منتديات غرام روايات غرام أرشيف الروايات المغلقة - لعدم إكتمالها ذا أنا من يوم ما ربي خلقني / روايتي الأولى
خليجيه وكًلي حلآ :) ©؛°¨غرامي جديد¨°؛©

البارت الثاني

يلا نبداء............
(*-* خليجيه وكلي حلا *-*)

بالمارينا مول

زيااد جالس مع حامد يسولفون
رن تيلفون حامد:آلو
سهام:حموود خلصنا
حامد:خلاص أنا جاييكم .. أنتوا وين..؟
سهام:تحت عند البوابه
حامد يوقف:اوكي يلا
زيااد:بتروحون..؟
حااامد:ايه بنمشي .. ورانا درب بكره
زياااد:يا رجال ما شبعنا منكم
حامد:كلها يومين ونشوفك والا ما انت جاي..؟
زيااد:وش يومين أنت وخشتك .. أنا بمشي معاك بكره
ما بقى الا ثلاث ايام وتأخذك المعزبه مننا
حامد:ههههههه
زياااد:تصدق بديت أكرهها
حامد:هههههه حتى هي بتكرهك
زياااد يطقه على رأسه:الله يوفقك يا شيخ
ونشوف زيااد ان شاء الله
حامد:هههههه تماام يا آفندم

(راحوا للبوابه وأول ما قربوا عند أهل حامد
وقف زياااد:يلا أنا أجل بروح وقبل لا تمشون دق علي
حاامد:خلاص تم .. يا حبيبي
زياااد:يلا باي..وسلم عالأهل
حاامد:يبلغ..بااايااات)

********

يزيد فتح باب حجرة ملاك
وشاااف أخته بمنظر ما تمناه لعدوه

أول ما شافه العامل قام بسرعه يبي يهرب
ما حصل مخرج الا الدريشه
نط منها على الحديقه الخلفيه
يزيد ركض عالدريشه وشافه يركض

رجع لملاك بسرعه
اللي كانت حالتها تصعب عالكافر
منهاااااااااره بكل ما تحمله الكلمه من معنى
لدرجة انها تبكي بدون صوت

يزيد ارتبك وما كان عارف شيسوي
بس تطمن لما شاف ملابسه سليمه
بس عبايتها مشقوقه شوي

قرب لها وأخذها بحضنه

كانت مو حاسه باللي حولها
من الصدمه
وكلمات زيااد برأسها:لا تروحين بروحج
لا تروحين بروحج
لا تروحين بروحج
يزيد:ملاك فيج شيء..؟
شصاااااااااار..شسوى هالحيوااااان....؟
ملاك بكل هدوء وبدون تعابير:يزيد طلعني من هنا
يزيد خاااف من هدؤها بس ما حب يزيد عليها ..عطاها شيلتها:يلا حبيبتي قومي معاااي
طلعها من البيت عالسياره على طول

نوره و نور طالعات من البيت .. شافن يزيد وملاك يركبون السياره

نوره:شوفي يزيد وملاك
نور:غريبه وين رايحين

********

بالسياره
يزيد يدق على جاسر
بس ماحد رد

رجع اتصل مره ومرتين ونفس الشيء
أتصل على سلطان:آلو
يزيد:سلطان وينك..؟
سلطان:راجع البيت..تبي شيء..؟
يزيد:أبيك تمر أمي بالبيت الجديد
تأخذها معك..لأني طالع مشوار مهم
وهي هنااك
سلطان:طيب خلاص..بس أخذ لي كم غرض من البيت وأطلع أجيبها
يزيد:ما تقصر..مع السلامه
سلطان:مع السلامه

******

زيااااد يتمشى بالباركنق رايح لسيارته وهو يكلم واحد من ربعه بالجوال
ماشي ومندمج بالسوالف شاف ولد صغيير يركض عالشارع
وفجأة سياره جايه مسرعه
صدمة الطفل...............................



زياااد قفل الجوال وركض صوب الطفل الصغير
أول ما وصل كان راعي السياره أنحاش
شل الطفل الصغير بيتأكد من نبضه
وهل هو عايش لين اللحين...؟

مهرة شافت راشد بين ايدين زياد
ورأسه كله دم .. بغت تغيب عن الوعي
ركضت بسرعه صوبهم:رااااااشد..رشوووود رد علي راااااااااشد
زياد كان مرتبك وظهور البنت وصياحها وتره زياده
زياد:يا أختي لا تخافين ان شاء الله خير
مهره منهاره من الصياح:وين الخير ورشود مب طايع يرد علي وويهه كله دم
زيااد وقف بالولد وصار يركض لسيارته ومهرة تركض وراه
زياااد ركب بالسياره بعد ما حط راشد بالكشن الخلفي ومهرة ركبت وياه
وعلى طووووووووووول عالمستشفى
نزل بسرعه يركض والطفل بيديه مثل التايهه مب عارف وين يروح ومهره تمشي وياه وهي تصيح وهالشيء وترّ زياااد

*********

عالكورنيش وبمكااااان هااادي ورااايق كانت ملاك ساكته وكأن هموم الدنيا فوق رأسها
ويزيد ما هو عارف وش يقول أو ايش ممكن يسوي....!

رن جواله:آلو
نور:هلا يزيد وينكم..؟
يزيد:شتبين..؟
نور:ملاك وياااك
يزيد:ايه معاااي ,, تبين شيء
نور:لا بس كننت ادورها ببيتهم
يزيد:لا اخيراً أنتبهتي انها مو موجودة
نور:لا .. وبعدين هي توها طلعت من عندنا
يزيد:المهم اشتبين اللحين
نور حست ان يزيد مو طبيعي وفيه شيء مزعله:ما ابي شيء بس كنت بسأل عن ملاك
يزيد زاد ضيقه:ملاك معاي واحنا طالعين وبنتعشى برى انتن ارجعن البيت مع سلمان اللحين بيجي يأخذ أمي
نور:خلاص طيب مع السلامه
يزيد:مع السلامه
وسكر الجوال
طالع لأخته وهي سرحانه
أول مره يشوفها بهالحاله
ملاك اللي ضحكتها تعبي المكان و
اللي لسانها ما يبطل ابد
اللي شقاوة الدنيا كلها فيها
اللي دلعها محليها ومميزها عن باقي خواتها
كانت ساكته ومكشره
وبريق عيونها ينطق بالصدمه والحزن اللي داخلها
يزيد:ملاك هو سواى لك شيء..؟
(كله خوف على أخته)
ملاك دفنت وجهها بين ايديها وشهقت بالصياح
يزيد تسارعت دقااات قلبه وحس ان اخته ممكن تكون فقدت شيء
كان جالس ومستغرب من هدوءه وسكونه وانه ما اظهر اي ردة فعل

بس سريعاً ما استنتج ان هدوءه
ناتج عن سكون ملاك وصمتها القاتل اللي سيطر على المكان اللي حولها قبل لا يسيطر عليها

يزيد تايهه وما هو عارف كيف يتصرف
وهو الى الأن ما هو مصدق اللي صار واللي شافه بعيونه
نفض رأسه وكأنه بيبعد هالافكار من رأسه

قرب لأخته وضمها لصدره
ملاك زاد صياحه
وهناااااااا ضاااااااااع الكلام


*********

المستشفى

زياااد جالس فالأنتظار بعد نص ساعه من الخوف والتوتر وشد الأعصاااب
وبعد ما تطمن على حالة الطفل (راشد)
كان جالس ينتظر الدكتور لأنه كان طالبه

شاف البنت اللي كانت مع الطفل ومعاها رجال كبير بالسن جايين صوبه
وقف
أبوتركي:السلام عليكم
زياااد يمد أيده يصافحه:يا هلا وعليكم السلام
أبو تركي يمد أيده:يامرحبا أنا أبوتركي الـ....
يدّ راشد مشكور ويزاك الله خير
زيااد أبتسم:يا هلا فيك أنا زياااد بن ماجد الـ....
الحمد لله ع سلامة راشد
أبو تركي:الله يسلمك .. ومشكوور ياولديه لولاك جان ضاع من ايدينا الولد
زيااد منحرج:لا شكر على واجب ياعمي اي واحد بمكاني كان بيسوي مثلي أكيد
أبوتركي:الله يكثر من مثالك ياولديه
زيااد:الله يسلمك..أن شاء الله تطمنت على راشد
أبو تركي:ان شاء الله انه بخير الدكتور يقول ان معاه سر بالذراع الأيسر
ورضوض خفيفه
زياااد:ما يشوف شر ان شاء الله..وخطاكم السوّ
أبو تركي:خطاااك اللاش يالشيخ
زيااد:الله يطمنكم عليه ويقومه بالسلامه
أنا أستأذن اللحين
أبو تركي:وين يا ولدي بعدنا ما قمنا بواجبك
ترااك أنقذت الغالي
زيااد:يا مال الغناة والله..بس أنا مستعجل
أبو تركي يمسك ايد زياد: مب هادك لين ما تعطني رقمك وتوعدني نشوفك مره ثانيه
زيااد انحرج منه:هههههه يا بعدي أنت تأمر أمر وهاذا كرتي وان شاء الله اني بزوركم بكره..عشان اتطمن على رشوود
أبو تركي يأخذ الكرت:ما يأمر عليك عدّو يالغالي
,, تشرف بأي وقت أذا ما شالتك الأرض تشلك عيوننا
زيااد:يا بعد رأسي والله جعلك سالم
يلا نشوفكم على خير
أبو تركي:فحفظ الله سلّم وأسلم

طلع من المستشفى وهو مرتاااح
وتوجه لبيوتهم الجديده

*********

الكورنيش
يزيد:ملاك أنتي لازم تحمدين ربج انها جت على كذا
وما لازم تزعلين نفسج ولا تحملينها ذنب هي ما لها اي خص فيه
اللي صار يا حبيبتي مكتوب ومقدر
والله اذا احب عبداً ابتلاه
ما تدرين يمكن هذا ابتلا من رب العالمين وأمتحان بيشوف الى اي مدى ايمانج بالله وبقضاؤه قوي
ملاك ساكته والدموع تنزل بكل انكسار وصمت
يزيد يمسح دموع اخته بيديه:ملووكه حياتي بعد قلبي أنتي هالدموع غالين علي والله أبكي دم ولا تنزل دمعه من عيونج الحلويين
(مسك ايديها)
ملووكا حبيبتي دلوعتي أنتي
أنا أبيج تنسين اللي صار وما تحاولين تتذكرينه او تتحسين اي شخص باللي صار اليوم
(رفعت عيونها تطالعه بنظره..يعني كيف تبغيني انسى..؟؟)
يزيد بقل حيله:يا حياتي أنتي أدري ان اللي صار مو سهل وصدمه قويه علي
عليج بس أنا ادري انج اقوى من كذا بكثييير
وتقدرين تتغلبين على هالشيء
الله عطانا نعمة النسيان عشان ننسى
ملاك نطقت:كيف أنسى..؟أنت تقدر تنسى..؟
يزيد حس بجرح أخته من نبرت صوتها:ملاك حياتي أدري ان النسيان بهالحالات صعب..بس ما في شيء مستحيل
ملاك تمسح دموعها:يزيد رجعني لبيتنا
أنا تعبانه
يزيد:ما اقدر ارجعج وأنتي بهالحاله..تبين ابوي يذبحني
بيقول اكيد مزعل دلوعتي
ملاك نزلت دمعه حاااره على خدها
مسحتها بسرعه
يزيد يحاااول يغير مود اخته..أبتسم:أنا أعرف كيف أغير مودج
(مسك ايدها) قومي معاااااي

