αbŏŌŏs.Ǯĕĕήќ ©؛°¨غرامي جديد¨°؛©

الجـــزء التــــاسع

في مكان تخشع له القلوب المؤمنه والنفوس تهدأ وتطمئن كان يصلي بخشووع ورافع يده للسما يدعي ربه يسامحه ويفغر له ذنوبه وكل اللي سواه بدنيته لان اللي شافه وكان بيصير لاخته شئ مو سهل ابد كان يدعي من قلبه وتارك دموعه تنزل براحه على خده علها تسمح خطاياه وذنوبه يبكي بصووت عآلي ويدعي ربه يآرب انك عفوٍ تحب العفو فأعفو عني ،، يآرب سامحني واغفرلي ذنوبي ،، .................. قعد على هالحآل الى وقت صلاة الفجر صلى جماعة ورا الامامه ورجع البيت وهو منزل راسه مستحي من اخته بعد اللي صار لها ..
مر الاسبوع والكل منشغل بأفكاره وهمه ومستقبله اليوم اول ايام رمضان كان بالمطبخ يساعد اخته اللي حست بتغيره معاها خلال الاسبوع اللي راح وقالت لام مشعل عنه وفرحت حيل

كانت تشتغل وعيونها تدمع على امها اللي تمنتها موجوده بهاليوم وتشوف كيف طلال تغير 180 درجه من الاسوء للاحسن كانت تتمنى وجودها معاهم بأول يوم رمضان مسحت دموعها يوم حست بيد اخوها على كتفها وهو يقول : ندى الله يخليك سامحيني والله تغيرت ،، صدقيني ماراح اقصر عليك بشئ وبإذن الله راح اعوضك عن كل اللي فات ومسح دموعها بيده ولف عشان ماتنتبه لدموعه اللي خانته وقال : اوعديني انك ماتبكين مره ثانيه صدقيني دموعك غاليه علي

ندى : مسامحتك يا اخوي وضمته وهي تقول : مالي غنى عنك مهما صار بتبقى اخوي وعزوتي بهالدنيا الله لايحرمني منك

--------------------------

كان الجو يختلف تماما عندهم بالشاليه اول مره يكونون بشاليهات في رمضان كانوا البنات بالمطبخ كل وحده مستلمه شغل اللي تلف سمبوسه واللي تسوي شوربه وكــذا والامهات قاعدين وكل شوي وحده منهم تقوم تشوف البنات اذا محتاجين شئ او لا


هاجر وهي تلف سمبوسه مع رزان و روان :
اقول بنات ندى مادري وش فيها صار لها اسبوع مادقت ولا ارسلت ولما ادق يعطيني مقفل مره خايفه عليها لايكون صار لها شئ

ايمان : لاتخافين حبيبتي ان شاء الله مو صاير لها شئ تفائلي بالخير

لينا : يمكن البنت مشغوله والا شئ

وقعدوا على هالحآل لين قبل الاذان وحضروا الفطور للرجال ولهم

طوال الاسبوع الاول من رمضان وهم على هالحآل طول النهار البنات بالمطبخ وبعد الفطور يقرون قرآن وبعد صلاة التراويح يشووفون تلفزيون وماينامون الا بعد صلاة الفجر وطبعا في اليوم الثاني لازم التهزئ والصراخ عليهم عشان يصحون يسوون الفطور اما رابع يوم كانو مضربين عن دخول المطبخ وحالفين مايسون شئ وان امهاتهم هم اللي يدخلون يطبخون الفطور وهذا اللي صار بعد صراخ الامهات عليهم وهم معندين على الآخر ،، بعد ماخلصوا الاسبوعين اللي بالشاليه الكل رجع بيته بعد السحور وقرروا ان كل يوم اربعاء يكون الفطور في بيت ..

