والله أني احترت كثير وين احط هذا الموضوع بس اخيرا قررت احطي هنه لاني يوم افكر فيه الحين أضحك
في يوم من الأيام اختكم كانت راجعة بيتها من أحد معارض الكتب و ما مخلية كتاب ما شرته و الله من كثر الأكياس نبتت لها عظلات و اختكم الله يسلمكم قليلة الطلعات يعني في الشهر مرة فكل اهل البيت مستغربين من هاي اللي و قفتت سيارتها في البيت ونزلت شكلها هلكان <<< مب متعودة تطلع الأخت من اهل الكهف<<< و معاها كوم مخيف من الكتب و استوت الفزعة اللي يشل كيس و اللي يقول بدخل سيارتج داخل و انا مستانسة اخواني يدلعوني لكن يا فرحة ما تمت
أختكم الله يسلمكم مالها علاقة في الطلعات و هذيك الأيام كانت مدمنة كتب بروحها في غرفتها فمثل الذبابة اللي راشين عليها مبيد قامت الاخت تتشكى مرة من راسها و مرة من بطنها لين مل الكل منها و قالولها نامي شوي يمكن ترتاحين
سارت أختكم غرفتها و ظن الكل انهم افتكوا منها مؤقتا و كان ذاك اليوم اليوم الي يتجمع فيه الكل في بيتنا يعني الجدات و اخواني المتزوجين و اخواني ثلاثتهم اطباء بس ما عبروني p:
المهم هم افتكوا و يالسين فرحانين و أنا ميته من بين وناتي و آهاتي لين حشرتهم و كسرت خاطر ام ابوي فدخلت الله يرحمها و معاها شاي عسل قالت اشربيه عسى تتحسنين
انا ما خالفت و شربت لكن حرارة الشاي زادت الطين بله وقمت اصارخ و هي متفشله فلحقوا عليي اخواني الله يحفظهم و جدتي الكبيرة اللي هي ام ام الوالدة الله يطول بي بعمرهم جميع
هم يبون يشوفوني بحكم انهم اطباء و جدتي الكبيرة عناد مب مخلتنهم و قامت تقول انت هات ثوم و انت زعتر وانت جيبلي نوع من البهارات و قالت حق ام الوالد تفور ماي ولامي و جدتي يجيبون عصير برتقال و شوي حليب جمل انا ميته من الخوف و حدث اللي كنا نتوقعه جميعا
الغالية خلطت هالأشياء كلها مع بعضهت و قالت يالله قدامي اشربيها و انتو تعرفون عجوز و جده و فوق ها كله مصممه فشربت و الله لا يذكرني بذاك الطعم و بطني التوا بدال المرة الف مرة و قمت طول الليب ارجع و اخواني يتوسلون لجدتي الكبيرة يودوني المستشفى و هي تقول لا والله جسمها ينظف نفسه لين اغمي عليي و ودوني و بت الليله في المستشفى و العايلة الكريمة تنتظرني برع و الدكتور يعطي جدتي للكبيرة الله يهديها محاضرة لكن منو يسمع؟
آخر شي اظن علشان تسكته قالت و الله هي كبيره في للسن و يمكن لخبطت بين كمةوصفه شكلها تبي تسكته ههههههههههه
المهم من هذاك اليوم و اما ساكته ايجيني اللي يجي وما اتشكى و اتدلع يعني تبت حرمت ههههههه
اوكييييي الحين خلصت قصتي و اريد اسمع قصصكم عن عناد العيايز ف حياتكم
عندما تعاند العجوز 
النمط المتتابع
