shado0ow ©؛°¨غرامي جديد¨°؛©

هااااااي بنات و شباب....!!!!

انا يديدة هني و هذي اول قصة اكتبها...!!!

قولوا لي اذا حلوة عشان اكمل....!!!!!!



يتني فكرة هالقصة من هالخاطرة:

كل شبر بهالوسيعـه ملـك ربـي تعلميـن
وأعلم إن اللي خلقني هو خلق لـك هالعيـون
لكن انتي من جلستي وانتـي فينـي تحدقيـن
كن ما به ناس غيري بهالكراسـي يجلسـون
لو سمحتي عاد أسمعي وحتى لو ما تسمحيـن
المهـم اللـي بقولـه تسمعينـه و يسمعـون
ع الأقل ليا نظرتك سـوي روحـك تستحيـن
غضي طرفك مثل غيرك خوف ربعي يلمحون
الركادة عاد زينة والحياء فـي البنـت زيـن
وفيـك جآزم لا ركـادة ولا حيـاءٍ يـذكـرون
تعرفينـي ؟! أعرفـك ؟! ماأذكـر إنــا ملتقـيـن
لا أعرفك من تكوني و لا تعرفي مـن أكـون
وإطمأني إن كان قصدك بس فينـي تشبهيـن
ما هـو أنـا إلي تعرفيـه والبشـر يتشابهـون
مـا دريتـي من التشابـه يخلـق الله أربعيـن
وأعرف أربع يشبهنك بـس والله يستحـون
وإن كان قصدك شي ثاني عاد قولي وش تبين
خايف إنا نصير فرجة وإللي ماشتروا يتفرجـون
وإذا ببالك عاجبتنـي لا يحوشـك تحلميـن
صح ربعي من جمالك فيـك صـار يمدحـون
بس وش لي في حلاتك دام فيهـا ترخصيـن
حشمة البنـت وحياهـا والكرامـة يلفتـون
ولو توفر فيك هـذا مـع حلاتـك تبشريـن
ما هو أنا ألف غيري بـاب بيتـك يطرقـون
وش علامك رغم كل اللي أقولـه وتسكتيـن
مو طبيعي هالسكوت وهالبـرود وهالسكـون
إنتـي خرسـا أسألـك ولا منتي تسمعيـن؟؟
قالوا ربعي ذي كفيفـة قلـت لا لا تمزحـون
لين شفتك يوم رحتـي يمسكونـك باليديـن
ما دريت إلا عيونـي أربـع أربـع يذرفـون
آه ياني منه مشهـد يـوم شفتـك ترحليـن
جيت اشوف عيون ربعي لقيت الكـل يدمعـون
يالكفيفة يالعفيفـة إن قلـت آسـف تقبليـن ؟؟!!
يغفر الله ذنوب عبده ليا خطا وهـل تغفـرون ؟؟؟؟



يلا نبدأ.... وان شاء الله تعجبكم......!!!!!






عايلة بو منصور:
سعيد زايد: عمره 42 سنة. انسان هادي و حبوب رئيس فرع لشركة نقل. يعيش فالعين. عندا هيبة بين الناس. يحب بنته الوحيدة حب هب طبيعي.

مريم: حرمة سعيد. عمرها 39. انسانة ناعمة و هادية. ربة بيت و اهم شي عندها ريلها و عيالها.

منصور: عمره 19 اول سنة جامعة. غرشوب، حنطي و شعره اسسسسسسسسسسسسسسود لين كتفه، عيونا وااااسعة و رموشا طويلة. قيادي بس حبوب و هاااادي. محد ف عيونا الى اخته التوأم و الوحيدة. ما يهون عليه ابدا أي شي يزعلها.

مها: توأم منصور. 19 سنة. بنت هاااااادية شرااات امها و ابوهااا. عيونها و لونها مثل اخوهااا. شعرها بعد اسسسسسسسسسسسسسسسسسسسسسود و طويل. يعني باختصار الكل يتمنى شووفتهااا. مشكلتها الوحيدة انها عمياء. المسكينة فقدت بصرها في حادث يوم كان عمرها عشر سنوات. وحيدة اهلها و دلوعة ابوها. مها تحب راشد ولد عمها و خالتها. بس للأسف راشد خاطب وحدة ثانية.

سلطان: عمره 18 سنة. الوحيييييييد في عيال سعيد الي غيييييير عنهم. خلقه ربنا للإستهبال. متعب ابووووه و اخووه العود. دلووع امه و غرشوب مثل منصور.

حمد: بيبي العايلة. عمره 16 . النيك نيم ماله فالبيت "حمد الياباني". انسان هادي و ضحية مقالب سلطان و حمدان ولد عمه. ابيضاني، شعره بني فاااااااااااااتح و عيووونه نعسااانه و نص مفتوحة.

---------------------------------------------------------------------------------------------------------------------
عايلة بو راشد :
خالد زايد: اخو سعيد وعمره 45 سنة. عكس اخوووه و الفرق الي بينهم فرق السماء والأرض. انسان يحب الإستهبال و كل عياله طالعين عليه. يحب مرته مووووووووووووووووت ويحب دلهعا. يعيش في دبي و رئيس الفرع الرئيسي لشركة نقل.

عايشة:حرمة خالد و اخت مريم. يعني خوان ماخذين خوات. انسانة خجولة جدا و خاصة ويا ريلها. ربة بيت و عااااااااايشة حياتها.

راشد: اكبر عيال خالد. عمره 24 سنه. خاطب بنت جارهم سارة الي يحبها من هم يهال. يشتغل مدير منفذ في الشركة. يحب ينكت و يقرض خوانه. حنطي خشمه سيف. طويل و محافظ ع جسمهـ، يحب يخلي شعره سبايكي.