بعد اسبوع في بيت ابو ساره

لينا : اقول روان متى ناويه تجهزين للملكه ترى مابقى عليها غير 3 اسابيع

روان : يووه تصدقين عاد راحت عن بالي

اروى : لالالا ياااساااتر ،، وهي تأشر على يدها : اقص ايدي اذا راحت عن بالك وانتي بالليل تهذين بمحمد مالت عليك وعليه مسووين لي فيها روميو وجوليت

لفت روان وجها بدلع وشعرها طاح على وجها بطريقه عفويه : وانتي وش خصك

ام ساره وهي تصارخ من المطبخ : ليناااا رواااان اروى تعالو ساعدوني مابقى وقت ويأذن

بعد الفطور

جلست روان جنب ابوها وبدت عاد بحركات الدلع : بآآآآبي

لينا واروى وهم يقلدونها : بآآآآآآآبي

ابو ساره : ههههههههههههههه وانتو مابتبطلون حركاتكم الهبله ولف على روان : آمـري

روان : ابي منك فلوس عشان ابي اجهز للملكه مابقى عليها شي وما اضمن الحجوزات

اروى : يوووووه ، اقول انتي لاتصدقين نفسك قالت ايش بابي ابي فلوس اجهز للملكه ما اضمن الحجوزات وحديقة بيتنا الكبيره وش بتسوين فيها بتتصورين جنبها مثلا خخخخخخ وغمزت للينا

لينا تجاوب بلقافه : لا ماتتصور جنبها عشان نسوي ملكة روان فيها زي ساره خخخخخ

روان : يووووووووووووووه لاتتدخلون انا قاعده اكلم بابا ولفت على ابوها وش قلت بااابي

ابو ساره وهو يطالع بناته ويغمز لهم خايف يضعف قدام بنته ويخرب كل شي : صادقين خواتك سويها بالحديقه كبيره ماشاء الله واللي تبينه بجيبه لك

لفت روان وجها بدلع وهي تتصنع الزعل عشان ابوها يحن عليها وطالعت اخوانها بنظرة تهديد بس لا حياة لمن تنادي وطلعت غرفتها

لفو اروى ولينا على ابوهم وهم يضحكون : هههههههههههههههههههههههههههه ،، تعجبنا وهم يقلدون طريقة روان يآبآآآآآآآآآبــي ضبطت الدور خلي الترتيبات علينا ناوين نسويها لها مفاجأه بس لازم ماتروح الحديقه من ورا

كانو البنات مخططين مع ابوهم على كل شي وقد رتبو كل الحجوزات من رجعوا من الشاليهات بشكل هادي عشان روان ماتشك بشي بس باقي على روان تختار الفستان
كانو مقررين يسون الكوشه وخلفها شلالات وورد وكرسي كبير على شكل قلبين متداخلين في بعض والكراسي والطاولات يكون لون مفرشها احمر والورد بالابيض والاحمر وحجزوا باقي الاغراض من دي جي وقهوجيات وحلا وموالح وبوفيه العشى ..

طلع ابو ساره عند بنته ودق الباب


كانت روان تقرأ بكتاب حطته على جنب وعدلت جلستها :
تفضل

دخل ابوها وجلست جنبها : شخبارك ياحلوه؟

روان : الحمدالله يبه بشوفتك

مد لها فلوس : روان هذي الفلوس عشان تروحين تشترين فستانك حق الملكه وتحجزين المشغل لك ولخواتك المهبل

روان : يعطيك العافيه يبه ماتقصر الله لايحرمنا منك ياارب ويخليك لنا

ابو ساره : ويخليكم لي ،، ابيك بعد صلاة التراويح تاخذين خواتك وتروحون تشوفون لكم فساتين وتحجزون المشغل ابي الكل اذا شافكم يقول عند ابو ساره بنات يجننون

روان : ان شاء الله

---------------------------------

في بيت بعيد كانت قاعده على سجادتها وتقرأ قرآن وتبكي تدعي لامها بالرحمه كانت فاقده امها حييييل واخوها ماقصر معاها كان يحاول يعوضهاعن كل شي بس ماحد يقدر ياخذ مكانها بحنانها وطيبتها

