية تطفت الأنورا..وعزفت الفرقة لحن هادي لأغنية "الليلة دي" لـ عمرو دياب واشتغلت انوار متوجهة على الراقصات الثمان وهم محنين روسهم اللي عليها القبعات وبايدهم عصايات..
وعلى الـرزان اللي صارت عالكرسي..تسارع اللحن وفصخوا اربع من الراقصات جاكتات البدلة ..
اللي كانت واسعة شوي وكبيرة..وتحتها كان فستان قصير من الترتر الذهبي..وابتدا الغناء >>حركة عجيبة والله وخطيرة<<..
وطفت الأنوار مرة ثانية..وعزفت الفرقة اغنية "اعتزلت الغرام" لـ ماجدة الرومي..واشتغلت الأنوار على اربع من الراقصات..
اللي ببدلاتهم لسه.. وابتدا الغنـا..ففتحوا الجاكتات اللي تحتها قمصان عليها سديري اسود وكرافتة ذهبية..
وفصخوا الجاكتات ورموها..واشتغلت الأنوار على بقية الراقصات الجالسين على كراسي..وانتهت الرقصة والكل يصفق بحماس...
وبفضل الله ثم جهد هنادي وريما تكللت السهرة بالنجاح حتى اللي عندهم مدارس طلعوا متأخر..
اما اللي قاعدين في السيارة فهاذي اللحظة ومتجهين للمطار مسافرين لجزر وش اسمها..استنوا يرجعون اعطيكم التفاصيل...
صار لهم نص ساعة راكبين الطيارة وماطارت!!..طالعت من النافذة..وابتـسمـت لأفكار مجنونة طرت عليها..
وماحست بنفسها وهي نايمة...





الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 24
قديم(ـة) 06-08-2010, 09:41 PM
صورة روح زايــــد الرمزية
روح زايــــد روح زايــــد غير متصل
مستشــ¸.·* غرام *·.¸ـــاري
 
الافتراضي رد: رواية جيتك أمانة أنقذيني / للكاتبة : شمعة الصداقة


[..الجـزء العشـرونــ ..]

دخلت قدامه للبيت وهي تبتسم بنشوة..بعد جولة في بيتها الجديد..الفيلا الصغيرة الترتوبة..قطت شنطتها واخذت شاور..طلعت ولبست بيجامتها..ماحاست كثير وهي تدور اغراضها..هنادي الله يعطيها العافية والبنات رتبوا كل شي زي ماهي متعودة ترتب غرفتها..سحبت الدفتر والقلم ونزلت ركض للصالة..رمت نفسها على اقرب كنبة..وشغلت الاستريو..
{ قلتي لي بتحبيني..وعطول مش راح تنسيني..شو صار تاعاملتيني
بالعكـس بالعكـس بالعكـس
من قلك ياحياتي..بنساك لحظة بحياتي..هواك مالي اوقاتي
بالعكـس بالعكـس بالعكـس...}

حسيته بيتي بسرعة!!..لحظة وش هالاغنية!!..هذا رامي عياش..مين هاذي!!،..
الرزان:فـارس وش هالأغنية؟؟
فـارس..كان بالمطبخ التفت:بدينا من الحين؟!!،انا قلت ما احب الأغاني،لحظة لحظة وش جاب السي دي في الاستريو!!
طفى الاستريو وطلع السي دي..ونطت هي بفضول..عطاها اياه وبعد..
الرزان:اغنية "بالعكـس"لـ رامي عياش وعبير نعمة!!،مين عبير نعمة؟؟،اكيد هنادي حاطته
فـارس:لاتزعجيني بالأغاني كثير مفهوم،اكيد انتي عندج اكثر من هنادي سي دي"ز
الرزان..ابتسمت:لا والله،انا على الآيبود واللاب توب
رجعت السي دي

{اول مرة بحس بقلبي عم يوجعني قلبك قاسي..مش حاسس في وبحبي فكري شيلك من احساسي
راح تبقى بهالحالة مافيك تشعر بحالي..لشـو تبقى ببالي
بالعكـس بالعكـس بالعكـس...}

لمت شعرها ورفعته بطريقة عشوائية..وهو يراقبها وهو يشرب قهوته ومستند على باب المطبخ.. فتحت الدفتر ومسكت الفلم..وبدت تكتب بحماس..
مـالـديف وانـا والأستـاذ "فـارس"
الرحلة بدأت الساعة 2:30من مطار الملك فهد بالدمام..طيارة "طـيران الأمـارات" مقاعد الدرجة الأولى بجانب النافذة..حطيت راسي ونمت شوي الى ماوصلنا دبي..والأستاذ النذل خلاني على لحم بطني لانه ماتكرم يصحيني لما طلب لعمره اكـل >>بداية غير مبشرة..من اولها نذالة!!<< ...،رفعت قلمها وقامت تغير السي دي..بسي دي عبدالمجيد "مليون خاطر"..الموجود ضمن السي ديات المصفوفة في رفوف السي ديات على طول الجدار..وابتسمت،
هنوده حطتهم اغاظة له!..يستاهل..انا ابي اسمع طيب!،رجعت مسكت القلم..وانطلقت،بعد الوصول الى مطار دبي الدولي والتوجه الى صالة الانتظار لمسافرين الدرجة الأولى >> فخامة ماشفتها بحياتي..
طبعاً مقارنة بخطوط السعودية..ولو انها الدرجة الأولى..بس ماتوصل لنفس هالفخامة!!<<..
الأستاذ جلس واشعل سيجارته!!..
وانا بطني بتصوصو..فتركته يولي ورحت "بجرأة غير معهودة مني" وشفت البوفيه "وسالت سعابيل رزون" واصبحت كالمفجوعة على الأكل..
وثواني وكان الأستاذ وراي بس ما أكل..وكملت وجبة كاملة لأول مرة في حياتي..
مقبلات..طبق رئيسي..تحلية..واتخمت هههههههههه "استاهل!!"..
وتأخرت الرحلة الى ماليـة "عاصمة جزر المالديف" من الساعة 3:30 الفجر زي ماحجزها الاستاذ الى الساعة 7!!..
فاضطرينا ننام بالفندق..وطبعاً انا حطيت راسي وخششششششششش..
ماتسمعون الا شخيري واصل الى الاستقبال..هههههههههههه.. و مرة ثانية ركبنا الطيارة..
واللي تفاجأت فيها اكثر!!..فـارس كان حاجز في الـ فرست كلاس..لكن لان الطيارة تغيرت..
فغير وحجز بالـ سويت كلاس..المقعد يجي فيها زي الحجرة الصغيرة ..ونعمت بالراحة بعيداً عن الأستاذ..
وانا اتفرج على فيلم أكلت الفطور المحترم اللي ماخلى فبطني مجال للغدا!!..واكتفيت بدل الغدا بسناك خفيفة..وكانت في مسليات شبعتني اكثر..بعد الوصول
الى مطار العاصمـة ماليـة..رحنا بالبوت السريع لمنتجع الفورسيزن
Four Seasons Resort Maldivesat Kuda Huraa
..طبعاً من اللي عرفته ان الحجز وترتيب الرحلة يحتاج الى تخطيط مسبق قبل بشهر يعني..
بس فـارس زي اخته يحسن التدبير في اللحظة الأخيرة..وتمشي معاه الأمور بسهالة والحمدلله...
وهاذي الفيـلا اللي تجي بوسط الماي..الأستاذ كان حاجزWater Bungalow with pool
اكثر شي حبيته في الفيلا انها مفتوحة عالبحر بشكل حلو..
والجزء اللي فيه طاولة الأكل ارضيته زجاج وتشوفون البحر تحتكم..كان في غرفة بالدور الأرضي وغرفة بالدورالثاني وصالة فسحة وبرحة ..
انا اخذت الغرفة اللي بالدور الثاني واللي تطل على الـswimming pool
..بعد الوصول ماكان في داعي للراحة لأننا لسه بعز نشاطنا بعد النوم والراحة المطلقة في الطيارة ..
اللي نسيت اذكر لكم انه كان مصادفة اننا نروح عليها لان مثل هالنوع من الطيارات اللي فيها السويت كلاس تكون لرحلات امريكا واوروبا "ياليت نرجع فيها على لندن"..
المهم لليوم الأول قلنا بنسوي جولة في المنتجع..وتمددنا على الكراسي اللي على البيتش لمدة ساعة..
الحقيقة اني ماقدرت اكتسب بشرة برونزية زي فـارس اللي قلب بسرعة لبرونزي "هو اساساً اسمر شوي فساعدته بشرته" اما انا المسكينة ناضلت عشان اكتسب لون خفيف والحمدلله مااحترقت لأن بشرتي بيضا مرة وحساسة "مالت عليّ"..
وشربنا عصير منعش" مادري وش فيه!!..لكنه منعش وبارد بشكل"..
وبعدها رجعنا نغير ملابسنا للعشا >>حبينا نتبع اسلوب الاجانب ونكشخ للعشا بثياب رسمية ..
سموه جنون لاهنتوا<<..انا كشخت بعد بهدلة الصبح وبدلت التنورة الغجرية الواسعة والبلوزة الصيفية الواسعة بفستان اصفر خفيف طويل ومنقوش بالذهبي وفوقه جاكيت صغير بني
"الجو ترا معتدل مو حر الحمدلله وانا لازم البس كذا مع الحجاب تعرفون" وصندل فلات كله تربط "الأرض رمل لازم فلات"..
والأستاذ كان كاشخ بجينز اسود وقميص بنفسجي مخطط برمادي واسود من اختياري اكيد "حاول يكون رسمي لكن صعب..احنا على جزيرة!"..وانت داخل للمطعم يقدمون عصير جوز الهند >>دخلنا جو الجزر فعلاً..خخخخخخ<<..
وكان بوفيه العشا روعة..خليت اختيار الأطباق على فـارس فاختار اننا ناكل وجبة متكاملة..
مقبلات..طبق رئيسي..تحلية..بس انا صراحة ما اقدر معدتي بعد الريجيمات والتخفيف صارت صغيرة ماتستحمل كل ليلة عشا كامل!!..
اخترت آكل طبق رئيسي من اختياره وشاركته تحليته..وبعدها خشششششششششششش رجعنا ونمنا..
اليـوم الثاني..الأحد..18/1/2009..21/1/1430هـ..صحيت الساعة 7:45 وصحيت الأستاذ معاي..
الحلو ان هالعالم بعد يصحون بدري ونظام فطورهم بدري من الساعة 6:30 الى الساعة 9:30..
فطرنا فطور محترم في فلتنا واحنا مقابلين البحر ونسمع صوت الموج..استرخاء تام "ودي اظل للأبد ابتدي صباحي بهالطريقة..
بدون ازعاج لندن..بس بعد ياحبي لها لندن"..بعد الفطور غيرنا.."تعلمت شي وانه..
لو تبي تسمتع في سفرك تلبس ملابس مريحة بس في نفس الوقت أنيقة>>تحسين للنفسية<<"لبست تنورة خضرا واسعة وطبقات..
وبلوزة بلون البحر"لاخضرا ولا زرقا" قماشها حرير مطبوع عليه بالأزرق الغامق..
واخذت شنطة قش "تطنز عليها فـارس ووصفها الكبيرة "على قولة فـارس غطت وجهيGucci بالسلة "وقبعة كبيرة من القش ولبست نظارات"..
واكيد شلت الكاميرا اللي مافارقتني من يوم ركبت الطيارة بـ دبي..وبالطبع الآيبود اللي ماانساه..
وشبكت ايدي بايد زوجي العزيز >>المسكين انفجع..كان واقف وحاط ايدينه على وسطه
..ويتلفت يمين ويسار..وجيت ودخلت ايدي وتعلقت بايده..وهو يطالعني مصدوم<< ومشينا الى البيتش..
هو تمدد وشغل سيجارة >>ذبحنا من التدخين!!<< وانا حطيت شنطتي تحت حراسته..
ورحت اتمشى عالبيتش..وانا متأكدة ان عيونه تراقبني "للتـأكد فقط..يعرفني خوافة"..
بس بصراحة فقدت خجلي وخوفي وسط هالعالم وصرت ادور وانطط زي الهبلة وطلبت من اكثر من واحد يصوروني وانا اسوي حركات هبلة..
ورجعت بعد ربع ساعة لزوجي العزيز..وهو مبتسم "يضحك بداخله على هبالتي ادري"..وقام يتمشى معاي..
وبعدين عرض انه يشيل لي الشنطة واخذ الكاميرا وصار يصورني فيديو وانا اتدلع واستهبل واغني وادخل بالماي والعب فيه..
ولما استفزيته ورشيت عليه ماي..طفى الكاميرا وترك الشنطة على اقرب بقعة جافة وهاجمني ورش عليّ ماي..
صراحة استانست اني خليته يفك الكشرة وينسى الجمود..وتعبنا بعد نص ساعة من اللعب بالماي فمشينا الى مقهى من المقاهي الكثيرة اللي حول الفندق..
"مقهـى الشـرق" كان ستيل شرقي للغاية ..جلسنا في الجلسة البحرية اللي على البحر على طول "المقهى وسط البحر" والأستاذ على طول طلب قهوة تركية مضبوطة والأرجيلة بمعسل التفاح!..
انا لما جابوا ارجيلته انكتمت وقمت لطاولة ثانية فخلاهم يشيلونها ودخل داخل..انا طلعت قصة وطلبت عصير ومضى الوقت..الساعة 4:15 طلعنا من المقهى ورحنا برحلة مع يخت الفندقFour Seasons Explorer cruise..
يخت كبير وفخم فيه غرف واجنحة للمبيت >>والله مصاخة اضيع وقتي بالبحر!..بس الناس مذاهب واذواق<<..
طبعاً شغلت كاميرا الفيديو واشتغلت اصور..البحر والدلافين الكيوت اللي كل شوي تطلع..فارس والسيجارة السادسة اللي يدخنها اليوم!!..
لكن قطع استمتاعي بالتصوير بنت سعودية بالـ 18 تقريباً" لكن شكلها اكبر مني!!" توها متزوجة وجاية بشهر العسل >>صدعت راسي بكلامها الفاضي هالبزرة<<..
فـارس الحمدلله حس وانقذني منها>>بعد ايش!..ارتفع الضغط خلاص<<..استغليت الفرصة وقتها وانا اصور كلمت امي وجدتي وخالد وريما وهنادي..
ومضى الوقت وغربت الشمس..كان المنظر يبعث عالحزن بشكل غريب ولاارادياً نزلت دمعة مني..
بس كان روعـة ومابقى صورة مااخذتها للغروب..رجعنا الساعة7:45 على الفيـلا..الأستاذ لبس شورته وطب بالبركة..
وانا جلست اتفرج..طبعاً استغرب وسألني (ماتبين تسبحين؟؟..ترا ماراح آكلج)..
ماكان اكيد هذا السبب اللي يمنعني "صرنا عادي مع بعض" السبب (انا ماعرف اسبح..ممكن العب بالماي شوي..لكن مااعرف اسبح)..
طلع من البركة(انا بطفي انوار الفيـلا..انتي روحي بدلي وتعالي..لاتخافين انا بعلمج السباحة)..أنا نفذت
الـSwimming poolوسط لاهو كبير ولاهو صغير..بس تقدر تسبح براحتك فيه..
انا لبست مايوه اسود وساتر>>هذا اللي ناقص اتفصخ قدام الخلق..مو القصد شي..بس تخيلوا احد شافني بالغلط!!<<..
نزلت الماي اللي كان دافي بشكل عجيب..وبعد محاولات عديدة وفاشلة تعلمت السباحة >>تذكرت المسكينة ريمـا وهي تحاول تعلمني في بركة بيتهم..
وفشلت كل المحاولات..كما فشلت المحاولات على مر الأعاوم<< ونططت من الوناسة "مابغيت اتعلم السباحة!!" >>وماتعلمتيها ياللئيمة الا على يد الأستـاذ!!<<..
الساعة9:30 طلعنا من البركة..و تكشخت انا تلقائياً للعشا بتنورة بيج قماشها حرير هندي وعليها نقوش هندية بالذهبي وبلوزة بيج درجة اغمق وفيها لمعة ذهبية تنلف عالجسم>> صايرة انثوية بزيادة ادري<< مع نفس صندل امس الذهبي..
اما فـارس اللي كشخ ببنطلون خفيف ابيض وبلوزة بيج ستايل هندي"انا اخترتها له لما كنا نتسوق "..كان من المفاجئ اننا طقمنا..
والمفاجئ اكثر العشا نفسه..واحنا بالطريق للمطعم قالي فـارس (غـطي عيونج)وحط ايدينه على عيوني و وصلني هو..
شال ايدينه وتفاجأت بـ عشاء على ضوء القمر>>ومافي قمر اساساً!!<<..استغربت فقال (هدية من الفندق على اساس اننا في شهر عسل) >>يصير خير..انت العسل وياك علقم ومر..حاقدة بكيفي<<..
تقبلت الفكرة >>وانا اقدر اسوي شي ثاني!!<< وحسيته شي حلو >>لكن مو لنا<<..
الأكل كان غريب عجيب من اختيار فـارس >>دائماً تاركته يغامر بمعدتي المسكينة<<..ولاننا ماتغدينا فأخذنا عشا كامل مكمل..
كنا على الطاولة ونحس بالماي يبلل رجولنا وهو يتحرك "طبعاً فصخنا الشوز"..والانوار الخافتة حوالينا والشموع قدامنا..
وميوزك رومنسي يطرب اذاننا..لكن مع الخشة المكشرة اللي قدامي >>وين اشوف الرومنسية!!<<..
ففجأة قعدت اضحك واضحك واضحك..وهو يطالعني مستغرب "مالذي دهاها ياترى؟؟"ههههههههههههههههههههههههههه>>وربي عبط وهبل!<<..
"المهم اني استانست" هذا كان تفكيري واحنا نمشي عالبيتش في البقعة اللي فضوا لنا اياها عشان العشا وراجعين للفـيلا..وانتهى اليوم..
وبدا يوم الأثنين..19/1/2009..صحينا بالوقت نفسه وبعد الفطور رحنا للحمـاس "الجت سكي" والنشاطات المائية..
انا استمتعت من قلب بتجربة الجت سكي ولما خلوني اسوق واحد لحالي فحطت وابدعت>>زين ماغرقت بس من زود التهور<<..
وركبنا الـ بنانا بوت "القارب اللي على شكل موزة" وكان حمـاس بشكل"لايصدق"..
وفـارس جرب السكيتنج "يتزلج عالماي وهو ماسك بالطراد" وانا مافوت فرصة تصويره..
وجربنا مع بعض الطيران شي حلو والله "البرشوت مربوط بالطراد" وحمـــــــــــاس بجنون>>اسألوا فارس ويقولكم عن فضايح حماسي المجنون<<..
وطبعاً كل مرة اخلي احد من المساعدين على الطراد يصورنا فيديو..وبعدين رجعنا عشان نركب بـ بوت ثاني عشان نروح نصيد..
انا بعد محاولات صدت سمكة وحدة بس كبيرة وعليها القيمة..اما فـارس كان استاذ اكيد واصطاد اكثر من وحدة صغار وكبار..
وبعد انتهاء الرحلة وعدونا بالسمك على عشانا..وكان فعلاً..تعشينا في الفيـلا بترتيبات معينة "خطط مني" وجلستنا عالبحر..
المسألة اني عرفت من هنادي يوم كلمتها اليوم الصباح انه عيد ميلاد المستـر فـارس فعملت ترتيباتي مع اللي يخدمون فلتنا..
و بعد العشا طفت الأنوار و جابوا الكيكة وهم يغنون >>الأستـاذ طق الـ 32!!<<..كانت صدمته قوية وتفاجأ كثير "ماتوقعها مني" مما خلى وناستي اكبر..
بعدين سهرنا على مسبح الفندق وهم يقدمون كل يوم عروض ..
والليلة كان العرض عجيب غريب "بلغتهم" وقدموا تحية لـ فـارس وغنوا له "والله ناس لطيفة هالشعب وطيبة" وانا صفقت بحمـاس..وفي النهاية استوعب الصدمة وتفاعل..سهرنا الى الساعة 2..
اليوم الرابع "آخـر يوم لنا في منتجع الفور سيزن..وننتقل" الثلاثاء..20/1/2009..اليوم ..طبعاً انا خوف كثير من هاذي مغامرة بس انا في ضحي عشان وناسة..قررنا نروح للـDiving
بعد الفطور رحنا وركبنا في القارب بعد ماجهزوا كل شي..بالأول نزل فـارس..اللي سبق وجرب الغطس وصار خبير فيه..
مع المدربة "حاولوا يوفرون لنا طاقم نسائي عشان آخذ راحتي بالغطس"
..وبعدين شجعوني اني انزل..وطبعاً تعالوا شوفوا الدنيا تحت "شي ثاني ياسبحان الله" واكثر شي بسطني اني قدرت اصور كل شي..
وكل المخلوقات العجيبة اللي اشوفها للمرة الأولى في حياتي..اسمتعتنا احنا الأثنين بالغوص..
وبالمرة اخذنا جولة حول الجزر شفنا فيها انواع غريبة وجدية من الدلافين والحيتان >>انا كل خوفي القروش المفترسة..انا لسه بعز شبابي!<<..
كانت رحلة ممتعة ورائعة صج..بعد رجعتنا بشوي اخذنا غفوة ولما صحينا كانت الشمس توشك على الغروب..
طلبنا حاجة خفيفة وجلسنا عالبيتش نستمتع بالغروب..والأستـاذ ينفث دخانه بالهواء ليعكره!!..
بعد الغروب كان الأستاذ محضر مفاجأة >>يادي المفاجأآت اللي ماتخلص!!<< الـ spa..
طبعاً انا ماحب هالأشياء>>خصوصاً اذا السالفة فيها احد يمسكني ويلمسني<<..
بس بعد"كر وفر" جرني فـارس لجلسة مساج محترمة>>اكره الأعتراف لكن كانت..مريحة..ولها تأثير فظيع يخلي كل الجسم يسترخي تماماً<<..وحرص المستر ان اللي يسوي المساج وحدة..
وبعد المساج تنعمت بالسونا والمغطس..وبعدين التقينا انا وفارس في الـ سبا وجلسنا نشرب شاي اخضر صيني..
امممممم اشعر بطعمه بفمي للحين..بعدها تعشينا في مطعم الفندق..وعدنا للفندق لآخر ليلة..
يوم الأربعاء..21/1/2009..25/1/1430هـ..الساعة 6:30الصبح صحينا..وغادرنا الفندق الى العاصمة بالبوت اللي جابنا..ومن مطار العاصمة الى منتجع كونرادConrad Maldives Rangali Island
>>واللي برايي ماكان افخم من الفور سيزن..لكن له مميزاته<<
بالطائرة المائية..كان حجزنا لأربع أيام لـKING DELUXE WATER VILLA
غرفتين كالمعتاد وجاكوزي..ودلال..في يومنا الأول لازم جولة في جزيرة المنتجع واستكشاف المنتجع
وفطرنا في "مطعم فيلو" اللي فطورهم شي خيالي >>لاحظت ان فطورهم عن وجبتين!!<<.. وبعدين تمددنا على كراسي المسبح "خلوني اقولكم كيف ان الكراسي صايرة بالماي!! وكأنها وسط المسبح!!رجولها يغطيها الماي" وشربنا واكلنا وانا قريت الى الغروب واللي كان منظره روعة من عند المسبح..وطقيت لي كم صورة للغروب..حقيقةً استرخائنا بهالطريقة لأننا تعبنا شوي في رحلة التنقل ودخنا "اتكلم عن نفسي"..فـارس قام قبل الغروب وراح يلعب بلياردو في الفندق..بعدها التقيته في الفيلا..بعد ماتمشيت عالبيتش مع آيبودي العزيز وسولفت مع كم وحدة من الأجانب..
ورجعت ابدل ملابسي للعشا..قررنا نروح للمطعم اللي تحت البحر "Ithaa"كان جوه روعة..
كان عشانا محترم لأنا فوتنا الغدا..وبعدها رجعنا ننــام..لسبب ما كنا مرهقين!!"اتكلم عن نفسي" ..
اليوم الثاني..يوم الخميس..22/1/2009..24/1/1430هـ..رحنا لـ "مقهى الغروب" فطرنا بشي خفيف وجلسنا بالمقهى عالبحر واخذتنا السوالف الى وقت الغدا وتغدينا..بعدها رحنا للمشي تحت الماء..والله كانت تجربة حلوة مع انها في مساحة صغيرة لكنها ممتعة وتختلف عن الغطس واستمتعت اكثر بالتصوير والنطنطة >>تحولت الى هنادي..هههههههههه<<..
ورقصت رقصة اغنية "ماكرينا" وفـارس يصورني..عن جد كانت هبالة ووناسة..انصحكم جربوا المشي والرقص تحت الماء خخخخخخخخ..
بعد ماطلعنا رجعنا الفيـلا..بس انا رحت للـ سبـا ادلـع نفسي شوي وفـارس ظل مقابل التلفزيون >>الا يعرف اخبار العالم!!<<..ولما قرب الغروب انا رجعت..بعد الغروب جلسنا بالجاكوزي وطولنا الى العشا..بعدها طلعنا تعشينا في مطعم "koko girl "اللي وسط البحر زي الفيـلا..بعد العشا هضمنا بالمشي عالشاطئ شوي..بعدين الى النووووم..
يوم الجمعة..23/1/2009..27/1/1430هـ..آخريوم لنا هنا رسمياً..بكراراح نرجع..
واليوم كان فـارس ساكت وماقال شي عن خططـه!!..وبدون مانفطر رحنا في قارب لجزيرة ثانية ..وتفاجأت ان فـارس استأجر هالجزيرة الخاصة "تبع المنتجع بس انها خاصة ومافيها مخلوق".. >>ماكنت اصدق ان هالشي ممكن يتحقق بيوم!!..جزيرة لي لحالي ومافيها احد معقول!! اركض فيها بكيفي وممكن حتى اسبح بالبحر!!<< وزي ماقال فـارس(we just start)
تحقق حلمي الجزيرة ليوم كامل لنا لحالنا..فيها فيـلا مو كبيرة ولا صغيرة مرتبة وفيها كل احتياجاتنا..
وغرفة النوم حقتي كان فيها شنطة صغيرة فيها ملابس "الأكيد ان فـارس هو اللي رتبها"..الوناسة اني ماكنت ملزمة البس الحجاب "مافي احد معانا!"..غيرت ملابسي ولبست برمودا ابيض وتي شيرت لاكوست الأصفر..وصدفةً كان فـارس مطقم معاي ببرمودا ابيض ونفس التي شيرت..و
sure no shose coz the crazynes just started
انطلقنا بجولة حول الجزيرة وانا اوثق كل شي بتصوير الفيديو..بس تصدقون احس يخوف المبيت هنا!!..شغلت الآيبود بعد انتهاء الجولة على اغنية "cup of life" لـ ريكي مارتن وطلعت حرتي بالرقص على البيتش..
فـارس قعد يضحك عليّ وشغل الكاميرا "يوثق استهبالي"..واخذ لي صور عبيطة حول المكان..
وبعدين لما تمددت انا على فرشتي عالبيتش هو راح يتزلج عالماي.. فاجأتني مواهب الأستـاذ لانه يعرف يتزلج بمهارة..
وكانت الريح شوي قوية و الموجات تساعد على التزلج..طبعاً انا مافكرت اغامر بس اكتفيت بالتصوير والتشجيع..
بعدين اخذنا جولة حول الجزيرة بالجت سكي اللي موجود بالجزيرة "ولامن شاف ولا من دري" وصورت استهبالنا بالفيديو واستعراضات فـارس صورتها كلها لحظة بلحظة..
فطورنا كان مجهز اول ماوصلنا للجزيرة ولما رجعنا من رحلتنا بالجت سكي لقينا الغدا مجهز عالطاولة عند المسبح الكبير..
بعد الغدا نزلنا المسبح ولعبنا كرة مائية وانا الغالبة والفايزة بالتأكيد>> ثقة مو في محلها<<..
بعدها اخذنا شاور وغيرنا..لبست تنورة لف حمرا من قماش هندي وتي شيرت كت ابيض "مالو داعي الحشمة وماحولنا احد" ونعلة واكيد قبعة القش والنظارة الشمسية..
وشلت الكاميرا حبيبة قلبي..ورحنا بجولة ثانية حول الجزيرة وخذتنا السوالف الى الغروب..
واكتشفنا مرجوحة مصنوعة يدوياً تمرجحت عليها "اكــيد" وصورني فـارس..
ووقت الغروب جلسنا على البيتش وفـارس سبح شوي بس انا ماحبيت اسبح اكثر حتى لو مافي احد بيشوفني..
ورجع جلس معاي وهو يقطر ماي ودخن سيجارة وانا اشرب عصير منعش..وجا وقت العشا فدخلت اغير وهم رتبوا العشا لنا..
انا كشخت بدون قيود أخيراً بفستان أحمر قصير الى الركبة شيفون ومبطن ومكسر"بـلاسيه" له سلسلة عريضة برونزية ملفوف حولها القماش من الرقبة الى الركبة سيدة وبدون اكمام ومن السلسلة تنزل سلاسل نحيفة برونزية وبدون أي اكسسوارات وشعري حر طليق وشوزي صندل فلات برونزي..اول ماطلعت من البيت سمعت صوت ميوزك اغنية "Promises"لفرقة باك ستريت بويز..
ومشيت لمصدر الصوت..كان فـارس واقف وكاشخ ببنطلون اسود وقميص ابيض وكرافتة صفرا وسديري اسود مخطط بأصفر ولما قربت سحب لي كرسي الطاولة اللي كانت عالبيتش ويغمرها الماي من تحت "اضطريت افصخ الشوز"..
كان العشـا خطير..اتبعناه بجولة اخيرة حول الجزيرة>>بس الى الآن مافهمت سر تصرف الأستـاذ الأخير!!<<..وبعد النوم خششششششششش..
اليوم الثاني فطرنا بعدين رجعنا للفندق..ورحنا نتجول واحنا نسولف ونسولف >>يا دي السوالف اللي ماتخلص<< وتسابقنا عالبيتش وبعدها انا رحت للـ سبـا وتركت فـارس لحاله..دلعت نفسي في الـ Spa..
للمرة الثانية بالمساج وماسكات الوجه وتنظيف البشرة والأسترخاء التام..دلــع نفــسـك ..
وبعدين التقيت فارس وتغدينا بالمطعم اللي تحت البحر..ورجعنا للفيـلا وكل واحد راح ياخذ شاور وبدلنا وشلنا اغراضنا ورحنا على مطار العاصمة ومن ماليـة الى دبـي..
على طـيران الأمـارات الدرجة الأولى..الى لـنـدن..كان احساسي لما نزلت من الطيارة بأني رجعت لبيتي!!..
وتفاجأت بشي اول مادخلت غرفتي وردة صفرا عالمخدة وبطاقة {ارجو ان تكون رحــلـة الأحــلام قد تحققت لكِ..اطيب تمنياتي وعودة حميدة الى لنـدن}..
طبعاً المفاجأة كبيرة..هذا يلاحقني!!ولا وش قصته!!هل يعقل انه فـارس!!..
بس هو كان معاي !!..ومستحيل يكون حاطها من قبل لأن الورد يذبل!!..يـلا اهم شي وصلنا بالسـلامة
،طالعت ساعتها،
من ساعة تقريباً وشي
،قطع افكارها صوته..
فـارس:ماتبين عشا
الرزان..سكرت دفترها على قلمها وشالته وقامت:لا الحمدلله متخمة..وتثاوبت..كل اللي احتاجه النووووم لان وراي..تثاوبت مرة ثانية..دووام،تصبح على خير
فـارس:تصبحين على خـير
حطت راسها عالمخدة..استرجعت ذكريات جنونها..ابتـسمت وغمضت عيونها...


