منتديات غرام روايات غرام أرشيف الروايات المغلقة - لعدم إكتمالها ذا أنا من يوم ما ربي خلقني / روايتي الأولى
خليجيه وكًلي حلآ :) ©؛°¨غرامي جديد¨°؛©

بسم الله الرحمن الرحيم

ذآ [ أنــْآ ] من يـوم مآربي خلقنـي !



فطري بـ/ إحسآسي وَ لآني . . بـ ’ إصطنآعي !!



عآطفـي جـدًآ . . وَ گلـي { شآعريّـه ~



وَ إنطوآئي گثير وَ شـوّي [ إجتمآعـي ] ,,





أولاً:راح أبداء البارت الأول وبنهايته راح أعطيكم نبذه عن الشخصيات
عكس المتعارف عليه
:)

أول بيت راح ندخله..هو بيت أبو طلال
الدمام
الساعه: 1:30 صباحاً

تعالوا معاي بدون صووووووووت
خخخخ
***
طفله جالسه بحجرتها في بيت أبوها ومحمد بحضنها..بهمس:نام نام ياحماده نام نام وأذبح لك جوز الحمام نام نام
ملاك اللي منسدحه عالكنبه وأزعجها صوت أختها وهي تغني لولدها:طفله بس عاد أزعجتيني بنااااام
طفله:والله محمد ما ينام اذا ما غنيت له..وبعدين أنتي شينومك عندي..قومي انقلعي لحجرتج
ملاك توقف ومعاها المخده:آووووووف ما تجي هي وعيالها الا وتجيب الأزعاج معها
طفله:هههههههههه أحسن (شافت المخده بأيدها)
تعالي تعالي جيبي مخدتي يالسروق
ملاك أنتبهت عالمخده بأيدها قطتها عالسرير وطلعت
طفله:ههههههههههههه
ورجعت تغني لولدها
***
ملاك تفتح باب غرفتها بهدووووووء وتدخل
أتجهت للسرير بدون ما تفتح الليت
وأول ما أنسدحت حست بشخص معاها عالسرير
صرخت من قمة رأسها
وكل اللي بالبيت سمعوها
اللي كان جنبها فز على طوله وراح ركض لصوب الليت وشغله
:ملووووك يالخبله وش جايبج هنا..؟
ملاك ترفع اللحاف عن وجهها:زياااااااد
أبو طلال فتح الباب بسرعه:خير وش فيه..؟
زياد يتنفس بسرعه:أسأآل بنتك
أبو طلال:ملاك وش صاير..؟
طفله جت تركض:خير خير شصاير..؟
ملاك:أنا كنت جايه بنام..هو وش جابه بحجرتي
أبو طلال يطالع زياد:وش جابك لحجرتها..؟
زيااااد بالبجامه وشعرها كاش:يبه شووف زين .. هاذي حجرتي..هي اللي وش جايبها..؟
أبوطلال يطالع الحجره أبتسم:اي صح هاذي حجرته.. ملاك وش جابج هنا..؟
ملاك تستوعب انها بحجرة زياد وتحك رأسها:هاااه
طفله:ههههههههههههههههه
الكل:ههههههههههههههههههههههههههههههههههههههههههههه هههه
ملاك توقف:أسفه ما أنتبهت
زياد:ياسلام منقزتني من حلو النومه وبالنهايه ..(يقلدها)أسفه ما أنتبهت
أبو طلال:ههههههه خلاص يا أبوي ما صار الا الخير ارجع نام
وراح أبو طلال لحجرته
طفله:ههههههه يا حبيبي يا أخوي من الخرعه وقف شعرك..(تربت على كتفه)..أرجع ناااام..أحلام سعيده
وراحت لحجرتها

ملاك فتحت باب حجرتها وهي متأكد هالمره .. شغلت الليتات .. تتأكد زياده هههههه :)
رجعت طفتهم وراحت نامت

***

تعالوا معاي لثاني بيت
أو بالأصح شقه
جده
الساعه 2:00 ص

ياسر منسدح يطالع التلفزيون
مرام طالعه من حجرة النوم
ياسر:هاا بشري عساه نااام
مرام:آوووف بعد ما طلع روحي
(جلست عالكنبه)
ياسر:هههههه لو أروح أصيحه اللحين وش تسوين فيني..؟
مرام:أقتلك والله ,, أنا ما صدقت ينام
ياسر يقرب منها:ههههههههه وأهون عليج

(( يكفي قلة ادب ما راح ندخل بيوت بعد هع << برا ))

******

الثلاثاء
الساعه 9:00 ص
الدمام

أم طلال تدخل حجرة سلطان:سلطان,,سلطان يمه قوم الساعه 9
سلطان يفتح عيونه بكسل:زين يمه زين
أم طلال:يلا يمه عشان تتريق

طلعت من حجرته راحت لحجرة زياد
فتحت الباب
:زياااد زياااد يمه قوم
زياد يفتح عين وحده:هاااااهـ
أم طلال:قوم يا ولدي الساعه 9
زياد يغطي وجهه:الشفت اليوم عصري يمه
أم طلال:أدري يمه ان شفتك عصر..قوم تريق مع أخوانك كلهم صاحيين
زياد:الله وهالشيف اللي تبيني اصبح بوجيههم
يمه حبيبتي أطلعي وسكري الباب
أم طلال:الله يصلحك يمه
طلعت وسكرت الباب

