غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام

عـودة للخلف   منتديات غرام > منتديات روائية > روايات كامله - يتم نقل الرواية هنا بعد اكتمالها
الإشعارات
 
أدوات الموضوع طريقة العرض
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1
قديم(ـة) 11-02-2010, 02:15 PM
صورة نار الانتقام الرمزية
نار الانتقام نار الانتقام غير متصل
©؛°¨غرامي فعال ¨°؛©
 
B10 روايتي الأولى : أنا سراب ؟ أم إنتقامي سراب ! / كاملة


السلام عليكم
شلونكم ؟؟؟؟؟؟؟؟؟؟ شخباركم ؟؟؟؟؟؟؟؟؟؟؟؟
الصراحه هذي اول روايه لي وانا قررت اكتبها في هذا المنتدى العزيز
قريت فيه وايد روايات وشفت التفاعل من قبل الاعضاء وكلي امل اني ألقي نفس الترحيب و التفاعل
روايتي خياليه من نسخ بنات افكاري
وهي بعنوان ::: أنا سراب أم .....انتقامي سراب :::::

.~ .~ ~. ~. ~. ~. ~. ~.~ ~.~ ~.~ ~.~ ~.~ ~.~’

روايتي تتحدث عن مشاعر ربما عاشها البعض و البعض الاخر سمع عنها بالقصص
مشاعر متضاربه بين الحياه و العيش لأجل ماذا؟؟؟؟؟؟؟؟؟؟؟
بعضنا يعيش لأجل الاسره أو المال أو الاصدقاء أو الحب أو الانتقام أو...... أو ......أو .......
و البعض الاخر يعيش بلا هدف في الحياه لدرجة انه يتمني الموت و لا يحصل عليه
مشاعرنا لا نستطيع التحكم بها فالبعض يتبع العقل أو يتبع القلب أو يتبع الاخرين وفي النهايه كلنا نخسر
روايتي تتحدث ايضا عن الخيانة وليس اي خيانه خيانة الاهل وهي تعتبر اشدها قسوة على الانسان
عندما تجد الاشخاص الذين يجب ان يحموك من قسوة الزمان هم سبب مأساتك و معاناتك
عندما تنزل دمعة قهر و مراره يجب ان تجد يد الاهل تمسحها و لكن تنصدم بأنهم هم السبب في نزولها
وكل هذا لأجل ماذا ؟؟؟ لأجل ذنب لم ترتكبه ليس لك به شئ
فتولد مشاعر الحقد و الكراهيه و الرغبه بالانتقام لمن؟؟؟؟؟؟
لأهلك و عزوتك في هذه الدنيا

فهل يستطيع الزمن ان يمحوا الماضي بما فيه من احزان و مأسي و غربه و وحده قاتله تقتل الانسان من الداخل؟؟؟؟؟؟

هل يستطيع الحب و الموده أن يزيل الحقد و الكراهيه من القلب الجريح و النازف؟؟؟؟؟؟؟؟؟؟؟؟؟

هل يصدق المثل الذي يقول (( ان الدم عمره ما يصير ماي )) أم ان زمن الامثال قد وله ؟؟؟؟؟؟؟؟؟

هل يجب ان تكون النهايه سعيده كما في الروايات و الافلام أم حزينه كما في الواقع الحياة؟؟؟؟؟؟؟؟

هل ...... وهل ......... و هل............ اسئله كثيره بلا اجوبه

ارجوا لكم قراءه ممتع


.~ .~ .~ .~ .~ .~ .~ .~ .~ .~ .~ .~ .~ .~ .~ .~ .~ .~ .~ .~ .~ .~ .~ .~ .~ .~ .~ .~ .~ .~


في مدينه بفرلي هيلز الشهيره استيقض من كوابيسه المعتاده إلا ما خلته من سنين دخل الحمام غسل ويه طلع لبس
روبه الازرق الحرير و خرج من غرفة النوم مشي في ممرات القصر الهادي نزل لتحت و راح لحديقة الورد الاحمر
لقاها قاعده على الكرسي شافها بنظرة حزن و انكسار على حالها و كلم نفسه آآآآآآآآآآآآآآآآه يا أختي الوحيده
انحرمتي من اصغر حقوقك ليتني أقد أغير القدر إلا انكتب علي و عليج تنهد بحزن وألم غمض اعيونه حيل و فتحها
وهو مصر على إلا في راسه و تفكيره رسم ابتسامه كاذب و لبس قناع الفرح و البهجه على شانها و راح لها
وقال بكل فرح : صباح الخير و العسل و الورد لأجمل وأحن اخت في هذي الدنيا
ألتفتت اخوها الوحيد وسندها في هذي الدنيا الغداره وقالت بحزن : انت لو يدرون عنك منظمين الاوسكار شان
عطوك الاوسكار بدون تردد عبودي لا تحاول اتمثل على انا اعرفك نفس ما أعرف نفسي
عبود يكمل تمثيل : اولا انا ما قاعد امثل انا انسان عفوي ثانيا ليش قاعد اهني قومي خلينا نتريق ريوف ملكي داخل
و ابتسم ابتسامه عريضه عشان ما تشكه فيه
ابتست ابتسامه خاليه من الفرح : كل هذا وتقول مو قاعد تمثل يا عبود أنت ضان انه ابتسامه أو ضحك راح اقدر انسى
عبودي رمه القناع و ختفت الابتسامه : مدام جذي ليش ما تريقتي لحد الحين ؟؟؟؟؟؟؟
قالت : ما شتهي اكل ....... اكيد قالك ستيفن
عبودي قعد يمها وحصنها لصدره :لا ما قالي و قلد صوتها: بس اعرفج كثر ما اعرف ماي سلف
رفعت راسها : لا تقلدني ما أحب احد يقلدني أحب اكون فريده من نوعي
ابتسم وقالها: تدرين ليش انتي فريده من نوعج
قاطعته : أي ادري لأني ... وقالوا اثنناتهم بصوت واحد: أخت عبودي الحلو وبنت عزوز القمر
قالها: شاطره حافظ الدرس عدل و قام ومسكها من ايدها ودخلوا عشان يتريقون بعد ما خلصوا صعد عبودي عشان
ياخذ دش و غير ملابسه لبس بدله سوده مع كرفته حمره مشط شعره لبس ساعة بوليس تعطر من ذا ون
نزل سلم على اخته و راح لشركه عشان يكلم ابوه في موضوع وايد مهم


هذا عبد الرحمن يدلعونه عبودي عمره 26 سنه عانه وايد في طفولته و مراهقته عانا أكثر يموت على اخته الوحيده
حاصل على ماجستير في الاقتصاد تقدر تقول عند قدره على اقناع الاخرين أما مظهره شعر بسواد الليل وعيون
بلون الرماد وبشره بيضاء جسمه مائل لنحافه تعطيه عمر 20 - 21 سنه هواياته الكراتيه و الرمايه
سراب 21 سنه دلوعة عبودي بس ما شافت الدلع عانت وبشده في طفولتا و مراهقتها
تخرجة من الجامعه تخصص اقتصاد ومقرره تدرس ماجستير ( بتقولون 21سنه و متخرجه شلون ؟؟؟؟ راح تعرفون
مع الاحداث) مظهرها نفس عبود شعر اسود عيون رماديه بشره بيضاء لدرجة ان الكل يعتقد انهم توأم هواياتها
القراءه و الرمايه