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 25
قديم(ـة) 08-08-2010, 02:58 PM
صورة روح زايــــد الرمزية
روح زايــــد روح زايــــد غير متصل
مستشــ¸.·* غرام *·.¸ـــاري
 
الافتراضي رد: رواية جيتك أمانة أنقذيني / للكاتبة : شمعة الصداقة


[..الجـزء الواحـد والعشـرونــ ..]

1/2/2009..6/2/1430..
الساعة4:10 عصراً..
لـنــدن..
لفت جاكيت "بربري" الأحمر حول جسمها عدل وربطت حزامه وطلعت..الدنـيا برد موت..و الطقس ينبأ بنزول الثلج..وصارت تركض ركض وهي تحس انها بتتجمد..وصلت الىEuston Square وراحت لمحطة قطار الأنفاقunderground..
ومن حظها القطار كان شوي ويمشي فركضت ولحقت عليه..طالعت ساعتها الـ "بربري"..وانقهرت،
يعني تونا نقول بسم الله وعلى طولquiz ثاني اسبوع على قولة راكان "وش يحـس به هالدكتور!!"..مو معقول ابداً كأن النذالة نازلة عليه من السما ..ماصدق رجعت على طول يـلا عشان خاطر الأمورة اللي راجعة من الـhony moon!..quiz
مادري متى الله ياخذك ويريحنا منك!!..استــغفـر الله
،وفجأة تذكرت شي ثاني وضربت راسها بيدها،
اليوم عيد ميلاد رغد ووعد..ياربي شلون نسيت..وش اعطيهم هدية؟!!.. بدق على خالد لما ارجع واشوف..يـالله..اوه صح الحين عندهم مراجعات..اختباراتهم قربت المساكين اكيد خالتي هند حابستهم ومسوية لهم تعذيب وهالكتهم بالمواعظ والحكم..
ههههههههههههههههههههههههههههههههههههههههه..ما اتخيل اشكالهم!..حياتي والله..الله يوفقهم وينجحون بنسبة حلوة..وبعدها يدخلون التخصص اللي يبونه ويرتاحون من حنة خالتي
،تسندت وغمضت عيونها،
يـالله شلون تواقة للنوم..لكن وين وانا باقي لي جزء محترم من الـ home work والبحوث..اللي مال امها داعي!!..يعني يقول سوو بحث عن الشيء الفلاني وبالأخير يقطهم بالزبالة بدون مايطالعهم..طبعاً شلون بيلحق يقرا اكثر من 200 بحث!!...اشششششششش بس رزون خلي التذمر والتحلطم لغيرج..في اشياء لو بتحلطم عليها للأبد مابتتغير..شالفايدة بس اعور قلبي عالفاضي!!
،وابتسمت..وقف القطار اخيراً بمحطة Green park..نزلت ركض وهي تتفادى تتصادم مع أي احد في هالزحمة..الـيوم أحـد..ويكند والعالم طالعه..
كملت طريقها بعد ماطلعت من المحطة مشي الى الفيلا "بيتها"..الفيـلا اللي سكنت فيها مع فـارس..كانت بمنطقة معظم السفارات العربية فيها..وقريب شارع بيكادللي..وحول منطقة الهايد بارك...
ركضت تقطع الشارع..وشوارع شوارع الى ماوصلت اخيراً..فتحت شنطة "برادا" الكبيرة الحمرا وهي تحوس تدور المفتاح..تناثرت اغراضها على الدرج فرفست الباب بقهر..
:رجاءً لاتكسرين الباب،ترا بخليج تصلحينه لو صار فيه شي
الرزان..رجعت رجلها بألم (بعد التفكير انا الحمارة اللي ماكان مفروض ارفس الباب)والتفتت عليه:انت شتسوي هنا؟
فـارس..سكر باب الرنج روفر وراه:اظـن اني ساكن هنا..تلفت حوله..بس يمكن انا غلطان تحصل في احسن العايلات
الرزان..(شوف الفضاوة ياربي..ينكت الاخ!):سبـحان الله توني ادري،اقصد شتسوي هنا بهالوقت!،مو كأنك جاي بدري؟
فـارس..انحنى يلم اغراضها:اجي بدري من وين!!،اليوم عطلة اجازة مافي شغل ياماما
الرزان:Yeah what ever,poor me I can't enjoy in the weekend!!
فـارس..ابتسم يتمصخر oor you!

{اللي لقى احبابه نسى اصحابه..يادنيا ياغرابة يادنيا ياغرابة
اللي لقى احبابه نسى اصحابه..يادنيا ياغرابة يادنيا ياغرابة
كان العشم يبقى لي..ويموت فيني لحالي...}

رن جوالها فجأة..تلفتت تدور وينه..رفع جوالها الاسود قدام عيونها..
الرزان:اوه ثانكس..وردت على طول..هـلا هنـادي
فـارس لم بقية اغراضها..التفت عليها..مدت له الشنطة..قط الأغراض فيها وفتح الباب...دخلت وراه ركض وتعدته تركض لفوق...وبعد دقايق رجعت تنزل ركض..شافته بالصالة متمدد عالكنبة ومغمض عيونه..
الرزان:ماقلت لي اهلك بيجون الاسبوع الجاي!!
فـارس..مافتح عيونه:كنت ابقولج قبل لاتسبقني رويتر عرب لندن
الرزان:ليش مادقيت عليّ وقلت لي!!
فـارس..فتح عين:نعم!،احياناً اشك في قدراتج العقلية،ادق عليج وانتي قاعدة تذاكرين عشان اقولج والله امي وابوي بيجون الأسبوع الجاي!!،تشوفين الموضوع بهالأهمية!!
كشرت وماقالت شي وراحت،
الحمدلله والشكر..صج قلة عقل
،..ثانية و رجعت..
الرزان:الساعة 5 انا وطلال وهنادي بنروح السينما وبعدين بنروح نتعشى وبنتأخر،اذا تبي تروح
وماانتظرت رده و راحت...هي جلست بالحديقة وعلى الاب توب..وهو تمدد بالصالة يقرا في هدوء..كالعادة كل واحد منهم في وادي...
نروح للفيـلا اللي من صغيرة نسبياً ومن طابقين ولها حديقة صغيرة مرة مجرد جلسة ورا البيت..
وطبعاً كراج للسيارة مافي بس في مساحة لوقوف السيارات جنب الحديقة من قدام البيت..
اول ماتدخلون البيت قدامكم الدرج وعلى يمينكم صالة جدرانها كلها نوافذ زجاجية عاكسة بحيث مايبين اللي داخل واثاثها راقي وكشخة "تستخدم كصالون للضيوف"..
ومفتوحة على غرفة فاضية ومفتوحة من كل الجهات وتطل عالدرج مو محطوط فيها شي..
وعلى يساركم صالة ثانية بس اصغر واثاثها بسيط ومريح وفيها شاشة البلازما الكبيرة مع السماعات الكبيرة والاستريو وجهاز الدي في دي "هنا للتسلية" وواحد من جدرانها كله رفوف كتب و الثاني كله رفوف سي دي"ز ومفتوحة عالمطبخ بطاولة البار..
المطبخ صغير وعلى قدهم لكن مجهز بجميع الوسائل>>كأنهم يطبخون اساساً!<<..
اما فوق اول ماتصعدون الدرج "اللولبي" المكان واسع على شكل نص دائرة فـ فارشين الأرض الخشبية وحاطين كنبات موزعة..
و حول المكان خمس ابواب..فيه ثلاث غرف وحمام"وانتوا بكرامة"..
غرفة رئيسية هاذي ينام فيها فارس فيها حمام تبع غرفة ملابس كبيرة..وغرفة بدون حمام تنام فيها الرزان وهي تستخدم حمام غرفة فـارس لأن ملابسها وعفشهاالأساسي كله في غرفة الملابس..
وغرفة بحمام خلوها للضيوف لكن الرزان احتلتها وحولتها الى مكان خاص فيها تذاكر فيه وتسوي اللي تبيه..
اما الباب الصغير الخامس تفتحينه على طول بوجهك درج صغير يؤدي الى العلـية "على قولتهم" وفـارس خلاه مخزن...


صارت الساعة 4:48 وتوها حست وقامت تلبس..
خلال ربع ساعة كانت لابسة..بنطلون سكيني ازرق و بلوزة سودا صوف ثقيلة ومخططة بألوان فسفورية وطويلة تغطي الخصر وتحتها قميص لونه وردي فاتح فاقع وبوتها الربط الوردي..رفعت شعرها وثبتت الشيلة الزرقا..وشالت شنطة صغيرة وردية بنفس لون قميصها وجاكت اسود طويل الى نص الساق..
سمعت صوت سيارة هنادي البورش ونزلت ركض..التفتت عليه بالصالة..
الرزان..وهي تلبس جاكيتها:انت بتظل بالبيت؟
فـارس..بدون مايرفع عينه عن الكتاب:لا بعدين بطلع مع واحد من ربعي
الرزان:اوكـي،يـلا مع السـلامة
هز راسه وماتكلف يرد!!..طلعت ركض...
الساعة 10ونص وقف صديقه حمد سيارته قدام البيت..
حمد:وش هالأزعاج !،من بيتك؟!
فـارس..التفت عالبيت:شكلهم مسوين حفلة من وراي!!
حمد..ضحك:اذا هي مرحة ومرجوجة بهالطريقة ليش انت ماتأثرت فيها شوي؟!..كشر فـارس..ياعمي فك هالتكشيرة عقدتني بحياتي،يـلا انقشع
فـارس..ابتسم:انقشع هـا!،الحين تكبر براحتك بس تشوف بعدين
حمد..ضحك:مرة خفت الصراحة..وسوا عمره يرتجف..شوف شوف جسمي يرتجف من الخوف، يـلا ضف وجهك اللي من شفته اخترب يومي
فـارس..ابتسم:لا!عجيب والله..نزل..اجل مرة ثانية لما تبي تطلع لاتدق عليّ تترجاني اطلع معاك
حمد..ابتسم:بدت الصواريخ السعودية!!،روح شوف الحفلة بس اللي فبيتك شكلها حماس
فـارس..ابتسم:مالت عليك،يـلا مع السـلامة
حمد..ضحك:مع السـلامة
دخل البيت وصديقه مشى..اول مافتح الباب طلعت قوة الصوت الحقيقية مع ان الأغنية اللي
مشغلينها هادية..سكر الباب بسرعة وراه ..