...
راحت للصاله
لقت طفله وعيالها جالسين:ياصباح الخير على حبايبي
عبدالله:يمه منيفه شوفي ماما ما تخليني أكل كت كات
أم طلال:الله الله ياكبرها عند الله يا عبود تبي تأكل كاكاو وأنت ما بعد تريقت..ما يصير يأجدي
(عبود برطم وزعل)
أم طلال:لا يا جدي تعال تريق واشرب الحليب أول بعدين أنا بعطيك اللي تبي
عبود:أبي كت كات
أم طلال:لو تبي كرتون بعطيك بس تعال تريق
زيااد طالع من حجرته:الله يرحم حالك يا زياد تريقت والا مت محد درى عنك
طفله:ههههههههههههههههه
أم طلال:بسم الله هذا اللي ما رضى يقوم
زياااد يحك شعره:هههههه طيرتي النوم يا نظر عيني
أم طلال:يمه منك..كل شوي برأي
زياد ينسدح ويحط رأسه على رجل أمه
أم طلال تبعد رأسه:قوم عني مناك رجولي توجعني
زياد:يا ماما ياحياتي أنا ناقص حنان
طفله:تكفى لا عاد تقول ماما طالعه منك تسد النفس
زيااد يبرطم ويلقد عبود اذا زعل:شفتي يمه منيفه كل الناس ما يحبوني أنا بنتحر
أم طلال تبعد رأسه عنها:أقول قوم عني مناك طول هالباب وجايني يبي حنان
زياد يجلس متكتف:يعني أذ كبر هالباب على قولتج ما ينقص حنان
أصلاً أنا من يومي وأنا ناقص حنان كنتي تفضلين سلطعون (سلطان ما يسميه زياد الا سلطعون) علي
طفله:ههههههه خلاص يالمظلوم عاطفياً بنزوجك عشان تشبع حنان
زيااد:أيه أصلاً أنا قررت أتزوج
أم طلال:ايه خلاص يصير خير..تريق وعقب بنروح نخطب لك
سلطان جاي وكاشخ:صباح الورد
الكل:صباح النور
سلطان:من اللي بيخطب
زياد يرفع إيده:أنــااااااا
سلطان يجلس عالسفره:هههه يا رجال قل غيرها (يمد الكوب لطفله) صبي لي حليب
زياد بغباء:وش أقول..؟
سلطان:هههههههه لا وكل هالدلاخه وبيتزوج ,, ما اقول الا الله يعين بنت الحلال اللي بتأخذك بس
زياد:الا قول يا حظها..أنا متأكد أن أمها داعيت لها
أم طلال:ههههه الا داعيه عليها
سلطان وطفله:ههههههههههههههههههههههههههههههههههههههه
زياد مسوي فيها حزين:اي انتوا بس اجلسوا هنا واضحكوا على جراح الاخرين
سلطان:ما اقدر أنا يا حزين
***
في بيت أبو طلال الثاني
وطبعاً هالبيت دورين وساكنات فيه حريمه الثنتين
أم ياسر&أم جاسر
***
الطابق الأول
أم ياسر جالسه بالصاله تتقهوى
رن جوالها اللي كان جنبها..شافت الرقم غريب:خير اللهم أجعله خير
::آلو..!
:ألو يمه
أم ياسر تطالع الرقم زين:نوف
نوف:اي انا نوف يمه
أم ياسر:أدري أنج نوف..من وين تكلمين..؟
نوف:أنا بالمدرسه يمه وهذا جوال المرشده
أم ياسر:خير وش بلاج..؟
نوف:يمه أنا تعبانه تعالي أخذيني
أم ياسر:بسم الله عليج..وش تشكين منه..؟
نوف:يمه بطني يعورني تعالي أخذني
أم ياسر:طيب طيب..اللحين جايه

أم ياسر سكرت التيلفون وراحت أخذت عباتها وطلعت لبيت أم طلال
دخلت بالصاله حصلت أم طلال وطفله:صباح الخير
الكل :صباح النور
أم طلال:خير وراه لونج مخطوف..عسى ما شر..؟
أم ياسر:ما شر ان شاء الله بس نوف دقت على من المدرسه تقول انها تعبانه وتبيني آطلعها
طفله:ليش وش فيها..؟
أم ياسر:والله ما ادري عاد جيت أبي زياد يوديني نجيبها
طفله:طيب بروح أناديه
أم طلال:بسرعه يمه
طفله:أن شاء الله

طفله تطق باب حجرة زياد:زياااااد
زيااد رجع رقد:..........
طفله تفتح الباب
يالله رجع رقد:زياااااااد زياااااااااااااد
زياد:يا ازعاج الدنيا..خير
طفله:قوم ود عمتي أم ياسر لمدرسة نوف
زيااد:ليش..؟
طفله:بتصور معاها وبترجع..يعني شتبي فيها نوف داقه تقول انها تعبانه
زيااد يوقف:طيب أغير ملابسي وآجي
طفله:بسرعه عمتك تنتظر برى
زيااد:طيب خلاااااااص

دقايق وزياد وأم ياسر عند باب المدرسه
أم ياسر نزلت ودخلت للأداره
وطلبت نوف وطلعتها

وطلعن للسياره
زياااد:سلامات ماي سستر ما تشوفين شر
نوف:الله يسلمك الشر ما يجيك
زياااد:آفطرتي نونا
نوف بتعب:لا
زياااد:آفــا وأنا أخو نوف..اللحين نمر مطعم وأخذ لج أقدعها فطور
نوف:لا ما أبي
زيااد:لا مو بكيفج
نوف:لا والله زيااد ما لي نفس
أم ياسر:ما دهورج الا مالي نفس..آكل مثل الناس ما تأكلين
زيااد:ليش عاد ..؟
أم ياسر:دلع..زياد وليدي مر عالصيدليه أبي لي أغراض منها
زيااد:على هالخشم
أم ياسر:تسلم

***

في مكتب أبو طلال للعقار:طيب متى بتجي اللآلات
ممدوح المهندس:يوم الأحد بأذن الله
أبو طلال:على خير..أنت أكد حجز المخازن ..وأنا بطلع للفلل بشوف شصار عالصباغين
ممدوح:تِؤمر حظرتك
أبو طلال:يلا أنا رايح..مع السلامه
ممدوح:الله يسلمك يا باشا

******
بعد أسبوع بلشت أختبارات الفاينل
والكل كان مشغول
وبعد أسبوع من بداية أمتحانات المدارس ..خلصوا الجامعات
وبعد العد التنازلي لعطلة الصيف

***

يوم الخميس
في بيت أم طلال
الساعه 8:00 م

أبو طلال ويزيد ونوره ونور وسلطان
كانوا جالسين بالصاله

أبو طلال:أجل عطلتن هاا
نور:ايه يبا افتكينا
نورفي سؤال يقرقع بقلبها وبتردد:يبه
أبو طلال:لبيه
نور:متى بنسكن بيتنا الجديد
يزيد:تقصدين قصرنا الجديد
أبو طلال:ننتظر الكل يعطل وبننقل ان شاء الله
نور:كلنا خلصنا بس باقي نوف
أبو طلال:نوف باقي لها الاسبوع الجاي كله
يزيد:اي الله يعينها
أبو طلال:خلاص أحنا بنودي الأغراض المهمه والاربعاء ان شاء الله كل واحد بينام بحجرته الجديده
نور مستانسه:ياسلااااااااام وأخيراً بتصير لي غرفه بروحي
الكل:هههههههههههههه
يزيد:مشكلة البزران اذا سكنوا بيت جديد
أبو طلال:الا زياد وينه ..؟ ماشفته اليوم
نوره:راقد من جاء من الدوام
يزيد:الله واكبر كل هذا نوم
نور مبققه عيونها:طالعوا من يتكلم .. اللي ينام باليوم واليومين وما يشبع
الكل:ههههههههههههههههههههههه
يزيد وقف:نوره حبيبتي أسمعيها مني وأنا أخوج (يحط ايده على صدره) ..ترى شكلج أحلى لما تصيرين ساكته