******

زيااد وصل البيوت الجديده ما حصل أحد
أستغرب
وراح للبيت

دخل بيتهم ما حصل حد
زاد أستغرابه:هذيلا وين اختفوا..؟؟
طالع الساعه كانت 12:20
راح لحجرته وغير ملابسه وحذف عمره عالسرير
بيريح اعصااابه ورأسه
وينااااااااااااااااااااااااااااام


********

صباح اليوم التالي
الجمعه
الساعه: 2:10 الظهر
الكل بعد الغداء كان يأخذ قيلولته

ملاك بحجرتها ومواقف البارحه تتكرر قداام عيونها وكأنه كابوس مزعج يلاحقها وين ما ودت عيونها

****
زيااااد ناااايم بالعسل
وناسي حامد واتفاقهم أنهم بيسافرون مع بعض لأنه من الحادث وهو مقفل جواله

****

أم طلال بحجرتها جالسه ترتب ملابسها بالشنط عشان يبدون ينقلون أغراضهم

****
بيت أبو خلف

وتحديداً قسم ناصر زوج طفله

طفله متمدده عالسرير بعد ما رقدّت عيالها
وناصر جالس بالمكتب عاللاب توب

رن جواله
:آلو
أم خلف:ناصر أفتح الباب لعيال أختك بيجون يلعبون مع عيالك
ناصر:بس عيالي نايمين
أم خلف: فيه أحد ينوم الصغار اللحين
ليش..حق السهر لين أخر الليول..؟
ناصر متعود على هالأسطوانه:هم مأخذين غطه عشان صاحين من الصبح مبكر
أم خلف:زين ما علينا .. أفتح الباب لـ علي,ومها
خلهم يلعبون بألعاب عيالك
ناصر:أنا بطلع لهم ألعاب وخليهم تحت عند أمهم
أم خلف:لا يا عيوني ما نبيهم أنا وأمهم بنقيل وهم تخبرهم شياطين ما ينتركون بروحهم
ناصر:طيب وش المطلوب مني..؟
أم خلف:سلامتك ياعين أبوك خل ست الحسن والدلال تباريهم شوي
تكسب أجر
ناصر:آمنت بالله
أم خلف:يلا أفتح لهم الباب
ناصر سكر الجوال
وراح لحجرته..شاف طفله متممد عالسرير
وشكلها متضايقه
قرب منها وجلس عالسرير:ما نمتي..؟
طفله:مثل ماأنت شايف
ناصر:داخله من عندي تقولين بنااام
طفله:نسيت أني عندي فترة دوام بعد الظهر
ناصر:يا قلبي تراهم صغار
ويستانسون مع عبود وماجد وريما
طفله جلست:بس عيالك نااايمين
ناصر بقل حيله:طيب تبيني اطردهم
طفله وقفت:ناصر أنا تعبت ما عاد فيني اتحمل اكثر من كذا
والله لو امهم ميته ما ادري انا اتحملهم كذا والا لا
ناصر:طيب وش تبيني أسوي..؟
طفله:ناصر أنت مشكلتك انك بهالمواقف ما تعرف شتسوي
وتبي حلول جاهزه
ناصر وقف:يا طفله يا حياتي أنتي شايفه الوضع
أنا أشتغل عندها واي حركه ما تعجبها مني ممكن تطردني من الشغل
ساعتها وش بنسوي أو كيف بنعيش..؟
طفله:ناصر أنا تعبت من هالاسطوانه...كفايه 6 سنين من عمري عشتها بذل وأنا اللي عمري ما انذليت لأحد الا عشانك
أنا وصلت حدي..واذا انت تقدر تتحمل هالذل أكثر أنا لا
(لفت وعطته ظهرها)
ناصر بخوف:هذا الكلام جديد علي,,ممكن تفهميني شمعناه..؟؟
طفله تناظر بعيونه:ناصر أنا أحبك..وأدري أنك تحبني وتحب عيالك ومستحيل تعيش بدونهم
بس الحب وحده مو كافي ولا هو كفيل بأستمرار هالعلاقه
ناصر مسكها من كتوفها:طفله انتي فاهمه شتقولين..!!
لا لا لا أنتي أكيد تحلمين والا (حط يده على جبهتها) تعبانه
أكيد تعبانه
طفله تنزل ايده عنها:ناصر أنا اذا كملت على هالحال بكون فعلاً مريضه ومجنونه بعد
هاذي مو عيشه سنين وحنا نداريها وما نرفض لها طلب
وهي كل مالها تتمادى .. أنت شايف كيف تعامليني وتعاملك وتعامل عيالنا
ناصر جلس على طرف السرير:والله أنا شايف بس ما باليد حيله
طفله:هذا انت من يومك ما بيدك حيله
أنت يا تتصرف وتعيشنا حياة كريمه والا ما أظمن لك وش بيصير
(طلعت من حجرتها وراحت عند عيالها
قفلت الباب عليها وجلست تصيح بهدوء عشان ما تصحيهم)

ناصر رمى نفسه عالسرير
وهو متكدر وضايقه فيه الدنيا
ما هو عارف وش يسوي


*******

بيت أم جاسر
الساعه: 3:00 العصر

أم جاسر داخله حجرة يزيد
:يزيد يزيد وصمخ قووووووووم
الساعه ثلاث العصر وأنت بعدك نايم
يزيد يتقلب عالسرير:لا اله الا الله طيب طيب بقووووم
أم جاسر:قوم خلصني أبيك تودنيني بيتي الجديد
يزيد:يالله يا يمه كل يوم تروحين له
خلاص شعلك وخلص
وش له تروحين بعد..؟
أم جاسر:مالك خص فيني
قوم ودني وأنت ساكت
يزيد قاايم يمشي للحمام:خلاص على أمرج بس أبدل وأجيج
أم جاسر تطلع من حجرته:يلا عجلّ علي

*********

بيت أم طلال
بالصاله
أم طلال:يالله يا يمه تأخرنا السايق برى
ملاك مسويه نفسها طبيعيه لأبعد درجه
اللي يشوفها وهي لابسه وكاشخه ما يشوفها كيف كانت منهاره قبل شوي:يالله هاذا انا جاهزه بس أنطر مليكه (الخادمه) تجيب لي شيلتي
أم طلال تصرخ:مليكه جيبي شيلتها بسرعه

مليكه جايه تركض:تفزلي مدام
أم طلال:يالله اشوف قدامي
(لفت عالخادمه)يلا مليكه جيبي سله بمطبخ وتعالي سياره
مليكه:ان شاء الله مدام



طلعوا من بيتهم متوجهين لبيت أبو ضاحي
كعادتهم يوم الجمعه

رن جوال ام طلال:هلا طفله
طفله صوتها مبحوح من الصياح:هلا يمه
أم طلال:شبلاه صوتج يمه..؟
طفله:أنتي وين..؟
أم طلال:احنا طالعين لبيت جدج
طفله:حلو..مروني بروح معكم
ام طلال:ان شاء الله يمه..أنتي زهبي عمرج احنا جاينج
طفله:يلا مع السلامه
ام طلال:مع السلامه يا حياتي
ملاك:طفله بتجي ويانا..!
ام طلال:ايه تبينا نمرها (تكلم سايق ابوها)
عبدالرزاق روح بيت طفله
عبدالرزاق:ان شاء الله ماما




بربـ

خليجيه وكًلي حلآ :) ©؛°¨غرامي جديد¨°؛©

******

فـ بيت أم ياسر

نوف منسدحه عالتلفزيون
ونور ونوره يلعبن آونو وأصواتهن لاجه المكان

نوف معصبه من هبال خواتها
ما هي قادره تسمع شيء والسبه ازعاجهن
:آوووووووف وبعدين معاكن
ماني قادره اسمع شيء منكن
نور تأشر بيدها من غير لا تلف عليها:نوره كأنه فيه شخص يتحدث
نوره:نعم يا آختاه هناك كأئنن حي يتحدث اليكي
نور:صوت هذا الكائن يذكرني بصوت أختي المتوفاة قبل خمس مائة سنه
نوره:هههههههه كان اسمها نوف اليس كذالك..؟
نور:نعم
نوره:رحمها الله كانت فتاة طيبه
نور:لكنها دلوعتن ومغرورتن بعض الشيء

نوف عصبت ووقفت:يعل يومكن قبلي ان شاء الله يا غبيات
نور تضيق عيونها:هل تسمعين ذلك الصوت مجددا يانوره..؟
نوره:يا ألهي كم هو مزعج..أكملي اكملي اللعب
ولا تشغلي بالكي به
نور تلعب:هذا ما سأفعله

نوف تصرخ:يمااااااااااااااااااااااااااااه
يمه تعالي شوفي بناتج المهبل
أم ياسر طالعه من المطبخ:خير يالونانه
نور و نوره:هههههههههههههههههههههههههههههههه
نوف تدلع:يمه شوفي ضحكتيهن علي
أم ياسر:خير ريا وسكينه وش تضحكن عليه..؟
نور:هههههههههههه لا شيء يامامتي
نوف ماسكه كتبها تكذب على امها:يمه شوفي مو قادره اذاكر والسبه ازعاجهن
أم ياسر:أنا بنت أبوي
نوره:دننننننننن دق ناقوس الخطر
نور:صادقه ما تقولين هالكلمه يا ام ياسر الا وانتي ناويه علينا
أم ياسر نزلت شحاطتها ومسكتها بيدها:قدااامي أشوفي عالحوش
نور تحط ايدها على قلبها وتشهق:تطردينا من البيت
نوره:لا ما نهون عليج ام ياسر
أم ياسر عصبت:قدامي أشوف وحده تمسك الهوز والثانيه تأخذ الممسحه
نوف بفرح:ايه أحسن
نور بغباء:وش نسوي بالهوز والممسحه ..؟
أم ياسر:أبيكن تأخذن صوره وياهن
نور و نوره:ههههههههههههههههههههههههههههههههههههههه
أم ياسر:قدامي غسلن الحوش ياللي ما تستحن البنات يكبرن ويعقلن وأنتن تكبرن وعقولكن تصغر
نوف:ههههههههههههههههههههه
أم ياسر:وأنتي أذلفي لحجرتج ذاكري
لا يجيج علمن ثاني

********


فـ بيت أم طلال
حجرة زيااااد

فتح عيونه بكسل عالسرير
وتم يطالع السقف فتره

بعدها تحرك وغسل وجهه
طلع من حجرته
البيت هدوء
تمشى بالبيت ما حصل أحد
:هذيلا وين يختفوووون..؟
راح المطبخ حصل غدااه عالطاوله
مع ورقه
أخذ الورقه:زياد حبيبي أحنا فبيت جدك
هذا غداك اذا برد سخنه.. ومرنا عند جدك ..تراه يسأل عنك
..
حكّ شعره وطلع للصاله
شغل التلفزيون وشاف صحن فطاير
أخذ له فطيره
وجلس بخمول,,يحس جسمه مكسرّ


********

نور ونوره صراخهم معبي الدنيا
جالسات يلعبن بالماي

أستغرب الصوت طلّ من الدريشه شآف خوأته معبيات الدنيا مآي
أبتســــمـ :)
ورجع تمدد عالكنبه

نور:نوره
نوره:هااا
نور بخبث:تعآلي بقولج شيء
نوره قربت بغباء:شنو...؟
نور تقول الخطه لنوره بصوت هآدي
وبعد فتره
نوره:هههههههههههههههههه
نوره تضربها على كتفها:ووجع ان شاء الله قصري صوتج
نوره:هههههههههه والله لا تذبحنا أمي
وتعلم علينا أبوي
نور:يا خوآآآفه .. ما يشيل الرأس الا اللي حطّه
نوره بتردد:بس أنا مالي شغل
نور:يا خوافه ما بيصير شيء
نوره:حتى لو..!
نور تأشر بيدها:خلاص تمـ


