غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1
قديم(ـة) 14-02-2010, 11:49 PM
صورة عيوشــآ الرمزية
عيوشــآ عيوشــآ غير متصل
©؛°¨غرامي فعال ¨°؛©
 
رواية والله مستحيل أنساك / بقلمي


السلام عليكم
وش اخباركم عساكم بخير
في منتديات غرام اللي اقلامه ما توقف عن الابداع >> الشهاده لله كلمة حق وتنقال فعلا ان الاعضاء مبدعين
قررت اني انزل روايتي المتواضعه في منتداكم بين اعضاء منتديات غرام
بدايتي ان شاء الله تكون معكم , واتمنى ان شاء الله اني ابيض الوجه
وما اوصيكم بالردود الحلوه يا حلوين>> عشان تمدحوني خخخخخخخخ
انا اتقبل النقد البناء اللي راح يساعدني على تحسين مهاراتي
واكيد بكون سعيده بتقييمكم لي >> هذا ما يعني انكم تطيحون تعليقات وتهزئ لا تنسون اني ملكة احساس وحساسه بزياده يعني راعو مشاعري شوي خخخخخخ
وان شاء الله بدايتي بتكون موفقه بفضل الله ثم بفضل مساندتكم لي >> عاد جاملوني شوي لا تحطموني خخخخخ
تقبلوني بينكم ملكـهـ احسـاس

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 2
قديم(ـة) 15-02-2010, 12:05 AM
صورة سآرهـ..} الرمزية
سآرهـ..} سآرهـ..} غير متصل
©؛°¨غرامي جديد¨°؛©
 
الافتراضي رد: ( والله مستحيـل انسـاك ) روايه رومانسيه خيانه وفاء ظحك هبال صرقعه


مرحبآآآ..}

هلا فيك في منتدانا الغالي..}

تحمست لروايتكـ..}

ننتظر على احر من الجمر..}

تقبلي مروري

سآرونهـ..}


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 3
قديم(ـة) 15-02-2010, 06:56 PM
صورة عيوشــآ الرمزية
عيوشــآ عيوشــآ غير متصل
©؛°¨غرامي فعال ¨°؛©
 
B10 رد: ( والله مستحيـل انسـاك ) روايه رومانسيه خيانه وفاء ظحك هبال صرقعه


فديتهم المتحمسيييييييييييييين وه بس
على فكره انا اموووووت بإسم ساره

اخليكم مع الروايه
" البارت الاول "

" البيت كان اشبه بقصر هادي ,دخلت و بدأ صوت الكعب يملأ هالسكون,
كان شباك الصاله مفتوح على الحديقه ,رمت شنطته على الكنب ونزلت نظارته الشمسيه
بانت عيونه الخضراء ونزلت طرحته على كتوفه وبان شعره الاشقر مع خصله البنيه
فتحت عباته ورمت بنفسه على الكنب واطلقت تنهيده دلت على التعب"
الخدامه: آنسه امل
امل " طفشانه ومو طايقه نفسه": نعم
الخدامه: انت كويس
امل" بعصبيه": ايه بس روحي
الخدامه: حادر
امل" تكلم نفسه ": معقوله الكلام اللي سمعته ؟! معقوله يكون صحيح ؟! طيب ليش ما احد قال لي من قبل ؟!
" ميه سؤال وسؤال يدور في بال امل لكن ما لقت لأسألتها اجابه, سمعت صوت خطوات جايه من الدرج "
" نزل بخطوات ثقيله مشغول يضغط الجوال بإيده والسماعه بإذنه و مرسم بالثوب والشماغ "
امل" رفعت راسه تتأكد من اللي جاي"
عبد المحسن: وش عندك نايمه هنا
امل" انربط لسانه وما تدري وش تقول "
عبد المحسن" يضغط بجواله وهو ما اهتم للسؤال": وش بك
امل" ما نزلت عيونها عن عبد المحسن كانت تبي تتكلم بس كأن فيه احد كمم فمه وما قدرت تتكلم ولا طلع منه حرف"
عبد المحسن" بنظرات احتقار": الحمد لله والشكر ,وش بك انتي !
امل " انحبس الكلام وما قدر يطلع منها "
عبد المحسن: الشرهه على اللي مضيع وقته يتكلم معك
" مشى ولا اهتم للموضوع ولا كأن شي صار, حتى ما فكر يسأل نفسه هي ليش تناظره بدون ما تتكلم وليش باين عليها التعب وليش باين على عيونها آثار البكي "
امل " ما قدرت تمسك نفسه و نزلت دموعه بدون ما تحس ,نزلت دموعه وهي تتذكر كل شي صار وتسترجع ذكرياته "
آه ليت اللي عرفته كلام وينسي
ليته كتاب انكتب وبيدي امسحه
ليته منام وينتهي
وليت التمني ينفع صاحبه
" رن جواله على صوت زيزي "
" دلوقتي صعب تلاقي وحده طيبه .... في زمن ما فيش فيه ناس كتيره طيبين"
" اخذت جواله وشافت الرقم وقفلت جواله ورمته على الارض, اخذت المناديل ومسحت دموعه وقعدت بمكانه سرحانه فكره توديه وفكره تجيبه "