{سـرحت فيـك ونسيت حبيبي الدنيا وانا قدام عينيك
قرب كمان دا انا من زمان مستني تلمسني بايديك
سـرحت فيـك ونسيت حبيبي الدنيا وانا قدام عينيك
دا كأن اول مرة احس براحة معـاك...}
فصخ جاكيته وهو يلاحظ ان البيت دافي بشكل فظيع..تقدم للصالة..
لكن تراجع ورجع طق على باب البيت..عشان اذا كان في احد ماخذراحته بزيادة ينتبه..
ولما تقدم للصالة مرة ثانية..وماقدر يخفي دهشته..كانت الرزان ترقص مع طلال..
والآنسة هنادي قاعدة على طاولة البار وتآكل بفجعة!!..
توقع يكون المكان زحمة اكثر..لكنه كان عفسة اكثر..كانوا ناشرين اغراضهم الكنبات..
والرزان قاطة الشوز حقها على جنب وبلوزتها الصوف مقطوطة على طاولة القهوة!!..
طلال..انتبه عليه:بو الشبـاب رجع!،الحمدلله عالسلامة،تعال خذ درس من المايسترو طلال في الرقص
فـارس..كتم ضحكة:أيـه!،الله يسلمك بس..التفت على هنادي..انتي اشفيج مشفوحة عالأكل بهالطريقة!!..ماردت واستمرت بالأكل التفت عليهم..اشفيها هاذي!،مو مفروض انها متعشية!
الرزان..التفتت على هنادي:يـفترض انها تسوي لنا عشى،لكن زي ماقلت مشفوحة، سوت العشا وبعلته لحالها
هنادي..هنا رفعت راسها:يالنصابة!،تدخلوني فلمين ورا بعض بدون ماتخلوني احد ببطني شي!!،قمة التعذيب وبعد تطالبون اسويلكم عشا!..التفتت على فـارس..اجتمعوا عليّ الاخوان ياخوي
فـارس:تستاهلين ماحد قالج طلعي معاهم
هنادي:لا اجل اطلع معاك انت وخشتك!
طلال..طالعها بقرف وهي تآكل:مفجوعة الله لايبلينا!،عالعموم اذا ماتعشيت ترا طلبنا بيتزا
فـارس
:لا مشكور الحمدلله اني تعشيت قبل لااشوف هالمخلوق كان انسدت نفسي
ضحكوا عليها..وغيرت الرزان الأغنية..لأغنية "كاتشب" >>اوف يالغبار!!<<..وفجأة نطت هنادي وهي تصفق بحماس!!،
يـالله لك الحمد..وش هالكائنات الغريبة اللي في بيتي !!
،والتفت على الرزان..اللي كانت تستهبل بالرقص مع طلال،
وتعالوا لهالعجل اللي يفترض انه رجال كبير! ..الحمدلله والشكر
،..لما شافه طلال كيف يطالع فيه..سحب الرزان وراحوا يدورون حوله ويرقصون..
ويرفعون ضغطه>>يستحيل الجليد يرتفع ضغطه!!<<..ونط طلال بوجهه وهو يستهبل..حط يده على وجهه ودفه بعيد...
ومضت السهرة وكلهم يستهبلون على فـارس في سبيل رفع ضغطه..بس هنادي ماطولت وراحت عشان ماترجع بوقت متأخر..صارت تسكن مع البنات مكان الرزان..
وطلال الساعة 12 طلع...لبست بجامتها و عدلت شعرها..وطلعت وهو داخل يغير ملابسه..ولما حاولت تنام ماقدرت لما فاجأها "البـلغـم" >>الوحش الأسطوري..اللي مايخليج تنامين ليالي<<..
وماغمضت عينهاالا وترجع تفتحها وهي تمسح فمها والزبالة"وانتوا بكرامة" امتلت بالمناديل..
وقعدت تصيح من القهر..و مضى الوقت بدون ماتحس...قام لما رن المنبه بصوت الآذان..
توضا وطلع توقعها تكون تنتظره عشان تتوضا!،
لايكون ماقامت هالخبلة بعد هبالها امس!!
،..راح وطق الباب عالغرفة مرة ومرتين وثلاث وماردت،
يكون صار فيها شي!!..لا مو معقول..بس هي نومها خفيف وتصحى من اقل صوت!!
،تردد..خاف الباب يكون مقفل..جرب كان مفتوح..شافها نايمة على بطنها وبيدها منديل والزبالة"وانتوا بكرامة" جنبها..
قرب شاف "سعابيل البغلم" بللت المخدة..قرب اكثر وناداها..
فتحت عيونها على طول..ومسحت فمها بسرعة..
الرزان..بصوت مبحوح:هـلا
فـارس..كسرت خاطره(شكلها بداية انفلوانز ومرض):قومي صلي الفجر
الرزان..قامت وتعدلت:طيـب
طلع وراح يصلي..صفط سجادته وهي كانت توها طالعة من الحمام "الله يكرمكم"..
جلس يقرأ قرآن..وهي لما خلصت صلاة بغرفتها قعدت تقرا..بعد ماخلص راح يطل عليها لقاها نايمة...
رن المنبـه ورن ورن ورن ورن..قـام وهو يطالع الساعة،
السـاعة 7:30..اوف الحمدلله ماتأخرت بالنومة
،..تسبح ولبس وشال شنطته واغراضه..ونزل يسوي قهوته..والمطبخ كان فاضي،
غريبة وينها هاذي؟! محاضراتها اليوم تبدا 8 ولسه ماقامت!!..ولاتكون طلعت بدري!!
،شغل آلة القهوة وحط اغراضه وصعد يشوفها..فتح الباب بشويش وطل شافها لسه نايمة،
لسه نايمة!..والاختبـار اللي عليها ان شاءالله!!
،..ناداها..وبسرعة كالمعتاد فتحت عيونها..
فـارس:الرزان يـلا قومي،الساعة 7ونص الحين تتأخرين عالجامعة وانتي تلبسين،وبعدين اختبارج الساعة 8يـلا تحركي
الرزان قامت بسرعة لما ذكر الاختبار..وركضت عالحمام..ابتسم،
الحمدلله والشكر..لما جا ذكر الاختبار فزت،..نزل لقهوته واخذها وطلع..،يمكن تحتاج سيارة بدل بهدلة القطارات!
، وفكر وفكر..وانتهت الأفكار بمجرد بدأ الشغل يهل على راسه...
بعد ما انتهى الاختبار..طلعت مع هنادي و راكان...
هذا طالب بنفس تخصصهم "هندسة كيميائية" يجلس وراهم تعرفوا عليه وصار يساعدهم في نقل المحاضرات دائماً محاضراتهم ثلاث ساعات فيجزئونها عليهم كل واحد يكتب لمدة ساعة ويدون الملاحظات المهمة واحياناً يساعدهم في المذاكرة..
ماقلت لكم من قبل ان غادة وسديم واصيل مع سديم تخصص واحد Computer Science واصيل تخصصهم غير..غادة تخصصها"هندسة ميكانيكية"..Mechanical Engineering..
راكـان..طالع ساعته:باقي نص ساعة لما تبدى محاظرة الـphysicsوالدكتور كالعادة بيتأخر وياخذ راحته بالمشي،خلونا نروح ناخذ شي نفطر فيه..وفجأة قام يدقق في الرزان..الرزان!،شكلج رايحة فيها ودايخة!!تعبانة؟
هنادي..طالعت الرزان:أي والله وجهج شاحب ومصفر،سـلامات توج امس سليمة معافاة؟
الرزان:Nothing seriousبس شوية تعب
هنادي:طيب رجعي البيت ارتاحي احسن لج،كذا بتتعبين اكثر،الاختبار كان الاهم اليوم
راكـان:ولاتشيلين هم باقي المحاضرات،لج مني ملخص كامل مكمل
الرزان:عن جد مافي شي بس تعب خفيف وبيروح
هنادي..التفتت على راكـان:هاذي بتقعد تعاند الحين،انا بروح اوصلها وارجع..ومسكت الرزان..يـلا تحركي
وصلتها البيت وتأكدت انها صارت بالسرير..وطلعت..دقت على فـارس..
هنادي:صبـاح الخير
فـارس:صبـاح النور،خير متصلة بهالوقت؟
هنادي:دائماً مستعجل على رزقك!جايتك بالزبدة،رجعت الرزان البيت لأنها تعبانة شوي فاتصل من وقت للثاني تأكد ان البنت مازالت حية
فـارس:اشدعوى!،طيب انتي دقي عليها
هنادي:ماقدر عندي محاضرة والدكتور الكريه ماعنده تفاهم على طول يحطها عليّ مخالفة ويسويلي محاضرة ثانية من الوعظ
فـارس:اوكي لاتكثرين هذرة،انا بحاول بس يمكن انسى لاني مشغول
هنادي:اوكـي،يـلا سـلام
فـارس:مع السلامـة
تكورت بالسرير وغطت عمرها..وماغيرت حتى ملابسها..غمضت عيونها ونامت ولاحست بشي...
بعد مادق اكثر من مرة ولا ردت صار قلـق،
ياربي وين تكون هاذي؟!!..معقولة تكون نايمة وماحست!!..او يمكن بالحمام!!..ومعقول جداً صار لها شي!!
،ورجع يحاول مرة ثانية..وبرضو ماردت،
وبعدين!!..مو معقول اترك شغلي واروح اشوفها!!..بـس!!..ياربي وش اسوي
،..طالع ساعته،
الساعة 11ونص!!يمكن طلال عنده محاضرة!!
،وماتردد ودق على طلال..
طلال:هـلا والله بالأستاذ فـارس
فـارس:هلا فيك،اقول انت وين؟
طلال:مع خالد في الجامعة
فـارس:عندك محاضرة يعني؟؟
طلال:اقولك مع خالد شلون يكون عندي محاضرة!!،ليش؟
فـارس:الرزان بالبيت تعبانة شوي صار لي ساعة ادق عليها ماترد...
طلال..قاطعه:خلاص انا بروح اشوفها،بس هي تعبانة من ايش؟
فـارس:الظاهر بداية نزلة برد
طلال:اكيد مع تغير الأجواء عليها تعبت،خلاص انا بروح اشوفها وبطمنك
فـارس:تسلم،يـلا مع السلامـة
طلال:مع السـلامة
راح وشافها نايمة..فـ دق عليه..
فـارس:هـلا طلال،هـا شالأخبار؟؟
طلال:مافيها شي نايمة في امان الله
فـارس:الحمدلله،بس شلون صحت على صوت الجرس وماصحت على صوت الجوال؟!!
طلال:أي جرس؟!،انا استخدمت مفتاحي يالطيب
فـارس:اوكـي،يعني ماصحت؟!
طلال:لا ماحبيت اصحيها،هذا البلغم شكله جننها طول الليل فما قدرت تنام،خليها نايمة لو صار فيها شي بتدق ماهي هبلة
فـارس:طيـب،يعطيك العافيـة
طلال:الله يعافيك،يـلا مع السـلامة
فـارس:مع السـلامة
سكر الباب وراه بهدوء..هو يتوقع انها تكون صاحية..لكن بعد ممكن تكون نايمة..
صعد وراح غرفتها..طل عليها شافها نايمة..التفت وبيسكر الباب وراه..لحـظة!..
رجع ودخل الغرفة وقرب منها..وجهها فيه شي غلط..حط يده على جبهتها..قامت هي بسرعة وارتجف جسمها من لمسته..
فـارس:انا فـارس..رجع حط ايده على جبهتها لما هدت..حرارتج مرتفعة!..قام من مكانه..قومي اوديج المستشفى..لما جات بتفتح فمها..بدون نقاش،قومي غيري ملابسج بسرعة..قامت بشويش بس خانها توازنها وكانت بتطيح مسكها بسرعة..بعد دايخة،يـلا امشي
وسندها ووصلها..غيرت ملابسها وخلصت..وراحو المستشفى..طبعاً ماياخذونها كحالة طارئة >>لازم الحرارة تطق اربعين عشان ياخذونها<<..
فانتظروا عند طبيب الاذن والانف والحنجرة.. طلع عندها احتقان بالحلق واحتقان بالأنف ومع الحساسية اللي عندها صار أسوء..
وصف لها الدكتور ادوية و وصاها ماتتكلم الا للضرورة وماتتكلم بصوت عالي..المسكينة صوتها رايح في خرايطها..
واختفى الصوت اللي "يلعلع على قولة اختها علياء"صوتها هي عالي حبتين!!... جلسها عالكنبة..
فـارس:تمددي هنا،بسويلج شوربة عشان تاخذين الأدوية
آآآآه يـالله أكـل!!..مجرد التفكير بالأكل سبب لي غثيان..ياربي اكره لما اضطر آكل بس عشان آخذ الدوا.. اففففف..هذا اللي ينتقل من جو شبه بارد الى معتدل الى بارد موت..يارب
،تسندت وغمضت عيونها اللي قامت تدمع،
افففففف الحين الدموع بتهل اربع اربع من الحرارة..قهـر
،.. صارت لكم!!لما تكون حرارتكم مرتفعة تصير عيونكم تدمع لما تغمضون!!>>جربتها كثير.. احساس مؤلم وكريه..تحسين بألم في عيونج بسبب الحرارة..وبدون ذكر الصداع النصفي بعد... وحدة تعاني..خخخخخخخخ<< ..
رجع شافها..وكسرت خاطره..جلس جنبها عالكنبة..مسح دموعها..ومسح على شعرها بحنـان..
فتحت عيونها تطالع فيه..ابتسم لها..رجعت غمضت عيونها بألم وهي تـبتـسـم!!..




الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 26
قديم(ـة) 08-08-2010, 03:00 PM
صورة روح زايــــد الرمزية
روح زايــــد روح زايــــد غير متصل
مستشــ¸.·* غرام *·.¸ـــاري
 
الافتراضي رد: رواية جيتك أمانة أنقذيني / للكاتبة : شمعة الصداقة


[..الجـزء الـثاني والعشـرونــ ..]