********

فـ بيت أبو ضآحي
فحجرة أم طلال
طفله وأمها جألسآت
طفله:يمه خلاص ما عاد فيني تعبت
أم طلال:يا يمه يا حبيبتي ناصر يحبج وأنتي تحبينه
طفله:بس الحب وحده مو كآفي وأنت شايفه بعينج
أم طلال:طيب هو ماله ذنب
ناصر:لا له ذنب ونص
ليش ماله لسآن يتكلم ويدافع عني..؟
أم طلال:يا بنيتي هاذي أمه ويدوّر رضآها
طفله:هاذي مرت أبوه مو أمه
أم طلال:حتى لو ياامي بمقام امه
طفله:يمه تكفين لا تدافعين عنه
أم طلال:يابنتي تعوذي من الشيطان يفرجها ربي من عنده
طفله:الى متى بأصبر..خلاص ما بقى لي صبر
ستّ سنين وانا شايفه الضيم والقهر وساكته عشانه
أنا بنت ابو طلال اللي بعمري ما أنهت
أنهت قدامه وهو عمك أصمخ
أم طلال ما تلوم بنتها لأن معاملة
مرتّ أبو زوجها لها محدّ يقبلها
:يا بنتي أنتي عآرف ظروفه ما يتاج أشرح لج
طفله:يمه أنا زهقت ونفسيتي تعبت
ولو هي واقفه علي كان ممكن اصبر
بس عيالي يايمه انتي ماشفتها كيف تعاملهم قدام عيال عمامهم
وعماتهم
وكأنهم عيآل الجيرآن
وما يحتاج اقول لج عن ضرب عيال موضي لهم يعني ما يطلعون ولا يدخلون الا ويضربونهم
شخصيات عيالي صارت مهزوزه وضعيفه بسببهم ولأنهم مو جالسين يشوفون ناصر يدافع عن عياله مثل الياقين مستمرين
يمه عبود ومجودّ يسألوني ليش أم خلف ما تحبهم..؟؟
وليش أبوهم ما يضرب عيال موضي وعيال خلف لما يضربونهم..؟؟
وأنا بكل ضعف ما ني قادره اجاوبهم
(نزلت دموعها)
أم طلال حضنت بنتها وبكت معها

********

فتح جوآله حصل 28 مسد كول
من حآمد ضربه بيده على جبهته:يؤؤؤؤؤؤؤؤؤؤؤه شلون نسيت حآمد..؟
دق له وأعتذر منه وقاله السالفه كلها
وعقبها اخذ له شآور ولبس ورا للمستشفى
بيتطمن على رآشد

*********

نور و نوره واقفت عند دريشه حجرة نوف من برى ومعاهن الهوز
نور بهمس:أنتي أفتحي الدريشه وأنا بدخل الهوز
نوره:اوكي


:أنتن شتسون...؟
نور و نوره لفن ع بعض مخترعات
زيآد واقف:شتسون عندكن....؟
نور تلعثمت وما تدري شتقول:آآآآ....آآآ...آآ..أمي قالت لنا نغسل الحوش
زيآد شاك فيهن:طيب الحوش وين..؟
نوره بغباء:قدّام البيت
زيآد:وأنتن اللحين وين...؟
نور:ورى البيت
زيآد:طيبّ
نوره:وش اللي طيب..؟
زيآد:عآرف حركآتكن المجنونه..قدآمي أشوف دأخل
أشوف الحوش كله مغسول والا..؟
نوره:لا خلاص خلصنا
نور بترقع الموقف:كنّا بنغسل الدرايش
زيآد بنظرة خبث وشك:آهااا..طيب يالنظيفه تعالي من هنا اشوف
قدامي عالبيت
دخلن نور و نوره للبيت وهن يتحرطمن على فشل خطتهن اللي كانن ناويات على نوف بشر
بس زياد أفشلها


*********

المستشفى
الساعه:4:45 العصر
كآن باقي عن الزياره ربع سآعه وتخلص


دخل وسأل عن غرفة راشد وبعد ما سلم عليهم وتطمن على رآشد
جلس 5 دقآيق وبعدهآ أستآذن وطلع بعد ما أصر عليه أبو تركي أنه يمرهم لبيت أخته اللي جالسين عندها عشآن يقومون بالواجب معاه



طلع من الباركن رايح للشارع الرئيس
أستوقفه ابو تركي يأشر لتاكسي وقفّ
وفتح الجآم:خير ان شاء الله عسى ما شر .. صاير لسيارتكم شيء
أبوتركي:الشر ما ييك..نحن يايين بتاكسي من البيت
زيااد:أهاا..أجل حيااكم..أنا بوصلكم
أبوتركي:لا ما يحتاي ما نبّا نتعبك ويانا
زيااد:اي تعب يا عميّ تعبكم راحه آفا عليك
أبو تركي:لا لا مشكور ما قصرت
زيااد:والله ماا يوصلكم غيري أنا حلفت
أبو تركي:يا ريال ليش تكلف عـ روحك..نحن بنأخذ تاكسي
زيااد:آفاا عليكم بس تأخذون تاكسي وأنا موجود ..أنا حلفت
أبوتركي ما حب يكسر بخاطره:خلاص تم
زياد يفتح الباب وهو مبتسم:حيااك
ركبوا السياره
أبو تركي:والله ما كان فيه داعي تتعب روحك يا..
زيااد:زياد يطولي بعمرك أسمي زيااد بن ماجد
أبوتركي:ونعم والله
زيااد:النعم بحالك ما عليك زوود
أبو تركي:البارحه من الربشه حتى اسمك ما نسيته
زيآد:الله يلوم اللي يلومك يا عمي
أبو تركي:الله يحفظك..ما تقصرّ
هاذي أم راشد حابه تشكرك على اللي سويته مع ولدها
أم راشد اللي جالسه ورى مع حماتها مهرة بنت أبو تركي:هيه والله أنا ممتنه لك يا أخوي ما قصرت ربي يكتب لك الخير والسعدّ ان شاء الله
زيآد:الله يسلمج يا أم راشد وتراي ما سويت الا الواجب
وربي شاهد علي اني حبيت رشود من اول ما شفته
أم راشد:حبتك العافيه الشيخ
زيااد:الله يسلمك..الا ما قلت لي يا عمّ أبو تركي وين ساكنيين..؟
(أبوتركي عطى زيااد عنوان بيت أخته اللي جالس عندها)
زيااد وصلهم مكان العنوان
ونزلت مهرة وأم راشد
للبيت
أبو تركي:حيآك يا ولدي اقرب
زيآد:لا ما عليش مشغول .. مره ثانيه ان شاء الله
أبة تركي يمسكّ يدّ زيآد:اذا لي خاطر عندك تنزل تتقهوى
الشغل ملحوق عليه
زيآد:تمّ عشآن خآطرك وغلآوتك عندي يا أبو تركي

أبو تركي دخله لمجلس الرجآل
:يا هلآ بزيااد تو ما نور البيت والله
زيآد:الله يحيك ويبقيك البيت منوره بأهله
أبو تركي:أرخصي دقيقه ولدّي
زيآد:مرخوص الشيخ

طلع أبو تركي ودخل للبيت
حصل أم راشد ومهرة وأخته شمه جالسات بالصاله
أبو تركي:عطونا القهوه بسرعه
الريال بالميلس
مهرة ركضت للمطبخ وحطت الصينيه والقهوه والتمر
وصحنين حلآ
وعطتهم أبوهآ

وبعد ما تقهوى زياد وجلس يسولف مع أبو تركي شوي
وتعرف على بندر ولد أخت أبو تركي
وطلعّ ممرض معاه بنفس المستشفى


أستآذن وطلع بعد ما ارتاح لبندر وخاله لطيبة قلوبهم الواضحه من طريقة تصرفهم وكلامهم

******

بيت أبو ضآحي
الساعه:9:30 م
الكل جالس عالسفره
أبوضآحي:طفله يا أبوج شفيج..؟
طفله كآن باين عليه آثر البكاء..ارتبكت:ولا شيء
ابو ضاحي ما اقتنع بجواب اكبر احفاده بس فضل يسكتّ

تعشى الكل
مستانسين..ضحك وسوالف
مريم:زيوود الخايس وينه..؟
أم طلال:والله خبري فيه راقد
أم عبدالكريم:الله وآكبر نايم اللحين
ملآك:لا يمه شمسه هو نآيم من آمس
أم عبدالكريم:لا اله الا الله..كل هذا نوم
أم طلال:هههههههه لا أكيد قآيم بس تعرفين زيآد ما يجلس فالبيت ساعه على بعضها
عبدالكريم:دقي عليه يجي..من زمآن ما شفنآه الهيسّ
أم طلآل عآد قلت له جدك وخوالك يسئلون عنك بس هو الله يصلحه
طلعت جوالها ودقت له
****

زيآد يجهز شنتطته يبي يسآفر عشآن عرس حآمد يوم الأثنين
ردّ:هلا والله براعية هالرقم
أم طلال:هلا فيك..قمتّ..؟
زياد يستعبط على أمه:لا بعدني رآقد
أم طلال:ههههههههههه
زياد:ما ادري عنج أم طلال يعني اكلمج وانا نايم
أم طلال:هههههههه ما تطوف شيء ماء شالله
المهم
زيآد:آيه..آمري جعلني فدوة مواطيج
أم طلآل:يا علّك سالم ,, أبوضآحي وخوالك يسئلون عنك
يبونك تمر عليهم يمه
زيآد:يآآآآه تعرفيني يا أم زيآد دايم مشغول ما افضى احك رأسي
أم طلال:ههههههه اي واضح
والدليل رقدت وحده من أمس
زيآد:لا والله حرآم عليج قآعد من السآعه 3 العصر
أم طلال:لا حرااااام قآيم مبجر المفروض ترد تنآم
عبدالكريم:طاقتها سوالف الأخت..عطيني أكلمه
أم طلال:زيآد حبيبي خاللك عبد الكريم بيكلمك
زيآد:عطيني آياه
عبدالكريم:سلآاااااام
زيآد:هلا والله وغلا وعليكم السلام والرحمة والآكرام
عبدالكريم:هههه أخبار القآطع اللي ما فكر يسآل عن خوآله حيين والا مييتين
زيآد:ههههه والله معآك حق بس تخبر الدنيآ مشغآل
عبد الكريم:تكفى يا مستشآر الملكّ عآد
زيآد:لا وانت الصادق أمين سره ههههههههههههههههههههه
عبد الكريم:آقول آهااآ بس ولا تكثر بربره مرّ علينا مشتاقين لك



أنتهى البآرت الثاني

كونوا بخير


خليجيه وكلي حلا :)

فاطمه منصور ©؛°¨غرامي فعال ¨°؛©

مشكووووره عمري علآ ا لبارت

بانتظارك في البارت الجاي

خليجيه وكًلي حلآ :) ©؛°¨غرامي جديد¨°؛©

المشاركة الأساسية كتبها فاطمه منصور اقتباس :
مشكووووره عمري علآ ا لبارت

بانتظارك في البارت الجاي
العفو حيآتي

سعدت بمتابعتك ..

وهالبآرت عشآنك ..



بربـ .. <~ْ راحت تجيب البآرت الثالث

خليجيه وكًلي حلآ :) ©؛°¨غرامي جديد¨°؛©

مساء/صبآح...الخيرات

هذا البآرت الثالث وصل ..



