غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1
قديم(ـة) 03-02-2010, 11:52 PM
صورة گبرتنــے الـבـيـاة الرمزية
گبرتنــے الـבـيـاة گبرتنــے الـבـيـاة غير متصل
©؛°¨غرامي نشيط¨°؛©
 
لطفاً و رفقاً بي يا زماني / بقلمي ، كاملة


لــطـفآ ... ورفقــآ ..!! بــــ[يازم ـاني]ـــي

صار لها العالم ............ لــــــــــــون
من يوم دخلت ................. هالكــــــــــــــون

************************************************** *********
ابدأها بـ( بسم الله الرحمن الرحيم)

ببدا بكيف كتبت الرواية ...
اولها : كنت بعض الاحيان ارووووح بعالم ثاني بعيد عن هالعالم لما أكووون زعلانه من الدنيا والعالم يعني مالي نفس لشي .. افكر واقول لو اني كنت بنت امير واسوي كذا وكذا .. وبعدها بايام أفكر لو كنت بنت فقير بسوي كذا وبسوي كذا .. لو كنت يتيمه راح اسوي كذا وكذا .. وهكذا ..
فصرت الف قصة لي وانا على مخدتي واعيش مغامرت قصتي بنفسي اما اكون اميرة بطله مظلومه وكذا ... ماكنت بعمري بفكر اني بكتب رواية عن بنت غريبة في دنيا مأسي ... كنت دايم أذا قالن لي خواتي تكفين قولي قصة اقول قصة هالبنت وانا ما اعرف من تكووون ..!! نهايتها عرفت انها بطلة روايتي الاول .. اللي كانت تبتسم لدنيا مع ان الدنيا كانت دايم تكشر بوجهها ...

حبايبي صحيح أنا جديده بالنسبه لكم .... ولكن اتمنى اني اتغير من جديدة لاخت عزيزة لكم ... واتمنى ان روايتي تعجبكم وتكون لو بس قطرة بمحيط اعجابكم .. ترا مزيج كلاماتي غريب تمامآ مثلي << الحاضر يعلم الغايب ....

والروايه .. بترويها لكم بطله عن ناس تعرفهم وتحبهم وبطل عن ناس يعرفهم ويحبهم والبطلين دنياهم غريبة ولكل منهم قصة الم وحب وضحكة عاشها ... روايتي تعتمد على عامل التشويق ..

ملاحظتاااااااااااااااااااااااااااااااااااااااااااا ااااااااااان مهمتاااااااااااااااااااااااااااااااااااااان :
1) حبايبي اتمنى تكثرون من المدح تروني أطيح مع المدح ...
2) اتمنى اللي بينقل روايتي يكتب أسمي وألأ فـ (الله لا يحله ولا يوفقه وحسبي الله عليه وكفى) << طلع الجد

أختكم .. زمـاني بوج ـه الآه رمـاني


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 2
قديم(ـة) 04-02-2010, 12:16 AM
aishiteimasu aishiteimasu غير متصل
©؛°¨غرامي جديد¨°؛©
 
الافتراضي رد: لــطـفآ ... ورفقــآ ..!! بــــ[يازم ـاني]ـــي


we re waiting

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 3
قديم(ـة) 04-02-2010, 12:17 AM
*تدري أني موت أحبك* *تدري أني موت أحبك* غير متصل
©؛°¨غرامي مشارك¨°؛©
 
الافتراضي رد: لــطـفآ ... ورفقــآ ..!! بــــ[يازم ـاني]ـــي


حبيتي نستناك مع البارت الأول أنا أحب الروايات اللي كذا البطل هو اللي يتكلم

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 4
قديم(ـة) 04-02-2010, 12:22 AM
صورة گبرتنــے الـבـيـاة الرمزية
گبرتنــے الـבـيـاة گبرتنــے الـבـيـاة غير متصل
©؛°¨غرامي نشيط¨°؛©
 
الافتراضي رد: لــطـفآ ... ورفقــآ ..!! بــــ[يازم ـاني]ـــي


مقاطع من روايتي ..

>> لفيت على الغرفة اللي قدامي .. واسرعت لها .. ورصيت على قلبي .. يارب صبرني .. وأبعد هالافكار الشينه .. عن بالي ..
فتحت الباب .. ووقفت مبهمة .. ممرضتين ... >>

>> قلت : وأنا طالع من عنده .. ضربت بنت ... لفيت يمين شمال ... ماكان جمبها أحد ... كانت تبكي ... توترت ... مدري شسوي ... قلت اسف ... بس هي شكلها ماسمعتني وقعدت تصرخ مو حاسه بروووحه ...
قاطعت كلامي لما دخل أحد الشباب وقال : الســلام عليكم .. >>

>> قالت بدلع : ما أقبل معجبين ..
قلت : لا ياشيخه .. بالله متى اخر مرة شفتي وجهك .. انتي اللي يشوفك ماتقولين له ما اقبل معجبين .. سمي عليه ..
أخاف ينصدم .. ويجيه أنهيار عصبي .. >>

>> وابعد عنا وراح وراء .. سمعت الباشا .. يكمل شرح .. بس ما هتميت .. كنت اناظر بندر مستغرب فيه شي متغير .. لما انتبه ان عيوني تناظر له .. ابتسم بهدوء .. معقوله يكون سواها وماخرج ..!!؟
لفيت وجهي وافكاري توديني وتجيبني >>

>> ابتسمت بسخرية سوا تفاهم سوا تفاهم .. حسيت برجفه تسري بداخل جسمي ليته هو بس سوا تفاهم .. ليته .. بس انا اريد وربي يريد .. تنهدت ومدري ليش عيني راحت لسعود >>

>> نزلت عيوني وغمضتها بقهر ليش دوم يناظرون لي بشفقه ليش دوم هذي نظراتهم أنا لو محتاجه شفقتهم كان قلت لهم بس أنا ما أحتاجها ليش مايفهمون .. سمحت لدمعه تنزل عشان تبرد شوي من القهر اللي فيني .. سمعتها تقول : ابويه يباج >>

>> ابتسمت .. وقلت : حمدت ربي ع نعمة العقل يوم جابتك أمي ماتكفي هذي
قالت : اووه منك حتى وأنت بتسافر لازم لازم طفشني
هزيت راسي مأيد كلامها ورحت
لأمي ونزلت ع راسها وحبيته وأبوي بعد .. >>


انتظر ردودكـم أختكم زمـاني بوج ـه الآه رماني ..

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 5
قديم(ـة) 04-02-2010, 12:36 AM
صورة الزعيـ A.8K ـمه الرمزية
الزعيـ A.8K ـمه الزعيـ A.8K ـمه غير متصل
δЯέαмş
مستشــ¸.·* غرام *·.¸ـــاري
 
الافتراضي رد: لطفاً و رفقاً بي يا زماني


,’


بسم الله


يعطيك العـــافية
موفقة إن شــاء الله


https://forums.graaam.com/238622.html



,’


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 6
قديم(ـة) 05-02-2010, 07:31 PM
صورة گبرتنــے الـבـيـاة الرمزية
گبرتنــے الـבـيـاة گبرتنــے الـבـيـاة غير متصل
©؛°¨غرامي نشيط¨°؛©
 
الافتراضي رد: لطفاً و رفقاً بي يا زماني / بقلمي


بسم الله الرحمن الرحيم ..