ندى: 19 سنة. وحيدة خالد يعني دلوووووووووووعة رقم واحد!! انسانة مينونة وتحب السوالف. دوم تحط عمرها في مواقف محرجة و كل الي فالعايلة يحبها. معروفة بالقصات الغريبة وكل يوم صابغة شعرها لون. حنطية و خشمها سيف مثل اخوها.

حمدان: توأم ندى. اهبل رقم واحد. مثل اخته مينون و يحب السوالف. و كل ما لبست ندى لازم يكون لابس نفس اللون. شعره شوي طويل و سباكي بأشكال غريبة. محد سلم من مقالبه. ولا حتى الشياب.

عبد الله: "عبوود المصري" 16 سنة اعز اصحاب حمد. بعد مثل اخوانه مينون. انسان نسخة من راشد. يحب يتكلم مصري و متعب امه وااااااااااااايد!!!! آخر العنقود

---------------------------------------------------------------------------------------------------------------------
عايلة بو سيف:
أحمد سيف: انسان طاير ع الصوب الأجانب. ماخذ وحدة روسية. عمره 46 سنة. رئيس شركة بترول مشهورة في دبي.متواضع جدا و هب خقاق. هب عصبي بس هب فري بعد.

جسيكا: حرمة أحمد الي ماتت و هي حامل في البيبي الأخير مالهم. هي و البيبي ماتوا قبل لا يوصل احمد المستشفى. كانت بنت ناس وراقية.

سيف: 22 سنة. البكر و بطل قصتنا. اهبل شوي و ما يحب اللف و الدوران. انسان قيادي و هب مال حركات مصخرة. ابيض و اشقر و عيونه رمادية بس ملامحه عربية. متواضع مثل ابوه و وريثه.

غيث: انسان غامض. 20 سنة. شكله اجنبي من فووووق لتحت. كان دلووع امه و حاااااقد ع ابوه لأنه ما كان موجود و هي تموت.

منال: 17 سنة. انسااااانة رزينة و هااي كلااااس. ابوها يحبها مووووت لأنها مثل امها. الإبتسامة دووم مرسومة فشفاها. شعرها بني فاتح قصير. و عيونها بنية. بس بييييييييضاء و عيونها واسعة.

امنة: 16 سنة. انسانة غيووووووووورة. تحب تكون محط الأنظار. ملامحها قوية و اجنبية. انسانة كتووووومة و خقاااااااقة.

---------------------------------------------------------------------------------------------------------------------
عايلة بو محمد:
عبدالله: انسان عصبي جدا. يشتغل في التحريات في دبي. انسان مطفر بعيييشة اولاده. حاااااااااط عينه على امنة بنت احمد لولده العود. حرمته ماتت وربى عياله على تعقيد.

محمد: عكس ابوووه. عمره 22 سنة. دوووم يتضارب ويا ابوه على سالفة امنة. انسان حكيم و متواضع. اعز اصحاب سيف و يشتغل محامي في شركة احمد. اسمر و طويل. شعره كيرلي نااااعم.

سهيل: انسان صارم بس هب مثل ابووه. يعز اخوانه واااايد. الوحيد الي يروم يرد على ابوووه او اي حد ثاني. ما يحب احد يجرح كرامته. اهماله من ابووه زرع كره في قلبه. اسمر و شعره ناعم.

حمدة: 18 سنة. شايلة البيت كله. انسانه هب مهتمة بعمرها. اهم شي ابووهااا و اخوانها. ابوها ما خلاها تكمل دراستها. انسانة خجولة وماتحب تطلع بره. وعيونها دوم ع الأرض.

هنوف: مثل اخوها سهيل بالضبط. عمرها 16 سنه. دوم تنضرب من ابوها لأنها ترد عليه احيانا. تحب اختهااا واااااااااايد!!! قوية و تتفلسف وااايد. بس اغلب الأحيان وجودها و عدمه واحد.
------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------

البااااارت الأول:

