غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام

عـودة للخلف   منتديات غرام > منتديات روائية > روايات كامله - يتم نقل الرواية هنا بعد اكتمالها
 
أدوات الموضوع طريقة العرض
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1
قديم(ـة) 02-02-2010, 09:03 AM
صورة خايف ياقلبي الرمزية
خايف ياقلبي خايف ياقلبي غير متصل
©؛°¨غرامي فعال ¨°؛©
 
B9 أرواح تسكن مشارق الشمس لا تحجبها سحائب اليأس / الكاتبة : شمس ورى الغيم ، كاملة


السلام عليكم ورحمة الله
الرواية منقولة


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 2
قديم(ـة) 02-02-2010, 09:07 AM
صورة خايف ياقلبي الرمزية
خايف ياقلبي خايف ياقلبي غير متصل
©؛°¨غرامي فعال ¨°؛©
 
رد: أرواح تسكن مشارق الشمس ,, لاتحجبها سحائب اليأس / رواية رائعة سعودية للكاتبة : شمس ورى الغيم


تجربتي القصصية الأولى أضعها أمام أعينكم لتقرؤها كما أتمنى بقلوبكم حياة الأمل والاستبشار بالغد مهما كان اليوم حزين ومؤلم في نظرنا فالغد يحمل بين طياته كل جديد فهو يشرق بشمس متجددة عند كل صباح تنير لنا الدنيا دون أن ندفع لها ثمن من الشمس وصمودها استوحيت قصتي هذه لفئة من البشر تملك أرواح تحمل صفات الشمس متجددة بعد الغروب المظلم على وحشية و قسوة الدنيا و بعد كل غيمه تحجبها وكل قطرة مطر امتزجت بدموع تلك الأرواح الطاهرة الصابرة على حكم ربها ..

الجزء الأول

نبدأ أحداث القصة..

أرواح مشرقة بالأمل .. لا تحجبها سحائب اليأس

تجربتي القصصية الأولى أضعها أمام أعينكم لتقرؤها كما أتمنى بقلوبكم حياة الأمل والاستبشار بالغد مهما كان اليوم حزين ومؤلم في نظرنا فالغد يحمل بين طياته كل جديد فهو يشرق بشمس متجددة عند كل صباح تنير لنا الدنيا دون أن ندفع لها ثمن من الشمس وصمودها استوحيت قصتي هذه لفئة من البشر تملك أرواح تحمل صفات الشمس متجددة بعد الغروب المظلم على وحشية و قسوة الدنيا و بعد كل غيمه تحجبها وكل قطرة مطر امتزجت بدموع تلك الأرواح الطاهرة الصابرة على حكم ربها ..

الجزء الأول

نبدأ أحداث القصة..
صحت هند مثل كل يوم من بدري كانت الساعة 8:30 صباحا بدلت بجامتها ونزلت تفطر مع أمها و جدتها بكل نشاط ( هند هي بطلت قصتنا عمرها 22 سنه ملامحها جدا جذابة بداية من خشمها الدقيق وعيونها بلون العسلي الواضح لدرجة كل من يشوفها أول مره يتوقعها لابسة عدسات وشعرها ألامع صحيح مكان طويل مره لكنه ناعم و جذاب هند كانت خريجة قسم غريب وتقريبا مستقبلة الوظيفي معدوم لكن رأسها يابس حلفت يمين ما تدخل غيره بعد ما انحرمت من حلم طفولتها بدخول كلية الطب والسبب المجتمع ونظرته لدكتورة السعودية أو بنت القبيلة بالأخص ودخلت قسم ( رعاية كبار السن بعد الجلطات ) )

هند\ صباح الخير ياحلوات
أم نواف <<<إلي هي أم هند >>> وأم محمد إلي هي جدتها أم أبوها
أم محمد\ صباح النور يا بنيتي اقربي افطري
هند\ يمه ما اتصل حد على خط البيت << كان هذا سؤالها كل يوم وهي تنتظر الوظيفة
أم نواف\ لا يا يمه محد اتصل
هند\ الله يعين وراها نور بيتنا ساكتة جدتي شي يعورك؟
أم محمد\ لا يا بنيتي الحمد لله أنا بخير لكن أفكر في حال الدنيا
ام نواف\ هونيها وتهون يا خالتي
هند<<<<< بخاااطرها وين تهون يا يمه وهي كل يوم تقفل بوجوهنا أكثر
هالمره كملوا فطورهم بدون كلام غير عادتهم وراحوا يجلسون بصالة شالت هند الصحون للمطبخ وغسلتها و رتبتها وسوت قهوة لجدتها وأمها وراحت تجلس معهم لين تجي منال وتلعب معها ( منال أخت هند الصغيرة وأخر العنقود عمرها 7 سنوات وهي بأولى ابتداي متعلقة بهند بدرجه خياليه و كأنها بنتها *)
هند\ سمي يا جدتي
أم محمد\ سم الله عدوك يا بنيتي يا الله جعلني ما أموت لين أشوف عيالك
أم نواف\ الله كريم يا خالتي
هند\ تفضلي يمه
أم نواف\ سلمتي يا بنيتي
بحركة سريعة شالت هند القهوة وسط شكوى أم محمد وأم نواف أنهم ما بعد تقهون عدل لكن وش تسوي ثنيناتهن يشكون من الضغط والقهوة خطرة عليهن فقررت تعطيهم جرعه الصبح وجرعه العصر
تكلمت وهي تطلع الدرج\ ترى من اليوم بخليه بس فنجان واحد بدل اثنين وطلعت غرفتها وهي تفكر لو لا أمها وجدتها معها بالبيت وش كان مصيرها جلست وفتحت الأب توب و دخلت تشيك على المنتديات إلي مشاركة فيها مابين رد و موضوع جديد هنا وهناك مشى الوقت وسمعت أذان الظهر يغمر مدينة جده با الأمان و يحث كل مؤمن انه يتؤضاء و يقف أمام ربه يجدد إيمانه توضأت هند وصلت فرضها في خشوع ودعت ربها ييسر لها وظيفة تشغل فيها نفسها صحيح حالتهم المادية ميسورة لكن هم هند كان وقتها إلي جالس يضيع بدون فائدة خوفها إنها تنجر لطريق الضياع ويدخل عليها الشيطان من ذا الباب استغفرت ربها وتعوذت من الشيطان و نزلت تحت تساعد أمها بالغداء وتنتظر منوله جلست تقصص الخضار وهي تسمع منال تدور عليها وجدتها تحاول فيها تترك هالخبال على قولتها وتنزل شنطتها وتبدل ملابسها بعدين تروح لهند لكن الطفل لما يتعلق بشي صعب يبعد عنه وذا حال منال مع أختها
منال\ أنتي هنا
هند\ إيه منوله حبيتي تعالي وفتحت لها يديها تحضنها ارتمت عليها منوله وجلست تحكيها عن أبله سارة وعصبيتها وأبله مها وحنانها وعن صديقاتها إلي تحبهم والي تخاصمت معهم وعن ريم وبدور وسلمى ووو..<<<< وهند تسمع بكل حناااان رغم إنها تعودت وحفظة كل حكاياتها لكنها تستمتع وهي تشوف منوله مبسوطة
راحة منوله بطلب من هند تبدل وتنزل تحت تنتظر فهد عشان يحطون الغداء ( فهد كان اخو هند الثاني بعد نواف وعمره 13 سنه الاخو الصغير بعمره والكبير بعقله والي يعتمد عليه تقريبا أكثر من نواف 19 سنه إلي ترك أهله وراح يدرس بجامعة الملك فهد بمدينة الظهران ويجري وراء مستقبله<<<<<<<أحيان ألؤمه وأحيان أقول ممكن معه حق)

السلام عليكم
دخل فهد وحب رأس أمه وجدته وسط دعواتهم له و بهدوء طلع غرفته يبدل ونزل للغداء على الغداء

فهد\ يمه الأربعاء الجاي المدرسة مسوين رحله للمكتبة العامة اقدر أروح
أم نواف\ أكيد يا يمه روح الله يحفظك يأرب
هند\ لكن الورقة من بوقعها؟
بلعت هند اللقمة بالألم وهي تقول\ أنا أوقعها لك فهود ولا يهمك
رفعت أم محمد يديها وهي تدعي ربها انه يرد لها محمد بكرها إلي ما شافت إلا الألم والدمع من كبر وزوجته بنت عمه نورة ( زوجته الأولى قبل أم نواف إمراة احتل الحقد والكره قلبها وامتلت روحهااا بغض حتى لأقرب الناس لها وعرف الشيطان طريق الدخول لقلبها وجرها لطريق مظلم نهاية جهنم والعياذ بالله )

فزت هند وهي تشوف دمعة جدتها والي تعتبرها مصدر قوة البيت بكبره مسحتها بطرف شيلتها وهي تقول: افى يانور البيت وش اتفقنا عليه ما قلنا دموعك غالية لا تنزل
أم محمد\ يا بنيتي فؤادي محروق على ضناي من 8 شهور ماله حس ولا خبر هو ميت ابكيه وإلا حي ارجيه
هند\ لا يا جدتي حي بأذن الله و بتشوفيه بس ادعي له
رمى فهد الملعقة وقف وكل خليه فيه تعلن غضب رماه الزمن على ظهره : بتشوفيه لما تخطط له نوره مشكلة يجي يبلانا فيها
أم نواف\ عيب يافهد هذا أبوك ( أم نواف مهما ذاقت من عذاب لكنها صابرة وتتأمل في عيالها يعوضوها وتتذكر كلام أبوها ( الله يرحمه ) من صغرها وحكاياته عن الصابرين وجزاؤهم عند الله واكبر مثل لها أسيا إمراة فرعون إلي صبرت على زوجها الكافر وكان جزاؤها بيت في الجنة )
فهد\ أي أبو يا يمه إلي ما نشوفه إلا جاي بمشكلة تذكرين أخر مره دخل علينا وش صار وإلا ايش كان يبي.. قالها فهد وهو يترك الغداء ويجري لغرفته.. مابين خوف من الاسم إلي أنذكر ( أبوي ) و رغبة إنها ما تشوفه لان اسمه اربط بالرعب والدموع بالنسبة لمنوله إلي من ولادتها ما حست بشعور العطف والحنان الأبوي و حاولت هند تعوضها لكن من يقدر يحل مكان الأب .
سحبت نفسها و راحت غرفتها تبكي خوف تبكي حاجه فطرية تفقدها طفلة في السابعة من عمرها تحلم مثل ما تسمع من زميلاتها كل يوم أبوي وصلني المدرسة,, أبوي ساعدني وحل معي الواجب,, أبوي وعدني يجيب لي هدية لما انجح,,,,, دفنت رأسها بفراشها وجلسة تبكي الأب إلي تيتمته و هو حي بسبب نفوس مريضة ما رضت بحكم ربها عليها

