غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1
قديم(ـة) 14-02-2010, 10:23 PM
صورة سحر الكلمات الرمزية
سحر الكلمات سحر الكلمات غير متصل
©؛°¨غرامي جديد¨°؛©
 
B10 روايتي الأولى : كذا و أكثر أحبك فوق ما تصور


هاااااااااااااااااااااااااي لكل محبين الروايـآآت
انا سحر الكلمات دلعي((سوسو))<<عن البلاهة خشي في الموضوع

المهم هاذي روايتي الاولى(((كذا واكثر... احبك فوق ما اتصور)))

واتمنى انها تنال على رضاكم
راح انزل كل بعد 3 ايام بارت ولا تخربوا عليا رجيمي الي هوا الترتيب عشان يكون في حماااااااااااااااس
البارت الاول
تحت.....

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 2
قديم(ـة) 14-02-2010, 10:26 PM
صورة أخر لحظة وداع الرمزية
أخر لحظة وداع أخر لحظة وداع غير متصل
©؛°¨غرامي مشارك¨°؛©
 
الافتراضي رد: روآآآيتي الاولىّ ((كذا واكثر... احبك فوق مآتصور))


ننتظر ابداعاتك ^_^

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 3
قديم(ـة) 14-02-2010, 10:26 PM
صورة سحر الكلمات الرمزية
سحر الكلمات سحر الكلمات غير متصل
©؛°¨غرامي جديد¨°؛©
 
الافتراضي رد: روآآآيتي الاولىّ ((كذا واكثر... احبك فوق مآتصور))


كذا واكثر...احبك فوق ما اتصور

نبدأ بالشخصيات :
بـــــــيــت عبد الله
ماجد : العمر 25 سنة وهو اساس القصة طويل جذاب وليس وسيم يشتغل في العسكرية يعني عسكري
سلطان : اخو ماجد العمر32سنة راح تتعرفوا عليه الي يشوفه من برا يقول جمال بس للاسف من جوا شي تاني يشتغل في شركة كبيرة في جدة
لجين: اخت ماجد عمرها 21 سنة جميلة اخذت شكل امها وبياض ابوها وشعر ستها الطويل تدرس برا حاليا
بـــــيـــت عبد العزيز
عبد العزيز:ابو تركي العمر54سنه اهم شي في حياته انه يشوف عياله مبسوطين و مايضرهم شي وصرامته وقت ما يحتاج انه يكون صارم
ام تركي:العمر45سنة متسلطة عكس ابو تركي تعصب على اقل شي
مي: العمر 19 سنة وي بنت عم ماجد تدرس قسم احياء جذابة عيونها تدوخ الي يشوفها وكل شي فيها صغير ودموعها عند عينها دايما وتخاف من أي شي ومرحة خاصة مع صاحبتها هدى
فيّ: العمر 22 سنة وهي اخت مي تدرس قسم كيمياء بالجامعة نفسها اللي تدرس فيها جسمها حلو وهيه حلوة وهيه عكس اختها كل شي فيها كبير تحب تكون هادئة وما تتكلم كتير
تركي: العمر 25 سنة وهو اخوهم جمع كل شي حلو من البيت طيبة ابوه وحبه لاخواته و صرامته من امه والشكل الحلو مظهر اخذه من اخته مي و الخشم الواقف من عند ابوه و يشتغل مع ابوه في شركة استيراد و تصدير
يوسف: العمر 23 سنة اخوهم وراح يعجبكم يحب يتريق على كل شي قدامه وماهمه حتى ابوه والي مو موديه ورا الا ابتسامته وكل ما ابتسم بنت رقمته و اخذ مظهره من ابوه كل من شافه عرف انه ابوه ابو تركي و يشتغل مع ابوه و اخوه في الشركة مع انه خريج هندسة


بـــــيــــت راشـــــــــــــــــــــــد
هدى: العمر 19سنة اخلاق تربيه رجولة << ههههه>>> جميلة جدا اخذت كل شي من جدتها ام ابوها العيون الوسيعة و العسلية الخشم الواقف والفم الصغير صوتها حلو وصوتها في كلامها العادي فيله بحة وتدرس مع مي في نفس الجامعة و في نفس القسم الي تدرس فيه مي
رويدا: العمر22سنة مدلعة تموووت في الدلع بس هيه ما فيها جمال اختها تدرس في نفس الجامعة قسم هندسة ديكور
راكان: العمر 25سنة اخو رويدا وهدى مملوح مو حلو مرة بس فيه جزء من الوسامة و خاصة لما يبتسم
رندا : تؤام رويدا العمر22سنة بس مو دلع زيها ما تفرق عن اختها كثير بس اخذت من اختها هدى وساعة العيون و ما كملت دراستها زي باقي اخواتها خلصت ثانوية
رزان: العمر 29سنة متزوجة وعندها بنت وولدين ومرة همجية تشتغل مدرسة لغة عربية في ثانوية
ام راكان:ربة بيت ابو سالم عمرها43سنة مدلعتهم مرة وما ترفض طلب لهم هيه بس تبغى تزوج بناتها وتفتك منهم و من كتر بلاويهم
والباقي راح تعرفوهم في القصة لانه القصة مليانه
حتى الشخصيات متعددة وكثيرة يعني شوفوا واحكموا

