منتديات غرام

منتديات غرام (/)
-   أرشيف الروايات المغلقة - لعدم إكتمالها (https://forums.graaam.com/157/)
-   -   رواية والله وتحقق منايا / بقلمي (https://forums.graaam.com/283318.html)

..بقايا..جروح.. 14-02-2010 04:23 PM

رواية والله وتحقق منايا / بقلمي
 
بليييييييييييييييييز قروها وقولوا لي رايكم
طبعا هذا البارت الاول
بس لين يعجبكم بليز قولوا لي اكملها ولا وترى اول روايه لي

البارت الثاني على وشك النهايه بس انتو قولو تبون اكمله او الا
واللي بينقلها بمنتدى ثاني بليز يقولي مو ياخذها وينسبها بأسمه

والله وتحقق منايا(من تأليف رنومه بنت الجيران)
ــــــــــــــــــــــــــــــــــــــــ
.
وراح أبتدي بتعريف كل عيله وأفرادها .....
عايلة بو طلال ساكنين بل خبر
أبو طلال بدر
أم طلال مها
طلال عمرة 25 سنه موصفاته : حنون طيب يحب خواته موت بل أخص أخته اللي أصغر منه ب5 سنوات ...
موصفاته الشكلية : مزيون ورزة يعني بل عربي حنطي البشرة شعره بني أسود خشمه طويل (أهم ما في السالفة)
طويل له سكسوكه عيونه تخقق مايحب البدل لا زم ثوب .......

سديم عمرها 22سنه وهي نوعا ما ذكية بدراسة لا كن هي تكدس ذكائها لأشياء ثانيه بعدين تعرفون ...
مواصفاتها الشكلية : طولها مناسب لعمرها شعرها يغطي ظهرها (هاذ اللي يبونه الرجال )لونه بني مايل للأحمر
عيونها وسيعه لونها عسلي فاتح العدسة محدده بأخضر (لا تخافون خلقه من ربي ) بيضاء البشرة تحب تلبس الكعب العالي (الحب يطلع على بذره مثل أمها )

أثيرعمرها19سنه وهي أهدا وحده في العايلة كلها وأنعم وحده يعني لي جات تكلم تميع وتحب الأشياء الناعمة وهي اللي يحبها طلال
يموووووووت فيها .....
صفاتها الشكلية شعرها قصير من ورى ومن قدام طويل لحد تحت أذونها (يعني قصة فيكتوريا) لونه أشقر مخصل ببني (طبيعي ) عيونها تخقق ناعسة ولونها أخضر مايل للعسلي بيــــــــــــــــضه .......

مهند عمره 3سنوات اللي يشوفه وده ياكله
خدود ه منتفخه شوي ومحمره وشعره مايل للأشقر ابيض عيونه سودا مايله لرمادي


عايلة بو ناصر ساكنين بل رياض
بو ناصر محمد
أم ناصر نوف
مشاعل عمرها 26 سنه مخطوبه
ناصر 24 سنه البنات يحبون فيه رزته وغيرته على خواته
بس لاكن هو حلو ما عليه بس شوي ملسون
لون بشرته أبيض مايل للسمار طوله مناسب عمره ....

رؤى وهي للبنات(شلة دجو) كالأم تنصحهم وترشدهم وهي اكبر وحده فيهم وعمرها 23 سنه صفاتها الشكلية : بيضه شعرها لي نص ظهرها لونه أحمر لون عيونها عسلي غامق ......

ربى وهي العضو الأكثر مغامرة في الشلة وشرا في الشلة وفي أي خطة أول من ينط هي عمرها 19 سنه أكبر من أثير ب3 شهور صفاتها الشكلية : حنطيه البشرة صفاتها صفات بنت نجديه يعني من نص نجد عيونها واسعة جذابة لونها بنيه
شعرها حد أكتافها لونه بني غامق لون عيونها أسود رمادي...


عائلة بو محمد
بو محمد خالد
أم محمد نوره

العنود عمرها 29 سنه حلوه ومتزوجة
محمد عمره 24 سنه راعي طلعات وبر وبحر يحب الكشتات مع أخوياه طبعا أما صفاته الشكلية : أسمر شوي
طوله معقول بنسبه لعمره شعره بني غااااااامق .....

الجوري عمرها 22 سنه أصغر من سديم بــ شهر
طيبه وحنونة وتحب المزح صفاتها الشكلية :
بياضها مايل للصفار عيونها بني عسلي شعرها طويل شوي يغني حد ربع ظهرها عيونها مومرة واسعة .....