كـتـبـت،
اعتناءه فيني خلال الأيام الماضية..اظهر شخصية سوبر مان اكثر..مو سوبر مان الوحيد اللي ممكن يطببج ويساعدج وانتي مريضة!..
اهم شي انه تأقلم مع لغة الأشارة "الغير مفهومة" حقتي..كـسرت خاطره..
لبى قلبي حتى اني كسرت خاطر نفسي >>كلام هنود..معليش توها رجعت تتكلم زي الناس الطبيعية : )<< لما اتكلم ومايطلع صوت بس شفايف تتحرك بكلام لكن مافي صوت!!..
وا عليّ على نفسي..بس الحمدلله امي لأول مرة في حياتي حنت عليّ ..ماتدرون وش كثر وناستي..
ارسلت لي بالبريد عسل و شي عجيب "اظنه يسمى مرة!!..لالا ماظنه حلبة!! ..مادري عاد اللي هو"..
قالت لفـارس طبعاً مو لي..انا حاطيني عالصامت فماقدرت اكلمها..العسل تاخذه عالريق مع زنجبيل ساخن..
حلو حلو زنجبيل عشان يقضي على حلقي!!انا مادري ليش العالم يشوفونه مفيد!!..
وطبعاً بالغصب وبأساليب تعذيب متطورة نجح فـارس في تنفيذ التعليمات..
اما الشي العجيب تنقعه بماي وتتعمله كغرغرة..حقيقةً مااستوعبت!اتمضمض فيه ولا شلون!! لكن زالت غشاوة عدم الفهم لما سوبرمان شرح العملية..
وطبعاً نفذت الأوامر بس بالأكراه والتعذيب ..ياقلبي ياروزن عذبوج كثير>>ماخذة مقلب في عمري<<..
طبعاً نظراً للظروف الصحية الطارئة >>تذكرت أعذار المدرسة..خخخخ <<تغيبت عن المحاضرات يوم الأحد والأثنين وبرضو الأربعاء لاني رحت الثلاثاء وكان بيغمى عليّ في ثالث محاضرة..
يـلا الحمدلله قمت بالسـلامة..وتأجلت زيارة اهل فـارس لما عرفوا اني مريضة لـ هذا الأثنين بعد مااخذت الأسبوع الماضي نقاهة..
فيهم الخير والله..اهم شي هدية المجهول "الى يومكم ماعرفته!!"..امس كانت هنادي جايتنا ولقت عند الباب كرتون كيكة..الكيكة مكتوب عليها بالكريما الصفرا Get well soon..
وفي بطاقة صفرا {الحمـدلله عالسـلامة..وغدى الشر ان شاء الله..لاعاد تمرضين لان قلبي يمرض معاج.. ياقلـبـي}..يعني وش اقول!!!..
honestly I'am speech less..وش سر هالأنسانI don't know.ومين يطلع!!..جنني!!..هـا وين راحت افكـاركم؟!!..انا مااحب اشطح بخيالي لسيناريوهات وردية..
مثلاً انه واحد معجب فيني ويحبني وما اعرف ايش..كـلام فـاضي..
وبنفس الوقت اخاف يكون مهووس وسايكو"خبل"!!..الـصراحة مادري..لكنه فجأة ظهر بحياتي وصار خطوة بخطوة موجود!!...
اي وش كنت اقول!..الحمدلله انا بخير الحين وممتنة لـ فـارس عالعناية والدلع..جايب لك ممرضة تقعد معاك وش تبين اكثر..
لا امزح مو ممرضة وظف مدبرة منزل "أو خدامة" تنظف البيت وترتبه كل صبحية لما يروح الدوام وتقعد معاي "تحرسني" تأكلني وتتأكد اني اخذت الأدوية..
لكن يا استـاذ التعذيب ماراح انساه "وجه حـاقد"..والحمدلله الف ومليون وبليون وترليون مرة عالـعافية..لـك الحمـد يـارب
،سكرت الدفتر..وقامت تكمل شغلها بالترتيب..
الأثنين..
21/2/1430هـ..16/2/2009..
الساعة 6:55 مسـاءً..
طالعت نفسها للمرة الأخيرة في المرايا..من الرأس الى اخمص القدمين..
من شعرها اللي تركته على طبيعته ولفت خصلة من اليمين وخصلة من اليسار لورا وثبتتهم وتركته مفتوح وبان حلق اللولو الصغير اللي لابسته..و وجهها اللي كانت لمساتها عليه بالمكياج خفيفة ..كحلة سودا ثقلتها على عيونها عشان يبانون كبار و ظل بلون وردي غامق "شبه خفي من كثر ماهو خفيف!" وبلاش وردي خفيف عطى لخدودها لون و روج وردي بلون التوت عطاها لمسة مميزة..و سلاسل اللولو اللي لفت رقبتها ونزلت على جاكيتها المخمل اللي بلون التوت بس غامق اكمامه بف توصل الى كوعها ومن قدام موديله ازارير ذهبية عاليمين وعاليسار وقصته سيدة ومن تحت يصير واسع..ومن تحته بلوزة بلون اخضر تفاحي تبان تحت الأكمام.. الى التنورة الواسعة "موديل مكسيكانو المعتاد" اللي مقسمة طبقات كل طبقة قماش بتشجيرة ونقش مختلف ويفصلهم شريط مخمل نحيف لونه اخضر واصلة لى الركبة..وبالأخير البوت الطويل من الشاموا الأخضر الغامق ومن وراه شرايط ورديةغامقة من فوق لتحت..
استوعبت نقصان شي..ساعتها بجلدها الأخضر المميز والمينا الأبيض المحاط بأحجار كريمة لونها وردي.. ولبست دبلتها في اليسار هالمرة وهي متعودة تلبسها في يمينها..
لأن هذا قرارها تلبسها في اليمين الى اجل مسمى..ولبست خاتم كبير على شكل وردة في اليمين من اللولو الصغار وبالوسط زمرد اخضر.. التفتت لما دخل..
فـارس..طالعها من فوق لتحت(دائماً بتخطفين انفاسي لما اطالعج):هـا كيف النفسية وانتي بتستقبلين ضيوف لأول مرة في بيتج؟؟
الرزان..ابتسمت وبانت غمازتها:واثقـة ومافي أي ارتباك..(عيني عينج يالكذابة!!)..انا فكري في شي ثاني
فـارس..طالعها بنظرة وعرف شاللي شاغلها:أيـه على،ولا يهمج أنا بدبر عمري
الرزان:بس انت تعودت ماقدر اخرب عليك
فـارس..ابتسم:مايهمج انا الرجال،لازم اضحي
الرزان..ضحكت:أي صح
فـارس..طالع ساعته:خمس دقايق ويوصلون..مد يده لها..يـلا ياحـرم الأستاذ فـارس
ضحكت وشبكت يدها بيده..ونزلوا..خمس دقايق فعلاً ووصلوا..ام فـارس وابـوه..ومعاهم ضيفة غيرمتوقعة!!..
فـارس..انصدم:فـرح؟!!..التفت على امه..وش جابها معاكم؟!..وبعدما استوعب انها موجودة شالها ورفعها فوق..فروحة الحلوة..ولمس انفها بأنفه..انتي اشتبين جاية؟!
فرح..ضربته على انفه:وكـر،يـئ(وخـر،يـع)
منيرة "أم فارس":أبوها وامها بيسافرون شهر عسل ثاني فتركوها عندنا ومايصير نتركها
فرح:دتي قالت انك بتوتيني الألئاب (جدتي قالت انك بتوديني الألعاب)
فـارس..ابتسم:لا!،تامرين امـر نروح الألعاب،بس لما تنطقينها عدل
فرح..مدت بوزها شبرين:ئيب تتتنز ئلي،ماما تقول ئيب (عيب تتطنز علي،ماما تقول عيب)
فـارس..كبرت ابتسامته:لا مدام ماما قـالت عيب،السمع والطاعة
الرزان..ضحكت وانتبهت انهم لسه واقفين عند الباب!!:حياكم دخلوا..وضربت فـارس على خفيف..انت تلتهي بالصغيرة وتنسى تدخلهم!!
("الأمورة" فـرح محمد الـ ......بنت امل اخت فـارس..عمرها 4 سنوات)..دخلوا وقعدوا بصالةالضيوف..
ونادت فـران "بالـVمشF"(فرانشيسكا..الخدامة اصولها اسبانيةوشامية وتتكلم عربي..عمرها 43 سنة)تشيل الشنط..
ووراها رفعة (رفـعة..الناني "المربية" حقت فرح اصولها افريقية..عمرها في الثلاثين!)..
الرزان..جلست جنب فـارس اللي بحضنه فرح اللي تطالعها بطريقة عجيبة!مدت يدها ولمست شعرها فرح:الأمورة وين تبي تنـام اليوم؟
منيرة:هي تنام مع مربيتها رفعة
الرزان..قامت:اجل بروح اخلي فران تجهز لها غرفة،عن اذنكم
وراحت فوق..و عدلت مع فران والناني رفعة غرفتها لـ فرح والناني..،
ياربي انا ماكانوا ناقصيني امه وابوه بعد بنت اخته..انا ناقصة بزر بالبيت!!..
ياربي ارحمني..ولا الناني وياهم بعد..اللهم ارحمنا برحمتك..لازم نلبس قناع غير عن كل مرة يارزون..
قناع الحياة الزوجية السعيدة "خرطي اكيد"..وقناع اللطف والطيبة..انا احترمهم وعلى عيني وراسي بس ماحبهم ماابلعهم..
وابوه غريب يشبهه في هيبته وصمته الدائم وقناع الجمود اللي على وجهه وحتى شكله!!..يـــارب الهمني الصبر
،..رن جوالها..
:هـالـو،كيف احوال آل .... معاج؟؟
الرزان:يالزفتة انتي وين؟،ترا تأخرتي،هنوده في سربرايز حلو عشانج
هنادي..ضحكت:امي وابوي يجي من وراهم سربرايز حلو!!امبوسيبل،يـلا انا بالطريق ياحياتي تماسكي الامدادات والانقاذ بالطريق،الا ماجات هدية مؤازرة من المغرم المجهول!!
الرزان:هنـادي بلا استهبـال
هنادي..ضحكت:وا عليه مادرى بالكارثة التي حلت عليكي
الرزان:هنـادي،ضفي وجهج
هنادي..قالت بسرعة:ســلاموز
وسكرت الرزان بوجهها..ونزلت لضيوفها،
احساس غريب اول مرة اكون انا المسؤولة عن استقبال الضيوف..واي ضيوف..ضيوفي انا وفي بيتي!!..الحمدلله قسوة امي طلعت معاي بفايدة
،..واستوقفها الجرس..فتحت الباب..
:مرحـبا
الرزان:جيتي!،شالأدب هذا كله!! عندج المفتاح ليش تدقين الجرس؟!
هنادي..ضحكت وعدلت عمرها:احم احم اعلمكم بقدومي،اشفيج انتي هذا الاتيكيت واصول اللياقة
الرزان..ابتسمت:دخلي خلصيني بتجمد
هنادي..دخلت وسكرت الباب وهي تفرك ايدينها:ياحلاة شتـوية لندن وثلجها،عسل قلبي
الرزان..اخذت منها جاكيتها:يـالله لك الحمد
هنادي..رتبت نفسها:وبعدين ايش هالكشخة ايش هالزين؟؟،لايشوفج المغرم يذوب
الرزان:بذبحـج ترا
هنادي..ضحكت:نمزح،ماعندج تقبل حتى للمزح!!،يـلا يالمزيون لحقنا بهوت شوكلت من ايدينج الحلوين
الرزان:هوت شوكلت هـا!،دخلي بس دخلي
ودخلوا الصالة والابتسامة شاقة الحلق!!..
هنـادي:مامي دادي!،اخباركم من زمان عنكم،مرة اشتقت لكم
و بطرف عينها غمزت للرزان..اللي ابتسمت..بعدين ضيفتهم الرزان بالشاي والقهوة..والهوت شوكلت لهنادي وفرح..
هنادي..همست لها:طالع بنت الذين تخز فيج خز؟!،هالبزر بعد متعلمة هالحركات!،بس اكيد بتخز في الكشخة والجمال هذا
الرزان..ضربت بكوعها:انـثبـري زين
هنادي..همست:البنت معجبة فيج شوفي شلون تطالع!!،حالها من حال شباب الجامعة اللي اذا مريتي من قدامهم طارت عيونهم وراج وتكسرت رقابهم وهم يراقبون طيفج لآخر لحظة
الرزان..همست:انتي خليج على سخافتج وثقالة دمج،وان شاءالله اليوم بسوي فيج مفطح للعشا
هنادي..ضحكت وهمست:مجرمـة
فرح:كـالو،هاذي مين اللي مئ كـالتو هاتي!!،مـرة هلوة(خالو هاذي مين اللي مع خالتو هنادي)
فـارس..ضحك:اهم شي!،الحمدلله البنت طلع عندها نظر وذوق مو زي ابوها،هاذي ياطويلة العمر زوجتي،اسمها الرزان..التفت على الرزان..يـلا شوفي الحين كيف بيتحرف اسمج لاسم غير شكل
ضحكت..
هنادي:أي والله،اجل انا على طول هاتي هاتي مافي مرة خذي!!
الرزان..ضحكت وهمست:ياخف دمك
هنادي..همست:ماعليج مني ركزي على معجبينج
فرح:ارتان!!،ايس يأني؟(الرزان!!،ايش يعني؟)
هنادي..ضحكت:ارتان!!،ماكنت ادري اسمج تركي رزون؟!
الرزان..ضحكت:حرااام!..وقربت من فرح ولمست انفها باصبعها..قولي رزون اسمي رزون
فـرح..ابتسمت لأول مرة ابتسامة كبيرة شاقة الحلق:رتون (رزون)
الرزان..ضحكت:من لسانج طلع احلى ياعسل
هنادي..شهقت:والله ظلم توج تعرفينها على طول تعطينها تأشيرة،انا بعد سنة وشي عطيتني التأشيرة!!..وغمزت..حتى التأشيرات تمشي عندج بالواسطات!!،ياليت بعض ناس توسطوا لنا من قبل بالتأشيرة
فـارس..ابتسم:وش تأشيرته يالبنغلاديشية!!،خطير رتون والله،يصير طيب انا بعد اقول رتون؟!
الرزان..ضحكت:لا سوري هذا سبيشل لـ الأمورة
هنادي:انا احتج،وش هالميانة القوية؟!،بقدم فيكم خطاب عند الملكة ليزا
الرزان..ضحكت:الملكة ليزا هـا!،تمون مرة ماشاء الله
لاحظت الرزان هدوء ام فارس وابوه!!،
ماشاركونا بكلمة حتى!!..انقدم العشا احسن..يمكن يكونون تعبانين من السفر!!،..
هنادي..همست:اقول رتون،لاحظي القلوب اللي تتلامع في عيون فروح؟!
الرزان..شاركت هنادي الضحك بقوة:الله يقطعج..وقامت..بنحط العشا الحين،اكيد تعبانين ياخالتي وتبون ترتاحون
منيرة:أي والله ياليت
الرزان:دقايق ويكون العشا جاهز
وراحت..ولحقتها هنادي..
هنادي..قعدت تتفرج عليها وهي ترتب مع فران:حبيت الدور اللي لعبتيه بسهولة!!،اقول لايكون بتسممينا بطبخج؟
الرزان:لا،ارتاحي الأكل طبخ فران
هنادي..التفتت على فران:يسلملي هالديات فران،شو عملتي لإلنا؟؟
فران:كبـة لبنـية و صندويشات كباب
هنادي:الله الله،سمعيني بعد سمعيني
فران..ضحكت:والسلطات تبولة و فتوش،ومقبلات ورق عنب وحمص ومتبل
هنادي:ياويل قلبي،اطربيني اكثر اطربيني
فران..ضحكت اكثر:والحلو المدام عملتوا
هنادي:لا تقولين!،يامدام شو عملتي حلو؟،مع اني واثقة انه من هالديات بيطلع حامض
الرزان..ابتسمت:حامض على بوزج،سويت...،ولا اقولج مو قايلة مو لازم تدرين
هنادي:لا،ياللئيمة
ضحكت وطنشتها...الكل توجهوا الى الغرفة اللي مقابلة الصالة..واللي كانت فاضية وصار فيها طاولة طعام طويلة بثلاث كراسي عالجنبين وكرسيين عالطرفين و خزانة ابوابها زجاجية يبان منها صحون الخزف الصيني واطقم الكاسات الكريستال والملاعق الذهبية..
الرجال على رأس الطاولة من اليمين وهنادي والرزان وام فارس عالجنبين..وفرح مع مربيتها بالمطبخ!..كل واحد كان يسولف في جهة على طاولة الأكل..
الرزان:بنت اختج كم عمرها؟؟
هنادي:4 سنين
الرزان:اربع سنين وتكسر بالكلام لهالدرجة؟!!
هنادي:المربية حياتي لها دور،الأخت تكسر بالكلام فصارت الثانية بعد تكسر الكلام..عرفت من ملامح الرزان الكلام اللي تبي تقوله..ادري بقلبج يقرقع الكلام،بس الصبر الصبر يافتاة
الرزان..ابتسمت:انثـبري
بعد العشا..ام فارس وابوه راحو يرتاحون..واكيد فرح اللي تاخرت عن موعد نومها راحت تنام.. هنادي و"الثنائي السعيد"..جلسوا بالصالة..
فـارس:انتي مابتروحين..طالع ساعته..الساعة 9وربع؟!
هنادي..ابتسمت:بروح بروح،بس بعد شوي..وهمست للرزان اللي قاعدة جنبها..خليه يحترق شوية وعلى نار هادية
الرزان..همست:ليش يحترق؟!
هنادي..همست:تستهبلين؟!!،هو مرتبك بقدر ماانتي بسبب الليلة
الرزان..تغير وجهها الوان وهمست:هنود وجع توجع العدو،وش الليلة بعد!!،ترا مافي شي بيتغير!، ولاتخليني احاتي اكثر مما انا محاتية..طالعت فـارس بطرف عينها..بالله عليج هذا شكل واحد بيحترق ولا مرتبك؟!!
هنادي..ابتسمت وهمست:حقيقةً لا!،بس هذا اخوي قناع من الجمود واللامبالاة،كاركتر ابطال عبير على قولتج،من برا الله الله ومن داخل يعلم الله
الرزان..همست:تفـلسـف!
فـارس..قام وهو يفصخ جاكيت بدلته:انا بروح انام،انتوا ظلوا تساسروا لان ماوراكم بكرا دوام!!
وصعد للغرفة..
الرزان:وي وي..قامت وسحبت هنادي..هنادي انا وراي جزئية من الاسبوع الماضي مو مكملتها ويـالله يمديني الحين اخلصها،توكلي عالله يالحلوة لاتتأخرين بالرجعة
هنادي..ضحكت:طروا الدراسة والجامعة صارت مصروعة،رايحة خلاص،وش هالطردة يامال العافية!!..لبست جاكيتها وتجهزت للطلعة..يـلا تصبحين على خير،يالدافورة
صعدت والتوتر يتصاعد داخلها..،
لنا فترة عايشين مع بعض..لكن هو بوادي وانا بوداي.. كل واحد له مساحته الخاصة..ومجاله الخاص..
هو مايتدخل في طلعتي ودخلتي ولا في مين اكلم ومين اشوف..اطلع براحتي وادخل براحتي..
ولو في غلط انا الاحظه على نفسي انا اصلحه بدون مايقول شي..وانا بعد مااتدخل فيه يكلم اللي يبي ويطلع مع اللي يبي ويتعرف عاللي يبي..مو تحرفون الكلام وتفهمونه غلط!المعنى انه مايقول والله انا طالع مع فلان الفلاني او اليوم شفت فلان الفلاني او اليوم تعرفت على فلان الفلاني ومعاه فلانة وشي طبيعي ان يكون في محيطه "إناث" لكن انا مااهتم وهو مايدقق عالـ" ذكور" اللي في محيطي..
انا لو اهتميت وسألت يقول لي لكن لو ماسألت مايقول.. ونادرة طلعاتنا مع بعض من رجعنا لـ لنـدن واحنا منفصلين في حياتنا..
داخل البيت مجرد اثنين ساكنين مع بعض..ناكل مع بعض..نادراً نجلس مع بعض..وبالأسـم متزوجين..
والحين ننام بغرفة وحدة!!..طبعاً مو على سرير واحد..بس بالأسم انام معاه بنفس الغرفة!!..الله يسهل
،واخذت نفس عميق..ودخلت..وكان هو حاط له سرير"شبه فراش" ومنسدح،
الحمدلله ريحني
،..كملت طريقها بهدوء الى غرفة الملابس..ودقايق وكانت في السرير المزدوج الكبير..واللي ضاعت فيه..هي حجمها XS والسرير L..مايبيلها كلام بتضيع فيه..،
احساس غريب اني انام بنفس السرير اللي كان نايم عليه..
ادري تفكروني موسوسة!..بس جد انا ماعمري نمت بسرير احد او احد نام بسريري!!..
يعني جد احساس غريب!!
،ولفت نفسها بالبطانية..وغمضت عيونها باستمتاع،
اممممممم..السرير دافي بشكل..اممممممم
،وابتـسمت..ونــامت..

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 27
قديم(ـة) 08-08-2010, 03:02 PM
صورة روح زايــــد الرمزية
روح زايــــد روح زايــــد غير متصل
مستشــ¸.·* غرام *·.¸ـــاري
 
الافتراضي رد: رواية جيتك أمانة أنقذيني / للكاتبة : شمعة الصداقة


[..الجـزء الثالـث والعشـرونــ ..]

يوم السبت..14/2/2009..الساعـة9:30..كنت جاهزة ومتجهزة لموعدي مع البنات..بنروح نفطر بالهـايد بارك..
متحمسين وكل وحدة سوت طبق..من الفضاوة..وفـارس بعد صحى بدري!!..
انا كنت انتظر بالصالة..وهو طالع قال لي ان هنادي برا..استغربت لأني ماسمعت صوت السيارة!!..
طلعت وراه..وكانت المفاجأة اللي خلتني اعجز عن التحرك شبر واحد..سيـارة "ميني كوبر" حمرا وغطاها اسود وابيض"شطرنج"..
انا وهنادي وطلال كنا نتناقش بالسيارات الأسبوع الماضي وفجأة سألني فـارس عن السيارة اللي اتمنى اسوقها..
وطبعاً انا منى عيني هالـ"ميني كوبر" ويكون لها غطا ممكن ينصفط وتصير مكشوفة والأكيد لازم تكون حمرا..
ماتوقعت أبداً أبداً أبداً بالثلاث..انه راح يشتريها لي!!..بعد دقائق من استيعاب الصدمة..صرخت اعبر عن دهشتي..
ونططت اعبر عن وناستي..و قربت من السيارة بشويش "خايفة اعورها!"..
وظليت اردد شكراً مليون مرة!!..ولما وصلوا البنات..هنادي نططت معاي وصرخت..والله حمـاس..
ولمحت غادة ان اليوم "عيد الحب" "الفلانتاين" والهدية سيارة حمرا!!..
طبعاً انا عارفة ان القصد مو كذا أبداً..مابغيتوا الا الأستاذ يعترف بهالنوع من احتفالات الكفرة!!..
وذكر فـارس ان الصدف شاءت ان الوكالة تتصل فيه امس بالليل ويقولون له انهم بيوصلون السيارة للبيت اليوم الصباح وهذا من حسن حظي..
كلهم تحمسوا معاي..لكن..حسيت بالحسد في عيون سديم..حسد محمود مو حسد مذموم..
هي حسدها لي على ان اللي جاب الهدية هو المـسـتـر..لو كانت من غيره ما اهتمت..
الصراحة احس ان فـارس صار يتحاشى الطلعة معانا عشانها..والا هو قبل كان يطلع معانا بكل ويكند..
المهم اخذنا جولة بالسيارة وبعدين رحنا تفطرنا..وطبعاً المـسـتـر مو معانا..وتعالي للمناظر اللي شفناها طول اليوم..
قلوب و ورود حمرا بكل مكان وبوسات وماعرف ايش..لاعت جبودنا!!..الساعة 10 بالليل..
بعد الدوارة طول اليوم أخيراً رجعت البيت..ولثلج اللي نزل اثناء ماكنا نتمشى غطى الحديقة..
ولقيت على عتبة الباب باقة ورد احمر غطاها الثلج وتحتها علبة شوكلت "هدية كلاسيكية تقليدية"..
و انا ادور عن بطاقة في باقة الورد طاحت علبة مجوهرات فيها اسوارة الماس "تاخذ العقل" والبطاقة كانت داخل العلبة{كـل عـام وانتـي اغلـى من سكـن قلـبي..كـل عـام وبريقـج اللي يشبه بريـق المـاس يتلألأ في عيونـي}..
الابتسامة مافارقتني من هالكلام الحلو الى نومي..مادري احس بنفسي اتأثر بهالأنسان اللي عنده طريقة عجيبة لـسلب الأهتمام!!
،سكرت الدفتر لما سمعته يناديها..

السبت..
21/2/2009..26/2/1430هـ..
الساعة 12:30 ظهراً..
شالت جاكيتها الأحمر وشنطتها ونزلت ركض..قـرروا يروحون يتغدون برا..هم و البنات وطلال وربعه وبالمرة عزموا راكان..
التقوا مع البنات وطلال وربعه وراكان اللي جاب معاه صديقه يزيد عند مطعم "فرايديز" >>ماغيره!!<<..وكان غداهم خفيف...ام فـارس وابـوه راحوا مع فـرح بيودونها الملاهي...
بعد غداهم راحو ساحة تزلج قريبة من Natural History Museum..
هنادي وفـارس وطلال وخالد وجراح وسعود وغادة ويزيد دخلوا يتزلجون..اما البقية الرزان وسديم واصيل وراكان قعدوا يتفرجون عليهم..
هنادي..اخذت لفة وجات وقفت عند الرزان:يـلا رزون بـلا مصاخة وقومي
الرزان:مالي خلق اطيح على وجهي واتفشل قدام العالم
هنادي..ضحكت والتفتت عالبقية:وانتوا؟،بعد ماتعرفون؟!
راكان:انا شبعان وحاس نفسي بطريق،ماقـدر
اصيل:انا مالي خلق
هنادي:سبب وجيه فعلاً!!..والتفتت على سديم..لاتقولين لي انتي بعد مالج خلق!
سديم..ابتسمت:لا انا مااعرف اساساً
هنادي:مابتخترعون الذرة انتوا!ترا العملية بسيطة جداً وهينة،يـلا تعالوا وانا بعلمكم
سديم..قامت بحماس:انا ماعندي مانع
الرزان:انا مازلت ارفض اذل نفسي قدام الناس
هنادي:انتي حرة يالغبية
الرزان..ابتسمت:مقبولة منج
ضحكت وراحت وهي تتفنن في التزلج..وضحكت هي اكثر وهي تتفرج على سديم وهي تحاول تتعلم واكثر من مرة يجي احد وينقذها من ارتجاج ممكن يصيب مخها اذا طاحت على الجليد..
فاستغلت الفرصة وشغلت كاميرتها تصورهم..وحالفها الحظ لما لحقت على الطيحة القوية..
سديم اختل توازنها وصدمت بهنادي وطاحت فوقها..واضطروا الشباب يشيلونهم..وطلعوا من الساحة..
هنادي..قعدت وهي تفرك براسها:حسبي الله عليج ياسدوم الخبلة،سببتي لي ارتجاج بالمخ..ولمست راسها..و سببتي لي انحراف في عظام جمجمتي
الرزان كانت ميتة من الضحك وهي تتذكر طيحتهم..
سديم:ضحكي ضحكي مو انتي ماجربتي،ترا من عاب ابتلى
الرزان..ضحكت:اصلاً مين قال اني بغامر بجمجمتي ومخي العزيز،مستحيل
:أبداً مو مستحيل،يـلا تعالي يالجبانة
:أي والله عالأقل هي جربت وماحالفها الحظ،بس اللوم عالجبناء
الرزان..التفتت على خالد وطلال:لاتفكرون انكم بالاستفزاز بتخلوني اتهور
طـلال:جـبانة
الرزان..عطته ظهرها:رأيك الشخصي وانت حر
خالد:واذا قلت لج اللي تبينه اذا حاولتي بس ونجحتي تتزلجين لحالج،حتى لو لثواني
الرزان:وش الشي اللي ابيه وبيكون عندك!!
خالد:مادري انتي اطلبي وسمي اللي تبينه
الرزان..فكرت ودرست الموضوع:اللي ابيه!،وماتغير رايك!!
خالد..ابتسم وطق يده على صدره:افـا عليج كلمة رجـال
الرزان..ابتسمت:مو المشكلة إنها كلمة رجال،اوكي..وصفقوا لها بحماس..بس ماتستهبلون عليّ
طلال..ضحك:ما اضمن لج هالشي
خالد..ضحك:طـلال مو عدل التحدي كذا..التفت ونادى فـارس..فــارس بيكون وياج
فـارس:في ايش؟؟
طلال..غمز له:تحدينا الجبانة بأنها تحاول تتزلج وتنجح في انها تتزلج لحالها ولو ثواني
فـارس..ابتسم:وانا وش وظيفتي؟المدرب؟!
خالد..ابتسم:بالضبط،لأننا مانضمن اننا مانستهبل عليها ونطيحها
الرزان..طالعت فارس بنص عين:اشك ان حضرته مايسويها!،شوف لازم تتعهد بأنك ماتسوي أي حركات عبيطة
فـارس..ابتسم:تامرين امر،يـلا تعالي
تركت شنطتها وكاميرتها عند هنادي..اللي غمزت لها وهي تبتسم..واول ماحطت رجلها عالجليد كانت ايد فـارس بايدها..
ابتدا معاها شوي شوي..ومضى الوقت..ومرت ساعات استمتعت فيها الرزان..وزي ماعلمها السباحة بسهولة..
علمها التزلج بسهولة اكبر..وراكان استهبل عليها وصار يدور حولها وهو يقفز ويستعرض..
وبعدين يروح يمر قدام الجالسين وهو يعنني يحيي الجمهور >> شو هالعبط!!<<..بعد ماصلوا العصر..
رجعوا وتزلجت الرزان لحالها وشوي شوي صار تدور وتستهبل..
خالد..صفق لها:هذا يدل على ان فـارس مدرب درجة أولى
الرزان..وعدلت جاكيتها ورفعت راسها:هذا لانه يتعامل مع محترفين وعباقرة
طلال..ضحك:انتفخ ريشها بعد كم دورة!!،انتي لو تقدرين تتزلجين زي المحترفين تنتفخين كبرالبالون
ضحكت ودارت دورة عشان تقهره..وبعدين استهبلت مع هنادي..تعرفون الحركة اللي تمسكين ايدين اللي قدامج على شكل اكس وتدورون!!..
مسكت اليسار باليسار واليمين باليمين وصاروا يدورون..الحركة روعة عالجليد "جربوها"..و علمها فـارس وايده بايدها كيف تدور حول المكان بطريقة المحترفين..
وانتهى التزلج بالغروب..بعد الصلاة راحوا يتمشون بالسيارات على طول نهر التايمز..
وبعدين تمشوا بالهايد بارك..بالأحرى راكضوا وتسابقوا ولعبوا العاب قديمة..وبعد ما أذان العشا اتفقوا كلن يروح يصلي ويرتاح ويلتقون بمطعم كشخة للعشا...
دخلوا بهدوء عشان مايزعجون النايمين..طالعت ساعتها،
1ونص!!مرت اربع ساعات ونص بدون مانحس!!
،.. وبالغرفة بدلت تنورتها السودا الفخمة البسيطةوالبلوزة الحمرا المناسبة للسهرة بالبجامة.. انسدحت في السرير وهي تتثاوب..
فـارس..وهو طالع من غرفة الملابس:بذلتي طاقة في الاستهبال اليوم!،بس اهم شي استانستي!!
الرزان..(اهم شي استانستي!!..هذا تقرير واقع..ولا سؤال!!..من متى تهمك وناستي!) ابتسمت: استانست من قلب وطلعت كل الطاقة اللي فيني
فـارس..كتم ضحكة:خلاص بتنحل العقدة و اللي كاتم نفسج وطاقتج،بيسـافرون بكرا
الرزان:والله مو قصدي كذا!!
فـارس..ابتسم:بس انا فهمت ولا حظت بدون ماتقولين،كنتي تتصرفين بدبلوماسية و بوسع بال ،تصدقين ماكنت اتوقعج طويلة بال لهالدرجة!!
الرزان..ابتسمت:تحت السواهي الدواهي لاتخاف عليّ
فـارس..ضحك:تقصدين لا اخاف منج
ضحكت واستانست انه يضحك وفال العقدة!..،
ياليتك تظل كذا دائماً..الحياة بتكون اسهل لنا،..
الرزان..غمضت عيونها:تصبح على خير
فـارس:وانتي من اهل الخير
وراح فكرها..مع الثلج اللي نزل وهم بالـ بـارك،
كأنه مطر!!..مثل هالمطر اللي يهل ثلاث ارباع السنة!!
،..وتذكرت لعبهم بكور الثلج..والـ snowman اللي سووه وحطوا شال فـارس عليه وقبعة راكان..
وابتـسمـت وهي تبعد هالذكريات والأفكار عشان تنـام..