في احد احياء العين الهاديه و بالتحديد بيت بو منصور. مها كانت يالسة ويا امها و ابوها تتريق. فجأة سلطان يدش يضحك و ماسك بطنه.
بومنصور: شو سويت هالمرة يالخدي. سلطان ابتسم ابتسامة عوووودة
سلطان: اسأل البيبي! تعال حمد لا تستحي محد الى اماية و الشيبة. ابووه عصب بس تم ساكت.
دش حمد و شعره كله مصبووووغ احمر.
حمد: اماااااااااااايه!!!! بتشوووووووفين ولدج ولا اقوم ادوووووسه!!
سلطان: ماااااااااا ترووووووووم يالبرييييعصي!!!
حمد: اماااااااايه!!
ام منصور: يا ويلي ع ولدي انا! سلطاااااانو حراااااام علييييك!!!
سلطان: يا حبيييبتي انتي! اخر مرة. و حبها ع راااسها
مها: انت كل مرة بتقول اخر مرة..؟ حرام عليييك...
سلطان: اوووووووهــ!!!!! مهههههوي غارت من اماااااية..! تعااالي احب رااااسج يا بعد جبدي!!!
مها ضحكت ضحكة هاااادية يوم سلطان حبهاا. دش منصور وسلم ع الجميع و حب راس امه و ابووه.
مها: رقدت عدل موني..؟ مها تنادي منصور اخوها "موني" ابتسم منصور و مسك ايدها
منصور: هييييييه!!!
سلطان: وحلمت ف منوووووووو..؟!
منصور: جب انته...!
بو منصور: حسبي الله عليييك! ما تستحي!
سلطان ضحك: اوووووه نسيت انك اندر اييج....!!!!
قام بو منصور يبا يضربه..... شرد سلطان وراا امه....
حمد: افاااا يبااا انا اساعدك..... سلطان عطاااه نظرة
سلطان: اقول يا تشينج شان شووو....!!!! سير اتغسل!! شكلك منحرف!!
منصور: هههههههههههههههههههه!!!! الله يخسك يالخدي!!!
حمد قام من مكااانه و طلع فوووق
منصور و سلطان: دلوووووووووووووووووووووووووووووووع!!!!! هههههههههه!!!
ام منصور: هييييه يا ربي نسيت..! منصور فديتك تروم تودينا دبي....! ملجة رشود بعد شهر وبعدنا ما شرينا شي..!!!!
. مها عضت شفايفها يوم سمعت اسم راشد. حبته من يوم هي يااااهل ولا عبرها.
منصور: افاااا عليييج..!! انا كم مريوم و مهوي عندي ؟ يلا بسير اتزهب ونتطلع!!
ام منصور: مهوي حبيبتي قومي فديتج. و مدت ايدها. مها نزلت راسها و مسكت ييدها.
مها: ان شالله امايه.
---------------------------------------------------------------------------------------------------------------------
في دبي و في غرفة حمدان. حمدان كان راقد و مرتااااااااااااااااااااااااااااح!! بس للأسف ما دام طوييييييل!
ندى: حمداااااااااااااااااااااااااااااااان!!!!!! يلا نش!!!!!! الجو حلووووو اليوووووووووووووووووم!!!!!!
حمدان: يااااااااااااا الللللللله!!!!! انتي متى بتعرسيييين وافتك منج!!!! ندى ضحكت و سحبت اللحاااف
ندى : بتم قااااااااااااااااااااااعدة ع جبدك!!
قام حمدان و شاااف الساعة!!! صرخ يوم شافهاااا السااااعة 10 الصبح!
حمدان: انتي مينوووووونة!!!!! الديج بعده رااااقد!!!!! قومي عني يالعنز!!!
ندى: بااااابااااااا!!!!! تعاااال شوووووف حمدان!!!!!
دخل بو راشد بسرعة!!!!!
بو راشد: هااا!! بشري بنت ولا ولد!!!!! قااام حمدان
حمدان: حوووو!!! يالشيبة!!!!! شو هالسؤال من الصبح؟!
ندى و ابوها تموا يضحكون
بو راشد: يلا يلا قوم قبل ما اطرش مسج حق العالم و ابشرهم!! يلا نش بسرعة عيال عمك بيوون عندنا ع الغدا.
حمدان: اوووفففففف يلا يلا نشيتَ!!!! نزلت ندى من غرفة حمدان وسارت ويا ابوها تحت . و هم نازلين شافت ندى صرصور..!
ندى: آآآآآآآآآآآآآآآآآآآآآآآآآآآآآآآآهـ!!!!! باباااا!!!! صرصوووووووور!!!!!
نقز ابوها ولف بسرعة وشل الصرصور من الارض
بو راشد: ندوي هااي لعبة...
سكتت ندى و شوي سمعت ضحكة من وراها لفت و لقت حمدان ماسك بطنه و ميت ضحك عصبت ندى و صارخت
ندى: يا سخييييييييييييييييييف!!!!!! تستهبل؟! يعني لو استوالي شي؟!
بوراشد: بسم الله ع بنتي
عبد الله طلع من غرفته معصب من الإزعاج و صارخ ع ويه اخته
عبدالله: خير في اااييييه؟! عملالي دوشة كده ليييييه؟! مش شايفة الساعة يخربيتك!!!
حمدان: يلا نش قوم عمي بييون عندنا..!!!
عبدالله: ياا سلااام..!! ده حبيب ألبي حمد جااااي..!!!
ندى: انا اصلن كنت شااااااااكة!!! بس الحين تأكدت!!!!!!!!
عبدالله: حووووو!!! تستهبليييين؟!؟! والله بنات اخر زمن! اقوووول يلا جلبي ويهج!!!
بو راشد: يلا يلا تحت! امكم و رشود يتريونا! و كلهم نزلوا تحت.
في المطبخ:
رشود و امه يالسين في المطبخ ياكلون... دش حمدان وهو يضحك و ندى تتحرطم..
راشد: شو بلاج ندوي؟
ندى: هذا اخوك المتفيج!!!! يزيغني!!! لا و من الصبح!!
حمدان: بتم يالس ع جبدج!
ام راشد: حمدان فديتك لا تآذيها تعرف اختك...!
بو راشد: يا ربي فديت هالصوت انا....! ضحكت ام راشد و سكتت.
راشد: اقول ابوي في غرف واااااااايد ف البيت....!!
كل اخوانه ضحكوا... التفت عليهم ابوهم و صرخ
بو راشد: صج ما تستحون يلا جدااااامي ما شي ريوق!!! يلا!!!
كلهم: لااااااااااااااااااااااااااااااااااا
بو راشد: حشااااااا!!!! شو الصريييخ!!! انزين اخر مره...!!!!!
راشد: تعال خلود بحبك ع راسك...!!!! قام حب ابوه ع راسه و يلس ياكل...
طالع بو راشد عياله الباقين...
بو راشد: و انتو....
ندى و عبدالله و حمدان ضحكوا و حبوا ع راااسه..
---------------------------------------------------------------------------------------------------
تعالووانشوف بطل قصتنا سواف.......