الهنوف عمرها 19 سنه وهي دايم محملينها أمور فوق طاقتها
وهي اللي طلع ربى وسديم من مشاكلهم
و الهنوف وأثير صديقات من يوم هم بلفه يعني هم منولدات بنفس اليوم صفاتها الشكلية :شعرها قصير تحت أذونها اسود مثل الكحل وعيونها بني فاتح وسويعة وبياضها تقريبا مثل أختها ...........

يلا راح ابتدي برواية......
*****$$$$**** والله وتحقق منايا*****$$$$****
الحب خالد وحبي خالد وباقي
أثير :الو
رؤى: عطيني سدوم بسرعة
أثير بهدوء ودلع : طيب
أثير: هنودي روح ناد سديم بسرعه
مهند : تيب لوح الحين
مهند: سدووووووووووووووووووووم
سديم تأخذ شهيق زفير :اللو هلا رؤى
رؤى: ليه تخلين جوالتس عند أثيرو الدبة
سديم :أقول فكينا منها توها الخايسة طالعه مع طليل.
رؤى : يا هنيالها وبعدين أسمه طلال مو طليل فاهمه
سديم: يوه بشويش علي كليتيني أقول متى بتجون عندنا الخبر؟
رؤى: مدري والله أبوي يقول يمكن بكره ويمكن ما نجي اصلا يقول اختبارات ربى قربت مفروض لا نروح لأحد ولا أحد يجينا...
سديم: طيب هم يختبرون حنا وش ذنبنا ؟؟ والله ودي أنتفهم وحده وحده لا وفوق هاذا كله طليل مطلع اثيرو ومشيها على حسابه وأنا لو بيمشيني على حسابي أنا أعشيه وأقهويه ....
رؤى : خليها على الله أقول أنا أمي تبيني دقي على بعد نص ساعة أوكي
سديم :روحي سوي الغدا يا أم بدر
رؤى: من قالتس إني بسميه بدر
سديم: غصب عنتس هاذا اسم ابوي
رؤى: لا والله وأبوي وين راح
سديم: خليه يصير الولد الثاني أصلا كل أهلنا يسمونه بو بدر
أوك بس ماني مطوله عليك يلا باي
رؤى :يلا باي
أثير: سدوم وش فيها رؤى ؟
سديم: وش دخلتس شي ... بصراحة تبي تسولف.
أثير: أنا مع نوفه بنطلع بدق عليها الحين .(ولا كان علها اختبارات)
سديم : وطبعا أنا رجلي على رجلتس .

أثير دقت على الهنوف
أثير: الو هنوفه.
محمد: الو لاء مو الهنوف الهنوف بغرفتها نايمة يا الناعمة .
أثير: أقول بلا كذب وعطني نوفه الحين تفهم .
محمد : يمه يمه من متى طلع لتس لسان .
أثير : أقول أقصر هرجك وعطني هنوف .
محمد : زين أوك اصبري ... نوييييييف تعالي لا تلوحين جوالتس هنا عندي مره ثانيه هاتس خذي كلمي
الهنوف: أقول بسك هرج فاضي زين ..... الو هلا أثير
أثير: هلا فيتس كيفتس ؟
الهنوف: تمام
أثير: لازم أشوفتس اليوم وين ؟
الهنوف: خلاص نتقابل براشد .
أثير: أوكي يلا باي .
الهنوف:دقيقه
أثير: ها وش فيتس .
الهنوف:يا الذكية الساعة كم نتقابل ؟
أثير: والله ما الغبية غيرتس أنا بمرتس الساعة 6 المغرب أوكي .
الهنوف: أوكي يلا باي
أثير سكرت من الهنوف ووقفت قدام الدولاب محتاره وش تلبس وقفت ساعة قدام الدولاب (كأن أحد بيشوفها ) وأخيرا طلعت تي شرت كان كروهات صفرا نص كم و قامت تدور على بنطلون تلبس ــــــــــــ لقت لها بنطلون سكني كحلي غامق
ولبست وقامت تمكيج حطت كحل سماوي ومسكره كحلية وبس وكانت طالعة احلى من القمر من جمالها هاذا وبس مسكرة وكحل بس مخلينها ملكة جمال ....

اما سديم طبعا هي لازم تطب مع أثير في كل محل والراشد هاذا ما تفوته اللي مليان مزاين وراحت طلعت بلوزه فوشي وبرمودة ابيض وسيع من فوق وضيق من تحت و لفت شعرها وقعدت هي تمكيج بعد حطت كحل وردي ومسكره سوده وظل خفيف فوشي وروج خفيف وردي وطلعت جنان ...