خليجيه وكلي حلا :)


زيااد:هههههه آدري ما تعيشون بدوني
عبدالكريم:آقول اقلب وجهك يالخقه
زيااد:لا والله جد سلم لي على أبوضاحي وأمي عذبه وآعذروني ما اقدر امر عليكم
عبدالكريم:ليه ان شاء الله
زيااد:لأني ماشي اللحين تخبر عرس حامد يوم الاثنين
ولا زم اروح له بدري
عبد الكريم:بالله حامد أعرس
زيااد:ليه ما قلت لك..!
عبدالكريم:لا بالله ما قد قلت لي توني ادري
زياااد:هههههههه آجل انا ناسي ,, أحسب اني قايل لك
عبدالكريم:هههههه يا كثر ما تنسى..المهم بارك لحامد عني وبلغه سلامي
والله لو ماني مرتبط بسفره عقب بكره والا جيت معك
زياااد:يبلغ ان شاء الله .. اي صدق سلم على امي وقول لها زيااد يبوس رأسج
عبدالكريم:ههههههه ان شاء الله خالي
زياااد:يا حبي لك يا ابوحنآن
عبدالكريم:ايه ادري .. يلا ضفّ وجهك وانتبه لنفسك
زيااد:ان شاء الله على آمرك
عبدالكريم:في حفظ الله
زياااد:مع السلامه

****

يوم الأحد
السآعه: 2:24 فجراً

حآمد و زيآد منسدحين بمجلس الرجآل فـ بيت أبو حآمد
من بدري يحآولون ينآمون
زيآد زهق من التقلب ما جآه نوم:حآمد..
حآمد:هآآهـ...
زيآآد:ما نمتّ..؟
حآمد:الا نآيم
زيآآد عرف ان سؤاله غبي:ههههههه حسبتك صآحي
حآمد:زيآآد..
زيآآد:يا لبيه
حآمد:حآس اني متوتر
زيآد جلس على فرآشه:بالله حامد خايف
حآمد:بصرآحه إيه
زيآد:الله يوفقك ان شاء الله ونشوف زيااد
حآمد:والله جدّ زيآآد أنا متوتر وبقوة بعد
زيآآد مقدر مشآعر صديق عمره:الله يعينك بصرآحه أنا اللي مالي لا ناقه ولاجمل بالموضوع متوتر
حآمد:ووجع ان شاء الله نآقصك أنا
زيآآد ردّ أنسدح:ههههههه وش خليت للبنات أجل
حآمد:والله الموضوع كبير شوي
زيآد:اي والله معك حق..يا ولد بكره بتصير اكبر نقطة تحول بحياتك
حآمد والتوتر باين على صوته:ويا تصيبّ يا تخيبّ
زيآآد:آهبّ يا فالك وش تخيب له ..؟
ان شاء الله بتصيب وتعيش حياتك مع اللي اخترتها وتتهنى وتنسى زيااد واللي خلفوّا زيااد
حآمد:ههههههه ما عآش اللي ينسآك يأ ابو حامد
زيآآآد نبرة جديّه:حموّد
حآمد حسّ بأرتياح من كلام زياادّ:هآآآه
زيااد:حامد ووجع ان شاء الله وش هااه
تعبت وانا اعلمك الذرابه قول نعم لبيه ,عيونه أنت بكره بتعرس بتقول لها هااه
حآمد:هههههههه عيون حامد وش تبي..؟
زيآآد:أنت ذآكر كلآمنا قبل سنه صح
حآمد:وش كلامه اللي قبل سنه..أنا يالله متذكر عشآي آمس
زيآآآد منصدم:لا عاد..!
حآمد مستغرب:اسم الله على عقلك..تبيني اذكر وش سولفت فيه قبل سنه
زيآآد:لا يعني شيء مهم سولفنا فيه
حآمد بلا مبالاة:متى,,؟
زيآآد:يوم ملكتك
حآمد سكت يتذكر.....
زيآد:حموود أبو النكبات ليكون رجعت بكلامك
حآمد:وأنا ذاكره عشآن أرجع فيه يا تيس
زيآآآد:طيب تذكر معي شيء عن أخت سيف..
حآمد:سيف من..؟
زيآآد:سيف أخوك يا ثور
حآمد:أخت سيف يعني أختي..
زيآآد:لا ... أخت سيف بالرضآعه
حآمد تذكر..و أبتسم:آآآآيه تذكرت
زيآآد:الحمد لله عالسلامه
حآآمد:ههههههههههه ما نسيت
زيآآد:لا ..(ناظر فيه بشكّ).. أنت نآسي صح..؟؟
حآآمد:هههههههههه لا لا ما نسيت بس انشغلت شوي
زيآآد:وش انشغلت .. بكره كلم عمك
حآمد:وش بكره أنت ووجهك..بكره عرسي..
زيآآد:واذا عرسك بيقطعون لسانك يعني..ما تقدر تتكلم..؟
حآمد:ههههههههه خلآص يأ عمي بكلمه بس أنت آرقد اللحين وخلني آرقد والصباح رباح

****

نآموا الاثنين وهو يفكرون بنفس السآلفه
....؟؟

****

يوم الأثنين صآر العرس وكآن الكل مستانس وآولهم زيآد
اللي كآن لازق بحآمد طول اليوم وهو اللي زفه
وآرقصوا وغنوا واستانسوا ورجع الكل للبيت تعبان ونام
الا زيآآد اللي أنسدح على فرآشه بمجلس بيت أبو حآمد ولآول مره بدون حآمد
حسّ بشعور غريب .. كيف ان حآمد البارحه معاه وكيف كآنوا يسولفون
قلبّ على يمينه ونآم وهو يتمنى لرفيق عمره حيآة جديدة سعيدة وكلها حب و هنّا

****

يوم الثلاثاء
الساعه:7:10 مـ

بمجلس الرجآل في بيت أبو حآمد

حآمد:أنا كلمتّ عمي وما عنده مانع
وقال تقدر تجيب أهلك وتخطبها رسمي بأي وقت
زيآآد:طيب هي موآفقه
حآآمد:عادي هالشغله ما ادري عنها بس أنا بخلي سيف يكلمها فالموضوع وبردّ لك خبر
وأنا شخصياً ما اعتقد انها بترفض
زيآآد:الله يسمع منك
حآمد ضرب زيآد على كتفه:والله وبتصير نسيبنا هههههههههه
زيآآد:ههههههههه قول ان شاء الله
حآمد:بأذن الله مع اني قايلك اصبر
زيآآد استغرب:ليش اصبر..؟
حآمد:عشآن ازوجك بنتي وأصير عمك
زيآآد يضربه على رآسه:هههههههههه ما بقى الا انت تصير عمي
حآمد وقف:يآولد أستح تضربني وان رجآل معرس
زيآآد وقف معاه:والله لو معك عشرة بضربك ولا اهتميت
حآمد:هههههههههه عشره عاد
زيآد:يلا يلا روح للمدآم لا تتآخر عليها وأنا بمشي
حآمد:بدري..ما بعد شبعنا منك
زيآآد:بدري من عمرك..رووح اشبع بعروستك وخليني اروح لأهلي ترآهم يبوني
حآآمد:دراي انهم يبونك هو أنت فيه أحد عرفك ولا حبكّ
زيآآد:دآري يا قلبي بس انا بروح لزوجتي الثانيه وبجيج الاسبوع الجآي
حآآمد:هههههههههههههههههه ايا ثور انقلع بس انقلع
زيآآد مسك ايد حآمد:يا بعد رآسي تغآرين علي
حآمد نفض ايده وضربه على رأسه:آكل تبين بس..قآل آغار قآل
زيآآد:ههههههههههههههههههه
حآمد:آجل انتظر هنا لا تروح لين آجيك
زيآآد:وش عندك..؟
حآمد:اللحين بجيك..

وراح حامد لداخل البيت وبعد خمس دقايق طلع معاه سله قهوة

حآمد:خذ هاذي قهوة وشآي وفيه بعد حلآ وفطآير
آعرفك داايم جوعآن
زيااد:ههههههه يا عمري خايفه اجوع بالطريق
حآمد:آقول اكل تبن وآخذ وأنت سآكت
زيآآد:لا والله صدق ليش مكلف على عمرك..يا حبي لك حتى وانت معرس ما نسيتني
حآمد:لا والله لا تصدق عمرك وتستانس انا أصلاً ناسيك وناسي اللي خلفوك بعد بس هاذي آم أحمد (أم حأمد) مجهزتها لك
زيآآد:أنا قايل .. طول عمركّ ثور .. الله يخلي لي خالتي ام أحمد والا انت نقصّ
حآمد:آقول أمسك لا تخليني ارجعها للمطبخ
زيآآد يأخذ السله:ايه على كيفك..تيلفون مني لأم أحمد تقضبك الباب انت والمدام
بس خلك عآقل ابرك لك
حآمد:لا تكفي آرضى علي
زيآآد بكبر مصطنع:ايييه خلاص خلاص لا تبوس ايدي


****

سآفر زيآد
ورجع حامد لآهله

****

يوم الاربعاء
الساعه:8:5 ص

الكًل كان صآحي ومرتبش
ينقلون آخر دفعه من الاغراض
لآخر شآحنه رايحه للفلل


أم طلال لابسه عبايتها:يلا ملاك خلصينا الهندي بيروح
ملاك جآيه ومعآها كرتون كبير شوي:هذا آخر شيء
مليكه (الخدامه) شايله شنطة اللاب توب مال ملاك:ماما يودي هازا سياره
ملاك:لا هذا خليه معاي..بتودينه مع الشاحنه عشان يكسرونه لي
أم طلال:مليكه خلي هذا وطلعي هالكرتون للهندي خليه يمشي يخلصنّا
مليكه:زين ماما
أم طلال تجلس على طرف الكرسي:روحي نادي زياد ما صارت لبس
ملاك:زين
زيآآد نايم لأنه وصل متآخر وصآر له يومين مو راقد زين
فـ حآس بتعب
ملاك:زيآآآد..زيآآآآآآآآآآد قوم
زيآد يفتّح عين ويطآلع السآعه قباله عالكوميدينآ..بكسل وآضح على صوته:يالله صبآح خير..شتبين..؟
ملاك:شنو شبيّ..قوم ودنا البيت الناس كلها هناك وانت بعدك راقد .. قووووووووووووووووم
زيآآد:آمنت بالله..زين نص ساعه بس نص ساعه
أم طلال معصبه:زيآآد قوم أشوف خلصني
ملاك:أنا بطلع للسياره
زيآد:عيون زيآد..بس خمس دقايق
أم طلال سحبت الكفر عن زيآآد:يعني بتشبعك هالخمس دقايق
قوم اشوف قوم ورآي الدنيا هناك تبي لها ترتيب
زيآآد بعده عالسرير وحآس بألم برآسه:يمه تكفين أنا تعبآن
أم طلال:ياوليدي ياحبيبي..قوم ودنا ونام بحجرتك هناك
أنا مرتبتها ومجهزتها لك من آمس
زيآآد جلس عالسرير:لا اله الا الله
أم طلال:محمد رسول الله ياآمي قوم تآخرنا
زيآآد وقف ولبس الشحآطه وهو يمرر أصآبعه بين شعره:يلا قدآمي آشوف
طلعت أم طلال مع زيآد وركبوا السياره
ملاك:هذا بيروح كذا (تأشر بأصبعها على زيآد من فوق لي تحت)
أم طلال بلا مبالاة:يروح بالشكل اللي يريحه بس أهم شيء يخلصنآ
زيآآد كآن لابس بنطلون بيجامه كحلي كآرهوت بسمآوي
وبلوزه رمآديه بآكمام طويله وشكله شوي مبهذل..مو قآدر يفتح عيونه زين لأنه ما غسل وجهه حتى:ليش مو عآجبج شكلي سنيوريتا ملاك
ملاك مستغربه:لا لا عآجبني

...........
وصلوا للفلل
...........