وراح لحجرة زيااد
نور حقدت عليه .. اوريك يالدب


رفس الباب برجله كالعاده بس حصله مقفل
تم يطق عالباب بقوه:زيااااااد زياااااد
زيووود قوووووم الناس أصبحوا
:............. لا مجيب
يزيد يطق عالباب:زياااااااااااااااااااااااااااااد
زياد فتح عيونه بكسل..مزعوج من صراخ أخوه
وقف وفتح الباب:أحد قالك من قبل أنك ثور
يزيد يبتسم:أدري طالع على أخوي (يغمز له)
زيااد يحك رأسه:شتبي..؟
يزيد:بدخل عندك
زياااد يوخر عن الباب
ويرمي نفسه عالسرير
يزيد:شوف سيشوي..بترجع تنام..!؟
زيااد:اذا ما عندك مانع عمي..
يزيد يأخذ المخده وبقوتها كلها على رأس زياااد:يلا عاد بسك نوم صار لك 6 ساعات نايم
زيااااد تألم:آآآآآآآخ
يزيد:يلا بنروح نودي الأثاث لبيتنا الجديد
زياااد وقف على حيله وأخذ المخده وبسرعه ضرب يزيد بقوته كلها:قد قلت لك انك تيس صح
يزيد:آآآآآآه ياتبن..أنا أخوك الكبير
زيااااد يمسك يزيد من ياقت التي شيرت من ورى:برى يا أخوي الكبير
(طلعه وسكر الباب)

يزيد واقف عند الباب معصب:طيب ياثور حسابك عندي


نور لقتها فرصه تنتقم منه وبدلع اطلقت ضحكاتها:ههههههههههههههه
بنات شفتوا الناس اللي انطردوا اليوم
نوره عاد ما يحتاج تبي الشاره بس:ههههههههههههه اي شفناهم كانت اشكالهم مسخره
يزيد انقهر:حشا لله رقصات على هالضحك وجع
.. وين ابوي..؟
نوره تدخل ايدها بمخباتها:للأسف مو معاي
نور شوفيه يمكن عندك..؟
نوره تفتش جيوبها:لا مب معاي
يزيد:قمة التفاهه السمجاه والمصاله
نور و نوره:ههههههههههههههههههههههههه

طلع وخلاهن
يزيد حس بصداع برأسه ..: هالزفت عورني

ملاك وهي داخله
ويزيد طالع
ملاك:سلام
يزيد معصب وبدون نفس:وعليكم السلام
وطلع

دخلت الصاله مستغربه
:السلام
نور و نوره:وعليكم السلام
ملاك:وش فيه يزيد معصب...؟
نور:زيااد طرده
نوره:ههههههههه وسكر الباب بوجهه
ملاك:هههههههههههه اشوفه يسلم من غير نفس
نوره:ما عليج منه..الا انتي وين كنتي..؟
ملاك تحط الاكياس اللي بإيدها عالارض وتفسخ عبايتها:كنت بالسوق مع خالاتي
نور:ولا تقولين عندي خوااات بأخذهن معااااي..
ملاك:اعرفكن ما ترضن تروحن مع خالي فيصل
قلت اوفر المشوار
نوره:وليه فيصل اللي موديكن مو السايق..؟
ملاك:سايق جدتي مع جدي بالمزرعه
وسايق البيت مع أمي وخالتي مريم رايحات يرتبن الأثاث بالفيلا
نور:لاااااااااااااااا عمتي رايحه الفيلا.. كان اخذتنا معها نشوف غرفنا
نوره:اي والله عاد انا ميته اشوف حجرتي بعد الصبغ كيف صارت
ملاك:حتى أنا..وش رأيكن نقول لزياد يودينا..؟
نوره:لا ما توقع بيرضى لأن شكله تعبان
ملاك:ليش..؟
نوره:ما ادري اول مره اشوفه كذا
ملاك:أنا بروح اشوفه
نور:وأنا بفتش اكياسج يا حلوه
ملاك:هههههههههههه خوذي راحتج
*****

ملاك تدق عالباب:زياد .. زيود اوبن ذا دوووور
يزيد قام وفتح الباب:خير
ملاك:الخير بوجهك..ما شبعت نوم..؟
زيااد:أصلاً ما كنت نايم .. متمدد بس
ملاك:طيب تعال جبت لك سينابون وبسوي لك قهوة..شرأيك..؟
زياد يبتسم:وهاذي يبيلها رأي .. بأخذ لي شاور واجي
ملاك تبتسم لأخوها تعرف كيف تخليه ما يرفض لها طلب:وأنا بروح أزين القهوه

راحت المطبخ وسوت قهوه
وضبطتها وزينت الصينيه

زياد طالع من حجرته رايق ويغني:قلت أبصبر والصبر من زود صبري ملني
نوره:سبحان مغير الأحوال
زيااد:السلام قبل الكلام
نور:وعليكم السلام
نوره:تعال زيااد أجلس جنبي
زياااد أنسدح وحط رأسها على رجلها:آمريني
نوره تموت على أخوها:يا علني أرقص بعرسك قول آمين
نور:هههههههه ما اتخيل زيااد معرس
زيااد:ليش شناقصني..قريب ان شاء الله بترقصن
نوره:صدق تتكلم زيود
زيااد قلب على ظهره وصار وجهه للسقف مقابل وجه أخته:قريب بس خلينا نستقر بالاول وأضبط ملحقي
نوره:وش ملحقه..؟
زيااد:أنا قلت لأبوي يعطيني الملحق الخارجي
نور:وش تبي فيه .. وعندك قسمك فبيتكم..؟
زياااد قلب على جنبه:لا ما ابيه .. أنا بأخذ الملحق وطلول (طلال) يأخذ القسم اللي داخل
ملاك جايبه الصينيه:ليه مو عاجبك القسم
نور تطالع ملاك:لا..حرااام عاد تصميمه يجنن
زيااد يجلس:فيه خطه برأسي بس احبكها عدل بقولكم
ملاك تصب له قهوه:أجل ناوي تعرس صدق
زياااد:ان شاء الله
ملاك تمد له السينابون:على خير ان شاء الله