أثير لبست عباتها اللي كنت الجلابية اللي أكمامها وسيعة وكان في عباتها من ورى خط عريض مره لونه فوشي مزخرف بل ابيض وفي الأكمام شرايط مخمل فوشي وردي
اما سديم كانت نفس الشي عباتها الجلابية بس موديلها كان مزخرف من ورى احمر واخضر وفضي وفي الكمام نفس الشي ..... خلصوا ولبسوا عباياتهم....
أثير : طلول حبي يلا خلصنا ..
طلال : اوكي يلا حبيباتي اركبو السيارة البس شماغي و أجي.....
طبعا بعد ما وصلهم الراشد ....
سديم و الجوري راحوا مع بعض والهنوف وأثير راحوا مع بعض
أثير :نوفه تراني جوعانة حدي ماتغديت تكفين خلينا نروح فدر كرز ..
الهنوف:أوكي خلينا نروح

في المطعم ............

أثير تنادي الجرسون : لو سمحت
ويلتفت عليهم هذاك الجرسون المزيون سعودي
حنطي البشرة طويل ورزّه عيونه وسيعة وعسلية
الجرسون: هلا
أثير : جيب لي تشكن برقر بل تشيز و2 بطاطس و1 سفن آب و1 بيبسي
الجرسون : من عيوني
الهنوف بصوت واتي : عمت عيونك يا قليل الأدب
أثير: تسلم

الجرسون عطا الطباخين الطلب ووقف يطالع في البنات اللي أشكالهم تجذب وقاط اذنه عندهم .....

أثير : يمه شفتي وش لون مزيون يجنن ..
الهنوف: لا والله مزيون تقعدين تميعين قدامه لا وأنتي قهرتيني يوم انتس قلتي له تسلم (تقلدها ) ودي ذبحتك ..
أثير : آهـ لو أسمه عبد العزيز وبعدين خليني أتهنا ( بكل نعومه ودلع قالتها)
الهنوف: أقول وش ذا الموضوع اللي جايبتني هنا عشانه ؟
قاطعهم الجرسون :لو سمحتي (يقصد أثير )
أثير :نعم
الجرسون : أجيب لكم بارتشن ( الحاجز)؟
أثير:لا مشكور ماله داعي .
الجرسون :أوكي إ ذا بغيتوا شي أنا موجود...

(عذرا يا بنات شفتوا الشباب السعودي إذا كانوا يشتغلون في مطعم وإلا أي شي وشا فو لهم بنت ما يصدقون على الله )
المهم
الهنوف: أيوا خليتس كيذا
أثير : المهم خلينا منه تعالي فاتحتي عمتي وابوتس على الموضوع؟
الهنوف:أي موضوع؟
أثير : هاذا موضوع ينسي موضوع دراستنا...
الهنوف: أي كلمت ماما بس بابا مدري أخاف اكلمه
أثير:أوكي بخلي بابا يكلمه
الهنوف: أوكي

نروح لجوري وسديم
شافوا فستان معروض في محل من المحلات وشكله كان يجذب وحلو لونه فوشي وميدي ومنفوخ من تحت وقماشه ستان
الجوري : واااااو شوفي هاذا الفستان شرايتس فيه؟
سديم :والله يجنن شرايتس نشتري انا وأنتي نفسو!
الجوري:أي والله فكرتس حلوه بس أنتي لون وأنا لون
سديم: أوك اخلصي علي ...
ودخلو المحل الا المحل مليان من الناس وطلعوا ولا شرو الفستان لأن كل وحده بل محل شايله مثله

أثير دقت على سديم
اثير :الو سدوم خلصتو؟
سديم : أي تكفين دقي على طلول خليه يجي تكسرت يدينا من الاكياس اللي شايلينها أنا وآمول
أثير :أوك بدق على طلول
سديم عند أي بوابه
أثير :عند البوابه اللي عند مانجو
سديم: أوك نلتقي هناك