كذا واكثر...احبك فوق ما اتصور

بـــــــــيـــت عبد الله

ماجد : ياشيخ قوم اتأخرت على الدوام وانت نايم قوم
سلطان: أنت روح انا ايش دخلني انقلع تراني معصب
ماجد : يوووووووووووه قوم قامت قيامتك ترا والله ..
سلطان يقاطعه : ياشيخ فكنا الله يرحملي والديك ترا اقوملك دحين انا اوريك قلتلك معصب انقلع عملك
ماجد: يعني منت رايح الشغل
سلطان: قلتلك لا انقلع يلا عندك شي قولو لما ترجع
خرج ماجد من غرفة اخوه وهو معصب وقاعد يبربر اخوه مايتحمل مسؤلية أي شي (ابوه مات وهو عمره 15سنة وامه ماتت وعمره 20سنة يعني قبل خمس سنين واخته سافرت قبل 3 سنين بس ابوهم باع الشركة عشان الورث وماخلى احد فيهم ناقصه شي وماجد دخل العسكرية بعد الثانوية على طول تنفيذ لرغبة امه وابوه الله يرحمهم وسلطان ولا كأنه واحد من العايله عايش عمره ابوه ولا داري فين الله حاطه في النهار نايم في الليل
سكران حتى شغله مو داري عنه )<<< >>> بعد ماوصل الشغل
عبدالله :كيفك ماجد؟
ماجد: الحمد لله تمام وانت كيفك ؟
عبدالله : الحمد لله تمام بشوفتك
ماجد: دوووووووم يارب كيف الوالدة؟
عبدالله : الحمد لله طيبة.. وانت كيف سلطان
ماجد : كالعادة الله يهديه بس ماني عارف كيف اتصرف معاه
عبدالله: الله يعينك ويهديه بعد الدوام فين نروح
ماجد: ايش رأيك نروح الصواري لا طفشت منه نروح الايس ؟
عبدالله :اوك اكلم اولاد عمك ولا لا
ماجد: اكيييييييييد هدول قبلنا يامسكين لو ماتصلوا دحين وسألوك
عبدالله: ههههههههه حلوة دي < مسك الجوال واتصل الو كيفك
......: انا تمام كيفك انت

عبدالله: طيب الحمد لله اسمع انا وماجد رايحين الايس تروح أنت و اخوك ولا لا
......:انا كنت راح اتصل عليك و اسألك لو انت ما اتصلت وسألت
عبدالله: طيب اقابلك اليوم اوك يلا سلام
ماجد: رايحين ها توقعاتي صائبة كالعادة
عبدالله: هههههههههههه كلامك صحيح قال كان شوية واتصل لو ماتصلت انا قبل شويه ههههه
ماجد: هههههههههههه ماقلتلك يروحوا قبلك هدول
عبدالله: ههه في هذي ما كذبت .... الميكرفون يلا يلا اكييييد في شي يلا سرينا