قبل أن أبد روايتي أسأله تدوووور داخلي
؟؟!! ؟؟!! ؟؟!! ؟؟!! ؟؟!! ؟؟!! ؟؟!!
ماهي السعادة ..؟؟
هل هي لحظات وتمضي ..؟؟
أم هي دائمة ..؟؟
هل هي في حلم الغد الذي نحاول السعي اليه..؟؟
هل نكتسبها بطرق الابواب..؟؟
ونحصل عليها بعبور الجسور المتقطعه ..؟؟
ما هذه السعااااااااااااااادة ..؟؟
وأين جوابها ..؟؟
أسئلتي محيرة ولها الجواب ... ولكن !!! لم أكتشفها بعد
سمعت في مكان لا أذكر أين ... أن ( السعادة الكامله ... هناك ؟؟ ) ولكن أين هناك.. !!!!


الحلـــــ ق ـــة الاول ــى ..,.

&
يالـــيتني المفتاح ويعطيني القدر ,,,, قدرة وأفتح بيدي الباب السعـــيد
وأعطي لأحبابي ولكل مخلوق وبشر ,,, حب وأيمان وسعــادة مايـــريد
&

يوم السبت 14|11|1429
الزمن 10:45صباحآ ..

كنت جالسه ... أشوفها تدور ع الكراسي ... وتصرخ بهذي ... وتفهم هذي ..,.. وأنــا ..؟ما أدري وش تقول!! ..
أبعدت عيوني عنها... ووجهتها لدفتري المزخرف بفراشات ملووونة... مسكت قلمي ... ورحت بعــالم ثاني ... عالمي الخاص .. بس عدة ثواني ... حسيت بوجع بكتفي ... لفيت للي بجمبي ...وقلت : وش تبين ؟؟!!
سلمى : الدكتورة تبغاك ...
لفيت وجهي وأنا أحـس بضيق بس رديت بكل بـــرود : نعم دكتورة بغيتي شيء..؟؟
ناظرت الدكتورة لدفتر اللي أكتب فيه وقالت "بستهزاء" : لا توألي [تقولي]كنتي بتكتبي شرح المحازرة[المحاظرة]
رديت كالعادة لماتسألني ... ببرووود : لا ما كنت أكتب الشرح
صرخت بوجهي : انتي تحزري[تحضري]المحازرة[المحاضرة]ليه مادام انتي مش معانا..؟؟
بل وشفيها هذي ... رديت لاني تنرفزت من صراخها علي : لو سمحتي لا تصرخين علي
الدكتورة : أولتي اييييييييييييييه ..!!
قلت ياملا الحمى السكولوجيكيه الغير مكتشفة انها تاخذك .. قلت انرفزها : ل و .. س م ح ت ي .. ل ا .. ت ص ر خ ي ن .. ع ل ي .. تبين ارتبها لكـ ..!!
الدكتورة "وبصوت أقوى" : بـــــــــــــــــرااا
مسكت شنطتي وشلت الدفتر والقلم وقلت وأنا اناظر لها : قبل لا أطلع أبغى أدري أنا وش سويت لك ..؟؟ ليش حاطه دوبك بدوبي ..؟؟
قهرتني لما صارت تناظر لي من فوق لتحت ... ولفت وجهها عني ...
قلت لسلمى : ما عليك أمر سلومه بس ممكن تدقين ع جوالي أبغى شرح المحاضرة
سلمى : أبشـــري
ابتسمت لها وقلت : مشكورة
نقزت وشكل سلمى نقزت بعد ... لما قالت .. لا آسفه ماقالت ... ألأ صرخت الدكتورة : دلع بــــرا
كرهت أسمي اللي طلع من فم هالعقربه... بغيت أمعط شوشتها بس أمي حالفه علي ما اتهاوش معاها ...
قلت بغيـــــــض : لا تـــصرخين فاهمه !!!
مشيت بين الطاولات وأنا أحس بنظرات الكــل لي .... سكرت الباب ووقفت ثواني أمسك نفسي أني ماأدخل وجرها من شوشتها اللي رافعه ضغطي ....
طلعت وأنا أحاول أني ما أبكي من الفشله والقهر ... صحيح قلة أدب أني أرفع صوتي على اللي أكبر مني ....بس خلاص ما قدرت اصبر من استفزازها الدايم لي .. وتفشيلها قدام البنات ... هي مالها غير ثلاث أسابيع من جيتها لنا ... من ثاني يوم شافتني قالت : أنتي يابنت أومي{قومي} تفزلي{تفضلي} برا ... طلعت ... حكم اليهود على العرب ...كل مرة تحاول تمسك علي أي حركة عشان توجع قلبي بكلمتين ... تنهدت من أعماق أعماق قلبي ...

{ آوبـــس جلست أتكــلم عن العقربة(وفاء)ونسيت أعرفـكم بنفسي شــوي .. أحــم أحــم .. أسمي دلع ... يقولـــوا أني مملوحه ألا فــاتنـه ... لا تقولوا غرور .... لا واللي رفع هالـسبع السمــوات مو غرور ... بس ثقة بالنفس ... شعري بني ع عسلي ... عيوني سـود .. مدري عن حجمهم .. أتوقع عائلي .. ههاي ... ما فهمتوا النكته!! ... احـم الله يهديكم طيحتوا وجهي ... قصدي بالحجم العائلي ان عيوني وساع وكبار ... فهمتوا ؟؟...
أكيد مستغربين مني توي متضايقه واللحين جالسه أنكت .... لأني شخصيه متقلبه ... أكره أي شي يعكر مزاجي ... وأحاول أنساه .... صحيح ماأقدر أنساه لكن أتناساه ....
خلوني أرجع أوصف لكم ... جسمي امم جسمي أحسه عادي ... المهم أنا خجوله دايـــم يقولوا حيــاي زايــد حبتين عن اللزوم .. وانا صراحة أذا شفت أن خدودي حمروا .. استهبل عشان ابعد الحيا عن ملامح وجهي .....وش بعد .. ايه .. هــــذرة .... وووو وأحب انرفز الكــل أذا عصبــت .... ميزتي اني ما أغلط على أحد بس ياويل اللي يغلط علي ... وترى اللســـاني سليط .... وفيني سخريه قـــــــويه .... طلعت عيوب نفسي .... بس شسوي أونس نفسي .... وأونسكم بعد .... وأسراري ما غير مهاوي حبيبة قلبي هــي اللي تعرفها .... ايـــه عمري 19سنــه .... أكــره اللي يقول عني بيبي ... طفله ... أكـرهه اللحين طــــــول بعــرض وتقول بيبي .... أيه أسمعوا مو تقولون أني ملكه جمال ومدري أيش ... أنا متوسطة الجمال .... ولايغركم اللي يقول ... الا تجننين يادلع ... لا انا مو بذاك الجمال ... المهـــــــــــم وشرايكم أعرفكم بأهلي ...
عندي أخ عـــــــله عـــــــــــــــله .. أسمه علي .. موذي جــــــــدآ .. عمره 12سنه .. مواصفاته ... خسيس ... خبل .... كريه .. ثور مع أحترامي الشديد لثيران لانهم أفهم منه ... صايع ... ضايع ... أمممممممم وش بقى ما قلت .... أيه يموت بملاسنتي ويشتد أذا اجتمع مع ماجد .... وقت الجد تلاقونه متلحف بسريره .... لا يحترم لا كبير ولا صغير ... مجنن بأمي ...
خلوني ابعد عن هالعله ونروووووح للغلا كله .. ماميتوا ... أمي الغاليه يارب يخليها لي ... قولوا أمــــين .... أمي هي بالنسبه لي الهواء اللي أتنفسه .... الماء اللي أشربه .... الروح اللي بداخلي ... بمعنى أصح .... لا معنى لحياتي من دونها .... لانها هي الحياة نفسها ... أي شيء يضايقها يضايقني .... وأي أحد تكرهه لو كان عزيز علي أحاول أتجنبه .... أمي طيبه وعلى نياتها .... ماتعرف أبد تجامل .... تكره الكذب .... يعجبها البنت الذربة ... اللي تطيعها وتعرف لشغل المطبخ والبيت كله ... هادية .... دايم تحس أنها كأيبه .... علاقتها مع أبوي فاشله ..
نروح لأبوي .. أممم أبوي .. ماأعرف لا محاسنه .... ولا سيأته ... لاني بصراحه ماأتذكر أني جلست معه ساعه كامله ... هو يجلس بالعاده ربع ساعه بالكثير .. بعدها يطلع .. لا وأذا جلس أنعزل عنا بمكتبه المشؤم ... طــول حياتي وأنا أخاف منه .... وما أحس انه أب .... تصدقون لو أسأله كم عمري ..؟؟ بيقول موفاضي لك .... هو دايم أنطوائي .... معصب .... ترى ماأدري هو معصب أو ربي خالقه وحجته معقودة .... المهم هو متقاعد واللحين يشتغل اعمال حره ... أذا جلس معانا ... ما أتكلم ... أتوتر بوجوده .... وأسكت .... حتى أن علاوي يستانس ... ويجلس يقرق فوق راسي .... ويتأمر علي وأنا ماغير اهز راسي .. تقولون سيلانية .. وأطيعه ... لا تسألوني ليش ... أنا ... مثلكم ماأدري ؟؟؟!!! ... شكلي ماراح أطيع علي مرة ثانيه لان أبوي خلاص ماراح أشوفه ...}