أثير دقت على طلال
اثير :الو طلول
طلال: هلا خلصتو؟
اثير :أي تعال الحين
طلال: خلاص بوصلهم وباختس معي مشوار
أثير وين
طلال : لا بس اوصلهم وابيتس معي
أثير : انت تعال ولين تجي يصير خير
طلال: طيب عند أي بوابه؟؟
اثير :بوابة مانجو !!
بعد ما طلعوا من المجمع وصل طلال الجوري والهنوف
وراح عند بيتهم سديم فتحت الباب ولقت اثير وطلال ما فتحوا الباب ولقت ان طلال ما طفى السيارة
سديم :ليه مانتوا نازلين؟!
طلال: سدوم حياتي انتي قلبي انزلي اثير بترجع البنطلون اللي معها وبتشتري حاجه ثانيه وما عندها فلوس بروح انا معها وبنرجع
سديم : ايه هين البنطلون هي جت على البنطلون بس اوك بنزل يلا باي (وهي زعلانه)
أثير: يوه ما بغت تفك ... يلا وش تبي فيني
طلال : اقول....
أثير : أي يلا قول
طلال: لا ما أقول
اثير بكل نعومه ودلع ورجاء :يلا عاد طلول قول
طلال استسلم: لاعاد انا ما أقدر بقول
اثير بنتصار : يس وأخيرا ما تجي الا بل عين الحمراء
طلال : بصراحه زهقان ودي اكلمتس بموضوع واتمشى معتس
اثير: يلا كلي اذان صاغيه

طلال : لا اول قولي أي مقهى تبين
اثير: أممممممممممممممم ستار بوكس لالالالا ................ اها خلينا نروح جوفريز

طلال : اوكي

نزلو على جوفريز

وراحو وجلسو في طاوله

الجرسون : مرحبا
طلال :مرحبتين... عطني واحد كابتشينو بل كاراميل
و... أثير وش تبين
أثير : أبي هت تشوكلت
طلال: اوكي وعطني هت تشوكلت

الجرسون: اوكي 10 دقايق
وسكر البارتشن(الحاجز ) وراح
اثير : والله عليك حركات يا طليل مو من عوايدك اكيد تبي شي
طلال : بصراحه انتو بتسافرون برا وتكملون دراستكم بسويسرا صح ؟
اثير : أي وش فيه؟
طلال :وأنتي ونوفه وربوي أي قسم بتدخلون ؟ (متعود على تدلعهم بزارين بنسبه له )
اثير: طيب ليه السؤال ؟

قاطعهم الجرسون
الجرسون: لوسمحت
اثير حطت لثمتها

طلال:تفضل
الجرسون حط الطلب على الطاوله
الجرسون : تامرون بشي ثاني ؟
طلال: لا شكراً
طلع الجرسون وفتحت اثير لثمتها
أثير : أي ما قلت ليه تسأل ؟
طلال: انتي جاوبي وانا بقولتس
أثير: بندخل الحاسب الألي
طلال: وسدوم وآمال ورؤى ؟
أثير :سدوم و آمول بيدخلون طب أما رؤي بتدخل محاسبه
طيب استفسرت وش تبي ؟؟؟
طلال: أنا بروح معكم بس ما أدري كيف افاتح ابوي بل موضوع وأي قسم ادخل
أثير :آهااااااااا الحين فهمت ليه علشان تتمقل برؤي عدل
طلال: عليتس نور علشان أكحل عيوني بشوفها هينا على طول متغطية على طول عيب تشوفها لين تتزوجها
أثير : طيب ومحمد ومسفر مو هم بسويسرا ليه ما تدخل معهم
طلال : تدرين هم وش داخلين فيه من الفلاحه الزايده اللي فيهم
أثير : وش داخلين ؟
طلال : قسم إدارة اعمال عشان يبون يصيرون رجال اعمال على قولتهم
أثير :هههههههههههههههههههههههههههههاي(بصوت عالي وملفت ) قال ايش رجال اعمال قال
(محمد ومسفر اصدقاء طلال متعرف عليهم بل ماسنجر وعاشرو بعض تقريبا 4 سنوات وهم يعرفون بعض علاقت مسنجر وجوال هم يدرسون بسويسرا وطلال متعلق بمحمد كثير ودايم يحكي عنه )
طلال: اقول اخلصي اللي بيدتس علشان انا مواعد حمود ولد عمتي بنطلع نختار له سياره بدل اللي سوا فيها حادث
اثير : اوك كاني خلصت بس خليني احط اللثمه
وطلعوا من المقهى وراحوا البيت وحط أثير بل بيت وراح لمحمد

