عنادي النادر يميزني ©؛°¨غرامي جديد¨°؛©

يسلموووووووووووووونيشن ع البارت

اتوقع انه تركي يحاول ينتقم من طلال الله العالم كيف راح ينتقم

نجووووووود هذا نصيبج ولازم ترضين فيه و الخيره في ما اختاره الله

ماجد ماتوقعت انه يروح لبيت عهد صدق انه يتصرف بدون وعي

الجازي يمكن صدمتها سياره

جاااااااااااااااااااااااااااااااري انتظار البارت الجااااااااااااااي

بريق الماااس ©؛°¨غرامي جديد¨°؛©

البارت التاسع عشر




يوم ثاني المغرب



فيلاابوتركي




احكي لكم شوي عن هالعايله



ام تركي متوفيه وساره عندها ثلاث سنين



ابو تركي



من كبار الضباط متقاعدحاليا



مأسس له شركات داخل وخارج البلد من بعد التقاعدتفرغ لأشغاله



مايتواجد الا نادرا وتارك مسؤلية عياله على اخته جواهر



طبعا انتوا عرفتو شوي من شخصيتها انسانه متسلطه لابعد حد



مايهمها احد غير عيالها والفلوس وكانت تتمنى انتركي ياخذ وحده من بناتها



ساره متعلقه في اخوها بشكل كبيرلان هو اللي رباها من بعد وفاة امها مع انه فارق العمر بينهم مو كبير مره




في غرفة سارة



رمت الجوال بعصبيه على السرير



ياربي وين رااااح جواله من امس مسكر..



كانت قلقه وخايفه اول مره يسويها



يعرف انها ماتنام قبل لايرجع



وهو من امس غايب ماتدري وين اراضيه..



دق جوالها



كانت سمر



سارة: الو



سمر : الواااات شلونك سارونه



ساره : الحمدلله



سمر: شفيك لايكون مشغوله والاشي



ساره بعبره: لا مافيني شي



سمر: ساره شفيه صوتك؟!



ساره ماتحملت بكت : سمر تركي مادري وينه من امس ماشفته وجواله مغلق



سمر: الله يهداك ياساره ..تركي بزر تخافين عليه تلاقيه مخيم مع خوياه..



ساره: لا مايروح من غير مايقولي ماسواهاقبل



انا خايفه عليه..



سمر تطمنها: ساره حبيبتي انت تطمني مافيه الاالعافيه شوي وتشوفينه ناط عليك..



ساره: المشكله اني ما اعرف احدأسأل عليه عنده..شسوي



سمر : انتظري لو مارجع لبكرهالصبح نفكر بحل الحين لاتستبقين الاحداث.. اهدي حبيبتي انا بسكر وبرجع اكلمك بعدين اوكي



ساره : طيب مع السلامه



*************************



فيلا ام مصعب



لا يمه ماله داااعي ...ينقال له ماشافني قبل..



ام مصعب: يابنتي ولو شافك هالمره بيكون غير وهذي الشوفه عاادة لابد منها



يالله يابنيتي لاتقصين وجهي عندبيت عمك ..الرجال له ساعه ينتظرك



عهد: خلاص يمه انا باخليها تجهزوتنزل انتي روحي ارتاااحي



نجود تطالع اختهابغضب



وراحت جلست علىالسرير..



ام مصعب وهي طالعه: الله يهداك بس ..



عهد قفلت الباب وراحت لغرفة التبديل طلعت فستان وردي قصير وصندل ناعم نفس اللون



حطتهم جنب نجود وسحبتها منيدها: يالله يانجود هذا امر واقع خلاص ارضي فيه وكمليه للآخر



اخذي لك شور سريع وانا بجهز لك اكسسوار يناسب لبسك



نجود تطالعها ودمعه متحجره في عينها نزلت راسهاودخلت الحمام
**********


في المجلس




مصعب وطلال ضحك وهبال




مصعب: وانا كنت اعتقد انك ركدت لمن خطبت ..اشوفك اليوم فالنها



طلال وهو يعدل شماغه: احم احماعجبك انا ..بيني وبينك بنات هالايام مايحبووون الثقيل



ولفوا على طقت الباب



طلال وقف متصنم مع دخلت نجوود



وهو يشوفها مبهووور بجمالها ..هذي ثاني مره يشوفها من غير جلال او عباه ..كانت حلوووه بفستانها.. وغرتها اللي تركتها سايحه على عينها ومكياجها الناااعم



صايره نعووومه مررررره



مصعب دز طلال وهمس له: مايحبووون الثقيل هاااا



ههههههه



نجود وعيونها بالارض : السـ..السلام عليكم



مصعب وطلال : وعليك السلام



مصعب وهو طالع لف لطلال: معك خمس دقاااايق لاتاااكل اختي هههههه



وطلع وسكرالباب



نجود ماتت حيا



طلال: كيفك يانجووود..



اجلسي اعزم عليك وانتي ببيتك هههه



جلست نجود على اقرب مكان من الباب



طلال مبتسم: ماااعض اناااا



وقام وجلس جنبها



حط يده عند ذقنها ورفع راسها باصبعه



غرتها كانت مغطيه وجهها ...بعدالخصله عن عينها



احس قلبي بيطلع من مكانه اااااه يانجود مو مصدق انك بتكوني لي خلااااص..



نجود.....



طالعيني..