تحت و في الصالة الوضع ما كان أحسن من فوق عند فهد ومنال أم محمد لسى الدموع ما رحمت ضعفها وكبر سنها وهي تشوف الدنيا كيف تعامل عيال محمد البكر وفرحتها الأولى إلي جلست سنين تتمنى تشوفهم وإلا أم نواف إلي خوفها كل يوم يزيد على منال وهي تشوفها تضيع قدام عينها بعد ما سارت تخاف من كل شي وحتى المدرسة ما قدرت تستمر فيها إلا بعد ما داومت هند معها شهر كامل تقريبا ما بين دعوات ألجده واستغفار الأم صحت هند من شريط ذكرى ذاك اليوم الأليم إلي قد ما حاولت ما تقدر تنساه كان يوم الخميس يوم إجازة صادف نزول نواف إلي ينزل مرة بالشهر لأهلة كانوا مبسوطين على جيته وعلى ألامه الحلوة وسوالف جدتهم عن أيام زمان في الديرة دق الجرس و نطت منال و هي تصرخ أنا بجيب البيتزا أنا لكن الصدمة جمدتها وهي تشوف أبوها و الشر يطير من عيونه يحط كل قوته على الباب و يدف معه منوله إلي طاحت على الأرض خوف وجرح ينزف بيدها من قوة الطيحه مالأن قلب الأب إلي تحول لصخر من طرق شيطانية تركها مكانها ودخل البيت ثاير يصارخ و كأنه يتعامل مع أعداه ماهو مع ألام إلي سهرت على تربيته ولا الزوجة إلي كانت معه على الحلوة والمرة ولا حتى فلذة كبده وقطعة فؤاده.
تكلم بدون وعي للي قاعد يقوله أبو نواف\ أنا ببيع البيت دبروا حالكم.
ذهول وصدمه وصمت لف المكان ببيع البيت !! معناه ستة أشخاص يتشردون ستة أشخاص وين يروحون ؟ يسكنون الشارع!! معناه عذاب جديد وألم أقوى, معناه قلوب ما تنام الليل تفكر كيف؟ومن وين؟ تجمع فلوس تستأجر شقه أو حتى بيت شعبي قديم ومتهالك الصدمة اكبر من إنهم ينطقون أو يترجون عطف و رحمة من شخص غاب عقله.
استجمعت هند قوة مكسورة مجروحة ترد على أبوها وكيف ترد على الأب إلي كانت فرحته بهند غير هند الفرحة الأولى الأمل إلي استبشر فيه بعد 12 سنه عقم من زوجته الأولى ( نوره ) هند كانت تعتبر أبوها الأمان لأنها أكثر وحده قريبه له وعاشت طفولتها بحضنه : يبه كيف ندبر حالنا ؟ من وين لنا فلوس؟
أبو نواف\ خلي أمك تدبركم أنا محتاج فلوس
هند\ وانتم ليش تبون الفلوس؟<<< تعمدت تقول تبون وتقصد فيها نورة قبل أبوها
دارت عيون أبو نواف وهو يفكر وش تبي نورة بالفلوس كل إلي قالته تبي مبلغ كبير أكثر من خمسين ألف ريال لكن وش مخططه له هالمره أبو نواف ما حصل قدامه إلا بيت عياله بحكم انه ما يرفض لها طلب : محتاجينا وبس بكره با اعرضه للبيع ولا جاني فيه مبلغ زين بعته
بيع بيتي إلي في الديرة وخل بيت عيالك يا محمد! كانت أم محمد تتكلم بكل صمود وكأنها تتعامل مع شخص غريب ما هو ولدها إلي حملته وربته سنين قالت كلمتها وجرة خطوتها بكل ثقل لغرفتها فتحت صندوقها الخشبي القديم وأخذت منه أوراق أخر شي تملكه في هالدنيا بعد المزرعة وقطعة الأرض إلي تنازلت لها لنورة اتقاء لشرها البيت إلي دخلته عروس مع أبو محمد ( الله يرحمه ) وفرحت فيه بمحمد وإخوانه البيت إلي عاشت فيه ضحكت عمرها بعيالها و دمعة الفرقى على أبو محمد سندها بالدنيا رمتها له وكأنها تقول ما همني كل ما املك قد ما أشوف عيالك مرتاحين ببيتهم
أم محمد\ هذي أوراق البيت بيعه و بعد عن هالبيت ذا لأنه حق عيالك.
مثل ما دخل بثورته طلع بثورة اكبر وتهديد اذا البيت ما جاب المبلغ إلي محتاجه باع ذا البيت بدون علمهم ورماهم بالشارع ليش يا دنيا ليش؟ مصدر أمانا بهدنيا تحولينه لوحش؟...

أم نواف\ بروح أشوف منال يا خوفي هالبنت تسوي بنفسها شي
هند\ خليك يمه أنا أشوفها
أم محمد\ خليها يا أم نواف تشوفها هند تعرف لها أكثر منك ( فعلا هند هي الأم لمنال من وقت ما ولدتها أم نواف وصار إلي صار لابو نواف مرت أم نواف بحالة اكتئاب وكأنها ترمي الذنب على طفلة بريئة ما تفهم وش إلي صار ولا إلي بيصير ولا تعرف الحزن إلي ينتظرها الصدمة إلي تعرضت لها أم نواف اكبر منها إنها تصحا وحد يقولها من اليوم صرتي الأم و الأب لأربعه أطفال تحميهم داخل البيت و خارجه وأبوهم حي بدنيا غير دنياكم بدنيا استوطنها الشيطان وطمس على سمع وبصر سكانها , أخذتها هند بحضنها وكأنها بنتها هند إلي ذيك الفترة كان عمرها 15 سنه جبرتها قسوة الدنيا إنها تسير أم تصحا على بكاء طفلة جيعانه بنص الليل تطلب من أمها إنها تطفي رغبة البقاء والتمسك بالدنيا مهما كانت أليمه أو تنام على بسمة أمل ترسم على وجه طفله بريئة وتشوف فيها غد أحلى من اليوم نامت بحضنها , أكلتها , شربتها , بدلت لها , تألمت لوجعها , وضحكت لضحكتها )

دخلت هند على منال وهي تشوفها مثل ما أتعودت عليها في كل مره ينذكر اسم أبوها دافنها نفسها تحت اللحاف ومتمسكة فيه بكل قوتها وكأنها تترجاه يخبيها مثل الغطاء السحري عن العيون
منوله حبيتي طالعي فيه
هالمره منال ما أتحركت خلاص حفظت كل كلام هند عن بكرة وعن الأمل وبكره تكبرين وتسيرين دكتورة تعالجين بابا لأنه مريض فكرت هند تغير طريقتها معها اليوم وتحكيها عن أبوها قبل يطيح فشر أعمال نورة
هند\ تدرين منوله بابا كان يقول قبل تجين لماما أبي بنت صغنونه ادلعها و أخذها للملاهي لان هند كبرت وأبي اسميها منال لأني أحب هذا الاسم كثير وبدلعها لوله
تحركت منال بهدوء وهي تشوف بصيص أمل أبوي أبوي كان يبيني من قبل مااجي ويحبني وببراة طفوليه : طيب متى بيجي ويقولي لوله ؟
هند\ قريب إن شاء الله أنتي لا تصيحين لأنك كل ما صحتي تأخر بابا
مسحت عيونها بحركة سريعة : خلاص ما راح أصيح بعد اليوم
وعد
وعد
هند\ طيب يلا نامي شوي ولما تصحين نسوي ورق عنب وبيتزا وش رأيك؟ لان نواف بيجي في الليل
منال\ والله بيجي هو و عدني لما يجي هالمره نروح البحر
هند\ إيه حبيبتي نروح إن شاء الله لعيون منولتنا
طبعت هند بوسه على خد أختها وغطتها وطلعت وسكرت الباب تنهدت بقوة و بخاطرها يأرب متى ؟ يرجع بس ؟


ثقيلة هالدقائق اذا كان الوجع بـ عمر ..إنسان ثقيلة يا ثواني هي بداية... ( تمر أزمان ) بغيضة يالدموع اللي على خدين طفله بعمر الورد/ وكبر الجرح حزينة يا الأماني ..ليه ؟أنا مدري وش اللي ما خذينه بس!! أنا مدري من المسؤل ؟!أنا مدري .. أنا ليه اكتب حروف أللحين ؟!!أحاول...اشرح ..الحزن الدفين بثرثرات ...حروف ...وغصت عين حكاية من حرم طفله.. تحس بضحكة الأطفال..

مرت هند بطريقها على فهد إلي كان نائم و كان القدر رحمه من التفكير في الحياة نزلت لمها وجدتها تحت بالصالة
هند\ يمه وين جدتي؟
أم نواف\ دخلت غرفتها تنام شوي وترتاح
هند\ زين بشوفها
أم نواف\ خليها يمه أنا غطيتها و قالت صحوني لصلاة العصر خليها ترتاح ولا تزيدين عليها
هند\ طيب خلاص نامي أنتي كمان شوي ترى منال نامت ولا عليها وفهد كمان نام
أم نواف\ وأنتي ماراح تنامين ترى نواف بيجي الساعة 11
هند\ اتصل أخيرا لا يمه مافيني نوم وعندي شغل بالبيت بخلصه
أم نواف\ على راحتك اجل أنا بروح أريح شوي لين العصر

دخلت هند للمطبخ تخلص شغلها وتشغل وقتها بالاستغفار غسلت الصحون و مسحت أرضية المطبخ و طلعت تغسل الملابس و تركتها تنشف لجل ترجع مره ثانيه تكويها ..


على سجدتها و بعد ما خلصت صلاتها جلست تستغفر وتذكر ربها وتدعي لولدها الله يشفيه ويفكه من شر نوره وأعمالها سمعت دق خفيف على الباب من غيرها هي إلي شايله البيت على رأسها بدون ما تشكي : ادخلي يا هند تعالي يمه
طلت هند من الباب بابتسامه حلوه على وجهها : وشلون عرفتي انه أنا يا جده
أم محمد\ حفظت دقت الباب يا بنيتي
هند\ قولي كذا اجل مركزه على صوت دقة الباب وش انطباعك بالله ماهو دق رومانسي وإلا لا <<<<قالتها وهي تضحك تعرف جدتها وش يصير لها لما تسمع هالكلمه
أم محمد\ افى وأنا إلي أقول بنيتي عاقله عن كلام التلفزيون اثاريها مثلهم
هند\ ههههههههه ياجده هالكلمه عاادي ماهو بس في التلفزيون يقولونها حتى بالشارع
أم محمد\ الله يستر علينا ذا الزمن معاد به حيا
هند\ زين يلله تعالي معي الصالة حطيت لك القهوة هناك
أم محمد\ إيه الفنجال الواحد ساعديني أقوم يمه
هند\ هاتي يدك وعاد اليوم إفراج خذي اثنين
أخذت هند يد جدتها و مشتها لصالة مكان ما حطت القهوة والتمر عند أمها وفهد
فهد\ حيا الله جدتي تعالي هنا اجلسي قريب مني
صب فهد القهوة و مده لجدته وأم نواف قربت لها التمر : سمي ياجده
أم محمد\ سم الله عدوك يا ولدي
انسحبت هند من جلستهم وراحت المطبخ عند منوله مثل ما وعدتها يسوون ورق عنب و بيتزا
هند\ منوله الحلوة وش تسوين بدوني
منال\ شوفي طلعت الحاجات كلها طحين وزيت وحليب وسكر وبيض و طماطم وكمان جبنه وزيتون و ورق العنب
هند\ برافو ماشاء الله عليك تقريبا حفظتي المقادير كمان طلعي مكرونه راح نسوي مكرونه با لبشاميل
منال\ حاضر
كملت هند باقي المقادير وبدأت تعجن وتلف وهي مبسوطة على منال و حركاتها وهي تحط بقايا الطحين بوجهها كان ضحكهم واصل لخارج المطبخ و كأنهم اسعد بنتين بالعالم .....