بل معرض
محمد : شرايك اشتري ها الهمر حلوه ورزه وكشخه وسوده عز الطلب
طلال: خبل انت خبل الهمر لكشخه مو لدق بران وحاله انت راعي بر
يعني يا اما تاخذ لك جيب تويوتا او لكسز او رنج
محمد : لا طبعا تويوتا بس المشكله مافي سودا انا ابي سوده لأن نص الشباب رنج ولكسز
طلال: خلاص اجل نوصي عليها
محمد: لو سمحت
صاحب المحل : تفضل
محمد: في من ها الجيب لون اسود
صاحب المحل : لا والله توه اليوم خلص الطلب عليه كثير وأنت عارف ها الوقت وقت طلعه وبران وتخرج عيال فصارت الهدايا سيارات
محمد : أي وانت صادق الحين كل من هب ودب عنده سياره
طلال : المهم اخلصوا علي قلبتوها سالفه ناقصكم شاي وقهوه
يلا خلاص بعد اسبوع نبيها موجوده وراح ندفع لك عربون الحجز
محمد :وشو بعد اسبوع انا يوم الثلوث رايح للها فمون وكيف اروح وانا ما عندي سياره
طلال: مو يا الذكي مو اللي بتروح معهم سعييد وعبدالله ؟
محمد : الا
طلال : خلاص الحل عندي هم عازميني بعد نروح أنا وأنت
مع بعض
محمد : أي خلاص اجل يوم الاحد اسبوع الجاي تكون جاهزه
صاحب المحل : ان شاء الله تفضلو معي علشان تدفعو العربون
وبعد ما دفعوا العربون طلال وصل محمد الاستراحه وراح هو للبيت

بل بيت
طلال جالس بسياره بل باركينج
ودق على عمه محمد
طلال: اللو هلا عمي
محمد: هلابولد اخوي طلال هلا بو بدر شخبارك ؟
طلال: الحمد الله انت اخبارك يا عمي واخبار العيال ؟
محمد: والله كلهم تمام وش عندك داق يا بو بدر
طلال: والله يا عمي انا بخفف عليك مشوار لشرقيه
محمد : وش تقصد يا بو بدر
طلال: والله حنا بنجيكم لرياض
محمد: والله هاذي الساعه المبارك والله الرياض تنور بكم
حياكم الله في أي وقت
طلال :الله يحيك يا عمي خلاص انطرونا بكره على الغدا

بعد ما نزل طلال من السياره طبعا هو مسويها لأهله مفاجأه
مر طلال عند مدخل البيت كان باب المقلط حق الرجال مفتوح
وسمع ..
سديم : يلا عاد رؤوووووي تكفين
طلال سمع اسم رؤى وفز قلبه وقط اذنه عندهم ويسمع سواليفهم وحس انها شوي ماصخه وقال في خاطره (ليه ما أخرب عليهم واخوفهم !!)
ودخل المقلط بدون ما تحس سديم وقال بصوت شوي يخوف
طلال:سديــم شتسوين ؟
سديم فزت من مكانها وسكرت بوجه رؤى كأنها مسويه شي غلط
سديم : وجع ان شاء الله ترى من الادب انك تطق الباب قبل ما تدخل!!
طلال: ليه من تكلمين محمد ولا مسفر ؟
سديم :هاهاهاهاي سخيف اقول وين رحت انت وأثيرو
طلال: مالتس خص وبعدين مو اسمها اثيرو اسمها اثير
سديم : تكفى طلول وين رحتو
طلال: يووووووه جتك يا طلال الحنانه
سديم :اوك بطلت الا وش السالفه رؤى تقول ان عمي بطل ماهوم جاين الخبر لأن حضرتك كلمته وفجأه قال مؤب جاين الخبر ليـــــــه؟
طلال: بكره
سديم: ايه وش فيه بكره(قالته بحماس)
طلال: بنروح الـ
قاطعته ماخلته يكمل سديم :واااااااااااااااااااااااااااااااااااااااااااو وانسه بنروح الرياض الله احبك طلال امووووووووت فيك تعال ببوسك
طلال: اقول اعقلي يا بنت
سديم طنشته وطبت عليه تبوسه بخده ايمين مرتين وخدة اليسار مرتين
سديم دخلت الصاله
سديم : بابااااااااااااا انا احبكم - تبوس أثير- احبتس اموت بتس
أثير : اللهم لك الحمد وش فيتس
سديم مسكت ايدين اثير وقامت تنطط مثل البزر : بنروح الريااااض
أثير قامت تنطط معها وتقول : جد وناااااااااسه – وضمو بعض وهم مستانسات – ((بصراحه ما ألومهم سنتين ماشافوا عمهم وبناته ))
******$$$$$***** والله وتحقق منايا***$$$****
اليوم الثاني الساعة 2 الظهر بتحديد برياض
داخل صالة بيت محمد بو ناصر
رؤى: سدووووووووووووووووووووووووووووووم
سديم: رؤووووووووووووووووووووووووووووووووش
ربى:اثوووووووووووووووووووووووري
اثير وهي تتثاوب :هلاااااااااااااا ربوش
ربى: اقول والطز فيتس يا بنت فتكرتس ميته علينا مثل اختس سدييمو
اثير : تدرين لو انتس محلي ما سويتي اللي سوه قالو بنروح الرياض العصر وصحوني من الصبح وقاطعين علي نومتي
على حساب الأخ (تدق على صدر طلال)عشان يشوف حبيبة القلب
ربى وعيونها تلمع (ربى كانت لابسه عباتها توها راجعه من المدرسه وحاطه لثمتها عليها علشان طلال موجوط ومنزله عباية الراس طبعا حقت المدرسه بس على اكتافها)
المهم قالت وعيونها تلمع : يعني ندبر خطه يطلعون فيها مع بعض ....
طلال:فديت اللي يفهمون علي انا ...
اثير: اوك وانا الراس المدبر