[..الجـزء الرابـع والعشـرونــ ..]


18/4/2009..22/4/1430..
نرجع بالوقت شوي لـ..
السـبـت..
17/3/1430..14/3/2009..
الساعة5:40المغرب..
في المقـهى المعتـاد..
:تبين تقنعيني اني بمجرد اشوف واحد وتطيح عيني بعينه راح احبه؟!!،ياشيخة بلا كلام فاضي ،انا مادري كيف تصدقون؟!،الرزان قولي شي،انتي اكيد معاي صح؟
ماردت..ومو منتهبة أساساً ان في احد يكلمها!..وسرحانة بعالمها..
من يومين بس رجعت الحالة السابقة لـ الرزان..السرحان..الكآبة..الصمت..الجمود..اللامبالاة ..
وكأنها تعادت من فـارس!!...
:الرزان!..صرخت..الــرزان
الرزان..انتبهت وهي مخترعة:نعـم!!!
:ساعة نكلمج وماتردين!!،المهم غادة تبي تقنعنا،بالأحرى تقنعني ان في شي اسمه حب من النظرة الأولى!!،انتي ماتتفقين معاي بأن هذا خراط؟!
الرزان:سخـافة!،انتوا ناقشتوا هالموضوع مليون مرة،وسبق وقلت رايي وماراح اعيده،وبعدين غادة ليش تتعبين وتقنعينها،هي حطت فكرة براسها وصعب تغيرها،ولا هنادي؟
هنادي..تكتفت ولفت الجهة الثانية:لما تقول شي منطقي ممكن اصدقه واغير رايي
ورجعت الرزان لعالمها وطنشتهم..
:بس اللي رافع ضغطي،هو انتي ياآنسة!!
هنادي..ضحكت:من ثلاث شهور تقريباً ماعادت آنسة،سبحان الله شلون مرت الشهور؟!
:مايهم،انتي ياهوووو
الرزان..التفتت له:ترا لي اسم يا استاذ طلال!
طلال:بعد مايهم،انتي في وشو تفكرين ساعات وساعات؟!،بديت اشك في سلامتج العقلية
الرزان:هـا هـا هـا،مايضحك
طلال:مانكت عشان تضحكين،انا اسأل سؤال منطقي انتي بوشو تفكرين؟؟
الرزان:ماظن شي يهمك..وشالت شنطتها وقامت..عن اذنكم انا رايحة المكتبة اذاكر
هنادي:وش تذاكرين!!،ماذكر عندنا شي مهم بكرا!!،لأن بكرا اجازة!!
الرزان:بروح اقرا شي مفيد بدل هالقعدة
هنادي..وقفت وهمست بأذنها:تقصدين اهرب قبل لايجي فـارس!،وش صاير بينكم؟؟
الرزان..طالعتها بكل برود:ماصار شي ولابيصير
ومشـت..وهي تطالعها باستغراب!!..
هنادي:بـالله في احد ساحر هالبنت؟!!،انا مو مستوعبة شاللي قلب حالها!!
:اكيد في مشاكل بينها وبين فـارس
هنادي..(هذا اللي تتمنينه اكيد..غريب كيف انتي بعد تغيرتي يامدموزيل سديم!)طالعتها بنظرة:ماظن، وعالعموم مو هي بس اللي تغيرت،كثير غيرها تغيروا ومو حاسين على عمرهم
سديم:وش قصـدك؟
هنادي..شالت اغراضها:اللي على راسه بطحة،انا رايحة،سـلام
ركضت ورا الرزان..بس لما شافتها بطئت مشيتها بطئت هي وصارت تلاحقها من بعيد..،
شاللي صاير ياربي!!..في يومين كذا ترجع الرزان القديمة..لا حتى مو هي القديمة اسوأ!!
،..تفاجأت لما شافتها تجلس على درجات المكتبة...
حطت راسها بين ايدينها وحست بالدنيا..تضيـق..وتضيـق ..وتضيـق..
حست نفسها مشتتة..ضايعة..تعبانة..منهد حيلها..هزمتها غربة الروح اللي تحس فيها وسالت الدموع من عيونها..

{ياعيـون تذرف دمعها حيرة وجمر
غـربـة غـربـة غـربة
غـربة ولا في عن شقى الغربـة مفر...}

ياربـي!!..اشفيها هاذي!!..انا باستخـف!!..ماقدر اواسيها ولا اقدر اتفرج واسكت..يارب ساعدني..يارب الهمني الحل
،فجأة رجعت على ورا..وركضت..ركضت..ركضت..وصدمت في الخلق ..لكن كملت وهي تعتذر وتتعذر..
وصلت الى مواقف السيارات بالوقت المناسب..ركضت له..
هنادي..وهي تلهث:الحين اعترف و قول
:وشـو؟!،انتي من وين جاية؟،وش فيج؟!!
هنادي:فـارس!،لاتلعب عليّ قولي شالسالفة؟
فـارس..رفع حاجب:انا مالي مهارة بحل الألغاز،كافي الألغاز اللي عندي،أي سالفة؟
هنادي..عدلت وقفتها:الـرزان
فـارس..رفع عيونه للسما وتأفف:خـير ان شاء الله،اشفيها؟
هنادي:انا اللي اسألك اشفيها!،ولاتتأفف لي بهالطريقة
فـارس..خزها:هنـادي!،انتبهي مع مين قاعدة تكلمين،انا امون عليج اوكي،لكن ماني اخوج الصغير
هنادي:أساليب التهديد صارت قديمة،الحين فهمني شالسالفة؟
فـارس..اخذ نفس (اللهم صبرك ياروح..مادري متى الله بيرحمني من هالبرزارين!):لو تبين تعرفين أي شي اسألي المعنية بالأمر،انا مالي دخل
هنادي:تدري صعب اسألها،وتدري بعد ماراح تقولي
فـارس:يفترض انج...
فجأة اخرسه المنظر اللي شافه...
هي ماكانت منتبهة لهم ابداً..كان هدفها توصل للسيارة بسرعة وبس..بدون حجاب وشعرها متناثر في كل مكان و بدون الجاكت اللي كان عليها وبلوزتها مبهدلة وايدها تنزف!!!!...
انتبهت لسكوته المفاجأ ولفت تطالع ماكان مايطالع..كانت صدمتها كبيرة..مامسكت عمرها..
هنادي..صرخت:الـرزان!
لما التفت عليها ووجهها غرق بالدموع..واحساسها بالضياع كان اكبر مايكون في هاذي اللحظات..
في ثـانيـة..ظـلمت الدنيـا بعيونها وطـاحت..قبل لاتطيح ركض..وفي لحظتها صار قلبه طير مفزوع يرفرف في كل مكان..لكن في ثواني سيطر على كل مشاعره وتحكم فيها..
فـارس..رفع راسه لهنادي:تحركي شغلي السيارة
انتزعت نفسها من الصدمة بقوة..ونفذت الأمر بسرعة..وعلى طول عالمستشفى...
بعد فحوصات وتعقيدات الشرطة اللي مالها نهاية!!..جلس يرمي كل ثقله عالكرسي..
حط ايده على ايده:هونها وتهون ياخوي هونها وتهون
فـارس..انحنى وحط راسه بين ايدينه يخبي وجهه:أي تهون ياحمـد أي تهون!!،انا قلبي تقطع مليون قطعة يوم شفتها،ماتخيلت بيوم الموضوع يتكرر..ووقف وهو يحس بغصة..يمكن اكون انا السبب،مااهتميت فيها كفاية ماانتبهت لها
حمـد:ياخوي لاتقول كذا هذا اللي كتبه ربك
فـارس:هاذي أمـانة أمـانة وانا فرطت فيها
حمـد:فـارس ترا ماراح ينفعك التحسر والندم الحين،لازم تكون قوي عشانها،هي محتاجة لسند تستند عليه بهالوقت
ماقدر يتكلم اكثر..الدنيا اللي كانت من ساعات ياوسعها..صارت ضيقة وضيقتها ماتنطاق،
آآآآآآآخ.. يارب ارحمها ارحمها..يـارب يـارب
،..التفت شاف اخته بالزاوية ساكتة..ومن الصدمة الى الآن مانزلت منها ولا دمعة..ولا دمعة!..
اما اخوها رايح جاي..رايح جاي..رايح جاي بالممر ومو قادر يقعد..
اللي يشوفه مايعرف انه طـلال اللي الضحكة ماتفارق وجهه حتى في اصعب الأوقات...
لكـن الثـالثـة ثـابـتـة!...

الأحـد..
الأسبوع الذي يليه..
25/3/1430..22/3/2009..
الساعة1:30..
حط الصحن قدامها..سمعت صوت الصحن وهو ينحط عالطاولة وخرته من قدامها..
اتنرفزت:الـرزان!،وبعدين يعني لازم تآكلين
:نهلة!،مو كذا عاد!!
رجع حط الصحن قدامها:حياتي لازم تآكلين،مو زين كذا
رجعت وخرته بدون ماتهتم..
نهلة..قامت بعصبية:انا ماقدر اتحمل دلع هالبنت اكثر
:انتي بترتاحين لما تذبحين عمرج صح!،خلاص انتحري وريحينا بـلا هـم
وقـام طـلال ورا امه بعصبية..تبادلوا النظرات فيما بينهم..وقام هو بعد ورا اخته..
وبقوا هم الثلاثة..فالتفت يأشر لهنادي "قـومـي"..فشالت صحنها وقامت بهدوء لازمها هالأيام بقوة!!..
سحب كرسيه وقرب منها..
فـارس:الـرزان،الـرزان،الـرزان!!..كان واضح انها بعيدة تمام البعد عن هالأرض وهالمكان تردد لكن مد يده بهدوء ولمس ايدها مرة ومرتين ماانتبهت فمسك ايدها انتفضت وجات بتسحب يدها بقوة لكنه مسكها بقوة لكن برقة..الـرزان سمعيني،اللي تسوينه مو في صالح احد واكيد مو في صالحج،من اليوم ورايح تبطلين هالحركات المجنونة اللي تسوينها مفهوم!
ماردت بس ابتسمت "ابتسامة استهزاء"..
فـارس..اخذ نفس(يـارب ساعدني..انا بقول اللي بقوله ومو داري بردة فعلها..تذبحني!..تهرب مني!..مادري وش بتكون ردة فعلها..لكن كل اللي ابيه اساعدها..و عشان اساعدها ممكن اضحي بكل شي):الـرزان ابيج تسمعيني،اوعديني تسمعيني للأخير بدون ماتبالغين في ردة فعلج،اوعديني
الرزان هزت راسها "طيب"..
فـارس..(يــارب):انتي تعرفين تماماً ان الأنتحار حرام وتعرفين عقوبته مو انا اللي اعلمج هالأشياء،ابيج تنسين فكرة الموت تماماً شيليها من بالج،صحيح انا ماعرف احساسج وشعورج، لكن انا مقدر مليون بالمية،فاهم الألم والعذاب اللي تحسينه،لكن تصوري عذابنا احنا تصوري عذابي انا لما اشوف ،اللي احبها وماقدر اعيش بدونها ومستحيل احاول اعيش بدونها حتى،تتعذب وتتالم وبكل مرة اغفل عنها ارجع اشوفها تحاول تنتحر!..شد على يدها..ارجوج ارجوج فكر فيني في كل اللي يحبونج،انا ممكن اموت وراج لو متي..سحب ايدها وحطها على قلبه..وماراح اسمح لج تحاولين بعد اليوم تتركيني،بحرسج اربع وعشرين ساعة و..ضـاع الكـلام وهو يشوف وجهها ينقلب لونه اصفر اكثر ولفت وجهها الجهة الثانية فحط يده الثانية تحت دقنها ولفها اتجاهه "كأنها تقدر تشوفه!"..شوفي عجبج ولا ماعجبج ماراح تتركيني مفهوم
هزت راسها "لا" وطاحت دموعها..ثمان ثمان..ضمها لصدره بشويش..وزاد صياحها...
من آثـار الحـادث على الـرزان..ارتجاج بسيط بالمخ..لكن..
سبب لها عمى مؤقت "زي ماقال الدكتور" >>هذا وهو ارتجاج بسيط!<<..وانكسرت يدها اليمين..
ومن الصـدمة ماعادت تتكلم "حقيقةً هي ماتبي تتكلم"..لكن..الدكتور طمن انها مسألة مؤقتة بالعلاج النفسي ممكن ترجع تتكلم "بمزاجها اكيد"...
صحت مرعوبة ويتصبب منها العرق!..قامت بسرعة وهي تتخبط تفتح الباب..تلفتت حولها بخوف..ركضت للمكان اللي حافظته بالـ صانتي..فتحت الباب بسرعة...
بينما كان مندمج في شغله..فجأة سمع حركة وانفتح الباب..كانت واقفة وشكلها ضايعة..خايفة.. بس خايفة الا بتموت من الرعب!!..وخر الاب توب والأوراق على جنب..
فـارس:كابوس جديد؟
ماردت وتغير وجهها..وكانت ملامحها وكانها تترجاه!!..
فـارس:تعـالي..وطبطب عالسرير..تعـالي،انا بظل صاحي اشتغل
قربت بشويش وهي تتلمس المكان حولها..وانسدحت عالسرير وتكومت حول نفسها..
فـارس..غطاها عدل وحط ايده على راسها بهدوء وقرا المعوذات وآية الكرسي وسورة الفاتحة و الآيتين الأخيرتين من سورة البقرة:رددي وراي،اعوذ بكلمات الله التامات من غضبه وعقابه،وشر عباده،ومن همزات الشياطين وان يحضرون
مسح على شعرها..لين نامت..ورجع لشغله بعد ماخفف النور شوي...
تثاوب وتمدد وفرك عيونه..التفت لقاها نايمة ببراءة الأطفال..اللي سلبت منها بقسوة..سكر الاب توب وجمع الأوراق ورتب كل شي ..خفف الأنوار اكثر وانسدح ومجرد غمض عيونه نام...
قام على رنين المنبه اللي صم اذانه تقريباً لانه تأخر في القومة..لكن حس بشي غلط..فتح عيونه وتفاجأ..ايده حول كتوفها وهي حاطه راسها على صدره وماسكة ببلوزة البجامة!..مد يده وطفى المنبه بسرعة،
الظاهر من التعب ماحست فيه.. الحمدلله..خليها تنام زي الناس..بدل نوم القطارة اللي تعبها
،وسحب الجوال من جنبه..وبهدوء..
فـارس:الـو،صبـاح الخـير
:صبـاح النور،استاذ وينك تأخرت نص ساعة؟!
فـارس:اششش بشويش،اسمعيني عبيـر انا بتأخر اليوم،يمكن بعد ما اجي
عبير:خير استاذ عسى ماشر؟
فـارس..(لقـافة!):أبداً ظرف عائلي،اذا في أي شي مهم سجليه لي،واذا مهم مرة دقي عليّ دقة وحدة مفهـوم؟
عبير..واللقافة بتقطعها:مفـهوم استاذ
فـارس:مع السلامة
وسكر بدون ماينتظر ردها..رجع طالعها وابتـسـم...