***********


***********

الجزء هذا كان بسيط و أحداثه قليله لكن أوعدكم بالقادم فقط أنتظر أراكم .

( ملحوظة \ القصة كتبت بالهجة السعوديه العامية الدارجه في كل المناطق تقريبا )

محـــــــــبتي


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 3
قديم(ـة) 02-02-2010, 09:09 AM
صورة خايف ياقلبي الرمزية
خايف ياقلبي خايف ياقلبي غير متصل
©؛°¨غرامي فعال ¨°؛©
 
الافتراضي رد: أرواح تسكن مشارق الشمس ,, لاتحجبها سحائب اليأس / رواية رائعة سعودية للكاتبة : شمس ورى الغيم


الجزء الثاني

هناك وبعيد عن جده وعلى شاطئ الخبر تحديدا وقف يتأمل الأمواج وهي تتصارع مع الصخور تشبه لمشاعره كثير يقاتل عشان غيره مابين غربته عن أهله ومشاكل أخواته ولوحده إلي ماليه عليه يومه من أول ما يطلع من العمل لحد ما ينام قطع عليه سرحانة نغمة الجوال إلي خصصها لأغلى ناسه
سعود\ هلا بصوت وراعيه
أم سعود\ أيه خذني بالكلام إلي لا يودي و لا يجيب
سعود\ علامها الغالية زعلانه أنتي بس قولي لي من مزعلك؟
أم سعود\ سعود من غيره
ضحك سعود من كل قلبه: افى يا أم سعود أنا مزعلك متى؟
أم سعود\ يا يمه وينك هالأسبوع ما نزلت جده أملي عيني بشوفتك وأنت واعدني تجي ما اشتقت لأمك
سعود\ الله يهديك بس يالغاليه هذا إلي مزعلك ما حصلت طياره اليوم وأرجع الجمعة و السيارة تعرفين تعب و مشوار علي بعدين توي الجمعة كنت عندكم
أم سعود\ أيه حطها بالطيارة والسيارة و أنت ما تبي تنزل
سعود\ لا لا الغالية معصبه هالمره بجد
أم سعود\ يا يمه أنت لو عندك حرمه وبيت ما كان حنيت عليك تجي كل أسبوع
سعود بباله وبعدين مع هالسالفه ما تنتهي : ألا ما قلتي لي يا يمه وشلون صحتك طمنيني عسى الضغط ما عاد أرتفع ؟
أم سعود\ أيه غير السالفة زى كل مره صحتي زينه الحمد لله لكن قلبي ماراح يرتاح لين أشوفك يا يمه مرتاح في بيتك وأشوف عيالك
سعود\ أن شاء الله تشوفينهم يا الغالية بس ها حصلتي لي عروس وإلا لا ؟
أم سعود\ أي هذا الكلام إلي يبرد الخاطر من بكره أروح لخالتك حصة واخطب لك من بناتها إلي تبيها
سعود\ الله يهديك يمه مئة مره أقولكم ماراح أتزوج من الأهل أبي وحده من بعيد لا تعرفنا ولا نعرفها أنا واحد أبي راحة البال ماهو أختك قالت وأمي قالت والكلام إلي ما يجيب غير الصداع
أم سعود\ وهذي من وين أجيبها لك كيف نخطب من ناس لا نعرفهم ولا يعرفونا
سعود\ خلاص وش رأيك أتزوج وحده من بنات الخبر هنا و أريح راسي وراسك ؟
أم سعود\ لا يا سعود إلي بتزوجك لازم أشوفها واعرف طبعا قبل نخطبها أنت ولدي الغالي لازم أزوجك إلي تريحك وتسعدك ماهي إلي تزيدها فوق راسك مثل .....استغفر الله بس
سعود\ يمه هالسالفه سكرتها خلاص و مها راحت بخيرها وشرها تبقى بنت عمي وبس
أم سعود\ الله يسعدك يا يمه و يكملك بعقلك
سعود\ ويخليك لي يا الغالية
أم سعود\ اجل أخليك الحين اسمع صوت أم فارس وعيالها
سعود\ سلمي عليها يمه
أم سعود\ يؤصل انتبه لنفسك يا يمه
سعود\ إن شاء الله
أم سعود\ فمان الله
سعود\ يا هلا

( سعود بطلنا الثاني في القصة عمره 28 سنه مهندس خريج جامعة الملك فهد للبترول والمعادن ويشتغل بشركة ارامكو سعود كان طويل وأكتافه عريضة وجسمه رياضي متناسق جدا ملاحمه دقيقه ونظرته طاغية و حادة و كل جزء فيه يحكي رجولته )

مسح على وجهه ونفظ الأفكار إلي برأسه وقرر يتصل بصديقه يوسف إلي ما فارقه من كانوا بالجامعة و يسهر معه الليلة

***************


بجدة
الساعة 10:30 مساّء

الجو حركه وحماس غير العادة بعد نصف ساعة راح يجي نواف البيت ويغير جو الروتين فيه شوي طلعت هند غرفتها بعد ما جهزت كل شي بالمطبخ تبدل ملابسها وتنزل تحت سمعت صوت الجرس معناه نواف وصل خلصت بسرعة ونزلت.
بالصالة المشهد المعتاد نواف بحضن أمه وهي تصيح شوقها له من شهر << الله عليه قلب ألام
هند\ بداء الفلم الهندي هالمرة قبلي عيدوه هههههه
نواف\ هنوده الدبة وأنا أقول فاقد أحد
قربت تسلم على أخوها وعزوتها بعد أبوها نواف هند : بدري تو تفقدني وإلا حصلت الحضن الدافئ ونسيتنا
نواف\ فديتها والله أنا مدري ليش تغارين كل مره كذا
هند\ هههههههه أغار لا بس أرحمك 48 ساعة وبتروح لكن أنا عندها طول الوقت وإن شاء الله ما أنحرم منها يأرب
أم نواف\ الله يخليكم كلكم لي يأرب وأشوف عيالكم
هند\ عندك نواف زوجيه أنا لا عندي مخططات أهم من العرس ألان
أم محمد\ يا أبنيتي العرس ستر للبنت
هند\ جدتي تبين عريس شكلك تراه جاهز أمام المسجد كل يوم يرسلك سلام مع فهد خخخخ
أم محمد\ الله يهديك قومي بس ضيفي أخوك
هند\ هالمرة منوله هي إلي بتضييفه لا ومسويه له مفاجئاه كمان
كانت منال بحضن نواف وهو يلعب بشعرها نواف : كفو والله أختي الصغنونة كبرت هاه وش مفاجئتك ؟
فهد\ أقول نواف لا يغرك ترى الدنيا مصالح عند البنات
نواف\ خلها تدلع وتطلب إلي تبي كم منوله عندي أنا
رفعت رأسها بحرج منال : أنا سويت لك العشاء مع هند عشان أنت وعدتني توديني البحر بكره
نواف\ أبشري بس البحر من عيوني
هند\ اجل قومي منوله ساعديني نجهز العشاء ويذوق نواف طبخك قبل ينام
منال\ طيب يلا .....


*************

أم عزام\ يمه وبعدين مع ولدك هذا متى بيتزوج ويريحنا
أم سعود\ يابنيتي هذا هو عندكم كلموه أنا عجزت منه خلاص
أم عزام\ احلفي عليه ويرضى وإلا اخطبي له وخليه قدام الواقع
أم فارس\ لا عاد سعود ماهو بزر ينغصب خلوه براحته
أم سعود\ هو إلا حالف ما يتزوج إلا وحده ما تقرب لنا
أم عزام\ وهذي كيف نجيبها له يمه ؟
أم سعود\ يايمه حنا زوجناه بنت عمه و ما الله أصلح بينهم وطلقها خليه يتزوج وحده من بعيد يمكن ربي يصلح له معها
أم عزام\ وهذي مها بتزوج ألان ولدك ما فكر
أم سعود\ هذا نصيبها يمه الله يوفقها ويستر عليها
أم فارس\ أمين يمه مها طيبه بس مشكلتها تسمع كلام أمها الله يهديها
أم عزام\ إلا حيه من تحت تبن هي وأمها
أم سعود\ الله يهديك يمه خليها بحالها
أم عزام\ يمه كان خاطري نزوج سعود قبلها عاد ألان شوفي خشمها وين واصل علينا
أم فارس\ قولي كذا بتزوجين سعود بس عشان تقهرينها يا أختي حرام عليك خليك اكبر منهم بعقلك
أم عزام\ لو سمحتي يا أم فارس وفري كلامك لنفسك
أم فارس\ الله يهديك بس ما كني أختك اكبر منك بسكت لك عشان أمي وبس
أم سعود\ إلا والله ما احترمتني وأنا جالسة بينكن بكرة لامت بتبرن من بعض شكلكن
أم فارس\ الله يطول بعمرك يمه لا تقولين كذا
أم عزام\ أنا بروح بيتي أبو عزام عازم له ضيوف بكرة للغداء وبنام بدري تأمرين بشي يمه
أم سعود\ إيه الله ييسر لك أمرك يمه روحي وشوفي رجلك
أم عزام\ ياذا الرجال عاد
أم سعود\ الله يهديك بس انتبهي لبيتك تراه ماهو صابر على لسانك إلا لجل عيالكم
أم عزام\ براحته عاد صبر وإلا لا يلا فمان الله
بعد ما تأكدت أنها طلعت وما تسمعهم أم فارس \ يمه ترى بنتك لو استمرت كذا بترجع لك مطلقه
أم سعود\ وأنا وش بيدي لها فهمتها بس رأسها يابس زي أبوها الله يرحمه ما تعترف بغلطها
أم فارس\ لا حول ولا قوة إلا بالله الله يهديها
أم سعود\ أمين يأرب
أم فارس\ عاد يلا يمه سهرناك اليوم خليني اتصل بفارس يجيني وأنتي روحي حطي راسك ونامي
أم سعود\ سلمي على رجلك تراه من أسبوع ما مر سلم
أم فارس\ إن شاء الله يمه
قامت أم سعود غرفتها وعقلها مع سعود الولد جاء بعد بنتين وكانت له ألام والأب بعد وفاة أبوه إلي كان يعاني من السرطان أخر أربع سنوات من عمره وعمر سعود وقتها كان 11سنه ربته على انه يكون رجال البيت والمسئول عن أخواته وأمه و فعلا ما خيب أملها فيه دعت له من قلبها أنها تفرح فيه وتشوف عياله حطة رأسها ونامت على أمل تشرق الشمس بكره وحلمها بشوف عيال سعود يتحقق