وفي المغرب طلعوا كلهم من البيت مع طلال وناصر ومطولين على المسجل للآخر على اغنية راشد الماجد ويلاه
ولين يجي مقطع (يا الله ياربهم اهديتهم فهديه يا الله رباه رب البشر رب القدر كان القدر فرقاه )كان طلال يردد معه بصوت عالي والأخت رؤى رايحه فيها وأثير ودها تذبحهم
لأنها تبي اغنية اجنبيه رومنسية قال لها ناصر : يااا الناعمه ما عندي في السياره الا خليجي تبين اهلا وسهلا ولا مره ثانيه لا تركبين سيارتي اوكي
اثير تتحس من ناصر كثير ما تحبه تكرهه ما تطيقه واي كلمه يقولها مو حلوها بحقها تتحسس منها
اثير وخانقتها العبره : طلال لين نوصل ينزلون هم وانت توصلني البيت اجلس مع عمي وابوي احسن لي وبعدين دبر عمرك انا ابرجع ابرجع البيت
ناصر حس انه جرحها قدام اهله بس طنش
ناصر : اقول بو بدر لين ننزل خذ سيارتي وصلها وارجع لنا نبي نفلها ها
طلال : اوكي
وصلوا للفيصليه وركب طلال محل السواقه وفتكر اثير بتركب معه قدام بس ما نزلت وضلت ورئ وقال براحتها
شفها بعد ما تكلمت استغرب وقالها وكان صوته يوحي على انه واحد جدي بل مره
طلال:أثورتي اذ1 كان ناصر حز بخاطرتس خلاص انا بكلمه وانتي ما توقعتس بهال الحساسيه من ناصر
شافها ما ردت وصلو البيت مانزلت راح وفتح لها الباب
طاحت على صدره مغمى عليها وهو شوي ويوقف قلبه
اخته بنته حبيبته مغمى عليها وش فيها
ويطير فيها المستشفى

بل مستشفى
طلال كان يروح ويرجع يروح ويرجع
طلعت النيرس وسألها : أختي وش فيها
النيرس : يور سستر في يرتفأ إند هو السوكر ألشان مافي ياكد ابره هق سوكر
(اختك مرتفع عندها السكر على شانها ماخذت ابرة السكر )
طلال مصدوم : سكر اختي معا سكر وأنا مدري من متى وكيف وليه؟ دق على امه وقال لها
طلال: يمه دقوا على سواق عمي خلوه يودي البنات البيت وانتي وناصر تعالوا المستشفى ال..... ولا تسألين الا لين تجين
ناصر :هههههههههههههه الله يرجتس ياربيو
ربى : اقول هاذ1 جزاي انكت لك انت وجهك بدال ما تقولي ربوش تقولي ربيو
ام طلال حطت ايدها على قلبها وكلهم لفو عليها واستغربو
وقالت وقلبها ناغزها :ناصر دق على السواق الحين خله يجي بسرعه
ناصر: مرت عمي وين طليل
ام طلال بين اسنانها : قلت خل السواق يجي ونتفاهم بسياره

بسيارة

ام طلال: ناصر وصل البنات البيت وانا وانت نروح لمستشفى ال......
ناصر : مستشفى وش السالفه وش فيه بو بدر
ام طلال : ما فيه شي بس نبي نروح يوه (قالته وهي معصبه)

بعد ما نزلو البنات البيت وراحو ام طلال وناصر للمستشفى
نزلت ام طلال من سياره بسرعه وصارات تمشي بخطوات سريعه لطلال