**************************************

" بينما بعيد عن القصور والفلل وبين الحواري الضيقه والبيوت البسيطه "
" مجتمعين على الغداء في الصاله مع جلستها العربيه اللي كل يوم تنزل للأرض من كثر ما يجلسون عليه وهم متعودين ياكلون من صحن واحد "
فاطمه " تعدل نظارته الطبيه بحركه غير اراديه ": يبه بنروح للمخيم اليوم
ابو عبد الله : ان شاء الله استعدوا
ام عبد الله : الله يكتب اللي به خير
مريم ومزنه: الحمد لله
ام عبد الله: وين رايحين
مريم: بنروح ننام
ام عبد الله: غسلوا المواعين بالمطبخ
مزنه: يا سلام! طيب وراه فطيمه ما تغسلهن
ابو عبد الله : وانتي وش شغلتك
مزنه: يبه انا قبل شوي قلطت الغداء كله
ابو عبد الله: اقول يالله انتي واختك على المطبخ
مزنه ومريم " بطفش": ان شاء الله
ام عبد الله: ما يخالف روحوا غسلوا المواعين وفطوم نلقى له شغل خلاص حبيباتي
مريم ومزنه: ان شاء الله
ام علي" الجده مزنه": والله ان بناتك هالثنتين نزغ لا اله الا الله
ام محمد" الجده حصه": ايه والله صدقتي لسانهن يبي له قص
ام عبد الله: حصل خير و انسو الموضوع
عبد الله" مسك جواله وقام": الحمد لله , يمه انا بطلع شوي اذا خلصتوا دقوا علي
ام عبد الله: ان شاء الله
عبير" تمسك يد ابوه": بابا
ابو عبد الله: سمي
عبير: بابا ابي تشتري لي قيم بوي
ابو عبد الله" تورط": يا بنيتي ان جبت لك لازم اجيب لاخوانك
عبير" زعلت": طيب خلاص
ابو عبد الله" ما يقدر يكدر خاطر بنته": خلاص ولا يهمك احاول اجيب لك
مريم" رجعت يوم سمعت طاري اجيب لك": يبه
ابو عبد الله: سمي
مريم: سم الله عدوك يبه متى بتجيب لنا لاب توب
مزنه: ايه يبه متى
ابو عبد الله " تورط بقووه": ايه يصير خير " قام وراح يغسل "
ام عبد الله: هالحين انا ما قلت غسلوا المواعين وش جابكم
مريم: طيب يمه هالحين نروح
ماجد" يتطنز": وين حبيبة ابو مساعد
مريم: نيمه يامال اللي مانيب قايله
مزنه: لا عادي قولي
مريم: يامال ال...
ام عبد الله: بس! يالله قدامي على المطبخ
مريم ومزنه " بدون نفس" : طيب
" ابو عبد الله كان له هيبه بين عياله وبين اخوانه وعند جيرانه وبكل مكان يكون به, مع انه ما عمره مد يده على احد لا صغير ولا كبير بس اللي يشوفه غصب عنه يحترمه لانه جدير بالاحترام"
" مسك الريموت وقعد يقلب بالقنوات ووقف على الجزيره وجلس يتابع الاخبار وبيده الثانيه ماسك السبحه ولسانه يذكر الله "
عبد العزيز : يبه
ابو عبد الله: سم
عبد العزيز: يبه ممكن تحط على الرياضيه
ابو عبد الله: ابشر
عبد العزيز" جلس يتابع المباراة "
" بالمطبخ"
" تكب الباقي من الاكل بصحن عشان تعطيه للدجاج اللي في الحوش وهي سرحانه وتفكر"
مريم" تغسل وهي تغني": غرام اطفال جمعنا .... وكنا بالشعور كبار
مزنه" تكمل وبيده المنشفه ": وفاء قلبي مثل ما توفي العشاق او اكثر...
فاطمه " ما قدرت تتحمل وعصبت": بس اسكتوا ...اشتغلوا اونتم ساكتين
" الكل استغرب ليش عصبت, ليش فطوم الهاديه عصبت, ومافيه شي يخليها تعصب !"
ام عبد الله: خير وش بك !
مريم: يمه بنتك انهبلت سلمي عليه
مزنه: ههههههههههههه
فاطمه: هاه..... لا بس انا ما احب الاغنيه هذي
ام عبد الله: اقول بلا قرق فاضي خلصوا شغلكم عشان نروح بدري
" رفعت الصحن وحبست الدموع بعينه "
ام عبد الله: فطوم مابي مثل كل مره تقعدين ساعه عشان تكبين الاكل للدجاج, عجلي ورانا شغل, زين وانا امك
فاطمه: ان شاء الله يمه
" طلعت ام عبد الله و وراه فاطمه"
ماجد" دخل يعاند مريم ومزنه ويهز راسه": يا حرااااااام
مريم: حرمت عليك عيشتك
ماجد: انا يكسرون خاطري الحريم
مزنه: ليش ؟!
ماجد: ما ادري احس كأنهن خدامات بس يكرفن
مريم" سحبت علبة الصابون ورفعته ": اسمع انت ترى اذا ما ذلفت عن وجهي قسما بآيات الله ان تكون هالعلبه فوق راسك
ماجد" مطنش ويستهبل عليهم زي عادته": يعني انا اقول يمكن الله خلقكم عشان تخدموننا
"مريم واصله وما عنده لف يمين ويسار, وبدون اي مقدمات كبت نص العلبه فوق راس ماجد"
ماجد" عصب": يمااااااه شوفي بنتك هالخبله
ام عبد الله: مريم وش سويتي!
مريم: ابد الله يسلمك أخذت حق بنات حواء
مزنه: هههههههه حلوه
مريم: والقادم احلى
ماجد: كولي تبن والله لو ما انك بنت كنت اعرف شلون اكفخك
مريم" تبي ترفع ضغط ماجد تقلد صوت الدجاجه": بق بق بقيق
مزنه: ههههههههههههه
ماجد: طيب يا مريم هين انا اوريك بيجي لك يوم
مريم: اقول لا يكثر بس يالدجاجه
مزنه: ههههههههههه