يوم سمع اخته وقفت قرائة القرآن دق الباب ، شالت سجادتها من على الارض طبقتها
وحطتها على سريرها وشالت الشرشف وطبقته وفتحت الباب :
تفضل طلال

طلال وهو يبتسم : زاد فضلك ،، تقبل الله

ندى : منا ومنك صالح الاعمال ،، أمر بغيت شي

طلال : لا سلامتك بس حبيت اخذك ونطلع نتمشى شوي عشان تغيرين جو وتشوفين لك شي للملكه اللي بتحضرينها

ندى : ان شاء الله دقايق بس اجهز ونزلك تحت

-------------------------

بيت ابو ماجد

إيمان وهي تفتح باب البيت : السلام عليكم جميعا

الكـل : وعليكم السلام والرحمه

خآلد وهو يسلم على عمه وعمته : شخباركم كيف الدنيا معاكم ؟

ابو ماجد : الحمدالله ، انت شخبارك وكيف إيمان معاك ؟

خالد : والله الحمدالله مو مقصره بشي الحمدالله

ام ماجد : الله يخليكم لبعض ياارب

إيمان وخالد : آمييييييين

-------------------

سـاره : اااه يافهد الحقــي بووولد

فهـد جا يركض خايف : ايش فييييك وش صاير

ساره بتعب والم : بولد الحق علي

لبسها عبايتها وشالها وبسرعه راح المستشفى ودق على اهلها من التوتر عشان امها تجي عندها

قعد يمشي عند باب غرفة الولاده رايح جا يفرك ايده في بعضها من التوتر وخايف على زوجته ربع ساعه امها وابوها وصلوا وقال لعمته انها فجأه قامت تصارخ وحست انها بتولد وجابها المستشفى قعدت امها على الكرسي وقعدت تدعي ان ربي يقوم بنتها بالسلامه ويحفظها لهم ويخليها لزوجها ومولودها الجديد

شوي الا انفتح الباب وطلع الدكتور : انت زوجها

فهد : بشرني يادكتور ؟

الدكتور : الحمدلله على سلامة المدام ومبروووك ماجاكم يتربى بعزكم ان شاء الله

فهـد : الله يسلمك يعني انا صرت ابو خـلاص ويلف على عمه انا صرت ابو ياعمي وصار لي ولد يحمل اسمي الحمدالله لك ياارب

ابو ساره : الحمدالله على سلامة زوجتك والله يجعله ربي من مواليد السعاده ويحفظه لكم

دقت ام ساره على بناتها تبشرهم ان اختهم جاها ولد واستانسو البنات واحتفلو مو مصدقين
انهم صارو خالات

----------------

...... : الو السلام عليكم

....... : وعليكم السلام مين معاي ؟

........ : انت راكان الـ .....

راكان : اي نعم مين انتي ؟

..... : انا وحده معجبه فيك واحبك وماقدر اعيش من دونك

راكان انصدم من هالجريئه اللي تكلم معاي كذا : ومين حضرتك عشان تقولين لين هالكلام بكل هالجرئه اللي فيك

........ : انا حبيبتك يارووحي

تقرف راكان من طريقة كلام البنت وقفل بوجها وقفل جواله بعصبيه وحذفه فوق سريره ونزل تحت عند اهله

راكان : السلام عليكم

الكـل : وعليكم السلام

ابو خالد :
حيالله راكان اللي مختفي عنا صار له يومين ماينشاف ابد

راكان : والله آسف يبا بس انشغلت اجهز اغراضي اللي باخذها معاي لندن لما ارجع ادرس بعد شهر وانزل السوق وحوووسه مثل ماتشوف