كذا و اكثر....احبك فوق ما اتصور

بــــــــيــــــت عبد العزيز
الام : ياميري ... ياميري
ميري: نأم ماما
الام : فينك من اول انا قاعدة اناديكي
ميري: سوري ماما انا كنت في غرفة آنسة فيّ ارتب
الام: طيب ..طيب اسمعي شوية ويجي الاولاد روحي جهزي الغدا يلا
ميري: طيب ماما << راحت وهي تبربر
تركي: السلام عليكم ورحمة الله وبركاته
الام: وعليكم السلام ورحمة الله وبركاته كيفك روحي
تركي: قووووووووود الحمدلله اتجهز الغدا تراني جيعان
يوسف:نفسي اسمعك تقول شبعان كيفك امي
الام: ههههه طيبه وانت كيفك
يوسف: بشوفتك صرت احسن
تركي: أنت اشلك انا جيعان ولا شبعان
يوسف: اخاف تتخن اكتر من كده بعدين فين نوديك
تركي: شفتني اشتكيت من وزني وانت شايف نفسك نحيف واحد غبي امي فين الغدا
الام : استنى اخواتك يا تركي يووووووووووه
تركي: يوووووووووه راح استناهم انا اروح اجيبهم احسن
فيّ : جيييييينا وريحناك ووفرنا عليك بنزين ماتصبر دقايق يالطيف
تركي: عاد أنتي الي تستني اجي الاقيكي اكلتي وخلصتي وماما تقول ياميري حطي الاكل لتركي
فيّ: لأننا لما نستناك... نستناك سنه أما أنت ماتستنى دقايق الله يسامحك
تركي: سسسسسسسنة بالغتي يا فيوه مايصير سنة كان انتوا في القبور من الجوع
يوسف: لا كدا وصلت درجة المبالغة حدها مايصير كده ياخونا هدوا أعصباكم شوي أن......
فيّ: بالله الكنج وصل فينك –فيّ تقلد صوت يوسف (أنا جايكم اليوم متى تنصرفو)- منت قد الشي لاتتفلسف
يوسف: حبيت اعمل مقلب بليييز السماح ولاتزعلي
فيّ : مو انا الي زعلانة اقولك مين
مي: يوسفوه فينك يا كلب والله لا اوريك
فيّ : عرفت مين ؟
يوسف: ياويلي ايش اسوي دحين
تركي: اخصي – تفو يعني – تخاف من ميوه
يوسف: تعرف لو زعلت مي ايش معناه معناه البزنس بتاعي باااااااااااي ياحلو
مي: يوسف تعال هنا تعــــــــــــال
يوسف وهو من بعيد: سامحيني والله ماكان قصدي انا كنت ناوي اسوي مقلب بس لفيّ بس والله ماكان ازعلك يا روحي وانتي عارفتني
مي: ماراح اسوي فيك شي لكن أنت عارف ايش عقابك مافي السيدسهات يابابا وانت دور تلقط وجهك من اصحابك
يوسف: خلااااااص تووووبة والله مااعيدها
مي: بعد أي......
تركي: بسسسسسسسسس انا جيعان ابغى ااااااكل
الام: يا حرام الولد انشل من الجوع وانتو تتضاربو بسكم عاد خلاص هلكتونا مييرري وينك
ميري: الغدا جاهز ماما
الام: يلا الغدا حبايبي
تركي: اخيييييرا الاكل وجع جوعتني زيادة احس كأني مااكلت من كم شهر
كذا واكثر...احبك فوق ما اتصور
بـــــــيــت ســـــالــــم
رويدا : ماما ماابغى هدا العريس وانتي تعرفي هدا الشي اكتر مني
ام راكان: ليش ماتبغيه باين عليه ولد اصول وهو حليوة يابنتي ليش ماتبغيه
رويدا : امي انتي تعرفي اني امووووووت في شي اسمه تركي
ام راكان: يي علينا احنا ماسكرنا هذا الموضوع انسي الولد موحاطك براسه اصلا
رويدا: مصيره يحبني ويموت فيني اذا ماحببته في شي اسمه رويدا مااكون بنت امي وابوية
راكان : انتي ليش ماتسمعي الكلام الولد مايبغى وحدة دلع زيك يبغى وحدة زي اخته مي تحرك البيت عرفتي
رويدا: عندنا احد في البيت زي الست المغرورة مي
سكتوا شوية
هدى: هللللو كيفك راكوني......... اشبكم ساكتين
راكان : عرفتي ميييييييين
رويدا: لايكون قصدك على الهبلة دي يووو اذا زوقو وحش مررة
هدى: هيي احترمي نفسك وبعدين اسمي دودي دودي
رويدا : شفت حتى اسمها متبريه منه والله انك رجال
هدى : احترمي نفسك وبعدين ايش دخلك وحده غيورة
رويدا: اغار من ايه يا امي انا اغارمنك على جمال ان شاء الله – رويدا تغار من هدى لانها فعلا احلى منها هدى جمال برئ عيونها عيون غزال جسمها كان متناسق كل التناسق وهي مهتمه في وحامدة ربها على النعمه اما رويدا كان جمالها بسيط وعادي مو زي جمال هدى -
هدى: ايوة جمال ياامي عندك شي
رندا: اف اف منكم اف 24 ساعة تتناقروا ارحمونا شوية وانتي بس حبابة مشاكل حتى تليفون ماني عارفة كيف اتكلم بسبتكم وبعدين ياامي عندك هادي الثانية لا تقعدي بس تخطبي لتافهه هادي بس
ام راكان: يالله ياريت التافهه هادي ترضى
راكان: بس بس خلاص هلكتوا امي صدق من قال البنات وجع راس
هدى:ايش ايش البنات ايش ماسمعت