كآنوا الكل هنآك على قدّماً وسآق
والكل لاهي يرتب أغراضه
ومنظرهم وكأن محل جديد بيفتح
الكل رايح جآي وشآيل صنآديق وكراتين

نزلت أم طلال مع زيآد وملاك
زيآد فهاللحظه كآن هدفه الوحيد فالحياة وطموحه هو الفرآآآآش
وما يشوف غيره:هاللحين هالعالم قايمه من صبآح الله خير
عشآن يرتبون الاغراض..مطرودين والا فيه احد لا حقهم
أم طلال:يآدوب نلحق ترتيب .. ورآنا نزآيل بعد شوي
زيآد يسمع كلآمه أمه ولا فاهم منه شيء من النعآس:أنا بروح أنام
أم طلال:ما تشوف شر

صعد زياد لحجرته حصلها مقفله:يوووووووه
نزل للصاله يصرخ:يمااااااااااااااااااه..يمممممممه
أم طلال دخلت من برى:خير ان شاء الله
زيآد:الحجرة مقفله..!
أم طلال:يووه نسيت أثاريني مقفلتهن..لحظه يمه اللحين تجي حسينه وتجيب المفاتيح
زيآآآد قفلت معاه:يالله
مشى لآقرب قنفه وحذف نفسه عليها وحط ذراعه على عيونه عشآن الليتات

****

أم طلال طلعت للحوش:مليكه .. مليكه
مليكه جآيه تلهثّ:ماما هازا نفر برى يكول يبي بابا طلال
أم طلال استغربت من هاللي جآيهم بهالوقت ويبي طلال لا ووش دراه انهم هنا وهم ما بعد سكنوا:أكيد هاذا من ربعنا..خلاص أنا بطلع اشوفه..انتي روحي شيلي شنط مع ملاك
(ونست زيآد اللي رقدّ بالصآله)

****

الريآض
السآعه:9:30 ص
شقة سآلم


آماني:خلآص رتبت كل شيء..متى بنمشي..؟
سآلم لأهي بالجريدة:بعد شوي ان شاء الله
آماني تجلس يمه:هآآ وش أخبار الجريده اليوم..؟
سالم يسكر الجريده ويآخذ كوب الشآي اللي قدآمه:لا جديد أخبار اليوم زي آخبار آمس
آماني:زي أخبار بكره
سالم:صآدقه..الحياة صارت ممله
آماني:اي والله ملل..(سكتت شوي) سالم شرأيك نسآفر كم يوم نغير جوّ ومنها تجددّ نشاطك شوي
سالم:هذا حنّا بعد شوي بنسآفر
آماني:وتسمي الشرقيه سفره
سالم:يا سلام يعني مشوار اربع خمس ساعات ما هو سفره..!
آماني:لا يعني آنا اقصد نسافر برى .. القآهرة , بيروت مثلاً
سالم:يصير خير ان شاء الله
اماني:يعني متى..؟
سالم:متى مالله يسرّ

****

بعد المغرب كآن الكل جآهز لعشاء النزايل لفلل أبو طلال
أم طلال مع خواتها وحريم أخوانها جالسات
بصآله الاستقبال
وصلت أخت ابو طلال (موزة) أم ثامر
مع بناتها.. مها و هدى
وبعد ما سلمت على ام طلال وخواتها والحريم الموجودات
جلست:مها هدى روحوا لحجرة ملاك حطن شناطكن وعباياتكن هناك أحسن
عشآن ما يضيعن
هدى و مها طلعن من المجلس بيصعدن فوق
أم طلال:حياج أم ثامر قومي افرجج عالبيت
أم ثامر:لا خليها بعد شوي اتفرج على راحتي
أم طلال جلست:على راحتج حياتي


****

حجرة ملاك

ملاك:يالله منك قلت لك ما عندي
زيااد:ملاك لا تصيرين نحيسه انا شايفه عندج قبل يومين
ملاك:ياربي صبرني .. زيااد اطلع برى بكمل لبس بنزل الحريم كلهم وصلوا
زياااد:ماراح اطلع لين تعطيني
ملاك حطت ايدها على خصرها واشرت بايدها الثانيه عالباب:شوف ترى اذا ما طلعت بدق على ابوي
زيااد انسدح عالسرير يعاندها:ما راح اطلع وريني شبتسوين..؟؟
ملاك تضرب الارض برجلها:زياااااااد خلصني
زياااد وقف وعدل بلوزة بجامتها لأنه تو قعد من النوم:يعني ما راح تعطيني بآتشي
ملاك بأصرار:لا
قرب منها بسرعه وكتف ايدينها ورى ظهرها:هاا بتعطيني والا شلوون..؟
ملاك تحسست من قربه منها لهالدرجه شعرت بخوف حآولت تفلت عمرها:زيااااااد بعد عني
زيااد:قولي وين مكانه قبل
ملاك:خلاص بعطيك بس..
(افتحت مها الباب..)
:هآآآآآآآآآآآآآآآيـ ... وشافت زياااد
رجعت بسرعه وسكرت الباب بقوه
زياد فك ايدين ملاك:بسم الله
ملاك:آآآآآآي عورتني يا سخيف .. يلا برى البنات وصلوا
زيآد يطالع الساعه:بدري عالعشاء .. شجايبهم من اللحين..؟
ملاك:والله لا ادق على ابوي يجي يشوفك
زيااد:خلاص خلاص يا دلوعه شوفي لي درب بطلع لحجرتي
ملاك:لحظه

وطلعت تأخذ له درب
مها و هدى واقفات برى
ملاك:هلا والله ببنات العمه
هدى:هلابك آكثررر
وينك يا شيخه ساعه نحتريك يا اميره القصر
ملاك:هههههههههه هالعله اذاني الا يبي من البآتشي اللي عندي
مها:ورى ما تعطينه وتفتكين من الحنّه
ملاك:لا والله هذا هديه من ريهام صديقتي وموصيتني محد يأكل منه غيري
مها:ههههههههههه قولي ريهام من الصبح
زيآآد يسمع سوالفهن وضحكهن:الزفته هاذي تسولف وناسيتني هنا
(طق عالباب):ملااااااك
ملاك:يؤهـ نسيت زياد بالحجرة
هدى:ليه..؟
ملاك:بنات تعالن معاي شوي عشان يطلع لحجرته
وأخذتهن لصاله جانبيه منعزله شوي

طلع زياد وراح لحجرته
واخذت ملاك بنات عمتها عشان يضبطن لبسهن بحجرتها
وهي كانت حايسه تدور الصندل تبع بدلتها:يالله ما ادري وين حطيت صندلي
عاد اليوم كنت شايفته
مها:دوريه زين .. بتلقينه بين الاغراض هنا والا هنا
ملاك:بطلع اسآل مليكه عنه يمكن شايلته
وطلعت
هدى:عقبال ما تصير عندي حجرة نص حجرة ملاك
مها: ما شاء الله تبارك الرحمن صراحه الفله كلها ذوقها حلو وتصميمها راقي
الله يهنيهم
هدى:شفت زياد كيف كان ماسك ملاك قبل شوي
مها:ايه شفيها
هدى:يلعب مع اختها ويحضنها عادي .. الله يخلف ما شاف ثامر ما يتعامل الا بالتكفخ
مها:والله ثامر ما يكفخ الا اللي يستاهلون
هدى:اقول اكلي تبن

دخلت طفله ومعاها ريما
وحطتها عالسرير
:وين ملوكه..؟
مها:طلعت تدور صندل بدلتها
طفله:ياربي من هالبنت ما تعرف تتصرف بروحها ابد
هدى:الدلع ما يسوي
طفله تعدل لبسها عالمنظره:اي والله صادقه دلع هالبنت زااايد
لفتّ على مها:مهاوي حياتي انتبهي لريما شوي بنزل اشوف حسينه وينها وبخليها تجي تأخذها..الحلوه داخت وتبي النوم..
مها شالت ريما:يالبى قلب القمورات ياناس
ريمـااااااا حبيبي

ملاك واقفه عالدرج تنطر مليكه تجيب لها الصندل
طفله:هاا الشيخه شكلج ما خلصتي
ملاك:لا خلصت بس انطر مليكوه تجيب صندلي حاطته بالمطبخ بنت ابوها
طفله:وش له تحط الصنادل بالمطبخ
ملاك:لأنه كان بأخر كرتون ومن الحوسه امي حطت كل الكراتين بمخزن المطبخ
طفله:اهاا..زين يلا خلصي العائله الكريمه كلها وصلت ويسئلون عنج
ملاك:الله والعائله عاد
طفله خزتها:اوووص لحد يسمعج يا قليلة الادب
ملاك:الا نور و نوره وين ما اسمع لهم حسّ
طفله:هههههههههه موريتج فيهن خالتي ام ياسر عطت كل وحده دله قهوة وخلتهن يقهون الحريم
ملاك:لا عاد
طفله:اي والله .. نور تقول هذا عقاب عاد ما ادري شمسويات عشان معاقبتهن
ملاك:هههههههههه ياربي هالبنات ما يتوبن
طفله:هههههههههههههه يلا يلا هاذي مليكة جت خلصي

ونزلت

أخذت ملاك الصندل وراحت لحجرتها
ولبستها .. وقفت قبال المرايه تلقي نظره أخيره على شكلها
كانت لابسه فستان أسود جابانيز لي نص الساق مع حزام عريض آصفر تحت الصدر .. وصندل أصفر بكعب عالي مع سبت متشابكه على كعب رجلها
شكلها طالع خيال .. مع شعرها السايح على كتوفها و رفعه بسيطه بقذلتها
مها:تبارك الرحمن طالعه قمر
ملاك:مشكوره حياتي
هدى:بس ليش مو حاطه مكياج
ملاك:لا ما احب .. بدري عالمكياج
مها:بس الروج الاحمر لاعب دور خطيييير
ملاك:هههههههه طفله حطته لي تقول دامج مو حاطه شدو خلي الحمره فاقعه تسوي تمويه
مها:ههههههههههه صادقه يعني بس يبي لج كحل أسود داخل عينج والا..؟
ملاك تطالع نفسها بتفحص:يعني بيطلع حلو
مها:بيحدد عيونج وبتطلع احلى
ملاك:شورج وهداية الله ههههههههه

*****

زياااد كشخ ولا كشخة معرس
بثوب أبيض مع غتره بيضاء وكبكّ وسآعه من غوتشي
أخذ جواله ودق على طفله
طفله طلعت من عند الحريم:آلو
زياد:هلا والله بأم عبود
طفله:راايق الاخ
زيااد:الله يسامحج وانا متى ما كنت رايق
طفله:اخلص شعندك مو فاضيه..؟
زيااد بمياعه:اموووت انا عالمشغول
طفله ضحكت على اسلوبه:لا شكلك رايق من قلب
زيااد:هههههههههه الله يديم هالروقان عالجميع
طفله:زيااد خلصني شعندك..؟
زيااد:أنا بحجرتي وبطلع اخذي لي درب
طفله:انزل من درج الخدامات الخلفي البيت مليان حريم
زيااد:احلفي يا شيخه .. اقول شوفي لي درب ونادي ام عبدالكريم بسلم عليها
طفله:ما جت صلة الرحم الا اللحين
زيااد:هههههه اموت عليج اذا عصبتي
طفله:وجع ان شاء الله يلا اشوف انزل وادخل المقلط الداخلي على طوووول
وانا بجيبها لك
زيااد:تامرين امر يا ام عبود
طفله:يلا