.~ .~ .~ .~ .~ .~ .~ .~ .~ .~ .~ .~ .~ .~ .~ .~ .~ .~ .~ .~ .~ .~


توقعاتكم

ابليز لا تكسرون بنفسي

راح النزل البارت الثاني إذا شفت فيه تقاعل


حقوق الطبع و الكتابه و التأليف ل... نار الانتقام


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 2
قديم(ـة) 11-02-2010, 02:17 PM
صورة امنيات طفل الرمزية
امنيات طفل امنيات طفل غير متصل
©؛°¨غرامي مشارك¨°؛©
 
الافتراضي رد: انا سراب.. أم .......انتقامي سراب \ روايتي الاول لنار الانتقام


بدايه موفقه

الله يعطيك العافيه


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 3
قديم(ـة) 11-02-2010, 03:15 PM
صورة الزعيـ A.8K ـمه الرمزية
الزعيـ A.8K ـمه الزعيـ A.8K ـمه غير متصل
δЯέαмş
مستشــ¸.·* غرام *·.¸ـــاري
 
الافتراضي رد: انا سراب ؟ أم إنتقامي سراب ! / روايتي الاول لنار الانتقام


,’


بسم الله
و عليكم الســلام و الرحمــة


يعطيك العــافية
بدايــة حلوة لكن يا ليت تراجعين الأخطــاء الإملائية الموجودة لإنهــا تشوة أي نص أدبي مهمــا كان جمــاله

موفقة إن شـــاء الله
https://forums.graaam.com/238622.html



,’


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 4
قديم(ـة) 12-02-2010, 02:28 AM
صورة نار الانتقام الرمزية
نار الانتقام نار الانتقام غير متصل
©؛°¨غرامي فعال ¨°؛©
 
رد: انا سراب ؟ أم إنتقامي سراب ! / روايتي الاول لنار الانتقام


السلام هذا البارت الثاني


::: اعلان :::: نعلن عن بدأ اقلاع الطائره المتوجه إلي رواية أنا سراب ؟ أم انتقامي سراب!
متمنين لكم رحله سعيده على متن خطوط نار الانتقام لطيران الرجاء ربط الاحزمه ::::



.~ .~ .~ .~ .~ .~ .~ .~ .~. ~. ~ .~ .~ .~ .~ .~ .~ .~ .~ .~ .~ .~ .~ .~ .~ .~ .~ .~

بعيدا عن اجواء بفرلي هيلز في الكويت الحبيب و بأرقي مناطقها يسكن عبد الرحمن حمد ال....... المعروف به أبوفيصل
كان اليوم الجمعه اليوم إلا يجتمع فيه أعياله كل أسبوع غير الزيارات كان قريب من وقت صلاة الجمعه
قاعد على الجلسات الارضيه و يمبه زوجته
ابو فيصل : وين ولدج صار الضحي العود و ما قام من النوم متي حضرته يبي يقوم روحي قوميه هذي آخرة دلالج له
ام فيصل : شفيك اليوم معصب توني مقومته وقال راح ينزل
ما كملت ام فيصل جملتها إلا خالد داخل عليهم راح باس راس ابوه ثم امه وقال: صبحك الله بالخير يا حمني
أبو فيصل عطاه نظره سكته وقال: استح على ويهك ريال طولي بعرضي بشيبتي تقولي حمني كأني اضغر أعيالك
وله لا يكون انت ابوي وانا ما ادري
خالد: بل بل بل كل هذا على كلمه يا كلمه ردي مكانج و بعدين عاي يباه شنو فيها إذا الولد يدلع ابوه
ابو فيصل طنش كلام ولده وقال : أنت الحين شنو سالفة السهر لويه الصبح إلا طالعلي فيها ؟؟؟؟؟؟
خالد وليه بده التحقيق : يباه عادي شباب ونستانس ما فيها شيء
ابو فيصل : شنو شباب اشوف أخوانك لمن كانوا بعمرك ما كانوا يتأخرون عن ال 10 وانت لين نص الليل
اشوف كاه عيال اخوانك ما يتأخرون نفسك
خالد : ومن قال حمود وعلاوي دايما معايه ماشوف فيصل وأحلام قاله شي
أبو فيصل يفتح اعيون على الاخر و يقول بصدمه : حمد وعلي معاك واحلام وفيصل ما تكلموا ولاقالوا شي و
لاقالولي انا اراويكم
خالد وليه رحنا فيها اليوم ابوي وفيصل الله يستر علينا
ابوفيصل : قوم حنروح نلحق على الخطبه والصلاه وحسابك بعدين انت و علي و حمد
قاموا أبوفيصل وخالد على المسجد و راحت أم فيصل تشيك على الغدا علشان أعيالها راح ايون وره صلاة الجمعه
وفعلا بس خلصت الصلاه يوه اعيالها
خليني اعرفكم بعايلة ابوفيصل و عياله
ابوفيصل (عبد الرحمن): ريال عنيد و صارم وعصبي كلمته ما تصير ثنتين رجل اعمال معروف يملك شركات وعقارات
يعتمد على ولد الكبير فيصل لانه تربيته
ام فيصل (نورة) : امراه طيبه وكل ما قال زوجها كلمه قالت نعم ولا تعارضه تموت علي اعيالها و احفادها
فيصل (ابوحمد): ولد عبد الرحمن الكبير نسخة ابوه المصغره يعتبر ذراع ابوه الايمن صارم وعنيد
ساره (ام حمد ): مدرسه متقاعده بارده تحب اعيالها وايد وخصوصا روان عشان وحيدتها
حمد : 27 سنه حاصل على دكتوراه في إدارة الاعمال عكس ابوه متساهل يحب الضحك و الوناسه ودايما هواش
مع خالد و علي مظهره يعتبر أجمل الشباب
ناصر: 24 سنه يدرس طب بره و قريب راح يرجع
روان : 21سنه دلوعة البيت تدرس علم نفس في الجامعه طيب وحبوبه ومتواضع هي المتحجبه الوحيد من البنت
مع حنان وكل الشباب يعتبرونها أختهم
عبدالعزيز : 19 سنه يدلعونه عزوز اول سنه له في الجامعه تخصصه هندسه مغازلجي هو و ولد عمه بدر
لآخر العنقود نورة: 12 سنه تدرس في المدرسه
عبدالله (ابو سلطان): طيب و حبوب ما تصدق انه فيصل اخوه ولو طاحوا الشباب بمشكله اول واحد يلجأون له
منال(ام سلطان ): مراه مغروره وشايفه نفسها على الناس تحب المظاهر والفخفخه
سلطان :24سنه يدرس مع ناصر طب في المانيا
منار :20 سنه تدرس في الجامعه تخصص أداب صديقه روان بس هي خجوله وما تحتك في الناس تموت على
ناصر بس تخاف ما يادلها نفس الشعور
بدر: 19 سنه داخل هندسه علشان عزوز ولا هو ما كان يبي هذا التخصص مغازلجي و يموت على السباقات و التقحيص
شهد :17 سنه داخله علمي تموت على الرياضيات دافنه نفسها بين الكتب
أخر العنقود نوار: 11 سنه في المدرسه
أحلام ( ام علي) : ارمله مات زوجها وقامت تربي اعيالها ما تزوجت بعده طيب بس اتقي شر الحليم إذا غضب
ينطبق عليها
علي: 27 سنه نفس ولد خاله حمد حاصل على دكتوراه بس لو تشوف اشكالهم و تصرفاتهم تقول هذا وين و الدكتوراه وين
حنان : 25 سنه متزوجه من ولد عمها جاسم و عندها خالد سنتين ونص و هي حامل بالشهر الثالث
لولوه : 22 سنه مغروره وشايفه نفسها تعتبر اجمل بنات العايله تدرس علم نفس مع روان شوي جريئه تحب حمد
لأنه................. بعدين تعرفون
أخر العنقود اشجان : 18سنه يدلعونها شجونا نفس جمال لولو بس هي متواضع تدرس بالكلية التربيه تخصص رياضيات
أخر عنقود ابو فيصل خالد : 28سنه أخر عمره سنه علشان يدرس مع عيال اخوانه