راكان: كل البنات وجع راس ماعاد حلوتي دودي حياتي
هدى: تسلم ياروحي << عارفة انه مصلحجي
رويدا:طيب راكان شوف مين الي يعبرك
راكان خسرها ولا طالع فيها زاد غيضها من هدى
هدى:ركوني خذ السي دي وجيب الطلبات سريع عشان انا و ميّوه راح نخرج بعد شوية بعد اذنك ياامي نروح ونجيب طلبات اخوية واخوها
رويدا : اخوها مييييين
هدىوهي تتصل على مي: يوسف< وارسلتلها بوسة من بعيييييد زاد غيض رويدا >فينك يلا انا رايحة البس
..........................................
هدى:طيب يامزا استناكي ها لاتتأخري سلام يامزا
رويدا: رندا أنت كنت تكلمي خطيبك صح ؟
رندا : يب كنت اكلمه وقالي انه اخته انخطبت من واحد اسمه حمد الـ.......
رويدا : ييي هذا اخو ماي فرند مرة مقرفه هادي الادمية
هدى: حاسبة نفسك ملكت جمال السعودية حتى أنتي لزقة
رويدا: احترمي نفسك انا اختك الكبيرة كيف تكلميني كدا وحدة حيوانة
ام راكان: يوووووووووه انتو بس تتضاربوا بسكم صدعتوني
هدى: يلا مامي انا رايحة البس عشان دحين ميّوه تجي سلام يامزا
رويدا : قلللللللللللللللعه وحدة مملة ايش القرف دا
ام راكان: ايوة كملي يارندا
رندا : واليوم شوفتها اذا عجبت العريس راح تسير الملكة
رزان : ملكة مين ؟
ام راكان : بسم الله سلام قوم من رب رحيم سلمي اول بعدين اسألي ملكة مين
رزان : وعليكم السلام ورحمة الله وبركاته ملكة مين
رندا : اعوذ بالله ملكة اخت زوجي ارتحتي
رزان : عسى الي ماتضحك هديك القشرة ييي زوءه وحش اوي ميعرفيش يختار العريس دا
ام راكان: أنت اشلك في الناس خليهم في حالهم
رندا : فين بزورتك ؟
رزان : راحو مع ابوهم بيت جدتهم وبعدين ليش تسألي
رندا : واي عليكي واي حتى بزورتك حرام اسأل عليهم
رويدا : ايش القرف دا انتو اوه سوفاج مااقدر اقعد معاكم يلا ماما انا رايحه myroom-غرفتي
رزان ورندا : قلعه تقلعك هههههههههه
هدى وهي تنزل من الدرج: يلا انا رايحة سلام يا مزز
رندا : سلميلي على مي اوك ووكمان فيّ
هدى وهي عند باب الفيلا : اوك يامزه سلام
رزان : مامي مافي اخبار جديدة
ام راكان: لا اختك رويدا اتقدملها عريس ورفضته
رزان : ايش اسمه ؟
ام راكان :خالد ولد اخو الي ورانا
رزان : واي واي لو اتقدملي انا مارفضته
رندا : ليش؟
رزان: عليه جمال بس تسمي وهو ماشي ولا اقولك على ثقافته وحسن اخلاقه وطيبته واي واي واي
رندا : قولي لاختك الي طايحه عند تركي وهو مو داري عنها
رزان : امي ليش ماتخطبيه لهدى
ام راكان : بس امه طلبت رويدا بالذات
رندا: سبحان الله رغم انه هدى احلى منها
رزان : ياحبيبتي الدنيا تبغى ناس مدلعين زي الست رويدا اما الي زي هدى ينخطبوا بعد عمر طويل
رندا: بس تعرفي عندي هدى ولا رويدا لانها صحيح غلسه ومغرورة وغرورها راح يوديها ورا
رزان : معاكي حق في هذا الشي
رندا : هذا محمد يلا انا رايحه اكلمه سلام يامزز
رزان : اتعديتي من هدى ها مزز قال
كذا و اكثر...احبك فوق ما اتصور
بــــــــــــيـــت عـــبــد الله
ماجد: مسا النور لو ماصحيت كان احسن عارف دحين الساعة كم يافالح
سلطان: الساعة كم ؟
ماجد : الساعة 3ونص الظهر
سلطان: من جد ولا تمزح ؟
ماجد : ايش الي امزح الله يهديك روح بس روح
سلطان : طيب لاتعطيني محاضرات كأني اخوك الصغير ها اتغديت ولا لا
ماجد : لا راح اتغدى مع عبدالله بعد شويه
سلطان : احسن علشان حتى انا خارج
ماجد : طيب.... أنت تعال هنا
سلطان: يالله بدينا ها ايش تبغى
ماجد : اتصلت على لجين امس ولا منت داري ايش سار فيها اصلا
سلطان : ايش صار؟
سلطان: هادي الاجابة الي اتوقعتها انا اصلا اختك امس كانت في المستشفى هي فقر الدم زاد يا استاذ وانت منت داري
سلطان: لا تكتر اهم شي هيه طيبة ؟
ماجد : ايوة الحمد لله جات على خير
سلطان: الحمد لله يلا انا رايح سلام
ماجد : انا لاحقك ..... اوه نسيت أنت روح خلاص
سلطان : براحتك سلام
ماجد: سلام ...... ريكا .. ريكا
ريكا : نعم بابا
ماجد : لاتسوي عشا اليوم خلاص عشان لاانا ولا بابا سلطان في البيت خلاص
ريكا: طيب بابا .. تبغى شي تاني
ماجد : تصدقي جيبي موية مرره عطشان
ريكا : طيب بابا
وكدا انتهى البارت الاول
عرفنا انه رويدا و هدى يكرهوا بعض ايش الي يخليهم يتفقوا ويسيروا سيدا مع بعض