ابو خالد : الله يوفقك ياولدي ويزوجك بالحرمه اللي تحفظك وتصونك

راكان : لا يبه بـدري مررره خليني استمتع بشبابي بعدين يحلها الف حلال

ام خالد تقول موالها المعتاد : ماتبي نشوف عيالك خلينا نزوجك نشوفهم قبل لا ربي ياخذ امانته ..... ومن هالكلام اللي اكثر الامهات يقولونه لعيالهم

ولاء : يمـه خلي الولد براحته لاتجبرونه على شي مو مقتنع فيه

طالع راكان اخته وعجبه كلامها : وهي صادقه يمه لاتجبروني على شي وبعدين اظلم بنت الناس معاي والا ماتعجبني مالها دااعي يمه

وهاجر طبعا كانت بعالم ثااني مندمجه مع المسلسل على الآخر وتاكل شيبس

------------------------

بالمجمع عند ندى وطلال

طلال : ادخلي هالمحل شوفي لك شي

ندى : يوه طلال خـلاص تعبت وشريت اشياء كثيره

طلال : طيب اقعدي هنا وانا بدخل اشتري لك على ذوقي انتي من زمان ماشريتي اشياء ونزلتي السوق

ندى : لا طلال لاتخليني لحالي وتدخل بجي معاك خلاص

مسك يد اخته ودخلو المحل اخذ لها كل شي وماقصر معاها ابــد

وهم طالعين من المجمع

طلال : يلا ياحلوه قوليلي وين ودك تتعشين

ندى :
خـلاص طلال والله تعبتك معاي اليووم نرجع البيت وانا اطبخ لك

طلال : افااا تردين اخوك اللي اول طلعه يطلعها معاك

ندى استحت من اخوها : خلاص طيب امـممم وديني المطعم اللي تحبه

طـلال : طيب تحبين اوديك تشيليز او فرايدز

ندى : فرايدز ودي اجربه البنات يمدحونه بالمدرسه

طـلال : ان شاء الله وكم ندوووش عندي

ندى : الله يخليك لي يارب ويحفظك ياعزوتي وهلي

توجه طلال لفرايدز وطلبوا وتعشوا بعدها مشى على الكورنيش مع اخته يهضمون على قولته واخذ لهم آيس كريم اكلوه وبعدها رجعوا البيت

وندى من فرحتها باللي سوواه اخوها لها راحت كلمت هاجر وحكت لها كل اللي صار معاهم ومره استانست هاجر لصديقتها وان اخوها تغير وصار معاها دايم وقعدت تدعي ان ربي مايغيره عليها



ادري الجزء مرررررا قصييير و آسفــه على التأخير في تنزيل الجزء بس انشغلت شوي

الجزء العاشر مادري متى بنزله ابيكم تصبرون علي شوي لان لسا قاعده اكتبه مابعد اخلص منه وابيه يكون طويل

حلى السعودية ©؛°¨غرامي مشارك¨°؛©

روووووايه مرهـ
تهبل : واسلوبك جنااان
يعافيك ربي يالغـآـآ

بنتظار البارت الجاي



لـكِ ودي

بوتاسيوم ©؛°¨غرامي مشارك¨°؛©

وااو البارت راائع

فديت من مكلني ©؛°¨غرامي مشارك¨°؛©

باااارت يجننننننننننننننن

متى البااارت الجاي

احساس حزين ©؛°¨غرامي جديد¨°؛©

بارت يجججججججنن تسلمي متى البارت الجاي

فديت من مكلني ©؛°¨غرامي مشارك¨°؛©

متى الباااااااااااااااااااااااااااااااااااااااااارت

{~..آدمـنت حبككـ..~} ©؛°¨غرامي مشارك¨°؛©

وااااااو روعه

أدوات الموضوع
طريقة العرض

موقع غرام موقع سعودي خليجي عربي يحترم كافة الطوائف والأديان ومختلف الجنسيات
جميع الحقوق محفوظة منتديات غرام
iTraidnt by ROMYO
جميع الحقوق محفوظة منتديات غرام
iTraidnt by ROMYO

SEO by vBSEO 3.6.1