( بيت سعود بعد زواج أخواته أم فارس وهي الكبيرة ملتزمة شوي وقلبها طيب مثل أمها وأم عزام إلي طالعة نسخه لبوها تغلط ولا تعترف بغلطها تجرح ولا تتأسف مغرورة لأبعد الحدود وسفر سعود لشرقية دراسته وألان عمله بقيت أم سعود بالبيت الكبير لوحدها مع الشغالة برغم من محاولات سعود معها إنها تروح عنده الشرقية ويشتري لها بيت هناك إلا إنها ترفض بحجة إنها تعودت على بيتها وجو جدة وأهلها *)


***************


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 4
قديم(ـة) 02-02-2010, 09:10 AM
صورة خايف ياقلبي الرمزية
خايف ياقلبي خايف ياقلبي غير متصل
©؛°¨غرامي فعال ¨°؛©
 
الافتراضي رد: أرواح تسكن مشارق الشمس ,, لاتحجبها سحائب اليأس / رواية رائعة سعودية للكاتبة : شمس ورى الغيم


الجزء الثالث

الخميس الساعة 9 مساء

على بحر جده وبجلسة ما تحلا إلا بجمعة الأهل كان نواف اخذ أهله على وعده لمنوله والجو ولا أروع
منال\نواف أبي آيس كريم الله يخليك
نواف\ من عيوني يلا امشي اشتري لك و تلعبين في الملاهي كمان فهد خلك هنا لين ارجع
فهد\ أكيد جالس
هند\ ههههههه حشى كان حد بياكلنا لو جلسنا لوحدنا
أم محمد\ هم سندك يا بنيتي أخوانك و يخافون عليكم الله لا يحرمكم من بعض
أم نواف\ آمين ياخالتي ويطول لي بعمرك
هند\ زين يا أخ فهد ممكن أروح اجلس على الصخرة هناك
فهد\ هذي آلي قدامنا
هند\ إيه
فهد\ أفكر خخخخخ
هند\ هههههههههه ترى أنا الكبيرة
فهد\ وأنا هنا الرجال
وقفت هند تعدل عبأتها : زين يارجال أنا رايحه لصخرة ذيك البعيدة تبون شي يا حلوات سلام
فهد\ ههههههه يمه بنتك ذي متقلبة أحيان أحسها أعقل بنت وأحيان ارج بنت
أم نواف\ خلها يمه شوفها جلسة قدامنا هند فديتها ما ينخاف عليها

جلسة هند على الصخرة تطالع الأمواج وتفكر بحال الدنيا كم مرة جات البحر و رمت همومها عليه
حزني بحر وأمواجه ايامي ,, غربت شمسه على ملوحة دموعي ,, بحر همي بحر حزني بحر ذكرى سنيني ,, بحر أغرقني وكتم أنفاسي ......

*********************

9:30 مساء
بالخبر وبشقة سعود

كان نائم على ظهره وحاط شماغه على وجهه يوسف\ : سعود ترى جاتني حالة اكتئاب وأنت السبب
سعود وهو يصب الشاي: أنا السبب ليش؟ تبلاني أنت و وجهك
قام يوسف و تعدل بجلسته واخذ فنجال الشاي : شوف من بعد صلاة العشاء وحنا بالشقة مقابلين بعض تبي الصراحة مليت من وجهك ههههههههههههه
سعود\ ههههههههههههههه وش تبي
حط يوسف وجهه قدام سعود وقام يسوي له حركات بعيونه : نطلع
سعود\ روح اطلع لوحدك أنا تعبان وشكلي بحط راسي ونام
يوسف\ تنام وأنت صاحي العصر قوم فكنا خل نطلع نشم هواء نشوف ناس توه سلطان دق علي يقول مجتمعين في الراشد
سعود\ يا أخي سلطان ذا ما ارتاح له أنا
يوسف\ إيه هو شوي شايف نفسه ومغازلجي حتى أنا ابعد ما ارتاح له لكن نتؤنس وش علينا
سعود\ أقولك تعال نروح مطعم نتعشى وبعدين ندق على سيف وعلي تلقاهم مجلسين على البحر أو في مخطط نروح عندهم
يوسف\ على حسابك
سعود\ يا حبك لتفقير جيبي يا أخي
يوسف\ والله أخوك مفلس والراتب ما جاء لسى
سعود\ الله يعينك مدري تصرف على كم بيت و زوجة وعيال وأهل
يوسف\ تطنز أنت و وجهك
سعود\ ادري عنك وين تودي راتبك طول الشهر مفلس
يوسف\ إيه تكلم أبوي الثاني امش بس امش وعشاك على حسابي حدك سندوتشات من ألرومانه
رمى سعود علبة المناديل بوجه يوسف وهو يقوم: يا بخلك يا أخي خل أبدل وارجع لك
يوسف\ بنزل السيارة تحت لا تطول ولا تلبس بنطلون خخخخخخ
سعود\ ههههههههههه غيران من جسمي عناد لك بلبس
يوسف\ لا تكفى بتذبح بنات الناس تذكر البنت إلي في كارفور قسم بالله اني حنيت عليها هههههههه
سعود\ ههههههههه وحده ما تستحي إلا تمشي ورأي وتقول وش ماركة التي شيرت قلت أسواق الخبر ما تشوف إلا إلي لابسه
يوسف\ تلقاها عربيه متربية هنا الله يستر على بناتنا بس انتظرك يلا لا تطول سلام
سعود\ زين

لبس سعود على السريع ثوبه وشماغه وتعطر ونزل ليوسف إلي ينتظره في السيارة عشان يطلعون يتعشون مع بعض سعود : يلا حرك..
حرك يوسف السيارة وهو يهدئ على صوت المسجل : عشان ما تذلني وتقول بخيل بعشيك في المطعم الهندي وش رأيك ؟
سعود\ على بركة الله مشينا يا كريم خخخخ

*****************

جده
الساعة الـ02:30 فجرا

بعد ما غيرت جو وشكة للبحر همومها دخلت هند غرفتها وهي مرتاحة نفسيتها شوي الساعة ألان ثنتين وربع الكل نام إلا هي شبكة نت ودخلت على المنتدى مافي مواضيع جديدة ولا شي يشدها سجلت خروج من الموقع وقبل تفصل النت كان الشيطان يحوم حولها بخيله ورجله بنت حلوة وصغيرة وبنفس الوقت وحيدة لا صديقة ولا أخت قريبة من عمرها تسولف معها وتشاركها همومها خل تدخل شات وتغير جو ممكن تلاقي حد يغير حياتها <<< للأسواء طبعا
انفتحت الصفحة والشيطان فلحظات زي كذا يعرف كيف يستغل ضحاياه بقى إنها تختار لها نك بس فها لحظة كل شي قدام عيونها تسكر لا ياربي لا أمي تثق في نواف وفهد يفتخرون بي جدتي مثلي الأعلى حتى منوله تشوفني قدوتها مآبي أخونهم مآبي أخونك يأرب وأنت تشوفني يأرب في الوقت هذا عبادك الصالحين بين صلاة واستغفار وأنا بضعف لشيطان يأرب سامحني و عوضني بحياتي خير سحبت سلك الأب توب من الكهرباء بكل قوة و أتعوذت من الشيطان وراحت تحط رأسها وتنام لها ساعتين لين الفجر .....

**************

الخبر
الساعة الـ 02:45 فجرا

في واحد من المخططات الجديدة بمدينة الخبر والي تعتبر مجلس ومتنفس لشباب ألعزابي بعد الكورنيش وفق سعود : يلا شباب نستأذنكم أنا و يوسف
علي\ بدري على وين ؟
يوسف\ لا و يسحبني معه حد قالك اني بروح يا أخي ؟
سعود\ أستح على وجهك أنا جاي معك فسيارة وحده تبيني ارجع مشي
يوسف\ لا تاكسي هههههههههههه
سيف\ خلاص خذ مفتاح سيارتي وأنا ارجع مع علي وبكرة ردها لي
علي\ سيف يا أخي أحس كأنك تطرده هههههههه
سيف\ لا والله محشوم أبو عبدالعزيز بس أنا عارف طبعه لقال مشيت ما يهون
سعود\ تسلم يا سيف والنعم بك والله تعرف بكرة جمعة و ورآنا صلاة
رشف يوسف أخر قطرة من الشاي إلي بكوبه : تسلم يا سيف خل مفتاحك ما شي أنا خلاص و أوصله معي عارف طبعه تراي
علي\ والله مالكم داعي توها الساعة ثلاث وين رايحين استمتعوا بالسهر قبل يجون الحرمة والعيال
سعود\ هههههههههه لا يسمعك سيف و يهون عن العرس ترى مابقي له إلا شهرين
سيف\ ههههههههههههه لا سيف أصلي ما يتغير
علي\ إيه هين يا الأصلي أقوله امش نروح بسيارة وحده يقول لا خلني بسيارتي عندي مشوار وهو جالس يكلم الحبيبة رايح جاي
سعود\ هههههههههههههههه شوف وجهه كيف راح تقول طماطم
سيف\ صدق ما تستحون امشي أبركلي
علي\ إيه سيف لف لبيتكم من ورى المحطة هاااه عشان أطول مدة الاتصال هههههههههه
سعود\ ههههههههههه إلا يوسف وين طس ؟
علي\ شوفه هناك عند الرصيف أنا من سمعت صوت المسج وأنا شااك انه بيبعد خويك ما خلى بنت بالشرقية إلا كلمها
سعود\ هههههه وكل ما سألته من ذي؟ قال القلب مدري كم قلب عنده
علي وهو يلف الفراش ويطبقه\ ههههههههه الله يهديه وربي اني مبطل من سنه لكن خوفي اني أغار من يوسف وارجع اكلم بنات خلق الله واضحك عليهن
سعود\ الله يثبتك و يسلمني من شره
مشوا سعود وعلي لرصيف وين ما وقفوا سياراتهم الشباب وفعلا كان المنظر مثل ما توقعوا سيف من ركب سيارته حط السماعة بأذنه يكلم خطيبته ومشى من قدامهم وهو يأشر لهم على الجوال بمعنى إنكم غيرانين مني آما يوسف إلي كان يكلم وحده من البنات إلي يعرفهن سكر بسرعة وقرب يفتح سيارته ويشغلها
علي\ هاه يوسف ذي القلب وإلا العين ؟
يوسف\ هههههه لا والله وأنا أخوك ذي صمام القلب
علي\ ههههههههههههههههه جديدة
يوسف\ بس تسوءا إلي قبلها كلهن
علي\ الله يهديك
سعود\ يلا علي نشوفك على خير وأنت امش توبة أجي معك بسيارة وحده دليتنا
يوسف\ حاضر عمي سعود
مشى علي بطريقة وسعود ويوسف بطريقهم
سعود\ أنت ما تقولي متى بتترك حركات المراهقين عنك ؟
يوسف\ يا أخي أنا احبك واحترمك وآنت غالي علي إيه لكن هذي حياتي
سعود\ حياتك من بنت لبنت و راتب ما يكمل أسبوعين فواتير جوالك وشحن وهدايا لبنات خلق الله هذي حياتك وش مستفيد ؟
يوسف وهو يطالع الطريق ألفاضي قدامه من السيارات تكلم بهدوء وعيونه مركزه على الشارع : ما خليت بنت في سوق ولا بشارع ولا شات إلا رقمتها و كلمتها وطلعت معها وشفتها لكني ما حسيت اني حصلت إلي تفهم يوسف زي هالبنت والله اني من شهرين لا رقمت ولا كلمت غير ساره فيها شي عجيب أحس اني خلاص طحت عند ذي البنت لكن مشكلتها ماتبيني أشوفها كل ما أقول لها بشوفك ترفض
سعود\ ليش كيف تعرفت عليها ؟
يوسف\ من الشات مره