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 4
قديم(ـة) 15-02-2010, 09:42 PM
صورة سحر الكلمات الرمزية
سحر الكلمات سحر الكلمات غير متصل
©؛°¨غرامي جديد¨°؛©
 
الافتراضي رد: روايتي الاولى/ كذا واكثر احبك فوق ماتصور


قد كده ما عجبتكم الرواية فين الردود ؟؟؟؟

خلاص راح انزل البارت التاني اذا ما شفت ردود ما راح اكتب تاني

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 5
قديم(ـة) 15-02-2010, 09:49 PM
صورة سحر الكلمات الرمزية
سحر الكلمات سحر الكلمات غير متصل
©؛°¨غرامي جديد¨°؛©
 
الافتراضي رد: روايتي الاولى/ كذا واكثر احبك فوق ماتصور


البارت الثاني

كذا واكثر...احبك فوق ما اتصور

مـــــاجد وعبــــد الله في المطعم
عبدالله : اخوك متى راح يبطل اهماله ياشيخ شوف حل
ماجد : ياما حاولت بس مافي فايده قد ماتعلم في المتبلم يبات ويصبح ناسي
عبدالله: بس مو حياة الي هوا عايشها لاصلاة ولاعبادة ولا يقوم يشوف دنيته والله لو انا منه كان انتحرت من زمان
ماجد : تعرف ايش قال عمي الي زيك ماينخاف عليه لكن الي زي اخوك هوا الي ينخاف عليه
عبدالله: حتى أنت ينخاف عليك لاتطلع نفسك من الهرجة وبعدين قولي ليش مااتزوجت الين دحين
ماجد : بوسط هادي المشاكل مين الي يتزوج دحين أنت وجهك
عبدالله : ايت مشاكل أنت انا ماني شايف ايت مشكلة غير اخوك وهو كمان يتزوج وريحونا أنت وياه
ماجد : تبغى مرته تنشل ياذكي اول شي هوا مابيقعد في البيت
عبدالله: والله انك صادق اخوك ماني عارف كيف حياته ها مستعد لخرجه اليوم
ماجد: وايش يخليني مااستعد
عبدالله: مدري عنك ممكن عندك شي تبغى تسويه بعد الغدا
ماجد: اكييييييييد عندي اشياء مو شي واحد انفذه وان شاء الله نروح
عبدالله: الساعة كم يعني نروح
ماجد : شوف بعد صلاة العشاء مباشرة ان شاء الله
عبدالله: قود متأكد ولا مش متأكد علشان مانتورط ونروح ومانلاقيك فاهم
ماجد: انا رايح قبلكم يا مسكين من كتر ماشفت من العذاب هدا الاسبوع ماصدقت جا يوم الربوع
عبدالله :أنت الصادق انهرينا هذا الاسبوع شغل فاكر لما اعطيت هداك قسيمه والله خفت ياكلك بأسنانه
ماجد: بالله وفاكر اول امس لما قلت الا تسوي تفتيش في السيارة الي كان فيها الشباب ايش سار فيك والله كنت راح تنفرش لو ماجيت وجا راضي صح ولالا
عبدالله : في هادي ماكدبت انا اعترف كنت رايح فيها وانت تعال هنا أنت ايش عندك عشان تقول عندي شغل
ماجد: مشاوير ابغى اتممها
عبدالله:على راحتك بس تكون هناك في الوقت المحدد فاهم مو تقولي اوه نسيت او راح عليا الوقت
ماجد: لا اطمن ماراح اتأخر
وكملوا غداهم وكل واحد منهم راح بيته