*****

أماني جالسه عند الحريم .. رن جوالها
قامت وطلعت عن الحريم
:آلو
سالم:آلو
أماني:هلا حبيبي
سالم:آمونه أنا بطلع اللحين للرياض
أماني مستغربه:ليش عسى ما شر..؟
سالم:لا ما فيه شيء بس طالبيني ضروري
أماني:طيب آجي معاك..؟
سالم:لا لا ما فيه داعي أنا بروح وبكره برجع
أماني:طيب اجهز لك شنطه..؟
(وهي تسولف مشت ودخلت المقلط)
سالم:لا لا انا اذا احتجت شيء بمر الشقه
أماني:تروح وترجع بالسلامه
سالم:ربي يسلمج
أماني:انتبه للطريق ودق علي اول ما توصل ان شاء الله
سالم:على خير
أماني:مع السلامه
سالم:مع السلامه

زياد جاء بيدخل .. سمع صوت اماني
رجع بسرعه ودخل المطبخ
أول ما لف .. شاف وحده لابسه فستآن أورنج بذهبي
وشعرها اشقر رافعته كله بطريقه حلوه
جالسه عالكرسي ومعطيتها جنبها

أنصدم وكان بيرجع .. شافها زين
:أااااااااااامنه .. طيحتي قلبي حسبتج بنت
أمنه بققت عيونها:اياللي ما تستحي حسبتني بنت .. وانا وش ..؟
زياااد:هههههههههههه لا يعني بنت غريبه .. ما عرفتج من الصبغه الجديده
أمنه:ههههههههه شرأيك باللوك عجيييييب صوح
زيأأأد:هههههه صوح الصوح ياحلوه
وقرب منها سلم عليها
أمنه:اجلس معاي تقهوى يابناخي العزيز
زياااد: والله تحسسيني بالاهانه لما تقولين لي يا بناخي
آمنه:أوف اهانه مره وحده .. ياكبرها ..ليش طيب..؟
زيااد قرب منها:بيني وبينك استحي اقولج خاله وانتي اصغر مني
آمنه:هههههههههههه وانت متى قلت لي خاله أصلاً انا حاسه انك أنت خالي مو انا خالتك
زيااد:خلاص ولا يهمج قولي لي خال
آمنه:هههههههههههه أنت تأمر يا خالي بس اجلس تقهوى معاي
زيآد:والله عزيمتج ما تنرد يا بنت ابو ضاحي بس وراي مشوار مهم لازم اقضيه
دخلت طفله المطبخ:انت هنا وانا ادورك
زيآآد:ايه شسوي جيت للملقط شفت اهل سالم هناك حولت للمطبخ
طفله:زين تعال جدتي بالمقلط ما عندها احد
زيآآد:يلا

****

نزلت ملاك وبنات عمتها وسلمت عالحريم
وجلست
عمتها ام ثامر:ما شاء الله علي بنت اخوي عروس صايره عروس لا اله الا الله

****

زياد جالس مع جدته بالمقلط
دخلت عليهم مريم
:الله الله وش ذا الزين اخاف انك معرس على هالكشخه
زيااد قرب من خالته وسلم عليها:هههههه أدري اني قمر قولي ما شاء الله
مريم:هههههههههه انت قمر بس لو تخلي عنك هالخقه الزايده كان ما مثلك
زيآآد:ههههه وآثق الخطوه يمشي ملك
مريم:ههههههههههه واثق الخطوه عشان الجوتي من غوتشي
ههههههههههههههههههههههه
زيآآد:ههههههههههههههههههه صح
مريم:يا حلو هديتي عليك..
زيآآآد بزعل مصطنع يفصخ الجوتي:يبه ذليتني على هالهديه ما بقى احد بالعالم العربي ما درى ان هالطقم هديه منج
مريم:ههههههههههههه لا حلفت ما تنزله عليك احلى
زيآآآد:ايه كذا ارضيتي غروري
أم عبدالكريم:ياوليدي حصنّ روحك ترى الناس ما تعطي خير
زيآآد:ان شاء الله يمه تأمرين أمر يا عسل انتي
يلا انا بروح .. آدري راح تشتاقون لي وتعدون الثواني عشان رجعتي بس استحملوه حلاوة الحب بعذابه
مريم أخذت الكوشيه وضربته على رأسه:آقول انقلع بس
زيآآآد:لااااااااااااااااااااا خربتي بنت البكار .. عاد صار لي ساعه اضبطها
أم عبدالكريم:من هي بنت البكار..؟
مريم:هههههههههههه أحسن هاذي نتايج الغرور .. يمه بنت البكار النسفه (التشخيصه) اللي مسويها زيااادوه الجيكر
زيااد يعدل غترته ويغني بيقهر خالته:قول عني ما تقول .. صوبي كم صعب الوصول


*****

بمجلس الحريم أماني جالسه وسارحه بفكرها
سالم اليوم قال لها امونه .. بغى يوقف قلبها يوم سمعته يدلعها
:من تزوجنا بحياتها ما ناداني بغير اسمي حتى ايام شهر العسل ما كان يدلعني
وش اللي صاير له اليوم...؟

نور طلعت للمطبخ:آووووف ما صارت شرب قهوة هالحريم ما يشبعن اصب للوحده عشرين فنجال يالله تقول بس
آمنه:هههههههههه وش اللي حادج..؟
نور:قال وش اللي حادك يالمسمار قال المطرقه..ام ياسر الله يخليها لنا
معاقبتنا
آمنه:طيب منيفه حاجزه صبابات وينهن..؟
نور:بالمطبخ الخارجي عند الطباخات جالسات يقرقرن وحنا نكرف
آمنه:هههههههههههههههه والله ما يعرف لج الا خالتي ام ياسر تستاهلين..
نور:أمنوه لا تخليني اقوم اطلع الحره فيج
آمنه:ههههههههههه تسوينها والله
نور:بتجربين..
آمنه:لا لا ما ني بايعه عمري اهلي يبوني..طيب شمسويات عشان هالعقاب القوي..؟
نور:هاا .. ولا شيء بس جيت اركض ورى البقره نوروه
وطحت على كرتون سمعت صوت زجاج تكسر
لما قمت شفت طقم تحفّ .. جت ام ياسر وانفجرت علي
طلع الطقم غالي وشاريته بألفين وسبع ميه
آمنه:ههههههههههه الله يرجج يا شيخه
نور:ليه شايفتني بيبسي عشان يرجني..؟
آمنه تضحك على اسلوب نور بالكلام ابد ما عندها اسلوب وكله دش
هي صحيح ما تقصد بس اللي ما يعرفها يتحسس شوي
لأنها تعلق على اي شيء قدامها:يا حليلج يانور..الا نوف وينها ما شفتها..؟
نور:نوف تعبانه اليوم جايتها الزفته ومتعبتها حيل ما قدرت تجي
آمنه:يا حياتي .. يعني هي بالبيت بروحها
نور:ايه
آمنه وقفت:قومي وديني لها
نور:ليش..؟
أمنه:بس كذا انا مالي خلق سوالف الحريم وهي جالسه بروحها يا حرام بروح لها نتسلى مع بعض
نور:يلا امشي

****

جاء وقت العشاء
ودخلن الحريم عالبوفيه
آما الرياجيل كان عشاهم ذبايح
وبعد العشاء الكل راح
ومابقى غير ام عبدالكريم ومريم وآمنه
وأم اماني


****

آماني:خالتي انا رايحه مع امي تآمرين على شيء
أم طلال:ليش يمه سالم وينه..؟
آماني:سالم رجع للرياض
أم طلال:ليش عسى ما شر..؟
أماني:ما شر بس طالبينه ضروري وراح يشوفهم
أم طلال:خلاص يمه روحي ارتاحي .. وطمنيني اذا وصل
أماني:ان شاء الله .. يلا يا جماعه نشوفكم على خير
الكل:مع السلامه

****

ملاك:آمنه وين أختفت .. ليكون راحت البيت
نور:لا لا راحت عند نوف
أم عبدالكريم:ليه..؟
نور:ولا شيء بس تقول مالها خلق على جلسة الحريم وراحت تتونس مع نوف شوي
أم عبدالكريم تكلم مريم:مريم دقي عليها تجي بسرعه بنمشي
نور حست من نبرة صوت ام عبدالكريم انها ماتبي امنه تجلس عندهم
ووقفت:أنا رايحه وبقولها تجي
ملاك:وين رايحه انتي تو السهرة بدت
نور:لا والله ما فيني انهد حيلي من المشي بالدلال طول اليوم
الكل:ههههههههههههههههههههههههههههههههههههههههه
نور:يلا بااااااي


وطلعت من غير لا تسمع ردهم

أم عبدالكريم:والله هالبنت حليوه بس لو تركدّ شوي كان ما فانت
أم طلال:نور كلها حلا وقبله


دقايق دخلت آمنه
:هااي
ام عبدالكريم:انتي وش موديتس لبيت الناس بهالليل
آمنه جلست:الله واكبر اللي يسمعج يقول البيت بأخرالدنيا
هذا هو بنفس الحوش حتى
أم عبدالكريم:لو انه ويش ..؟ ما يصير تروحين لبيت ما بوه محارم لتس بهالليول
آمنه تعرف طريقة تفكير أمها:يمه الساعه 12 ونص تو الناس
أم عبدالكريم:وش تبين ازيد انتصف الليل وانت ببيت ما بوه محارم لتس والله لو يدري ابوضاحي تسان يقصف عمرتس
لو جاي واحد من عيالهم والا ابو طلال للبيت وشايفتس قداموه وش بيقول عنتس هااه..؟؟!
آمنه:يالله يايمه تراج مكبره الموضوع ومعطيته اكبر من حجمه
مريم:خلاص يمه مو وقته .. بعدين تعرفين آموون ما تحب سوالف الحريم وجمعاتهن
أم عبدالكريم:دامتس مب مشتهيه الجيه من الاول تسآن قعدتي بالبيت
آمنه مو عآجبها تضخيم امها للامور
دخل سلطآن
:سلام عليهم
الكل:وعليكم السلام
سلطان يحب رأس جدته:هلا والله بشيخة البنات عذبه
أم عبدالكريم:ههههههه يمه منك يا العيار
سلطأن:ههههههههه ليه اجل ماانتي شخية البنات
ملاك:فديت أمي عذبه شيخة البنات وآحلاهن بعد
سلطآن:اي والله ان اشهد انها احلاهن بعيون ابو ضاحي
الكل:ههههههههههههه
أم عبدالكريم:يلا عاد اهاا بس اهاا
سلطآن يغمز لجدته:احلى يا ام عبدالكريم ضاربتها ثقل علينا
أم طلال:وين آخوانك ما اشوفهم..
سلطان:زيآد مع خالي عبدالكريم بالمجلس
و طلال كان يمشي وراي يمكن راح لحجرته


*****


بربـ

خليجيه وكًلي حلآ :) ©؛°¨غرامي جديد¨°؛©

*****
طلال بالمطبخ
:مليكه
مايكه تخاف منه لأنه عصبي وما يضحك ابد:نعم بابا
طلال:جيبي ساندوتش جبن وطماط مع عصير كيوي
مليكه:ان شاء الله بابا
قام كان بيصعد لحجرته .. سمع صوت جدته
فمر يسلم عليها
:السلام عليكم
الكل:وعليكم السلام
طلال يسلم على جدته وخالاته:شلونج ام عبدالكريم ان شاء الله بخير
أم عبدالكريم:اذا انت بخير انا بخير يمه
طلال:الله يسلمج ..
(دخلت مليكه بالصينيه)
أخذها طلال بدون كلام
أم طلال:شفيك يمه مو متعشي..؟
طلال:امبلا متعشي بس جعت .. يلا تصبحون على خير
وطلع