" في الحوش"
" فتحت شبك الدجاج وكبت الاكل في الصحن وجلست تتذكر ايام مرت عليها "
كنت بحياتي كل شي
لين الزمن مني خذاك
يبقى بقلبي مكانك
واتذكر ايامي معاك
انا وإن كنت ما اتكلم
من صدمتي يوم فرقاك
دمعي فضحني يوم سال
وضحكتي راحت معاك
" طلعت للحوش تمشي بخطوات بطيئه على رؤوس اصابعها"
: بوووووو
فاطمه" فزت": بسم الله الرحمن الرحيم
: هههههههههههههه
فاطمه: عبير هين اوريك عند امي
عبير: فطوم امزح معك
فاطمه: كولي تبن مانيب ناقصتك
عبير: طيب امي تقول تعالي ساعديه
فاطمه: طيب هذاي جايه اذلفي
" اخذت الصحن وقامت بدون نفس وهي تحاول تواسي نفسه وتنسى اللي فات, لكنه كل ما حاولت تنسى ترجع له الذكريات وتقلب عليها المواجع وتفتح جروحه القديمه"
: فطوم ما خلصتي
فاطمه" تمسح دموعه قبل ما يشوفه احد": الا خلصت
حصه" العمه": يالله تعالي قولي لي وش رايك وش نلبس
فاطمه" ابتسمت ببرود": طيب
حصه" شكت": فطوم بك شي
فاطمه: لا ما بي الا العافيه يالله بسرعه بروح اشوف امي وش تبي
حصه" ما اقتنعت بس عدت الموضوع": طيب على راحتك
" في غرفة البنات "
رقيه" بسابع نومه لانه هلكانه من التعب"
مريم: آه يالقهر حنا نكرف وحبيبة ابو مساعد نيمه
مزنه: خلينا نقومه يكفي النوم
فاطمه: بنات حرام عليكم رقيه امس ما نامت وهي تذاكر طول الليل " سحبت فرشة شعره وطلعت من الغرفه"
مريم" تدف رقيه": انتي هيه قومي
رقيه" نومه خفيف وتقوم اذا لمسه اي شي فتحت عيونه ": بسم الله وش تبين !
مزنه: قومي يكفي النوم
رقيه" باين عليه آثار التعب": حسبي الله عليكم ما صار لي نص ساعه
مريم" تعاند وتفتح الستاير والشباك": يالله قومي بنروح للمخيم
" غطت وجهه بالمخده تبي تضيع صوت السيارات, و صوت العمال يحفرون للشارع الجديد جنب بيتهم"
مزنه: قومي
رقيه" بعصبيه": يماااااااه
مريم: خلاص نامي يامال اللي مانيب قايله
مزنه: لا عادي قولي
مريم: لا ما يحتاج بروح اكلم تيمو
مزنه: سلمي عليه
مريم: وشو له ! بعد شوي بنقعد معه
مزنه: خلاص اذلفي
" فتحت الدولاب اللي كان يطلع صوت اذا فتحوه ويصفر , لانه اكل الدهر عليه وشرب"
رقيه: مزنه والله مو وقته تكفين طلبتك بعدين افتحي الدولاب
مزنه: كولي تبن بطلع لي ملابس
رقيه: اوووووووف
فاطمه: مزنه حرام عليك
مزنه: انتي مالك شغل
فاطمه: كولي تبن