.~ .~ .~ .~ .~ .~ .~ .~ .~ .~ .~ .~ .~ .~ .~ .~ .~ .~ .~ .~ .~ .~ .~ .~ .~ .~ .~ .~ .~ .~ .

نعلن عن هبوط الطائره شاكرين لك حسن اختياركم للخطوط نار الانتقام للطيران آملين بزيارتكم مجددا
وشكرا



الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 5
قديم(ـة) 13-02-2010, 12:34 AM
صورة ج ـنونـ بنوته الرمزية
ج ـنونـ بنوته ج ـنونـ بنوته غير متصل
©؛°¨غرامي فعال ¨°؛©
 
الافتراضي رد: انا سراب ؟ أم إنتقامي سراب ! / روايتي الاول لنار الانتقام


هلآ واللهـ غلاي

يعطيك العافيه ..وتسلم يدك ..

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 6
قديم(ـة) 15-02-2010, 06:23 PM
صورة نار الانتقام الرمزية
نار الانتقام نار الانتقام غير متصل
©؛°¨غرامي فعال ¨°؛©
 
الافتراضي رد: انا سراب ؟ أم إنتقامي سراب ! / روايتي الاول لنار الانتقام


هاي أم باككككككككككككككككككككككككككككك



.~ .~ .~ .~ .~ .~ .~ .~ .~ .~ .~ .~ .~ .~ .~ .~ .~ .~ .~ .~ .~ .~ .~ .~ .~ .~ .~ .~

ترجع لبفرلي هيلز

بعدما خرج عبودي للشركه توجهت سراب إلى جناحها مسكت الكتاب وجلست تقراه في هدوء



وصل الشركه وفتح البودي قارد الباب و دخل عبودي الشركه وبدأ الموظفين يصبحون عليه نوجه إلى مكتب ابوه وفتح الباب ودخل المكتب الفخم الراقي كان الديكور من خشب الفخم اعطت الغرفه طابع حلو وهادي وكان فيه لوحه كبر الجدار له مع ابوه وسراب
ادم كان قاعد يراجع و يوقع على بعض الاوراق دخل عليه ولده إلا رباه وانفق عليه و كبراه _______(((الكلام
بالا نقلش وراح اترحمه)))_____
ادم بابتسامه : هاي عبودي شلونك؟؟؟؟؟؟؟؟؟؟؟؟؟؟؟؟؟
عبودي: انا زين دادي بس ابيك بموضوع وايد ضروري دادي بس ما ادري شلون ابدي ؟؟؟؟؟؟؟
ادم بقلق : عبود تكلم فيك شي ؟؟؟؟؟؟؟؟ محتاج شي ؟؟؟؟؟؟؟؟
عبود شاف ادم ثم قال : انا ابي ارد ديرتي و اشتغل اهناك و باخذ سراب معاي وكمل بجديه أكثر: لازم اصفي
حساب قديم انا اجلته وايد
ادم تنهد: عبودي انا حسبت ابوك ..............
قاطعاه : لا تكمل دادي انت ابوي صج مو حسبت ابوي ابوي لمن مات انت تكفلت فينا و ربيتنا بس انا واختي عانينا ودفعنا الثمن غالي ولازم الحين ارد عشان اسدد الدين
ادم ابتسم : انت قلتها يعني كل هذا الحلال والافلوس لمنوا ؟؟؟؟ لك انت مع سراب خذ ما تبي من الافلوس وإذا
تبي استشاره انا حاضر
قام عبودي وحضن ابوه وقال :انا ما ادري شلون اطلع من جزاك؟؟؟؟؟؟؟؟؟؟؟؟
ادم لا تقول شذي تره ازعل ........ وقف عن الكلام ثم قال بنبرة حزن : انتوا راح تروحون على طول يعني راح تستقرون اهناك؟؟؟؟؟؟؟؟؟؟؟؟؟
عبودي يطمن ابوه : لا يباه احنا راح نرجع بس اخلص إلا في راسي
لدم : زين طمنتني ومتي راح تروحون ؟؟؟؟؟؟؟؟؟؟؟؟؟
عبودي بابتسامة مكر : قريب إن شاء الله بس خلني اخلص تخطيط انت تدي انا ما احب اسوي شي بدون ما
اخطط له
خرج عبودي من ابوه ادم و راح له مكتبه يفكر شلون راح يبدا انتقامه لأبوه اولا وله ثانيا ولاهم من ذلك وذاك لسراب ثالثا


نرجع لسراب إلا ما حست بمرور الوقت بعد ما سكرت الكتاب خذتلها شاور وراحت غرفة التبديل و لبست جينز
اسودمع احزام و تيشرت ابيض عليه كتابات وفوقه جاكيت اسود رسمي مشطت شعرها وحطت جل وسوته شوي
اسبايكي لبست الساعه من بوليس و تعطره من بوس ولبست النظارات خذت الموبايل و سويك السياره وطلعت
من القصر وراحت للباركن ركبت النمبرجيني وتوجهت للمول وهي معليه على اغنية love story للمغنيه تايلور

We were both young, when I first saw you.
I close my eyes and the flashback starts-
I'm standing there, on a balcony in summer air.

I see the lights; see the party, the ball gowns.
I see you make your way through the crowd-
You say hello, little did I know...

That you were Romeo, you were throwing pebbles-
And my daddy said "stay away from Juliet"-
And I was crying on the staircase-
begging you please don't go...
And I said...

Romeo take me somewhere, we can be alone.
I'll be waiting; all there's left to do is run.
You'll be the prince and I'll be the princess,
It's a love story, baby, just say yes.

So I sneak out to the garden to see you.
We keep quiet, because we're dead if they knew-
So close your eyes... escape this town for a little while.
Oh, Oh.

Cause you were Romeo - I was a scarlet letter,
And my daddy said "stay away from Juliet" -
but you were everything to me-
I was begging you, please don't go-
And I said...

Romeo take me somewhere, we can be alone.
I'll be waiting; all there's left to do is run.
You'll be the prince and I'll be the princess.
It's a love story, baby, just say yes-

Romeo save me, they're trying to tell me how to feel.
This love is difficult, but it's real.
Don't be afraid, we'll make it out of this mess.
It's a love story, baby, just say yes.
Oh, Oh.

I got tired of waiting.
Wondering if you were ever coming around.
My faith in you was fading-
When I met you on the outskirts of town.
And I said...