ام طلال: طلال ليه معصب؟ وليه انت بل مستشفى؟ اثير فيها شي؟ صار لها شي ؟
طلال بضيقه: ليه يمه ليه ؟
ام طلال: بنتي وش فيها ؟
طلال : اثير من متى معها سكر يمه من متى وانا اخر من يعلم

ام طلال دفت طلال عن باب الغرفه ودخلت وأثير كانت نايمه وحاطين عليها مغذي وجهاز قياس القلب لأن سكرها ارتفع لنسبه مره عاليه لأنها من تتضايق يرتفع سكرها لنسبه ما تتصورون ويخليها تنوم بل مستشفى
ام طلال دخلت الغرفه وشافت بنتها بهالطريقه منسدحه ماقدرت راحت ضمتها لأن دايم لين يرتفع سكرها يكون ابوها معها ما تكون امها معها لأن امها قلبها رهيف مره ما تقدر تطالع بنتها بهال حال
بعد مرور وقت مدته 2ساعه
أثير بصوت تعبان :طلال طلال تكفى سامحنى تكفى
وفتحت عيونها الا بوجه امها وهي دفت امها وضمة طلال
اثير وهي تبكي انها ماسوت اللي خطوطو له هي وربى علشانه الا دمرت التخطيط وكان على بالها طول الوقت
لا كن قدر الله وما شاء فعل ...
اثير وهي تبكي : طلال تكفى سامحني والله مكان قصدي اخبي عنك والله
طلال سدحها على السرير وغطاها
طلال:انتي ارتاحي وما عليتس من طلال ما عليتس منه
بل بيــــت

رؤى:أأثيير هاذي دايم تخرب علي أنا اكرهها !!!
سديم وخانقتها العبرة:يا رؤى أنتي ماتدرين وش صاير معهم مع طلال وأثير ... وبكت
ربى ضمة سديم ضمة وحده عربجيه:سديم ما عليتس من ها الغبيه ماتدري وش السالفه بس انا ابي اعرف ^_*
سديم ابتسمت وبين بتسامتها دموع : ابقولكم أثير وسكتت
رؤى ومالها خلق عارفه انه شي سخيف بين اثير وطلال
: وش فيها الخانوم
سديم: أثير معها سكر
رؤى وربى بصوت واحد مصدومين : سكر
سديم : أي سكر وطلال مايدري وتعرفون قيمة اثير عند طلال كيف هي غاليه
رؤى حطت ايدها على فمها مصدومة الا بدخلة ناصر ووجه مصفوق اصفر مايدري وش سوى ويقول بخاطره (أنا وش سويت أنا بالبنت الناعمة الحلوة يرتفع سكرها على شاني ليه انا وش مسوي ) كلهم خافو من شكل مسفر لين دخل
ربى : بنـــــــــــــــــــــــات ناصر داخل وشكله يخوف وجه اصفر ومصفوق ورايح فيها
سديم عرفت ليه هو مصدوم بس صدمته قويه لأنه شاف صدمة طلال اللي اقوى من أي واحد فيهم مصدوم واكيد مصدوم ان أثير فيها سكر .........
*****$$$$***** واله وتحقق منايا*****$$$$****