******

يزيد يتمشى بالصيدليه
رن تيلفونه:هلا بالغاليه
أم جاسر:أنت وينك..؟
يزيد:قريب .. تأمرين بشيء..
أم جاسر:تعال البيت بسرعه
يزيد:ان شاء الله
أم جاسر سكرت الخط بوجهه
يزيد ما حب يحرج نفسه وكالعاده:طيب مع السلامه
عشر دقايق كان يزيد عند الباب
دخل البيت وهو داري وش اللي قدامه

*****

أم جاسر عند الباب لابسه عبايتها:ما بغيت تشرف
يزيد:خير يمه شبغيتي..؟
أم جاسر:أبيك توديني البيت الجديد .. دقوا علي المنجره يقولون الغرف وصلت للبيت
يزيد:على هالخشم
وفتح لها باب السياره

******

في الفيلا الجديده
مريم أخت أم طلال:بصراحه منيفه ذوووقج خياااااال..الله يبارك لكم فيه
آمنه أختها الصغيره:الله يعطيكم خيره ويكفيكم شره ان شاء الله
أم طلال:الله يسلمكن
مريم:أنا قلت للشغاله تخم غرف العيال عشان العمال يركبون الأثاث
أم طلال:ما راح يمديهم يركبون كل الغرف اليوم
آمنه:عادي اللي ما يلحقون يركبونهم اليوم
يكملونهن بكره
أم طلال:على خير .. يلا نمشي
مريم:اي خلاص مالنا داعي نجلس بعد
أم طلال:خلاص أنا بقفل المطبخ لأنه خلص وجاهز تقريباً حتى الأواني والاطقم الصين قد جبتهن
آمنه:طيب ليش تقفلينه..؟
مريم:الا احسن اقفليه عشان محد يحوسه لج او يكسرهن تعرفين البيت مليان عمال داخلين وطالعين
آمنه:اهااا..اي صدق معاج حق

****

يزيد وصل للفلل
أم جاسر تنزل من السياره
وتشوف سيارة بيت أبوضاحي (أبو منيفه أم طلال)
:هاذي مو سيارة بيت (بدون نفس) أبو أمك
(أم جاسر دايم تقول ليزيد كذا من كثر ما هو جالس اغلب وقته فبيت أم طلال وهي طبعاً مو عاجبها الوضع)
يزيد:بلا يمه هذي سيارة بيت أبو ضاحي
أم جاسر:اي اكيد جايبه خواتها تفرجهن على بيتها
يزيد:اي يالغاليه من حقها تفرح فبيتها
أم جاسر هبت فوجهه:اي اكيد انك بتدافع عنها .. أنا قايلتها من اول هي امك موب انا
يزيد:يايمه انا ماقلت شيء
طلعت ام طلال وخواتها من المدخل الرئيسي للفلل
مريم:مو هاذي ام جاسر..!
آمنه عفست وجهها:اي هي..قطع وش جايبها
ام طلال:أمون و وجع قصري صوتج
آمنه:يالله ما احبها من الله .. الله يعينج يامنيفه عليها
أم طلال تقرب منهم:
أم جاسر تحوس بوزها:جت تتمخطر
يزيد ما يبي أم طلال تسمع:يمه
أم طلال:السلام عليكم
أم جاسر بدون نفس:وعليكم السلام
يزيد بيغطي على اسلوب امه:هلا بالغاليه
أم طلال تحب يزيد مثل عيالها:هلا بك يمه
شلونج ام جاسر..؟
أم جاسر:بخير
مريم تقرب وتسحب آمنه معها:تعالي وجع لازم نسلم
آمنه:ياربي منج
مريم:السلام عليكم
ام جاسر ويزيد:وعليكم السلام
مريم:كيف الحال ام جاسر..؟
ام جاسر:الحمد لله
مريم (قطع حتى ما سألتني عن حالي):شلونك يزيد..؟
يزيد منحرج من تصرفات امه:الحمد لله بخير .. بشريني عنك وعن الوالد
مريم:انا الحمد لله تمام وابشرك كلهم طيبين ويسألون عنك
يزيد:الله يسلمهم
أم طلال:أبوضاحي يقول له فتره ما شافك ومحملك شرهه
يزيد زاد احراجه:اي والله اني مقصر فحقه ومن زمان ما مريته .. ان شاء الله بأمره قريب
أم طلال:خلاص مريم روحي أنتي وآمنه وأنا بجلس مع أم جاسر اساعدها
أم جاسر بسرعه:لا حبيبتي مشكوره ما ابي مساعدتج
مريم وآمنه مستحقرات ام جاسر وما يحبنها لأن اسلوبها دايم كذا
أم طلال حست بإحراج بس بنفس الوقت ما استغربت لأنها تعودت على اسلوب ام جاسر معاها
:خلاص أجل أنا بمشي .. توصين شيء..؟
أم جاسر عطتها ظهرها وماشيه للمدخل:سلامتج
يزيد: يعطيج العافيه يمه منيفه
ام طلال:الله يعافيك يمه .. يلا مع السلامه

*******

بيت ابو طلال

ملاك:فنجال بعد
زيااد:لا بس
ملاك:يلا نمشي
زيااد:وين..؟
ملاك:بنروح للفلل نرتب اغراضنا..لأن نور ونوره ما شافوا
غرفهن من صبغوها
زيااد:من عيوني .. بلبس أحصلكن لا بسات
نور:يمه منج مليكوه تعرفين شلون تجيبين رأسه
ملاك:حياتي زيود حبيب وما يرد لي طلب
نوره:زياد عطيه يعطيج دبل عطيتج
ملاك:يا علني ما اخلا منه
******