أم طلال:يمه سلطان هو تعشى معاكم..؟
سلطان:لا..
مريم:ليش..؟
سلطان يرفع كتوفه بمعنى ما ادري:كان موجود بس ما قلط معنا
آمنه جالسه ولاهيه بجوالها:يمكن ما اشتهى العشاء واللحين حس بالجوع .. ليش مكبرين السالفه ومسوين قضيه
ملاك:ايه صح بعدين طلول ما يحب يثقل بالليل
أم طلال محتاره ومو عاجبها حال ولدها:ايه صح


*****

عبدالكريم:طيب أنت وش اللي معلقك فيها لهالدرجه
زيآد:انا مو متعلق فيها .. بس عاجبتني
عبدالكريم:والله امرك عجيب عاجبتك وانت ما بعد شفتها
زيآد:خالي يا بعد رأسي وين عايشين حنا اشوفها..وين يعني..؟
عبدالكريم:انت اصرارك غريب يعني بنت لا تعرفها ولا تعرف اهلها ومصر انك تبيها
زيآآد:يا خالي انت اسمعني بالاول انا مالي غيرك يقول لأبوي
أنا بصراحه احب حاامد وهو صديقي الوحيد وانت تعرفه ما يحتاج اقول لك عنه
حتى أمي منيره تحبه والبنت تصير بنت عمه وأخوه سيف يصير أخوها من الرضاعه
عبدالكريم:يعني انت عشان تحب حامد بتتزوج بنت عمه .. شهالمنطق زيوود..؟
زيآآد:خالي انا هالناس معاشرهم من سنين واعرفهم وارتاح لسلمهم وبعدين هم من نفس قبيلتنا
عبدالكريم:يازياد يا حبيبي حنا ما تهمنا هالسوالف بس المهم البنت واهلها
زيآد:أهلها ناس تحطهم عالجرح يبرى..وأبوها ماعنده غيرها
عبدالكريم:طيب هي وش تدرس..؟
زيااد:متخرجه السنه اللي فاتت وجالسه فالبيت
عبدالكريم مستغرب:جالسه فالبيت..!
زيآد:ايه تعرف ما عندهم جامعه بديرتهم..ولا فيه احد من معارفهم بناته بالجامعه عشان تروح وتجي معاهم..فجلست بالبيت
عبدالكريم بداء يشك بالموضوع:زيآآد أنا بصراحه شاك فالموضوع
زيااد ما فهم:وش شاك فيه..؟
عبدالكريم:يعني وش اللي بيخليك مصّر تتزوج وحده لا تعرفها
ولا تعرفك وبنفس الوقت عندك كل المعلومات عنها
زيآآد:وش قصدك ياخال..؟
عبدالكريم:زيآآد قول الصراحه في شيء بينك وبين هالبنت..؟
وانت حاب تغطيه..
زيآآد انصدم من كلام خاله:خالي انت وش جالس تقول..؟
عبدالكريم:زيآآد انا اعرفك رجال تخاف ربك ولا انت براعي سوالف بس اصرارك على هالبنت شككني..شمعنى هي بالذات..؟
زيآآد حس بخدش:خالي أنا لو اشوفها قدامي ما عرفتها
انا من زمان مخطط اتزوج وكنت اسولف انا وحامد عن هالموضوع
فهو كان يقولي والله لو عندي اخت لازوجكياها بدون مهر
وطرت عليه بنت عمه بما انا سيف كان موجود
عبدالكريم:يعني الرجال شآريك
زيآآد:وانا بعد شاريهم وابي قربهم .. ناس يستاهلون من يتعنالهم
وما راح القى لعيالي خوال اطيب من ابو أحمد وأخوانه
عبدالكريم ابتسم:ريحتني يازيآآد .. خلاص ان شاء الله بأقرب فرصه بكلم ابوك
زيآآد حبّ رأس خاله:الله يطولي بعمرك يا ابوحنان
عبدالكريم:ههههههههه الله يتمم لك مع اني ما اتخيل شكلك معرس وربّ اسره
زيآآد:ههههههههه هذا حال الدنيا .. بس لا احد يدري قبل لا نتمم الموضوع بآذن الله
عبدالكريم:طيب انت ما تدري اللحين يمكن يعطونك ويمكن لا..
زيآآد أبتسم:لا تخآف انا جايب الموافقه وعمّ المستقبل هو اللي عطانياها بنفسه
حتى الحريم موافقات
عبدالكريم:ايا ابن الذين مضبط امورك وخالص وجاي تشاروني
زيآآد:ههههههههههههه تعرف ولد أختك ذيب ما ينخاف عليه

*****

أم عبدالكريم ومريم وآمنه طآلعات من البيت
ملاك:آموون نامي عندنا
أم عبدالكريم:لا يايمه ما يصير أنتي آمشي معانا
ملاك:لا ما ابي
أمنه:أصلا انا دايخه وابي انام
ملاك:خلاص يوم ثاني ان شاء الله
وطلعوا مع آبو حنآن ورآحوا البيت

*****

آم طلال كانت دايخه وتعبانه طول اليوم ما جلست
وصعدت تنام
وسلطان كذلك

ملاك جالسه بحجرتها تطالع التي في

وزياد طالع من الحمام ماخذ له شاور
وقف قبال السرير ورمى الفوطه حقت شعره
وقف للحظآت يتآمل الحجرة الجديده..ما بعد تعود عليها
وحاس بغرابة المكان

رمى نفسه عالسرير وتم يطالع السقف ويفكر كيف بيخبر امه وابوه وكيف بتكون ردة فعلهم ..
ماني متخيل نفسي متزوج ومسؤول عن و من زوجة
تخيل للحظه كيف بيكون شكلها وأبتسسسمـ :)
لبس بيجامته وطلع يشوف احد يجلس معاه
شاف البيت مظلم جزئياً والهدوء متلبس المكان
الا حجرة ملاك ليتها مشغل
قرب منها وطق عالباب بشويش وبهمس:ملووكاا
ملاك اخترعت لأنها كانت تتابع فيلم رعب
بس عقب استوعب وراحت فتحت الباب
:خير
زيآآد:قآعده..!
ملاك:لا نايمه..شرأيك يعني..؟
زيآآد يدخل:الاخلاق الله يرضى عليج يمدحونها
ملاك:شعندك..؟
زيآآد يجلس عالسرير:والله كذا ما جاني نوم .. قلت اجي اسهر معاج
ملاك:آهـآآآ
زيآآد يقلب نظره بالحجره:بس حركات حجرتج يالدلوعه
ملاك بدلع:انا كلي حركات
زيآآد:حشى بآيسن مو ملاك هههههههههههه
ملاك:هههههههههههههه حلوهـ
زيآآد:قومي نطلع للحوش الجو حلو
ملاك:يلا
زيآآد:أجل انا بطلع وانتي اللحقيني
ملاك:يلا أنا معاك

نزلوا تحت ومروا عالمطبخ الداخلي
زيآآد أخذ له عصير
وملاك أخذت لها جيلاتو
وطلعوا للحديقه

******

جلسوا بالحديقه الخلفيه عشآن المسبح
زيآآد:حلو بيتنا صح
ملاك:يجنننننننننن .. طول عمري وانا احلم بهاليوم
زيآآد:هههههههههه من كان يصدق
ملاك:اي والله عقب السنتين الاخيره انا قلت خلااااااااص انتهينا
زيآآد:طول السبع شهور اللي كآن ابوي يشتغل فيها عالمشروع وانا حاس اننا بأي لحظه ممكن نصير تحت خط الصفر
ملاك:يووووهـ لا تذكريني اعوذ بالله الله لا يعيدها
زيآآد:ههههههههههههه اي والله .. الله لا يعيدها
ملاك:بحياتي ما راح انسى شكل ابوي وهو جالس بالمجلس الخارجي وشايل هموم الدنيا على رأسه أذكر يومها رحت لحجرتي وجلست آصيح
زيآآد:آصعب شيء بالدنيا الدين..الله لايضطرنا له
ملاك تآخذ نفس عميق:تكفى غير هالسيرة واللي يرحم والديك
زيآآآد:هههههههههههه اي حركات عاد هالسنه بنسآفر
ملاك:ونآآآآآآآآآآآسه راح تكون احلى سفره
زيآآد:شمعنى يعني..طول عمرج تسآفرين مع خوالي
ملاك:لاااااااااا هالسنه غير نور ونوره ونوف بيكونون معانا
بنستانس مع بعض
زيآآآد:هههههههههه ياحليلهن والله صدق بيستانسن..بحياتهن ما طلعن برى السعودية
ملاك:نور من اللحين منجنه هههههههههه
زيآآآد:بكره ايش..؟
ملاك:بكره الخميس
زيآآد انسدح عالثيل وحط ايدينه تحت رآسه يناظر السماء
ملاك تآكل الجيلاتو
لحظات هدوء
.
.
.
زيآآد:ملووكاا
ملاك:وي
زيآآد:آحلى يافرنسي
ملاك تسبل برموشها:اي حبيبي لازم نواكب العصر
زيآآآد:وانا بعد بواكب العصر
ملاك:معاك لغتين وش تبي بعد..؟
زياد:لا انا قررت استقر
ملاك ما هي فاهمة:يعني شنو..؟
زيآآد:بكمل نص ديني
ملاك:بتتزووووووج
زيآآد:ابتسم :) ايه
ملاك:بالله
زيآد:هههه يعني امزح معج انتي وخشتج
ملاك:ههههههههههه يالله ونآآسه
زيآآد:هههههه كلمت خالي عبدالكريم عشان يفاتح ابوي
ملاك:وليش ما تقوله انت..!
زيآآد:بصراحه متردد وخايف
ملاك:ليش خايف بالعكس ابوي بيستانس
أصلاً هو ينطر هاليوم على نار
زيآآد:والله ما ادري ما ني مرتاح
ملاك:ليش عسى ما شر
زيآآد يتنهد:ما آآدري
ملاك:طيب ليش ما تفاتح أمي عشآن تدور لك مرهـ وبعدها تفاتح ابوي
زيآآد:لا أنا آخترت اللي ابيها
ملاك:أخترتها..شلون..؟
(لحظة تفكير) .. أنت كلمت خالي عبدالكريم ليكونننننن
تبي حنان بنته
زيآآد:هههههههههههه وش حنانه يا دلخه
ملاك:انت تقول مكلم خالي عبدالكريم يفاتح ابوي
زيآآد:يعني لو أنا ابي حنان اكلم خالي عبدالكريم يجي يخطبني من ابوي مثلاً
ملاك سكتت شوي:ههههههههههههههههههههههههههههههههههههههه
زيآآد:غبيه ههههههههههههههههههههههههههههههه
ملاك:حلوهـ بس لا تعيدها .. لا بس جد من هي اللي اخترتها
من وين عرفتها..؟ ووين..؟ ومن متى..؟
زيآآد:لا عرفتها ولا شفتها ولا بحياتي كلمتها
ملاك:لغز هي
زيآآد:لا لغز ولا شيء .. البنت تصير بنت عم حآمد
ملاك سكتت وكآنها تتذكر شيء:آهـآآآ..سوّ
زيآآد:سوّ .. كلمت حامد وطلبت منه يكلم لي عمه بهالخصوص وعمه ما عنده مانع وهو ينطرنا نجي نخطب رسمي
ملاك:يعني مخلص امورك وجاي تبلغنا لا اكثر
زيآآد:انا ما حبيت اقول لأمي وابوي ونروح ونتعنى ويمكن ما يصير نصيب .... قلت اتآكد واضببط الموضوع عقب أخذ امي وابوي ونتتم الموضوع بحيل الله
ملاك:طيب شمعنى هي..؟
زيآآد:لا معنى ولا بطيخ .. انتي عارفه علاقتي بحامد
وبآهله كلهم صراحه ناس ينحطون عالجرح يبرى .. آجواد وراعين سنعّ
وانا حبيت القرب منهم وما اتوقع القى مثلها
ملاك ابتسمت .. زيآآد يعرف حامد من الابتدائي لما كان حامد وابوه بالدمام وبعد ما انتقلوا عند جدهم
ما انقطعت علاقتهم بالعكس زادت وقوت مع الوقت ,, حآمد شخص محبوب لعآئلة أبو طلال كلها حتى ابوضاحي وخوال زيااد يعرفونه ويحبونه
وزيااد يحتل نفس المكانه عند آهل حامد