أووووووووووووف يا كثر قرقي هع هع ..... مسكت جوالي وتوي بدق ع حميدوا ....
: دلــــع ... دلو
ألآ جت الزقه...
{ هذي هند .... بنت مزعجة .... لحوحه ... راعية مصالح ... وحركات الاعجاب ... والاهم أمي ما تبيني .... أحتك معاها ....}
وقفت قدامي وقالت : أخبارك ؟؟
قلت : تمام ....
وكالعاده سألت سؤالها المعتاد ... هي عارفه .... أني برفض
: الا أقول دلع ... وشرايك تمشين معي ؟؟
قلت : سوررررررري اللحين بطلع
: أهــــــــا أوكي سلام
مشت هي عارفة أني ما راح أرد عليها ... متعودة ع أسلوبي ....

الزمن 11:4 صباحآ

دقيت ع حميدوا ...
على مارد قلت له : يالله تعال ..
تدرون وش قال ..؟؟
قال : ماما انا في سغل كتيييييييير [شغل كثير]
يا كره ماما بلسانه ...
قلت له : أييييييييييييييييييييييه تعال بعدين ...
قاطعني ..... عنبوه ما يستحي ...
: بس ماما
صراحه وصلت حدي قلت له بتصريخ .... أظن الكل سمعني ... مدري وش فيني اليوم كله أعصب ..ّ!!!
: مــــــــــــــــــــــــــدام يالله تعال
مامرت عشر دقايق الا وحميدوا عند الباب ... هع هع شخصيه .... وصلني للبيت وهو يقرق بالهندي .... شكله يدعي علي ..
قبل لا أنزل : انت هييييييييييييه شتقول ..؟؟
حميدوا : xxxxxxxxxxxxxxxx
وشوووووووووو ؟؟؟؟؟
نزلت وضربت الباب بكل قوتي ... وراح مسرع .. عمى بعينه .. لفيت .. مادريت ألاالعــله بوجهي ...
قلت : السلام عليـ ...
قاطعني ..!! .. مدري وشفيهم اليوم بس يقاطعوني ..
علي : لا سلام ولا كلام يالله ادخلي ..!!
؟؟؟؟؟؟؟؟؟؟ : نعــــــــــــــــــــــم ..
علي : هـــيه أنتي .. وين جالسه ..؟؟ قصري صوتك .. وغطي عيـــونك لأمصع لكـ رقبتكـ
شلت الطرحه عن النقاب وقلت بصراخ : عناد بك وبأمثالك ....
ومشيت لباب المدخل ...
صعدت الدرج بسرعه لغرفة أمي ... فتحته بدفاشه كالعادة .... كأني من الصبح وأنا ماسكه "كالعاده" ... المهم فتحت الباب ....

الزمن 11:15 صباحآ

المهم فتحت الباب ... الا أمي نزت من نومها ... أوبــــــــس بحصلي كم تهزيئه ....
أبتسمت وقلت وأنا أنقز على سريرها أبي أقرب منها : أعذريني يمه ...
بست راسها ... أسكــــتت .... عدتها هالمرة .... رميت عباتي ...
وقلت : يـــمه شفتي الدكتوره اليوم صرخت على وجهي قدام كـــــــــــــــــــــــــل الطالبات .... ياجعلها للهندري ...
أكيد مستغربين !! وشو الهندري ؟؟.. هذا دعوتي المفضله .... هو نوع من الحمى ... الشـــــديده .. تقتل ألانسان ... بعد ما يصاب بها .... الله يبعدنا وياكم .. عنها ..
تصدقون ... دايم أمي تهزئني ... أذا دعيت ... بس اليوم ساكته .... شسالفه ..؟؟
: يمه تسمعيني ..!!؟؟
أمي : دلع والله مو رايقه لحكاويك ..
لالالالالا أكـــــــــيد فيها شيء .... : يمه وشفيك ... يعورك شي ..؟؟
أمي وبدون سابق أنذار قعدت تبكــــي .... أيه أمي الغاليه تبكــــي .. شسالفه ؟؟ ... وشصاير ..؟؟
: من مـــــات ...؟!!
هذا اللي طلع مني ... أنتظرت الجواب بس ماأنطقت بشيء ..... غير : ياربي خذ روحي وفكــــني ...
أرتجفت لما سمعت دعوتها ... الله لا يقوله ... وأنا من يبقى لي أذا راحت الغاليه ...
مسكت يديها اللــــــــــــي على وجهها أببعدها وقلت وأنا خــــلاص بصيح : بسم الله عليك ... دخيلك يمه ....
شســـالفه ..؟؟
ضمتني أمي وقعدت تبكـــي بصوت عالــــــي .... أنفتح الباب وجاني صوت علي : وشفيكم ..؟؟

الزمن 12:7 ظهرآ

شفتوا كيف أن السعادة ماهي دايمه بحياتي .. توني كنت راجعه من المدرسه ابتسم .. وجيت لقيت الدنيا محيوسه .. آه بس ... الا مو آه وحدة .... آهـــــــــــــــات ..
أقولكم سالفة أمي .. أمي للحين من صدمه من أبوي ... تبكي .. سالفة أمــــــــــي طويله وأكيد عندكم وقت أقولها لكم .. بس وقفوا بصلي الظهر .. بعديــن أقولكم .. السلام عليكم ..
يالله تبغون اقول السالفه .. حطيت جلال الصلاة والسجادة فوق درجي .. وأنسدحت ع السرير ..

بدايتها ....

دخلت غرفة أمي ... وهذي أول مرة أتجرى أدخلها .... لانهم أذا كانوا بنقاش حاد .... أمي تأمرنا نروح .... بس ذاك اليوم ماكان بس نقاش حاد ....
الا كان صوت أمي هو الوحيد العالي ... لانها كانت تتألم ... أول مادخلت شفت أبوي يرفس أمي برجله .... وأمي ماغير تصرخ ....
حسيت برعب ... وبدت الافكار تهاجمني لما ماسمعت صوت لامي ..!! ماقدرت أتحرك رجليي مو طايعه أتحرك ... حسيت بالموت لما سمعت صرخت أمي لما مسك أبوي شعرها ...
وبدون أي وعي .. لقيتني أمسك يد أبوي اللي شاده شعر أمي وأعضها .. حسيت أني أتلذذ بتعذيبه مثل ماعذب أمي .... كان سماع صوته وهو يتوجع أغنيه جميله بأذني مالها مثيل ...
ماحسيت الا أنا بجنب الباب ومن بعدها نمــــــــــــــــــــــــــــــــــــــــــــــــ ــــت ....