سعود\ وقالت لك هي من وين ؟
يوسف\ إيه من الخبر من هنا
سعود\ أجل أترك عنك تلقاها ما هي من الخبر مكذبة عليك و خايفه تقولك
يوسف\ لا يا شيخ ما أظن دائم تقولي بطلع ذا السوق و ذا المطعم وكلها هنا
سعود\ تلقى لها حبيب غيرك تطلع معه وأنت بس تلعب عليك و تتسلى بك
انتفض يوسف من فكرة أنها تكلم غيره \ تظن كذا ؟
سعود\ إلا أكيد كذا ما في بنت تكلم وما تطلع والي تقول غير كذا كذابة فكر فيها بعقلك كل البنات إلي كلمتهن طلعن معك صح وإلا لا ؟
يوسف\ صح و طلعن مع غيري كمان
سعود\ هذا أنت قلتها بنفسك يوسف أنا ربي ما عطاني اخو من أمي و أبوي لكنه عوضني فيك و ما يرضيني أشوفك تعصي ربك و تضيع وقتك ومالك قدامي واسكت لك
طلع يوسف تنهيده من قلبه\ أنا أصلا حياتي كلها ماهي عاجبتني وأنا أخوك لكن وش السوات الله يعوضني
سعود\ تعوذ من الشيطان وقول الحمد لله أنت بين اهلك و عندك وظيفة و راتب غيرك يحلم به شفني قدامك اكبر مثال متغرب عن أهلي عشان أعيش وأعيش أمي بعزها
طالعه يوسف بعجب هذا هو سعود إلي يخفي ألامه و ما يشكي يتيم و متغرب وفوق غربته مشاكل أخواته مع أزواجهن إلي ما تنتهي كلها تطيح فوق رأسه و مايرتاح لين يطلع جده و يحلها بنفسه حتى لما أتزوج ما ارتاح لحقته المشاكل لين طلق و هو ما كمل سنه حتى أنا ماارتاح لين اشكي له همي هذا هو قدامي لا غلط ولا كلم بنت ومشى بطريق الرذيلة وأنا عشان إهمال أهلي من صغري لي وكم مشكلة في البيت بين أمي و أبوي عرفلي الشيطان و سحبني بدروبه ياه يا يوسف كأنك توك تعرف سعود : تصدق كل يوم اكتشف اني أحبك
سعود\ ههههههههههههههههههههههههه قسم بالله ما تستحي شايفني وحده من خايساتك
يوسف\ لا والله تكرم يموتن ما وصلن قدرك بقلبي أنت لي اعز من أخواني
سعود\ أي ذا هو يوسف إلي اعرفه و قف بس هنا انزل
يوسف\ لا بدخل السيارة بمواقف العمارة بنزل أنام عندك مالي خلق أروح البيت
سعود\ حياك الله غرفتك جاهزة متى ما بغيت

نزلوا سعود و يوسف الشقة وبدلوا وناموا كل واحد بغرفته ( من وقت ما طلق سعود زوجته و ترك البيت إلي من ارامكو واستأجر هذي الشقة بغرفتين وحده له و وحده ليوسف إلي فرشها و صار ينام فيها أكثر من بيتهم و يما تخاصم مع سعود على دفع الإيجار لين ما صاروا يدفعونه بنص بينهم )


*******************


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 5
قديم(ـة) 04-02-2010, 02:30 AM
صورة الزعيـ A.8K ـمه الرمزية
الزعيـ A.8K ـمه الزعيـ A.8K ـمه غير متصل
δЯέαмş
مستشــ¸.·* غرام *·.¸ـــاري
 
الافتراضي رد: أرواح تسكن مشارق الشمس لا تحجبها سحائب اليأس / للكاتبة : شمس ورى الغيم


,’


بسم الله
و عليكم السلام و الرحمــة


يعطيك العــافية
موفقة إن شــاء الله بنقلك


https://forums.graaam.com/238622.html



,’


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 6
قديم(ـة) 09-02-2010, 12:17 AM
صورة خايف ياقلبي الرمزية
خايف ياقلبي خايف ياقلبي غير متصل
©؛°¨غرامي فعال ¨°؛©
 
الافتراضي رد: أرواح تسكن مشارق الشمس لا تحجبها سحائب اليأس / للكاتبة : شمس ورى الغيم


يسلمووووووووو ياقلبي

الجزء الرابع

السبت الـ 7:00 صباحا


صباح جديد و إشراقه لشمس على أرجاء الدنيا تبعث الأمل والحب والنشاط في سكان الأرض و تحثهم على العطاء و العمل بكل إخلاص لرؤقي بأوطانهم ....

كل شي رجع مثل ما كان في البيت نواف رجع لظهران أمس بالليل و سط دموع أمه وجدته و دعواتهم له فهد و منال بها لوقت في المدرسة ما في بالبيت إلا هي و جدتها صاحين و أمها إلي دخلت تنام بحكم إنها قضت ليلها بالبكاء على رجوع نواف صباح اليوم غير على هند من صلت الفجر ما رجعت نامت حست بنشاط عجيب يسري بجسمها نزلت تجلس مع جدتها و تأخذ أخبارها ..

أم محمد\ وش فيها بنتي اليوم ما نامت زين ؟
هند\ لا حمد لله جدتي نمت زين أمس نمت من بدري يمكن الساعة 11 وأحس اني شبعانه نوم
أم محمد\ الحمد لله خوفي إن بك شي و ماتبين تقولي لي
هند\ وأنا اقدر اخبي عليك شي الله يهديك بس ما في إلا العافية لا تشيلين هم أنتي
أم محمد\ زين والله اجل قوميني أطلع بالحوش بمشي بالشمس قبل تحمى عليه وأنا جدتك
قامت هند تسند جدتها \ بمشي معك اليوم إلا جدتي ما قلتي لي لسى تحسين بوجع بركبك ؟
أم محمد\ والله يا بنيتي يروح ويرجع شكله إلا من هالمكيف إلي شغال ليل نهار
هند\ لا جدتي مكيف غرفتك أنا مهديته لك اقل درجة لكن البلاء من السيراميك إلي يمسك البرودة وأنتي تمشين عليه بأذن الله اذا كتب لي وظيفة وجاني راتب افرش لك الغرفة بفرش أحسن لك
أم محمد\ يالله يأرب كان طيور الأرزاق مع هالصبح طارت تكتب لبنيتي فيها الرزق إلي يغنيها ويشغل وقتها و يستر عليها
هند\ أمين يأرب إيه هذي الدعاوي إلي تفتح النفس مع هالصبح ......


**************

الخبر الساعة 7:30 صباحا

فسيارة سعود الوضع متأزم مثل كل يوم سبت في دوامهم ...

يوسف\ يا أخي بفهم ليش تخلينا نداوم أول ناس أنت مفكر حنا حراس الأمن وإلا عمال النظافة إحنا مهندسين فاااهم ايش يعني مهندسين
سعود حفظ هالاسطوانه كل سبت فقرر يتجاهله و يغير السالفة : تبي فطور قبل نوصل الشركة أوقف لك ؟
يوسف\ توها ماما سعود معطيتني كوب حليب و شابورة شبعان
سعود\ ههههههههههه تطنز أنت وجهك لا والله أمر لك تأخذ سندوتشات فطاير شي
يوسف\ وأنت ؟
سعود\ لا الحمد لله ألان شبعان لجعت أرسل و احد من عمال النظافة يجيب لي من الكفتريا إلي برا
يوسف\ أجل لأرسلت لك احد خله يمر ع مكتبي مالي نفس الحين
سعود\ إن شاء الله يلا وصلنا أنزل
يوسف وهو يطالع ساعته ويحطها قدام عيون سعود\ ثمان إلا عشر شوف قبل الدوام بعشر دقائق قول بس وش أسوي امسح الممرات يعني ؟
سعود وهو كاتم ضحكته على شكل يوسف المعصب : لا مسح مكتبك يومين و الغبار عليه خخخخ
يوسف\ امش بس امش شكلك اليوم مصبح على وجه بنت من ورأي
سعود وهو يمشي لداخل الشركة و يتذكر الحلم إلي صحاه من الفجر والبنت الصغيرة بحضن أمه صحيح وجه أمه كان تعبان لكن ملامح البنت و ابتسامتها وصوت أمه تقول له هذي ملكك يا سعود خلته يا خذها بحضنه و يمسح على رأسها بدون ما يسال أمه ليش تعبانه ؟ و كيف جاته هالبنت ؟ : الله يرزقني يا أخي .......
******************

غطت عيونها بيدها من حرارة الشمس صحيح الوقت لسى بدري و الساعة تسع الصباح لكن هذي هي شمس الصيف بجده حرارتها تبدأ من شروقها لغروبها \ جدتي قومي ندخل حرقتنا الشمس
أم محمد\ أي والله يا بنيتي خليني ادخل اغسل لصلاة الضحى وأنتي شوفي أمك أخاف إلا ضغطها ارتفع وهي نايمه
هند\ لا إن شاء الله ما عليها شر بس هي تعرفين ما نامت أمس زين
بطريق هند و جدتها للبيت و قريب من الباب إلي كان مفتوح سمعوا صوت التلفون يرن والي نادرا ما يدق الصباح و مايكون إلا من مدرسة منال
أم محمد\ روحي يمه شوفي من عسى أختك ما صار لها شي ضيق خاطرها
هند و ببالها الله يستر \ إن شاء الله
راحت هند الصالة تجري بتلحق التلفون و يدها على قلبها يأرب ما صار لمنال شي يأرب رفعت الخط على أخر رنه وهي تلهث \ الوو
المتصلة \ السلام عليكم هذا بيت هند محمد الـ .......
هند\ و عليكم السلام إي أنا هند أي خدمه
المتصلة\ أنتي مقدمة عندنا على وظيفة في وحدة الرعاية و جأت من نصيبك لان معدلك ممتاز مع باقي المتقدمات ياليت تشرفينا بكرة لجل نجرب شغلك و نوقع معك العقد إذا الله كتب
هند بلحظة ما عرفت شو تقول ما بين فرح وأمل جديد أشرق قدامها قدمت أوراقها بكل مكان مستشفيات مراكز تأهيل دور رعاية جمعيات خيرية لدرجة إنها نست تقريبا نص العناوين إلي قدمت فيها \ عفوا أختي ممكن تعطيني العنوان بتفصيل و رقم تلفونكم و بكون بكرة عندكم بأذن الله
المتصلة\ اوكيه خذي العنوان شارع الـ …….
سجلت هند العنوان ورقم التلفون بورقة وشكرت المتصلة بلطف وسكرت منها و الفرحة ما هي شايلتها أخيرا بعد كم سنه دراسة بعد ليالي قضتها سهر وتعب تنتظر هذا اليوم أخيرا بتحس نفسها إنسانه تعطي و تنجز في هذا الوطن والاهم عندها بتغير روتين حياتها و تقضي على الملل و الفراغ إلي تعاني منه شافت جدتها واقفة بأول الصالة تطالعها بحيرة وقلق توها دعت لي قبل ساعة و استجاب الله دعائها هذا هو رزقي أنكتب لي به اليوم قربت منها مبتسمة و باستها على رأسها : استجاب الله دعائك يالغالية هذا رزقي أنكتب لي و بكرة بروح و إذا ربك كتب وقعت معهم العقد
أم محمد وعيونها تدمع بفرح\ الحمد لله الحمد لله يا يمه الله ما يخيب عباده الصابرين الله يكتب لك فيه الراحة و الرزق الحلال
هند\ أمين يا نور البيت بس ليش الدموع تكفين امسحيها خليني افرح بدون ما أشوف دموعك
مسحتها أم محمد بطرف شيلتها \ هذي دموع الفرح يا يمه أنا فرحانة لك وأنا أشوفك مبسوطة
هند\ الله لا يحرمني منك يالغالية قولي أمين
أم محمد\ أمين يأرب ولا منك أنتي و إخوانك يا نظر عيني
هند\ اجل أنا بطلع أصلي لي ركعتين اشكر ربي على فضله وأمر على أمي و ابشرها تبين شي يا الغالية
أم محمد\ لا يمه سلامتك بروح أصلي الضحى وادعي ربي لين أمك تنزل تحت .
هند\ زين الله يتقبل منك .........