رفعت عينها وتلاقت مع عيونه



في هاللحظه دخل مصعب ونجود وقفت على طول



وطلعت برهالمجلس



طلال خززززه بقهررر



مصعب حاط يده عند وجهه: لاتطالعني كذااا خلصت الخمس الدقاااايق



طلال ضام يده وهو رافعنها كانه بيعطيه بكس: خلصت هااااا



مصعب وهو يبعد: هههههههههههههه



.



.



صعدت ودموعهااا على خدها دخلت غرفتها



جلست على الارض وظهرها على الباب ضمت رجولهااا وبكت .. وبكت .....بكت حرقة قلبها ..بكت حبها الضائع ...اااااااااااااااه ياتررركي سااااااامحني



******************



فرنساااااا



فتحت عيونها تطااالع بالمكااان كل شي ابيض الجدار الفراااش



الأجهزه..



اناووين..



دخل سالم: حمد لله على سلامتك حبيبتي



الجازي بتعب: انا ليه هناااا...



ولحظه تذكرت



كانت تركض وما حست الا بسيااااره



غمضت عيونهااا.... وهي تذكرالالم اااه



حطت يدها على بطنها: ولددددي ..ساااالم ولدي صار فيه شي



سالم جلس جنبها ومسك يدهاااا



الجازي: لا ..لا ماراااح صح ...سالم رد علي ..



سالم: اهدي حبيتي اهم شي صحتك والله بيعوضنا ان شاء الله



الجازي بصراخ : لا ..لا ..اااااه



نادى سالم الممرضه اعطتها ابره مهدئه وناااامت



*************



فيلا ابوفهد



جنااااح محمد



دخل الصاله لقاها قاعده ببجامتهاتقلب في التلفزيون



حطت الرموت على الطاوله ووقفت



محمد بدون مايطالعهااا: للحين قاعده



نوره : انتظرك ..احط لك عشا



محمد وهو يتجه للغرفه: لاااا ماابي تعشيت



دخلت وراااه معصبه: محممممممد



ناظر فيهااا وهي واقفه ..وخق على شكلهااا كانت لابسه بجامه حرير احمر بارز بياااض بشرتها



محمد وهو يسيطر على نفسه:نعم فيه شي



نوره تقربت منه محمد خق ماتحمل قربها منه وهو يناظر بعيونها
وانفااااسها تلفح بوجهه
حط يده يلامس خدها وعينه تناظرشفتهااا



نوره حطت يدها على صدره...



ودفته لورا ..وعطته ظهرها



محمد ما استحمل حركتهاااا..مسك يدهاااا
ولفها له : مو انا يانوررره اللي تسوين معي كذا



نوره ونظرتها الحاده عليه: اتركنننني ..انت مالك شي عندي



مسك محمد شعرها وشدها له وصاروجهها عنده وصدره بصدرها: لا تتحديني..انا لابغيت شي أخذته وغصبن عنك موبرضااااك



ورماها على السريروطلع



قعدت تبكي بحسررره : ليه ياربي كل ماحاولت اتقرب منه وابدأ معه صفحه جديده يصير شي يمنعني..



ما اقدر..مااا اقدر.... الله يااااخذني وافتك من هالعيييييشه
**
بعد اسبوع الامورمستقره عند البعض والبعض قضاها بألم وهم وبعضهم بسعاااده وهنا




سعود حيااااته كانت هادئه نوعا ما ..العنود اغلب يومها تقضيه مع ولدها او مكالمات مع صديقتها نوف.. والليل تنام قبل لايرجع سعود ...لقئاااتهم كانت مرررهقليله..





وهو عايش احلى ايااام مع موضي ورجع مركزه مثل اولبالشركه..





راكااان والريم طلعااات وجلسااات حلوه تجمع بين قلبين تعاهدوا على الحب والاخلاص طول العمر





عهد وماجد مكالماتهم كثرت وحبهم لبعض زااااد رغم خوف عهد من ان يحووووول امرها مثل خوااااتها..





محمد ونوره كل واحد ينااام بمكان ومايكلمووون بعض..





طلال ينتظر الاسبوع الجاي بفارغ الصبر عشااان ملكته مع نجود





نجود اللي كل يوم تحس روحها بتطلع من الهم والحزن والشووووووق لحبيبهااااا





اما تركي له اسبووووع غااايب محد دره عنه واخته مقطعه نفسها بكي وكلمت ابوها يرد من سفرته عشان يشووووفه ويدورعليه





*******************





في الشركه





رمى الاورااق اللي في يده بقوة على الطاوله





:شنووو هذاياسعوود





سعود وهو يطالع بالاوراق وابتسااامه ماقدر يخفيها: حياااك يافهد استريح





فهد بقمة غضبه: موقبل ماتفهمني انت كيف توقع عقدالمشروع من غيرماتشاااورنا





سعود وهو يوقف: والله هالمشرووع صار له سنه على مكتبك يافهد وماحركت ساكن ..وانا ما ابي الاربااح تضيع علينا





فهد: انت عارف انه المشروع وعدنا فيه ابو ماجدوكان بيكون بداية ترااابط بين شركتنا وشركتهم





شلوووون تاخذه..الحين كيييف قصيت رقبة جديقدااامهم





شلوون بيقدر يواجههم بعد سواااتك ياسعوود





انت أزمت الامور اكثر ماهي مأزمه





سعود بعدم مبالاه: لاتكبر السالفه يافهد





ابو ماجد مو محتاج لمشروع صغير مثل هذا





شركته ماسكه اكبر المشاريع في البلد





فهد: انت هدمت كل اللي بنيناه طول الشهور اللي طافت من اجل تحسين العلاقات بيناوبينهم...