الآن..السـاعة4:30..
الطقـس..ممـطر..
كان فاتح المظلة ينتظرها عندالباب.. طلعت وهي تعدل جاكيتها "بربري" الأحمر المفضل عندها.. وحطت شنطتها الـ"بربري" على كتفها ومشت وهو وصديقه وراها..،
يـالله!..مزعج انك تكون ملاحق ومراقب..وكأنك كائن "مادري وش تحس به؟!"..يعني هو يصير دبلوماسي وانا اللي اتوهق!!..العالم صارت تفكرني شخصية مهمة من جد!!
،..فتح الباب لها..طالعته بغيض وركبت ..،
وانا ياللقهر مابيدي اسوي شي..كافي محاضرات عن "انتبهي على نفسج" من الاستاذ..بالله يعني هالأرهابيين بيحطون همهم عليّ..أبد من يحطون خططهم بيقولون يـلا نخطف الرزان!!..بــلاعبــط!!
،..طالعت من نافذة الـ لينكون السودا المظللة الفخمة..المـطر وهو ينهمر بقوة..بدون ماتحس من التعب غفت...حست بأحد يناديها بسرعة فتحت عيونها وتعدلت..
:Ma'am!,we arrive
الرزان..طالعت برا:Oh!,yeah thank's
كيف نمت انا الغبية..المجنونة!!..وماتبين يصير لج شي بعد
،نزلت بسرعة وهو حاط لها المظلة..دخلت البيت وهم ظلوا واقفين برا..
الـرزان:فـران،فـران
:فـران مين ياحلوة اليوم اجازتها!!
الرزان:بسم الله!،هنـادي!
هنادي..ابتسمت وتخصرت:للحين ماغيرت اسمي،عندج مانع!
الرزان..ابتسمت:أبداً البيت بيتج
هنادي:يصـير خيـر!
فصخت جاكيتها وعلقته وحطت شنطتها على جنب..
هنادي:الـو يالصامت!،كيف حياة العز والبودي غارديات؟؟
الرزان:لوعة كبد،اذا تبين تبادلين ماعندي مانع!
هنادي..ابتسمت وغمزت:مو بايعة عمري،سـوري
الرزان..ابتسمت:مالت عليج
هنادي..لحقتها عالمطبخ:مافي اكـل!!انا جوعانة
الرزان..التفتت عليها:نعـم!!،ترا بيتنا مو مطعم!!،وانتي دائماً جوعانة يالمشفوحة!!
هنادي:عطيني عين عطيني
الرزان:على وشو ياحسرة!
هنادي:اقول بس عندج اكل!،بتسوين شي!،ولا ارسل واحد من هالفحول اللي برا؟!
الرزان:لا،انا بسوي بس،انتي تغسلين الصحون
هنادي:نعـم؟!،انا دفعت لخدامة تنظف شقتنا عشان البنات مايقطون عليّ شغلة وانتي تبيني اغسل الصحون!!،ان شاء الله عمري ما اكلت
الرزان..ابتسمت:حالتج صعبة!،خلاص مابي منج شي بآخذ من وراج اجر و بأكلج،يـامال البلعة
هنادي:لاتدعين!
الرزان..ابتسمت:مو داعية
فصخت حجابها..ورفعت شعرها ورفعت اكمامها..وبدأت الشغل...
بعد ساعة كانت تنفض الشراشف وترتبها عالسرير..وتلبس المخدات..بيد وحدة..فاضطرت هنادي تساعدها..
هنادي:بـالله انتي ليش تتعبين عمرج وفران بتجي بكرا وترتب كل شي!!
الرزان:احب اسوي هالأشياء لحالي
هنادي:اجل وش فايدتها هي؟؟
الرزان:هي للضرورة،لكن اذا انا فاضية ليش مااسوي هالأشغال بنفسي..لما شافت تعابير هنادي.. شالغريب لهالدرجة!!،انا تعلمت اعتمد على نفسي من يوم انا صغيرة،وماكان عندي احد يدللني ولا خدامة تضف من وراي وترتب،وابشرج حتى ملابسي مااخلي فران تغسلها،احسها اشياء خصوصية مفروض انا اسويها،طبعاً هي متكفلة بغسيل اخوج الكسول وكل ملابسه
هنادي..ابتسمت:تدرين انتي اللي حالتج صعبة!!
الرزان..ابتسمت والقت نظرة اخيرة عالسرير:يـلا بس وراي غسيل الصحون،بعدين بقعد أذاكر فلا تاخذين راحتج بالقعدة
هنادي..ابتسمت:قوية الطردة،طيحتي خشمي..وانحنت..لحظة لحظة اشيله
الرزان..ابتسمت:الحمدلله والشكر
تطوعت هنادي لأول مرة في حياتها وقعدت تغسل مع الرزان الصحون..بس تجففهم وصدقت عمرها تغسلهم!!..
هنادي:اقول رزون ماقلتي لي للحين،كيف صرتوا تنامون مع بعض؟؟
الرزان:هنـادي!مابتبطلين!!
هنادي:أبداً لما تقولين بفكـر
الرزان:حصل صدفةً أيام..بلعت ريقها..الحادث
هنادي:الله لايعودها من أيام،طيب ماصار شي؟
الرزان..خزتها:هنـادي!
هنادي:من جـدي!،ماصار شي أبداً؟!!
الرزان:ولاشـي أبــداً،ارتحتي!
هنادي:أبـداً،ليش ارتاح!!مافي سبب يدعو للراحة في هالموضوع!!،مالت عليكم بس
الرزان:هنـادي!
:هنـادي!!
التفتوا ثنتينهم مخترعين..
هنـادي+الـرزان:فـارس!!
الرزان..همست:سمع شي؟!
هنادي..همست:وإذا!!..طالعته من فوق لتحت..اشفيك تطالع فيني كأنك شايف جني،بينما العكس الصحيح
فـارس..ابتسم واستند على طاولة البار:ياسبحـان الله،شاللي صاير اليوم؟؟،هو المطر نازل ولا الألهـام!!،هنـادي بنت صـالح الـ.... بجلالة قدرها تغسل الصحون؟،ياللـهول
الرزان:تغسـل الصحون!،تلعب على عمرك انت!!،جالسة تجفف وقاصة عليّ مخليتني اغسل الصحون اللي بلعت فيهم،تقول لي تغسل الصحون!!
فـارس..ضحك:اف اف حاقدة..قرب ومسك دقنها وهزه..توج صغيرة عالحقد
الرزان..ضربت يده:صغيرة بعينك
فـارس..ابتسم"ابتسامة خبيثة":ان شـاء الله مو صغيرة،كبيرة كبيرة مرة
الرزان..خزته:يعنـي!..لما طالعها بنظرة البراءة رمت اسفنجة الصحون من يدها..بطل حركات الأطفال وبـلا سخـافة
فـارس..مسكها لما مرت جنبه وباس خدها:مسـاء الخـير اول!..وهمـس بأذنها..لاتنسين عندنا موعد اليوم
الرزان..تغير وجهها:هنادي في شغلة ابيها من غادة،لما تجين تروحين عطيني خبر بروح معاج
هنادي..وهي تحلل اللي يصير حولها(من فترة تغيرت تصرفاتهم..وتقولي ماصار شي!!..معقول! ..بس مصيرج تقرين يارزون):اوكـيك
عجيب غريب التغير!!!..من بعد الحادث..يعني من شهر..الرزان وفـارس يروحون حق طبيب نفسي..عشانها..وعشانهم..
نصحهم يطورون بعلاقتهم خطوة بخطوة..بالطريقة اللي يبونها لكن المهم خطوة بخطوة..فأختاروا انهم يتعرفون على بعض اول شي..ويذيبون الحواجز الأساسية اللي بينهم..وشوي شوي الحواجز الداخلية..
وبدوا يتبعون الأسلوب "الغربي" ويطلعون في "مواعيد"..طبعاً ما اقولكم خوف الـرزان من هالفكرة..او من العلاقة كـكل..
لكن تكيفت بسرعة "ميزتها تتكيف مع كل شي بسرعة حتى الألم!" وتعلمت تعيش الوضع..
بس ماتطورت حقيقةً كثير..فـارس يجيها يمين تروح شمال!!..
لكـن محد قـال في شي يجي بسهولة!!...
طلعوا هم من هنا..رفع سماعة التلفون من هنا..واستدعى فرق الأنقاذ..
مسك له السلم وهو يصعد:جاوبني بصراحة،انت ليش تسوي كل هذا؟!،تساعدها ولا حاجة في نفس يعقوب؟!
فـارس..كان يشتغل بهدوء:حمـد!!،حسيت نفسي فجأة االوحش في فيلم الجميلة والوحش!!
حمـد..ابتسم:الصراحة،انت شي زي كذا!،يعني تخيل انها تكتشف انك تمثل عليها!!،مع اني اشك انه تمثيل!،تتصور شلون بيكون شعورها،الغريب انها ماحست للحين!!و هي اللي معروف عنها سرعة البديهة والنباهه!!
فـارس..نزل من على السلم وطالع باللوحة:بعد الحادث صارت مشتتة،ماعادت هي نفسها
حمـد..مسكه:بذمتك فـارس ماتحس بأي شي اتجاهها!!
فـارس..بقت تعابيره جامدة:كانت بالبداية في رغبة،لكن بعد اللي صار حسيتها مثل بنتي اللي اخاف عليها مثل مااخاف على نفسي
حمـد:بنتك!!،مبالغة فظيعة قول اختك ببلعها لكن بنتك!!وين!!،حتى لو متزوج بدري ماجبت بنت كبرها!!
فـارس..طالع بعيد:انت مو فاهم،هي بداخلها طفلة طفلة ماتحررت لان الحوادث اللي صارت لها قيدت هالطفلة بداخلها،هي عاشت حايتها تتظاهر انها كبيرة وهي من داخلها طفلة ماعاشت طفولتها،انا ابي اساعدها عشان تعيش حياتها بشكل طبيعي،هي بالفترة الماضية قبل الحادث كانت تعيش الطفولة،وهالفترة تعيش المراهقة باضطرابتها،باقـي
حمـد:باقي الخطوة الأخيرة بأنها تعيش كأمرأة!،مادري ليش حاس انها ماراح تسامحك عاللي تسويه،في النهاية بتكتشف ان اللي عاشته كذبة وراح تتألم كثير،مو كافيها ألم!!
فـارس:لازم تعرف ان في كثير ممكن ياذونها ويلعبون عليها،انا نيتي سليمة لكن غيري لا
حمـد:انت تظن انها ماعرفت طينة البشر لسه!!،بعد ماتعرضت للتحرش ثـلاث مرات!!،والله لو حمار ومايفهم بعد الثالثة فهم طينة الحياة والبشر،بس عالعموم انت براحتك،اذا تبي تعيش في كذبة زي اللي معيشها فيها،براحـتك


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 28
قديم(ـة) 08-08-2010, 03:52 PM
ملولكة ملولكة غير متصل
©؛°¨غرامي مشارك¨°؛©
 
الافتراضي رد: رواية جيتك أمانة أنقذيني / للكاتبة : شمعة الصداقة


فين التكملة
تسلم ايدك

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 29
قديم(ـة) 11-08-2010, 07:38 PM
صورة روح زايــــد الرمزية
روح زايــــد روح زايــــد غير متصل
مستشــ¸.·* غرام *·.¸ـــاري
 
الافتراضي رد: رواية جيتك أمانة أنقذيني / للكاتبة : شمعة الصداقة


انتهى الإعداد..دقت الساعة..10:00مساءً...
انفتح الباب..شمت ريحة الأكـل الخطيرة..وصوت الميوزك الناعم دخل اذآنها..
وقف قدامها وهو يبتسم..سكر الباب وراها وعطته عبايتها وشيلتها..حبس انفاسه..ماكان متوقع ابداً،
أبداً ماتوقعت هالجرأة منها!!
،الفستان الأخضر القصير الى فوق الركبة وظهره المفتوح فتحة تكشف الظهر كله..والشعر الأحمر!!..
فـارس:متى صبغتيه؟؟
الـرزان..ابتسمت:حلـو؟،لسه صابغته
فـارس..ابتسم:يناسبج
الرزان:ثانكـس
انتبه للدبلة اللي بأيدها ذات الأظفار الحمراء نقلتها من اليد المكسورة الى اليد السليمة..في الخنصر الأيسر!!،
مفآجأآت كثير الليلة؟!!
،..خمن ان هالليلة ماراح تكون زي ماتوقع!!،
أبــداً!
،..وداها لغرفة الطعام اللي تعبوا "الشباب" في تجهيزها..
الرزان..ابتسمت:واااو متعوب عليها ؟!
فـارس..ضحك:من قلـب
سحب لها الكرسي وجلست..قريب منه اكيد..و قدم اول اطباق العشا..وبدوا ياكلون..
الرزان..ابتسمت يوم مد لها اول ملعقة:ترا تعودت آكل باليسار مو لازم تاكلني
فـارس..ابتسم:انا اشتكيت!،يـلا بس فتحي فمج
الساعة 10:50..قام يغير سي-دي الميوزك..
فـارس:لو ايدج مو مكسورة كنا رقصنا،بس...
الرزان..قامت وهي تبتسم:واذا؟،مايمنع انّا نرقص..وراحت وقفت جنبه..ايش بتحط؟..وشافت السي-دي..لا لا هذا ماينفع،وخر انا بحط اللي ابيه..و وخر عن طريقها وبدلت السي-دي ومدت له يدها "السليمة"..shall we dance؟
مد لها يده..

{من يومي عايش ليك..وحياتي واقفة عليك..انا كنت ايه قبلك انا وانا حبقى ايه بعديك
..خايف مع الأيام تنسى اللي بينا أوآم وبخاف آلاقي فيك حاجات زمان ماكنتش فيك...

في الصالة والأنوار كلها مطفية الا نور من غرفة الطعام..كانوا بالوسط يرقصون..وبتهورها المعتاد شالت الـ Sling من يدها ورمتها،
بضحي اليوم بس..عشان يتحقق اللي ابيه..ويصير اللي ببالي
،..انصدم لما شاف انها شالت الجبس ويدها ملفوفة بلفة عادية بس!!..وحاول يحتج ابتسمت وقربت وحطت اصبعها على شفايفه..وبالرغم من الصدمة ابتسم لها..و قربت اكثر ورجعوا يرقصون..وهي كل شوي تقرب اكثر..واكثر!!..

ياحبيبي توعدني أمنتك امانة بلاش مانساش وانت ماتنساش..ولا اتغير وتتغير والدنيا ماتبعدناش
ياحبيبي توعدني لو نبعد سنين وسنين..ونعيش ويا ناس ثانيين
..مافيش حاجة في يوم تقدر تنسيك كان حبيبك مين...}

كل تصرفاتها دعته..وهو اجاب الدعوة..غمضت عيونها وابعدت مشاعر الخوف بعيد بعيد..و....،
oh my god what did I do!!what did I do..رزون تمالكي اعصابج..مو وقته تفقدين السيطرة على نفسج!!..الحين الوقت المناسب
،..ببطء لفت ايدينها حول رقبته ولصقت فيه اكثر..بما انه ذكي فهم الأشارة..و...

[..الجـزء الخامـس والعشـرونــ ..]

صحى على صوت اذآن المنبه..فتح عيونه وتمدد..التفت و!!،
وين راحت؟!..معقولة قامت بدري!! ..غريب!..بس الأغرب تصرفاتها امس!!
،وابتسـم،
بس بعدين بان شعورها الحقيقي..كنت واثق انها تمثل..بس لما وصلت الى نقطة اللاعودة خافت..بس برضو ماطلعت خوفها الحقيقي!!
،قـام للحمام "الله يكرمكم"..فتح الباب،
توقعتها بالحمام!!..يمكن راحت الحمام الثاني!!
،دخل...
تسندت عالباب بهدوء وهي تلهث..بعد ماراحت ركض تاخذ الجوال..،
ياربي على مين ادق!..مين اسأل!!..وش هالورطة!!..مو معقول ادق على امي!بتسوي لي فضيحة..و هنادي ماتقدر تفيدني ولا ريمـا ولا نورة!!..ياربي!!..علياء!!مستحيل..نوفي!!مادري
،..كانت تقلب بقائمة الأسماء ووقفت،
بالضبط..هي المطلوبة..لانها تعرف عني وعن فـارس وهو يقولها كل شي كل شي..واكيد بتفيديني..بس يصير اتصل لها بهالوقت كم تكون الساعة عندهم؟؟
،طالعت ساعة الجوال،
لا لا صعبة اتصل عليها بهالوقت..مالي الا نويف ازعجها..توكلنا على الله
،..ودقت على اختها..رن الجوال..و رن..و رن..و رن،
ياربي..نويف ردي عاد!..لا...،..
:الـو!!
من فرحتها ماقدرت ترد!..
:الـو!!،عمى وش قلت الحيا ذي تتصلون بهالوقت تستهبلون!!
الرزان:الو نوفي انا الرزان
نـوف..قامت:الرزان!!،اشفيج؟اشصاير؟؟،انتي مستوعبة الساعة كم؟؟
الرزان:أي انا آسفة،بس والله السالفة طارئة وماتستحمل التأخير
نـوف:خـير ان شاء الله؟؟
الرزان..ترددت:ابي اسألج عن شي
نـوف:تسأليني عن شي؟؟،الـرزان سألي خلصيني اشفيج؟!!
الرزان:كيف اتسبح بعد،بعد،بعد...
نـوف:الـرزان!!،تتسبحين!!بعد وشو؟؟
الرزان:بعـد،بعد،اوه اللي تعرفين
نـوف:اللي اعرف؟؟..سكتت تفكر وتفكر(الناس تتسبح بعد ايش؟؟..شي الناس يتسبحون بعده؟!..الحلوة؟..الـ...اهــااااا)وابتسمت..تقصدين بعد الـ ....!!
الرزان:احم احم،أي
نوف..مسكت ضحكتها:من صجج!!..وسكتت..لحظة لحظة،انتي متزوجة من اربع شهور وماتدرين؟؟
الرزان..توهقت(رحنا وطي!):لا لا اعرف بس امس قريت طريقة وفكرت يمكن طريقتي غلط فقلت اتأكد قبل مااصلي الفجر وتطلع صلاتي باطلة!
نـوف..مااقتنعت:اهـا!طيب،بنفس الطريقة اللي تغتسلين فيها بعد الحلوة،بس فيها اختلاف بسيط سمعي...
اطمئنت ان المكان فاضي..وركضت للغرفة..بعد الصلاة..نزلت ركض ولبست عبايتها المعلقة..
وطلعت ووراها البودي غاردز..وراحت الـ Greenpark
كالعادة تمشي لمدة ساعة بعد الصلاة>>العالم هناك توهم يرجعون من برا!!..والأخت تسوي رياضة!!..رواقـة<<..
لكن هالمرة كانت بس تبي تتجنبه والا هي متكسرة ومافيها تركض كالمعتاد..فخلت الرياضة مشي سريع..وحست بالغصة وهي تمشي،
ياربي انا مجنونة ولا ايش!!..انا ليش سويت كذا ليش؟؟؟..غباء يارزون غباء..
بس كنت ابي اثبت لنفسي اني اقدر اسويها وان مافي شي يخوف..وكيف شفتيه؟؟..
مادري!!..كنت بعد ابي اثبت له وللكـل اني انسانة زي زيهم بالنهاية..
ولما اخترت عدم الزواج ماكان السبب عقدي النفسية او شي زي كذا بس لأسبابي الخاصة..بس هم مافهموا ولا بيفهمون...
،خنقتها الغصة وقامت تصيح..وصارت تركض وتركض والدموع تتساقط...
اللي يمشون وراها ماتجرأوا يعلقون مع انهم استغربوا!!...
وقفت فجأة لما حست بشي على راسها..مدت يدها ولمست الشيلة..لقتها مبللة!!..رفعت راسها..المطر كان ينهمر...
ركض يحط مظلة فوق راسها..فأشرت له "لا".. غمضت عيونها وهي تحس بالمطر يبللها..رفعت راسها وخلته يبلل وجهها..كأنها تبيه يغسل همها ويطهرها من الألـم...
فتحت الباب بتردد..خافت تلقاه بالصالة ولا بالمطبخ..سمعت صوت بالمطبخ..ركضت تصعد..
تسبحت وبدلت ملابسها..طلعت من الحمام "الله يكرمكم"..
فـارس:انتي وين كنتي؟،لحظة لحظة،انتي ايش قاعدة تسوين؟؟
الرزان..تحركت تجمع ملابسها بدون ماتهتم له:اللي تشوفه
فـارس:انا اشوف بس مو فاهم،فسري لي رجاءً ليش قاعدة تلمين ملابسج؟؟
الرزان..بدون ماتلتفت عليه وببرود:اللي تبيه صار وانا الحين بروح اقعد مع طلال
فـارس:انتي عن وشو تتكلمين؟؟
الرزان..قطت اللي بيدها في الشنطة والتفتت:توقعت اني بصدق كذبتك؟،الا على فكرة الى متى كانت بتستمر هالكذبة؟؟،ولا تقولي رجاءً انك كذبت عشان مصلحتي،انا مو حمارة عشان اصدق هالكذبة بعد،واذا فرضت انك كذبت عشاني،انت بعقلك ان الكذب بينفعني!!
فـارس:أي كذبـة؟؟
الرزان..وصلت معاها:لاتستهبل عليّ،كذبة احبج واموت فيج هاذي،انت وياللغباء نسيت اني ما اؤمن بالحب!!ولا اصدق كلامه الفاضي!!،انا انصدمت لما قلت الكلام اللي قلته،فكرت عشاني عميا مابقدر اشوف الحقيقة!!،مع اني كنت مااشوف الا اني مافقدت حاسة السمع واللي سمعته كان يوضح ان كل اللي تقوله كذب،انا مشيت معاك بالكذبة لشهر وانا استنى متى؟متى؟تنتهي الكذبة؟؟انا خلاص تحسنت وش ينتظر؟؟،لكن بالأخير فهمت الخطة تبيني "اتحـرر" على حد قولك!!،هههـ هههه والله ضحكتني،احد قالك اني مسجونة عشان تحررني حضرتك!! انا مو سندريلا اللي تنتظر الأمير ينقذها ولا الأميرة النائمة اللي تنتظر الفارس الشجاع يصحيها ببوسة!!،لكن تبي الصراحة انت اثبت لي زيادة ان اللي كنت مصرة عليه هو الصح وهو عدم الزواج..ابتسمت ببرود وقسوة..شكراً على التحرير
فـارس:يعني اللي سويتيه امس كان...
الرزان..قاطعته:امس كان تحدي مني لك،كنت ابيك توصل للي تبيه بأسرع مايمكن،لأني ماقدر اتحمل هالتفاهة اكثر هالشهر مر عليّ كأنه سنة..رجعت تجمع اغراضها..روح لحبيبة قلبك وقولها انتهت اللعبة تقدر تتهنى فيك الحين..وطالعته بطرف عينها..انتوا الأثنين تستاهلون بعض،تفكرون الناس لعبة هي قالت "تزوجيه وانقذيه!..انا مابيه وخلاص نسيته" وكله كلام فاضي!!،وانت وعدت "مالي علاقة فيج ولا لج علاقة فيني..وماراح تكون بينا أي نوع من العلاقات او المشاعر مستقبلاً" وفجأة تبي تحررني من عقدي!،ليتكم مرة تثمنون الكلام اللي يطلع منكم
فـارس:انتي اللي مو قاعدة تثمنين الكلام اللي تقولينه
الرزان:بتنكر ان المدام ماقعدت تتبادل النظرات معاك قدامي!هذا وهي ماتعرف عن طبيعة علاقتنا!!وغير انها ملكت على واحد ثاني!!،انا كنت متفهمة معاها نصحتها اكثر من مرة تبجبجت وسوت لي فيها البريئة!وتغاضيت،وتنكر ان حضرتك كنت ملتزم بوعودك نسبياً!! نظراتك اللي من ورا لورا..تغير وجهه وعاد للجمود..اكيد كنت منتبهة انا ممكن احس بهالنوع من النظرات من امتار بعد اللي مريت فيه،وماتنكر اكيد تلميحاتك المفاجأة من وقت لوقت عن راكان وخالد والشباب ولا!
فـارس:كان هالشي لمصلحتج
الرزان:رجاءً لاتكرر كلمة مصلحتج قدامي،انا اعرف بمصلحة نفسي
فـارس:غريب ياللي تعرفين مصلحة نفسج كيف لاحظتي نظراتي ولا لاحظتي نظرت غيري!!
الرزان:انتبهت اكيد،و اكيد انت لاحظت ان هالنظرات تغيرت لأني عاتبت اصحابها
فـارس:وبعدين؟
الرزان..سكرت الشنطة:وبعدين؟!،الطـلاق يا أستاذ بعدين..لفت الشيلة بسرعة وشالت شنطة اليد..انا بكتفي بهالملابس وبخلي هنادي تجيب لي بقية الأغراض..طلعت مفتاح السيارة ورمته عليه ومسكه..احتفظ في هداياك لأني مو بحاجتها
شالت شنطتها ومرت من جنبه بدون ماتطالعه..الصدمة جمدته،
شـاللي صار بالضبط؟؟
،..تحرك بسرعة ولحقها وهي تفتح باب البيت..
فـارس:انتظري،أي طلاق يالخبلة واحنا ماصار لنا اربع شهور من تزوجنا!!وش بتقول امج؟ وش يقولون الناس؟
الرزان:مايهمني،أمي بتتقبل في النهاية والناس مصيرهم يتعبون من الكلام..قطت مفتاح البيت عالطاولة..بمجرد ماتنقل اغراضي انسى اني كنت موجودة هنا،ورجاءً مابي ازعاجات واتصالات
فـارس:واثقة من نفسج مرة؟،انا ماافرض نفسي على احد مايبيني
الرزان:انا متأكدة من هالشي،وماكنت اقصدك انت،انا اقصد اللي بالسعودية،عشان كذا لاتنشر الخبر الا لما تكمل معاملة الطلاق،have a happy life
بدون ماتعطيه فرصة يرد..طلعت وسكرت الباب وراها...
[..الجـزء السـادس والعشـرونــ ..]