زياد يلبس بحجرته
رن جوالها بنغمة صديق عمره (حي الرفيق اللي ذكرته ينجلي همــ..)رد بسرعه:هلا والله بالصوت وراعيه
حامد:هلا بك يا بعدي
زيااد:يارجال وينك هذا وأنت ما اعرست ما عاد نشوفك ولا نسمع صوتك أجل لا عرست بتنسانا
حامد:هههههههه ما عاش اللي ينساك يالشيخ..علومك..؟
زياااد:أنا اللحين صرت بخير
حامد:هههههههه من سمعت صوتي هااا
زياااد:هههههه أكيد يا بعد قلبي
حامد:احرجت تواضعي يا حبي
زيااااد:ههههههههههه ما تجوز من حركاتك..أنت وينك..؟
حامد:أنا اللحين بالمارينا..
زياااد:يا شيخ قل قسم
حامد:قسم هههههههههههههه
زياااد:أبو الخيانه يا شيخ من متى بالدمام..؟
حامد يناظر ساعته:آممممممممممم...قبل ثلاث ساعات تقريبا
زيااد:يا عليك حركات يا ابو حميد ما ادري وش تبي..؟ ورى ما قلت لي أنك جاي
حاامد:يارجال قول حكرات موب حركات .. جايب اهلي يأخذون أغراضهم اللي هنا
زيااد:ههههههههههه أجل حكراااات هاااا
حامد:ههههههههه اي والله
زياااد:خلاص أنا جايك اللحين
حاامد يغني له:وأنا فـ أنتظارك
زيااد شبك معاه عالمصري:وأنا مش حتأخر عليكي يا حبيبتي
حااامد:ههههههههه ماشي خلني اشوف خشتك وبعلمك حبيبتك وش تسوي
زيااااد:يلا سي يو
حامد:بااااي

******

طلع من حجرته لابس وكاشخ
جينز وتي شيرت أصفر من ماركة كلمه السعوديه
مع ساعه جلد بسبتتين لونها بني

:يلا نطلع
ملاك:يافديت الزين يا ناس شوفوا اخوي شزينه
نور:يمه منج يا منافقه
ملاك تطالع نور:والله ما انافق بالله مو حلو..؟
نور:الا حلو وخقاق بس مشينا يلا
زيااد:مشكله الواحد لا صار مزيون
نوره:ايه عاد لا اوصيك بالخقه
زياااد يركب السياره:يلا بسرعه لأني بقطكم على الفلل وبروح وراي مشوار ضروري
ملاك:ومن يرجعنا..؟
زياااد:دقي علي اذا خلصتن وأنا آجي أخذكن
نوره:ايه اشوى
ملاك:خلاص اوكي



بربـ

خليجيه وكًلي حلآ :) ©؛°¨غرامي جديد¨°؛©

******


بالمارينا مول

حامد حاس بملل وطفش وجالس يتفرج عـ الرايح والجاي
جت بشاير (أخته):حامد تعال معاي بروح أجيب لنا كوفي
حامد ماله خلق:روحي أنتي أنا ناطر زياد بيجي اللحين
بشاير:حامد لا تصير سخيف كلها دقيقه
حامد طفشان منها:الله يأخذج..بكل مكان عالتني لو اوديج المريخ بتجين تحنين علي
بشاير :يالله مو وقت خفة دمك ابد
حامد:امشي قدامي لا تجيج رفسه توصلج لبيتنا
بشاير ودها تذبحه على اسلوبه:زين


******

زياااد:يلا آنزلن
البنات ينزلن أغراضهن
زياااد:شوفوا يزيدوه هنا
نوره تطالع سيارة يزيد:اي والله هاذي سيارته
نور:أبو كشه ما قال لنا انه بيجي كان جينا وياه
زياااد:أنا بروح أشوفه .. وأنتي (يطالع ملاك) لا تروحين لبيتنا فيه عمال
روحي مع نوره ونور لين أجيج ونروح مع بعض..
ملاك:ان شاء الله
زيااد:يلا خلصن وقفلن السياره أنا رايح


******

أم جاسر:أسمعني زين بكره اذا سكنا ان شاء الله تقول لأبوك يجيب لك سياره
يزيد جالس عالأرض:أصلاً أبوي قال لي من نسكن بيجيي لي اللي أبيه
أم جاسر:اي أبيك تروح معه وتنقي أغلى سياره عيال منيفه موب أحسن منك
يزيد تعب من هالموال:و وش دخل عيال منيفه اللحين..؟
أم جاسر:اي وش عليهم من يومهم موب قاصر عليهم شيء أبو ضاحي (جدهم) كل سنه تعال شوف الهدايا اشكال وألوان من غير السفرات والدراهم اللي يعطيهم كل ما شافهم..عاد هم وجيههم مغسوله بمرق كل يوم لازقين بوجهه


(زياااااد أنصدم معقولة مرت أبوه تفكر بهالطريقه)

يزيد:يايمه يا بعد رأسي أبوضاحي يحبهم ولا تنسين أنهم أكبر أحفاده وهم بعد موب مقصرين فيه
أم جاسر:ايه هاذا اللي شاطرين فيه يلحسةن عقل الشايب بهالكلام الحلو وهو يا عيني عليه مصدق ان كل هذا غلا
يزيد تنرفز ووقف:يا يمه ترى ما يصير اللي جالسه تقولينه .. هم ماسووا لج شيء عشان كل هالكره

زياااد ما حب أنه يسمع أكثر وحب ينهي الموضوع
طلع للحوش
وحط نفسه انه توه واصل
بصوت عالي:يا أهل البيت .. يزيدووووووه

يزيد:يمه عشان خاطري وغلاة جاسر عندج سكري عالموضوع زيااد جاء
أم جاسر:مدري وش عليه ميت على هالأخوان..؟
زياد سمع الجمله الأخيره وهو داخل..حس بكره وحقد هالمرة عليهم بس طنش عشان يزيد .. أبتسم::السلام عليكم
يزيد أرتبك وحس أن زياااد سمع شيء:وعليكم السلام
زياااد قرب من مرت أبوه وحب رأسها..محاوله منه انه يكسبها:شلونج عمه..؟
أم جاسر وهي صاعده الدرج:الحمد لله بخير
يزيد عيونه متعلقه بأمه خايف انها تقول شيء يجرح زيااد ويزعله
زياااد حب يغير الجو المكهرب
ضرب يزيد على رأسه:كان قلت للبنات انك هنا
يزيد يحاول يكون طبيعي:ليه وش دخل البنات..؟
زيااااد:توني جايبهن .. مقوماتني من أحلى نومه..
يزيد ضربه على رأسه:وأنا يوم أقومكم تطردني وتشمت الاعداء فيني
زيااااااد:هههههههههههه عاد الأعداء هنا روح تشمت فيهم مثل ما تبي
يزيد:بالله..نور هنا..؟
زياااد:نور وملاك ونوره..
يزيد:ياحرام يانونه (نوف) لو تدري اذبحتهن..
زيااااد:هههههههههه الله يعينها باقي لها الاسبوع كله
يزيد:أجل أمش نتغيلس عليهن ونغثهن شوي
زياااااد:لا أنا بروح لحامد
يزيد طير عيونه:بتسافر..؟!
زياااد:لا ياثور هو جاي
يزيد ضربه على رأسه:لا تقول يا ثور..متى جاء..؟
زيااااد:يزيد يرحم أمك رأسي .. بيصير فيني أرتجاج والسبه أنت
يزيد:أقول أكل تبن أنا أخوك الكبير
زياد مجهز نفسه بيسبه وينحاش عشان ما يضربه على رأسه:قصدك الثور الكبير