كذا واكثر...احبك فوق ما اتصور
بــــــــيـــت عبد العزيز
فيّ: الله يخليك ماابغى اقعد في البيت لوحدي
تركي: انتي صاحية تبغي تجي معايا الايس رايحين انا والشباب
فيّ: اوف امك راحت عند جارتها واختك خرجت مع هدى ........ والله فكرة جهنمية راح نروح انا ومي وهدى
تركي: انتي وصاحباتك او اختك ماعندي مشكلة لكن انتي معايا انسي الموضوع
فيّ: احسن فكة روح أنت واصحابك سلام
تركي: ومن قلك اني رايح دحين
فيّ: اجل؟
تركي: راح نروح بعد صلاة العشاء
فيّ: طيب راح ادق على ميوه واشوف فينها اوك
تركي: طيب
فيّ: مشغول في ايه
تركي: انتي اشلك انعل ام اللقافة
فيّ: ايوة صرف انا عارفة انك بتواعد بنات وساكته ... مطنش برضو طيب .............. الو هلا يامزا فينك
.................................................. ..........
فيّ:طيب ارجعي سرييع عشان انا وانتي ودودي راح نروح الايس اوك
.................................................. ...........
فيّ:بلا فلسفة انادوبي اتفقت مع تركي ورضي بالقوة عشان انتي تقولي منك فايقة بلا كلام فاضي وشوفي دودي
.................................................. ............
فيّ:طيب يادبة لا تتأخري انتي والهانم الي معاكي سلام يامزز
.................................................. ............
فيّ:يادبة أنت هيي يااستاذ احم احم
تركي: اوف ايش تبغي
فيّ:قالت ميّوه اوك خلاص استبينا
تركي: طيب ايش ابغى اسويلك
فيّ: أنت مافي احد يتكلم معاك وجع..ميري..ميري فينك
ميري: نعم آنسة
فيّ: بالله اطلعي my roomوخذي تيشيرت pink وجينز blue
ميري: اوكيه آنسة وووايكسيسوار
فيّ:something
ميري: اوكيه آنسة
مي: هاي يامزز كيفكم انا هير
فيّ: والمطلوب
مي:ميري..... ميري
ميري: يس آنسة
مي: مرمر بالله اطلعي my room وخذي بلوزة blue ووجينز plak
ميري: يس آنسة وايكسيسوار؟
مي: something
ميري: اوكيه آنسة
فيّ:هههههههههههههههههه
مي :ليش تضحكي انتي ووجهك
فيّ :دوبي ارسلتها والكسسوار قلتلها أي شي زي ماانتي قلتيلها
مي: هذا شي يضحك روحي بس ... سيري
سيري: يس آنسة
مي: شيلي الاكياس ووديها غرفة بابا يوسف اوكيه
سيري: اوكيه آنسة
فيّ: انتي انا ابغى اعرف ايش هيه السديهات الي رايحه وجيه
مي: دا بزنس يامزا يعني حركاتات كده مو لازم اقولك ايش هيه الحركاتات تكوني عرفتيها
فيّ: لاتكون افلام جـ......
مي تقاطعها: اخصي على تفكيرك هذه السيديهات فيها الافلام المهربة يعني الافلام الي لسة مانزلت في السوق آي نو
فيّ: ياغشاشة قاعدة تهربي افلام
مي: على الاقل افرحهم
فيّ: انا اوريكي ..تروك .... تروك
تركي: ايش تبغي
مي: انا نفسي اعرف ايش عندك في كمبيوتر دا ها لايكون متعرف على بنـ.....
تركي يقاطعها: اوف جيبتولي القلق انتي واختك
مي وهي تأشر بيدها: انقل اواس<< معناها انقلع ياوسخ> عن وجهي
تركي:فكه
مي وهي طالعه الدرج: منك يابعيد
ام تركي: السلام عليكم
الكل: وعليكم السلام ورحمة الله وبركاته
تركي: ياهلا بأم تركي كيف جيرانك؟
ام تركي: طيبين ياحليلها بنتهم تنحط عل الجرح يبرئ
تركي:امي احنا ايش اتفقنا مو ما نفتح الموضوع دا تاني
ام تركي: ابغى اشوف عيالك ياولدي قدام عيني
فيّ:اممم اقولك تزوجيه مين؟
ام تركي: مين والله رويدا المسكينة تحبه وتستناه
فيّ: مين دي الي تحبه وتستناه؟
ام تركي: رويدا اخت هدى
تركي: امي هادي البنت ما احبها ولا افكر اطالع فيها
ام تركي: ليش ياولدي والله هي طيبة وحلوة وماشاء الله اخلاق
فيّ: مين الي اخلاق عسى قصدك المغرورة رويدا
ام تركي: والله مو مغرورة بس شكلها الي يقول كده
فيّ: امي تقهر انا اتكلمت معاها كتير ولاتنسي هيه معايا بالجامعة اسألي مي والله مغرورة
مي: مين المغرور؟
فيّ: تعالي ميّوه
ام تركي: تعالي يابنتي
مي: هلا
ام تركي: كيف اخلاق رويدا بنت ام راكان
مي: مغرورة فووووق ماتتخيلي فضيعة ياامي
فيّ: شفتي ياامي مو انا لحالي
ام تركي: حسبتها مسكينة
مي: كانت تبغى تكسبك عشان تخطبيها لتركي
ام تركي: ممكن انتوا تظلموها
فيّ: مافي فايده يا مي ماما مهي راضية تفهمنا
مي: امي لازم تعرفي انه المغرورة رويدا حـيوانة تبغى تكسبك عشان تروك
ام تركي:والله هي احسن من هدى
فيّ: بالعكس يا امي مرررة هدى تفرق عن رويدا
مي: وبعدين هدى احلى من رويدا
ام تركي: بس احسن منها اخلاق وادب
فيّ: مي لاتتعبي نفسك ماما حاطة رويدا في راسها
تركي: وانا قلت ماابغى رويدا خلاص
مي: هوا أنت هنا احنا نسيناك
ام تركي: ياولدي البنت طيبة وحليوة
مي: امي مين الطيب
فيّ : انا داخلة انام تعالي معايا يا مي
مي: جاية وامي انا حبيت اقولك لكنك حاطة البنت في راسك وهي ماتستاهل
ام تركي:روحي الحقي بأختك