*****************

بالخبر الساعة 10:30 صباحا

واقف من خمس دقائق على الباب يطالعه و هو ما رفع رأسه عن مكتبة و أوراقة هذا أكثر شي يعجبه في يوسف حرصه و جديته بعملة صحيح يمل و يتضايق من قومت الصبح بدري لكن من يدخل المكتب ينسى كل شي و يخلص عمله بكل أمانه ......

سعود\ يا أخي في بنت بريطانيه وقفت على باب مكتبك ربع ساعة وش تبي ؟
يوسف بعد ما نزل النظارة إلي يستخدمها لما يقرءا و أعطى سعود نظرة بطرف عينه ورجع يقلب أوراقة : روح اسألها ما هو أنت إلي شفتها ؟
سعود\ وأنت ما شفتها يعني ؟
يوسف\ إلا و قالت لي تبي المهندس المزيون إلي عندنا قلت لها ما اعرفه
سعود\ كان خليتها تجي عندي طيب شوف وش زيني أكيد تقصدني
يوسف\ أقول شكل ما عندك شغل و جاي تزعجني عندي شغل روح مكتبك وبعدين بنت وش يدخلها عندنا يا أخي هذا المبنى سعوده بالكامل ما تشوفه كئيب و مظلم بدون بنات
سعود\ ههههههههه كل هالا نوار و مظلم الله يهديك قم خلنا نفطر و نرجع نكمل شغل
يوسف\ ليش ما بترسل ذاك الهندي غفور مدري وش اسمه يجيب لك ؟
سعود\ لا أخذت إذن من رئيس القسم نفطر و نرجع نفسي مفتوحة للأكل و أبيه حار ما يجيبه غفور إلا و برد
يوسف وهو يوقف ويحط جواله و محفضته بجيبه\ يابعد قلبي والله و اخذ لي إذن معك و جالس ساعة تهذر على راسي قم خلني أشم هواء و أكل بنفس
سعود\ تعرف ما اقدر أروح مكان إلا معك تصدق ما اتهنى بالأكل إلا وأنت تأكل منه
يوسف\ هههههههه حرمتك على غفلة
سعود بضحكة بدون نفس\ هههههه بنروح الكفتريا إلي هنا و راي شغل كثير والله
يوسف\ ماشي على أمرك يا عم .....

راحوا سعود و يوسف يفطرون وكل واحد شايل بقلبه هم الدوام متى يخلص و يرجع البيت ينام و يرتاح ....

*******************

جده الساعة 8:20 مساء

جالسة على سجادتها بعد ما صلت العشاء و بيدها المصحف سمعت دق على الباب خلصت الآية و سكرت المصحف : ادخل
دخل فهد و سكر الباب و راه : خلصتي صلاة ؟
هند وهي تنزل شرشف صلاتها و لفته مع السجادة : إيه خلاص خلصت بغيت شي ؟
فهد\ إيه بسالك من بيوديك بكرة ؟
هند\ أبو منذر من غيره دقيت عليه و بيجيني الصبح بعد ما يوصل بنته الجامعة
فهد\ و الله مدري وين نروح بدون هذا الرجال
هند\ أبو منذر جارنا من زمان و يعرف ابوي من أول ما تزوج أمي و سكنوا هنا يعني يعرف البئر و غطاءها
فهد\ الله يجزاه خير إلا معك فلوس تعطيه على المشوار ترى أخر مرة يوم رحت معه اشتري أغراض البيت حلف ما يأخذ مني شي
هند\ لا تخاف بعطية قبل أروح بعدين أغراض البيت تشتريها معه وقت هو ما يروح يشتري أغراض بيته يعني ما يحسبه عليك مشوار لكن أنا يحسبه علي ترى هذا رزقه هو و عياله يا فهد ( أبو منذر جار بيت أبو نواف و تقريبا في عمره كان يشتغل بوظيفة حكومية لكنه اخذ تقاعد مبكر واشتغل على سيارته ليموزين و صار يوصل أهل بيت أبو نواف وين ما طلبوا و مرة كان يأخذ عليهم حق المشوار و مرات ما يأخذ إلا من هند إلي تحلف عليه يأخذ الفلوس قبل ما تطلع مشوارها )
فهد\ أنتي من يقدر عليك حتى أبو منذر يقول لي أختك تعطيني الفلوس و هي ما ركبت السيارة ودي أقول لها ما اني أخذها و أنتي زي بناتي لكن أخاف أنها تبطل من مشوارها
هند\ هههههه يقولك كذا
فهد\ إي والله كم مرة قالي
لحظة صمت هند ببالها عارفة إن فهد جاي يسال عن شي غير كذا و متأكدة كمان هو عارف إن ما احد يوصلهم غير أبو منذر لكن بتخليه براحته لين يقول إلي بخاطرة بالجهة الثانية فهد ماهو عارف كيف يبدأ و يسألها مهما كان هو الولد و هي البنت لكن تضل هي أخته الكبيرة ما يبي يقول لها شي يضايق خاطرها لكن هي شرفة و عزه مايبي يوصلها شي يمس عفتها و طهرها تشجع و بلع ريقه \ هند
هند\ لبيه
فهد\ لا تفهميني غلط لكن أبي أتطمئن عليك المركز إلي تشتغلين فيه في معكم رجال ؟
هند ابتسمت و كأنها تأكد له أنها مرتاحة لسؤاله و كانت محتاجه حد يسألها و يحسسها بخوفه عليها \ تبي الصراحة في و ما في
فهد\ كيف ؟
هند\ المدير رجال وفي قسم مخصص أو دور كامل للمرضى الرجال لكن أنا اشتغل بقسم كله حريم موظفاته و المرضى فيه و مالي دخل في قسم الرجال ولا أشوفهم هم فوق و إحنا تحت
فهد\ كذا ارتحت
هند\ ليش أبو الشباب ما أنت واثق في أختك
فهد\ إلا والله لكن تعرفين حاجة في نفس يعقوب قضاها
هند\ زين دامك ارتحت قوم افتح كتبك أحسن لك أبي أشوفك دكتور
فهد\ هههههه أنتي من تبين تشوفين دكتور أنا و إلا منال حددي
هند\ ههههههههه لا انتم الاثنين
فهد وهو يوقف بيروح غرفته\ زين بروح أذاكر عشان أصير لك دكتور مخ و أعالجك
هند\ ههههههههههههه ليش وش شايفني خبله وإلا مجنونه ؟
فهد\ لا متقلبة ههههههههه
هند\ الله يسعدك بس سكر الباب معك
فهد رافع حواجبه\ طرده ذي ؟
هند\ ههههههههههه محترمه بس
طلع فهد من عند هند إلي طالعت السرير من الفجر صاحية ولا نامت شكله مغري بحجم التعب إلي تحسه حتى الغرفة ثلج من المكيف تمددت عليه و تغطت ما كان عندها وقت تحلم و تتمنى أو حتى تخطط لبكرا غمضت عيونها و استسلمت لنوم بهدوء ......


***************

الخبر الساعة 10:00 مساء

الهدوء في الشقة شبه قاتل حتى التلفزيون صورة بدون صوت و سعود جالس قدامه لكن عيونه تطالع الفراغ و تفكيره بجده عند أمه إلي كل يوم يكلمها لكن ما يرتاح إلا لما يشوفها و يبوسها و يشم ريحتها و أخواته و مشاكلهم أم فارس و طيبة قلبها إلي تسبب لها مشاكل حتى مع زوجها إلي يشكي دائم من سذاجتها و تصديقها لكلام الناس عنه وعن أهله و أم عزام إلي مصائبها و لسانها محد يسلم منه لا قريب ولا بعيد الكل يبعد عنها و يتقي شرها حتى زوجها اليوم يوسف نائم ببيت أهله بعد ما اتصلت عليه أخته المغرب تبيه يجي بسرعة أكيد صاير بين أمه و أبوه خلاف الله يهديهم خمس و ثلاثين سنه لهم متزوجين ما فهموا بعض و المشاكل كل يوم تكبر بينهم و يدفعون ثمنها عيالهم تنهد من خاطرة على الأقل يوسف أهله قريب منه و متى ما اشتاق لهم راح يشوفهم و يتطمئن عليهم لكن أنا بيني و بين أهلي مشوار أكثر من ألف و خمس مئة كيلو ما بينا إلا تلفون الله يسرها علي و يعيني على هالغربة و يرزقني ببنت الحلال إلي تريحني و تطعمني الذرية الصالحة أبتسم و هو يتذكر و جه البنت إلي شافها بحلمه يا الله شو حلوه لو فعلا تصير بنتي ضحك على حاله و وين وصل به تفكيره قام سكر التلفزيون و دخل غرفته ينام و يرتاح لدوامه بكرة .........

أمانينا بـ ليل الغربة حلم ,,
تصحى معه طيور الأمل ,,
بجناحها كل الألم ,,
وتغريدها ترانيم تنشد لنا أحلا ,,
نغــــــــم


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 7
قديم(ـة) 09-02-2010, 12:19 AM
صورة خايف ياقلبي الرمزية
خايف ياقلبي خايف ياقلبي غير متصل
©؛°¨غرامي فعال ¨°؛©
 
الافتراضي رد: أرواح تسكن مشارق الشمس لا تحجبها سحائب اليأس / للكاتبة : شمس ورى الغيم


الجزء الخامس
الأحد
جده الساعة الـ 8:00 صباحا

يوم جديد و اشراقة جديد للأحلام بكل عنفوان الأمل و حب الغد و الكفاح بطموح للأفضل اليوم بنروح تشوف دوامها و حياتها الجديدة من اليوم كل شي بيتغير حتى نومها و صحوتها من اليوم بيكون لها دور اكبر في البيت و مصروفة راح تفرش لجدتها غرفتها مثل ما و عدتها و تشتري لمنال و فهد كل اللي يتمنونه و تجيب شغالة تساعد أمها بشكل يومي بشغل البيت حتى نواف ماراح تنساه بتحول له فلوس كل شهر كل هذا و هند ما فكرت بنفسها كل اللي تتمناه تسعد إلي حولها و تشوف بوجيهم البسمة كل هالاماني و هي ماتدري شو ينتظرها لكنها تتمناها وهذا حقها ما دام الأحلام ببلاش ......