Romeo save me, I've been feeling so alone.
I keep waiting, for you but you never come.
Is this in my head, I don't know what to think-
He knelt to the ground and pulled out a ring and said...

Marry me Juliet, you'll never have to be alone.
I love you, and that's all I really know.
I talked to your dad -- go pick out a white dress
It's a love story, baby just say... yes.
Oh, Oh, Oh, Oh, Oh.

'cause we were both young when i first saw you




في مكتب عبود كان قاعد يفكر بعمق شديد الحمد لله ان ابوه ما اعترض ولا كان ما يقدر يعصي كلامه احتراما له
والحين لازم اتأني في خطراتي عشان اوصل للي ابيه ما يهم الوقت المهم المهم المضمون وإلي خلاتي انطر كل هذي السنين ما يخليني انطر كم شهر أو اسبوع شاف صورة سراب على المكتب وقال بس انفذ إلا في بالي راح اخليكي ترجعي بنت مثل ما أنتي وسند راسه يسترجع منظر اخته سراب او المعروفه بفيصل لمن كانوا رايحين يشترون ملابس و يستانسون شوي وقفت سراب اما محل فساتين سهره نسائيه شافها شلون اتطالع الفساتين بأنكسار وحسره كانت الدموع في عيونها بس ما نزلت لأنها ملت من كثر ما تنزل عمض اعيونه عبودي حيل كانت نظراتها نفس نظرات وانكسار ابوه قبل ما يموت لمن كان يطالعهم عشان شذي راح ينتقم رجع للاوراق المشروع مرت ساعه على مراجعته للمشروع قرر يرجع القصر ينام ويرتاح شوي ثم يرجع العصر يكمل المراجعه
راح القصر وقعد لجناح خذا شاور دافي يساعده على النوم ولبس وراح ينام وهو في اعتقاده انه سراب جالسه
تقرأ كتاب في جناحها



في المجمع لفت المجمع وشرتلها ملابس وجواتي وبعدين راحت لمحل المجوهرات مال ابوها دخلت المحل وبس شافها
المدير سيده راح لها و قال : مرحبا مستر فيصل
سراب : اهلا جورج
جورج مستفسر: هل استطيع مساعدتك سيدي؟؟؟؟؟؟؟؟؟؟؟؟؟؟؟
سراب : أي ابيك تسويلي عقدين نفس الشهي و طلعت ورقه وعطتها له: وابيه نفس هذا التصميم ويكون يغليه
الطابع الرجولي يعني مو تزيد الالماس والذي منه فيه فاهم
جورج وهو يطالع التصميم : ومتي تريده ان يجهز يا سيدي؟؟؟؟؟؟؟؟؟؟؟؟
سراب : تقدر تخلصه في اشهر ولا تبي اكثر
جورج : لجل لقدر و ارسله للقصر ؟؟؟؟؟؟؟؟؟؟؟؟
فيصل وهو يلبس نظاراته: لي طرشه للقصر يلا باي
طلعت سراب من المحل و المول بكبره أما جورج فارسل التصميم بالفاكس للورشه عشان يبدون فيه
راحت سراب لشركه عشان يروحون كلهم ياكلون في المطعم ما تدري انه عبود في القصر وسيده دخلت على
ابوها وقالت وهي تفتح الباب : هاي دادي
ابتسم ادم : انا ابي افهم انتي واخوكي ما تعرفون تستأذنون من السكرتير نفس الناس تدرعومن على الاوادم
سراب واهي تقعد : عادي دادي و بعدين انت قلتها الناس مو اعيالك
ادم : انزين الحين شنو تبي سروبت حياة ابوها ؟؟؟؟؟؟؟؟؟؟؟؟؟؟؟
سراب طالعته بنظره غريبه : دادي انا بره القصر فيصل مو سراب فيصل دادي
ادم بيأس: الكلام معاج ظايه ما ادري من وين وارثه هذا العناد كله المهم ما قلتيلي شنو جابك؟؟؟؟؟؟؟؟؟؟؟
سراب : ولا شي بس ابي نطلع ناكل في المطهم لاني مليت من القصر
ادم : انت قتلك تعالي اشتغلي في الشركه انتي مو راضيه
سراب : عادي دادي بهدين اشتغل لاحقه على الشقي تعال عبودي ما اسمع صوته وينه ؟؟؟؟؟؟؟؟
ادم : انتي كل شي عندك عادي وقام : امشي نروح لمكتب عبودي وناخذه ونروح المطعم
سراب : بس انا الاختار المطعم
ادم : اوكي
طلعوا و راحوا مكتب عبود بس ما لقوه قالهم السكرتير انه راح القصر و فعلا راحوا القصر وقوموا عبود بالغصب
عشان يروحون المطعم استانس الكل و فرح عبودي لمن شاف سراب مستانسه ما يدري اهي تمثل ولا لا بس
إلا متأكد منه انه ادم عوض سراب حنان الاب إلي فقدته من وهي صغيره

.~ .~ .~ .~ .~ .~ .~ .~ .~ .~ .~ .~. ~. .~ .~ .~ .~ .~ .~ .~ .~ .~. ~. ~. .~ .~ .~ .~ .~


انتظر ردودكم على احرمن الجمر


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 7
قديم(ـة) 26-02-2010, 10:16 PM
صورة نار الانتقام الرمزية
نار الانتقام نار الانتقام غير متصل
©؛°¨غرامي فعال ¨°؛©
 
الافتراضي رد: انا سراب ؟ أم إنتقامي سراب ! / روايتي الاول لنار الانتقام



مساء الخير و الحب

إليكم التتمه

.~ .~ .~ .~ .~ .~ .~ .~ .~ .~ .~ .~ .~ .~ .~ .~ .~ .~ .~ .~ .~ .~ .~ .~ .~ .~ .~ .~ .~ .~

بعد الغدا جابت ام فيصل الشاي و القهوي و الحلويات و قعدوا في الصاله كانت مقسومه لجلسات ارضيه من السدو
وجلسات عاديه كانت راقيه ولونها موافق لي السدو الكبار على الارض و الشباب على الكنفات
خالد قاعد يكلم حمد وعلي بصوت واطي : شباب للعلم تره ابوي اللي هو جدكم عرف بطلعاتنا نصايف الليل
علي : وشلون عرف ؟؟؟؟؟؟؟؟
حمد كان يطالع جده و شافه يطالعهم : اسكت انت وياه لا تينا بدال الزفه والشتيمه واحده تصير ثنتين

طبعا ابو فبصل كان يناظرهم وشايفهم يتكلمون عرف انه خالد قالهم انه يعرف ومتوقعين الحين انه يصارخ عليهم
بس هو قرر يلعب باعصابهم ويأدبهم
ومرت ساعه وره الثانيه وابو فيصل ما تكلم علي بزهق : شنو هذا الأسلوب؟؟؟؟؟؟؟؟؟؟؟؟؟؟ الحرب البارده
بطلوها الناس من زمان
خالد : يمكن راح يأجل الزفه لوقت اخر خلونا نطلع شنو راح يسوي؟؟؟؟؟؟؟؟؟؟؟؟ راح يزفنا وبس
حمد : انا كنت قبل شاك بس الحين انا متأكد من غبائك إللي ماراح يتبدل او يتطور
خالد بعصبيه : ياأخي احترمني شوي تره انا عمك مو انت ابوي
حمد يوضح : يا عمي العزيز انت ما تعرف ابوك ما تعرف انه كبريت و ما يسكت وإذ سكت اعرف وراه مصيب
عوده هذا انا اللي خايف منه