طلع بعدها فهد ونظرات سعود الساخره تتبعه





********************





في الجااامعه





الريم ونجود يتمشون





الريم : راكان يقول بنطلع المزرعه بكره ..





نجود وهي مالها خلق : انا مورايحه





الريم وهي تمسك يدها: نجود واللي يعاافيك ماتحلى الطلعه بدونك





نجود وهي تجلس على احد الكراسي : معك راكاان





الريم : ولو ما يغني عنك..





شفيك يانجوود خلاص انسيه كلها يومين وتكوني على ذمة واحد ثاني





نجود : قلبي مقبووض ياريم احس انه بيوقف...





الريم: لييييه





نجود بدت تبكي : احس انه فيه شي ..قلبي قابضني عليه وساره لها اسبوع غايبه ماتحضر





اكيد صاير لهم شي





الريم وماعجبها خوف نجود على تركي واهتمامها لانها صارت ملك لاخوها وماترضى عليه





خلاااص انسيه يانجوود





نجود بترجي: الريم لخاااطري بس هالمره دقي على ساااره



ابي اتطمن ..



الريم ياستسلااام دقت رقم ساره بعد كم رنه



الريم: الوو... شلونك ساره



ساره وباين على صوتها التعب: هلا فيك



الريم: وينك ياساره ليه ماداومتي لك كم يوم غايبه عسى ماشر



ساره بعبره ماخفت على الريم: ظروووف



نجوود كانت تطالع الريم وهي تتكلم وقلبها يدق بسرعه



الريم: صوتك ماعجبني قولي لي يمكن اقدر اساعدك



ساره وصوتها تبكي: تركي يالريم



الريم: تركي؟؟



نجود من سمعت اسمه خلااااص قلبها طااح



ساره : تركي له اسبوع ماندري وينه ..ومافي أي خبر عنه



الريم : شلووون وين راااح



نجوود هنا ماتحملت اخذت التلفون من الريم



ساااره شفيه تركي



ساره من سمعت صوت نجووود زادبكاها: نجوود ..تركي تركناااا



نجود: وينه تركي وين راااااح



صار له شي ..قولي ..تكلمي



ساره: مادري عنه ..ماااادري



قفلت نجود ودخلت في نوبه بكااااوهي تسب في حالها لانها السبب بكل اللي بيصير في تركي واللي صااارله



نجووود : ماراااح اسااامح نفسي لو صاااااار له شي



****************************



في مكاان ثاني باحدى افخم الشقق



كاان جالس بنفخ سيجااارته بقهر وهو يتذكر كل لحظه جمعته مع حبيبته



صعب اصدق يانجوود انك غديتي لواااحد ثاااني تعيشييين بحضنه وتتركيني..



ليييه استسلمتي ... ليه فرطي بحبناااا..ليـــه



قطع عليه افكاااره رنة التلفووون



تركي: من بيتصل علي هنااا محد يعرف الرقم غيرك يااامصعب



الو..



مصعب: ياااا اخي دوختنا وينك انت



تركي من غير نفس: هذا انت عرفت ويني فيه ..خييير



مصعب : افتح انا عندالباااب



تركي يتأفف: اوووه يامصعب مالي خلقك ..شتبي جاااي



مصعب: اقولك انا عند البااااب

تقولي شتبي ..





تركي قفل وبخطا متثاقله فتح الباب ودخل للصاله مره ثانيه رمى نفسه على الصوفا



مصعب وهو مو مصدق اللي يشووفه



المكاان حوووسه ودخااان السيجاير مسووي ضباب



هذا غير تركي اللي جالس بس ببنطلون وفانيلته مرميه باحدى زاواياالصاله



شعره طول وذقنه.. وتحت عيونه سووواد وكأن كبر ثلاثين سنه



مصعب:عسى ماااشر



تركي انت شمسوي بحااالك



تركي: ......



مصعب وهو يفتح الشبابيك ويسحب بكيت السيجار من يده: ناوي تنتحر انت بهالمكااان



تركي وهو ياخذ البكيت منه: ابعدعني يمصعب وخلك بحاالك



مصعب وهو يجلس جنبه: خير ياخوك قولي شفيك اهلك قالبين عليك المكان



تركي: ما ابي اشوف احد



مصعب: ليه ياخوك ..لاتخبي علي شي قولي شفيك ..



تركي في نفسه "شتبيني اقولك ...تبيني اقول انك السبب باللي قاعد يصير لي



وانك آخر وااحد اتمنى اشوووفه ..تدري ليه.. لانك السبب في بعدها عني ..لانك سلمت روحي لواااحد ثاااني...ولأنك .....لأنك تذكرني فيها كل ماشفتك"



*********************
ردووودكم ياحلويييين


عنادي النادر يميزني ©؛°¨غرامي جديد¨°؛©

يسلموووووووووووونيشن ع البارت

ماعندي توقعات لهذا البارت

جاااااااااااااااااري انتظار التكمله

كروزهـ ©؛°¨غرامي مشارك¨°؛©

وين رآكان ..؟؟

خساره مابوه رومانسيه بذا البارت ...,

بس برضووو حلووو ..

يعطيك العافيه ..

اتوقع انو تركي بيقول لمصعب السبب وبعدين مادري بس حاسه ان نجود بتلغي الملكه وبترفض طلااال ..

لااااتطووولين

بريق الماااس ©؛°¨غرامي جديد¨°؛©

الفصل العشرون




شقةتركي




كان واقف عند الشباااك وبيدهالسيجاره ينفخ دخانها.. وينفخ معها همومه: مصعب شصار على موضوعي




مصعب بارتبااك : أي موضوع..