:آلف مبروك مقدماً زيوود
زيآآد:هههههههه الله يبارك فيج
ملاك:طيب شـ آسم مرت أخوي الجديده..؟
زيآآد أبتسم :)..:مو لازم تعرفينه اللحين ..اذا تمت الامور على خير
بقولج
ملاك:لا زيااد حياتي تكفى قول لي
والله ما اقول لأحد حتى امي والله ما اقولها
زيآد:هههههههه لا تحاولين
ملاك تبوس رآس زيآآد:حبيبي آخوي أنا ملووكاا
زيآآد حنّ على أخته:طيب وعدّ ما يطلع اسمها لأحد
ملاك:يعني من بقول له..؟!
زيآآد:تقولين لريا وسكينه وبكره اللقى الشرقيه كلها تدري
وهو ما بعد صار شيء
ملاك:لا والله ما راح اقول لأحد حتى طفله ما راح اجيب لها طاري
زيآآد:ولا كآن عندج خبر آبد
ملاك:أصلاً أنا ما اعرف الموضوع من الاساس
زيآآد:هههههههههه يمه منج عياااارهـ
ملاك بترجي:يالله عاد قولي اسمها
زيآآد:أسمها .. غلآ
ملاك:اللاااااااااااااه .. يجنن اسمها
زيآآد:ههههههه .. ها زي ما اتفقنا
ملاك:زين متى بتروح آمي تخطبها..؟
زيآآد:على حسب متى ما خالي عبدالكريم فاتح ابوي
نقرر
ملاك متحمسه:يصير آروح مع أمي
زيآآد:خير ان شاء الله وين تروحين..؟
ملاك:بروح مع أمي لأهل غلا عشآن أشوفها
زيآآد أبتسم:ههههههه ما يصير يا ماما.. أمي وجدتي بس
ملاك:خسآآآرهـ .. طيب طفله بعد ما بتروح
زيآآد:والله ما ادري على راحتها أم عبود
.. اذا جت بكره بقول لها
ملاك:طفله عندنا
زيآآد:عندنا .. وينها ما سمعت لها حس .. غريبه
ملاك:ما ادري صعدت اول ما راحوا الحريم تقول تعبانه تبي تنام
زيآآد مستغرب:وعيآلها معاها..؟
ملاك:آيـــه

*****

يوم الخميس
الساعه: 9:00 ص
بيت أبو ضآحي

عبدالكريم جآلس عند آمه
:والله ما ادري شلون بفآتحه بالموضوع
أم عبدالكريم:يا يمه اذا انت مستحي قول لزيآآد ما اقدر
وخله يقول لأبوه بنفسه .. آحسن
عبدالكريم:لا حرام..الولد جآني وما حبيت آكسر بخاطره
وقلت له تم
أم عبدالكريم سكتت شوي:آنا بفاتح آبو طلال
عبدالكريم متفآجىء:أنتـــــي..!
أم عبدالكريم بآصرار العجآيز:آيه أنا
يآ عآئشه (تنادي الخادمه) عائشه
عائشه جايه تركض من المطبخ:نعم ماما
أم عبدالكريم:جيبي لي التلفوون
عبدالكريم:يمه شتبين بالتيلفون..من بتدقين عليه..؟
أم عبدالكريم:ما عليك مني خل الموضوع علي وأنا بحله
عبدالكريم:كيف..؟
أم عبدالكريم تدق على زياد:.........



******

زيآآد غآط بنوم عميق .. لأنه ما نام الا بعد صلاة الفجر ببطى
تحرك بكسل للتيلفون .. أخذه وناظر الرقم
:أمي عذبهـ .. يالله صباح خير
رد عليها بصوت كلها نوم:هلآ بنظر عيني
أم عبدالكريم:هلا بوليدي زيآآد..وينك يمه..؟
زيآد (داقه علي وموعيتني من احلى نومه عشان تقولين وينك):بالبيت يمه بالبيت
خير .. عسى ما شر
أم عبدالكريم:ما شر يمه .. بس بغيتك تمر علي أبيك بموضوع ضروري
زيآآد:خير شهالموضوع..؟
أم عبدالكريم:لا يا ابوي ما يصير اقوله لك عالتيلفون
لازم أشوفك
زيآآد مستغرب:على خير الغاليه .. العصر بمر عليج ان شاء الله
أم عبدالكريم:خلاص يا ابوي أحتريك تراني
مع السلامه
..وسكرت التيلفون
عبدالكريم:يمه شنآويه عليه..؟
أم عبدالكريم:همآه بيعرس..! أنا اللي بخطب له بنفسي

******

زيآآد متمدد عالسرير . فاتح عيونه بكسل
وخمول .. يفكر بموضوع جدته..
شعندها ..؟

قآم من السرير ودخل الحمام غسل وجهه .. لبس التي شيرت تبع البيجامه
وطلع يشوف من صاحي من اهله

وقف على الدرج وناظر يمينه بيشوف من اللي صآحي من اخوانه
كآنت أخر حجره عاليمين حجرتها
جنبها حجرة سلطآن .. بعدين طلال .. وحجرة نوم فاضيه
وقدامهن صاله مفتوحه عالدرج وعالقسم الثاني من الفله وقبال حجر الشباب
كان فيه مكتب
نآظر يسآر.. حجرة ملاك .. بعدين حجرة نوم عشآن خالاته اذا جن يباتن فيها
وحجرة طفله وبعدها سويت كآمل لأابوه وأمه

الكل كان نايم لأن الحجر كلها مظلمه
نزل تحت آكيد بيلاقي امه صاحيه مو بالعادة ترقد لي هالوقت
ما حصل حدّ أستغرب

راح للمطبخ:مليكه
مليكه: يس بابا
زيآآد:وين ماما..؟
مليكه:ماما روهي بيت أم ياسر
زيآآد عقد حجآنه:ليش..؟
مليكه تهز راسها:أنا ما يئرف هي سوي تيلفون بعدين روهي
زيآآد:طيب
مليكه:بابا يبي ريوق..؟
زيآآد:لا لا ما يبي أنا يبي روح آرقد
مليكه:آوكي بابا

وصعد لحجرة وكمل نوووووووووم


*****

بحجرة سلطان

كآن واعي بس متكيسل يقوم
رنّ جواله ..لف على يمينه وآخذ الجوال
أستغرب ..:رقم غريب
....
.آلو
جاه الصوت بغي يفجر آذنه:ووجع ان شاء الله قولي آمين
سآعه اتصل عليج وأنتي ولا انتي هنا
أعنبوج كل هذا نووم .. هذا وانا منبهتج أمس وقايله لج
حطي المنبه .. أسمعيني ما عندي وقت انا اللحين بحارتكم
بسرعه فزي من فراشج وزهبي الكتب اللي ابيهن
ولا تنسين نوتات مها بعد .. وأبي فايل الانجلش تبعج
لأن ما معاي وقت يادوب اللحق اكتبهن .. بعد شوي بنمشي
طآرق راح يجيب بشاير من بيت جدي وبعد الغداء بنمشي
.....
سلطان منصدم من سيل الكلمات اللي صب عليه مره وحده
حشى بالعه راديو:..........
:وجع ان شاء الله اكلم روحي انا..ليكون رجعتي تنامين يالشينه
سلطان جته ضحكه ما قدر يمسكها ..البنت متحمسه ومعصبه ..اسلوبها بالكلام يموت من الضحك ..وشكلها من زود العصبيه خربطت بالرقم
::سكتت شوي .. وخفت صوتها:
سآآرهـ ..!
سلطآن:آختي الرقم غلط .. هذا مب جوال ساره
جوآهر وكآن حد عطآها كف على وجهها
ارتبكت وانحرجت..سكرت الجوال بوجهه
:حطت يدها على فهما..هيييء أنا شقلت
الله يآخذني اكلت الرجال (رفعت الجوال تتأكد من الرقم)
ياويلي مخربطه بآخر رقم .. الله يآخذج ياساره انتي ورقمج
الله يآخذج..ياويلي شبيقول عني الرجال..لسانها طويل وما تستحي
ياويل قلبي ..اكيد خرعته أنا ووجهي ..بيقول شهالمجنونه اللي داقه
علي من صباح الله خير وتهاوش وتزاعق

******

سلطآن لحد اللحين يضحك على الموقف
:ههههههههههههههههههههههههه
ياحرام يامسكينه..معصبه وحالتها حاله
هههههههههههههههههههه
أكيد اللحين تلعن وتسب هذا اذا ما سبتني انا
وقف سلطان وراح للحمام

******

جوآهر جالسه بحجرتها تلعن وتسب لقافتها وطول لسانها
يافشتلي عند الرجال..انا لازم اعتذر
:وكتبت له مسج

******

سلطان يفرش اسنانه وسمع صوت نغمة المسج
طلع من الحمام يهرول والفرشاة بفمه
:آخوي أنا آسفه كنت غلطانه بالرقم
وما انتبهت..أسفه عالازعاج
أبتسم سلطان:هههههههههه ياليت اشوف وجهها اللحين
رد عليها بمسج:حصل خير..
الغلط وآرد تصير في آحسن العوائل

رمى التيلفون عالسرير وراح يكمل تفريش اسنانه

******

جوآهر جآلسه وايدها على قلبها:يارب ما يكون من هالمصبنه
اللي ما يصدقون خبر..ياويلي لو نشر رقمي
وصلها المسج بغى يوقف قلبها على النغمة
فتحتها :حصل خير..
الغلط وآرد تصير في آحسن العوائل
:يمه ياقلبي الله يستر
وآغلقت جوالها توقعاً منها انه بيدق

******

بيت آم ياسر
الساعه 10:10 ص

آم طلال:يلا آجل مع السلامه
آم ياسر:فحفظ الله ياهلا

نوف متمددة بحجرتها.. وآخيراً خلصت ثانويه
ياسسسلآم يعني بصير من بنات الجامعه مع ملاك وريا وسكينه
(نور و نوره)
الله يعين..ويصبرني لين ما تطلع النتائج
يآآآآآرب تكون نسبتي تبيض الوجهه عشآن آفرح امي وابوي

******

أنتهى البارت الثالث


ودي لكم

أدوات الموضوع
طريقة العرض

موقع غرام موقع سعودي خليجي عربي يحترم كافة الطوائف والأديان ومختلف الجنسيات
جميع الحقوق محفوظة منتديات غرام
iTraidnt by ROMYO
جميع الحقوق محفوظة منتديات غرام
iTraidnt by ROMYO

SEO by vBSEO 3.6.1