وبسرررررررررعه انحاش من قدامه
وركض عالسياره وتوه بيفتح الباب
الا يزيد ما سكه من شعره:تعاااااااال تعاااااااااال
زياااااد:آآآآآح..فك ياثور تعور
يزيد ماسكه بقوه:قول أسف
زياااد:أسف بس فك
يزيد:قول أسف عمي
زياااااد يعاند:تخسي والله ما أقولها
يزيد:بكيفك
زيااااد:يزيد ياثور والله تعور..رأسي
يزيد فك شعره ودزه عالسياره وانحاااااش
زيااااد يعدل شعره:الثور طول عمره ثور
ركب سيارته وغبر بوجه يزيد اللي واقف عند البوابه
يزيد يكح من الغباروالتراب اللي طار بعيونه:ان آوريك أن ما فلعت رأسك ما أكون ولد أبوي


زيااااااد بالسياره يضحك على شكله:ههههههههههههههههههههه تستاهل يا الخبل

*******

في فلة أم ياسر

نور:يالله تجنن غرفتي..خياااااااااااااااال
نوره بغرور مصطنع:الناس أذواق
نور حاطه ايدينها على خصرها:وش قلتي عانسه (دايم يقولن لبعض عانسه بدال آنسه خخخخخخ) نوره
نوره:قلت الناس اذواق يا عانسه نور
نور تبي تحقرها تعرف ان نوره تبي تتهواش معاها..بغرور:اي والل الله الناس أذواق .. لو تشابهت الاذواق لبارت السلع

ملاك:آفففف حشاء دياكه مو خوات اربع وعشرون ساعه مخانق ومضارب
نور:ما عليج منها .. شعندج..؟
ملاك:بروح لبيتنا
نوره:دقي على زياااد يجي وروحي وياه
ملاك:جوالي بالبيت
نور:وأنا شنطتي بكبرها بالبيت ما جبتها
نوره:أنا جوالي معاي
نور تطالع مستغربه:فيه رصيد..؟
نوره:لا
ملاك:اي عاد ارسله خدمة بليز كول مي
نوره:ما عندي..
نور:ايه انا داريه ما تصيرين بنت أبوج اذا عندج كو لمي
نوره:وأنتي شدخلج فيني..مالج خص كيفي (تحط سبابتها على رأسها)
نور:لا حبيبتي مو بكيفج (ورجعن يتخانقن..........)

ملاك شالت روحها وطلعت من عندهن وهن مندمجات بالمضارب وما أنتبهن عليها

*******

المارينا مول


زياااد توه واصل
تلفت يمين ويسار يدور حامد ما حصله
دق له تيلفون


حامد يحاسب الكوفي
رن جواله
:أمسكي شوي
بشاير تأخذ الكوفي منه
حامد رد عليه:هلا بطويل العمر
زياااد:هلا بك يا بعدي وينك..؟
حامد بغباء:بالمارينا
زياااد:لا يا شيخ أحلف
حامد مستغرب:والله
زيااد:داري انك بالمارينا .. أنا بالدور الأرضي أنت بأي صوب..؟
حامد استوعب الموضوع:اهااا هههههههههههه أنا جايك اللحين
زيااد:ههههه الله يخلف على بنت الحلال
حامد:ههههههههه يلا يلا
سكر التيلفون:أسمعي اللحين تذلفين عند خواتج أنا بروح مع زياااد واللي تبيني أرتكب فيها جريمه تحاول تدق علي
بشاير:طيب اذا خلصنا..؟
حامد:لا عني ما راح تخلصن قبل الـ12 وبعدين انا اذا خلصت ادق عليكن
يلا قدامي عند خواتج
بشاير تتأفف من اسلوب أخوها :زين

******

زياد شاف خالته مناير جالسه عالكرسي بروحها .. أستغرب
وراح لها
:سلااااااااام ياحلوه
مناير كانت سرحانه وما انتبهت له
زياااد حب يضحك عليها وقف قبالها وكان قريب منها
:عطينا وجه يا عسل
مناير أنتبهت فجأه وفزت من مكانها:بسم الله
وقفت:عمى بعينك..قليـ.....زياااااد
زيااد:هههههههه حرام عليج تدعين علي بالعمى
مناير تحط ايديها على قلبها:الله يخس أبليسك..حسبت واحد من هالصيع اللي ما وراهم شغل
زيااااد:ههههههه يا حبي لج يا خالتي .. وش جايبج بروحج..؟
مناير تجلس عالكرسي:أجلس
زيااد جلس جنبها
مناير:ماني بروحي معاي ود (بنتها) وروضه (أخت رجلها)
زياااد معقد حجانه:ود وعرفتها لكن روضه من..؟
مناير:روضه أخت مبارك الصغيره
زياااد:آهاااا .. وعلومكم بعد..؟
مناير:والله حنا بخير .. العلوم عندك
زيااد:حنا يا طويلة العمر محتاسين هاليومين عشان البيت الجديد
مناير:آي صدق متى بتنزلون..؟
زياااد:الأربعاء ان شاء الله
مناير:ايه يا حليلكم وأخيراً منيفه صار لها بيت مثل الأوادم
زياااد رافع حواجبه:وليش هي من الأول عندها بيت
مناير:وأنت تسمي اللي كنتوا فيه بيت .. دور واحد وتصميم قديم
زيااد يعرف عقلية خالته فما حب يطول السالفه:الا ما قلتي لي ليش جالسه بروحج..؟
مناير:آبد..بس البنات مواعدات صديقاتهن وأنا جايه معاهن كذا
زيااد:آهاااا

