منتديات غرام

منتديات غرام (/)
-   نكت - ضحك - وناسة - فرفشة (https://forums.graaam.com/70/)
-   -   قصة الشايب مع الوايت (https://forums.graaam.com/272867.html)

~* مضاااااوووووي ~* 10-01-2010 04:00 AM

قصة الشايب مع الوايت
 
يسولفون عن شايب نوى يشتري له وايت علشان يسقي الحلال ، وذالشايب متقاعد وشاريله رعية غنم

وفوقها خمسين ناقه ، فأخذ يجمع له دراهم لين صار عنده حول الثمانين خمسة وثمانين ألف ريال ،

فقام وتوكل على الله وعَزْم يروح يدور له على وايت .

صدفه وهو يمشي إلا ذيك الناس مجتمعةٍ في أرض فضاء كبيرة ولا حولهم وايت واقف ، عجب خوينا

الشايب نظرة هالوايت وهو ما شاء الله يبرق من بعيد ووقفته شيء عجيب ، قال بس لقيناه خلني أروح

أوصلهم وأشوف كم هو واصلٍ سومه وإذا هم حادينه أشوف كم هو عليه .

وصل عندهم الشايب ووقف يسمعهم يحرجون ، وأستانس بالحيل لأنه ما هو بغالي ، ولا ذاك الرجال

ماسك المكرفون ويحرج 50 ،، 52 ،، 55 ،، ومن قال زود ، قال الشايب بس شكلهم يحرجون على

هالوايت ولا هوب بغالي وإن شاء الله يكون من نصيبي .

ويخش معهم بالحراج ... 56 ... ويزودون ... ويزود ... ويزودون ... ويزود

المهم وصلوه 75 ... قام خربها وقالهم 80 ...

هو قالهم ثمانين ... يوم طخوا كلهم وسكتوا .. ! ..وهجدوا .. !! .. والتفتوا عليه .. !!!

يناظرونه .. يناظرون بعضهم .. يوم تغامزوا ونقز له واحد منهم .. ويسحبه على جنب وقاله شف يا رجال أنت باين عليك أبن حلال وطيب بالحيل ، وش رأيك لو نعطيك شيك بمليون ريال ذالحين ذالحزه

بس أمش من هنا ولا نشوف وجهك واقف معانا بالحراج .

أنصدم الشايب .. أفتر راسه له شوي وقال هااااا .. وش السالفة .. ؟؟!!

مليون ريال .. وليه..؟؟

قال له الرجال خويهم بس خذ هالشيك وتوكل على الله والله يستر عليك ولا لك بالطبخه

وش أسمك ..؟؟ عطاه أسمه وكتب له الشيك بمليون ريال وصرّف الرجال من الحراج
هو ما يدري وش السالفة .. !!


طيب وش العلم علمني .. ؟؟

علمه بالعلم أثر ذالجماعة يحرجون على المخطط وواقفين بالصدفة جمب الوايت اللي جايبيه يرشون به

الأرض علشان يحرجون ، والحراج من اليوم بـ 56 مليون و75 مليون .. وأبو الشباب (الشايب) خش

عليهم عرض ولا يدري وش العلم .

وهم بعد أخترشوا شوي يحسبونه هامور وبيلطش عليهم المخطط .. قاموا صرفوه بمليون ريال ..



وهو ما صدق طاير من الفرحة مليون ، ويقول بخاطره

(عجزت وأنا أجمع ثمانين خمسة وثمانين ويجيني ذا الرزق من الله)

فسبحان الله مقسم الأرزاق على عباده .
الرزق مثل الأجل يتبعك






الله يرزقنا بمخططن بالغلط
ماحولكم وايت للبيع ههههههه ..

^^ ميمي ^^ 10-01-2010 04:06 AM

رد: قصة الشايب مع الوايت
 
هههههههههههههههههههههههههه
وعلى نياتكم ترزقون

~ d7mani ~ 10-01-2010 05:45 AM

رد: قصة الشايب مع الوايت
 




هههههههههههههههههههه



توي عرفت مقولة ( الدنيا حظوظ ) هع


الله يوفقه


يسلموووووووو

قلبي يبيك 10-01-2010 06:35 AM

رد: قصة الشايب مع الوايت
 
ههههههههههههههههههههههههه
اقول من بكرة بقول لابوي يدور له وايت
هههههههههههههههههه


يسلموااااااا

{ ترآإآنيم آلشوق ..~ 10-01-2010 10:37 AM

رد: قصة الشايب مع الوايت
 
هههههههههههههههههههه
ههههههههههههههههههههههههه
هههههههههههههههههههههههههه
وقصم منسم هالشايب هع




تسلمين يآعسل ع الفرفشه
تحيــتي ..

كررروم 10-01-2010 10:49 AM

رد: قصة الشايب مع الوايت
 
من اليوم بروح ادور لي على وايت هههههههههههههههه

يمكـ دروبـي 10-01-2010 11:01 AM

رد: قصة الشايب مع الوايت
 
ههههههههههههههههههههههههههههههههههههههههههه
هههههههههههههههههههههههههههههههههههه

يا حــلــيل الشااايب


يعطيك العـــــافيه

يارونه غرام 10-01-2010 12:57 PM

رد: قصة الشايب مع الوايت
 
هههههههههههههههههههههههههههههههههههههههه
مشكوره
...........
يارا

ماروم 10-01-2010 01:11 PM

رد: قصة الشايب مع الوايت
 
هههههههههههههههههههههههههههه
الله يررررررزقه مليووووون فوق المليون الي عنده والله اني حبيت هالشايب
هههههههههههههههههههههه

روح العيون 10-01-2010 03:22 PM

رد: قصة الشايب مع الوايت
 
سبحان الله ويرزقكم من حيث لا تدرون


الساعة الآن +3: 10:03 PM.


موقع غرام موقع سعودي خليجي عربي يحترم كافة الطوائف والأديان ومختلف الجنسيات


SEO by vBSEO 3.6.1