دخلت بغيبوبه 3 أسابيع كان المتضرر هو راسي ... صار لهالموقف سنه ونص ..
وترا أنا أحس أن خوفي من أبوي هو هذا السبـب .... لا توقعون أن امي لهذا السبب تبكي ... لا تبكي بسبب أبوي .... لانه قبل شهر .... علمها أنه متزوج مصريه له خمس سنوات .... فهمتوا ليش أمي تعاني ....!!!!!َ
أنا أفهمكم زين .... تعاني لانها ما شافت من أبوي الا الضيم ... ومع ذلك تحملت ... بتسألوني ليش ..؟؟ ..
بقولكم عشان أثنين ... أنا وعلي ... شفتوا ضحت بثلاثين سنه .... وعاشت بأسى وتحملته .... بس هو خانها وتزوج غيرها .... شفتوا القهر ... !!

أأهه .. المهم خلوني أجيب لأمي غداء .. قمت من سدحتي .. تصدقون لها الحين ثلاث ساعات وهي ماطلعت من الغرفه ... علي بعد مادخل علينا .... وشاف حالة أمي طلع بسرعه ... من بعدها ماشفت رقعة وجهه .... وجلست لحالي ع سفرة الغداء ... بس ما أكلت مو طايقه شيء ...

الزمن 12:11 ظهرآ

: يمه تكفــــــــــــين لو بس ملعقة ...
امي : ما أبي ...
قلت : يمه عشاني تكفـــــــــــــــــــــــــــــــــــين ...
امي : دلع لا تجبريني ... قومي اطلعي ترى وربي راسي مصدع ..
عصبت وقلت : يمه راسك مصدع لانك لا اكل تاكلين ,, ولا شرب تشربين ... يومك يعدي بتفكير ... يمه ترى كذا تعذبيني ..
امي : دلع الله يخليك اطلعي ...
مسكت الصينية وطلعت من غرفتها ... بموووووووووت امي لا تاكل ولا تشرب ولا خلاص بمووووووووت ...
نزلت الاكل بالمطبخ ...

أوووووووف عليhoem weark ... أووف الله يعين بس ....
تصدقون اليوم كلش ماشفت واتي ... تتوقعون وينها ..؟؟ ... أيه ماعرفتكم عليها ... هذي الله يسلمكم خدامتنا الموقرة ... هع هع ... أوووووف أوووووف تعالوا شوفوا ... وش هالخدامه ... جالسه عند التلفزيون ... كلها من أمي دلعتها .. وهي عاد تمردت ... ياجعلها للهندري ....
شلت شبشبي وصرت امشي بهدوء ولما قربت منها صرخت : يييييييييييييييييييييييييييييييييييييييييييييييييي اي فااااااااااااااااااااااااااااااااااااااااااار فااااااااااااااااااااااااااااااااااااااااااااااااا اااااااااااااااااااااااار
نقزت ورمت الريموت من يدها وانكسر .. ياجعلها للهندري كسرت الريموت .. بغيت اصكها بشبشبي ...
بس كملت المقلب لما قالت : وينه دلا[دلع] وينه ...؟؟
قلت وانا أصرخ : تحتك وااااااااااااااااااااااااااااااااااااي ..
فقعت ضحك لما ماشفت الا غبارهــا خخخ .. خلها تأدب ... الله يخسها خربت الجهااااز ....
اصص وقفوا تسمعون اللي اسمعه!!! .. جوالي يدق ... ركضت ع الدرج بس التوت رجلي ... اححححح ...
ياربي وش هالحظ ... اووووف بس ..
كملت مشي ع الدرج ... احح والله تعور .. شسوي دفشششششششششششششششة ... الا عتراف بالحق فضيله ..
فتحت باب غرفتي ودخلت ... وين ذلف الجوال ... اووووف ... تكفى ياللي مشوين دقيت ارجع دق ...
بهالحظة دق ....

الزمن 12:30 ظهرآ

ترررن ترررررررررن ....
لفيت ... اووف من بينزل تحت .. ويفتح الباب ..!! وربي متعيجزه ...
دق مرة ثانية ... ترررررن ترررن ... طلعت من الغرفه وانا ماسكه رجلي ... احح الله يخس بليسك ياواتي .. وين طسيتي ..؟؟
ناديت : واتي واتي
اوووف بس ... فتحت غرفتها مافيه احد ... اوف وين ذلفت ..!!
نسيت امي وحالتها وصرخت : واااااتي
انفتح الباب بقوة ... نقزت متروعه ... طلع عله ,, قصدي علي : خير وش هالصراخ؟
قلت : من وين يطلع الخير وانا اشوف هالوجه ..!! اذلف افتح الباب احد يدق ...
دخل وضرب باب غرفته بقوة ... نقزت .. عمى يعمي شيطانك ... الله يرحم باب علة ...
صرخت : يامــلا الهندري ...
وقفت بنص الصاله ... يعني شلون ..!! انا افتح ..؟؟ ياربي اووف ... ياخي من فاضي يجينا بحزة الظهر ...!!!
نزلت الدرج بس وقفت ... لما شفت علي ينزل وراح لجهة الباب وفتحه ... سبحان مغير الاحوال ...
هاه هذا كانه صوت رايد ..!!! قهر كان ودي انا اللي افتحه .. وه فديته يسأل عن احوالي ...
بغيت اصرخ وأقول أنا بخيير بس سكت ...
ايوووووووووة ... جوالي يدق ... رحت مسرعه لغرفتي ... اوف وينه ..؟؟ اسمع صوته بس ما أدري وينه ..!! نقزت ع السرير وجلست الف المفرش والمخدات يمين وشمال .... ما دريت الا انا تحت السرير
: آآآآي ياظهري آآآآخ
حطيت يدي تحت ظهري ... لقيت الجوال يغني .... اخذته ورديت ... وأنا اتوجع : الوو
... : يامرحبا
ابتسمت وقلت بألم : مرحبتين .. اخبارك يالغلا؟
... : بخير .. تصدقين ماتوقعتك صاحيه .. انتي اخبارك منذو مبطي عنك ..؟؟
قلت : تمام .. شسوي مهاوي تدرين انشغلت بهالدنيا
مها : افا يعني انشغلتي ونسيتيني؟
قلت : لا ياعمري انتي عمرك سمعتي بأحد ينسى روحه!!
وبعد السؤال عن الاحوال سالتني ...
مها : فديتك دلع ها وش صار انخطبتي تزوجتي بغيابي ؟
ابتسمت مستانسه وقلت : انخطبت بس مو بفعل بس كلام
مها : لالا لاتقولين ..!َ!َ!َ
رفعت حاجب وقلت : ليه؟
مها : طيب من ..!
كنت مستانسه بس مابينت وقلت : رايد ولد خالتي
مها : اها وأنتي وافقتي؟
قلت : قلتلك بس كلام
مها : طيب اذا جبت لك شخص يعزك وهو من زمان يبيك ويسأل عنك و..
قاطعتها متروعه وقلت : لا الله يخليك ما ابي غير رايد
مها تشهق : خااااااااينه .. تحبين وما تقولين لي!؟
تورطت وقلت : لا وشو حبه وخرابيطه
مها : وشو حبه وخرابيطه هاه ..!َ اوريك يا دلع
ياليل قلت : اقول بلا خرابيط انا احب وش هالكلام(غيرت السالفه) المهم متى تجين لرياض اشتقنا لك !
مها : حتى انا ياقلبي (الحمدلله عدت سليمه)
قلت : طيب متى تجين؟
مها : ما أدري .. قلت لفيصل الاسبوع اللي فات قال بحاول القى لنا يوم
قلت : الله يعين
مها : اي والله
انفتح الباب بقوة وأيقت بس سكر الباب ماشفت حد من اللي فتح..؟؟ اما عله او واتي
مها : اخبار الدراسه ..!
قلت : والله ززززززززززززززززززززززززززززفت
{نسيت اعرفكم ع مهاتي .. هذي بنت عمتي .. متزوجه من فيصل .. ولد عمها لها ثلاث سنين ... ماعندها بيبي ولا شي .. ساكنة بالخبر ... صحيح المسافه قريبه بس ماتقدر تجي اي وقت ... مها طبعها هادية ماتحب تتعرف .. عصا مكنسه .. يعني عصلا .. اجمالي نحيفه ... اكبر مني .. عمرها 28بس احبها .. وما يهمني عمرها }