سيف كان راقد في غرفته العودة....وما حس ف منال و هي داشة توعيه...
منال: سوافي.....! يلا نش فديتك..... ابويه يسأل عنك..
بطل سيف عيونه و ابتسم لإخته
سيف: ان شاء الله الحين ياااي
منال: يلا عيل نترياك ع الريوق... و راحت...
نش سيف و دخل الحمام يتغسل..... طلع و لبس ملابس السبورت ماله لأنه اجااازه.... سرح شعره و نزل....
سيف: السلام عليكم..... حب راس ابووه و يلس يمبه..
بو سيف: هلا و اللللللله بولدي.....شحالك..؟
سيف: والله تماام...و انت ابويه كيف كان الإجتماع امس...؟
بو سيف: والله كان اوكي......عندك خطط اليوم..؟؟
سيف:هيييه والله بجابل حمود و سهيل ف المول و بعدين بنسير البحر... تآمر بشي..؟
بو سيف: لا بس اسأل...خلاص عيل انا بيلس عند بناتي اليوم...هههههههه
منال: انتبه ع عمرك هناااك ف البحر اوكي...؟؟؟
سيف: هههههههههه فديتج ان شاء الله...!
دش غيث و سلم بهدوء و يلس ياكل بدون صوت .....و بعده بشوي دشت امنه...
منال:امون ابويه بيتم ويانه ف البيت...
امنه: اونه غريبة....! شعندك ابويه..؟؟
بو سيف: هههههههههه.... ما شي بس حااب اخذ اليوم اجازه واقعد ويا بناتي...!!!!
سيف: غيوث...؟ بسير المول ويا حمود و سهيل بعدين بنسير البحر.....! ياااي و لا؟؟
غيث: لااا بسيير النادي...!!!
سيف: ع راحتك... يلا انا بسير اجهز الجتسكي....منال تسااعديني...؟
منال: انا عيوني لك..... ابتسم سيف و راح هو واخته بره....
سيف: مشكور يالغاليه...
منال: هههه لا داعي...!!! شكلك بتستانس اليوم....
سيف: هيييييه! ان شاء الله بس ما القى شي يحطم موودي...
منال: ههههههههههههه....!!!!!!!

شو راااايكم اكمل ولا لااااااااا؟!؟!؟!؟!؟!؟!؟!

الزعيـ A.8K ـمه δЯέαмş
مستشــ¸.·* غرام *·.¸ـــاري

,’



بسم الله



يعطيك العــافية
موفقة إن شـــاء الله



https://forums.graaam.com/238622.html



,’


shado0ow ©؛°¨غرامي جديد¨°؛©

وصلوا قوم بو منصور دبي. الكل نزل من السيارة. بو راشد سلم ع اخوه و الحريم دشوا داخل البيت. ندى بسرعة نزلت من فوق عشان تسلم ع خالتها و مها.
ندى: مهههههههههههوي!!!!!!!! تولهت عليج.
مها: ههههههه اكيد لازم تتولهين علي..!!
ندى: و خقاااااااااااقه بعد فديتج!!!
مها: هييييييه اكيييد..!!
فجأه سمعت مها صوت راشد حست قلبها بيطلع من مكانه... لو بس تقدر تشوف يمكن كان في أمل لكل شي...

راشد: هووود يااا اهل البيييت!!!!
ام منصور: تعالي مها...!
مها: ان شاء الله يمه...
ام منصور: هدى هدى!! محد غريب!!
دخل راشد و سلم ع عمته و حب راسها... مها تمت ساكته ما تعرف شو تقول...اتم ساااكته ولا تتكلم.... فتمت ساكتة
راشد: مهوي شحالج؟؟
مها: هاااا الحمدالله تمام.... انت شحالك؟
ندى: و شو بيكون حااااله المعرس؟؟
راشد: ههههههههه اسكتي انتي بس....
مها حست قلبها يتقطع.. تبا تصارخ و تقول احبك يا راشد بس ما تروم الحين... الريال خالب و ملجته بعد شهر...
حمدان: هووووود ي اهل البيت!! هووود!
ندى: هدى!!
دش حمدان بسرعة و سلم ع خالته و بنت خالته
حمدان: اااااااه خالو تولهت عليج!!
ام منصور: ههههههه هيييه مبين وااايد
حمدان:ههههههه وانتي مهوي شحااالج؟
مها ابتسمت: هلا حمدان..
عبدالله : الله الله ايييييه الجمال ده!! كلكم هنااه!!!
مها: يا هلا والله بعبود..!!! شحالك؟
عبود: الحمد الله اخبااارك اييه يا أمر؟
مها: الحمد الله تمام
راشد: يلا كلكم بسرعه ع الميلس..!!!
ام راشد: رشوود فديتك..... بعدين سير وياا ندى و مها عسب يشترون اشيااء للملجه...
راشد: افاااااا عليكم بعد الغدى انا تحت امركم...!!!

