منتديات غرام

منتديات غرام (/)
-   ارشيف غرام (https://forums.graaam.com/94/)
-   -   قصيده روعه لشاب فقير (https://forums.graaam.com/275103.html)

~ عصفورة أبهــــــا ~ 17-01-2010 12:36 PM

قصيده روعه لشاب فقير
 
سبحان من يرزق بتوع الملاييـن*** الرازق اللي ما يخيب الرجـا بـه


لي عم عنده معـرضٍ للصواليـن ***أموت واعرف بس من وين جابـه



وإذا سألته قـال بعـت الدكاكيـن***ما يدري إني ما هضمت الإجابـة



الشاهد إني رحت له قبـل يوميـن***في قصره العامـر ودقيـت بابـه



قال أرحب أرحب عدّد ورد البساتين***يا مرحبا باللـي لفـا يـا هلا بـه



قلت البقا عـدّ النفـل والرياحيـن ***يا شيخ شمل أهل الكرم والذرابـه



قال اسلم الله يحفظك لي من العين***وآمر أوامر حضرتـك مستجابـة



قلت الصراحة طالبٍ قرب غاليـن*** ودي تزوجنـي كريمتـك يـابـه



ثنّى وقال أهليـن والله وسهليـن***والكون ترخص لجل عينك رقابـه



لكن ترا عندي شـروط وقوانيـن***قلت اشرط اشرط يا حبيب الغلابـة



قال أولاً مهر العروسـة ثمانيـن***غير الرسوم وغير حق العصابـة



والثانية عمك يبي منـك سبعيـن***رسم الأبـوّة والنسـب والقرابـة



وأم العروسة حقها منـك ستيـن***عشانها ست الحسـن والمهابـة



وإخوانها كلن يبي منـك خمسيـن***عداً ونقـداً تنـدرج فـي حسابـه



وخواتها الخمس عطهن من ثلاثين***عشان تتوثـق عـروق النسابـة



وتجيب طقم عيار واحد وعشرين***وخاتم من الماس المصفى ترابـه



وأكياس متروسة كعوب وفساتيـن***ألوانهـا وأشكالهـا مـا تشابـه



وموتر بسواقـه وفيـلا بدوريـن***أثاثهـا مـن بطرتـه ينحكـى بـه



واحجز لنا قاعة بقصر السلاطيـن***واحجز بهـا رقاصتيـن وربابـه



هذي الشروط اللي على بالي الحين***وذكرني اللي ما حسبنـا حسابـه



قلت اذكر الله يا عـدو المساكيـن***واستغفـره لا يبتلـيـك بعـذابـه



الظاهر إنك منت عارف أنا ميـن ***أنا لو أرقى فـوق متـن السحابـه



ما جبت حتى نص درزن مواعيـن***واضحك بكيفك واعتبرهـا دعابـة



شروطكم هذي شـروط المجانيـن***شروطكم شغـل ابتـزاز ونهابـه



شروطكم تقصم ظهـور البعاريـن***شروطكـم همّـن وغـم وكآبـه



شروطكم والله سيوف وسكاكيـن***تذبح بنات المجتمع مـع شبابـه



وين الرضا والعطف واليسر والليـن***اللي ذكرهـا الله بمحكـم كتابـه



وين الصفات اللي أمرنا بها الديـن **وين اختفى نهج النبي والصحابـة



يا عم جعل اللي خلقنا من الطيـن**يرد عقلك مـن خطـاه لصوابـه



ويجعل نصيبي عند غيرك قل آمين**ويحسن عزا الصابر ويجزل ثوابه



قال أنت لو فكرت تفكير صاحيـن***ما شفت في مجمل شروطي غرابه



حنا بعصـر العولمـة والمزاييـن *** ماهوب عصر الفلسفة والخطابـة



الناس تسعى للرتـب والنياشيـن***وأنت اهتمامك بالشعـر والكتابـة



والشعر ما ينفعك لو هو دواويـن***ما دام جيبك مثـل بيـت الخرابـة



يا بوك لا تسمع كلام المصاخيـن***واسأل مجرب عاش في وسط غابه



قلت الله أكبر يا محـرر فلسطيـن ***من يسمعك يحسبك ذيـب الذيابـه



تراك شايب رأس مالـك رياليـن ***والبنت ما تسوى جنـاح الذبابـة



قال انقلع مالت على وجهك الشين****لا عاد أشوفـك عندنـا يالزلابـه



قلت أبشر أبشر لكن الباب من وين**وأقفيت من عنده على صوت بابـه
وسلامــتــكـــم ، ،





عجبتني فنقلتها لكم..


تحياتي

سحابة ورد 17-01-2010 01:01 PM

رد: قصيده روعه لشاب فقير
 


تسلم أناملكِ على النقل الرائع

الله المستعان ربي يعوضك بعم طيوب

رآ قت لي القصيده و أنفعلت معاها ومع الحتوته

تقبلي مروري ...............

العنود888 17-01-2010 04:31 PM

رد: قصيده روعه لشاب فقير
 
نقل اكثر من رائع

ابدعت حيل في رقي طرحك

كل الشكر لانتقآئك

واسمحيلي عزيزتي بنقل تلك الثمينه للقسم الانسب ~ المنقولات ~

تحيتي ~

~✿{ودآعتـڪ قلبيـﮯ••~ 17-01-2010 05:47 PM

رد: قصيده روعه لشاب فقير
 
سلمت أناملك
أبدعت في أختيآرك

ماننحرم منك
ولا من
رسم أحسآسك
وبوح قلمك

أسـيـر النـايـف 17-01-2010 08:06 PM

رد: قصيده روعه لشاب فقير
 
صح ذوقكـ و أختياركـ
و
يعطيكـ ربي ألف عافيهـ
راق لي حييل ما راق لكـ

تحياتي:/
أسيـــر

~ الأصيل ~ 18-01-2010 07:35 AM

رد: قصيده روعه لشاب فقير
 
الله يعطيك العافية

ولكن للاسف قد سبق طرحها

https://forums.graaam.com/244102.html

مع انتظار قادمك الراقي

اطيب الاماني

نبض المعاني


الساعة الآن +3: 12:15 PM.


موقع غرام موقع سعودي خليجي عربي يحترم كافة الطوائف والأديان ومختلف الجنسيات


SEO by vBSEO 3.6.1