الزمن 12:55 ظهرآ

مها : دلع اكلمك بعدين
قلت : افا مليتي مني ..!!
مها : لايالغالية بس مشغولة(وطت صوتها وقالت)جاء فيصل
حبيت اهبل فيها فقلت : بس انا عندي سوالف
مها : دلع
خخ قلت : وشبك!
مها : اقلبي وجهك
قلت : على اي صفحه؟
مها : دلع
قلت : هلا
مها : مع السلامة
ضحكت وقلت : ههاي الله يسلمك
سكرت منها وناظرت مكاني و ضحكت ....
سمعت العلة ينادي ... موينادي الا يصرخ ... ... طلعت من تحت السرير ... وتلحفت موفاضية له .. مو كل دقيقة بسوي لهم القهوة ... يشربون قهوة واتي .. ويحمدون ربهم ويشكرررونه بعد ... شلت جوالي وحطيته بجيبي ... بقول لخالتي تجينا اليوم .. لنا اسبوع عنهم .. أبغها تقنع أمي تطلع نفسها من هالحاله .. والله كل يوم .. أتقطع مليووون مرة .. ما بيدي شي اسويه ... سمعت صريخ علي على واتي .. ايه تستاهل .. توي بغمض عيوني ... انفتح الباب .. طحت من السرير .. واليــــــــــــــــه .. قمت وقلت وأنا أصرخ : خيــــــــــــــــــــــــــر
بس تغيرت ملامحي .. لما شفت واتي تبكي .. رجف قلبي .. شصاير ..؟؟ حاولت اقوم مو قادرة
جت لي وقالت : بابا كبير يجي
صرخت وقمت مسكت الوسادة وطلعت لغرفة امي ... أكيـــد الحين بيذبحهــا ...
سمعت صوت علي يبكي ويصارخ : اطلع يبه اطلع
رحت بجمبه ورميت الوساده ع الارض .. وجلست اضرب الباب .. واضربه بقوتي ... ماكنت حاسه بنفسي .. كيف بحس وانا اسمع امي تصرخ ...؟؟؟ ماكنت عارفه شتقول ..!!! شسوي؟؟
مسكت الجوال وصرت اضغط الارقام بسرعه جنونية ... اذا دخلت الاسماء يبي لي ساعه لين القى رقم مها .. حمدت ربي أني حافظة رقمها ... كنت افكر اذا مها ماردت ... ابغى ادق ع خالتي أو سلمى ...
على ماردت ماعطيتها فرصه : ا ...
قلت : مها مها تكفين ساعديني (صرخت) ابوي بيذبح امي تكفين مها
امي : اااااه
رميت الجوال ورحت لباب امي ... لقيت علي واقف مصدوم ... ناظرت ابوي وهو منصدم ... واسرعت له وجلست ادفه وقلت : اطلع .. اطلع ... من حياتنا ... بتذبحنا!! .... اطلع (صرخت) اطـــــــــلـــــــــــــــــــــــــع
ابعد عني وطلع مسرع ... ناظرت لعلي شفته جالس يبكي
واتي : دلا

الزمن 1:00 ظهرآ

واتي : دلأ
دخلت غرفة أمي .. دورت واتي .. كانت تحت سرير امي .. رحت اتجاهها ... وشفت امي طايحه ... ماتتحرك ... ماقدرت امشي ... طحت على رجليي .. وقلت بصوت مبحوح : يمه
واتي تبكي : روه كلاس روه [روح خلاص روح]
صرخت وقلت : يمــــــــــــــــة ..

الزمن 1:30 ظهرآ

: خالتي والله ماتتحرك ..
خالتي : لاتخافين .. ادخلي ..
هزيت راسي وقلت : بروح معاك
خالتي : انتي تعبانة .. اقعدي
قلت : مو تعبانة موتعبانة (قعدت اصيح وشاهق ) خالتي الـ .. الله يسعدك ابـ .. ابي اروح والـ .. والله بس ابي اشوفها ...
خالتي : لاحول لله .. قومي ... بسرررعة ..
قمت مسرعه ... واخذت النقاب اللي طايح على ارضيت الصاله .. لبسته وطلعت وراها .. التفت يمين وشمال .. مالمحت سيارة الاسعاف .. اسبقتنا .. التفت لجهة سيارة رايد وركبتها ..
سلمت بس ما أدري سمعني ولا لا .. امي الحين لما اروح لها .. بتهاوشني .. وتعصب .. لاني خوفت خالتي بدون سبب .. ولاني بعد ركبت مع رايد .. اكيييد بتزعل .. ابتسمت وأنا أحاول اهدي واقنع نفسي ان امي بخير ..