الله اكبر الله اكبر
اشهد ان لاإله إلا الله

كان هذا صوت الاذان إلا اعلن عن صلاة العصر قام ابو فيصل وقال : يالله نروح المسجد وانتوا كان يكلم
الشباب: راح تروحون مشي ما ابي روح بالسياره المسجد كاهوا قريب امشوا راحوا للمسجد وصلوا مع الجماعه
كان هذا اسلوب ابوفيصل ماكان يخليهم يتكلمون وخصوصا في الصلاه لانه لو خلاهم على كيفهم راح يصلون
في البيت واحيانا ما يصلون وهو احره ما عنده واحد من عايلته ما يصلي في المسجد
عند باب المسجد بعد ماخلصوا من الصلاه عزوز : يبا انا وبدر مواعدين الشباب نبي نروح لهم
فيصل : روح بس لا تتاخر وسوق شوي شوي انزين
غزوز : اوكي
عزوز و بدر: بالله مع السلامه
انطروا لحظه...... كان هذا صوت ابوفيصل و كمل : تعالوا البيت ابيكم بموضوع ضروري
بدر : بس يا جدي ما نقدر راح نتأجر
ابوفيصل بصوته الصارم : انا قلت كله و ما احب اعيدها
رضخ عزوز وبدر و ناظروا خالد و حمد و علي بعض بقلق و راحوا كلهم للبيت وتحديدا لدوانيه وقال لعزوز
يروح ينادي عمته احلام بس وفعلا خمس دقايق جت احلام وعزوز وقعدوا تكلم ابو فيصل بعد صمت دام لدقائق:
الظاهر انا ما عرفت اربي اولادي عشان شذي احفادي طلعوا مو متربيين
الكل انصدم من هذا الكلام فيصل : يبا افا عليك شنو هذا الكلام ؟؟؟؟؟؟؟؟ انت مربينا احسن تربيه
ابوفيصل : يعني بتفهمني انك ما تعرف سوالف اعيالك واعيال اخوانك الوصخه ؟؟؟؟؟؟؟
ما فهم فيصل شي : الوصخه!!!!!!!!!!!! ولتفت لاخوانه : انتوا فاهمين شي؟؟؟؟؟؟؟؟؟؟؟
هزت احلام راسها بالنفي اما عبدالله سكت و نزل راسه للارض
فيصل : عبدالله انت تدي بالسالفه قولي علمني شنوا صاير احد يفهمي
ابوفيصل : انا اقولك اعيالك و اعيال اخوانك المحترمين يسهرون لنصايف الليول وياليت على شغله نافعه مثل صلاه
ولا دراسه لا والف لا تدري على شنو؟؟؟؟؟؟؟؟ دواره في هل مجمعات واذيت خلق الله يكلمون بنات ويطلعون
معاهم وسببون فضائح لهم تقحيص وجه الفجر ما يخلون الناس تنام
خالد : احنا ما فضحنا احد ولا اذين احد
ابو فيصل : ولكم عين بعد تتكلمون إللي مثلكم لازم عيونه ما ترفع من الارض وطبعا عبدالله داري عن السالفه
من الاول وساكت ولا قال وهو إللي يطلعهم من المخفر بعد السباقات والتقحيص لا وعزوز وبدر معاهم من الاول
انصدمت احلام بولدها وعيال اخونها واخوها بس كانت صدمت فيصل اشد بولده حمد إللي كان يعزه عشان هو بكره
قام بكل هدوء وتوجه لهم وطرااااااااااااااااااااااااااااااااااااااااااااااا اااااااااااااااااااااااااااااااااااااااااااااااااا اااااااااااااااااااااااخ
وطرااااااااااااااااااااااااااااااااااااااااااااااا اااااااااااااااااااااااااااااااااااااااااااااااااا اااااااااخ ثاني كان الاول من نصيب حمد
اما الثاني من نصيب عزوز و رجع مكانه بهدوء
كمل ابو فيصل وقال : ابوي علمني انه من يحافظ على اعراض الناس راح يلقه من يحافظ على عرضه ومن يفضح
اعراض الناس ما راح يلقه واحد راح يلقه الف يفضحونعرض
علي يدافع عن نفسه والاخرين : بس احنا ما قربينا من الاعراض بس نطلع للمجمع او نمشي بالسياره يعني
الاعراض ما قربنا منها
ابوفيصل : انت ما تفهم وقوفك بجنبها هذا اكبر غلط الناس ما همها غير المظاهر وإللي تشوفه بعينها يا أخي
اعتبرها اختك ترضه احد يتكلم في اختك ولا ما ترضونه لنفسكم وترضونه لناس ....... سكت اشوي ثم كمل : اسمع
انت وياه ان ما تعدلتوا لاني راح اربيكم من اول وجديد خويلد تنطرني لحد ما انام وتطلع ها وانت يا سيد علي
ضان انه ابوك مات راح تصيع يعني مطبق مثل غاب القط العاب يا فار لا حطني على بالك زين مو بس انت كلكم
من اليوم وطالع ما راح تطلعون إلا بأذن مني انا شخصيا وإذا طلعتوا وركزوا على إذا عند 9 مساء انتوا في البيت
وإذ عرفت أو سمعت يعني ما راح اتعب نفسي عشان اتأكد راح اسحب السيارات و الموبايلات و بطاقات البنك
و الفيز بعد و لا تقولون ما اقد إلا تقدر ونص وانا ولد ابوي اما نت يا عبدالله ما تعبت نفسك وقلتلي فماراح اتعب نفسي
واكلمك بعد اليوم و قام وراح لخالد وطرااااااااااااااااااااااااااااااااااااااااااااااا اااااااااااااااااااااااااااااااااااااااااااااااااا اااااااخ
خالد وهو حاط ايده على خده : ليش ؟؟؟؟؟؟؟؟؟؟؟؟؟؟؟؟
ابو فيصل ما تكلم وراح وطلع من الدوانيه اما علي وبدر كانوا يترقبون انه امه اوابوه راح يعطونهم كف بس الحمد
لله عدت على خير طبعا فيصل عطاهم تهديدات توصل لسماء من كثرها غير تهديد ابوه الصريح وطلع وخذا معاه عبدالله
اما احلام كانت هدوء يصبق العاصفه على علي قام علي وراحلها وقال : يما
بس هي قالت كلام تمنى انه لو قالت وعطته كف او صارخت عليه احسن له احلام بعيون دامعه : الحمد لله انه ابوك مات
ولا شاف ولد الوحيد إللي ما كان يفكر انه ولده يسوي هذي الافعال بس الله يحب خذا وطلعت وتركت وراه حطام علي
اولا جده والحين امه له يحسسوه بهذا الذنب الفضيع على سبب ما يسوى حاول الشباب يهدونه وخففون عنه