*******************************************

"بينما في مكان ثاني شغل سيارته ال "فياجرا" وطلع من الحديقه وزاد من سرعته وهو يغني مع عبد المجيد عبد الله ويطرب اذانه بأغنيه يحلمون "
: الو
: هلا حبيبي
: حبيبتي انا بالطريق الحين تبين اجيب لك شي
: لا حبيبي سلامتك
: اوكي باي
: حبيبي بلييييز لا تسرع
" بإبتسامه": ان شاء الله
: حسوني انتظرك يالله باي
عبد المحسن: هلا والله
" جاه خط ثاني "
عبد المحسن: الو
: هلا حسن انت وينك
عبد المحسن: انا ....انا مشغول بالاجتماع
: طيب ما شفت امل اليوم
عبد المحسن" يعدل شماغه قبل ينزل من السياره": مين
: اختك امل ما شفته
عبد المحسن: الا
: وينه
عبد المحسن: بالبيت
: طيب يالله سلام
عبد المحسن: لحظه وش السالفه
: ابوك يقول انه درت عن.....

****************************************

" و وسط الشوارع الضيقه والبيوت القديمه
اكياس الزباله مليانه ومرميه قدام البيت هذا
وبزران يلعبون بالسياكل قدام البيت الثاني
وهذي علب بيبسي مرميه بوسط الشارع
مشت بخطوات متسارعه وهي تلتفت على وراء وخايفه لو يقرب له احد
مشت جنبه وحده تكرهه وتحقد عليه"
: اسمع
: هلا
: رح الحق هذي واذا دخلت لبيتهم ارجع
: ابشري
: ابي اجننه
" مع ابتسامه خبيثه": حاضرين
" مشى وراه بخطوات بطيئه, التفتت وشافته وراه "
" وفي نفسه تقول": هذا ليش يلحقني ! لا يمكن انه يبي احد هالبيوت
" دخلت للحاره الثانيه وكان يمشي وراه, الحاره كانت شبه خاليه وما به صوت"
: فديت الحلو
" تجمد الدم بعروقه بعد ما سمعت هالكلام ,
وش بتسوي لو قرب ,ما تعرف احد بهالحاره ولا تعرف تضرب ولا حتى تدافع عن نفسه"
: عطنا وجه وش دعوه
" اسرعت تبي تطلع من هالمكان تبي توصل لبيته وترتاح
لكن من كثر ماكانت خايفه حست انه مشت اميال ولا وصلت لبيته"
: طيب لو كلمه .....ولا ما ملينا عينك
" مشت بخطوات متسارعه, تسمع صوت دقات قلبه ,
ونفسه كان مخطوف كأنه كانت تركض ,تبي توصل وترتاح ,تبي تبعد عن هالحاره "
: ههههههههههه
" التفتت وراه وشافت بنت جيرانهم مستمتعه بالمشهد وتظحك"
: طيب خوذي هذا رقمي
" في نفسه تقول": انا يرمي علي الرقم, انا ما سويت شي غلط, غطوتي ثقيله و لابسه قفازاتي ليش يرمي علي رقمه
: يعني ما تبي تاخذيه..... بعطيه سعود لو ما اخذتيه
" وقفت بمكانه يوم سمعت كلمة سعود, مو قادره تتحرك كأن الشلل اصابه"
" بكل سخريه": ههههههههه خلاص روحي مانيب معطيه
" تجمعت الدموع بعيونه يوم التفتت وشافت بنت جيرانهم
تظحك على الموقف بكل برود كأنه عارفه باللي يصير "
" فتحت الباب اللي كان ماسكته الصخره اللي وراه عشانه خربان وقديم ما ينقفل"