حطوا الغدى و مها ما كلت واايد....كانت فيها الصيحة تبا تصارخ بس ما تروم.....لو بس تروم تشوف....بعد الغدى مها و ندى لبسوا عباياتهم و يلسوا ويا حمد و عبدالله.... بعدين نزل راشد و طلعوا دبي مول
------------------------------------------------------------------------
سيف طلع من غرفته و نزل تحت و لقى ابوه و منال يلعبون ورق....ضحك سيف وهو يشوف ابوه معصب انا بنته هزمته...
بو سيف: لا انتي اكييد غشيتي
منال: يااااا ابويه هاااي سادس مره افوز
سيف: خلاص يالغالي اعلن الهزيمة...ما تروم ع منال
بو سيف: لااا لااا انا اصلن خليتها تفوز صح منوله؟؟؟
منال:هههههههههه هيييه هيييه صح....
سيف: يلا تآمرون بشي؟؟
بو سيف: لاا فديتك تسلم
منال: انتبه ع عمرك سواف.... حركات الشباب مالها داعي
سيف: ان شاء الله يالغاليه....يلا فأمان الله
منال: الله يحفظك....
------------------------------------------------------------------------
وصلوا مها و ندى المول ويا حمد و عبود.....راشد قالهم انه بعدين بياخذهم......ندى سحبت مها من محل لمحل... حمد و عبدالله كانوا الحمالين...... بعد ساعتين من اللف في المول يلسوا كلهم في ستار بكس...
ندى: آآآآآآآآح احب ريحة الكابشينو!!!!
مها: هههههههه شوي شوي ندوووي...
ندى: لا تخافين ما بطيحه!!!
عبدالله: انا زهئت!! عاوز اروح البيت!!
حمد: انا بعد!! ياخي انتو ملل!!
ندى: جب يلا ولا بخبر رشوود!!
حمد: انزين ليش ما خذيتوا منصور و حمدان!!!
مها: انزين يعني ما تبوني اشتري فستان؟؟
سكتوا حمد وعبدالله بعدين قالوا: انزين بعدين وين بنسير؟
مها: هههههه فديتكم...
ندى: ياااااا ربي نسيت!! ساااروووو وصتني اييييب لها عدسات!!
مها: وين المحل؟؟
ندى: هب بعيد....تعالوا يلا بنسير...!!
مها: سيري انتي ندووي انا بتم هني... شيلي وياج حمد و عبود
ندى: متأكدة.....؟
مها: هههههه انا اخاف عليج اكثر من ما اخاااااف ع عمري....!!
ندى: ههههههههه!!! اوكي!! يلا انتوا جداااامي!!!
عبدالله:اووووفففففف!!!!!
حمد:مها تمييييي مكانج!!! لا تسيرين مكاااان اوكي؟!
ابتسمت مها: اوكي لا تخااف..!
ساااروا عنها و مها سرحت فأفكارها.....ليش؟ هي قبيحة؟؟.... من زمان ما شافت عمرها.... راشد يكرها؟؟؟...ليش جي يسوي فيها؟؟؟؟...هي تحبه و تموت فيييييه وهو يسوي طااااااف!!! نست مها انها ف الكافيه و سرحت ف راشد.....و ما لحظت انها ف مكان عام
------------------------------------------------------------------------
سيف طفر من محمد و سهيل لأنهم تأخروا عليه.....كان يالس ف الكافيه....تلفت سيف حولييه و شاف بنت سرحاانه ف ويهه...! ابتسم اتساامه صغيييييييييييييييييرة و لف....بعد دقيقتين لف عليها ثاني مره و بعدها كانت سرحانه فييه.... عصب شوي سيف و لف و سوالها طااااااااف...!!! لف عليها بعد مره و هي بعدها ع هالحال..! اشر لها سيف عسب تستحي ع وييهها شوي!! بعد ما لفت ولا تحركت!! قام سيف يبا يتفااااااهم وياها!!
سيف: لو سمحتي.!!!
------------------------------------------------------------------------
قطع حد افكار مها، خافت مها وارتبكت..... شو تسوي؟!
مها:هااااا....؟! نعم؟!
سيف: استحي ع ويهج و لا تطالعيني جي!!
مها: شووو؟ انا ما طالعت حد...!
سيف: لا و تستهبل بعد...!!!! اقوول لو ما فيج حياااء ع الأقل لا تطيحين سمعت اهلج...!!!! قليلة ادب!!! صدق ما تربيتي يالـ*******
و راح عنها.....مها تمت منصدمة.... حست دموع بتنزل... بس مسكتهم...وطالعت الأرض....سكرت عينها و هي خاااااااايفة......
------------------------------------------------------------------------
سيف يلس مكانه و حاول يهدي عمره..... لف طالع البنت ثاني مره و شافها اطااالع الأرض...
سيف لنفسه: زين بعد احترمت عمرها شوي...
شوي يت بنيه ويا ولدين عند البنت الي كانت تشووفه....اسغرب يوم شاف البنت تقوم بصعوبه.... وتتحسس الأشيااااء...انصدم سيف... استوعب انها ما تشوف...مرت البنت من يمب الطاوله الي كان يالس فيها...و اتأكد انها عمياء..... تنهد سيف: انا شو سوييييييييت.....!!!!!