نازلة مع الدرج و عبايتها و شنطتها بيدها لان أبو منذر له خمس دقائق واقف عند الباب و هي مرتبكة و متردده تنزل تتطمن على لبسها و أغراضها بالشنطة يمكن نست شي استعجلت خطواتها باتجاه الباب الخارجي و هي تشوف أمها و جدتها جالسات بالصالة
هند\ ادعولي
أم نواف\ الله يوفقك يا بنيتي انتبهي لحالك
هند\ ان شاء الله يمه يالله أشوفكم على خير
أم نواف\ هند يمه شلتي الجوال معك أكيد تحتاجيه
هند وهي و أصله عند الباب\ إي يمه أخذته معي
( هند ما عندها جوال خاص فيها هو جوال أمها من زمان وتستخدمه هي و فهد لما يطلعون مشوار )
في الطريق أبو منذر والي يعتبر هند و حده من بناته
أبو منذر\ هاه يا بنتي تبيني انتظرك عند الباب و إلا أروح كم مشوار و ارجع لك
هند و ببالها وانأ وش عرفني بطول أو لا\ والله مدري يا عمي اليوم ما راح أداوم عندهم بس اخلص أوراقي و من بكره أداوم لكن مدري كم اجلس لين اخلص أوراقي
أبو منذر\ اجل بروح لي مشوار قريب منك و لا خلصتي دقي علي
هند\ أن شاء الله عمي
نزلت هند وهي تطالع المبنى قدامها كانت عمارة من ثلاث ادوار و باين عليها جديدة لسى ما تهالكت من الزمن سمت بالله وطلعت الكم درجة عند الباب دخلت لكن ما عرفت وين تروح رفعت رأسها ممكن تشوف لوحة ترشدها لكن خاب ضنها انتبهت لباب مفتوح على يمينها و داخله مكتب قربت من الباب و دقت عليه دق خفيف لكن ما في رد رجعت دقت بقوة أكثر و برضوا ما في أي إجابة تقدمت بخطوتها و دخلت المكتب كان مكتب واسع شوي و في مكتبين و كأنه الاستقبال لكن المشكلة ما في احد هند بخاطرها الله ييسرها .
مرحبا اختي أي خدمة
التفتت لصوت البنت اللي ورآها و بخاطرها الحمد لله ما هو رجال \ هلا إيه انتم كلمتوني أمس بخصوص وظيفة مقدمة عليها
الموظفة \ هلا فيك تفضلي لحظه بس أعطي سكرتيرة المدير خبر بوصولك
هند\ شكرا
رفعت الموظفة سماعة التلفون تعطي الطرف الثاني خبر بوصول هند اللي كان كل تفكيرها كيف بتدخل عند المدير لوحدها بحياتها ما قابلت رجال بمكان بدون فهد أو نواف بسرها دعت ربها أن المدير يكون ما هو سعودي يمكن يخفف عليها شوي <<<<<ما هو كلهم رجال ؟
الموظفة\ تفضلي نهاية الممر في باب على يدك الشمال فيه مكتب السكرتيرة و المدير
وقفت هند \ مشكورة اختي
مشت مثل ما وصفت لها الموظفة و كل الأماني تمشي معها في طريقها و تزينه لها بالأمل و الفرج من رب العالمين شافت الباب المقصود وقفت و سحبت نفس عميق تهيئ نفسها للي جاي دقت الباب و ها المرة وصلها الرد بسرعة \ تفضل
دخلت بخطى بطيئة و هي تشوف السكرتيرة اللي كاشفة وجهها تبتسم لها تطمنة هند و تقدمت لها \ السلام عليكم
السكرتيرة\ و عليكم السلام هلا تفضلي
جلست هند و كان رجولها محتاجه ترتاح من الرجفة اللي بدت تسري فيها بمجرد ما حست أنها بتكون بعد لحظات جالسة مع رجال لوحدها \ شكرا
السكرتيرة\ أنتي هند صح ؟
هند\ إيه أنا
السكرتيرة\ الآن تدخلين على المدير ما شاء الله عليك معدل تخرجك ممتاز أكيد شغلك بيكون حلو معنى
هند\ بأذن الله
رفعت السكرتيرة سماعتها تطلب من المدير إذن لدخول هند اللي ما سمعت منها إلا حاضر و أن شاء الله \ تفضلي المدير ينتظرك
وقفت هند وسالت السكرتيرة ببراة \ وأنتي ما راح تدخلي معي ؟
السكرتيرة ببالها شكل هالبنت ما هي متعودة تخالط مجتمع رجالي \ ترى المدير إنسان ما يخوف وكبير بعمره شوي اعتبريه مثل أبوك
هند ببالها و هو وينه أبوي لكنها تطمئنت شوي مجرد ما سمعت انه كبير بعمره \ اوكيه مشكورة
باب المكتب مكان بعيد كلها خطوتين و هي عنده دقت الباب و وصلها صوت رجولي غليظ و مربك بالنسبة لهند اللي ما تعودت تسمع غير صوت أبوها و أخوانها وإذا مرة سمعت صوت أبو منذر سمت باسم الله في سرها و دارت مقبض الباب و دخلت المنظر قدامها كان شبه مريح رجال واضح من الوهلة الأولى انه شامي و الشيب مغطي شعر رأسه بالكامل
هند\ السلام عليكم
المدير\ وعليكم السلام تفضلي اجلسي
جلست هند و بخاطرها يارب ثبت على قلبي و يسرها لي \ شكرا
المدير والي كان يطالع هند بعيونه من فوق لتحت و كأنه يتفحصها من تحت الغطاء و العباية \ شوفي ياهند أنا اخترتك له الوظيفة ما بين عشرين متقدمة من شان درجاتك كتير منيحه و باين هلا انو أدامي بنت خلوقه و محترمة كتير
هند\ تسلم أن شاء الله أكون عند حسن ضنك
المدير\ اوكيه هلا أنتي عم بتعرفي طبيعة شغلك شو حاتكون عنا صح ؟
هند\ إيه تقريبا
المدير\ حلو كتير و قسم النساء بالدور التاني تقريبا عنا أربع مريضات كبار بالسن عندهن جلطة و مسببه ليهن شلل جزئي بتكوني مشرفة عليهن و تراعينهن وقت دوامك
هند\ أن شاء الله
المدير\ و في شغله تانيه بدي أخبرك فيها هلا أنتي راح تشتغلي معنا شهرين بدون ما نعمل معك عقد لبين ما نشوف شغلك منيح وإلا لا بس طبعا ايلك راتب 2800 ريال و 200 تأمين ما تخافي
هند\ زين أن شاء الله
المدير\ هلا فيك تروحي تتعرفي على مكان عملك و زميلاتك فيه و من بكرة تبدي تداومي هون من الساعة 8 إلى 4 لانا محتاجين موظفة هلا
هند\ أن شاء الله
المدير\ في عندك أي سؤال ؟
هند و هي توقف \ لا شكرا
المدير\ على العموم بابي مفتوح لئلك أي وقت ما تحملي هم كم هند عنا
الجملة الاخيرة ابد ما عجبتها توها تقول برتاح له\ شكرا اقدر أروح الآن
المدير\ إيه طبعا أتفضلي