فتحت الباب..قطت المفتاح عالطاولة و الشنطة عالأرض..شافت باقة "صفراء" كبيرة قدامها..
تقدمت واخذت البطاقة {ادعــي عليّ بالمــوت..بس..لاتفارقنــي دخـيل الله وتغيـب..طـاري السفـر يابعد عمري همنـي...
الف بعد الشر على قلبك ياقلبي..ليت جروح القلب تنمحي زي الكتابة. كنت محيت جروح قلبك...انا معاك ياقلبي لو سافرتي لآخر العالم انا معاك}..
كالعادة بدون توقيع..،
هالأنسان بيطير عقلي!..شلون عرف اني بسافر!!!
،..كثرت هدايا "المعجب المجهول" من بعد ماتركت البيت..اخذ راحته الأخ..وهو يواسيها!!...جلست بتعب على الكنبة وغمضت عيونها..

الجمعـة..
26/6/2009..3/7/1430هـ..
الساعة6:30..
"آخـر يـوم في الامتحانات"..
طق الباب..فتحت بسرعة..وابتسمت..
:مسـاء الخـير والأحسـاس والطيبـة،هـا بديتي تجهزين الشنطة؟؟
الـرزان..رجعت ترتب شنطتها:افـا عليك من اول مارجعت،طـلال متأكد ان ماحد بيدري وين بنروح؟؟
طلال..ابتسم:بديت احس اننا حرامية هربانين،أي متأكد قلت لهم اننا مسافرين وبس،بس انتي ماقلتي لي ليش ماتبين احد يعرف؟!
الرزان:بعدين،روح جهز شنطتك،لاتبالغ بالعفسة ترا كلها ثلاث اسابيع
طلال..ابتسم بحماس:وأي ثلاث اسابيع في تركيا فلـة،انا بعفس على كيفي انتي عليج من عمرج
الرزان:كيـفـك
اليوم راح يكون الحسم والقرار..إذا..أو!..يارب يارب مايصير..يــارب
،..رجعت لشنطتها وبراسها تدور ملايين الأفكار..دق الجرس..لفت الشيلة و بسرعة راحت تفتح..
الـرزان:فـارس؟!
هذا من وين طلع؟؟..شهور..أي شهور!!شهرين بالضبط شهرين ماشفته..اوه!..لالالا مو وقته.. يـاربي مرة مو وقته...،..
فـارس:بتطولين!!..انتبهت له..طـلال وين؟
الرزان:هنا ايش تبي فيه؟؟
فـارس..طالعها من فوق لتحت:ماظن يخصج،بتنادينه ولا شلون انا أساساً متعطل ومتأخر!!
الرزان:الحمدلله والشكر..التفت ووصلت لنص الشقة..طــلال،طــلال المستر هنا يبيـك،طــلال
طلال:اوه المستر!،اقصد فـارس هـلا،خلصت الأوراق؟؟
فـارس:أيـه،ماراح يسوون لكم أي مشكلة
طلال..اخذ الأوراق من يده ومسكه:ادخل طيب ابيك بشغلة
فـارس:ياليت بس ماعندي وقت
طلال:دقايق بس مابتآخذ من وقتك شي
جات من ورا طلال..
الرزان..همست بأذنه:احسن لك بلا هالحركات،خله يروح
طلال..ابتسم:مالج داعي!!،اشدخلج!!ترا مو كل شي يدور حولج ياملكة العالم فكينا الحين، فـارس طلبتك عاد دقايق بس
فـارس:ثلاث دقايق مو اكثر
طلال..ابتسم:تآمر أمر،الحقني عالمطبخ..اشر للرزان..انتي هاي ابقي بعيد اوكي
الرزان:انتي هاي!!..ابتسمت..هاي ضف وجهك اوكي
وراحت الغرفة،
ياربي ياربي..مو وقت سخافة طلال الحين!!
،...صب له فنجان قهوة "تركش كوفي"..وجلس قدامه..
طلال:يفترض مااقول لأحد وين بنروح،بس انت سبق وعرفت،هي ماقالت للحين سبب هالتكتم!!، الكل مستغرب وحاولوا يمين يسار يعرفون شي وخصوصاً امي بس الحمدلله اقتنعت بالنهاية،انا الفضول بيقتلني عشان اعرف السبب،هو في شي صاير؟؟غير اللي سبق وعرفته!!
فـارس:أبداً انت عارف كل شي،وبعدين من متى اختك تتفسر تصرفاتها!!،ماعلينا لما توصل عطني خبر اوكي
طلال:اوكي،بس انا ماراح آخذ جوالي..طلع الجوال من جيبه..خله عندك عشان اذا احد دق انا مالي خلق تحقيقاتهم زيادة،حفظت فيه الرقم اللي بستخدمه بأسمي،اذا شي ضروري عطهم رقمي واذا لا لو ايش لاتعطيهم اياه،وخصوصاً خالي خالد ترا بيأذيك و بيصدع راسك فالأحسن حط الجوال صامت
فـارس..ابتسم:لاتشيل هم خلاص عندي
طلال..ابتسم:أي والحنانة اختك رجاءً ماتقولها شي لاتأذينا هي بعد،الرزان ماقالت لها شي
دق الجرس..وراحت ركض تفتح..وهو طلع يطل من المطبخ..
طلال:بسم الله جيب سيرة القط،هاذي اختك المصونة
نطت عليها تضمها..والدموع بعيونها..
الرزان..همست:وشـو؟؟وش النتيجـة؟؟وشو قولي؟؟..بعدت عنها..وشو تكلمي؟؟..صرخت..هنـادي نطقي الله يخليج؟؟
تخرعوا اثنينهم و طلعوا من المطبخ..
فـارس+ طلال:خـير؟!!
هنادي..تخرعت لما شافته:فـارس؟!..طالعت في الرزان ومسحت دموعها..أبداً ولا شي،سوري خرعناكم بهبالنا
الرزان..وقفت لما مسكتها هنادي بتسحبها:هنـادي؟؟
هنادي..همست وهي تسحبها:الرزان لاتصيرين خبلة كذا مو هنا تعالي داخل
تعدلت وسحبتها وهي تركض للغرفة..
هنادي..همست:شوي شوي طيب!!
الرزان..سكرت الباب بقوة وقفلته:طلعيه
هنادي..طلعت ظرف من شنطتها ومدته لها:هدي اعصابج رزون اوكي
فتحت الظرف بعصبية وسحبت الورقة ونفضتها وقرتها..قطت الورقة..جلست عالسرير وحطت راسها بين ايدينها،
حـامل..حـامل..لا ياربي لا لالا..ياحمـارة يارزون ياحمارة..هاذي نهايتها حـامل..آآآخ ياربي شسوي الحين..شسوي!!!،..
هنادي..حطت ايده حول كتفها وضمتها:حياتي هدي الحين،بعد ماترجعين من السفر فكري وش بتسوين وقرري
الرزان:كله منه كله منه،اجـل انا اصير حـامل انا!!
هنادي:بلا سخافة رزون انتي بالنهاية انسانة طبيعية!!
الرزان..تعدلت ومسكت ايدينها:اوعديني ماتجيبين سيرة لأي مخلوق،اوعديني
هنادي:أوعدج أوعدج،بس انتي اوعديني تنتبهين لنفسج وماتتهورين
الرزان..التفتت:بحـاول
هنادي:لا مو تحاولين،اوعديني ماتسوين شي اهبل اوعديني!،حياتي انتي مسؤولة عن هالبيبي وتعرفين انه حرام انج تضرينه بأي طريقة من الطرق حبيتيه ولا ماحبيتيه
الرزان:خلاص أوعدج أوعدج
آآآخ ياربي ماكنت دارية بـ وشو ورطت عمري!!..غبية حمارة بقرة..ارتحتي الحين ارتحتي صرتي مسؤولة اجبارياً عن حياة طفل!!،..
هنادي..قامت:انا بروح ،طيارتي الساعة8
الرزان..وقفت وضموا بعض:توصلين بالسـلامة
هنادي:الله يسلمج،وانتوا بعد توصلون بالسلامة ان شاء الله،انتبهي على عمرج اوكي
الرزان:اوكي..وصاحت..هنادي ماقدر ماقدر...
هنادي:حياتي عندج وقت تتأقلمين مع الفكرة هناك،لاتقررين تماماً الا لما هو يعرف لو درى سويتي شي من وراه ترا مابيسامحج،وانا بعد ماراح اسامحج..هزت راسها..يـلا اشوفج على خير
طلعت وتركتها..سكرت الباب وتسندت عليه وهي تصيح..جلست عالأرض وراسها بين ايدينها وهي تصيح..وتصيح..وتصيح...
[..الجـزء السـابع والعشـرونــ ..]

نزل من السيارة بسرعة وهي قبله..وصلوا عند الغرفة شافوا طلال واقف ويا هنادي..
:طلال،طلال وش صاير؟؟طمني؟؟
طلال:مـامـا!هدي شوي،الدكتورة عندها داخل ماعرفنا شي لسه
:طيب وش صار؟؟
طلال:أبداً هي اقترحت نرجع بدري لانها صارت تتعب بسرعة،يوم ركبنا الطيارة ماكان فيها شي لما اقلعت الطيارة قالت انها تحس بدوخة فانسدحت وبعدين قامت ترجع وترجع وبالأخير اغمى عليها،وقدر المستطاع حاولنا نخليها تصحى وصحت الى ماهبطت الطيارة اغمى عليها مرة ثانية وعلى طول جبناها بالأسعاف اللي كان ينتظرنا
:والسبـب؟؟
تبادل نظرة مع هنادي..
نهلة:هنادي اشفيها الرزان؟؟
هنادي..ترددت:الرزان،امممم الرزان ،الرزان حـامل
خالد:حـامل!!!..همس لطلال..هاذي من صجها؟!
طلال..همس:أي نعم
خالد..همس:شلـون؟؟
طلال..همس:بعدين بعدين
نهلة:بأي شهر؟؟
هنادي:بقى لها اسبوع وتدخل الشهر الرابع
نهلة:ليش ماقالت؟؟
هنادي:ماكانت تدري،عرفت قبل السفر
نهلة:مدامها عرفت قبل السفر ليش سافرت؟،السفر متعب بالشهور الأولى خصوصاً انها بكر
خالد:نهلة هي وش يعرفها بهالأشياء!!،ولا ماتعرفني بنتج
نهلة:أي والله طول عمرها بتظل هبلة،طيب فـارس وينه؟..لما تبادلوا نظرة ثانية..ماسافرمعاكم؟؟
مايدري عن زوجته؟؟
طلال:الرزان وفـارس انفصلوا قبل السفر
نهلة:وشـو؟؟،وليش ماقلتوا!!،انتوا وش اللي صار لكم بالضبط؟!!،ماتقولون شي وبس تخبون!! ترا الدنيا مو لعبة!!..وجلست..ياويلي منكم ياويلي بتجلطوني،هالبنت زي ماذبحت ابوك بتـ...
خالد:نهـلـة!!ماله داعي هالكلام
طلال:خلها خلها هي مايطلع اللي بقلبها الا لما تكون بنتها بين الحياة والموت!!
نهلة:وانا صادقة،يعني مافكرت طول الفترة الماضية تقولي مرة انا وفـارس انفصلنا،لكن طبعاً الآنسة لقتلها اخو حمار يسمع كلامها ويطاوعها،بشرني بس الآنسة ناوية تتطلق؟؟..مارد..حلو يعني ناوية،يافضيحتي يافضيحتي
طلعت الدكتورة وهي مستغربة!!..


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 30
قديم(ـة) 11-08-2010, 07:43 PM
صورة روح زايــــد الرمزية
روح زايــــد روح زايــــد غير متصل
مستشــ¸.·* غرام *·.¸ـــاري
 
الافتراضي رد: رواية جيتك أمانة أنقذيني / للكاتبة : شمعة الصداقة


طلال:دكتورة طمنينا
الدكتورة:تطمنوا مافي شي خطير الحمدلله،بس تعب طبيعي ومتوقع لأنها حامل في اول طفل وعندها مشاكل صحية بسيطة ممكن تتعالج،هي حالياً راح ترتاح عندنا كم يوم عشان نسوي لها فحوصات كاملة ونتطمن عالطفل بعد،بس رجاءً ماتزعجونها وتوترونها بأي شي لأن الطفل ممكن يتضرر
طلال:يعطيج العافية
الدكتورة:الله يعافيك هذا الواجب
وراحت الدكتورة..
خالد..التفت على اخته:سمعتي وش قالت،وفري كلامج لين ماتطلع من المستشفى،وياليت ماتفتحين الموضوع معها وتنتظرين تقولج بنفسها
دخلوا الغرفة وشافوها نايمة بسـلام عالسرير...

الخميس..
23/7/1430هـ..16/7/2009..
الساعة 10:00 مساءً..
اخذت نفس وتنهدت..حتى النفس ثقيل..كأن هموم العالم كاتمة على انفاسها!!..حطت يدها على بطنها،
قولي شسوي فيك؟..شسوي ماقدر اكون ام لك ماقدر!!..انا آسفة آسفة الغلطة غلطتي
،.. دمعت عينها،
هو بياخذك اكيد..وراح يحبك اكيد..راح يكون لك الأم والأب...آسفــة بس مو بيدي ..مو بيدي..يمكن ماراح تفهمني الا لما تكبر..ويمكن ماتفهمني ابداً..بس انا لو خليتك عندي بكون لك ام قاسية ومافيها ذرة حنان..بكون زي امي ..وانا مابي اكون مثلها
،سندت راسها بتعب على يدها وتتالت الدموع..
:ماتعبتي من الصياح؟؟،مامليتي؟؟،طيب ليش؟!،مو خلاص تركتيه زي ماكنتي تبين،وبعدين بتعطينه البيبي،خلاص ليش تصيحين!!..رفعت عيونها المبللة بالدموع لها وماردت..ياشيخة ارحمي نفسج مو زين عشانج وعشان البيبي،الـرزان لاتصيرين ضعيفة كذا!!،وين الرزان القوية اللي تتحمل الألم وتسكت ولا تبينه وينها؟
الرزان:ريما مالي خلق محاضرات الحين،ارحميني انتي
ريمـا..جلست قدامها:درى؟؟
الرزان:مادري..طالعت فيها ريما بنظرة..لاتطالعين فيني كذا لاتتوقعين مني اتصل واقوله ببساطة انا حـامل
ريمـا:عيني عينج رزون،حبيـتيـه؟؟
ما ابدت أي ردة فعل ولا اهتمت بأنها ترد!!..
ريمـا..فهمت التلميح:بحـاول اصدقج،مع اني مو مقتنعة،قومي نطلع نمشي عالكورنيش مع خالو
الرزان:مالي خلق و تعبانة ودايخة
ريمـا:اوف اوف،هونيها وتهون ياماما اشدعوى!!
الرزان..تضايقت اكثر:رجاءً ريمـا
ريمـا:رجاءً ريما هـا!!،والله مالج الا خلودي
الرزان:أي خلودي تعالي انثبري..طنشتها ريما وطلعت..ريمـا!!
وبعد ثواني رجعت تطل من عند الباب..
ريمـا..ابتسمت:هـاي ماما
الرزان:ريمـا بلا سخافة!
:ريمـا ريمـا،والله مسكينة متحملتج،يـلا ياحلوة،لا سوري ماعدتي حلوة مع هالوجه المكشر،يـلا ياماما بنطلع
الرزان:يوووه علينا،خـالد هي كلمة وحدة مابي اطلع ولا تحاول
خالد:لا ياقلبي مو بكيفج..ومسكها..يـلا بهداوة ورقة قومي لسي عباتج،وبتروحين معانا الكورنيش يعني بتروحين
الرزان:الوقت متأخر!!
خالد:وإذا!،انتي مالج دخل لبسي عباتج وامشي وبس
ريما..نططت:عاش خالو خلودي عاش
خالد..ابتسم:خالو!!وخلودي!!،ماتجي يالخفيفة يلا تحركي
ريمـا:فـريرة
وبعد نص ساعة كانوا يمشون عالكورنيش..على البحر..
الرزان:انتوا عاجبكم الجو "الخانق" هذا؟!!
ريمـا..ضحكت:هذا احسن جو بتلقينه هنا،لاتتبطرين غيرنا تحرقه الشمس الحمدلله ربي راحمنا
خالد:الرزان متى بتروحين المستشفى؟؟
الرزان:المستشفى!!،ليش؟؟
خالد:ليش!!،حلوة ليش،شي طبيعي تراجعين اثناء الحمل،مو عشانج عشان الطفل
ريمـا:الا انتي بأي شهر؟؟
الرزان:يوم السبت ادخل الشهر الرابع
خالد:وطبعاً طول الفترة الماضية مااهتميتي تروحين تراجعين وتتأكدين من صحتج وصحة الطفل؟!
الرزان:ماكنت ادري قبل!!
خالد:ولو صار لج من رجعتي من السفر اسبوع!!،بحجز لج موعد ويوم السبت بوديج وبدون نقـاش
هزت راسها بدون ماتتكلم..ومشت بهدوء وحطت سماعات الآيبود بأذانها تصم آذانها عن العالم..

{قـلـه..قـلـه..اللي وصلني منه يكفيني عمر..كيف يبرا طعن سكين الغدر..قـلـه..كان لي عنده قدر
لاتلقـيـنا امام النـاس يسلـم..لايبين أي حد انه متألـم
لايخلينا حكـاية..كفـاية..ماجرى منه كفـاية
قـلـه..قـلـه..حلله ربي وباحه..اللي ماعرفت الا جراحه..هـان قلبي واستباحه..دانني بجرم حبه
...}

انا وين والحب وين!!..هل بظل مكتفية بنفسي للأبد؟؟..عاشقة لوحدتي!!راضية عن ذاتي!!..
متمسكة بحريتي!!..ولا!..انا افضل طبعاً هذا اللي يصير..لأني مش ممكن اتزوج بعد كذا.. مستحيل..لكن "انا أشـاء وانت تشـاء والله يفعل مايشـاء"
،حطت ايدها على بطنها،
هذا اول درس تتعلمه من ماما..مهما خططت لمستقبلك ولنفسك..الله كاتب كل شي من قبل لاتنولد..
فتأقلم مع ماكتبه الله لك..وكلما تأقلمت وتكيفت مع الأوضاع بسرعة كانت الحياة اسهل..
لكن بعد لاتخلي حياتك بدون هدف ومستقبلك بدون تخطيط وتقول اللي كاتبه ربي بيصير!!..
هذا اكبر خطأ..لأن العمل بالأسباب مهم لما تتوكل على الله
،وابتسمت،
طبعاً خذ وخل من نصايح ماما..اللي ماراح تكون ماما اصلاً!!..مادري اذا بابا بيجيب لك ماما ثانية..
بس الأفضل انه يسويها..لأنك تحتاج الى ماما تدعمك وتشجعك
،وتحولت الابتسامة المرحة..إلى..ابتسامة الـم..