" تنهدت وفتحت غطوته ونزلت قفازات يده
وفتحت الشبك الصغير اللي جنب الباب بالحوش وهي تمسح دموعه وتبتسم
ابتسامه ما عبرت الا عن الالم اللي تحس به,
اخذت الارنب الصغير بحضنه وايده تمسح على ظهره الابيض"
ام سعود" طلعت للحوش بعد ما سمعت صوت الباب انفتح": هلا حبيبتي وين كنتي اشغلتيني عليك
سعود" معصب": اسأليه من اللي كان يمشي معه قبل شوي
ام سعود: سعود وش هالكلام !
" ما تكلمت ولا كلمه, كانت متعوده على كلام سعود اللي يرفع الضغط ومتعوده على امه وهي تحاول تدافع عنه , المشهد ماكان غريب وتعودت عليه"
" فتح الباب وطلع لكنه مالقا احد ورجع, وبدون مقدمات مسكه من شعره"
سعود" معصب و الشرار يطلع من عيونه": من اللي كان يلحقك هاه
" بدات تبكي وتبي تفك ايده": ما ادري ما اعرفه فكني
ام سعود" مسكت كتف سعود تترجاه": يا سعود خف من الله في اختك
سعود" يدف امه": وخري انتي خلين انا أعرف أادبه
" عصبت": انا ابوي مربيني ما احتاج منك تربيه
سعود: قليله الادب وترفع صوته علي بعد " زاد الضرب على اخته شوي ويكسر ظهره"
ام سعود: سعود فك اختك حرام عليك
سعود" معصب": ما تحتاجين تربيه هاه, انا بربيك من اول وجديد يا حيوانه , تبين تفضحيننا بين الجيران تمشين ومعك واحد !
" تبي تفك نفسه من ايده": ما اعرفه والله العظيم ما اعرفه ,هوكان يلحقني انا مالي ذنب
ام سعود: يا وليدي عيال الحرام مالين الدنيا يمكن لحقه وهي ما له ذنب
سعود: طيب رواه يلحقك انتي بس وراه ما لحق بنت الجيران انا اشوفه تمشي معك
" تبكي بحضن امه": ما ادري عنه رح اسأله انا مالي شغل
سعود" بعد ما كفخ اخته وبرد قلبه": زين يا سجا بمشي الموضوع هالمره لك ان رجع مره ثانيه وقال انه يعرفك والله ان موتك على ايدي حلال يا بنت سلطان
" طلع وهو معصب وسكر الباب "
سجا" تبكي": يمه ما اعرفه هو كان يلحقني انا ما اعرفه
ام سعود" تهدي بنته ": ما يخالف حبيبتي اخوك خايف عليك
سجا: لو خايف علي يجي ياخذني من المدرسه
ام سعود: يا بنيتي اخوك بعض الاحيان يصير مشغول
سجا: طيب ليش يتخانق مع سواق الباص !
ام سعود: يمكن صدق السايق غلط عليه
سجا: يمه انتي تكذبين على نفسك, يعني ما تعرفين ولدك , هو يغلط على الذبانه لو وقعت على خشمه
ام سعود: ايه ما يخالف لازم نتحمل وانا امك
سجا: طيب يمه انا بدخل
ام سعود: تعالي وانا امك احط لك غداء
سجا: لا ما ابي شي يمه بروح انام
" ضفت اغراضه ومسحت دموعه ودخلت تنام
متعوده على الضرب ومتعوده على النكد ماكان شي غريب عليها"
" دخلت لغرفته وسكرت الباب رمت شنطته بالارض وعلقت عبايته
,اخذت الصوره اللي على الدرج وحضنته ورمت بنفسه على السرير وبدأت تبكي بصمت "