ود وعمتها روضه جايت من بعيد
روضه:ود شوفي هالغرشوب اللي جالس مع أمج
ود:ههههههه طيب لا تطيحين بس..هذا زيااد ولد خالتي منيفه
روضه:يمه يا زينه..يهبببببل
ود:اي ماشاء الله عليه
روضه تذكرت شيء:هذا أخو نوف وملاك..؟
ود:اي أخو ملاك من أمها وأبوها بس نوف أخته من أبوه
روضه:آهااااا


زيااد شاف حامد يتلفت عند المدخل يدوره
وقف:يلا أنا أستأذن مواعد واحد من الشباب وهذا هو جاء
مناير:أسلم وسلم
زياااد:يوصل..
********


روضه تضرب ود على ايدها:خساره راح
ود مستغربه:وش تبين فيه..؟
روضه:كنت بسلم عليه..كود أنه يطيح بغرامي من أول نظره
ود:ههههههههههههه يا حليلج يا عميمه تفكيرج مرات يضحكني

***************

زيااد جاي من ورى حامد وضربه على كتفه
حامد لف عليه:ههههههههه هذا أنت
زيااااد:لا هاذي أمي
سلموا على بعض
حامد:هههههههههههههه وينك صاار لي ساعه ادورك..؟
زيااد:أبد بس شفت خالتي ورحت أسلم عليها
حاامد:وأنت ما تخلي أحد ما تسلم عليه
زيااد يمشي مع حامد:يا رجال السلام لله

*******

ملاك دخلت لفليتهم الجديده
بعد ما طلعت من عند خواتها وهن يتهاوشن ولا حسن عليها

ما شافت أحد والهدوء يخيم عالمكان
شالت أكياسها وراحت لحجرتها
دخلت الحجره شافت العمال مركبين الأثاث
فسخت شيلتها وتوها بتفسخ العبايه
الا باب حجرتها سكر
خافت وبسرعه التفتت تشوف من اللي ورها

سكر الباب ووقف عليه عشان ما تقدر تهرب

أنشل تفكيرها وحست قلبها وقف من كثر الخوف
حست الدنيا تدور فيها وما هي قادره تتحرك ولا خطوه وحده

طالعها بنظرات تفحصيه وكان يشمر عند ايديها
ويطالعها من فوق لتحت
ويقرب لها بخطوات بطيئه

عقلها ما عاد أستوعب شيء
طاحت من ايديها الشيله
وصرخت بصوت مخنوق ما سمعه غيرها
حاولت تستجمع قواها وتصرخ بقوه


لكنه كان أسرع منها
دزها عالجدار وحاوطها بيديها

حاولت تبعده عنها بس كانت حركتها شبه مشلوله لأنه مثبتها بقوه على الجدار

وفجأه صرخت بكل ما تملك من قوة


******

نور:نوره وصمخ وين ملاك..؟
نوره:هااا
نور:يا غبيه ملاك مو هنا
نوره:أجل وين..؟
نور تفكر
:ليكون راحت بيتهم
نوره بغباء:اي تلقينها راحت ترتب أغراضها
نور:يا متخلفه زياد قال لا تروح بروحها
نوره:وأنا وش دخلني..؟
نور:يا غبيه كله منك خليتنا نتهاوش ونسيناها
نوره:يا سلام يعني أنا كنت اتهاوش مع نفسي .. أنتي كنتي وياي

****


يزيد واقف برى وسمع الصرخه
بالأول أستغرب بعدين تذكر ان البنات هنا
:الصوت جاي من هنا

وراح ركض لفيلا أم طلال
وقف بالصاله يحاول يحدد اتجاه الصوت
سمع صوت أشياء تتكسر بالطابق الثاني
جن جنونه..راح بسرعه
تلفت يدور آثر .. يحسبه حرامي أو شيء

ملاك تحاول تفك عمرها من هالوحش اللي أنقض عليها
مثل الكلب الجوعان
كانت حاسه بقرف الدنيا وهي تحس بشفايفه ويديه على وجهها
حاولت وحاولت تصرخ لكن ما قدرت

يزيد يفتش بالغرف يبي يعرف مصدر هالصوت
وقفته نفس الصوت وبنفس الصرخه
أللتفت وراها و أتجهت عيونه لحجرة ملاك
ركض لها بسرعة البرق
فتح الباب

************************************************** ***

عند بيت أبو طلال القديم
وقفت سيارة بيت أبو ضاحي

منيفه:الا صدق زينات متى توصل (الخادمه)
مريم:حسنه قالت لي يوم الأثنين توصل
منيفه:على خير .. يلا سلمي على أمي وأبوي
آمنه:ليش ما راح تجون بكره الجمعه
منيفه:والله ما أدري على حسب


*********



**********
واللحين راح أعطيكم نبذه عن شخصياتنا عشان تكونون بالصوره
::
ماجد (أبو طلال)
مدير مدرسه متقاعد وعنده مكتب عقار
متزوج 3 حريم
الاولى:::
منيفه:
ربةة منزل وبنت واحد من أكبر تجآر الخليج
بس هالشيء ما منعها تعيش مع زوجها على قد استطآعته
وعندها منها:::
طلال (31)
شخصيه جديه وعمليه لأبعد حد
عايش بعالم بروحه ,عصبي,متقلب,ماله شغله معروفه
كل يوم تحصلونه بوظيفه غير
صديقه الوحيد هو خاله عبدالرحمن, مضرب عن الزواج
يجي للبيت يأكل ,ينام وماله دخل بأحد
أصلاً وجوده مثل عدمه بالبيت لأنه لو الدنيا تحترق حوله ما يتدخل
***
طفله (29)
ربة بيت مع انها خريجة تاريخ الا انها بعد الزواج فضلت تتفرغ لأسرتها
متزوجه من قرايبهم
عندها ولدين وبنت (عبدالله_ماجد_ريما)
تعتبر نفسها مسؤله عن الكل وهي ام لجميع أخوانها
وهم يعتبرونها حلالة المشاكل
***
سلطان (28)
موظف بالجوآزآت,هادي نوعاً ما,عايش حيآته بأستقرار
***
سالم (25)
ضابط,متزوج وعآيش بالريآض
عشآن شغله