مره شهر على ابطالنا

الشباب قرروا انهم يتعدلون عشان هم يعرفون جدهم إذا قال نفذ ولا احد يقدر يرجع عن قراره مه انهم متذمرين
من عدم خروجهم وحدهم الى ال9
البنات متشمتين بالشباب مع انهم ما يعرفون عن السالفه شي
فيصل ناطر عليهم الزله عشان يبهدلهم وصار اكثر صرامه في الشغل والبيت
عبدالله لحد الحين ابوه ما يكلمه من ذاك اليوم وما خله واسطه إلا وجابها بس ما من فايده
اما عن احلام كانت ناويه ما تكلم علي شهر بس ما قدرت قلب الام

ابطالنا في امريكا عبودي حط خطه علشان ينتقم وقاعد يرتب للخطه وقرر انه قريب راح يسافر
سراب على حالها بس استلمت العقدين وكان عباره عن قلب مكسور في المنتصف وكان في حمامه بيضه حاضن القلب
كانها تحميه من الانكسار الكلي لبست واحد وعطت ادم واحد وستانس عليه و وعدها انه ما راح يخلعه ابدا زعل
عبود عشان ما سوتله واحد وطبعا سراب ما تدري عن انتقام عبود وسفرها لديرتها



.~ .~ .~ .~ .~ .~ .~ .~ .~ .~ .~ .~ .~ .~ .~.~ .~ .~ .~ .~ .~ .~ .~ .~ .~ .~ .~ .~ .~ .~

إلى اللقاء مع محطه قادمه من

انا سراب ؟؟؟؟؟؟؟ ام انتقامي سراب!!!!!!!!!!!!!

مع حبي وتقديري


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 8
قديم(ـة) 02-03-2010, 02:25 PM
صورة نار الانتقام الرمزية
نار الانتقام نار الانتقام غير متصل
©؛°¨غرامي فعال ¨°؛©
 
الافتراضي رد: انا سراب ؟ أم إنتقامي سراب ! / روايتي الاول لنار الانتقام


صباح الورد لكل الاعضاء


.~ .~ .~ .~ .~ .~ .~ .~ .~ .~ .~ .~ .~ .~ .~ .~ .~ .~ .~ .~ .~ .~ .~ .~ .~ .~ .~ .~ .~

في يوم جديد قام آدم وعبود مبكرين عشان يروحون يشوفون موقع المشروع ويوقعون على الاتفاق كانوا قاعدين
يتريقون كان ادم يقرء الجريده وعبود سارح في افكاره وفي ايده كوب قهوه دخلت عليهم سراب وقالت : صباح الخير
دادي وعبود عسى ما شر ليش مبكرين اليوم ؟؟؟؟؟؟؟؟؟؟؟؟؟؟؟؟؟؟؟
قال ادم وهو ينزل الجريده ويكفسها : صباح النور صغيرتي لا يوجد شيء سوف نذهب لموقع المشروع بعدين
نمر على منزل مارتن لقد اتصل وقال انه يبيني في موضوع ضروري بس انتي ليش قايمه؟؟؟؟؟؟؟؟؟؟؟؟؟؟؟؟
سراب وهي تجلس و تسكبلها الخادمه شاي مع حليب : دادي هذي قومتي كل يوم مو شيء غريب
عبود كان سارح بفكاره وما حس بدخول سراب إللي لمن ىدم قاله يقوم عشان يرحون : اوووووووووووو سروبي
اهني !!!!!!!!!!!!!!!
سراب : صح النوم يا بابا انا اهني من زمان وحضرتك توك تقوم من احلامك الورديه
عبود كان يبي يرد عليها بس ادم قاله انهم وايد تأخروا ولاوم يرحون الحين طلعوا بره القصر كان في همر رماديه
واقف عند الباب جلس عبودي مكان السائق وآدم جمبه و حرك على الولايه إللي فيها المشروع كانت امامهم وخلفهم
سيارات الحراسه
أما سراب فجلست كلت توست بالمربى مع الشاي وصعدت فوق تقرالها كتاب كانت محتاره بين نساء صغيرات و
بين هاري بوتر بس في النهايه اختارت هاري وجلست تقرأ
وبعد ساعات شافت الساعه لقتها 3:30 كلمت نفسها انا إذا ضليت على هذي الحاله راه اصير مدمنه قراية كتب
لهذي الدرجه ما احس بل وقت لمن اقرأ انا لاوم اكلم عبود عشان يساعدني لحظه الحين الساعه 3:30 معناته
عبود وادم في البيت خلي اروح و فعلا راحت لجناح عبود ومالقت احد ونفس الشي جناح ادم مسكت الايفون و
تصلت على موبايل عبود بس الجهاز طلع مغلق اما ادم فكان يرن وفجأه صار مغلق خافت وقلبها قام يعورها
نزلت لتحت و ونادت ستيفن : ستيفن..............
ستيفن جاها مسرع : نعم سيدتي
سراب : ستيفن هل اتي دادي وعبود؟؟؟؟؟؟؟؟؟؟؟؟
ستيفن : لا سيدتي ولم يبلغوا في الهاتف عن تأخرهم اليوم
سراب حاولت تهدي وتتصبر بس افكار كانت توديها وتجيبها وقلبها صار يعورها اكثر : ستيفن هل من الممكن ان
يكون حدث لهم شيء؟؟؟؟؟؟؟؟
ستيفن : لا تقولي هذا يا سيدتي سوف يأتون في الحال لا تقلقي هم ليس من عوأدهم ان يتأخروا ربما حدث امر في
الشركه او يكون بسبب المرور
سراب كان الخوف مسيطر عليها وما نعها من التفكير او الاستماع قطع صمت الفراغ صوت تلفون القصر توجه
ستيفن للهاتف يرد عليه وظلت سراب تطالعه وهو يتكلم وشلون انخطف لونه وزادت الافكار السوده بمجرد ان
نخطف لون لدرجت انه نا حست فيه وهو يغلق السماعه توجه لها وشافته شلون مرتبك حاولت تكذب افكارها
وتقول بصوت على وشك الانهيار : ماذا بك يا ستيفن ؟؟؟؟؟؟ ومن كان المتصل ؟؟؟؟؟؟؟؟؟
ظل ستيفن صامت لم يتكلم مما زاد خوف سراب : ستيفن ارجوك تكلم
ستيفن بصوت باكي والدموع تنزل من عينيه : انا اسف يا سيدتي ولكن السي ادم و السيد عبود حدث لهم حادث
وهم الان في المشفى
سرب شلتها الصدمه وصارت دموعها تنزل بغزاره علة خدودها لا لا لا عبودي ودادي لا لا لا لا ما بي اخسر
شخص عزيز على مره ثانيه لا لا توجهت بعلى سرعه لسياره وراحت للمستشفى وهي خايف لحد الموت وبعد
دقائق وصلت للمشتسفى وسألت عن إلا صارلهم حادث ودلوها على المكان ولقت اهناك رئيس الفرقة الحراسه
جون وكان فيه اصايات متفرقه راحتله:جون ماذا حدث ؟؟؟؟؟؟؟؟؟؟؟ظ واين عبود ودادي ؟؟؟؟؟؟؟؟؟؟
جون : لقد اصطدمنا بشاحنتان وانا هنا منذ ساعات انتظر الطبيب
سراب تكرركلامه : اصطدموه بشاحنتين تسندت على الجدار ونزلت شوي اشوي لحد ما وصلت للارض و دخلت
في نوبة بكاء شديد حاول جون يخفف عليها بس ما من فايده وبعد ساعه طلع الطبيب توجهتله سراب بسرعه وخلفها
جون و قالت : ايها الطبيب مذا حدث لهم ارجوك قل انهم بخير
الطبيب قال : ليتني استطيع قول ذلك لكن المريضان في حاله خطيره فالرجل العجون سوف يستيقض بعد قليل لكن
لا اعتقد انه سوف يعيش طويل فالاصابات متفرقه في جسمه والضربه القويه على صدره قد جعلته لا يقدر على التنفس
جيدا اما الشاب فللاسف كانت الضربه قويه على الرأس جعلته يدخل في غيبوبه تامه لا احد يدري متي يفوق منها
كلام الطبيب قضي على قةة احتمال سرب وبدت تصارخ : لا لا انت تكذب على لا لا عبود ودادي لا ماراح يخلوني
بروحي لااااااااااااااااااااااااااااااااااااااا حرام عليكم حرام وبدت تنادي ابوها عبد العزيز : لااااااااااااااا يباااااااااااااااااااااا
يبااااااااااااااااااااا لا تخذ عبودي وادم لا تخلوني بروحي انا اخاف بياااااااااااااااااااااااااااااااااااااااااااااااا ااااااااااااااااااااااا
ونقطع صوت سراب لفقدها الوعي