وينك تجي وتشوف وش صار فيني
من بعد عينك كل المخاليق يقسون
اظحك واجامل و اكتم العبرات
واقول لعيونك همومي تهون

**************************************
نهاية البارت
انتظر توقعاتكم وتعليقاتكم


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 4
قديم(ـة) 15-02-2010, 07:56 PM
صورة سآرهـ..} الرمزية
سآرهـ..} سآرهـ..} غير متصل
©؛°¨غرامي جديد¨°؛©
 
الافتراضي رد: ( والله مستحيـل انسـاك ) روايه رومانسيه خيانه وفاء ظحك هبال صرقعه


تسلم يدكـ ع البآرتــ..}

روووووووعهــ..}

قهرني سعود بمعاملته مع اخته..}

وعبدالمحين ماحبييته ابــد..}

بس حبييت اسالك...}

محددهـ ايام لتنزيل البارتاتــ..}

وهل الروايه كامله عندكـ؟؟!

تقبلي مروري:سآرونهـ..}


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 5
قديم(ـة) 15-02-2010, 08:16 PM
صورة عيوشــآ الرمزية
عيوشــآ عيوشــآ غير متصل
©؛°¨غرامي فعال ¨°؛©
 
الافتراضي رد: ( والله مستحيـل انسـاك ) روايه رومانسيه خيانه وفاء ظحك هبال صرقعه


سارونه انا اكتب وانزل بس لو حبيبتي ممكن احدد يوم انزل فيه
ولا تخافين الروايه كامله
وانا بحاول انزلها كامله بإذن الله
يسلمووووووووووووو يا قمر على مرورك الحلو

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 6
قديم(ـة) 15-02-2010, 08:50 PM
صورة دلوعه ومزيونه الرمزية
دلوعه ومزيونه دلوعه ومزيونه غير متصل
©؛°¨غرامي مجتهد¨°؛©
 
الافتراضي رد: ( والله مستحيـل انسـاك ) روايه رومانسيه خيانه وفاء ظحك هبال صرقعه


واااااااااااو يجنن وقهرني اسعود اذا كل من لحقنا وقالو تعرفينه عزالله عرفنا نص الديرره وعبدالمحسن ماحبيته لعووبي ويسلموووووووووو على الباااااارت وننتظررررررج ويالليت تحطين الايام للتنزلين الباااارت

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 7
قديم(ـة) 15-02-2010, 08:56 PM
صورة عيوشــآ الرمزية
عيوشــآ عيوشــآ غير متصل
©؛°¨غرامي فعال ¨°؛©
 
الافتراضي رد: ( والله مستحيـل انسـاك ) روايه رومانسيه خيانه وفاء ظحك هبال صرقعه


يسلمووووووووووو يا دلوعه على مرورك الحلو
ان شاء الله كل يوم اربعاء وكل يوم احد فيه بارت جديد
تشكرات يا حلويييييييييين

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 8
قديم(ـة) 15-02-2010, 11:11 PM
صورة ~*§¦§وشـ.الذكريات.ـاح§¦§* الرمزية
~*§¦§وشـ.الذكريات.ـاح§¦§* ~*§¦§وشـ.الذكريات.ـاح§¦§* غير متصل
لاجِيِت أبْعقل يِضحك الطِيش بدرِيِ
 