***
زياد (23)
ممرضّ متوظف جديد,شخص عآيش حيآته ببسآطه مثل ما يبي
عنده اسلوب اقنآع فظيع ويقدر يأخذ اي شيء يبيه من اي شخص بالعآلم
***
ملاك (19)
مدللــه من الكل (أخوانها من أمها وخوالها),مرحه,خجوله,دلوعه,
طآلبة فـ الجآمعه
****
الزوجه الثانيه::سعاد
شخصيه عصبيه لكن مرحه ومضحكه
عندها الحق حق لو على نفسها
وعآيشه لعايلها
وعندها منه::
ياسر (28)
مهندس زرآعي,متزوج وعنده ولد (ماجد)
عآيش بجده لظروف عمله
***
نور (22)
طالبه فـ الجامعه قسم تآريخ,مرحه زيادة عن اللزوم
ما عندها وقت للجد أبد,مرجوجه شوي وفيها خبآل
***
نوره (21)
طآلبة فـ الجآمعة أدب أنجليزي
وقت الجد جدّ,ووقت المزح ما في أخف من دمها
ودااايم مع نور
***
نوف (18)
آخر العنقود,طآلبه ثآنويه عآمه
مزآجيه ولسآنها طويل
وعلى اسلوب يسحر النآس,تقدر تقنع اي شخص تتكلم معه أنها ملآك
وتدخل القلب بسرعه
****
الزوجه الثالثه:حصه
كريهة وما تحب أحد,ولا في شخص سلّم لسآنه
حتى أبوطلآل اللي كرهة اليوم اللي اخذها فيه
بس صبر عليها عشآن عيالها
وعنده منها::
جاسر (25)
ولد أمه,ما له شور,متزوج بنت خالته
يدرس بمصر
وهو دلوع أمه
***
يزيد (23)
ممرض مع زياد,عآيش على هواه,يعتقد أنه عنده موهبة الغناء وان صوته جميل
***
*******

أبو ضاحي (أبو منيفه)
رجل أعمال كبير ومعروف خليجياً
عنده من زوجته الأولى (الله يرحمها)
ولد وحيد
ضاحي (44)
دكتور جراحة,عنده مستشفى خآص,متزوج,وعنده بنتين (دلع::18::,حلا::16::)
شخص جديّ,حنونّ,وفآهم الدنيا صح
***
عيال ابو ضآحي الباقين من زوجته الثانيه
عذبه (أم عبدالكريم)
منيفه (43)
أم طلال,حنونه,ويا ما جت على نفسها عشان زوجها وعيالها
مستحيل شخص يشوفها وما يحبها,بشوشه
***
عبدالكريم (36)
نائب المدير العآم لمجموعة أبوضآحي
,خريج بزنس من لندن,متزوج وعنده (سآمي::14:حنان::15::)
***
مناير (33)
مدرسه,متزوجه,وعآيشه مع زوجها فـ تركيآ
لأنه دبلومآسي مهم بالسفارة السعوديه هنآك
***
عبدالرحمن (31)
شخص ما له هدف واضح بالحياة,كل يوم برأي
صديق ولد أخته طلال,سفرات,طلعات,على قلة سنعّ
***
مريم (26)
مدرسة تعليم خآص, دفنت نفسها بالدراسه لين حصلت نفسها فجأه
بلا زوج والقطّار قرب يطوفها,طيبه,حبوبه,اجتماعيه وتحب النآس
***
زايد (25)
طآلب فـ مآنشتسر,يدرس طبّ بيطري,له اهتمات بالآبل
عنده ذودّ مضبط وضعهن عند العمّال وعيال عمه,كل فتره ينزل للسعوديه
,بدوي بحتّ,شخصيه جذآبه
***
فيصل (22)
طالب في جامعة الملك فهد للبترول والمعادن

آمنه (20)
أخر العنقود ودلوعة أبوضآحي,ويا بخت من دلعه أبو ضآحي
عآيشه ملكه,كل أوامرها مجابه,ومع ذلك ما اغترت وتعاملها مع الكل طبيعي
طآلبه آدب انجليزي مع ملآك اللي مشاركتها بدلع أبو ضآحي
***
***
أنتهى البارت الأول
(*-* خليجيه وكلي حلا *-*)
***



آنتظرك آرائكم وتعليقاتكم
واذا اعجبتكم راح اكملها ان شاء الله

فاطمه منصور ©؛°¨غرامي فعال ¨°؛©

مشكوره ع الرواية
كمليها وراح اكون من متابعيك

الزعيـ A.8K ـمه δЯέαмş
مستشــ¸.·* غرام *·.¸ـــاري

,’


بسم الله


يعطيك العـــافية
موفقة إن شـــاء الله


http://forums.graaam.com/238622.html



,’

سموة المعالي ©؛°¨غرامي متألق ¨°؛©

بدايه موفقه ان شاء الله (^_^)

الحلاكله1 ©؛°¨غرامي جديد¨°؛©

يسلموووو يلغلا رووووعه

فاطمه منصور ©؛°¨غرامي فعال ¨°؛©

رائعه

بليز كمليها

خليجيه وكًلي حلآ :) ©؛°¨غرامي جديد¨°؛©

المشاركة الأساسية كتبها فاطمه منصور اقتباس :
مشكوره ع الرواية
كمليها وراح اكون من متابعيك

العفو غآليتي ..

متابعتج اسعدتني ..

خليجيه وكًلي حلآ :) ©؛°¨غرامي جديد¨°؛©

المشاركة الأساسية كتبها الزعيـ A.8K ـمه اقتباس :
,’


بسم الله


يعطيك العـــافية
موفقة إن شـــاء الله


http://forums.graaam.com/238622.html



,’
ربي يعآفيج ..
منورهـ ..

خليجيه وكًلي حلآ :) ©؛°¨غرامي جديد¨°؛©

المشاركة الأساسية كتبها سموة المعالي اقتباس :
بدايه موفقه ان شاء الله (^_^)
ربي يسلمج ..

مرورج آسعدني ..

أدوات الموضوع
طريقة العرض

موقع غرام موقع سعودي خليجي عربي يحترم كافة الطوائف والأديان ومختلف الجنسيات
جميع الحقوق محفوظة منتديات غرام
iTraidnt by ROMYO
جميع الحقوق محفوظة منتديات غرام
iTraidnt by ROMYO

SEO by vBSEO 3.6.1