منتديات غرام ترفيه غرام ديوانية الاعضاء - متنفس للجميع اسئلة الناس المحرجه كيف تردين عليها ؟
محبوبة الغالي ©؛°¨غرامي جديد¨°؛©

بسم الله الرحمن الرحيم


اتمنى مايكون الموضوع مكرر وحتى لو مكرر خلاص احنا في سنه جديده يعني اول موضوع بالسنه الجديده خخخخخخ


معروف للجميع ان التجمعات النسائيه لاتخلو احيانا من اسئله اقل مايمكن ان يطلق عليها تدخل في الخصوصيات
او حتى اسئله سخيفه



واسمحوا لي اتكلم بالعامي واقول


تجمعاتنا لازم بل حتما بل واجب انه يتخللها سؤال ارض جو موجه لك وتطلب منك صاحبته انه تجاوبيها وقدام الملأ طيب
اذا ماتحبي تجاوبي كيف تردي؟؟؟


من الاسئله الصاروخيه

كم راتبك؟؟ هذا اذا كنتي موظفه


واذا ربة منزل كم راتب زوجك؟؟؟



بصراحه عن نفسي ماادري ايش اقولها
طيب انا مااحب اعلم احد عن هالامور ماله داعي تعرفي كم الراتب ليه بتناسبيني!!
بصراحه لو انتي اللي انسألتي هالسؤال كيف تردي ؟؟


طيب
اتمنى في هالموضوع بعد ماتردوا على سؤالي اللي فوق تحطوا الاسئله المحرجه اللي تتعرضوا لها وجوابها ايش تردي عليهم؟؟
عشان نستفيد من تجارب بعضنا


بصراحه فيه اسئله العالم مااعرف ليه تسألها ايش الفايده منها !!!
احراج لما تجي وحده تقولي
انتي تستخدمي مانع؟؟ ايش نوعه؟؟ وتصرررر انها تعرف ( واااااااي )
اما عاد تجيك وحده وتقولك كم عمرك؟؟
بيتك ملك او ايجار(اذا قلتي ملك فتحت حنفية الشكاوي من بيوت الاجاروغلا الاسعار وحسستك بالذنب انك جاوبتي وانه ممكن في لحظه تطرقك بعين تصيري ساكنه بخيمه مو بيت ملك
واذا قلتي ايجار فرشت لك سفره عليها مزايا البيوت الملك وراحة اهلها تندمي انك تكلمتي لانها كرهتك وعيلتك في بيتكم الايجار )

زوجتوا ولدكم او لسه؟ طبعا اذا لسه طيب ليه؟؟
متى بيتزوج؟؟
فين بيسكن؟ كم المهر؟؟
مين بيدفع له هو والاا بوه؟؟


ياعالم ايش نجاوبهم ذولا !! بالله انا مااحب احد يعرف خصوصياتي وبنفس الوقت مااعرف كيف مااجاوبها بذرابه بدون ماازعل احد


تعالوا اسدحوا تجاربكم والاسئله مع جوابها
بشرط الذرابه بالرد بحيث مايتكرر السؤال يعني تجاوبيها جواب مسكت


مره وحده قالت لي كم راتب زوجك قلت لها وانا ابتسم مستوره والحمدلله قالت الحمدلله بس ماقلتي لي كم يستلم
قلت انا بنعمه الحمدلله قالت الحمدلله بس ماعرفنا كم الراتب



هذي كيف اسكتها يممممممممه نشف ريقي وهي الاتقولي
بس في النهايه ماقلتي



يالله اسدحي لنا مواقفك مع هالانواع الغريبه من الناس
واذا ماصادفتي موقف للحين خبرينا عن ردة فعلك لو حصل معاك زي هالمواقف
طبعا مااتكلم عن الناس اللي تمون وتقولوا عادي خل يسألون
اتكلم عن وحده ممكن اول مره تتعرفي عليها وتلطشك بكم سؤال
من باب اتعرف عليك
تتعرف علي تقول كم راتب زوجك

الله يعافيهم ولا يبلانا

الامبرااطوره ©؛°¨غرامي نشيط¨°؛©

بصراحه لو انتي اللي انسألتي هالسؤال كيف تردي ؟؟
امم تيب يقول الي يقول المثل الي مايستحي منك لاتستحي منه صح
طبعا ماراح اجاوب عليها بشكل مباشر يعني اقولها انتي وش دخلك لا
بس باسلووب حلوو وفكاهي
تقولين مثلا اذا كنت متزوجه وقالتلك كم رااتب زوجك قولي لها وانتي تضحكيين ليه ناويه تاخين زووجي خخخ ضيعي السالفه اما اذا نشبت وملزمه تبي تعرف لاطحت في هالموقف جيت اعلمك

ولا مانع من النصيحه يعني امسكها على جنب وقولها هذا شي خصوصي موب كل شي ينقال اكييد رااح ترتدع