رمى سيجارته ولف: موضوع الخطبه كلمت اهلك ..وميل فمه بسخرية والا شكلك نسيت ...




مصعب يمسح عرق جبينه مع انه جو الشقه بااارد: مالك نصيب ياتركي..البنت راحت لولدعمها




تركي ناظر مصعب بعيونه الحمرا المدمعه من تأثير الدخااان: طلال صح؟؟




مصعب نزل راسه : ايه طلال ...




وتقرب من تركي بعد ماعرف انه اكيد هذا السبب بحالته وحط يده على كتفه..كل شي قسمه ونصيب ياخوك ..والله يكتب لك اللي احسن منهاااا




تركي وقلبه ميت قهر في نفسه"على موووتي ياطلااال ان خليتك تاخذهاااا




********************




قصرالجد




ناصر: شقلت يايبا




ابو عبد العزيز: انا ماعندي مااانع انت شفت اخوااانك




ناصر كلمت اخوي ابو فهدوماعنده مانع ..يقول تغيير جو




نطلع الاربعاء ونقعد يومين ببيت الله ونرجع الجمعه




ابو عبد العزيز: كانوا يبون يروحون المزرعه وهذي صارت لبيت الله




بيفرووحون




ناااصر: خلاص يبا انا بجهز كل شي اليوم الاثنين يمدي نخلص امورنا ونبلغ البااقي




ابو عبد العزيز:على بركة الله انا بقوم امر على الشركه اشوف اوضاعها وانت كلم اخوانك واتفق معهم




ناصر بتردد: يبااا..




ابو عبد العزيز: خييير..




ناصر: قبل لاتمر الشركه في شي بقولك اياااه بس لااتعصب




جلس ابو عبد العزيز : تكلم ..بلوه جديده اكيد




ناصر: سعود وقع على المشرووع اللي كلمنا ابو ماجد عنه




ابو عبد العزيز وقف وبعصبيه: كيييييف




وان شاء الله بامر مييين ...




اخوك عنده علم؟؟




ناصر: لا يبا ابو سعود مادرى الا بعد ماتم التوقيع




ابو عبد العزيز: والحين.. شنسوي انا لي تصرف مع هالسعووووود... بس بعد مانرجع..الظاهر اني غلطت لمن سلمته التوكيل




ناصر: وشلون مع ابو ماجدالحين؟؟




ابو عبد العزيز: انا بدق عليه وبضبط الامور ما ابي اخسره ..مركزه في السوق بيسااااعدنا بالمرحله الجديده في الشركه






*********************




شقة سعود وموضي




موضي بغضب: يعنننني كيف تبيني اخليك تسافر مع ست الحسن وانا انطق هناااا




سعوود: حبيبتي اهلي اللي رايحين مو معقوله اخذك انت واترك العنود ومايصير اخذكم ثنتينكم




موضي : اجل خلاااص لاترووح




سعود: ما اقدر ياموضي انا دوبني حسنت علاقتي معهم..




وبعدين انتي ليه مزعله حالك كلها يومين..




موضي جلست وعطت ظهرهااا لسعوود وبزعل: اكيد يومين عندك بدووني ماتفرق مو مثلي الدقيقه بساعه ..




سعود حضنها من وراها: ياقلبي انتي تعرفين اني مالي غنى عنك




وهذا كله عشان منو...




يالله حبيبتي شيلي هالتكشيره وجهزي نفسك الليله عازمك على عشا باحلى وافخم مكااان




موضي لفت: ونتسوووق بعد




سعووود : ونتسوق ..كم موضي عندي




باسته موضي بخده وضمته : الله يخليك لي يا احلى سعودبالدنيااا




************************




عند البنااات




كانوا متجمعين على الغدا في فيلا ام مصعب




الريم: مادريتوا اخرخبر..




جنا وهي توقف: اناباقوووول




عهد خلصونا شعندكم: اكيدبنروح المزرعه ها ها ها قديمه




الريم وهي ترمي عهد بالمخده: محد قديييم غيرك




نوره : يالله جنووو قولي




جنا : بنروووح مكه يومييييين




عهد ونوره : والللللللللله




عهد: يااااي وناااااسه




نوره: كلنا كلنا بنروح؟؟




الريم: اااي كلنا...




الريم تطالع نجود اللي ساااكته وماعلقت بشي: نجيييييده اشوف ماعجبك الخير




نجود تطقها على راسها: نجييييده بعينك




البنااات ههههههههه




نوره تكلم نجود: فكيهااا يالله يانجووود كلها يوم ونساااافر وننبسط لا وبنخليهم يودونا المزرعه بعدمانرجع




الريم : أي والله بموووت وبشووف الرعد من رجع المزرعه مارحت شفته




دق جوااال عهد وقااامت تركض بره الغرفه تكلم




والبنات يضحكووا على هبااالها




جنا في نفسها" ما اطلع اليوم ياعههههد الا لمن اعرف سرهالمكااالمااات"




**************************




عهد: صدق ياماااجد يتروووح




ماجد: صدق يا روح ماجد ماراح افوت هالفرصه ..انتي بس قولي لي وين بتحجزون أي فندق ..