بعد 3ايام وطلعت أثير من المستشفى وحلفت بـ........
أثير وهي معصبه ومو طايقه اللي بوجهها :والله اني ماني جالسه برياض أب أروح الخبر الحين اليوم أبروح أجهز لتخرجي وأذاكر للاختبارات وماني جالسه على الفراش ابي
أمارس حياتي الطبيعية تفهمين ماما
طلال: وش ذا الصراخ ؟؟ انا بروح الحين احمي السيارة علشان نمشي انا والبرنسيسه أثير وحلوة اللبن أمي
وسدوم بتجلس هينا برياض لعيونها
سديم بصوت منفعل: واااااااااااااااااااااااااااااااااااااااااااو
فديتك طلال فديييييييييييييييييييتك وضمت طلال
وهمست بصوت ما يسمعه إلا هو وهي
سديم بهمس: ابشر بعزك كل يوم بيومه أخبار القمر عندك
طلال: فديتس أنا وفديت افكارتس
*******$$$*****والله وتحقق منايا ****$$$****
بسيارة بطريق الرياض لين الخبر
أثير بصوت طفشان: أووووه علي توحيد ورياضيات أول يوم وتاني يوم حاسب وثالث يوم انقلش وكيمياء و
قاطعها طلال: بس بس بس لاتكثرين هرج
أثير: والله مليت الاختبارات صعبه وآخر سنه وأنا ببكي من الصعبة بس انا أبي أروح لسويسرا و أدرس هندسة حاسب هذا أهم شي
بعد مرور 3 ساعات وصلوا الخبر وبتحديد عند إشارة الراشد
أثير كانت فاتحه نافذة السيارة وفي سيارة شباب بجنبهم ومزااااين إلي مسوي سبايكي واللي لابس كاب وأشكالهم جنااان المهم شافوا أثير وطولوا على المسجل لأن شكلها جنان كانت متلثمه أكيد وشكلها مع عيونها الخوققان عيونها ناعسة عسلية مايله للأخضر وبياضها الناصع ((ليه ملابس هع)) المهم وهي انفعلت مع الأغنية وقامت تردد مع الأغنية
وهي تخرب بكلماتها من عندها (وش جاه طلولي مشا وخلاني مابين نيراني وبين أحزاني واللي يسوي سواته ما هو عاقل يحبني موت ويصاحب ثاني طلوووووولي مشى وخلاني )
طلال التفت على السياره اللي شكلها كان ملفت
لونها وردي ومزخرفه بفوشي أشكال مره بناتيه بسياره
وفيها صورة راشد الماجد بأبيض وأسود
طلال بينه وبين نفسه (الحمد الله وشكر صدق خكاريا )
طلال: أثير الحين انا بسالتس هم حلوين لو سمحتي جاوبي بكل صراحه
أثير : من قالك اني ميته عليهم ولا أطالع فيهم
طلال : أنتي جاوبي على سؤالي
أثير لفت عليهم توها انتبهت فيهم : بصراحه هم حلوين بس مو أحلى من طلال تعرفه؟_تستهبل_
طلال وهو يساير استهبالها : لا والله مع الاسف ما أعرفه عرفينا عليه
أثير: وي حرام عاد هو يهبل يجنن طويل ورزه و مزيون آه بس يا هنيال بعض الناس فيه
طلال:ادري كل طلال حلو
أثير : تدري هو مو بس حلو على شان شكله
طلال وهو رايح فيها من زمان ما سمع احد يمدحه من البنات صحيح اخته بس هو من النوع الخجول
طلال: وش بعد ؟
أثير: قلبه صفاته حركاته تجنن
طلال:أقول بستس إحراج يا بنت
أم طلال: حشى والله ما كني جالسه بين عيالي كنكم رجال وحرمته
أثير بصوت عالي وناعم: هههههههههههههههههههههههههه_بنعومه ورقه _
أم طلال: أقول أعصابتس لا ينط لتس عرق


بيت الجوري والهنوف

الهنوف والجوري :انا بتكلم
بو محمد:قولي يا نوفه
الجوري : أي بس كلا نويف أممممم –مدت لسانها –وأنا مالي قيمه
بو محمد: وش عندكم يا بنات ؟؟
الهنوف بحماس:بابا وش رأيك ان انا وآمال نبي ندرس برئ

الجوري:أي بابا الله يخليك تكفى تكفى وافق
بو محمد:انتو يا حبيباتي الحلوات أنا أتمنى مصلحتكم
لو تبون تدرسون بل مريخ أنا راضي بس ترجعون بنتايج ترفع الراس ....
الجوري والهنوف : وااااااااااااااااااااااااااااااااو الله يخليك بابا الله لا يحرمنا منك
وراحوا بسرعة باسوا راس أبوهم وخده طبعا هذا البارات الاوال وانشاء الله اكمل البارات الثانيه في وقت ثاني
منقول

..بقايا..جروح.. 14-02-2010 04:27 PM

رد: والله وتحقق منايا روايهـ بقمهـ الروعهـ...اهداء الى بيان
 
انشاء الله عجبتكم الروايه ولا تحرمونا من ردودكم

الزعيـ A.8K ـمه 21-02-2010 07:47 AM

رد: رواية والله وتحقق منايا / بقلمي
 
,’


بسم الله


يعطيك العـافية
موفقة إن شـــاء الله


https://forums.graaam.com/238622.html


,’

روح زايــــد 22-12-2010 02:03 PM

رد: رواية والله وتحقق منايا / بقلمي
 
اقتباس:

3 / إغلآق الموآضيع :
تُغلق الروآية في حآل طلب صآحبـ / ـة الموضوع الأصلي ‘ تأخره ‘ توقفه ‘ تجآوزآت في االردود
يُــــــغـــــلــــق


الساعة الآن +3: 04:07 PM.


موقع غرام موقع سعودي خليجي عربي يحترم كافة الطوائف والأديان ومختلف الجنسيات


SEO by vBSEO 3.6.1