الافتراضي رد: ( والله مستحيـل انسـاك ) روايه رومانسيه خيانه وفاء ظحك هبال صرقعه


يجنننننننننننننننن انتظر البارت الثااااني

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 9
قديم(ـة) 15-02-2010, 11:13 PM
صورة عيوشــآ الرمزية
عيوشــآ عيوشــآ غير متصل
©؛°¨غرامي فعال ¨°؛©
 
الافتراضي رد: ( والله مستحيـل انسـاك ) روايه رومانسيه خيانه وفاء ظحك هبال صرقعه


مرحبا يا حلوين
بالنسبه لشخصيات البارت الاول كالتالي:
امل \ بنوته دلوعه اموره وطيبه ومتواضعه عمره 22
عبد المحسن\ انسان نذل وحقير مغرور وشايف نفسه وعنده حركات بطاله عمره 26
ابو عبد الله \ رجال طيب وعصامي قضى حياته يساعد اهله واخوانه
ام عبد الله \ حنونه وطيبه ربة بيت ممتازه
ام علي\ اللي هي ام ابو عبد الله حنونه بس ما ترضى بالغلط
ام محمد\ بنته ام عبد الله شخصيته نفس ام علي وكانهن خوات
حصه\ العمه توأم اخته نوره بنات ام علي طيبات وحبوبات لكن صعبانك تفرق بينهن عمرهن 25
عبد الله\ رجال تحطه على يمناك وما تندم عمره 24
رقيه\ بنت خكريه وبه دلع بعض الاحيان لكنه تطلع ام العرابجه عند اللزوم عمره 22
فاطمه\ بنت طيبه وحنونه مثقفه والنظارات ما يجن من فراغ عمره 21
مزنه\ بنت واثقه من نفسه وشخصيته قويه, هي الذراع اليمين لمريم وخططه عمره 19
مريم\ بنت عربجيه وزاحفه تحب الهوشات والمشاكل لكنه طيبه عمره 18
ماجد\ انسان بسيط يحب المزح واهم شي عنده القريشات عمره 16
عبد العزيز\ احلى واحد بين اخوانه وشخصيته قويه يحب المزح والاستهبال عمره 12
عبير\ بنوته كيووووت عقله كبير عمره 8
ام سعود\ طيبه وعلى نياته ما تعرف تاخذ حقه لو تشوفونه تكسر خاطركم
سعود\ نذل وحقيييير يدور القروش دواره عمره 24
سجا\ هالبنت دايم مظلومه بس تحاول تدافع عن نفسه طيبه وحبوبه وملكة جمال عمره 18


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 10
قديم(ـة) 15-02-2010, 11:14 PM
صورة عيوشــآ الرمزية
عيوشــآ عيوشــآ غير متصل
©؛°¨غرامي فعال ¨°؛©
 
الافتراضي رد: ( والله مستحيـل انسـاك ) روايه رومانسيه خيانه وفاء ظحك هبال صرقعه


تسلمي يا عاشقه
ويسلم مرورك الحلو
فديتك وه بس

رواية والله مستحيل أنساك / بقلمي

الوسوم
( والله مستحيـل انسـاك ) روايه رومانسيه خيانه وفاء ظحك هبال صرقعه , البارتات من 1 لين 16 بالصفحه 59 , روايه روعه سلمت اناملك ملوكه
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
نظرة حب / كاملة سجينة حب روايات كامله - يتم نقل الرواية هنا بعد اكتمالها 217 06-01-2016 04:59 AM
قصة رومنسيه اسمهآ احبك كلمة قليلة في حقك روعه هالقصه سووآهآ قلبيَ أرشيف الروايات المغلقة - لعدم إكتمالها 195 14-03-2011 10:55 AM
صفحة ألم شيقه وممتعه و مبكيه ومفرحه في الأخير تجنن fofo's smiles أرشيف الروايات المغلقة - لعدم إكتمالها 147 25-12-2009 06:15 PM
موسوعة اشعار اغاني راشد الماجد ..,,!! (TXT) عزت ابو عوف ارشيف غرام 1 26-08-2007 06:44 PM
قمر خالد / كاملة samt_alskooon روايات كامله - يتم نقل الرواية هنا بعد اكتمالها 149 04-11-2006 08:46 PM

الساعة الآن +3: 12:18 AM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


youtube

SEO by vBSEO 3.6.1