عهد: خلاااص حبيبي اول مااعرف ببلغك
*********************
فيلاتركي




ساره نطت من الدرج وبسرعه رمت نفسها بحضنه وهي تبكي




تركي يمسح على راسهااا : ..اشششش ..بس حبيبيتي




ساره ببكا: انت ووينك ..ليه تركتننننني




ورفعت راسها من صدرها ويدهاعلى وجهه..انت بخيييير




تركي بتنهيده ماخفت على ساره: بخييييير




...: شررررفت طااال عمرك




لف تركي شاف ابوه وراه: هلا يبااا




ابو تركي: هذا اللي مأمنه على بيتي وبنتي وحلااالي ..ممكن اعرف وين كنت مختفي




تركي :تعبااان ورحت اغير جوووفيهااا شي




ابو تركي: دامك مو قدالمسؤوليه كان قلت لي ادبر شؤوني بنفسسسي وماعتمد عليك يالهاااايت




الشركه اسبوع مانت بحواليهااا شوف كم رااح منها وكم واااحد لعب على كيفه بحلالي




تركي في نفسه" بس هذا اللي هامك يايبا ..حلالك..اقولك تعباان بدل ماتاخذني بحضنك وتشوف شلي متعبني ..انا ولدك الوحيد ماعمري حسيت بحنانك وخوفك علي كثر ماتخاااف على فلوووسك وحلالك"




ابو تركي: واختك اذا انت موقادر تتحمل مسؤوليتها بغيااابي من الحين تاخذ اغراااضها وترووح عند عمتك جواااهر




ساره بترجي لانها عارفه لو ابوها اصر فعلا بيخليها عند عمتها: يبا لا..لا..تكفى انا ما ابي اروح بيت عمتي




تركي ماتحمل وبانفعال: ساره مو صغيره تخاااف عليها ..ومستحيل تطلع من هالبيت ومابتعيش عند احد دام انااا موجووود ..




ابو تركي وهو رافع سبابته: انا هالمره بسااامحك على رفعة صوتك بوجهي لانك تعبااان على قولتك..




والله ثم والله ياتركي..ماراح تلوووم الا نفسك لو عدتها مره ثانيه




واختك ان مارضت تروح عندعمتها ..عمتهااا تجيهاااا




تركي : عمتي عندها بيتهااا.. يا يبااا




ابو تركي : انا لاقلت تجي تسكن هنا بتجي وان ماعجبك ..الباب ياسع جمل...




*************************




يوم الاربعاء




السيارااات جاهزه ومحمله




سيارة ناصر فيها البنات الريم ونجود وجنا وعهد




سيارة الجد يسوقها السايق وفيه الجد وابو سعود




سيارة طلال معه نايف وراكان




سيارة ابو فهد ام فهدوخدامتين




سيارة فهد فيها رولا وبنته والخدامه




سيارة سعود فيها ام سعودوالعنود وولدهم عبود




وسيارة محمد فيها نوره




طلعو فجر الاربعا ..طبعا سيارة ناصر في الصداره من الفلللله والرجه والهبااال




ناصر: انا غلطااان ماخذكم معي ..شلي بعوووار الرااااس




جنا :ههههه




اقووول ناااصر غني لناااااا




عهد: أي اطربنااااياللله




ناصر: مالقيتو الا انا بصوتي النشااااز




الريم خلااااص اعفينااااك جنوووو غني انتي




ناااصر : هههه انقلب السحرعلى الساااحر هههه




البنااااات ياللله جنااا ...جنااا..جنااا




جنااا: خلااااص خلاااص باغني...احم احم ..شتحبون تسمعووون






ناصر: أي شي يالله اطربيناااا على قولتك




جنا بصوتها الشجي يببحة حلوة






هلي لاتحرموني منه..




هلي لاتبعدوني عنه..






مثل ماهوه قطعة مني.....اناتراني قطعة منه...






يقولون: تحبه ..؟






أموت أنا.....أدوخأنا......والله ميت فيه.......






تحبه....؟ بعقلي و قلبي وروحي ياعلنيماابكيه....






هلي تكفون خلوني معه ولاتلوموني....






هلي ماأريد أنا غيرهولايغني أحد عنه,,,,,






هلي....الله يسامحكم إذا ماكان عاجبكم...هلي مليت ناطركم..هلي تكفون طالبكم.........






أحس بشوفه الجنة,,,,,,,,,,,,






حشاماكنت له جاحد....ولا أحب من طرف واحد....