ويسلمووو على الموضوع الجمييل

خالي من الحب ©؛°¨غرامي مشارك¨°؛©

عن جد مو ضوع رايع بشكل خلاني اموت من اضحك
ومو بس انتم يا الحريم تعانين من هدي السئله كمان احنا
يسلمووو

محبوبة الغالي ©؛°¨غرامي جديد¨°؛©

الاخت سرحانه
اتمنى انك ماتطيحين بمثل هالمواقف بس لو طحتي تعالي خبريني وش صار معك
نورت موضوعي يالغاليه

الاخ خالي من الحب
الله يعينكم بس ياريت عطيتنا فكره عن مواقفكم عشان نشوف مين فينا اصعب
اسعدني مرورك

(سكرة) ©؛°¨غرامي فعال ¨°؛©

ههههه
مرة كثير تصير
وأكثر سؤالين يحرجوني
1 تجيك البنت مين البوي فرند تبعك؛؛ نفسي وانتي ايش دراك انو عندي اصلا
2 ايش رايك بفلان تري امه من اول تلمح

Better life ©؛°¨غرامي متألق ¨°؛©

التزمي الصمت وحاولي تغيري الموضوع
بالنسبة لي دائما يسألوني بنت من؟ومن أي قبيلة؟
طبعا أرد بمزح وأقولها ناوية تخطبيني خخخخخخخخخخخ أذا أول مره اقابلها
أما كم راتب زوجك ؟ راتبك؟ تعيشين ببيت؟أو أيجار؟ووووو
عني عادي برد عليها وأقولها ولا أنحرج ولا شئ وارجع أسألها نفس السؤال والا أذبحها ههههههههههه أذا ما ردت
توقعت أنه احنا العرب عادي عندنا أذا أحد سألنا عن الاهل؟الوظيفة؟الراتب؟العمر؟
مو مثل الآمريكان هذا كله برايفت ممنوع تسأليهم أسئلة مثل هذه
والا تروحي في خبر كان
تقبلي مروري

مُدَوْخِةْ الحُكُومَةُ ™ ©؛°¨غرامي فضي¨°؛©




يـآلله الاحراج شي لابد منه بالتجمعات الكبـيره .. وخصوص الجوازات
انتي بنت فلانه الي مدري وش .. انتي فلانه ولا فلانه ...!؟
وفي سؤال يوم انساله مو بس انقهر الا احس اني بعالم ثــــــآني

كيف عـآيشه بعد تؤامك ...!؟


اكثـر الاحيــآن اسكت ولا ارد .. وابتسم إبتسآمه صفرآ







تقبلي مروري








..,/

,,,,,دلوعة ابوها,,,,,! ©؛°¨غرامي جديد¨°؛©

والله صح صراحه هالايام بذاات اكثرت اللقافه والله مالي الا اعطيهم بوجيهم وعلى راسهم وارتاح <<< قوييه هع

! يزيد ! ©؛°¨غرامي فعال ¨°؛©

ياكثر هالنوعيات
يمكن الصمت هو ابلغ الكلام ..يعني لو تنطشت مرة مرتين بعدين تقول نعم انت تكلمني بيحس على دمه ويسكت مع اني اشك بان هالنوعيات تحس


مواقفي ..

المواقف اللي من هالنوع صارتلي وااااااااجد .لا تعد ولا تحصى

يعني مرة جاني بزرعمرة 7 سنين يسألني انت اخوك طلق زوجتة ولا بعد ..
؟؟؟؟؟؟؟؟؟

ولا يجيك واحد فاتح معك تحقيق وانت تتابع مباراة .. تضطر تجاوبة عشان يسكت بس ما يوقف اساله لين تعيف نفسك وتنحاش .
؟؟؟؟؟؟

ولا مرة شفت واحد يسأل خالي مرتك حاامل ..تلقاهم يدرون قبله .., يا عمي وش اللقافة .
؟؟؟؟

واخر:اخوك ليش صارله خمس سنين يدرس برا الناس تخلص باربع اسنين ..
؟؟؟؟؟

محبوبة الغالي ©؛°¨غرامي جديد¨°؛©

يسلملي مرور الجميع.. عطرتوا صفحتي

مع اني اشك بان هالنوعيات تحس


اخوي يزيد انت تشك انه ماعندهم احساس انا متاكده انه ماعندهم لا احساس ولا دم بعد

شكرا لمرورك

أدوات الموضوع
طريقة العرض

موقع غرام موقع سعودي خليجي عربي يحترم كافة الطوائف والأديان ومختلف الجنسيات
جميع الحقوق محفوظة منتديات غرام
iTraidnt by ROMYO
جميع الحقوق محفوظة منتديات غرام
iTraidnt by ROMYO

SEO by vBSEO 3.6.1