في نفس اليوم وفي مكان آخر قام مفزوع من النوم اول مره من سنين يحلم بولده ولده عبد العزيز تعوذ من ابليس
وقام راح صلي ركعتين بس ما قدر ينس الحلم هو موحلم هذا كابوس ولاول مره من سنيت يبكي ابو فيصل على
ولده إللي طرد من سنوات عشان تزوج من وراه وبدون شوره يا تره وين اراضيك يا عزوز يا ولدي ابو فيصل
وعايلته ما يدرون انه عزوز مات من سنوات
اليوم احلام مسويه الغده وعازمتهم عندها في البيت وبعد ما تجمع الكل تغدوا وقعدوا الكل لاحظ شيء غريب على
ابو فيصل انه وايد حزين اليوم بالذات فيصل يستفسر: عسى ما شره يبا شنو فيك ؟؟؟؟؟؟؟؟؟؟؟؟
ابو فيصل ناظر لولده بنظره حزن اول مره يشوفها فيصل على ابوه التفت لامه : يما شنوفيه ابوي ؟؟؟؟؟؟؟؟؟؟
ام فيصل : ولله يا ولدي ما ادري قام نصايف الليل مون وقته وهو حزنا اسئله ما يرد علي
عبدالله : بيا ولي اعافيك كامنا قولنا شنو فيك ؟؟؟؟؟؟؟؟؟؟؟
ابوفيصل طالع لعياله وزوجته واحفاده وقال: عبد العزيز ش............
وقبل لا يكلم فيصل : عزوز و وجع شنو امسوي
عزوز بخوف : والله ما سويت شي والله
ابو فيصل يرفع يده لفيصل عشان يسكت وكمل: انا شفت عبد العزيز ولدي انا في المنام
انصدم فيصل وعبد الله واحلام وام حمد وام ناصر اما ام فيصل فقامت تبكي وحاولت ام حمد تهديها اما إلا موفاهمين
شي الشباب بانهم ما يدرون ان عندهم عم ثالث اسمه عبد العزيز
قعد ابو فيصل يبكي : شفت اخوك يا فيصل كنت واقف على الشاطئ و عبد العزيز في البحر كان قاعد يغرق كان
يناديني يبااااااااااااااااااااا يبااااااااااااااااااااااااااااااا بس انا ماتحركت لحد ما اختفي الصوت و جاب المد جسم كا ن ميت
وكان في صبي صغير يبكي دم بدل الدموع
فيصل : يبا ارتاح مدام فيه دم بطل الحلم يا يبا
خالد : الحين ابي اعرف منو عبد العزيز هذا ؟؟؟؟؟؟؟ وشلون الخوي؟؟؟؟؟؟؟ و وينه كل هذي السنين؟؟؟؟؟؟؟
الكل ظل ساكت بس تكلمت ام ناصر وقالت : هذا اخوك الثالث بعد عبدالله وكان عين سبح امك وحبيب ابوك واخوك
فيصل اما عبد الله فكنت اظن انه ضرتي من كثر حب اخوك له اما احلام فحدك ولا حرج بس تحول كل هذا الحب
إلا قلت عنه لكره وصار ما ينذكر اسمه و قال ابوك لناس انه ما عنده ولد اسمه عبد العزيز
حمد استفسر: وليش صار كل هذا الكره؟؟؟؟؟؟؟؟؟؟؟؟؟؟؟
ام ناصر تكمل : لانه تزوج من وره علم ابوه وبدون شوره خذاله امريكيه مسلمه وخاب منها ولد على ضني اسمه
عبد الرحمن وكانت زوجته حامل تبره منه وطرد ولو تشوف كيف طردا يمكن لو طارد كلب كان احترما اكثر
من ولده وجاي الحين تقول انك نادم وشايفه في المنام مو هذا إلا طردته واهنته وقلته انه ميت بنسب له


.~ .~ ~.~ .~ ~.~ ~.~ ~.~ ~.~ ~.~ ~.~ ~.~.~ ~.~ ~.~ ~.~ ~.~.~.~.~ ~.~ ~.~ .~ .~



الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 9
قديم(ـة) 02-03-2010, 02:30 PM
ليال الكويت ليال الكويت غير متصل
©؛°¨غرامي مشارك¨°؛©
 
الافتراضي رد: انا سراب ؟ أم إنتقامي سراب ! / روايتي الاول لنار الانتقام


مشكوره على الروايه

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 10
قديم(ـة) 03-03-2010, 06:00 PM
صورة نار الانتقام الرمزية
نار الانتقام نار الانتقام غير متصل
©؛°¨غرامي فعال ¨°؛©
 
الافتراضي رد: انا سراب ؟ أم إنتقامي سراب ! / روايتي الاول لنار الانتقام


عدت من جديد



.~ .~ .~ .~ .~ .~ ~. ~. ~. ~. ~. ~. ~. ~. ~ .~. ~. ~. ~ .~. ~. ~ .~.~. ~. ~.~. ~. ~

قامت سراب و اهي تحس بصداع شديد طالعت حولها لقت نفسها على سرير ومغذى على يدها التفتت لليمن ولا
يجها صوت مألوف عندها
............: سيدتي هل انتي بخير؟؟؟؟؟؟؟؟؟؟؟ لقد اقلقتنا عليكي كثيرا
كان هذا ستيفن جالس معها بعد ما ابلغه جون انه سراب في المستشفى وانه اغمى عليها بعد ما سمعت الخبر
سراب : كيف حال دادي يا ستيفن ؟؟؟؟؟؟؟؟؟؟
ستيفن : انه بخير ولقد استفاق لكن الطبيب منعنا من التحدث الكثير معه
سراب : هل سأل عني ؟؟؟؟؟؟؟؟؟؟؟؟؟؟
ستيفن : نعم ولقد اخبرنا انكي هنا في المشفى
قامت سراب من السرير بعد ما نادت النيرس عشان تشيلها المغذى توجهت إلى غرفة ادم ودخلت لقته نايم على
السرير اقتربت منه و الدموع تسيل من عيونها وقالت بصوت باكي : دا.....دي
فتح ادم اعيونه ولقاها تبكي قربه يده و مسح على شعرها عشان يطمنها انه بخير وانه ما فيه شيء
سراب ببكاء : دادي دادي بليز لا تخليني وتروح انا مابي ابقي وحيده انا ما حب الوحده بليز لا تخليني
وجلست تبكي بمراره وادم يشوفها و مو قادر يسوي شيء رفع الكمام الاكسجين وقال : لا تقلقي يا صغيرتي
انا لن اتركي وحيده انا معكي الان
سراب رفعت راسها وشافته وحضنته حيل : دادييييييييييييييييييييييييييييييييييييييييييييييي يييييييييييي