{احلـم بأيـه..احلـم بأيـه..احلـم بأيـه..آآآآه..وانا كل حاجة اخترتها مترتبة لي
..وكل سكة مشتها كانت مرسومة لي
..حتى ساعات الفرح والأحزان فـ عمري من قبل مااجي الدنيا كانت محسوبة لي
وانا ليلي بيخاف النهار..ورسمت جنة لقيتها نـار
..ويخيروني اتوه واضيع واغرق في محنة الأختيار...}

الله يسامحك يامحمد رحيم وش هالأغنية اللي تجيب الألم..يا ماما لاتسمع هالكلام ابداً..
هذا كلام الفشلة المنهزمين..التفاؤل للناجحين والمتفوقين فتفائل دائماً..ادري تلمس تناقض بكلامي..
وانا اللي متشائمة اربع وعشرين ساعة من عرفت عنك!!..بس مو بيدي..انا خايفة عليك..على مستقبلك..حياتك..
وبنفس الوقت هرموناتي تحكمني..فارضة عليّ جو الكآبة والجنون..ساعة ابتسم واضحك..
ساعة مكتئبة ومو طايقة احد!!..شفت شلون الهرمونات ظالمة!
،ورجعت ابتسمت على جنانها..وقفت عند الحاجز..وشمت "زفر البحر"..،
تعرف اني اشتقت لهالرطوبة وهالزفرة! ..تظل هالأرض هي اللي انولدت عليها وانولد عليها تاج راسي ابوي..الله يرحمـه،..

{انا مش ضعيف ولا حاستسلم..من اللي جرالي انا حاتعلم
كـده ايد في ايد..ومن جديد..نبدأ ونرضي ربنا
..نفضل شباب..في الخير صحاب
..نمشي في طريق باين لنا
انا طول ماربنا ويايا..وحوالي ناس بتشجعني..حتغير انا من جوايا
..وعمر الشيطان ماحيخدعني...}

احسنت ياعمرو..شفت ياماما هذا الكلام الصح...وانا بديت اتحول لمدرسة!!!..هههههههه.. خلاص نبدأ انا وانت من جديد،حطت يدها على بطنها مرة ثانية،انا ماما رزون الرزان اللي تبي.. u are my baby..and I انت...
،بلعت ريقها..واستجمعت كل قوتها..وتنفست،
I Promise I will try to love u as much as I can
عجبتك اعترافات ماما!..ترا ماتصير الا مرة بالسنة..تقبل تناقضاتي رجاءً..انا مستعدة اتقبلك تماماً واحبك..
لأن زي ماقلت قبل هذا اللي ربي قدره..وبالنهاية لازم ارضى بالقدر "الرضا بالقدر خيره وشره"..
بس لازم تتفهم ان هالحب راح يستمر للأبد..لكن..وانت بعيد عني..لأني ماقدر اربيك..وماراح تكون سعيد معاي،..
:شخبـار المناقشات؟ان شاء الله نجح الحوار الوطني الثقافي في حل المشكلة!
الرزان..ابتسمت:تقريباً،بعدين عيب تتطنز عليّ وعلى مستر خالد!My baby
خالد..ابتسم:You'r baby!الحمدلله على هالتطورات،Take care of you'r baby
الرزان:سؤال للمستر ممكن؟
خالد..ابتسم:اكيـد
الرزان:متى ناوي ان شاء الله ترحمنا وتفكنا من خشتك وتتزوج؟؟
خالد..ضحك:ايااللئيمة!!،قاعد على قلبج!مابي اتزوج
الرزان:لا من صج،والله مايصير،خالتي ايمان وانخطبت باقي حضرتك ويفضى البيت لي،اما طلال مو محسوب من السكان اساساً
خالد:ليش بترجعين هنا؟؟
الرزان:ارجع هنا!!،لا طبعاً مستحيل،انا اقصد مؤقتاً،بمجرد تبدا الدراسة برجع لندن
خالد:والبيبي؟؟
الرزان:يـقدر ياخذه انا ماعندي مانع ابداً،لاني ماقدر اربيه
خالد..كان يمشي ووقف من الصدمة:وشو؟!!
الرزان..كملت مشي:اللي سمعته
خالد..مشى وراها:انتي مو صاحية!،هذا طفلج من لحمج ودمج بتخلينه هو يربيه لحاله!!!
الرزان:بالضبط،وبعدين لاتبالغ في ردة فعلك!،انت شايف اني أهل لتربية طفل؟!!،انا اساساً اكره الأطفال ومااطيقهم!
خالد:مدام ماقدرتي طفلج،اذاً انتي ماتستحقين الامومة اساساً
سمعت..قالها قال الحقيقة..انا مش عارفة قدرك للأسف..عشان كذا مااستحق اكون امك
،..وكملوا مشي وهم ساكتين..
:Hello!!،أيـها البؤساء!،كل هذا شوق لي!!غبت عنكم دقايق واشتقتوا لي لهالدرجة
طنشوا وماردوا..،
شكله زعل مني!..بس ليش يزعل وهاذي الصراحة!..الناس دائماً ماتحب تسمع الحق!!
،..ركبوا السيارة..
:احم احم،انا ابي شاورما من رمانة
خالد:ريمـا!زحمة الحين!
ريمـا:مالي شغل انا اشتهيتها
خالد:انتي اللي حامل وانا مادري!!
ريمـا:هـا هـا هـا،على جثتي اجيب عيال
خالد:لايكون مثل المدام هنا لما تحملين وتخلصين تقطينهم على ابوهم يربيهم وانتي تسرحين وتمرحين
الرزان:خـالـي رجاءً
خالد:رجاءً انتي ارحمينا شوي من مفاجأآتج
يـالله شاللي خلاه يعصب لهالدرجة!!..هم اشدخلهم!!..حتى بعد ماصرت مرة يبون يتحكمون بقرارتي!!..الى متى؟!
،سكتت مقهورة..

{حسبت اشواقنا غابت..واثاري الشوق تو مافات..واثاري بقلبي الساهي..حنين لك بعد باقي..
انا ماكنت احسب ان القلوب الساهية تشتاق..ولا كنت احسبك في يوم تجي وتحرك اشواقي..
سهيت بصفحة كتابي لقيتك بأول الأوراق..انا لاهي مع كتابي..لقيتك كنك اوراقي..
الا ياحبي الأول الا ياغايتي مشتاق..هقيتك ماانت في قلبي واثرك داخل اعماقي...}

مدت يدها وطفت الراديو بقوة..
ريما:رحمتيني من لوعة الكبد!!..مدت يدها بـ سي-دي..خذي شغلي هذا بس

{يـوم واحد غبت عنك..شـوف بس وش صار فيك
وشلون لو عنك اغيب العمر..وما اسأل عليك
انا ادري ماتحمل اني ابعد عن عيونك
وتضايق في غيابي لما عني يسألونك
وشلون لو عنك اغيب العمر..وما اسأل عليك...}

ريما:شفتي شلون احسن من النكد اللي قبل شوي،هذ البوم اروى "غصب عنك" هاذي اغنية "يوم واحد" خطيرة ولا؟
الرزان:امم
ريما:امم!!،اوكي اوكي،اقول خالو بيتنا اول..وماصدقت وصلوا عند باب بيتهم..يـلا مع السلامة ياكـآبـة!!
غمضت عيونها ورجعت راسها عالكرسي بعد ماطفت السي-دي..مسكت الدبلة بيدها وقعدت تفر فيها..
خالد:متى بتشيلين الجبس من يدج؟؟
الرزان:الجبس!،يمكن بعد اسبوعين
خالد:الكسر خطير لهالدرجة!!
الرزان:العظم مو بس تكسر الا تهشم وتفتت تحت قوة الضغط،عشان كذا يحتاج لوقت طويل
خالد..بعد سكوت لفترة قصيرة:انا آسف ماكان له داعي الكلام اللي قلته
الرزان:انت قلت الحقيقة،انا مو زعلانة،انا مستغربة ليش انت معصب؟!!
خالد:ماقدر اشوفج تضحين بطفلج اللي من لحمج ودمج عشان كبرياءج واسكت
الرزان:عشان كبريائي!!،انت فاهم غلط ايش دخل كبريائي،انا ببساطة ماراح اقدر اربيه لاني مو مؤهلة لهالشي أبداً
خالد:يعني الأمر ماله علاقة بفـارس؟!
الرزان:له علاقة اكيد هو ابوه عشان كذا هو اللي لازم يربيه
خالد:بيربي ولد مايدري عن وجوده على الكرة الأرضية؟!
الرزان:مو مهمتي انا اقوله،انت تقدر تقوله،طلال يقدر يقوله،هنادي أي احد انا مو مانعتكم تقولون له لكن لاتتوقعون مني اقوله،لانه هو سبب اللي انا فيه
دخلوا البيت..طالعت ساعتها،
11:34 كالمعتاد الكل نايم!!..حتى بالأجازة تنامون بدري!!
،..راحت لغرفتها على طول وتمددت عالسرير،
آآآآخ..وش هالتعب ياربي
،..طالعت بدبلتها،
ياويلي اصابعي!..كأنهم انتفخوا؟؟..هذا اول الطريق..الله يعين عالنهاية
،قامت..اخذت دوش وطلعت تتمد على سريرها والدفتر بأيدها..مسكت اقرب قلم وكتبت،
هـاي حبيبي..انت الحين قضيت..اممممم..12 اسبوع في داخلي "داخل رحمي"..
يعني عمرك ثلاث شهور..مرة كبير! ..طبعاً ياماما غلبتني طوال الشهر الماضي بـ "الغثيان الصباحي"..
اقوم من الفراش عالحمام "وانتوا بكرامة"..وانا قاعدة كل خمس دقايق اقوم اروح الحمام "وانتوا بكرامة"!!!..
واحياناً فجأة انام وانا جالسة!!..واهم شي الصياح من وقت لوقت فجأة ابدأ اصيح!!..
مسكين خالو طلال تعب معاي فاقترحت عليه نرجع بدري لأن السفرة اختربت خلاص!..
بس الشي المقلق ان وزني نقص!!مع اني سمعت انه يفترض يزيد!!..لكن بعد ماكان لفترة 43 صار 40!!..
بنشوف الدكتورة يوم السبت ايش تقول اوكي ماما!..يـلا تصبح على خـير حبيبي
،حطت القلم وسكرت الدفتر..ضمت نـيمـو..وابتسمت...


[..الجـزء الثـامن والعشـرونــ ..]

تمددت بكسل..وهي ودها ترجع تنام اكثر..راحت الحمام "الله يكرمكم"..وهي تغسل وجهها.. طالعت بالمرايا ولمست وجهها!!،
بديت اشك في نظري!!..كأن وجهي متنفخ!!..يمكن لأن توني صاحية!!
،ورجعت غسلت وجهها عدل..وطلعت تبدل ملابسها..

{احبـس دموعي حبيبي من غـلاك..انت دمعة خايف ابكيك وتطيح
ياحبيب الجرح اتعبني عناك..في ايدينك قلب لكنه جريح
بنشدك قد صرت نجم في سماك..او مشيت بدرب ماهو لي صحيح
احبـس دموعي حبيبي من غـلاك..انت دمعة خايف ابكيك وتطيح...}

السبـت..
25/7/2009..3/8/1430هـ..
الساعة 10:26 صباحاً..
لبست عبايتها وشالت شنطة" جيفنشي" السودا الكبيرة..وشوزها الفلات البنفسجي..لفت شيلتها وشالت نقابها وطلعت..
:يـلا يامدام بتتأخرين عالموعد وتأخريني عن دوامي!!
الرزان:تخليني احس بالذنب يعني!،ماحد ضربك على ايدك استاذ خالد قلت لك عادي اروح مع امي والسواق ولا مع طلال
خالد:التعب اللي يجي من ورا قلبي عسل ولا اجروء اتذمر منه زيادة
الرزان..ابتسمت:تجروء!!اي كذا يابابا تسنع
خالد..ضحك:يسعد لي هالصباح
الرزان:ربي يسعد ايامك
بعد مافحصتها الدكتورة وتطمنت ان البيبي اوكي وهي بعد اوكي..جلست تكتب في صالة الأنتظار،
مرحبا حبيبي..مر اسبوع وكبرت..وصار عمرك اربع شهور الا اسبوعين..بدت تطلع كرشة صغيرة "مو كرشة امزح"..
وبديت انت تكبر وصاروا العالم يشوفونك..انا شفتك بالجهاز..
وسمعت صوت قلبك الصغير ينبض..تك..تك..تك..كأنه ساعة..
هالأسبوع تحسنت صحتنا..انا صار وزني 43 وانت صار وزنك 49 جرام..مرررة نتوف..انا بشكل عام مرهقة وتعبانة..لكن وجودك داخلي يمدني بالأنتعاش.."u are my close up"..ههههههههههه..
وقاعدة آكل كويس مع اني مو مشتهية..الدكتورة تقول مفروض تزداد شهيتي واصير آكل اكثر!!..لكن انت عارف مـاما...
،..قاطعتها يد على كتفها..رفعت راسها بخوف بسرعة..
الرزان:مناهـل!!
مناهل:الرزان!كنت شاكة انج انتي فقلت اتأكد،شخبارج؟؟
الرزان..وقفت تسلم عليها:الحمدلله
مناهل..طالعت فيها من فوق لتحت:كأنج تغيرتي؟!
الرزان..ابتسمت:يعني بتفهميني ماقالت لج هنادي،طيب،انا حـامل
مناهل..تغير وجهها وانصدمت:حـامل!!
الرزان..استغربت:انتي من صج ماتدرين؟!
مناهل:أبـداً!،فـارس ماقال لي!!
الرزان..طالعت بعيد:لأنه على ماظن، ما ما مايدري
مناهل:مايدري!!،ليش ماقلتي له؟!
الرزان:انتي اكيد تعرفني اللي صار بينا،ماقدر اكلمه بكل سهولة واقوله انا حـامل
مناهل:انتوا!صج مو صاحين!!،طيب عادي لو انا قلتله؟!
الرزان:اكيـد،تريحيني بالمرة
مناهل..ابتسمت:ماتتصورين شلون بيفرح،انتي بأي شهر؟؟
الرزان..طالعت فيها بنظرة:انتي شرايج؟!
مناهل..ابتسمت:الرابع!،ههههههه..ومسكتها..جلسي جلسي،انتي شكلج اساساً مايهيأ ينقال عنج حامل مع انج متغيرة،بس مرة نحيفة
الرزان..ابتسمت:الدكتورة تقول نفس الكلام،و اكدت اكثر من عشرين مرة "لازم تآكلين زي الناس وتآكلين وجباتج كاملة ولاتفوتين ولا وجبة"
مناهل..ابتسمت:اكيد لأن بهالجسم كيف بتتحملين الولادة!!
الرزان..ضحكت:لحظة لحظة،بشويش عليّ ولا تفتحين ابواب مسكرة،خلينا خطوة خطوة ماله داعي العجلة
مناهل..ضحكت:خلاص خذيها خطوة خطوة..طلعت جوالها..اسمحي لي الحين بدق عليه،ضروري ابشره الحين
الرزان حطت يدها على بطنها،
حبيبي بـابـا بيعرف بوجودك الحين..تتوقع شلون بتكون ردة فعله!!..
صدمة!..دهشة!..فرحة!..لامبالاة!..انا اظنها الأخيرة..نظراً لتصرفاته دائماً!!،..
مناهل:الـو فـارس حبيبي عندي لك بشارة تسوى مليون،أي مليون الا بليون
ليش تبالغ!!..بس اكيد انت تستاهل حبيبي،..
فـارس..كان يحوس بأوراقه بالمكتب:وش هي؟!!
مناهل:منت متحمس تعرف!!
فـارس:مناهل انا مشغول ومو فاضي اتحمس لخرابيطج!!
مناهل:خرابيطي هـا!،خلاص ماراح اقولك وتشوف بتندم قد شعر راسك لماتعرف
فـارس:قولي طيب،يـلا اسمع
مناهل:اول هات البشارة
فـارس:اللي تبينه خذيه،بس قولي فكيني
مناهل..ابتسمت:يصير آخذ ولدك،اذا جا ولد طبعاً
فـارس:ولدي!!،خذيه حلال عليج لأنه ماراح يجي أبداً
مناهل..مسكت ضحكتها:ليش مستعجل عليه بيجي بعد خمس شهور،بس هـا اذا جا ولد انا بآخذه ترا انت اللي قلت
فـارس..وقف مخه وجلس عالكرسي:مناهل انا مافهمت شالهدف من هالكلام؟!
مناهل..ضحكت:يالغبي بعد خمس شهور بتصير ابو
فـارس:و،وشـو؟؟
مناهل:لهالدرجة الموضوع مو منطقي!!،ياحبيبي الرزان حامـل حـامل
فـارس..انصدم اكثر!!:تمزحيـن؟!
مناهل:أبداً وبالشهر الرابع بعد
فـارس..ابتسم:لا من صج!!
مناهل..ضحكت:امزح معاك يعني!!
فـارس..ضحك بعدين طلعت منه صرخة لا ارداياً:لج المليون اللي طلبتيها يامناهل لج المليون
مناهل..ضحكت:يالنصاب!،أي مليون انا قلت لك اذا ولد بآخذه
فـارس..ضحك:ليش احنا فاتحين سبيل ونوزع اولاد!!،ترا هذا الأول والاخير
مناهل:ليش ياكافي!!،مافي امـل!!
فـارس:لا امـل ولا الرزان ولا مايحزنون،الا على الطاري مين اللي قالج
مناهل..ابتسمت:الـرزان،هي..الرزان اشرت لها لا لا بس هي طنشت..هنا جنبي
فـارس:واكيد الحين بتتكفخين لأنج قلتي
مناهل..ضحكت:ماتقدر تسوي شي،انتي ناسي انها حـامل
فـارس..ابتسم:ماظن هالشي بيمنعها!،طيب عطيني ايها ابي اكلمها
مناهل..ابتسمت:اوكي..مدت الجوال للرزان..يبي يكلمج..اشرت لها براسها"لا"..بس بيكلمج يابنتي مو مآكلج!
الرزان..انقذها جوالها اللي رن:سوري ماقدر،يـلا مع السلامة هذا خالي وصل،سلمي لي عليه وعالأهل
مناهل:يوصل ان شاء الله..رجعت تكلم فـارس..فـارس!
فـارس:تهربت صح!،مو مشكلة بكلمها بعدين،يـلا مع السلامة،ومشكورة يالغالية على هالبشارة اللي مافي مثلها
مناهل..ابتسمت:حياك كل يوم،ومع السلامة
سكر ولملم اوراقه وحطهم في الشنطة..والفرحة مو شايلته،
أخيـراً..الحمدلله ياربي..كنت اظن ان كل اللي اتمناه بيضيع..بس الحمدلله..العوض ولا القطيعة
،..شال شنطته وطلع..
فـارس..التفت على السكرتيرة:عبير تقدرين ترجعين البيت خلاص،وآسف لأني جبتج في يوم الأجـازة
عبير..وقفت وعلى وجهها ابتسامة:ولايهمك استاذ،لو تطلب اقعد الويكند كله بالمكتب انا تحت امرك باللي تطلبه
فـارس..ما اهتم يعلق على سخافتها:مع السلامة
عبير..كبرت ابتسامتها وهي تسبل برموشها!:الله يحفظك استاذ
طلع لسيارته ركض..حط المفتاح في الباب لكن في يد مسكت كتفه ويد ثانية مسكت ايده..
التفت وجاته ضربة قوية على وجهه واغمى عليه...

صدعوا راسـهـا ريمـا وهنـادي..
الرزان:بس خلاص سكتوا،سببتوا لي صداع فوق الصداع اللي عندي!!
هنادي..ضحكت:سوري مـدام
ريمـا..ضحكت:اهم شي الخدامة السيرلنكية اللي عندنا!!،الا رزون مو كانج خميتي السوق!!
الرزان:الله يالمبالغة!!،جسمي بدا يتغير لازم اشتري بنطلونات مريحة،و الكذب خمس اكياس ماتعتبر "خميتي السوق!"
ريمـا:بس خميتي بنطلونات السوق كلها ونص بلايز السوق!!،ليش ماشريتي بلايز كثر ماشريتي بنطلونات!!


الرد باقتباس
إضافة رد

رواية جيتك أمانة أنقذيني / للكاتبة : شمعة الصداقة ، كاملة

الوسوم
للكاتية:شمعة , أنقذيني , امانة , الصداقة , جيتك , رواية
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
رواية الموت ما هو من الفرقى و طاريها .. الموت لا طاحت عيوني من عيوني / الكاتبة : أحلى بدوية ، كاملة رايقه بقوه روايات كامله - يتم نقل الرواية هنا بعد اكتمالها 264 14-02-2017 05:57 PM
رواية شكيت من حظي وخيبتني ظنوني / للكاتبة : بحر الغلا ، كاملة خايف ياقلبي روايات كامله - يتم نقل الرواية هنا بعد اكتمالها 99 17-10-2016 01:49 AM
من يحبك كثر ما أحبك أنا / رواية للكاتبة : جنيه إن ذى قوطي ، كاملة ♫ معزوفة حنين ♫ روايات كامله - يتم نقل الرواية هنا بعد اكتمالها 95 25-04-2016 12:51 PM
دنياك دنياي / الكاتبة : لح ـظة وفا ، كاملة ↙ツ آًﻤـيـﯜﯢڒهےツ ↘ روايات كامله - يتم نقل الرواية هنا بعد اكتمالها 241 17-10-2015 04:47 PM
مجلس الروايات للإستفسارات و الطلبات ؛ الزعيـ A.8K ـمه روايات - طويلة 2042 24-02-2010 04:37 AM

الساعة الآن +3: 08:50 AM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


youtube

SEO by vBSEO 3.6.1