الزمن 1:44 ظهرآ

: وبالتالي صار لها انهيار عصبي مع صدمه من ما سبب
قاطعته : لا لا لا .. ما أبي اسمع هذا الكلام .. لاتعذبني .. أنت قول بس هي بخير ..!؟
نزل راسه لورقه .. وايقت فيها .. ما أشوف غير خرابيط باللون الازرق .. ناظرلي وناظر لخالتي .. ايقنت .. وابتسمت .. امي مافيها شي .. الحمدلله الحمدلله .. بروح ادخل عليها .. وبقول زعلانة وماراح ارضى عليك الا لما توعديني انك تاكلين وتشربين وترجعين امي اللي اعرفها ..
: دلع
التفت على ورا .. ادور على مصدر الصوت أو بالاحرى الصراخ .. وطاحت عيوني على علي .. اللي كان في أول الممر .. رحت ركض .. ناسية انا وين .. كنت بس اسمع صوت ضرب نعولي مع دقات قلبي السريعه .. ضميته ..
وقلت بهمس : امي بخير .. امي بخير
طاح على الارض وقعد يبكي .. نزلت لمستواه ..
ابكي ..!! لالا المفروض تكونين قوية .. عشان اخوك .. يادلع .. لا تبكين ..
صرت احاول امسك نفسي .. عن البكى .. سمعت صرخه .. حسيت قلبي تجمد .. صرخة حرمة كبيرة .. الله يعينها ويصبرها .. أكيد فقدت احد عزيز ..
غمضت عيوني بقوة .. الله يصبرها .. الله يصبرها .. جاني صوتها تصرخ .. وناس تهديها .. ابعدت عن علي .. لما حسيته هدى .. ناظرت له .. شفته يناظر .. وراي .. ودموعه تنزل بصمت .. اكيد يفكر بنفس تفكيري .. لو توفت أمي .. وش بسوي .. بيصرخ زيها ..!؟
مسحت دموعه بيدي وقلت اخرجه من افكارة : علاوي .. خلاص .. لاتبكي ..
سمعت حفيف واحتكاك شي بالارض ... بعد صوت صراخ .. ماقدرت الف واشوف .. كنت اسمع الحرمة تنادي بأسم ..
: يماااااااه
ناظرت لعلي منصدمه وقلت اردد كلمته باستغراب : يمه !
لفيت وجهي .. قابلتني اقدام وكفرات .. ابعدت بسرعه .. ضربت حافة السرير بكتفي .. توجعت .. لفيت متجاهلة الالم .. متحمسه أشوف أمي .. بس ماكان فيه أحد .. غير حرمة جالسه .. و .. وقفوا ..!؟ خالتي ليش جالسه على الارض ورايد يهديها ..؟؟ معقولة أمي .. هزيت راسي ابعد هالفكرة .. لفيت على علي ماكان فيه .. ناظرت للمر أدور علي .. ماله وجود .. شسالفه..؟؟ .. لفيت لجهة خالتي كانت جالسه على احد الكراسي !!.. هاه .. توها على الارض .. كيف ..؟؟ طيب رايد وينه ..!! معقوله أتخيل .. أيه أكيد أتخيل .. لاني كنت افكر ... لفيت لما جاني صراخ علاوي ...
: ما أبي ابعدووا
اسرعت بخطواتي لجهة الصراخ .. التفت يمين .. يسار .. أدوره .. ما أشوفه .. بسم الله وين راح ..
: يماااااااااااااااااااااااااااااااااااااااه
لفيت على الغرفة اللي قدامي .. واسرعت لها .. ورصيت على قلبي .. يارب صبرني .. وأبعد هالافكار الشينه .. عن بالي ..
فتحت الباب .. ووقفت مبهمة .. ممرضتين .. علي .. سرير فيه شرشف ابيض .. مرتفع مبين ان فيه احد ..
اسرعت لعلي وبعدت يدين الممرضات عنه .. كان يبكي و يردد بصراخ : بشوفها لأخر مرة .. بس اخر مرة ..
ابعد عني بقوة .. طحت .. بس بسرعة تعدلت .. راح ركض لسرير .. وفتح الشرشف .. شهقت بقوتي .. قمت وقربت لها .. هذي .. معقولة .. بس الدكتور .. ما قال شي .. هو .. هو .. هزيت راسي بنفي .. لا لا مو معقولة ..
لمست وجهها البارد بيدي وقلت بتوتر : يمه يمه يمممه .. لالا تكفين .. (هزيت كتوفها بقوة ) يمه .. يمه .. لاااااااااااااااا .. تكفين لا تتركيني .. يمااااااااااااااااااااااااااااااه ... أبعدوا اتركوني .. يمه الله يخليك .. قومي .. قومي .. ابعدوا عنها .. ابعدوا .. لاااااااا ... تكفووون خلوها ... يماااااااااااااااااااااااااااااااه

الزمن 5:5 عصرآ

لا .. يماااه .. لا تكفين ... يماااااااااااااااااااااااااااااااااااااااااااااااا اااااه ...
قمت مفزوعه .. لقيت نفسي احلم ... ناظرت لغرفتي وانا اهدي نفسي ... وقلت : الحمدلله حلم يادلع حلم ...
حطيت يدي ع وجهي ... وقعدت ابكي ... ابكي بقوة مو قادرة اوقف بكي .. وشلون لو صار حقيقه ..؟؟ وامي ماتت وش راح يصير فيني ..!؟
ناظرت الساعة وقمت مسرعه بأتجاه الحمام .. توضيت وصليت .. طق الباب .. التفت عليه .. دخل علي .. استغربت ... نظراته العصبية ... تذكرت كان يتهاوش هو واتي ... فزيت بسرعه ... بروح لأمي .. شفت نظراته تتغير لتسأل عن حركتي الكثيره داخل الغرفة ..
قلت : امي وينها !!!
ما سمعت رده ... لاني طلعت بسرعه لغرفة امي ... بس قبل لأدخل .. لفتني شي يمشي بالصاله ... لايكون بيتحقق الحلم .. اكيد هذا ابوي .. صرت اتلفت بسرعه .. وطاحت عيوني ع المزهرية .. اخذتها ... ورحت لصاله
وقلت بصراخ : ابعد عنا
بس تفاجأت وقفت مكاني ..


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 7
قديم(ـة) 05-02-2010, 07:34 PM
صورة گبرتنــے الـבـيـاة الرمزية
گبرتنــے الـבـيـاة گبرتنــے الـבـيـاة غير متصل
©؛°¨غرامي نشيط¨°؛©
 
الافتراضي رد: لطفاً و رفقاً بي يا زماني / بقلمي


يالله حبايبي .. >> كثرووووووووووووووا من الردووود ..

تبغونـــي اكمل ..؟؟ زحلقوووووووووني بردودكــم ..

بانتظاركــم ..

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 8
قديم(ـة) 06-02-2010, 12:52 PM
صورة گبرتنــے الـבـيـاة الرمزية
گبرتنــے الـבـيـاة گبرتنــے الـבـيـاة غير متصل
©؛°¨غرامي نشيط¨°؛©
 
الافتراضي رد: لطفاً و رفقاً بي يا زماني / بقلمي


وربــي حرام عليكم .. 127 مشاهدة ولا رد واحـــــــــــــــــــــــد .. والله ظلم ..

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 9
قديم(ـة) 07-02-2010, 12:24 PM
صورة گبرتنــے الـבـيـاة الرمزية
گبرتنــے الـבـيـاة گبرتنــے الـבـيـاة غير متصل
©؛°¨غرامي نشيط¨°؛©
 
الافتراضي رد: لطفاً و رفقاً بي يا زماني / بقلمي


تــــــــــــــــــــــــــــــــــــــــــــابع ..

ولا تردون طبعآآ ..