بعد يومين ادم لحد الحين حالته مستقره بس كل فتره وفتره تأتيه حالة اختناق اما عبودي فلا جديد في حالته
سراب طبعا صار المستشفى بيتها قاعد فيه على طول وتتنقل من غرفة ادم للعنايه المركزه عند عبودي
ادم كان يدري انه ماراح يعيش لمده طويله وكان خايف على سراب من بعده خصوصا انه ما في تطور في حالة
عبودي عشان شذي قرر انه يستدعي المحاميه الخاص وصار الصبح و اتصل ادم على محاميه ثيودور وحضر له
سراب : جون انت لا تعلم لماذا دادي يريد المحامي ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
جون : لا اعلم يا سيدتي فهو لم يخيرني ماذا يريد به كل ما طلبه انه يريده بسرعه فقط
وبعد ساعه ناده ادم على جون عشان يدخل بروح وهذا خله سراب تستغرب من تصرفات ابوها
ادم يكلم محاميه : بسرعه يا ثيودور انت تعرف انه لا وقت لدي وجهز الاوراق بسرعه حتى اوقعها لك اما
انت يا جون فأني امنتك على عبودي وسراب فحالة لم ييأتوا انهم امانه في عينك وخصوصا سراب يا جون
جون : لا تقلق يا سيدي سوف اعتني يهم لك بخصوص الموضوع الاخر اعفيتي منه
ادم وهو قلق : ارجوك يا جون انا لا اثق بأحد قدرك انت ارجوك
وافق جون وقرر انه غدا سوف يأتي ثيودور بالاوراق ليوقعها ادم وجون وابلغهم بعدم اخبار سراب بشيء


جلسوا البنات مجتمعات في بيت ابو حمد عند روان
روان : انا لحد الحين مو مصدقه انه عندنا عم ثالث اسمه عبد العزيز
نوار : ولا انا بس جدي ليش سوي كل هذا عشان تزوج وخير يا طير عادي مدامه تزوج مسلمه الله يعين
لو ما خذ مسيحيه شراح يسوي كان ذبحه
اشجان تفسر : اهو مو عشان هذا جدي كان ناوي يخطبله عمتي أمل عشان شذي عصب على خالي وطرداه
نوار تحمد ربها : الحمد لله انه عند وما رضاه ولا كان الحين مريوم بنت عمي انا وامل زوجة عمي و حسون
المليق الحمد لله
لولو بغرور: وليش إن شاء الله عمتي امول ما فيها شي كامله والكامل وجه بس خالي هو الخسرن
روان تدخل : خلاص الحين خلونا في المهم احد يعرف شكل عمي الجديد ؟؟؟؟؟؟؟؟؟؟؟؟
سكت الكل لانه محد يعرفه بس لولو قالت : انا اعرف مكان صورته
اشجان بستغراب: شلون عرفتي ؟؟؟؟؟؟؟؟؟؟؟؟؟؟؟
لولو تقولهم : هذا مره مريت من غرفة امي لقتها تبكي وماسكه صوره توقعتها تبكي على بابا بس بعد ما راحت
رحت وشفتها كانت امي مع اخوانها استغربة من الولد الواقف يم خالي عبدالله يمكن يكون هو ؟؟؟؟؟؟؟؟؟؟؟
نوار : يا الداهيه يا لولو روحي الحين جيبي الصوره خالنا نشوفها بسرعه
لولو تتأأفف: أأفففف انت خبله احنا بيت خالي فيصل الصوره بيتنا صج خبله
منار : انزين اوصفيه لنا
لولو : سكت دهرا ونطق كفرا انتي لو ساكته ابرك اقولك من زمان تقول اوصفيه انا ما اتذكر الصوره عدل
نوار: بنات تدرون شنو احسن شي؟؟؟؟؟؟؟؟؟؟؟؟؟؟
البنات : شنو؟؟؟؟؟؟؟؟؟؟؟؟؟؟
نوار : انه راح يصير عندنا اعيال عم امريكان يعني شعر شقراء و عيون زرقاء طبيعي من صنع الخالق مو صناعي
لولو بكبرياء: حتى ولو انا راح اظل احلى بنات العايله
روان وهي مستانسه : الله ياليت ولد عمي يطلع احلي من حمود
نواربتعجب: ليش؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
روان : احسن عشان يكسر غرور حمد شايف نفسه على ابو احلا واحد في العيله
لولو : يحقله مدام جميل يحقله ونص بعد
نوار: تكلمت محامية حمد ما تدري انه علية لسان اللهم يا كافي المهم لا تنسين جيبي الصوره
لولو : تعاولوا بكره عندنا احسن مو
نوار: اوكي يالله يا منار انا برح ادرس شوي ولا تنسين شهودا بروحا في البيت
راحوا ال
بنات وتفقوا انهم يلتقوا بكره عند لولو


في المستشفى ادم وقع على اوراق بتنازل عن كل ممتلكاته لعبود وفيصل (سراب ) وخله جون يدير الشركه لانه
عبود في غيبوبه وسراب ما تعرف شي بالشركه وكلم المحامي بموضوع الثاني وقاله انه اتصل عليهم وبلغهم


.~ .~ .~ .~ .~ .~ .~ .~ .~ .~ .~ .~ .~ .~ .~ .~ .~ .~ .~ .~ .~ .~ .~ .~ .~ .~ .~ .~ .~ .~

وداعا

وإلى لقاء قريب



الرد باقتباس
إضافة رد

روايتي الأولى : أنا سراب ؟ أم إنتقامي سراب ! / كاملة

الوسوم
.......انتقامي , منار , الاول , الانتقام , روايتي , سراب , سراب..
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
روايتي الأولى : وه فديتك / كاملة *أتعبني أحساسي* روايات كامله - يتم نقل الرواية هنا بعد اكتمالها 797 15-12-2013 10:06 PM
روايتي الأولى : لقاء في السراب / كاملة معشوقه بلا قلب روايات كامله - يتم نقل الرواية هنا بعد اكتمالها 417 03-06-2013 07:44 PM
حكم الإحتفال بذكرى المولد النبوي alraia مواضيع إسلامية - فقه - عقيدة 12 26-02-2010 08:14 PM
مجلس الروايات للإستفسارات و الطلبات ؛ الزعيـ A.8K ـمه روايات - طويلة 2042 24-02-2010 04:37 AM
تحليل دقيق عن روايتي الأولى على غرام بلا حدود مواضيع عامة - غرام 2 18-08-2007 07:19 AM

الساعة الآن +3: 03:39 AM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


youtube

SEO by vBSEO 3.6.1