تركي: امي انسي الموضوع رويدا ماني خاطب خلاص
ام تركي: ليش ياولدي والله يازينها
تركي: امي اخواتي يعرفوها اكتر منك اكيد مغرورة انا واثق من رأي اخواتي
ام تركي: ومنت واثق من رأيي
تركي: امي لاتحرجيني يلا سلام اصحابي يستنوني
ام تركي:الله يرضى عليك مع السلامة
كذا و اكثر...احبك فوق ما اتصور
بـــــــيـــت ســـــالــــم
ام راكان: رايحين مع مين؟
هدى:رايحين مع ولد عمها وصاحبه واخوانهاواخوية
ام راكان: كلكم مع بعض؟
هدى: اكيد لا ياامي انا وفيو وميو سواوالشباب لحال
ام راكان: احسب كلكم رايحين مع بعض
هدى: اما امي كيف نكون رايحين مع بعض اصلا يجي من بنتك الخبلة
ام راكان : رحم الله امرئ عرف قدر نفسه
هدى:امي ابغى اعرف ليش كلهم بحرف الراء الا انا؟
ام راكان:هههههههه لانه جدتك اصرت تسميك هدى لانه صاحبتها اتوفت في هديك السنة اسمها هدى
هدى:هوا مو سيئ بس حاسة نفسي طالعة من القفة
رويدا: دودي
هدى: هلا يامزا
رويدا: ممكن اجي معاكم
هدى: اييييش
رويدا: ممكن اجي معاكم انا طفشانه
هدى: انا ماعندي مشكلة لكن اشوف فيّ و مي اتصل بهم دحين
رويدا: هاتي انا اتصل بهم
هدى فتحت فمها مفجوعة اكييييد من اختها اول مرة
رويدا: الو السلام عليكم
فيّ: وعليكم السلام
رويدا: كيفك فيّ
فيّ: الحمد لله مين معايا
رويدا: انا رويدا اخت دودي
فيّ بأستغراب: اهااا هلا كيفك
رويدا:الحمدلله تمام فيّ ممكن اجي معاكم اليوم الايس
فيّ:هااا
رويدا: ماما زي منتي عارفة راح تروح عند مامتك وتوئمي خارجة مع خطيبها ورزان قالت مهي جاية ممكن اجي معاكم
فيّ:ok no problem (طيب مو مشكلة )
رويدا:thanks
فيّ: لاشكر على واجب سلام
رويدا: سلام
هدى: وافقت ؟
رويدا في قلبها: اذا مافضحتك اليوم يا فيّ مااكون رو
هدى قاطعتها : ياهووو
رويدا: ها تكلميني
هدى: لا قاعدة اكلم نفسي
رويدا: وافقت بس قولي الساعة كم راح تروحو ؟
هدى: بعد صلاة العشا مباشرة
رويدا: قوووود يلا انا رايحة اجهز سلام
هدى: استني انا طالعة معاكي
ام راكان: بنتي تعالي ابغى اتكلم معاكي
هدى: انا؟
ام راكان: ايوة انتي
هدى بعد ماراحت جنب امها: آمري يأم راكان
ام راكان: بنتي خطبوكي لواحد اسمه خالد آل محمد
هدى: مو دا نفسه الي خطب رويدا
ام راكان:ايوة هو حابب يكون من هادي العيلة واتمنى انك تحقيقي حلمه
هدى: خليني افكر ياامي وارد عليكي خلاص
ام راكان: طيب يا امي خذي راحتك
هدى: تسمحيلي اطلع دحين
ام راكان: روحي ربي يوفقك وينور دربك
هدى في قلبها: عشانك يأمي بس انا ماابغاه ماابغاه راح احاول اخنش وراه الين اطلع فيه عيوب والله
رويدا: دودي تعالي
هدى بطفش: ها ايش تبغي
رويدا: لاتقبلي بالعريس
هدى: ليش ان شاء الله
رويدا: انتوا ماتعرفوا سبب رفضي لخالد
هدى: ندري تحبي تركي خلاص يامزا
رويدا: لا مو بس هادا السبب تتوقعي ارفض شاب حليوة زي خالد وله مقامه بس عشان تركي
هدى: طيب ممكن اعرف ايش السبب
رويدا:تركي كان مجرد حجة عشان ارفض خالد
هدى: طيب السبب
رويدا: راح اقولك لكن خايفة اطيح من عينك
هدى: قولي أنتي طايحة منها من زمااااااان
رويدا: اناااا.... انا كنت اكلمه يعني هوا نسونجي
هدى: من جدك ولا تمزحي
رويدا: هادا شي ما فيله مزاح انتي ووجهك
هدى: اول شي لا تسبي وجهي تاني شي هوا يعرف انك من هادا البيت
رويدا: لا قلتله انه اسمي رهف ومن ينبع وغيرها من الاكاذيب
هدى: وممكن تكوني اول بنت وبجد حبها
رويدا: هه مسكينة حضرتك من جد يكون حبني ورهف وهوا عارف انه انا مو هيه بلا استهبال واستعباط
هدى: اممممم اخيرا لقيت الحجة عليه انا اصلا كنت ابغى انخش وراه عشان اعرف عيب من عيوبه وجات منك
رويدا بخوف: واااايييش راح تقوليلهم ؟
هدى: اممم اقولهم زميلتي في المدرسة اتعرفت عليه بالجوال واكتشفت انه اختها بيكلمها هيه كمان
رويدا: العن ام الكذب بس صدقيني ماكنت ابغاكي تندمي على زواج لانه هادا الموضوع مايبغاله عداوة
هدى: اطمنك سرك في بير سامعه ولالا واذا كررتيها بجد أقول لامي
رويدا: وحدة خبلة
هدى: طيب يااخت المجنون
قاطعهم صوت راكان
راكان: سبحان مغير الاحوال انتوا كيف جالسين مع بعض بدون مناقرة و كمان تضحكوا خبروني ايش في
رويدا: أنت ماتدخل بيني وبين اختي دودي فاهم ولا لا
هدى: ايون ومن اليوم ورايح لازم تسمع كلامها
راكان: لا والله انتي وياها يلا .. نسيت فين المصلحة يا حلوة
هدى: في غرفتك يا حلو
بعد ما خرج راكان
رويدا: انا نفسي اعرف ايش السيديهات الي رايحة وجية
هدى: هادي اسلوب من اساليب تهريب افلام ما نزلت
رويدا: ماشاء الله عليكي حضرتك
هدى:عادي تكت ايزي
رويدا: الساعة كم دحين؟
هدى: اوف الساعة 6ونص
رويدا: ابغى آخذ غفوة قبل لا نروح
هدى: طيب خذي راحتك .... سلام يامزا
رويدا: سلام ياحلوة