كانوا حريم كثار ... خالتي , ماجده , عمتي , مها , منال , جيراننا , ناس ما عرفهم ...
وش صاير ..؟؟ مين هذولا !! مرت على بالي فكرة ... بس ابعدتها بســرعة ... ما أبي اصــدق ..
ماحسيت الا مها تضمني وتقول : فديتك والله
ناظرتني وعيونها حمرا قالت : اخبارك ..؟؟
هزيت راسي وأنا أنقــل عيوني بعيونها ...
حاولت تاخذ من يدي المزهريه .. بس كنت .. متمسكه فيها بقووة ..
جتني ام صالح من جيرانا وقالت بأنكسار : ماجورة يادلع .. وربي يرحمها .. واصبري يابنتي .. وادعي لها ..
عرفت ... كل شي يثبت هالشي ... بس مستحيل .. ايه مستحيل ... لا لا .... امي فارقت هالدنيا ..!! مو معقولة
ناظرت لخالتي اللي نزلت راسها ابيها تنكر .... بس سكتت .. ناظرت للكل ..
وقلت وأنا أحاول أكذب نفسي : وشفيـــكم ..؟؟
نزلوا روسهم ... ما أبي أصدق .. ابي احد يكذبني .. أكــيد هذا حلم ايه حلم ... غمضت عيوني وفتحتها لا مو حلم .. لالا مو معقوووووووووووووووووووووووووولة
صرخت وقلت : تستهبلون على منو ..؟؟ هاه !! امي ما ماتت .. مو معقوله امي انانية ماتفكر فينا .. وتروح .. انا وين روح اذا راحت ..؟؟ هاه !! ويـــــــــــــــــــــــــــــن ..؟؟
مسكتني مها بقوة وقالت : دلع استهدي بالله !!!َ
قلت بترجي : تكفين مها .. تكفين .. ريحيني امي وينها؟
مها تمسح دموعها : دلع ادعي لها بالرحمه
قلت وانا اصرخ : لاااااا .. تمزحووون علي ... ليش ماتفهمووووون أمي ما ماتت ... لا وينك يايمه لحقي علي ...
طحت ع رجولي وأنا أبكي واكمل : ابي امي ... يمه ... وينك ... ابي امييييييييييييييييي ...
حاولوا يوقفوني .. بس ماكنت قادرة اوقف صرخت : ما علي منكم خلووووووها بس دقايق ... طيب انا أروووح لها ... تكفووون ... طيب لو تقووول أي كلمه بس ماتروووح كذا ... تكفوووون ...
كانوا يحاولون يهدوني ويقوموني صرخت : ماأبي أتحرك الا لما أشوووفها ... يمه تكفيييييييين ...
قعدت أصيح وبعد مدة قلت بأستفهام : يعني وشلون ماتت مو معقوله ..
مسحت دموعي بقوة .. وقلت : أكيد بغرفتها .. بس أنتم ما تدرون ... أصلآ هذا كللللللللللللللله كابوس ..
قمت ... وابعدتهم عني ... وركضت بدرج .. بدون لاشوف شيء .. كانت دموعي مغرقتني .. طلعت لغرفة امي فتحتها ... مافي أحد ... يمين شمال .. مافي أحد .. رحت لمكان طيحتها قبل .. ما شالتني رجولي .. جلست ع الارض وانا ابكي .. صرخت : لاااااااااااااااا ... أمي وشلوون ماتت ...!!َ يعني ماراح ترجع ...؟ وشلوووون!! ... يعني خلاص ..؟؟ راحت ... آآآآآآآآآآآآآآآآآآه يايمه آآآه ...
حسيت بأحد يحركني ... ناظرت لعلي اللي يبكي وضميــــته ... وصرخت بألم وقهر وظلم : ذبحهــــــا ... ماتت ... ذبحهااااااااا .. أمــي ماتت .. يارب جعله مثل ماحرق قلبي على امي أنك تحرق قلبه .. حراااااااااام عليه الظالـــــم ذبحها وذبحنا معاها ..
كنت تعبانه .. بداخلي براكييين غضـــب .. صرخت بأعلى صوتي : ماتت امي ... يــبــه .. ماتت الغاليه ... وين اروح ..؟؟؟ هااااااااه ...!! وين ..؟؟ من اشكي له ..!! من يضمني ..؟؟ من يدعي لي ..!! يممممه ارجعي ... خلاص ... انا ماقدر اعيش بدونك .. ليه رميتيني بيد ظالم ..!! بيذبحني بكل ثانيه ..؟؟ ذبحني ... وحرق قلبي .. الله يحرق قلبه ... يارب الله لايسامحه لادنيا ولااخره .. يارب اشوف فيه يوم قريب ... يارب انتقم منه عاجلا غير اجل ... يارب دمره ... عذبه .. خذ حقي منه ... ياارب

القلب يحزن والمدامع غزيره في جوفي نارآ من لهبها تبكيت
والدار ظلما كانت أمي تنيره يايمه وينك من دونك خلا البيت
قلبي تفطر على الفرقاء المريره أمنت بالله وباأقداره ترضيت
الموت حق وكلن له مصيره وموت النبي قبلك يايمه تعزيت
هذا جلالك وريحك في عبيره كل يوم اشمه ولاشفته تهنيت
صوتك يايمه ياما حلا اثيره حنانك يمه يخليني تدفيت
يايمه من هو أجيله وأستشيره يعدلني لاشفت الصواب وتنحيت
يايمه كلن يناظرني بحيره من يوم رحتي وأنا اللي ما تواسيت
يا كم تعلم من معاني غزيره يا منهل التعليم منك تربيت
كم قصة قلتي وللماضي نسيره ولاجيت عندك سواليفك تسليت
ااااه يايمه لنظراتي الاخيره مليت كفي ترآب ثم تحنيت
أبشري يمه بدعوات كثيره كل ماذكرتك ولرحمن صليت

الاثنين 5|12
الزمن 7:12 مساء

خالتي : دلع دلع
لفيت ... وناظرتها
خالتي : دلع بنتي
طاحت دمعتي .. قلت : خالتي والله مو مصدقه
قربت لي وحضنتني وقالت : كافي انتي بس ادعيلها بالرحمه
مسحت دموعي وقلت : الله يرحمها
قامت ومسكت يدي وقالت : يالله قومي
ناظرتها بأسى وقلت : الحين!
هزت راسها وطلعت ... سكرت القران .. وشلت جلال الصلاة من راسي .. وقفت ... واخذت اغراضي ... ولبست عباتي ... جتني وجدان وحضنتني قالت : شحالك!
قلت بهمس : الحمدلله
مسكت يدي ومشت ... مشيت معاها نزلت لصاله ,, ووجدان طلعت مسرعه .. سلمت ع الكل .. مها , منال , عمتي , خالتي , ماجده , محسن ..
عمتي : لا وصلتي دقي ..
هزيت راسي ..
خالتي : انتبهي على نفسك ..
هزيت راسي ... خفت تطيح دموعي
ماجدة : لا تنسينا ...
الله يهديك ياماجدة ... ضميتها بقوووووووووة ... وقعدت ابكي
ابعدت لما جت مها : لا تقاطعيني واذا وصلتي لا تنسين دقي ...
مسحت اللي طاح من دموعي ... ومسكت شنطتي الصغيرة ... وطلعت لشارع ... ضايعه مو مصدقه اي شي ..!!!َ غمضت عيوني وقلت : اصحي يادلع اصحي
بعد مدة ... حسيت بأحد واقف جمبي ... فتحت عيوني وناظرت لرايد ... نزلت عيوني بسرعه
رايد : شلونك ..!َ
قلت بصوت مبحوح : بخير انت شخبارك؟
رايد : بشوفتك زين
سكت ... وانا قلت بسرعه : ما اطول عليك مع السلامه
ابتسم وقال : مع السلامه لاوصلتي دقي
سكتت ..
باس راسي ومشى ... اما انا وقفت بمكاني جامدة .. مستحية منه ... ناظرته وهو يمشي ... مدري ليه حاسه أن ودي أخنقه ...؟
وجدان : دلع
لفيت عيوني لوجدان ... مشيت لها بانكسار ... مومصدقه بروح بديرة ما أعرف الا اسمها ...!! بدون امي ..!!!َ
كيف ..؟؟ انا اصلا ماأحب انام الا وانا اسمع صوتها ..؟؟ كيف بعيش طول العمر وانا ماأشوفها ..؟؟ حسيت الدنيا تدووووور ما أشوووف شي ...