وردة الجور ©؛°¨غرامي مشارك¨°؛©

رررررررررررروعه

shado0ow ©؛°¨غرامي جديد¨°؛©

مشكووورة ع المرووور ^^

shado0ow ©؛°¨غرامي جديد¨°؛©

سيف: هي ما كانت غلطانة...!! ما كانت تعرف...!! وانا مسحت فيها الأرض...!!! اوووفففف يا سيف الحين كيف بتحل هالمشكلة...!!!
بدون ما يفكر لحقهم سيف..... ما يعرف ليش بس حس انه لازم يعتذر للبنت.....!!!
وهو عند باب الكافيه قابل محمد و سهيل...
محمد: هلا سواااف!!
سيف: هب الحين اتريا شوي!!
سهيل: حوووو شو بلاك سواااف...؟؟؟؟ مسك كتف سيف عسب يوقفه...
سيف: لازم ارووووووح الحين ياااي!! هدني!! لازم اسيير اشوفهاااا!
و راح عنهم.... محمد و سهيل شافوا بعض...و شوي نقع سهيل من الضحك....
سهيل: هههههههههه!!!! الريال عشق!!! ههههههه!! اوينااا لازم اشوووفهااا!!!! هههههههههه!!!
محمد: ترا دمك ثقيل...!!! امشي يلا جداامي!!! سواااف مينون والله يستر شو بيسوي فالبنت!!!
سهيل: هههههههههههههههه!!!! يلا يلا!!
------------------------------------------------------------------------
سيف كان يدور ع البنت و اهلها...!!! وما لقااااها.... حس انه يباا يصارخ...!!! وشوي سمع صوت محمد وراااه! سيف كمل طريقه و ما سمع شو كان يقول محمد..... بعد ربع ساعه لقاااهااا.....!! وقف سيف ما عرف شو يسوي.... شو بلاااه؟! ليش كان يبا يشووفهااا....
محمد: ليش وقفت؟؟
سيف: شووفهااا منااااك...
محمد: اي وحدة فيهم..؟ المينونه...!؟!؟!
سيف: لااااااا!! الثانيه الهاديه!!
محمد: اووووووه!! بس ليش احس شكلهااا..... ماعرف غريب...
سيف: عميا ما تشوف..
سهيل: حبيت بنت عمياااااا؟!
سيف: حبييييت؟! مينون انت شوو حبيت؟!
محمد: عيل ليش تلحقهااااا؟؟؟
سيف:.......
سهيل: ههههههههه!!!!!!
سيف: جب انزين مع ويهك!!! حاب اعتذر لها و بس
محمد و سهيل: ليييييييييش؟!
سيف: مممممممممـ ..... لأنه كنت اتحسب انها اطالعني و بعدين عصبت و سرت لهاا و صارخت عليها...
محمد: ......اهبل..
سهيل: انت مينون؟! الحين اونه تشووووف عمرك الحلو الي مطيح البنااات كلهم؟! ماااااالت عليك؟! انت متى بتحب يا ثور!!!
سيف: يوم الاقي بقرتي....
محمد: ههههههههه..!!!!
سيف: بس كيف اعتذر لهاا و هي ويا ولدين؟؟
محمد: شوووف شووف هذا!!! هب كانه راشد؟!
سهيل: هييييييه والله هذا رشووود...!!
------------------------------------------------------------------------
راشد:سووووووووووريي تأخرت عليييييييكم!!!!
ندى: والله اخبر باااباا يالثووور!!!
عبود: يعني تأخرت لييييه!! بكرة حتعمل اييييه لمراااااتك يااااا مئرف!!!
راشد: اووفففف!! عاد يوم يعطيكم ويه و يعتذر!
*****: رشوووود!!!
لف راشد و لقى محمد و سهيل و سيف واقفين!! راح عندهم و سلم عليهم...
محمد: وينك يااااا رياااال؟! بس تعرفنا فالشغل هااااا؟!
راشد: اسمحووولي والله..!! اهلنا ياايين من العين...وملجتي قرييييبة..
سهيل: بتعرس؟! والله هب مصخرة انته..!!! حمود سوااف متى اشوووفكم عرساااااان!!!!
سيف: جب جب!! اقوول تعال ويانا البحر!!
راشد: والله السموحه بس انا الحين ويا الأهل..! مرة ثانيه ان شاء الله!!!
سهيل: افاااا..!!! خلاص المره الياااايه علييك!
راشد:هههههههههه!!! لا تحااااااتي! يلا تآمرون بشي؟!
سيف: لااااااا سلامتك!
راشد: يلا بااااي!
كلهم: بااااي!
راح عنهم راشد.... محمد شااف ندى تصارخ ع راشد....ضحك عليهااااا لفت ندى بعد ما صارخت ع راشد..... وعينها يت فعينه... ابتسم لها محمد....ندى طالعت الأرض و رااااحت...
سهيل شاااف كل شي و ضحك....!
سهيل: يااااااااااااااااا ربااااه...!!!! اخي!! اتنفس لا تموووت علينااا!!!
محمد: اوووووووه!! جب انته!!!
سهيل: ههههههههههههههههه....!!
محمد: بس يااااخي والله حلوة....
سيف: هههههههههه....!! لا داعي للشكر
محمد: لا والله...! و نسيت عمرك يا روميو!!!
قفط ويه سيف.... وسهيل بسيضحك عليهم!!!
سيف: اقووول انته وهو امشوا جداااامي يلا!!!!
-----------------------------------------------------------------------
كان الكل ساكت ف السياااااره....راشد استغرب انه ندى و عبود ما تكلموا
راشد: كل هااا بس لأني تأخرت...؟!
عبدالله: تعباااااان اوييييي!!
حمد: مي توووو!!!!
ندى: مااااا فيني شي
راشد: اووووكي.... غريب... منو يبا ايس كريم؟!
كلهم: مااااافي داعي!!
مها: هههههههههه....
راشد: اقووول مهوي... شو رايج انا و انتي ناخذ؟
مها: انا ما آكل ايس كريم....
راشد: كسرتي قلبي يا مهوي!!! حد ما يحب ايس كريم؟!
مها:هههههههههههه...!!!!
ندى: اقوووول رشوود!
راشد: لا تقولين!!
ندى: سخيييييف!
راشد: ههههههه!!! قولي!! آمري!!
ندى: هذيلا كانوا ربعك؟
راشد: هيييييه....! ليش تسألين؟!
ندى: لااا بس قلت غريبه لأنه اشكاااالهم اصغر عنك!
راشد: لا و سويتييي سكااااان ع اشكااالهم!!!
ندى: تراااااك وااااايد سخيف!!! من زينهم ربعك!! خسفيييين مثلك!!
راشد: جب يلا!!!!
------------------------------------------------------------------------
منال كانت تتريااا سيف يرد من البحر.... شاااافت الساعه و كانت الساااعه 12 فالليل!
منال: ياااااا ربي يا سيف ويييينك!!
بعد ربع سااااعه سمعت منال صوت الباب يتبطل! قامت بسرعه!
منال: سواااااف! ليش تأخرت؟!
سيف: بعدج وااااعيه ؟
منال: هيييييه! لازم حد يتأكد انك وصلت!!
سيف: هههههههههه...!
يلس سيف و تنهد.... منال حست انه في شي
منال: شووو بلاك سواف؟
سيف: هااا؟ لا ماشي!
منال: تقص ع منو انته!!
سيف: ههههههههه....!! لا بس تعبان
منال: متأكد؟
تنهد سيف ثاني مره: لا شي اسوتى....
منال: شوووووووووووو؟!
يلس سيف يحكي اخته السالفه....عن البنت العمياااء.... وشو سوى فيهااا....وقاالها انه تقرب لراشد ربيعه....
منال:الله يهديك يا سواااف...
سيف: ابااها...
منال: شووو؟!
سيف: اباااااااهااا!!
منال: مينون انته؟!
سيف: ليش شووو فيهااا يعني!!!!
منال: ما فيها شي بس سوااف انت ما تعرفها...!
سيف: عشان جي اباااج تساعديني!!! بلييييييييز!! والله تهبل!
منال: كيف انزين!!
سيف: ويييت شوي!
طلع سيف موبايله و دق ع راشد....
راشد: الووو...
سيف: هلا والله....شحالك رشوود؟
راشد: هلا سيف...والله تمام...اخبار البحر؟
سيف: ههههه...والله فاتك..!!
راشد:هههههههه...
سيف: انزين اقوول باجر عااازمك ع الغدا!
راشد: وشو المناسبه؟
سيف: لأنك بتعرس..!!
راشد: لااا لااا!! خلاص الغدا باجر عندي!!
سيف: خلاص ع راااحتك يالمعرس...!!
راشد: هههههههه...خلاص اشوووفك بااااجر!
سيف: يلا اوكي باااي!
راشد: بااي!
سكر سيف موبايله و لف ع اخته
سيف: والحين؟!
منال: هههههههههههه....!!!!!! اوكي خلاص باجر بشوووفهااا
سيف: مشكوووووووووور!! يا احلى اخت فالدنيا
منال: انت بتخبر ابويه!
سيف: خلي الشيبه علي!