شكيت( لراشد الماجد) وبسببكم ياهلي غنى,,,






هلي لاتحرموني منـــــــــــــــــــــــــــــــــــه







والكل تصفييييق وتشجيع




ما عدا وحده كلمااات هالاغنيه جمعت الدموووع في عينها
***********************
سيارة سعوود
كل شوي يرن جواله باتصال اوبمسج
وهو مره يكلم ويضحك ومره يقرأمسج ويبتسم
والعنود خلاص بتموووت قهر
ام سعوود: انتبه ياوليدي للطريق وابعد هالجوال عنك
سعوود: لاتخافين يمه وانتي معي.. اشوف الدرب زين
العنود: اوقف ياسعود
سعود: ليه شفيه
العنود : ابي ابدل خالتي بالمكان برجع ورى مع عبود تعبت
ام سعود : ايه اوقف خلي مرتك تاخذ راحتها بالوساع
ركن سعود بجانب الطريق
وقبل لاتنزل كانت تطالع جوال سعود الموجود بالنص بينهم لمن حطه سعود عند طرف شيلة العنود بدون ماينتبه
لمعت في بالهافكره
فتحت الباب وبرفعتها لشيلتها سحبتها بقوه وطاح الجوال على الرصيف وانكسر
سعود: شهالصوت شطاح منك
العنود تدعي الخرعه: يوووه هذا جواالك من وين طلع لي
ورفعته حطام واعطته لسعود اللي عينه صارت شرار
ام سعود: حصل خير ياوليدي فداااك
ابتسمت العنود وفي نفسها " هذي البدايه بس ..خليها تحترق بنارها تونا ببداية الطريق وعلى مانوصل ويكلمها تكون ماتت قهر"
**************
سيارةمحمد
صوت المسجل هو اللي ماااكل الجو
وكلمااات مقتضبه بينهم بين فتره والثانيه
بعد مشوار طويل ومتعب ممل للبعض
ووناسه ورجه لغيرهم...
وصلوا واعتمروا
بعدها اتجهوا للفندق اللي حجزوه لهم
اتفقوا البنات نجود والريم وعهد وجنا يكونون بغرفه
والشباب طلال وراكان ونايف وناصر بغرفه
وفهد ومرته وبنته بغرفه
ومحمد ونوره بغرفه
وسعود ومرته وولده بغرفه
ام مصعب مع الخدامات بغرفتين متجاوين بينهم باب ومدخلهم واحد
ام سعود وابو سعودبغرفه
وابو فهد وام فهدبغرفه
والجد اخذ له غرفه بروحه عشان يرتاح من ضجة الكل على قولته وصجتهم هههه
*********************
من التعب الكل نااام
على المغرب صحى الجد وكلم اولاده عشان يروحون الحرم لصلاة المغرب
بعد الصلاه الجد رجع مع الكبار
اما الشباب قرروا يطلعون يتمشون
*********
في الفندق
صعدو المصعد فتح على الدورالثامن
.
.
تصنمت في مكانها
: يـ....يبـاااا...
وطاحت مغمي عليهااا
الجد وابو سعود يطالعوون بذهووول في الحرمه الكبيره اللي واقفه قبال المصعد
وطااحت عليهم
الجد: هالصوت موغرييييب عني..
ام سعود وام مصعب ساعدوها تقوم ودخلوها غرفة ام مصعب
والمفاجأه لمن فتحوا غطاااهاا
ام سعووود: هـ.....هـــــذي ام ضاااري
ام مصعب وهي ترش عليها شوية ماي
ام ضااااري اصحي
فتحت عيونهاوناظرتهم
عدلت جلستها وبتعب : ابوي..شفته هذا ابوي صح
ام مصعب تضم ام ضاري : وينك ياااخيتي اشتقنااالك حييييل
ام سعووود: ما صدق هالسنين ماغيرت فيك شي
شلوووونك
ام ضاري : ابوي شلون ..وينه ابي اشوووفه
دق البالب وقامت ام مصعب تفتح
ابو سعوود من ورى الباب : شلونها الحرمه يا ام مصعب تتحتاج مستشفى نوديها
ام مصعب فتحت الباب: ادخل يابو سعود محد غريب
ابو سعود متفاجأ من كلامها: ليه الحرمه راااحت
ام مصعب : حييياك تعال شوف المفاجأه
دخل ابو سعود وانصدم: .....
منيـــــــره!!!
رمت نفسها بحظنه وبكت وبكى معها ابو سعووود
********
نرجع للرياض


فيلا ابوتركي


دخلت العمه جواهر ومعها بناتها وشنطه كبيره


جميله : والله مو مصدقه اخيرا بنعيش بهالعز..


دلال: اللي يشوفك يقول ماشافت خيربحياتهااا


جميله: واللي يشوف كل هالعز يحس انه قاااعدبخرااابه


حقهااا سويره تشوف روحها علينا


ايمااان : الا وينهااا حتى ماكلفت نفسهاتستقبلنااا


ام دلال(العمه جوااهر): اسكتو بس وجيبوااغراضكم خلصونااا تيناااا ...تينااا


تينا الشغاله: يس مدام


ام دلال: جيبي الاغراااض وورينا غرفنااا... قليلة الاصل ماتجي تبااااشر عمتهااا بس انااعلمها...


طبعا العمه جواااهرتعرفوها وبناتها بعداللي فرحوا موت انهم بيسكونون طول فتره غياب ابوتركي


الا دلال ..


دلال عمرها 22 سنه كانت تدرس بالاردن ومارجعت الا قبل كم شهر


هي الوحيده اللي تحب ساره وتدافع عنهااا
********


فرنســـا


تحسنت حال الجازي وسالم كان طول الوقت معها


واليوم قرروا يطلعون يعوضون الايام الصعبه اللي قضوها


طلعوا وركبوا السيارة وراحواعلى محطة باصات
الجازي : وين بنروح؟




سالم:بنروح لمكان مرتفعات



الجازي بخوف : ايش ؟ لالا انا اخاف من المرتفعات



سالم ابتسم على جبنها : لا تخافين راح تستمتعين صدقيني
وصلواللمكان المطلوب و حجزوا مكانهم في التلفريك ووقفوا في الطابور




الجازي ماسكة في قميص سالم ..