وكدهـ انتهى البـــــارت التاني
ايش راح يسير في الآيس
وايش ناوية رويدا على فيّ
ومي ايش قصتها مع ماجد


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 6
قديم(ـة) 21-02-2010, 07:38 AM
صورة الزعيـ A.8K ـمه الرمزية
الزعيـ A.8K ـمه الزعيـ A.8K ـمه غير متصل
δЯέαмş
مستشــ¸.·* غرام *·.¸ـــاري
 
الافتراضي رد: روايتي الأولى : كذا و أكثر أحبك فوق ما تصور


,’


بسم الله


يعطيك العـافية
موفقة إن شـــاء الله


https://forums.graaam.com/238622.html



,’


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 7
قديم(ـة) 23-12-2010, 12:56 AM
صورة على شاطئ النسيان الرمزية
على شاطئ النسيان على شاطئ النسيان غير متصل
༻حِـﮘآيَةِ عِشَقْ مَبَتُوَرهَـْ ༺
 
الافتراضي رد: روايتي الأولى : كذا و أكثر أحبك فوق ما تصور











لـ تأخر الكآتبه



~


روايتي الأولى : كذا و أكثر أحبك فوق ما تصور

الوسوم
((كذا , مآتصور)) , الاولىّ , احبك , روآآآيتي , واكثر...
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
روايتي الثانية : أسى الهجران / كاملة #أنفاس-قطر# روايات كامله - يتم نقل الرواية هنا بعد اكتمالها 5690 02-03-2019 03:05 AM
روايتي الأولى : لا صرت دايم معي دنياي تعجبني ## عسل قلبي ## أرشيف الروايات المغلقة - لعدم إكتمالها 78 17-06-2011 03:55 PM
التقرير الشامل عن الأنمي الكوميدي | School Rumble | عـآزفة افلام انمي - افلام كرتون 10 08-04-2011 01:08 AM
الإتحاد العميد السعودي - رابطة مشجعيه ~ قصــــ غـ،،ـلا ــــــة ~ كووره عربية 1089 02-10-2009 05:14 PM
تحليل دقيق عن روايتي الأولى على غرام بلا حدود مواضيع عامة - غرام 2 18-08-2007 07:19 AM

الساعة الآن +3: 11:03 AM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


تصميم دريم تيم

SEO by vBSEO 3.6.1