Noor u.a.e ©؛°¨غرامي مجتهد¨°؛©

روعه حبيبتي في انتظار البارات الجاي
لاتتاخرين

Noor u.a.e ©؛°¨غرامي مجتهد¨°؛©

جاري النتظار

جاري النتظار

بيبي الشقية ©؛°¨غرامي مجتهد¨°؛©

وااااااااااااااااااااو روعة البارت

تسلمين

وبانتظار البارت القادم

shado0ow ©؛°¨غرامي جديد¨°؛©

في اليوم الثاني...
بطل حمدان عينه من نومه وتثااااوب....شاف الساعه و لقاها الساعه عشر...استغرب ندى وينها... يوم لف عالجهة الثانية شاف ويهه سلطان يبتسم...
حمدان: آآآآآآآه!!
سلطان:ههههههههههههههه!!!!
حمدان: يالكلب..!!! ما تستحي انته!! اطلع بره!!!
سلطان: ههههه! والله!! ويهك كااااان تحفه!! ههههه!!
حمدان: بنشوف شو بيكون ويهك بعد ما تتكفخ!!! تعااال هني!
سلطان: ياااااا وييلييي!!! ههههههههه!!
حمدان مسك سلطان وضربااه و شوي دش عليهم راشد.. مسك حمدان عسب يوقفه...
راشد: حوووووووو!!! بس انته!! قاعد بشرك اليوم؟!
حمدان: دقيقه بس خلني اكفخه هذا!!
سلطان: انننننننننناااااا!!
راشد: سلطان بس! حمدان تراني بزقر ندوي
حمدان: هييييه صح وينها هاااي غريبة ما وعتني
سلطان: يالسه في المطبخ تساعد الحريم
حمدان: هاااا؟! لا تستهبل!
راشد: ههههه!! لا صدق والله!
حمدان: ياااا لباااا!! نوني تطبخ لي!
سلطان: هب لك انته يااين ربايع رشود
حمدان: مااالت علي!!
راشد: اقول يلا بسرعه سير اتغسل و تعال تحت
حمدان: اووووكي

في مطبخ
ندى و مها يالسين في المطبخ يسولفون....وشوي دش حمد ياكل تفاح...
حمد: مهوي...وين السفرة مالتي؟
مها: شوفها داخل الميلس..
حمد: اريجاتو (مشكوور)
مهوي: العفو
ندى: ههههههههه كيووت حمد
مهوي: هييييه وايد
حمدان: هوووووود ياللي في المطبخ
ندى: هدى!!
حمدان وهو داش: الله الله! ندوي! شو استوى؟!
ندى: شو استوى؟
حمدان: ريلج ياي عسب تطبخين؟
قفط ويهه ندى: جب انزين!! هب لازم تاكل
حمدان: هههههههه...!! لا والله صدق مهوي يايين عرب حق ندوي؟
مها: هههههههه...!!!
ندى: اماااايه!!!
حمدان: لاااا لااا خلاص!!!
ندى: بره يلا!!!
حمدان: انزين انزين!!!
طلع حمدان وهو يضحك... وندى يلست تتحرطم...
مها: هههههههه...!!! تراه يسولف
ندى: اووووف!!!!
فجأة سمعوا صوت راشد يقولهم انه ربعه وصلوا...ندى ابتسمت و سارت حجرتها بسرعة... و شافت محمد... حست قلبها يدق بسرعة ....
ندى: انا ابا اعرف شو اسمه!!!
سيف و غيث دشوا من الباب الرئيسي و بعدهم دشوا محمد و سهيل
راشد: ياا حي الله من ياااانه!!!
سيف: الله يحييك!
محمد:شحالك رشود؟
راشد: تمام الله يسلمك...تفضلوا
سهيل: تسلم..
في الميلس...
بو راشد: هلا والله حياكم الله شباب..!!
بو منصور: اقربوا!!
سيف: مشكورين يا عم!
يلسوا الشباب بعد ما سلموا ع الشياب....
بو منصور: شحالكم شباب؟؟
سيف: والله بخير عمي..!
محمد: السموحه يا عم بس اول مره اشوفك
بو منصور: هيييه والله انا من العين
سهيل: يا هلا والله بأهل العين
بو منصور: هلا فيك
دشوا منصور و حمدان....و بعدهم سلطان و عبود و حمد
حمدان: هلا حمووود..!!
محمد: هلا فيك حمدان!!
حمدان: شحالك؟ وينك ياااخي من زمان عنك!!
محمد: والله مشغول شوي..!
حمدان: وانته سهيل شحالك؟
سهيل: والله تمام ربي يسلمك..!!
منصور: السلام عليكم..
الكل: و عليك السلام..
سيف شاف منصور وحس انه شافه ف مكان...و بعدين عرف انه يشبه البنت اللي شافها ف المول..
بو منصور: هذا ولدي العود منصور..و بعده سلطان...والصغير حمد..
سيف: تشرفنا...
منصور: الشرف لي..
سلطان: هلا
حمد: مرحبااا...