الجازي:فرضا طاح فينا ؟
سالم : قولي لا سمح الله الحين مارح يطيح الا فينا يعني




الجازي : انا اقول لو ... تخيل شي زي كذه نركب فيه وتحتنا جبال



بالكوم .. لو طاح تفتتنا




سالم : لا لاتخافين مارح يطيح



الجازي بمزح : لو مت مومحللتك



سالم:هههههههه لا بعيدالشر



الجازي: ابتسمت على روقانه وركبت في التلفريك
طالعت من تحتهم المنظر كان خيالي .... الجبال على قممها ثلوج والهواءبارد




طلعت الجازي
الكاميرامن شنطتها وصورت المكان .. سالم: هاتي الكاميرا اصورك
الجازي اعطته الكاميرا وصار يصورها واتصوروا مع بعض
اللي اعطاهم الحرية في التصوير انه التلفريك كان صغير وما يشيل اكثر من 3 .. وما كان في غيرهم




سالم : في مطعم على جبل الحين بنروح نتغدى فيه ... تبينه والا تبين نتغدى بمكان ثاني



الجازي: مممم ماادري بكيفك



سالم : خلاص هذا هو..



نزلوا من التلفريك وراحوا على المطعم اللي كان مزحوم بالناس
سالم : يوووووه شقد زحمة
الجازي: مافي غيره هنا
سالم: في .. بس ما يمدحونة
الجازي : اهاا .. طيب نمشي ..
سالم مسك يد الجازي بعزم : لا بندخل هذا .. لازم اذوقك منه .. اكله خيالي



الجازي ابتسمت: اوكي براحتك
دخلوا سالم والجازي بعد معاناه برى المطعم .. وأكلوا ما لذ وطاااب وهم مبسوووطين بالاكل وبروعة المكان



*****************


نرجع للملكه


شقةتركي


رائد: خلاااص ياتركي وعد مني اخلي طلال يختفي من على وجه الارض


وحبيبتك ماتاخذ غيرك


تركي وهو ينفث دخااانه: الملكه بعد كم يوم شبتسوي.. ما ابي احد يحس ان لي علاقه بالموضوع


رائد يدق على صدره: خلي الموضوووع علي


تركي في نفسه" انت اللي وصلتني لكذا ياطلال "


*******************


في مكة المكرمة


في غرفة الجد


ام ضاري تبكي تحت رجله: يبااا سامحني ..تكفى سااامحني


الجد بعدهابعصاته وعينه مغرقها الدمع: نسيتي ابوك سنين والحين تجيني ..


ام ضاري : غصبن عني يبا وانت عاااارف ...وهذا اللي فرقنا اخذه ربي امانته


الجد وقف: ماااات


ام ضاري: أي يبا مات ابو ضاري قبل ست شهور


وصدقني اني ماجيت بيت الله الا برجا يرحمني برحمته ويجمعني معك تحت ظلك منجديد


الجد وهو حااان لبنته: الله يرحمه رغم اللي سواااه ماتجوز عليه غيرالرحمه


ابو فهد: يبا خلااااص بسنا فرااااق سنين طويلة مرت مااجتمعنا


انسى اللي صاااار





ام ضاري توأم ابو سعود تزوجت وهي صغيره على واحد كان يشتغل مع ابوها بالشركه وبعد زواجهم بسنه اختلفوا بالشغل واخذ مرته وراحواالشرقيه ومنعها تزورهم اوتكلمهم


ولانها كانت حامل وتوعدها ياخذ ضناااها لو رجعت لاهلها استسلمت ورضخت ورجعوا بعدها للرياض واستقروا فيها.. واتفاجأت يوم ابوها يكلمها ويقولها انا خلاص ماعندي بناااات ولاعاااد توريني وجهك لين موووتي


مرت السنين وكانت كل ماتحاول تكلمه هو او واحد من اخوانها كانت تلقى الصد لين كبرت وكبروا عيالها وماااات زوجهاااا


عندها 3اولادو3بنات


ضاري اكبر عيالها عمره 40 سنه


متزوج بنت عمه منى وعنده ولدين وبنت


مزيووون ويشبه اهل امه


وليد عمره 35 متزوج عفرا وما الله رزقهم بعيااال


فيصل 25سنه توأم مع سوزان مزيووون مغازلجي ويحب البنات


سوزان حلوه مره بس مغروره


صبا20 حلوه وهاااديه مره


شجون18 سنه رجه وهبااال وفرررري بزياااده


**********************


عند الشباب بالمجمع


راكان والريم يتمشون لحاااالهم


نوره حاولت تحسن علاقتها مع محمد خاصه وهي تشوف فهد بقمة سعادته مع مرته


نجود وعهد وجنا بمحلات الاكسسوارات


نجود: خلاااص خلونا نجلس بالكوفي شوي تعبت


جنا : يالله


وهم يمشون انتبهت نجود: من ذاك الواقف مع الشباب


جنا : وين


نجود: ذاك اللي يسلم على طلال


عهد وقف قلبها وهي تشوف ماااجد


جنا: عهدشوفي مو نفسه الرجال اللي سبك ذاك اليوم بالموول


عهد تذكرت الحين وين شافته


نجووود: شكلهم يعرفون بعض


************


في الكوفي


ماجد: تسلمووون والله


ناصر: لا ..لا.. ماتردنا الغدا بكره عندنااا


ماجد وهو يضحك: خلاااص تم


وقفوااا...


نايف : خلاص بكره بعد الصلاه ندق عليك نتفق على المكان


سلمواا عليه ومشواا


طلال: ماتوقعته متواااضع كذا


ناصر : لاما شاء الله عليه


مصعب : وليه يشوف حاله احنا مو اقل منهم...


ناصر : اقول كلموا الباقي خل نرجع تأخرنااا


******************


عندمووضي


من امس ماغفت لها عييين:انا اوريك ياسعووود تقفل جوااالك ..