*************

الخبر الساعة الـ 11:30 صباحا

من وقت وصل الصباح وباله مشغول على يوسف يبي يشوفه و يطمئن عليه وشو صار معه أمس لكنه من وصل طلبه المدير في اجتماع دخله من الساعة 8:30 و ما قدر يشوف يوسف قلب الملف بين يديه و فكره مشتت ما بين يوسف و المشروع اللي بيده والمدير اللي كلفه بالإشراف الكلي عليه \ خلاص خلصنا كذا طال عمرك
المدير\ إيه خلاص عاد أبيك ترفع راسي و تباشر في الموقع من الأسبوع الجاي
سعود\ لك اللي يبيض وجهك طال عمرك
المدير\ والنعم فيك تقدر تروح و لك باقي الدوام إجازة مني
سعود\ تسلم والله لكن في كم شغله باقي على مكتبي لازم أخلصها قبل آخر الأسبوع
المدير\ معك ثلاث أيام لأخر الأسبوع يمديك تخلص شغلك الان روح ريح و خذ الملف معك و أشوفه بكرة جاهز أبيه شغل سعود اللي اعرفه
سعود وهو يوقف\ أن شاء الله على خير يلا فمان الله
المدير\ مع السلامة
طلع سعود من مكتب المدير و سحب كمية اكسجيين كبيرة ملئ فيها صدره من ثلاث ساعات و هو جالس و يحس نفسه يتنفس بحذر مديرهم شخص صارم و جدي جدا في عمله و ما يتهاون لي أي زله أو نقص من أي موظف مشى باتجاه مكتب يوسف و في طريقة شاف زميلهم سيف طالع من مكتبة والي يشاركه فيه علي ( سيف و علي كانوا يشتغلون بقسم التخطيط و الإدارة لن تخصصهم يختلف عن يوسف و سعود اللي كان تخصصهم هندسة بترول و عملهم يكون أغلبه في التنقيب عن النفط وفي أباره و فترات بسيطة يداومون بمقر الشركة )
سيف\ سلام وينك أنت لي ساعة أدور عليك
سعود\ وعليكم السلام خير أن شاء الله بغيت شي كنت عند المدير
سيف\ مهمة جديدة
سعود\ إي والله و هالمرة بصحراء أسبوع لا ومن غير يوسف
سيف\ الله يعينك إلا في أوراق حطيتها لك على مكتبك فيها كم شغله ضروري تشوفها
سعود\ اليوم لازم أخلصها ؟
سيف\ لا محتاجها يوم الأربعاء تكون عندي
سعود\ اجل خلاص اخلصها لك بكرة اليوم باقي الدوام عندي إجازة بمر أشوف يوسف واطلع
سيف\ الله معك
وصل سعود لمكتب يوسف و شافه ساند رأسه على الكرسي ومرجع شماغه والعقال لورى و عيونه مغمضه و باين على وجهه التعب تنحنح وهو يدخل لجل ينتبه لوجوده \ سلام
فتح عيونه اللي كانت حمراء وشكله ما نام طول الليل عدل جلسته \ وعليكم السلام هلا سعود اجلس لك مده واقف هنا ؟
جلس سعود على طرف الطاولة \ لا والله توي واصل
يوسف\ سلامات اجلس على الكرسي طيب ترى منت خفيف
سعود\ هههه قل ماشاء الله مستعجل والله طالع أنا
يوسف\ ماشاء الله هاه وترى مني عيان طالع على وين ؟
سعود\ الشقة اعطاني المدير باقي اليوم أجازة
يوسف\ حركات من ورآنا وش مسوي للمدير أنت ؟
سعود\ إلا قول وش مسوي لك هو راميني الأسبوع الجاي كله بربع الخالي
يوسف\ أوف تكفى لا تقول اني معك والله ماني ناقص
سعود\ لا لحالي والله ربك يعين إلا ما قلت لي وش صار معك أمس ؟
يوسف\ خلها على ربك يا اخوي زي كل مرة يتمشكلون على شي ما يستأهل و يكبرونها والمشكلة كل واحد فيهم اعند من الثاني قسم بالله لو لا أخواتي و محمد اني أقدم على بعثه و سافر ادرس ابرك لي من ذا الحال لكن الشكوى لله ماقدر أخليهم مالهم ذنب
سعود\ زين و إخوانك احمد و عبدالعزيز وينهم عنهم ؟
يوسف وهو يتنهد\ لاهين ببيوتهم و عيالهم ولا يسالون زين كان شفناهم من الجمعة للجمعة والله كل شي فوق راسي وانأ ساكت
سعود\ الله يصلح بينهم بس
يوسف\ أصلا خلاص أنا تعودت على ذي الحالة و ماراح ارتاح لين أزوج أخواتي وطلعهن من ذا البيت ومشاكله و محمد مرة بس يخلص ثانوية هالسنه بسفرة يدرس برى وأريحه
سعود\ شكلك ما نمت أمس جالس تخطط ؟
يوسف\ والله جاي الدوام مواصل
سعود وهو يوقف و يأخذ الملف معه\ باين من عيونك أصلا اجل أنا رايح الشقة بتجي بعد الدوام عندي وإلا بتروح البيت ؟
يوسف\ لا بجي عندك تعرف لو رحت البيت ما نمت وأنا ما غمضت لي عين أمس
سعود\ زين يلا نشوفك على خير
يوسف\ حياك
طلع سعود من الشركة وراح اخذ له غداء و مشى في الطريق لشقته رن جواله طالع الشاشة و هو يبتسم فديتها والله
سعود\ هلا والله بكل الغلا
أم سعود\ هلا بك يمه السلام عليك
سعود\ وعليك السلام يا الغالية شخبارك ؟
أم سعود\ الحمدلله بخير وأنا اسمع صوتك يمه طمئني عنك أنت وش علومك ؟
سعود\ الحمد لله بخير و نعمة و هذاني رايح لشقتي
أم سعود\ و عليه يمه ما خلص دوامك ليش طالع بدري لا يكون انك تشكي شي
سعود\ لا يمه ما فيه إلا العافية بس المدير عطاني باقي اليوم إجازة و يوم الأربعاء ماعندي دوام يعني بتلقيني من صبح الله خير عندك
أم سعود\ وش ورى الرضاء ذا كله عليك
سعود\ هههههه افى لا تكونين ما تبين تشوفيني بس ترى اطلع البحرين و اجلس فيها آخر الأسبوع كله
أم سعود\ كان تبي قلبي يغضب عليك يا سعود روح البحرين أشوف
سعود\ لا عاد كله إلا غضبك علي قسم بالله طول ما أنتي ما تبيني أروح اني ما اكسر كلمتك لكن أقولك بجي لك من بدري ها الأسبوع وأنتي الله يهديك كأنه ما هو عاجبك
أم سعود\ و الأسبوع اللي بعده ما أنت نازل صح ؟
سعود و بخاطرة حشى يا أم سعود منتي هيئنه طلعت عندك الحاسة السادسة \ تبين الصراحة إيه عندي الأسبوع الجاي عمل في بئر للبترول بالربع الخالي
أم سعود\ إيه أنا أقول
سعود\ عاد يايمه هذا شغلي لو ما سويته بيحطون موظف مكاني و اجلس أنا بلا شغل
أم سعود\ الله يعينك يمه عاد هذا رزقك بتاخذه لو من نص البحر دام ربك كاتبه لك
سعود\ ونعم بالله يا الغالية
أم سعود\ زين يمه بعد ما تطئمنة عليك خلني أقوم أصلي الظهر هذاني اسمعه يأذن وأنت يمه روح تغداء و ارتاح و خل كل شي بيد ربك
سعود\ الله كريم يا يمه هذا غداي معي بسيارة لا تشيلين همي ريحي بالك و رضاك هو اللي أبيه بس
أم سعود\ الله يرضى عليك دنيا وآخرة يا ولدي
سعود وهو يوقف سيارته بباركنات العمارة \ الله يطول لي بعمرك يلا يا الغالية هذاني وصلت شقتي توصين شي
أم سعود\ سلامتك يمه
سعود\ يلا اجل فمان الله
أم سعود\ فحفظ الكريم يمه .....

**************

جده الساعة الـ 12:30 مساء

دخلت هند البيت والي كان مفروض تكون موجودة فيه من ساعة لكن أبو منذر تأخر عليها و اضطرت تنتظره شافت الصالة هادية و ما فيها احد ببالها أكيد جدتي تصلي بغرفتها و أمي بالمطبخ من اليوم شغل الغداء كله بيكون عليها و محد يساعدها الله يعين بحاول اخذ عنها العشاء و أريحها خل أروح أشوفها قبل اطلع أبدل مشت هند باتجاه المطبخ و هي تسمع صوت أمها تعطي توجيهات غريب من عندها أمي؟؟ ,,, المنظر قدامها حلو و مضحك بنفس الوقت منوله عافسه الدنيا بالمطبخ بزعم أنها تساعد وأم نواف مبتلشه معها تبي تخلص الغداء و منال كل شوي تطلع لها شغله ابتسمت هند لهم \ سلام
أم نواف\ وعليكم السلام هلا يمه
هند\ وش ها الريحه الحلوة وش طابخين أنتي و بنتك من باب الصالة الروائح استقبلتني
أم نواف وهي تفتح الفرن وفيها الضحكة\ كل خير و بنتي ما خلت شي إلا سوته لك تقول هند بتجي جيعانه يا حرام
هند\ يا حرام إي والله اني على فطوري معكم
أم نواف\ اجل روحي يمه بدلي و صلي فرضك و تعالي تغدي هالحين يجي فهد و بعد الغداء حكيني وش صار معك
هند\ أن شاء الله يمه هاه منوله سويتي لي حلا ؟
طالعت فيها منال ببرأه و هي تهز رأسها بمعنى لا \ بس معي جالكسي جبته لك من المدرسة
هند\ زين حلو بروح أصلي و ارجع لكم ......

***********

الخبر الساعة الـ 3:00 فجرا

الأوراق في كل مكان بالصالة على الكرسي و الطاولة وحتى بالأرض وين مكان سعود جالس أصلا بين أوراقة و أكواب الشاي وأكياس الوجبة اللي طالبها من المطعم للعشاء بمعنى كان المكان حوسه عنده لكنه لازم يخلص الشغل اللي معه و يسلمه المدير الصبح طلع يوسف من غرفته بعد ما نام تقريبا 12 ساعة من ثلاث الظهر وهو نائم بعد ما استأذن آخر ساعتين من الدوام بحكم انه تعبان
يوسف وهو يتثاب \ وش ذي الحوسه ما نمت أنت ؟
سعود\ لا ما خلصت باقي لي شوي
يوسف\ الساعة ثلاث الحين متى بتخلص و تنام ؟
سعود\ أقلك لا تقعد تسال فوق راسي بروحي مصدع خلني اخلص
يوسف\ أوف السهر مآثر على الأخلاق كمان
طالعه سعود بنظرة وكمل شغله بدون ما يرد عليه ( سعود طبعه لما يواصل أو مايخذ كفايته من النوم يصير عصبي و نفسه ضيقه )
يوسف \ ههههههه زين زين سكت خلاص بس آخر سؤال فيه ي عشاء أو لا ؟
سعود\ لا روح سو لك شي من المطبخ و فكني
دخل يوسف المطبخ دقائق وطلع بتفاحة بيده اخذ الريموت وجلس يقلب التلفزيون \ يقترح عليك تروح تقدم بجمعية خيرية
سعود\ وليش ؟
يوسف\ مطبخك فاضي يصفر حتى اندومي ما فيه الواحد يصبر نفسه به
سعود\ وش أسوي أنساه وأنت ما تشتري لو ملح
يوسف\ الأسبوع اللي راح حاط فيه مئة ريال لكن ما تجلس ما عليك بعد بكرة الراتب و انزل لك كارفور و أعبي لك الثلاجة
سعود\ تطنز
يوسف\ افى والله أقول الجد
سعود\ الراتب يوم الأربعاء و أنا نازل جدة الثلاثاء في الليل وراجع الجمعة والسبت من فجر الله طالع مقر البئر الجديدة ليوم الجمعة يعني لمن بتشتري غير لنفسك
يوسف\ أوف ذكرتني أصلا الشقة بتكون كئيبة بدونك يمكن ما أجي هنا لين ترجع أنت
سعود وهو يمد الملف ليوسف\ خل عنك بس وشف لي المخطط وقول رأيك
يوسف بعد ما قلب الملف شويتين\ شغل عدل والله أنت لو يقولون لك خطط الربع الخالي شبر شبر خططته ما هو كم كيلو ماشاء الله عليك
سعود\ مكانك ناجح بمعدل أكثر مني أنت ووجهك
يوسف\ ههههههههه غاش منك طال عمرك
سعود وهو يجمع أوراقة \ يا شيخ بس قصر على صوت التلفزيون أنا رايح أصلي وأنام لي ساعتين قبل الدوام ابرك لي
يوسف وهو يسكر التلفزيون\ ابشر أنا بروح أصلي بالمسجد و أمر بيتنا و أجيب معي فطور سنع واجيك
سعود\ ما تقصر والله
يوسف\ يلا فمان الله .......

************


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 8
قديم(ـة) 16-02-2010, 10:10 AM
مشتاآاآقهـ لكـ مشتاآاآقهـ لكـ غير متصل
©؛°¨غرامي جديد¨°؛©
 
الافتراضي رد: أرواح تسكن مشارق الشمس لا تحجبها سحائب اليأس / للكاتبة : شمس ورى الغيم


السلام عليكم ورحمة الله وبركاته ...


بداية موفقه ...


وفي الانتظار...


دمتى بود


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 9
قديم(ـة) 18-02-2010, 02:41 AM
صورة جيرايا الرمزية
جيرايا جيرايا غير متصل
©؛°¨غرامي مشارك¨°؛©
 
الافتراضي رد: أرواح تسكن مشارق الشمس لا تحجبها سحائب اليأس / للكاتبة : شمس ورى الغيم


رووووووووووووووووعـــــــــه بليز كملي نتظرك

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 10
قديم(ـة) 21-02-2010, 04:41 PM
صورة خايف ياقلبي الرمزية
خايف ياقلبي خايف ياقلبي غير متصل
©؛°¨غرامي فعال ¨°؛©
 
الافتراضي رد: أرواح تسكن مشارق الشمس لا تحجبها سحائب اليأس / للكاتبة : شمس ورى الغيم


هلا وغلا منورين القصة

الرد باقتباس
موقع غرام موقع سعودي خليجي عربي يحترم كافة الطوائف والأديان ومختلف الجنسيات


تصميم دريم تيم

SEO by vBSEO 3.6.1