عند الحريم....
ندى: السلام عليج..
منال: و عليج السلام حبيبتي...
ندى: انا ندى و انتي؟
منال: اسمي منال..
ندى: عاشت الأسامي...
منال: هههه عاشت ايامج...
ندى: تفضلي..
دشت منال ميلس الحريم و سلمت ع ام منصور و ام راشد...
ام راشد: شحالج يا بنتي؟؟
منال: بخير خالتي الله يسلمج....انتي علومج؟
ام راشد: انا بخير دامج بخير..
ام منصور: امج ليش ما يت ويااج؟
جلب ويه منال شوي: امايه متوفية من زمان...
ام منصور: اوييييي...! السموحة حبيبتي...!
منال: لا عادي خالتي...
وشوي دشت مها... منال ابتسمت.... صدق سيف يعرف يختار..
مها: السلام عليكم..
قامت منال و مسكت اييد مها: و عليج السلام...
ام منصور: هااي بنتي مها..
منال: انا منال...شحالج مها؟
مها: بخير ربي يسلمج....انتي علومج يا منال؟
منال: والله انا بخير دامج بخير حبيبتي...
يلسوا مها و منال يسولفون...منال اعجت بمها... مع انها عمياء بس حبوبه...ورقيقه...ومبين انها محبوبه بين اهلها...
ندى: يلا تفضلوا...الأكل جاهز..
-------------------------------------------------------------------------------------------------------------------
حمدان راح المطبخ عسب يقولهم يشلون الغدا....يوم راحوا البشاكير رن تلفون ندى اللي نسته.... شاف حمدان المتصل....ابتسم يوم شاف الإسم و رد بدون تردد
حمدان:الووووو!!
.......: ندوي؟؟
حمدان: لااا حبيبج!
.......: حمدان؟!
حمدان: عيوووونه..!!
......: يا سخيف ما تستحي انته!!!
حمدان: فطوم حبيبتي..!! ياخي والله ادري انج تموتين فيني...!!!!
فطوم: اللهم يطولج ياااا روووح....!!!! بسك انته من يوم و نحن يهال تقول جي...!!! ما تستحي..!!
حمدان: لا والله بس شكله الحلو مستحي!
فطوم: ترااااك سخيف..!!!
حمدان: و انتي تيننين!!
فطوم: اقولك بااااي!!!
حمدان: ما شي بوسه ولا احبك ولا شي؟!
سكرت فطوم ع ويهه...ضحك حمدان....هاااي فطوم ربيعت ندى من يوم هم يهاال...وحمدان ما يعرف ليش بس يحبها من صغره....و خبر امه عنهاا...و يعرف انها تحبه... بس ليش ما تريد تقوله...
سار حمدان عند الرياييل و ابتسامته واااااااااسعه...!!!!

-------------------------------------------------------------------------------------------------------------------
عند الحريم...
منال: تسلمون ع الغدا الغاوي...
مها: بالعافيه..
منال: الله يعافيج..
ساروا الحريم فوق و تموا البنات يسولفون...
ندى: اقولج منال...انتي يااايهويا منو؟
منال: ويا اخواني سيف و غيث..
ندى: بس هم فالميلس؟
منال: لاا ياااه محمد و اخوه سهيل....ليش تسئلين؟؟
ندى: لاااا بس لأنه نسيت تلفوني فالمطبخ...و ابا ايييبه..
منال: اهااااااا....
--------------------------------------------------------------------------------------------------------------------
عند الريايل.....

منصور: هههههههه...!!! والله انتوا الشياب عليكم حركات...!!!
بو منصور: ههههه..!! والله كانت ايام...!! عمك كاااان متعب يدك الله يرحمه...
سيف:هههههههه!!!
محمد: سوااف يلا تأخرنا ع ابووك..
راشد: ياااااخي تموا!!
سيف: والله السموحهبس عندنا اجتماع ويا ابوي!
بوراشد: ابووك شو شغلته..؟
سيف:ابويه رئيس شركة ************* للبترول..
بو راشد:هيييييه اعرفه..احمد سيف الـ******
سيف:هييييه هذا ابويه...
بو منصور: عيل الله يعينكم و يحفظكم..
سيف: تسلم يا عم..!!
-------------------------------------------------------------------------------------------------------------------
عند البنات...
منال: والله هو صعب اكيد بس يوم تتعودين بتتعلمين الطبخ بسرعه..!!
مها:ندوي شعندج تبين تتعلمين الطبخ...
ندى: والله ماعرف..!!
وشوي رن تلفون منال و ردت عليه: هلا سيف...هاااا؟....ان شاء الله الحين نازله...
ندى:افااااا بتسيرين؟
منال: هيييه والله سيف يبا يسير عنده اجتماع....
مها: الله يحفظكم
لبست منال عباتها...وطلعت....
منال:يلا باااااي..!
ندى و مها: باااااااي...!!
نزلت منال من الباب و بخفه طلعت السياره....سيف كان بره يسولف ويا راشد و حمدان... منصور حس ف منال والتفت للسياره.... سيارة سيف يديدة و ما فيها مخفي...و بالغلط طاحت غشوت منال......و منصور شافها... لصق عينه عليها...وهي لصقت عينها عليه...بس بعدين لفوا عن بعض.....منصور حط اييده ع قلبه.......و منال بس مسكت ويهها المحمر...و أخيرا ركبوا سيف و غيث السيارة و وصلوا منال البيت......


أدوات الموضوع البحث بهذا الموضوع
البحث بهذا الموضوع:

بحث متقدم
طريقة العرض

موقع غرام موقع سعودي خليجي عربي يحترم كافة الطوائف والأديان ومختلف الجنسيات
جميع الحقوق محفوظة منتديات غرام
iTraidnt by ROMYO
جميع الحقوق محفوظة منتديات غرام
iTraidnt by ROMYO

SEO by vBSEO 3.6.1