اكيييييدلاهي مع شينة الحلاااايا


رن جوالها


موضي : الوو


.....: صبااااح الورياورد


موضي وتغير مزاجها وبغنج ردت: صبااااح النور


....: شلووون الحلو اليوم


موضي : الحمد لله شلونك انت


...: مشتااااق لك ياقلبي...ماراح اشوفك اليوم


موضي: بعد ساعه تعااال انتظرك


...: والله .. وينه زوجك المصووون


موضي: سااافر لمكة مع اهله


....:يعني الجوخااالي


موضع بدلع: لاتتأخر


....: وانا اقدر ههههه سي يو حبي


****************


في الكوفي شووب


رائد: ابي افهم انت ليه عااافس حالك ...قلنا لك بننهي الموضوع مثل ماتبي...روقنااا يااخي


تركي: اسمع يارائد وافهم زيد انا ما ابي يصير له شي كل اللي ابيه انه مايملك عليهااا


رائد: هو يعرف انك تبيها؟؟


تركي : ما اضن..لا.. مااايدري..وعشان كذا اقولك لاتضره


رائد: لاتخاف ماراح اموته..خلي الموضوع علي


*****************


على الغدابالفندق


كانوا مجتمعين كلهم في المطعم


الكل كان فرحان بوجود العمة الغايبه واللي ماكان احد يدري عن وجودهاغير اخوانها


كانوا فرحااانين بالتمام شملهم وتعرفوعلى بعض


البنااات مبسوطين لان بنات عمتهم مقاربين لهم بالعمر


اخذو لهم ثلاث طاولامفصولات


الرجال واللي انظم لهم مااااجد وفرح الجد بشوفته في طاوله


والبنات في طاوله


وامهاتهم في طاوله لحالهم مع عمتهم


*****************


عند البنااات


عهد تكلم شجوون: يعني انتي بعمرنا انا وجنا


شجووون تضحححك: انتوا ثالث /ثاني صح بمدرسةالـ...


جنا : صح كيف عرفتي..


شجون مبتسمه : لاني انا بنفس المدرسه ثالث /اول


جنا بصرااخ: واللللله


طالعوها البنااات وبضحك


يعني طلعتوا بنفس المدرسه وماتدرووون


عهد : وناااااسه


الريم لفت لصبااا: لاتقولين انتي معانا بالجامعه بعد


صبابابتسامه عذبه: لا انا ادرس بمعهد


نجود: وناااسه فجأه طلعت لنااا عمه و بنااات عمه


سوزان: تقول امي عندنا خاله وينهاااا


نجود: عمتي الجازي توها مسافره شهرالعسل


شجوون : يعني صغييييره


الريم: يعني يمكن بعمرك سوزااان


جنا : انا بقووم اغسل من يجي معي


عهد : انابقوووم


شجووون: وانا بعدخلصت


وهم طالعين للمغاااسل


شجووون : ااووه هذا ضااري اخوي


طالعو فيه


جنا: يااااي يهبل


عهد ضربتها: بشويش سمعك الرجال


التف ضاري على صوتهم وتقدم لمن عرف اخته


جنا تعدل لثااامها وهي تطااالع فيه


ضاري : شجون مغاسل الحريم الجهه الثانيه واشر بيده


شجون: طيب.... وراحوا وعيونه تراقبهم


وانتبه لجنا اللي لفت له مره ثانيه وتلاقت مع عيووونه


**************
يالله ابي ردود تسر الخاطر ..

توقاااتكم


العايله الجديده وهل بيكووون لهم دوووور في حياااةابطالنا


تركي ورائد شلي يخططونه عشان تخرب الملكه وهل بيقدرون


العنووود وموضي من بينتصر منهم ويخرب بيت الثاني


جنا وضاري هل اللقاء اللي صااار عابر والا مخبي وراااه اشياء ثانيه


سارة ووجود العمة في بيتهم مع بنااااتها ..


عنادي النادر يميزني ©؛°¨غرامي جديد¨°؛©

يسلموووووووووونيشن ع البارت

اتوقع عيلة ام ضاري بيكون لها دور كبير في تغير امور العيله

تركي ورائد يخططنون ينتقمون من طلال يمكن يدبرون مامره عشان يتخلصون من طلال

شي اكييييييييد موضي الي بتتنتصر على العنوووود موضي شكلها تخون سعووود

جنا وضاري اللقا لقاء عابر

سارو ووجود العمه يمكن تصير مشاكل بينهم لانه دلالال الوحيده الي تحب ساره ف الاغلب انه بتصير مشاكل بين ايمان وساره

جاااااااااااااااااااااااااااااااااااااااااري انتظار البارت الياي

مبسمها عسل ©؛°¨غرامي جديد¨°؛©

وآآآو وآآو ..

تسمليـن يـآلغـآليـه..
وإنتظريـني أقرأهـآ ورد عليــتس..

عـآد أبي أكمـل آلأجزآء وقدآمي بـآرت..هههههههه..


apple12 ©؛°¨غرامي جديد¨°؛©

ليش حبيبتى ما تكملين الرواية لان عن جد كتاباتك مميزة ماشاء الله . بليز كمليها

أدوات الموضوع البحث بهذا الموضوع
البحث بهذا الموضوع:

بحث متقدم
طريقة العرض

موقع غرام موقع سعودي خليجي عربي يحترم كافة الطوائف والأديان ومختلف الجنسيات
جميع الحقوق محفوظة منتديات غرام
iTraidnt by ROMYO
جميع الحقوق محفوظة منتديات غرام
iTraidnt by ROMYO

SEO by vBSEO 3.6.1