قمت وأنا أسمع احد يناديني ... قلت بتعب : يــ .. مــ .. ه
: أنا خالتك ...
فتحت عيوني بألــم ... ونقلت نظري على الكل ... جاني علي .. وطاح على صدري ... يبكي ... كان يصرخ ...
ويقول : لا تروحين وتتركيني أنتي بعد ... لا تروووحين ...
أبعدووه عني ... أما أنا لفيت وجهي وقعدت أصيح .. أبي أموووت .. كيف أعيش بدون أمي .. ؟؟ كيـــف ..؟؟
قمت وأنا أصرخ : أبــي أموووت أبــي أمووووت ...
حاولووووووووووووووا يهدووووني بس كنت أبعدهم عني بقوووووووووووووووووة وبقسوووة
طلعنا ... بعد ما هديت شوي ... كنت أمشي .. وأنا ما أشوووف شي غير دموعي ... وشلون بيوم وليله راحت الغالية .. آآآآه يايمه وينك .. آآه .. والله محتاجتك ..
رفعت يدي لعيوني .. وضربت أحد بالغلط ... وأختل توازني .. وطحت .. آآه تشوفين يايمه .. تغيرت .. صرت ضعيفة .. مهزوزه .. ما قدرت أواجهة .. وأصرخ بوجهة .. وأمنع خالتي .. أنها تملكني على رايد .. مـــا أبي .. أعيش .. بدونك .. مــا أبي .. ليتني أنا اللي مت ...
سمعت صوته يتأسف .. ماكنت فاضيه له .. مدري كيف صرخت وقلت : يمــــــــــــــــــــــــــــه تكفييييييييييين خوذييني معاك ... يمــــاااااااااااااااااااااااااااه
جتني مها وشالتني وهي تقول : حياتي تكفين خلاص قطعتي قلبي
قلت : مها تكفين خليني اروح معاها تكفين ..
وقعدت أصيح ..
مها تبكي : دلع وشفيك استغفري ربك
ابعدتها عني وصرخت : ابي امي ...

الزمن 8:15 مساء

بعد مدة ... ركبت السياره وقلت بهمس : السلام
الكل : وعليكم السلام
ناظرت للمشفى من النافذة .. واخذت نفس .. وغمضت عيوني .. كأني احفظ الصورة .. فتحت النافذة .. بشم ريحه ديرتي هذي اخر مرة بشمها ...
تحركت السياره ... ناظرت لرايد وهو واقف عند الباب ... كنت أناظره بألم .. أكرهك يارايد .. أكره كل رجال على وجه الارض ... ما حسيت متى طاحت دموعي نزلت طرحتي ماأبي احد يشوف دموعي كافي شافوها لمدة شهر ،،
جلست ساعات افكر بمواقف حصلت لي زمان

قبل ثمان سنوات

قلت : يمه بروح لوفاء (بنت الجيران)
ناظرت لي امي مستغربه : دلع من متى حنا نروح لحالنا للجيران ..؟؟
قلت : يمه بس هذي صقيقتي
صرخت امي : ولو ماتطلعين الا وأنا معك
خفت وقلت : طيب طيب

اووه تعالي شوفي يمه بروح لحالي بس مو للجيران بروح بعييد
تنهدت ورحت لمواقف كثيرة نجاحي , بكاي , كل شي

قبل 4 سنوات ... بوقت العصر ..

: اووف دلع وينك ..؟؟
قلت : هذاني جيت يمه
التفت لخالتي وقلت : ياحيا الله من جانا
ابتسمت خالتي وقالت : الله يحيك
وصلت لهن ونزلت الصينية من يدي
امي : يالله قهوينا من قهوتك
صبيت الفنجال بفخر وعطيت امي ... توني بصب لخالتي ... قالت امي : لا لاتصبين انتي بتذبحينا وش حاطه!!؟
تفشلت وماقدرت اتكلم

آه ليت ذيك الايام ترجع ... آآه بس .. اللله يرحمك يايمه .. الله يرحمك .. وصلنا المطار ونزلنا ... رحت لمكان خاص لصلاة وصليت .. طلعت .. توي انتبه لعلي ... شفت كيف صاير وجهه ... قمت ورحت له ..
وقلت : علي
ناظرلي وسكت قلت : وشفيك !
هز كتوفه قلت : يعورك شي ؟
اشر ع قلبه ... بست راسه وقلت : سلامته
ضمني وقعد يبكي ... ناظرت لوجدان وليتني ماناظرت ... كانت نظراتها شفقه ... انقهرت ... انطعن قلبي ... ليتني مت ولاشفت هالنظرات ... رحت اتجاههم بعد ماهدى علي وجلست .... نادتني وجدان كم مرة .... بس طنشتها اخاف اطلع حرتي فيها ...
دق جوالي ... طلعته من الشنطه وناظرت لرقم ... انقهرت ... واخذت الجوال ورحت لدورات المياة ... سكرت ع نفسي بأحد الحمامات ودقيت عليه اول مارد
هاجمته : انت وش تبي ..؟؟ هاه ..!! ذبحت امي وارتحت .. وش تبي ..؟؟ آه يالقهر ما أثبتت التهمه عليك ... ايه طلعت منها بواسطاتك
صرخ : دلع
صرخت مع أني تعبانه وقلت : لاتصرخ .. انت من انت ..؟؟ عشان تصرخ على وجهي هاه ..!!َ
صرخ : انا ابوك شكل امك ماعرفت تربيك !!!َ
صرخت وقلت : لهنا وبس ... لاتطري امي ع السانك .. اسمع علم يجيك ويتعداك ... لاتصلت مرة ثانيه بي والله لايجيك شي بحياتك ماشفته ... اتركنا ... انسانا ... أنا وعلي تبارينا منك ... لا أنت أبونا ولا حنا عيالك .. الله ينتقم منك يالظالم .. جعل حياتك تكون جحيم .. ياجعل عيالك يتيتمون .. مثل مايتمتنا ...
وسكرت السماعه وبوجهه ... ناظرت لجوالي برميه بالارض ... شفته دق اعطيته مشغول ...
كنت بصرخ بس هديت .. مسحت دموعي بعصبيه ... وقفلت الجوال ... اخذت نفس وطلعت ...
شفت الحريم يناظرون لي مستغربين ... طنشت ... ما هموني اللي همني ... اني اقوم من هالكابوس ... طلعت ..
شفت وجدان تأشر بيدها بسرعه ... اسرعت لها .. وشلت شنطتي ... ومسكت يد علي اعزي نفسي ع فراق ديرتي واعزيه ..


عاد عطوني رايكم .. مو تطنشون ..

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 10
قديم(ـة) 09-02-2010, 09:20 PM
صورة منـول الرمزية
منـول منـول غير متصل
©؛°¨غرامي متألق ¨°؛©
 
الافتراضي رد: لطفاً و رفقاً بي يا زماني / بقلمي


السلاااااااااام عليكم

كيف الحال ؟؟

باقولك حاجة وما تزعلي مني الخط مرة لونه يجيب الصداع وكله تحت بعض وماني قادرة أركز على جملة

سووووووري من جد لو عدلتي الخط ان شاء الله راح أقراه وأقيميك كمان

بايووووووووو



موضوع مغلق

لطفاً و رفقاً بي يا زماني / بقلمي ، كاملة

الوسوم
..!! , لــطـفآ , بــــ[يازم , ـاني]ـــي , ورفقــآ
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
غارقات في دوامة الحب / كاملة شخاميط خنفشاريه روايات كامله - يتم نقل الرواية هنا بعد اكتمالها 355 09-03-2019 07:24 PM
خاطري مكسور من قسوة زماني / بقلمي ، كاملة هبآل تآيم روايات كامله - يتم نقل الرواية هنا بعد اكتمالها 120 31-07-2012 12:11 PM
متى صوتك يفاجئني و يرجع لي زماني كان moonu أرشيف الروايات المغلقة - لعدم إكتمالها 10 29-12-2011 10:17 AM
بلاني زماني بواحد أناني / بقلمي pink g!rl أرشيف الروايات المغلقة - لعدم إكتمالها 81 25-07-2010 10:39 PM
غارقات في دوامة الحب ღ همسات دافئه ღ ارشيف غرام 762 01-06-2007 07:54 PM

الساعة الآن +3: 07:13 PM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


youtube

SEO by vBSEO 3.6.1